Category: PR

  • ហេតុអ្វីបានជាអ្នកចាំបាច់ជ្រើលរើសប្រើប្រាស់ ម៉ាស៊ីនត្រជាក់ LG??

    ហេតុអ្វីបានជាអ្នកចាំបាច់ជ្រើលរើសប្រើប្រាស់ ម៉ាស៊ីនត្រជាក់ LG??

    មុននឹងអ្នកស​ម្រេចចិត្តទិញសម្ភារៈប្រើប្រាស់ក្នុងគេហដ្ឋាន អ្នកពិតជាត្រូវគិតថា របស់ទាំងអស់នោះពិតមានជាគុណភាពល្អ និងអាយុកាលនៃការប្រើប្រាស់បានយូរប៉ុនណា? ហើយប្រសិនបើអ្នកជ្រើសរើសខុស អ្នកពិតជាមានផលវិបាកជាច្រើន។

    ម៉ាស៊ីនត្រជាក់ LG ត្រូវបានផលិតឡើងដើម្បីផ្គត់ផ្គង់ និងបំពេញតម្រូវការដល់អ្នកប្រើប្រាស់ ជាពិសេសគិតពីផាសុកភាព និងមានមុខងាជាច្រើនដែលផ្ដល់អត្ថប្រយោជន៍ ក្នុងការប្រើប្រាស់។ ម៉ាស៊ីនត្រជាក់ LG បានភ្ជាប់មកជាមួយបច្ចេកវិទ្យា LG Smart Inverter ស៊ីភ្លើងតិច ព្រមទាំងជួយសន្សំសំចៃអគ្គិសនីរហូតដល់ 65% ប្រៀបបីដូចជាជួយសន្សំប្រាក់បានដ៏ច្រើន ដោយអ្នកមិនដឹងខ្លួន។ រួមជាមួយសំឡេងដ៏ស្ងាត់ ដែលមិនធ្វើឲ្យមានការប៉ះពាល់ដល់ដំណេករបស់លោកអ្នក រឹតតែពិសេសនោះគឺជួយឲ្យឆាប់ត្រជាក់ជាងពេលដែលយើងបើកម៉ាស៊ីនត្រជាក់ធម្មតារហូតដ៏ 30% ។

    មុខងារ Plasmaster lonizer plus ដែលជួយសម្លាប់មេរោគ និងបាក់តេរីព្រមទាំងជួយបំបាត់ក្លិនមិនល្អរហូតដល់ 99.9 %។ ជាទូទៅគេហដ្ឋានរបស់អ្នកតែងតែមានបាក់តេរី និង មេរោគតូចៗ រាប់លានដែលអាចបង្កគ្រោះថ្នាក់នឹងប៉ះពាស់ដល់សុខភាពយ៉ាងធ្ងន់ធ្ងរដល់អ្នក និងគ្រួសារ។ បច្ចេកវិទ្យា Plasmaster lonizer plus ប្រើប្រាស់ជាង 3 លានអ៊ីយ៉ុង ដែលជួយកាត់បន្ថយនូវបាក់តេរីភាគលិ្អតដែលអាចបង្កគ្រោះថ្នាក់ដោយការបញ្ចេញជាង 3លានអ៊ីយ៉ូដទៅក្នុងបរិយាកាល ។

    តើអ្វីទៅជាប្រព័ន្ធ Plasmaster Skin Care? បរិយាកាលដែលស្ងួតអាចបំផ្លាញស្បែកប្រព័ន្ធ Plasmaster Skin Care បានបព្ចោញជាតិអ៊ីយ៉ូដទៅក្នុងបរិយាកាល ដែលវាបានជួយបំប្លែងទៅជាជាតិទឹកដែលស្បែកត្រូវការស្រូបយក និងធ្វើឲ្យស្បែកស្រស់ថ្លា ព្រមទាំងធ្វើឲ្យមានអារម្មណ៍ថាស្បែកមានសំណើម ។ អ៊ីយ៉ូដដែលអាចថែរក្សាស្បែកគឺជាតិអ៊ីយ៉ូដ ដែលបព្ចោញដោយ Plasmaster បានចូលផ្សំជាមួយនឹងម៉ូលេគុលទឹកនៅក្នុងខ្យល់ដើម្បីបង្ដើតបានជាគ្រាប់ដំណក់ទឹកដ៏តូចៗបំផុតដែលអាចជ្រាបចូលទៅក្នុងស្បែកដើម្បីរក្សាស្បែកនឹងធ្វើឲ្យស្បែកមាន សំណើម ។

    មុខងារ Plasmaster TM Auto Cleaning ជាមុខងារសម្លាប់មេរោគ និង បាក់តេរីដោយស្វ័យប្រវតិ្ត ។ បញ្ហមេរោគ និង បាក់តេរី តែងតែកើតឡើងជាបញ្ហចម្បង ព្រោះរាល់ពេលដែលលោកអ្នកប្រើប្រាស់ម៉ាស៊ីនត្រជាក់កាន់តែយូរ ម៉ាស៊ីនត្រជាក់ពិតជា មានបាក់តេរី និង ផ្សិត រីកលូតលាល់នៅពេលមានការផ្ទាស់ប្ដូរកម្ដៅរបស់ម៉ាស៊ីនត្រជាក់។ ដូច្នេះហើយទើបមុខងារ Plasmaster TM Auto Cleaning ជួយសំអាតតាមរយៈការបញ្ចេញអ៊ីយ៉ូដលាងសំអាតដោយស័្វយប្រវតិ្តអាចរារាំងការកកើតនៃធូលី បាក់តេរី និង ផ្សិតនៅពេលមានកម្ដៅ វាក៏បានផ្ដល់នូវខ្យល់បរិសុទ្ធ និង ប្រកបដោយផាសុកភាព និងបំបាត់នូវភាគលិ្អតដែលអាចបង្កគ្រោះថ្នាក់ដល់សុខភាព។

    ទំាងអស់នេះគឺជាចំណុចពិសេសៗ និងបច្ចេកវិទ្យារបស់ម៉ាស៊ីនត្រជាក់ LG ដែលអ្នកគួរតែជ្រើសរើសសម្រាប់ការប្រើប្រាស់នៅក្នុងផ្ទះ និងក្រុមគ្រួសាររបស់លោកអ្នក។
    LG BrandShop មានការដាក់តាំងបង្ហាញផលិតផលម៉ាស៊ីនត្រជាក់គ្រប់ម៉ូដែលដែលលោកអ្នកចង់បាន ហើយលោកអ្នកក៏អាចទទួលបានការពិក្សាអំពីការប្រើប្រាស់ម៉ាស៊ីនត្រជាក់ទៅតាមទីតាំង ទំហំបន្ទប់ ឬ គេហដ្ឋានរបស់លោកអ្នក៕
    ទំនាក់ទំនងបន្ថែម 023 888 199/ 023 222699

  • ដំណើរទស្សនកិច្ចសិក្សារបស់និស្សិតសាកលវិទ្យាល័យភូមិន្ទនីតិសាស្ត្រ បានបញ្ចប់ប្រកដោយជោគជ័យ

    ដំណើរទស្សនកិច្ចសិក្សារបស់និស្សិតសាកលវិទ្យាល័យភូមិន្ទនីតិសាស្ត្រ បានបញ្ចប់ប្រកដោយជោគជ័យ

    ក្រុមនិស្សិតនៃដេប៉ាតឺម៉ង់វិទ្យាសាស្ត្រសេដ្ឋកិច្ច និងគ្រប់គ្រងជាភាសាបារាំងជំនាន់ទី២៣, ២៤ និង២៥ នៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ចំនួន ៩១នាក់ បានរៀបចំដំណើរទស្សនកិច្ចសិក្សាដែលមានឈ្មោះថា «Eco Study Trip 2017» ទៅកាន់រមណីយដ្ឋានវីគិរីរម្យ ខេត្តកំពង់ស្ពឺ និងខេត្តព្រះសីហនុ នាថ្ងៃទី០៤ ដល់ ០៦ ខែឧសភា ឆ្នាំ២០១៧កន្លងទៅប្រកបដោយជោគជ័យ។

     
    ដំណើរទស្សនកិច្ចសិក្សានេះ ត្រូវបានរៀបចំឡើងក្រោមប្រធានបទ “Feel the Green, Feel the Warmth” ក្នុងអត្ថន័យបង្កើតក្ដីស្រឡាញ់ចំពោះធម្មជាតិ ថែរក្សាបរិស្ថាន និងផ្តល់ភាពកក់ក្ដៅតាមរយៈការរឹតចំណងសាមគ្គីភាពរវាងគ្នានិងគ្នាក្នុងសង្គមខ្មែរយើង។

    ក្រោមការគាំទ្ររបស់ក្រសួងទេសចរណ៍និងក្រសួងអប់រំ យុវជន និងកីឡា ទស្សនកិច្ចសិក្សារយៈពេល ៣ថ្ងៃនេះ បានប្រព្រឹត្តឡើងដោយមានសកម្មភាពមនុស្សធម៌ និងបរិស្ថានមួយចំនួនដូចជា៖ ការនាំយកអំណោយ ដូចជាសៀវភៅសរសេរ សម្ភារសិក្សា សម្លៀកបំពាក់ និងថវិកា ដែលទទួលបានពីការបរិច្ចាករបស់សប្បុរសជននានាទៅជូនដល់សិស្សមានជីវភាពលំបាក ដែលកំពុងសិក្សាក្នុងអង្គការ “រួមដៃគ្នាដើម្បីក្តីសង្ឃឹម” ឬ “Give a Hand for Hope Organization” ដែលស្ថិតនៅភូមិទី២ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។

    លើសពីនេះ ក្រុមនិស្សិតបានចុះទៅដាំដើមកោងកាងនៅក្នុងសហគមន៍នេសាទការពារព្រៃលិចទឹក ចុងអូរ ដែលស្ថិតនៅភូមិសំរុងក្រោម ឃុំសំរុង ស្រុកព្រៃនប់ ខេត្តព្រះសីហនុ ក្នុងគោលបំណងអភិរក្សនិងថែរក្សាព្រៃលិចទឹក ដែលជាជំរកដ៏សំខាន់សម្រាប់មច្ឆាជាតិនានា ហើយមច្ឆាជាតិទាំងនេះហើយ ដែលជាប្រភពចំណូលដ៏សំខាន់របស់ប្រជានេសាទនៅក្នុងសហគមន៍នេះ។

    ម៉្យាងទៀត ក្រុមនិស្សិតក៏បានចូលរួមក្នុងការសំអាតតាមបណ្តោយឆ្នេរអូរឈើទាល និងការរាំជាក្រុមទ្រង់ទ្រាយធំ (Flash mob)។ គោលបំណងចម្បងគឺដើម្បីបង្ហាញពីតួនាទីយុវជនកម្ពុជាក្នុងការចូលរួមចំណែកដោះស្រាយបញ្ហាបរិស្ថាន និងផ្ដល់ជាសារក្រើនរំលឹកស្តីពីការថែទាំបរិស្ថានដល់ភ្ញៀវទេសចរ ក៏ដូចជាបងប្អូនប្រជាពលរដ្ឋដែលរស់នៅតាមតំបន់ទេសចរណ៍នៃព្រះរាជាណាចក្រកម្ពុជា ជាពិសេសនៅតំបន់ឆ្នេរនេះតែម្តង។ លើសពីនេះទៀត ក្រុមនិស្សិតក៏បានរៀបចំផងដែរនូវការប្រគំតន្តី្រខ្នាតតូច ដោយមានវត្តមាននៃការចូលរួមទស្សនាពីភ្ញៀវទេសចរជាតិ អន្តរជាតិ និងការតាំងពិព័រណ៍សម្ភារៈកែច្នៃឡើងវិញដោយស្នាដៃរបស់ក្រុមនិស្សិតផ្ទាល់។

    ក្រៅពីសកម្មភាពខាងលើ ក្រុមនិសិ្សតបានទៅធ្វើបទបង្ហាញ ចែករំលែកបទពិសោធន៍ស្តីពី “ជម្រើសនិងអត្ថប្រយោជន៍នៃការបន្តការសិក្សានៅថ្នាក់ឧត្តមសិក្សា” ដល់សិស្សានុសិស្សនៅវិទ្យាល័យ ក្រុងព្រះសីហនុផងដែរ៕

  • Audi និងកិច្ចប្រជុំវេទិកាសេដ្ឋកិច្ចពិភពលោកស្តីពីអាស៊ានក្នុងប្រទេសកម្ពុជា

    Audi និងកិច្ចប្រជុំវេទិកាសេដ្ឋកិច្ចពិភពលោកស្តីពីអាស៊ានក្នុងប្រទេសកម្ពុជា

    អស់រយៈពេលជាង 30 ឆ្នាំកន្លងមកនេះ Audi គីជាដៃគួរដ៏ល្អជាមួយវេទិកាសេដ្ឋកិច្ចពិភពលោក ស្តីពីអាស៊ានដែលបានផ្គត់ផ្គង់ចំនួនរថយន្តដ៏ច្រើនសម្រាប់កិច្ចប្រជុំប្រចំាឆ្នំា នៅទីក្រុងដារ៉ូស ប្រទេសស្វីស។

    នេះគឺជាលើកទី១ហើយ ដែលព្រឹត្តិការណ៍នៃកិច្ចប្រជុំវេទិកាសេដ្ឋកិច្ចពិភពលោកនៅអាស៊ាននឹងត្រូវធ្វើឡើងនៅរាជធានីភ្នំពេញចាប់ពីថ្ងៃទី 10 ដល់ ថ្ងៃទី 12 ខែឧសភា ឆ្នាំ 2017 ។

    នៅឆ្នាំ 2017 សមាគមប្រជាជាតិអាស៊ីអាគ្នេយ៍ (អាស៊ាន) ទាំង 10ប្រទេស ប្រារព្ធខួបលើកទី 50ឆ្នាំនៃការពង្រឹងឯកភាព និងការលើកកម្ពស់សេដ្ឋកិច្ច។ វិថីឆ្ពោះទៅមុខអាចនាំឱ្យ 50ឆ្នាំខាងមុខ មានភាពរុងរឿង ប៉ុន្ដែមានតែអាស៊ានប៉ុណ្ណោះដែលអាចធ្វើឱ្យភាពខ្លាំងរបស់ខ្លួនកាន់តែមានភាពរឹងមាំបានពេញលេញ និងដឹកនាំទៅរកការប្រកួតប្រជែងបាន។ នៅក្នុងចំណោមភាពខ្លាំងរបស់ខ្លួន តំបន់អាស៊ានមានប្រជាជនចំនួន 360លាននាក់ ក្នុងនោះច្រើនជាងពាក់កណ្ដាលមានអាយុក្រោម 30ឆ្នាំ។ ក្ដីសង្ឃឹមនេះ ជាភាគលាភប្រជាសាស្រ្ដដ៏មានឥទ្ធិពលមួយដែលនឹងធ្វើឱ្យសេដ្ឋកិច្ចរីកចម្រើនមានអត្រាខ្ពស់នៅពេលថ្ងៃអនាគត។

    អ្វីដែលសំខាន់ ឥទ្ធិពលនៃការផ្លាស់ប្ដូររបស់បដិវដ្ដន៍ឧស្សាហកម្មទីបួន មានសក្ដានុពលភាពដើម្បីផ្ដល់នូវភាគលាភឌីជីថលដ៏ខ្លាំង។ ពេលដែលបច្ចេកវិទ្យាឌីជីថលកំពុងមានដំណើរការ បច្ចេកវិទ្យានេះគួរតែជំរុញបន្ថែមដល់ឧស្សាហកម្មថ្មី និងម៉ូឌែលអភិវឌ្ឍន៍មានឥទ្ធិពលខ្លាំងក្លា។ ប៉ុន្ដែមិនមានអ្វីដែលអាចធានាបានឡើយ ដើម្បីកាត់បន្ថយចំនួនភាគលាភទាំងនេះបាន អ្វីដែលត្រូវធ្វើបន្ដគឺការអប់រំ សហគ្រិនភាព បទបញ្ញាត្តិឌីជីថល ពាណិជ្ជកម្មក្រៅប្រទេស អភិបាលកិច្ច និងអ្វីៗជាច្រើនទៀត។

    កាលពីជាង 40ឆ្នាំមុន កិច្ចប្រជុំវេទិកាសេដ្ឋកិច្ចពិភពលោកត្រូវបានបង្កើតឡើងជាវេទិការសម្រាប់ថ្នាក់ដឹកនាំផ្នែកធុរកិច្ច និងអ្នកនយោបាយធ្វើការជជែកពិភាក្សា អំពីរបៀបក្នុងការ “គិតឡើងវិញ រចនាឡើងវិញ និងកសាងឡើងវិញ”។ ក្នុងនាមជាអង្គការអន្តរជាតិដើម្បីកិច្ចសហប្រតិបត្តិការក្នុងវិស័យសាធារណៈ និងឯកជន វេទិកាសេដ្ឋកិច្ចពិភពលោកស្ដីពីអាស៊ាននឹងក្លាយជាវេទិការដ៏ល្អបំផុតសម្រាប់អ្នកធ្វើសេចក្ដីសម្រេចចិត្តជាន់ខ្ពស់មកពីផ្នែក/វិស័យជាច្រើន ដើម្បីធ្វើការសម្របសម្រួលលើការសហការគ្នារវាង ឧស្សាហកម្ម រដ្ឋាភិបាល និងសង្គមស៊ីវិល ព្រមទាំងធ្វើការកែប្រែអនាគតឱ្យកាន់តែប្រសើឡើងសម្រាប់តំបន់ក្មេងខ្ចីនេះ។

    Audi ជាភាសាអាល្លឺម៉ង់ Vorsprung durch Technik មានន័យថា ភាពជឿនលឿនទៅមុខតាមរយៈបច្ចេកវិទ្យា ហើយវាជាអ្វីដែល Audi បានធ្វើអស់រយៈពេលជាង 100 ឆ្នាំកន្លងមកហើយ។ កាលពីបីឆ្នាំមុន Audi បានបង្ហាញខ្លួននៅរាជធានីភ្នំពេញ ហើយបច្ចុប្បន្ននេះគឺនៅទូទាំងប្រទេសកម្ពុជា។ វេទិការសេដ្ឋកិច្ចពិភពលោកស្ដីពីអ្នកដឹកនាំរបស់អាស៊ាន នឹងទទួលបាន ផាសុកភាព ប្រណិតភាព និងការធ្វើដំណើរតាមលំដាប់ខ្ពស់នៃរថយន្ដ Audi Q7 ជំនាន់ថ្មីនេះ។

    Audi Q7 3.0 TFSI Quattro មានកម្លាំង 333 សេស និងកម្លាំងវិលរហូតដល់ 440 Nm។ ល្បឿនដ៏អស្ចារ្យរបស់ quattro Audi Q7 ចាប់ពី 0 ដល់ 100 គីឡូម៉ែត្រក្នុងរយៈពេលតែ 7.1 វិនាទីប៉ុណ្ណោះ។ ដោយ 100 គីឡូម៉ែត្រ ស៊ីប្រេងត្រឹមតែ 7.4 លីតប៉ុណ្ណោះ។ Quattro Audi Q7 SUV ដ៏អស្ចារ្យនេះមានប្រវែង 5 ម៉ែត្រ ដែលអាចផ្ទុកមនុស្សបាន 7 នាក់ រួមនឹងឥវ៉ាន់បានយ៉ាងល្អ។

    លោក Antoine Jeanson នាយកប្រតិបត្តិ Audi ប្រចាំនៅកម្ពុជាបានមានប្រសាសន៍ថា “គណៈកម្មាធិការ កិច្ចប្រជុំវេទិកាសេដ្ឋកិច្ចពិភពលោក នឹងតាំងចិត្តដើម្បីអោយកិច្ចប្រជុំនេះកាន់តែប្រសើឡើងក្នុងនាមជាអង្គការអន្តរជាតិដើម្បីកិច្ចសហប្រតិបត្តិការក្នុងវិស័យសាធារណៈ និងឯកជន វេទិកាសេដ្ឋកិច្ចពិភពលោកស្ដីពី អាស៊ាននឹងក្លាយជាវេទិការដ៏ល្អបំផុតសម្រាប់អ្នកធ្វើសេចក្ដីសម្រេចចិត្តជាន់ខ្ពស់មកពីផ្នែក/វិស័យជាច្រើន ដើម្បីធ្វើការសម្របសម្រួលលើការសហការគ្នារវាង ឧស្សាហកម្ម រដ្ឋាភិបាល និងសង្គមស៊ីវិល ជាដើម៕

  • រាល់ការងារនៅក្នុងអង្គភាពមួយសុទ្ធតែមានតម្លៃ

    រាល់ការងារនៅក្នុងអង្គភាពមួយសុទ្ធតែមានតម្លៃ

    ការងារទាំងអស់នៅក្នុងអង្គភាពមួយត្រូវបានឲ្យតម្លៃស្មើៗគ្នា ទោះបីជាតំណែងតូច ឫតំណែងធំក្តី។ ដើម្បីយល់ពីផលលំបាករបស់បុគ្គលិកក្នុងក្រុមហ៊ុន ក្រុមហ៊ុន EFG ដែលជាក្រុមហ៊ុនលំដាប់អន្តរជាតិ និងមានបទពិសោធន៍ខ្ពស់ខាងផ្នែកចំណីអាហារបានប្រារព្ធទិវា EFG លើកទី 4នៅថ្ងៃទី0១ ខែឧសភា ឆ្នាំ ២០១៧ នៅគ្រប់សាខាហាងរបស់ខ្លួន។

    អគ្គនាយក គណៈគ្រប់គ្រង និងបុគ្គលិករបស់ក្រុមហ៊ុន RMA Cambodia ទាំងអស់ ត្រូវបានគេប្រទះមកធ្វើជាអ្នករត់តុ អ្នកចម្អិន អ្នកសំអាត និងអ្នកគិតលុយ នៅតាមបណ្ដាភោជនីយដ្ឋានរបស់ក្រុមហ៊ុន EFG។ បុរសស្លៀកឯកសណ្ឋានបុគ្គលិកសេវាអតិថិជនរបស់ភោជនីយដ្ឋាន ដឹ ភីហ្សា ខមផេនី ត្រូវបានគេស្គាល់ថា ជាលោក ងន សាំង អគ្គនាយកក្រុមហ៊ុន RMA Cambodia កំពុងតែកត់អាហារដែលភ្ញៀវកុំម៉្មង់ ព្រមទាំងលើកភេសជ្ជៈជូនភ្ញៀវពិសាយ៉ាងញញឹមរស់រាយ ដោយខុសពីសកម្មភាពការងារប្រចាំថ្ងៃរបស់លោក ពាក់ក្រវាត់ក អាវធំក្នុងម៉ាស៊ីនត្រជាក់ធ្វើការយ៉ាងមឺងម៉ាត់។

    លោក បានបញ្ជាក់ថា នេះមិនមែនជាលើកទី១ ទេ សម្រាប់លោក ក្នុងការមកបំពេញការងារតាមភោជនីយដ្ឋានរបស់ក្រុមហ៊ុន EFG។ កន្លងមកលោកធ្លាប់ស្ម័ក្រចិត្តធ្វើជាអ្នកចម្អិនភីហ្សា ក្នុងហាង ដឹ ភីហ្សា ខមផេនី អ្នកឆុងកាហ្វេរបស់ហាង Costa Coffee និងបុគ្គលិកបម្រើសេវាអតិថិជនរបស់ភោជនីយដ្ឋាន BBQ Chicken ទៀតផង។

    លោក ងន សាំង អគ្គនាយកក្រុមហ៊ុន RMA Cambodia បាននិយាយថាពួកយើងបផ្ដួចផ្ដើមធ្វើបែបនេះឡើងដើម្បីជាវេទិកាសម្រាប់បុគ្គលិកការិយាល័យទាំងអស់ចំណាយពេលវេលាក្នុងការយល់ពីអតិថិជនដោយធ្វើការប្រតិបត្តិការផ្ទាល់ជាមួយបុគ្គលិកក្នុងហាង ដើម្បីមានការប្រាស្រ័យទាក់ទង និងទំនាក់ទំនងជាមួយអតិថិជន ព្រមទាំងស្វែងយល់ដឹងពីគម្លាត និងការទាមទាររបស់បុគ្គលិក និងអតិថិជនក្នុងការអភិវឌ្ឍក្រុមហ៊ុន និងសង្គម។ នៅក្នុងទិវា EFG លើកទី 4 បុគ្គលិកទាំងអស់របស់ក្រុមហ៊ុន RMA Cambodia ដែលធ្វើការនៅទីស្នាក់ការកណ្តាលក្នុងនោះរួមមានមន្ដ្រីនៅការិយាល័យ អ្នកគ្រប់គ្រងទូទៅ, នាយកប្រតិបត្តិការ នាយកទីផ្សារ និងអគ្គនាយកក្រុមហ៊ុន នឹងចំណាយពេលពេញមួយថ្ងៃធ្វើការនៅឯហាងលក់ផ្ទាល់របស់ក្រុមហ៊ុន EFG នៅទូទាំងរាជធានីភ្នំពេញ ដោយចុះទៅធ្វើការក្នុងហាងផ្ទាល់ មានដូចជាធ្វើការចម្អិនអាហារ ការរក្សាទុកអាហារឲ្យមានអនាម័យ និងសុវត្ថិភាព ព្រមទាំងរៀបចំតុ កៅអី និងធ្វើការប្រាស្រ័យទាក់ទង ស្វាគមន៍ ជាមួយនឹងការទទួលបញ្ជាទិញពីអតិថិជន និង បម្រើម្ហូបអាហារជាដើម។

    វាជាឱកាសដ៏ល្អមួយដើម្បីទទួលយកបទពិសោធន៍ការងារប្រចាំថ្ងៃជាមួយនឹងសហការីជួរខាងមុខរបស់យើង និងអ្វីដែលសំខាន់ជាងនេះ គឺដើម្បីមានឱកាសបម្រើសេវាកម្មជូនអតិថិជនរបស់យើងដោយផ្ទាល់។ ខ្ញុំទទួលបានប្រយោជន៍យ៉ាងច្រើនពីសកម្មភាពនៅថ្ងៃនេះ ព្រោះខ្ញុំអាចចូលមកកាន់តែខិតជិតដល់បុគ្គលិករបស់យើងនៅហាង ញុំាអាហាររួមគ្នា ជជែកបែបមិត្តភ័ក្ដ ស្ដាប់យល់ដឹងកាន់តែច្រើនពីគ្នាទៅវិញទៅមក និងរកវិធីដើម្បីកែលម្អការងារ និងជីវិតរបស់យើង។ ខ្ញុំពិតជារីករាយជាមួយនឹងសកម្មភាពរបស់យើងនៅ EFG Days ហើយនឹងចូលរួមនៅឆ្នាំក្រោយ នៅហាងផ្សេងទៀតៗ នេះបើយោងតាមសំដីរបស់ លោក ទេព វីរៈ គណៈគ្រប់គ្រងទូទៅនៃក្រុមហ៊ុន EFG។

    ក្នុងអំឡុងពេលព្រឹត្តិការណ៍នេះ អ្នករាល់គ្នាពីអគ្គនាយកដល់បុគ្គលិកជួបគ្នាបរិភោគអាហារថ្ងៃត្រង់រួមគ្នា, ជជែកកម្សាន្ត, ចែករំលែកបទពិសោធន៍, ផ្តល់នូវឱកាសការងារល្អ និងគន្លឹះត្រៀមខ្លួនម្រាប់ការងារនាពេលអនាគតជាមួយនឹងក្រុមហ៊ុន RMA Cambodia និង EFG ព្រមទាំងពន្យល់ពីផលប្រយោជន៍ជាច្រើនសម្រាប់បុគ្គលិក រួមមានកម្ចីសម្រាប់ការសិក្សា, ការធានារ៉ាប់រង កម្មវិធីណែនាំអតិថិជន និងប្រាក់រង្វាន់ប្រចាំឆ្នាំជាមួយនឹងអត្ថប្រយោជន៍ដទៃទៀត។

    លោក Sorakphivorn Banaul ប្រធានគ្រប់គ្រងទំនាក់ទំនងសាធារណៈរបស់ក្រុមហ៊ុន RMA Cambodia បានមានប្រសាសន៍ថា រាល់ការងារទាំងអស់មានសារៈសំខាន់ទោះបីជាការងារតំណែងខ្ពស់ឬទាប។ “ការងារទាំងអស់ក្នុងស្ថាប័នមួយសុទ្ធតែមានសារៈសំខាន់ខ្លាំងណាស់ហើយយើងមិនអាចមើលរំលងការងារណាបានឡើយ ការងារទំាងនោះដូចជារាងកាយរបស់មនុស្សដែលមិនអាចខ្វះផ្នែកមួយណាទាស់តែសោះ»។

    តាមច្បាប់ពលកម្មរបស់ព្រះរាជាណាចក្រកម្ពុជា និយោជិក ទទួលបានការឈប់សម្រាប់ ១ថ្ងៃ សម្រាប់ទិវាពលកម្មអន្ដជាតិ ១ ឧសភានេះ។ ដោយឡែក បុគ្គលិក និងគណៈគ្រប់គ្រងរបស់ក្រុមហ៊ុន RMA Cambodia ស្ម័គ្រចិត្តមកធ្វើការងារតាមហាងនានារបស់ក្រុមហ៊ុន EFG។ លោក ងន សាំង បានបន្ថែមថា៖ «បើទោះបីជាបុគ្គលិករបស់ក្រុមហ៊ុន RMA Cambodia ស្នាក់ការកណ្ដាលទទួលបានការឈប់សម្រាកមួយថ្ងៃ តែពួកគាត់ស្ម័គ្រចិត្តមកធ្វើការងារនៅតាមភោជនីយដ្ឋាន។ ពួកគាត់ទាំងនោះ ធ្លាប់តែផ្ដល់យោបល់ដំបូន្មាន ដើម្បីផ្ដល់សេវាកម្មប្រសើរ និងមានកុនភាពខ្ពស់ដល់អតិថិជនតែសម្រាប់ថ្ងៃនេះ ពួកគាត់ត្រូវបានសហសេវិក ណែនាំវិញម្ដង រួមទាំងខ្ងុំផងដែរ»៕

  • ក្រុមហ៊ុនផលិតស្រាបៀរកម្ពុជា (CBL) បានរៀបចំកម្មវិធីចាប់រង្វាន់លើកទី២ សម្រាប់អ្នកណែនាំរោងការរបស់ខ្លួន

    ក្រុមហ៊ុនផលិតស្រាបៀរកម្ពុជា (CBL) បានរៀបចំកម្មវិធីចាប់រង្វាន់លើកទី២ សម្រាប់អ្នកណែនាំរោងការរបស់ខ្លួន

    ភ្នំពេញ៖ កាលពីថ្ងៃអាទិត្យ ទី៣០ ខែមេសា ឆ្នាំ ២០១៧ ក្រុមហ៊ុនផលិតស្រាបៀរកម្ពុជា (CBL) បានរៀបចំកម្មវិធីចាប់រង្វាន់លើកទីពីរសម្រាប់អ្នកណែនាំរោងការ ក្នុងគោលបំណងថ្លែងអំណរគុណ និងបង្ហាញពីការយកចិត្តទុកដាក់ខ្ពស់របស់ក្រុមហ៊ុនចំពោះអ្នកដែលបានណែនាំរោងការឱ្យជាវស្រាបៀរ Heineken, Tiger, ABC, Anchor, Gold Crown និង Gold Crown Stout សម្រាប់កម្មវិធីអាពាហ៍ពិពាហ៍។ កម្មវិធីចាប់រង្វាន់នេះបានធ្វើឡើងនៅក្នុងកម្មវិធី Anchor Fun Zone របស់ទូរទស្សន៍ PNN ដោយមានការចូលរួមពីថ្នាក់គ្រប់គ្រងក្រុមហ៊ុន ភ្ញៀវកិត្តិយស និងអ្នកសារព័ត៌មានជាច្រើន។

    ក្នុងការចាប់ឆ្នោតលើកទីពីរនេះ អ្នកណែនាំរោងការចំនួនបីនាក់ មានសំណាងបានឈ្នះរង្វាន់រ៉ឺម៉កកង់បី ដែលមានបិទស្លាកសញ្ញាស្រាបៀរអាន់ឆ័រយ៉ាងស្រស់ស្អាតជាមួយនឹងស្រាបៀរអាន់ឆ័រដប ៨០កេស។

    អ្នកមាន​សំណាងទាំងបីនាក់គឺ៖

    លេខឈ្មោះអ្នកឈ្នះរង្វាន់លេខទូរស័ព្ទខេត្ត/ក្រុង
    1ជា សុអាន092 ​​660 ​168ភ្នំពេញ
    2សាំង ហុក012​ 924 453សៀមរាប
    3អេង ហ៊ាង012 885 494កំពង់ចាម

    សូមកុំទាន់អាល់អស់សង្ឃឹម ព្រោះនៅមានការចាប់រង្វាន់ចំនួនមួយលើកទៀតនៅខែកក្កដា ឆ្នាំ ២០១៧ ខាងមុខនេះ ដូច្នេះសូមប្រញាប់ណែនាំរោងការឲ្យជាវស្រាបៀរ Heineken, Tiger, ABC, Anchor, Gold Crown និង Gold Crown Stout សម្រាប់កម្មវិធីអាពាហ៍ពិពាហ៍។

    បន្ថែមពីនេះទៀតលោកអ្នកក៏អាចមានឱកាសឈ្នះរង្វាន់រថយន្តដឹកទំនិញខ្នាតតូចជាមួយស្រាបៀរអាន់ឆ័រដប ចំនួន ១៥០ កេសសម្រាប់អ្នកណែនាំរោងការរូបណាដែលបានណែនាំរោងការច្រើនជាងគេ។ ដើម្បីចូលរួមកម្មវិធីឈ្នះរង្វាន់លើកទឹកចិត្តសម្រាប់អ្នកណែនាំរោងការនេះ ម្ចាស់ហាងលក់ភេសជ្ជៈ អ្នកផ្គត់ផ្គង់ម្ហូប (ចុងភៅ) ដេប៉ូចែកចាយ មិត្តភ័ក្តិ និង អ្នកផ្សេងទៀត គ្រាន់តែណែនាំស្រាបៀររបស់ក្រុមហ៊ុន ដូចជាស្រាបៀរ Heineken, Tiger, ABC, Anchor, Gold Crown និង Gold Crown Stout ក្នុងកម្មវិធីអាពាហ៍ពិពាហ៍ និង ធ្វើការចុះឈ្មោះមកកាន់ក្រុមការងារបម្រើសេវាអតិថិជនរបស់ក្រុមហ៊ុនយើងខ្ញុំតាមរយៈលេខទូរស័ព្ទ 011 222 400 / 011 333 500 ជាការស្រេច។

    សម្រាប់ព័ត៌មានបន្ថែម សូមទំនាក់ទំនងមកលេខ៖ 011 222 400 / 011 333 500 ។

    ពិសាដោយការទទួលខុសត្រូវ

  • ក្រុមនិស្សិតប្រមាណ ១០០នាក់ នឹងរៀបចំដំណើរទស្សនកិច្ចសិក្សាក្រោមអត្ថន័យមនុស្សធម៌ សង្គម និងបរិស្ថាន

    ក្រុមនិស្សិតប្រមាណ ១០០នាក់ នឹងរៀបចំដំណើរទស្សនកិច្ចសិក្សាក្រោមអត្ថន័យមនុស្សធម៌ សង្គម និងបរិស្ថាន

    ក្រុមនិស្សិតនៃដេប៉ាតឺម៉ង់វិទ្យាសាស្ត្រសេដ្ឋកិច្ច និងគ្រប់គ្រងជាភាសាបារាំងជំនាន់ទី២៣, ២៤ និង២៥ នៃសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ប្រមាណ ១០០នាក់ នឹងធ្វើការរៀបចំគម្រោងដំណើរទស្សនកិច្ចសិក្សា ក្រោមអត្ថន័យមនុស្សធម៌ សង្គម និងបរិស្ថាន ទៅកាន់រមណីយដ្ឋានវីគិរីរម្យ ខេត្តកំពង់ស្ពឺ និងខេត្តព្រះសីហនុចាប់ពីថ្ងៃទី០៤ ដល់ ០៦ ខែឧសភា ឆ្នាំ២០១៧។

    ដំណើរទស្សនកិច្ចសិក្សានេះ ត្រូវបានរៀបចំឡើងក្រោមប្រធានបទ “Feel the Green, Feel the Warmth” ក្នុងអត្ថន័យបង្កើតក្ដីស្រឡាញ់ចំពោះធម្មជាតិ ថែរក្សាបរិស្ថាន និងផ្តល់ភាពកក់ក្ដៅតាមរយៈសាមគ្គីភាពរវាងគ្នា និងគ្នា។ ដោយទទួលបានការគាំទ្រយ៉ាងពេញទំហឹងពីក្រសួងទេសចរណ៍ និងក្រសួងអប់រំ យុវជន និងកីឡា ទស្សនកិច្ចសិក្សារយៈពេល ៣ថ្ងៃនេះ នឹងប្រព្រឹត្តឡើងដោយមានសកម្មភាពមួយចំនួនដូចជា៖ ការសំអាតតាមបណ្តោយឆ្នេរ និងការរាំជាក្រុមទ្រង់ទ្រាយធំ (Flash mob)។ គោលបំណងចម្បងគឺដើម្បីបង្ហាញពីតួនាទីយុវជនកម្ពុជាក្នុងការចូលរួមចំណែកដោះស្រាយបញ្ហាបរិស្ថាន និងផ្ដល់ជាសារក្រើនរំលឹកស្តីពីការថែទាំបរិស្ថានដល់បងប្អូនប្រជាពលរដ្ឋនៅតាមតំបន់ទេសចរណ៍នៃព្រះរាជាណាចក្រកម្ពុជា ជាពិសេសនៅតាមតំបន់ឆ្នេរ។

    លើសពីនេះទៀត ក្រុមនិស្សិតនឹងរៀបចំផងដែរនូវការប្រគំតន្តី្រខ្នាតតូចនៅលើឆ្នេរអូរឈើទាល ដោយមានវត្តមាននៃការចូលរួមទស្សនាផ្ទាល់ពីភ្ញៀវទេសចរជាតិ និងអន្តរជាតិ ការតាំងពិព័រណ៍សម្ភារៈកែច្នៃឡើងវិញដោយស្នាដៃរបស់ក្រុមនិស្សិតផ្ទាល់ និងសកម្មភាពចម្បងមួយទៀតដែលជាសូចនករនៃការបង្កើតកម្មវិធីនេះ គឺការដាំដើមកោងកាងក្នុងគោលបំណងលើកស្ទួយ និងអភិរក្សតំបន់ឡូត៌នេសាទនៅតាមតំបន់ឆ្នេរនៃព្រះរាជាណាចក្រកម្ពុជា ដែលជាប្រភពចំណូលដ៏សំខាន់របស់ប្រជាពលរដ្ឋនៅក្នុងសហគមន៍។

    ក្រៅពីសកម្មភាពបរិស្ថាន ដំណើរទស្សនកិច្ចនេះក៏ផ្តោតលើកិច្ចការមនុស្សធម៌ផងដែរ។ ក្រុមនិស្សិតនឹងនាំយកនូវថវិកា ស្បៀងអាហារ សម្ភារៈសិក្សា និងសម្លៀកបំពាក់ក្នុងគោលបំណងបរិច្ចាគជូនក្មេងកំព្រា និងសិស្សក្រីក្រនៅអង្គការ “រួមដៃគ្នាដើម្បីក្តីសង្ឃឹម” ឬ “Give a Hand for Hope Organization” ដែលស្ថិតនៅក្នុងខេត្តកំពង់ស្ពឺ។

    មកទល់បច្ចុប្បន្ននេះ យើងទទួលបានការឧបត្ថម្ភធំពីក្រុមហ៊ុន MyPhsar.com រួមទាំងការសហការឧបត្ថម្ភដោយក្រុមហ៊ុនមួយចំនួនទៀត ដូចជា៖ Toyota (Cambodia), vKirirom Pine Resort, Huawei Mobile, PastaMania Cambodia, Coca Cola, Vodka Cruiser, BookingSentral និង La Reine Peanich៕


  • ក្រុមហ៊ុនអ៊ីស៊ូហ្ស៊ុចូលរួមក្នុងព្រឹត្តិការណ៍បើកបរដោយសុវត្ថិភាព

    ក្រុមហ៊ុនអ៊ីស៊ូហ្ស៊ុចូលរួមក្នុងព្រឹត្តិការណ៍បើកបរដោយសុវត្ថិភាព

    ក្រុមហ៊ុន ទ្រី ផេដ អ៊ីស៊ូហ្ស៊ុ សេល ខូអិលធីឌី ដែលជាក្រុមហ៊ុនចែកចាយរថយន្ត Isuzu ភីកអាប់ និងរថយន្ត Isuzu SUV នៅក្នុងប្រទេសកម្ពុជា បានរៀបចំព្រឹត្តិការណ៍ “Fresh Free Fun” ដើម្បីលើកកម្ពស់ការបើកបរប្រកបដោយសុវត្ថិភាព និងផ្តល់ជូនភាពរីករាយដល់អ្នកដំណើរតាមដងផ្លូវទៅកាន់ខេត្តព្រះសីហនុ នាឱកាសបុណ្យចូលឆ្នាំថ្មីប្រពៃណីខ្មែរចាប់ពីថ្ងៃទី១២ ដល់ថ្ងៃទី១៣ ខែមេសា ឆ្នាំ២០១៧។

    ព្រឹត្តិការណ៍នេះបានប្រារព្ធធ្វើឡើងនៅទីកន្លែងសម្រាប់យានយន្តឈប់សម្រាក នៅទីតាំងលោកយាយម៉ៅ (ពេជ្រនិល) តាមបណ្តោយផ្លូវជាតិលេខ4 ដែលក្រុមហ៊ុនអ៊ីស៊ូហ្ស៊ុបានរៀបចំចែកជូនភេសជ្ជៈដល់អ្នកបើកបរសម្រាប់ពិសាដើម្បីបង្កានូវភាពហេវហត់ និងអស់កម្លាំងដែលបណ្តាលមកពីការធ្វើដំណើរផ្លូវឆ្ងាយ។

    ក្រុមហ៊ុនអ៊ីស៊ូហ្ស៊ុ ក៏បានផ្តល់ជូននូវភាពរីករាយ និងការកម្សាន្តនានាជូនដល់សាធារណៈជនទូទៅផងដែរ រួមមានល្បែងកម្សាន្ត និងសកម្មភាពនានានៅតាមស្តង់របស់ក្រុមហ៊ុនអ៊ីស៊ូហ្ស៊ុ ព្រមទាំងផ្តល់ជូនវត្ថុអនុស្សាវីយ៍ជាច្រើនដើម្បីជាសក្ខីភាពបញ្ជាក់អំពីការរៀបចំព្រឹត្តិការណ៍នេះ ដែលមានអ្នកចូលរួមសរុបជាង 4000នាក់។ សូមស្វែងយល់ព័ត៌មានបន្ថែមតាមរយៈគេហទំព័រ https://www.isuzucambodia-tis.com ឬតាមរយៈក្រុមហ៊ុនចែកចាយអ៊ីស៊ូហ្ស៊ុ ខេ (ខេមបូឌា) ខូ អិលធីឌី នៅរាជធានីភ្នំពេញ ទូរសព្ទលេខ 023 950 084៕

  • ឆ្នោតមហាលាភបានបើកសម្ពោធជាផ្លូវការនៅរាជធានីភ្នំពេញ

    ឆ្នោតមហាលាភបានបើកសម្ពោធជាផ្លូវការនៅរាជធានីភ្នំពេញ

    មហាលាភ​ឡូតូ​បាន​បើកសម្ពោធ​ឆ្នោត​ថ្មី​របស់ខ្លួន​ជា​ផ្លូវការ​នៅថ្ងៃនេះ​ក្នុងប្រទេស​កម្ពុជា។ ឆ្នោត​មហាលាភ​គឺជា​ប្រព័ន្ធ​ឆ្នោត​ថ្មី​ដែល​ផ្តល់អោយ​នូវ​ភាព​សុក្រឹត​ទៅកាន់​ប្រជាជន​កម្ពុជា​ទាំងអស់​ក្នុងការ​ឈ្នះ ដើម្បី​មានឱកាស​អាច​ផ្លាស់ប្តូរ​កម្រិតជីវភាព​របស់​ពួកគាត់។

    ការចាប់​ឆ្នោត​ជា​លើកដំបូង​នឹង​ប្រ​ព្រិ​ត្តិ​ទៅ​នៅ​ម៉ោង 4:45 រសៀល​ថ្ងៃទី 2 ខែឧសភា​ជាមួយ​រង្វាន់​ធំ Jackpot ចំនួន 300 លាន​រៀល ឬ $75,000 ។ រៀងរាល់ថ្ងៃ​បើ​គ្មាន​អ្នកឈ្នះ​រង្វាន់​ធំ​នេះ​នឹង​បូក​បញ្ចូល​ទៅ​ថ្ងៃ​ចាប់​បន្ទាប់​ទៀត​ជាមួយ​ទឹកប្រាក់ 2 លាន​រៀន ឬ 500 បន្ថែម។

    នាយក​ផ្នែក​ប្រតិបត្តិ​របស់​ក្រុមហ៊ុន​មហាលាភ​ឡូតូ លោក ផូង វ៉ាន់​ហាច​ បាន​មានប្រសាសន៍ថា៖ ក្រុមការងារ​របស់លោក​បានធ្វើការ​ច្រើន​ខែ​មក​ហើយដោយ​ចុះទៅ​ស្រាវជ្រាវ​ស្វែងយល់​ពី​មតិយោបល់​អ្នកលេង​ឆ្នោត​ទាំងអស់​ទូទាំងប្រទេស។ យើង​ទទួលស្គាល់ថា​ការលេង​ឆ្នោត​មាន​សន្ទុះ​ខ្លាំង​ទាំង​នៅ​ទីក្រុង​និង​តាម​ទីជនបទ​វា​បាន​ទាក់ទាញ​ចំណាប់អារម្មណ៍​អ្នកលេង​គ្រប់​វ័យ​និង​គ្រប់​ស្រទាប់វណ្ណៈ។ ប៉ុន្តែ​យើង​បាន​រកឃើញថា​ទំនុកចិត្ត និង​តម្លាភាព​គឺជា​បញ្ហា​មួយ​ដែល​អតិថិជន​លេងឆ្នោត​ចង់បាន​ក្នុង​ការលេង​របស់​ពួកគាត់។

    លោក​មានប្រសាសន៍​ទៀតថា៖ មហាលាភ​បាន​ដោះស្រាយ​កង្វល់​ទាំងនេះ ដោយ​ប្រើ​បច្ចេកវិទ្យា​ថ្មី ដើម្បី​សុវត្ថិភាព និង​បាន​បញ្ជាក់ទៀតថា​គ្រប់ការ​ចាប់ឆ្នោត​ទាំងអស់​ត្រូវធ្វើ​ការផ្សាយ​បន្ត​ផ្ទាល់​តាម​ទូរទស្សន៍ CTN ជា​រៀងរាល់ថ្ងៃ​នៅវេលា​ម៉ោង 4:45 រសៀល​ជាមួយ​គណៈកម្មាធិការ​ចាប់​ឆ្នោត។ អ្នកលេង​ឆ្នោត​អាច​លេង​បាន​នៅ​គ្រប់​សាខា​វី​ង​ទាំងអស់​បច្ចុប្បន្ន​មាន 2500 សាខា​ហើយនឹង​ឈានទៅដល់ 4800 សាខា​វី​ង​ទូទាំងប្រទេស​រួម​តែមួយ​នៅ​ចុងខែ​ឧសភា​នេះ ពួកយើង​នឹង​ផ្តល់​សេវាកម្ម​ជាច្រើន​ទៅលើ​ឆ្នោត​ប្រកបដោយ​បច្ចេកទេស​ទំនើប​ដល់​អ​តិ​ថិ​ជន​ទាំងអស់​ដែលមាន​ភាពត្រឹមត្រូវ​និង​តម្លាភាព។

    លោក​ ផូង ​វ៉ាន់​ហាច​ បាន​ថ្លែងថា៖«ពួកយើង​នឹង​ផ្តល់នូវ​លទ្ធផល​ជាក់លាក់​និង​មិន​លំអៀង​ក្នុងការ​ចាប់ឆ្នោត​សំរាប់​អតិថិជន​របស់​យើង។ សេចក្តីប្រាថ្នា​រួម​របស់​យើង គឺ​ដើម្បីឱ្យ​ក្លាយទៅជា​ក្រុមហ៊ុន​ផ្តល់​សេវាកម្ម​លេងឆ្នោត​ឈានមុខ​នៅ​កម្ពុជា​ដើម្បី​កសាង​កេរ្តិ៍ឈ្មោះ​និង​ភាពជឿជាក់។យើង​នឹង​ផ្តោតលើ​គោលដៅ​របស់​យើង​ដូចដែល​យើង​បាន​បង្កើត​ឆ្នោត​នេះ​ឡើង»។

    លោក ​ផូង​ វ៉ាន់​ហាច ​បានឱ្យដឹង​ផងដែរ​ថា​ឆ្នោត​មហាលាភ​ត្រូវបាន​វិនិយោគ​និង​គ្រប់គ្រង​ដោយ​ជនជាតិខ្មែរ​មិនតែប៉ុណ្ណោះ​ឆ្នោត​មហាលាភ​នឹង​ផ្តល់​មូលនិធិ​មួយ​ភាគ​នៃ​ប្រាក់ចំណេញ​របស់ខ្លួន​ដល់​មន្ទីរពេទ្យ​ដើម្បី​កែលម្អ​និង​ការថែទាំ​សុខភាព​នៅតាម​តំបន់។ យើង​កំពុងតែ​អនុវត្ត​ផែនការ​និង​ធ្វើការ​វាយតម្លៃថា​តើ​សេវា​កម្មនេះ​ត្រូវការ​អ្វី​ជា​ចម្បង​និង​ធ្វើ​នៅ​តំបន់​ណា។

    ឆ្នោត​នេះ​គឺ​ងាយស្រួល​ក្នុង​ការលេង​ជាមួយ​តម្លៃ​ល្អប្រសើរ​ជាង​មុន។ ដើម្បី​ឈ្នះឆ្នោត​នេះ​អតិថិជន​គ្រាន់តែ​ចំណាយ​ត្រឹមតែ 1000 រៀល​ក្នុង​មួយ​ខ្សែ។ អតិថិជន​មាន​ជម្រើស​ក្នុងការ​ជ្រើសរើស​លេខរ​បស់​ខ្លួន​ឬ​អាចឱ្យ​ម៉ាស៊ីន​ជ្រើសរើស​ជំនួស​ក៏បាន។ យើង​មាន​វិធី​ជាច្រើន​ដើម្បី​ឈ្នះឆ្នោត​គឺ៖

    • ឈ្នះ​ទឹកប្រាក់ 80,000 រៀល​ប្រសិនបើ​ត្រូវ​លេខ 3 ខ្ទង់​ចុងក្រោយ
    • ឈ្នះ​ទឹកប្រាក់ 800,000 រៀល​ប្រសិនបើ​ត្រូវ​លេខ 4 ខ្ទង់​ចុងក្រោយ
    • ឈ្នះ​ទឹកប្រាក់ 8 លាន​រៀល​ប្រសិនបើ​ត្រូវ​លេខ 5 ខ្ទង់​ចុងក្រោយ
    • ឈ្នះ Jackpot 300 លាន​រៀល​ប្រសិនបើ​ត្រូវ​លេខ 6 ខ្ទង់​ចុងក្រោយ

     

  • ទូរទស្សន៍ LG’S HDR UHD TV ជំរុញទៅដោយបច្ចេកវិជ្ជា NETFLIX សម្រាប់បង្កើនបទពិសោធន៍ទិដ្ឋភាពល្អគ្មានគូរប្រៀប

    ទូរទស្សន៍ LG’S HDR UHD TV ជំរុញទៅដោយបច្ចេកវិជ្ជា NETFLIX សម្រាប់បង្កើនបទពិសោធន៍ទិដ្ឋភាពល្អគ្មានគូរប្រៀប

    ទូរទស្សន៍សេរ៊ីថ្មីបំផុតរបស់ LG ត្រូវបានរចនានិងឆ្នៃប្រឌិតឡើងជាមួយបច្ចេកវិជ្ជា Netflix។ ការវាយតម្លៃបានទទួលស្គាល់ទូរទស្សន៍របស់ LG ដែលជំរុញទៅដោយបច្ចេកវិជ្ជា Netflix បានផ្តល់នូវការប្រើប្រាស់ដ៏ល្អឥតខ្ចោះនិងបទពិសោធន៏នៃការទស្សនាល្អវិសេសអស្ចារ្យ។

     ទូរទស្សន៍របស់ LG បានទទួលជោគជ័យលើដំណើរការវាយតម្លៃយ៉ាងតឹងរឹងលើកត្តាដែលសំខាន់បំផុតសម្រាប់អ្នកប្រើប្រាស់ ដូចជាភាពងាយស្រួលនៃការដំណើរការ និងល្បឿននៃការប្រើប្រាស់ អ្វីដែលពិសេសគឺប្រតិបត្តិការ webOS 3.5 ដែលបំពាក់នៅលើទូរទស្សន៍។ សម្រាប់ពេលដំបូង LG’s 2017 UHDLG UHD បានបំពាក់ ប៊ូតុង Netflix នៅលើតេឡេរបស់វា ដែលអាចធ្វើឱ្យអ្នកប្រើប្រាស់អាចបញ្ជាបើកនៅលើទូរទស្សន៍ និងបើកដំណើរការ Netflix ផងដែរ ជាមួយនឹងការចុចប៊ូតុងតែមួយ។

    ទូរទស្សន៍របស់ LG ស៊េរីឆ្នាំ 2017 ត្រូវបានបំពាក់ទៅដោយបច្ចេកវិទ្យា 4K HDR (High Definition Range) អនុញ្ញាតឱ្យ Netflix នៅក្នុង 4K HDR ទៅបង្កើតគុណភាពរូបភាពឱ្យកាន់តែច្បាស់ល្អ និងបន្ថែមនូវពណ៌រូបភាពឱ្យកាន់តែខ្លាំង។ LG បានប្រាកដថាសម្រាប់ឆ្នាំ 2017 ។ ទូរទស្សន៏របស់ LG និងជំរុញយ៉ាងពេញទំហឹងជាមួយនឹង HDR ដើម្បីទៅបង្កើតទស្សនីយភាពអោយកាន់តែមានពន្លឺល្អ និងស្រមោលដ៏អស្ចារ្យានៅពេលដំណើរការ HDR រួមទាំង Dolby Vision, HDR10 និង HLG។

    លោក Brian Kwon ប្រធានក្រុមហ៊ុន LG Electronics Home Entertainment បានមានប្រសាសន៍ថា: វាមិនមែនជារឿងចម្លែកទេដែលទូរទស្សន៍ស៊េរីឆ្នាំ 2017 របស់យើងត្រូវបានទទួលស្គាល់ថាជាទូរទស្សន៍ Netflix Recommended TVs។ ដោយសារតែការទទួលស្គាល់បែបនេះហើយ ទើបយើងនៅតែបន្តស្វែងរកមធ្យោបាយដើម្បីធ្វើឱ្យទូរទស្សន៍ Smart TV កាន់តែដំណើរការបានលឿនជាងមុន, ងាយស្រួលដំណើរការ 4K HDR និងធ្វើឱ្យអ្នកប្រើប្រាស់កាន់តែទទួលបាននៅបទពិសោធន៍យ៉ាងសប្បាយរីករាយជាមួយការទស្សនា។

    បើយោងតាមប្រសាសន៍របស់លោក លោក Scott Mirer អនុប្រធានក្រុមហ៊ុន Device Partner Ecosystem at Netflix បានឱ្យដឹងថា៖ LG បានក្លាយជាក្រុមហ៊ុននាំមុខគេក្នុងការផ្តល់ឱ្យនូវការដំណើរការ Netflix ដ៏ល្អឥតខ្ចោះ។ ទូរទស្សន៍ Netflix Recommended LG’s 2017 និងនៅតែបន្តភាពជាអ្នកដឹកនាំ និងផ្តល់ជូនអតិថិជនជាមួយនឹងបទពិសោធន៍ Netflix កាន់តែល្អប្រសើរជាងមុន។

    ផលិតផលថ្មីៗទាំងអស់នេះនឹងមានវត្តមាននៅក្នុង LG BrandShop គ្រប់សាខាទាំងអស់នៅពេលឆាប់ៗនេះ។
    LG BrandShop ទំនិញមានគុណភាព តំលៃសមរម្យ សេវាកម្មល្អ
    ពត៌មានបន្ថែម 023 222 699/ 023 888 299

  • ស្រាបៀរ HEINEKEN រៀបចំកម្មវិធី POOL PARTY នៅក្លិប DIB

    ស្រាបៀរ HEINEKEN រៀបចំកម្មវិធី POOL PARTY នៅក្លិប DIB

    ភ្នំពេញ៖ ស្រាបៀរ Heineken បានប្រកាសកិច្ចសហការពិសេសមួយរវាង Studio 54 និងទីភ្នាក់ងារ Code Red ក្នុងការរៀបចំកម្មវិធីជប់លៀងមួយដែលមានឈ្មោះថា Las Vegas Style Pool Party នៅក្លិប DIB (Dara Independence Beach Club) នៅកោះពេជ្រ នៅថ្ងៃសៅរ៍ទី 29  ខែមេសានេះ។

    ស្រាបៀរ Heineken ដែលជាស្រាបៀរគុណភាពលំដាប់ថ្នាក់លេខ១ក្នុងពិភពលោកនឹងឧបត្ថម្ភកម្មវិធី Pool Party ជាលើកទីពីរនៅក្នុងព្រះរាជាណាចក្រកម្ពុជា ដែលនឹងប្រារព្ធធ្វើឡើងនៅត្រើយទន្លេមេគង្គ ដែលជាអាងហាលទឹកធំជាងគេក្នុងរាជធានីភ្នំពេញ។

    លោក Bert Evans  គឺជាឌីជេកូនកាត់សញ្ជាតិអង់គ្លេស និងហុងឌូរ៉ាស  ដែលបានចាប់ផ្តើមសម្តែងនៅក្នុងពិធីជប់លៀង “Block Parties” នៅក្នុងទីក្រុងញូវយ៉ក – បន្ទាប់មកលោកសម្តែងជាបន្តបន្ទាប់នៅបណ្តាក្លិបល្បីៗផ្សេងទៀតនៅទីក្រុងញូវយ៉កដូចជា Studio 54, Paradise Garage និង Xenon ។ លោកក៏ជាឌីជេដំបូងប្រចាំ Ministry Of Sound នៅភាគខាងត្បូងនៃទីក្រុងឡុងដ៍។​ លោក Bert Evans នឹងធ្វើជា​ម្ចាស់ផ្ទះព្រឹត្តិការណ៍នេះ និងនាំយកតន្ត្រីអេឡិចត្រូនិកអន្ដរជាតិចម្រុះផ្ទាល់ខ្លួនរបស់លោកមកកាន់ព្រះរាជាណាចក្រអច្ឆរិយៈរួមជា​មួយនឹងតន្ត្រីករមានទេពកោសល្យចម្រុះពូជសាសន៍ល្បីៗពេញនិយមជាច្រើនរូបដូចជា៖

    • DJ SEQUENCE (ហុងគ្រី)
    • DJ BLAZIN (ចក្រភពអង់គ្លេស)
    • WATT’S UP (បារាំង)
    • B FOX (KIMCHI COLLECTIVE)
    • SAINT VINCENT (បារាំង)
    • ROB BIANCHE (អូស្រ្តាលី)
    • BERT EVANS (ចក្រភពអង់គ្លេស)

    កម្មវិធី Pool Party នឹងបើកនៅម៉ោង 1 រសៀល   និងបន្តរហូតដល់ម៉ោង 12 យប់នៅក្លិប DIB នៅពីក្រោយសាលកោះពេជ្រ នៅជិតក្លិបវាយកូនហ្គោល HUIONE ។ តម្លៃសំបុត្រចូលរួមកម្មវិធីនេះគឺ 8 ដុល្លារ មានថែមជូនស្រាបៀរ Heineken មួយកំប៉ុង។

    សូមជម្រាបថា កម្មវិធីនេះអនុញ្ញាតឱ្យចូលរួមចំពោះអ្នកដែលមានអាយុចាប់ពី ១៨ ឡើងទៅ។

    ដើម្បីកក់កន្លែង VIP ឬទទួលបានព័ត៌មានបន្ថែមសូមទាក់ទងមកលេខ៖012 810 789  ឬ 01755 9000 ឬ ចូលទៅកាន់ទំព័រហ្វេសប៊ុក៖

    https://www.facebook.com/events/922050877936607/?ti=icl

    Heineken – Open Your World

    សូមពិសាស្រាបៀរ  Heineken ដោយទទួលខុសត្រូវ