នៅថ្ងៃទី ២៥ ឧសភានេះ មន្ត្រីព្រំដែនខាងជើងរបស់ វៀតណាម បានឱ្យដឹងថា សកម្មភាពនាំចេញ-នាំចូលផលិតផលតាមច្រកទ្វារព្រំដែន Ma Lu Thang (វៀតណាម) និង Jinshuihe (ចិន) ចាប់ផ្ដើមដំណើរការឡើងវិញ ក្រោយផ្អាកសកម្មភាពអស់មួយរយៈពេលយូរ។
ភាគីទាំងសងខាង បានឯកភាពគ្នាលើចំណុចជាច្រើនដើម្បីបង្កភាពងាយស្រួលសម្រាប់ការដោះដូរទំនិញតាមច្រកព្រំដែននេះ ប៉ុន្តែ ក៏ត្រូវកំណត់យ៉ាងតឹងរឹងដើម្បីធានាលើកការអនុវត្តវិធានការទប់ស្កាត់កូវីដ-១៩ ផងដែរ។
មុននោះ ដោយសារតែកូវីដ-១៩ មានភាពស្មុគស្មាញខ្លាំង ភាគីខាងចិន បានផ្អាកការនាំចូលទំនិញពី ទឹកដីវៀតណាម ដែលឆ្លងកាត់ច្រកទ្វារព្រំដែន Jinshuihe-Ma Lu Thang ចាប់ពីថ្ងៃទី ២៣ តុលា ២០២១ ធ្វើឱ្យកសិផលរបស់ វៀតណាម និងការដោះដូរពាណិជ្ជកម្មអន្តរជាតិតាមច្រកព្រំដែននេះជួបការលំបាកខ្លាំង។
