Category: PR

  • ពិព័រណ៍ សម្ភារសំណង់ ស្ថាបត្យកម្ម ឆ្នាំនេះទទួលបានជោគជ័យខ្លាំង

    ពិព័រណ៍ សម្ភារសំណង់ ស្ថាបត្យកម្ម ឆ្នាំនេះទទួលបានជោគជ័យខ្លាំង

    កាលពីថ្ងៃថ្ងៃទី 08 ដល់ 10 មិថុនាឆ្នាំ 2017 កន្លងទៅនេះ នៅអាគារសន្និបាត និងពិព័រណ៍កោះពេជ្រ (DIECC) គឺមានការរៀបចំតាំងពិព័រណ៍ សម្ភារសំណង់ ស្ថាបត្យកម្ម ការរចនាផ្ទៃក្នុង គ្រឿងសង្ហារឹម និងការរចនា ចំនួនស្តង់ដាក់បង្ហាញមានចំនួន 90 និងអ្នកចូលរួមទស្សនាមានចំនួន 4309នាក់ជាពិសេសគឺត្រូវបានបញ្ចប់ទៅយ៉ាងរលូន ប្រកបដោយភាពជោគជ័យលើគ្រប់ផ្នែកទាំងអស់។

    ពិព័រណ៍នេះ មានការអញ្ជើញចូលរួមជាកិត្តិយសក្រោមអធិបតីភាពរបស់ ឯកឧត្ដម ភឿង សុភ័ណ្ឌ រដ្ឋលេខាធិការនៃក្រសួងរៀបចំដែនដីនគរូបនីយកម្ម និងសំណង់នៃព្រះរាជាណាចក្រកម្ពុជា និងជាអគ្គលេខាធិការនៃក្រុមប្រឹក្សាភិបាលស្ថាបត្យករកម្ពុជា។

    ពិព័រណ៍នេះក៏មានការអញ្ជើញចូលរួមជាភ្ញៀវកិត្តិយសផងដែរពីសំណាក់ភ្ញៀវវីអាយភី រួមមាន លោកស្រី Ek-on Khunacharoen ទីប្រឹក្សារដ្ឋមន្រ្តី និងលោក Jiravuth Suwanana Aran ទីប្រឹក្សារដ្ឋមន្រ្តីពាណិជ្ជកម្មនៃស្ថានទូតថៃ លោកបណ្ឌិត ស៊ិន សុជាតិ ប្រធានសមាគមស្ថាបត្យកម្មកម្ពុជា (CSA) លោក Kriengkarn Kanjanapokin ជាសហនាយកប្រតិបត្តិនៃក្រុមហ៊ុន Index Creative Village និង ជាក្រុមហ៊ុនគោលរបស់ក្រុមហ៊ុន ICVeX និងលោក Ajinveat Vongthong ប្រធានគម្រោងមកពីក្រុមហ៊ុន ICVeX រួមជាមួយអ្នកកាសែតជាតិ និងអ្នកកាសែតអន្តរជាតិ និងអ្នកឯកទេសក្នុងផ្នែកឧស្សាហកម្មជាច្រើនទៀត។

    ពិធីតាំងពិព័រណ៍ពាណិជ្ជកម្មតែមួយគត់នេះ បានផ្តល់ជូននូវឱកាសអាជីវកម្ម និងការបង្កើតបណ្តាញសម្រាប់ស្ថាបត្យករ អ្នករចនាផ្ទៃក្នុង អ្នកអភិវឌ្ឍន៍អចលនទ្រព្យ អ្នកជំនាញផ្នែកសំណង់ ពាណិជ្ជករ និងអ្នកចែកចាយ។ កម្មវិធីនេះក៏ជាឱកាសពិសេសផងដែរដើម្បីធ្វើអាជីវកម្ម និងអាចស្វែងរកប្រភពសម្ភារផ្សេងៗ ដោយផ្ទាល់ជាមួយក្រុមហ៊ុនផលិត និងអ្នកចែកចាយធំ ៗ មកពីជាង 150 ក្រុមហ៊ុនក្នុងស្រុក និងអន្តរជាតិដែលមកពីប្រទេសចិន កូរ៉េ អ៊ីតាលី មីយ៉ាន់ម៉ា សិង្ហបុរី ថៃ និងវៀតណាម។ វាជាឱកាសដ៏ល្អសម្រាប់អ្នកតាំងពិព័រណ៍ជាច្រើនដើម្បីដាក់បង្ហាញនូវផលិតថ្មី និងការរចនាថ្មីរបស់ពួកគេនៅក្នុងប្រទេសកម្ពុជា។

    ការតាំងពិព័រណ៍ដែលមានរយៈពេល 3ថ្ងៃនេះ បានស្វាគមន៍ដល់ភ្ញៀវជាច្រើនចំនួន 4309នាក់ (77% នៃភ្ញៀវទេសចរដែលបានចូលរួមក្នុងការសម្រេចចិត្តទិញ) ដែលកើនឡើង 23% បើប្រៀបធៀបទៅនឹងឆ្នាំ 2016 ដែលមានចំនួន 95,8% នៃភ្ញៀវទេសចរក្នុងស្រុក (កម្ពុជា) និង 4,2% នៃភ្ញៀវអន្តរជាតិមកពីបណ្តាប្រទេសដូចជា ប្រទេសចិន បារាំង ឥណ្ឌា ឥណ្ឌូនេស៊ី ជប៉ុន ម៉ាឡេស៊ី ហ្វីលីពីន កូរ៉េខាងត្បូង សិង្ហបុរី ស្វីស តៃវ៉ាន់ ថៃ សហរដ្ឋអាមេរិក និងវៀតណាម៕

  • ក្នុងឱកាសគម្រប់ខួប2 ឆ្នាំ ក្រុមហ៊ុន SEATEL ចែកទូរស័ព្ទ Smartphone 4G ឥតគិតថ្លៃ

    ក្នុងឱកាសគម្រប់ខួប2 ឆ្នាំ ក្រុមហ៊ុន SEATEL ចែកទូរស័ព្ទ Smartphone 4G ឥតគិតថ្លៃ

    ភ្នំពេញ៖ ក្រុមហ៊ុន SEATEL (South East Asia Telecom Group Ltd) ដែលជាក្រុមហ៊ុនវិនិយោគលើសេវា Internet និងទូរគមនាគមន៍ចល័ត គឺជាក្រុមហ៊ុនដំបូងគេបង្អស់ ដែលបាននាំចូលអ៊ិនធឺណែតដែលមានល្បឿនលឿនបំផុត 4G VoLTE មកចូលប្រទេសកម្ពុជា។ ត្រឹមតែរយៈពេល2ឆ្នាំ នៃប្រតិបត្តិការនៅក្នុងប្រទេសកម្ពុជា SEATEL បានទទួលការគាំទ្រពីអតិថិជនជាច្រើន ដែលផ្តល់សេចក្តីទុកចិត្តថា ទិន្នន័យអ៊ិនធឺណែត 4G VoLTE របស់ក្រុមហ៊ុននេះ ពិតជាមានល្បឿនលឿន មិនទាស់ចិត្ត បើទោះបីជា នៅទីកន្លែងណាក៏ដោយ ព្រោះ SEATEL មានសេវាគ្របដណ្តប់ទូទាំងព្រះរាជាណាចក្រកម្ពុជា។

    នៅក្នុងឱកាសនៃគម្រប់ខួប 2ឆ្នាំ នៃដំណើរការនៅក្នុងប្រទេសកម្ពុជា ក្រុមហ៊ុន Seatel បានបង្កើត Promotion ពិសេសមួយ ដើម្បីអរគុណដល់អតិថិជនទាំងអស់ ដែលគាំទ្រសេវារបស់ក្រុមហ៊ុន ដោយអតិថិជនគ្រាន់តែអញ្ជើញមកកាន់ Showroom របស់ក្រុមហ៊ុន ឬមកកាន់ហាង SEATEL ដែលនៅជិតបំផុតនោះ អតិថិជននឹងបានទទួល Smartphone 4G មួយដោយឥតគិតថ្លៃ ដោយគ្រាន់តែជាវកញ្ចប់ទិន្នន័យ និងការផ្តល់ឥណទាននៃការហៅចេញ ដោយចំណាយត្រឹម 49ដុល្លារប៉ុណ្ណោះ។

    លោក Han Hanchou អគ្គនាយករបស់ក្រុមហ៊ុន SEATEL បានមានប្រសាសន៍ថា “ ដោយមើលឃើញថា បច្ចុប្បន្ន មានអតិថិជនជាច្រើនទាំងនៅទីក្រុង និងជនបទនិយមប្រើប្រាស់សេវាអ៊ិនធឺណែត ជាពិសេសនោះ គឺយុវជន ដូច្នេះហើយ ទើបក្នុងឱកាសគម្រប់ខួប2 ឆ្នាំ ក្រុមហ៊ុន SEATEL បានបង្កើតកម្មវិធីផ្តល់ជូនពិសេសនេះឡើង ដើម្បីបំពេញចិត្តអតិថិជនទាំងអស់ ដោយការចែកជូនទូរស័ព្ទ Smartphone ដោយឥតគិតថ្លៃ។

    តាមរយៈការផ្តល់ជូនពិសេសនេះ អតិថិជន SEATEL ទាំងអស់នឹងលែងបារម្ភពីការប្រើប្រាស់អ៊ិនធឺណែតរអាក់រអួលទៀតហើយ ទោះជាពួកគាត់នៅទីណាក៏ដោយ ” ។

    លោកអគ្គនាយកបានបន្តទៀតថា ការផ្តល់ជូនទូរស័ព្ទSmart Phone V8 ដោយឥតគិតថ្លៃនេះ គឺមានភ្ជាប់កញ្ចប់ទិន្នន័យអ៊ិនធឺណែត ល្បឿនលឿនបំផុត 4G ក្រុមហ៊ុន SEATEL នឹងផ្តល់ជូនរយៈពេល6 ខែ និងមានច្រើនជម្រើសអាស្រ័យលើអតិថិជន គាត់ពេញចិត្តនឹងជាវកញ្ចប់ទិន្នន័យមួយណាប៉ុណ្ណោះ។

    ក្នុងនោះដែរ អតិថិជនទាំងឡាយ អាចមានជម្រើសជាច្រើនក្នុងការជាវកញ្ចប់ទិន្នន័យ របស់ក្រុមហ៊ុនSEATEL ដោយអតិថិជន ចំណាយត្រឹម49 ដុល្លារ នឹងទទួលបានទូរស័ព្ទSmart Phone V8 កញ្ចប់ទិន្នន័យអ៊ិនធឺណែត 36GB និងការហៅទូរស័ព្ទក្នុងប្រព័ន្ធរយៈពេល 6 ខែ។ ជាវកញ្ចប់ទិន្នន័យ តម្លៃ 79ដុល្លារ និងទទួលបានSmart Phone V9 កញ្ចប់ទិន្នន័យអ៊ិនធឺណែត 72 GBនិងការហៅទូរស័ព្ទក្នុងប្រព័ន្ធរយៈពេល 6 ខែ។ ជាវកញ្ចប់ទិន្នន័យ ដែលមានតម្លៃ 99ដុល្លារ នឹងទទួលបាន Smartphone R6 កញ្ចប់ទិន្នន័យអ៊ិនធឺណែត 90GB និងការហៅទូរស័ព្ទក្នុងប្រព័ន្ធរយៈពេល 6 ខែ។កម្មវិធីនេះបានផ្តល់ជូនចាប់តាំងពីថ្ងៃទី 13 ខែ ឧសភា ឆ្នាំ2017 មកម៉្លេះ។

    ដូច្នេះ អតិថិជន ដែលចង់បានទូរស័ព្ទទំនើប និងកញ្ចប់ទិន្នន័យអ៊ិនធឺណែត 4G ដែលមានល្បឿនដាច់គេក្នុងប្រទេសកម្ពុជា សូមប្រញាប់មកកាន់ការិយាល័យកណ្តាលរបស់ SEATEL ឬតាមហាង SEATELដែលនៅជិតលោកអ្នក ។ កម្មវិធីនេះផ្តល់ជូនរហូតអស់ពីស្តុក។

    សម្រាប់ព័ត៌មានបន្ថែម សូមទូរស័ព្ទមកកាន់លេខ ៖ 0189800800 ឬចូលទៅគេហទំព័រ www.seatelgroup.com និង facebook.com/seatelgroup

  • ក្រុមហ៊ុនស្រាបៀរ Tiger និងអង្គការ WWF រួមគ្នាប្រារព្ធទិវា GLOBAL TIGER DAY

    ក្រុមហ៊ុនស្រាបៀរ Tiger និងអង្គការ WWF រួមគ្នាប្រារព្ធទិវា GLOBAL TIGER DAY

    ស្រាបៀរ Tiger និងអង្គការ WWF រួមគ្នាប្រារព្ធទិវា GLOBAL TIGER DAY ដែលកិច្ចសហការនេះ ជាព្រឹត្តិការណ៍សំខាន់មួយទៀត ដើម្បីលើកកម្ពស់ការយល់ដឹងអំពីការប្រយុទ្ធប្រឆាំងនឹងការជួញដូរសត្វខ្លាធំ ។

    ស្រាបៀរថៃហ្គ័រ និងអង្គការ WWF ក៏បានអំពាវអំនាវ ដល់មនុស្សនៅទូទៅពិភពលោក ចូលរួមអបអរទិវាសត្វខ្លាធំ ដែលប្រព្រឹត្តទៅជារៀងរាល់ឆ្នាំ នៅថ្ងៃទី ២៩ ខែកក្កដា ដើម្បីជួយប្រយុទ្ធប្រឆាំងនឹងការជួញដូរសត្វខ្លាធំដោយខុសច្បាប់ តាមរយៈការចូលរួមក្នុងយុទ្ធនាការ #3890Tigers (3890tigers.com) ដែលជាយុទ្ធនាការលើប្រព័ន្ធឌីជីថល ដែលលាតត្រដាងពីសិល្បៈ និងការច្នៃប្រឌិត ដើម្បីបង្កើនការយល់ដឹងជាសកលអំពីស្ថានភាពរបស់សត្វខ្លាធំ។

    សត្វខ្លាធំ ស្ទើរតែជិតផុតពូជនៅទូទាំងពិភពលោក។ ចំនួនសត្វខ្លាធំបានធ្លាក់ចុះ ៩៦ភាគរយ នៅក្នុងរយៈពេលមួយសតវត្សរ៍ចុងក្រោយនេះ ចាប់ពីចំនួន ១០០,០០០ក្បាល រហូតដល់៣,៨៩០ ក្បាលសព្វថ្ងៃនេះ។ ការជួញដូរសត្វខ្លាធំដោយខុសច្បាប់ គឺជាហេតុផលសំខាន់មួយដែលកំពុងធ្វើឲ្យបាត់បង់សត្វខ្លាធំ។

    ជារៀងរាល់ឆ្នាំ សត្វខ្លាធំជាង១០០ក្បាលត្រូវបានសម្លាប់ និងផ្នែករបស់សត្វខ្លាធំត្រូវបានដាក់លក់រកប្រាក់ចំណេញ ដែលភាគច្រើនជួញដូរតាមរយៈសហគ្រាសឧក្រិដ្ឋជនអន្តរជាតិ។យុទ្ធនាការ 3890Tigers គឺជាផ្នែកមួយនៃកិច្ចសហការជាសាកលរយៈពេលប្រាំមួយឆ្នាំរវាងស្របៀរថៃហ្គ័រ និងអង្គការ WWF ក្នុងការគាំទ្រដល់ការប្តេជ្ញាចិត្តជាសកល Tx2 ដែលធ្វើឡើងដោយបណ្តារដ្ឋាភិបាលនៃប្រទេសចំនួន១៣ ដែលមានសត្វខ្លាធំ ក្នុងគោលបំណងបង្កើនចំនួនសត្វខ្លាធំរបស់ពិភពលោកឲ្យបាន ៦,០០០ក្បាល ត្រឹមឆ្នាំ២០២២ ។កិច្ចសហការរយៈពេលប្រាំមួយឆ្នាំនេះ បានចាប់ផ្តើមនៅឆ្នាំ២០១៧ ដោយទទួលបានអំណោយបរិច្ចាគជាទឹកប្រាក់ ១លានដុល្លារអាមេរិក ពីស្រាបៀរថៃហ្គ័រ។

    លោក ហ៊ុយ វុទ្ធី នាយកផ្នែកទំនាក់ទំនងកិច្ចការសហគ្រាស នៃក្រុមហ៊ុនស្រាបៀរថៃហ្គ័រ បានថ្លែងថា «យើងមិនអាចស្រមៃមើលពិភពលោកមួយ ដែលមិនមានវត្តមានសត្វខ្លាធំនោះទេ ដូច្នេះ ការអភិរក្សជារឿងចាំបាច់ ហើយវាជាកិត្តិយសសម្រាប់យើង ដែលបានចាប់ដៃគូជាមួយអង្គការ WWF គាំទ្រកិច្ចប្រឹងប្រែងអភិរក្សនេះ។ ក្នុងអំឡុងយុទ្ធនាការ 3890 Tigers រយៈពេលពីរខែកន្លងមកនេះ យើងបានឃើញយុវជនជាច្រើនបានចូលរួម និងប្រកាសជំហរបស់ខ្លួនក្នុងការប្រយុទ្ធប្រឆាំងនឹងការជួញដូរសត្វខ្លាធំ។ ថ្ងៃនេះគឺជាព្រឹត្តិការណ៍សំខាន់មួយទៀត សម្រាប់កិច្ចសហការរបស់យើង ក្នុងការលើកកម្ពស់ការយល់ដឹងអំពីការប្រយុទ្ធប្រឆាំងនឹងការជួញដូរសត្វខ្លាធំ និងជម្រុញយុវជនឲ្យចូលរួមកាន់តែច្រើនថែមទៀត»។

    លោក Seng Teak នាយកអង្គការ WWF ប្រចាំប្រទេសកម្ពុជា បានមានប្រសាសន៍ថា «សត្វខ្លាធំ ជាប្រភេទសត្វឆើតឆាយនិងមានអំណាច ដែលជាទីស្រលាញ់ចូលចិត្តនៃមនុស្សជាច្រើន ហើយចាត់ទុកវា ជាសម្បត្តិជាតិនិងពិភពលោក។ យើងសុំឲ្យសាធាណជនទូទៅចូលរួមកាពារសត្វខ្លាធំ តាមរយៈការអំពាវអំនាវឲ្យអ្នកបរិភោគបញ្ឈប់ការទិញសាច់សត្វព្រៃ និងសូមឲ្យរដ្ឋាភិបាលកម្ពុជាបង្ក្រាបឲ្យមានប្រសិទ្ធភាព លើការដាក់អន្ទាក់នៅក្នុងតំបន់ព្រៃការពារ ។ ការដាក់អន្ទាក់ គឺជាឃាតករលាក់មុខសំលាប់ជីវិតសត្វព្រៃ រួមទាំងសត្វខ្លាធំផងដែរ ហើយវាកំពុងតែធ្វើឲ្យអន្តរាយដល់ចំនួនសត្វព្រៃនៅប្រទេសកម្ពុជា និងទូទាំងពិភពលោក»។

    សូមចូលរួមក្នុងយុទ្ធនាការនេះ ដោយចូលទៅកាន់គេហទំព័រ៖ 3890tigers.com និងលាតត្រដាងពីសិល្បៈ ក្នុងការប្រយុទ្ធប្រឆាំងនឹងការជួញដូរសត្វខ្លាធំដោយខុសច្បាប់៕

     

     

  • យូហ្កា ដើម្បីសុខភាព និងមិត្តភាព

    យូហ្កា ដើម្បីសុខភាព និងមិត្តភាព

    ក្រុមយុវជន WE MYGS (វីមិកហ្ស) បាននឹងកំពុងរៀបចំកម្មវិធីហាត់ យូហ្កា សម្រាប់យុវជនកម្ពុជាទូទាំងរាជធានីភ្នំពេញ។
    បច្ចុបប្បន្ននេះ កម្មវិធីហាត់យូហ្កាបានមកដល់ទីតាំងថ្មីមួយទៀតហើយ គឺនៅមជ្ឈមណ្ឌលយូហ្កា AZAHAR Foundation ក្បែរផ្សារទំនើប អីអន។

    អត្ថប្រយោជន៍ទទួលបាន
    – ទទួលបាននូវបច្ចេកទេសយ៉ាងសុក្រិតក្នុងការថែទាំសុខភាព
    – ទទួលបាននូវគន្លឹះដើម្បីឲ្យដងខ្លួនស្លីម និងរាងកាយគួរជាទីពេញចិត្ត
    – ជួយឱ្យដំណកដង្ហើមបានល្អ និងសម្រួលសម្ពាធឈាម
    – កាត់បន្ថយស្ត្រេស ភាពនឿយហត់
    – ជួយឲ្យស្មារតីស្រស់ថ្លា និងស្វាហាប់ រហ័សរិហួន
    – ធ្វើឲ្យអ្នកក្លាយជាមនុស្សដែលមានឥរិយាបថ និងអត្ដចរិកល្អ
    – ទទួលបានភេសជ្ជៈប៉ូការីស្វេតញាំដោយឥតគិតថ្លៃ
    – ទទួលបានអាវយឺតដ៍ស្រស់ស្អាតចំនួន 1សម្រាប់ម្នាក់ៗ

    សូមមកចុះឈ្មោះនៅ សាកលវិទ្យាល័យ_បញ្ញាសាស្រ្តកម្ពុជា (PUC) ទាំងពីរសាខា (សាខាបណ្តោយផ្លូវនរោត្តម និងសាខាមុខវត្តបទុម) ឬ https://docs.google.com/forms/d/14TGljWbhnzXQKEjdaqfpwsDs6NqtmTgvIrgA4x_TNvo/edit

    កាលបរិច្ឆេទ
    សប្ដាហ៍ទី4 ថ្ងៃ សុក្រ – សៅរិ៍ – អាទិត្យ ទី 28 – 29 – 30 កក្កដា 2017

    ពេលវេលា 5:30 – 6:30 ល្ងាច
    ទីតាំង ក្លឹបហាត់យូហ្គា AZAHAR Foundation BBK (ក្រោយវត្តស្វាយពពែ ក្បែរ អីអន ម៉ល)
    ទំនាក់ទំនង 092 41 43 55 / 093 696 972 / [email protected]

  • តើអ្នកណាខ្លះគួរតែត្រូវចេះអំពីជំនាញនេះ?

    តើអ្នកណាខ្លះគួរតែត្រូវចេះអំពីជំនាញនេះ?

    ការចចារ ជាជំនាញយ៉ាងសំខាន់ដែរមនុស្សគ្រប់ៗរូបត្រូវមាន។ តើការចចារ ជាអ្វីឲ្យប្រាកដទៅ? ចូលរួមក្នុងសិក្ខាសាលាខ្នាតតូចស្ដីពី ជំនាញនៃការចចារ ដែលនឹងធ្វើការចែករំលែកជូនលោកអ្នក អំពីទស្សនៈទូទៅនៃការទំនាក់ទំនង ការចចារ មូលដ្ឋានសំខាន់សម្រាប់ការរំពឹងទុកអំពីលទ្ធផលមុននឹងធ្វើការចចារ ការចចារដើម្បីការងារដែលសមនឹងផែនការជីវិត និងទេព្យកោសល្យ និងចចារដើម្បី ប្រាក់ខែដែលល្អប្រសើរ។

    ជាសិក្ខាសាលាដែលផ្តោតលើការចែករំលែកនូវបទពិសោធន៍ពិតជាក់ស្ដែង ជាពិសេសសម្រាប់ការប្រឹក្សាយោបល់ដោះស្រាយបញ្ហាជូនសិក្ខាកាម ដែលបានចូលរួមដោយផ្ទាល់។ វីមិកហ្សនឹងផ្តល់ជូនសម្រាប់លោកអ្នកដែរ៖

    1) ចង់ក្លាយជាមនុស្សពូកែទំនាក់ទំនង
    2) ចង់ចេះ និងក្លាយជាមនុស្សឆាប់យល់សាច់ការ
    3) ចង់ចេះដោះស្រាយបញ្ហា និងសម្របសម្រួល
    4) ចង់ចេះប៉ាន់ប្រមាណលទ្ធផលទុកមុន លើការចចាររបស់ខ្លួន
    5) ចង់ចេះចចារដើម្បីអាជីពនៃអនាគតជីវិតផ្ទាល់ខ្លួនម្នាក់ៗ
    6) ចង់ដឹងគោលការណ៍ចចារដើម្បីឈ្នះៗ
    7) ចង់ដឹង ឬចង់ចេះអ្វីវន្ថែមទៀត លោកអ្នកអាចត្រៀមសំណួរទុកសួរដោយមួយស៊េរី

    វីមិកហ្ស (WE MYGS) សូមធ្វើការចែករំលែកនូវទស្សនៈ បទពិសោធន៍ដ៍មានតម្លៃទាំងនេះតាមរយៈ វាគ្មិនកិត្តិយសសំខាន់ទាំងពីររូប 1)លោកសោម សម្បត្តិ ប្រធានប្រតិបត្តិនៃក្រុមហ៊ុនខាំផែន ថ្នាំពណ៌ជាតិ និង 2)លោកស៊ី វណ្ណា ប្រធានផ្នែកអភិវឌ្ឍន៍ធនធានមនុស្ស នៃមជ្ឍមណ្ឌលសហប្រតិបត្តិការកម្ពុជា-ជប៉ុន (CJCC)។

    សូមបញ្ជាក់ផងដែរថា លោកអ្នកនឹងមិនមែនទិញសំបុត្រដោយសារតែចង់ជួប idol ឬមក selfie អីនោះទេ គឺមកដើម្បីទទួលបានគន្លឹះពិត និងជជីកសួរអោយអស់កង្វល់ ដើម្បីជាទុនគ្រាន់នឹងដោះស្រាយបញ្ហា នៃជីវិតផ្ទាល់ម្នាក់ៗ។

    សូមមកទទួលយក នូវការរៀបចំយ៉ាងពិសេសជូនលោកអ្នកដែលមានត្រឹមតែ 100កៅអីប៉ុណ្ណោះ។ ជួបគ្នានៅមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) ថ្ងៃទី06 សីហា 2017 ពីម៉ោង 7:30am – 12:00pm។
    ទំនាក់ទំនង: 012 32 00 15 / 093 422 862 / 093 696 972

  • KODOMO និងកម្មវិធីសប្បុរសធម៌ 3L

    KODOMO និងកម្មវិធីសប្បុរសធម៌ 3L

    ក្រុមហ៊ុន LION CORPORATION (THAILAND) LIMITED និង TSNR DISTRIBUTION CO.,LTD ជាក្រុមហ៊ុននាំចូលនឹងចែកចាយ KODOMO សប្បុរសធម៌ 3L ( Life.Love.Laugh) ក្នុងគោលបំណងនាំជូននូវគុណភាពជីវិតជូនទៅសង្គម ផ្ដល់នូវសេចក្ដីស្រឡាញ់នាំមកនូវភាពរីករាយ និងស្នាមញញឹម ដល់យើងទាំងអស់គ្នាទាំងអ្នកធ្វើសប្បុរសធម៌ និងអ្នកទទួលសប្បុរសធម៌។

    កម្មវិធីសប្បុរសធម៌នេះ និងរាប់ពីការលក់ផលិតផល KODOMO គ្រប់សាខាផ្សារទំនើប Lucky និង Gaint ទាំងអស់ ពីថ្ងៃទី 21 កក្កដា រហូតដល់ថ្ងៃទី 30 សីហា ឆ្នាំ2017 ។ អ្នកទាំងអស់គ្នាអាចចូលរួមចំណែកដើម្បីចែករំលែកសេចក្ដីស្រឡាញ់ទៅកាន់កុមារកម្ពុជាពីព្រោះរៀងរាល់ការចំណាយ 5ដុល្លារ របស់អ្នកទិញផលិតផល KODOMO នឹងត្រូវបរិច្ចាគចំនួន 4000រៀលទៅ ” អង្គការលើកស្ទួយប្រជាពលរដ្ឋ ” ជាអង្គការក្រៅរដ្ឋាភិបាលមិនសំដៅរកប្រាក់ចំណេញ ដែលផ្ដល់ការអប់រំ និងបង្រៀនវគ្គជំនាញខ្លីៗដល់យុវនារី កុមារកំព្រា និងកុមារនៅតាមដងផ្លូវក្នុងព្រះរាជាណាចក្រកម្ពុជា។

    KODOMO មានសេចក្ដីរីករាយរួមចំណែកជាផ្នែកមួយក្នុងសង្គមកម្ពុជា ផ្ដល់នូវសេចក្ដីស្រឡាញ់ និងភាពរីករាយដើម្បីឱ្យជីវិតកាន់តែរីករាយ។

    សម្រាប់ព័ត៌មានបន្ថែមសូមចូលទៅកាន់ទំព័រ Facebook ” kodomoClubCambodia”៕

  • WMC ទទួលបានសិទ្ធិផ្តាច់មុខក្នុងការនាំចូលរថយន្ត HAWTAI A25 ដ៏ថ្មីទំនើប ពីក្រុមហ៊ុនផលិតរថយន្ត HAWTAI MOTOR

    WMC ទទួលបានសិទ្ធិផ្តាច់មុខក្នុងការនាំចូលរថយន្ត HAWTAI A25 ដ៏ថ្មីទំនើប ពីក្រុមហ៊ុនផលិតរថយន្ត HAWTAI MOTOR

    ភ្នំពេញ ៖ក្រុមហ៊ុន WORLDWIDE MOTOR COMPANY LTD. (WMC) ដែលជាក្រុមហ៊ុនដ៏ធំមួយ ក្នុងចំណោមក្រុមហ៊ុនធំៗទាំង10 ដែលនាំរថយន្តថ្មីៗចូលក្នុងប្រទេសកម្ពុជា បានទទួលសិទ្ធិផ្តាច់មុខក្នុងការនាំចូល និងចែកចាយ ពីក្រុមហ៊ុន ផលិតរថយន្តដ៏ធំលំដាប់ពិភពលោក គឺ GLOBAL AUTOMAKER HAWTAI MOTOR ។

    លោក ពាង ម៉ាន់ អគ្គនាយកក្រុមហ៊ុន WMC បានថ្លែងប្រាប់ក្រុមអ្នកសារព័ត៌មានជាតិ និងអន្តរជាតិថា ការនាំចូលរថយន្តដ៏ថ្មីទំនើបនេះ គឺផ្អែកលើការកើនឡើងនៃតម្រូវការរថយន្តថ្មីទំនើប ដែលមានតម្លៃសមរម្យ សម្រាប់អតិថិជនកម្រិតមធ្យម និងអតិថិជននៅតាមវិស័យឯកជន ទាំងវិនិយោគគិនកម្ពុជា និងបរទេស ។

    “យើងបានជ្រើសរើសយកក្រុមហ៊ុនផលិតរថយន្ត HAWTAI បន្ទាប់ពីមានការចាប់អារម្មណ៍ជាខ្លាំងលើរបាយការណ៍ នៃការរីកចម្រើនរបស់ក្រុមហ៊ុននេះ ដែលជាក្រុមហ៊ុនផលិតរថយន្តដ៏ធំ និងល្បីមួយ មានរោងចក្រផលិត និងបណ្តាញអ្នកចែកចាយពង្រីកនៅជុំវិញពិភពលោក ហើយក៏មានប្រវត្តិជាដៃគូសហការគ្នាយ៉ាងរឹងមាំ ជាមួយក្រុមហ៊ុន HYUNDAI របស់កូរ៉េខាងត្បូង ដែលជាក្រុមហ៊ុនផលិតរថយន្តលំដាប់មួយ លើទីផ្សាក្រៅប្រទេសផងដែរ”។

    ប៉ុន្តែអ្វីដែលជំរុញឲ្យក្រុមហ៊ុន WMC សម្រេចចិត្តនាំចូលនោះ គឺម៉ាករថយន្តដ៏មានសក្តានុពល HAWTAI A25 ដែលត្រូវបានផលិត និងរចនាឡើង ជាប្រភេទរថយន្ត SUV ដ៏ទំនើប ពេញនិយមពាសពេញសាកលលោកនេះឡើង គឺដើម្បីចូលខ្លួនមកប្រកួតប្រជែងក្នុងទីផ្សាររថយន្តអន្តរជាតិ ដែលកំពុងមានសន្ទុះរីកចម្រើនក្នុងបណ្តាប្រទេសជាច្រើនទាំងនៅ អឺរ៉ុប អាមេរិក មជ្ឈឹមបូព៌ា និងតំបន់អាស៊ីប៉ាស៊ីហ្វិក។

    រថយន្ត HAWTAI A 25 គឺជាប្រភេទរថយន្ត SUV គឺជាសមទ្ធិផល៏អស្ចារ្យ ដែលកើតចេញពីការរចនាម៉ូថចេញជារូបរាងដ៏ថ្មីសន្លាង ល្អប្រណិតស្អាតប្លែកប្រកបដោយកិត្តិយស ថ្លៃថ្នូរ សម្រាប់មនុស្សសម័យថ្មី និងបំពាក់ដោយម៉ាស៊ីនគុណភាពខ្ពស់នៃបច្ចេកវិទ្យាដ៏ទំនើបចុងក្រោយលំដាប់ពិភពលោក នៃក្រុមវិស្វករដែលមានជំនាញផលិតរថយន្តដ៏ល្បី មកពីកូរ៉េខាងត្បូង សហគមន៍អឺរ៉ុប និងសហរដ្ឋអាមេរិក។

    ផ្អែកតាមរបាយការណ៍មួយរបស់ S&P Global Market Intelligence ដែលត្រូវបានបោះពុម្ពផ្សាយដោយ Bloomberg គ្រឹះស្ថានបោះពុម្ពផ្សាយព័ត៌មានពាណិជ្ជកម្មដ៏ល្បីមួយរបស់អាមេរិក បានបង្ហាញឲ្យឃើញពីសក្តានុពលដ៏ធំធេងនៃក្រុមហ៊ុនផលិតរថយន្ត HAWTAI MOTOR នេះ ក្នុងនាមជាក្រុមហ៊ុនផលិតរថយន្តអ្នកដំណើរដ៏ពិសេស ប្រភេទ SUV និង SEDAN ដែលកំពុងពង្រីកសមត្ថភាពជ្រៀតចូលទីផ្សារពិភពលោកផងដែរ។

    ខណៈពេលនេះ រថយន្តដ៏ថ្មីសន្លាង ស្អាតទំនើប HAWTAI A 25 ជាច្រើនគ្រឿង កំពុងបង្អួតរាងលើទីផ្សារក្នុងរាជធានីភ្នំពេញហើយ ហើយក៏ទទួលបានការបញ្ជាទិញពីអតិថិជនជាច្រើនគ្រឿង ស្របពេលដែលអតិថិជនជាច្រើនទៀតកំពុងចាប់អារម្មណ៍ជាលំដាប់ពីមួយថ្ងៃទៅមួយថ្ងៃ ហើយបានមកកាន់ SHOWROOM HAWTAI A 25 ដើម្បីឃើញដោយផ្ទាល់ និងសាកសួរព័ត៌មានផ្សេងៗ៕

  • បរិក្ខាដំណេក Inthanou ផុសរូបរាងនៅកណ្តាលពិព័រណ៍អាពាហ៍ពិពាហ៍នៅកោះពេជ្រ

    បរិក្ខាដំណេក Inthanou ផុសរូបរាងនៅកណ្តាលពិព័រណ៍អាពាហ៍ពិពាហ៍នៅកោះពេជ្រ

    ជាមួយនឹងទិដ្ឋភាពយ៉ាងអស្ចារ្យនៃកម្មវិធីពិព័រណ៍អាពាហ៍ពិពាហ៍ប្រចាំឆ្នាំ 2017 ដែលត្រូវបានរៀបចំឡើងដោយក្រុមហ៊ុនអនុស្សា រយៈពេល 2 ថ្ងៃ (22-23 ខែកក្កដា ឆ្នាំ 2017 ) នៅសាលសន្និសីទ និងពិព័រណ៍កោះពេជ្រ គេសង្កេតឃើញមានការសាទរ និងទទួលបានភាពជោគជ័យគួរឱ្យកត់សម្គាល់ ខណៈដែលមានសាធារណៈជនជាច្រើនាក់ចូលរួមទស្សនា ជាពិសេសអ្នកដែលមានគម្រោងរៀបអាពាហ៍ពិពាហ៍នាពេលដ៏ខ្លីខាងមុខនេះ ។

    សម្រាប់ក្រុមហ៊ុនចូលរួមពិព័រណ៍បង្ហាញពីផលិតផល ក៏ដូចជាសេវាកម្មក្រុមហ៊ុនពាក់ព័ន្ធនឹងពិធីនេះមានសរុបចំនួន 50 ដែលក្នុងនោះរួមមានដូចជា ក្រុមហ៊ុនផ្គត់ផ្គង់ភេសជ្ជៈ ក្រុមហ៊ុនបម្រើសេវាកម្មថតរូប វីដេអូ មុនថ្ងៃអាពាហ៍ពិពាហ៍ Live Video សេវាកម្មថតរូបនៅក្រៅប្រទេស ស៊ុមរូបថតទំនើប សំអាងការ និងពិធីការ ផ្កា និងសេវាកម្មតុបតែង ហាងនំ Cake សម្លៀកបំពាក់មង្គលការ សណ្ឋាគារ គ្រឿងសង្ហារឹម ម្ហូប ក្រុមភ្លេង ក្រុមតុបតែងទឹកបាញ់ក្នុងកម្មវិធី រថយន្ត ធនាគារ បង់រំលោះ និងកម្ចី និងសេវាកម្មថែរក្សាសុខភាពជាដើម។ លើលពីនេះ ក៏មានការដើរបង្ហាញម៉ូតសម្លៀកបំពាក់បែបប្រពៃណី សម័យ និងបុរាណ សម្រាប់ថ្ងៃរៀបអាពាហ៍ពិពាហ៍ និងតាំងបង្ហាញសម្លៀកបំពាក់សម្រាប់ចូលរួមពិធីមង្គលការ និងការសម្តែងកម្មវិធីសំខាន់មួយចំនួនក្នុងពិធីរៀបមង្គលការដូចជា ពិធីចូលម្លប់ ពិធីបុកល័ក្ខ របាំអប្សរា របាំពិណ្យអង្គរ និងការប្រគំភ្លេងបែបប្រពៃណីផងដែរ។ ប៉ុន្តែអ្វីដែលជាការគួរឱ្យកត់សម្គាល់នោះ គឺវត្តមានថ្មីនៃក្រុមហ៊ុន ឥន្ទធនូ (Inthanou) ដែលទើបតែបានចូលរួមបង្ហាញវត្តមានលើកដំបូងរបស់ខ្លួននៅក្នុងកម្មវិធីដ៏អស្ចារ្យប្រចាំឆ្នាំនេះ បាននាំយកបរិក្ខាបន្ទប់គេង ដោយមានដាក់តាំងបង្ហាញពូកដែលមានគុណភាពខ្ពស់ ល្បីឈ្មោះនៅសហរដ្ឋអាមេរិក គឺម៉ាក AMERICANSTAR ។

    នៅក្នុងឱកាសនៃការតាំងបង្ហាញផលិតផលពូកដែលមានគុណភាពខ្ពស់ និងមានសារសំខាន់ចំពោះការទទួលទានដំណេកនេះ កញ្ញា ឃាន ណារី ប្រធានគ្រប់គ្រងផ្នែកលក់បានឱ្យដឹងថា AMERICANSTAR គឺជាពូក ដែលមានកេរ្តិ៍ឈ្មោះល្បីល្បាញជាអន្តរជាតិ ជាពិសេសនៅសហរដ្ឋអាមេរិក និងត្រូវបានផលិតឡើងយ៉ាងយកចិត្តទុកដាក់បំផុត ផ្តោតសំខាន់ទៅលើគុណភាព និងសុខភាពដំណេក ក្រោមបច្ចេកវិទ្យាដ៏ទំនើបនាសម័យចុងក្រោយនេះ ដែលតម្រូវទៅតាមលក្ខខណ្ឌជាក់ស្ដែងនៃរាងកាយរបស់អ្នកប្រើប្រាស់ផ្ទាល់តែម្ដង។ ជាមួយនឹងភាពលេចធ្លោនៅក្នុងការដាក់តាំងបង្ហាញត្រឹមរយៈពេល 2 ថ្ងៃនេះ ពូកម៉ាក AMERICANSTAR ទទួលការគាំទ្រ និងចាប់អារម្មណ៍យ៉ាងខ្លាំងពីសំណាក់អ្នកចូលរួមទស្សនា ជាពិសេស មានការបញ្ជាទិញ ពីសំណាក់អតិថិជនយ៉ាងច្រើន ។

    កញ្ញា ឃាន ណារី បានបញ្ជាក់ផងដែថា មូលហេតុដែលមានការបញ្ជាទិញពីសំណាក់អតិថិជនដូចបានជម្រាបជូនខាងលើនេះ ក៏ព្រោះអតិថិជនទាំងនោះបានយល់ដឹងពីអត្ថប្រយោជន៍ពិសេសរបស់ពូក AMERICANSTAR ។ ដោយឡែកសម្រាប់អតិថិជនដែលនៅមិនទាន់បានជ្រាប់ពីព័ត៌មានលម្អិតរបស់ពូក AMERICANSTAR ក៏អាចទៅសាកសួរព័ត៌មានបន្ថែម ក៏ដូចជាសាកល្បងនៅទីតាំងបង្ហាញ (Showroom) ដែលមានទីតាំងស្ថិតនៅអគារលេខ 420-422​ ផ្លូវ310 សង្កាត់បឹងកេងកង3 ខណ្ឌចំការមន រាជធានីភ្នំពេញ ជាមួយនឹងបានទស្សនានូវពូកជាច្រើនទៀតសរុបចំនួន22ប្រភេទ៕

  • ព្រឹត្តិការណ៍ពិព័រណ៍អាពាហ៍ពិពាហ៍ឆ្នាំ2017 ផ្តល់ជម្រើសកាន់តែប្រសើរដល់អ្នកត្រៀមក្លាយជាគូស្វាមី-ភរិយា

    ព្រឹត្តិការណ៍ពិព័រណ៍អាពាហ៍ពិពាហ៍ឆ្នាំ2017 ផ្តល់ជម្រើសកាន់តែប្រសើរដល់អ្នកត្រៀមក្លាយជាគូស្វាមី-ភរិយា

    យ៉ាងហោចណាស់មានក្រុមហ៊ុនមិនក្រោម 50 នោះឡើយ ដែលបានចូលរួមនៅក្នុងព្រឹត្តិការណ៍ពិព័រណ៍អាពាហ៍ពិពាហ៍ប្រចាំឆ្នាំ2017 រយៈពេល2ថ្ងៃក្រោមការរៀបចំឡើងដោយក្រុមហ៊ុនអនុស្សានៅសាលសន្និសីទ និងពិព័រណ៍កោះពេជ្រ កាលពីថ្ងៃទី22-23 ខែកក្កដា ឆ្នាំ2017 កន្លងទៅ ក្រោមការចូលរួមបើកកម្មវិធីពីសំណាក់លោកជំទាវ ភឿង សកុណា រដ្ឋមន្ត្រីក្រសួង វប្បធម៌ និងវិចិត្រសិល្បៈ , ឯកឧត្តម ឈួន ដារ៉ា រដ្ឋលេខាធិកា ក្រសួងពាណិជ្ជកម្ម , លោក សេង ពិសិដ្ឋ នាយកប្រតិបត្តិក្រុមហ៊ុន អនុស្សា , រួមជាមួយនឹងអ្នកតំណាងក្រុមហ៊ុនដៃគូសហការជាច្រើននាក់ទៀត។

    ជាកិច្ចបើកកម្មវិធី លោកជំទាវ ភឿង សកុណា បានមានប្រសាសន៍ថា សម្រាប់ព្រឹត្តិការណ៍នេះគឺមានសារសំខាន់ និងមានប្រយោជន៍បំផុតសម្រាប់អ្នកដែលមានបំណង និងមានគម្រោងរៀបអាពាហ៍ពិពាហ៍ក្នុងពេលខាងមុខនេះ ដែលក្នុងនោះពួកគេអាចមានជម្រើសល្អៗក្នុងពិចារណាទៅលើការសម្រេចចិត្តយកភ្នាក់ងារបម្រើសេវាណាដែលខ្លួនយល់ថាមានភាពស័ក្ដិសមសម្រាប់កម្មវិធីរបស់ខ្លួន ហើយតែពិសេសជាងនេះទៅទៀត អាចមានជម្រើសច្រើនមិនមានភាពប្រថុយប្រថាន។

    នៅក្នុងឱកាសនោះផងដែរ លោក សេង ពិសិដ្ឋ ក៏បានបញ្ជាក់ពីគោលបំណងនៃមហាព្រឹត្តិការណ៍នេះផងដែរថា កត្តាដែលជំរុញឱ្យមានការរៀបចំពិព័រណ៍នេះឡើង គឺដើម្បីឱ្យអនាគតគូស្វាមីភរិយាថ្មី ដែលមានគម្រោងរៀបចំអាពាហ៍ពិពាហ៍នាពេលដ៏ខ្លីខាងមុខនេះ ទទួលបាននូវគំនិតល្អៗស្តីពីការរៀបមង្គលការ យល់ដឹងពីរបៀបក្នុងការជ្រើសរើសសម្ភារៈ និងអ្នកផ្គត់ផ្គង់សេវាកម្មមង្គលការ ទទួលបានការប្រឹក្សាយោបល់ពីការដេគ័រឆាក ការតុបតែងកន្លែងថតរូបអនុស្សាវរីយ៍ និងការដេគ័រផ្កានៅមុនក្លោងទ្វារជាដើម។ លោកបានបន្ថែមទៀតថា ៖ ពិព័រណ៍នេះនឹងក្លាយទៅជាទីកន្លែងមួយដែលបង្កភាពងាយស្រួល និងកាត់បន្ថយភាពស្មុគស្មាញដល់អ្នកមានគម្រោងរៀបការទាំងអស់ឱ្យទទួលបានមង្គលការមួយដ៏អស្ចារ្យ ចំណេញទាំងថវិការ និងពេលវេលា ៕

  • METFONE GOLF CHAMPION SHIP 2017 រកឃើញម្ចាស់ជ័យលាភី

    METFONE GOLF CHAMPION SHIP 2017 រកឃើញម្ចាស់ជ័យលាភី

    បន្ទាប់ពីបានព្យាយាមបញ្ចេញសមត្ថភាពនៅក្នុងការប្រកួតយ៉ាងស្វិតស្វាញពេញមួយថ្ងៃនៅក្នុងកម្មវិធី METFONE GOLF CHAMPIONSHIP 2017 ដើម្បីស្វែងរកអ្នកដែលមានសមត្ថភាពពិតនៅក្នុងវិស័យកីឡាវាយកូនហ្គោលមិនមែនអាជីព ដែលរៀបចំឡើងដោយទីលានវាយកូនហ្គោល City Golf ក្រោមការចូលរួមគាំទ្រ និងឧបត្ថម្ភធំដោយក្រុមហ៊ុនបណ្តាញទូរស័ព្ទចល័ត Metfone រួមជាមួយនឹងដៃគូសហការឧបត្ថម្ភចំនួន4ក្រុមហ៊ុនទៀតរួមមាន ក្រុមហ៊ុនស្រាបៀរ Heineken , ក្រុមហ៊ុនប្រេងឥន្ទនៈTELA, ក្រុមហ៊ុន POCARI SWEAT និងក្រុមហ៊ុន City Link Internet កាលពីថ្ងៃទី23 ខែកក្កដា ឆ្នាំ2017 ដោយមានការបែងចែកចេញជាពីរវេន (Flight A និង Flight B) កាលម្សិលមិញនេះ នៅទីបំផុតកម្មវិធីបានរកឃើញអ្នកដែលមានសមត្ថភាព និងអាចទទួលពានប្រចាំឆ្នាំ2017 ដែលបានរួមមានរាយនាមឈ្មោះដូចខាងក្រោម ៖

    អ្នកទទួលបានជ័យលាភីនៅក្នុង Flight A ៖
    – ម្ចាស់ពានរង្វាន់លេខ 1 ៖ លោក ពៅ ពេជ្រមេត្តា ( Mr. Peou Pich Meta ) ( ពិន្ទុ -5 )
    – ម្ចាស់ពានរង្វាន់លេខ 2 ៖ លោក អ៊ីម រៀរហ៊ុល ( Mr. Im Reahul ) ( ពិន្ទុ -5 )
    – ម្ចាស់ពានរង្វាន់លេខ 3 ៖ លោក គឹម សំរេច ( Mr. Kem Samrach ) ( ពិន្ទុ -4 )

    អ្នកទទួលបានជ័យលាភីនៅក្នុង Flight B ៖
    – ម្ចាស់ពានរង្វាន់លេខ 1 ៖ លោក ជុំ សំអាន ( Mr. Chum Sam Ann ) ( ពិន្ទុ .E )
    – ម្ចាស់ពានរង្វាន់លេខ 2 ៖ ឯកឧត្តម ម៉ែន រ៉ា ( H.E. Men Ra ) ( ពិន្ទុ +1 )
    – ម្ចាស់ពានរង្វាន់លេខ 3 ៖ ឯកឧត្តម ផន ណារ៉ា ( Gen. Phorn Nara ) ( ពិន្ទុ +2 )

    ជាមួយនឹងការចូលរួមរីករាយអបអរសាទរនៅក្នុងលទ្ធផលខាងលើនេះ លោកឧកញ៉ា ឈុន អូន ដែលជាអគ្គនាយកទីលានវាយកូនហ្គោល City Golf បានមានប្រសាសន៍ថាយ៉ាងដូច្នេះថា ៖ «ក្នុងនាមរូបខ្ញុំជាថ្នាក់ដឹកនាំនៅក្នុងទីលានវាយកូនហ្គោល City Golf សូមសម្ដែងនូវភាពរីករាយ និងចូលរួមអបអរសាទរចំពោះអ្នកដែលទទួលបានលទ្ធផលនាពេលនេះ ហើយក៏ចូលរួមរីករាយជាមួយនឹងបណ្តាកីឡាករ-កីឡាការិនី ទាំងអស់ដែលបានចូលរួមបង្ហាញពីទឹកចិត្តស្រឡាញ់ គាំទ្រវិស័យវាយកូនហ្គោល និងសាទរនៅក្នុងឱកាសដែលបានផ្លាស់ប្ដូរទទួលយកនូវបទពិសោធន៍ថ្មីពីបណ្តាមិត្តរួមកម្មវិធីប្រកួតកាលពីពេលកន្លងទៅនេះ ។ នៅក្នុងឱកាសនេះផងដែរ ខ្ញុំក៏មានកិត្តិយសប្រកាសជាថ្មីថា ចាប់ពីពេលនេះទៅ ទីលានវាយកូនហ្គោល City Golf របស់យើង នឹងមានការរៀបចំកម្មវិធីប្រកួតរៀងរាល់2ខែម្ដង ដើម្បីចូលរួមបង្កើតសមត្ថភាពរបស់អ្នកដែលស្នេហាវិស័យវាយកូនហ្គោលឱ្យមានភាពល្អប្រសើរនៅពេលអនាគត់ ។ ម៉្យាងវិញទៀត ខ្ញុំក៏សូមថ្លែងអំណរគុណយ៉ាងជ្រាលជ្រៅចំពោះក្រុមហ៊ុន Metfone ដែលបានឧបត្ថម្ភយ៉ាងពេញទំហឹងក្នុងការប្រកួតនៅក្នុងកម្មវិធី METFONE GOLF CHAMPIONSHIP 2017 ក៏ដូចជាក្រុមហ៊ុនមួយចំនួនទៀត រួមមាន ក្រុមហ៊ុនស្រាបៀរ Heineken , ក្រុមហ៊ុនប្រេងឥន្ទនៈTELA, ក្រុមហ៊ុន POCARI SWEAT និងក្រុមហ៊ុន City Link Internet »។

    គួរបញ្ជាក់ផងដែរថា សម្រាប់កម្មវិធីប្រកួតត្រូវបានធ្វើឡើងកាលពីថ្ងៃទី 23 ខែកក្កដា ឆ្នាំ 2017 ម្សិលមិញនេះ ដោយមានបេក្ខភាពចូលរួមប្រកួត សរុបចំនួន 90 នាក់ ចម្រុះជាតិសាសន៍ រួមមានជនជាតិ កម្ពុជា កូរ៉េ ចិន និងជនជាតិអឺរ៉ុប ដោយធ្វើការបែងចែកចេញជា 2 វេន ពោលគឺការប្រកួតជម្រុះក្រុមទី1ចំនួន45នាក់ ចាប់ពីម៉ោង 7៖15 នាទីព្រឹក និងក្រុមទី 2 ប្រកួតជម្រុះចាប់ពីម៉ោង 2៖15នាទីរសៀល រហូតដល់ម៉ោង 6 ល្ងាច បិទកម្មវិធីរួមជាមួយការប្រគល់ពានរង្វាន់ដល់កីឡាករដែលប្រកួតឈ្នះនៅវេនពេលព្រឹកចំនួន 3 រូប និងកីឡាករដែលប្រកួតឈ្នះនៅវេនពេលថ្ងៃចំនួន 3 រូប ៕