Category: PR

LG ឈ្នះពានរង្វាន់ BEST OF THE BEST ពី Red Dot Design Awards
ក្រុមហ៊ុន LG Electronics បានឈ្នះពានរង្វាន់ការរចនាពីគណៈកម្មាធិការ Red Dot Design Awards សម្រាប់ការច្នៃប្រឌិតក្នុងការរចនារបស់ខ្លួន រួមទាំងពានរង្វាន់ Best of the Best awards ពីរផ្សេងទៀត។ ពានរង្វាន់ Best of the Best awards ត្រូវបានផ្តល់ទៅឱ្យទូរទស្សន៍ LG’s SIGNATURE OLED TV W និងទូរទឹកកក Smart InstaView លើការរចនា និងការច្នៃប្រឌិតដ៏ល្អ ឥតខ្ចោះ។ Red Dot Design Awards ត្រូវបានទទួលស្គាល់យ៉ាងទូលំទូលាយជាសកល និងមាន ឥទ្ធិពលបំផុតក្នុងពិភពលោកក្នុងការវាយតំលៃការរចនារបស់ផលិតផលអេឡិចត្រូនិច។
ទូរទស្សន៍សេរ៊ីថ្មី LG SIGNATURE OLED TV W ត្រូវបានរចនាឡើងក្នុងលក្ខណៈពិសេស រូបរៀង ស្តើង ទំនើប ពេលចាប់ផ្ជាប់ទៅនឹងផ្ទៃជញ្ជាំង បង្កើតការភាន់ច្រលំ ហាក់បីដូចជាយើងកំពុងមើលតាមបង្អួចផ្ទះខណះពេលយើងកំពុងទស្សនា វាជំរុញបទពិសោធន៏នៃទស្សនារអោយកាន់តែមានភាពជក់ចិត្ត។ ថ្មីៗនេះទូរទស្សន៍សេរ៊ីថ្មី LG SIGNATURE OLED TV W ក៏ទទួលបានពានរង្វាន់រចនា iF Design Award ផងដែរ។
ទូរទឹកកកស៊េរីថ្មី LG’s InstaView Door-in-Door™ ក៏ត្រូវបានទទួលស្គាល់ដោយ Red Dot សម្រាប់ភាពជោគជយ័ក្នុងការរួមបញ្ចូលគ្នានូវការរចនាដ៏ស្រស់ស្អាត់ជាមួយនិងបច្ចេកវិទ្យាយ៉ាងទំនើប។ Smart InstaView™ ជាប្រភេទទូរទឹកកកដែលបំពាក់ដោយអេក្រង់ Touch LCD Display មានទំហំ 29 អ៊ីង។ យើងអាចមើលឃើញផ្នែកខាងក្នុងរបស់ Smart InstaView™ បានដោយគ្រាន់តែប៊ះ លើអេក្រង់របស់វាចំនួនពីរដងជាការស្រេច ដោយពុំចាំបាច់បើកទ្វារបស់វានោះទេ។ ចំនែក Smart Tag Minu អាចអនុញ្ញាតឱ្យអ្នកប្រើប្រាស់បន្ថែម ស្លាកសញ្ញាចំនាំនៅលើអេក្រង់ ដើម្បីបញ្ជាក់ថាចំនីអាហារណាដែលរក្សាទុកនៅខាងក្នុង លើសពីនេះទៀត អ្នកប្រើប្រាស់ក៍អាចបញ្ចូលកាលបរិច្ឆទផុតកំនត់របស់ចំនីអាហារ ដូច្នេះទូរទឹកកកនឹងអាចធ្វើការរំលឹកអ្នកប្រើប្រាស់ចំពោះចំនីរអាហារណាដែលជិតផុតកំនត់កាលបរិច្ឆទប្រើប្រាស់។
បន្ថែមពីការទទួលបានពានរង្វាន់ល្អទាំងពីរនេះហើយ LG ក៏បានទទួលពានរង្វាន់កិត្តិយស 18 បន្ថែមទៀតពី Red Dot។ សម្រាប់ផលិតផល LG ដែលទទួលបានពានកិត្តិយសពីរ Red Dot មានដូចជាទូរទស្សន៍ LG SIGNATURE OLED, កុំព្យូទ័រយួរដៃ, ស្មាតហ្វូន V20, និង នាឡិកា LG Smart Watch, កាស់ wireless និង ឧប្បករណ៏បញ្ចាំងស្លាយ (monitor) ប្រភេទ Minibeam ទាំងអស់នេះគឺជាផលិតផលក្នុងចំណោមផលិតផលផ្សេងទៀត ដែលបានការទទួលស្គាល់លើការរចនា និង បច្ចេកវិទ្យាឆ្នៃប្រឌិតដ៏អស្ចារ្យរបស់ពួកវា។
បើយោងតាមប្រសាសន៏របស់លោក Noh Chang-ho ដែលជាប្រធានផ្នែករចនារបស់ក្រុមហ៊ុន LG Electronics បានឱ្យដឹងថា ការទទួលស្គាល់របស់ Red Dot មកលើផលិតផលរបស់ LG យើង នេះគឺជាការបញ្ជាក់អោយឃើញថា LG គឺជាអ្នកដឹកនាំជួមុខគេក្នុងការរចនាផលិតផលអេឡិចត្រូនិច។ យើងនឹងបន្តផ្តល់ជូននូវផលិតផលដែលជំរុញឱ្យមានការរចនានិងបច្ចេកវិទ្យាលើសពីរការរំពឹងទុករបស់អតិថិជន ហើយយើងប្តេជ្ញានឹងធ្វើអោយល្អបំផុតដើម្បីកំណត់ ស្តង់ដារ សោភ័ណ្ឌភាព របស់ផលិតផលយើងអោយឱ្យកាន់ខ្ពស់។
ផលិតផលថ្មីៗទាំំងអស់នេះនឹងមានវត្តមាននៅក្នុង LG BrandShop គ្រប់សាខាទាំងអស់នៅពេលឆាប់ៗនេះ។
LG BrandShop ទំនិញមានគុណភាព តម្លៃសមរម្យ សេវាកម្មល្អ
ព័ត៌មានបន្ថែម 023 222 699/ 023 888 299
LG WINS DUAL “BEST OF THE BEST” IN THIS YEAR’S RED DOT AWARDS

April 25, 2017

ស្រាបៀរ Anchor រៀបចំកម្មវិធីចាប់រង្វាន់លាភមង្គលលើកទី2 ជូនគូស្វាមីភរិយាថ្មីក្នុងកម្មវិធីអាពាហ៍ពិពាហ៍ឆ្នាំ ២០១៧

ភ្នំពេញ៖ កាលពីថ្ងៃទី ២៣ ខែមេសា ឆ្នាំ ២០១៧ ស្រាបៀរអានឆ័របានរៀបចំកម្មវិធីចាប់រង្វាន់លើកទីមួយនៅស្ថានីយទូរទស្សន៍ PNN ក្នុងកម្មវិធីតន្រ្តី Anchor Fun Zone ដើម្បីផ្តល់រង្វាន់លាភមង្គលជូនដល់គូស្វាមីភរិយាថ្មីទាំងអស់ដែលបានជាវស្រាបៀរ អានឆ័រសម្រាប់ពិធីអាពាហ៍ពិពាហ៍របស់ខ្លួន រួមមានរង្វាន់ដំណើរកម្សាន្តក្រេបចន្ទទឹកឃ្មុំនៅឆ្នេរឋានសួគ៌ Krabi ចំនួន ១៥ រង្វាន់ ទូរទស្សន៍ម៉ាក Sony Android ទំហំ 55 អ៊ីញចំនួន១០ រង្វាន់ និងកាម៉េរាម៉ាក Sony ចំនួន ១០ រង្វាន់។

គូស្វាមីភរិយាថ្មីចំនួន ៣៥ គូ ដែលមានសំណាងបានឈ្នះរង្វាន់ មានឈ្មោះដូចខាងក្រោម៖

Nº	Groom’s Name	Bride’s Name	Date Married	Coupon Number	Phone Number	Prize
1	ជួន ភារម្យ	កក់លីម លស៊ាង	12/2/2017	005108	096 8873788	Honeymoon Trip to Krabi
2	ង៉ែត វណ្ណះ	ញឹក ស្រីពៅ	29/12/2016	005843	012 556 351	Honeymoon Trip to Krabi
3	ណៅ តារា	ហ៊ាង ចាន់ថន	7/3/2017	007616	098 752 853	Honeymoon Trip to Krabi
4	ប៊ូវ ថុល	លួន ហួគី	23/02/2017	015973	012 512 844	Honeymoon Trip to Krabi
5	ហួត ឡាក់	កែវ ច័ន្ទក្រុង	8/3/2017	015861	017 700 072	Honeymoon Trip to Krabi
6	សាន ស៊ីលាង	ធី ឆវិន	23/03/2017	017285	017 577 374	Honeymoon Trip to Krabi
7	អ៊ូច សេងហាក់	ហ៊ាង សុភាព	26/02/2017	015971	089 292 933	Honeymoon Trip to Krabi
8	សឿង សុវណ្ណ	រ័ត្ន ចាន់លីណា	31/12/2016	003402	088 871 2010	Honeymoon Trip to Krabi
9	ភី សុភ័ក្រ	ផា ពីគន្ធ	20/11/2016	009941	098 897 783	Honeymoon Trip to Krabi
10	ស៊ីម សេរីវុធ	យី ដាលីន	7/1/2017	012790	012 622 257	Honeymoon Trip to Krabi
11	ណិន ថាត	សៀង សុខរឿន	16/01/2017	018116	010 407 750	Honeymoon Trip to Krabi
12	ធី សំណាង	ទូច ស្រីពេជ្រ	29/12/2016	016529	069 410 140	Honeymoon Trip to Krabi
13	ស៊ូ សុវណ្ណមុនី	ជិន សុភាព	18/03/2017	017101	012 530 599	Honeymoon Trip to Krabi
14	កែវ អាណាន់	ហុក រចនា	22/02/2017	017051	090 903 399	Honeymoon Trip to Krabi
15	នៅ សុផា	ផុន ស្រីលក្ខ	5/2/2017	013742	012 287 958	Honeymoon Trip to Krabi
16	លឹម ភិរុណ	ស៊ុន ស៊ីមាន	17/01/2017	011441	087 638 085	Smart TV 55″
17	សុខ បូរាណ	ទេព ចិន្តា	14/01/2017	003756	010 798 255	Smart TV 55″
18	ថាន់ ថា	យ៊ិន សំៀង	19/02/2017	015960	088 474 0177	Smart TV 55″
19	តក់ ឈុននាថ	ឡាយ សុឃីម	13/01/2017	008863	012 984 566	Smart TV 55″
20	ឈាង ឧត្តម	រុន ស្រីលឿន	7/3/2017	030599	097 235 6159	Smart TV 55″
21	សុភិន សុផារ៉ា	សាន ម៉ារ៉ា	19/02/2017	018936	093 331 616	Smart TV 55″
22	ខុន ភារុណ	ប្រាក់ ម៉ីម៉ី	26/02/2017	014772	088 588 8397	Smart TV 55″
23	មុត ជីវន្ត	ប៉ែន មាលីស	15/01/2017	009795	088 499 2294	Smart TV 55″
24	ហ៊ុន កុលាប	អ៊ាន សីម៉ា	26/02/2017	030807	092 944 496	Smart TV 55″
25	ជ រដ្ឋា	ហ៊ុន ចិន្តា	26/02/2017	007594	087 500 770	Smart TV 55″
26	ផែ ស	ឈុប ចិន្តា	11/3/2017	030588	086 211 404	Sony Camera
27	ភន ធី	ថាន់ បញ្ញា	24/01/2017	015776	095 520 600	Sony Camera
28	ហុក ផល្លា	សុខ កុលធីតា		005639	092 553 153	Sony Camera
29	សេង វិចិត្រ	ធន់ ចំរើន	9/1/2017	005757	087 265 586	Sony Camera
30	កែវ ណាវិន	ប៊ុន ចាន់រ័ត្ន	16/01/2017	008396	099 213 613	Sony Camera
31	តុង សុគាន់	អ៊ុន សោភ័ណ្ឌ	7/3/2017	017060	086 229 855	Sony Camera
32	អ៊ីម សាវ៉េត	រិទ្ធ ខែមរា	9/2/2017	019130	095 265 090	Sony Camera
33	លួន សេង	ធីដាវី	7/3/2017	017089	096 669 8737	Sony Camera
34	អ៊ឺង ប៉ូលីន	ណាត់ ឆៃលាង	2/1/2017	002039	081 414 190	Sony Camera
35	ថ្កុល ជានិច្ច	សំសីម៉ា	20/01/2017	014542	015 300 316	Sony Camera

ចំពោះគូស្វាមីដែលមានភ័ព្វសំណាងឈ្នះរង្វាន់ ក្រុមហ៊ុននឹងទាក់ទងទៅដោយផ្ទាល់។ដើម្បីបើករង្វាន់ សូមភ្ជាប់មកជាមួយនូវសំបុត្រអាពាហ៍ពិពាហ៍ អត្តសញ្ញាណប័ណ្ណ សន្លឹកឆ្នោតឈ្នះរង្វាន់ វិក្កយបត្រទិញផលិតផល លិខិតអញ្ជើញអាពាហ៍ពិពាហ៍ និងរូបថតអាពាហ៍ពិពាហ៍ចំនួន ១សន្លឹក។

គូរបញ្ជាក់ថា ស្រាបៀរ អាន់ឆ័រ ពិតជាស្រាបៀរលំដាប់ថ្នាក់អន្តរជាតិដែលឈ្នះពាន់រង្វាន់ផ្នែកគុណភាពជាបន្តបន្ទាប់សរុបជាង ៣០ មេដាយ ជាពិសេសជាស្រាបៀរពេញនិយមបំផុតសម្រាប់យុវវ័យសម័យថ្មី មានរសជាតិស្រទន់លើសគេ ផ្តល់នូវអារម្មណ៍ រីករាយ ដែលស័ក្តិសមបំផុតសម្រាប់ទទួលភ្ញៀវកិត្តិយស ក្នុងពិធីអាពាហ៍ពិពាហ៍ ថែមទាំងមានកម្មវិធីផ្តល់ជូនរង្វាន់ដ៏សន្ធឹកសន្ធាប់សម្រាប់អតិថិជនរបស់ខ្លួន។ សម្រាប់ឆ្នាំ ២០១៧ នេះ អតិថិជនដែលជាវស្រាបៀរអានឆ័រ កំប៉ុង ឬដបចាប់ពី ២០ រហូតដល់ ៤៩កេស ទទួលបានសៀវភៅកត់ចំណងដៃ ប៊ិច កាបូប ចាប់ពីរ ៤៩កេសឡើងទៅនឹងទទួលបាន ប័ណ្ណផ្សងសំណាងដើម្បីមានឱកាសឈ្នះរង្វាន់ដំណើរកម្សាន្តក្រេបចន្ទទឹកឃ្មុំនៅឆ្នេរឋានសួគ៌ Krabi ទូរទស្សន៍ម៉ាក Sony Android ទំហំ 55 អ៊ីញ និងកាម៉េរាម៉ាក Sony ជាច្រើនរង្វាន់។ ជាពិសេសរាល់ការជាវចាប់ពី ១២០ កេសឡើង នឹងទទួលបានកញ្ចប់ក្រេបចន្ទទឹកឃ្មុំនៅខេត្តព្រះសីហនុរយៈពេល ២ ថ្ងៃ ១ យប់។ ការផ្តល់ជូននេះសម្រាប់តែគូស្វាមីភរិយា ១០០០ គូដំបូងប៉ុណ្ណោះ។

នៅមានការចាប់រង្វាន់ចំនួនពីរលើកទៀត សូមប្រញាប់រួសរាន់ជាវស្រាបៀរអានឆ័រដើម្បីឈ្នះរង្វាន់ជាច្រើនសន្ធឹកសន្ធាប់។

សូមទទួលយកភាពសប្បាយរីករាយពិតប្រាកដក្នុងថ្ងៃអាពាហ៍ពិពាហ៍ជាមួយរសជាតិស្រទន់នៃស្របៀរអានឆ័រ ព្រមទាំងឈ្នះដំណើរកម្សាន្តក្រេបចន្ទទឹកឃ្មុំនៅឆ្នេរឋានសួគ៌ Krabi រហូតដល់ ៦០ គូ។

សូមពិសាដោយទទួលខុសត្រូវ

April 25, 2017

សាលាអន្ដរជាតិ SISC បើកសម្ពោធជាផ្លូវការ
បន្ទាប់ពីបានបើកដំណើរការសាកល្បងអស់រយៈពេលប្រមាណជាង3ខែ នៅត្រឹមព្រឹកថ្ងៃទី24 ខែមេសា ឆ្នាំ2017 ព្រឹកមិញនេះ សាលាអន្ដរជាតិ Southbridge International School Cambodia (SISC) ដែលជាសាលាផ្ដល់នូវការអប់រំជាលក្ខណៈអន្ដរជាតិលើកម្មវិធីសិក្សាពីរភាសា (Bi- lingual Programme) ព្រមទាំងផ្ដោតសំខាន់ទៅលើគុណភាពជាចម្បងនោះ ត្រូវបានបើសម្ពោធជាផ្លូវការហើយ ក្រោមអធិបតីភាពរបស់ឯកឧត្តម ហង់ ជួនណារ៉ុន រដ្ឋមន្ដ្រីក្រសួងអប់រំ យុវជន និងកីឡា , អ្នកឧកញ៉ា គិត ម៉េង ប្រធានក្រុមប្រឹក្សា ភិបាល នៃសាលា Southbridge International School Cambodia ព្រមទាំងភ្ញៀវកិត្តិយសជាតិ -អន្តរជាតិ ជាច្រើននាក់ផងដែរ ។
មានប្រសាសន៍នៅក្នុងពិធីបើកសម្ពោធ រដ្ឋមន្ដ្រីក្រសួងអប់រំយុវជន និងកីឡា ឯកឧត្តម ហង់ ជួនណារ៉ុន បានលើកឡើងថា ការអភិវឌ្ឍន៍ធនធានមនុស្សតាមរយៈការអប់រំប្រកបដោយគុណភាពត្រូវបានប្រមុខរដ្ឋាភិបាលកម្ពុជា ផ្ដល់អទិភាពយ៉ាងខ្ពស់ ហេតុដូច្នេះហើយទើបក្រសួងអប់រំ យុវជន និងកីឡា គាំទ្រលើកទឹកចិត្តឱ្យសាលាអន្ដរជាតិនានាមកបើកដំណើរការនៅកម្ពុជា ដើម្បីផ្ដល់នូវសេវាអប់រំប្រកបដោយគុណភាព ស្របពេលដែលក្រសួងបាន និងកំពុងពង្រឹង និងពង្រីកគុណភាពអប់រំនៅតាមសាលារដ្ឋ។ ឯកឧត្តមបានបន្តទៀតថា ៖ «វត្តមានរបស់សាលាអន្ដរជាតិ Southbridge បានបង្ហាញឱ្យឃើញពីការអភិវឌ្ឍន៍លើវិស័យអប់រំនៅកម្ពុជា ក្នុងពេលបច្ចុប្បន្ននេះ ។ ចំពោះការអនុញាតិឱ្យបង្កើតសាលា Southbridge នេះឡើង គឺដើម្បីផ្ដល់ឱកាសឱ្យផ្នែកឯកជន ចូលរួមផ្ដល់សេវាប្រកបដោយគុណភាព ហើយក្រសួងក៏មានគោលដៅក្នុងការពង្រឹងគុណភាពអប់រំនេះ ដែលវាជាឱកាសមួយសម្រាប់ឱ្យកុមារ និងមាតាបិតាកម្ពុជាបញ្ជូនកូនមករៀននៅទីនេះ ជាជាងបញ្ជូនកូនទៅរៀននៅបរទេស ហើយនេះគឺជាផ្នែកមួយក្នុងការកាត់បន្ថយចំណាយ ក៏ដូចជាផ្ដល់ឱកាសកាន់តែច្រើនឱ្យសិស្សានុសិស្សទទួលបានការអប់រំមួយប្រកបដោយគុណភាព»។
ជាមួយគ្នានេះផងដែរ លោក Raymond Yager អគ្គនាយកប្រតិបត្តិនៃសាលាអន្ដរជាតិ Southbridge ក៏បានថ្លែងផងដែរថា ៖ «យើងមានមោទនភាពយ៉ាងខ្លាំង ដែលសាលាអន្ដរជាតិ Southbridge ត្រូវបានសម្ពោធជាផ្លូវការក្នុងថ្ងៃនេះ។ សាលាអន្ដរជាតិ Southbridge ផ្ដោតលើកម្មវិធីសិក្សាដែលទទួលស្គាល់ជាលក្ខណៈអន្ដរជាតិ ដែលយើងបានទទួលអាជ្ញាប័ណ្ណពីចក្រភពអង់គ្លេស។ កម្មវិធីសិក្សានេះត្រូវបានរៀបចំឡើងដោយធានាឱ្យបាននូវការសិក្សាយ៉ាងម៉ត់ចត់ ក្នុងគោលបំណងចូលរួមអភិវឌ្ឍសិស្សានុសិស្ស ដើម្បីក្លាយទៅជាបុគ្គលដែលប្រកបដោយសម្បជញ្ញៈបុគ្គល ដែលចេះដោះស្រាយបញ្ហាបានព្រមជាមួយនឹងស្ដង់ដារនៃវិជ្ជាជីវៈ ហើយនឹងក្លាយជាអនាគតអ្នកដឹកនាំតាមជំនាញដែលពួកគេជ្រើសរើស»។
គួរបញ្ជាក់ផងថា សាលាអន្ដរជាតិ Southbridge គឺជាសាលាដែលផ្ដល់ការអប់រំលក្ខណៈអន្ដរជាតិផ្ដោតលើកម្មវិធីសិក្សាពីរភាសា (Bi- lingual Programme) ដែលអាចទទួលសិស្សរហូតដល់2500នាក់។ សាលាអន្ដរជាតិនេះ បានចាប់ផ្ដើមបើកទ្វារទទួលសិស្សតាំងពីខែមករា ឆ្នាំ2017 ចាប់ពីកម្រិតទារកដ្ឋានរហូតដល់ថ្នាក់ទី6 ដែលមានទីតាំងស្ថិតនៅអាគារលេខ567 ផ្លូវប៉ូឡារីស បុរីប៉េងហួត បឹងស្នោរ ខណ្ឌច្បារអំពៅ តាមបណ្ដោយផ្លូវជាតិលេខ 1 រាជធានីភ្នំពេញ។ សម្រាប់ឆ្នាំសិក្សា 2017-2018 នឹងចាប់ផ្ដើមបវេសនការនៅខែមិថុនាខាងមុខនេះ ហើយនឹងបើកទទួលសិស្សរហូតដល់ថ្នាក់អនុវិទ្យាល័យ រីឯថ្នាក់វិទ្យាល័យនឹងបើកនៅឆ្នាំសិក្សាបន្ទាប់ ៕
April 24, 2017
Cam-Paint ជប់លៀងបុគ្គលិកក្នុងឱកាសបុណ្យចូលឆ្នាំថ្មី
មុនឱកាសពិធីបុណ្យចូលឆ្នាំថ្មីចូលមកដល់ ក្រុមហ៊ុន Cam-Paint ថ្នាំពណ៌ជាតិបានរៀបចំពិធីជប់លៀងជូនបុគ្គលិករបស់ខ្លួន ដោយមានតុបតែងរោងពិធីតាមរបៀបប្រពៃណីខ្មែរបុរាណពិតៗ ដើម្បីជាការថ្លែងអំណរគុណដល់ពួកគេដែលបានខិតខំបំពេញការងារជូនក្រុមហ៊ុនកន្លងមក។
លោក សោម សម្បត្តិ នាយកប្រតិបត្តិក្រុមហ៊ុន Cam-Paint ថ្នាំពណ៌ជាតិ មានប្រសាសន៍ថា នេះជាលើកទី13 ហើយដែលក្រុមហ៊ុនបានប្រារព្ធពិធីជប់លៀងជូនបុគ្គលិក ដើម្បីឱ្យពួកគាត់បានទទួលទានអាហារសាមគ្គី សប្បាយរីករាយជាមួយគ្នាក្នុងឱកាសចូលឆ្នាំថ្មីចូលមកដល់។
លោកប្រាប់ថា នេះមិនមែនជាការលើកទឹកចិត្តបុគ្គលិកនោះទេ ដោយក្រុមហ៊ុនបានផ្តល់ប្រាក់លើកទឹកចិត្ត និងផ្តល់រង្វាន់ការងារទៅតាមផ្នែកនីមួយៗរួចហើយ ការរៀបចំពិធីជប់លៀងនេះគឺគ្រាន់តែឱ្យពួកគេបានជួបជុំគ្នា ទទួលទានអាហារសាមគ្គីជាមួយគ្នា រាំច្រៀងលេងសប្បាយជាមួយគ្នា និងចាប់រង្វាន់យកកាដូរអនុស្សាវរីយជាមួយគ្នាប៉ុណ្ណោះ។
គួរបញ្ជាក់ថាក្នុងចំណោមបុគ្គលិកចំនួន180នាក់ ក្រុមហ៊ុនបានផ្តល់រង្វាន់គ្រប់ៗគ្នាមិនខ្វះម្នាក់នោះឡើយ គ្រាន់តែរង្វាន់តិច ឬច្រើនប៉ុណ្ណោះ៕

April 21, 2017
CBS ចាប់ដៃគូជាមួយ Legend Tiger លើការផលិតស្ប៉តពាណិជ្ជកម្ម
សក្តានុពលទីផ្សារដែលមានទំហំកាន់តែធំបានជំរុញឱ្យក្រុមហ៊ុនដែលមានជំនាញផ្នែកផលិតស្ប៉តពាណិជ្ជកម្មធំ និងល្អជាងគេចំនួន2 នៅកម្ពុជាសម្រេចចាប់ដៃគូគ្នាដើម្បីបង្កើនសមត្ថភាពរបស់ខ្លួនឱ្យបានកាន់តែខ្លាំងឡើងបន្ថែមទៀត។
លោក Bernard Anthony អគ្គនាយកនៃក្រុមហ៊ុនខេមបូឌា ប្រូឃែសស្ទីង សឺវីស (CBS)ដែលកំពុងប្រតិបត្តិការគ្រប់គ្រងលើទូរទស្សន៍ CTN, MyTv និង CNC បាននិយាយថា កំណើនសេដ្ឋកិច្ចដែលមានភាពរឹងមាំនារយៈពេលប៉ុន្មានឆ្នាំចុងក្រោយនេះ បានជំរុញឱ្យក្រុមហ៊ុនធំៗលំដាប់អន្តរជាតិជាច្រើនចូលមកវិនិយោគ និងបើកសាខានៅកម្ពុជា ហើយស្របពេលនេះគេក៏ឃើញមានក្រុមហ៊ុនក្នុងស្រុកលេចរូបរាងឡើងច្រើនផងដែរ។
លោកបានបន្តថា ក្រុមហ៊ុនទាំងនោះសុទ្ធតែត្រូវការផលិតស្ប៉តពាណិជ្ជកម្មដើម្បីផ្សព្វផ្សាយផលិតផល និងសេវាកម្មរបស់ខ្លួន។
លោកបានអះអាងថា៖“ដោយមើលឃើញពីចន្លោះប្រហោងនៃតម្រូវការ និងការផ្គត់ផ្គង់នេះ ទើបក្រុមហ៊ុន CBS សម្រេចចាប់ដៃគូជាមួយក្រុមហ៊ុន Legend Tiger Investment Co., Ltd ដើម្បីរួមគ្នាបង្កើតក្រុមហ៊ុនផលិតស្ប៉តពាណិជ្ជកម្មទូរទស្សន៍ (TV Ad) ដ៏ធំមួយដែលបំពាក់នូវឧបករណ៍មានបទដ្ឋានកម្រិតខ្ពស់សម្រាប់ផលិតស្ប៉តពាណិជ្ជកម្មដែលមានគុណភាពកម្រិតស្តង់ដារអន្តរជាតិ។
ការរួមបញ្ចូលគ្នារវាងក្រុមហ៊ុនដែលមានជំនាញទាំង2 នឹងធ្វើឱ្យអតិថិជនទទួលបានអត្ថប្រយោជន៍ជាច្រើនទាំងផ្នែកតម្លៃ គុណភាព និងការផ្សព្វផ្សាយ។
ស្ថាបនិកក្រុមហ៊ុន CBS អ្នកឧកញ៉ា គិត ម៉េង មានប្រសាសន៍ថា ជាមួយនឹងធនធានមនុស្សប្រកបដោយទេពកោសល្យ និងគំនិតច្នៃប្រឌិតរបស់ CBS TVC Production និង Legend Tiger ការវិនិយោគរួមគ្នានេះនឹងជួយឱ្យកម្ពុជាអាចប្រកួតប្រជែងជាមួយនឹងបណ្ដាក្រុមហ៊ុនផលិតស្ប៉តពាណិជ្ជកម្មក្នុងប្រទេសជិតខាងដូចជា ថៃ និងវៀតណម បាន។
អ្នកឧកញ៉ាបានថា៖“យើងនឹងធ្វើការអភិវឌ្ឍក្រុមហ៊ុនថ្មីនេះបន្ថែមទៀត ដើម្បីបង្កើតបានទាំងគុណភាពផលិតកម្ម និងសេវាកម្មជូនអតិថិជន។
បើតាមកិច្ចព្រមព្រៀងនោះ ក្រុមហ៊ុន Legend Tiger នឹងក្លាយជាក្រុមហ៊ុនបុត្រសម្ព័ន្ធមួយរបស់ក្រុមហ៊ុន CBS។
លោក ប៊ូ បញ្ញា នាយកប្រតិបត្តិក្រុមហ៊ុន Legend Tiger Investment Co., Ltd បានប្រាប់ថា ការរួមសហការគ្នារវាងក្រុមហ៊ុនផលិតស្ប៉តពាណិជ្ជកម្ម CBS និងក្រុមហ៊ុន Legend Tiger Investment Co., Ltd គឺជារឿងមួយដែលល្អបំផុត ព្រោះការសហការនេះនឹងផ្ដល់នូវភាពងាយស្រួលទាំងគុណភាពផ្សព្វផ្សាយព័ត៌មាន និងគុណភាពផលិតស្ប៉តដែលប្រកបដោយភាពជឿជាក់ជូនដល់អតិថិជន។ លោកប្រាប់ទៀតថា នាពេលកន្លងមកមានប្រាក់ដ៏ច្រើនត្រូវបានហូរចេញពីកម្ពុជា តាមរយៈការទៅរកក្រុមហ៊ុននៅបរទេសឱ្យជួយផលិតស្ប៉តណិជ្ជកម្មសម្រាប់យកមកចាក់ផ្សាយនៅកម្ពុជា។ ដូច្នេះបន្ទាប់ពីក្រុមហ៊ុនទាំង2 សហការគ្នា លោកសង្ឃឹមថានឹងអាចទាក់ទាញឱ្យក្រុមហ៊ុនដែលធ្លាប់ទៅផលិតស្ប៉តពាណិជ្ជកម្មនៅក្រៅប្រទេសឱ្យងាយមកជ្រើសរើសយកក្រុមហ៊ុនក្នុងស្រុកវិញ។
បើតាមលោក បញ្ញា ការមកដល់របស់ CBS នឹងផ្តល់ឱ្យអតិថិជនរបស់ Legend Tiger ទទួលបាននូវកញ្ចប់ល្អជាច្រើនទាំងការបម្រើសេវាកម្ម និងការផ្សព្វផ្សាយស្ប៉តពាណិជ្ជកម្ម។
Legend Tiger Investment Co., Ltd ត្រូវបានគេដឹងថាជាក្រុមហ៊ុនផលិតស្ប៉តពាណិជ្ជកម្មមួយដ៏ល្បីនៅកម្ពុជា ដែលត្រូវបានបង្កើតឡើងក្នុងឆ្នាំ2010។ ក្នុងរយៈពេល7ឆ្នាំកន្លងមកនេះក្រុមហ៊ុនបានទទួលផលិតស្ប៉តពាណិជ្ជកម្មឱ្យក្រុមហ៊ុនជាច្រើនដូចជា Cellcard, Wing, Ganzberg beer និង Cambodia Beer ជាដើម៕
April 21, 2017