Category: PR

តើអ្នកត្រៀមខ្លួនហើយឬនៅ? ក្នុងព្រឹត្តិការណ៍ប្រកួតបាល់ទាត់ Tiger Street Football Festival 2018 កាន់តែធំអស្ចារ្យមិនដែលធ្លាប់មាន
ភ្នំពេញ៖ ព្រឹត្តិការណ៍ប្រកួតបាល់ទាត់ Tiger Street Football Festival ប្រចាំឆ្នាំ 2018 រដូវកាលទី6 បានត្រឡប់មកវិញទៀតហើយ ជាពិសេសគឺកាន់តែជាព្រឹត្តការណ៍ដ៏ធំអស្ចារ្យ ដោយមានក្រុមចូលរួមប្រកួតកាន់តែច្រើន! ការប្រកួតកាន់តែច្រើន! និងមានឱកាសជួបផ្ទាល់ជាមួយកំពូលតារាបាល់ទាត់អន្តរជាតិ Ryan Giggs នៅថ្ងៃប្រកួតផ្តាច់ព្រ័ត្រនៅរាជធានីភ្នំពេញ ថ្ងៃទី 10 និង ទី 11 មីនា 2018 ខាងមុខនេះ។
Tiger Street Football Festival គឺជាការប្រកួតកីឡាហ្វ៊ូតសាលដំបូង និងធំជាងគេនៅក្នុងប្រទេសកម្ពុជា ហើយបានប្រារព្ធធ្វើឡើងជារៀងរាល់ឆ្នាំចាប់តាំងពីឆ្នាំ 2013 មកម្លេះ។ កម្មវិធីនេះត្រូវបានរៀបចំឡើងដោយក្រុមហ៊ុនស្រាបៀរថៃហ្គ័រ ដើម្បីចូលរួមចំណែកក្នុងការលើកកម្ពស់សកម្មភាពកីឡាក៏ដូចជាវេទិកាមួយសម្រាប់កីឡាករបាល់ទាត់ និងអ្នកស្នេហាវិស័យបាល់ទាត់ដើម្បីបង្ហាញទេពកោសល្យ ផ្លាស់ប្តូរបទពិសោធន៍ និងរៀនពីទម្រង់ថ្មីៗនៃការលេង។
Tiger Street Football Festival ឆ្នាំ 2018 នេះ មណ្ឌលប្រកួតកើនឡើងរហូតដល់ប្រាំបីខេត្តក្រុងទូទាំងប្រទេស រួមមាន ខេត្តព្រះសីហនុ ខេត្តកំពង់ស្ពឺ ខេត្តបាត់ដំបង ខេត្តសៀមរាប ក្រុងប៉ោយប៉ែត ខេត្តកំពង់ចាម ក្រុងតាខ្មៅខេត្តកណ្តាល និង រាជធានីភ្នំពេញ។ រង្វាន់សរុបកាន់តែធំអស្ចារ្យ រហូតដល់ 5០០០០ ដុល្លារ។
ក្រុមជាង 5០០ ក្រុមត្រូវបានរំពឹងថានឹងចូលរួមការប្រកួត ដណ្តើមតំណែងជើងឯក Tiger Street Football Festival ឆ្នាំ 2018 នេះ ។
ក្នុងព្រឹត្តិការណ៍ប្រកួតបាល់ទាត់ Tiger Street Football Festival រួមមានសកម្មភាពសប្បាយរីករាយជាច្រើនទាំងការប្រកួតបាល់ទាត់ ស្តង់លេងហ្គេមកម្សាន្ត ស្តង់សំរាប់អ្នកគាំទ្រមានជាបដាសំរាប់សសេរគាំទ្រក្រុមរបស់ខ្លួន និងមានការគូរមុខគួរឲ្យទាក់ទាញ មានកន្លែងលក់វត្ថុអនុស្សាវរីយជាសំភារៈកីឡា កន្លែងថតរូបអនុស្សាវរីយ និងកម្មវិធីប្រូម៉ូសិនពិសេសសំរាប់ការជាវស្រាបៀរ Tiger។
កាន់តែអស្ចារ្យកម្មវិធីប្រគំតន្ត្រី កាន់តែធំជាងមុន ឆាកតន្ត្រីកាន់តែទំនើប ភ្លើងពណ៌ចំរុះ នឹងមានការអញ្ជើញចូលរួមសម្តែងពីសំណាក់តារាល្បីប្រចាំព្រះរាជាណាចក្រកម្ពុជា កាន់តែរំភើប កាន់តែអស្ចារ្យ ដែលញ៉ាំងឲ្យព្រឹត្តិការណ៍នេះកាន់តែជក់ចិត្ត និងដក់ជាប់អារម្មណ៍ដល់អ្នកទស្សនា។
ជួបគ្នាព្រឹត្តិការណ៍ប្រកួតបាល់ទាត់ Tiger Street Football Festival 2018 ដំបូងនៅឆេ្នរអូរឈើទាល ទីរួមខេត្ត ព្រះសីហនុ ក្នុងថ្ងៃទី 20 – 21 ខែមករា ឆ្នាំ 2018 ចាប់ពី 7ព្រឹកតទៅ។
ដូច្នេះ តើអ្នកបានចុះឈ្មោះក្រុមរបស់អ្នកហើយឬនៅ? សូមរង់ចាំមើលថាតើក្រុមរបស់អ្នកអាចឡើងដល់វគ្គផ្តាច់ព្រ័ត្រដែរឬទេ និងក្លាយជាជើងឯកទូទាំងប្រទេស ក្នុងព្រឹត្តិការណ៍ប្រកួតបាល់ទាត់ Tiger Street Football Festival ប្រចាំឆ្នាំ 2018។
ព័ត៌មានលម្អិតបន្ថែម សូមអានខិតប័ណ្ណផ្សព្វផ្សាយ ឬ សូមទំនាក់ទំនងលេខ៖077 777 928 ឬ តាមរយៈហ្វេសប៊ុកផ្លូវការរបស់ស្រាបៀរថៃហ្គ័រ៖ www.facebook.com/TigerBeerKH
#TSFF2018
សូមពិសាដោយការទទួលខុសត្រូវ
January 18, 2018
ក្រុមជើងឯកកម្ពុជា The Brilliant ទទួលបានចំណាត់ថ្នាក់លេខ 3 ក្នុងកម្មវិធីប្រកួតជួញដូរភាគហ៊ុន ស៊ីអាយអិមប៊ី ប្រចាំតំបន់អាស៊ាន
ភ្នំពេញ៖ ក្រុមជើងឯកតំណាងកម្ពុជា The Brilliant មកពីសាកលវិទ្យាល័យកម្ពុជា បាននាំកិត្តិយសជូនជាតិ ដោយទទួលបានជ័យលាភីចំណាត់ថ្នាក់លេខ3 រួមទាំងទទួលបានប្រាក់រង្វាន់ចំនួន 5,000 ដុល្លារអាមេរិក នៅក្នុងព្រឹត្តិការណ៍ប្រឡងប្រជែងដ៏លេចធ្លោមួយថ្នាក់តំបន់ សម្រាប់និស្សិតសាកលវិទ្យាល័យ គឺកម្មវិធីប្រកួតជួញដូរភាគហ៊ុន ស៊ីអាយអិមប៊ី ប្រចាំតំបន់អាស៊ាន។ ជាមួយគ្នានេះ ក្រុមជើងថ្នាក់ថ្នាក់តំបន់ សម្រាប់ឆ្នាំនេះ បានទៅលើក្រុម The Management មកពីសាកលវិទ្យាល័យ Gadjah Mada University ប្រទេសឥណ្ឌូនេស៊ី ដែលទទួលបានប្រាក់រង្វាន់ 12,000ដុល្លារអាមេរិក និងដំណើរទស្សនកិច្ចសិក្សា ទៅកាន់ក្រុមហ៊ុនផ្សារមូលបត្រតូក្យូ ប្រទេសជប៉ុនទៀតផង។
វគ្គផ្តាច់ព្រ័ត្រ នៃកម្មវិធីប្រកួតជួញដូរភាគហ៊ុន ស៊ីអាយអិមប៊ី ប្រចាំតំបន់អាស៊ាន ដែលប្រព្រឹត្តទៅនៅប្រទេសឥណ្ឌូនេស៊ីនេះ មានក្រុមជើងឯកថ្នាក់ជាតិ មកពី ៦ប្រទេស ក្នុងតំបន់អាស៊ាន រួមមានប្រទេសកម្ពុជា ម៉ាឡេស៊ី សិង្ហបុរី ឥណ្ឌូនេស៊ី ថៃ និងប្រ៊ុយណេ សម្រាប់ការប្រកួតប្រជែងដ៏ស្វិតស្វាញ។ ក្នុងនោះ ក្រុម Team Litquidity Capital មកពីសាកលវិទ្យាល័យជាតិសិង្ហបុរី ទទួលបានចំណាត់លេខ2 ជាមួយនឹងប្រាក់រង្វាន់ 8,00០ដុល្លារអាមេរិក។ ហើយក្រុម TA មកពីសាកលវិទ្យាល័យគ្រប់គ្រង និងវិទ្យាសាស្ត្រ ប្រទេសម៉ាឡេស៊ី ទទួលបានចំណាត់ថ្នាក់លេខ4 ជាមួយនឹងប្រាក់រង្វាន់ 2,500ដុល្លារអាមេរិក ខណៈដែលក្រុម Ray Kim មកពីសាកលវិទ្យាល័យឈៀងម៉ៃ ទទួលបានចំណាត់ថ្នាក់លេខ5 ជាមួយនឹងប្រាក់រង្វាន់ 1,500ដុល្លារអាមេរិក ហើយក្រុម HIO មកពី Politeknik ប្រទេសប្រ៊ុយណេ ទទួលបានចំណាត់ថ្នាក់លេខ6 ជាមួយនឹងប្រាក់រង្វាន់ 800ដុល្លារអាមេរិក។
លោកស្រី អ៊ុំ ចិន្តាភក្តី អគ្គនាយិកាធនធានក្រុមហ៊ុន របស់ធនាគារ CIMB បានឲ្យដឹងថា៖ «ស្របតាមចក្ខុវិស័យរបស់ស៊ីអាយអិមប៊ី គ្រុប ដែលជាធនាគារសកលឈានមុខគេមួយ ក្នុងតំបន់អាស៊ាន ក្នុងការលើកកម្ពស់ភាពរីកចម្រើនក្នុងតំបន់ នៃការអភិវឌ្ឍន៍សមត្ថភាពយុវជន យើងបានចូលរួមយ៉ាងសកម្មក្នុងការនាំយក និងរៀបចំកម្មវិធីប្រកួតជួញដូរភាគហ៊ុនថ្នាក់តំបន់នេះ មកកាន់និស្សិតខ្មែរយើង ដើម្បីលើកតម្កើងជំនាញ និងចំណេះដឹងវិនិយោគ ក៏ដូចជាការទទួលស្គាល់សក្តានុពល របស់និស្សិតក្នុងស្រុក ទៅកាន់ថ្នាក់តំបន់ និងលើឆាកអន្តរជាតិ។ ហើយយើងពិតជាមានមោទនភាពចំពោះក្រុមជើងឯកថ្នាក់ជាតិរបស់យើង ដែលតែងតែត្រឡប់មកវិញ ជាមួយនឹងជ័យលាភីគាប់ប្រសើរ ដល់សង្គមជាតិវិញ នាឆ្នាំកន្លងមក។ ជាក់ស្តែងឆ្នាំនេះ ក្រុមជើងឯកថ្នាក់ជាតិ The Brilliant ទទួលបានចំណាត់លេខ 3 ជាមួយនឹងប្រាក់រង្វាន់ 5,000 ដុល្លារអាមេរិក»។
កម្មវិធីប្រកួតជួញដូរភាគហ៊ុន ស៊ីអាយអិមប៊ី ប្រចាំតំបន់អាស៊ាន ត្រូវបានបង្កើតឡើងតាំងពីឆ្នាំ2010មកម្ល៉េះ។ ហើយក្នុងឆ្នាំទី8នេះ កម្មវិធីប្រឡងប្រជែងនេះមានការចូលរួមពីប្រទេសប្រ៊ុយណេ ជាលើកដំបូង និងបានដាក់បញ្ចូលមុខងារពិសេស គឺកម្មវិធីជួញដូរភាគហ៊ុន តាម Mobile App និងកម្មវិធីវិភាគទស្សទាយទិន្នន័យទៀតផង។ ជាលទ្ធផល មានក្រុមចូលរួមប្រឡងប្រជែងសរុប រហូតដល់ 3,727ក្រុម មកពី 200សាកលវិទ្យាល័យ នៃប្រទេសទាំង6 ក្នុងតំបន់អាស៊ាន ដែលកើនឡើងប្រមាណ 7% លើសពីឆ្នាំមុន។ សម្រាប់ប្រទេសកម្ពុជា យើងបានចូលរួមប្រកួតប្រជែង ក្នុងរយៈពេល៤ឆ្នាំចុងក្រោយផងដែរ។ គួរឲ្យកត់សម្គាល់ ក្រុមជើងឯកថ្នាក់ជាតិតំណាងកម្ពុជា ដណ្តើមបានជ័យលាភីជើងឯករង2ឆ្នាំដំបូងជាប់គ្នា ចំណាត់ថ្នាក់លេខ4ម្តង និងចំណាត់ថ្នាក់លេខ3 ក្នុងឆ្នាំនេះផងដែរ។
កាលពីខែវិច្ឆិកា ឆ្នាំ2017កន្លងទៅនេះ កម្មវិធីប្រកួតជួញដូរភាគហ៊ុនស៊ីអាយអិមប៊ី ប្រចាំតំបន់អាស៊ាន បានប្រកាសក្រុមជើងឯកថ្នាក់ជាតិ នៅតាមប្រទេសទាំង6 ដែលបានចូលរួមប្រឡងជែង។ ក្រុមកំពូលនេះ ត្រូវបានជ្រើសរើស ក្រោយពីប្រកួតប្រជែងគ្នា អស់រយៈពេល 3សប្តាហ៍ នៅតាមប្រទេសនីមួយៗ ដោយផ្អែកលើផលចំណេញជាភាគរយខ្ពស់បំផុត។ ហើយក្រុមកំពូល3នេះ ត្រូវដាក់បង្ហាញគម្រោងយុទ្ធសាស្ត្ររបស់ខ្លួន ហើយក្រុមដែលមានយុទ្ធសាស្ត្រល្អបំផុត គឺត្រូវបានជ្រើសរើសជា ក្រុមជើងឯកថ្នាក់ជាតិ។ យុទ្ធសាស្ត្រវិនិច្ឆ័យនេះ ផ្តោតសំខាន់លើការចាប់យកភាគហ៊ុន សម្រាប់ការចំណេញរយៈពេលវែង ព្រមទាំងមូលធនធៀបនឹងផលចំណេញរយៈពេលខ្លី។
សម្រាប់វគ្គផ្តាច់ព្រ័ត្រ ក្រុមជើងឯកថ្នាក់ជាតិ នៃប្រទេសទាំង៦ នឹងត្រូវធ្វើបទបង្ហាញអំពីយុទ្ធសាស្ត្រជួញដូររបស់ខ្លួន ដែលបានយកមកប្រើប្រាស់ នៅក្នុងការប្រកួតប្រជែង ទៅដល់ចៅក្រមវិនិច្ឆ័យ រួមមានសមាសភាពមកពីគណៈគ្រប់គ្រងរបស់ CIMB នៃប្រទេសម៉ាឡេស៊ី សិង្ហបុរី ថៃ និងឥណ្ឌូនេស៊ី ព្រមទាំងច្រៅក្រមកិត្តិយស ពីផ្សារភាគហ៊ុនឥណ្ឌូនេស៊ីផងដែរ។ ក្រុមប្រកួតត្រូវបានវាយតម្លៃ ដោយផ្អែកលើយុទ្ធសាស្ត្រវិនិយោគរយៈពេលខ្លី និងវែង ការចាប់យកភាគហ៊ុន និងសមត្ថភាពសម្រេចចិត្តវិនិយោគ ក៏ដូចជាជំនាញ ក្នុងការប្រើប្រាស់កម្មវិធីវិភាគទស្សទាយទិន្នន័យផងដែរ។
ដៃគូសហការនៃកម្មវិធីប្រកួតជួញដូរភាគហ៊ុនស៊ីអាយអិមប៊ី ប្រចាំតំបន់អាស៊ាន រួមមានក្រុមហ៊ុនអាកាសចរណ៍ម៉ាឡេស៊ី ក្រសួងអប់រំឧត្តមសិក្សានៃប្រទេសម៉ាឡេស៊ី ក្រុមហ៊ុនទូរគមនាគមន៍ Progresif Cellular ព្រមទាំងផ្សារភាគហ៊ុនប៊ូរសាម៉ាឡេស៊ី (Bursa Malaysia) ផ្សារភាគហ៊ុនឥណ្ឌូណេស៊ី (IDX) ផ្សារភាគហ៊ុនសិង្ហបុរី (SGX) ផ្សារភាគហ៊ុនថៃ (SET) ផ្សារភាគហ៊ុនកម្ពុជា (CSX) និងផ្សារភាគហ៊ុនហុងកុង (HKEx)។
សម្រាប់ព័ត៌មានលម្អិត អំពីកម្មវិធីប្រកួតជួញដូរភាគហ៊ុនស៊ីអាយអិមប៊ី ប្រចាំតំបន់អាស៊ាន សូមចូលទៅកាន់គេហទំព័រ https://stockchallenge.itradecimb.com/
January 16, 2018
អ្នកឈ្នះរង្វាន់រថយន្ត FORD Ranger XLT តម្លៃ 178លានរៀល ដំបូងបង្អស់ពីកម្មវិធី OISHI បើកគម្របទទួលសំណាង
កម្មវិធី OISHI Instant Win នៅកម្ពុជាថ្មីៗនេះបានរកឃើញអ្នកដែលមានសំណាងឈ្នះរង្វាន់ធំ រថយន្ត FORD Ranger XLT ដែលមានតម្លៃស្មើនឹង 178លានរៀល។ កម្មវិធីនេះមានការឧបត្ថម្ភពីក្រុមហ៊ុនតែបៃតងអូអ៊ីឈិ។
អ្នកដែលឈ្នះរង្វាន់ធំនេះគឺ អ្នកស្រី មឿង លក្ខិណា ដែលសព្វថ្ងៃកំពុងប្រកបរបរជាកម្មករសំណង់ និងជាស្ត្រីមេផ្ទះ ក្នុងខេត្តក្រចេះ។ អ្នកស្រីបានបង្ហាញសេចក្តីរំភើបជាពន់ពេកថា៖ «ខ្ញុំសឹងតែមិនជឿនឹងភ្នែកនៅពេលដែលខ្ញុំបើកគម្របដប និងពិនិត្យមើលរង្វាន់! ខ្ញុំរំភើបដល់ថ្នាក់ថា ខ្លួនឯងកំពុងតែស្រមើស្រមៃថាបានឈ្នះរថយន្ត Ford Ranger មួយគ្រឿងដែលមានតម្លៃដល់ទៅ 178លានរៀល។
នេះជារង្វាន់ដ៏ធំមួយក្នុងឆាកជីវិតរបស់ខ្ញុំ ហើយខ្ញុំសង្ឃឹមថាវានឹងជួយកែប្រែជីវភាពគ្រួសាររបស់ខ្ញុំ ជាពិសេសសម្រាប់កូនៗរបស់ខ្ញុំ ឲ្យល្អជាងនេះ ព្រោះខ្ញុំធ្វើការសំណង់ ហើយប្តីខ្ញុំជាកម្មករគេ រកព្រឹកខ្វះល្ងាច ពិតជាពិបាកណាស់ក្នុងការស្វែងរកថវិកាសម្រាប់ផ្គត់ផ្គង់គ្រួសារ តែឥទ្បូវនេះអូអ៊ីឈិពិតជាបានជួយផ្លាស់ប្ដូរជីវភាពគ្រួសាររបស់ពួកយើងឲ្យកាន់តែល្អប្រសើរជាងមុន”
«ខ្ញុំសូមថ្លែងអំណរគុណយ៉ាងជ្រាលជ្រៅជូនទៅកាន់ក្រុមហ៊ុនតែបៃតងអូអ៊ីឈិ ដែលបានបង្កើតកម្មវិធីនេះឡើងនៅក្នុងប្រទេសកម្ពុជា ក៏ដូចជាផ្ដល់រង្វាន់ជាច្រើនសន្ធឹកសន្ធាប់ដល់អតិថិជនរបស់ខ្លួនដោយភាពសុក្រិត និងយុត្តិធម៌ជាទីបំផុត។ អូអ៊ីឈិពិតជាបានផ្ដល់រង្វាន់ពិតប្រាកដមែន ដូច្នេះអ្នកទាំងអស់គ្នាកុំភ្លេចពិសាតែបៃតងអូអ៊ីឈិឲ្យបានច្រើន ព្រោះអ្នកអាចជាមនុស្សបន្ទាប់ដែលឈ្នះរង្វាន់ដ៏ធំនេះ»។

លោក សុង សាក់លី នាយកផ្នែកលក់ និងទីផ្សារ បានមានប្រសាសន៍ថា៖ «ពួកយើងពិតជារីករាយដែលបានបង្កើតនូវកម្មវិធី Instant Win Promotion ដ៏ធំនេះឡើងមុនឆ្នាំ 2018។ យើងនឹងបន្តផ្តល់ជូនអតិថិជននូវរសជាតិ និងបទពិសោធន៍ដ៏អស្ចារ្យរបស់តែបៃតងអូអ៊ីឈិ ហើយយើងសង្ឃឹមថាអ្នកគាំទ្រនឹងនៅតែបន្តផ្សងសំណាងជាមួយគម្របដបតែបៃតងអូអ៊ីឈិដើម្បីឈ្នះរង្វាន់ជាច្រើនសន្ធឹកសន្ធាប់»។

កម្មវិធីអូអ៊ីឈិ Instant Win Promotion គឺជាកម្មវិធីមួយដែលផ្ដល់ឱកាសដល់អតិថិជនដើម្បីផ្សងសំណាងយករង្វាន់នៅក្រោមគម្របដប ដែលមានដូចជា រថយន្ត Ford Ranger XLT ប្រាក់សុទ្ធ 10លានរៀល និងរង្វាន់អូអ៊ីឈិជាច្រើនលានដបថែមទៀតផង។

អ្នកអាចនឹងក្លាយជាអ្នកឈ្នះរង្វាន់បន្ទាប់ក្នុងកម្មវិធី Oishi Instant Win Promotion នេះ។ សម្រាប់ព័ត៌មានបន្ថែម សូមចូលទៅកាន់ទំព័រហ្វេសប៊ុក Oishi Drink Station ឬទូរស័ព្ទមកលេខ015 691 555 / 015 693 555 ដើម្បីទទួលរង្វាន់៕
January 15, 2018
ឈ្នះទៀតហើយ! ជាមួយកម្មវិធី «ទិញស្រួល ឈ្នះស្រួល» ពីក្រុមហ៊ុនទ្រូម៉ាន់នី និង BOOKMEBUS
នេះជាលើកទីពីរហើយដែលក្រុមហ៊ុនទាំងពីរបានផ្តល់សំណាងដល់អតិថិជនដែលបានទិញសំបុត្រឡានក្រុងតាមរយៈភ្នាក់ងារទ្រូម៉ាន់នី ហើយការផ្សងសំណាងលើកទីពីរនេះបានប្រព្រឹត្តកាលពីថ្ងៃទី 05 ខែមករា ឆ្នាំ2018 ដោយក្រុមហ៊ុនបានស្វែងរកអ្នកឈ្នះរង្វាន់ធំ iPhone 8 ចំនួន 1 រងា្វន់ ដែលបានទៅលើអតិថិជនឈ្មោះ អ៊ុយ ណូរ៉ា រស់នៅខេត្តតាកែវ និងអតិថិជនផ្សេងៗទៀតដែលបានឈ្នះ Power Bank ចំនួន 5 រងា្វន់ និងកង្ហារ ចំនួន10 រង្វាន់ ដោយក្នុង១នាក់ទទួលបាន១រង្វាន់។
បញ្ជាក់ផងដែរថាការផ្សងសំណាងទាំងពីរលើកក្រុមហ៊ុនទាំងពីរបានប្រគល់រង្វាន់ចំនួនសរុប 22រង្វាន់ដែរក្នុងនោះមាន៖
- iPhone8 1 រងា្វន់
- iPad Mini 1 រងា្វន់
- Power Bank 10 រងា្វន់
- កង្ហារ 10 រងា្វន់
ក្នុងការចាប់រង្វាន់ទាំងពីរលើកនេះក្រុមហ៊ុនបានធ្វើឡើងតាមរយៈការផ្សាយផ្ទាល់ពីគេហទំព័រ Facebook ទ្រូម៉ាន់នី ។
ជាចុងក្រោយក្រុមហ៊ុនទាំងពីរសូមថ្លែងអំណរគុណយ៉ាងជ្រាលជ្រៅដល់អតិថិជនទាំងអស់ដែលតែងតែគាំទ្រក្នុងការបានទិញសំបុត្រឡានក្រុងតាមភ្នាក់ងារទ្រូម៉ាន់នី។ ក្រុមហ៊ុនជឿជាក់ថាសេវាទិញសំបុត្រឡានតាមរយៈភ្នាក់ងារទ្រូម៉ាន់នីគឺជាមធ្យោបាយដ៏ល្អបំផុតដែលអាចជួយអតិថិជនទាំងអស់ ចំណេញពេលវេលា ងាយស្រួល និង កាត់បន្ថយក្នុងការធ្វើដំណើរច្រើនដងដើម្បីទិញ ឬ កក់សំបុត្រឡានផ្ទាល់នៅស្ថានីយរថយន្តឡានក្រុង។
សម្រាប់ព័ត៌មានបន្ថែមសូមទំនាក់ទំនងមកកាន់ 070 999 630 /089 999 639 /060 555 639
January 13, 2018
សិក្ខាសាលា «សុបិនខ្ញុំ មិនមែនសុបិនអ្នក»
ភ្នំពេញ៖ ដើម្បីជួយដល់យុវវ័យក្នុងការបង្កើតក្ដីសុបិនមួយដ៏ត្រឹមត្រូវ យើងបានរៀបចំសិក្ខាសាលាមួយក្រោមប្រធានបទ «សុបិនខ្ញុំ មិនមែនសុបិនអ្នក» ដោយបានអញ្ជើញវាគ្មិនល្បីៗជាច្រើនមកបង្ហើបប្រាប់ពីគន្លឹះ និងចែករំលែកបទពិសោធន៍ផ្សេងៗទាក់ទងនឹងប្រធានបទ។
សិក្ខាសាលា «សុបិនខ្ញុំ មិនមែនសុបិនអ្នក» នឹងធ្វើឡើងនៅថ្ងៃទី 13 ខែមករា ឆ្នាំ 2018 ខាងមុខនេះ នៅវិទ្យាស្ថានតិចណូកម្ពុជា ចាប់ពីម៉ោង 8ព្រឹក រហូតដល់ម៉ោង 5ល្ងាច។
ចង់ជួបបុគ្គលដែលជួបប្រទះរឿងរាវជីវិតគួរអោយចាប់អារម្មណ៍ សូមកុំភ្លេចចូលរួមកម្មវិធីរបស់យើង។
ដើម្បីចុះឈ្មោះតាមប្រព័ន្ធអ៊ីនធ័រណែតសូមចូលទៅកាន់ https://goo.gl/forms/9UAegYOGrwwTKjr62
ឬសូមទាក់ទង់ទិញសំបុត្រតាមរយៈលេខទូរសព្ទ័ខាងក្រោម៖
1. វិទ្យាស្ថានភាសាបរទេស IFL ទូរស័ព្ទលេខ 086 68 68 00
2. សាកលវិទ្យាល័យ BELTIE និង បញ្ញាសាស្ត្រ ទូរស័ព្ទលេខ 070 84 81 71
3. ភោជនីយដ្ឋាន Park Cafe ផ្លូវត្រសក់ផ្អែម ទូរស័ព្ទលេខ 078 392 224
4. វិទ្យាល័យព្រះស៊ីសុវត្ថិ ទូរស័ព្ទលេខ 089 889 327
តម្លៃសំបុត្រធម្មតាគឺ ៤ម៉ឺនរៀល /10$
January 5, 2018
ក្រុមហ៊ុន Inthanou ដាក់តាំងបង្ហាញផលិតផលពូក 7ថ្ងៃនៅផ្សារទំនើបអីុអនម៉ល ជាមួយនឹងលក់បញ្ចុះតម្លៃរហូតដល់ 20%
ភ្នំពេញ៖ ដើម្បីឱ្យអតិថិជនកាន់តែយល់ច្បាស់ពីផលិតផលពូក មានគុណភាពខ្ពស់ និងមានសារសំខាន់ចំពោះការទទួលទានដំណេកនោះ ក្រុមហ៊ុន Inthanou បានរៀបចំតាំងពិព័រណ៍បង្ហាញពីផលិតផលពូករបស់ខ្លួននៅផ្សារទំនើបអីុអនម៉ល ជាប់ផ្ទាល់ដី ដែលការតាំងបង្ហាញនេះមានរយៈពេល 7ថ្ងៃ (ថ្ងៃទី03-09 ខែមករា ឆ្នាំ2018)។
នៅក្នុងការតាំងបង្ហាញនេះផងដែរ ក្រុមហ៊ុន Inthanou ក៏បានផ្ដល់ជូននូវការលក់បញ្ចុះតម្លៃជាពិសេសគឺរហូតដល់ 20% សម្រាប់រាល់ការជាវពូកគ្រប់ម៉ូដែល មានរហូតដល់ 26ប្រភេទ សុទ្ធសឹងតែជាពូកដែលមានគុណភាពខ្ពស់ និងល្បីនៅអន្តរជាតិ ដែលមានគ្រប់ទៅតាមតម្រូវការរបស់អតិថិជន។
គួរបញ្ជាក់ផងដែរថា ក្រុមហ៊ុន Inthanou បាននាំមកនូវពូកម៉ាក AMERICANSTAR ដែលជាពូក មានកេរ្តិ៍ឈ្មោះល្បីល្បាញជាអន្តរជាតិ ជាពិសេសនៅសហរដ្ឋអាមេរិក និងត្រូវបានផលិតឡើងយ៉ាងយកចិត្តទុកដាក់បំផុត ផ្តោតសំខាន់ទៅលើគុណភាព និងសុខភាពដំណេក ក្រោមបច្ចេកវិទ្យាដ៏ទំនើបនាសម័យចុងក្រោយនេះ ដែលតម្រូវទៅតាមលក្ខខណ្ឌជាក់ស្ដែងនៃរាងកាយរបស់អ្នកប្រើប្រាស់ផ្ទាល់តែម្ដង។
ដោយឡែកសម្រាប់អតិថិជនដែលនៅមិនទាន់បានជ្រាបពីព័ត៌មានលម្អិតរបស់ពូក AMERICANSTAR ក៏អាចទៅសាកសួរព័ត៌មានបន្ថែម ក៏ដូចជាសាកល្បងនៅទីតាំងបង្ហាញ (Showroom) ដែលមានទីតាំងស្ថិតនៅអគារលេខ 420-422 ផ្លូវ310 សង្កាត់បឹងកេងកង3 ខណ្ឌចំការមន រាជធានីភ្នំពេញ៕
January 5, 2018
វគ្គសិក្សាជំនាញ «ការគ្រប់គ្រងធនធានមនុស្សសម្រាប់អាជីវកម្មខ្នាតតូច និងធម្យម»
ភ្នំពេញ៖ នៅក្នុងវគ្គសិក្សានេះ លោកអ្នកនឹងទទួលបានបទពិសោធន៍ជាច្រើន ជាពិសេសគឺនឹងទទួលបានវគ្គជំនាញមានដូចជា៖
1- ជំនាញបង្កើតវប្បធម៌ក្រុមហ៊ុន និងច្បាប់វិន័យផ្សេងៗ
2- ជំនាញបែងចែកតួនាទី និងភារកិច្ច
3- ជំនាញជ្រើសរើសមនុស្សឱ្យបានល្អ
4- ជំនាញរៀបចំធនធានមនុស្ស និងផ្ដល់ប្រាក់បៀវត្សរ៍
5- ជំនាញវាយតម្លៃលទ្ធផលការងារ
6- ជំនាញហ្វឹកហ្វឹន និងអភិវឌ្ឍមនុស្សឱ្យកាន់តែខ្លាំង
វគ្គសិក្សានេះ នឹងត្រូវធ្វើឡើងនៅថ្ងៃទី 06-07 ខែមករា ឆ្នាំ 2018 ចាប់ពីម៉ោង 8:30នាទីព្រឹក ដល់ម៉ោង 5ល្ងាច៕
January 5, 2018
អេ អឹម ខេ បន្តសកម្មភាពគាំទ្រសុខភាពកុមារកម្ពុជាតាមរយៈមន្ទីរពេទ្យគុន្ធបុប្ផា
ភ្នំពេញៈ នាថ្ងៃទី03 ខែមករា ឆ្នាំ2018 តំណាងគ្រឹះស្ថានមីក្រូហិរញ្ញវត្ថុ អេ អឹម ខេ ភីអិលស៊ី ដឹកនាំដោយ លោក ណាង គីណាល់ នាយកប្រតិបត្តិទីផ្សារ និងទំនាក់ទំនង នាំយកទឹកប្រាក់បរិច្ចាគចំនួន 18លានរៀន ប្រគល់ជូនតំណាង មន្ទីរពេទ្យគុន្ធបុប្ផា នៅទីតាំងវត្តភ្នំ។ ថវិកាទាំងនេះ គឺជាទឹកចិត្តសម្បុរសរបស់គណៈគ្រប់គ្រង ក៏ដូចជាបុគ្គលិក អេ អឹម ខេ ទូទាំងប្រទេស ដែលតែងតែផ្តល់ការយកចិត្តទុកដាក់ និងឲ្យតម្លៃដល់សុខភាពកុមារកម្ពុជា ដើម្បីឲ្យពួកគាត់មានសុខភាពល្អ ជាពិសេសចង់ឃើញពួកគាត់មានឱកាសបានចូលរៀនគ្រប់ៗគ្នា ព្រោះកុមារគឺជាទំពាំងស្នងឬស្សី។
ដោយមានបេសកកម្ម ជួយដល់ប្រជាពលរដ្ឋក្រីក្រភាគច្រើន ក្នុងគោលបំណងធ្វើឲ្យប្រសើរឡើងនូវជីវភាពរស់នៅរបស់ពួកគេ តាមរយៈការផ្តល់សេវាមីក្រូហិរញ្ញវត្ថុសមស្រប និងឋិតថេរ អេ អឹម ខេ មានគោលដៅសំខាន់ពីរ ដែលត្រូវសម្រេចឲ្យបាន គឺផ្នែកហិរញ្ញវត្ថុ និងសង្គម។ ជាក់ស្តែងក្នុងឆ្នាំ 2017 អេ អឹម ខេ បានចូលរួមលើកកម្ពស់ការងារសង្គមជាច្រើនកន្លងមក ដោយការងារទាំងនោះរួមមាន៖ (1) ចូលរួមគាំទ្រគម្រោងអង្គការស្នាមញញឹមកម្ពុជា ដើម្បីធ្វើការវះកាត់មាត់ឆែប ក្រអូមឆែប មាត់ធ្មេញ និងពិការមុខមាត់ផ្សេងៗ ដល់កុមារកម្ពុជាដោយឥតគិតថ្លៃ (2) ចូលរួមគាំទ្រឧបត្ថម្ភថវិកាដល់និស្សិត ក្រីក្រនៃវិទ្យាស្ថានបច្ចេកវិទ្យាកម្ពុជា (3) ចូលរួមគាំទ្រកម្មវិធីជើងឯកនិយាយភាសារខ្មែរជាសាធារណៈ និងកម្មវិធីសង្គម ផ្សេងៗជាច្រើនទៀត។
ថ្លែងនៅក្នុងពិធីប្រគល់ថវិកាជូនមន្ទីរពេទ្យគុន្ធបុប្ផា លោក ណាង គីណាល់ បានលើកឡើងថា “អេ អឹម ខេ បានប្តេជ្ញាចិត្តខ្ពស់ក្នុងការធ្វើឲ្យសម្រេចគោលដៅកិច្ចការសង្គមរបស់ខ្លួន។ ពីមួយឆ្នាំទៅមួយឆ្នាំ គណៈគ្រប់គ្រង អេ អឹម ខេ តែងតែ ជំរុញឲ្យមានវប្បធម៌ចែករំលែកល្អៗ ដើម្បីជួយដល់សង្គម ហើយថវិកាដែលបានមកនេះ ក៏មានការចូលរួមពីបុគ្គលិក អេ អឹម ខេ យើងផងដែរ។ លោក គីណាល់ បានបន្ថែមទៀតថា “ដោយសារតែមានការប្តេជ្ញាចិត្តខ្ពស់ពីសំណាក់ថ្នាក់ដឹកនាំ និងបុគ្គលិក អេ អឹម ខេ ទាំងអស់ បច្ចុប្បន្ននេះ អេ អឹម ខេ ត្រូវបានទទួលស្គាល់ថា ជាគ្រឹះស្ថានមីក្រូហិរញ្ញវត្ថុ ដែលអនុវត្តយ៉ាងពេញលេញ ទៅតាមគោលការណ៍ការពារអតិថិជនពី SMART CAMPAIGN ដែលជាស្ថាប័នអន្តរជាតិបង្រួបបង្រួមគ្រឹះស្ថានមីក្រូហិរញ្ញវត្ថុទូទាំងពិភពលោក ឲ្យមានគោលដៅរួម គឺអនុវត្តឲ្យបានពេញលេញទៅតាមគោលការណ៍ការពារអតិថិជន។
អេ អឹម ខេ គឺជាគ្រឹះស្ថានមីក្រូហិរញ្ញវត្ថុ ដែលឈានមុខគេលើវិសាលភាពប្រតិបត្តិការ និងចំនួនអតិថិជនប្រាក់កម្ចី។ គិតត្រឹម ខែវិច្ឆិកា ឆ្នាំ2017 នេះ អេ អឹម ខេ មានបុគ្គលិកសរុបចំនួនជិត 2.500នាក់ អតិថិជនចំនួនជិត 68ម៉ឺននាក់ ជាមួយនឹងផលប័ត្រប្រាក់កម្ចីជាង 205 លានដុល្លារអាមេរិក និងមានការិយាល័យប្រតិបត្តិការចំនួន 150 កន្លែង និង មានភ្នាក់ងារជាង 3.000កន្លែង នៅទូទាំងប្រទេស។ អេ អឹម ខេ មានផលិតផល និងសេវាកម្មជាច្រើន កំពុងផ្តល់ជូន អតិថិជនដូចជា៖ សេវាប្រាក់កម្ចី ប្រាក់សន្សំ ផ្ទេរប្រាក់ សេវាទូទាត់វិក្កយបត្រ ធានារ៉ាប់រងខ្នាតតូច ធនាគារចល័ត សេវាបើកប្រាក់បៀវត្សរ៍ ម៉ាស៊ីនដក និងដាក់ប្រាក់ដោយស្វ័យប្រវត្តិ (ATMs/CDMs)៕
January 3, 2018
ម៉ូនីទ័រ LG សេរ៊ីថ្មីរូបរាងទំនើបទាន់សម័យ គុណភាពនៃរូបភាពល្អដាច់គេ សមត្ថភាពខ្ពស់ និងសម្របបានគ្រប់កាលៈទេសៈ
ក្រុមហ៊ុន LG អេឡិចត្រូនិចនឹងដាក់បង្ហាញនៅប្រភេទម៉ូនីទ័រសេរ៊ីថ្មី 32អ៊ីញ UHD 4K (32UK950) ដែលកែប្រែពីម៉ូដែលចាស់ មានរូបរាងស្អាត និងទាន់សម័យ ដែលបំពាក់ទៅដោយបច្ចេកវិទ្យា Nano IPS មានសមត្ថភាពក្នុងការបង្កើនកំរិតពណ៌អោយកាន់តែភ្លឺល្អ។ ដើម្បីឆ្លើយតបទៅនឹងការចង់បានរបស់អតិថិជន ក្រុមហ៊ុន LG បានបន្ថែមកម្រិត HDR600 នៃពន្លឺអោយកាន់តែច្បាស់ និងមានបន្ថែមជម្រើសការតភ្ជាប់ថ្មីយ៉ាងអស្ចារ្យ (Thunderbolt™ 3 compatibility)។
ម៉ូនីទ័រ LG សេរ៊ីថ្មី នឹងដាក់បង្ហាញនៅក្នុងកម្មវិធី CES 2018 និងជាម៉ូនីទ័រដំបូងគេដែលបំពាក់ទៅដោយបច្ចេកវិទ្យា Nano IPS ដែលចូលរួមដំណើរការជាមួយកម្មវិធី Nanometer-sized particles ទៅនិងអេក្រង់ LED ដើម្បីស្រូបយករលកពន្លឺ។ ភាពអស្ចារ្យនេះជួយជំរុញកំលាំង និងភាពសុទ្ធទៅលើពណ៍អេក្រង់ សម្រាប់ជាបទពិសោធន៍នៃការទស្សនាថ្មី និងដូចពិតៗ។
ម៉ូនីទ័រប្រភេទថ្មីនេះអាចធ្វើការបង្ហាញដល់ទៅ 98 ភាគរយនៃស្រមោលពណ៍ DCI-P3 ដែលអាចប្រៀបទៅនិងម៉ូនីទ័រដែលប្រើប្រាស់ការងារក្រាហ្វិច (Graphic) របស់ Master Hollywood blockbusters។
លោក Chang Ik-hwan ប្រធានផ្នែកអាជីវកម្មព័ត៌មានវិទ្យារបស់ក្រុមហ៊ុន LG បានមានប្រសាសន៏ថា “ពួកយើងភាគច្រើនចំណាយពេលរាប់ពាន់ម៉ោងនៅមុខម៉ូនីទ័រជារៀងរាល់ខែ ហើយទាំងដែលម៉ូនីទ័រភាគច្រើនវាមិនមែនជាផលិតផលដែលមានបច្ចេកវិទ្យាល្អ ឬ អេក្រង់ដែលមានការវិវត្តិចុងក្រោយនោះទេ។ បុន្តែជាមួយបច្ចេកវិទ្យាម៉ូនីទ័រដ៍ប្រណិតចុងក្រោយរបស់ LG ពិតជាដំណោះស្រាយយ៉ាងអស្ចារ្យ ដែលអាចផ្តល់នូវបទពិសោធន៍ប្រើប្រាស់យ៉ាងរីករាយ ជាមួយនិងអេក្រង់កំរិតគុណភាពភ្លឺច្បាស់ល្អឥត់ខ្ចោះ៕
January 3, 2018
អស្ចារ្យណាស់! បុរី ឌឹ ផ្លរ៉ា ផ្តល់ចំណងដៃពិសេសសម្រាប់គូស្វាមីភរិយាថ្មី
(ភ្នំពេញ)៖ បុរី ឌឹ ផ្លរ៉ា ជាគម្រោងដ៏ធំមួយ ដែលកំពុងសាងសង់ នៅលើផ្ទៃប្រមាណ ២០០ហិកតា ចម្ងាយប្រមាណជាង ១០គីឡូម៉ែត្រ ចុះពីស្ពានជ្រោយចង្វារ តាមបណ្តោយផ្លូវជាតិលេខ 6A ដែលជាផ្លូវភ្លោះធំបំផុត របស់កម្ពុជា តភ្ជាប់ពីតំបន់សេដ្ឋកិច្ចពិសេសខេត្តកំពង់ចាម មកកាន់រាជធានីភ្នំពេញ ដោយចំណាយពេប្រមាណ15នាទីពីគល់ស្ពានជ្រោយចង្វារ និងទួលបានការគាំទ្រយ៉ាងខ្លាំងពីសំណាក់អតិថិជន ដោយសំណង់គេហដ្ឋានរឹងមាំ ទីតាំងល្អ មិនឆ្ងាយពីទីក្រុង និងមានម៉ូតទាន់សម័យនៃសតវត្សទី21ដែរជាម៉ូតផ្ទះថ្មីប្លែកដាច់ពីគេ ហើយថែមទាំងមានគេហដ្ឋានច្រើនសម្បូរបែបទៅតាមតម្រូវការអតិថិជន។
ជាមួយគ្នានេះ ជាការចូលរួមបង្កើនភាពរីករាយសម្រាប់គ្រួសារថ្មីដែលជាអតិថិជនរបស់ខ្លួន បុរី The Flora បានកម្មវិធីពិសេសសម្រាប់គូស្វាមីភរិយាថ្មី ដោយការផ្តល់ចំណងដៃពិសេស គឺកម្មវិធីធ្វើដំណើរក្រេបច័ន្ទទឹកឃ្មុំនៅក្រៅប្រទេសទៀត។ កម្មវិធីពិសេសនេះ គឺពិតជាល្អឥតខ្ចោះមែន សម្រាប់រដូវកាលអាពាពិពាហ៍ (Wedding Season) ដោយគ្រាន់តែទិញផ្ទះ ក្នុង បុរី ឌឹ ផ្លរ៉ា ចាប់ពីថ្ងៃទី01 ខែមករា រហូតដល់ ថ្ងៃទី31 ខែមីនា ឆ្នាំ2018 ខាងមុខនេះ លោកអ្នក នឹងទទួលបានចំណងដៃ ដ៏អស្ចារ្យនេះភ្លាមៗតែម្ដងគឺ៖ ទទួលបាន សំបុត្រយន្តហោះ (ជាកញ្ចប់ Tour packed) ដំណើរកំសាន្តទៅ កំសាន្ដក្រេបច័ន្ទទឹកឃ្មំ ទៅ កោះក្រាប៊ី ប្រទេសថៃ កោះបាលី ប្រទេសឥណ្ឌូនេស៊ីនិងប្រទេសសិង្ហបុរី។ សម្រាប់ដំណើរកំសាន្ត គឺមិនមានការចាប់ឆ្នោតនោះឡើយ គឺនឹងទទួលបានដោយស្វ័យប្រវត្តតែម្ដង ដែលកាលបរិច្ឆេទដំណើរកំសាន្ត នឹងធ្វើឡើងនៅថ្ងៃចូលឆ្នាំខ្មែរ ឆ្នាំ2018 ខាងមុខនេះ។
សូមប្រញាប់រួសរាន់ឡើង អញ្ជើញមកទទួលយកកញ្ចប់ដ៏អស្ចារ្យមួយនេះកុំឱ្យកន្លងផុតឲ្យសោះ !
January 2, 2018