PR - La Reine Media

MGI ជួយប្រយុទ្ធប្រឆាំងនឹងការរាតត្បាតនៃ ជំងឺកូវីដ-១៩ ក្នុងតំបន់អាស៊ីអាគ្នេយ៍ តាមរយៈការបង្កើតមន្ទីរពិសោធន៍ចល័តប្រកបដោយភាពច្នៃប្រឌិត ក្រោមការគាំទ្ររបស់ LSEA

សេចក្តីប្រកាសព័ត៌មាន

(រាជធានីភ្នំពេញ ថ្ងៃទី ១៧ ខែមីនា ឆ្នាំ២០២២)

ក្រុមហ៊ុន MGI Tech Co., Ltd. (MGI) ដែលជាក្រុមហ៊ុនឈានមុខក្នុងពិភពលោក ខាងផ្នែកវេជ្ជសាស្ត្រ និងច្នៃប្រឌិត បាន និងកំពុងចូលរួមចំណែកក្នុងការគ្រប់គ្រង និងបង្ការ ជំងឺកូវីដ-១៩ នៅក្នុង តំបន់អាស៊ីអាគ្នេយ៍ ខណៈដែលជំងឺរាតត្បាតសកលនេះ នៅតែជាបញ្ហាប្រឈម នឹងគំរាមកំហែងដល់ប្រព័ន្ធសុខាភិបាលសាធារណៈនៅក្នុងតំបន់។ MGI បានផ្តួចផ្តើមបង្កើតមន្ទីរពិសោធន៍កុងតឺន័រ Champa LSEA ដែលជាមជ្ឈមណ្ឌលដៃគូសហការធ្វើតេស្តដំបូងគេក្នុង ប្រទេសឡាវ ក្រោមការគាំទ្រពី សម្ព័ន្ធ Road Life Science Economy Alliance (LSEA) និង Sithandone Joint Development Co., Ltd. (STD) ដើម្បីជួយ ប្រទេសឡាវ បង្កើនសមត្ថភាពក្នុងការធ្វើតេស្តរក វីរុសកូវីដ-១៩ និងរៀបចំសម្រាប់ការបើកជាបណ្តើរៗ នូវព្រំដែនរបស់ខ្លួនឡើងវិញនៅក្នុងឆ្នាំ ២០២។ មន្ទីរពិសោធន៍ចល័តធ្វើឡើងពីកុងតឺន័រប្រកបដោយភាពច្នៃប្រឌិតនេះ ត្រូវបានបញ្ជូនទៅ ខេត្តចំប៉ាសក្ដិ កាលពីថ្ងៃទី ១៧ ខែមីនា និងបានដាក់ឱ្យប្រតិបត្តិការនៅក្នុងមន្ទីរពេទ្យ ខេត្តចំប៉ាសក្ដិ ដែលជាដៃគូសហការរបស់ STD ក្នុងគម្រោង ១១ លានដុល្លារសហរដ្ឋអាម៉េរិក។

ក្រោមផែនការទេសចរណ៍តំបន់បៃតង រដ្ឋាភិបាលឡាវ បានអនុញ្ញាតឱ្យបើកឡើងវិញមួយផ្នែកខ្លះនៃព្រំដែន ដើម្បីស្វាគមន៍ភ្ញៀវ និងដើម្បីជំរុញវិស័យទេសចរណ៍ ឲ្យមានភាពរស់រវើកឡើងវិញចាប់តាំងពីថ្ងៃទី ១ ខែមករា មកម្ល៉េះ ប៉ុន្តែដោយសារប្រទេសនេះកំពុងតែប្រឈមនឹងការរីករាលដាលនៃ ជំងឺកូវីដ-១៩ នៅក្នុងសហគមន៍ តម្រូវការកែលម្អលើប្រព័ន្ធបង្ការ និងគ្រប់គ្រងការឆ្លង នៅតែជាកត្តាចាំបាច់ជាងពេលណាៗទាំងអស់។

សាងសង់ក្នុងទូកុងតឺន័រប្រវែង ១២ ម៉ែត្រ ហើយអាចចល័តបាន មន្ទីរពិសោធន៍ Champa LSEA ត្រូវបានរចនាឡើងដើម្បីបំពេញតម្រូវការធ្វើតេស្តទ្រង់ទ្រាយធំ នឹងបានបំពាក់ដោយប្រព័ន្ធស្វ័យប្រវត្តិកម្មរបស់ MGI ដែលអនុញ្ញាតឱ្យមន្ត្រីបច្ចេកទេសខាងពិសោធន៍ អាចធ្វើតេស្តបានរហូតដល់ ៣,០០០ សំណាកក្នុងមួយថ្ងៃ និងរហូតដល់ ៣០,០០០ សំណាក ក្នុងមួយថ្ងៃ ប្រសិនបើ ១0 សំណាក ត្រូវបានលាយបញ្ចូលគ្នាក្នុងបំពង់តែមួយសម្រាប់ការធ្វើតេស្តជាបាច់ ជាលទ្ធផល គឺវាបានជួយបង្កើនប្រសិទ្ធិភាព និងសមត្ថភាពនៃការធ្វើតេស្ត អាស៊ីតនុយក្លេអ៊ីក របស់ ប្រទេសឡាវ។

មន្ទីរពិសោធន៍ដ៏ទំនើបនេះ អនុញ្ញាតឱ្យការពិសោធមានលក្ខណៈសាមញ្ញជាងមុន សម្រាប់នីតិវិធីដែលពឹងផ្អែកខ្លាំងលើកម្លាំងពលកម្ម និងចំណាយពេលច្រើន ដែលជាធម្មតាវាផ្តល់លទ្ធផលនៃការធ្វើតេស្តរោគវិនិច្ឆ័យតែម្តង ដោយសារតែវាត្រូវបានភ្ជាប់មកជាមួយនូវប្រព័ន្ធស្វ័យប្រវត្តិកម្មកម្រិតខ្ពស់ពីរគឺ MGISP-960 និង MGISTP-7000 សម្រាប់ការរៀបចំគំរូ និងការផ្ទេរគំរូរៀងៗខ្លួន កាត់បន្ថយតម្រូវការកម្លាំងពលកម្មមនុស្ស និងកាត់បន្ថយពេលវេលារង់ចាំលទ្ធផល និងជួយសម្រួលខ្សែចង្វាក់ការងារទាំងមូល។

ជាមួយនឹងសារធាតុចម្រាញ់ សម្ភារៈប្រើប្រាស់ និងសម្ភារៈការពារ មន្ទីរពិសោធន៍ Biosafety Level 2 ត្រូវបានពង្រឹងបន្ថែមជាមួយនឹងប្រព័ន្ធខ្យល់ចេញចូលដ៏ទំនើប សម្រាប់ការផ្លាស់ប្តូរខ្យល់ ការគ្រប់គ្រងសម្ពាធ និងការសម្លាប់មេរោគ ព្រមទាំងមានបន្ទប់ដែលមានមុខងារសំខាន់ៗចំនួនបីបន្ថែមទៀតគឺ៖ បន្ទប់រៀបចំសារធាតុប្រតិកម្ម បន្ទប់រៀបចំសំណាក និងបន្ទប់មីក្រូទស្សន៍ (Amplification Room) ។

ជាមួយនឹងវិធីសាស្ត្រប្រកបដោយភាពច្នៃប្រឌិត និងល្អបំផុតរបស់ MGI មន្ទីរពិសោធន៍ចល័ត ត្រូវបានរចនាឡើងដើម្បីផ្ដល់ភាពងាយស្រួលក្នុងការដឹកជញ្ជូន និងអាចដាក់ពង្រាយបានយ៉ាងឆាប់រហ័សនៅក្នុងពហុកីឡាដ្ឋាន និងទីលានកីឡា មន្ទីរពេទ្យសហគមន៍ និង ស្រុក មន្ទីរសុខាភិបាល ឬកន្លែងណាក៏ដោយដែលសមស្របក្នុងស្ថានភាពអាសន្ន ដែលតម្រូវឱ្យមានការធ្វើតេស្តទ្រង់ទ្រាយធំ ដោយកាត់បន្ថយពេលវេលាសម្រាប់ការដឹកជញ្ជូនសំណាក និងពេលវេលាធ្វើដំណើររបស់អ្នកជំងឺក្នុងតំបន់ ដែលត្រូវការការធ្វើតេស្ត PCR យ៉ាងឆាប់រហ័ស។ ជាងនេះទៅទៀត មន្ទីរពិសោធន៍ក៏អាចបម្រើជាស្ថានីយត្រួតពិនិត្យសម្រាប់ការបំប្លែងខ្លួននៃវីរុស ធ្វើឱ្យវាក្លាយជាឧបករណ៍ដែលអាចប្រើប្រាស់បានក្នុងគ្រាដែលមិនធ្លាប់មានពីមុនមកសម្រាប់ការគ្រប់គ្រងជំងឺរាតត្បាត។

“ក្នុងនាមជាសាជីវកម្មសាកល មន្ទីរពិសោធន៍ចល័ត MGI មិនត្រឹមតែមាននៅក្នុង ប្រទេសឡាវ ប៉ុណ្ណោះទេ ប៉ុន្តែក៏មានវត្តមាននៅក្នុងតំបន់អាស៊ីអាគ្នេយ៍ និងជុំវិញពិភពលោកផងដែរ។ ចាប់តាំងពីមានការរីករាលដាលនៃជំងឺរាតត្បាតសកលមក MGI បាន និងកំពុងដើរតួនាទីយ៉ាងសំខាន់ក្នុងការប្រយុទ្ធប្រឆាំង ជំងឺកូវីដ-១៩ ដោយអនុញ្ញាតឱ្យសហគមន៍ និងរដ្ឋាភិបាលបង្កើនសមត្ថភាព និងប្រសិទ្ធភាពធ្វើតេស្តរបស់ពួកគេ ដើម្បីអាចធានាបាននូវបរិយាកាសការងារដែលមានសុវត្ថិភាពជាងមុនសម្រាប់មន្ត្រីសុខាភិបាលជួរមុខ” នេះបើតាមការលើកឡើងរបស់លោកវេជ្ជបណ្ឌិត Roy Tan នាយកគ្រប់គ្រងទូទៅនៃ MGI Asia Pacific។ ចាប់តាំងពីថ្ងៃដំបូងរហូតមកទល់បច្ចុប្បន្ន ដើម្បីចូលរួមប្រយុទ្ធប្រឆាំងនឹងជំងឺរាតត្បាតដែលកំពុងតែគំរាមកំហែងដល់សុខភាពសាធារណៈ ដែលពិភពលោកកំពុងប្រឈម MGI បានខិតខំស្វះស្វែងផ្តល់នូវប្រព័ន្ធស្វ័យប្រវត្តិកម្មដល់ប្រទេសជាង ៧០ រួមមានទាំង ប្រទេសសិង្ហបុរី ថៃ ម៉ាឡេស៊ី អារ៉ាប៊ីសាអូឌីត និង អេមីរ៉ាតអារ៉ាប់រួម។

លោកវេជ្ជបណ្ឌិត Khamsing Keothongku នាយកមន្ទីរពេទ្យខេត្តចំប៉ាសក្ដិ មានប្រសាសន៍ថា៖ “មន្ទីរពិសោធន៍ Champa LSEA ដែលមន្ទីរពេទ្យខេត្តចំប៉ាសក្ដិ និង STD ទើបទទួលបាន នឹងផ្តល់អត្ថប្រយោជន៍ជាច្រើនដល់ ខេត្តចំប៉ាសក្ដិ និងក្នុងតំបន់ជុំវិញ ក្នុងការបង្ការ និងគ្រប់គ្រងជំងឺរាតត្បាត កូវីដ-១។ មន្ទីរពិសោធន៍ដែលបំពាក់ដោយឧបករណ៍ទំនើបរបស់ MGI ក៏នឹងជួយកាត់បន្ថយកម្លាំងពលកម្មដែលត្រូវការផងដែរ នេះគឺជាគោលបំណងចម្បងក្នុងការធ្វើឱ្យប្រសើរឡើងនូវប្រសិទ្ធភាព និងសមត្ថភាពនៃការធ្វើតេស្ត កូវីដ-១៩ ។

ក្រៅពីទប់ស្កាត់ការរីករាលដាលនៃជំងឺកូវីដ-១៩ មន្ទីរពិសោធន៍ Champa LSEA ក៏មានសមត្ថភាពក្នុងការក្លាយជាហេដ្ឋារចនាសម្ព័ន្ធសុខាភិបាលសាធារណៈរយៈពេលវែងសម្រាប់ ប្រទេសឡាវ ហើយនឹងបន្តផ្តល់ប្រយោជន៍សម្រាប់សហគមន៍មូលដ្ឋានផងដែរ។ ដោយមានបច្ចេកវិទ្យា «ញែកហ្សែន» លំដាប់ខ្ពស់របស់ MGI មន្ទីរពិសោធន៍ចល័តអាចដើរតួនាទីក្នុងការបង្ការ និងគ្រប់គ្រងជំងឺឆ្លងក្នុងតំបន់ផ្សេងៗទៀត ដូចជាជំងឺគ្រុនចាញ់ គ្រុនឈាម របេងជាដើម ឬ ក្នុងការរកឃើញសញ្ញានៃការវិវត្តដំបូងនៃពិការភាពពីកំណើត ដុំសាច់ និងបញ្ហាសុខភាពផ្សេងៗទៀត ដែលកើតមានឡើងចំពោះមនុស្សគ្រប់រូប។

###

អំពី MGI

ក្រុមហ៊ុន MGI Tech Co., Ltd. (MGI) ជាបុត្រសម្ព័ន្ធរបស់ BGI Group ដែលជាក្រុមហ៊ុនឈានមុខគេក្នុងពិភពលោក លើវិស័យវិទ្យាសាស្ត្រហ្សែន បានប្តេជ្ញាចិត្តក្នុងការផលិតឧបករណ៍ស្នូល និងបច្ចេកវិទ្យាដើម្បីដឹកនាំជីវិតតាមរយៈការច្នៃប្រឌិតដ៏ឆ្លាតវៃ។ ដោយផ្អែកលើបច្ចេកវិទ្យាដ៏ទំនើបរបស់ខ្លួន MGI បានផ្តោតលើការស្រាវជ្រាវ និងការអភិវឌ្ឍ ការផលិត និងការលក់ឧបករណ៍ញែកហ្សែន សារធាតុប្រតិកម្មសម្រាប់ធ្វើតេស្ត និងផលិតផលដែលពាក់ព័ន្ធ ដើម្បីគាំទ្រដល់ការស្រាវជ្រាវផ្នែកវេជ្ជសាស្ត្រ កសិកម្ម គុណភាពឱសថ និងការថែទាំសុខភាព។ បេសកកម្មរបស់ MGI គឺដើម្បីបង្កើត និងអភិវឌ្ឍឧបករណ៍វិទ្យាសាស្ត្រ សម្រាប់ការថែទាំសុខភាពនាពេលអនាគត។ គិតត្រឹមខែធ្នូ ឆ្នាំ ២០២០ MGI មានវត្តមាននៅក្នុងទីផ្សារច្រើនជាង ៧0 ប្រទេស និងតំបន់ បំពេញតម្រូវការដល់អ្នកប្រើប្រាស់អន្តរជាតិជាង ១,០០០ នាក់ និងផ្តល់ការងារដល់អ្នកជំនាញជាង ១,៧០០ នៅទូទាំងពិភពលោក ដែលក្នុងនោះ មាន ៣៣% គឺជាបុគ្គលិក R&D។ សម្រាប់ព័ត៌មានបន្ថែម សូមចូលទៅកាន់គេហទំព័រ MGI ឬបណ្តាញ Twitter, LinkedIn ឬ YouTube ។

*លុះត្រាតែមានចែងផ្សេងក្រៅពីនេះ សារធាតុសម្រាប់ធ្វើតេស្ត និងសារធាតុផ្សំផ្សេងៗទៀត មិនមាននៅក្នុង ប្រទេសអាល្លឺម៉ង់ សហរដ្ឋអាមេរិក អេស្ប៉ាញ ចក្រភពអង់គ្លេស ហុងកុង ស៊ុយអែត បែលហ្ស៊ិក និងអ៊ីតាលី នោះទេ។

អំពី LSEA

Life Sciences Economy Alliance (LSEA) គឺជាសម្ព័ន្ធភាពពហុវិស័យតែមួយគត់ដែលបានប្តេជ្ញាចិត្តក្នុងការអភិវឌ្ឍផ្នែកវេជ្ជសាស្ត្រ និងច្នៃប្រឌិតបច្ចេកវិទ្យា ការលើកកម្ពស់កិច្ចសហប្រតិបត្តិការអន្តរជាតិ និងការអភិវឌ្ឍឧស្សាហកម្មវិទ្យាសាស្ត្រជីវិត។ បេសកកម្មរបស់សម្ព័ន្ធគឺដើម្បីជំរុញសហគមន៍នៃអ្នកពាក់ព័ន្ធផ្នែកបច្ចេកវិទ្យាវេជ្ជសាស្ត្រ និងបង្កើតពិភពលោកឱ្យកាន់តែប្រសើរឡើងតាមរយៈវេទិកា និងកម្មវិធីផ្សេង។ មន្ទីរពិសោធន៍ Champa LSEA នៅ ប្រទេសឡាវ ដែលស្ថាបនាដោយសមាជិក LSEA នឹងក្លាយជាឧទាហរណ៍មួយ ហើយនឹងធ្វើឱ្យកាន់តែប្រសើរឡើងនូវសមត្ថភាព Precision Medicine (ព្យាបាលត្រូវតាមលក្ខណរបស់បុគ្គល) របស់ ប្រទេសឡាវ។ ទន្ទឹមនឹងនេះ LSEA ក៏ផ្តល់នូវប្រព័ន្ធមន្ទីរពិសោធន៍ស្តង់ដារ ហើយក៏ជាប្រតិបត្តិករដែលត្រូវបានបណ្តុះបណ្តាលយ៉ាងល្អ ដើម្បីធានាបាននូវប្រសិទ្ធភាព និងគុណភាពនៃការធ្វើតេស្តអាស៊ីតនុយក្លេអ៊ីក។ LSEA នឹងបន្តកសាងសហគមន៍ជោគវាសនារួមគ្នាជាមួយសមាជិករបស់យើងនៅតាមតំបន់ ” Belt and Road” តាមរយៈនៃការផ្លាស់ប្តូរ និងកិច្ចសហប្រតិបត្តិការ។

អំពី STD

កោះបួនពាន់ ដែលជាតំបន់ថ្មីនៅក្នុង ខេត្តចំប៉ាសក្ដិ ជាគម្រោងវិនិយោគបរទេសដ៏ធំបំផុតមួយនៅក្នុង ប្រទេសឡាវ គោលដៅគឺបង្កើតជាទីក្រុងបៃតង និងទំនើប ដែលមិនប៉ះពាល់ដល់បរិស្ថាន។ ក្រុមហ៊ុនអភិវឌ្ឍន៍ Sithandone Joint Development Co., Ltd. (STD) មានបំណងកសាងឲ្យទៅជាទីប្រជុំជន រមណីយដ្ឋាន និងកន្លែងកម្សាន្ត ដើម្បីទាក់ទាញទេសចរមកពីជុំវិញពិភពលោក។ ការអភិវឌ្ឍនេះ រួមមានមជ្ឈមណ្ឌលពិព័រណ៍ និងសន្និបាតពាណិជ្ជកម្មអាស៊ី មជ្ឈមណ្ឌលស្រាវជ្រាវកសិកម្ម ក៏ដូចជារោងចក្រកែច្នៃ អគារផ្សេងៗ នឹងសេវាកម្មទេសចរណ៍ជាដើម។ STD គ្រោងនឹងវិនិយោគជាង ៩ ពាន់លានដុល្លារសហរដ្ឋអាម៉េរិក ក្នុងគោលបំណងទាក់ទាញភ្ញៀវទេសចរណ៍ចំនួន ២,៣ លាននាក់ ក្នុងមួយឆ្នាំនៅឆ្នាំ ២០៣០ និង ១៥ លាននាក់ ក្នុងមួយឆ្នាំ នៅឆ្នាំ ២០៥០។ ទីតាំងគម្រោងនេះ ស្ថិតនៅក្នុង ស្រុកខុង និងកោះនានា ក្នុងទន្លេមេគង្គភាគខាងត្បូងនៃ ប្រទេសឡាវ ដែលគ្របដណ្តប់លើផ្ទៃដីជាង ៩,៨៤៦ ហិកតា៕

March 17, 2022

គ្មានផលិតផលអាហារូបត្ថម្ភរបស់ Abbott ដែលចែកចាយក្នុងប្រទេសកម្ពុជា ត្រូវបានរងផលប៉ះពាល់ដោយការប្រមូលផលិតផលនៅសហរដ្ឋអាមេរិក

យើង (ក្រុមហ៊ុន ឌីខេ អេស អេច) ផ្តល់តម្លៃដល់ឪពុកម្តាយដែលមានទំនុកចិត្តលើយើងសម្រាប់អាហាររូបត្ថម្ភទារកប្រកបដោយគុណភាព និងសុវត្ថិភាព។

នៅថ្ងៃទី 17 ខែកុម្ភៈ Abbott បានធ្វើការប្រមូលឡើងវិញដោយស្ម័គ្រចិត្តនូវផលិតផលទឹកដោះគោម្សៅ មួយចំនួនដែលផលិតនៅ Sturgis រដ្ឋ Michigan សហរដ្ឋអាមេរិក។ គ្មានផលិតផលអាហាររូបត្ថម្ភ Abbott ឬផលិតផល Similac ដែលចែកចាយក្នុងប្រទេសកម្ពុជាដោយក្រុមហ៊ុន ឌីខេ អេស អេច (ខេមបូឌា) អិល ធី ឌី ទទួលរងការប៉ះពាល់ពីការប្រមូលមកវិញនេះទេ។ អ្នកប្រើប្រាស់អាចបន្តប្រើប្រាស់ផលិតផលអាហាររូបត្ថម្ភ Abbott ដោយទំនុកចិត្ត។

ប្រសិនបើលោកអ្នកបានជាវផលិតផលដែលរងការប៉ះពាល់ ពីសហរដ្ឋអាមេរិចដោយផ្ទាល់ សូមចូលទៅកាន់គេហទំព័រ https://www.similacrecall.com/us ឬមានចម្ងល់ សូមទំនាក់ទំនងមកកាន់ ក្រុមហ៊ុន ឌីខេ អេស អេច (ខេមបូឌា) តាមរយៈលេខទូរស័ព្ទ 012 333 538។

March 5, 2022

ពិធីបញ្ចុះបឋមសិលាការដ្ឋានសាងសង់លំនៅឋានបុស្បា

កាលពីថ្ងៃទី ១៩ កុម្ភះ ឆ្នាំ ២០២២ មានព្រឹត្តិការណ៍ដ៏រំភើបនិងជាពិធីសិរីសួស្តីមួយបានកើតឡើង ដែលជាព្រឹត្តិការណ៍ដ៏សំខាន់នៃការចាប់ផ្តើមឈានចូលប្រឡូកលើវិស័យអចលនទ្រព្យដែលកំពុងមានសន្ទុះយ៉ាងគួរអោយកត់សំគាល់ក្នុងព្រះរាជាណាចក្រកម្ពុជា។

ក្រុមហ៊ុនបុស្បា អ៊ិនវេសម៉ិន បានប្រារព្ធរៀបចំឡើងនូវ ពិធីសិរីសួស្តីមង្គលគឺ “ពិធីបញ្ចុះបឋមសិលាការដ្ឋានសាងសង់គម្រោងលំនៅឋានបុស្បា” ដែលមានទីតាំងស្ថិតនៅ ភូមិថ្មី សង្កាត់ទៀន ខណ្ឌដង្កោ រាជធានីភ្នំពេញ ពីសំណាក់ឯកឧត្តម លោកជំទាវ អស់លោក លោកស្រីនិងភ្ញៀវកិត្តិយសជាច្រើន រួមទាំងក្រុមការងារក្នុងក្តីសោមនស្សរីករាយ។

ពិធីដ៏ឱឡារិកនេះ ត្រូវបានរៀបចំឡើងតាំងពីម៉ោង៧ព្រឹកតមក តាមលំនាំប្រពៃណីទំនៀមទំនៀមទម្លាប់ និងដំណាក់កាលសំខាន់ៗដូច ពិធីក្រុងពាលី ពិធីសូត្រមន្តប្រស់ព្រំសុំសេចក្តីសុខសេចក្តីចម្រើន និងបានដង្ហែគ្រឿងរណ្តាប់លើអាសនៈ ឆ្ពោះទៅកាន់រណ្តៅជ័យ និងចុងក្រោយគឺការអញ្ជើញឡើងទៅកាន់ឆាកនៃពិធីដើម្បីចុចប៊ូតុងនៃការចាប់ផ្តើមបុកគ្រឹះ ដើម្បីបើកអោយមានដំណើរការការដ្ឋានសាងសង់ជាផ្លូវការនៃគម្រោងលំនៅដ្ឋាន បុស្បា ទី១ ក្រោមវត្តមានពីថ្នាក់ដឹកនាំ និងបុគ្គលសំខាន់ៗនៃ ក្រុមហ៊ុនបុស្បាអ៊ិន វេស មិន ព្រមជាមួយកិច្ចស្វាគមន៍អំណរសាទរដ៏កងរំពង ពីសំណាក់ភ្ញៀវកិត្តិយសដែលបានអញ្ជើញចូលរួមផងដែរ ។

បន្ទាប់ពីពេលវេលាដ៏ថ្លៃថ្លានៅលើឆាកកិត្តិយសរួចមក ក៏បានឈានចូលដល់ពិធីសំណេះសំណាលនិងការផ្តល់ជូនបទបង្ហាញអំពីគម្រោង លំនៅដ្ឋាន បុស្បា ទី១ ដោយលោកស្រី ប្រធានគ្រប់គ្រងទូទៅនៃក្រុមហ៊ុនបុស្បាអ៊ិន វេស មិន “នាង ខូរី“ បានអញ្ជើញថ្លែងជូននូវសន្ទរកថានិងជាកិច្ចស្វាគមន៍នៃកម្មពិធីដោយប្រសាសន៍ថា៖

ចក្ខុវិស័យរបស់លំនៅដ្ឋាន បុស្បា គឺធ្វើជាគោលដៅដ៏ចំបងមួយសម្រាប់បរិបទរស់នៅដ៏ប្រសើររបស់ប្រជាជនកម្ពុជា និងពោរពេញដោយភាពសុខដុម។ បេសកកម្មរបស់បុស្បា អ៊ិនវេសម៉ិន គឺ ខិតខំកសាងនូវទំនាក់ទំនងដ៏ស្អិតរមួតរវាងអតិថិជន និង ដៃគូសហការការងារទាំងអស់់ ហើយផ្ដួចផ្ដើមនូវគំនិត និងដំណោះស្រាយប្រកបដោយភាពច្នៃប្រឌិតឈានមុខគេ។

លោកស្រីក៏បានលើកឡើងផងដែរថា គម្រោងក៏យកចិត្តទុកដាក់លើការរៀបចំអោយមាន ការិយាល័យអាជីវកម្មខ្នាតធំ,តូច សួនច្បារ សួនកម្សាន្តសម្រាប់កុមារ កន្លែងហាត់ប្រាណ និងសេវាសាធារណៈផ្សេងៗទៀត។ គម្រោងលំនៅដ្ឋាននេះផងដែរ គឺមានអំណោយផលនៃទីតាំងភូមិសាស្ត្រដ៏ល្អនាពេលអនាគត ដោយគម្រោងទាំងមូលគឺនៅតាមបណ្តោយផ្លូវ ២០អា ទំហំ៥០ម៉ែត្រ តភ្ជាប់ផ្លូវជាតិលេខ២និងលេខ៣, ផ្លូវ៦០ម៉ែត្រដូចជាផ្លូវក្រវ៉ាត់ក្រុមទី៣ មហាវិថីសម្តេចតេជោហ៊ុនសែន និងមាន ប្រព័ន្ធធារាសាស្ត្រ ផ្លូវនិងប្រឡាយទំហំ៣២ម៉ែត្រជាច្រើនក្នុងតំបន់។ លក្ខណៈពិសេសទាំងនេះគឺពិតជាមានអំណោយផលល្អដល់ការរស់នៅនិងប្រកបអាជីវកម្មរបស់ប្រជាជនយ៉ាងពិតប្រាកដ។

ត្រឹមតែគម្រោងលំនៅដ្ឋានដ៏សំបូរបែបមួយមុខនោះគឺ ពុំទាន់គ្រប់គ្រាន់ឡើយ សម្រាប់ការកសាងសហគមន៍ដ៏សុខដុម សុខសាន្ដ និងរឹងមាំមួយ ហេតុដូច្នេះហើយទើប បុស្បា អ៊ិនវេសម៉ិន បានត្រៀមរួចជាស្រេច ក្នុងការពាំនាំមកនូវភាពងាយស្រួលទៅលើសេវាចំបាច់នានាដើម្បីបំពេញនូវតម្រូវការក្នុងបរិបទរស់នៅបែបទាន់សម័យ។ មិនតែប៉ុណ្ណោះ យើងខ្ញុំបានប្ដេជ្ញាក្នុងការពាំនាំនូវ អាជីវកម្ម និងគ្រឹះស្ថានសំខាន់ៗដទៃទៀត ចូលមកក្នុងសហគមន៍នេះ។

ពាក្យថាបុស្បាមានន័យថា រាជនីនៃសព្វផ្កាទាំងពួង ដែលតំណាងឲ្យ កិត្យានុភាព ភាពសុខដុមរមនា វិបុលភាព ផាសុកភាព និងគុណភាព ទាំងនេះសុទ្ធសឹងតែជាគុណតម្លៃនៃចក្ខុវិស័យ ទៅលើការស្ថាបនាលំនៅដ្ឋាន និងសហគមន៍របស់ បុស្បា អ៊ិនវេសម៉ិន។

ដូចដែលបានរៀបរាប់ជូនខាងលើនេះ គម្រោងទាំងនេះគឺគ្រាន់តែជាចំនុចចាប់ផ្ដើមនៃទស្សនវិស័យប្រកបដោយនិរន្ដរភាពរបស់ក្រុមហ៊ុន បុស្បា អ៊ិនវេសម៉ិន។ យោងតាមចក្ខុវិស័យរបស់ស្ថាបនិក គឺលោកជំទាវអគ្គនាយិកា ម៉ឺន ស្រីណែត “ក្រុមហ៊ុន បុស្បា អ៊ិនវេសម៉ិន នឹងខិតខំឲ្យអស់ពីកំលាំងកាយចិត្តក្នុងការអភិវឌ្ឍគម្រោងទាំងមូល ក្នុងន័យបង្កើតជាប្រយោជន៍រួមមួយសម្រាប់ការរស់នៅដ៏សុខដុម និងភាពងាយស្រួលដល់ប្រជាជនក្នុងតំបន់ និង មជ្ឈដ្ឋានជុំវិញ។

March 4, 2022

Tiger Beer នាំមកនូវពិព័រណ៌៍សិល្បៈគំនូរធំបំផុតនៅប្រទេសកម្ពុជា

(ភ្នំពេញ ថ្ងៃទី០៤ ខែមីនា ឆ្នាំ២០២២)៖ ដើម្បីស្វាគមន៍ Year of the Tiger ស្រាបៀរថៃហ្គឺរ បាននាំមកជូននូវកម្មវិធី Murals for Cambodia Festival ដោយសហការជាមួយ FT Gallery និង FONKi។ Murals for Cambodia Festival ប្រារព្ធឡើងរយៈពេលបីថ្ងៃ ចាប់ពីថ្ងៃទី25 ដល់ថ្ងៃទី27 ខែកុម្ភៈ កន្លងទៅនេះ ក្នុងនោះមានការតាំងពិព័រណ៌សិល្បៈក្នុងស្រុក និងអន្តរជាតិ ព្រមទាំងការប្រគំតន្ត្រី នៅមជ្ឈមណ្ឌលច្នៃប្រឌិត Factory Phnom Penh។

កម្មវិធីនេះទទួលបានការគាំទ្រយ៉ាងពេញទំហឹង ដោយមានការចូលរួមពីសំណាក់ភ្ញៀវជាតិ និងអន្តរជាតិយ៉ាងច្រើនកុះករ។ ជាកិត្តិយសណាស់ សម្រាប់ប្រទេសកម្ពុជាដែលបានទទួលស្វាគមន៍វិចិត្រករដែលមានទេពកោសល្យដូចជា MAUY & NAP MSV ដែលមានវិចិត្រករល្បីមកពីប្រទេសថៃ TONES វិចិត្រករជនជាតិខ្មែរដ៏ល្បីល្បាញទូទាំងពិភពលោកមកពីប្រទេសស្វីស KIMSAN SOU វិចិត្រករកម្ពុជាវ័យក្មេង VENKS វិចិត្រករគំនូរជីវចលរបស់ចក្រភពអង់គ្លេស YSK MIKE វិចិត្រករក្នុងស្រុក រួមទាំង TWOONE វិចិត្រករតាមដងវិថីជនជាតិជប៉ុនដ៏ល្បី Jean Baptiste Carraro វិចិត្រករជនជាតិបារាំងដែលមានមូលដ្ឋាននៅព្រះរាជាណាចក្រកម្ពុជានិង RYYSA សិល្បករជនជាតិខ្មែរ-ហូឡង់។ MAUY MSV ជាវិចិត្រករថៃផ្នែកគំនូរតាមដងវិថី បានបង្ហាញស្នាដៃរបស់ខ្លួនតាមរយៈ គំនូររូបខ្លាលើជញ្ជាំង ដែលជាគំនូរធំជាងគេបំផុតក្នុងកម្មវិធីនេះផងដែរ ដែលមានទីតាំងនៅបរិវេណ Tiger Plaza, Factory Phnom Penh។

ក្រៅពីផ្ទាំងគំនូរ និងការតាំងពិព័រណ៌សិល្បៈ ក៏មានការប្រគំតន្ត្រីជាមួយនឹងការសំដែងរបស់ DJ និងក្រុម Hip Hop យ៉ាងសំបូរបែបដ៏ល្អបំផុតប្រចាំប្រទេសកម្ពុជា ក្នុងនោះរួមមាន កញ្ញា Nikki Nikki តារាចំរៀង និងអ្នកនិពន្ធបទចម្រៀង Original Song រូបនេះបានបកស្រាយចំរៀងស្នាដៃថ្មីរបស់ខ្លួន។ បន្ថែមទៀតនោះក៏មានការសំដែងរួមគ្នាជាមួយ កញ្ញា Marie Thach និងសិល្បករផ្សេងទៀតផងដែរ។ មិនតែប៉ុណ្ណោះ កញ្ញា Marie Thach ក៏បានបង្ហាញពីជំនាញ DJ របស់គាត់ជាមួយស្ទីលបែប House & Funk ដែលធ្វើឱ្យកម្មវិធីកាន់តែសប្បាយរីករាយថែមមួយកំរិតទៀត។

ស្វាគមន៍ឆ្នាំថ្មី Year of the Tiger! ពី Tiger Beer តែងតែលើកទឹកចិត្តឱ្យមនុស្សគ្រប់រូប បង្ហាញនូវភាពជឿជាក់ និងបញ្ចេញសក្ដានុពលរបស់ខ្លួន។ អ្នកនាង គង់ សូរីដា Senior Brand Manager របស់ Tiger Beer បានមានប្រសាសន៍ថា “គោលបំណងធំបំផុតរបស់ Tiger Beer គឺចង់បំផុសគំនិត ឱ្យអ្នកទាំងអស់គ្នាមានក្តីស្រមៃខ្ពស់ មានទំនុកចិត្តលើខ្លួនឯង និងអបអរភាពជឿជាក់របស់ខ្លួនឯង។

នៅក្នុង Year Of The Tiger ពួកយើងមិនគ្រាន់តែបំផុសគំនិតឱ្យមនុស្សគ្រប់រូបបន្តក្ដីស្រមៃរបស់ពួកគេនោះទេ ប៉ុន្តែលើសពីនេះយើងនឹងជំរុញភាពក្លាហានដើម្បីឱ្យពួកគេសម្រេចនូវគោលដៅនោះអោយបាន។ Tiger ពិតជាមានក្ដីសោមនស្សយ៉ាងខ្លាំងដែលបានសហការជាមួយ FONKi និង FT Gallery ដើម្បីបង្កើតកម្មវិធីដ៍៏អស្ចារ្យមួយនេះឡើង ហើយនឹងទន្ទឹងរង់ចាំបន្តនូវព្រឹត្តិការណ៍សិល្បៈ និងតន្ត្រីបន្ថែមទៀតក្នុងពេលឆាប់ៗខាងមុខនេះ។

អំពី Murals for Cambodia

Murals for Cambodia គឺជាព្រឹត្តិការណ៍ថ្មីប្រចាំឆ្នាំបន្ទាប់ពីការបើកសម្ពោធ FT GALLERY កាលពីឆ្នាំមុន។ FT GALLERY តែងតែប្រមូលផ្ដុំវិចិត្រករក្នុងស្រុក និងអន្តរជាតិ ដែលមានកេរ្តិ៍ឈ្មោះល្បីៗមកបង្ហាញស្នាដៃដ៏៏គួរឱ្យកោតសរសើរជាច្រើននៅឯមជ្ឈមណ្ឌលច្នៃប្រឌិតធំបំផុតនៅអាស៊ីអាគ្នេយ៍ ក្នុង Factory Phnom Penh។ តាមរយៈព្រឹត្តិការណ៍នេះដែរ FT Gallery ព្រមទាំងអ្នកគ្រប់គ្រង់/សហស្ថាបនិក FONKi នឹងបង្កើតផ្ទាំងគំនូរធំៗ ព្រមទាំងផ្សព្វផ្សាយទូទាំងប្រទេសសម្រាប់ឆ្នាំខាងមុខនេះបន្តទៀត។

អំពី Tiger Beer

Tiger Beer មានដើមកំណើតនៅប្រទេសសិង្ហបុរី ដែលត្រូវបានបង្កើតឡើងនៅឆ្នាំ 1932។ Tiger Beer គឺជាស្រាបៀរលំដាប់ថ្នាក់អន្តរជាតិ ដែលសព្វថ្ងៃនេះ ឈរនៅលំដាប់លេខមួយក្នុងអាស៊ី និងជាម៉ាកផលិតផលដែលមានភាពរីកចម្រើនលឿនជាងគេបំផុត។ Tiger Beer មានលក់នៅលើទីផ្សារជាង 50 ប្រទេស នៅទូទាំងពិភពលោក។ ការជម្នះគ្រប់បែបយ៉ាងដើម្បីផលិតចេញនូវសមិទ្ធិផលដ៏ល្អឥតខ្ចោះដែលមានរសជាតិដិតជាប់ និងធ្វើឲ្យអារម្មណ៍ស្រស់ស្រាយ។ Tiger បានរកឃើញនូវវិធីដែលអាចនាំអ្នកទៅកាន់ភាពស្រស់ស្រាយថ្មីមួយដែលមិនធ្លាប់មានពីមុនមក ហើយ Tiger ក៏បានសម្រេចអ្វីដែលគ្រប់គ្នាគិតថា មិនអាចទៅរួចជាច្រើនទសវត្សរ៍មកហើយ។

March 4, 2022

ក្រុមហ៊ុនអាកាសចរណ៍ ថៃវៀតចេត(Thai Vietjet) បានបើកជើងហោះហើរត្រង់ពី ភ្នំពេញ - បាងកក

(បាងកក, ៤ មីនា ២០២២) – ការរៀបចំរចនាសម្ព័ន្ធក្នុងតំបន់ ក្រុមហ៊ុនអាកាសចរណ៍ ថៃវៀតចេត បានប្រកាសបើកជើងហោះហើរថ្មី ពីរាជធានីភ្នំពេញទៅទីក្រុងបាងកក ដែលជារាជធានីនៃប្រទេសថៃ ចាប់ពីថ្ងៃទី១៦ ខែមីនា ឆ្នាំ ២០២២ នេះតទៅ។

លោក Woranate Laprabang ដែលជានាយកប្រតិបត្តិ នៅក្រុមហ៊ុនអាកាសចរណ៍ ថៃវៀតចេត បានមានប្រសាសន៍ថា “ពួកយើងពិតជារីករាយដែលបានភ្ជាប់ទំនាក់ទំនងរវាងប្រទេសថៃ និង ប្រទេសកម្ពុជា ហើយបានផ្តល់ឱកាសឱ្យប្រជាជនថៃបានហោះហើរទៅប្រទេសកម្ពុជា ក៏ដូចជាស្វាគមន៍អ្នកដំណើរ និងអ្នកជំនួញនៃប្រទេសកម្ពុជា មកទស្សនានិងទទួលយកបទពិសោធន៍ពីភាពស្រស់ស្អាតនៃប្រទេសថៃ បន្ទាប់ពីការរីករាលដាលពីជំងឺទូទាំងសាកលអស់រយៈពេលយូរមកហើយ។ ជើងហោះហើរទៅកាន់គោលដៅប្រទេសទាំង២នេះ ក៏ជាចំណែកមួយដែលអាចជួយឱ្យសេដ្ឋកិច្ចនៅក្នុងប្រទេសទាំង២ មានភាពប្រសើរឡើងវិញ និង ធ្វើអោយតម្រូវការនៃការធ្វើដំណើរតាមផ្លូវអាកាសមានការកើនឡើង ព្រមទាំងជំរុញឱ្យមានទំនាក់ទនងផ្នែកទេសចរណ៍និងពាណិជ្ជកម្មរវាងប្រទេសទាំង២ ផងដែរ ដើម្បីបញ្ជាក់ពីគោលដៅក្នុងការពង្រីកបណ្តាញទំនាក់ទំនង និងបំពេញតម្រូវការរបស់ភ្ញៀវទេសចរណ៍។

ជើងហោះហើរអន្តរជាតិថ្មីរវាង ភ្នំពេញ – បាងកក (សុវណ្ណភូមិ) នឹងដំណើរការ ១សប្តាហ៍ ៣ដង នៅរៀងរាល់ថ្ងៃច័ន្ទ ថ្ងៃពុធ និង ថ្ងៃសុក្រ ជាមួយនឹងរយៈពេលហោះហើរ ១ម៉ោង១០នាទី។ អ្នកអាចស្វែងរកកាលវិភាគហោះហើរ ក្នុងតារាងខាងក្រោម៖

លើសពីនេះទៅទៀត ជើងហោះហើរថ្មី ពីរាជធានីភ្នំពេញទៅទីក្រុងបាងកក រួមជាមួយនឹងបណ្តាញរបស់ក្រុមហ៊ុន ថៃវៀតចេត បានបន្ថែមកាលវិភាគជើងហោះហើររវាង បាងកក-ហូជីមិញ សរុបរហូតដល់៦ដងក្នុង ១សប្តាហ៍ ដើម្បីផ្តល់ជូននូវជម្រើសដ៏ល្អបំផុតដល់ភ្ញៀវក្នុងប្រទេសទាំង២នេះ។ ក្នុងរយៈពេលខាងមុខនេះ ក្រុមហ៊ុនអាកាសចរណ៍ ថៃវៀតចេត សង្ឃឹមថា នឹងអាចពង្រីក និងបន្ថែមបណ្តាញជើងហោះហើរអន្តរជាតិរបស់ខ្លួន ទៅកាន់គោលដៅជាច្រើនបន្ថែមទៀត ជាពិសេសនៅក្នុងតំបន់ អាស៊ីប៉ាស៊ីហ្វិច ដូចជា ប្រទេសវៀតណាម ប្រទេសសិង្ហបុរី កោះតៃវ៉ាន់។ល។

ក្រុមហ៊ុនអាកាសចរណ៍ ថៃ វៀតចេត មានយន្តហោះសម្រាប់ដឹកអ្នកដំណើររហូតដល់ ១៦ គ្រឿង ដែលក្នុងនោះមាន Airbus A320-200 ចំនួន ១០ គ្រឿង, Airbus A321-200 ចំនួន ៦ គ្រឿង ជាមួយនឹង ភាគរយនៃអត្រាការអនុវត្តទាន់ពេលវេលា (OTP) រហូតដល់ ៩៧.២៩% ភាពជឿជាក់នៃបច្ចេកទេស ៩៩.៧៣% និង មានអ្នកដំណើរសរុបជិត ១១ លាននាក់ បន្ថែមជាមួយនឹងការបន្តពង្រីកបណ្តាញរបស់ខ្លួនក្នុងកំឡុងពេលនៃការរីករាលដាលនៃជំងឺកូវីដ-១៩ បានធ្វើអោយក្រុមហ៊ុន ថៃ វៀតចេត ជោគជ័យដោយទទួលបានពានរង្វាន់ជា “ក្រុមហ៊ុនដឹកអ្នកដំណើរមានតម្លៃទាបដែលរីកលូតលាស់លឿនបំផុតប្រចាំឆ្នាំ” (The Fastest Growing Low-cost Carrier of the 2020) ពីទស្សនាវដ្ដី Global Business Outlook 2020។ ក្រុមហ៊ុន ថៃ វៀតចេត ក៏បានទទួលពានរង្វាន់ជាក្រុមហ៊ុនអាកាសចរណ៍ ដែលមានបាហុនិការរួសរាយ រាក់ទាក់ជាងគេ (Most Passenger-Friendly Cabin Crew – 2021) ពីទស្សនាវដ្ដី International Finance ដោយសង្កត់ធ្ងន់លើជំហររបស់ខ្លួនជា “ក្រុមហ៊ុនអាកាសចរណ៍នៃបដិសណ្ឋារកិច្ច” ដោយពង្រឹងតម្លៃស្នូលនៃ មិត្តភាព និង ភាពសប្បាយរីករាយ រួមជាមួយនឹង សុវត្ថិភាព ពេលវេលា និង តម្លៃសមរម្យ។

ទីក្រុងភ្នំពេញគឺជារាជធានីនៃប្រទេសកម្ពុជា ដែលពោរពេញទៅដោយទេសភាពដ៏ស្រស់ស្អាតជាច្រើន និង កន្លែងទេសចរណ៍បែបប្រវត្តិសាស្ត្រ មានដូចជា ព្រះបរមរាជវាំងដ៍អស្ចារ្យ សារមន្ទីរជាតិដែលជាកន្លែងថែរក្សា និង ប្រមូលផ្តុំសិល្បៈគ្រប់ទម្រង់របស់ខ្មែរ និងរូបចម្លាក់ច្រើនជាងគេលើសកលលោក រួមទាំងមានសារមន្ទីរឧក្រិដ្ឋកម្មប្រល័យពូជសាសន៍ទួលស្លែងផងដែរ។ ចំណែកឯទីក្រុងបាំងកកវិញ មានទេសភាពដ៏ស្រស់ស្អាតរបស់ទូកទេសចរណ៏នៅតាមដងទន្លេ ចៅ ប្រាយ៉ា ព្រះបរមមហារាជវាំងដ៏ស្អាតអស្ចារ្យ និងមានផ្សាររាត្រីអ៊ូរអរជាច្រើន។

អំពី ក្រុមហ៊ុន ថៃ វៀតចេត (Thai Vietjet)

ក្រុមហ៊ុន ថៃ វៀតចេត បានបង្កើតឡើងក្នុងឆ្នាំ២០១៤ ហើយបានសហការជាមួយក្រុមហ៊ុន វៀតចេត អ៊ែរ ដើម្បីពង្រីកបណ្តាញហោះហើររបស់ខ្លួន និងផ្តល់ឱកាសកាន់តែច្រើនសម្រាប់អ្នកធ្វើដំណើរទៅកាន់ប្រទេសថៃ និងប្រទេសជាច្រើនទៀតប្រកបដោយសេវាកម្មរួសរាយរាក់ទាក់ និងសប្បាយរីករាយ។ ដោយផ្តោតលើសមត្ថភាពគ្រប់គ្រងការចំណាយ ប្រតិបត្តិការដែលប្រកបដោយប្រសិទ្ធភាព និងការអនុវត្តរបស់ក្រុមហ៊ុនអាកាសចរណ៍ យើងអាចផ្តល់ជូននូវការហោះហើរដោយសន្សំសំចៃ និងតម្លៃដែលអាចផ្លាស់ប្ដូរទៅតាមកាលទេសៈ ព្រមទាំងសេវាកម្មជាច្រើនទៀតដើម្បីសម្របតាមតម្រូវការរបស់អតិថិជន។

ថៃ វៀតចេត ទទួលបានពានរង្វាន់ ក្រុមហ៊ុនដឹកអ្នកដំណើរដែលមានតម្លៃទាបនិងរីកលូតលាស់លឿនបំផុតនៃឆ្នាំ២០២០ ដោយទស្សនាវដ្តី Global Business Outlook។ ក្រុមហ៊ុនកំពុងបន្តពង្រីកបណ្តាញហោះហើររបស់ខ្លួនទាំងក្នុងស្រុក និងក្រៅស្រុក ក៏ដូចជាពង្រីកងារជាក្រុមហ៊ុនក្មេងជាងគេដែលមានយន្តហោះទំនើបៗ ដោយមានយន្តហោះ Airbus A320 និង A321។ ថ្មីៗនេះ ក្រុមហ៊ុនអាកាសចរណ៍ ថៃ វៀតចេត ក៏បានទទួលពានរង្វាន់ជាក្រុមហ៊ុនអាកាសចរណ៍ ដែលមានបាហុនិការរួសរាយ រាក់ទាក់ជាងគេ ពីទស្សនាវដ្ដី International Finance ដោយសង្កត់ធ្ងន់លើជំហររបស់ខ្លួនជា “ក្រុមហ៊ុនអាកាសចរណ៍នៃបដិសណ្ឋារកិច្ច” ដោយពង្រឹងតម្លៃស្នូលនៃ មិត្តភាព និងភាពសប្បាយរីករាយ រួមជាមួយនឹង សុវត្ថិភាព ពេលវេលា និង តម្លៃសមរម្យ។

បច្ចុប្បន្នក្រុមហ៊ុន ថៃ វៀតចេត ប្រទេសថៃបានប្រតិបត្តិការជើងហោះហើរក្នុងស្រុកចំនួន ១៤ ជើង ក្នុងនោះរួមមានជើងហោះហើរពីទីក្រុងបាងកក (សុវណ្ណភូមិ) ទៅ ឈៀងម៉ៃ ឈៀងរ៉ៃ ភូកេត ក្រាប៊ី អ៊ូដនថានី ហាតយ៉ៃ ខនខេន ណាខនស៊ី ថាម៉ារ៉ាត់ អ៊ូបន់ រ៉ាត់ឆាថានី និង ស៊ូរ៉ាត់ ថានី។ ចំណែកឯជើងហោះហើរឆ្លងតំបន់មាន ពីភូកេតទៅឈៀងរ៉ៃ ឈៀងម៉ៃ និង អ៊ូដុន ថានី រួមទាំងជើងហោះហើរត្រង់ពី ហាត់យ៉ៃ ទៅ ឈៀងរ៉ៃ ផងដែរ។ ក្រុមហ៊ុនក៏កំពុងតែពង្រីកបណ្តាញហោះហើរអន្តរជាតិរបស់ខ្លួនយ៉ាងសកម្មទៅកាន់គោលដៅជាច្រើននៅទូទាំងអាស៊ីប៉ាស៊ីហ្វិក ដោយភ្ជាប់ប្រទេសថៃជាមួយ វៀតណាម តៃវ៉ាន់ សិង្ហបុរី និងគោលដៅកំពូលផ្សេងទៀតនៅក្នុងតំបន់។

សម្រាប់ពត៌មានបន្ថែម www.vietjetair.com

ទំនាក់ទំនងប្រព័ន្ធផ្សព្វផ្សាយ

Thai Vietjet Air Joint Stock Company Limited

Siwarut Mongpra (Ruch): [email protected] / +6689 738 3364

Piyawat Chuangsri (Kodak): [email protected] / +6699 075 5969

March 4, 2022

រថយន្ត Ford Everest ជំនាន់ថ្មីបានប្រកាសចេញជាផ្លូវការ

កាលពីថ្ងៃទី01 ខែមីនា ឆ្នាំ2022 ក្រុមហ៊ុន Ford Motor Company បានប្រកាសចេញជាផ្លូវការនៃរថយន្ត Ford Everest ជំនាន់ថ្មី។ រថយន្តនេះនឹងក្លាយជារថយន្ត SUV 7 កៅអីដែលស័ក្តិសមឥតខ្ចោះគ្រប់ដំណើរកំសាន្ត ជាពិសេសនោះគឺដំណើរកំសាន្តបែបផ្សងព្រេង ជាមួយនឹងបច្ចេកវិទ្យា និងប្រព័ន្ធសុវត្ថិភាពទំនើបអស្ចារ្យលើសគេ។

លោក Ian Foston ជាប្រធានគ្រប់គ្រងវិស្វករនៃរថយន្ត Ford Everest បានមានប្រសាសន៍ថា៖ “គោលបំណងដែលផលិត Ford Everest ជំនាន់ថ្មីនេះគឺសាមញ្ញ និងមានភាពច្បាស់លាស់ ពោលគឺរចនាផ្នែកខាងក្រៅឲ្យធន់រឹងមាំ រចនាផ្នែកខាងក្នុងជាជម្រកដ៏មានផាសុកភាព និងសមត្ថភាពបើកបរដ៏អស្ចារ្យ” ។ Ford Everest ជំនាន់ថ្មីនេះនឹងមកជាមួយ 3 ជម្រើសដូចជា៖ Sport, Titanium+ និង Platinum ដោយជម្រើសនីមួយៗនឹងអាចបំពេញតាមតម្រូវរបស់អតិថិជន។

ជាមួយនឹងម៉ូឌែលជំនាន់ថ្មីនេះ Ford មិនភ្លេចជាមួយនឹងការរចនាផ្អែកតាម DNA ថ្មីរបស់ Ford នោះគឺចង្កៀងមុខប្រភេទ C-Clamp រចនាចេញជារាងអក្សរ C និងប៉ាណាផ្ទាំងធំចំកណ្តាលដ៏រឹងមាំ រីឯប្រវែងទទឹង និងបណ្តោយក៏ត្រូវបានបន្ថែម 50mm។

មិនត្រឹមតែការរចនាថ្មីទាំងស្រុងនៃរូបរាងផ្នែកខាងក្រៅប៉ុណ្ណោះទេ ផ្នែកខាងក្នុងក៏រចនាយ៉ាងពិសេសផងដែរ ហើយចំណុចដែលលោកអ្នកនឹងចាប់អារម្មណ៍បំផុតនៃផ្នែកខាងក្នុងនោះគឺសម្លេងស្ងាត់ជាងមុន ដោយអ្នករចនានៃក្រុមហ៊ុន Ford បានផ្ចិតផ្ចង់រចនាផ្នែកខាងក្នុងឲ្យកាន់តែប្រសើរជាងមុន ពោលប្រៀបបានដូចជាការរស់នៅក្នុងផ្ទះទាន់សម័យដ៏មានផាសុកភាព ដោយគ្រប់ឧបករណ៍ដែលបានបំពាក់សុទ្ធតែជាប្រភេទស្បែកប្រណិត ឧបករណ៍ទំនើបៗ បូករួមជាមួយនឹងភ្លើងពណ៍លម្អផ្នែកខាងក្នុង (Ambient Lighting) ដែលកាន់តែផ្តល់ជូនផាសុកភាព និងស្រស់ស្រាយពេលធ្វើដំណើរ។

រថយន្ត Ford Everest ជំនាន់ថ្មីនឹងផ្តល់ជូននូវជម្រើសម៉ាស៊ីន 4 ប្រភេទដូចជា៖

ម៉ាស៊ីនម៉ាស៊ូត 0L Turbodiesel ទំហំ 6 ស៊ីឡាំង សម្រាប់អតិថិជនដែលចង់បានកម្លាំងខ្លាំង និងម៉ាស៊ីនធំ
ម៉ាស៊ីនម៉ាស៊ូត Single-Turbo សម្រាប់អតិថិជនដែលចង់បានការប្រើប្រាស់បែបសន្សំសំចៃប្រេង
ម៉ាស៊ីនម៉ាស៊ូត 0L Bi-Turbo សម្រាប់អតិថិជនដែលចង់បានការប្រើប្រាស់ដែលមានកម្លាំងខ្លាំង ទន្ទឹមជាមួយនឹងការសន្សំសំចៃប្រេង
ម៉ាស៊ីនសាំង 3L EcoBoost ជាជម្រើសថ្មីសម្រាប់អតិថិជនដែលស្រឡាញ់ការប្រើប្រាស់ប្រភេទម៉ាស៊ីនសាំង

រថយន្ត Ford Everest ជំនាន់ថ្មីបំពាក់ជូននូវប្រអប់លេខអេឡិចត្រូនិចជំនាន់ថ្មី 10វគ្គអូតូ (E-Shifter), ប្រព័ន្ធហ្វ្រាំងដៃអេឡិចត្រូនិច (Electric Parking Brake), ប្រព័ន្ធគ្រប់គ្រងប៉ុងរថយន្តជំនាន់ថ្មី (2H, 4H, 4L និង 4A), ប្រព័ន្ធគ្រប់គ្រងការបើកគ្រប់ស្ថានភាពផ្លូវមានរហូតដល់ទៅ 6 Mode,

កុងទ័រឌីជីថលទំហំ 8អ៊ីញ ឬ 12.4អ៊ីញ, អេក្រង់កំសាន្តធំបញ្ឈរចំកណ្តាលទំហំ 10.1អ៊ីញ ឬ 12អ៊ីញ, ប្រព័ន្ធកាមេរ៉ា 360 ដឺក្រេកម្រិតខ្ពស់, ប្រព័ន្ធប្រត្តិបត្តិការ SYNC 4A អាចភ្ជាប់ជាមួយនឹង Apple CarPlay និង Android Auto ដោយពុំចាំបាច់ប្រើខ្សែ ថែមទាំងអាចភ្ជាប់ជាមួយនឹង FordPass^TM App សម្រាប់បញ្ជាតាមទូរស័ព្ទដៃផងដែរ ។

រថយន្ត Ford Everest មានសមត្ថភាពអាចចុះជម្រៅទឹកបាន 800mm ការអូសសណ្តោងបានរហូតដល់ទៅ 3,500Kg ដំបូលផ្នែកខាងលើអាចផ្ទុកអីវ៉ាន់បានចន្លោះពី 100kg ទៅ 350kg។ ក្រៅពីនេះ Ford Everest ជំនាន់ថ្មីនៅមានប្រព័ន្ធសុវត្ថិភាព និងបច្ចេកវិទ្យាជាច្រើនដូចជា៖

ប្រព័ន្ធជំនួយចូលចតដោយស្វ័យប្រវត្តជំនាន់ថ្មី 0 (Active Park Assist 2.0) ដែលចូលចតស្វ័យប្រវត្តទាំងបែបអក្សរ (P) និងបែបអក្សរ (T)
ប្រព័ន្ធបន្ថយល្បឿន រក្សាគម្លាតសុវត្ថិភាព ឈប់ និងទៅមុខដោយស្វ័យប្រវត្តតាមរថយន្តខាងមុខ និងតម្រង់គន្លងផ្លូវ (Adaptive Cruise Control with Stop and Go and Lane Centering)
ប្រព័ន្ធបន្ថយល្បឿន និងរក្សាគម្លាតសុវត្ថិភាពឆ្លាតវៃ (Intelligent Adaptive Cruise Control) ដែលអាចចាប់បានពីស្លាកសញ្ញាកំណត់ល្បឿន និងរក្សាល្បឿនរថយន្តមិនឲ្យលើសពីស្លាកសញ្ញាកំណត់
ប្រព័ន្ធផ្តល់ដំណឹងនៅពេលបើកបរចេញពីគន្លងផ្លូវ (Lane-Keeping System with Road-Edge Detection)

ប្រព័ន្ធផ្ដល់សញ្ញាគ្រោះថ្នាក់ពេលមានឧបសគ្គ និងប្រព័ន្ធជំនួយលើដៃចង្កូតបញ្ចៀសចេញពីគ្រោះថ្នាក់ (Evasive Steer Assist)
ប្រព័ន្ធចាប់ហ្វ្រាំងបន្ទាន់ពេលថយក្រោយដោយស្វ័យប្រវត្ត (Reverse Brake Assist)
ប្រព័ន្ធផ្តល់ដំណឹងគ្រោះថ្នាក់ផ្នែកចំហៀង និងពេលអូសសណ្តោង (Blind Spot Information System with Trailer Coverage)
ប្រព័ន្ធផ្ដល់សញ្ញាគ្រោះថ្នាក់ពេលមានឧបសគ្គ ឬអ្នកថ្មើរជើងឆ្លងកាត់ និងប្រព័ន្ធចាប់ហ្វ្រាំងបន្ទាន់ដោយស្វ័យប្រវត្ត (Pre-Collision Assist with Intersection Functionality)
បំពាក់នូវពោងសុវត្ថិភាពគ្រប់ជួរសរុប 9
ក្រៅពីនេះនៅមានប្រព័ន្ធសុវត្ថិភាព និងបច្ចេកវិទ្យាជាច្រើនទៀតដែលនឹងត្រូវបង្ហាញពេលប្រកាសសម្ពោធជាផ្លូវការ

លោក Dianne Craig ប្រធានគ្រប់គ្រងទីផ្សារអន្តរជាតិនៃក្រុមហ៊ុន Ford បានមានប្រសាសន៍ថា៖ “មតិយោបល់ពេញចិត្តរបស់អតិថិជនដែលកំពុងប្រើប្រាស់ Ford Everest និងចំណុចបន្ថែមដែលពួកគេត្រូវការបានជួយឲ្យពួកយើងបង្កើតចេញជារថយន្តមួយដ៏លេចធ្លោដែលមានទាំងសមត្ថភាព សុវត្ថិភាព ឆ្លាតវៃ និងកម្លាំងខ្លាំង” ។

March 3, 2022

ទីបំផុតហាងម៉ូដសម្លៀកបំពាក់ម៉ាកល្បី H&M នឹងមកដល់ភ្នំពេញនាខែក្រោយនេះ!

ភ្នំពេញ៖ H&M – ជាយីហោម៉ូដសម្លៀកបំពាក់អន្តរជាតិដ៏ធំបំផុតមួយរបស់ពិភពលោក គ្រោងនឹងបើកហាងដំបូងរបស់ខ្លួននៅផ្សារទំនើប AEON Mall 1 ក្នុងទីក្រុងភ្នំពេញ នៅថ្ងៃសុក្រ ទី 18 ខែមីនា ២០២២ខាងមុខនេះ។

យោងតាមសេចក្ដីប្រកាសពត៌មានរបស់ H&M) ហាងម៉ូដសម្លៀកបំពាក់អន្តរជាតិដែលលោកអ្នកបានទន្ទឹងរង់ចាំជាយូរមកហើយ នឹងបើកបង្ហាញខ្លួននៅផ្សារទំនើប AEON Mall 1 ក្នុងរាជធានីភ្នំពេញ។ ហាងនេះមានផ្ទៃក្រឡាទំហំ 1,798 ម៉ែត្រការ៉េ ដែលលាតសន្ធឹងខាងលើ 2 ជាន់។ ហាងថ្មីនេះនឹងមានម៉ូដសម្លៀកបំពាក់ ជាច្រើនសម្រាប់ បុរស-ស្ត្រី យុវវ័យ និងកុមារ។ អតិថិជននឹងរីករាយក្នុងការទិញទំនិញ បណ្ដុំទៅដោយម៉ូដជាច្រើនចុងក្រោយបំផុតប្រចាំ និទាយរដូវ និងរដូវក្ដៅក្នុងឆ្នាំ 2022នេះ។

“H&M មានសេចក្តីសោមនស្សរីករាយក្នុងការបើកហាង ដំបូងគេនៅក្នុងទីក្រុងភ្នំពេញ ប្រទេសកម្ពុជា និងជំរុញអតិថិជនដែលនិយមម៉ូដសម្លៀកបំពាក់របស់យើង នៅក្នុងទីក្រុងភ្នំពេញ ដើម្បីបង្កើតស្ទាយផ្ទាល់ខ្លួនរបស់ពួកគេ ហើយស្របតាមការសន្យារបស់អតិថិជន H&M ម៉ូដ និងគុណភាពក្នុងតម្លៃល្អបំផុតប្រកបដោយនិរន្តរភាព” នេះបើតាមការបញ្ជាក់របស់ លោកPhilippe Lassaux នាយកប្រតិបត្តិ និងជាអ្នកគ្រប់គ្រងប្រចាំប្រទេសនៃ H&M កម្ពុជា និងប្រទេសថៃ។

សម្រាប់អតិថិជនមួយនាក់ដំបូងគេនឹងទទួលបានប័ណ្ណ(voucher rewarded)ដែលមានតម្លៃស្មើនឹង 1,000 ដុល្លារសម្រាប់ការទិញទំនិញនៅក្នុងហាង។ អតិថិជនទី 2 និងទី 3 នៅក្នុងជួរនឹងទទួលបានរង្វាន់តម្លៃ 500 ដុល្លារសម្រាប់ការទិញទំនិញនៅក្នុងហាង។ អតិថិជនទីបួនដល់ទីប្រាំមួយនៅក្នុងជួរនឹងទទួលបានរង្វាន់ជាប័ណ្ណដែលមានតម្លៃ 300 ដុល្លារសម្រាប់ការទិញទំនិញនៅក្នុងហាង។ អតិថិជនទីប្រាំពីរដល់ទីដប់ប្រាំមួយនៅក្នុងជួរនឹងទទួលបានប័ណ្ណដែលមានតម្លៃ 100 ដុល្លារ សម្រាប់ការទិញទំនិញនៅក្នុងហាង។ លើសពីនេះទៅទៀត អតិថិជនទីដប់ប្រាំពីរដល់សាមសិបប្រាំមួយនៅក្នុងជួរនឹងទទួលបានប័ណ្ណដែលមានតម្លៃ 25 ដុល្លារ ហើយអតិថិជន 250 នាក់បន្ទាប់នឹងទទួលបានប័ណ្ណដែលមានតម្លៃ 15 ដុល្លារសម្រាប់ការទិញទំនិញនៅក្នុងហាង។

បើកពីម៉ោង 9:00 ព្រឹក ដល់ 10:00 យប់ ជារៀងរាល់ថ្ងៃ។

February 24, 2022

រថយន្ត Ford Ranger Raptor ជំនាន់ថ្មី បានប្រកាសចេញជាផ្លូវការ

កាលពីថ្ងៃទី22 ខែកុម្ភៈ ឆ្នាំ2022 ក្រុមហ៊ុន Ford Motor Company បានប្រកាសចេញជាផ្លូវការនៃរថយន្ត Ford Ranger Raptor ជំនាន់ទី 2 របស់ខ្លួនដែលរថយន្តនេះនឹងក្លាយជាជម្រើសដ៏ល្អសម្រាប់អ្នកចូលចិត្តបើកបរផ្លូវដែលមានឧបសគ្គ (Off-Road Performance) ។ Ford Ranger Raptor មួយនេះគឺជាត្រកូលចុងក្រោយនៃ Ford Ranger ជំនាន់ថ្មី (Next-Gen Ranger) ដែលមានភាពឆ្លាតវៃ និងធន់រឹងមាំជាងដែលនឹងក្លាយជាកំពូលរថយន្ត Pickup ក្នុងត្រកូល Ranger។

រូបរាងផ្នែកខាងក្រៅដ៏ទាក់ទាញ ជាមួយនឹងប៉ាណាអក្សរ FORD ធំចំកណ្តាលបង្ហាញពីអំណាច និងអនុភាព ចង្កៀងប្រភេទ Matrix LED យ៉ាន់កង់អាលុយមីញ៉ូមបែបស្ព័រទំហំ 17 អ៊ីញ និងសំបកកង់ Off-Road ម៉ាក BFGoodrich។

ផ្នែកខាងក្នុងត្រូវបានយកពណ៍ក្រហមមករំលេចជាថ្នេរដេរ កៅអីបែបស្ព័រស្រដៀងទៅនឹងរថយន្តស្ព័រ កុងទ័រឌីជីថលថ្មីស្រឡាងទំហំ 12.4 អ៊ីញ អេក្រង់ Touchscreen ទំហំ 12 អ៊ីញ ប្រើប្រាស់ប្រព័ន្ធប្រត្តិបត្តិការ SYNC 4A ជំនាន់ថ្មី និងឧបករណ៍បំពងសម្លេងម៉ាក B&O ដែលកាលពីមុនមានបំពាក់តែនៅលើ Ford F-150 Raptor តែប៉ុណ្ណោះ។

ចំណុចដែលផ្លាស់ប្តូរធំបំផុតនោះគឺជម្រើសម៉ាស៊ីននៃរថយន្ត ជាលើកដំបូងដែលក្រុមហ៊ុន Ford បានបំពាក់ម៉ាស៊ីន Twin-Turbo 3.0L EcoBoost V6 ដែលជាប្រភេទម៉ាស៊ីនសាំងជំនាន់ថ្មី ដែលអាចផលិតកម្លាំងសេះរហូតដល់ទៅ 392HP និងកម្លាំងរមួលដល់ទៅ 583Nm និងជម្រើសមួយទៀតនោះគឺ ម៉ាស៊ីនម៉ាស៊ូត 2.0L Bi-Turbo ជំនាន់ថ្មី។

ជាមួយនឹងប្រអប់លេខអេឡិចត្រូនិច 10 វគ្គអូតូជំនាន់ថ្មីដែលអាចប្រើប្រាស់បានទាំងលេខអូតូ និងលេខដៃដែលបង្កើតឡើងយ៉ាងពិសេសសម្រាប់ Ranger ជំនាន់ថ្មី (Next-Gen Ranger) ដំណើរការរួមគ្នាជាមួយនឹងម៉ាស៊ីនជំនាន់ថ្មីធ្វើឲ្យរថយន្ត Ford Ranger Raptor ជំនាន់ថ្មីនេះអាចជំនះបានគ្រប់ស្ថានភាពផ្លូវដូចជា៖ ផ្លូវគ្រួស ភក់ ផុក និងផ្លូវខ្សាច់។ល។ អ្វីដែលកាន់តែអស្ចារ្យនោះគឺ អាចជ្រើសរើស Mode នៃការដំណើរការម៉ាស៊ីនបានផងដែរ នេះប្រៀបបានទៅនឹងរថយន្តស្ព័រយ៉ាងអញ្ចឹង។ អ្នកបើកបរអាចជ្រើសរើស Mode ឬជម្រើសនៃសម្លេងម៉ាស៊ីននៅលើចង្កូតផ្ទាល់តែម្តងរួមមាន៖

សម្លេងស្ងាត់ (Quiet): កាត់បន្ថយសម្លេងរំខានពីម៉ាស៊ីន ល្អសម្រាប់ពេលបើកបររថយន្តនៅកន្លែងស្ងប់ស្ងាត់ការពារសម្លេងរំខានដល់អ្នកដទៃ
សម្លេងធម្មតា (Normal): បញ្ចេញសម្លេងធម្មតាពីម៉ាស៊ីន ដែលស័ក្តិសមសម្រាប់ការប្រើប្រាស់ប្រចាំថ្ងៃ
សម្លេងបែបស្ព័រ (Sport): បញ្ចេញសម្លេងលឺខ្លាំងពីម៉ាស៊ីន ដែលអាចប្រើប្រាស់ពេលបើកបរល្បឿនលឿន ឬបើកបរបែបស្ព័រ
សម្លេងបែបស្ព័រខ្លាំង (Baja): សម្រាប់ Mode មួយនេះវិញវានឹងបញ្ចេញសម្លេងខ្លាំងពីម៉ាស៊ីន ដែលធ្វើឲ្យការបើកបរកាន់តែមានអំណាច និងថាមពល ដែលសម្រាប់ Mode មួយនេះគឺអាចប្រើប្រាស់បានតែជាមួយនឹងការបើកបរលើផ្លូវមានឧបសគ្គតែប៉ុណ្ណោះ។

រថយន្ត Ford Ranger Raptor ជំនាន់ថ្មីនេះក៏ត្រូវបានកែប្រែប្រព័ន្ធជើងក្រោមថ្មីទាំងស្រុងដែរ ជាក់ស្តែងសាក់ស៊ីទាំងមូលត្រូវបានផ្លាស់ប្តូរថ្មីទាំងស្រុង មិនត្រឹមតែខុសពីស៊េរីឆ្នាំមុនៗនោះទេ តែថែមទាំងខុសប្លែកពីរថយន្ត Ford Ranger ជំនាន់ថ្មីទៅទៀត។ ជាមួយនឹងគ្រោងរថយន្តថ្មី ឃ្លុបក្រោយថ្មី និងស៊ុមរថយន្តថ្មី និងប្រព័ន្ធជើងក្រោមធន់រឹងមាំជាងមុន ដើម្បីប្រាកដថារថយន្ត Ford Ranger Raptor ជំនាន់ថ្មីពិតជាអាចជំនះបានគ្រប់ឧបសគ្គនៃការបើកបរ។

ចំណុចមួយដែល Ford មិនអាចភ្លេចបាននោះគឺការបំពាក់បូម Fox នៅលើប្រភេទរថយន្ត Raptor សម្រាប់លើកនេះ Ford Ranger Raptor ជំនាន់ថ្មីត្រូវបានបំពាក់ដោយបូម FOX 2.5 inch Live Valve Internal Bypass shock ជំនាន់ថ្មី ដែលមានសមត្ថភាពខ្ពស់ជាងមុនទាំងការបើកបរលើផ្លូវធម្មតាដែលវាជួយសម្រួលឲ្យមានភាពផាសុកភាពជាងមុន និងការបើកបរលើផ្លូវមានឧបសគ្គដែលអាចបើកបរទាំងល្បឿនលឿន ឬយឺតដោយគ្មានបញ្ហា។ មិនតែប៉ុណ្ណោះខែលដែកថែបការពារផ្ទៃផ្នែកខាងក្រោមត្រូវបានបង្កើនទំហំធំជាងមុនស្ទើរទ្វេដងលើសរថយន្ត Ford Ranger ជំនាន់ថ្មី និងត្រូវបានប្រើប្រាស់ដែកថែបពិសេសកម្រាស់ 2.3 មីលីម៉ែត្រមកធ្វើ។ ជាលើកដំបូងដែលរថយន្ត Ford Ranger Raptor ប្រើប្រាស់ប្រព័ន្ធគ្រប់គ្រងប៉ុងថ្មី (Advanced Permanent Four-Wheel Drive System) ជាមួយនឹងប្រព័ន្ធចាប់ប៉ុងរថយន្តទាំងកង់មុខ និងកង់ក្រោយដែលសម្រួលពេលជាប់ផុង (Front and Rear Locking Differentials)

លោក Dave Burn ជាប្រធានគ្រប់គ្រងវិស្វករនៃរថយន្ត Ford Ranger Raptor បានមានប្រសាសន៍ថា៖ “Ranger Raptor បានបំផុសគំនិតចេញពីអ្នកប្រណាំងឡានលើវាលខ្សាច់ ដូច្នេះហើយទើបយើងបានរចនារថយន្ត Off-Road Pickup ជំនាន់ថ្មីមួយដែលលោកអ្នកពុំចាំបាច់យកវាទៅកែច្នៃ (Modify) បន្ថែមនោះទេ”។

សម្រាប់ Mode នៃការបើកបរមានរហូតទៅដល់ 7 ហើយពណ៍នៅលើកុងទ័រ និងប្តូរពណ៍ទៅតាម Mode នៃការបើកបរដែលលោកអ្នកជ្រើសរើសដូចជា៖

ផ្លូវធម្មតា (Normal) សម្រាប់បើកបរផ្លូវធម្មតា និងការប្រើប្រាស់សន្សំសំចៃប្រេង
ការបើកបរបែបស្ព័រ (Sport) សម្រាប់ការបើកបរផ្លូវល្បឿនលឿនដែលត្រូវការកម្លាំងខ្លាំង
ផ្លូវរអិល (Slippery) សម្រាប់ការបើកបរលើផ្លូវរអិល ដែលវាជួយទប់លំនឹងរថយន្តបន្ថែម
ផ្លូវថ្ម គ្រួស (Rock Crawl) សម្រាប់ការបើកបរលើផ្លូវដែលមានថ្ម មានគ្រួស
ផ្លូវខ្សាច់ (Sand) សម្រាប់ការបើកបរលើផ្លូវខ្សាច់ និងផ្លូវដែលមានព្រិលក្រាស់
ផ្លូវភក់ (Mud/Ruts) សម្រាប់ការបើកបរលើផ្លូវដែលមានភក់ ផុកដែលវាជួយទប់លំនឹងរថយន្តបានល្អ
ផ្លូវឧបសគ្គ (Baja) សម្រាប់ការបើកបរលើផ្លូវដែលមានឧបសគ្គច្រើន និងអាចបើកបរក្នុងល្បឿនលឿន

មុខងារថ្មីមួយដែលទើបតែមានបំពាក់នៅលើរថយន្ត Ford Ranger Raptor ជំនាន់ថ្មីនោះគឺ Trail Control ដែលអនុញ្ញាតឲ្យអ្នកបើកបរកំណត់ល្បឿនថេរមិនលើសពី 32Km/h ក្នុងស្ថានភាពផ្លូវលំបាក និងមានឧបសគ្គដែលវាស្រដៀងទៅនឹងប្រព័ន្ធ Cruise Control ដែរ។ ប្រិយមិត្តយល់យ៉ាងណាដែរចំពោះការប្រកាសចេញនៃរថយន្ត Ford Ranger Raptor ជំនាន់ថ្មីនេះ?

February 23, 2022

ពិធីសម្ភោធភោជនីយដ្ឋាន Hiko Teppanyaki សាខា Design Village

ក្រុមហ៊ុន ហ្វាន់ ហ្វូដ ឯ.ក គឺជាក្រុមហ៊ុនមួយដែលមានចក្ខុវិស័យ “ក្លាយខ្លួនជាក្រុមហ៊ុនមានភាពនាំមុខគេនៅក្នុងវិស័យម្ហូបអាហារនៅរបស់ប្រទេសកម្ពុជា រួមជាមួយនឹងការផ្តល់ជូននូវម្ហូបអាហារ ប្លែកៗ ក៏ដូចជាសេវាកម្មដ៏ល្អឥតខ្ចោះ”។ សព្វថ្ងៃនេះក្រុមហ៊ុន ហ្វាន់ ហ្វូដ ឯ.ក មានយីហោភោជនីយដ្ឋានចំនួន ៥ ដូចជា ភោជនីយដ្ឋាន កាពីទែនស៊ីហ្វូត (The Captain Seafood) ភោជនីយដ្ឋាន ហ្វាន់ក្រែប ស៊ីហ្វូត (Fun Crab Seafood) ភោជនីយដ្ឋានម្ហូបខ្មែរ ម្រះព្រៅ (Mras Prov), The Cut Steakhouse និង Hiko Teppanyaki។ បន្ថែមលើការទទួលទាននៅក្នុងភោជនីយដ្ឋាន និងតាមរយៈសេវាកម្មដឹកជញ្ជូនដល់ផ្ទះ ក្រុមហ៊ុនក៏មានផ្តល់ជូននូវសេវាកម្មរៀបចំម្ហូបអាហារដល់ទីតាំងរបស់អតិថិជន (Catering Service) ដែលមានម្ហូបច្រើនជម្រើស ដូចជា ម្ហូបខ្មែរ អឺរ៉ុប ជប៉ុន ជាពិសេសគឺម្ហូបជប៉ុនដែលចម្អិនដោយចុងភៅ Hibachi ផ្ទាល់ ហៅថា “Teppanyaki at Home”។

ភោជនីយដ្ឋាន Hiko Teppanyaki ជាភោជនីយដ្ឋានបែបជប៉ុន ដែលអតិថិជន អាចបរិភោគអាហារស្រស់ៗ និងទទួលបានបទពិសោធន៍ បរិភោគអាហារដែលចម្អិនដោយផ្ទាល់ពីចុងភៅ Hibachi ដែលមានបទពិសោធន៍ច្រើន។

លោក ងន ដេវីដសំបូរ អ្នកគ្រប់គ្រងទូទៅក្រុមហ៊ុន ហ្វាន់ ហ្វូដ ឯ.ក មានប្រសាសន៍ថា នៅភោជនីយដ្ឋាន Hiko Teppanyaki អតិថិជន អាចជ្រើសរើសមុខម្ហូបពិសេសៗជាង៩០មុខ ដូចជា សាច់គោអូស្រ្តាលី អាមេរិក ជប៉ុន សាច់ចៀម បង្កងតាកែវ បង្កងកាណាដា ក្តាមថ្ម ក្តាមអាឡាស្កា និងបន្លែស្រស់ៗ។

ភោជនីយដ្ឋាន Hiko Teppanyaki ថ្មី សាខា Design Village មានអាស័យដ្ឋានផ្ទះលេខ ៦៤៥៣ ផ្លូវលេខ ១០០៣ ភូមិ ទំនប់១ សង្កាត់ភ្នំពេញថ្មី ខ័ណ្ឌសែនសុខ ភ្នំពេញ។ សាខាថ្មីនេះ នឹងធ្វើអោយអតិថិជនកាន់តែភ្ញាក់ផ្អើល ជាមួយនឹងទំហំកាន់តែធំ រចនាបថពិសេសជាងមុនដែលលម្អដោយសួនជប៉ុន និងដើមសាគូរ៉ាដ៏ធំ នៅជាន់ផ្ទាល់ដី នៃផ្សារទំនើប Design Village តែម្តង។ ទីតាំងថ្មីនេះមានបន្ទប់ធំៗ និង ឡោញ ដែលអាចទទួលអតិថិជនបានច្រើននាក់ទៀតផងដែរ។

“ទោះបីជាមានការប្រកួតប្រជែងខ្លាំងក្នុងវិស័យម្ហូបអាហារ ហ្វាន់ ហ្វូដ បានជ្រើសរើសយកយុទ្ធសាស្រ្តផ្តោតលើគុណភាពអាហារ និងសេវាកម្ម ដោយប្រើប្រាស់គ្រឿងផ្សំដែលមានគុណភាពល្អ ក្នុងស្រុក និងក្រៅស្រុក” លោក ងន ដេវីដសំបូរ បានបន្ថែម។

បច្ចុប្បន្ន ក្រុមហ៊ុន ហ្វាន់ ហ្វូដ ឯ.ក មានសាខាភោជនីយដ្ឋានចំនួន ៦ កន្លែងនៅ រាជធានីភ្នំពេញ ដោយរាប់បញ្ចូលទាំងភោជនីយដ្ឋាន Hiko Teppanyaki សាខា Design Village នេះ។ លោកបានបញ្ជាក់ផងដែរថា ក្នុងឆ្នាំ២០២២ នេះ ក្រុមហ៊ុន ហ្វាន់ ហ្វូដ មានគម្រោងបើក ភោជនីយដ្ឋាន ៥កន្លែងបន្ថែមទៀតនៅកម្ពុជា ដែលរួមទាំងបង្កើតយីហោ និងរចនាបថថ្មីៗ។

ទំនាក់ទំនង

ទីតាំង ១៖ ស្ថិតនៅជាន់ទី១ នៃផ្សារទំនើបChip Mong Noro Mall លេខទូរសព្ទ៖ 023 88 57 67 / 096 767 57 67

ទីតាំង ១៖ ស្ថិតនៅជាន់ផ្ទាល់ដី Design Village ផ្ទះលេខ ៦៤៥៣ ផ្លូវលេខ ១០០៣ ភូមិ ទំនប់១ សង្កាត់ភ្នំពេញថ្មី លេខទូរសព្ទ៖ 066 60 68 68 / 023 23 83 84

February 1, 2022

Ford Cambodia បើកទទួលការកក់ជាផ្លូវការនៃរថយន្ត Ford Ranger ស៊េរីថ្មី 2023

ក្រុមហ៊ុន អ អិម អេ (ខេមបូឌា) ម.ក ដែលជាក្រុមហ៊ុននាំចូល និងចែកចាយផ្ដាច់មុខនូវរថយន្ត Ford គ្រប់ប្រភេទក្នុងទីផ្សារប្រទេសកម្ពុជាបានប្រកាសបើកទទួលការកក់ជាផ្លូវការជាមួយនឹងរថយន្ត Ford Ranger ស៊េរីថ្មី 2023 ជាមួយនឹងតម្លៃពិសេស។

អស់រយៈពេលជាច្រើនឆ្នាំហើយដែលរថយន្ត Ford បានរក្សានូវភាពរឹងមាំ និងសមត្ថភាពលើសពីដៃគូប្រកួតប្រជែង ហើយឆ្នាំនេះ Ford សម្រេចចិត្តបញ្ចេញនូវរូបរាងថ្មីទាំងស្រុងនៃត្រកូល Ford Ranger ដើម្បីឲ្យកាន់តែមានភាពលេចធ្លោ និងជាពិសេសនឹងផ្តល់នូវរូបរាង បទពិសោធន៍ថ្មីជូនដល់អតិថិជន។

ជឿជាក់ថាតាមរយៈការផ្លាស់ប្តូររូបរាងថ្មីទាំងស្រុងនេះ Ford Ranger ស៊េរីថ្មីនេះនឹងបំបែកកំណត់ត្រាលក់ថ្មីជាមួយនឹងតូលេខដ៏ច្រើនពុំធ្លាប់មាន។ រថយន្ត Ford Ranger ស៊េរីថ្មីឆ្នាំ 2023 បានបំពាក់ជាមួយនឹងម៉ាស៊ីន Bi-Turbo ស៊េរីថ្មី, ប្រអប់លេខ 10 វគ្គអូតូ ដែលធ្វើឲ្យការបើកបរមានភាពរលូន

ហើយអ្វីដែលអតិថិជនទាំងអស់គ្នាកំពុងតែទន្ទឹមរង់ចាំនោះគឺបានមកដល់ហើយគឺការបំពាក់ប្រព័ន្ធកាមេរ៉ាសុវត្ថិភាព 360 ដឺក្រេមួយជុំវិញរថយន្តតែម្តង សេនសឺផ្នែកខាងមុខ និងផ្នែកខាងក្រោយ បូករួមជាមួយនឹងអេក្រង់បញ្ឈរទំហំធំរហូតដល់ទៅ 12 អ៊ីញ ដែលផ្តល់រូបភាពរស់រវើក និងទិន្នន័យយ៉ាងលម្អិត

កុងទ័រឌីជីថលរចនាថ្មីទាំងស្រុងទំហំ 8 អ៊ីញ ក្រៅពីនេះនៅមានប្រព័ន្ធសុវត្ថិភាព និងបច្ចេកវិទ្យាជំនាន់ចុងក្រោយដែលជួយសម្រួលដល់អ្នកប្រើប្រាស់ជាច្រើនទៀតដូចជា៖ ប្រព័ន្ធគ្រប់គ្រងការបើកបរគ្រប់ស្ថានភាពផ្លូវ (On- and Off- Road Drive Modes) ដែលកាលពីមុនមានបំពាក់តែប្រភេទ Ranger Raptor តែប៉ុណ្ណោះ តែឥឡូវនេះប្រព័ន្ធនេះក៏មានបំពាក់លើរថយន្ត Ford Ranger ស៊េរីថ្មី 2023ដែរ

ប្រព័ន្ធហ្វ្រាំងដៃអេឡិចត្រូនិច ប្រព័ន្ធសាកថ្មទូរស័ព្ទឥតខ្សែ និងការបំពាក់នូវម៉ាស៊ីនត្រជាក់ផ្នែកខាងក្រោយ។ល។ រថយន្ត Ford Ranger ស៊េរីថ្មីឆ្នាំ 2023 មាន 5 ពណ៍សម្រាប់ជ្រើសរើសដូចជា៖ ស ខ្មៅ ប្រផេះ ទឹកប្រាក់ និងទឹកក្រូច។

សម្រាប់ព័ត៍មានបន្ថែមលោកអ្នកអាចអញ្ជើញទៅសាកសួរនៅតាមបណ្តាសាខាអគារតាំងបង្ហាញរថយន្ត Ford និងទំនាក់ទំនងទៅតាមលេខទូរស័ព្ទដូចខាងក្រោម៖

អគារតាំងបង្ហាញសាខាផ្លូវ ព្រះមុនីវង្ស ដែលស្ថិតនៅអគារលេខ 444 ផ្លួវព្រះមុនីវង្ស ជាប់ទូតវៀតណាម លេខទូរស័ព្ទទំនាក់ទំនង៖ 078 999 773
អគារតាំងបង្ហាញសាខា ទឹកថ្លា ដែលស្ថិតនៅតាមបណ្តោយផ្លូវទៅព្រលានយន្តហោះ លេខទូរស័ព្ទទំនាក់ទំនង៖ 095 939 939
អគារតាំងបង្ហាញសាខា ទួលសង្កែ ដែលស្ថិតនៅលើផ្លូវ 105 ជិតផ្សារសាំហាន់ លេខទូរស័ព្ទទំនាក់ទំនង៖ 078 935 935
អគារតាំងបង្ហាញសាខាខេត្ត សៀមរាប ដែលស្ថិតនៅអគារលេខ 593 តាមបណ្តោយផ្លូវជាតិលេខ 6A លេខទូរស័ព្ទទំនាក់ទំនង៖ 077 666 357
អគារតាំងបង្ហាញសាខាខេត្ត កំពង់ចាម ដែលស្ថិតនៅអគារលេខ 940 តាមបណ្តោយផ្លូវជាតិលេខ 7 ភូមិបឹងស្នាយ សង្កាត់សំបូមាស ក្រុងកំពង់ចាម លេខទូរស័ព្ទទំនាក់ទំនង៖ 078 999 883។

January 20, 2022

Category: PR