Category: PR

ខេត្តកំពត៖ ការប្រកួតបាល់ទាត់ Tiger Street Football 2020 មណ្ឌលខេត្តកំពត ដែលជាមណ្ឌលទី៦ បានដំណើរការប្រកួតជាផ្លូវការហើយ នាព្រឹកថ្ងៃទី១៥ ​ខែកុម្ភៈ នៅដងព្រែកខេត្តកំពត ដោយមានក្រុមចូលប្រកួតប្រជែងចំនួន៦០ក្រុម។

លោក ទុយ វិច្ឆិកា ប្រធានបច្ចេកទេសរៀបចំព្រឹត្តិការណ៍ Tiger Street Football 2020 បានលើកឡើងថា លោកពិតជាសប្បាយចិត្តណាស់ដែលខេត្តកំពតទទួលធ្វើជាម្ចាស់ Tiger Street Football 2020 ហើយការទទួលលើកទី១នេះ​គឺបានគៀងគរក្រុមនៅខេត្ត កំពតផ្ទាល់ចូលរួមប្រកួតបានជាច្រើនក្រុម ខណៈដែល៧លើកកន្លងមកដែលក្រុមខេត្តកំពត នាំក្រុមទៅលេងនៅខេត្តផ្សេង គឺមានក្រុមចូលរួមតិចតួចបំផុតទាំងនេះសបញ្ជាក់ឲ្យឃើញថា វិស័យបាល់ទាត់នៅកំពតកំពុងតែរីកចំរើននឹងផុសផុលខ្លាំងឡើង។ ទន្ទឹមជាមួយគ្នានេះដែរ ក្នុងនាមលោកជាប្រធានក្រុមបច្ចេកទេសនៃព្រឹត្តិការណ៍ Tiger Street Football 2020 លោក បានក្រើនរំលឹកដល់ក្រុមចូលរួមទាំងអស់គោរពនៅពេលវេលាឲ្យបានត្រឹមត្រូវ ពិសេសគោរពនៅគោលការយុត្តិធម៍ទាំងអស់គ្នា ដើម្បីឲ្យការប្រកួតដំណើរការទៅដោយរលូន នឹងជោគជ័យ។​

តំណាងក្រុមហ៊ុនស្រាបៀរ Tiger (CBL) មានប្រសាសន៍ថា  Tiger Street Football  បានបង្កើតឡើង គឺដើម្បីផ្តល់ឱកាសដល់កីឡាករកម្ពុជាទូទាំងប្រទេសបានចូលរួមប្រកួតបញ្ចេញនូវទេពកោសល្យ ដែលខិតខំហ្វឹកហាត់ ដើម្បីឈានឆ្ពោះទៅរកភាពជោគជ័យលើអាជីពបាល់ទាត់ដែលខ្លួនស្រលាញ់។ ជាមួយគ្នានោះ តំណាងក្រុមហ៊ុនរូបនោះ ក៏បានផ្តាំផ្ញើរក្រុមចូលរួមទាំងអស់សូមប្រឹងប្រែងប្រកួតឲ្យអស់ពីលទ្ធភាព ដើម្បីដណ្តើមបានកៅអីឡើងទៅប្រកួតវគ្គផ្តាច់ព្រ័ត្រនៅរាជធានីភ្នំពេញ។

Tiger Street Football ៧លើកកន្លងមកយើងរៀបចំនៅក្រុងព្រះសីហនុ ខេត្តព្រះសីហនុ ប៉ុន្តែឆ្នាំទី៨នេះយើងផ្លាស់ប្តូរមកខេត្តកំពតវិញម្តង សង្ឈឹមជឿជាក់ថា ព្រឹត្តិការណ៍នេះ នឹងទាក់ទាញបានអ្នកទស្សនាច្រើនលើសពីមណ្ឌលខេត្តព្រះសីហនុដែលធ្លាប់រៀបចំកន្លងមក។ ដោយមណ្ឌលខេត្តកំពត មានខេត្តជាប់មាត់សមុទ្រចូលរួមចំនួន៤ គឺកំពតម្ចាស់ផ្ទះ ព្រះសីហនុ កោះកុង និង ខេត្តកែប សរុបមានក្រុមចូលរួមចំនួន៦០ក្រុម ដោយរយៈពេលប្រកួតចំនួន២ថ្ងៃ គឺថ្ងៃសៅរ៍ និងថ្ងៃអាទិត្យ ចំរាញ់ជ្រើសរើសយក៦ក្រុមឡើងមកប្រកួតវគ្គផ្តាច់ព្រ័ត្រនៅរាជធានីភ្នំពេញ នៅថ្ងៃទី២៩ ខែកុម្ភៈ ដល់ថ្ងៃទី១ ខែមិនា ឆ្នាំ២០២០។​ ហើយក្រុមដែលទទួលបានថវិកាលើកទឹកចិត្តគឺមានតែ៤ក្រុមប៉ុណ្ណោះ គឺក្រុមជើងឯកប្រចាំមណ្ឌលទទួលបានថវិកា១៥០០ដុល្លារ ក្រុមជាប់ជជាជើងឯករងទទួលបានថវិកា១០០០ដុល្លារ ក្រុមចំណាត់លេខ៣ទទួលបានថវិកា៥០០ដុល្លារ ក្រុមចំណាត់ថ្នាក់លេខ៤ទទួលបានថវិកា២០០ដុល្លារ និង២ក្រុមទៀត គឺក្រុមលេខ៥ និងលេខ៦ឈ្នះបានឱកាសឡើងទៅវគ្គផ្តាច់ព្រ័ត្រនៅរាជធានីភ្នំពេញមានឱកាសជួបផ្ទាល់ជាមួយ លោក Rio Ferdinand តារាបាល់ទាត់ពិភពលោក។

សូមបញ្ជាក់ថា បន្ទាប់ពីបញ្ចប់មណ្ឌលទី៦ខេត្តកំពតនេះ នឹងចូលដល់មណ្ឌលទី៧ គឺមណ្ឌលខេត្តតាកែវ ដែលមានខេត្តចូលរួមចំនួន៣ខេត្ត មានខេត្តតាកែវ ព្រៃវែង និងស្វាយរៀង ប្រកួត ថ្ងៃទី២២ និងថ្ងៃទី២៣ ខែកុម្ភៈ ឆ្នាំ២០២០។ សូមចូលទៅកាន់ទំព័រហ្វេសប៊ុកផ្លូវការ របស់ស្រាបៀរថៃហ្គ័រ៖ www.facebook.com/TigerBeerKH

ស្តែងចេញនូវការតាំងចិត្តដ៏មោះមុតរបស់អ្នក ជាមួយស្រាបៀរថៃហ្គ័រ។

ពិសាដោយការទទួលខុសត្រូវ៕

(ភ្នំពេញ) ថ្ងៃទី ១៤ ខែកុម្ភៈ ឆ្នាំ ២០២០៖ គិតចាប់ពីថ្ងៃទី ២៤ ខែមករា ​ឆ្នាំ​២០២០ នៃការបើកការប្រកួតក្បាច់រាំបែប​ K-POP ក្នុងកម្មវិធី Samsung Awesome Challenge ជាមួយ OMG កម្ពុជា រួចមកយើងឃើញមានការចូលរួម និងគាំទ្រជាច្រើនក្រុមជាពិសេសគឺយុវវ័យដែលគាំទ្រស្មាតហ្វូនជំនាន់ថ្មីស៊េរីចុងក្រោយ Samsung Galaxy A51 និង​ A71 តែម្តង! ឆ្លងកាត់តាមការដាក់ពិន្ទុយ៉ាងសុក្រឹតពីគណៈកម្មការជាច្រើនរូបយើងបានរកឃើញអ្នកឈ្នះចំនួន ១០ ក្រុម ចុងក្រោយហើយ!

សូមរំឭកផងដែរថារង្វាន់ដែលទទួលបានរួមមានដូចជា៖

– ជ័យលាភីលេខ ១ ៖ ឈ្នះដំណើរកម្សាន្តទៅចូលរួមការប្រគំតន្ត្រី K-POP នៅបរទេស (ក្រុមហ៊ុនរក្សាសិទ្ធិក្នុងការកំណត់ពេលវេលា និងទីតាំងប្រទេសនោះ)

– ជ័យលាភីលេខ ២ ៖ ទូរស័ព្ទ Galaxy A51 ចំនួន 1 គ្រឿង សម្រាប់រាល់សមាជិកគ្រប់រូប!

– ជ័យលាភីលេខ ៣​ ៖ ទូរទស្សន៍ Samsung TV32” ចំនួន 1 គ្រឿង សម្រាប់រាល់សមាជិកគ្រប់រូប!

– ជ័យលាភីលេខ ៤ ដល់លេខ ១០​ ៖ ឆ្នាំងសាក Samsung Wireless Battery Pack   ចំនួន 1 គ្រឿង សម្រាប់រាល់សមាជិកគ្រប់រូប!

ចង់ដឹងណាស់ថាតើក្រុមណាខ្លះទៅដែលទទួលបានជ័យលាភីក្នុងវគ្គផ្តាច់ព្រ័ត្រនេះ! ដូច្នេះសូមចូលរួមអបអរសាទរដល់ក្រុមជ័យលាភីទាំង​១០ ក្រុម៖

បញ្ជាក់៖

*​ រាល់រង្វាន់ទាំងអស់មិនអាចប្តូរជាទឹកប្រាក់បានទេ!

* រង្វាន់ទាំងអស់មិនអាចផ្ទេរឱ្យអ្នកដទៃបានឡើយ!

*សមាជិកក្រុមដែលនឹងចូលរួមវគ្គផ្តាច់ព្រ័ត្រ ត្រូវមានចំនួនដូចនៅក្នុងវីដេអូ Dance Awesome ដែលបានផុសចុះឈ្មោះ

* ក្រុមហ៊ុន សាមសុង រក្សាសិទ្ធិក្នុងការកែប្រែកម្មវិធីដោយពុំចាំបាច់ជូនដំណឹងជាមុន

* លក្ខខណ្ឌផ្សេងៗត្រូវបានអនុវត្ត!

ថ្ងៃទី14 ខែកុម្ភៈ ឆ្នាំ2020 នៅទីក្រុងសាបា, ប្រទេសម៉ាឡេស៊ី៖ នៅថ្ងៃបញ្ចប់នៃកម្មវិធី Malaysia Mega Familiarisation Tour Programme (Mega Fam) ឆ្នាំ2020 អ្នកសារព័ត៌មានទាំង12ប្រទេស បានបន្តដំណើរទស្សនកិច្ចទៅកាន់កន្លែងជិះទូកលេងនៅតាមទន្លេ Kiulu (ថ្នាក់ល្បាក់ទឹកសម្រាប់ជិះទូក Rafting កម្រិតទី1 និងទី2) ដែលមានឈ្មោះថា Riverbug ជាកន្លែងលេងជិះទូកបណ្តែតតាមកម្លាំងទឹកហូរដ៏ល្បីនៅសាបា ប្រទេសម៉ាឡេស៊ី ហើយកីឡាជិះទូកបណ្តែកទឹកនេះ គឺជាកីឡាលេងជាក្រុមដ៏ល្អសម្រាប់ដំណើរកម្សាន្តបែបផ្សងព្រេង និងកំពុងទទួលការពេញនិយមជាខ្លាំង។

កន្លែងលេងបណ្តែតទូក និងជិះទូកតាមបណ្តោយទន្លេ ដែលមានល្បាប់ទឹកកម្រិតទី1 និងទី2 នៅ Riverbug គឺស័ក្តិសមសម្រាប់អ្នកដែលចាប់ផ្តើមលេងកីឡានេះជាលើកដំបូង ឬអ្នកមកជាលក្ខលៈគ្រួសារ មានក្មេង មានចាស់។ កន្លែងនេះពិតជាល្អសម្រាប់អ្នកស្វែងរកភាពរំភើបចិត្តក្នុងការផ្សងព្រេង ដោយជិះទូកខ្យល់បណ្តែតទឹក បានទាំងគយគន់ទេសភាពផង បានទាំងបញ្ចេញកម្លាំងកម្តៅសាច់ដុំផង ព្រមទាំងបានស្គាល់ និងស្វែងយល់ពីការប្រឈមនឹងឧបសគ្គនានាដែលមាននៅចំពោះមុខផងដែរ។ ការជិះទូក Rafting នៅ Riverbug មានរយៈចម្ងាយរហូតដល់ទៅ15គីឡូម៉ែត្រ ដោយអ៊ុំទូករយៈពេលប្រហែល 1ម៉ោង 30នាទី (ជាពិសេសនៅពេលកម្ពស់ទឹកឡើងខ្ពស់) ដែលកន្លែងនេះបានផ្តល់នូវបទពិសោធជិះទូកខ្យល់លើទឹកថ្លាឆ្វេងដ៏វែងជាងគេនៅទីក្រុងសាបា។ អ្នកអាចមានពេលវេលារីករាយជាមួយនឹងធម្មជាតិ និងបានបន្ធូរអារម្មណ៍របស់អ្នកជាមួយនឹងទេសភាពដ៏ស្រស់ស្អាតគួរឱ្យទាក់ទាញ ដែលអ្នកបានឃើញនៅតាមដងទន្លេ Kiulu។

បន្ទាប់ពីស្រស់ស្រូបអាហារពេលថ្ងៃត្រង់ដ៏ឆ្ងាញ់ពិសាបែបអាហារតាមតំបន់នៅកន្លែងជិះទូក Riverbug រួច អ្នកសារព័ត៌មានទាំងអស់ក៏បានទៅដើរផ្សារសិប្បកម្មធ្វើដោយដៃមួយកន្លែងនៅក្នុងទីក្រុងសាបា ដែលប្រជាជននៅទីនេះឱ្យឈ្មោះថា “ផ្សារជនជាតិហ្វីលីពីន” (Filipinos’ Market / Handicraft Market) ដើម្បីដើរទស្សនា និងទិញរបស់អនុស្សាវរីយ៍ធ្វើដោយដៃរបស់ប្រជាជននៅទីនោះ ផលិតផលនៅទីនេះមានដូចជា ខោអាវ កាបូបស្ពាយ កាបូបយួរ កាបូបកាន់ដៃ គ្រឿងអលង្ការ គ្រឿងធ្វើពីគុជខ្យង និងរបស់អនុស្សាវរីយ៍ជាច្រើនទៀត។

ចំណែកនាពេលល្ងាចក៏មានកម្មវិធីជប់លៀងជូនដំណើរអ្នកសារព័ត៌មានពីតាមបណ្តាប្រទេសផ្សេងៗផងដែរ បន្ទាប់ពីចប់កម្មវិធី Mega Fam ឆ្នាំ2020 ប្រកបដោយភាពជោគជ័យ ពេញដោយភាពសប្បាយរីករាយ និងការចងចាំដ៏ល្អមិនអាចបំភ្លេចបាន ដែលកម្មវិធីនេះរៀបចំឡើងដោយក្រសួងទេសចរណ៍នៃប្រទេសម៉ាឡាស៊ី  សហការជាមួយនឹង “បាតាដំណើរកម្សាន្តបែបផ្សងពេញ (PATA ADVENTURE TRAVEL)” ដោយមានការចូលរួម និងឡើងថ្លែងសន្ទរកថាបើកកម្មវិធី ដោយលោកជំទាវ YB Datuk Christina Liew ឧបនាយករដ្ឋមន្ត្រីនិងជារដ្ឋមន្ត្រីក្រសួងទេសចរណ៍ វប្បធម៌ និងបរិស្ថាន ប្រចាំសាបាផងដែរ៕

ដំណើរទស្សនកិច្ចទៅកាន់ទីក្រុងសាបា ប្រទេសម៉ាឡាស៊ី រយៈពេល4ថ្ងៃត្រូវបានបញ្ចប់ទៅដោយការចងចាំដ៏ល្អ និងភាពសប្បាយរីករាយក្រៃលែង ក្នុងការមកស្គាល់ពីវប្បធម៌ ភាពរីកចម្រើន និងទីកន្លែងដើរលេងកម្សាន្តបែបផ្សងព្រងនៅតំបន់ដ៏ល្បីឈ្មោះរបស់ប្រទេសម៉ាឡាស៊ី ព្រមទាំងបានដោះដូរចំណេះដឹង និងការប្រាស្រ័យទាក់ទងរវាងអ្នកសារព័ត៌មាននៃប្រទេសផ្សេងៗដែលបានមកចូលរួមនៅក្នុងកម្មវិធី Mega Fam ឆ្នាំ2020 នេះផងដែរ។

អរគុណ! ក្រសួងទេសចរណ៍នៃប្រទេសម៉ាឡេស៊ី (Tourism Malaysia) ដែលបានអញ្ជើញអ្នកសារព័ត៌មានពី La Reine Media ទៅចូលរួមនៅក្នុងកម្មវិធី Mega Fam ជារៀងរាល់ឆ្នាំ៕

រាជធានីភ្នំពេញ៖ នៅថ្ងៃអាទិត្យទី 16 ខែកុម្ភៈ ឆ្នាំ2020 ខាងមុខនេះ ស្រាបៀរអាន់ឆ័រនឹងរៀបចំការចាប់រង្វាន់លើកទីមួយសម្រាប់កម្មវិធីអាពាហ៍ពិពាហ៍រដូវកាលឆ្នាំ 2019-2020 នៅស្ថានីយទូរទស្សន៍ PNN ក្នុងកម្មវិធីតន្រ្តី Anchor Fun Zone ដើម្បីផ្តល់រង្វាន់លាភមង្គលជូនដល់គូស្វាមីភរិយាថ្មីទាំងអស់ដែលបានជាវស្រាបៀរអាន់ឆ័រសម្រាប់ទទួលភ្ញៀវកិត្តិយសក្នុងកម្មពិធីអាពាហ៍ពិពាហ៍របស់ខ្លួន។

កម្មវិធី Anchor Fun Zone នឹងមានការផ្សាយផ្ទាល់លើកញ្ចក់ទូរទស្សន៍ ភីអិនអិន (PNN) ចាប់ពីម៉ោង 8យប់-10យប់ ដោយមានការចូលរួមសម្តែងដ៏អស្ចារ្យពីតារាចម្រៀងល្បីឈ្មោះជាច្រើនរូបដើម្បីផ្តល់ការកម្សាន្តសប្បាយជូនទស្សនិកជន មានដូចជា អ្នកនាង មាស សុខសោភា លោក ហ្សូនូ អ្នកនាង សុគន្ធ
នីសា និង លោក ឌីឌី។

កម្មវិធីនេះធ្វើឡើងសម្រាប់តែអតិថិជនដែលបានជាវស្រាបៀរអាន់ឆ័រសម្រាប់កម្មវិធីអាពាហ៍ពិពាហ៍របស់ខ្លួនចាប់ពីខែកញ្ញា ឆ្នាំ2019 ដល់ ខែកញ្ញា ឆ្នាំ2020។ សម្រាប់ការចាប់រង្វាន់លើកទី១នេះ ស្រាបៀរអាន់ឆ័រ នឹងប្រគល់រង្វាន់ដំណើរកម្សាន្តក្រេបចន្ទទឹកឃ្មុំដ៏អស្ចារ្យទៅកាន់កោះបាលី ចំនួន 50 រង្វាន់ជូនគូស្វាមីភរិយាថ្មីដែលមានមហាសំណាង។
តើគូស្វាមីភរិយារូបណាខ្លះជាម្ចាស់រង្វាន់ដ៏អស្ចារ្យទាំងនេះ?
សូមកុំភ្លេចចូលរួមទស្សនា និងតាមដានទាំងអស់គ្នា!!!
ពិសាដោយការទទួលខុសត្រូវ៕

ថ្ងៃទី13 ខែកុម្ភៈ ឆ្នាំ2020 នៅទីក្រុងសាបា, ប្រទេសម៉ាឡេស៊ី៖ ថ្ងៃទី13នេះ ចូលមកដល់កម្មវិធី Malaysia Mega Familiarisation Tour Programme (Mega Fam) ឆ្នាំ2020 ថ្ងៃទី3ហើយ សម្រាប់កម្មវិធីដែលខាងក្រសួងទេសចរណ៍ប្រទេសម៉ាឡាស៊ី បានរៀបចំសម្រាប់អ្នកសារព័ត៌មានទាំង12ប្រទេសគឺមានជាបន្តបន្ទាប់ និងប្លែកៗជានិច្ច សម្រាប់ថ្ងៃទី3នៃកម្មវិធីនេះ គឺជាកម្មវិធីសន្និសីទសារព័ត៌មាន ដែលធ្វើឡើងនៅសាលប៉ាស៊ីហ្វិក នៃសណ្ឋាគារ Pacific Sutera រយៈពេលមួយព្រឹកពេញ ក្រោមអធិបតីភាព ឯកឧត្តម YB Datuk Mohamaddin bin Ketapi រដ្ឋមន្ត្រីក្រសួងទេសចរណ៍ សិល្បៈ និងវប្បធម៌ (MOTAC) ប្រទេសម៉ាឡេស៊ី និងលោកបណ្ឌិត Mario Hardy, នាយក​ប្រតិបត្តិនៃ PATA ព្រមទាំងវាគ្មិនកិត្តិយសជាច្រើនរូបទៀតមានដូចជា លោក Raj Gyawali, ស្ថាបនិកក្រុមហ៊ុន Socialtours និងលោកស្រី Natasha Martin អ្នកជំនាញផ្នែកទេសចរបែបផ្សងព្រេង ក្រោមប្រធានបទ “ទេសចរណ៍បែបផ្សងព្រេង”, លោក Irshad Mubarak ម្ចាស់ Junglewalla Tours ក្រោមប្រធានបទ “តើអ្នកណាជាភ្ញៀវទេសចរបែបផ្សងព្រេងរបស់យើង?”, លោកស្រី Jessica Yew សហស្ថាបនិក និងជានាយកក្រុមហ៊ុន Sticky Rice Travel ក្រោមប្រធានបទ “ការបង្កើតដំណើរផ្សងព្រេងដែលមានអត្ថន័យ”, Graham Harper នាយកក្រុមហ៊ុន Sustainability & Social Responsibility, PATA ក្រោមប្រធានបទ “បទពិសោធន៍ជាមួយសត្វដំរី ប្រកបដោយនិរន្តរភាព” និងលោក Paul Pruangkarn នាយកទំនាក់ទំនង និងកិច្ចការខាងក្រៅរបស់PATA ក្រោមប្រធានបទ “សេចក្តីផ្តើមនៃការសម្របសម្រួលគ្នា” ព្រមទាំងវាគ្មិនជាច្រើនទៀត។

បន្ទាប់មកនៅពេលថ្ងៃ ក្រុមអ្នកសារព័ត៌មានទាំងអស់ក៏ត្រូវបាននាំទៅទស្សនានៅភូមិវប្បធម៌ ដែលមានឈ្មោះថា Mari Mari មានន័យថា “មក មក!”។ នៅក្នុងភូមិវប្បធម៌ Mari Mari អ្នកនឹងត្រូវបានគេណែនាំឱ្យស្គាល់ផ្ទះប្រពៃណីផ្សេងៗរបស់សហគមន៍ជនជាតិដើមសាបាហាន គឺមានចំនួន5ផ្ទះខុសៗគ្នា មានផ្ទះ Bajau, ផ្ទះLundayeh, ផ្ទះ Murut, ផ្ទះ Rungus និងផ្ទះ Dusun ដែលត្រូវបានសាងសង់ឡើងដោយកូនចៅនៃកុលសម្ពន្ធទាំង5នេះ។ ដើម្បីទទួលបានបទពិសោធនៃវប្បធម៌រស់នៅរបស់ជនជាតិដើមទាំង5 គឺត្រូវពិនិត្យមើលផ្ទះរបស់ពួកគេនៅក្នុងភូមិ ដែលពួកគេមានទម្លាប់រស់នៅប្រចាំថ្ងៃបែបជនជាតិដើមសាបាហាន មានលក្ខណៈធម្មតា និងស្និតស្នាលជាមួយនឹងធម្មជាតិ។ ការផ្លុំបាញ់ដោយប្រើឫស្សី ដើម្បីបរបាញ់សត្វ ការបង្កាត់ឱ្យភ្លើងឆេះបែបធម្មជាតិ ដោយប្រើដើមឫស្សី ការធ្វើរូបសាក់ និងស្វែងយល់ពីភាពអាថ៌កំបាំងរបស់ពួកគេ។ អ្នកទស្សនាក៏អាចមានឱកាស ដើម្បីរៀនធ្វើម្ហូបបែបប្រពៃណីរបស់ Sabahan ពីក្រុមជនជាតិនីមួយៗផងដែរ។

ដំណើរទស្សនកិច្ចទៅកាន់ភូមិវប្បធម៌ម៉ារី ម៉ារី បានក្លាយជាដំណើរកម្សាន្តស្វែងយល់ពីវប្បធម៌ថ្មីៗពេញមួយជីវិត! សូមមើល ភ្លក់ និងទទួលយកអារម្មណ៍ពីជីវិតអ្នកភូមិរបស់សាបា ម៉ារីម៉ារី! មកមក ទៅភូមិវប្បធម៌ម៉ារី ម៉ារី ទាំងអស់គ្នា!

ចំណែកនៅពេលល្ងាច អ្នកសារព័ត៌មានអន្តរជាតិទាំងអស់ក៏ទទួលបាននូវកិត្តិយសយ៉ាងធំធេងក្នុងការទទួលទានអាហារពេលល្ងាចជួបជុំគ្នាជាមួយថ្នាក់ដឹកនាំរបស់ក្រសួងទេសចរណ៍ សិល្បៈ និងវប្បធម៌ (MOTAC) របស់ប្រទេសម៉ាឡេស៊ី ថ្នាក់ដឹកនាំរបស់ PATA ព្រមទាំងភ្ញៀវកិត្តិយសជាច្រើនទៀត ជាមួយនឹងការស្វាគមន៍យ៉ាងកក់​ក្តៅ​ នៅឯសណ្ឋាគារ Marriot, Kota Kinabalu៕

ធ្វើស្រែទាន់ក្តៅដី…Pre-Orderកំពូលស្មាតហ្វូនកាមេរ៉ា Galaxy S20 Ultra និង Galaxy S20+ ទាន់ក្តៅចិត្ត!

(ភ្នំពេញ) ថ្ងៃទី ១៣ ខែកុម្ភៈ ឆ្នាំ ២០២០៖ ពិតជារហ័សទាន់ចិត្តមែន! បន្ទាប់ពីការដាក់បង្ហាញរូបរាងកាលពីម្សិលមិញរួចមកឥឡូវនេះក្រុមហ៊ុនសាមសុង ក៏បានបំពេញតាមសំណូមពរដោយប្រញាប់ប្រញាល់បើកឱ្យអតិថិជនដែលកំពុងតែរង់ចាំយ៉ាងអន្ទះសារ និងច្រើនលើសលុបក្នុងប្រទេសកម្ពុជាយើងធ្វើការកម្ម៉ង់ទុកមុនបាន (Pre-Order) ចាប់ពីថ្ងៃនេះរហូតដល់ ថ្ងៃទី ២៦ កុម្ភៈ ឆ្នាំ ២០២០ ជាមួយនឹងការថែមយ៉ាងអស្ចារ្យបំផុតដែលពុំធ្លាប់មាន៖

1.កាសឥតខ្សែជំនាន់ថ្មី Samsung Galaxy Buds+

២.ចុះតម្លៃ50% ពេលប្តូរអេក្រង់នៅពេលបែកឬបាក់ដោយប្រការណាមួយដែលមានសុពលភាព 3ខែចាប់ពីថ្ងៃទិញទូរស័ព្ទ

៣.កញ្ចប់smart ធំហ្មង52សប្តាហ៏រួមជាមួយលេខពិសេសដែលមានតម្លៃរហូតដល់$129

គួររំលឹកផងដែរថា សមត្ថភាពពិសេសបំផុតរបស់កំពូលទូរស័ព្ទដៃ Galaxy S20 Ultra និង Galaxy S20+ នោះគឺបច្ចេកវិទ្យាកាមេរ៉ាចុងក្រោយបង្អស់ ដែលមានសមត្ថភាពអាចZoom បានដល់ 100 ដង ( Space zoom 100X) និងអាចថតវីដេអូបានដល់កម្រិត 8K ហើយអាចទាញយករូបភាពក្នុងវីដេអូមកប្រើបានដែលមានទំហំរូបភាពបានដល់ 33MP!!មុខងារដ៏ឆ្នើមនេះបានបង្កើតឡើងដើម្បីឆ្លើយតបទៅនឹងតម្រូវការរបស់មនុស្សជំនាន់ថ្មីដែលចូលចិត្តផ្តិតយករាល់សកម្មភាពសំខាន់ៗក្នុងជីវិតរស់នៅរបស់ពួកគេនៅគ្រប់ទីកន្លែង និងគ្រប់ពេលវេលា។

Galaxy S20 Ultra និង Galaxy S20+ នឹងផ្តល់ជូននូវបទពិសោធន៍ស្មាតហ្វូន ដែលធ្វើឲ្យជីវិតរបស់អ្នកប្រើប្រាស់កាន់តែទំនើប ងាយស្រួល ផ្សារភ្ជាប់ រីករាយជាមួយការចែករំលែកនូវបទពិសោធន៍ជាមួយអ្នកជុំវិញ និងពិភពលោក។

សម្រាប់ប្រទេសកម្ពុជា Galaxy S20 Ultra មានជម្រើសផ្តល់ជូន 2 ពណ៌៖ ពណ៌ខ្មៅ និងប្រាក់ រីឯ Galaxy S20+ មានជម្រើស ៣ ពណ៌៖ ពណ៌ខ្មៅ ខៀវ និងប្រាក់។ សម្រាប់តម្លៃផ្តល់ជូន៖

–  Galaxy S20 Ultra = $1,269

–  Galaxy S20+  = $ 1,049

សាកស្រមៃមើល? ពេលដែលបានចាប់កាន់ស្តេចកំពូលស្មាតហ្វូន Galaxy ជំនាន់ថ្មីនេះមុនគេហើយទទួលបានការថែមជូនដ៏ពិសេសអស្ចារ្យដែលពុំធ្លាប់មានបន្ថែមទៀតមិនដឹងឡូយយ៉ាងណាទេ!! ដូច្នេះនៅចំាអីទៀត…? សូមប្រញាប់រួសរាន់អញ្ជើញទៅហាងដែលមានស្លាកសញ្ញា

(Pre-order) ឬហាងដែលនៅជិតលោកអ្នកបំផុតឥឡូវនេះភ្លាមទៅណា៎! ស្រួលមិនស្រួលទៅមិនទាន់ដាច់ស្តុកកម្ម៉ង់អត់បានណា៎!! សម្រាប់ព័ត៌មានបន្ថែមសូមសាកសួរដោយផ្ទាល់តាមដេប៉ូចែកចាយរបស់ សាមសុង ទាំងអស់ ដែលនៅជិតលោកអ្នកបំផុត ឬទំនាក់ទំនងតាមរយៈលេខ៖ 1800-203232 !

* លក្ខខ័ណ្ឌផ្សេងៗត្រូវបានអនុវត្ត!

ក្នុងឱកាសឆ្នាំសិក្សាថ្មីនេះ មជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង​ ដែលមានលោកឧកញ៉ា វេជ្ជបណ្ឌិត គួច ម៉េងលី ជាស្ថាបនិក ប្រធាន​ក្រុម​ប្រឹក្សា​ភិបាល និងអគ្គនាយកប្រតិបត្តិ នឹងរៀបចំការបើកទ្វារចំហរដល់សិស្សានុសិស្ស អ្នកអាណា​ព្យាបាល​សិស្ស និងសាធារណជនទូទៅ ចូលទស្សនាក្នុងទីតាំងអគារសិក្សារយៈពេល២ថ្ងៃ​ដោយសេរី។

មជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង ដែលត្រូវ​បើកទ្វារ​ចូល​ទស្សនាដោយសេរី​នោះរួមមាន មជ្ឈមណ្ឌល​ភាសា អេ អាយ អាយ និងសាលារៀន អន្តរទ្វីប អាមេរិកាំង សាខាចោមចៅ សាខាផ្សារថ្មី និងសាខាជ្រោយចង្វារ ដែលនឹង​ប្រព្រឹត្តិ​ទៅនៅថ្ងៃទី១៥ ដល់ថ្ងៃទី១៦ ខែកុម្ភៈ ឆ្នាំ២០២០ ខាងមុខនេះចាប់ពីម៉ោង ៨ព្រឹកដល់ ម៉ោង៥ល្ងាចនេះបើតាមគណៈគ្រប់គ្រង​នៃមជ្ឈមណ្ឌលនិងសាលារៀន។​ មជ្ឈមណ្ឌលភាសា អេ អាយ អាយមានទទួលសិស្សចុះឈ្មោះចូលរៀនជារាងរៀលថ្ងៃ។

ទាក់ទិនបញ្ហានេះ ​លោក យ៉េន ចាន់សុម៉ា នាយកមជ្ឈមណ្ឌលភាសា អេ អាយ អាយ សាខា​ផ្សារថ្មី បាន​​ប្រាប់​ កាលពីថ្មីៗកន្លងទៅថា ការបើក​ចំហរដល់សាធារណជនចូលទស្សនា​​​​​ដោយសេរី​នេះ ធ្វើឡើងដើម្បីផ្ដល់ឱកាសដល់សិស្សា​នុសិស្ស អ្នកអាណាព្យាបាលសិស្ស និងសាធារណជនគ្រប់មជ្ឈមដ្ឋាន​ចូល​ទស្សនាពីរចនា​សម្ពន្ធ ​អគារ បន្ទប់សិក្សា សម្ភារសិក្សា គ្រឿងឧបទេស បណ្ណាល័យ ឧបករណ៍សិក្សា និងទីតាំងអគារសិក្សា​ជាដើម។​

លើស​ពីនេះ ​នាយកមជ្ឈមណ្ឌលរូបនេះ មានប្រសាសន៍បន្ថែមថា ក្រៅពីចូលទស្សនា​នៅតាម​​អគារសិក្សានីមួយៗ ក៏បានផ្ដល់ឱកាសដល់សិស្សានុសិស្ស អ្នកអាណាបាលសិស្ស និងសាធារណជន បានស្គាល់គ្នា បង្កើនទំនាក់ទំនង បង្កើតភាពស្និទ្ធស្នាល រវាងគ្នានឹងគ្នា​ផង​ដែរ។​

លោក ចាន់សុម៉ា ​បញ្ជាក់ថា ការបើកចំហរដល់សាធារណជនទូទៅនេះ ក៏មាន​រៀប​ចំ​ជាស្តង់ពិព័រណ៌ មានកន្លែង​ផ្ដល់​ព័ត៌មាន កន្លែងប្រឹក្សាយោបល់កម្មវិធីសិក្សា មាន​កន្លែង​សម្រាប់​​កុមារ​កម្សាន្ត មានការគូរគំនូស​​ ការផាត់ពណ៌​រូបភាព ​ការ​ទស្សនាការរៀន និងបង្រៀន និង​ការពិសោធ​របស់​​​សិស្សជាដើម។

បើតាម​លោក រឿង សុភាព ជានា​យក​ចាងហ្វាង​ នៃ​សាលារៀន​ អន្តរទ្វីប​ អាមេរិកាំង​ សាខា​ចោមចៅ​​ បានបញ្ជាក់បន្ថែម​ថា បច្ចុប្បន្ន ដោយសារ មជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង ​មានការរីកចម្រើន និងគាំទ្រខ្លាំង​​ពីអ្នកអាណា​ព្យាបាល​សិស្សានុសិស្ស និងមហាជនទូទៅនោះ មជ្ឈមណ្ឌល​ភាសា អេ អាយ អាយ និងសាលារៀនអន្តរទ្វីបអាមេរិកាំងបានសម្រេចចិត្តបើកទ្វារដល់សាធារណជន ចូលទស្សនា ដោយសេរីឥត​គិតថ្លៃចាប់ពី​ថ្ងៃទី១៥-១៦ខែកុម្ភៈ ខាងមុខនេះ​។

នាយកចាងហ្វាងដដែលបន្ថែមថា ក្នុងថ្ងៃនេះផងដែរ សិស្សានុសិស្សគ្រប់មជ្ឈដ្ឋាន ​ដែល​មាន​បំណង​​សិក្សានៅមជ្ឈមណ្ឌលភាសា អេ អាយ អាយ ​និងសាលារៀន អន្តរទ្វីប អាមេរិកាំង ​អាចធ្វើតេស្ត​ចូលរៀន​ដោយឥតគិត​ប្រាក់ឡើយ​។

សូមជម្រាបថា មជ្ឈមណ្ឌលភាសា អេ អាយ អាយ​ ជាគ្រឹះស្ថានអប់រំបណ្ដុះបណ្ដាលភាសា​អង់គ្លេស ចិន និងភាសាថៃ​ ឈានមុខគេនៅកម្ពុជាដោយ​​ផ្ដោត​ទៅលើ​គុណភាព វិន័យ និងសេវា​កម្ម។

ចំពោះ សាលារៀន អន្តរទ្វីប អាមេរិកាំង ជាគ្រឹះស្ថានអប់រំ ដែលផ្ដោតសំខាន់ទៅលើ​ចំណេះទូទៅចាប់ពីថ្នាក់ក្រោមមត្តេយ្យសិក្សា រហូតដល់វិទ្យាល័យ ដោយ​​ផ្ដោត​ទៅលើ​គុណភាព វិន័យ និងសេវា​កម្ម​​៕

ថ្ងៃទី12 ខែកុម្ភៈ ឆ្នាំ2020 នៅទីក្រុងសាបា, ប្រទេសម៉ាឡេស៊ី៖ ចូលមកដល់កម្មវិធី Malaysia Mega Familiarisation Tour Programme (Mega Fam) ឆ្នាំ2020 នាថ្ងៃទី2នេះ គឺមានកម្មវិធីដំណើរកម្សាន្តបែបផ្សងព្រេងទៅកាន់ឧទ្យាន TAGAL Tinopikon និងទៅព្រៃកោងកាង Klias Wildlife Safari River ដើម្បីជិះទូកមើលសត្វស្វាច្រមុះធំ (Proboscis Monkey) និងទៅមើលសត្វអំពិលអំពែកនាពេលរាត្រី។

ឧទ្យាន TAGAL Tinopikon គឺជាភូមិជនជាតិមួយកន្លែង ដែលស្ថិតនៅតំបន់ Kg. Notoruss, Penampang នៃទីក្រុងសាបា។ នៅទីនោះ អ្នកអាចទទួលបាននូវបទពិសោធនៃជីវិតអ្នកភូមិធម្មជាតិពិតៗ មានភាពស្ងប់ស្ងាត់ មានខ្យល់អាកាសល្អបរិសុទ្ធ និងបាននៅជិតស្និតជាមួយនឹងធម្មជាតិ។ ចំណុចសំខាន់នៃកន្លែងនេះគឺ Tagal ដែលមានន័យថា “មិនមានតំបន់នេសាទ” ដែលគ្រប់គ្រងដោយសហគមន៍មូលដ្ឋាន ហើយការនេសាទនៅជុំវិញតំបន់នេះគឺត្រូវបានហាមឃាត់ជាដាច់ខាត។ នៅទីនេះមានត្រី Pelian ដែលមានភាពរាក់ទាក់ស្វាគមន៍អ្នកទេសចរគ្រប់រូប ដោយអ្នកអាចដាក់ជើងឱ្យវាចឹកខាំសម្អាតជើង ឬថតរូប និងដាក់ចំណីឱ្យពួកវាយ៉ាងសប្បាយរីករាយ ហើយសូមប្រាប់ថា ត្រីនៅក្នុងទឹកអូមួយនេះគឺមានច្រើនមែនទែន និងធំៗថែមទៀតផង ព្រោះនៅទីនេះពួកវាត្រូវបានគេការពារបានយ៉ាងល្អ ហើយក្នុងមួយឆ្នាំអ្នកភូមិអាចធ្វើការនេសាទត្រីបានតែម្តងប៉ុណ្ណោះ ដោយគោរពទៅតាមទំនៀមទម្លាប់របស់អ្នកភូមិនៅទីនេះ។ នៅ ឧទ្យាន TAGAL Tinopikon អ្នកក៏អាចរីករាយជាមួយនឹងអាហារក្នុងស្រុក ដែលរៀបចំដោយសហគមន៍មូលដ្ឋាន និងបន្តដំណើរឆ្ពោះទៅកាន់ទឹកជ្រោះនៅលើភ្នំ និងស្វែងយល់ពីការរស់នៅ និងការដាំដុះរបស់អ្នកភូមិនៅទីនោះ។

ព្រៃកោងកាង Klias Wildlife Safari River គឺភ្ញៀវទេសចរទាំងអស់តែងតែទៅទីនោះដើម្បីជិះទូកមើលសត្វស្វាច្រមុះធំ (Proboscis Monkey) មើលពីជីវិតបែបអ្នកនេសាទ មើលព្រៃកោងកាង និងព្រៃលិចទឹក ព្រមទាំងស្តាប់សត្វចាប់ សត្វបក្សាបក្សីច្រៀងលេងឭរំពងព្រៃយ៉ាងពីរោះរណ្តំ ហើយនៅពេលរាត្រីចូលមកដល់អ្នកក៏ជិះទូកទៅមើលសត្វអំពិលអំពែកភ្លឺភ្លេតប្រៀបដូចជាហ្វូងផ្កាយដ៏ច្រើនឥតគណនានៅតាមដើមកោងកាង និងតាមដើមឈើនានាផងដែរ។ ព្រៃកោងកាង Klias Wildlife Safari River មានចម្ងាយប្រមាណ112គីឡូម៉ែត្រពីទីក្រុងកូតា គីណាបាលូ (Kota Kinabalu)។ នៅទីនោះទទួលបានការពេញនិយមក្នុងការជិះទូកលើផ្ទៃទឹកទន្លេ Klias ដើម្បីស្វែងរកសត្វស្វា Proboscis ដែលជាសត្វស្វាកន្ទុយវែង និងមានច្រមុះធំ ជាប្រភេទសត្វដ៏កម្រ និងទៅមើលសត្វព្រៃដទៃទៀតនៅតាមបណ្តោយច្រាំងទន្លេ។ សូមដាក់កាមេរ៉ា និងកែវយឹតរបស់អ្នកនៅជាប់ខ្លួនជានិច្ច ដើម្បីជិះទូកមើលទេសភាពដ៏ស្រស់ត្រកាលទាំងនៅពេលថ្ងៃបាក់រសៀល រហូតដល់ថ្ងៃអស្តង្គត់ និងនាពេលរាត្រី។

នៅទីក្រុងសាបា ប្រទេសម៉ាឡេស៊ី គឺពិតជាទីកន្លែងដ៏ល្អបំផុតសម្រាប់ការដើរកម្សាន្តបែបផ្សងព្រេងមែន​ គ្រប់ទីកន្លែងគឺមានភាពទាក់ទាញ និងពោរពេញដោយធម្មជាតិដ៏ស្រស់ស្អាត គួរជាទីពេញចិត្តតែម្តង៕

កំពង់ស្ពឺ ៖ កុមារា អាយុ១០ឆ្នាំម្នាក់ បានក្លាយជាសេដ្ឋីប្រាក់លានរបស់តែបៃតងអ៊ីឈីតាន់លើកដំបូងគេសម្រាប់រដូវកាលថ្មីទី៤ឆ្នាំ២០២០នេះ រស់នៅភូមិតារាជ ឃុំកក់ ស្រុកបសេដ្ឋ ខេត្តកំពង់ស្ពឺ។

ថ្លែងប្រាប់ក្រុមការងារដែលចុះប្រគល់រង្វាន់១០០លានរៀលដល់លំនៅដ្ឋានក្រោមវត្តមានរបស់លោកអ៊ីឈីតាន់ ផាសាកន ណាធី ស្ថិតនៅភូមិសាស្ត្រខាងលើនេះ អ្នកស្រី ស៊ឹម សុខរំ អាយុ៣៦ឆ្នាំ មានមុខរបរជាកម្មការិនីរោងចក្រកាត់ដេរ ដែលត្រូវជាម្តាយរបស់កុមារាមានសំណាងបានឈ្នះរង្វាន់១០០លានរៀលខាងលើនេះបានបញ្ជាក់ប្រាប់ថា កូនប្រុសម្នាក់នេះមានឈ្មោះ សុង វុទ្ធី អាយុ១០ រៀនថ្នាក់ទី៥ នៅសាលាបឋមសិក្សា វត្តកក់។

អ្នកស្រីបានបន្តឱ្យដឹងទៀតថា ជារៀងរាល់ថ្ងៃ នៅពេលទៅរៀន កុមារា សុង វុទ្ធី តែងទៅជួយលក់នំម្តាយមីងនៅក្នុងសាលាដែលខ្លួនរៀន ដើម្បីទទួលបាននំ ឬទឹកសម្រាប់ទទួលទានដូចក្មេងដទៃទៀត។ ដោយឡែកកាលពីចុងសប្ដាហ៍កន្លងទៅនេះ បន្ទាប់ពីជួយលក់នំម្ដាយមីង ក៏សុំតែបៃតង អ៊ីឈីតាន់ ចំនួនមួយដបសម្រាប់ទទួលទាន លុះពេលមួលគម្របដបក៏ស្រាប់តែឃើញមានរង្វាន់ ១០០លានរៀលតែម្ដង។ ភ្លាមនោះ កុមារារូបនេះ ក៏បានប្រាប់ម្ដាយមីងឱ្យដឹង និងយកគម្របដបប្រគល់ជូនម្ដាយនៅផ្ទះតែម្ដង។

អ្នកស្រី ស៊ឹម សុខរំ បានបញ្ជាក់ថា បន្ទាប់ឃើញកូនយកគម្របដបដែលមានរង្វាន់១០០លានរៀលមកប្រាប់ អ្នកស្រីពិតមានអារម្មណ៍រីករាយរំភើបស្ទើរមិនគួរឱ្យជឿរហូតស្រក់ទឹកភ្នែក ព្រោះទឹកប្រាក់១០០លានរៀលពិតជាមានទំហំធំធេង និងមិនធ្លាប់មានពីមុនមកនោះទេ។ អ្នកស្រីបានបន្តទៀតថា ទឹកប្រាក់រង្វាន់ចំនួន ១០០លានរៀលនេះ ពិតជាមានសារសំខាន់ចំពោះក្រុមគ្រួសាររបស់អ្នកស្រីខ្លាំងណាស់ ព្រោះសព្វថ្ងៃនេះ កម្រិតជីវភាពគ្រួសារមានខ្សត់ខ្សោយ ដែលអាចរកចំណូលបានពីការងារជាកម្មការិនីរោងចក្រកាត់ដេរតែប៉ុណ្ណោះ។ បន្ទាប់ពីទទួលបានប្រាក់រង្វាន់ ១០០លានរៀលពីតែបៃតង អ៊ីឈីតាន់ អ្នកស្រីនឹងយកមួយចំនួនទៅសង់បំណុលធនាគារ ហើយទុកមួយចំនួនទៀតបង្កើតមុខរបរសម្រាប់ផ្គត់ផ្គង់គ្រួសារ និងការសិក្សារបស់កូនទៅថ្ងៃអនាគត។

សូមបញ្ជាក់ផងដែរថា សម្រាប់រដូវកាលថ្មីទី៤ ឆ្នាំ២០២០នេះ ជាការថ្លែងអំណរគុណដល់អតិថិជនដែលតែងតែគាំទ្រដល់តៃបៃតង អ៊ីឈីតាន់ ក្រុមហ៊ុនបានបង្កើនរង្វាន់យ៉ាងសន្ធឹកសន្ធាប់ទ្វេរដងនូវទឹកប្រាក់ ១០០លានរៀលចំនួន១០០រង្វាន់ ទឹកប្រាក់១០លានរៀលចំនួន១០០រង្វាន់ ម៉ូតូ Scoopy-iចំនួន១០០គ្រឿង ទូរស័ព្ទ iphone ចំនួន ១០០គ្រឿង រួមជាមួយនឹងរង្វាន់តែបៃតង អ៊ីឈីតាន់ រាប់លានរង្វាន់ទៀត។ តែបៃតង អ៊ីឈីតាន់ ជួយកែប្រែជីវភាពគ្រួសាររបស់លោកអ្នកឱ្យក្លាយជាមហាសេដ្ឋីក្នុងមួយប៉ព្រិចភ្នែក។ ម្ចាស់រង្វាន់បន្ទាប់អ្នកជារូបអ្នក…..៕

ទីក្រុងសាបា, ប្រទេសម៉ាឡេស៊ី៖ កម្មវិធី Malaysia Mega Familiarisation Tour Programme (Mega Fam) សម្រាប់ឆ្នាំ2020នេះ បានមកដល់ទៀតហើយ។ ជារៀងរាល់ឆ្នាំ ក្រសួងទេសចរណ៍​នៃប្រទេសម៉ាឡេស៊ី​ (Tourism Malaysia) តែងតែរៀបចំនូវកម្មវិធីដ៏រីករាយនេះឡើង ដើម្បីជាការណែនាំនូវតំបន់ទេសចរណ៍សំខាន់ៗ និងស្រស់ស្អាតដល់ពិភពលោកទាំងមូល តាមរយៈការអញ្ជើញអ្នកសារព័ត៌មានពីបណ្តាប្រទេសផ្សេងៗឱ្យមកចូលរួម និងថតផ្តិតយកនូវរូបភាព ព្រមទាំងផ្តល់នូវសារល្អៗទៅដល់ប្រជាជននៃប្រទេសរបស់ពួកគេ។

ជាក់ស្តែងនៅក្នុងឆ្នាំ2020នេះ ទីកន្លែងដែលក្រសួងទេសចរណ៍​នៃប្រទេសម៉ាឡេស៊ី​ (Tourism Malaysia) ចង់ណែនាំនោះគឺ ទីក្រុងសាបា ដែលជារដ្ឋធំទី2 នៅក្នុងចំណោមរដ្ឋទាំង13 នៃប្រទេសម៉ាឡេស៊ី។ នៅទីនេះមានភ្នំខ្ពស់បំផុតមួយនៅអាស៊ីអាគ្នេយ៍ ឈ្មោះថា ភ្នំគីណាបាលូ (Kinabalu) មានទីតាំងមុជទឹកលេងដ៏ល្បីបំផុតមួយនៅក្នុងពិភពលោក គឺ កោះស៊ីប៉ាដាន (Sipadan) ព្រមទាំងមានពូជផ្កាដ៏ធំបំផុតនៅលើពិភពលោក គឺផ្ការ៉ាហ្វលសៀរ (Rafflesia) នៅព្រៃខៀវស្រងាត់ (Lush Rainforest) សាបាគឺជាទីកន្លែងដ៏ល្អបំផុតសម្រាប់អ្នកដែលចូលចិត្តធ្វើដំណើរកម្សាន្តបែបផ្សងព្រេងគ្មានដែនកំណត់។

សម្រាប់ឆ្នាំ2020នេះ អ្នកសារព័ត៌មានចំនួន12ប្រទេសត្រូវបានអញ្ជើញឱ្យចូលរួមនៅក្នុងកម្មវិធី Mega Fam នេះ ក្នុងនោះរួមមាន ប្រទេសកម្ពុជា ប្រទេសឡាវ ប្រទេសថៃ ប្រទេសហ្វីលីពីន ប្រទេសឥណ្ឌូណេស៊ី ប្រទេសឥណ្ឌា ប្រទេសជប៉ុន ប្រទេសកូរ៉េខាងត្បូង ប្រទេសសិង្ហបុរី តៃវ៉ាន់ ប្រទេសឌូបៃ និងប្រទេសម៉ាឡេស៊ីផងដែរ សរុបទាំងអស់គឺមានអ្នកសារព័ត៌មានអន្តរជាតិចូលរួមចំនួន36នាក់ ក្រោមប្រធានបទ “It’s Summertime In Malaysia In Conjunction With Pata Adventure Travel & Mart 2020” ដែលធ្វើឡើងនៅក្នុងទីក្រុងសាបា ប្រទេសម៉ាឡេស៊ី រយៈពេល5ថ្ងៃ គឺចាប់ពីថ្ងៃទី11​ដល់ថ្ងៃទី15 ខែកុម្ភៈ ឆ្នាំ2020។

នៅក្នុងកម្មវិធីនេះផងដែរ អ្នកសារព័ត៌មានទាំងអស់ក៏បានទទួលនូវការស្វាគមន៍យ៉ាងកក់ក្តៅពីសំណាក់ក្រុមការងាររបស់ក្រសួងទេសចរណ៍​នៃប្រទេសម៉ាឡេស៊ី​ ទាំងការស្នាក់នៅក្នុងសណ្ឋាគារលំដាប់អន្តរជាតិ Grandis Hotels & Resorts ដែលស្ថិតនៅទីប្រជុំជនសំខាន់របស់ទីក្រុងសាបា នៅជិតផ្សារទំនើប និងនៅជិតកន្លែងដើរកម្សាន្តសំខាន់ៗ រួមទាំងម្ហូបអាហារប្រចាំតំបន់ដ៏សម្បូរបែប និងការបដិសណ្ឋារកិច្ចផ្សេងៗជាដើម។

នៅក្នុងកាលវិភាគនៃថ្ងៃទី1 នៃកម្មវិធី Mega Fam ឆ្នាំ2020នេះ ក៏មានការផ្តល់ជូននូវ​វិញ្ញាបនបត្រ​ពី​តំណាងដ៏ខ្ពងខ្ពស់នៃក្រសួងទេសចរណ៍ ប្រទេសម៉ាឡេស៊ី គឺលោក Zulkifly Md Said អគ្គនាយករង (ផ្នែកផែនការ) នៃក្រសួងទេសចរណ៍ ប្រទេសម៉ាឡេស៊ី ដើម្បីចែកជូនដល់អ្នកសារព័ត៌មាន ដែលបានចូលរួមនៅក្នុងកម្មវិធីនេះ។ ហើយការចែកជូននូវ​វិញ្ញាបនបត្រកិត្តិយសនេះ ត្រូវបានរៀបចំឡើងយ៉ាងពិសេស នៅលើទូកកម្សាន្ត North Borneo ដែលជាទូកកម្សាន្តដ៏ទំនើប និងធំមួយប្រចាំទីក្រុងសាបា ដើម្បីទៅមើលថ្ងៃរៀបអស្តង្គត់ផង និងកម្សាន្តជាមួយនឹងតន្ត្រីដ៏ពីរោះនៅលើទូក ព្រមទាំងការទទួលទានអាហារពេលល្ងាចដ៏រ៉ូមែនទិកបែបប៊ូហ្វេដ៏សម្បូរបែបផងដែរ៕