PR - La Reine Media

FATA in 21st century

នៅក្នុងសតវត្សទី២១ នេះ ការរីកចម្រើននៃបច្ចេកវិទ្យាកំពុងរីកដុះដាល យ៉ាងខ្លាំងពីមួយថ្ងៃទៅមួយថ្ងៃគួរអោយកត់សម្គាល់ ដែលការរីកចម្រើននេះ បានបង្កលក្ខណៈងាយស្រួលដល់សង្គមជាតិសើ្ទរគ្រប់វិស័យ។ ក្នុងនោះការរីកចម្រើននៃបច្ចេកវិទ្យាក៏កំពុងតែដើរតួនាទីយ៉ាងសំខាន់ក្នុងវិស័យហិរញ្ញវត្ថុក្នុងប្រទេសកម្ពុជាផងដែរ ។ ព្រមជាមួយនឹងភាពវិជ្ជមានទាំងនេះ ការវិវត្តន៍នៃបច្ចេកវិទ្យាសម័យទំនើប ក៏អាចនឹងជះឥទ្ធិពល និង បង្កជាឧបសគ្គខ្លះដែរ ខណៈពេលដែលប្រទេសកម្ពុជាជាប្រទេសកំពុងអភិវឌ្ឍន៍ ។

ដោយមើលឃើញពីសារ:សំខាន់ទាំងនេះ ក្លឹបសវនកម្មខេមអេដ (CamEd Audit Club) បានរៀបចំសិក្ខាសាលាមួយដែលមានឈ្មោះថា « FATA in 21st Century » ក្រោមប្រធានបទ “ការវិវត្តន៍នៃវិស័យឧស្សាហកម្មហិរញ្ញវត្ថុ” នៅ ថ្ងៃអាទិត្យ ទី១៣ តុលា ២០១៩ ខាងមុខនេះ នៅក្នុងសាលពហុបំណង (Multipurpose Hall) នៃ Cambodia-Korean Cooperation Center (CKCC) ក្នុងសកលវិទ្យាល័យភូមិន្ទភ្នំពេញ ចាប់ពី ម៉ោង១ ដល់ ៦ រសៀល។

សិក្ខាសិលានេះនឹងជជែកពិភាក្សាលើការវិវត្តន៍នៃបច្ចេកវិទ្យាលើវិស័យគណនេយ្យ វិស័យហិរញ្ញវត្ថុ វិស័យពន្ធដារ និង វិស័យសវនកម្ម។ អ្វីដែលសំខាន់ជាងនេះទៅទៀតនោះគឺនឹងមានការបកស្រាយវែកញែកពីវិធី ក្នុងការទាញយកអត្ថប្រយោជន៍ និង ដំណោះស្រាយនូវបញ្ហាប្រឈមដែលអាចកើតឡើង។ កម្មវិធីនេះរៀបចំឡើងសម្រាប់សិស្ស និស្សិត និយោជិក និងសហគ្រិនធុនតូចនិងមធ្យម ក្នុងគោលបំណងលើក កំពស់ការយល់ដឹងអំពីផលប៉ះពាល់នៃការផ្លាស់ប្ដូរគួរអោយកត់សម្គាល់ និងការអភិវឌ្ឍន៍ខ្លួនដើម្បីសម្របជាមួយនឹងបច្ចេកវិទ្យាទំនើបៗរបស់ឧស្សាហកម្មហិរញ្ញវត្ថុ។ សម្រាប់សិស្ស និស្សិត និង អ្នកបញ្ចប់ការសិក្សា ពួកគេអាចនឹងទទួលបាននូវចំណេះដឹងថ្មីៗ ដើម្បីត្រៀមខ្លួនប្រឡូកក្នុងវិស័យគណនេយ្យ វិស័យហិរញ្ញវត្ថុ វិស័យពន្ធដារ និងវិស័យសវនកម្មនៃជំនាន់ថ្មីនេះ។ ទន្ទឹមនឹងនេះ ចំពោះនិយោជិកពួកគេនឹងអាចស្វែងយល់ពីផលវិជ្ជមាននៃបច្ចេកវិទ្យាក្នុងសតវត្សទី២១នេះ និងបញ្ហាប្រឈមនៃចរន្តការងារដែលអាចកើតមានឡើងបច្ចុប្បន្នភាពនេះ រួមជាមួយនឹងដំណោះស្រាយផងដែរ។ សម្រាប់សិស្ស និស្សិត និង អ្នកបញ្ចប់ការសិក្សា ពួកគេអាចនឹងទទួលបាននូវចំណេះដឹងពីតួនាទីថ្មីៗនិងរបៀបនៃការធ្វើការក្នុងវិស័យគណនេយ្យ ហិរញ្ញវត្ថុ ពន្ធដារ និងសវនកម្មនៃជំនាន់ថ្មីនេះ។ សំរាប់ម្ចាស់អាជីវកម្មខ្នាតតូច និងមធ្យម ពួកគាត់នឹងអាចទទួលបាននូវឱកាសដេីម្បីស្វែងយល់ពីចំនេះដឹងផ្សេងៗលើបច្ចេកវិទ្យានាពេលបច្ចុប្បន្ន និងពេលខាងមុខ ដែលឆ្លុះបញ្ចាំងពីរបៀបគ្រប់គ្រងអាជីវកម្មបែបទំនើបអោយមានប្រសិទ្ធភាពបំផុត។

សិក្ខាសាលានេះនឹងមានការចូលរួមចែករំលែកចំនេះដឹង និង បទពិសោធន៍ពីសំណាក់វាគ្មិនកិត្តិយស រួមមាន ៖

១. លោក ហោ ប៊ុនថែ អគ្គនាយករងនៃធនាគារឯកទេសវីង(Wing) បកស្រាយវិភាគវែកញែកលើប្រធានបទ “ការជះឥទ្ធិពលនៃបច្ចេកវិទ្យាទៅលើវិស័យហិរញ្ញវត្តុ“

២. លោក ជេន ផាត ប្រធាននាយកដ្ឋាន អនុលោមភាព និង ត្រួតពិនិត្យអគ្គលេខាធិការដ្ឋាននៃក្រុមប្រឹក្សាជាតិគណនេយ្យ(NAC) បកស្រាយពិភាក្សាលើប្រធានបទ “ ការជះឥទ្ធិពលនៃបច្ចេកវិទ្យាទៅលើវិស័យគណនេយ្យ “
៣. លោក ខាវ ហុង អ្នកដឹកនាំជាន់ខ្ពស់នៃ Ernst & Young Cambodia (EY) បកស្រាយវិភាគវែកញែកលើប្រធានបទ “ ការជះឥទ្ធិពលនៃបច្ចេកវិទ្យាទៅលើវិស័យសវនកម្ម “

៤. ឯកឧត្តម អេង រតនា ប្រធាននាយកដ្ឋានគ្រប់គ្រងអ្នកជាប់ពន្ធធំនៃអគ្គនាយកដ្ឋានពន្ធដារជាតិ (GDT) បកស្រាយពិភាក្សាលើប្រធានបទ “ ការជះឥទ្ធិពលនៃបច្ចេកវិទ្យាទៅលើវិស័យពន្ធដារ “។

មិនតែប៉ុណ្ណោះសិក្ខាសាលា <FATA in 21st Century> ក៏មានរួមបញ្ចូលនូវការតាំងបង្ហាញការងារពីក្រុមហ៊ុនល្បីៗ ដែលអាចផ្តល់ឱកាសឲ្យអ្នកចូលរួមអាចសាកសួរព័ត៌មានទាក់ទងទៅនឹងឱកាសការងារ ជាច្រើន ព្រមទាំងឱកាសក្នុងការដាក់ពាក្យថែមទៀតផង៕ នៅចាំអីទៀតមកចូលរួមទាំងអស់គ្នាណា កុំភ្លេចរៀបចំ CV មកផង!

បេីអ្នកចង់ដឹងកាន់តែច្បាស់ថាពីការវិវត្តិន៍របស់បច្ចេកវិទ្យានាយុគសម័យមួយនេះ តោះចួលរួមជាមួយកម្មវិធី FATA in 21st Century ទាំងអស់គ្នា។ សំបុត្រចូលរួមតម្លៃត្រឹមតែ៤.៩៩ដុល្លារ ដែលរួមបញ្ចូលនូវអាហារសំរន់ និង គូប៉ុងបញ្ចុះតម្លៃ50%ពី Co-Creative Corner Coffee ភ្លាមៗនៅពេលទិញសំបុត្រព្រមទាំងឱកាសឈ្នះរង្វាន់ផ្សេងៗនាចុងកម្មវិធីផងដែរ។ ក៏ប៉ុន្តែរាល់ការជាវសំបុត្រនៅមុនថ្ងៃទី ០៤ ខែតុលា សំបុត្រមានតម្លៃត្រឹមតែ ៣.៩៩ ដុល្លាតែប៉ុណ្ណោះ! រួសរាន់ឡេីង!

តោះមកត្រៀមខ្លួនទាំងអស់គ្នាសំរាប់ការមកដល់នៃការវិវត្តិន៍របស់វិស័យឧស្សាហកម្ម!

សម្រាប់ព័ត៌មានបន្ថែមទាក់ទងនឹងកម្មវិធី សូមធ្វើការតាមដាន និង ទំនាក់ទំនងតាម FB Page: CamEd Audit Club រឺ ទំនាក់ទំនងមកកាន់លេខទូរស័ព្ទ៖
097 36 00 514
096 34 35 114
092 99 59 03
Registration Link: https://forms.gle/SsfG6SjsV5gsDQuV9

October 1, 2019

កម្មការិនីរោងចក្រម្នាក់នៅរាជធានីភ្នំពេញ ឈ្នះរង្វាន់១០០លានរៀលពី ភេសជ្ជៈប៉ូវកម្លាំង ខារ៉ាបាវ

ភ្នំពេញ ៖ ស្ត្រីម្នាក់ដែលកំពុងបម្រើការងារជាកម្មការិនីរោងចក្រកាត់ដេរនៅរាជធានីភ្នំពេញ មានសំណាងបានឈ្នះរង្វាន់ធំ១០០លានរៀល ពីភេសជ្ជៈប៉ូវកម្លាំង ខារ៉ាបាវ ។

ស្ត្រីដែលមានសំណាងខាងលើនេះ មានឈ្មោះ ម៉ក់ ស៊្រីម អាយុ ៣៥ឆ្នាំ បច្ចុប្បន្នកំពុងបម្រើការងារជាកម្មការិនីរោងចក្រកាត់ដេរ និងស្នាក់នៅបន្ទប់ជួលក្នុងភូមិត្រពាំងថ្លឹង សង្កាត់ចោមចៅ ខណ្ឌពោសែនជ័យ រាជធានីភ្នំពេញ និងមានកូន២នាក់នៅក្នុងបន្ទុក។

ថ្លែងប្រាប់ក្រុមការងារ ដែលចុះប្រគល់រង្វាន់នូវចំនួនទឹកប្រាក់ ១០០លានរៀលដល់លំនៅដ្ឋាន អ្នកស្រី ម៉ក់ ស៊្រីម បានបញ្ជាក់ឱ្យដឹងថា អ្នកស្រីមានស្រុកកំណើតនៅខេត្តកំពង់ធំ ស្រុកបារាយណ៍ ប៉ុន្តែដោយសារតែកក្តាជីវភាពគ្រួសារលំបាកពេក ក៏បានមករស់នៅរាជធានីភ្នំពេញ ដោយបម្រើការងារជាកម្មកររោងចក្រកាត់ដេរទាំង២នាក់ប្ដី ប្រពន្ធ តែម្ដង។

អ្នកស្រីបានបន្តទៀតថា បើទោះជាមានការងារធ្វើទាំង២នាក់ប្ដី ប្រពន្ធពិតមែន ប៉ុន្តែនៅតែជួបភាពលំបាកក្នុងគ្រួសារខ្លះៗដែរ ជាពិសេសនៅមានជំពាក់បំណុលឯកជនមួយចំនួនដែរ។

ដោយឡែកសម្រាប់ការឈ្នះរង្វាន់១០០លានរៀលពីភេសជ្ជៈប៉ូវកម្លាំង ខារ៉ាបាវ នេះ គឺកាលពីសប្ដាហ៍កន្លងទៅនេះ នៅពេលសម្រាកពីការងារនៅរោងចក្រ អ្នកស្រីបានទិញ ភេសជ្ជៈ ខារ៉ាបាវ មួយកំប៉ុងពីអ្នកលក់ដែលបម្រើការងារនៅរោងចក្រជាមួយគ្នាទុកគ្រាន់ទទួលទានពេលអស់កម្លាំង ។ លុះពេលគាស់ ក៏ស្រាប់តែឃើញមានរង្វាន់នៅនឹងក្រវិលកំប៉ុងតែយម្ដង។ ភ្លាមនោះ អ្នកស្រីពិតជារំភើបជាខ្លាំង ហើយបានហៅអ្នកនៅជុំវិញខ្លួនឱ្យជួយមើល និងទូរស័ព្ទផ្តល់ដំណឹងដល់ក្រុមហ៊ុនតាមរយៈលេខទូរស័ព្ទដែលមានស្រាប់នឹងក្រវិលកំប៉ុងតែម្ដង។

អ្នកស្រីបានបន្តទៀតថា សម្រាប់ទឹកប្រាក់១០០លានរៀលនេះ គឺពិតជាមានសារសំខាន់ចំពោះគ្រួសារខ្លាំងណាស់ ដែលបន្ទាប់ពីទទួលបានថវិការង្វាន់នេះ អ្នកស្រីនឹងយកទៅសង់បំណុលគេ ហើយទុកមួយចំនួនសង់ផ្ទះស្នាក់នៅឯស្រុកកំណើត និងទិញដីស្រែសម្រាប់បង្កបង្កើនផល ដើម្បីទ្រទ្រង់ជីវភាពទៅថ្ងៃអនាគត។

សូមបញ្ជាក់ផងដែរថា ជាការថ្លែងអំណរគុណចំពោះអតិថិជន ក្រុមហ៊ុន ភេសជ្ជៈប៉ូវកម្លាំង ខារ៉ាបាវ បានបង្កើនរង្វាន់យ៉ាងសន្ធឹកសន្ធាប់នូវចំនួនទឹកប្រាក់សុទ្ធ ១០០លានរៀល កើនឡើងដល់ ១០០ រង្វាន់ , បន្ថែមទឹកប្រាក់ចំនួន ១០ លានរៀល ចំនួន១០០ រង្វាន់, ម៉ូតូ HONDA Dream កើនឡើងដល់ ១០០ រង្វាន់ , ទូរស័ព្ទដៃ iPhone កើនឡើងដល់ ១០០ រង្វាន់ រួមជាមួយការផ្តល់ជូនរង្វាន់1កំប៉ុង រាប់លានកំប៉ុង ដោយគ្មានការកំណត់នោះទេ ។ សូមចំណាំ ៖ សម្រាប់រង្វាន់ពិតប្រាកដ គឺមានតែនៅសម្បកកំប៉ុង ដែលមានអក្សរខ្មែរជាសញ្ញាសម្គាល់តែប៉ុណ្ណោះ ៕

September 27, 2019

ថាមែនៗ…! កំពូលអធិរាជស្មាតហ្វូនប៊ិក Galaxy Note 10 និង 10+ លក់ដាច់ខ្លាំងលើសពីការរំពឹងទុក!!

ភ្នំពេញថ្ងៃទី ២៦ ខែកញ្ញា ឆ្នាំ២០១៩៖ ក្នុងមួយរយៈពេលខ្លីចុងក្រោយនេះយើងសង្កេតឃើញថា ក្រុមហ៊ុនបច្ចេកវិទ្យាយក្ស សាមសុង បានបញ្ចេញនូវកំពូលស្មាតហ្វូនប្រចាំឆ្នាំ ២០១៩ របស់ខ្លួនផ្ទួនៗដោយមិនបង្អង់ដៃឡើយដែលជាហេតុធ្វើឱ្យទីផ្សារទាំងមូលផ្អើលឈូឆរ កក្រើក និងកោតសរសើរជាមួយនឹងបច្ចេកវិទ្យាដ៏ល្អអស្ចារ្យផ្តាច់គេនៃផលិតផលរបស់ខ្លួន!ជាក់ស្តែងក្នុងទីផ្សារប្រទេសកម្ពុជាដែលពោរពេញដោយអ្នកចូលចិត្តប្រើប្រាស់នូវកំពូលផលិតផល ស្មាតហ្វូនរបស់ក្រុមហ៊ុន សាមសុង ម៉ូឌែល Galaxy Note 10 និង 10+ ពិតជាបានទទួលការស្រឡាញ់គាំទ្រ និងលក់ដាច់យ៉ាងច្រើនលើសលុបខ្លាំងបំផុតហួសពីការរំពឹងទុករបស់ក្រុមហ៊ុន។
បើតាមប្រសាសន៍របស់លោក Warren Chew ដែលជាប្រធានផ្នែកលក់ទូរស័ព្ទដៃនៃក្រុមហ៊ុនសាខាថៃសាមសុង អេឡិចត្រូនិក ប្រចាំព្រះរាជាណាចក្រកម្ពុជា បានប្រកាសយ៉ាងច្បាស់ និងមានមោទនភាពថា “អធិរាជកំពូលស្មាតហ្វូន Galaxy Note 10 និង 10+ ពិតជាលក់ដាច់ខ្លាំងមែនទែនតែម្តង…! លក់ដាច់រហូតដល់ថ្នាក់ស្ទើរតែដាច់ស្តុកតាមដេប៉ូចែកចាយរបស់ផលិតផលល សាមសុង ផងដែរ។ អស្ចារ្យ…!!លោកក៏បានបន្ថែមទៀតថា “ក្រុមហ៊ុនសាមសុង ប្តេជ្ញានឹងមិនធ្វើឱ្យអតិថិជនរបស់ខ្លួនទាំងអស់ទាស់ចិត្តឡើយដោយខិតខំព្យាយាមឱ្យអស់ពីលទ្ធភាព ដើម្បីធ្វើការផ្តល់ជូនស្តេចកំពូលស្មាតហ្វូនប៊ិកដ៏ល្អឥតខ្ចោះទាំង ២ ស៊េរីនេះ ជូនដល់អតិថិជនទាន់ពេលវេលា!
ហើយខាងក្រោមនេះ គឺជាតម្លៃ និងពណ៌របស់ Galaxy Note 10 និង 10+ ដែលផ្តល់ជូន៖
* Galaxy Note10៖ មាន…ពណ៌ (ពណ៌ប្រាក់, ពណ៌……… ) តម្លៃ $899
* Galaxy Note10+៖ មាន ៣ ពណ៌ (ពណ៌ប្រាក់ ពណ៌ខ្មៅ ពណ៌ស) តម្លៃ $1,059
លោកអ្នកក៏អាចរកជាវកំពូលស្មាតហ្វូន Galaxy Note 10 និង 10+ បាននៅតាមហាង ឬដេប៉ូចែកចាយទូរស័ព្ទដៃ និងផលិតផល សាមសុង ទាំងអស់ក្នុងប្រទេសកម្ពុជាដែលនៅជិតលោកអ្នកបំផុត ឬក៏អាចទំនាក់ទំនងមកកាន់លេខ 1800 20 3232 !!

September 26, 2019

ក្រុមហ៊ុន Luxury Smile រៀបចំប្រគល់ពានរង្វាន់សហគ្រិនឆ្នើមអាស៊ាន CEO ធំជាងគេបំផុតដល់ម្ចាស់អាជីវកម្មផ្នែកសម្ផស្ស

ក្រុមហ៊ុន Luxury Smile Beauty Group Co., LTD ដែលជាក្រុមហ៊ុនបង្កើតម៉ាកសញ្ញា និងចែកចាយផលិតផលគ្រឿងសម្អាងធំជាងគេបំផុតនៅកម្ពុជា បានរៀបចំកម្មវិធីប្រគល់ពានរង្វាន់សហគ្រិនឆ្នើមអាស៊ាន CEO ប្រចាំឆ្នាំ2019 ដំបូងបំផុតសម្រាប់ម្ចាស់អាជីវកម្មឆ្នើមផ្នែកសម្ផស្ស។

កម្មវិធីដ៏មានសារៈសំខាន់នេះនឹងត្រូវរៀបចំឡើងនៅថ្ងៃទី8 ខែវិច្ឆិកា ឆ្នាំ2019 ក្រុមអធិបតីភាពលោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល តំណាងដ៏ខ្ពង់ខ្ពស់របស់ឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាល ចាប់ពីម៉ោង 5ល្ងាច រហូតដល់ម៉ោង 9យប់ នៅផ្សារទំនើប AOEN II សែនសុខ។

លោកឧកញ៉ា ចិត្រ សេរីសុភ័ក្ត្រ បានលើកឡើងថា កម្មវិធីនេះបង្កើតឡើងដើម្បីលើកស្ទួយដល់វិស័យសុខាភិបាល ជាពិសេសផ្នែកសម្ផស្សដែលកំពុងមានការរីកចម្រើនយ៉ាងឆាប់រហ័សពីមួយថ្ងៃទៅមួយថ្ងៃ។ ស្របពេលដែលកំណើនសេដ្ឋកិច្ចមានការរីកចម្រើនយ៉ាងលឿន ប្រជាជនចាប់ផ្តើមមានកម្រិតជីវភាពល្អប្រសើរ ធ្វើឱ្យសាធារណជនចាប់ផ្តើមគិតគូរកាន់តែខ្លាំងពីគុណភាពនៃជីវិត និងសម្រស់។ ហេតុនេះហើយទើបតម្រូវការផ្នែកគ្រឿងសម្អាង និងផលិតផលថែរក្សាសម្ផស្សបានកើនឡើងយ៉ាងខ្លាំង។

លោកឧកញ៉ា ចិត្រ សេរីសុភ័ក្ត្រ បានមានប្រសាសន៍ថា៖ «ដោយមើលឃើញពីចរន្តនៃភាពរីកចម្រើនផ្នែកសម្ផស្សនេះ យើងបានរៀបចំកម្មវិធីប្រគល់ពានរង្វាន់សហគ្រិនឆ្នើមអាស៊ាន CEO ប្រចាំឆ្នាំ2019 ដ៏ធំ និងដំបូងបំផុតនេះឡើង ដើម្បីជួយដល់វិស័យសម្ផស្សទាំងមូលក៏ដូចជាលើកទឹកចិត្ត និងជំរុញឱ្យម្ចាស់អាជីវកម្មផ្នែកសម្ផស្សទាំងអស់មានទឹកចិត្តកាន់តែខ្លាំងក្នុងការអភិវឌ្ឍសមត្ថភាព និងស្វែងយល់បន្ថែមពីចំណេះដឹងជុំវិញអាជីវកម្មដ៏មានសារៈសំខាន់នេះ»។

លោកឧកញ៉ា បានបន្ថែមទៀតថា កម្មវិធីនេះនឹងធ្វើឱ្យម្ចាស់អាជីវកម្មទាំងអស់កាន់តែមានទំនុកចិត្តខ្ពស់ពីសាធារណជនទាំងអស់ ព្រោះអ្នកដែលប្រគល់ពានរង្វាន់ជារដ្ឋលេខាធិការក្រសួងសុខាភិបាលផ្ទាល់ ព្រមទាំងមានការចូលរួមពីស្ថាប័នពាក់ព័ន្ធ ដូចជានាយកដ្ឋានប្រឆាំងបទល្មើសក្លែងក្លាយ ស្ថានទូតនានា និងម្ចាស់អាជីវកម្មធំៗជាច្រើនផ្សេងទៀតទាំងក្នុង និងក្រៅប្រទេស។ ក្រៅពីនេះ អ្នកចូលរួមទាំងអស់ក៏នឹងទទួលបានចំណេះដឹងបន្ថែមផ្នែកផ្លូវច្បាប់លើការបង្កើតម៉ាកសញ្ញា និងគន្លឹះសំខាន់ៗក្នុងការជំរុញអាជីវកម្មឱ្យជោគជ័យលើវិស័យសម្ផស្ស។

គួរបញ្ជាក់ផងដែរថា ក្រុមហ៊ុន Luxury Smile Beauty Grop Co., LTD ដែលជាក្រុមហ៊ុនបង្កើតម៉ាកសញ្ញា និងចែកចាយគ្រឿងសម្អាងធំជាងគេបំផុតនៅកម្ពុជា និងមានរោងចក្រផលិតដ៏ធំនៅប្រទេសថៃ ជាក្រុមហ៊ុនដែលបានផ្តល់សិទ្ធិចែកចាយគ្រឿងសម្អាងប្រកបដោយគុណភាព សុវត្ថិភាព និងទំនុកចិត្តខ្ពស់ ដល់ក្រុមហ៊ុនក្នុងស្រុកជាច្រើននាពេលបច្ចុប្បន្ននេះ៕

September 26, 2019

ធនាគារ PPCBank ផ្តល់ការឧបត្ថម្ភដល់គ្រួសារពលករឱ្យមានឱកាសទៅជួបជុំគ្នានៅប្រទេសកូរ៉េ

កាលពីថ្ងៃទី23 ខែកញ្ញា ឆ្នាំ2019 កន្លងទៅនេះ ធនាគារភ្នំពេញពាណិជ្ជ (PPCBank) ដែលជាធនាគារយកចិត្តទុកដាក់ខ្ពស់លើការទទួលខុសត្រូវសង្គម បានផ្តល់ឱកាសឱ្យក្រុមគ្រួសារខ្មែរដែលមានបងប្អូនកូនចៅចាកចេញពីក្រុមគ្រួសារទៅធ្វើជាពលករដ៏យូរនៅប្រទេសកូរ៉េ។

លោក Shin Chang Moo អគ្គនាយកនៃធនាគារភ្នំពេញពាណិជ្ជ (PPCBank) បានបញ្ជាក់ថា ធនាគារ PPCBank ជាធនាគារដែលផ្តល់ការយកចិត្តទុកដាក់ និងតែងតែមានកម្មវិធីសំខាន់ៗជាច្រើនលើផ្នែកទទួលខុសត្រូវសង្គម ដូចជាការផ្តល់ជូននូវកម្មវិធីផ្តល់សេវាព្យាបាលភ្នែកដោយគ្រូពេទ្យជំនាញដោយឥតគិតថ្លៃ ការជួយឧបត្ថម្ភក្រុមគ្រួសាររបស់ពលករខ្មែរនៅប្រទេសកូរ៉េឱ្យមានឱកាសបានទៅជួបជុំគ្នាដោយផ្ទាល់នៅប្រទេសកូរ៉េ និងកម្មវិធីសង្គមជាច្រើនផ្សេងទៀត។ ការជួយឧបត្ថម្ភដល់ក្រុមគ្រួសារពលករទាំងនេះ ធ្វើឡើងដោយសារការមើលឃើញថា ពលករទាំងនោះបានចាកចេញពីផ្ទះសំបែងអស់រយៈពេលយូរមកហើយ ដែលជានិច្ចកាលតែងតែមានការនឹករឭកដល់ក្រុមគ្រួសារដែលនៅប្រទេសកម្ពុជា និងម្យ៉ាងទៀតធនាគារ PPCBank អាចរីកចម្រើនបានរហូតមកដល់បច្ចុប្បន្ននេះ ក៏ដោយសារតែការគាំទ្ររបស់ប្រជាជនខ្មែរគ្រប់រូបដែរ ហេតុនេះការឧបត្ថម្ភនេះត្រូវបានរៀបចំឡើងដើម្បីផ្តល់ជាការតបស្នងចំពោះប្រជាជននៅកម្ពុជាវិញ។

លោក Shin Chang Moo បានមានប្រសាសន៍ថា៖ «ការផ្តល់ជូននូវការឧបត្ថម្ភសម្រាប់ឱ្យក្រុមគ្រួសាររបស់ពលករខ្មែរដែលធ្វើការនៅប្រទេសកូរ៉េបានទៅជួបជុំគ្នានេះ មិនផ្តោតសំខាន់តែលើអតិថិជនរបស់ធនាគារនោះទេ តែយើងផ្តោតលើចំណុចសំខាន់ៗចំនួន3 ៖ គឺទី1 យើងសិក្សាពីប្រវត្តិក្រុមគ្រួសាររបស់គាត់។ ទី2 យើងពិនិត្យមើលពីស្ថានភាពគ្រួសាររបស់គាត់។ ប្រសិនបើគ្រួសាររបស់គាត់លំបាកខ្លាំង យើងនឹងផ្តល់អាទិភាពដល់ពួកគាត់ដើម្បីមានលទ្ធភាពបានទៅលេងជួបជុំគ្នា និងទី3 គឺពិនិត្យមើលប្រវត្តិរបស់សាមីពលករនៅប្រទេសកូរ៉េផ្ទាល់តែម្តងថា តើគាត់ជាមនុស្សល្អ បានអនុវត្តល្អ និងជួយសង្គមបានល្អ ឬយ៉ាងណាដែរ?»។

លោកអគ្គនាយកបានបន្ថែមទៀតថា នេះជាលើកទី3 ហើយដែលធនាគារ PPCBank បានសហការជាមួយធនាគារ ឈុនប៊ុក (JeonBuk Bank) ផ្តល់ជូននូវការជួយឧបត្ថម្ភបែបនេះ ដោយការចំណាយទាំងអស់ គឺជាការរ៉ាប់រងរបស់ធនាគារទាំង2។ ដំណើរទៅជួបជុំគ្រួសារលើកនេះមានរយៈពេលប្រមាណ 5ថ្ងៃ ដោយគាត់ចាប់ផ្តើមចេញទៅកូរ៉េនៅថ្ងៃទី23 ហើយត្រឡប់មកវិញនៅថ្ងៃទី 27 ខែកញ្ញា ឆ្នាំ2019។ លោកបានបញ្ជាក់ផងដែរថា ការស្នើសុំទិដ្ឋាការទៅប្រទេសកូរ៉េមានស្ថានភាពលំបាកបន្តិច ដោយសារតែក្រុមគ្រួសាររបស់ពលករមិនសូវអំណោយផល តែទោះយ៉ាងណាខាងធនាគារ PPCBank បានខិតខំប្រឹងប្រែងគ្រប់លទ្ធភាពដើម្បីជួយដល់ពួកគាត់ឱ្យទទួលបានឱកាសធ្វើដំណើរទៅប្រទេសកូរ៉េដោយជោគជ័យ។ ក្នុងការធ្វើដំណើរលើកនេះ អ្នកដែលទទួលបានការឧបត្ថម្ភមានចំនួនប្រមាណ 6នាក់ 2គ្រួសារ។

លោក Shin Chang Moo បានបញ្ជាក់ផងដែរថា ធនាគារ PPCBank នឹងបន្តជួយដល់ប្រជាជនខ្មែរលើសកម្មភាពជាច្រើនផ្សេងទៀត ដោយក្នុងនោះកម្មវិធីផ្តល់ការឧបត្ថម្ភដល់ក្រុមគ្រួសារពលករនៅប្រទេសកូរ៉េនេះ នឹងមានរៀបចំសម្រាប់ឆ្នាំបន្តបន្ទាប់ទៀត ដើម្បីផ្តល់ឱកាសឱ្យបានកាន់តែច្រើនទៅដល់គ្រួសារពលករខ្មែរដែលមានក្តីនឹករឭកដល់សាច់ញាតិរបស់ពួកគេដែលកំពុងធ្វើការងារនៅប្រទេសកូរ៉េ៕

September 25, 2019

ស្ត្រីវ័យក្មេងម្នាក់ នៅស្រុកបាទី ខេត្តតាកែវ ឈ្នះរង្វាន់១០០លានរៀលពីតែបៃតង អ៊ីឈីតាន់

ស្ត្រីវ័យក្មេងម្នាក់មានឈ្មោះ សោម ស្រីនិច្ច អាយុ២៣ឆ្នាំ បច្ចុប្បន្នកំពុងតែរៀនជំនាញជាអ្នកសម្អាងជាមួយបងស្រីក្នុងផ្សារយាយទ្រព្យ និងរស់នៅភូមិត្រពាំងព្រិច ឃុំត្រពាំងក្រសាំង ស្រុកបាទី ខេត្តតាកែវ មានសំំណាងបានឈ្នះរង្វាន់ ១០០ លាន រៀល ពីតែបៃតង អ៊ីឈីតាន់ ។

ថ្លែងប្រាប់ក្រុមការងារដែលបានចុះប្រគល់រង្វាន់ធំដល់លំនៅដ្ឋានស្ថិតនៅភូមិសាស្ត្រខាងលើនេះ អ្នកនាង សោម ស្រីនិច្ច បានរៀបរាប់ប្រាប់ឱ្យដឹងថា ៖ សព្វថ្ងៃនេះ បន្ទាប់ពីរៀបអាពាហ៍ពិពាហ៍ អ្នកនាងនៅមិនទាន់មានមុខរបរអ្វីជាដំកំភួននោះទេ ក្រៅតែពីរៀនជំនាញជាអ្នកសំអាងជាមួយបងស្រីនៅផ្សារ យាយទ្រព្យ ហើយស្វាមីមានអាជីពជាជាងជួសជុលទូរស័ព្ទខ្នាតតូចតែប៉ុណ្ណោះ ។ អ្នកនាងបានបន្តទៀតថា ជាទម្លាប់ មុនពេលចេញទៅផ្សាររៀនជំនាញផ្នែកសំអាងជាមួយបងស្រីនៅក្នុងផ្សារ អ្នកនាងតែងទិញតែបៃតងអ៊ីឈីតាន់ រស់ជាតិតែក្រូចឆ្មារទឹកឃ្មុំ ពីម្តាយដែលជាអ្នកលក់គ្រឿងទេសក្នុងភូមិ ទុកសម្រាប់ទទួលទាននៅពេលស្រែកទឹក។ ដោយឡែកកាលពីដើមសប្ដាហ៍នេះ មុនពេលចេញទៅផ្សារ អ្នកបានបានទិញតែបៃតងអ៊ីឈីតាន់ដូចទម្លាប់សព្វដង លុះពេលមួលគម្របដបទទួទានជាមួយកូន ដែលមានស្វាមីនៅក្បែរផងដែរនោះ ក៏ឃើញមានរង្វាន់ ១០០លានរៀលនៅក្នុងគម្របដបតែម្ដង។ ភ្លាមនោះអ្នកនាងពិតជាមានអារម្មណ៍រំភើបខ្លាំងមែនទែន ហើយក៏បានស្រែកប្រាប់ស្វាមី និងបងប្អូនដែលនៅក្បែរមកចោមរោមមើល រួមជាមួយនឹងទូរស័ព្ទជូនដំណឹងដល់ក្រុមហ៊ុនតាមរយៈលេខទូរស័ព្ទដែលមានស្រាប់នៅនឹងគម្របដប។ អ្នកនាងបានបញ្ជាក់ទាំងអារម្មណ៍រំជើបរំជួលទៀតថា ក្រោយពីទទួលបានលុយរង្វាន់ធំ 100លានរៀល អ្នកនាងនឹងយកទៅសង់ផ្ទះសម្រាប់ស្នាក់នៅឱ្យបានសមរម្យ ហើយទុកមួយចំនួនទៀតសម្រាប់ពង្រីកអាជីពជាជាងជួសជុលទូរស័ព្ទ និងទុកមួយចំណែកទៀតសម្រាប់បង្កើតមុខរបរជាអ្នកសំអាងសម្រា់ទ្រទ្រង់ជីវភាពគ្រួសារទៅថ្ងៃអនាគត។

គួរបញ្ជាក់ផងដែរថា សម្រាប់រដូវកាលទី3 ឆ្នាំ2019 នេះ ក្រុមហ៊ុន តែបៃតង អ៊ីឈីតាន់ បានបង្កើនរង្វាន់ធំនូវចំនួនទឹកប្រាក់ 100លានរៀល រហូតដល់ 70រង្វាន់, ម៉ូតូ Scoopy i ចំនួន70រង្វាន់ , ទូរស័ព្ទ iphone Xs ចំនួន70រង្វាន់ រួមជាមួយនឹងរង្វាន់ Free តែបៃតងអ៊ីឈីតាន់ រាប់លានរង្វាន់ទៀត។ រួសរាន់ឡើង អ្នកដែលមានសំណាងបានក្លាយជាសេដ្ឋីបន្ទាប់អាចជារូបអ្នក ៕

September 25, 2019

ម៉ាស៊ីនត្រជាក់ Samsung Wind-FreeTM តែងតែផ្តល់សុភមង្គល និងផាសុកភាពជូនលោកអ្នកជានិច្ច!!

ភ្នំពេញថ្ងៃទី ២៥ ខែកញ្ញា ឆ្នាំ២០១៩៖ នៅពេលស្រេកត្រូវញុំាទឹក…ពេលឃ្លានត្រូវញុំាអាហារ…! ពេលក្តៅស្អុះស្អាប់ត្រូវតែទទួលយកភាពត្រជាក់ និងមានផាសុកភាពបំផុតជាមួយម៉ាស៊ីនត្រជាក់ Samsung Wind-FreeTM ដែលអាចផ្តល់ជូននូវបរិកាសត្រជាក់ស្រួលខ្លួនបែបធម្មជាតិពិតៗក្នុងគេហដ្ឋាន បន្ទប់គេង ឬការិយាល័យផ្ទាល់ខ្លួនរបស់លោកអ្នក!

មែនទែនទៅបែបផែនជីវិតសម័យថ្មីត្រូវតែជ្រើសរើសម៉ាស៊ីនត្រជាក់ដែលទំនើបទាន់សម័យ និងវៃឆ្លាតបំផុត។ជាក់ស្តែងម៉ាស៊ីនត្រជាក់ Samsung Wind-FreeTM គឺត្រូវបានផលិត និងរចនាឡើង ពិសេសលើសគេបើធៀបទៅនឹងផលិតផលម៉ាស៊ីនត្រជាក់ធម្មតា! ចំណុចខាងក្រោមនេះគឺពិតជាល្មមគ្រប់គ្រាន់ដែលអាចឱ្យលោកអ្នកសម្រេចចិត្តជ្រើសយកម៉ាស៊ីនត្រជាក់ Samsung Wind-FreeTM ដោយគ្មានការស្ទាក់ស្ទើរទៀតឡើយ!

* មានរន្ធតូចៗចំនួន 21,000 រន្ធ ក្នុងការបញ្ចេញភាពត្រជាក់បានពេញសព្វល្អក្នុងបន្ទប់ គេហដ្ឋាន ឬ ការិយាល័យ!
* បំពាក់ជាមួយនឹងបច្ចេកវិទ្យា 8 pole compressor បើកភ្លាមត្រជាក់ភ្លាមទាន់ចិត្តតែម្តង!
* បច្ចេកវិទ្យា Digital Inverter ជួយសន្សំថាមពលច្រើនហួសពីការរំពឹងទុករហូតដល់ 72% មានសំឡេងស្ងាត់ល្អ!
* អាចបញ្ជា និងគ្រប់គ្រងតាមរយៈកម្មវិធី Smart Home App ចេញពីទូរស័ព្ទដៃស្មាតហ្វូនបានថែមទៀតផង!
ហូ….. ភ្លេចប្រាប់ !!! ទិញឥឡូវនេះនឹងទទួលបានការថែមជូនសេវាតម្លើង និងជើងភ្ជាប់ជញ្ជាំងដោយឥតគិតថ្លៃរហូតដល់ថ្ងៃទី៣០ ខែ កញ្ញា។

ឡួយអត់? ត្រូវការអ្វីទៀត? សូមគិតគូពីសុខភាព និងផាសុកភាពរបស់អ្នកក៏ដូចជាមនុស្សជាទីស្រឡាញ់ទាំងអស់ដោយជ្រើសរើសយកម៉ាស៊ីនត្រជាក់ Samsung Wind-FreeTM ទាំងអស់គ្នា!!

សម្រាប់ព័ត៌មានបន្ថែមសូមមកទស្សនាដោយផ្ទាល់នៅតាមហាងលក់ផលិតផល សាមសុង ឬតំណាងដេប៉ូចែកចាយរបស់ក្រុមហ៊ុន សាមសុង ដែលជិតលោកអ្នកបំផុតទូទាំងប្រទេសកម្ពុជា ឬក៏ទំនាក់ទំនងមកកាន់លេខ 1800 203 232 !

September 25, 2019

ការតាំងបង្ហាញរថយន្ត FORD 3ស៊េរី នៅផ្សារទំនើប អ៊ីអន ម៉ល ភ្នំពេញ

ការតាំងបង្ហាញរថយន្ត FORD ស៊េរីថ្មីដ៏ស្រស់ស្អាត និងទំនើប រហូតដល់ទៅ3ស៊េរី គឺ ម៉ូដែល Ecosport ស៊េរីឆ្នាំ2020 ម៉ូដែល Everest ស៊េរីឆ្នាំ2019 និងម៉ូដែល Ford Ranger ស៊េរីឆ្នាំ2019 នៅផ្សារទំនើប អ៊ីអន ម៉ល ភ្នំពេញ ជាន់ផ្ទាល់ដីនៅ Lively Plaza កាលពីថ្ងៃទី21-22 ខែកញ្ញា ឆ្នាំ2019 ចាប់ពីម៉ោង9:00ព្រឹករហូតដល់ម៉ោង9:00យប់។

កម្មវិធីតាំងបង្ហាញរថយន្ត FORD ស៊េរីថ្មីនេះ ធ្វើឡើងដើម្បីផ្តល់ជូននូវប្រូម៉ូសិនពិសេសៗ ផ្តល់ព័ត៌មានលម្អិតពីរថយន្ត FORD ស៊េរីថ្មីៗដល់អតិថិជន ការពិនិត្យមើលរថយន្តដោយផ្ទាល់ពីសំណាក់អតិថិជន និងការផ្តល់នូវភាពសប្បាយរីករាយដល់អ្នកចូលរួមទាំងអស់ ដើម្បីចូលរួមលេងហ្គេមកម្សាន្ត ដើម្បីទទួលបានរង្វាន់ជាច្រើនពីក្រុមហ៊ុន។ ហើយ Fans ទាំងអស់ក៏បានជួបជាមួយនឹង Idols របស់ពួកគេពីក្រុមតារាចម្រៀង TMS ម្ចាស់បទព្រងើយ គឺលោក នូ ឧសភា ព្រមទាំងជួបជាមួយនឹងលោក ប្រពៃ និងកញ្ញា រ៉ាន់ ស៊ីរ៉ា ផងដែរ នៅថ្ងៃអាទិត្យ ទី22 ខែកញ្ញា ឆ្នាំ2019 វេលាម៉ោង6:00ល្ងាច។

សូមបញ្ជាក់ផងដែរថា បទចម្រៀងថ្មី ដែលជាបទចម្រៀងថ្មីពេញដោយមនោសញ្ចេតនាដ៏ជ្រាលជ្រៅរបស់លោក នូ ឧសភា មានចំណងជើងថា “បទព្រងើយ” គឺត្រូវបានឧបត្ថម្ភពីក្រុមហ៊ុនរថយន្ត FORD ផងដែរ។
នៅក្នុងកម្មវិធីតាំងបង្ហាញរថយន្ត FORD នេះ មានការចូលរួមពីសំណាក់ លោក Goodman Mily ប្រធានផ្នែកលក់របស់ក្រុមហ៊ុន RMA (Cambodia) Co.,Ltd ដែលជាក្រុមហ៊ុននាំចូលផ្តាច់មុខរថយន្ត FORD មកកាន់ទីផ្សារប្រទេសកម្ពុជា លោក ដេនី ប្រធានក្រុមតារាចម្រៀង TMS លោក នូ ឧសភា ម្ចាស់បទព្រងើយ ព្រមទាំងតារាចម្រៀងជាច្រើនរូបទៀតពីក្រុមតារាចម្រៀង TMS។

នៅក្នុងឱកាសនោះដែរ លោក Goodman Mily ប្រធានផ្នែកលក់របស់ក្រុមហ៊ុន RMA (Cambodia) Co.,Ltd ក៏បានមានប្រសាសន៍ពីចំណាប់អារម្មណ៍របស់ក្រុមហ៊ុន ដែលបានឧបត្ថម្ភនៅក្នុងបទថ្មីរបស់លោក នូ ឧសភា គឺបទ ព្រងើយ ថា “ដោយសារតែក្រុមតារាចម្រៀង TMS គឺជាក្រុមតារាចម្រៀងជំនាន់ថ្មី ដែលពេញដោយថាមពល ពេញដោយការតាំងចិត្តខ្ពស់ និងតែងតែនាំមកនូវបទចម្រៀងថ្មីៗ ដែលជាបទនិពន្ធឡើងដោយខ្លួនឯង មិនចម្លងបទចម្រៀងពីគេ គឺពិតជាត្រូវជាមួយនឹងគោលដៅរបស់ក្រុមហ៊ុន ដែលតែងតែចង់ផ្តល់នូវអ្វីថ្មីៗ ល្អៗ ដល់អតិថិជនរបស់ខ្លួន ដូច្នេះ តាំងនាមឱ្យក្រុមហ៊ុន RMA (Cambodia) Co.,Ltd យើងពេញចិត្តក្នុងការសហការជាមួយនឹងក្រុមតារាចម្រៀង TMS”៕

September 23, 2019

លក្ខណៈពិសេសរបស់លេបថប ASUS Vivobook S15សេរីថ្មី S531 ដែលទើបនឹង មកដល់ក្នុងប្រទេសកម្ពុជាលក្ខណពិសេសរបស់ Vivobook S15

1. រចនាបទទំនើបនិងទាន់សម័យជាងមុន: រូបរាងស្តើងស្អាត មានជម្រើសពណ៌ចម្រុះស្អាតសាកសមនឹងយុវវ័យសម័យថ្មី ជាមួយនឹង ការឌីហ្សាញបាតរុញឡើងខ្ពស់ដែលជំនួយដល់ប្រព័ន្ធត្រជាក់របស់ម៉ាស៊ីន អមជាមួយនឹងរូបរាងស្តើងស្រាលងាយស្រួលយកតាមខ្លួន។
2. មុខងារនិងបច្ចេកវិទ្យាថ្មី: បច្ចេកវិទ្យា NanoEdge Display ក្រុមហ៊ុនASUSបានធ្វើអោយLaptopនេះសឹងតែគ្មានគែម ហើយក៏ជាLaptop Vivobook ដំបូងដែលមានបច្ចេកវិទ្យាInfrared Camera និងWifi 6។
កាលពីថ្មីៗនេះក្រុមហ៊ុនASUS បានប្រកាសដាក់បង្ហាញLaptopជំនាន់ថ្មីសេរី Vivobook S531 ក្នុងកម្មវិធីComputexនៅក្នុងទីក្រុងតៃវ៉ាន់កាល់ពីថ្ងៃទី២៧ខែឧសភាឆ្នាំ២០១៩កន្លងទៅនេះ។ Vivobook S15 គឺជាLaptopដែលបានបង្កើតឡើងស្របតាមភាពជឿនលឿននិងតម្រូវការរបស់យុវវ័យសម័យថ្មី មានជម្រើសពណ៌ចម្រុះស្អាតប្លែកភ្នែកចំនួន៥ពណ៌ផ្សេងៗគ្នាដូចជា ពណ៌បៃតងស្លែរ ពណ៌ផ្កាឈូក ពណ៌ខៀវ ពណ៌ខ្មៅ និង ពណ៌ទឹកប្រាក់។ ផ្ទៃខាងលើផលិតដោយលោហៈមានរចនាបទប្លែកស្អាតអមទៅដោយ Logo ASUS Vivobook នៅខាងកៀន និងមានរន្ធចេញខ្យល់ប្រសើរជាងមុន និងមានSpeakersនៅចំហៀងនៃសម្បកខាងក្រោម ជាមួយនឹងបច្ចេកវិទ្យាErgoLift ត្រជៀកLaptopរុញឡើង3.5°ដែលជំនួយដល់ការTypingអោយមានភាពងាយស្រួល។ លេបថបនេះមានទម្ងន់ស្រាលត្រឹមតែ 1.8KG ងាយស្រួលដាក់ចូលកាបូបយកតាមខ្លួន មិនធំពេកក្នុងការយួរនិងយកទៅណាមកណា។ លេបថបនេះមានបច្ចេកវិទ្យា Four-sided NanoEdge Display ដែលផ្តល់ទំហំអេក្រង់ធំគ្មានគែម សឹងតែ88%នៃផ្ទៃLaptopទៅហើយគឺគែមមានប្រវែងខ្លីត្រឹមតែ5.2mmដែលជួយទៅដល់បទពិសោធន៍នៃការសម្លឹងទៅលើអេក្រង់របស់អ្នកអោយកាន់តែប្រសើរឡើង។ លេបថបនេះត្រូវបានបំពាក់CPU Core I7-8565U (Turbo Boost ដល់ទៅ 4.6GHz) និង Core I5-8265 (Turbo Boost ដល់ទៅ3.9GHz) ជំនាន់ទី8 និង GPUដាច់ របស់ក្រុមហ៊ុនNVIDIA GeForce MX250 ដែលមានអង្គចងចាំប្រភេទPCIe SSDទំហំដល់ទៅ1TB។ វាក៏ជាលេបថបដំបូងដែលបំពាក់បច្ចេកវិទ្យាInfrared (IR) Camera ដែលយើងអាចLog-inដោយមិនប្រើដៃយ៉ាងមានសុវត្ថិភាពជាមួយនឹងWindow Hello ដោយគ្រាន់តែក្រឡេកមើលទៅលើលេបថប និង បច្ចេកវិទ្យា Wi Fi 6 (802.11ax)ដែលមានល្បឿនលឿនជាងបច្ចេកវិទ្យាWi Fi 5ដល់ទៅ៣ដង ហើយបច្ចេកវិទ្យានេះផ្ទុកនូវNetwork កាត់បន្ថយភាពស្ទក់យឺត75%ដែលជួយដល់ការផ្ទេរវីឌីអូ4K ដែលជួយទៅដល់អ្នកដែលមានអាជីបជាVideo Editor។ លើសពីនេះលេបថបមួយនេះបំពាក់ជាមួយនឹងប្រព័ន្ធសម្លេងរបស់បច្ចេកវិទ្យាHarmon Kardonដែលផ្តល់គុណភាពសម្លេងខ្ពស់ ល្អ បាស់បុកខ្លាំង លើសពីលេបថបដ៏ទៃ។

ខាងក្រោមនេះគឺជាតារាងSpecsសម្រាប់ម៉ូឌែល Vivobook S531ដែលនឹងមាននៅលើទីផ្សារខ្មែរខាងមុខនេះ
សម្រាប់ប្រិយមិត្តដែលទន្ទឹងរងចាំការមកដល់នៃលេបថបVivobook S15នេះ ក្រុមហ៊ុនASUSគឺមានលក់នៅក្នុងទីផ្សារប្រទេសកម្ពុជាចាប់ពីថ្ងៃនេះតទៅហើយ។ គួរបញ្ជាក់ផងដែរថាក្រុមហ៊ុនASUSនឹងមានព្រឹត្តិការណ៍ដាក់សម្ភោធន៍តាំងបង្ហាញASUS Vivobook S531 នៅថ្ងៃទី២២ ខែកញ្ញា ឆ្នាំ២០១៩ ខាងមុខនេះនៅផ្សារទំនើបអ៊ីអនម៉លសាខាទី១៕

September 23, 2019

កម្មវិធីដាក់លក់នូវខូឡិកសិនថ្មី Pandora Autumn 2019

រាជធានីភ្នំពេញ នាថ្ងៃសុក្រ ទី២០ ខែកញ្ញានេះក្រុមហ៊ុន Pandora ដែលជាម៉ាកផលិតផលគ្រឿងអលង្ការដ៏ល្បីមកពីប្រទេស ដាណឺម៉ាកតាំងពីឆ្នាំ 1982 បានប្រារព្ធឡើងនូវកម្មវិធីដ៏ពិសេសសម្រាប់អបអរសាទរជាមួយការដាក់លក់នូវខូឡិកសិនថ្មីនារដូវកាលស្លឹកឈើជ្រុះនេះគឺ Pandora O Collection នៅផ្សារទំនើបអូឡាំព្យាជាន់ផ្ទាល់ដីដែលជាសាខាថ្មីរបស់ខ្លួន ។ក្នុងខូឡិកសិននេះ Pandora បានបង្ហាញពីគំនិតច្នៃប្រឌិតថ្មីមួយទៀតក្នុងគោលបំណងចែករំលែកនូវសេចក្តីស្រលាញ់ជាមួយនឹងមនុស្សទូទាំងពិភពលោក។ ខូឡិកសិននេះបានរចនាឡើងដោយដៃយ៉ាងយកចិត្តទុកដាក់ បាននាំមកជូនលោកអ្នកនូវម៉ូតថ្មី Pandora O Pendant ដែលអាចពាក់បានតាមរបៀបជាច្រើនយ៉ាង និងអាចដាក់លម្អដោយCharmតាមស្ទាយល៏របស់អ្នកផងដែរ។ ម៉ូដនេះបានរចនាឡើងដកស្រង់ចេញពីនិមិត្តសញ្ញារបស់ Pandora តែម្តង គឺអក្សរ O ដែលតំណាងអោយឥទ្ធិពលនៃការរួមបញ្ចូលគ្នានៃគ្រឿងអលង្ការ និងអាចប្រើប្រាស់បានគ្រប់កាលៈទេសៈ ដោយមិនត្រឹមតែពាក់វាជាបន្តោងខ្សែកនោះទេ អ្នកក៏អាចដាក់វាជាបន្តោងកាបូប កាបូបក្រវាត់ចង្កេះ ឫក៏ពាក់តាមការច្នៃប្រឌិតបែបថ្មីផ្សេងៗទៀត ដើម្បីបង្ហាញពីស្ទាយល៏ថ្មី ប្លែក ផ្ទាល់ខ្លួនរបស់អ្នកផងដែរ។ក្នុងឳកាសនេះផងដែរ Pandora ក៏បានផ្តល់ជូននូវកាដូរពិសេសសម្រាប់រាល់ការជាវទំនិញអស់ចាប់ពី $ 388 លោកអ្នកនឹងទទួលបានខ្សែដៃប្រាក់ស្តាលីងមួយខ្សែភ្លាមៗ ដោយចាប់ពីថ្ងៃទី 20 ខែកញ្ញា រហូតដល់ថ្ងៃទី 30 ខែកញ្ញា នៅគ្រប់សាខាទាំង 3ទីតាំងរួមមានសាខាផ្សារទំនើបអូឡាំព្យា សាខាផ្សារទំនើបអ៊ីអនម៉លភ្នំពេញ និងសាខាផ្សារទំនើបអ៊ីអនម៉លសែនសុខ។គួរបញ្ជាក់ផងដែរថា ក្រុមហ៊ុន Sandara បានទទួលសិទ្ធនាំយកគ្រឿងអលង្ការដ៏ល្បីម៉ាក Pandora កាលពីខែសីហា ឆ្នាំ 2018 ដែលមានវត្តមាននៅប្រទេសកម្ពុជាតាំងពីដើមឆ្នាំ 2017 ក្នុងគោលបំណងធ្វើការអភិវឌ្ឍន៏ប្រណិតភាព ដែលជាជម្រើសដ៏ល្អសម្រាប់សុភាពបុរសនិងនារី។
ខាងក្រោមនេះជារូបភាពខ្លះនៃការដាក់លក់នូវខូឡិកសិនថ្មី Pandora Autumn 2019

September 21, 2019

Category: PR