Category: PR

ក្រុមហ៊ុនស៊ីងម៉ឹង ធេលីមីឌា ខូ អិលធីឌី នាំមកនូវការកំសាន្តនិងភាពសប្បាយរីករាយជាមួយនឹងការបើកសម្ពោធប៉ុស្តិ៍បច្ចេកវិទ្យាTechStorm
កម្ពុជា/សិង្ហបុរី ថ្ងៃទី១០ ខែមិថុនា ឆ្នាំ២០២០ TechStorm ដែលជាបណ្តាញពហុមេឌារីកលូតលាស់លឿនបំផុតនៅក្នុងតំបន់ទៅលើកម្មវិធីពហុមេឌារួមមានកម្មវិធី E-Sport និងការច្នៃប្រឌិតនៃបច្ចេកវិទ្យានៅតំបន់អាស៊ាន ថ្ងៃនេះបានប្រកាសបើកសម្ពោធប៉ុស្តិ៍TechStormនៅក្នុងប្រទេសកម្ពុជាជាមួយនឹងក្រុមហ៊ុនស៊ីងម៉ឹងធេលីមីឌា ខូ អិលធីឌី ដែលជាក្រុមហ៊ុនផ្តល់ពហុសេវាកម្មអ៊ីនធើណិត និងទូរទស្សន៍ដ៏ធំបំផុតនៅក្នុងប្រទេសកម្ពុជាចាប់ពីថ្ងៃទី១០ ខែមិថុនា ឆ្នាំ២០២។
លោក Wu Liulu ប្រធាននាយកដ្ឋានប្រតិបត្តិការអាជីវកម្មទូរទស្សន៍ នៃក្រុមហ៊ុនស៊ីងម៉ឹង ធេលីមីឌា ខូ អិលធីឌី បានលើកឡើងថា៖ យើងបានដឹកនាំទីផ្សារកម្ពុជាដោយនាំមកនូវការកម្សាន្តលំដាប់ខ្ពស់ដល់អតិថិជននៅតាមគេហដ្ឋាន តាមសហគ្រាស អាជីវកម្ម និងសាជីវកម្មនានា។ ភាពល្អឥតខ្ចោះនៃការកម្សាន្តដ៏ពិសេសរបស់TechStorm គឺការដាក់បញ្ចាំងផ្តាច់មុខនៃខ្សែវិដេអូបែបប្រឌិតល្បីៗទូទាំងពិភពលោករួមមាន៖ Shark Tank US Shark Tank Australia Thrilling និងខ្សែវិដេអូប្រឌិតបែបបច្ចេកវិទ្យាដែលទទួលបានការវាយតម្លៃខ្ពស់បំផុត ដែលធ្វើឱ្យអតិថិជនរបស់ទូរទស្សន៍ SingMeng TV និង Splus ទទួលបានការកម្សាន្តដែលមានគុណភាពខ្ពស់នៃបច្ចេកវិទ្យឌីជីថលទំនើប និងហ្គេមសម័យថ្មី។
លោកស្រី Debbie Lee ស្ថាបនិក និងជានាយកប្រតិបត្តិនៃ TechStorm បានលើកឡើងថា៖ យើងមិនទាន់បានចាប់ផ្តើម TechStorm អោយបានទាន់ពេលវេលាល្អនៅឡើយទេ ដោយនាំមកនូវការកម្សាន្តប្រកបដោយភាពវិជ្ជមានដែលអ្នករាល់គ្នាអាចរីករាយនឺងរៀនពីអ្វីដែលថ្មីៗក្នុងពេលតែមួយ។ យើងមានបំណងដើរតួវិជ្ជមានដោយនាំក្រុមគ្រួសារខ្មែរមកជួបជុំគ្នាក្នុងអំឡុងពេលដែលយើងឃើញថាឪពុកម្តាយ និងកូនៗរបស់ពួកគេបានចំណាយពេលច្រើននៅផ្ទះរួមគ្នា។ ការកំសាន្តដ៏រីករាយដែលផ្តាច់មុខនិងមិនធ្លាប់មានពីមុនមករបស់យើងមានលក្ខណៈពិសេសសម្រាប់អ្នករាល់គ្នារួមមាន៖ រឿងនិទានពីអ្នកលេងហ្គេមដែលជាតារា Esports នៅក្នុងអាស៊ីសម្រាប់យុវវ័យ សិក្សាពីរបៀបដើម្បីទទួលបានទីលានអាជីវកម្មដែលមានទឹកប្រាក់រាប់លានដុល្លារដែលបង្រៀនដោយមហាសេដ្ឋីជនជាតិអាមេរិក Timothy Draper នៅក្នុងកម្មវិធី Startup U និងកម្មវិធីសម្រាប់អ្នកដែលស្រឡាញ់ឧបករណ៍ឆ្នៃប្រឌិតដែលពួកគេអាចទស្សនាការពិនិត្យនិងវាយតម្លៃឧបករណ៍ដែលមានលក្ខណៈច្នៃប្រឌិតប្លែកៗដ៏អស្ចារ្យផងដែរ។

ជាមួយនឹងស្ថានភាព Covid-19 បច្ចុប្បន្នដែលជះឥទ្ធិពលដល់សហគមន៍ភាគច្រើន រួមជាមួយនឹងការនៅឆ្ងាយពីគ្នាដើម្បីសុវត្ថិភាព និងការស្នាក់នៅក្នុងផ្ទះនេះ ពិតជាមានឥទ្ធិពលវិជ្ជមានគួរឱ្យកត់សម្គាល់លើការកម្សាន្តវីដេអូ និងការទស្សនាទូរទស្សន៍ដែលអាចកើនឡើងដល់ ៦០ភាគរយ នេះបើយោងទៅតាមការស្រាវជ្រាវថ្មីៗនេះពីប្រព័ន្ធផ្សព្វផ្សាយអាមេរិករបស់ក្រុមហ៊ុន Nielsen។
លោក Wu Liulu ប្រធាននាយកដ្ឋានប្រតិបត្តិការអាជីវកម្មទូរទស្សន៍ នៃក្រុមហ៊ុនស៊ីងម៉ឹង ធេលីមីឌា ខូ អិលធីឌី បានលើកឡើងបន្តថា៖ ដើម្បីគាំទ្រដល់ក្រុមគ្រួសារ និងអតិថិជនកម្ពុជារបស់យើងដែលស្នាក់នៅក្នុងផ្ទះ យើងសូមប្រកាសថារាល់អតិថិជនទូរទស្សន៍ SingMeng TV និងSplus នឹងទទួលបាននូវមាតិកាដ៏ពិសេសនេះពី TechStorm សម្រាប់ការទស្សនាដោយសេរីនៅប៉ុស្តិ៍លេខ #251 និងតាមកម្មវិធី Splus ចាប់ផ្តើមពីថ្ងៃទី១០ ខែមិថុនា ឆ្នាំ២០២០នេះតទៅ។ កម្មវិធី Splus ដែលមានចំនួន57ប៉ុស្តិ៍ ប្រើប្រាស់ជាមួយរូបភាពច្បាស់កម្រិតHDនិងអាចមើលថយក្រោយរយៈពេល7ថ្ងៃបានថែមទៀតដោយសេរីដែលមានតែមួយគត់នៅប្រទេសកម្ពុជា។ លោកអ្នកអាចទាញយកឥឡូវនេះដោយគ្រាន់តែវាយពាក្យ “Splus” ទៅក្នុង App Store ឬ Play Store ឬតាមរយៈLinkខាងក្រោមនេះ៖ http://hyperurl.co/splusmobiletv ។
TechStorm បច្ចុប្បន្នត្រូវបានចាក់ផ្សាយនៅលើកញ្ចក់ទូរទស្សន៍ Dialog Channel ប៉ុស្តិ៍62 StarHub Channel ប៉ុស្តិ៍420 First Media Channel ប៉ុស្តិ៍333, Sky Cable Channel ប៉ុស្តិ៍212 Telkomsel’s MAXstream Cignal Play OTT Genflix OTT និងតាមរយៈ OMI ដែលចូលរួមដោយដៃគូក្នុងខេត្តចំនួន ៨ នៅប្រទេសហ្វីលីពីន។
វីដេអូត្រួសៗស្តីពីប៉ុស្តិ៍ TechStorm៖
អំពីក្រុមហ៊ុនស៊ីងម៉ឹង ធេលីមីឌា ខូ អិលធីឌី
ក្រុមហ៊ុនស៊ីងម៉ឹង ធេលីមីឌា ខូ អិលធីឌីបានបង្កើតឡើងក្នុងឆ្នាំ ២០១២ ដែលជាប្រតិបត្តិករមានមូលដ្ឋាននៅប្រទេសសិង្ហបុរី និងមានដើមទុនចុះបញ្ជី ១០០ លានដុល្លារអាមេរិក។ ពួកយើងផ្តល់ជូននូវដំណោះស្រាយព័ត៌មានរួមមាន៖ សេវាកម្មទូរគមនាគមន៍ សេវាការសមាហរណកម្មប្រព័ន្ធ (ICT\IOT) សេវាកម្មអ៊ីនធឺណិតចល័ត ព័ត៌មានប្រព័ន្ធផ្សព្វផ្សាយអ៊ីនធឺណិត និងសេវាកម្មដ៏ទូលំទូលាយផ្សេងទៀត។
ក្រុមហ៊ុនស៊ីងម៉ឹងមានបណ្តាញខ្សែកាបអុបទិកប្រមាណ ៦.៦០០ គីឡូម៉ែត្រនៅកម្ពុជា។ បណ្តាញខ្សែកាបអុបទិកបានគ្របដណ្តប់ ២៥ ខេត្តក្រុងនិង ៩០ភាគរយនៃចំនួនប្រជាជន និងមានច្រកទ្វារអន្តរជាតិដែលតភ្ជាប់ទៅកាន់ពិភពលោក។ ក្រុមហ៊ុនស៊ីងម៉ឹងមានលក្ខណៈសម្បត្តិពេញលេញនៅក្នុងការធ្វើប្រតិបត្តិការទៅលើប្រព័ន្ធ DTT / OTT / ISP / VoIP។ ពួកយើងក៏ជាប្រតិបត្តិករទូរទស្សន៍ដែលផ្តល់សេវាទូរទស្សន៍មានគុណភាពកម្រិត4K ដំបូងគេនៅក្នុងប្រទេសកម្ពុជា និងជាក្រុមហ៊ុនផ្តល់សេវាកម្មទូរទស្សន៍OTT និងប្រតិបត្តិករ Triple Plays តែមួយគត់នៅក្នុងប្រទេសកម្ពុជា។
បេសកកម្មរបស់យើងគឺបង្កើតជីវិតដ៏ល្អប្រសើរនៅក្នុងយុគសម័យឌីជីថលជាមួយប្រជាជននៅអាស៊ីអាគ្នេយ៍។
ព័ត៌មានបន្ថែម៖ https://smtelemedia.com/ និងតាមដានពីពួកយើងតាមរយៈ៖
LinkedIn
Instagram
Facebook

អំពី TechStorm
TechStorm គឺជាបណ្តាញ NextGen ដែលរីកលូតលាស់លឿនបំផុតនៅអាស៊ីដែលផ្សព្វផ្សាយពីតារាESports ហ្គេមនិងការច្នៃប្រឌិតបច្ចេកវិទ្យា ដែលបានផ្សព្វផ្សាយនៅក្នុងប្រទេសចំនួន ២០ នៅអាស៊ីប៉ាស៊ីហ្វិក។ TechStorm បណ្តាញ NextGen 24/7 ផ្សព្វផ្សាយក្នុងកម្រិតគុណភាពខ្ពស់បំផុតកម្រិតHD និងមានកម្មវិធីកម្សាន្តផ្តាច់មុខលំដាប់ខ្ពស់ដែលមានគោលដៅអ្នកទស្សនាខ្ពស់សម្រាប់អ្នកចូលចិត្តទស្សនាកម្មវិធីEsports និងគ្រួសារមនុស្សជំនាន់ថ្មី។ ការផ្សាយចេញរបស់ TechStorm គឺជាពហុវេទិកាដែលមានដៃគូច្រើនជាង ២៥ដែគូ ជាមួយនឹងកម្មវិធីEsportsធំបំផុតក្នុងតំបន់ដែលកំពុងរីកចម្រើនយ៉ាងឆាប់រហ័ស។ មាតិកាដើមប្រចាំអាស៊ីរបស់យើងគឺ Storm Bytes កំពុងធ្វើការផ្សាយតាមរយៈទូរស័ព្ទចល័តទៅកាន់ប្រទេសជាច្រើននៅលើវេទិកាជាច្រើននៅទូទាំងពិភពលោក។
ព័ត៌មានបន្ថែម៖ https://www.techstorm.tv/ និងតាមដានពីពួកយើងតាមរយៈ៖
LinkedIn
Instagram
Facebook

ទំនាក់ទំនងប្រព័ន្ធផ្សព្វផ្សាយទំនាក់ទំនង:
TechStorm’s Regional Press Office
E: [email protected]
June 9, 2020
អាហារពេលព្រឹកដ៏មានឱជារសនៅ FU LU ZU (SOFITEL PHNOM PENH PHOKEETHRA)
សណ្ឋាគារ សូហ្វីតែល ភ្នំពេញ ភូគីត្រា ដែលជាសណ្ឋាគារផ្កាយ5 ដ៏ល្អប្រណីត មានភោជនីយដ្ឋានជាច្រើនសម្បូរបែប ដែលប្រកបដោយស្តង់ដាអន្តរជាតិ រចនាបថពោរពេញដោយភាពទាក់ទាញគួរជាទីទុកចិត្តដល់អតិថិជន។ ការទទួលទានអាហារប្រកបដោយផាសុកភាព និងភាពដ៏ល្អប្រណីតនេះ គឺមាននៅភោជនីយដ្ឋាន FU LU ZU ដែលស្ថិតនៅក្នុងបរិវេណ របស់សណ្ឋាគារ សូហ្វីតែល ភ្នំពេញ គឺជាភោជនីយដ្ឋានចិនលំដាប់ផ្តាយ5 មានបម្រើជូន អាហារថ្ងៃត្រង់ដែលមានរសជាតិឈ្ងុយឆ្ងាញ់តាំងពីពេលកន្លងមក តែបច្ចុប្បន្ននេះ អតិថិជនទាំងអស់អាចមកទទួលយករសជាតិអាហារពេលព្រឹក ដែលកាន់តែពិសេសជាងមុនទៅទៀត ទាំងសេវាកម្ម រសជាតិ គុណភាព និងតម្លៃ…សាកល្បងជាមួយរសជាតិ បាយមាន់ហាយណាំ ឬបាយទាខ្វៃដ៏ឈ្ងុយឆ្ងាញ់ នំបុ័ង ឬគុយទាវខគោដ៏ឈ្ងុយឈ្ងប់ រសជាតិឌីមសាំ ដ៏សម្បូរបែប ជាមួយចុងភៅលំដាប់ផ្កាយ5 អស់លោកលោកស្រីចំណាយត្រឹមតែ 15 ទៅ 20ដុល្លារតែប៉ុណ្ណោះ នឹងទទួលបានអាហារពេលព្រឹកដ៏មានឱជារស ជាមួយនឹងបរិយាកាសដ៏សែនមនោរម្យប្រកបសេចក្តីសុខ និងសុភមង្គល។
សូមទំនាក់ទំនង តាមរយៈទូរសព្ទ័លេខ 023 999 200៕

June 8, 2020
ញាក់សាច់…ចេញមកមួយៗអស់ស្ទះម៉ង! ស្មាតហ្វូនជំនាន់ថ្មី…ល្បីថាខ្លាំងមិនធម្មតាស៊េរី Samsung Galaxy A21s មានលក់ក្នុងប្រទេសកម្ពុជាហើយ…!!
(ភ្នំពេញ) ថ្ងៃទី ០៨ ខែមិថុនា ឆ្នាំ២០២០៖ ពិតជាមិនសរសើរមិនបានមែន…! ក្នុងខែនេះក្រុមហ៊ុន សាមសុង បាននាំមកនូវភាពភ្ញាក់ផ្អើល និងមិនគួរមិនឱ្យជឿបន្តទៀតហើយដោយខ្លួនបានបញ្ចេញ និងធ្វើការដាក់លក់ផ្លូវការនូវស្មាតហ្វូនជំនាន់ថ្មីខ្សែស្រឡាយត្រកូលស៊េរី Samsung Galaxy A21s ក្នុងព្រះរាជាណាចក្រកម្ពុជាយើងហើយ!។
សូមបញ្ជាក់ថាស្មាតហ្វូនជំនាន់ថ្មី Samsung Galaxy A21s នេះត្រូវបានផលិត និងរចនាឡើងជាមួយនឹងសមត្ថភាពអស្ចារ្យលើសពីការរំពឹងដែលមិនធ្វើឲ្យអតិថិជនទាំងអស់ខកបំណងឡើយ។ ចេញមកលើនេះក្រុមហ៊ុន សាមសុង ពិតជាមិនបានគិតពីរឿងចំណេញ និងចំណាយឡើយធ្វើយ៉ាងណាអាចផ្តល់ជូននូវស្មាតហ្វូនដែលមានលក្ខណៈពិសេសៗ អស្ចារ្យ និងអាចបំពេញតាមតម្រូវការប្រើប្រាស់របស់អតិថិជនបាន។
Samsung Galaxy A21s មានអេក្រង់ធំទំហំ 6.5” ដាំមកជាមួយនឹងកាមេរ៉ាក្រោយចំនួន 4 គ្រាប់ទំហំ (48 MP+ 8 MP + 2 MP + 2 MP), កាមេរ៉ាមុខទំហំ 13 MP (Selfie បានស្អាតឥតខ្ចោះ), កម្លាំងថាមពលខ្លាំង 5,000 mAh (សាកថ្មលឿន), មេម៉ូរី 6 GB, អង្គផ្ទុក 64 GB (អាចថែមបាន 512 GB)! អូហូ…! អែមណាស់!! មកក្នុងសំណុំប៉ុណ្ណេះបែបថ្លៃហើយមើលទៅ? អត់ថ្លៃទេ…ខ្ញុំហ៊ានធានា…!តម្លៃគឺពិសេសសឹងតែមិនគួរឱ្យជឿទាល់តែសោះ។
ស្មាតហ្វូនស៊េរីថ្មីដ៏ស្រស់ស្អាតនេះ បានដាក់លក់ជាផ្លូវការនៅតាមបណ្តាហាងទំនើបសាមសុង និងដេប៉ូចែកចាយទូរស័ព្ទសាមសុងទូទាំងប្រទេសកម្ពុជាជាមួយនឹងតម្លៃត្រឹមតែ $249 ដែលភ្ជាប់ជាមួយជម្រើស៣ពណ៌រួមមាន៖ពណ៌ខ្មៅ ពណ៌ស និងពណ៌ខៀវ ជាងនេះទៅទៀតរាល់ការជាវ Samsung Galaxy A21s ឥឡូវនេះលោកអ្នកនឹងទទួលបានលេខពិសេសតម្លៃដល់ទៅ $29 និងទទួលបានការបញ្ចុះតម្លៃដល់ទៅ 50% លើការប្តូរអេក្រង់ថ្មីផងដែរ។ ម៉េចដែរ…នៅចាំអីទៀត…? ប្រញាប់ទៅរកជាវ និងប្រើមុនគេឥឡូវនេះភ្លាមទៅ!
សម្រាប់ព័ត៌មានបន្ថែមសូមអញ្ជើញទៅសាកសួរដោយផ្ទាល់នៅតាមដេប៉ូចែកចាយរបស់ សាមសុង ទាំងអស់ដែលនៅជិតលោកអ្នកបំផុត ឬទំនាក់ទំនងទៅកាន់សេវាបម្រើអតិថិជនតាមរយៈលេខទូរស័ព្ទ៖ 1800-203232៕
June 8, 2020
ខ្សែភាពយន្តនៃយុទ្ធនាការឃោសនា ដើម្បីព្រមានប្រាប់អំពីគ្រោះថ្នាក់នៃការបរិភោគសត្វព្រៃ
កាលពីថ្ងៃទី4 ខែមិថុនា អង្គការសម្ព័ន្ធមិត្តសត្វព្រៃ បានបង្ហាញខ្សែភាពយន្តឃោសនាដែលជាផ្នែកមួយនៃយុទ្ធនាការ#StopEatingWildlife (បញ្ឈប់ការបរិភោគសត្វព្រៃ) ដើម្បីជាសេវាប្រាប់ដំណឹងជាសាធារណៈ និងជាការដាស់តឿនទៅដល់អ្នកដែលនិយមបរិភោគសាច់សត្វព្រៃថា ពួកគេពិតជាប្រថុយប្រថាននឹងហានិភ័យផ្នែកសុខភាពខ្លាំងណាស់ នៅពេលដែលពួកគេបរិភាគសត្វព្រៃ។
ការបរិភោគសត្វព្រៃអាចបង្កឱ្យមានជម្ងឺកាចសាហាវជាច្រើន ដូចជា កូវីដ-19 ជាដើម។ សូមថែរក្សាសុខភាពរបស់អ្នក និងបញ្ឈប់ការបរិភោគសត្វព្រៃ គឺជាសារៈដ៏សំខាន់មួយនៃភាពយន្តយុទ្ធនាការឃោសនាមួយនេះ។
ខ្សែភាពយន្តដ៏រន្ធត់នេះ និយាយអំពីមនុស្សមួយក្រុមនៅក្នុងភោជនីយដ្ឋានមួយកន្លែង កំពុងបរិភោគសត្វពង្រូល ហើយរំពេចនោះខ្សែភាពយន្តក៏បែរទៅបង្ហាញអ្នកបរិភោគសាច់សត្វព្រៃដែលកំពុងដេកឈឺលើគ្រែ ក្នុងមន្ទីរពេទ្យវិញ។
កញ្ញា ស៊ូវណ្ណា ហ្គោនឡែត នាយិកាប្រតិបត្តិអង្គការសម្ព័ន្ធមិត្តសត្វព្រៃបានមានប្រសាសន៍ថា “នៅក្នុងខ្សែភាពយន្តនេះយើងចង់បង្ហាញឱ្យមនុស្សគ្រប់រូបបានយល់ថា អ្នកដែលនិយមបរិភោគសាច់សត្វព្រៃ កំពុងតែបង្កឱ្យមានបញ្ហាប្រឈមខ្លាំងចំពោះសុខភាពរបស់ពួកគេ គ្រប់ពេលដែលពួកគេទទួលទានសត្វព្រៃ។
យុទ្ធនាការនេះបានចេញផ្សាយកាលពី 2ខែមុន ជាការឆ្លើយតបទៅនឹងការរាលដាល នៃមេរោគកូវីដ-19 ដែលត្រូវបានគេតាមដានស្រាវជ្រាវរកប្រភពឃើញថា បានឆ្លងមកពីការបរិភោគសាច់សត្វព្រៃ ហើយវាត្រូវបានជឿជាក់យ៉ាងច្បាស់ថា មានប្រភពចេញពីផ្សារលក់សត្វព្រៃមួយកន្លែងក្នុងទីក្រុងវូហានប្រទេសចិន។
ការជួញដូរ និងការបរិភោគសត្វព្រៃ គឺជាការជំរុញឱ្យសត្វព្រៃ និងមនុស្ស មានការប៉ះពាល់គ្នាយ៉ាងជិតស្និទ្ធ ដែលធ្វើឱ្យជំងឺកាចសាហាវដូចជាកូវីដ-19 អាចឆ្លងរាលដាលមកមនុស្សបាន។
ការបរិភោគសត្វព្រៃក៏មានជាប់ទាក់ទងជាមួយជំងឺកាចសាហាវផ្សេងទៀតដែរ ដូចជាជំងឺសារស៍ (SARS) និងអេដស៍ជាដើម។
“ការប្រយុទ្ធប្រឆាំងនឹងការជួញដូរសត្វព្រៃខុសច្បាប់ មានន័យថា យើងកំពុងប្រយុទ្ធប្រឆាំងទប់ទល់កុំឱ្យមានឱកាសនៃការរីករាលដាលនៃជម្ងឺរាតត្បាតថ្មីផ្សេងទៀតនាពេលអនាគត។ យើងម្នាក់ៗមិនត្រឹមតែអាចដើរតួនាទីក្នុងការបញ្ឈប់ការបរិភោគសត្វព្រៃប៉ុណ្ណោះទេ តែយើងអាចរាយការណ៍អំពីបទល្មើសសត្វព្រៃ ទៅលេខទូរស័ព្ទប្រចាំការបាន” ។ នេះជាប្រសាសន៍របស់កញ្ញា ស៊ូវណ្ណា ហ្គោនឡែត។
ប្រសិនបើលោកអ្នក បានប្រទះឃើញសត្វព្រៃត្រូវបានគេបង្ខាំងទុកក្នុងទ្រុង ឬការុងបាវ ឬប្រសិនបើលោកអ្នកបានដឹងពីព័ត៌មានណាមួយដែលទាក់ទងទៅនឹងការរត់ពន្ធសត្វព្រៃដោយខុសច្បាប់ សូមទូរស័ព្ទមកទីស្នាក់ការប្រចាំការ តាមរយៈលេខ 012 500 094 ឬរាយការណ៍ទៅកាន់ក្រុមបង្ក្រាបបទល្មើសសត្វព្រៃបន្ទាន់ តាមរយៈទំព័របណ្តាញសង្គមហ្វេសប៊ុក ( https://www.facebook.com/WCHCambodia/ )។
ខ្សែភាពយន្តនៃយុទ្ធនាការឃោសនា បានបង្ហាញអំពីគ្រោះថ្នាក់ផ្នែកសុខភាព ដែលបណ្ដាលមកពីការបរិភោគសត្វព្រៃ Click here for the #StopEatingWildlife campaign film. .
ពង្រូលដែលជាសត្វកំពុងរងគ្រោះជិតផុតពូជ គឺត្រូវបានគេយកមកថតក្នុងខ្សែភាពយន្តនេះ ព្រោះវាជាប្រភេទថនិកសត្វដែលត្រូវបានគេជួញដូរច្រើនជាងគេនៅលើពិភពលោក។
Click here for the #StopEatingWildlife campaign film. .
សម្រាប់ព័ត៌មានបន្ថែម សូមទាក់ទងមកកាន់៖
លោក Andy Ball
ផ្នែកបណ្តាញសង្គម និងទំនាក់ទំនង អង្គការសម្ព័ន្ធមិត្តសត្វព្រៃ
ទូរស័ព្ទការិយាល័យ +885 23 211 604
ទូរស័ព្ទដៃ +855 96 258 76 31
អ៊ីមែលៈ [email protected]

Ollie Roberts
ជំនួយការនាយិកាប្រតិបត្ដិ
អង្គការសម្ព័ន្ធមិត្តសត្វព្រៃ
ទូរស័ព្ទការិយាល័យ +885 23 211 604
ទូរស័ព្ទដៃ +855 99 766 615
អ៊ីមែលៈ [email protected]

June 6, 2020
មើលរំលងម៉េចបានទៅ…បើម៉ាស៊ីនបោកសម្លៀកបំពាក់ Samsung Active DualwashTM 21 គីឡូបោកបានស្អាតល្អ មានគុណភាព និងអត្ថប្រយោជន៍ច្រើនម្លឹងៗនោះ…!!
(ភ្នំពេញ) ថ្ងៃទី ០៥ ខែមិថុនា ២០២០៖ ការបោកគក់សម្លៀកបំពាក់ មិនមែនជាការងារងាយស្រួលឡើយ ជាពិសេសនៅក្នុងប្រទេសក្តៅ សម្បូរធូលីដី និងភ្លៀងធ្លាក់ញឹកញាប់ដូចជានៅប្រទេសកម្ពុជា ធ្វើឱ្យសម្លៀកបំពាក់ប្រឡាក់ខ្លាំង។ ជាទូទៅ ទោះបីជាមានម៉ាស៊ីនបោកគក់ក៏ដោយ ក៏អ្នកប្រើប្រាស់ភាគច្រើនត្រូវការ ការត្រាំ និងដុសជម្រះកន្លែងដែលមានក្អែលប្រឡាក់ខ្លាំងនៅលើសម្លៀកបំពាក់ មុននឹងដាក់ចូលទៅក្នុងម៉ាស៊ីនបោកគក់។ ដូច្នេះហើយបានជា សាមសុង បានបង្កើតនូវបច្ចេកវិទ្យាថ្មីៗជាច្រើន តម្រូវតាមភាពចាំបាច់របស់អ្នកប្រើប្រាស់។
ដោយយល់ច្បាស់ពីសេចក្តីត្រូវការ និងធ្វើឱ្យការរស់នៅប្រចាំថ្ងៃរបស់ស្ត្រីមេផ្ទះមានភាពកាន់តែងាយស្រួល និងកាន់តែទាន់សម័យបំផុតនោះក្រុមហ៊ុន សាមសុង បានរចនា និងផលិតឡើងនូវម៉ាស៊ីនបោកសម្លៀកបំពាក់ Samsung Active DualwashTM ស៊េរី WA21M8700GV/ST ដែលមានចំណុះធំ…បោកបានច្រើនមានគុណភាពល្អអាចបោកសម្លៀកបំពាក់បានដល់ទៅ 21 គីឡូក្រាម ជួយសន្សំសំចៃពេលវេលា ថវិកាដោយបោកតែម្តងហើយមិនចាំបាច់រង់ចាំបោកច្រើនដង និងបោកជម្រះបានស្អាតល្អ មានសំឡេងស្ងាត់ ជួយសន្សំសំចៃខ្ពស់ និងប្រើបានយូរទៀតផង!
ជាមួយនឹងម៉ាស៊ីនបោកសម្លៀកបំពាក់ Samsung Active DualwashTM 21 គីឡូក្រាមនេះត្រូវបានបំពាក់មកជាមួយនឹងចានបោក ឬទម្រជ័រមានរាងអង្កាញ់ៗដូចជាក្តារបោកគក់សម្រួលដល់ការបោក ឫត្រាំសម្លៀកបំពាក់ណាដែលប្រឡាក់ខ្លាំងមុននឹងដាក់ចូលទៅក្នុងម៉ាស៊ីន។
អ្វីដែលពិសេសមួយទៀតនោះគឺម៉ាស៊ីនបោកសម្លៀកបំពាក់ Samsung Active DualwashTM 21 គីឡូក្រាមនេះផងដែរមានប្រព័ន្ធទឹកដែលអាចបិទ និងបើកលើប៊ូតុងតែមួយ។ មានន័យថាសម្រាប់ទឹកដែលបានប្រើប្រាស់រួចនៅលើទម្រជ័រក្នុងដំណាក់កាលដំបូងនោះយើងអាចចាក់បញ្ចូលទៅក្នុងម៉ាស៊ីនបោកគក់តែម្តង!
ពិសេសជាងនេះទៅទៀត ម៉ាស៊ីនបោកគក់ Samsung Active DualwashTM ក៏បានបំពាក់នូវមុខងារឆ្លាតវៃដ៏ទំនើបបន្ថែមជាច្រើនទៀតដូចជា៖
1. Magic Dispenser
កង្ហាវាយបំបែកម្សៅសាប៊ូ ឬសាប៊ូទឹកបោកខោអាវជាមួយនឹងស្លាបចក្រទាំង ៦ ធ្វើឱ្យសាប៊ូរលាយបានយ៉ាងល្អបំផុតក្នុងទឹកដោយបង្កើតបានជាពពុះសាប៊ូ ហើយជ្រាបចូលទៅក្នុងសាច់ក្រណាត់បានយ៉ាងល្អឥតខ្ចោះមុននឹងម៉ាស៊ីនចាប់ផ្តើមប្រតិបត្តិការបោកគក់។
1. Magic Filter (Powerful Filtration)
គឺជាតម្រងពីរជាន់ដែលមានសមត្ថភាពអាចចាប់យកភាពកខ្វក់ កម្ទេចកំទីផ្សេងៗបានយ៉ាងល្អ មិនឱ្យតោងជាប់លើសាច់ក្រណាត់បានយ៉ាងល្អឥតខ្ចោះ!
1. WobbleTM Technology
ជួយកាត់បន្ថយការប្រទាក់គ្នានៃសម្លៀកបំពាក់ដែលជាមូលហេតុធ្វើឱ្យសម្លៀកបំពាក់ជ្រួញ និងរមួលចូលគ្នា។
1. Less Noise & Energy
បច្ចេកវិទ្យា Digital Inverter ធ្វើឱ្យម៉ាស៊ីនមានសំឡេងស្ងាត់ល្អ ស៊ីភ្លើងតិច គ្មានសំឡេងរំខាន ប្រើប្រាស់បានយូរ និងធានាជូនលើម៉ូទ័ររហូតដល់ 11 ឆ្នាំ!
1. Hot Water
អាចបោកជាមួយនឹងទឹកក្តៅសម្រាប់ជម្រះសម្លៀកបំពាក់ដែលប្រឡាក់ខ្លាំង ល្អសម្រាប់សាច់ក្រណាត់!
1. Smart Check
App Samsung Smart Washer/Dryer
អាចឱ្យលោកអ្នកឆែករកបញ្ហា និងដំណោះស្រាយ
តាមទូរស័ព្ទដៃរបស់ម៉ាស៊ីនដោយខ្លួនឯង សន្សំសំចៃការចំណាយ!
យ៉ាងម៉េចដែរសុភាពនារី ស្ត្រីមេផ្ទះ និងមេគ្រួសារដ៏ឆ្លាតវៃទាំងអស់គ្នា…? ត្រូវចិត្តអត់ប៉ុណ្ណឹង? នៅចាំអីទៀត…? ប្រញាប់ជាវឥឡូវនេះភ្លាមទៅ?
ដើម្បីជ្រាបឱ្យកាន់តែច្បាស់សូមអញ្ជើញទៅទស្សនាដោយផ្ទាល់នៅតាមហាងដេប៉ូចែកចាយផលិតផល
សាមសុង ទូទាំងប្រទេសដែលនៅជិតលោកអ្នកបំផុត ឬក៏អាចទំនាក់ទំនងសេវាបម្រើអតិថិជនរបស់យើងតាមរយៈលេខទូរស័ព្ទ៖ 1800 203 232!
* បញ្ជាក់៖ រាល់ការជាវម៉ាស៊ីនបោកសម្លៀកបំពាក់ Active DualwashTM តាមបណ្តាដេប៉ូចែកចាយផលិតផល សាមសុង ទាំងអស់កុំភ្លេចសួររកបណ្ណធានា!
June 5, 2020
ជូនចំពោះបងៗ បណ្ដាញសារព័ត៌មាន
ខាងក្រុមហ៊ុនយើងខ្ញុំសូមគោរពអញ្ជើញបងៗចូលរួមកម្មវិធី Bootcamp តាមរយៈអនឡាញនៅថ្ងៃទី១៥ ខែមិថុនា បើសិនជាបងៗ ចាប់អារម្មណ៍ចង់សិក្សាបន្ថែមអំពីហ្វេសប៊ុក
កម្មវិធីនេះហៅថា Digital Media Bootcamp គឺជាកម្មវិធីដែលរបៀបចំឡើងដោយក្រុមហ៊ុនហ្វេសប៊ុក ដែលនឹងមានចែករំលែកចំណេះដឹងអំពីបច្ចេកវិទ្យារបស់ក្រុមហ៊ុនហ្វេសប៊ុក ជាថ្នាក់សិក្សាតាមអនឡាញដែលពុំគិតថ្លៃ សម្រាប់បងជាអ្នកសរសេរអត្ថបទអនឡាញជាដើម ដែលចង់សិក្សានិងស្វែងយល់បន្ថែមអំពីរបៀបធ្វើការនៅលើបណ្ដាញសង្គមមួយនេះ។ កម្មវិធីនេះពុំមែនជាកត្តាបកិច្ចអ្វីឡើយ ប៉ុន្តែបើសិនជាបងៗ ទំនេរហើយចាប់អារម្មណ៍ បងៗអាចរៀនបន្ថែមជាការកំសាន្តបាន។
សម្រាប់កម្មវិធីលើកនេះ នឹងផ្ដោតសំខាន់ទៅលើចំណេះដឹងបន្ថែមមានដូចជា៖
• របៀបបង្កើតឬ ប្រើប្រាស់ Virtual Event នៅលើហ្វេសប៊ុក
• ការគ្រប់គ្រង Monetization
• មេរៀនបន្ថែមអំពីការ Live Video
• និងចំណេះបន្ថែមអំពីយុទ្ធសាស្ត្រទីផ្សាតាមអនឡាញ Marketing Solutions
កម្មវិធីសិក្សានេះនឹងប្រព្រឹត្តទៅជាភាសារអង់គ្លេស ដោយបុគ្គលិកក្រុមហ៊ុនហ្វេសប៊ុកពីសាខាធំផ្ទាល់តែម្ដង។ បងៗអាចចូលទៅកាន់លីងដែលមានភ្ជាប់ដូចខាងក្រោម ហើយមើលតាមលំនាំ ស្វែងរកម៉ោងសិក្សាដែលសាកសម និងកាលវិភាគរបស់បង និងមេរៀន ផ្សេងៗបន្ថែមទៀត ដោយចុះឈ្មោះទៅតាមថ្នាក់ផ្សេងដែលបងចាប់អារម្មណ៍ចង់សិក្សា
សូមចូលទៅកាន់លីងនេះ: https://fbmediabootcamp.splashthat.com/S
June 4, 2020
កម្មវិធីសេវាដឹកជញ្ជូនទំនិញក្រុមហ៊ុន TADA រក្សាទំនាក់ទំនងអាជីវកម្ម និងអតិថិជន ក្នុងគ្រាលំបាក
ភ្នំពេញ ថ្ងៃទី ១ ខែ មិថុនា ឆ្នាំ ២០២០ – ប៉ុន្មានខែមុនពេលមានការផ្ទុះឡើងនៃវីរុសកូរ៉ូណាជាសកល អាជីវកម្ម របស់ភោជនីយដ្ឋាន ខ្មែរ ‘មាតុភូមិ’ សាខាពេទ្យលោកសង្ឃ ដែលមានប្រជាប្រិយភាពខ្ពស់ មានភាពកាក់កប និងបានផ្ដល់ជូនសេវាកម្មសម្រាប់អតិថិជនធម្មតា។
លោក ស៊ិញ រិទ្ធីយ៉ា ប្រធានគ្រប់គ្រង ភោជនីយដ្ឋាន មាតុភូមិ សាខាពេទ្យលោកសង្ឃ បានមានប្រសាសន៍ថា៖ «ក្នុងឆ្នាំ ២០១៩ ដំណើរការរបស់យើងហ្នឹង គឺបានល្អសន្សឹមៗ។ ហើយអរគុណដល់អតិថិជនដែលបានគាំទ្រ និងពេញចិត្តសេវាកម្មរបស់យើង។»
ប៉ុន្តែក្តីស្រមៃក្នុងការបើកសាខា ឫវិនិយោគបន្ថែមទៅក្នុងអាជីវកម្ម ត្រូវបានសាបរលាបទៅវិញ នៅពេលដែល វីរុសវាយលុកប្រទេសកម្ពុជា ហើយអាជីវកម្មរបស់ភោជនីយដ្ឋាននេះ ក៏ដូចជា អាជីវកម្មដ៏ទៃទៀត នៅពាសពេញប្រទេសកម្ពុជា ត្រូវខាតបង់យ៉ាងខ្លាំង។
លោក ស៊ិញ រិទ្ធីយ៉ា បានបន្ថែមទៀតថា៖ «អាជីវកម្មរបស់យើងទទួលរងផលប៉ះពាល់ខ្លាំងមែនទែន ពីភ្ញៀវ១០០% ចុះមកសល់៣០%។ អីចឹង ពួកយើងបានសម្រេចចិត្តបិទហាងបណ្ដោះអាសន្ន នៅក្នុងខែមេសា។»
ស្ថានការណ៍នៅពេលនោះ គឺពិតជាគួរឲ្យបារម្ភ ប៉ុន្តែ លោក រិទ្ធីយ៉ា បានចាប់ផ្តើមគិត ថាតើគាត់ត្រូវធ្វើយ៉ាងណាដើម្បីឲ្យអាជីវកម្មរបស់គាត់ អាចបន្តរកចំណូលបាន។
លោក រិទ្ធីយ៉ា បានឲ្យដឹងទៀតថា៖ «ចៃដន្យ ខ្ញុំបានឆែកមើលក្នុងហ្វេសប៊ុកមិត្តភក្ដិរបស់ខ្ញុំ ហើយក៏ឃើញអំពីព័ត៌មានរបស់ TADA ដែលគេទើបតែដាក់ឲ្យដំណើរការ deliveryហ្នឹង ហើយខ្ញុំក៏ចាប់អារម្មណ៍។ ហើយក៏សម្រេចចិត្ត work ជាមួយ TADA តែម្ដង។ គឺយើងចាប់ផ្ដើមនៅថ្ងៃទី១ឧសភាហ្នឹងតែម្ដង ជាមួយនឹងការដឹកជញ្ជូន។»
លោក រិទ្ធីយ៉ា បានមានប្រសាសន៍ថា៖ «វាច្បាស់ណាស់ ពេលដែលគេផ្ដល់សេវាមួយឥតគិតថ្លៃ យើងបានសន្សំ លើការចំណាយរបស់យើង។ អ្វីដែលសំខាន់ជាងហ្នឹងទៅទៀត ខ្ញុំមានឱកាសនៅក្នុងការផ្សព្វផ្សាយទៅដល់channelផ្សេងៗថា មាតុភូមិសាខាពេទ្យលោកសង្ឃ ដឹកជញ្ជូនដោយ free។ អីចឹង អតិថិជនគាត់ឮសូរអីចឹង គាត់កាន់តែមានទំនុកចិត្ត ហើយគាត់គិតថា គាត់ចំណាយតិចជាងមុន អីចឹងក៏គាត់កុម្ម៉ង់បានច្រើនជាងមុន។ អីចឹងមានន័យថា យើងទទួលបានការកុម្ម៉ង់ច្រើនជាងមុន ប្រហែលជាង១៥%។»
អ្នកនាង នាង ស្រីពៅ ដែលជាម្ចាស់ហាងកាត់ដេរ សិរិគុណ សង្កេតឃើញថាអាជីវកម្មរបស់គាត់នៅមានស្ថិរភាពដដែល ដោយសារគុណភាពនៃផលិតផលរបស់គាត់។
អ្នកនាង ស្រីពៅ បានបន្ថែមថា៖ «អីចឹង ទោះបីជាភ្ញៀវមកហាងចុះថយ ក៏ប៉ុន្តែយើងនៅតែរក្សាចំណូលបានថេរដូចមុនអីចឹង។»
កញ្ញា វ៉េង ស៊ាវលីង ប្រធានគ្រប់គ្រងផ្នែកអនឡាញនៅហាង Baby Outlet បានឲ្យដឹងថា TADA បានជួយបំពេញបន្ថែមទៅលើសេវាដឹកជញ្ជូនដែលមានស្រាប់របស់ហាង នៅពេលដែលហាងទទួលបានការកុម្ម៉ង់ទិញច្រើនពីអតិថិជន។
កញ្ញា វ៉េង ស៊ាវលីង បានបន្ថែមថា៖ «មួយវិញទៀត នៅអំឡុងពេលកូវីដហ្នឹង ភ្ញៀវគាត់បុកទិញច្រើន ច្រើនដល់ថ្នាក់សេវាកម្មអនឡាញរបស់ Baby Outlet ដឹកអត់ទាន់ទេ ទើបBaby Outletយើងជ្រើសរើសនូវសេវាកម្មដឹកជញ្ជូន TADA។ ចា៎! គឺថាគាត់សម្រួលឲ្យបានច្រើនមែនទែន។ អ្វីដែលពិសេស គឺសេវាកម្មធូរថ្លៃ អាចទុកចិត្តបាន ចា៎!»
សេវាកម្មដឹកជញ្ជូន TADA ដែលត្រូវបានដាក់ឱ្យប្រើប្រាស់ដោយឥតគិតថ្លៃកាលពីខែមេសានិងឧសភា ក៏ទទួលបានការចាប់អារម្មណ៍យ៉ាងខ្លាំងពីសំណាក់អ្នករត់កង់បីឥណ្ឌាផងដែរ។
លោក តែត មារឌី ដែលជាអ្នករត់ម៉ូតូកង់បីម្នាក់ បាននិយាយថា៖ «ដល់ពេលវាមក [កូវីដ១៩] វាធ្លាក់ច្រើនណាស់បង វាសឹងតែទាំងអស់ទៅហើយ ៨០%ហើយហ្នឹង បានតែ១០ ២០% ជួនកាលគ្មានផង។»
លោកបានបន្តថា «តាំងពីបានដឹក Delivery របស់ TADA មក គឺវាបានយ៉ាងតិចក៏៣០% ៤០%អីដែរ។ TADA គេអត់មានកាត់ជើងសារពីdriverទេ អីចឹងយើងចំណេញអាហ្នឹងមួយដែរ។»
ក្រុមហ៊ុន TADA បានឲ្យដឹងថាការផ្ដល់សេវាកម្មដឹកជញ្ជូនរបស់ខ្លួន ដែលមានការប្រើប្រាស់ពីអាជីវករប្រហែល៥០កន្លែង កំពុងចូលរួមចំណែកយ៉ាងសំខាន់ក្នុងការជួយឲ្យអាជីវករអាចរក្សាដំណើរការអាជីវកម្មរបស់ខ្លួន និងជួយផ្ដល់ប្រភពចំណូលដល់អ្នករត់កង់បីផងដែរ។
លោក ជីម ប៉ូលី ប្រធានចាត់ការទូទៅ ក្រុមហ៊ុន TADA CAMBODIA បានឲ្យដឹងថា៖ «នៅក្រុមហ៊ុន TADA យើងសង្ឃឹមថា យើងមិនត្រឹមតែអាចជួយដៃគូបើកបរទេ យើងចង់ជួយទៅដល់អាជីវកម្ម អាជីវករ ឬក៏ដៃគូរកស៊ីជាមួយយើងទាំងអស់គ្នា ជាពិសេសនោះគឺ ចង់ចូលរួមចំណែកក្នុងការសម្រាលបន្ទុករបស់រដ្ឋាភិបាលដែលគាត់ព្យាយាមពុះពារធ្វើម៉េច ដើម្បីស្ដារលទ្ធភាពសេដ្ឋកិច្ចរបស់យើង ឲ្យល្អដូចដើមវិញ។ មិនតែប៉ុណ្ណោះ ទៅលើសេវាកម្មដឹកជញ្ជូននេះ យើងមិនមែនមានតែប៉ុណ្ណេះទេ គឺយើងនៅមានសេវាកម្មថ្មីៗជាច្រើនទៀត ដែលយើងនឹងធ្វើការប្រកាសក្នុងពេលឆាប់ៗនេះ។ ទាំងអស់នេះ សុទ្ធតែជាផ្នែកមួយដែលយើងព្យាយាមធ្វើ ដើម្បីរួមចំណែកក្នុងការសម្រេចបាននូវចក្ខុវិស័យរយៈពេលវែងរបស់យើង។»
ក្រុមហ៊ុន TADA បានឲ្យដឹងថា ថ្វីត្បិតតែសេវាដឹកជញ្ជូនដោយឥតគិតថ្លៃរបស់ក្រុមហ៊ុន បានផុតកំណត់ទៅហើយក្ដី ក៏ក្រុមហ៊ុនយកកម្រៃសេវាដឹកជញ្ជូនរបស់ខ្លួន ត្រឹមតែ ៣០០០ រៀលប៉ុណ្ណោះ សម្រាប់សេវាដឹកជញ្ជូន ទទួលព្រឹក ដឹកថ្ងៃ ទទួលថ្ងៃ ដឹកស្អែក នៅក្នុងទីក្រុងភ្នំពេញ ដែលអាជីវករអាចប្រើប្រាស់បាន ដោយគ្រាន់តែចុះឈ្មោះ។
អតិថិជនក៏អាចប្រើសេវាកម្មដឹកជញ្ជូនរហ័សបានផងដែរ ដោយកម្រៃសេវាដឹក គឺប្រែប្រួលទៅតាមរយៈចម្ងាយនៃការដឹកនោះ។
លោក រិទ្ធីយ៉ា បានឲ្យដឹងថា៖ «ថ្ងៃនេះ កើតកូវីដ-១៩។ ថ្ងៃក្រោយ យើងអត់ដឹងថាកើតមានអីទេ។ ដូច្នេះខ្ញុំចង់recommendទៅដល់អាជីវករនិងអ្នករកស៊ីទាំងអស់ គួរតែចាប់ផ្ដើមងាកមើលទៅការរកស៊ីតាមលក្ខណៈtechnology ឬក៏តាមអនឡាញ។»

June 2, 2020
ក្រុមហ៊ុន ស្ពីដវីន ត្រូវបានក្លាយជាអ្នកចែកចាយផលិតផល ទូរទស្សន៌ ឌីជីថល DOM ទូទាំងប្រទេសកម្ពុជា
នៅក្នុងពេលបច្ចុប្បន្ននេះ ទូរទស្សន៍មិនត្រឹមតែប្រើប្រាស់សម្រាប់ការទស្សនាតែមួយមុខប៉ុណ្ណោះទេ ទូរទស្សន៍ជំនាន់ថ្មីនេះគឺអាចឲ្យយើងទទួលបាននូវការកម្សាន្តដោយគ្មានដែនកំណត់ដោយមានមុខងារពិសេសៗរួមបន្ថែមទៀតរួមមាន៖ មុខព្យាករណ៍អាកាសធាតុ តាមដានព័ត៌មានសំខាន់ៗនៅជុំវិញពិភពលោកផងដែរ និងអាចទស្សនាវីដេអូល្បីៗដែលលោកអ្នកចង់ទស្សនាតាមចិត្តនៅលើ YouTube ទៀតផង ហើយមុខងារទាំងអស់នេះលោកអ្នកអាចប្រើប្រាស់បាននៅលើទូរទស្សន៍ទំនើបឌីជីថលDOM ដែលជាទូរទស្សន៍ឌីជីថលប្រើប្រាស់សេវាអ៊ីនធើណិត ហើយដែលអាចឲ្យលោកអ្នករីករាយកម្សាន្តដោយគ្មានការរំខាន រីករាយបានគ្រប់ពេលវេលា និងគ្រប់ទីកន្លែង។
ខាងក្រោមនេះគឺជាអត្ថប្រយោជន៍៦យ៉ាង ដែលលោកអ្នកអាចទទួលបានពីទូរទស្សន៍ឌីជីថល DOM៖
១. មានប៉ុស្តិ៍ជាតិ និង ប៉ុស្តិ៍អន្តរជាតិល្បីៗជាច្រើន
២. រូបភាពកម្រិត HD + USB Plays
៣. សេវាគ្របដណ្តប់ទូទាំងប្រទេស
៤. ងាយស្រួលតម្លើង
៥. ប្តូរទីតាំងបាន
៦. ព្យាករណ៍អាកាសធាតុ និងមុខងារYouTube

កាន់តែងាយស្រួលក្នុងការទិញលក់បន្ត រឺ យកទៅប្រើប្រាស់លោកអ្នកអាចធ្វើការទំនាក់ទំនងទៅកាន់ក្រុមហ៊ុន ស្ពីដ វីន សបទូទាំង25ខេត្ត ក្រុង និង 44 សាខា បានយ៉ាងងាយស្រួល។
សម្រាប់ព័ត៌មានបន្ថែមសូមទាក់ទងទៅកាន់ ក្រុមហ៊ុន ស្ពីដវីន សប ដែលមានអាសយដ្ឋាននៅ៖ អគារ Regency Complex A, មហាវិថី ម៉ៅសេទុង សង្កាត់ ទំនប់ទឹក ខណ្ឌចំការមន រាជធានីភ្នំពេញ។
ទូរស័ព្ទលេខ៖ 085 726 111
Facebook page៖ Speedwind
June 2, 2020
តោះ…មកដឹងពីលក្ខណៈពិសេសរបស់ស្មាតហ្វូនជំនាន់ថ្មី Samsung Galaxy A11…ថាអស្ចារ្យ និងល្អលើសពីការស្មានប៉ុណ្ណា…!!
(ភ្នំពេញ) ថ្ងៃទី ០២ ខែមិថុនា ឆ្នាំ ២០២០៖ ប្រសិនបើចាំមិនខុសទេអតិថិជនទាំងអស់ប្រាកដជាមានភាពភ្ញាក់ផ្អើល និងស្រឡាំងកាំងគ្រប់ៗគ្នារួចមកហើយកាលពីថ្មីៗនេះបន្ទាប់ពីការដាក់សម្ពោធលក់ជាផ្លូវការនូវស្មាតហ្វូនជំនាន់ថ្មីស៊េរី A ម៉ូឌែល Samsung Galaxy A11 ក្នុងទីផ្សារប្រទេសកម្ពុជាដែលមានសមត្ថភាពមិនធម្មតាជាមួយតម្លៃរឹតតែអស្ចារ្យល្អលើសហួសពីការស្មាន និងពុំមានក្រុមហ៊ុនណាហ៊ានផលិតក៏ដូចជាដាក់លក់បានដូចក្រុមហ៊ុន សាមសុងឡើយ!
ថ្ងៃនេះក្រុមហ៊ុននឹងធ្វើការបង្ហាញលម្អិតបន្ថែមឱ្យកាន់តែច្បាស់ជូនអតិថិជនទាំងអស់នូវលក្ខណៈដ៏ពិសេសក៏ដូចជាបច្ចេកវិទ្យាទំនើបថ្មីៗដែលបំពាក់មកលើ Samsung Galaxy A11 ជំនាន់ថ្មីដែលមានភាពទាក់ទាញមិនធម្មតាមួយនេះថាតើវាមានភាពអស្ចារ្យកម្រិតណា!
ស្មាតហ្វូនជំនាន់ថ្មីមិនធម្មតា Samsung Galaxy A11 បំពាក់មកជាមួយនឹងចំណុចលេចធ្លោពិសេសដូចជា៖
– អេក្រង់៖ ទំហំ 6.4”
– ប្រភេទអេក្រង់៖ Infinity-O (លាតសន្ធឹងធំសឹងតែមិនមានគែមសល់ទាល់តែសោះ!)
– កម្រិតភាពច្បាស់៖ HD+ TFTLCD (720 x 1520)
– ទម្ងន់៖ 177 g
– កាមេរ៉ាក្រោយ៖ 13 MP Wide AF (F.1.8) + 5 MP Ultra-Wide FF(F.2.2) + 2 MP (Depth)
– កាមេរ៉ាមុខ៖ 8 MP (F2.2)
– មេម៉ូរី៖ 3 GB
– ទំហំផ្ទុក៖ 128 GB (អាចបន្ថែមក្រៅបានរហូតដល់ 512 GB)
– មុខងារដោះសោរ៖ ស្កេនខ្ចៅដៃដោះសោរលើអេក្រង់ (មានសុវត្ថិភាព និងមានល្បឿនលឿន)
– ថាមពលថ្ម៖ 4,000mAh (សាកថ្មល្បឿនលឿន 15 W)
– មុខងារផ្សេងទៀត៖ Scene Optimizer (ចាប់យកប្លង់រូបថតច្បាស់ល្អ និងបង្កើនពណ៌រូបថតឱ្យស្រស់ស្អាតជាមួយនឹងមុខងារជំនួយ AI, Smart Beauty (មុខងារបន្ថែមពន្លឺ និងសម្រស់ឱ្យរូបថតកាន់តែស្អាត), AR Sticker & Stamp (មុខងារដាក់ Sicker បែបកំប្លែង)
និយាយឱ្យស្មោះទៅស្មាតហ្វូនស៊េរីថ្មី Samsung Galaxy A11 នេះគឺពិតជាល្អលើសពីតម្លៃពិតប្រាកដមែន…និងល្អលើសដោយគ្មានផលិតផលស្មាតហ្វូនដទៃណាអាចធ្វើបាន និងដាក់លក់ជូនអតិថិជនទាំងអស់ដូច ក្រុមហ៊ុន សាមសុង នោះឡើយ! នៅចាំអីទៀត…? តម្លៃត្រឹមតែប៉ុណ្ណឹង…ថែមទាំងមានលក្ខណៈពិសេសអស្ចារ្យបែបនេះទៀត…ដឹងតែលក់អត់ទាន់ទេ! ហើយបើលោកអ្នកនៅស្ទាក់ស្ទើរទៀតក៏ទិញមិនទាន់គេដែរ…!!
សម្រាប់ព័ត៌មានបន្ថែមសូមអញ្ជើញទៅសាកសួរដោយផ្ទាល់តាមដេប៉ូចែកចាយរបស់ សាមសុង ទាំងអស់ដែលនៅជិតលោកអ្នកបំផុត ឬទំនាក់ទំនងទៅកាន់សេវាបម្រើអតិថិជនរបស់យើងតាមរយៈលេខទូរស័ព្ទ៖ 1800-203232 !
June 2, 2020
ការធ្វើសមាហរណកម្មរួមបញ្ជូលគ្នារវាងក្រុមហ៊ុន Pi Pay និង ក្រុមហ៊ុន SmartLuy ទទួលបានការយល់ព្រមពីធនាគារជាតិនៃកម្ពុជា
ក្រុមហ៊ុន Pi Pay នឹងពង្រឹងនូវភាពជាអ្នកដឹកនាំផ្នែកទូទាត់ការចំណាយលើប្រព័ន្ធឌីជីថលរបស់ខ្លួននៅក្នុងប្រទេសកម្ពុជាក្រោយការរួមបញ្ជូលគ្នា
ក្រុមហ៊ុន ស្មាត អាស្យាតា ខូ អិលធីឌី (Smart) និង ក្រុមហ៊ុន ផាយផេ ភីអេលស៊ី (Pi Pay) ទទួលបានការយល់ព្រមពីធនាគារជាតិនៃកម្ពុជា ដើម្បីសមាហរណកម្មរួមបញ្ចូលគ្នានូវក្រុមហ៊ុនបុត្រសម្ព័ន្ធរបស់ខ្លួន ស្មាតលុយ (SmartLuy) ជាមួយនឹង ផាយផេ (Pi Pay) ។ នៅដើមឆ្នាំនេះ ក្រុមហ៊ុនទាំងពីរបានស្ម័គ្រចិត្តធ្វើសេចក្តីប្រកាសព័ត៌មានអំពីការរួមបញ្ចូលគ្នានេះ។ ក្រោយបញ្ចប់ការធ្វើសមាហរណកម្មរួម គេរំពឹងថានឹងនាំទៅរកភាពវិជ្ជមាន នឹងការផ្លាស់ប្ដូរនូវប្រព័ន្ធអេកូឡូស៊ីក្នុងការទូទាត់ការចំណាយលើប្រព័ន្ធឌីជីថលនៅកម្ពុជា។
លោក Tomas Pokorny នាយកប្រតិបត្តិក្រុមហ៊ុន Pi Pay បានមានប្រសាសន៍ថា៖ «ក្នុងនាមជាក្រុមហ៊ុនទូទាត់ការចំណាយលើប្រព័ន្ធឌីជីថលដំបូងបង្អស់នៅកម្ពុជា ដោយទទួលបានការចាប់អារម្មណ៍យ៉ាងខ្លាំងពីសំណាក់អាជីវករ និងការបង្ហាញសក្តានុពលនាពេលអនាគតសម្រាប់សេវាកម្មតម្លៃបន្ថែមនានា ការរួមបញ្ចូលគ្នាដែលនឹងជិតបញ្ចប់ជាស្ថាពរនេះនឹងផ្តល់ឲ្យក្រុមហ៊ុន Pi Pay នូវឱកាសនិងធនធានថ្មីៗជាច្រើន ដើម្បីប្រើប្រាស់ឲ្យអស់ពីលទ្ធភាព។ ជាមួយក្រុមហ៊ុន Smart ក្រុមហ៊ុន Pi Pay នឹងទទួលបានការគាំទ្រកាន់តែប្រសើរ ដើម្បីគាំទ្រដល់របៀបវារៈរបស់រាជរដ្ឋាភិបាលក្នុងការកាត់បន្ថយឧបសគ្គក្នុងការធ្វើសមាហរណកម្មឌីជីថល និងពង្រីកការអនុម័តការទូទាត់ចំណាយលើប្រព័ន្ធឌីជីថលក្នុងចំណោមអតិថិជន ក៏ដូចជា ពាណិជ្ជករ និងអាជីវកម្មលក់រាយតូចៗផងដែរ។»
ប្រតិបត្តិការដែលត្រូវបានរំពឹងទុកនឹងត្រូវបានបញ្ចប់បន្ទាប់ពីការបំពេញលក្ខន្តិកៈចាំបាច់មួយចំនួនដែលតម្រូវតាមច្បាប់ ពីខាងអាជ្ញាធរពាក់ព័ន្ធ។ ផ្នែកមួយនៃការរួមបញ្ចូលគ្នាពេញលេញរបស់ក្រុមហ៊ុនទាំងពីរនោះគឺ ការចូលរួមរបស់បុគ្គលិករបស់ក្រុមហ៊ុន SmartLuy និងក្រុមហ៊ុន Pi Pay។ អតិថិជន ភ្នាក់ងារ និង អ្នកលក់ របស់ក្រុមហ៊ុន SmartLuy ក៏នឹងទៅចូលរួមជាមួយ ក្រុមហ៊ុន Pi Payដែរ។ អតិថិជនដែលមានស្រាប់របស់ SmartLuy នឹងត្រូវលើកទឹកចិត្តឱ្យផ្ទេរចំនួនសមតុល្យបច្ចុប្បន្នរបស់ពួកគេទៅគណនី Pi Pay មុនពេលដំណើរការសមាហរណកម្មត្រូវបានបញ្ចប់។ ការប្រាស្រ័យទាក់ទងបន្ថែមលើការផ្ទេរអតិថិជន នឹងត្រូវបានផ្តល់ជូនបន្ថែមទៀតតាមរយៈបណ្តាញទំនាក់ទំនងផ្សេងៗ។
ការយល់ព្រមយ៉ាងឆាប់រហ័សរបស់ធនាគារជាតិកម្ពុជាក៍ពិតជាជំនួយដ៏ធំមួយដែរក្នុងការពង្រឹងនូវភាពជាអ្នកដឹកនាំផ្នែកទូទាត់ការចំណាយលើប្រព័ន្ធឌីជីថលរបស់ក្រុមហ៊ុន Pi Pay ក្រោយសមាហរណកម្មនេះបានបញ្ចប់។
លោក ថូម៉ាស ហ៊ុន (Thomas Hundt) នាយកប្រតិបត្តិក្រុមហ៊ុន Smart Axiata បានមានប្រសាសន៍ថា៖ « ការវិវឌ្ឍន៍ជាវិជ្ជមាននេះត្រូវបានគេមើលឃើញថាស្របគ្នាទៅនឹងយុទ្ធសាស្រ្តដ៏សំខាន់នៃការពង្រឹងផលប័ត្រអាជីវកម្មឌីជីថលរបស់យើង ខណៈពេល ដែលយើងក៏នាំយកគំនិតច្នៃប្រឌិត របៀបរស់នៅ និងការកំសាន្តផ្សេងៗសម្រាប់អតិថិជនរាប់លាននាក់របស់ យើង។ អតិថិជន ភ្នាក់ងារ និងអ្នកលក់របស់ស្មាតលុយ ទាំងអស់ នឹងត្រូវបានជូនដំណឹងជាបន្តក្នុងកំឡុងពេលប្រតិបត្តិការផ្លាស់ប្តូរនេះ។ ខ្ញុំទន្ទឹងរង់ចាំនៃការបញ្ចប់ប្រតិបត្តិការជាស្ថាពរឆាប់ៗនេះ ដើម្បីប្រើប្រាស់សក្តានុពលដ៏ធំធេងនេះក្នុងការជម្រុញបរិយាបន្នហិរញ្ញវត្ថុក៏ដូចជាសង្គមឌីជីថលនៅកម្ពុជាផងដែរ។»
បន្ទាប់ពីការរួមបញ្ចូលគ្នា ក្រុមហ៊ុន Pi Pay (ដែលក្រុមហ៊ុន Smart Axiata នឹងក្លាយជាម្ចាស់ភាគហ៊ុនភាគតូចដ៏ខ្លាំង) នឹងមានឱកាសស្វែងរកប្រាក់ចំណូលកាន់តែច្រើន ទិន្នន័យរួមបញ្ចូលខ្លាំងក្នុងការរកប្រាក់ចំណូល ហេដ្ឋារចនាសម្ព័ន្ធទូទាត់ការចំណាយរឹងមាំ និងសំខាន់បំផុតគឺការបង្កើនធនធានដើម្បីទប់ទល់បញ្ហាប្រឈមបច្ចុប្បន្ន ក៏ដូចជាបញ្ហាប្រឈមនាពេលអនាគតក្នុងបរិយាកាសទីផ្សារដែលមានការប្រកួតប្រជែងខ្លាំង។ បន្ថែមលើនេះទៀត ក្រុមហ៊ុន Pi Pay ត្រូវបានគេរំពឹងថានឹងកាន់តែមានប្រសិទ្ធិភាពនិងភាពច្នៃប្រឌិតខ្ពស់ ដើម្បីពង្រឹងភាពវិជ្ជមានរបស់កម្មវិធីទូរស័ព្វដោយប្រើប្រាស់នូវបណ្តាញភ្នាក់ងារដ៏រឹងមាំរបស់ក្រុមហ៊ុន SmartLuy ដែលទទួលបានការគាំទ្រ ពីភាពជាអ្នកដឹកនាំរបស់ក្រុមហ៊ុន Smart Axiata ដែលជាប្រតិបត្តិករទូរស័ព្ទចល័តឈានមុខគេនៅក្នុងព្រះរាជាណាចក្រកម្ពុជា ។
សម្រាប់ព័ត៌មានបន្ថែម និងព័ត៌មានថ្មីៗពីក្រុមហ៊ុន Smart Axiata និង Pi Pay សូមចូលទៅកាន់ www.smart.com.kh និងwww.pipay.com។ទាំងក្រុមហ៊ុន Smart និង ក្រុមហ៊ុន Pi Pay នឹងផ្តល់ព័ត៌មានថ្មីៗបន្ថែមទៀត នៅពេលមានការធ្វើបច្ចុប្បន្នភាព។
អំពីក្រុមហ៊ុន Smart
ក្រុមហ៊ុន Smart Axiata Co., Ltd. ជាប្រតិបត្ដិករទូរគមនាគមន៍ចល័តឈានមុនគេក្នុងព្រះរាជាណាចក្រកម្ពុជា។ បច្ចុប្បន្នក្រុមហ៊ុនបាននឹងកំពុងបម្រើអតិថិជនចំនួន ៨ លាននាក់ ស្ថិតក្រោមស្លាកសញ្ញា “Smart”។ Smart Axiata គឺជាក្រុមហ៊ុនបុត្រសម្ព័ន្ធរបស់ក្រុមហ៊ុនមេ មានឈ្មោះថា “Axiata Group Berhad” ដែលជាក្រុមហ៊ុនផ្ដល់សេវាទូរគមនាគមន៍ធំជាងគេបង្អស់មួយក្នុងទ្វីបអាស៊ី។
ក្រុមហ៊ុន Smart គឺជាប្រតិបត្តិករទូរគមនាគមន៍ចល័តដែលមានភាពឈានមុខគេបង្អស់ផ្នែកសេវាបច្ចេកវិទ្យាទំនើបទាន់សម័យក្នុងព្រះរាជាណាចក្រកម្ពុជា។ ក្រុមហ៊ុន Smart គឺជាប្រតិបត្ដិករដំបូងបង្អស់ដែលបានដាក់ឲ្យដំណើរការសេវាបច្ចេកវិទ្យាជំនាន់ទី៤ “4G LTE” ក្នុងឆ្នាំ២០១៤ បច្ចេកវិទ្យា 4G+ក្នុងឆ្នាំ២០១៦ បច្ចេកវិទ្យា 4G+ជាមួយ HD Voice (VoLTE) និង 4.5Gក្នុងឆ្នាំ២០១៧។ នៅពាក់កណ្តាលឆ្នាំ២០១៩ Smart បានរៀបចំកម្មវិធីបង្ហាញសាកល្បងបច្ចេកវិទ្យាជំនាន់ទី៥ “5G” ដំបូងគេបង្អស់នៅកម្ពុជាដោយបង្ហាញពីភាពជាអ្នកដឹកនាំផ្នែកសេវាទិន្នន័យចល័ត។ ក្រុមហ៊ុន Smart ក៏មានផ្ដល់នូវបច្ចេកវិទ្យាទូរស័ព្ទចល័តដ៏សម្បូរបែបរូមមាន៖ សេវាបច្ចេកវិទ្យា 2G, 2.5G, 3G និង3.75G ក៏ដូចជាសេវាកម្មទូរស័ព្ទក្រៅប្រទេស (Roaming) ដែលអាចប្រើបានច្រើនជា១៩០ប្រទេស។ Smart បាននឹងកំពុងផ្តល់សេវាគ្របដណ្តប់ក្នុងតំបន់ប្រជាសាស្ត្រច្រើនជាង៩៩% (កៅសិបប្រាំបួន) ភាគរយ នៅទូរទាំងព្រះរាជាណាចក្រកម្ពុជា ។
ក្រុមហ៊ុនក៏កំពុងបម្លែងខ្លួនយ៉ាងសកម្មទៅជាប្រតិបត្តិករបែបឌីជីថល តាមរយៈការផ្ដល់នូវសេវាកម្ម និងកម្មវិធីកំសាន្ដលក្ខណៈស៊ីវិល័យប្រកបដោយភាពច្នៃប្រឌិតជាច្រើន។ នេះរួមបញ្ចូលភាពជាដៃគូជាមួយភាគីអន្តរជាតិនានាដូចជា៖ ក្រុមហ៊ុន Universal Music ក្រុមហ៊ុន Apple និង ក្រុមហ៊ុន Facebook ក៏ដូចជាសេវាកម្មឌីជីថលនានា រួមមាន៖ សេវា SmartLuy សេវាធានារ៉ាប់រងជីវិតឆ្លាតវ័យ សេវា SmartPay សេវា Pleng by Smart សេវា GigaGigs by Smart និងសេវា SmartNas ។ ក្រុមហ៊ុន Smart មានទស្សនៈវិស័យក្លាយជាក្រុមហ៊ុន “លេខ១ និងជាក្រុមហ៊ុនបច្ចេកវិទ្យាទូរគមនាគមន៍ដែលទទួលបានកី្ដស្រលាញ់ពេញចិត្តបំផុត”នៅព្រះរាជាណាចក្រកម្ពុជាត្រឹមឆ្នាំ២០២២ តាមរយៈកម្មវិធីទំនួលខុសត្រូវខ្ពស់លើកិច្ចការងារសង្គម និងកម្មវិធីនិរន្តរភាពនានាសម្រាប់កំណើនសេដ្ឋកិច្ច និងសង្គមជាតិ។
ក្រុមហ៊ុន Smart មានបុគ្គលិកនិយោជិតសរុបប្រមាណជាង១,០០០ (មួយពាន់)នាក់ ក្នុងនោះរួមបញ្ចូលទាំងនិយោជិតក្នុងស្រុក និងនិយោជិតបរទេសដែលកំពុងខិតខំប្រឹងប្រែងឆ្ពោះទៅសម្រេចបេសកកម្មរួមគ្នាក្នុងការផ្សារភ្ជាប់ និង ធ្វើអោយជីវិតកាន់តែប្រសើរឡើង។
Smart ជីវិតរស់រវើក!
អំពីក្រុមហ៊ុន ផាយផេ
ចាប់តាំងពីបើកដំណើរការនៅឆ្នាំ២០១៧មក ផាយផេ បានបង្ហាញខ្លួនជាកម្មវិធីទូទាត់មិនប្រើក្រដាសប្រាក់ឈានមុខគេនៅកម្ពុជាជាមួយនឹងបណ្តាញដៃគូពាណិជ្ជកម្មនិងហិរញ្ញវត្ថុដែលមិនចេះរីងស្ងួត ដែលក្នុងនោះក៏រាប់បញ្ចូលទាំងដៃគូសហការលំដាប់ពិភពលោក ដូចជា Alipay, WeChat Pay និង UnionPay ផងដែរ។
ផាយផេ ជាកម្មវិធីទូទាត់ដែលរួមបញ្ចូលសេវាកម្មទូទាត់ប្រាក់និងផ្ទេរប្រាក់ជាមួយមុខងារសំខាន់ៗជួយសម្រួលដល់ការប្រើប្រាស់សំរាប់ជីវិតប្រចាំថ្ងៃរបស់អ្នកប្រើប្រាស់ ដែលមានដូចជា មុខងារជជែកកំសាន្ត និងមុខងារស្វែងរកមិត្តភក្តិរបស់ខ្លួនផងដែរ។ ផាយផេមានគោលបំណងផ្លាស់ប្តូររបត់នៃការចាយប្រាក់នៅកម្ពុជាជាមួយនឹងបច្ចេកវិទ្យានិង ហេដ្ឋារចនាសម្ព័ន្ធទូទាត់លំដាប់ពិភពលោក។
មកទល់បច្ចុប្បន្ននេះ កម្មវិធីផាយផេមានអ្នកប្រើប្រាស់ជិត ៣០ ម៉ឺននាក់ដែលបានធ្វើប្រតិបត្តិការគិតជាទឹកប្រាក់ជាង ៣៥០ លានដុល្លារនិងមានហាងដៃគូរ ជាង ៤៥០០ កន្លែងនៅទូទាំងប្រទេសកម្ពុជា។ ជាមួយនឹងការបោះជំហានកាន់តែខ្លាំងនៅទូទាំងព្រះរាជាណាចក្រកម្ពុជា ផាយផេ បានបង្ហាញថាបច្ចេកវិទ្យាទូទាត់ដោយមិនប្រើក្រដាសប្រាក់ អាចនាំមកនូវភាពងាយស្រួលនិងដំណោះស្រាយយ៉ាងពិតប្រាកដជូនដល់អ្នកនិងអាជីវកម្មរបស់អ្នក។
ដោយមានទំនាក់ទំនងសហការល្អជាមួយនឹង ធនាគារជាតិនៃកម្ពុជា ស្ថាប័នហរិញ្ញវត្ថុឈានមុខ និង ក្រុមហ៊ុនបច្ចេកវិទ្យាដទៃទៀត ផាយផេ កំពុងព្យាយាមបោះជំហានទៅរកការអភិវឌ្ឍន៏ផ្នែកបច្ចេកវិទ្យាហិរញ្ញវត្ថុដ៏ល្អឥតខ្ចោះដល់ប្រទេសកម្ពុជា ដែលមានប្រកបដោយសុវត្ថិភាពនិងទំនុកចិត្ត ព្រមទាំងនាំមកនូវការអភិវឌ្ឍន៏ដល់កម្ពុជាផងដែរ។
June 2, 2020