PR - La Reine Media

ប្រេងម៉ាស៊ីន BCP Super 1 ផ្តល់រង្វាន់ម៉ូតូមួយគ្រឿងដល់អ្នកឈ្នះលើកដំបូង

ជាការអបអរសាទរចំពោះអតិថិជនដែលមានសំណាងបានឈ្នះរង្វាន់ធំពីប្រេងម៉ាស៊ីនដ៏ល្បីឈ្មោះម៉ាក ប៊ី ស៊ី ភី ស៊ូបភ័រ វ័ន (BCP Super 1) នូវម៉ូតូ Honda Dream 125 ស៊េរីឆ្នាំ2017 ជូនដល់អ្នកមានសំណាងនោះ នៅព្រឹកថ្ងៃទី 17 ខែតុលា កន្លងទៅនេះ ក្រុមហ៊ុន

The Bangchak Corporation Public Company limited, Thailand បានរៀបចំពិធីប្រគល់ដោយផ្ទាល់នៅក្នុងផ្សារទំនើបស៊ីធីម៉ល រាជធានីភ្នំពេញ ក្រោមការចូលរួមធ្វើជាសាក្សីពីសំណាក់អ្នកតំណាងក្រុមហ៊ុន មហាជនទូទៅ ព្រមទាំងបណ្តាអ្នកសារព័ត៌មានមកពីស្ថាប័នផ្សេងៗជាច្រើនទៀត ។

ជាមួយនឹងក្ដីរំភើបរីករាយជាមួយមហាសំណាងនាពេលនោះ លោក ពាង ពិសិទ្ធិ ដែលជាអ្នកឈ្នះរង្វាន់ម៉ូតូ Honda Dream 125 ស៊េរី ឆ្នាំ2017 បានរៀបរាប់ប្រាប់ឱ្យដឹងថា រូបលោកមានស្រុកកំណើតនៅ ភូមិខ្ពប ឃុំមហខ្ញូង ស្រុកកោះសូទិន ខេត្តកំពង់ចាម ប៉ុន្តែលោកបានផ្លាស់មករស់នៅ ម្ដុំខាំកូស៊ីធី ផ្លូវម៉ុង ឬទ្ធី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។ លោកបានបញ្ជាក់ប្រាប់ទៀតថា ៖ គាត់និយាយលើកសរសើរពីភាពល្អប្រសើរ និងគុណភាពរបស់ប្រេងម៉ាស៊ីន ប៊ី ស៊ី ភី ស៊ូបភ័រ វ័ន (BCP Super 1) ពិតជាមានគុណភាពពិតៗប្រើប្រាស់បានយូរជាងប្រេងម៉ាស៊ីនដទៃទៀត ទើបរូបលោកតែងតែប្រើប្រេងម៉ាស៊ីនប្រភេទនេះជាប្រចាំ។ ប៉ុន្តែ អ្វីដែលធ្វើឱ្យមានភាពភ្ញាក់ផ្អើលនោះ គឺកាលពីពេលកន្លងទៅថ្មីៗនេះលោកក៏ធ្វើការប្ដូរប្រេងម៉ាស៊ីនម៉ូតូហើយស្រាប់តែ ក្រោយពេលផ្ទេរ ហើយពិនិត្យមើលក្នុងកំប៉ុង ស្រាប់តែឃើញមានរង្វាន់ម៉ូតូនៅក្នុងសម្បកកំប៉ុង ដែលធ្វើឱ្យមានការភ្ញាក់ផ្អើលពីញាតិមិត្តជិតខាងចូលរួមអបអរសាទរយ៉ាងរីករាយ ។

នៅក្នុងឱកាសនៃការប្រគល់រង្វាន់ធំលើកដំបូងនូវម៉ូតូ Honda Dream 125 ស៊េរីឆ្នាំ2017 ជូនដល់អ្នកមានសំណាងនោះលោក ឆុក ឆៃ តំណាងអោយក្រុមហ៊ុន The Bangchak Corporation Public company limited, Thailand.

បានឡើងថ្លែងបញ្ជាក់ប្រាប់ឱ្យដឹងថា ៖ «ប្រេងម៉ាស៊ីន BCP Super 1 គឺជាផលិតផលប្រេងថែរក្សាយានយន្តមួយក្នុងចំណោមប្រេងជាច្រើនប្រភេទទៀតដែលត្រូវបានផលិតឡើងដោយក្រុមហ៊ុនដ៏ល្បីឈ្មោះប្រចាំនៅក្នុងប្រទេសថៃដែលមានឈ្មោះថា The Bangchak Corporation Public company limited, Thailand.។ ជាមោទនភាពបំផុត ចាប់តាំងពីបាននាំចូល និងចែកចាយនៅលើទីផ្សារកម្ពុជា យើងទទួលបានការគាំទ្រពីសំណាក់អតិថិជនដែលជាអ្នកប្រើប្រាស់ផ្ទាល់ ក៏ដូចជាដៃគូចែកចាយបន្តយ៉ាងច្រើន។ ជាមួយគ្នានេះ ជាការលើកទឹកចិត្តដល់អ្នកប្រើប្រាស់ដែលតែងគាំទ្រផលិតផលរបស់យើង ក្រុមហ៊ុនបានបង្កើតជារង្វាន់ផ្តល់សំណាងយ៉ាងសន្ធឹកសន្ធាប់ជូនដល់អតិថិជនរបស់យើង ដែលក្នុងនោះរួមមាន ម៉ូតូ Honda Dream 125 ស៊េរីឆ្នាំ2017 និងប្រាក់ដុល្លារ ជាច្រើនរង្វាន់ ដែលអ្នកគ្រប់គ្នាសុទ្ធតែអាចមានសំណាងបានឈ្នះទាំងអស់»។

គួរបញ្ជាក់ផងដែរថា ក្រុមហ៊ុន The Bangchak Corporation Public company limited, Thailand.បានចូលខ្លួនមកដំណើរការនៅក្នុងវិស័យឧស្សាហកម្មប្រេង ក៏ដូចជាវិស័យយានយន្តជាយូរណាស់មកហើយ ជាពិសេស នៅឆ្នាំ1995 បាងចាក ក៏បានធ្វើការវិនិយោគបន្ថែមនៅលើវិស័យមួយនេះ ដើម្បីពង្រីកវិសាលភាពនៃចង្វាក់ផលិតកម្ម និងពង្រីកការចែកចាយឱ្យកាន់តែទូលំទូលាយនៅលើទីផ្សារសាកល ខណៈដែលទីតាំងចែកចាយនៅក្នុងស្រុកផ្ទាល់មានរហូតដល់ទៅជាង1000ស្ថានីយ៍ ។ សូមចូលរួមគាំទ្រផលិតផលប្រេងម៉ាស៊ីនថែរក្សាយានយន្ត BCP Super1 និងទទួលយកមហារង្វាន់យ៉ាងសន្ធឹកសន្ធាប់នេះទាំងអស់គ្នា ៕

October 17, 2017

គន្លឹះជោគជ័យក្នុងការធ្វើអាជីវកម្មសម័យ Digital

ក្នុងន័យផ្តល់ជាការចំលែកបទពិសោធន៍ក៏ដូចជាផ្តល់កម្លាំងចិត្តដល់ម្ចាស់អាជីវកម្មថ្មីៗ ក៏ដូចជាម្ចាស់អាជីវកម្មដែលកំពុងដំណើរការ និងត្រូវការពង្រីកអាជីវកម្មនោះ ជាថ្មីម្តងទៀតក្នុងខែតុលានេះ ផាកកាហ្វេ និងវិទ្យាស្ថានអភិវឌ្ឍន៍វិស័យអប់រំ មានកិត្តិយសអញ្ជើញវាគ្មិនដ៏ល្បីល្បាញចំនួន 02រូបមកធ្វើការបកស្រាយពីវិធីសាស្ត្រក្នុងការធ្វើអាជីវកម្ម ក៏ដូចជាចែករំលែកបទពិសោធន៍របស់លោកកន្លងមកក្នុងកម្មវិធីកិច្ចសន្ទនារពាណិជ្ជកម្មដែលនឹងប្រព្រឹត្តទៅក្រោមប្រធានបទ “គន្លឹះជោគជ័យក្នុងការធ្វើអាជីវកម្មសម័យ Digital” ។

វាគ្មិនកិត្តិយសកំពូលចំនួនពីររូបដែលនឹងមកចែករំលែកបទពិសោធន៍ដ៏មានតម្លៃរបស់

KHiM Sok HENG Founder & Chairman Learning for Success Institute
Chy Sila CEO Sabay Digital Corporation.

ស្វែងយល់កាន់តែច្បាស់អំពី៖
១. ហេតុអ្វីត្រូវសម្រេចចិត្តធ្វើអាជីវកម្ម?
២. អ្វីជាដើមទុនចម្បងក្នុងការធ្វើអាជីវកម្ម? រកទុននោះតាមវិធីណា?
៣. យុទ្ធសាស្ត្រ និងតិកនិកក្នុងការប្រើប្រាស់បណ្តាញសង្គម (Social Network) ក្នុងដំណើរការអាជីវកម្ម
៤. តើត្រូវពិនិត្យ និងធ្វើយ៉ាងណាដើម្បីដើរអោយទាន់សម័យ Digital?
៥. តើអាជីវកម្មថ្មីថ្មោងអាចរីកចម្រើនបានយ៉ាងដូចម្តេចនៅសម័យ Digital?
៦. តើយុទ្ធសាស្ត្រអ្វីដែរអនុញ្ញាតឲ្យក្រុមហ៊ុនមួយរីកចម្រើនខ្លាំងក្នុងសម័យ Digital?
៧. ស្រាយចម្ងល់ផ្សេងៗតាមរយៈការជជែកវែកញែកបន្ថែមជាមួយវាគ្មិននិងអ្នកចូលរួមជាច្រើនទៀត។

កុំភ្លេចជួបគ្នានៅ ផាកកាហ្វេ សាខាបឹងកេងកងត្រសក់ផ្អែម! Location Map: https://goo.gl/yzJjBX

កាលបរិច្ឆេទ ៖ ថ្ងៃទី25 តុលា 2017

ពេលវេលា៖ 05:30នាទី

តម្លៃសំបុត្រ៖ 15ដុល្លារ

ទំនាក់ទំនង ៖ 012 32 28 22/ 012 232 823

***បញ្ជាក់តម្លៃសំបុត្រនេះមានការរួមបញ្ចូលជាមួយនឹង Cocktail Networking រួចជាស្រាច់។

កុំស្ទាក់ស្ទើរ !បើចង់ចូលរួមសូមចុះឈ្មោះ ទីនេះ

October 17, 2017

ក្រុមហ៊ុន កម្ពុជា អង្គរ អ៊ែរ សាទរអាកាសយានិកកម្ពុជា ពី Viet Flight Training រួមជាមួយការទទួលបានវិញ្ញាបនបត្រពី IATA និងកិច្ចសហការដៃគូជាមួយក្រុមហ៊ុន E-money

ជាការបង្ហាញពីការស្វាគមន៍ចំពោះវត្តមានថ្មីរបស់អាកាសយានិកកម្ពុជា ដែលចូលមកបម្រើនៅក្នុងវិស័យហោះហើរលើការដឹកជញ្ជូនតាមផ្លូវអាកាសបន្ទាប់ពីបានទទួលការបណ្តុះបណ្តាលពី Viet Flight Training ចំនួន4រូប និងការទទួលបានវិញ្ញាបនបត្រផ្នែកសុវត្ថិភាព សមត្ថភាព (IOSA) ពីសមាគមដឹកជញ្ជូនផ្លូវអាកាសអន្តរជាតិ (IATA) ក៏ដូចជាការសាទរនូវកិច្ចព្រមព្រៀង (MOU) ជាមួយក្រុមហ៊ុន E-money ផងនោះ ក្រុមហ៊ុន អាកាសចរណ៍ អាកាសចរណ៍ កម្ពុជា អង្គរ អ៊ែរ (Cambodia Angkor Air) បានរៀបចំពិធីអបអរសាទរយ៉ាងរីករាយ និងអធិកអធមបំផុតនៅសណ្ឋាគារ អាំងទែកុងទីណង់តាល់(Intercontinental) ក្រោមការចូលពីសំណាក់ថ្នាក់ដឹកណាំក្រុមហ៊ុន បណ្តាបុគ្គលិក រួមទាំងភ្ញៀវជាតិ-អន្តរជាតិ យ៉ាងច្រើនកុះករ ។

ថ្លែងទៅកាន់ពិធីទាំងមូល ឯកឧត្តម តឹក រ៉េចសំរេច រដ្ឋលេខាធិកានៃទីស្ដីការគណៈរដ្ឋមន្ត្រី និងជាប្រធានក្រុមប្រឹក្សាភិបាល ក្រុមហ៊ុនអាកាសចរណ៍ កម្ពុជា អង្គរ អ៊ែរ បានលើកឡើងថា ៖ កម្ពុជា អង្គរ អ៊ែរ គឺជាក្រុមហ៊ុនមួយដែលទទួលបានភាពជោគជ័យលើការបម្រើសេវាដឹកជញ្ជូនតាមផ្លូវអាកាសគួរជាទីមោទន ។ ជាក់ស្ដែង នៅត្រឹមរយៈពេល8ឆ្នាំ នៃប្រតិបត្តិការណ៍ក្នុងការដឹកជញ្ជូនភ្ញៀវទេសចរទាំងនៅក្នុងប្រទេស និងក្រៅប្រទេសប្រកបដោយសុវត្ថិភាព និងគុណភាពនោះ គឺយើងតែងទទួលបានការកោតសរសើរ និងជឿទុកចិត្តពីសំណាក់ភ្ញៀវដែលធ្វើដំណើរទៅលើការយកចិត្តទុកដាក់ទៅលើសេវាកម្មបម្រើប្រកបដោយភាពកក់ក្ដៅ។ លើសពីនេះទៅទៀត អ្វីដែលជាមោទនភាពបំផុតចំពោះក្រុមហ៊ុនអាកាសចរណ៍ កម្ពុជា អង្គរ អ៊ែរ គឺកាលពីពេលកន្លងទៅថ្មីៗនេះ យើងទទួលបានវិញ្ញាបនបត្រផ្នែកសុវត្ថិភាព សមត្ថភាព (IOSA) ពីសមាគមដឹកជញ្ជូនផ្លូវអាកាសអន្តរជាតិ (IATA) ដែលវាជាប្រវត្តិសាស្ត្រ និងជាលើកដំបូងគេបំផុតសម្រាប់ក្រុមហ៊ុនអាកាសចរណ៍នៅកម្ពុជា ។

ឯកឧត្តមបានបន្តទៀតថា ៖ ជាមួយនឹងប្រតិបត្តិការយ៉ាងសកម្មរបស់ កម្ពុជា អង្គរ អ៊ែរ នាពេលនេះ អ្វីដែលជាមោទនភាពធំបំផុតចំពោះកម្ពុជានោះ ថ្ងៃយើងបានស្វាគមន៍វត្តមានថ្មីរបស់អាកាសយានិកវ័យក្មេងរបស់កម្ពុជាចំនួន4នាក់ ដែលបានបញ្ចប់ការហ្វឹកហ្វឺន និងបណ្តុះបណ្តាលយ៉ាងត្រឹមត្រូវរបស់មជ្ឈមណ្ឌលហ្វឹកហ្វឺនការហោះហើរ Viet Flight Training ហើយវាក៏ជាប្រវត្តិសាស្ត្រថ្មីនៃការបណ្តុះបណ្តាលអាកាសយានិកជំនាន់ក្រោយរបស់កម្ពុជាផងដែរ ។ ជាមួយគ្នានេះ យើងនៅតែប្តេជ្ញាពង្រឹង និងពង្រីកសេវាបម្រើលើវិស័យអាកាសចរណ៍នៅកម្ពុជាឱ្យកាន់តែទូលំទូលាយបន្ថែមទៀត ដែលវាស្របទៅនឹងពាក្យស្លោករបស់ក្រុមហ៊ុនអាកាសចរណ៍ កម្ពុជា អង្គរ អ៊ែរ ថា «បម្រើព្រះរាជាណាចក្រកម្ពុជាដោយមោទនភាព» ។

គួរបញ្ជាក់ផងដែរថា នៅក្នុងឱកាសនៃកិច្ចស្វាគមន៍វត្តថ្មីរបស់អាកាសយានិកវ័យក្មេងទាំង4រូប ជាប្រវត្តិសាស្ត្ររបស់កម្ពុជានាពេលនោះ ក្រុមហ៊ុនអាកាសចរណ៍ កម្ពុជា អង្គរ អ៊ែរ ក៏បានប្រកាសពីការធ្វើកិច្ចសហការជាមួយក្រុមហ៊ុន E-money ដោយរាល់ការទិញសំបុត្រយន្តហោះ អតិថិជនអាចធ្វើការបញ្ជាទិញជាមួយគណនី E-money ឬតាមរយៈបញ្ជរនានាដែលជាបណ្តាញរបស់ក្រុមហ៊ុន E-money បាននៅទូទាំងព្រះរាជាណាចក្រកម្ពុជា ។ តាមរយៈកិច្ចហការរវាងក្រុមហ៊ុនទាំង2 នេះ ពិតជាបានបង្កភាពងាយស្រួល និងផ្តល់ជម្រើសកាន់តែប្រសើរចំពោះអតិថិជនទូទៅផងដែរ ៕

October 14, 2017

Vivo នាំយកស្មាតហ្វូន V7 Plus កាមេរ៉ាមុខ 24MP ដំបូងគេបំផុតមកទីផ្សារកម្ពុជា

ជាថ្មីម្ដងទៀត ក្រុមហ៊ុន Vivo ដែលជាស្លាកសញ្ញាដ៏ល្បីល្បាញមួយក្នុងពិភពស្មាតហ្វូនបានធ្វើការដាក់សម្ពោធនូវទូរស័ព្ទដ៏ទំនើបបំពាក់កាមេរ៉ាមុខ 24 MP អាចថតរូប Selfie ច្បាស់កម្រិតកាមេរ៉ាអាជីព និងមានសមត្ថភាពដំណើរការល្អ ក្នុងទីផ្សារកម្ពុជា ជាមួយនឹងតម្លៃសមរម្យនៅផ្សារទំនើប Aeon Mall ភ្នំពេញកាលពីល្ងាចថ្ងៃទី 13 ខែតុលា ឆ្នាំ 2017 ដោយមានតារាចម្រៀង លោក ព្រាប សុវត្ថិ ជាអ្នកតំណាងផលិតផល។

ទូរស័ព្ទ Vivo V7+ ត្រូវបានផលិតឡើងដោយលោហៈធាតុ ជាប្រភេទ Uni-body និងខ្សែអង់តែន ពណ៌ប្រាក់ លើក្រោម ឆ្នូត 2 ជាន់ និងផ្ទៃខាងមុនមានអេក្រង់លាតធំ 84.4% នៃផ្ទៃខាងមុខ ដែល Vivo ហៅថា FullView Display មានអេក្រង់ 5.99 អ៊ីង ជាមួយកម្រិត Aspect Ratio 18:9 ដូចដែលមានលើ LG G6 និង Galaxy S8 ដែរ និងមានសមត្ថភាពអាចបង្ហាញរូបភាពបានកម្រិត HD+ 720×1440 ភិចស៊ែល ហើយមកលើបន្តិច មានកាមេរ៉ាមុខ ហើយក៏គ្មានប៊ូតុងចុច រញ៉េរញ៉ៃឡើយ។

កាមេរ៉ាជាចំណុចលេចធ្លោបំផុតពីស្មាតហ្វូននេះ គឺកាមេរ៉ាខាងមុខជាប្រភេទ Moonlight Selfie ទំហំ 24MP ដែលមានស៊ែនស័រ ធំដល់ 1/2.78” ជាមួយកម្រិត Aperture f2.0 អាចថត រូបភាព Wide angle បានទូលាយល្អ ដូចជា GoPro អញ្ចឹង ព្រមទាំងអាចថត Portrait ជាមួយកាមេរ៉ាខាងមុខទៀតផង។ រីឯកាមេរ៉ាក្រោយទំហំ 16MP ជាប្រភេទ PDAF ដែលមានកម្រិត Aperture f2.0 ដូចខាងមុខដែរ Focus រូបភាពបានរហ័ស និងអាចថត រូបភាព Ultra HD ទំហំ 64MP ដែលរក្សាឱ្យរូបភាពម៉ត់ច្បាស់ល្អមែនទែន។

ចំពោះកម្លាំងម៉ាស៊ីនទូរស័ព្ទនេះ បំពាក់នូវបន្ទះឈីប Qualcomm Snapdragon 450 ប្រើ CPU ប្រភេទ Octa-core 64-bit ល្បឿន 1.8 GHz ក្រាហ្វិច Adreno 506 ហើយមាន Ram ទំហំ 4GB អង្គផ្ទុកទិន្នន័យ 64GB អាចបន្ថែម SD ក្រៅបានដល់ 256GB ដំណើរការដោយ Android 7.1 Nougat ស្រោបដោយ Funtouch OS 3.2 ថ្មទំហំ 3225 mAh។

ក្រៅពីនេះ Vivo ក៏បានបន្ថែមមុខងារពិសេសៗគួរឱ្យចាប់អារម្មណ៍មួយចំនួននៅលើ ស្មាតហ្វូននេះ ដូចជា ៖ Face Acess : ដោះសោរដោយប្រើប្រាស់មុខមនុស្ស ប្រព័ន្ធតន្ត្រី Hi-Fi មុខងារចែកអេក្រង់ជា 2, App Clone សម្រាប់ចែកកម្មវិធីជា 2, Game Mode អាចកំណត់មុខងារជាច្រើនពេលកំពុងលេងហ្គេម និងអាចប្រើមុខងារ Beauty នៅលើ Video Call បាន។ ចំពោះតម្លៃ ក្រុមហ៊ុនដាក់ចេញក្នុងតម្លៃ 399ដុល្លារសម្រាប់ទីផ្សារកម្ពុជា៕

October 14, 2017

ភោជនីយដ្ឋានតូប៉ាហ្សស្វាគមន៍មេចុងភៅលំដាប់ផ្កាយ 2 មកពីបារាំង

ជាមួយនឹងការបង្ហាញពីភាពស្វាគមន៍ចំពោះវត្តមានរបស់មេចុងភៅមកពីប្រទេសបារាំង ដែលមានបទពិសោធន៍ជាមួយការចម្អិនអាហារលំដាប់ផ្កាយ 2 លោកលោក GUY LASSAUSAIE ភោជនីយដ្ឋានតូប៉ាហ្ស មានកិត្តិយសសូមជម្រាបជូនដល់មហាជនទូទៅ ជាពិសេសអតិថិជនដែលតែងគាំទ្រជឿទុកចិត្តលើអាហាររបស់ភោជនីយដ្ឋានតូប៉ាហ្ស ថា នៅថ្ងៃទី១២ ខែតុលា ស្អែកនេះ មេចុងភៅលំដាប់ផ្កាយពីរ Michelin stars គឺលោក Guy Lassausaie. នឹងត្រៀមនូវមុខម្ហូបចំនួន 7 មុខសម្រាប់អាហារពេលល្ងាចដោយមានបន្ថែមជាមួយនឹងស្រាជាច្រើនប្រភេទ ដោយក្នុងមុខម្ហូបទាំងអស់សុទ្ធសឹងតែជាម្ហូបដែលត្រូវបានទទួលស្គាល់ពាសពេញពិភពលោក ។

លោក Arnaud DARC ជាអគ្គនាយកប្រតិបត្តិរបស់ក្រុមហ៊ុន ថាលាស និងជាសហស្ថាបនិកដែលបានបង្កើតភោជនីយដ្ឋាន តូប៉ាហ្ស ដំបូងក្នុងឆ្នាំ1997 បានមានប្រសាសន៍ថា « នេះជាលើកទីមួយសម្រាប់ភោជនីយដ្ឋាន តូប៉ាហ្ស និងជាកម្មវិធីដ៏កម្រមួយក្នុងទីក្រុងភ្នំពេញ ដែលយើងអាចអញ្ជើញអ្នកដែលល្បីល្បាញនិងប៉ិនប្រសប់ក្នុងការចម្អិនអាហារដូចជាលោក Guy Lassausaie ដើម្បីមកបង្ហាញពីជំនាញក៏ដូចជាបង្ហាត់បង្រៀនដល់ក្រុមមេចុងភៅក្នុងភោជនីយដ្ឋាន តូប៉ាហ្ស ហើយនេះក៏ជាការបង្ហាញឱ្យឃើញថាទីក្រុងភ្នំពេញសព្វថ្ងៃកំពុងតែមានការអភិវឌ្ឍន៍យ៉ាងខ្លាំង»។

លោក Guy Lassausaie មានអាយុ 56 ឆ្នាំ មកពីខេត្ត Chasseley ក្នុងទីក្រុង Lyon នៃប្រទេសបារាំង ។ នៅតំបន់នេះ ក្នុងអំឡុងឆ្នាំ1984 លោក Guy Lassausaie បានរៀបចំភោជនីយដ្ឋាន ដែលជាបន្សល់ទុកពីដូនតារបស់លោកតាំងពីឆ្នាំ 1906 សាជាថ្មី និងបន្តរីកចម្រើនរហូតមកដល់សព្វថ្ងៃ។ លោកបានឈ្នះពានរង្វាន់ជា Michelin star លើកដំបូងក្នុងឆ្នាំ1994 ហើយលើកទី 2 ក្នុងឆ្នាំ 2009 រហូតបានក្លាយជាគំរូដល់អ្នកដែលប្រាថ្នាចង់ក្លាយជាមេចុង ។ លោកគឺជាអ្នកជំនាញដ៏ពិតប្រាកដ ដែលមិនត្រឹមតែមានសមត្ថភាពចម្អិនអាហារបែបបារាំងប៉ុណ្ណោះទេ ប៉ុន្តែលោកបានស្រាវជ្រាវ និងស្វែងរកនូវបទពិសោធន៍ជាច្រើនជុំវិញពិភពលោកផងដែរ។ ក្នុងអំឡុងពេលស្នាក់នៅប្រទេសកម្ពុជាលោកនឹងធ្វើដំណើរទៅខេត្តកំពតដើម្បីស្វែងយល់អំពីគ្រឿងទេសដ៏មានតំលៃរបស់ប្រទេសកម្ពុជា។

គួរបញ្ជាក់ផងដែរថា ខណៈពេលដែលមេចុងភៅ លោក Lassausaie ស្នាក់នៅក្នុងប្រទេសកម្ពុជា លោកនឹងធ្វើការងារយ៉ាងជិតស្និទ្ធិជាមួយនឹងលោកមេចុងភៅប្រចាំភោជនីយដ្ឋានតូប៉ាហ្ស លោក ពៅ សុភ័ក្រ្តនិងសហជីវិន សហជីវីនីរបស់លោកផងដែរ។ លោកនឹងចែករំលែកនូវបទពិសោធន៍ក៏ដូចជាចំណេះដឹងនិងគំនិតផ្សេងៗ។ ដូច្នេះក្រុមសហជីវិន សហជីវីនីរបស់ភោជនីយដ្ឋាន តូប៉ាហ្ស ទាំងអស់ នឹងបន្តខិតខំពង្រឹងបន្ថែមនូវសមត្ថភាពរបស់ពួកគេផងដែរ។ លោកមេចុងភៅលំដាប់ពិភពលោកម្នាក់នេះ នឹងរៀបចំនូវមុខម្ហូបពិសេសៗនៅក្នុងភោជនីយដ្ឋាន តូប៉ាហ្ស ដែលជារូបមន្ត និងជាចំណុចពិសេស ដែលធ្វើឱ្យលោកក្លាយជាអ្នកល្បីល្បាញ ដោយមុខម្ហូបនៅក្នុងពេលនោះមានដូចជាការរួមបញ្ចូលស្ទីលពងមាន់បាហ្គាន់ឌីជាមួយភ្លៅកង្កែប , ផ្សិតប៉ូឆីនី និងពពុះខ្ទឹមសបំពង រួមជាមួយនិងម្ហូបពិសេសៗជាច្រើនមុខទៀត៕

October 11, 2017

Ice-watch នឹងរៀបចំកម្មវិធី Time of Fashion Show រដូវកាលទី1 ឆាប់ៗខាងមុខនេះ

ក្រុមហ៊ុន Watch Empire ដែលត្រូវបានគេទទួលស្គាល់ថាជាក្រុមហ៊ុននាំចូលម៉ាកនាឡិកាដៃ Ice-Watch បានរួមសហការពីបណ្ដាក្រុមហ៊ុនផ្សេងៗដូចជា សណ្ឋាគារ Sun &Moon ក្រុមហ៊ុនផ្គត់ផ្គង់សេវាអ៊ីនធឺណិតឌីជី ក្រុមហ៊ុន YVS Rocher និង Alex buntha creative studio ដែលពួកគាត់បានសហការគ្នា នឹងរៀបចំបង្កើតកម្មវិធីបែបហ្វេសសិនល្បីប្លែកដំបូងបង្អស់មួយក្នុងកំឡុងខែវិច្ឆិកា នាពេលឆាប់ៗខាងមុខនេះ។

គួរបញ្ជាក់ផងដែរថា កាលពីថ្ងៃសៅរ៍កន្លងទៅប៉ុន្មានថ្ងៃមុននេះ ក្នុងគេហទំព័ររបស់ Watch Empire បានធ្វើការអាប់ឡូតវីដេអូ Teaser បែបហ្វេសសិនរបស់ម៉ូដែលមួយរូប គឺកញ្ញា ចាន់ គង់ការ អមនឹងភាពទាកទាញយ៉ាងរស់រវើក។

ទាក់ទិននឹងកម្មវិធីនេះ នឹងត្រូវបានគេរៀបចំឡើងក្នុងខែវិច្ឆិកាខាងមុខនេះ ដោយមានការចូលរួមឆ្នៃម៉ូដប្លែកៗពី Designer ចំនួនពីររូបទោះយ៉ាងណាខាងក្រុមហ៊ុននាឡិកានេះមិនទាន់បញ្ជាក់ច្បាស់ថា តើ designer ពីរូបនោះជានណានោះទេ?

ចង់ដឹងដែរទេថា ក្នុងកម្មវិធីនោះ នឹងមានអ្វីខ្លះ សូមចូលទៅកាន់តំណរនេះទាំងអស់គ្នា https://www.facebook.com/nathe.mini/posts/850797095096897 ឬចង់តាមដានពីកម្មវិធីបន្ទាប់ទៀត កុំភ្លេចចូលទៅកាន់គេហទំព័រ “ Watch Empire”៕

October 11, 2017

ស្រាបៀរ ABC EXTRA STOUT រូបរាងថ្មី រសជាតិពិសេសដដែល

ភ្នំពេញ៖ អ្នកតំណាងក្រុមហ៊ុនផលិតស្រាបៀរកម្ពុជា (CBL) បានថ្លែងទៅកាន់អ្នកសារព័ត៌មានអំពីវិធីឌីហ្សាញរូបរាងកំប៉ុងថ្មីពណ៌ខ្មៅ និងមាសនៃស្រាបៀរ ABC Extra Stout ដែលបានទទួលជោគជ័យដ៏ធំធេងដោយសារតែរូបរាងទាន់សម័យបែបទំនើប និងមិនមានការផ្លាស់ប្តូររសជាតិនៃស្រាបៀរ ABC ដែលបានឈ្នះពានរង្វាន់។

អ្នកតំណាងក្រុមហ៊ុនបានពន្យល់ឲ្យដឹងថា៖ “ស្រាបៀរ ABC គឺជាស្រាបៀរ ទឹកខ្មៅដែលឈានមុខគេលើទីផ្សារនៅក្នុងព្រះរាជាណាចក្រកម្ពុជាអស់រយៈពេលជាច្រើនឆ្នាំមកហើយដោយសារតែគ្រឿងផ្សំមានគុណភាពខ្ពស់បំផុត និងរូបមន្តផ្សំពិសេសដូច្នេះនេះគឺជាអ្វីដែលយើងរក្សាបានគុណភាពដដែល។ យើងសូមធានាថា យើងមិនបានធ្វើការផ្លាស់ប្តូរគ្រឿងផ្សំ និងរូបមន្តក្នុងការផលិតស្រាបៀរទឹកខ្មៅនេះ។ រសជាតិឆ្ងាញ់នៅដដែល ប៉ុន្តែឥឡូវនេះមានការរចនារូបរាងកាន់តែទាន់សម័យ និងទំនើប”។

អ្នកតំណាងបានមានប្រសាសន៍ទៀតថា៖ “កាលពីឆ្នាំមុនយើងបានបើកពិធីសម្ពោធន៍ដាក់លក់ស្រាបៀរ ABC Extra Stout ដបជាមួយនឹងការវេចខ្ចប់បែបទំនើបដែលទទួលបានជោគជ័យយ៉ាងខ្លាំង ដែលនាំឲ្យយើងឈានទៅរចនាឌីហ្សាញកំប៉ុងឲ្យស៊ីគ្នានឹងការរចនាដបនេះ។ ប៉ុន្តែអ្វីគ្រប់យ៉ាងនៅតែដដែលជាមួយនឹងរសជាតិឆ្ងាញ់នៃស្រាបៀរ ABC ដែលអតិថិជនរបស់យើងតែងតែរីករាយទទួលទាន។

អ្នកតំណាងបានបន្តបញ្ជាក់ថា ប្រជាប្រិយភាពនៃស្រាបៀរ ABC នៅតែបន្តការពេញនិយមដោយសារតែតម្រូវការកាន់តែច្រើនឡើងៗ របស់អតិថិជនសម័យទំនើបនិងទាន់សម័យដែលចូលចិត្តតែរបស់ប្រណីតល្អៗក្នុងជីវិតប៉ុណ្ណោះ។

ABC Extra Stout ដែលជាស្រាបៀរទឹកខ្មៅគុណភាពខ្ពស់លំដាប់ថ្នាក់លេខមួយនៅកម្ពុជាបានចាប់ផ្តើមយុទ្ធនាការផ្សព្វផ្សាយពាណិជ្ជកម្មមួយដែលមានឈ្មោះថា “ជាឧត្តមភាពដ៏ល្អឯក” ជាមួយនឹងការផ្សាយពាណិជ្ជកម្មតាមទូរទស្សន៍និងកាសែត និងការផ្សាយពាណិជ្ជកម្មឌីជីថល។

ដើម្បីស្វែងយល់បន្ថែមអំពីព័ត៌មាននៃស្រាបៀរ ABC Extra Stout សូមតាមដាន៖ www.facebook.com/ABC.ExtraStoutCambodia/

សូមរីករាយទទួលទានស្រាបៀរ ABC Extra Stout ដោយទទួលខុសត្រូវ

October 11, 2017

វិទ្យាស្ថានសិក្សាដើម្បីជោគជ័យ បើកបវេសនកាលថ្មី ឆ្នាំ 2017 – 2018

ក្រោយពីបញ្ចប់ការប្រឡងមធ្យមសិក្សាទុតិយភូមិ (បាក់ឌុប) 2017 កាលពីពេលកន្លងទៅនោះ គេសង្កេតឃើញថា សិស្សានុសិស្សជាច្រើននាក់បានទៅចុះឈ្មោះសិក្សាយ៉ាងច្រើនកុះករនៅវិទ្យាស្ថានសិក្សាដើម្បីជោគជ័យ ដែលជាគ្រឹះស្ថានអប់រំសិក្សា ដែលពូកគេជឿជាក់ថាអាចផ្តល់អនាគតដ៏ភ្លឺស្វាងទាំងការសិក្សា និងការងារសម្រាប់ពួកគេ។ អាស្រ័យហេតុនេះ ដោយមើលឃើញពីចំនួននៃការចុះឈ្មោះមានការកើនឡើងនោះ វិទ្យាស្ថានបានរៀបចំកម្មវិធីបើកបវេសនកាលឆ្នាំសិក្សា 2017-2018 សម្រាប់ជាការជូនដំណឹងដល់សិស្សានុសិស្សដែលបានចុះឈ្មោះសិក្សាមុននឹងពួកគេចាប់កម្មវិធីបង្វឹករយៈពេល3ខែមុនចូលបម្រើការងារ និងកម្មវិធីសិក្សាថ្នាក់មហាវិទ្យាល័យ។

ថ្លែងនៅក្នុងកម្មវិធីបើកបវេសនកាលកាលពីព្រឹកថ្ងៃទី09 ខែតុលា ឆ្នាំ2017 ម្សិលមិញនេះ លោក កឹម អឿន នាយកប្រតិបត្តិ វិទ្យាស្ថានសិក្សាដើម្បីជោគជ័យ បានមានប្រសាសន៍ថា ៖ កាលរៀបចំពិធីបវេសនកាលនេះ គឺធ្វើឡើងក្នុងគោលបំណងជាការប្រកាសជាសាធារណៈជូនប្អូនៗសិស្សានុសិស្ស ដែលបានមកចុះឈ្មោះសិក្សានៅវិទ្យាស្ថាន និងដើម្បីឱ្យពួកគេបានត្រៀមខ្លួនចូលរួមកម្មវិធីបណ្តុះបណ្តាលរយៈពេល3ខែ ត្រៀមសម្រាប់ធ្វើការងារ និងការត្រៀមខ្លួនចូលសិក្សាថ្នាក់មហាវិទ្យាល័យសម្រាប់ឆ្នាំសិក្សា 2017-2018 នេះផងដែរ ។ បន្ថែមពីនេះ ការបើកបវេសនកាលថ្មីនាពេលនេះ ក៏ជាឱកាសមួយដែលប្អូនៗសិស្សានុសិស្សបានស្វែងយល់កាន់តែច្បាស់ពីទស្សនវិស័យរបស់វិទ្យាស្ថានសិក្សាដើម្បីជោគជ័យ ក៏ដូចជាទស្សនវិស័យរបស់ក្រុមប្រឹក្សាភិបាលរបស់វិទ្យាស្ថានក្នុងការជួយសិស្ស-និស្សិតឱ្យមានការងារធ្វើបើទោះបីជាពួកគេប្រឡងមធ្យមសិក្សាទុតិយភូមិជាប់ក្ដី ឬមិនជាប់ក្ដី »។

នៅក្នុងឱកាសជាមួយគ្នានេះ លោក ស៊ីវ ស្រេង នាយករងទទួលបន្ទុកការិយាល័យសិក្សានិស្សិត ក៏បានបញ្ជាក់ផងដែរថា ៖ «ការបើកបវេសនកាលថ្មី វាគឺជាកម្មវិធីមួយដ៏សំខាន់សម្រាប់ប្អូនៗដែលបានចុះឈ្មោះសិក្សានៅវិទ្យាស្ថាន ដើម្បីបង្ហាញពីការចាប់ផ្តើមនូវកម្មវិធីសិក្សា ត្រៀមដើម្បីទទួលបានការងារ និងការចាប់ផ្តើមថ្នាក់មហាវិទ្យាល័យរបស់ពួកគេ ប៉ុន្តែសម្រាប់ប្អូនៗដែលចង់ចុះឈ្មោះសិក្សានៅវិទ្យាស្ថាន យើងនៅតែមន្តទទួលចុះឈ្មោះរៀនជារៀងរាល់ថ្ងៃ ព្រោះការបើកបវេសនកាលថ្មីនេះ គឺសម្រាប់ប្អូនៗជំហ៊ានទី1 តែប៉ុណ្ណោះ » ។

អ្វីដែលជាការគួរឱ្យកត់សម្គាល់នោះ លោក ឃីម សុខហេង ស្ថាបនិកនៃវិទ្យាស្ថានសិក្សាដើម្បីជោគជ័យ បានសង្កត់ធ្ងន់ថា ៖ ការជួយឱ្យសិស្ស-និស្សិតបានបន្តការសិក្សាថ្នាក់មហាវិទ្យាល័យ ហើយមានការងារធ្វើក្នុងពេលតែមួយ គឺជាបេសកកម្មដ៏ធំមួយរបស់វិទ្យាស្ថានសិក្សាដើម្បីជោគជ័យ ដើម្បីជួយដល់ប្អូនៗដែលជាសិស្សានុសិស្ស ដែលខ្វះលទ្ធភាព តែចង់បន្តការសិក្សារបស់ខ្លួន។ នៅក្នុងឱកាសនេះ ខ្ញុំក៏ចង់បញ្ជាក់ផងដែរថា សម្រាប់ប្អូនៗដែលចង់សិក្សានៅវិទ្យាស្ថានសិក្សាដើម្បីជោគជ័យ ការចុះឈ្មោះជាជំហ៊ានទី2 គឺនៅតែទទួលចុះឈ្មោះជារៀងរាល់ថ្ងៃ ហើយបើទោះជាប្រឡងបាក់ឌុបជាប់ក្ដី ឬមិនជាប់ក្ដី មានក្តី ក្រក្ដី សូមកុំបោះបង់ការសិក្សាចោល បើខ្វះលទ្ធភាពបន្តការសិក្សា យើងអាចធ្វើការបណ្ដើរ សិក្សាបន្តបណ្ដើរ កុំអស់សង្ឃឹមឱ្យសោះ ។

សូមបញ្ជាក់ផងដែរថា ក្នុងឱកាសនោះដែរ ក៏មានការចុះអនុស្សារណៈយោគយល់ទទួលយកនិស្សិត របស់វិទ្យាស្ថានឱ្យចូលបម្រើការងារពីក្រុមហ៊ុនជាដៃគូជាង10 ក្នុងឆ្នាំសិក្សាថ្មីនេះផងដែរ។ ប្រធានក្រុមហ៊ុន Bamboo PLC និង ក្រុមហ៊ុន Laksmi Preme Investment និងជាអ្នកដំណាងក្រុមហ៊ុន10ផ្សេងទៀតគឺ លោក លឹម សុជាតិ បានមានប្រសាសន៍ឱ្យដឹងផងដែរថា « ការដែលខ្ញុំទទួលយកនិស្សិតពីវិទ្យាស្ថាន សិក្សាដើម្បីជោគជ័យ ឱ្យចូលរួមបម្រើការងារក្នុងក្រុមហ៊ុនរបស់ខ្ញុំ បើទោះបីពួកគេទើបតែចប់បាក់ឌុប ធ្លាក់ក៏ដោយ ជាប់ក៏ដោយ ឬជានិស្សិតទើបចូលរៀនឆ្នាំទី1ក្ដី នោះក៏ព្រោះតែខ្ញុំបានយល់ឃើញថា ពួកគេម្នាក់ៗ មានជំនាញ AML Soft Skill រួចជាស្រេច ដែលវាជាដើមទុនដ៏ធំមួយ ងាយក្នុងការបណ្ដុះបណ្ដាល និងហាត់ពត់ពួកគេឱ្យក្លាយទៅជាបុគ្គលិកដ៏ល្អរបស់ក្រុមហ៊ុន »៕

October 10, 2017

ក្រុមហ៊ុនសាមសុងនៅកម្ពុជាចែករំលែកក្តីស្រឡាញ់ និងការយកចិត្តទុកដាក់ចំពោះកុមារ

នេះគឺជាឆ្នាំទី2 ហើយដែលបុគ្គលិកក្រុមហ៊ុនសាមសុងអេឡិចត្រូនិចប្រចាំប្រទេសកម្ពុជា បាននាំគ្នាចូលរួមក្នុងកម្មវិធី “Samsung Love & Care” ដែលជាកម្មវិធីស្ម័គ្រចិត្តប្រចាំឆ្នាំជាសកលរបស់ក្រុមហ៊ុនសាមសុងក្នុងការចូលរួមចំណែកជួយដល់ការងារសង្គម។ សម្រាប់ឆ្នាំ2017នេះ ពួកគេបានជ្រើសរើស មណ្ឌលពន្លឺអនាគតកុមារ ដែលជាអង្គការជួយដល់សិស្ស និងកុមារដែលមានបញ្ហាខ្វះខាតប្រឈមជាមួយជីវភាពគ្រួសារ បញ្ហាសុខភាព និងបញ្ហាផ្សេងទៀត។

លោក Seungho Choi អគ្គនាយកក្រុមហ៊ុនថៃសាមសុងអេឡិចត្រូនិចសាខាកម្ពុជាបានមានប្រសាសន៍នៅក្នុងកម្មវិធី Samsung Love and Care នេះថា៖ « ក្រុមហ៊ុនសាមសុង តែងតែប្តេជ្ញាចិត្តថា នឹងខិតខំប្រែងប្រែងឱ្យអស់ពីសមត្ថភាពក្នុងការបង្កើតសមិទ្ធផលអាជីវកម្ម ជារួមចំណែកជាមួយនឹងសហគមន៍។ បន្ទាប់ពីទទួលបានភាពជោគជ័យ និងការឆ្លើយតបវិជ្ជមានពីបុគ្គលិកស្ម័គ្រចិត្តកាលពីឆ្នាំមុន ក្រុមហ៊ុនពិតជារំភើបដែលបានបង្ហាញខ្លួនក្នុងប្រទេសកម្ពុជា ជាមួយនឹងការផ្តួចផ្តើមដ៏មានខ្លឹមសារនេះ ដែលបានសហការជាមួយមណ្ឌលពន្លឺអនាគតកុមារក្នុងឆ្នាំនេះ ។ នៅពេលដែលយើងធ្វើការសម្រាប់ក្រុមហ៊ុន យើងតែងតែសួរខ្លួនឯងនូវមួយសំណួរថា តើការងារ និងជំនួញរបស់យើងអាចជួយមនុស្សគ្រប់គ្នានៅក្នុងសង្គមតាមវិធីណា? យើងតែងតែសួរខ្លួនឯងនូវសំណួរនេះ ព្រោះយ៉ាងហោចណាស់ ទូរស័ព្ទដៃក៏ត្រូវបានចាត់ទុកថា ជាឧបករណ៍ដែលអាចឱ្យមនុស្សអាចធ្វើការទំនាក់ទំនងគ្នា។ ប្រសិនបើយើងអាចចំណាយពេលវេលាច្រើនជាងមុនជាមួយមនុស្សដែលមាន សាវតាផ្សេងៗគ្នា មិនថាពួកគេជានរណា មកពីណា យើងជឿជាក់ថា ពួកគេអាចរៀននូវអ្វីដែលថ្មី ហើយស្វែងរកវិធីក្នុងការជួយសហគមន៍ ដើម្បីក្លាយជាសមាហរណកម្មនៅក្នុងសង្គមរបស់យើង»

ដោយមានការសហការជាមួយអង្គការក្រៅរដ្ឋាភិបាល ដែលមានឈ្មោះថា មណ្ឌលពន្លឺអនាគតកុមារ បុគ្គលិកស្ម័គ្រចិត្តសាមសុងកម្ពុជាបានរៀបចំសកម្មភាពអប់រំ និងកំសាន្តផ្សេងៗសម្រាប់កុមារក្នុងការកសាងទំនាក់ទំនង និងនាំមកនូវភាពសប្បាយរីករាយដល់ពួកគេ។ ជាមួយនឹងការប្រើប្រាស់កម្មវិធីសិក្សាក្នុងសាមសុងថេបប្លេត អ្នកស្ម័គ្រចិត្តបានបង្កើនភាពស្និតស្នាលជាមួយកុមារ តាមរយៈការលេងល្បែងអប់រំ បង្កើនចំណេះដឹង ដែលអាចជួយបង្រៀនពួកគេនូវជំនាញគិតលេខ និងអក្ខរកម្ម។ បុគ្គលិក ដែលជាអ្នកស្ម័គ្រចិត្តរបស់យើងក៏បានបម្រើអាហារថ្ងៃត្រង់ និងចែករំលែកអាហារជាមួយកុមារព្រមទាំងជជែកអំពី អ្វីដែលបានកើតទ្បើងថ្ងៃនេះ ថ្ងៃស្អែក និងថ្ងៃអនាគត។

លោក គង់ រតនៈ នាយកប្រតិបត្តិមណ្ឌលពន្លឺអនាគតកុមារ បានមានប្រសាសន៍ថា «វាពិតជាអស្ចារ្យណាស់ ដែលបានឃើញកូនៗរបស់ពួកយើងចាប់អារម្មណ៍នឹងសកម្មភាពដែលក្រុមហ៊ុនសាមសុង បាននាំធ្វើទ្បើងក្នុងថ្ងៃនេះ។ ជាធម្មតាកូនៗរបស់យើងកម្រមានឱកាសប៉ះឧបករណ៍អេទ្បិចត្រូនិក ដូចជា ថេបប្លេតនេះណាស់។ លើសពីនេះទៅទៀតមានពូមីងមកពីក្រុមហ៊ុនមកជួយបង្ហាត់បង្រៀន និងសួរសុខទុក្ខនាំមកនូវភាពកក់ក្តៅ ព្រមទាំងដិតជាប់ក្នុងការចងចាំដ៏ល្អនាពេលអនាគតរបស់ពួកគេ »។

ថ្ងៃដែលពោរពេញទៅដោយការប្រាស្រ័យទាក់ទងគ្នាយ៉ាងជិតស្និទ្ធត្រូវបានបញ្ចប់ ហើយកុមារ និងបុគ្គលិកស្ម័គ្រចិត្តរបស់សាមសុងបានលាគ្នា ជាមួយស្នាមញញឹមដ៏រីករាយដោយបាននិយាយពាក្យថា «ជួបគ្នាម្តងទៀត!»៕

October 7, 2017

កម្មវិធី «សប្បុរសធម៍ 3L» ពី KODOMO

LION CORPORATION (THAILAND) រួមជាមួយក្រុមហ៊ុន TSNR DISTRIBUTION CO.,LTD; ដែលជាក្រុមហ៊ុនតំណាងចែកចាយផលិតផល KODOMO ក្នុងព្រះរាជាណាចក្រ កម្ពុជា មានសេចក្តីសោមនស្សរីករាយក្នុងការបង្ហាញជូនយុវកុមារចំនួន 9រូបពី កម្មវិធី KODOMO Junior Singing Contest Season 9 ដើម្បីចែករំលែកភាពសប្បាយរីករាយ ជូនទៅប្អូនៗក្រោមប្រធានបទ “3L Charity (Life.Love.Laugh) #2 by KODOMO” នៅអង្គការលើកស្ទួយប្រជាពលរដ្ឋ (PIO) ដែលជាអង្គការក្រៅរដ្ឋាភិបាលផ្តល់ការសិក្សាអប់រំ និងការបណ្តុះបណ្តាលវិជ្ជាជីវៈដល់ ក្មេងស្រី កុមារកំព្រា និងកុមារដែលរស់នៅតាមដងផ្លូវនៃប្រទេសកម្ពុជា។ យើងមានគោលបំណងក្នុងការនាំមកនូវគុណភាព ប្រសើរនៃជីវិតជូនទៅសង្គម ផ្តល់នូវសេចក្តីស្រឡាញ់ជូនគ្នាទៅវិញទៅមកពីព្រោះសេចក្តី ស្រលាញ់ស្ថិតនៅជុំវិញយើងទាំងអស់គ្នា ហើយនាំមកនូវភាពសប្បាយរីករាយជូនយើង ទាំងអស់គ្នា។

ជាក់ស្តែងកាលពីថ្ងៃទី 28 កញ្ញា 2017 កន្លងទៅនេះ KODOMO បានធ្វើការបរិច្ចាគថវិកាជូនទៅដល់ អង្គការលើកស្ទួយប្រជាពលរដ្ឋ (PIO) ហើយថវិកា ដែលបរិច្ចាគត្រូវបានរាប់ពីការលក់ផលិតផល KODOMO នៅផ្សារទំនើប Lucky និង ផ្សារទំនើប Giant ចាប់ពីថ្ងៃទី 21 កក្កដា ដល់ថ្ងៃទី 30 សីហា 2017។ មិនតែប៉ុណ្ណោះ យើងក៏បានធ្វើការចែកចាយផលិតផល និងមានសកម្មភាពផ្សេងៗដើម្បីផ្តល់ភាពសប្បាយ រីករាយដល់កុមារនៅទីនោះផងដែរ។

KODOMO មានសេចក្តីសោមនស្សជាពន់ពេកដែលបានចូលរួមជាផ្នែកមួយក្នុងសង្គម កម្ពុជាផ្តល់នូវសេចក្តីស្រឡាញ់ និងភាពរីករាយដើម្បីឲ្យជីវិតកាន់តែប្រសើរឡើង។
សម្រាប់ព័ត៌មានបន្ថែមសូមតាមដាននៅក្នុងទំព័រ Facebook KodomoClubCambodia : www.facebook.com/kodomoclubcambodia

October 5, 2017

Category: PR