យោងតាម ក្រសួងពាណិជ្ជកម្មកម្ពុជា តម្លៃលក់រាយប្រេងឥន្ធនៈតាមស្ថានីយលក់ប្រេងនៅទូទាំងប្រទេស ចាប់ពីថ្ងៃទី ១១ ដល់ ២០ កក្កដា ឆ្នាំ ២០២២ ត្រូវបានតម្រូវឱ្យលក់ក្នុងតម្លៃទាបជាងមុនពី ៥៥០ រៀល ដល់ ៦០០ រៀល/លីត្រ។
ក្រសួងពាណិជ្ជកម្ម បានកំណត់ឱ្យលក់ប្រេងសាំងធម្មតាក្នុងតម្លៃ ៥.២៥០រៀល/លីត្រ (ចុះ ៥៥០រៀល) និងប្រេងម៉ាស៊ូតត្រូវលក់ក្នុងតម្លៃ ៥.៦០០រៀល/លីត្រ (ចុះ ៦០០រៀល)។ សូមអានសេក្ដីលម្អិតដូចខាងក្រោម៖
ដោយឡែក តម្លៃប្រេងនៅលើទីផ្សាររបស់ អាស៊ី ដែលជួញដូរនាព្រឹកថ្ងៃទី ១១ កក្កដា មានការឡើងចុះខុសគ្នា។ ក្នុងការជួញដូរកាលពីព្រឹកមិញនេះ ប្រេង Brent ដែលប្រគល់មានកាលកំណត់ ឡើងថ្លៃ ១១ សេនសហរដ្ឋអាម៉េរិក (០.១%) ដោយលក់ក្នុងតម្លៃ ១០៧.១៣ ដុល្លារអាម៉េរិក/ធុង ខណៈដែលប្រេង WTI ធ្លាក់ថ្លៃ ១៥ សេនសហរដ្ឋអាម៉េរិក (០.១%) ចុះមកនៅត្រឹម ១០៤.៦៤ ដុល្លារ/ធុង។
តម្លៃប្រេងនៅទីផ្សារអន្តរជាតិមានភាពច្របូកច្របល់បែបនេះ អាចបណ្ដាលមកពីស្ថានភាពប្រែប្រួលលឿនពេក ទាក់ទិននឹងបញ្ហាសង្គ្រាមនៅ អ៊ុយក្រែន ប្រភពផ្គត់ផ្គង់ប្រេង បញ្ហាកូវីដ-១៩ វិបត្តិអតិផរណាជាដើម។ល។
