Category: PR

ស្មាតហ្វូន HUAWEI Nova2i និង Mate10 Pro កំពុងលុកលុយទីផ្សារ និងអង្រួនបេះដូងអតិថិជននៅកម្ពុជា
ភ្នំពេញ៖ Huawei ដែលគឺជាក្រុមហ៊ុនស្មាតហ្វូនលំដាប់ពិភពលោក ដែលកំពុងឡើងកូដ និងទទួលបានការពេញនិយមនៅទូទាំងពិភពលោក ក៍ដូចជានៅកម្ពុជាផងដែរ ហើយនាពេលថ្មីៗនេះ Huawei ទទួលបានចំណាត់ទី2 ក្នុងបរិមាណលក់។ គួរកត់សម្គាល់ថា Huawei បានធ្វើឲ្យកក្រើកទីផ្សារស្មាតហ្វូននៅកម្ពុជា តាមរយៈការចេញលក់ Huawei Y7Prime, Huawei P10/P10 Plus និងចុងក្រោយនេះ Huawei nova 2i ស៊េរីថ្មី ដែលមានរហ័សនាមថា “អាភ្នែក4 (កាមេរ៉ា 4)” ពោលគឺរាប់ចាប់តាំងពីអតិថិជន អ្នកលក់ ម្ចាស់ហាងទូរសព្ទ័ បានពេញចិត្តគ្រប់បែបយ៉ាងចំពោះ Huawei nova 2i នេះ ។ «អាភ្នែក 4» រហ័សនាមថ្មីរបស់ស្មាតហ្វូនល្បីដល់ក HUAWEI nova 2i ស៊េរីថ្មី ប្រល័យចិត្តយុវវ័យ លុកលុយទីផ្សារ អង្រួនបេះដូងអតិថិជននៅកម្ពុជា ។
Huawei nova 2i គឺជាកំពូលស្មាតហ្វូនស៊េរីថ្មីកាមេរ៉ា4 (ភ្លោះមុខ ភ្លោះក្រោយ) ដំបូងគេបង្អស់លើពិភពលោក ត្រូវបានរចនាឡើងជាមួយនឹងអេក្រង់ធំ ពេញចិត្ត ពេញភ្នែក ពេញគែម 5.9អ៊ីញ ច្បាស់ថ្លាឆ្វង់កម្រិត 2K (1080*2160) ងាយស្រួលក្នុងការទស្សនាភាពយន្ត តន្រី្ត យូធូប បណ្តាញសង្គម ពិសេស Live Facebook ឬ Video Calls ច្បាស់ រាងស្អាត ស្តើង ស្រាល ធន់ មាំ ល្អប្រើ មិនមែនល្អមើល ប្រើអស់ចិត្ត តែមិនអស់ថ្ម តម្លៃក៍លង់។
តាមការអង្កេតលម្អិត មិនមែនលំៗ ចំណុចពិសេសចាក់ដោតបេះដូង ធ្វើឲ្យអ្នកប្រើស្លុងអារម្មណ៍ Huawei Nova 2i និងងាយៗ តាមគណិតវិទ្យា 4 ធំជាង 3 ធំជាង 2 កុំបាច់ឆ្ងល់ រីឯចំណុចខ្លាំងនោះគឺ (1) កាមេរ៉ា 4 ដំបូងបង្អស់លើពិភពលោក ពោលគឺ កាមេរ៉ាក្រោយ 2: Take Photos Like Pro ច្បាស់ថតស្អាតមុខងារ Pro Mode កាមេរ៉ាមុខ 2: Selfie Level Pro ច្បាស់ស្អាតកប់ ខូ្យតកប់ បន្ថែមមុខងារកំប្លែងៗតុក្តតារ (2) ល្បឿនលឿនជាង ទំហំ RAM 4GB ទំហំក្នុងម៉ាស៊ីន ROM 64GB (3) រូបរាងទាក់ទាញ ស្រោបលោហធាតុ ស្រាលជាង មាំជាង ធន់ជាង ស្តើងជាង (ងាយប្រឡាក់ពេលប៉ះដៃ និងងាយឆ្កូត) (4) អាចប្រើ Twin apps ក្នុងម៉ាស៊ីនពីរោងចក្រ ពោលគឺប្រើកម្មវិធី Facebook / LINE/Messenger / QQ/ WeChat ឈ្មោះពីរក្នុងលើអេក្រង់តែមួយ លើ Apps តែមួយ ។
សូមទស្សនាវីដេអូខាងក្រោមនេះដើម្បីយល់លម្អិតអំពី Huawei Nova 2i
https://www.youtube.com/watch?v=psznhhiYR_0
ចំណែកឯ ជាបងធំ Huawei Mate 10 Pro ស៊េរីដែលអតិថិជនអន្ទះសារនោះ ទីបំផុត ដែលរងចាំដ៍យូរ ក៍បានមកដល់ ដែលខ្លួននឹងរូបរាងល្អដូចពេជ្រ រលើបរលោង សមជាស្មាតហ្វូនក្នុងសុបិន្ត ខ្លាំងជាងមុន លឿនជាងមុន កាលីបជាងមុន បើបានចាប់កាន់ ស្ទាបអង្អែល នែបនិត្យ ជីវិតពិតជាមានន័យ លើសពីស្មាតហ្វូន បន្ថែមតួនាទីអាចដើរតួរជាកុំព្យូទ័រ សមត្ថភាពកំពូល លឿនជាង 25 ដង ខ្លាំង 25 ដង ដែល CPU បំពាក់បច្ចេកវិទ្យា AI ដំបូងគេបង្អស់លើពិភពលោក (Word’s First AI Processor Inside) ដែលមានលក្ខណៈពិសេសកំពូលៗ ដូចជា (1) អេក្រង់លាតដល់ពេញគែមទំហំ 6.0″ AMOLED (2) បំពាក់បច្ចេកវិទ្យាកាមេរ៉ាសហការណ៍ជាមួយ Leica ភ្លោះ ដែលល្បីឈ្មោះអស់ 102 ឆ្នាំ ទំហំ 12 MP (f/1.6, 27mm, OIS) +20 MP (f/1.6, 27mm) និងកាមេរ៉ាមុខទំហំ 8 MP, f/2.0 (3) ល្បឿនលឿនជាមួយនឹង RAM 6GB ទំហំក្នុងម៉ាស៊ីន ROM 128GB (4) ជាមួយនឹងល្បឿនប្រតិបត្តិការ CPU: Hisilicon Kirin 970, Octa-core (4×2.4 GHz Cortex-A73 & 4×1.8 GHz Cortex-A53), Mali-G72 MP12 (5) ថាមពលថ្ម 4000 mAh ប្រើបានពីរថ្ងៃ និង (6) បំពាក់នូវបច្ចេកវិទ្យាស្កេនក្រយ៉ៅដៃលឿន នៅខាងក្រោយ បន្ថែមជូន កាដូស៊ីអារម្មណ៍ ឧបករណ៍តាមដាន ទម្ងន់ និងវាស់ជាតិខ្លាញ់ (Huawei Smart Fat Scale) និង ស៊ីមស្មាតលេខល្អ បន្ថែមកញ្ចប់ស្មាតធំម្ម៉ង 24 សប្តាហ៍ ដោយឥតគិតថ្លៃ សម្រាប់អតិថិជនដែលបានកម្ម៉ងទុកមុន ។
សូមទស្សនាវីដេអូខាងក្រោមនេះ លោកអ្នកនឹងដឹងថា Huawei Mate 10 Pro ចឹង
https://www.youtube.com/watch?v=0Js4X_et70w
លោកអ្នកត្រៀមកាដូជូនគូរស្នេហ៍ ក្រុមគ្រួសារ កូនៗ អ្នកមានគុណ ញាតិសណ្តាន បងប្អូន ពូមីង ហើយរឺនៅ នាឱកាសបុណ្យណូអែល ឬស្វាគមន៍ឆ្នាំថ្មី ឆ្នាំ 2018? បើរកនឹងមិនឃើញ រឺពិបាករើស ហ៊ួរវ័យអាចជួយបាន មិនចាំបាច់រកនឹក គិតយូរ កាដូត្រូវចិត្ត គ្រាន់តែទិញ Huawe Nova2i រឺ Huawe Mate 10 Pro មួយគ្រឿង ទៅដឹងតែលង់ចិត្ត លង់ប្រាណ លង់បេះដូង បាក់ចិត្តស្រឹបៗ ទប់ចិត្តមិនបាន ទប់ប្រាណមិនហ្នឹងម្ម៉ង ។ Huawei អ្វីក៍មាន តម្លៃប៉ុណ្ណាក៍មាន ស្មាតហ្វូនដំបូងៗស្ទើរលុយ Y3II 3G (79$), Y3 2017 (115$), Y6 II (149$) បន្ទាប់ពីជឿជាក់ឡើងស៊េរី Y7 Prime (229$) កាន់តែលង់ចិត្តដូរស៊េរីដល់អាកាមេរ៉ា 4 Nova2i (329$) ភ្លេចខ្លួនហ៊ានជះលុយដល់អាកប់ស៊េរី Mate 10 Pro (860$) ជាមួយនឹងប្រូម៉ូសិនយក្ស គឺជាកម្មវិធី ថែមធំៗ ចាប់ពីថ្ងៃនេះ រហូតដល់ថ្ងៃទី 31 ធ្នូ ឆ្នាំ 2017 ឫកាដូអស់ពីស្តុក ។ `
ចង់ដឹងថា ប្រ៉ូម៉ូសិនយក្ស ដើម្បីអបអរ បុណ្យណូអែល និងស្វាគមន៍ឆ្នាំថ្មី ឆ្នាំ 2018 នេះ តោះមើលវីដេអូនេះទាំងអស់គ្នា
https://www.youtube.com/watch?v=GexwNYCVNgY
December 20, 2017
វគ្គសិក្សាសរសេរផែនការអាជីវកម្ម និងប្រើប្រាស់ Business Model Canvas វិភាគរកចំណុចស្រង់ដើម
វគ្គសិក្សាសរសេរផែនការអាជីវកម្ម និងការប្រើប្រាស់ Business Model Canvas ដើម្បីវិភាគរកចំណុចស្រង់ដើម (Break-even Point) សម្រាប់ឆ្នាំ 2018។ នេះជាវគ្គសិក្សា ដែលនឹងត្រូវរៀបចំយ៉ាងពិសេស នៅមុនដំណាច់ឆ្នាំ2017 ដែលគ្រោងរៀបចំឡើងនៅថ្ងៃទី24 ខែធ្នូ ឆ្នាំ2017 ពេញមួយថ្ងៃតែម្ដង នៅផាកកាហ្វេ សាខាពេទ្យកាល់ម៉ែត្រ។
ក្នុងវគ្គសិក្សានេះ លោកអ្នកនឹងទទួលបានការផ្ដល់ជូនជាពិសេស មានសៀវភៅសិក្សា ឯកសារជា Soft Copy, លិខិតបញ្ជាក់ការចូលរួម (Certificate) សៀវភៅអេឡិចត្រូនិក អាហារសម្រន់ និងអាហារថ្ងៃត្រង់ បញ្ចូលក្នុង Group Facebook ដែលមានសមាជិកជាម្ចាស់អាជីវកម្មជាង 300នាក់ និងឱកាសបង្កើតបណ្ដាញអាជីវកម្មជាច្រើនទៀត។
លោកអ្នកនឹងទទួលបានការសិក្សាដែលផ្ដោតលើការសរសេរផែនការអាជីវកម្មឱ្យមានលក្ខណៈអាជីពដោយមានការអនុវត្តដោយផ្ទាល់តែម្ដង ហើយថែមទាំងមានបង្ហាញជូននូវ ខ្លឹមសារនៃការប្រើប្រាស់ម៉ូដែល Business Model Canvas ថែមទៀតផង។
ខ្លឹមសារសំខាន់ៗ ដែលត្រូវសិក្សារួមមាន ហេតុផលអ្វីទើបគួរវិវត្តន៍ខ្លួនទៅជាអ្នករកស៊ី និងអ្នកវិនិយោគ (វិភាគទៅលើទ្រឹស្ដីរបស់លោក Robert Kiyosaki) ធាតុផ្សំទាំង 11 យ៉ាងរបស់ផែនការអាជីវកម្ម និងការប្រើប្រាស់ Business Model Canvas ដើម្បីវិភាគរកចំណុចស្រង់ដើម ឬចំណុចរួចខ្លួន និងទ្រឹស្ដីអាជីវកម្មសំខាន់ៗជាច្រើនទៀត។
លម្អិតនិងអនុវត្តន៍ដោយផ្ទាល់ទៅនឹងធាតុផ្សំទាំង 11យ៉ាងនៃផែនការអាជីវកម្ម រួមមាន៖
1) តិចនិកនៃការសរសេរ Executive Summary អមជាមួយឧទាហរណ៍មួយចំនួន
2) ការសរសេរអំពីការបរិយាយ និងពិពណ៌នាខ្លឹមសាររួមអំពីក្រុមហ៊ុន(General Company Description) អមមកជាមួយឧទាហរណ៍ខ្លីៗមួយចំនួន
3) ការសរសេរអំពីការពិពណ៌នាអំពីផលិតផល និងសេវាកម្ម (Products & Services)
4) ការធ្វើផែនការធ្វើទីផ្សារ (Marketing Plan) ដែលនឹងផ្ដោតទៅលើ ការស្រាវជ្រាវទីផ្សារ (Market Research), របៀបនៃការស្រាវជ្រាវទីផ្សារ (Market Research-How), វិភាគនិងវិនិច្ឆ័យទៅលើលក្ខខណ្ឌសេដ្ឋកិច្ច (Economics), ផលិតផល (Products), អតិថិជន (Customers), ការប្រកួតប្រជែង (Competition), ទីផ្សារគោលដៅ (Niche Market), យុទ្ធសាស្ត្រផ្សព្វផ្សាយ និងការកំណត់ថ្លៃជាដើម (Pricing)
5) ផែនការប្រតិបត្តិការ (Operational) ដែលនឹងផ្ដោតសំខាន់ទៅលើ ផលិតផលកម្ម (Production) ការជ្រើសរើសទីតាំង (Location), ឯកសារផ្លូវច្បាប់ដែលតម្រូវមួយចំនួន (Legal environment) បុគ្គលិក (Personnel), ការគ្រប់គ្រងសន្និធិ (Inventory), អ្នកផ្គត់ផ្គង់ (Suppliers), គោលការណ៍នៃការបង់ប្រាក់ពីសំណាក់អតិថិថិជន (Credit policies) តិចនិកគ្រប់គ្រងគណនេយ្យអតិថិជនជំពាក់ (Account Receivable), តិចនិចគ្រប់គ្រងគណនេយ្យដែលយើងជំពាក់គេ (Account Payable)
6) ការគ្រប់គ្រងស្ថាប័ន(Organization and Management)៖ ការរៀបចំរចនាសម្ព័ន្ធបុគ្គលិក និងតួនាទីច្បាស់លាស់ដើម្បីធានាបាននូវប្រសិទ្ធភាព និងប្រសិទ្ធផល (Organizational Management)
7) របាយការណ៍ហិរញ្ញវត្ថុរបស់ម្ចាស់ភាគ (Personal Financial Statement)
8) ផែនការនៃការចំណាយសំខាន់ៗ និងការប្រមូលទុន (Startup Expenses & Capitalization)
9) ផែនការហិរញ្ញវត្ថុ (Financial Plan)
10) ឧបសម្ពន្ធ (Appendices)
11) ការកំណត់ពីគោលបំណងលម្អិត ការធ្វើផែនការអាជីវកម្មរបស់យើង (Refining the Plan)
និងចំណុចចុងក្រោយគឺការវិភាគរកចំណុចស្រង់ដើម (Break-even point) ដោយសិក្សាលម្អិតអំពីទ្រឹស្ដី Business Model Canvas។
ខាងក្រោមនេះ គឺជាប្រវត្តិសង្ខេបរបស់គ្រូបណ្ដុះបណ្ដាល៖
សូមបញ្ជាក់៖ វគ្គសិក្សានេះ មានលក់សំបុត្រសម្រាប់ចូលរួមជាមុន ដែលមានតម្លៃ 65ដុល្លារសម្រាប់មនុស្សម្នាក់។ ព័ត៌មានផ្សេងៗ និងអំពីការទិញសំបុត្រសូមទាក់ទង កញ្ញាចាន់ថា មានលេខទូរស័ព្ទ 017/0969 49 59 60 | 010 24 33 44 | 015 22 42 99 | 012 666 104 ឬ email to [email protected] or md.bizkhmer@ gmail.com
December 19, 2017
ក្រុមហ៊ុនផលិតស្រាបៀរកម្ពុជា (CBL) ប្រគល់រង្វាន់ផ្តាច់ព្រ័ត្រ
រាជធានីភ្នំពេញ៖ នៅថ្ងៃសុក្រ ទី 15 ខែធ្នូ ឆ្នាំ 2017 នៅក្រុមហ៊ុនផលិតស្រាបៀរកម្ពុជា (CBL) បានរៀបចំកម្មវិធីប្រគល់រង្វាន់ផ្តាច់ព្រ័ត្រសម្រាប់អ្នកណែនាំរោងការ ដែលបានណែនាំរោងការបានច្រើនជាងគេឲ្យជាវស្រាបៀរ Heineken, Tiger, ABC, Anchor, Gold Crown និង Gold Crown Stout សម្រាប់កម្មវិធីអាពាហ៍ពិពាហ៍។ កម្មវិធីនេះមានការអញ្ជើញចូលរួមពីថ្នាក់គ្រប់គ្រងក្រុមហ៊ុន ភ្ញៀវកិត្តិយស និងអ្នកសារព័ត៌មានជាច្រើន។
លោក ជា ឈិត គឺជាអ្នកណែនាំរោងការច្រើនជាងគេដែលបានឈ្នះរង្វាន់រថយន្តដឹកទំនិញខ្នាតតូចចំនួន 1គ្រឿងថ្មីសន្លាងជាមួយស្រាបៀរអាន់ឆ័រដប ចំនួន 150កេស ហើយបានមានប្រសាសន៍ទាំងក្តីរំភើបថា គាត់ពិតជាមានអារម្មណ៍រំភើបរីករាយដែលត្រូវរង្វាន់ធំពីកម្មវិធីនេះ ហើយក្រុមហ៊ុន CBL ពិតជាបានប្រគល់រង្វាន់ជូនគាត់ពិតប្រាកមែន។
កម្មវិធីប្រគល់រង្វាន់ផ្តាច់ព្រ័ត្រនេះបានរៀបចំឡើងក្នុងគោលបំណងថ្លែងអំណរគុណ និង បង្ហាញពីការយកចិត្តទុកដាក់ខ្ពស់របស់ក្រុមហ៊ុនចំពោះអ្នកដែលបានណែនាំរោងការឲ្យជាវស្រាបៀរ Heineken, Tiger, ABC, Anchor, Gold Crown និង Gold Crown Stout សម្រាប់កម្មវិធីអាពាហ៍ពិពាហ៍។
សម្រាប់កម្មវិធីឈ្នះរង្វាន់លើកទឹកចិត្តសម្រាប់អ្នកណែនាំរោងការក្នុងឆ្នាំថ្មី 2018 ក្រុមហ៊ុន CBL នឹងមានផ្តល់ជូនរង្វាន់កាន់តែអស្ចារ្យច្រើនជាងមុន ។ បើលោកអ្នកជាម្ចាស់ហាងលក់ភេសជ្ជៈ អ្នកទទួលរៀបចំម្ហូបអហារសម្រាប់កម្មវិធីរោងការ និងកម្មវិធីផ្សេងៗ ដេប៉ូចែកចាយ និង អ្នកណែនាំរោងការផ្សេងទៀត។
សូមទំនាក់ទំនងមកកាន់ក្រុមការងារបម្រើសេវាអតិថិជនរបស់ក្រុមហ៊ុនយើងខ្ញុំតាមរយៈលេខទូរស័ព្ទ 011 222 400 / 011 333 500 ដើម្បីទទួលបានព័ត៌មានថ្មីអំពីកម្មវិធីពិសេសនេះសម្រាប់ឆ្នាំថ្មី ។
សូមពិសាដោយការទទួលខុសត្រូវ
December 16, 2017
ផាកកាហ្វេរៀបចំពីធីជប់លៀងបញ្ចប់កម្មវិធីកិច្ចសន្ទរនាប្រចាំខែ2017 និងបង្ហើបពីកម្មវិធី2018
ភ្នំពេញ៖ ផាកកាហ្វេបានរៀបចំកិច្ចពិភាក្សាពាណិជ្ជកម្មប្រចាំខែក្នុងឆ្នាំ2017យ៉ាងជោគជ័យ ដោយមានការចូលរួមជាដៃគូសហការណ៍រៀបចំវិទ្យាស្ថានអភិវឌ្ឍន៍វិស័យអប់រំ។ ដើម្បីជាការអបអរសាទរនូវភាពជោគជ័យក្នុងសកម្មភាពសង្គមមួយនេះក៏ដូចជាដើម្បីថ្លៃងអំណរគុណដល់វាគ្មិនកិត្តិយសទាំង 23រូបតាំពីខែមករាមក ផាកកាហ្វេ និងវិទ្យាស្ថានអភិវឌ្ឍន៍វិស័យអប់រំបានរៀបចំកម្មវិធីជប់លៀងថ្លៃងអំណរគុណ នៅពីថ្ងៃទី14 ធ្នូកន្លងទៅនេះ នៅសាខាផាកកាហ្វេបាក់ទូក។ កម្មវិធីនេះមានការចូលរួមយ៉ាងច្រើនពីសំណាក់បុគ្គលិកជាន់ខ្ពស់ និងថា្នក់ដឹកនាំស្ថាប័ន និងក្រុមហ៊ុនល្បីៗនៅកម្ពុជា។
គូររំលឹកផងដែលថាកម្មវិធី CSR មួយនេះត្រូវបានបង្កើតឡើងក្នុងគោលបំណងចូលរួមបណ្តុះបណ្តាលសហគ្រិនភាពក្នុងប្រទេសយើង ជាពិសេសសម្រាប់អ្នកដែលចាប់ផ្តើមអាជីវកម្មថ្មីថ្មោង អោយគាត់បានយល់ពីរបែបបទនៃការធ្វើអាជីវកម្មពីបុគ្គលល្បីៗ និងរៀបចំយ៉ាងណាអោយអាជីវកម្មរបស់ពួកគាត់រីកចំរើនទៅមុខជៀសផុតពីភាពប្រថុយប្រថាន នេះបើតាមការលើកលើងរបស់លោក គុយ វ៉ាត់ អគ្គនាយកនៃក្រុមហ៊ុនផាកកាហ្វេ និងលោក ប៉ិច ប៉ូលែន អគ្គនាយកនៃក្រុមហ៊ុន Westline Education Group។ លោកបានបន្តថា កម្មវិធីជួយដល់អ្នកចូលរួមដែលមានចំនួនប្រមាណ1000នាក់ ទទួលបាននូវចំនេះដឹងល្អៗ និងបទពិសោធន៍ល្អៗ ផ្ទាល់ពីវាគ្មិនកិត្តិយសរបស់យើង។ ខ្លឹមសារទាំងអស់នៃការបណ្តុះបណ្តាលក្នុងឆ្នាំ2017នេះ យើងបានផ្តោតសំខាន់លើការដំណើរការគោលគំនិតអាជីវកម្មដែលបែងចែកជាប្រធានបទផ្សេងគ្នា។ ព្រឹត្តិការណ៍នេះជួយបង្កើតអោយមានទំនាក់ទំនងរវាងអ្នកចូលរួម អ្នកឧបត្ថម្ភកម្មវិធី និងដៃគូ អំពីការយល់ដឹងអំពីម៉ាករបស់ពួកគេ ក្នុងចំណោមសហគ្រិន។
លើសពីនេះទៀតលោកទាំងពីក៏បានថ្ងែងអំណរគុណយ៉ាងជ្រាលជ្រៅដល់វាគ្មិនកិត្តិយសទាំងអស់ ទាំងដៃគូរឧបត្ថម្ភធំៗដែលមានដូចជាក្រុមហ៊ុនកូកាកូឡា ក្រុមហ៊ុនសន្តិសុខលីប្រា និងធនាគារ RHB និងដៃគូរសហការណ៍ឧបត្ថម្ភផ្សេងៗទៀតទាំងអស់ដែលបានចូលរួមក្នុងឆ្នាំ2017នេះ។
ទន្ទឹមគ្នានេះដែលលោក ហេង សេងលី នាយកគ្រប់គ្រងនៃផាកកាហ្វេក៍បានបង្ហើបពីកម្មវិធីសង្គមថ្មីសម្រាប់ឆ្នាំ2018 ដែលផាកកាហ្វេនឹងសហការណ៍ជាមួយស្ថាប័នជំនាញធ្វើការរៀបចំកម្មវិធីប្រកួតប្រជែងគំរោងអាជីវកម្មប្រចាំឆ្នាំ ហើយអ្នកឈ្នះនឹងទទួលបានរង្វាន់ចំនួន 10000ដុល្លារ នឹងឱកាសវិនិយោគពីវិនិយោគិនជំនាញៗថែមទៀតផង៕
December 16, 2017
ការប្រកួតជើងឯកកីឡាវាយកូនហ្គោលលើកទី3 របស់ស្រាបៀរ HEINEKEN 2017 ចប់យ៉ាងជោគជ័យ
រាជធានីភ្នំពេញ៖ ស្រាបៀរ Heineken® ដែលគឺជាស្រាបៀរលំដាប់ថ្នាក់អន្តរជាតិដ៏ល្បីល្បាញបំផុតនៅលើពិភពលោកបានបង្ហាញជាថ្មីម្តងទៀតពីទំនាក់ទំនងរឹងមាំរបស់ខ្លួនជាមួយនឹងវិស័យកីឡាវាយកូនហ្គោលនៅក្នុងព្រះរាជាណាចក្រកម្ពុជាតាមរយៈការរៀបចំការប្រកួតយកជើងឯកកីឡាវាយកូនហ្គោលលើកទី៣ របស់ស្រាបៀរ Heineken ប្រចាំឆ្នាំ 2017 កាលពីថ្ងៃទី 01 ខែធ្នូ នៅ ក្លិប ហ្គាឌិនស៊ីធីហ្គោល។
កីឡាករវាយកូនហ្គោលកំពូលៗចំនួន 80 នាក់រួមទាំងអ្នកជំនួញឈានមុខ និងកីឡាករល្បី ៗជាច្រើនរូបបានចូលរួមជាមួយគ្នាដើម្បីប្រកួតប្រជែងក្នុងក្របខ័ណ្ឌប្រកួតយកជើងឯកកីឡាវាយកូនហ្គោលលើកទី៣របស់ស្រាបៀរ Heineken ដែលគេចាត់ទុកថាជាព្រឹត្តិការណ៍ឈានមុខគេមួយនៅក្នុងវិស័យកីឡាវាយកូនហ្គោលរបស់ព្រះរាជាណាចក្រកម្ពុជា។
ទម្រង់លេងវាយកូនហ្គោលនេះគឺជាប្រព័ន្ធតគ្រាប់បាល់ Peoria ដែលបានកែប្រែថ្មី ដោយបន្ថែមនូវភាពសប្បាយរីករាយក្នុងកម្មវិធីប្រកួតយកជើងឯកកីឡាវាយកូនហ្គោល។ ទម្រង់លេងនេះបានចាប់ផ្តើមដោយវាយស៊ុតចូល 18 រន្ធ នៅក្លិប ហ្គាឌិនស៊ីធីហ្គោល ចាប់ពីម៉ោង 12 និង 30នាទីថ្ងៃត្រង់រហូតដល់ម៉ោង 5ល្ងាច ដោយមានការចូលរួមពីបេក្ខជនទាំងអស់ដែលសុទ្ធតែមានស្មារតីជាអ្នកកីឡាករសុទ្ធសាធ។
ដើម្បីអបអរសាទរស្នាដៃផ្នែកកីឡាវាយកូនហ្គោលដែលទទួលបានជោគជ័យនាថ្ងៃនោះ មានការរៀបចំកម្មវិធីរាត្រីសមោសរដើម្បីទទួលទានអាហារល្ងាច និងពិធីប្រគល់រង្វាន់ដែលបានប្រព្រឹត្តទៅនៅសណ្ឋាគារសុខាចាប់ពីម៉ោង 6 ល្ងាចតទៅដើម្បីឱ្យកីឡាករវាយកូនហ្គោល និងដៃគូអាចសម្រាកលម្លែ និងរីករាយទទួលទានស្រាបៀរ Heineken គ្មានដែនកំណត់ ក៏ដូចជាប្រកាសឈ្មោះអ្នកឈ្នះនៃការប្រកួតជើងឯកនេះ។ រង្វាន់ជាច្រើនត្រូវបានប្រគល់ជូនដូចជា iPads, iPhones និងវត្ថុអនុស្សាវរីយ៍ម៉ាក Heineken ព្រមទាំងសម្លៀកបំពាក់កីឡាម៉ាកល្បី។
អ្នកដែលឈ្នះជើងឯកជើងកីឡាវាយកូនហ្គោលលើកទី៣របស់ស្រាបៀរ Heineken ប្រចាំឆ្នាំ 2017 នេះគឺបានទៅលើបេក្ខជនឈ្មោះ Kim Jong Soo ដែលទទួលបានការអបអរសាទរ និងកោតសរសើរពីកីឡាករវាយកូនហ្គោលរួមអាជីពដូចគ្នាចំពោះសមត្ថភាពឆ្នើមរបស់គាត់។
កីឡាករវាយកូនហ្គោលល្បីៗមួយចំនួនបានមានប្រសាសន៍ថា ស្រាបៀរ Heineken បានក្លាយជាអ្នកឧបត្ថម្ភគាំទ្រកីឡាវាយកូនហ្គោលដ៏ធំបំផុតនៅក្នុងប្រទេសកម្ពុជា ហើយកំពុងជួយពង្រឹងវិស័យកីឡាវាយកូនហ្គោលតាមរយៈការរៀបចំ និងឧបត្ថម្ភកម្មវិធីប្រកួតជើងឯក និងកម្មវិធីប្រកួតកីឡាវាយកូនហ្គោលលំដាប់ថ្នាក់ខ្ពស់ជាច្រើននៅទូទាំងប្រទេស។
ដើម្បីស្វែងយល់បន្ថែមអំពីស្រាបៀរ Heineken នៅក្នុងប្រទេសកម្ពុជា សូមឆែកមើលទំព័រហ្វេសប៊ុកផ្លូវការ៖ www.facebook.com/heineken/
ពិសាដោយការទទួលខុសត្រូវ
#Heineken #Cambodia #OpenYourWorld
December 15, 2017
ចុងភៅលំដាប់ផ្កា2 មកពីបារាំង Thierry Drapeau បញ្ចេញស្នាដៃនៅភោជនីយដ្ឋានតូប៉ាហ្ស ក្នុងឱកាស Jazz Festival 2017
ភ្នំពេញ៖ ដើម្បីជាការចូលរួមអបអរក្នុងពិធី Jazz Festival នាល្ងាចថ្ងៃទី14 ខែធ្នូ ភោជនីដ្ឋានតូប៉ាហ្ស បានរួមសហការជាមួយក្រុមតន្ដ្រីករ Jazz មកពីបរទេស និងមានការចូលរួមសហការពីក្រុមហ៊ុន Audi ដើម្បីរៀបចំពិធីទទួល ទានអាហារពេលល្ងាចយ៉ាងសប្បាយរីករាយជាមួយការប្រគំ តន្ដ្រី Jazz ពីតន្ដ្រីករល្បីៗយ៉ាងពិរោះ។
អ្នកនាង ហាក់ ឡានីន អ្នកគ្រប់គ្រងទូទៅនៅក្នុងភោជនី យដ្ឋានតូប៉ាហ្ស បានលើកឡើងថា កន្លងមកភោជនីយដ្ឋានធ្លាប់បានរៀបចំពិធីទទួលទានអាហារពេលល្ងាចជាច្រើនមកហើយដោយបានអញ្ជើញចុងភៅមកពីបរទេសមកចំណីអាហារជូនភ្ញៀវកិត្ដិយស។ សម្រាប់ឱកាសដ៏ពិសេសនេះតូប៉ាហ្សទើបតែបានរៀបចំជាលើកទីមួយតែប៉ុណ្ណោះដើម្បីផ្ដល់ឱកាសនៃភាពសប្បាយរីករាយជូនដល់ភ្ញៀវកិត្ដិយសបន្ថែមទៀត ដោយពួកគាត់គ្រាន់តែទិញសំបុត្រចូលរួមក្នុងពិធីនេះ ចំណាយក្នុងម្នាក់ 150ដុល្លារអាមេរិក អាចទទួលបានអាហារ 7មុខ ដែលច្នៃដោយមេចុងភៅលំដាប់ផ្កាយ2 ឈ្មោះលោក Thierry Drapeau មកពីប្រទេសបារាំង រួមជាមួយការស្ដាប់ភ្លេងបែបអ៊ឺរ៉ុប។
អ្នកគ្រប់គ្រងរូបនេះបន្ដថា ភោជនីដ្ឋានយើងជាកន្លែងដែលល្បីឈ្មោះនិងមានជំនាញទៅលើការចំអិនម្ហូបបែបអ៊ឺរ៉ុប រីឯតន្ដ្រី Jazz ក៏ជាតន្ដ្រីបែបបញ្ចឹមប្រទេសទើបជាហេតុធ្វើឱ្យយើងសម្រេចរួមគ្នាជ្រើសរើសភោជនីដ្ឋានតូប៉ាហ្សដើម្បីរៀបចំពិធី Jazz Festival តែម្ដង។
អ្នកនាង ហាក់ ឡានីន បានបញ្ជាក់ថា កម្មវិធីនេះមានការចូលរួមពីភ្ញៀវកិត្ដិយសយ៉ាងជាច្រើនកុះករលើសពីការរំពឹងទុក ព្រោះនេះជាកម្មវិធីកម្រមាន ពិសេសវាអាចចាត់ទុកថា បង្កើតឡើងសម្រាប់អបអរសាទរពិធីបុណ្យតន្ដ្រី Jazz ផងនិងបង្កើតឡើងសម្រាប់ភ្ញៀវកិត្ដិយសដែលនិយមការទទួលទានអាហារពេលល្ងាចជាមួយអាហារប្លែកៗបែបអ៊ឺរ៉ុបផងដែរ។ ជាមួយគ្នានេះអ្នកនាងសង្ឃឹមថា តូប៉ាហ្សនឹងមានឱកាសបានរៀបចំកម្មវិធីនេះជាបន្ដបន្ទាប់ទៀតសម្រាប់ភ្ញៀវកិត្ដិយសទាំងអស់៕

December 15, 2017
សន្និសីទសារព័ត៌មាន ស្តីពីពិធីសម្ពោធជាផ្លូវការ នៃភាពជាដៃគូ សម្រាប់ឥណទានគេហដ្ឋាន
ភ្នំពេញ – នៅថ្ងៃសុក្រ ទី15 ខែធ្នូកន្លងទៅនេះ ធនាគារ ស៊ីអាយអិមប៊ី ភីអិលស៊ី (ធនាគារ CIMB) ដោយមានកិច្ចសហការជាមួយនឹងក្រុមហ៊ុន បុរី ប៉េង ហួត គ្រុប បានប្រារព្ធធ្វើសន្និសីទសារព័ត៌មានមួយ ដើម្បីសម្ពោធជាផ្លូវការ នៃភាពជាដៃគូ សម្រាប់ឥណទានគេហដ្ឋាន ដែលអនុញ្ញាតិឲ្យបុរី ប៉េង ហួត អាចផ្សព្វផ្សាយ និងចែកចាយឥណទានគេហដ្ឋានរបស់ធនាគារ CIMB ទៅដល់អតិថិជនរបស់ខ្លួន។ តាមរយៈភាពជាដៃគូយុទ្ធសាស្ត្រនេះ រាល់អតិថិជនរបស់បុរី ប៉េង ហួត ដែលស្នើសុំឥណទានគេហដ្ឋានរបស់ធនាគារ CIMB នឹងទទួលបាននូវអត្ថប្រយោជន៍កាន់តែច្រើន និងលក្ខខណ្ឌអនុគ្រោះមួយចំនួនទៀតផង។
ថ្លែងក្នុងសន្និសីទសារព័ត៌មាននេះ លោកស្រី ហេង ធីតា នាយិកហិរញ្ញវត្ថុបុគ្គលរបស់ធនាគារ CIMB បានមានប្រសាសន៍ថា៖ «ធនាគារ CIMB តែងតែឈានមុខគេ ក្នុងការផ្តល់ជូននូវឥណទានគេហដ្ឋាន ដល់អតិថិជន។ ហើយការចាប់ដៃគូជាមួយនឹងក្រុមហ៊ុនបុរី ប៉េង ហួត គ្រុប ដែលជាក្រុមហ៊ុនអភិវឌ្ឍន៍សំណង់លំនៅស្ថានឈានមុខគេ នៅកម្ពុជា នឹងជួយជម្រុញឲ្យធនាគារ CIMB បំពេញតម្រូវការឥណទានគេហដ្ឋានកាន់តែល្អប្រសើរ ដល់អតិថិជនទាំងអស់ នៅគ្រប់គម្រោងលំនៅស្ថានរបស់បុរី ប៉េង ហួត។ ដូច្នេះអតិថិជនមិនត្រឹមតែទទួលបានផ្ទះក្នុងក្តីស្រមៃ ប្រកបដោយស្តង់ដារ សោភណ្ឌភាព និងគុណភាពរបស់បុរី ប៉េង ហួតប៉ុណ្ណោះទេ តែថែមទាំងទទួលបាននូវអត្ថប្រយោជន៍ពិសេស និងលក្ខខណ្ឌអនុគ្រោះផងដែរ ពីឥណទានគេហដ្ឋានរបស់ធនាគារ CIMB ដែលជាធនាគារពាណិជ្ជអន្តរជាតិនាំមុខគេមួយ នៅកម្ពុជា និងមានបណ្តាញយ៉ាងទូលំទូលាយ ក្នុងតំបន់អាស៊ាន»។
លោកស្រី ទឹម ច័ន្ទបូរ៉ាវី ជំនួយការអគ្គនាយិការបស់បុរី ប៉េង ហួត គ្រុប បានឲ្យដឹងថា៖ «បុរី ប៉េង ហួត គ្រុប ដែលបានបង្កើតឡើងតាំងពីឆ្នាំ 2005 មក គឺជាក្រុមហ៊ុនអភិវឌ្ឍន៍សំណង់លំនៅស្ថានឈានមុខគេ ទាំងគុណភាព និងសោភណ្ឌភាព ដែលតែងតែទទួលបានការគាំទ្រ និងទំនុកចិត្ត ពីសំណាក់អតិថិជនគ្រប់ជាន់ថ្នាក់ ព្រមទាំងទទួលបានពានរង្វាន់ជាក្រុមហ៊ុនអភិវឌ្ឍន៍ ដែលល្អជាងគេក្នុងប្រទេសកម្ពុជា ក្នុងឆាកអន្តរជាតិថែមទៀតផង។ បុរី ប៉េង ហួត គ្រុប មិនត្រឹមតែចង់ផ្តល់ជូននូវគេហដ្ឋាន សម្រាប់ស្នាក់នៅដល់អតិថិជននោះទេ តែចង់ផ្តល់ជូននូវគេហដ្ឋានដែលប្រកបដោយសុភមង្គលដ៏ពិតប្រាកដ ជាមួយនឹងភាពសម្បូរបែបគ្រប់បែបយ៉ាង សម្រាប់ការរស់នៅ ស្ថិតក្នុងទីកន្លែងតែមួយ។ ដោយចង់បន្ថែមជូននូវភាពងាយស្រួលសម្រាប់អតិថិជន បុរី ប៉េង ហួត បានសម្រេចធ្វើការសហការជាមួយធនាគារលំដាប់អន្តរជាតិ គឺធនាគារ CIMB ដើម្បីផ្តល់ជូននូវជម្រើសឥណទានគេហដ្ឋាន ដែលមានលក្ខខណ្ឌល្អប្រសើរ ជូនដល់អតិថិជន»
ផ្អែកលើកិច្ចសហការជាដៃគូយុទ្ធសាស្ត្រនេះ រាល់អតិថិជន ដែលស្នើសុំឥណទានគេហដ្ឋានថ្មី ឬផ្ទេរឥណទានគេហដ្ឋាន មកកាន់ធនាគារ CIMB នៅក្នុងគម្រោងកំពុងសាង់សង់ ឬសាងសង់រួចរាល់របស់បុរី ប៉េង ហួត នឹងទទួលបានការលក្ខខណ្ឌសិក្សា និងអត្ថប្រយោជន៍នៃឥណទានល្អប្រសើរ ដោយធនាគារនឹងធ្វើការសិក្សា និងអនុម័តឥណទានឆាប់រហ័ស ហើយធនាគារក៏ទទួលយកនូវការស្នើសុំឥណទាន សម្រាប់ប្លង់ទន់ផងដែរ រួមជាមួយអត្រាការប្រាក់ទាប រយៈពេលនៃឥណទានរហូតដល់20ឆ្នាំ និងទំហំនៃឥណទានរហូតដល់ 80% ព្រមទាំងការបញ្ចុះតម្លៃពិសេស ពីបុរី ប៉េង ហួតទៀតផង។
គួរបញ្ជាក់ផងដែរថា ឥណទានគេហដ្ឋាន គឺជាផលិតផលស្នូលមួយរបស់ធនាគារ CIMB ដែលកំពុងនាំមុខគេ ក្នុងចំណោមធនាគារពាណិជ្ជអន្តរជាតិ នៅលើទីផ្សារប្រទេសកម្ពុជា នាពេលបច្ចុប្បន្ន។ ធនាគារ CIMB តែងតែមានភាពច្នៃប្រឌិតខ្ពស់ ក្នុងការនាំយកនូវលក្ខណៈឥណទានគេហដ្ឋានថ្មីៗ ដែលសាកសមនឹងតម្រូវការចាំបាច់របស់អតិថិជន។ ហើយការចាប់ដៃគូជាមួយនឹងបុរី ប៉េង ហួត គឺជាយុទ្ធសាស្ត្រមួយជំហ៊ានទៀតរបស់ធនាគារ CIMB ក្នុងសហការនឹងបុរី និងក្រុមហ៊ុនសាងសង់លំនៅស្ថានធំៗ ក្នុងប្រទេសកម្ពុជា ដើម្បីបំពេញតម្រូវការដល់អតិថិជនកាន់តែទូលំទូលាយ ជាមួយនឹងទំនុកចិត្ត និងអត្ថប្រយោជន៍ខ្ពស់។
សម្រាប់ព័ត៌មានបន្ថែម សូមទំនាក់ទំនងមកកាន់
លោក ស្រេង ភារុណ
ផ្នែកទីផ្សារ និងទំនាក់ទំនង
ធនាគារ ស៊ីអាយអិមប៊ី ភីអិលស៊ី
ទូរសព្ទ៖ (+៨៥៥)៩២ ៩៥៧ ៤៥៥
អ៊ីមែល៖ [email protected]
December 15, 2017
វីដេអូអប់រំខ្លី ភាគទី២ គុណសម្បត្តិពីការខ្ចីប្រាក់ពី គ្រឹះស្ថានមីក្រូហិរញ្ញវត្ថុ
ភ្នំពេញ៖ លោកអ្នកនឹងទទួលបានអត្ថប្រយោជន៍ជាច្រើនពីការខ្ចីប្រាក់ពី គ្រឹះស្ថានមីក្រូហិរញ្ញវត្ថុដូចជា៖ ការប្រាក់សមរម្យ ផ្តល់ប្រឹក្សាយោបល់ពីការរៀបចំហិរញ្ញវត្ថុ និងសន្សំលុយក្នុងគ្រួសារ មានធានារ៉ាប់រងលើសុខភាពពេលឈឺ ជាពិសេសនៅពេលមានបញ្ហាបង់សង នឹងមានអ្នកពិគ្រោះយោបល់ជាមួយនឹងដំណោះស្រាយដ៏សមស្រប នៅពេលខ្ចីប្រាក់ពីគ្រឹះស្ថានមីក្រូហិរញ្ញវត្ថុ ដែលទទួលបានអាជ្ញាប័ណ្ណពីធនាគារជាតិនៃកម្ពុជា និងគោរពតាមគោលការណ៍ការពារអតិថិជន៕
December 14, 2017
Huawei និង Smart ធ្វើឱ្យយុវវវ័យរាប់ម៉ឺននាក់ហ៊ោកញ្ជ្រៀវ ពុះកញ្ជ្រោល ក្នុងការប្រគំតន្ត្រីខ្នាតអន្តរជាតិ CL
កាលពីយប់ថ្ងៃទី 09 ខែធ្នូ ឆ្នាំ 2017 ប្អូនៗយុវវ័យជាច្រើននាក់បាននាំគ្នាសម្រុកទៅកាន់ទីក្រុងកោះពេជ្រ ដើម្បីទស្សនាកាប្រគំតន្ត្រីខ្នាតអន្តរជាតិរបស់តារាចម្រៀង Original Song ខ្មែរជាច្រើនរូប ដូចជា កញ្ញា អេដា កំលោះ ថេណា P Sand, Bros La ក្រុម Small World, Small Band ក្រុមរាំ 4NIX និងជាពិសេសនោះគឺទស្សនាការសម្តែងរបស់កំពូលតារាចម្រៀងលំដាប់អន្តរជាតិរបស់កូរ៉េ គឺកញ្ញា CL ដែលជាអតីតមេក្រុមចម្រៀងនារី 2NE1 ដ៏ល្បីឈ្មោះ ។
គ្រាន់តែកំពូលតារាស្រី CL បង្ហាញខ្លួនភ្លាម ឆាកតន្ត្រីកាន់តែពោរពេញដោយភាពអស្ចារ្យ លើកដំបូងក្នុងប្រវត្តិសាស្ត្រមិនធ្លាប់មានពីមុនដែរ។ អនុស្សាវរីយ៍ដ៏មានតម្លៃ និងជូនជាកាដូសម្រាប់អ្នកគាំទ្រជាទីស្រឡាញ់ ពី CL បានលើកយកបទចម្រៀង និងសម្ដែងពេញទំហឹងពេញឆាកប្រគំតន្ត្រីនេះដូចជាបទល្បីៗ The Baddest Female, Doctor Pepper, Hello Bitches ព្រមទាំងបទចម្រៀងរបស់ 2NE1 គឺ Gotta be you, Falling in love និង I am the Best ជាដើម ដែលធ្វីអោយអ្នកគាំទ្រផ្ទាល់នាំគ្នាហ៊ោកញ្ជ្រៀវ ពុះកញ្ជ្រោល រាំ ស្ទើរផ្ទុះឆាក ពេញចិត្ត ពេញថ្លើម ព្រោះរំភើបដែលបានឃើញការសម្ដែងផ្ទាល់របស់ CL ជាលើកដំបូង ។
ការប្រគំតន្ត្រីខ្នាតអន្តរជាតិតារាល្បីកូរ៉េ CL នេះ ក្រោមកិច្ចសហការណ៍ Huawei ឧបត្ថម្ភដល់ Smart ដែលែតងតែសហការណ៍គ្នាល្អ ក្នុងនាមជាដៃគូរពាណិជ្ជកម្មល្អ និងយូរអង្វែង ។ ក្នុងបរិវេណប្រគំតន្ត្រីខ្នាតអន្តរជាតិនេះ Huawei ក៍បានដាក់តាំងស្មាតហ្វូនស៊េរីថ្មីៗ ដូចជា Huawei Nova2i, Huawei Mate 10Pro, Huawei P10/P10Pro, Huawei Mate 9 Pro ដល់អ្នកចូលរួមនិងយុវវ័យ អាចតេស្ត ប្រើ យល់ច្បាស់អំពីបច្ចេកវិទ្យាថ្មីៗ ទំនើបៗ ឈានមុខ និងសិល្បៈថតរូបច្បាស់ៗស្អាតៗកម្រិតអាជីពផងដែរ ។
Huawei ដែលគឺជាក្រុមហ៊ុនស្មាតហ្វូនលំដាប់ពិភពលោក ដែលកំពុងឡើងកូដនិងទទួលបានការពេញនិយមនៅទូទាំងពិភពលោក ក៍ដូចជានៅកម្ពុជាផងដែរដែលនាពេលថ្មីៗនេះ Huawei ទទួលបានចំណាត់ទី2ក្នុងបរិមាណលក់ ។ គួរកត់សំគាល់ថា Huawei បានធ្វើអោយកក្រើកទីផ្សារស្មាតហ្វូន នៅកម្ពុជា តាមរយៈការចេញលក់ Huawei nova 2i ស៊េរីថ្មី ដែលមានរហ័សនាមថា “អាភ្នែក4 (កាមេរ៉ា ៤)” ពោលគឺរាប់ចាប់តាំងពីអតិថិជន អ្នកលក់ ម្ចាស់ហាងទូរសព្ទ័ បានពេញចិត្តគ្រប់បែបយ៉ាងចំពោះ Huawei nova 2i នេះ ។
លោក Thomas Hundt នាយកប្រតិបត្តិជាន់ខ្ពស់ក្រុមហ៊ុន Smart បានមានប្រសាសន៍ថា “ប្រជាប្រិយភាព និងភាពល្បីល្បាយ របស់តារាចម្រៀងកូរ៉េ K-Pop នៅកម្ពុជាគឺមានភាពពុះកញ្ផ្រោលក្តៅគគុក ដែលជាមូលហេតុដ៍ចំបងមួយ ដែល Smart មានមោទនភាពបានអញ្ផើញ និងរៀបចំការប្រគំតន្ត្រីខ្នាតអន្តរជាតិដែលមានតារាកូរ៉េដ៍ល្បីនេះ ។ ប៉ុន្មានឆ្នាំកន្លងមកនេះ ក្រុមហ៊ុនបានសន្យាថានឹងនាំមកនូវតារាចម្រៀងល្បឺៗ កំរិតអន្តរជាតិ ដើម្បីផ្តល់ជូននវូការកំសាន្ត និងភាពរីករាយ តែមួយគត់ទៅដល់អតិថិជនរបស់ខ្លូន ។
ឱកាសដ៍កម្របានមកដល់ហើយ បន្ទាប់ពីការប្រគំតន្រ្តីដែលមានតារាចម្រៀងដ៍ល្បីល្បាញ កម្រិតអន្តរជាតិដូចជា៖ Demi Lovato, Jessie J និង Rain នោះ ឥឡូវនេះគឺមានតារាចម្រៀងដ៏ល្បីមួយរូបទៀតគឺកញ្ញា CL នឹងមកសម្តែងជូនអតិថិជនជាទីស្រលាញ់ទាំងអស់របស់ Smart ។ ឆ្នាំនេះ ក្រុមហ៊ុនបានផ្តល់ជូននូវការកំសាន្ត កម្រិតអន្តរជាតិដោយតារា Lee Chae-rin ដែលមហាជន ស្គាល់ថា CL នឹងមកសម្តែងផ្តល់ជូនផ្តាច់មុខតែមួយគត់ចំពោះអតិថិជន Smart ។ តារាចម្រៀងកូរ៉េល្បី CL វ័យ 26 ឆ្នាំ រូបនេះ គឺជាអតីតសមាជិកក្រុម 2NE1 បានឈ្នះពានរង្វាន់ជាច្រើនសម្រាប់ការនិពន្ធ បទចម្រៀង និងច្រៀង រឺសម្តែងល្បី លើឆាកធំៗខ្នាតអន្តរជាតិ។
លោកបានបន្ថែមថា ”ជាមួយនឹងការគាំទ្រពីអតិថិជននៅកម្ពុជា ដ៍ច្រើនលើសលុបចំពោះ Smart ក៍ដូចជាតារាចម្រៀងអន្តរជាតិ តារាចម្រៀងក្នុងស្រុក ក្រុមហ៊ុននឹងបន្តកិច្ចខិតខំប្រឹងប្រែងក្នុងការជួយជម្រុញវិស័យសិល្បៈតន្ត្រី និងគាំទ្រតារាចម្រៀងក្នុងស្រុក និងបន្តផ្តល់ជូននូវការកំសាន្តកំរិតពិភពលោក ជូនទៅដល់អតិថិជនរបស់ Smart ក៍ដូចជាប្រជាជន កម្ពុជាទាំងអស់”។
តាមការកត់សំគាលរ់បស់តារាសម្តែងតារបង្ហាញម៉ូតល្បឺឈ្មោះ និងកំពុងឡើងកូដ កញ្ញា ឌុច លីដា បាននិយាយថា “តន្ត្រីខ្នាតអន្តរជាតិតារាកូរ៉េCL ឆ្នាំនេះបានធ្វើអោយកក្រើកកោះពេជ្រ រញ្ជួញទីក្រុងភ្នំពេញ ដោយលើឆាកដ៍ធំ តារា Original Song ម្នាក់ៗ លើសពី4បទ ក្រុមរាំល្បីៗមួយក្រុមៗលើសពី 4បទ ច្រៀងរួមគ្នាទាំងអស់ជាពិសេសកញ្ញា CL លើសពី 5-6 បទ សុទ្ធតែបទល្បីៗញាក់ៗ រញ្ជួលចិត្តយុវវ័យអ្នកចូលរួមប្រមាណ 3000-40000នាក់ ។ កញ្ញា CL បានធ្វើអោយ យុវវ័យរាប់ម៉ឺននាក់ ពុះកញ្ផ្រោល ក្តៅគគុក តាមរយៈការសម្តែង ច្រៀង ជាមួយនឹងពាក្យថ្លែងអំណរគុណចំពោះក្តីស្រលាញ់ ចូលចិត្តពីសំណាក់ប្រជាជនក៍ដូចជាយុវវ័យកម្ពុជា ដោយរួមផ្សំជាមួយនឹងតារាចម្រៀង Original Songs ល្បីៗមួយចំនួនទៀត ដែលធ្វើអោយតន្ត្រីឆ្នាំនេះ កាន់តែធំកាន់តែកក្រើក កាន់តែទាក់ទាញ ”៕

December 11, 2017
LG Electronics និង ក្រុមហ៊ុន ជីហ្គៀ រៀបចំសិក្ខាសាលាស្ដីអំពីបច្ចេកវិទ្យានៃការដំឡើងម៉ាស៊ីនត្រជាក់ LG ស៊េរីថ្មី
ថ្មីៗនេះ ក្រុមហ៊ុន LG បានច្នៃប្រឌិតឡើងនូវម៉ាស៊ីនត្រជាក់ ស៊េរីថ្មី Dual Inverter ដែលបំពាក់បច្ចេកវិទ្យាថ្មីកាន់តែអស្ចារ្យ ដើម្បីបំពេញនូវតម្រូវការ របស់អតិថិជន ដែលតែងតែចង់បានម៉ាស៊ីនត្រជាក់គុណភាពល្អ ជួយសន្សំសំចៃថាមពល នឹងត្រជាក់កាន់តែលឿនរហ័ស គុណភាពខ្ពស់ នឹងប្រើប្រាស់បានយូរ ។
កម្មវិធីសិក្ខាសាលានេះប្រារព្ធឡើងនៅថ្ងៃទី 7 ខែ ធ្នូ ឆ្នាំ 2017 នៅ ភោជនីយដ្ឋានទន្លេបាសាក់ II ដែលមានការចូលរួមពីក្រុមអ្នកជំនាញផ្នែក ដំឡើងម៉ាស៊ីនត្រជាក់សរុបជាង ១០០ នាក់ ។
គោលបំណងនៃការរៀបចំសិក្ខាសាលានេះគឺ ដើម្បីចង់បង្ហាញពី បច្ចេកវិទ្យា ម៉ាស៊ីនត្រជាក់ LG ស៊េរីថ្មី ដ៏ក្រុមអ្នកជំនាញ ចែករំលែកបទពិសោធន៏ រាល់ការជួបប្រទះសព្វថ្ងៃ ជាពិសេស ណែនាំ និង បង្ហាត់បង្រៀន បន្ថែម ក្នុងការដំឡើង ម៉ាស៊ីនត្រជាក់អោយស្របទៅតាមស្ដង់ដាបច្ចេកទេស និង វិជ្ជាជីវះ ។
ឆ្លៀតឱកាលនេះផងដែល ក្រុមហ៊ុន LG Electronics ក៏បានបង្ហាញនូវម៉ាស៊ីនត្រជាក់ ស៊េរីថ្មី គឺ LG Dual Inverter Compressor របស់ខ្លួនដែលមានរាងស្ដើង សន្សំសំចៃភ្លើង កាន់តែច្រើន កាន់តែឆាប់ត្រជាក់ ងាយស្រួយដំឡើងគ្រប់ទីតាំង។
អ្វីដែលសំខាន់គឺម៉ាស៊ីនត្រជាក់ស៊េរីថ្មីនេះត្រូវបានផលិតឡើងដោយផ្ដោតទៅលើបច្ចេកវិទ្យា កុំប្រេសសឺភ្លោះ ( Dual Inverter Compressor ) ដែលធ្វើអោយម៉ាស៊ីនត្រជាក់របស់យើង សន្សំសំចៃ ថាមពលខ្ពស់រហូតដល់ 70 % ឆាប់ត្រជាក់ជាមុន រហូតដល់ទៅ 40 % ដំណើរការម៉ាស៊ីនត្រជាក់ ស្ងាត់បំផុតធ្វើអោយបរិយាកាលនៅក្នុងគេហដ្ឋានពេញដោយផាសុខភាព និង ជាម៉ាស៊ីនត្រជាក់ដែលមានការធានានៅលើកុំប្រេសឺ ( Compressor ) 10 ឆ្នាំ ដំបូងគេបង្អស់នៅក្នុងប្រទេសកម្ពុជា ។
រីឯបច្ចេកវិទ្យា Gold Fin កញ្ច្រែងមាស បំពាក់នូវស្រទាប់អាលុយមីញ៉ូម និងបន្ទះដែកការពារច្រេះ២ជាន់ ជួយឲ្យផ្ទៃខាងមុខរបស់ម៉ាស៊ីនត្រជាក់ទប់ទល់នឹងសំណើមដែលធ្វើឲ្យច្រេះចាប់បានយ៉ាងល្អ និង ទប់ទល់នូវការប្រែប្រួលនៃកម្តៅផ្សេងៗ ដែលជាកត្តាធ្វើឲ្យម៉ាស៊ីនត្រជាក់នេះធន់ប្រើប្រាស់បានយូរ។
តាមរយៈមុខងារសំខាន់ៗខាងលើ បានធ្វើឲ្យក្រុមហ៊ុន LG មានទំនុកចិត្តលើផលិតផលម៉ាស៊ីនត្រជាក់របស់ខ្លួន ថាអាចបំពេញនូវសេចក្ដីត្រូវការ និងការចង់បានរបស់អតិថិជនដែលធ្វើអោយការរស់នៅរបស់អតិថិជនទាំងអស់ពោលពេញដោយផាសុកភាព ។
អតិថិជនទាំងអស់អាចរកជាវម៉ាស៊ីនត្រជាក់ស៊េរីថ្មីនេះនៅគ្រប់ហាង LG Brandshop គ្រប់សាខាខេត្ត ក្រុង និង ហាងលក់គ្រឿងអេឡិចត្រូចនិចទូរទាំងប្រទេស ។
ពត៏មានបន្ថែម 023 222 699 និង ផ្នែកសេវាកម្ម 023 888 199
December 11, 2017