PR - La Reine Media

ពិព័រណ៍ «លើកកម្ពស់ឯករាជ្យភាពក្នុងការចូលរួមរបស់ជនពិការក្នុងសង្កម»

ភ្នំពេញ៖ អង្គការមជ្ឈមណ្ឌលជីវិតរស់នៅដោយឯករាជ្យនៃជនពិការភ្នំពេញ មានកិត្តិយសធ្វើជាម្ចាស់ផ្ទះទទួលរៀបចំកម្មវិធីវិធីពិព័រណ៍អន្តរជាតិមានឈ្មោះថា «ពិព័រណ៍បណ្ដាញបេះដូងតែមួយនៃជនពិការអាស៊ីឆ្នាំ 2018 នៅកម្ពុជា» នៅក្នុងព្រះរាជាណាចក្រកម្ពុជា ក្រោមអធិបតីភាពដ៏ខ្ពង់ខ្ពស់របស់ ឯកឧត្តម វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា ដើម្បីចូលរួមលើកកម្ពស់សិទ្ធិ និងការចូលរួមដោយស្មើភាពរបស់ជនពិការគ្រប់សកម្មភាពសង្គម ជាមួយរាជរដ្ឋាភិបាលកម្ពុជា ក្រោមការដឹកនាំប្រកបដោយគតិបណ្ឌិតរបស់ សម្ដេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។

ពិព័រណ៍នេះ មានកិច្ចសហការរៀបចំ និងអញ្ជើញចូលរួមពីមិត្តភក្តិមានពិការភាព និងគ្មានពិការភាព មកពី6 ប្រទេស ដូចជា៖ ជប៉ុន សាធារណៈរដ្ឋកូរ៉េ ម៉ុងហ្គោលី ណេប៉ាល់ ប៉ាគីស្ថាន និងតៃវ៉ាន់។

March 1, 2018

ជម្រើសដំបូងនៃពានរង្វាន់អចលនទ្រព្យកម្ពុជាប្រចាំឆ្នាំ 2018 របស់ក្រុមហ៊ុន PropertyGuru

កាលពីថ្ងៃទី20 ខែកុម្ភៈ ឆ្នាំ 2018 គណៈកម្មការវាយតម្លៃឯករាជ្យនៃកម្មវិធីប្រគល់ពានរង្វាន់អចលនទ្រព្យកម្ពុជារបស់ក្រុមហ៊ុន PropertyGuruបានបង្ហាញឈ្មោះអ្នកជាប់ក្នុងបញ្ជីជម្រើសដំបូងសម្រាប់កម្មវិធីប្រគល់ពានរង្វាន់អចលនទ្រព្យកម្ពុជារបស់ក្រុមហ៊ុន PropertyGuru តំណាងដោយ ក្រុមហ៊ុន KHI ដូចខាងក្រោម ។

– ពានរង្វាន់ផ្នែកអភិវឌ្ឍន៍/អ្នកអភិវឌ្ឍន៍ល្អបំផុត
Borey Peng Huoth Group Creed Asia (Cambodia) Co., Ltd និង Triple Gem Assets Co., Ltd។
– ការទទួលស្គាល់ពិសេសក្នុងការអភិវឌ្ឍប្រកបដោយនិរន្តរភាព
Creed Asia (Cambodia) Co., Ltd. និង Triple Gem Assets Co., Ltd។
ពានរង្វាន់ផ្នែកអភិវឌ្ឍន៍ (លំនៅដ្ឋាន)ការអភិវឌ្ឍខុនដូលំដាប់ខ្ពស់ល្អបំផុត (ភ្នំពេញ) CEO KT Pacific និង One Park។
– ការអភិវឌ្ឍខុនដូតម្លៃសមរម្យល្អបំផុត (ភ្នំពេញ)
Star Polaris 23 និង The Parkway។
– ការអភិវឌ្ឍលំនៅដ្ឋានល្អបំផុត (ភ្នំពេញ)
ARATA Garden Residences, Borey The Mekong Royal, Star Platinum Euro Ville និង Star Platinum Rosato។
– ការអភិវឌ្ឍលំនៅដ្ឋានល្អបំផុត (ព្រះសីហនុ)
The Seagate Suite។
– ពានរង្វាន់ផ្នែកអភិវឌ្ឍន៍ (ពាណិជ្ជកម្ម)
– ការអភិវឌ្ឍការិយាល័យល្អបំផុត
CEO KT Pacific Construction និង TheParkway
– ការអភិវឌ្ឍលក់រាយល្អបំផុត
Eden Garden ,Center Euro Park និង The Seagate Suite។
– ការអភិវឌ្ឍការប្រើប្រាស់ចម្រុះល្អបំផុត
CEO KT Pacific ,Greater Euro Ville, The Parkway, The Seagate Suite។
– សេវាកម្មអាផាតមិនល្អបំផុត
CEO KT Pacific, Mansion51 Hotel & Apartment, Tronum។
– ពានរង្វាន់សម្រាប់ការឌីហ្សាញ
– ស្ថាបត្យកម្មឌីហ្សាញខុនដូល្អបំផុត
CEO KT Pacific, Star Polaris 23, The Parkway។
– ការឌីហ្សាញផ្នែកខាងក្នុងខុនដូល្អបំផុត
CEO KT Pacific, Star Polaris 23 ។
– ស្ថាបត្យកម្មឌីហ្សាញលំនៅដ្ឋានល្អបំផុត
ARATA Garden Residences, Borey The Mekong Royal, Star Platinum Euro Ville, Star Platinum Rosato។
– ការឌីហ្សាញផ្នែកខាងក្នុងលំនៅដ្ឋានល្អបំផុត
Star Platinum Euro Ville, Star Platinum Rosato។
– ស្ថាបត្យកម្មឌីហ្សាញលក់រាយល្អបំផុត
Eden Garden, NORO Mall, The Heritage Walk។
– ការឌីហ្សាញផ្នែកខាងក្នុងលក់រាយល្អបំផុត
NORO Mall ដោយ NI Development Co., Ltd.
– ស្ថាបត្យកម្មឌីហ្សាញការិយាល័យល្អបំផុត
Chief Tower និង The Parkway។
– ការឌីហ្សាញផ្នែកខាងក្នុងអាផាតមិនល្អបំផុត
Mansion51 Hotel & Apartment និង Tronum
– ស្ថាបត្យកម្មឌីហ្សាញទេសភាពផ្ទះល្អបំផុត
ARATA Garden Residences, Borey The Mekong Royal, Star Platinum Euro Ville និងStar Platinum Rosato។
– ស្ថាបត្យកម្មឌីហ្សាញទេសភាពលក់រាយល្អបំផុត Eden Garden, Euro Park និង NORO Mall។
– ស្ថាបត្យកម្មឌីហ្សាញទេសភាពប្រើប្រាស់ចម្រុះល្អបំផុត
CEO KT Pacific, Greater Euro Ville, One Park ដោយ GRED និង The Parkway ។
– ពានរង្វាន់ពិសេស
– ការអភិវឌ្ឍឌីហ្សាញសកលល្អបំផុត។ Eden Garden ដោយ Phnom Penh City Center។ការទទួលស្គាល់ពិសេសពីអង្គការ CARE សម្រាប់ការអនុវត្តសំណង់វិជ្ជមាន។ អ្នកឈ្នះនឹងត្រូវប្រកាសនៅក្នុងពិធីលៀងសាយភោជន៍នាថ្ងៃទី16 ខែមីនា ឆ្នាំ 2018។ ការទទួលស្គាល់ពិសេសសម្រាប់សំណង់សាធារណៈ។ អ្នកឈ្នះនឹងត្រូវប្រកាសនៅក្នុងពិធីលៀងសាយភោជន៍នាថ្ងៃទី16 ខែមីនា ឆ្នាំ 2018។

ជម្រើសនៃការបោះពុម្ពផ្សាយ Cambodia Real Estate Personality of the Year លោកហ៊ុន ចាន់សាន ស្ថាបនិក នាយកឌីហ្សាញ និងស្ថាបត្យករចម្បង Re-Edge Architecture + Design៕

March 1, 2018

លោក ដួង វិរៈសិទ្ធ បង្ហាញសមត្ថភាពមិនគួឲ្យជឿនៅលើឆាកតន្រី្ត Tiger Street Football Festival 2018

កំពង់ចាម៖ បន្ទាប់ពីទស្សនាការប្រកួតបាលទាត់ដ៏ស្វិតស្វាញ និងជក់ចិត្តនៃក្របខ័ណ្ឌពានរង្វាន់ Tiger Street Football Festival 2018 បងប្អូនដែលរស់នៅក្នុងខេត្តកំពង់ចាម ក៏ទទួលបាននូវភាពសប្បាយរីករាយពីការប្រគំតន្ត្រី Tiger Street Football Festival 2018 ជាមួយនឹងឆាកបែបកុងធើន័រ និងវត្តមានតារាចម្រៀងល្បីៗជាច្រើនរូប។ ជាពិសេសលោក ដួង វិរៈសិទ្ធ បានបង្ហាញសមត្ថភាពដ៏អស្ចារ្យមួយដែលបងប្អូនអ្នកគាំទ្រនឹកស្មានមិនដល់។

អ្វីដែលធ្វើឲ្យបងប្អូននៅខេត្តកំពង់ចាមចាប់អារម្មណ៍ខ្លាំងនោះនៅពេលលោក ដួង វិរៈសិទ្ធ ដើរចេញមកមានស្ពាយហ្គីតាសូឡូមកជាមួយ។ មិនតែប៉ុណ្ណោះ លោកបានបកស្រាយបទចម្រៀងបណ្តើរ និងលេងហ្គីតាបណ្តើរ។ ហើយមើលទៅតារាចម្រៀងប្រចាំផលិតកម្មហង្សមាសរូបនេះ បង្ហាញភាពប៉ិនប្រសព្វក្នុងការលេងហ្គីតាហាក់បីដូចជាអ្នកលេងអាជីពអញ្ចឹង។

សូមបញ្ជាក់ថា សម្រាប់រត្តមានរបស់លោក ដួង វិរៈសិទ្ធ ចំនួន៥បទ គឺច្រៀងជាមួយនឹងការលេងហ្គីតាទាំងអស់ ខណៈដែលការប្រគំតន្ត្រី Tiger Street Football Festival 2018 ប្រចាំមណ្ឌលកំពង់ចាមនេះ ក៏មានវត្តមាន កញ្ញា ពេជ្យ សោភា កញ្ញា ទេព បូព្រឹក្ស លោក G-Devid លោក ឃុន វត្ថា ហើយមានការផ្សាយផ្ទាល់ពីសា្ថនីយ៍ទូរទស្សន៍រស្មីហង្សមាសផងដែរ។

ចំពោះសកម្មភាពផ្សេងៗនៃការប្រគំតន្ត្រី Tiger street Football Festival 2018 នៅខេត្តកំពង់ចាម សូមចូលទៅកាន់ទំព័រហ្វេសប៊ុកផ្លូវការរបស់ស្រាបៀរថៃហ្គ័រ៖ www.facebook.com/TigerBeerKH
#TSFF2018

សូមពិសាដោយការទទួលខុសត្រូវ

February 27, 2018

អ្នកគួរខ្ចីប្រាក់ពីគ្រឹះស្ថានមីក្រូហិរញ្ញវត្ថុ ដែលទទួលបានអាជ្ញាប័ណ្ណពីធនាគារជាតិនៃកម្ពុជា និងគោរពតាមគោលការណ៍ការពារអតិថិជន ទើបជាជម្រើសដ៏ល្អបំផុតក្នុងការចាកផុតពីបំណុលវ័ណ្ឌក

February 27, 2018

ថ្ងៃដំបូងនៃការប្រកួតជម្រុះនៅមណ្ឌលកំពង់ចាម ពិតជាជក់ចិត្ត និងស្វិតស្វាញ

ខេត្តកំពង់ចាម៖ ការប្រកួតជម្រុះថ្ងៃដំបូងនៃពានរង្វាន់ Tiger Street Football Festival 2018 មណ្ឌលទី6នៅខេត្តកំពង់ចាម ដែលមាន64ក្រុមចូលរួមប្រកួតនោះ គឺពិតជាជក់ចិត្ត និងស្វិតស្វាញមែន។ ព្រោះក្រុមនីមួយៗសុទ្ធតែមានមហិច្ឆតាចង់ដណ្តើមយកជ័យជំនះក្លាយជាម្ចាស់ជើងឯកប្រចាំតំបន់របស់ខ្លួន ដើម្បីទទួលបានរង្វាន់យ៉ាងច្រើនពីក្រុមហ៊ុនស្រាបៀរថៃហ្គ័រ និងអាចទទួលបានសិទ្ធិទៅចូលរួមប្រកួតនៅវគ្គផ្តាច់ព្រ័ត្របន្តទៀតនៅរាជធានីភ្នំពេញ នាថ្ងៃទី10 និងទី11 មីនា 2018 ខាងមុខនេះ។

ទោះបីជា30ប្រកួតសម្រាប់ថ្ងៃដំបូងនេះ ពិតជាស្វិតស្វាញ និងតានតឹងមែន តែក៏មានការបង្ហាញក្បាច់រាំដ៏ស្រស់ស្អាត ពីក្រុម The CAMBO និងក្រុម OMG ជាពិសេសនៅបរិវេណជុំវិញទីលានប្រកួត Tiger Street Football Festival 2018 មានស្តង់លេងហ្គេមកម្សាន្តដើម្បីឈ្នះវត្ថុអនុស្សាវរីយ៍ជាច្រើនពីស្រាបៀរថៃហ្គ័រទៀតផង។

លើសពីនេះ នាពេលរាត្រីដំបូងនេះនឹងមានការប្រគំតន្ត្រី Tiger Street Football Festival 2018 ដោយមានការចូលរួមសម្តែងពីកំពូលតារាចំរៀងប្រចាំព្រះរាជាណាចក្រកម្ពុជាដូចជា កញ្ញា សុគន្ធ នីសា លោក ណុប បញ្ញារឹទ្ធ លោក ថែ ថៃ កញ្ញា ប៉ាច គីមួយ និង លោក ស៊យ រតនៈ។

ចំពោះព័ត៌មានលម្អិតបន្ថែមអំពី Tiger Street Football Festival 2018 សូមចូលទៅកាន់ទំព័រហ្វេសប៊ុកផ្លូវការរបស់ស្រាបៀរថៃហ្គ័រ៖ www.facebook.com/TigerBeerKH
#TSFF2018

សូមពិសាដោយការទទួលខុសត្រូវ

February 26, 2018

ហាងកាហ្វេ Inthanin ចុះអនុស្សារណៈយោគយល់ផ្តល់សិទ្ធិអាជីវកម្មនៅទីផ្សារកម្ពុជា

អនុស្សារណៈយោគយល់ក្នុងការផ្តល់សិទ្ធិអាជីវកម្ម រវាងក្រុមហ៊ុន Bangchak Retail និង ក្រុមហ៊ុន RCG Retail Group (Cambodia) ត្រូវបានធ្វើឡើងក្នុងកិច្ចប្រជុំលើកទី6 នៃគណៈកម្មាធិការពាណិជ្ជកម្មរួម រវាងកម្ពុជា និងថៃ ក្នុងគោលបំណងពង្រីកទីផ្សារហាងកាហ្វេ Inthanin នៅក្នុងប្រទេសកម្ពុជា ដែលការចុះអនុស្សារណៈយោគយល់នេះប្រារព្វធ្វើឡើងនៅថ្ងៃទី 22 ខែកុម្ភៈ ឆ្នាំ2018 នៅសណ្ឋាគារសូហ្វីថែលភ្នំពេញភូគីត្រា។

លោកស្រី ជីរ៉ាណាន់ វង្សមង្គល ប្រធានក្រុមប្រឹក្សាភិបាល ក្រុមហ៊ុន RCG Retail Group (Cambodia) និងជាអ្នកលក់បន្តសិទ្ធិអាជីវកម្មម៉ាកសញ្ញាហាងកាហ្វេ Inthanin បានប្រាប់ឲ្យដឹងថា លោកស្រីមានសេចក្តីសោមនស្សរីករាយចំពោះការចុះអនុស្សារណៈនេះ ដោយសារតែលោកស្រីមើលឃើញពីការនិយមទទួលទានកាហ្វេពីសំណាក់ប្រជាជនកម្ពុជា ហើយមួយវិញទៀត Inthanin គឺជាហាងកាហ្វេមានគុណភាពល្អ ដែលអាចអោយប្រជាជនកម្ពុជាអាចទទួលទានកាហ្វេដែលមានរសជាតិឆ្ងាញ់ និងមានតម្លៃសមរម្យ។

«នៅពេលដែលអនុស្សារណៈបានបញ្ចប់ យើងនឹងរៀបចំទទួលពាក្យអ្នកដែលចាប់អារម្មណ៍ចង់ធ្វើធុរកិច្ចទិញសិទ្ធិអាជីវកម្ម មានន័យថាចង់ធ្វើការសហការជាមួយគ្នា ដើម្បីបន្តដំណើរទៅមុខជាមួយគ្នា ហើយនៅថ្ងៃទី15 ខែមីនានេះ យើងនឹងរៀបចំការប្រជុំមួយសម្រាប់អ្នកដែលចាប់អារម្មណ៍ដើម្បីផ្តល់ព័ត៌មានបន្ថែមពីសិទ្ធិអាជីវកម្មហាងកាហ្វេ Inthanin»។

ក្នុងនោះដែរ លោក Viboon Wongsakul នាយកគ្រប់គ្រងក្រុមហ៊ុន Bangchak Retail Company Limited បានឱ្យដឹងថា ហាងកាហ្វេ Inthanin គឺជាហាងកាហ្វេដែលធំជាងគេលំដាប់ទី2 នៅក្នុងប្រទេសថៃ ហើយក្នុងនោះប្រទេសកម្ពុជាគឺជាទីផ្សារដំបូងដែលហាងកាហ្វេ Inthanin បានធ្វើការពង្រីកទីផ្សាររបស់ខ្លួននៅក្រៅប្រទេស ដោយសារតែលោកមើលឃើញពីឱកាស និងតម្រូវការទីផ្សារកាហ្វេនៅកម្ពុជា ដោយលោកជឿជាក់ថាក្រុមហ៊ុនមួយនេះនឹងអាចធ្វើការផ្គត់ផ្គង់កាហ្វេដែលមានគុណភាពខ្ពស់សម្រាប់អតិថិជនកម្ពុជា។

គួរបញ្ចាក់ផងដែរថា ហាងកាហ្វេ Inthanin គឺជាហាងចំនុះក្រុមហ៊ុនឥន្ធនៈបាងចាក ដែលមានសាខាប្រមាណជា500ទីតាំង នៅក្នុងនោះ ហាងកាហ្វេ Inthanin ក៏មានគម្រោងពង្រីកទីផ្សាររបស់ខ្លួនឲ្យបានចំនួន1000ទីតាំងត្រឹមរយៈពេល 3ឆ្នាំខាងមុខ ហើយនៅពេលឆាប់ៗខាងមុខនេះ ហាងកាហ្វេ Inthanin នឹងបើកសាខាដំបូងរបស់ខ្លួននៅខេត្តសៀមរាប និងមួយទៀតនៅភ្នំពេញផងដែរ៕

February 22, 2018

ពិព័រណ៍ផ្សារភាគហ៊ុនកម្ពុជា My First STOCKនឹងត្រូវរៀបចំជាលើកទីបី

ពិព័រណ៍ My First STOCK នឹងរៀបចំឡើងជាលើកទីបីនៅផ្សារទំនើបអ៊ីអន (Daylight Plaza)នាថ្ងៃអាទិត្យ ទី 04 ខែមីនា ឆ្នាំ 2018 ចាប់ពីម៉ោង 10ព្រឹកដល់ម៉ោង 10យប់។

ពិព័រណ៍ផ្សារភាគហ៊ុនកម្ពុជាត្រូវបានរៀបចំឡើងដើម្បីលើកកម្ពស់ការយល់ដឹងពីវិស័យមូលបត្រ ក៏ដូចជាការវិនិយោគ ដល់សាធារណជនទូទៅ។ លោកអ្នកអាចជួបពិភាក្សាដោយផ្ទាល់ជាមួយនឹងក្រុមហ៊ុនមូលបត្រ និងក្រុមហ៊ុនចុះបញ្ចីលក់ មូលបត្រ ដើម្បីទទួលបានព័ត៌មានថ្មីៗអំពីក្រុមហ៊ុនចុះបញ្ជី ការវិនិយោគ ក៏ដូចជាទទួលបានការយល់ដឹងបន្ថែមពីការបើកគណនីជួញដូរមូលបត្រ និងសេវាពាក់ព័ន្ធផងដែរ។

ការវិនិយោគទៅលើភាគហ៊ុនមិនតម្រូវឱ្យវិនិយោគិនមានសាច់ប្រាក់ច្រើននោះទេ ដែលវិនិយោគិនអាចជួញដូរចាប់ពីមួយហ៊ុនឡើងទៅ។ ការបើកគណនីជួញដូរវិញតម្រូវឱ្យមានអត្តសញ្ញាណប័ណ្ណ និងរូបថត 4×6 ចំនួន2សន្លឹក។ លោកអ្នកអាចធ្វើការសាកសួរព័ត៌មានអំពីការបើកគណនីជួញដូរនៅតាមស្តង់នីមួយៗ របស់ក្រុមហ៊ុនមូលបត្រនៅក្នុងពិព័រណ៍ផងដែរ។ លើសពីនេះទៅទៀត លោកអ្នកក៏អាចស្វែងយល់ពីអាជីវកម្ម និងសក្តានុពលនៃការរីកចម្រើនរបស់ក្រុមហ៊ុនចុះបញ្ជីនីមួយៗថែមទៀតផង។

គួរបញ្ជាក់ផងដែរថាបច្ចុប្បន្ន ទីផ្សារមូលបត្រកម្ពុជាមានក្រុមហ៊ុនចុះបញ្ជីចំនួន5គឺ៖ រដ្ឋាករទឹកស្វយ័តក្រុងភ្នំពេញ, ក្រុមហ៊ុន ហ្គ្រេន ធ្វីន អ៊ិនធើណេសិនណល (ខេមបូឌា) ភីអិលស៊ី, កំពង់ផែស្វយ័តភ្នំពេញ, ភ្នំពេញអេសអ៊ីហ្សិត ភីអិលស៊ី, និងកំពង់ផែស្វយ័តក្រុងព្រះសីហនុ។ សូមតាមដានគេហទំព័រ www.csx.com.kh និងទំព័រ Facebook ផ្លូវការរបស់ផ្សារមូលបត្រកម្ពុជា www.facebook.com/cambodia.csx ដើម្បីទទួលបានព័ត៌មានថ្មីៗ អំពីផ្សារមូលបត្រកម្ពុជា។

ចូលរូមពិព័រណ៍ My First STOCK លោកអ្នកនឹងទទួលបានចំណេះដឹងថ្មីៗ និងវត្ថុអនុស្សវរីយ៍ផ្សេងៗផងដែរ។ កម្មវិធីពិព័រណ៍ផ្សារភាគហ៊ុនក៏មានអមដោយការប្រគំតន្ត្រី និងកម្មវិធីចាប់រង្វាន់ផ្សងសំណាងផ្សេងៗដែលមានដូចជា៖ កុំព្យូទ័រ Laptop, Smart Watch, Action Cameraនិង USB ជាច្រើនរង្វាន់។

សូមចូលរួមស្វែងយល់ពីការវិនិយោគលើទីផ្សារភាគហ៊ុន ដើម្បីអនាគតរបស់យើងទាំងអស់គ្នា។

February 22, 2018

ការប្រគំតន្ត្រី Tiger Street Football Festival 2018 មានការគាំទ្រខ្លាំងពីអ្នកប៉ោយប៉ែត

ប៉ោយប៉ែត៖ បន្ទាប់ពីទទួលបានបទពិសោធន៍ថ្មីនៃការប្រកួតបាលទាត់ហ្វូតសាលដ៏អស្ចារ្យ ដែលរៀបចំដោយក្រុមហ៊ុនស្រាបៀរថៃហ្គ័រ ដោយមាន 50ក្រុមចូលរួមនោះ គឺពិតជាស្វិតស្វាញ និងជក់ចិត្តបំផុតសម្រាប់អ្នករស់នៅទឹកដីជាយដែននេះ។

អ្វីដែលធ្វើឲ្យអ្នកក្រុងប៉ោយប៉ែតកាន់តែរំភើបនោះគឺ ការប្រគំតន្ត្រីយក្ស Tiger Street Football Festival 2018 ជាមួយឆាកតន្ត្រីពោរពេញទៅដោយគំនិតច្នៃប្រឌិតបែបកុងតឺន័រ ផ្ទាំង LED និងភ្លើងព៌ណដ៏ស្រស់ស្អាត បានទាក់ទាញទស្សនិកជនឱ្យមកទស្សនាយ៉ាងច្រើនកុះករ ពេញទីលានផ្សារាត្រីជិតសណ្ឋាគារផ្កាយ 5ក្រុងប៉ោយប៉ែត។

មិនតែប៉ុណ្ណោះ ភាពពុះកញ្ជ្រោលនៃការគាំទ្ររបស់បងប្អូនក្រោយការបង្ហាញវត្តមានរបស់តារាចម្រៀងជួរមុខល្បីៗដូចជា កញ្ញា ឳក សុគន្ធកញ្ញា លោក Zono លោក ណុប បាយ៉ារឹទ្ធ លោក Step និង កញ្ញា រ៉េត ស៊ូហ្សាណា។ លើសពីនេះទៅទៀត អ្នកគាំទ្រទាំងអស់ក៏ទទួលបានកម្មវិធីលក់ជូនជាពិសេសសម្រាប់ការជាវស្រាបៀរ ថៃហ្គ័រ មកទទួលទានបណ្តើរ និងទស្សនាការប្រគំតន្ត្រី Tiger Street Football Festival 2018។

សូមជម្រាបថា បទពិសោធន៍ដ៏អស្ចារ្យនៃការប្រកួតបាល់ទាត់ និងការប្រគំតន្រី្ត Tiger Street Football Festival 2018 នេះនឹងបន្តដំណើរទៅចែកជូនបងប្អូនដែលរស់នៅទឹកដីខេត្តកំពង់ចាម នៅថ្ងៃទី24 និង 25 ខែកុម្ភៈ ខាងមុខនេះ។

ចំពោះសកម្មភាពផ្សេងៗនៃព្រឹត្តិការណ៍ Tiger Street Football Festival 2018 ប្រចាំមណ្ឌលប៉ោយប៉ែត សូមចូលទៅកាន់ទំព័រហ្វេសប៊ុកផ្លូវការរបស់ស្រាបៀរថៃហ្គ័រ៖ www.facebook.com/TigerBeerKH

#TSFF2018
សូមពិសាដោយការទទួលខុសត្រូវ

February 21, 2018

អាហារូបករណ៍អាស៊ានរបស់ CIMB នាំមកនូវឱកាសសិក្សានៅសាកលវិទ្យាល័យល្បីៗ ជុំវិញពិភពលោក ដល់និស្សិតកម្ពុជា

ភ្នំពេញ៖ ដោយការបន្តប្តេជ្ញាចិត្តលើការការអភិវឌ្ឍសមត្ថភាពយុវជន ក្នុងតំបន់អាស៊ាន ស៊ីអាយអិម៊បី គ្រុប (CIMB Group) ផ្តល់នូវអាហារូបករណ៍ 100% សម្រាប់ការសិក្សាថ្នាក់បរិញ្ញាបត្រ នៅគ្រប់សាកលវិទ្យាល័យល្បីឈ្មោះ នៅជុំវិញពិភពលោក។ ចាប់ពីឥឡូវនេះ រហូតដល់ថ្ងៃទី5 ខែមីនា ឆ្នាំ2018 អាហារូបករណ៍អាស៊ានរបស់ CIMB បើកទទួលពាក្យស្នើសុំអាហារូបករណ៍ សម្រាប់សិស្សនិស្សិតខ្មែរទាំងអស់ ដែលទើបតែបញ្ចប់ថ្នាក់ទី12 ឬកំពុង់សិក្សាថ្នាក់បរិញ្ញាបត្រ និងមានអាយុក្រោម 24ឆ្នាំ។ អាហារូបករណ៍នេះ ផ្តល់ជូនដល់សិស្សនិស្សិត ដែលមានអាយុក្រោម24ឆ្នាំ ស្ថិតក្នុងតំបន់អាស៊ាន រួមមានប្រទេសកម្ពុជា ម៉ាឡេស៊ី ឥណ្ឌូនេស៊ី សិង្ហបុរី ថៃ វៀតណាម និងហ្វីលីពីន។ សិស្សនិស្សិតទាំងអស់ អាចជ្រើសរើសមុខវិជ្ជាសិក្សាណាមួយក៏បាន ដែលខ្លួនពេញចិត្ត សម្រាប់ការដាក់ពាក្យស្នើសុំអាហារូបករណ៍របស់ CIMB។

អាហារូបករណ៍អាស៊ានរបស់ CIMB ផ្តល់ជំនួយឧបត្ថម្ភពេញលេញ 100% រួមមានថ្លៃសិក្សា សំបុត្រយន្តហោះ កន្លែងស្នាក់នៅ ដំណើរកម្សាន្តមកស្រុកកំណើត សេវាធានារ៉ាប់រង ព្រមទាំងថ្លៃចំណាយផ្សេងៗផងដែរ។ មិនតែប៉ុណ្ណោះ អត្ថប្រយោជន៍ដ៏សំខាន់សម្រាប់និស្សិត គឺឱកាសការងារជាបុគ្គលិកហាត់ការ និងពេញសិទ្ធិ ក្នុងចំណោមសាខារបស់ CIMB Group ទូទាំងតំបន់ ទាំងអំឡុងពេល និងក្រោយពេលបញ្ចប់ការសិក្សា។ ក្រៅពីនេះ និស្សិតអាហារូបករណ៍ ទទួលបានការយកចិត្តទុកដាក់ និងតម្រង់ទិសពីធនាគារ CIMB សម្រាប់ការសិក្សា និងការបណ្តុះបណ្តាល ដែលជាឱកាសភ្ជាប់ទំនាក់ទំនង ជាមួយបុគ្គលិក និងគណៈគ្រប់គ្រងជាន់ខ្ពស់ រួមទាំងការចូលរួមក្នុងកម្មវិធីតំបន់អាស៊ាននានា របស់ CIMB ទៀតផង។

ដើម្បីរួមចំណែកលើកកម្ពស់សមត្ថភាពយុវជនជំនាន់ក្រោយ ក្នុងតំបន់អាស៊ាន ធនាគារ CIMB ដែលជាផ្នែកមួយរបស់ស៊ីអាយអិមប៊ី គ្រុប បាននាំយក និងបន្តខិតខំផ្សព្វផ្សាយយ៉ាងសកម្ម ដល់សិស្សនិស្សិតកម្ពុជា អំពីអាហារូបករណ៍អាស៊ានរបស់ CIMB។ លោកស្រី អ៊ុំ ចិន្តាភក្តី ជានាយិកាធនធានមនុស្ស របស់ធនាគារ CIMB បានមានប្រសាសន៍ថា៖ «អាហារូបករណ៍របស់ CIMB នេះ គឺជាឱកាសមាស សម្រាប់សិស្សនិស្សិតខ្មែរ ដើម្បីចាប់យកឱកាសសិក្សានៅសាកលវិទ្យាល័យល្បីៗ និងឱកាសការងារនៅ CIMB។ ការអភិវឌ្ឍធនធានមនុស្សជំនាន់ក្រោយនេះ នឹងគាំទ្រដល់ការរីកចម្រើនរបស់ប្រទេសកម្ពុជា ក៏ដូចជាតំបន់អាស៊ានទាំងមូល ស្របតាមចក្ខុវិស័យរបស់ CIMB Group។ តាងនាមឱ្យ CIMB Group នៅកម្ពុជា ខ្ញុំសូមលើកទឹកចិត្តដល់សិស្សនិស្សិតខ្មែរទាំងអស់ ចូលរួមដាក់ពាក្យស្នើសុំអាហារូបករណ៍នេះ ហើយនេះគឺជាមោទនភាពរបស់ប្រទេសកម្ពុជា ដែលមាននិស្សិតខ្មែរយើងកន្លង បានប្រឡងជាប់កម្មវិធីអាហារូបករណ៍នេះ»។

កន្លងមក មាននិស្សិតខ្មែរឆ្នើមមួយរូបផងដែរ ក្នុងចំណោមនិស្សិតក្នុងបណ្តាប្រទេសតំបន់អាស៊ានដទៃទៀត ដែលទទួលបានអាហារូបករណ៍របស់ CIMB នេះ។ យុវត្តី ងួន ពញ្ញានាត ដែលកំពុងសិក្សានៅសាកលវិទ្យាល័យ McGill នៃប្រទេសកាណាដា បានឲ្យដឹងថា៖ «ឥឡូវនេះ ខ្ញុំពិតជាពេញចិត្តការសិក្សារបស់ខ្ញុំ នៅទីនេះ ជាមួយនឹងគុណភាពអប់រំស្តង់ដារពិភពលោក រួមទាំងបរិយាកាសថ្មីៗ ដែលខ្ញុំបានរៀនសូត្រពីនេះ ហើយខ្ញុំសូមអរគុណ ដល់ស៊ីអាយអិមប៊ី ដែលផ្តល់ឲ្យខ្ញុំទទួលបានអាហារូបករណ៍ដ៏មានតម្លៃនេះ។ មិនតែប៉ុណ្ណោះ គ្រូតម្រង់ទិសរបស់ CIMB បានផ្តល់មធ្យោបាយ និងជួយគាំទ្រដល់ខ្ញុំយ៉ាងពេញទំហឹង លើការសម្រេចចិត្ត ទាក់ទងនឹងការសិក្សា និងអាជីព។ ខ្ញុំជឿជាក់ថា មិត្តនិស្សិតខ្មែរទាំងអស់ ក៏អាចទទួលបានអាហារូបករណ៍របស់ CIMB ផងដែរ»។

គួរបញ្ជាក់ផងដែរថា អាហារូបករណ៍តំបន់អាស៊ានរបស់ស៊ីអាយអិមប៊ី ផ្តល់ជូនមុខវិជ្ជាសិក្សាដ៏ទូលំទូលាយ រួមមានពាណិជ្ជកម្ម/ការគ្រប់គ្រង គណនេយ្យ ធនាគារ និងហិរញ្ញវត្ថុ សេដ្ឋកិច្ច ការចៃ្នប្រឌិត និងភាពជាសហគ្រិន ការគ្រប់គ្រងហានិភ័យ វិទ្យាសាស្ត្រនយោបាយ ទំនាក់ទំនងអន្តរជាតិ វិទ្យាសាស្ត្រកុំព្យូទ័រ ព័ត៌មានវិទ្យា ប្រព័ន្ធផ្សព្វផ្សាយឌីជីថល គណិតវិទ្យា វិទ្យាសាស្ត្រពិត ការស្រាវជ្រាវប្រតិបត្តិការ ទំនាក់ទំនង ច្បាប់ វិស្វកម្ម និងមុខវិជ្ជាដទៃទៀត។

អាហារូបករណ៍អាស៊ានរបស់ CIMB ឆ្នាំ2018 បើកទទួលពាក្យពីថ្ងៃនេះ រហូតដល់ថ្ងៃទី05 ខែមីនា ឆ្នាំ2018។ សម្រាប់លក្ខខណ្ឌដាក់ពាក្យស្នើសុំ និងព័ត៌មានបន្ថែម សូមចូលទៅកាន់គេហទំព័រ www.cimb.com/aseanscholarship៕

February 21, 2018

រកឃើញក្រុមជើងឯកប្រចាំមណ្ឌលប៉ោយប៉ែតហើយ ក្រោយការប្រកួតដោយស្វិតស្វាញមួយថ្ងៃពេញ

ប៉ោយប៉ែត៖ ព្រឹត្តិការណ៍ប្រកួតបាល់ទាត់ Tiger Street Football Festival 2018 ប្រចាំក្រុងប៉ោយប៉ែត ដែលជាមណ្ឌលទី៥នោះ បានរកឃើញម្ចាស់ជើងឯកហើយ ដោយបានទៅលើក្រុម Family FC (A) ក្រោយយកឈ្នះលើក្រុម Poipet Empire FC (A) ក្នុងលទ្ធផល 6-3។

មុនឈានមកដល់វគ្គផ្ដាច់ព្រ័ត្រនេះ Family FC( A) បានយកឈ្នះលើក្រុម Samrong City ដោយលទ្ធផល 6-0។ ចំណែកឯក្រុម Poipet Empire បានយកឈ្នះលើក្រុម Family FC(B) ក្នុងលទ្ធផល 4-១។ ជាហេតុធ្វើឲ្យក្រុមចាញ់ទាំងពីរ គឺ Samrong City ត្រូវប្រកួតជាមួយក្រុម Family FC(B) ដើម្បីស្វែងរក លេខ៣ និង លេខ៤។ ជាលទ្ធផល ក្រុម Family FC(B) ដណ្តើមបានលេខ៣ ក្រោយឈ្នះ Samrong City ៤ ទល់និង ២។

សម្រាប់រង្វាន់ក្រុមជើងឯកប្រចាំមណ្ឌលក្រុងប៉ោយប៉ែត Family FC( A) ទទួលបានប្រាក់រង្វាន់ ១ ០០០ ដុល្លារ និងស្រាបៀរថៃហ្គ័រ ១០កេស។

ក្រុមជើងឯករង បានទៅលើក្រុម Poipet Empire FC (A) ប្រាក់រង្វាន់ ៧០០ដុល្លារ និងស្រាបៀរថៃហ្គ័រ ១០កេស។

ក្រុមចំណាត់ថ្នាក់លេខ៣ បានទៅលើក្រុម Family FC(B) ទទួលប្រាក់រង្វាន់ ៣៥០ដុល្លារ និងស្រាបៀរថៃហ្គ័រ ៥ កេស។

ក្រុមចំណាត់ថ្នាក់លេខ៤បានទៅលើ Samrong City ទទួលប្រាក់រង្វាន់ ១៥០ដុល្លារ និងស្រាបៀរថៃហ្គ័រ ៥កេស ផងដែរ។

ដោយឡែក សម្រាប់មណ្ឌលក្រុងប៉ោយប៉ែតដែលជាមណ្ឌលទី៥នេះ គណៈកម្មាធិការរៀបចំការប្រកួត យកតែ៣ក្រុមតែប៉ុណ្ណោះ ដើម្បីឲ្យទៅចូលរួមការប្រកួតវគ្គផ្តាច់ព្រ័ត្រទូទាំងប្រទេស នៅរាជធានីភ្នំពេញ ថ្ងៃទី១០ និងទី១១ មីនា ២០១៨ ខាងមុខនេះ។ តែអ្វីដែលគួឲ្យគត់សម្គាល់គឺការប្រកួតដ៏ស្វិតស្វាញរយៈពេលពេញ១ថ្ងៃនេះប្រកបដោយភាពរីករាយ និង Fair Play ព្រោះការប្រកួតរបស់ក្រុមទាំង៥០នៅមណ្ឌលនេះ មិនមានការពិន័យកាតលឿង ឬក្រហមពីអាជ្ញាកណ្តាលនោះទេ។

ចំពោះសកម្មភាពផ្សេងៗនៃព្រឹត្តិការណ៍ Tiger Street Football Festival ២០១៨ ប្រចាំមណ្ឌលប៉ោយប៉ែត សូមចូលទៅកាន់ទំព័រហ្វេសប៊ុកផ្លូវការរបស់ស្រាបៀរថៃហ្គ័រ៖ www.facebook.com/TigerBeerKH
#TSFF2018

សូមពិសាដោយការទទួលខុសត្រូវ

February 21, 2018

Category: PR