សម្តេចអគ្គមហាសេនាបតីតេជោ ហ៊ុន សែន បានអញ្ជើញទទួលវ៉ាក់សាំងបង្ការជំងឺកូវីដ-១៩ Covishield ពីរដ្ឋាភិបាល និងប្រជាជន នៃសាធារណរដ្ឋឥណ្ឌា ចំនួន ៣២៥,០០០ ដូស។
ក្នុងចំណោម ៣២៥,០០០ ដូស ខាងលើនេះ មាន ២ សែនដូស បានមកដល់ កម្ពុជា កាលពីល្ងាចមិញរួចហើយ ចំណែកចំនួនដែលនៅសល់នឹងមកដល់ជាបន្តបន្ទាប់ក្នុងខែមេសានេះ។
ការប្រគល់ និងទទួលវ៉ាក់សាំងខាងលើ ត្រូវបានធ្វើឡើងនៅ វិមានសន្តិភាព នាព្រឹកថ្ងៃទី ១២ ខែមេសា ក្រោមអធិបតីភាព សម្ដេច ហ៊ុន សែន នាយករដ្ឋមន្ត្រីកម្ពុជា និងលោកជំទាវ ទេវ្យានី ខូប្រាហ្គាដេ (Devyani Khobragade) ឯកអគ្គរដ្ឋទូត នៃសាធារណរដ្ឋឥណ្ឌា ប្រចាំកម្ពុជា។
