Category: PR

មហាគ្រួសាររថយន្ត Ford បានត្រឡប់មកដល់កម្ពុជាវិញ ជាមួយនឹងអនុស្សាវរីយ៍ដែលមិនអាចបំភ្លេចបាន
បន្ទាប់ពីបានសម្រាក បោះជុំរំ និងដើរកម្សាន្តនៅក្នុងប្រទេសថៃចំនួនពីរថ្ងៃ នៅពេលនេះ ក្បូនរថយន្តមហាគ្រួសារ Ford ដែលមានសមាជិកជាង 500នាក់ បានធ្វើដំណើរចាកចេញពីប្រទេសថៃ ដើម្បីវិញត្រឡប់ទៅប្រទេសកម្ពុជាវិញ។ ក្នុងនោះគេសង្កេតឃើញថា អតិថិជនរបស់ Ford ដែលបានចូលរួមនៅក្នុងដំណើរការកម្សាន្ត Ford ADVENTURE ម្នាក់ៗមានទឹកមុខរីករាយ ជាពិសេសពួកគាត់បាននាំមកវិញនូវអនុស្សាវីយ៍ជាច្រើន។
ដំណើរកម្សាន្តបោះជុំរំ ADVENTURE រយៈពេល 4ថ្ងៃ 3យប់នេះ គឺមានការរាំរែក និងលេងល្បែងកម្សាន្ត នាពេលរាត្រី ដោយមានអាហារពិសារ យ៉ាងឆ្ងាញ់ពិសារ អមដោយសារការប្រគំតន្ត្រី យ៉ាងកងរំពង និងមានកងកម្លាំងជាច្រើននាក់ ទាំងខ្មែរ-ថៃ បានការពារសន្ដិសុខគ្រប់ទីកន្លែង ដែលញាំងឲ្យកម្មវិធី កាន់តែសប្បាយរីករាយ ថែមមួយកម្រិតទៀត ។
រយៈពេល 2ថ្ងៃ នៅលើទឹកដីថៃ អ្នកចូលរួមទាំងអស់ មានឱកាសដើរទិញទំនិញ ជាច្រើនសំបូរបែប ក្នុងតម្លៃសមរម្យក្នុងផ្សារទំនើប Central Plaza និងផ្សារទំនើបបោះដុំ Makro នៅទីក្រុងប៉ាតាយ៉ាផងដែរ ជាពិសេសគឺបានចូលលេងកម្សាន្តក្នុងសួន NONGNOOCHPATTAYA និងភ្នំព្រះ (ព្រះធំឆ្លាក់ជាប់ភ្នំ នៅតំបន់ប៉ាត់តាយ៉ា) ព្រមទាំងបានថតរូបអនុស្សាវីយ៍ជាច្រើនទៀតផង។
គួរបញ្ជាក់ផងដែរថា ដំណើរកម្សាន្ត FORD Adventure រៀបចំដោយក្រុមហ៊ុន អ អិម អេ ខេមបូឌា (RMA Cambodia) នៅកម្ពុជានេះ គឺមានការឧបត្ថម្ភកម្មវិធី ដោយក្រុមហ៊ុន តូតាល់ ខេមបូឌា (TOTAL CAMBODGE) ដែលជាប្រេងឥន្ធនៈ ឈានមុខគេនៅកម្ពុជា និង ភេសជ្ជៈ Pepsi របស់ក្រុមហ៊ុន CAMBREW LTD & ANGKOR BEVERAGE CO.LTD ហើយក៏មានការចូលរួម សហការជាមួយ ក្រុមហ៊ុនសំបកកង់ Coopertires និងក្រុមហ៊ុន EFG (Express Food Group) ដែលរួមមាន Pizza Company, Swensen’s, Costa Coffee, BBQ Chicken, Bar.B.Q Plaza, Dairy Queen និង Krispy Kreme។
សូមបញ្ជាក់ថា ដំណើរកម្សាន្តធ្វើឡើងជារៀងរាល់ឆ្នាំ ក្នុងនោះកាលពីឆ្នាំ2007 ទៅខេត្តមណ្ឌលគិរី , ឆ្នាំ2008 ទៅកាន់ខេត្តរតនគិរី , ឆ្នាំ2009 ទៅកាន់ខេត្តប៉ៃលិន, ឆ្នាំ2010 និងឆ្នាំ2011 ទៅកាន់ទឹកដីខេត្តចម្ប៉ាសាក់ ប្រទេសឡាវ , ឆ្នាំ2012 ទៅខេត្តមណ្ឌលគិរី , ឆ្នាំ2013 ក៏បានទៅទឹកដីប្រទេសឡាវម្តងទៀត , ឆ្នាំ2014 ទៅកាន់ខេត្តត្រាត ប្រទេសថៃ , ឆ្នាំ2015 ទៅកាន់ខេត្តចន្ថាបុរី ប្រទេសថៃ និងឆ្នាំ2016 ទៅកាន់ខេត្តបុរីរាម ដោយមានចំនួនអ្នកចូលរួមកើនឡើងជាបន្តបន្ទាប់៕
December 11, 2017
JOTUN ផ្តល់ជូននូវពណ៌ដ៏ស្រស់ស្អាតសម្រាប់មហោស្រពសិល្បៈទីក្រុងកម្ពុជា
សម្រាប់ឆ្នាំទី3សិល្បករក្នុងស្រុក និងអន្តរជាតិនឹងប្រមូលផ្តុំគ្នានៅចុងសប្តាហ៍នេះ ដើម្បីគូរគំនូរលើផ្ទាំងគំនូរដ៏ធំអស្ចារ្យនៅទីតាំងមួយចំនួននៅក្នុងរាជធានីភ្នំពេញ។ JOTUN ជាម៉ាកថ្នំាលាបមកពីប្រទេសន័រវ៉េ បានធ្វើការគាំទ្រដល់សកម្មភាពមួយនេះ ដោយផ្តល់នូវថ្នាំលាបដ៏ល្អបំផុតដល់សិល្បករ។ អ្នកទស្សនាក៏អាចចូលរួមរីករាយជាមួយនឹងការប្រគំតន្ត្រី និងការតាំងពិព័រណ៍នេះផងដែរ។
ព្រឹត្តិការណ៍ដើម្បីលើកកម្ពស់ភាពច្នៃប្រឌិត និងការបង្កើតថ្មី
ក្នុងអំឡុងពេល4ថ្ងៃ គឺចាប់ពីថ្ងៃទី07-10 ខែធ្នូ ឆ្នាំ2017នេះ ប្រជាជនកម្ពុជាជនបរទេស និងអ្នកដំណើរទាំងអស់នឹងមានឱកាសទទួលបាននូវបទពិសោធ ការយល់ដឹងអំពីសិល្បៈថ្មីៗ និងវប្បធម៌នៃទីក្រុងដ៏វិសេសនេះ។ Laetitia Troussel ជាអ្នកនិពន្ធ និងជាអ្នករៀបចំព្រឹត្តិការណ៍នេះបានមានប្រសាសន៍ថា “ទស្សនីយភាពសិល្បៈតាមដងផ្លូវនៅក្នុងប្រទេសកម្ពុជានៅមានភាពក្មេងខ្ចីនៅឡើយ ការសន្យា និងថាមវន្តដែលយើងមាន ជាមោទនភាពក្នុងការជួយឱ្យសិល្បៈមួយនេះលេចចេញជាផ្លែផ្កា និងមានភាពរីកចម្រើន!”។ អ្នកជំនាញសិល្បៈគំនូរបែបសម្រុះសម្រួលវប្បធម៌ជនជាតិបារាំង ដែលរស់នៅរាជធានីភ្នំពេញរូបនេះបានសហការជាមួយ Chifumi និង ThéoVallier ដែលជាសិល្បករគំនូរតាមដងផ្លូវដ៏ល្បីល្បាញ ដោយសារតែសា្នដៃសិល្បៈគំនូរដ៏មានភាពទាក់ទាញរបស់ពួកគេពីសិល្បៈខ្មែរ និងវប្បធម៌នៅជុំវិញទីក្រុង ហើយពួកគេទាំង2នឹងបង្ហាញពីភាពច្នៃប្រឌិតរបស់ពួកគេនៅក្នុងកម្មវិធីនេះ។
គោលបំណងនៃសិល្បៈនេះគឺដើម្បីបង្ហាញពីការបង្កើត ដែលមានភាពងាយស្រួល ហើយអ្នកទំាងអស់គ្នាក៏អាចចូលរួមបានដែរ។ សិល្បករទាំងក្នុងស្រុក និងអន្តរជាតិនឹងទទួលបានតំណាងស្មើៗគ្នា ហើយកម្មវិធីនេះផ្ទាល់ គឺជាឱកាសសម្រាប់សិល្បករខ្មែរវ័យក្មេង ដើម្បីទទួលបាននូវការទទួលស្គាល់ និងធ្វើឱ្យស្នាដៃសិល្បៈរបស់ពួកគេកាន់តែមានភាពវិវឌ្ឍឡើង។
អ្នករៀបចំកម្មវិធីនេះផ្ទាល់មានគោលបំណងចង់ឱ្យអ្នកគ្រប់គ្នាបានចូលរួមទស្សនាក្នុងព្រឹត្តិការណ៍នេះ ហេតុដូច្នេះហើយបានជាព្រឹត្តិការណ៍មួយនេះមិនត្រូវបានបង់ប្រាក់ដើម្បីចូលរួមទស្សនានោះទេ លើកលែងតែដំណើរកម្សាន្តតាមម៉ូតូកង់បីនៅថ្ងៃទី10 ខែធ្នូ ដែលជាការធ្វើដំណើរទៅកាន់ទីតាំងនានាចំនួន15កន្លែងនៅជុំវិញរាជធានីភ្នំពេញប៉ុណ្ណោះនឹងត្រូវចំណាយប្រាក់សម្រាប់ចូលរួម។
JOTUN ជាដៃគូដ៏ល្អឥតខ្ចោះក្នុងការគាំទ្រសិល្បៈនៅកម្ពុជា
ម៉ាកថ្នាំលាបដ៏ល្បីមួយនេះនឹងចូលរួមគាំទ្រដល់ព្រឹត្តិការណ៍នេះជាលើកដំបូង។ លោក Svein Johan Stub ប្រធានគ្រប់គ្រងប្រចាំប្រទេសរបស់ក្រុមហ៊ុន JOTUN បានឱ្យដឹងថា “អ្វីដែលយើងចូលចិត្តអំពីសិល្បៈនៅតាមដងផ្លូវនេះ គឺវាជាសិល្បៈដែលអាចផ្លាស់ប្តូរទាំងស្រុងនូវបុគ្គលិកលក្ខណៈនៃអគារមួយដែលមានរូបរាងសាមញ្ញបំផុតឱ្យក្លាយជាអគារមួយដែលពោរពេញដោយភាពទាក់ទាញ។ នេះគឺជាថាមពលនៃថ្នាំលាប ដោយធ្វើការជ្រើសរើសពណ៌ឱ្យសមស្របជាមួយនឹងរូបគំនូរ នោះវានឹងផ្តល់នូវភាពងាយស្រួលក្នុងការបង្ហាញពីបុគ្គលិកលក្ខណៈ និងភាពច្នៃប្រឌិតរបស់មនុស្សម្នាក់ៗ!”។ លោក Stub បានបន្ថែមទៀតថា “យើងធ្លាប់និយាយថា ថ្នាំលាបរបស់យើងបានជួយបង្កើននូវសោភណ្ឌភាពផ្ទះ និងអគារជាច្រើន ដែលក្រុមហ៊ុនផ្ទាល់ក៏ជាអ្នកផ្គត់ផ្គង់ថ្នាំលាបសម្រាប់ប៉មអេហ្វែលនៅទីក្រុងប៉ារីស និងបានផ្តល់នូវសោភណ្ឌភាពពណ៌ដល់បូរី និងអគារជាច្រើននៅទូទាំងព្រះរាជាណាចក្រកម្ពុជាផងដែរ”។ លោកបានបន្តថា “ការលើកទឹកចិត្តដល់ស្នាដៃគំនូរខ្នាតធំនៅទីសាធារណៈ និងឯកជននៅជុំវិញទីក្រុង គឺជាវិធីសាស្រ្តល្អមួយក្នុងការផ្តល់នូវអ្វីៗដែលល្អដល់ប្រជាជននៅរាជធានីភ្នំពេញ និងជាការអរគុណយ៉ាងកក់ក្តៅចំពោះការយកទុកចិត្តដាក់នូវស្លាកសញ្ញាថ្នាំលាបរបស់យើង”។
JOTUN ក៏នឹងផ្តល់ជូនអ្នកទស្សនាទាំងអស់នូវឱកាសដើម្បីឈ្នះរង្វាន់ Fujifilm Instax mini 9 តាមរយៈការប្រកួតថតរូប Selfie ក្នុងកម្មវិធីនេះផងដែរ។ សម្រាប់ព័ត៌មានបន្ថែមសូមចូលទៅកាន់គេហទំព័រ
https://www.facebook.com/jotun.kh/
សម្រាប់ព័ត៌មានបន្ថែមទាក់ទងនឹងសិល្បៈករ និងកម្មវិធីនេះ សូមចូលទៅកាន់គេហទំព័រ www.facebook.com/CambodianUrbanArt
December 9, 2017
ស្រាបៀរ Heineken ប្រគល់រង្វាន់ជូនគូស្វាមីភរិយាថ្មីក្នុងកម្មវិធីអាពាហ៍ពិពាហ៍ស្រាបៀរ Heineken ឆ្នាំ 2016-2017
រាជធានីភ្នំពេញ៖ កាលពីថ្ងៃទី 05 ខែធ្នូ ឆ្នាំ2017 ស្រាបៀរ Heineken ដែលជាស្រាបៀរគុណភាពលំដាប់ថ្នាក់ អន្ដរជាតិដែលឈានមុខគេលើពិភពលោកបានរៀបចំកម្មវិធីប្រគល់រង្វាន់ជូនដល់គូស្វាមីភរិយាថ្មីទាំងអស់ដែលបានជាវស្រាបៀរ Heineken ក្នុងកម្មពិធីអាពាហ៍ពិពាហ៍របស់ស្រាបៀរ Heineken ឆ្នាំ 2016-2017។ កម្មវិធីពិសេសត្រូវបានធ្វើឡើងនៅទីតាំងរោងចក្រផលិតស្រាបៀរកម្ពុជា (CBL) ដោយមានការអញ្ជើញចូលរួមពីថ្នាក់ដឹកនាំក្រុមហ៊ុន ក្រុមការងារស្រាបៀរ Heineken គូស្វាមីភរិយាដែលឈ្នះរង្វាន់ និងអ្នកសារព័ត៌មានជាច្រើន។
រង្វាន់ដែលស្រាបៀរ Heineken ប្រគល់ជូនដល់ស្វាមីភរិយាថ្មីចំនួនពីរគូដែលបានឈ្នះពីកម្មវិធីចាប់រង្វាន់កាលពីថ្ងៃទី 16 ខែវិច្ឆិកា ឆ្នាំ2017 នៅស្ថានីយទូរទស្សន៍ PNN ក្នុងកម្មវិធីតន្រ្តី Heineken រួមមានរង្វាន់ដំណើរកម្សាន្តក្រេបចន្ទទឹកឃ្មុំនៅ ទីក្រុងញូវយ៉ក រួមជាមួយនឹងការស្នាក់នៅក្នុងសណ្ឋាគារលំដាប់ផ្កាយ 5 ចំនួនពីររង្វាន់។
កម្មវិធីប្រគល់រង្វាន់នេះបានរៀបចំឡើងក្នុងគោលបំណងថ្លែងអំណរគុណ និងបង្ហាញពីការយកចិត្តទុកដាក់ខ្ពស់ចំពោះគូស្វាមីភរិយាថ្មីទាំងអស់ដែលបានជាវស្រាបៀរ Heineken សម្រាប់ពិធីអាពាហ៍ពិពាហ៍របស់ខ្លួន។
លោក អ៊ុំ សុបញ្ញា និងអ្នកស្រី ទិត្យ ច័ន្ទមីនា ដែលបានឈ្នះរង្វាន់ពីកម្មពិធីអាពាហ៍ពិពាហ៍របស់ស្រាបៀរ Heineken បានមានប្រសាសន៍ទាំងក្តីរំភើបរីករាយថា ពួកគាត់ទាំងពីរបានសប្បាយចិត្តខ្លាំងណាស់ដែលបានឈ្នះរង្វាន់ពិសេសនេះ ហើយបញ្ជាក់អះអាងថា ស្រាបៀរ Heineken ពិតជាបានប្រគល់រង្វាន់ជូនពួកគាត់ទាំងពីរមែន។
សម្រាប់រដូវកាលអាពាហ៍ពិពាហ៍ ឆ្នាំ 2017-2018 ខាងមុខនេះ ស្រាបៀរ Heineken នឹងផ្តល់ជូនរង្វាន់កាន់អស្ចារ្យជាមុនគឺ ដំណើរកម្សាន្តក្រេបចន្ទទឹកឃ្មុំទៅកាន់ទីក្រុង Amsterdam និងរង្វាន់ជាច្រើនទៀត។
ប្រសិនបើអ្នកត្រូវការព័ត៌មានបន្ថែមសូមទូរស័ព្ទមកលេខ 011 222 400/011 333 500។
រីករាយជាមួយស្រាបៀរ Heineken ក្នុងថ្ងៃដ៏វិសេសវិសាលរបស់អ្នក នឹងឈ្នះរង្វាន់ដំណើរកម្សាន្តក្រេបចន្ទទឹកឃ្មុំនៅទីក្រុង Amsterdam ទទួលយកបទពិសោធន៍ដំណើរកម្សាន្តដ៏ល្អឯក។
Heineken – Open Your World
ពិសាដោយការទទួលខុសត្រូវ៕

December 7, 2017
Inverter ភ្លោះ របស់ LG (Dual Inverter Compressor) ដំបូងគេបង្អស់ដែលមានការធានារយៈពេល 10 ឆ្នាំ
Inverter ភ្លោះរបស់ LG (Dual Inverter Compressor) ជាដំណោះស្រាយដ៏ល្អក្នុងការកាត់បន្ថយសំឡេងរំខាន ឆាប់ត្រជាក់ ដំណើរការបានយូរអង្វែង និងស្ងៀមស្ងាត់។ អ្វីដែលកាន់តែពិសេសនោះគឺការធានារយះពេល១០ឆ្នាំដំបូងគេបង្អស់សម្រាប់កុំប្រេសសឺ (Compressor) របស់ម៉ាស៊ីនត្រជាក់។់
ក្រៅពីមុខងារពិសេសពីរគឺ សន្សំសំចៃភ្លើង និង ឆាប់ត្រជាក់ នៅក្នុងនោះម៉ាស៊ីនត្រជាក់ Dual inverter របស់ LG ក៏មានមុខងារពិសេសបន្ថែមផ្សេងទៀតដូចជា៖
Hi Cool
ម៉ាស៊ីនត្រជាក់ LG ជាមួយបច្ចេកវិទ្យា Hi Cool ផ្តល់ភាពត្រជាក់បានភ្លាមៗនៅពេលដែលលោកអ្នកបើកដំណើរការវា។ ដោយអ្នកគ្រាន់តែចុចនៅលើប៊ូតុងបើកភ្លាមអ្នកនិងមានអារម្មណ៏ត្រជាក់ដូចនៅក្នុង Himalayas (ភ្នំដែលត្រជាក់ជាងគេក្នុងពិភពលោក)។
បច្ចេកវិទ្យាMonsoon Comfort
បច្ចេកវិទ្យា Monsoon Comfort សម្របភាពត្រជាក់អោយស្របទៅនិងបរិយាកាស និងធាតុអាកាសខាងក្រៅ។ បើប្រៀបធៀបទៅនិងម៉ាស៊ីនត្រជាក់ធម្មតា បច្ចេកវិទ្យា Monsoon Comfort មានគុណសម្បត្តិយ៉ាងច្រើនដោយវាអាចជួយរក្សាភាពត្រជាក់មិនអោយហួសកំរិតនៅពេលដែលធាតុអាកាសត្រជាក់ខ្លាំង ដែលជាលទ្ធផលជួយសន្សំសំចៃភ្លើងបានរហូតដល់ទៅ 36.4%។
ការសម្អាតដោយស្វ័យប្រវត្ត (Auto Clean)
Auto Clean មានមុខងារសម្ងួតកញ្ច្រែងសើមដើម្បីការពារបាក់តេរីតាមរុន្ធដង្ហើមរបស់វា។
Sleep Mode
នៅពេលដែល sleep mode ដាក់ដំណើរការ microprocessor របស់ម៉ាស៊ីនត្រជាក់ LG និងធ្វើការផ្លាស់ប្តូរដោយស្វយ័ប្រវត្តិនូវសីតុណ្ហភាពនៅក្នុងបន្ទប់អោយស្របទៅនិងរាងកាយរបស់អ្នកអំឡុងពេលកំពុងគេង ដូច្នោះវាបង្កើតនូវបរិយាកាសដ៍មានផាសុខភាពសម្រាប់ពេលគេង និងជួយសន្សំសម្ចៃថាមពលភ្លើងផងដែរ។
អតិថិជនទាំងអស់អាចមកទស្សនាការដាក់តាំងផលិតផលសេរ៊ីថ្មីទាំងនេះដែលមានស្រាប់នៅគ្រប់សាខា LG Brand Shop ទាំងអស់។ ពត៏មានបន្ថែមសូមសូមទំនាក់ទំនងមកកាន់លេខ 023 222 699 ៕

December 7, 2017
ស្រាបៀរថៃហ្គ័របានប្រគល់រង្វាន់ផ្តាច់ព្រ័ត្រជូនគូស្វាមីភរិយាថ្មីក្នុងកម្មវីធីអាពាហ៍ពិពាហ៍ស្រាបៀរថៃហ្គ័រ ឆ្នាំ2017
ភ្នំពេញ៖ នៅថ្ងៃ 04 ខែធ្នូ ឆ្នាំ 2017 នៅសណ្ឋាគារ សូហ្វីតែល ស្រាបៀរថៃហ្គ័របានរៀបចំកម្មវិធីប្រគល់រង្វាន់ផ្តាច់ព្រ័ត្រជូនដល់គូស្វាមីភរិយាថ្មីទាំងអស់ដែលបានជាវស្រាបៀរថៃហ្គ័រ សម្រាប់ពិធីអាពាហ៍ពិពាហ៍របស់ខ្លួន ដោយមានការអញ្ជើញចូលរួមពីថ្នាក់គ្រប់គ្រងក្រុមហ៊ុនស្រាបៀរថៃហ្គ័រ គូស្វាមីភរិយាថ្មីដែលបានឈ្នះរង្វាន់ចំនួន 10 គូ ភ្ញៀវកិត្តិយស និងអ្នកសារព័ត៌មានជាច្រើន។
ការប្រគល់រង្វាន់ផ្តាច់ព្រ័ត្រនេះក្នុងកម្មវិធីអាពាហ៍ពិពាហ៍ឆ្នាំ 2017 របស់ស្រាបៀរថៃហ្គ័រ រួមមានរង្វាន់ធំ រថយន្តស៊េរីទំនើប AUDI Q5 ឆ្នាំ 2016 ដ៏ថ្មីសន្លាងចំនួន1 រង្វាន់ទូរសព្ទ័ iPhone7 ចំនួន2រង្វាន់ ទូរទស្សន៍ Smart TV ចំនួន2 រង្វាន់ និងទូរទឹកកក ចំនួន 5រង្វាន់ ដែលបានធ្វើការចាប់រង្វាន់ទាំងនេះនៅស្ថានីយទូរទស្សន៍ PNN កាលពីថ្ងៃទី 29 ខែតុលា ឆ្នាំ 2017 កន្លងមកនេះ។
លោក ឈឹម រិទ្ធី និងអ្នកស្រី អ៊ុន ណៃ ដែលគូស្វាមីភរិយាមហាសំណាង ដែលបានឈ្នះរង្វាន់ធំរថយន្តស៊េរីទំនើប AUDI Q5 ឆ្នាំ 2016 ដ៏ថ្មីសន្លាងមួយគ្រឿងពីកម្មវិធីអាពាហ៍ពិពាហ៍របស់ស្រាបៀរថៃហ្គ័របានមានប្រសាសន៍ថា ពួកគាត់ទាំងពីរមានអារម្មណ៍រំភើបយ៉ាងខ្លាំងនៅពេលដឹងថាខ្លូនត្រូវរង្វាន់ធំពីស្រាបៀរថៃហ្គ័រ ហើយពួកគាត់បានបញ្ជាក់ថា ស្រាបៀរ ថៃហ្គ័រ ពិតជាបានប្រគល់រង្វាន់ជូនពួកគេ និងគូស្វាមីភរិយាថ្មីទាំងអស់ដែលបានឈ្នះរង្វាន់ពីកម្មវិធីអាពាហ៍ពិពាហ៍របស់ស្រាបៀរថៃហ្គ័រពិតប្រាកដមែន។
គួររម្លឹកផងដែរថា ស្រាបៀរថៃហ្គ័រ គឺជាស្រាបៀរដែលមានគុណភាពខ្ពស់លំដាប់ថ្នាក់អន្តរជាតិមានលក់ច្រើនជាង៧០ ប្រទេសដែលកំពុងទទួល បានការគាំទ្រកាន់តែខ្លាំងឡើងជារៀងរាល់ថ្ងៃពីអតិថិជនទាំងនៅលើទីផ្សារកម្ពុជា និងពិភពលោកហើយជាពិសេស Tiger ជាស្រាបៀរដែលសក្តិសម បំផុតសម្រាប់ទទួលភ្ញៀវក្នុងពិធីអាពាហ៍ពិពាហ៍ និងកម្មវិធីផ្សេង។
សម្រាប់ឆ្នាំ 2017-2018 នេះ អតិថិជនដែលជាវស្រាបៀរ Tiger និង Tiger Crystal សម្រាប់កម្មវិធីអាពាហ៍ពិពាហ៍លោកអ្នកនឹងទទួលបានការ ផ្ដល់ជូនរង្វាន់ភ្លាមៗជាច្រើនដូចជា សៀវភៅកត់ចំណងដៃ និងប៊ិច ដ៏ស្រស់ស្អាត អាវរងាគូសេ្នហ៍ កាបូបធ្វើដំណើរ និងសន្លឹកឆ្នោតផ្សងសំណាង ដើម្បីមានឱកាសឈ្នះដំណើរកម្សាន្តក្រេបចន្ទទឹកឃ្មុំនៅប្រទេសជប៉ុន។
ឆ្លុះបញ្ចាំងភាពអស្ចារ្យនៃអាពាហ៍ពិពាហ៍របស់អ្នកជាមួយស្រាបៀរ Tiger និងមានឱកាសឈ្នះដំណើរកម្សាន្តក្រេបច័ន្ទទឹកឃ្មុំនៅប្រទេសជប៉ុន ជាមួយបទពិសោធន៍ដ៏រំភើបរីករាយនៃការជិះស្គីទឹកកក រួមជាមួយទឹកប្រាក់ 1500ដុល្លារ ចំនួន15 រង្វាន់។ កម្មវិធីនេះចាប់ផ្តើមពីថ្ងៃនេះរហូតដល់ថ្ងៃទី 30 ខែ កញ្ញា ឆ្នាំ2018។
សម្រាប់ព័ត៌មានបន្ថែមសូមទំនាក់ទំនង៖ 011 222 400 ឬ011 333 500៕
ពិសាដោយការទទួលខុសត្រូវ!

December 6, 2017
HUAWEI ខ្លាំងដៃសហការណ៍ឧបត្ថម្ភ Smart នាំមកនូវការប្រគំតន្ត្រីតារា CL ដ៍អស្ចារ្យប្រចាំឆ្នាំ
HUAWEI ដែលគឺជាក្រុមហ៊ុនស្មាតហ្វូនលំដាប់ពិភពលោក ដែលកំពុងឡើងកូដ និងទទួលបានការពេញនិយមនៅទូទាំងពិភពលោក ក៍ដូចជានៅកម្ពុជាផងដែរដែលនាពេលថ្មីៗនេះ HUAWEI ទទួលបានចំណាត់ទី2 ក្នុងបរិមាណលក់ បានសហការណ៍ឧបត្ថម្ភជាមួយក្រុមហ៊ុន Smart ដែលជាក្រុមហ៊ុនទូរសព្ទ័ចល័តឈានមុខគេនៅកម្ពុជា នាំមកនូវការប្រគំតន្ត្រីលំដាប់អន្តរជាតិតារា CL ដ៍អស្ចារ្យប្រចាំឆ្នាំ ។ គួរកត់សំគាល់ថា HUAWEI បានធ្វើអោយកក្រើកនិងរញ្ផួយទីផ្សារស្មាតហ្វូន តាមរយៈការចេញលក់ HUAWEI nova 2i ស៊េរីថ្មី ដែលមានរហ័សនាមថា “អាភ្នែក4” ពោលគឺរាប់ចាប់តាំងពីអតិថិជន អ្នកលក់ ម្ចាស់ហាងទូរសព្ទ័ បានពេញចិត្តគ្រប់បែបយ៉ាងចំពោះ HUAWEI nova 2i នេះ ។ អ្វីដែលគួរអោយអស្ចារ្យនោះគឺស្តុកមកដល់អស់ៗ ចំនួន 4ដងមកហើយ រហូតបំបែកបានឯកត្តកម្មមិនដែលធ្លាប់មានពីមុនលើតួរលេខលក់ ភាពពុះកញ្ជ្រោល ពីអតិថិជន ក៍ដូចជាអ្នកលក់ និងម្ចាស់ហាងនៅគ្រប់ 25 រាជធានីខេត្តក្រុងនៅកម្ពុជា ។
Huawei nova 2i គឺជាស្មាតហ្វូនកាមេរ៉ា4 ដំបូងគេបង្អស់លើពិភពលោក បំពាក់អេក្រង់ធំ 5.9 អ៊ីញ ពេញចិត្ត ពេញភ្នែក ពេញគែម ច្បាស់ថ្លាឆ្វង់កម្រិត 2K (1080*2160) ស្អាត ស្តើង ស្រាល តួរស្រោបលោហធាតុ ធន់ មាំ ងាយស្រួលកាន់ដោយដៃម្ខាង ជាពិសេសមានកាមេរ៉ាភ្លោះមុខក្រោយ អាចថតរូបច្បាស់ស្រស់ស្អាត Pro Mode បែបសិល្បៈ Portrait, Wide Aperture, ថតរូបកំប្លែងៗបន្ថែម Effect, Bokeh ប្រហាក់ប្រហែលនឹងកាមេរ៉ាអាជីព ។
អ្វីដែលពិសេស និងកក្រើកទៀតនោះ គឺអតិថិជន HUAWEI អាចឈ្នះ 140 សំបុត្រ (40 Premium និង100 Green Ticket) ចូលរួមទស្សនាការប្រគំតន្ត្រីខ្នាតអន្តរជាតិដែលមានតារាចម្រៀងល្បី CL តាមរយៈចូលរួម Share និង ឈ្នះសំបុត្រងាយៗ ពោលគឺគ្រាន់តែ Share រូបភាព លើ Profile ជា Public និង mention ឈ្មោះ 4 នាក់ ដោយសរសេរ hastag: #HuaweiNova2i #4Cameras ដោយសរសេរចំណុចពិសេស ចំពោះទូរសព្ទ័ និងឈ្មោះម៉ូដែលទូរសព្ទ័ដែលកំពុងប្រើ (អាចចូលរួមគ្រប់ម៉ូដែលទាំងអស់របស់ហ៊ួរវ័យ) ជាការស្រេច ។ អតិថិជនដែលមានចំនួន Imoji (បេះដូង ញញឹម រីករាយ រំភើប..) ច្រើនជាងគេនឹងទទួលបានសំបុត្រ ដោយឥតគិតថ្លៃ ។
លោក អែម យុទ្ធូ នាយកជាន់ខ្ពស់ផ្នែកទីផ្សារបានមានប្រសាសន៍ថា “ក្រោយពីពិធីសម្ពោធផ្លូវការ នាថ្ងៃ 25 និង 26 ដ៍កក្រើកថ្មីៗនេះជាមួយប្រ៉ូម៉ូសិនយក្ស Huawei nova 2i លើសពីនេះក្រុមហ៊ុនក៍នឹងបន្តសកម្មភាព ទីផ្សារ ប្រ៉ូម៉ូសិនយក្ស និងការឧបត្ថម្តដៃគូរសហការណ៍ ដើម្បីជម្រុញ Huawei nova2i និងនាមសញ្ញា Huawei អោយកាន់តែទទួលបាននូវការពេញនិយម ចូលចិត្តពីគ្រប់អតិថិជន និងគ្រប់ទិសទី ដូចជាៈ កម្មវិធីប្រកួតថតរូបដើម្បីអបអរស្វាគមន៍ឆ្នាំថ្មីឆ្នាំ 2018 ឧបត្ថម្ភ Smart នាំមកនូវការប្រគំតន្ត្រីតារា CL ដ៍អស្ចារ្យលំដាប់អន្តរជាតិប្រចាំឆ្នាំ ថ្ងៃទី 09 ខែ ធ្នូ ឆ្នាំ 2017 ផងដែរ ”។
លោក Thomas Hundt នាយកប្រតិបត្តិជាន់ខ្ពស់ក្រុមហ៊ុន Smart បានមានប្រសាសន៍ថា “ប្រជាប្រិយភាព និងភាពល្បីល្បាយ របស់តារាចម្រៀងកូរ៉េ K-Pop នៅកម្ពុជាគឺមានភាពពុះកញ្ផ្រោលក្តៅគគុក ដែលជាមូលហេតុដ៍ចំបងមួយ ដែល Smart មានមោទនភាពបានអញ្ផើញ និងរៀបចំការប្រគំតន្ត្រីខ្នាតអន្តរជាតិដែលមានតារាកូរ៉េដ៍ល្បីនេះ ។ ប៉ុន្មានឆ្នាំកន្លងមកនេះ ក្រុមហ៊ុនបានសន្យាថានឹងនាំមកនូវតារាចម្រៀងល្បឺៗ កំរិតអន្តរជាតិ ដើម្បីផ្តល់ជូននវូការកំសាន្ត និងភាពរីករាយ តែមួយគត់ទៅដល់អតិថិជនរបស់ខ្លូន ។
ឱកាសដ៍កម្របានមកដល់ហើយ បន្ទាប់ពីការប្រគំតន្ត្រីដែលមានតារាចម្រៀងដ៍ល្បីល្បាញ កម្រិតអន្តរជាតិដូចជា៖ Demi Lovato, Jessie J និង Rain នោះ ឥឡូវនេះគឺមានតារាចម្រៀងដ៏ល្បីមួយរូបទៀតគឺកញ្ញា CL នឹងមកសម្តែងជូនអតិថិជនជាទីស្រលាញ់ទាំងអស់របស់ Smart ។ ខ្ញុំសូមថ្លែងអំណរគុណយ៉ាងជ្រាលជ្រៅចំពោះអតិថិជនទាំងអស់ដែលបានផ្តល់ការជឿជាក់ និងបានជ្រើសរើសយកSmart ជាប្រតិបត្តិករទូរស័ព្ទរបស់ខ្លួន។
ឆ្នាំនេះ ក្រុមហ៊ុនបានផ្តល់ជូននូវការកំសាន្ត កម្រិតអន្តរជាតិដោយតារា Lee Chae-rin ដែលមហាជន ស្គាល់ថា CL នឹងមកសម្តែងផ្តល់ជូនផ្តាច់មុខតែមួយគត់ចំពោះអតិថិជន Smart ។ តារាចម្រៀងកូរ៉េល្បី CL វ័យ 26 ឆ្នាំ រូបនេះ គឺជាអតីតសមាជិកក្រុម 2NE1 បានឈ្នះពានរង្វាន់ជាច្រើនសម្រាប់ការនិពន្ធ បទចម្រៀង និងច្រៀង រឺសម្តែងល្បី។ នាងនឹងមកកូរ សម្តែង ច្រៀង លើតន្ត្រីខ្នាតអន្តរជាតិដ៍កក្រើកប្រចាំឆ្នាំនៅកម្ពុជា ជាមួយនឹងតារាចម្រៀង Original Songs ល្បីៗមួយចំនួនធំទៀត ដែលធ្វើអោយតន្ត្រីឆ្នាំនេះ កាន់តែធំ កាន់តែកក្រើក កាន់តែទាក់ទាញ ជាងឆ្នាំមុនៗ ។ លោកបានបន្ថែមថា ”ជាមួយនឹងការគាំទ្រពីអតិថិជននៅកម្ពុជា ដ៍ច្រើនលើសលុបចំពោះ Smart ក៍ដូចជាតារាចម្រៀងអន្តរជាតិ តារាចម្រៀងក្នុងស្រុក ក្រុមហ៊ុននឹងបន្តកិច្ចខិតខំប្រឹងប្រែងក្នុងការជួយជម្រុញវិស័យសិល្បៈតន្ត្រី និងគាំទ្រតារាចម្រៀងក្នុងស្រុក និងបន្តផ្តល់ជូននូវការកំសាន្តកំរិតពិភពលោក ជូនទៅដល់អតិថិជនរបស់ Smart ក៍ដូចជាប្រជាជន កម្ពុជាទាំងអស់”៕
ព័ត៌មានលម្អិត សូមតាមដានហ្វេសបុក Huawei Mobile (KH) និង Smart Axiata
December 5, 2017
ប្រូម៉ូសិនពិសេសពីឌីជី «មិនពេញចិត្ត ជូនលុយវិញ»!!!
ការរីកដុះដាលនៃបច្ចេកវិទ្យាអ៊ីនធឺណិត កាន់តែមានភាពជឿនលឿនឡើង ពីមួយថ្ងៃទៅថ្ងៃ។ ដែលនេះជាមូលហេតុ ក្រុមហ៊ុនអ៊ីនធឺណិតឌីជី បាននាំយកបច្ចេកវិទ្យាអ៊ីនធឺណិតទំនើបចុងក្រោយ ដែលឲ្យឈ្មោះថា “Home Fiber Premium” ដើម្បីផ្ដល់ជូនអតិថិជនទាំងអស់ បានទទួលយកបទពិសោធន៏ថ្មី ភាពងាយស្រួល ទំនុកចិត្ត និង សេវាកំសាន្តផ្សេងៗ ជាមួយការប្រើប្រាស់បច្ចេកវិទ្យាអ៊ីនធឺណិត អុបទិកថ្មីនេះ។
ក្នុងឳកាសបំណាច់ឆ្នាំ 2017 នេះ ឌីជី នឹងធ្វើការផ្ដល់ជូនអតិថិជននូវប្រម៉ូសិនពិសេស “មិនពេញចិត្ត ជូនលុយវិញ” ។
លក្ខខណ្ឌងាយៗ អតិថិជនដែលធ្វើការចុះឈ្មោះប្រើប្រាស់សេវាឌីជី អុបទិក ចាប់ពីឥឡូវនេះ រហូតដល់ ថ្ងៃទី31 ធ្នូ 2017 នឹងទទួលបានប្រូម៉ូសិនដ៏ពិសេសនេះ។ អតិថិជន នឹងទទួលបានការប្រើប្រាស់បណ្ដាញ ឌីជី អុបទិក ហើយក្នុងរយៈពេល 3ខែ បើអតិថិជនមិនពេញចិត្តនឹងសេវាកម្ម អតិថិជនអាចជូនដំណឹងមកកាន់ឌីជី អំពីបញ្ហា ឬស្នើរផ្ដាច់ការប្រើប្រាស់ បន្ទាប់អតិថិជននឹងត្រូវបានក្រុមហ៊ុនបង្វិលប្រាក់ជូនវិញ។
មិនតែប៉ុណ្ណោះ អតិថិជននឹងទទួលបានការទិញរោតទ័រ ក្នុងតំលៃយ៉ាងពិសេស ដែលមិនធ្លាប់មានពីមុនមក។ រ៉ោតទ័រនឹងលក់បញ្ចុះតម្លៃ នៅសល់តែ 20$ តែប៉ុណ្ណោះ។
សូមបញ្ជាក់អំពី កញ្ចប់សេវាកម្មឌីជី អុបទិកថ្មីនេះ ឌីជី បានចេញលក់ក្នុងតំលៃសមរម្យចាប់ពី 15.99 ដុល្លារ ដែលនឹងផ្តល់ជូននូវលក្ខណៈកាន់តែងាយស្រួលជាងមុន ដែលអាចជួយឲ្យការងាររបស់អ្នកដំណើរការទៅយ៉ាងរលូនឥតទាក់ រួមជាមួយនឹងសេវាកម្សាន្តផ្សេងៗ ដែលកាន់តែធ្វើឲ្យជីវិតរបស់អ្នកស្រស់បំព្រង និងមិននឿយណាយ។
តោះៗ រួសរាន់ឡើងប្រម៉ូសិនមានកំណត់!
ទំនាក់ទំនងផ្នែកលក់ឥឡូវនេះដើម្បីទទួលបានពត៌មានបន្ថែម តាមរយៈ 089/ 098 888 992 ឬចូលទៅកាន់ https://digi.com.kh/promotion/
December 5, 2017
ធនាគារ CIMB ឧបត្ថម្ភសម្ភារៈបរិក្ខារអនាម័យ និងសិក្សា ដល់សាលារៀន តាមរយៈគម្រោង «កុមារមានអនាម័យ ប្រាជ្ញាឆ្លាតវៃ»
ភ្នំពេញ៖ នៅថ្ងៃទី02 ខែធ្នូកន្លងទៅនេះ ធនាគារ ស៊ីអាយអិមប៊ី ភីអិលស៊ី (ធនាគារ CIMB) ដែលជាធនាគារពាណិជ្ជឈានមុខគេមួយនៅកម្ពុជា បានធ្វើដំណើរទៅកាន់សាលាបឋមសិក្សាពង្រ ក្នុងខេត្តសៀមរាប ជាមួយនឹងការឧបត្ថម្ភនូវកញ្ចប់សម្ភារៈបរិក្ខារអនាម័យ រួមមានស៊ីទែនផ្ទុកទឹកខ្នាតធំ ដែលបំពាក់ដោយឧបករណ៍លាងសម្អាតដៃ និងសម្ភារៈសិក្សាមួយចំនួនទៀត ព្រមទាំងសកម្មភាពកម្សាន្ត សម្រាប់សិស្សានុសិស្សផងដែរ។ ចាប់តាំងពីបើកដំណើរការអាជីវកម្មដំបូង នៅឆ្នាំ2010 ក្នុងប្រទេសកម្ពុជា ឆ្នាំនេះគឺឆ្នាំទី7ហើយ នៃសកម្មភាពទំនួលខុសត្រូវសង្គមរបស់ធនាគារ CIMB តាមរយៈគម្រោង «កុមារមានអនាម័យ ប្រាជ្ញាឆ្លាតវៃ» ដោយមានការចូលរួមពីបុគ្គលិក នៅទូទាំងធនាគារ។
លោកស្រី អ៊ុំ ចិន្តាភក្តី ដែលជានាយិកាធនធានមនុស្ស របស់ធនាគារ CIMB បានឲ្យដឹងថា៖ «ក្នុងឆ្នាំ2017 ធនាគារសម្រេចបានសកម្មភាពទំនួលខុសត្រូវសង្គម ដ៏គួរឲ្យកត់សម្គាល់ នៅក្នុងសាលាបឋមសិក្សាពង្រ ដោយបានឧបត្ថម្ភនូវសម្ភារៈបរិក្ខារអនាម័យ រួមទាំងសម្ភារៈសិក្សារបស់កុមារ ដើម្បីឆ្លើយតបទៅនឹងតម្រូវការជាក់ស្តែងរបស់សាលា និងសិស្សានុសិស្សទាំងមូល។ ការរួមចំណែកនេះនឹងបង្កើនសក្តានុពលនៃការសិក្សារៀនសូត្ររបស់កុមារ ដែលជាទំពាំងស្នងឬស្សី ហើយយើងជឿជាក់ថា កុមារមានអនាម័យ ប្រាជ្ញាកាន់តែឆ្លាតវៃ។ ស្របតាមទស្សនៈវិស័យរបស់ធនាគារ CIMB យើងមានក្តីរីករាយ ដែលបានជួយដល់សហគមន៍ ឲ្យទទួលបានអត្ថប្រយោជន៍យូរអង្វែង ប្រកបដោយនិរន្តរភាព»។
តាមរយៈការចូលរួមយ៉ាងផុសផុល ពីបុគ្គលិក និងថ្នាក់ដឹកនាំរបស់ធនាគារ CIMB កម្មវិធីសប្បុរសធម៌នេះបានប្រព្រឹត្តទៅយ៉ាងរលូន និងយ៉ាងទៀងទាត់ ជារៀងរាល់ឆ្នាំ។ លោកស្រី សុខ ចាន់លីណា ដែលជាបុគ្គលិក និងអ្នកស្ម័គ្រចិត្តមួយរូប បានបង្ហាញអារម្មណ៍ផ្ទាល់ខ្លួនថា៖ «នេះគឺជាកម្មវិធីសប្បុរសធម៌ដ៏ល្អមួយ ដែលបានបង្កើតឡើងដោយធនាគារ CIMB។ វាបានលើកកម្ពស់នូវវប្បធម៌ចែករំលែក តាមរយៈការជួយដល់សហគមន៍ និងក្មេងជំនាន់ក្រោយ។ ដោយការចាប់ផ្តើមពីខ្លួនយើងម្នាក់ៗ យើងនឹងអាចសម្រេចបានលទ្ធផលធំធេង ដល់សង្គមជាតិយើង នាថ្ងៃក្រោយ ហើយខ្ញុំពិតជាសប្បាយរីករាយ ដែលបានក្លាយជាផ្នែកមួយនៃកម្មវិធីសប្បុរសធម៌នេះ។ ខ្ញុំនឹងចូលរួមសកម្មភាពទំនួលខុសត្រូវសង្គមនេះ នាឆ្នាំក្រោយផងដែរ»។
តាមរយៈការឧបត្ថម្ភពីគម្រោង «កុមារមានអនាម័យ ប្រាជ្ញាឆ្លាតវៃ» លោក ហ៊ាង សុខេន នាយកសាលាពង្រ បានឲ្យដឹងថា៖ «ខ្ញុំសូមថ្លែងអំណរគុណដល់ធនាគារ CIMB ដែលបានជួយដល់សាលារៀនមួយចំណែកធំ តាមរយៈការផ្តល់នូវសម្ភារៈសិក្សា និងឧបករណ៍បរិក្ខារអនាម័យ ដល់សាលាយើងខ្ញុំ។ ការបរិច្ចាគទាំងអស់នេះនឹងជួយដល់ឲ្យបរិស្ថាន និងអនាម័យសាលាល្អប្រសើរ ហើយសិស្សាសាលានឹងមានទម្លាប់ល្អ អនាម័យល្អ និងសុខភាពល្អ ដែលមានកន្លែងលាងសម្អាតដៃងាយស្រួល។ ហើយខ្ញុំសង្ឃឹមថា ធនាគារ CIMB នឹងបន្តសកម្មភាពមនុស្សធម៌របស់ខ្លួន កាន់តែច្រើនថែមទៀត សម្រាប់សាលារៀនដាច់ស្រយ៉ាលផ្សេងទៀត ក្នុងប្រទេសកម្ពុជា»។
គួររំលឹកផងដែរថា តាំងពីចាប់ផ្តើមប្រតិបត្តិការរបស់ខ្លួន នៅកម្ពុជា ក្នុងឆ្នាំ2017 ធនាគារ CIMB តែងតែរៀបចំកម្មវិធីទំនួលខុសត្រូវសង្គម ទៅតាមគម្រោងផ្សេងៗគ្នា ជារៀងរាល់ឆ្នាំ ខណៈដែលធនាគារតែងតែពង្រីកកម្មវិធីសប្បុរសធម៌ ពីមួយឆ្នាំទៅមួយឆ្នាំផងដែរ។ ក្រៅពីការឧបត្ថម្ភដល់កុមារ និងសាលារៀនដែលខ្វះខាត បុគ្គលិក និងថ្នាក់ដឹកនាំរបស់ធនាគារ CIMB ក៏បានចូលរួមស្ម័គ្រចិត្តផ្តល់ឈាម ចំនួន៣លើក ដើម្បីជួយដល់ជនរងគ្រោះ ដោយសហការជាមួយមជ្ឈមណ្ឌលជាតិផ្តល់ឈាមផងដែរ។ ហើយសម្រាប់ឆ្នាំបន្ទាប់ទៀត ធនាគារ CIMB នឹងខិតខំបន្តសកម្មភាពសប្បុរសធម៌របស់ខ្លួន ដែលមានសារៈសំខាន់ និងចាំបាច់បំផុត សម្រាប់សហគមន៍នានា ក្នុងព្រះរាជាណាចក្រកម្ពុជា៕
December 5, 2017
ISUZU ជាដៃគូរដ៏អស្ចារ្យ ក្នុងព្រឹត្ដិការណ៍ THAI FIGHT 2017
ក្នុងកម្មវិធី “THAI FIGHT 2017” ជាព្រឹត្ដិការណ៍ដំបូងនៅកម្ពុជា ដែលមានការចូលរួមពីសម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងវត្ដមាន លោក ថូស៊ីអាគិ ម៉ាអេខាវ៉ា (Toshiaki Maekawa) អគ្គនាយកក្រុមហ៊ុន Tri Petch Isuzu Sales Co., Ltd ដែលជាអ្នកឧបត្តម្ភធំសម្រាប់ការប្រកួត។ គេសង្កេតឃើញថា កម្មវិធីនេះទទួលបានការគាំទ្រយ៉ាងខ្លាំងពីសំណាក់អ្នកទស្សនា ខណៈកីឡាការជាតិនិងអន្ដរជាតិទាំងអស់បានប្រឹងប្រែងប្រកួតអស់ពីសមត្ថភាព។
ក្នុងកម្មវិធីនេះដែរគេបានឃើញក្រុមហ៊ុន ISUZU នឹងនាំកីឡាករថៃ សេនសាថាន ភី.ខេ សេនឆៃ មួយថៃយីម (Saensatharn P.K. Saenchai Muaythaigym) មកកាន់សង្វៀនកណ្ដាលទីក្រុងភ្នំពេញក្នុងកម្មវិធី “THAI FIGHT 2017” នេះដែរ។ គួរបញ្ជាក់ថា កីឡាករថៃ សេនសាថាន ភី.ខេ សេនឆៃ មួយថៃ យីម (Saensatharn P.K. Saenchai Muaythaigym) ជាម្ចាស់ជើងឯក ISUZU CUP SUPER FIGHT 2017 ដែលបានឡើងប្រកួតលើសង្វៀនកិត្តិយស ដណ្ដើមពានរង្វាន់ព្រះរាជទានពីព្រះបាទ ភូមិបុល អាឌុលយ៉ាដេត និងព្រះបាទ ម៉ាហា វ៉ាជីរ៉ាឡុងកន ដោយអ្នកគ្រងតំណែងជើងឯក “THAI FIGHT 2017” ដែលទទួលបានរង្វាន់រថយន្ត ភីកអាប់ “ISUZU D-MAX” ព្រមជាមួយប្រាក់សុទ្ធសរុបជាង 4លានបាត (ស្មើនឹងជាង492លានរៀល)។
ហើយនេះក៏មិនមែនជាលើកទីមួយទេដែលក្រុមហ៊ុន ISUZU បានចូលរួមរៀបចំការប្រកួតប្រដាល់ក្បាច់គុនថៃលំដាប់ពិភពលោក “THAI FIGHT” ឬ«Khmer Thai Fight»ដូច្នេះក្រុមហ៊ុនISUZU នៅតែក្លាយជាដៃគូសហការយ៉ាងល្អ នៅក្នុងកម្មវិធីប្រដាល់លំដាប់ពិភពលោក។
“THAI FIGHT 2017” វគ្គជម្រុះជុំទី១ គឺជាការជួបគ្នាដ៏អស្ចារ្យរវាងអ្នកប្រដាល់មកពីប្រទេសផ្សេងៗចំនួន16រូប សរុប 8គូ ដោយគូសំខាន់ប្រចាំកម្មវិធីគឺជាការជួបគ្នារវាងម្ចាស់ជើងឯកពានរង្វាន់ ISUZU CUP SUPER FIGHT “សេនសាថាន ភី.ខេ សេនឆៃ មួយថៃយីម” ជាមួយ កីឡាករ ទីអាកូ កួឡាតេ (Thiago Goulate) មកពីប្រទេសប្រេស៊ីល ទម្ងន់មធ្យម70គ.ក ព្រមជាមួយវត្តមានកីឡាករប្រដាល់ដ៏ល្បីល្បាញ៤រូបពីប្រទេសកម្ពុជា រួមមាន ពេជ្រ ម្ចេសខ្មាំង, ឃឹម ឌីម៉ា, មឿន សុភា និង ឡៅ ចិត្រា រួមជាមួយកីឡាករប្រដាល់ថៃដូចជា សេនឆៃ ភី.ខេ សេនឆៃ មួយថៃយីម (Saenchai P.K Saenchai Muaythaigym), ប៉.ត.ថ ពេជ្រ រុងរឿង (P.T.T Petch Rung Ruang) និង សុត សាខន ស គ្លិនមី (Sudsakorn Sor Klinmee)។
សម្រាប់ការប្រកួត “THAI FIGHT 2017” វគ្គពាក់កណ្ដាលផ្ដាច់ព្រ័ត្រ នឹងត្រូវធ្វើឡើងនៅថ្ងៃសៅរ៍ ទី23 ខែធ្នូ នៅខេត្តឈៀងម៉ៃ ប្រទេសថៃ ចំណែកវគ្គផ្ដាច់ព្រ័ត្រ នឹងត្រូវធ្វើឡើងនៅថ្ងៃទី27ខែមករា ឆ្នាំ2018 នៅទីក្រុងបាងកក ដោយជើងឯកពានរង្វាន់ “THAI FIGHT 2017” ម្នាក់ៗ នឹងទទួលបានរង្វាន់រថយន្ត ភីកអាប់ “ISUZU D-Max” ព្រមជាមួយប្រាក់សុទ្ធ1លានបាត (ស្មើនឹង 123លានរៀល)។ ចំណែកជើងឯករងនឹងទទួលបានប្រាក់សុទ្ធ3សែនបាត(ស្មើនឹងជាង 370លានរៀល) ដែលសរុបរង្វាន់ជាទឹកប្រាក់សុទ្ធទាំងអស់គឺជាង 4លានបាត(ស្មើនឹងជាង492លានរៀល)។
នៅឆ្នាំ2010 ក្រុមហ៊ុន ISUZU បានចូលរួមជាអ្នកឧបត្ថម្ភធំក្នុងការប្រកួតប្រដាល់ក្បាច់គុនអន្តរជាតិ “THAI FIGHT” នាំមកនូវពានរង្វាន់ “ISUZU CUP” ជាការប្រកួតប្រដាល់ក្បាច់គុនដែលរៀបចំឡើងរយៈពេលយូរជាង27ឆ្នាំមកហើយ ៕
December 1, 2017
សណ្ឋាគារលំដាប់កំពូលខ្នាតអន្តរជាតិនៅកម្ពុជា កាន់តែមានភាពអស្ចា្យជាមួយវត្តមាន AccorHotels Group
AccorHotel Group គឺជាអ្នកជំនាញ និងមានឯកទេសលើការគ្រប់គ្រង បណ្តុះបណ្តាល រួមជាមួយនឹងការបង្កើតគំនិតថ្មីៗនៅក្នុងវិស័យបដិសណ្ឋារកិច្ច ជាពិសេស លើវិស័យសណ្ឋាគារលក្ខណៈស្ដង់ដាកម្រិតពិភពលោក ដែលរហូតមកទល់នឹងពេលបច្ចុប្បន្ននេះ AccorHotels មានសណ្ឋាគារល្បីៗនៅទូទាំងពិភពលោកសហការប្រតិបត្តិការរាប់ពាន់សណ្ឋាគារ ខណៈដែលត្រឹមក្នុងតំបន់អាស៊ីប៉ាស៊ីហ្វិកមានរហូតដល់ 800 សណ្ឋាគារ ស្មើនឹងប្រមាណ160,000 បន្ទប់ នៅប្រទេសចំនួន17 ក្នុងនាមជាអ្នកដឹកនាំទីផ្សារលើវិស័យនេះ ។ ជាមួយគ្នានេះ ដោយសារតែសម្លឹងឃើញពីឱកាសទទួលបានទីផ្សារ រួមជាមួយនឹងគោលបំណងពង្រីកវិសាលភាពរបស់ខ្លួនផងដែរនោះ បច្ចុប្បន្ន ស្ថាប័នដ៏ល្បីមួយនេះបានមកបង្ហាញខ្លួននៅកម្ពុជា និងទទួលយកសណ្ឋាគារលំដាប់កំពូលចំនួន 4 ធ្វើជាសមាជិករបស់ខ្លួន ។
សណ្ឋាគារប្រណីត និងជាប់ជាលំដាប់កំពូលផ្នែកប្រតិបត្តិករប្រចាំនៅកម្ពុជាចំនួន 04 ដែលបានដាក់បញ្ចូលទៅក្នុងបញ្ជីសមាជិករបស់ AccorHotels Group រួមមាន ៖ សណ្ឋាគារ Raffles Hotel Le Royal Phnom penh, សណ្ឋាគារ Raffles Grand Hotel D’Angkor, សណ្ឋាគារ Sofitel Phnom Penh Phokeethra និងសណ្ឋាគារ Sofitel Angkor Phokeethra Golf & Spa Resort ។
លោក Patrick Basset តំណាងស្ថាប័ន AccorHotels Group បានលើកឡើងថា ៖ ក្នុងនាមជាប្រធានប្រតិបត្តិការរបស់ AccorHotels Group នៅតំបន់អាស៊ីអាគ្នេយ៍ , តំបន់អាស៊ីភាគឦសាន , តំបន់ម៉ាល់ឌីវ និងក្នុងនាមជាប្រធានក្រុមនៃភាពចម្រុះក្នុងការដាក់បញ្ចូលសមាជិកនៅក្នុងតំបន់អាស៊ីប៉ាស៊ីហ្វិច ខ្ញុំមានសេចក្តីរីករាយក្នុងការគាំទ្រដល់សមាជិកថ្មីទាំង4 ដែលបានចូលរួមជាមួយ AccorHotes ។ នៅក្នុងឱកាសប្រកាសប្រាប់ និងបង្ហាញពីសមាជិកថ្មីនៅសណ្ឋាគារ Sofitel Phnom Penh Phokeethra កាលពីពេលកន្លងទៅនេះ លោក Patrick Basset ក៏បានលើកឡើងផងដែរថា បច្ចុប្បន្ននេះ កម្ពុជាគឺជាប្រទេសមួយដែលមានស្ថិរភាពនយោបាយ មានកំណើនសេដ្ឋកិច្ចជារៀងរាល់ឆ្នាំ ជាពិសេសនៅក្នុងឆ្នាំ2017នេះ អ្នកជំនាញបានធ្វើការព្យាករណ៍ថា ប្រទេសកំពុងអភិវឌ្ឍន៍មួយនេះ នឹងមានកំណើនសេដ្ឋកិច្ចក្នុងរង្វង់6,9ភាគរយ ខណៈដែលបណ្តាប្រទេសជិតខាងមួយចំនួនមានអត្រាកំណើនសេដ្ឋកិច្ចទាបជាងនេះ ។ លោកបានពន្យល់ទៀតថា ៖ ហេតុផលចម្បងដែល AccorHotels មកបង្ហាញខ្លួននៅកម្ពុជា មិនមែនដោយសារសម្លឹងឃើញត្រឹមតែកំណើនសេដ្ឋកិច្ចតែមួយនោះទេ ប៉ុន្តែកម្ពុជានៅមានចំណុចពិសេសជាច្រើនទៀត រួមជាមួយគោលបំណងរបស់ AccorHotels ចង់ពង្រីកវិសាលភាពរបស់ខ្លួនផងដែរ។ កម្ពុជា ជាគោលដៅសំខាន់មួយរបស់ AccorHotels ព្រោះតែកម្ពុជាប្រៀបបានទៅនឹងវត្ថុមានតម្លៃដែលមិនទាន់ច្នៃ ។ មិនថាវប្បធម៌ អរិយធម៌ ធនធានធម្មជាតិ ក៏ដូចជាសកម្មភាពដែលកំពុងរីកចម្រើននេពេលបច្ចុប្បន្ន សុទ្ធតែជាគោលដៅរបស់បណ្តាអ្នកវិនិយោគ ជាពិសេសផ្តល់ប្រយោជន៍ច្រើនដល់វិស័យទេសចរណ៍ ខណៈដែលផ្នែកសណ្ឋាគារ និងបដិសណ្ឋារកិច្ចអាចទទួលបានផលល្អច្រើន។ យ៉ាងណាក៏ដោយ លោកក៏បានបញ្ជាក់ផងដែរថា បើទោះបីជាកម្ពុជាមានភាពល្អប្រសើរដូចការលើកឡើងខាងលើនេះ ប៉ុន្តែបើនិយាយពីវិស័យសណ្ឋាគារ និងបដិសណ្ឋារកិច្ច គឺកម្ពុជាហាក់ដើរយឺតជាងបណ្តាប្រទេសជិតខាងមួយចំនួនប្រមាណជា1 ឬ 2 ជំហាន ទៅហើយ ជាក់ស្ដែងជាប្រទេសវៀតណាម និងប្រទេសថៃជាដើម។
ជាមួយនឹងការលើកឡើងខាងលើនេះ លោក Patrick Basset ក៏បានបញ្ជាក់ផងដែរថា ៖ សម្រាប់ការបញ្ចូល ឬទទួលយកសមាជិកថ្មី គឺ AccorHotels មានគោលការណ៍ច្បាស់ ហើយក៏មានការពិនិត្យទៅលើកម្រិត ឬចំណាត់ថ្នាក់នៃសណ្ឋាគារដែលត្រូវបញ្ចូលជាសមាជិកផងដែរ ហើយត្រឡប់មកវិញ ចំពោះអត្ថប្រយោជន៍របស់សណ្ឋាគារជាសមាជិកដែលទទួលបានពី AccorHotels ក៏មានច្រើន ដែលក្រៅពីទទួលបានអតិថិជនចាស់មាននៅក្នុងដៃរបស់ AccorHotels នៅទូទាំងពិភពលោកនោះ គឺនៅទទួលបានការប្រឹក្សាទៅភាពជំនាញលើការគ្រប់គ្រងជាប្រព័ន្ធ ការបង្កើតគំនិតថ្មីលើការសេវាល្អឥតខ្ចោះដល់អតិថិជន ជាពិសេស អាចទទួលបានចំណូលច្រើនជាងបណ្តាសណ្ឋាគារនានាដែលជាដៃគូប្រកួតប្រជែងក្រោយការជួយជំរុញរបស់ AccorHotes Group ។
សូមបញ្ជាក់ផងដែរថា បច្ចុប្បន្ននេះ AccorHotels កំពុងតែរួមចំណែកដល់ការអភិវឌ្ឍប្រទេសកម្ពុជា រួមជាមួយនឹងការចូលរួមជួយដល់សហគមន៍មូលដ្ឋានតាមរយៈការបង្កើតការងារការបណ្តុះបណ្តាលវិជ្ជាជីវៈ និងការហាត់ការនៅតាមបណ្តាសណ្ឋាគារដែលជាដៃគូរបស់ខ្លួន។ តាមរយៈកម្មវិធីបង្កើនមូលនិធិ និងកម្មវិធីអាហារូបករណ៍ AccorHotes ក៏កំពុងជួយយុវជននៅកម្ពុជាឱ្យមានអនាគតភ្លឺស្វាង ដោយការបំប៉នឱ្យមានសមត្ថភាពគ្រប់គ្រាន់ពេញលេញលើជំនាញផ្នែកបដិសណ្ឋារកិច្ច។ ជាមួយគ្នានេះ AccorHotels ក៏បានជំរុញ និងបញ្ចូលនូវសសរស្តម្ភចម្រុះចំនួន4 ចូលទៅក្នុងបេសកកម្មរបស់ខ្លួនផងដែរ ដែលក្នុងនោះរួមមានដូចជា ៖ ការលើកកម្ពស់ យេនឌ័រ ពិការភាព មនុស្សស្រឡាញ់ភេទដូចគ្នា រួមជាមួយនឹងអ្នកប្តូរភេទផងដែរ ៕
Raffles Grand Hotel d’Angkor
Siem Reap
Cambodia

SOFITEL Angkor Phokeethra
November 30, 2017