PR - La Reine Media

គូស្វាមី-ភរិយា ទាំង15គូ ទទួលបានរង្វាន់ដំណើរកម្សាន្ត ក្រេបច័ន្ទទឹកឃ្មុំនៅកោះសាមុយពីស្រាបៀរ អាន់ឆ័រ

ដូចទៅនឹងការរៀបចំ និងគ្រោងទុកនៃកម្មវិធីចាប់ឆ្នោតផ្ដល់រង្វាន់ដំណើរកម្សាន្តក្រេបច័ន្ទទឹកឃ្មុំនៅកោះសាមុយទៅដល់គូស្វាមី-ភរិយា ដែលជាវស្រាបៀរអាន់ឆ័រសម្រាប់ទទួលភ្ញៀវនៅក្នុងពិធីរៀបអាពាហ៍ពិពាហ៍ ឆ្នាំ2018 នោះ នៅរសៀលថ្ងៃទី06 ខែមីនា ឆ្នាំ2018 កន្លងទៅនេះ ក្រុមហ៊ុន ស្រាបៀរអាន់ឆ៍រ បានប្រកាសប្រគល់រង្វាន់ដល់ដៃគូស្វាមី-ភរិយាទាំង15គូរួចរាល់ហើយ ក្រោមការចូលរួមពីសំណាក់លោក Roland Bala នាយកគ្រប់គ្រងទូទៅក្រុមហ៊ុនផលិតស្រាបៀរកម្ពុជា (CBL) រួមជាមួយអ្នកសារព័ត៌មានមកពីស្ថាប័នជាច្រើនធ្វើជាសាក្សីផងដែរ ។

ថ្លែងនៅក្នុងពិធីប្រគល់រង្វាន់ លោក Roland Bala បានចូលរួមសម្ដែងនូវភាពរីករាយចំពោះគូស្វាមី-ភរិយា ដែលមានសំណាងបានឈ្នះរង្វាន់ដំណើរកម្សាន្តក្រេបច័ន្ទទឹកឃ្មុំនៅកោះសាមុយ ហើយក៏សូមថ្លែងអំណរគុណចំពោះការគាំទ្រ និងជឿទុកចិត្តមកលើស្រាបៀរ អាន់ឆ័រ ដែលមានរសជាតិឈ្ងុយឆ្ងាញ់លើសគេ មានគុណភាពខ្ពស់ស្របតាមស្ដងដារពិភពលោក។ ជាមួយគ្នានេះ លោកក៏បានផ្តាំផ្ញើទៅដល់អតិថិជនរបស់ខ្លួនទូទាំងប្រទេសផងដែរថា សូមបន្តគាំទ្រសា្របៀរអាន់ឆ័របន្តទៀត ហើយស្រាបៀរអាន់ឆ័រនៅតែបន្តផ្តល់នូវភាពរីករាយដល់លោកអ្នកជានិច្ច ។

សូមពិសារដោយការទទួលខុសត្រូវ ….

March 7, 2018

កម្មវិធី Anchor International Beach VolleyballCarnival 2018 ប្រកាសបើកជាផ្លូវការហើយ!

បន្ទាប់ពីបានរៀបចំយ៉ាងយកចិត្តទុកដាក់បំផុតពាក់ព័ន្ធនឹងកម្មវិធីប្រកួតកីឡាបាល់ទះលើឆ្នេរខ្សាច់រួចមក នៅរសៀលថ្ងៃទី27 ខែកុម្ភៈ ឆ្នាំ2018កន្លងទៅ នៅសណ្ឋាគារ កាំបូឌីយ៉ាណា ភ្នំពេញក្រុមហ៊ុនស្រាបៀរអាន់ឆ័រ បានរៀបចំសន្និសីទកាសែត ដើម្បីប្រកាសបើកកម្មវិធី Anchor International Beach Volleyball Carnival 2018 របស់ខ្លួនជាផ្លូវការ ដែលនឹងប្រារព្ធធ្វើឡើងនៅទីតាំងដំបូងគេ គឺខេត្តកំពង់ស្ពឺ ចាប់ពីថ្ងៃទី24 និង25 ខែមីនាខាងមុខនេះ ហើយនឹងបន្តប្រារព្ធធ្វើឡើងនៅតាមខេត្ត-ក្រុងធំៗចំនួន6ទៀត។

លោក Roland Bala នាយកគ្រប់គ្រងទូទៅនៃក្រុមហ៊ុនផលិតស្រាបៀរកម្ពុជា (CBL) មានប្រសាសន៍ថា ស្រាបៀរអាន់ឆ័រនឹងរៀបចំព្រឹត្តិការណ៍កីឡាបាល់ទះឆ្នេរខ្សាច់អន្តរជាតិដំបូងបង្អស់គឺ FIVB World Tour 2 Star ដោយសហការជាមួយនឹងស្ថាប័នល្បីល្បាញពីរ គឺសហព័ន្ធកីឡាបាល់ទះអន្តរជាតិ (FIVB) និងសហព័ន្ធកីឡាបាល់ទះកម្ពុជានៃក្រសួងអប់រំ យុវជន និងកីឡា។ កីឡាបាល់ទះលើឆ្នេរខ្សាច់បានចូលទៅក្នុងប្រភេទកីឡាអូឡាំពិកនៅឆ្នាំ 1996 ស្របពេលដែលស្រាបៀរអាន់ឆ័របានចូលទៅក្នុងទីផ្សារប្រទេសកម្ពុជា។ ឆ្នាំនេះ កម្មវិធី Anchor International Beach Volleyball Carnival 2018 របស់ស្រាបៀរអាន់ឆ័រ បានពង្រីកទៅកាន់ខេត្តក្រុងធំៗចំនួនប្រាំពីរ រួមមានខេត្តកំពង់ស្ពឺ ព្រះសីហនុ បន្ទាយមានជ័យ សៀមរាប បាត់ដំបង កំពង់ចាម និងរាជធានីភ្នំពេញ ប៉ុន្តែការប្រកួតកីឡាបាល់ទះលើឆ្នេរខ្សាច់នឹងប្រព្រឹត្តទៅនៅខេត្ត-ក្រុងចំនួនតែបួនប៉ុណ្ណោះ គឺព្រះសីហនុ សៀមរាប បាត់ដំបង និងរាជធានីភ្នំពេញ។ សូមពិសាស្រាបៀរ អាន់ឆ័រ ដោយការទទួលខុសត្រូវ៕

March 7, 2018

5បទរបស់លោក ខេមរៈ សេរីមន្ត បានអង្រួនដួងចិត្តបងប្អូននៅទីក្រុងតាខ្មៅ

កណ្តាល៖ រំលឹកពីការប្រគំតន្រី្តដែលរៀបចំដោយក្រុមហ៊ុនស្រាបៀរថៃហ្គ័រ បន្ទាប់ពីការប្រកួតបាលទាត់ដ៏ស្វិតស្វាញ និងជក់ចិត្ត នៃពានរង្វាន់ Tiger Street Football Festival 2018 ប្រចាំមណ្ឌលក្រុងតាខ្មៅ ខេត្តកណ្តាល។ ហើយការប្រគំតន្ត្រីនេះមានវត្តមានរបស់តារាចំរៀងល្បីៗដូចជា៖ កញ្ញា ចំរើន សុភ័ក្រ, លោក ថែ ថៃ, កញ្ញា ផន ស្រីខូច, កញ្ញា ពេជ្រ សោភា, និងលោក ខេមរៈសេរីមន្ត។

វត្តមានរបស់ Super Star ប្រចាំផលិតកម្មហង្សមាសទាំង 5រូបនៅលើឆាកបែបកុងធើន័រ បានធ្វើឲ្យបងប្អូនដែលរស់នៅខេត្តកណ្តាល មកចូលរួមទស្សនាយ៉ាងច្រើនកុះករ ពេញបរិវេណសួនច្បារច្រមុះជ្រូកមានទន្លេរក្រុងតាខ្មៅ។ លើសពីនេះទៅទៀត ចំពោះអ្នកដែលមកទស្សនាផ្ទាល់ទាំងអស់ក៏ទទួលបានកម្មវិធីលក់ជូនជាពិសេសសម្រាប់ការជាវស្រាបៀរ ថៃហ្គ័រ មកទទួលទានបន្តើរ និងទស្សនាបន្តើរនៃការប្រគំតន្ត្រី Tiger Street Football Festival 2018។

អ្វីដែលធ្វើឱ្យសំឡេងហូកញ្ជ្រៀវរបស់អ្នកគាំទ្របន្លឺឡើងកាន់តែខ្លាំងនោះគឺ វត្តមានរបស់លោក ខេមរៈ សេរីមន្ត ដែលជាតារាចម្រៀងកំពុងមានប្រជាប្រិយភាព។ លោកបានលើកយកចម្រៀងចំនួន 5បទ ដែល 2បទជាចម្រៀងបែបមនោសច្ចេតនា និង 3បទ បែបញ៉ាក់កន្ត្រាក់អារម្មណ៍ ហើយចម្រៀងទាំងនោះទៀតសោធ សុទ្ធសឹងជាបទចម្រៀងដែលកំពុទទួលបានការគាំទ្រយ៉ាងខ្លាំងពីបងប្អូន ដូចជាបទ៖ មានទ្រព្យ ចិត្តស្មោះ មិនប្រាកដមនុស្សស្រីស្រលាញ់យើងរហូតទេ, ទ្រាំៗទៅធ្វើម៉េចយើងស្រលាញ់គេ និងបទ ក្បាច់ពស់ ជាដើម។

សូមជម្រាប់ថា បន្ទាប់ពីមណ្ឌលក្រុងតាខ្មៅ ខេត្តកណ្តាល Tiger Street Football Festival 2018 នឹងឆ្ពោះទៅមណ្ឌលចុងក្រោយគឺ មណ្ឌលភ្នំពេញ នៅថ្ងៃទី09 ទី10 និងទី11 ខែមិនា ធ្វើនៅបរិវេណមុខសាលមហោស្រព កោះពេជ្រ។

ដូចច្នេះចង់ដឹងថាព្រឹត្តិការណ៍ Tiger Street Football Festival 2018 នៅមណ្ឌលភ្នំពេញ មានអ្វីរឹតតែអស្ចារ្យនោះសូមតាមដានទាំងអស់គ្នា៕

ចំពោះព័ត៌មានលម្អិតបន្ថែមអំពី Tiger Street Football Festival 2018 សូមចូលទៅកាន់ទំព័រហ្វេសប៊ុកផ្លូវការរបស់ស្រាបៀរថៃហ្គ័រ៖www.facebook.com/TigerBeerKH

#TSFF2018
សូមពិសាដោយការទទួលខុសត្រូវ

March 6, 2018

CVEA នឹងរៀបចំវេទិកាស្ដីអំពី «ការកាន់កាប់អចលនវត្ថុដោយស្រប់ច្បាប់នៅកម្ពុជា» នាថ្ងៃទី22 មីនា នៅ CKCC

ភ្នំពេញ៖ សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) នឹងរៀបចំវេទិកាស្ដីអំពី «ការកាន់កាប់អចលនវត្ថុដោយស្រប់ច្បាប់នៅកម្ពុជា» ដែលនឹងប្រព្រឹត្តទៅនៅថ្ងៃទី 22 ខែមីនា ឆ្នាំ 2018 ចាប់ពីម៉ោង 8:00 ដល់ម៉ោង 17:00 នៅមជ្ឍមណ្ឌលសហប្រតិបត្តិការកម្ពុជា-កូរ៉េ (CKCC)។

អ្នកចូលរួមក្នុងព្រឹត្តិការណ៍នេះ នឹងទទួលបានការសិក្សាស្វែងយល់អំពី នីតិវិធីនៃការផ្ទេរឈ្មោះអចលនទ្រព្យ ក្នុងប្លង់រឹង និងប្លង់ទន់, គុណសម្បត្តិ និងគុណវិបត្តិរបស់អចលនទ្រព្យក្នុងកម្រិតប្លង់រឹង និងប្លង់ទន់, នីតិវិធីក្នុងការគណនាពន្ធប្រថាប់ត្រា និងពន្ធអចលនវត្ថុប្រចាំឆ្នាំ រួមទាំងនីតិវិធីជាច្រើនទៀត ដែលពាក់ព័ន្ធនឹងអចលនវត្ថុ៕

March 6, 2018

មណ្ឌលខេត្តកណ្តាលរកឃើញជើងខ្លាំង៣ក្រុមឡើងទៅវគ្គផ្តាច់ព្រ័ត្រហើយ

កណ្តាល៖ ពិតជាស្វិតស្វាញមែនទែនសម្រាបការប្រកួតបាល់ទាត់ Tiger Street Football Festival 2018 ប្រចាំខេត្តកណ្តាល ដែលជាមណ្ឌលទី7 ទម្រាំរកឃើញក្រុមម្ចាស់ជើងឯក ដោយក្នុងវគ្គពាក់កណ្តាលផ្តាច់ព្រ័ត្រក្រុមទាំង 4សុទ្ធតែលេងបន្ថែមម៉ោងទាំងអស់។ ចំពោះក្រុម គោសមុទ្យ ដែលជាក្រុមជើងឯក ក្រោយពីយកឈ្នះលើក្រុម DM FC ក្នុងលទ្ធផល 3ទល់នឹង2 ។

មុនឈានមកដល់វគ្គផ្ដាច់ព្រ័ត្រនេះ ក្រុម គោសមុទ្រ បានយកឈ្នះលើក្រុម ហនុមានស្វាយរលំ ខណៈដែលក្រុមទាំង2 ត្រូវប្រកួតបន្ថែមម៉ោង 2ដង នៅសល់កីឡាករម្ខាង៣នាក់ ទើបរកឃើញក្រុមឈ្នះ ដោយលទ្ធផល 3 ទល់និង 2 ។

ចំណែកឯក្រុម DM FC បានយកឈ្នះលើក្រុម យុវជនថ្មី ដោយពិបាកបំផុតព្រោះក្រុមទាំង2នេះបានប្រកួតយ៉ាងស្វិតស្វាញ តតាំងគ្នា និងបន្ថែមម៉ោងដល់ទៅ៣ដល់ នៅសល់កីឡាករម្ខាងតែ2នាក់ប៉ុណ្ណោះ ទើបក្រុម DM FC អាចយកឈ្នះលើក្រុម យុវជនថ្មី ក្នុងលទ្ធផល 5 ទល់និង 4។ ដោយលទ្ធផលនេះ ជាហេតុធ្វើឲ្យក្រុមចាញ់ទាំងពីរ ហនុមានស្វាយរលុំ ត្រូវប្រកួតជាមួយក្រុម យុវជនថ្មី ដើម្បីស្វែងរក លេខ3 និង លេខ4។ ជាលទ្ធផល ក្រុម យុវជនថ្មី ដណ្តើមបានលេខ3 ក្រោយឈ្នះ ក្រុម ហនុមានស្វាយរលំ 7ទល់និង 3 ។

សម្រាបក្រុមជើងឯកប្រចាំមណ្ឌលខេត្តកណ្តាល ក្រុម គោសមុទ្រ ទទួលបានរង្វាន់ 10000ដុល្លារ និងស្រាបៀរថៃហ្គ័រ 10កេស ក្រុមជើងឯករង បានទៅលើក្រុម DM FC ទទួកបានរង្វាន់ 700ដុល្លារ និងស្រាបៀរថៃហ្គ័រ 10កេស ក្រុមចំណាត់ថ្នាក់លេខ3 បានទៅលើក្រុម យុវជនថ្មី ប្រាក់រង្វាន់ 350ដុល្លារ និងស្រាបៀរថៃហ្គ័រ 5កេស និងក្រុមចំណាត់ថ្នាក់លេខ4បានទៅលើ ហនុមានស្វាយរលុំ ប្រាក់រង្វាន់ 100ដុល្លារ និងស្រាបៀរថៃហ្គ័រ 5កេស។

ដោយឡែក សម្រាប់ខេត្តកណ្តាល ដែលជាមណ្ឌលទី7នេះ គណៈកម្មាធិការរៀបចំការប្រកួត យកតែ3ក្រុមតែប៉ណ្ណោះ ដើម្បីឲ្យទៅចូលរួមការប្រកួតវគ្គផ្តាច់ព្រ័ត្រទូទាំងប្រទេស នៅរាជធានីភ្នំពេញ ថ្ងៃទី10 និងទី11 មីនា 2018 ខាងមុខនេះ។

ចំពោះព័ត៌មានលម្អិតបន្ថែមអំពី Tiger Street Football Festival 2018 សូមចូលទៅកាន់ទំព័រហ្វេសប៊ុកផ្លូវការរបស់ស្រាបៀរថៃហ្គ័រ៖www.facebook.com/TigerBeerKH

#TSFF2018

សូមពិសាដោយការទទួលខុសត្រូវ

March 6, 2018

HEINEKEN នាំយកកីឡាករបាល់ទាត់អន្តរជាតិល្បីល្បាញឈ្មោះ RUUD VAN NISTELROOY និងពានរង្វាន់ក្របខ័ណ្ឌ UEFA CHAMPIONS LEAGUE មកកាន់កម្ពុជា

រាជធានីភ្នំពេញ៖ កម្មវិធីដំណើរទេសចរណ៍ពានរង្វាន់ក្របខ័ណ្ឌ UEFA Champions League ដែលនាំជូនដោយស្រាបៀរ Heineken® នឹងនាំយកកីឡាករជើងចាស់លោក Ruud van Nistelrooy ខ្សែប្រយុទ្ធរបស់ក្លិប Manchester United និងក្លិប Real Madrid មកកាន់ប្រទេសកម្ពុជា។

កម្មវិធីដំណើរទេសចរណ៍នេះផ្តល់ឱ្យអ្នកគាំទ្រកីឡាបាល់ទាត់នៅជុំវិញពិភពលោកមានឱកាសកាន់តែស្និទ្ធស្នាលជាមួយវីរបុរសជើងឯក និងពានរង្វាន់ក្របខ័ណ្ឌ UEFA Champions League ។ ក្នុងប្រវត្តិសាស្ត្រដប់មួយឆ្នាំរបស់ខ្លួនកម្មកម្មវិធីដំណើរទេសចរណ៍នេះបានទៅដល់ ២៦ ប្រទេសនៅទូទាំងទ្វីបអាហ្វ្រិក អាស៊ី និងអាមេរិកខាងត្បូងហើយខាងជើង និងដំណើរទេសចរណ៍នៅឆ្នាំនេះក្រោមប្រធានបទ “ចែករំលែកភាពរំភើបរីករាយ ចែករំលែកពានរង្វាន់” នឹងមកដល់ប្រទេសកម្ពុជាចាប់ពីថ្ងៃទី ២ ដល់ថ្ងៃទី ៤ ខែមេសា ឆ្នាំ ២០១៨ ខាងមុខនេះ។

ស្រាបៀរ Heineken® ជឿជាក់ថា គ្រប់ការប្រកួតបាល់ទាត់ក្របខ័ណ្ឌ UEFA Champions League ផ្តល់ភាពរំភើបរីករាយ និងអារម្មណ៍រំជើបរំជួល។ ការប្រកួតនីមួយៗគឺដូចជាកម្មវិធីដែលមិនអាចទាយទុកជាមុនបាន និងប្រកួតផ្ទាល់ដោយកីឡាករឆ្នើមបំផុតនៅលើពិភពលោក។ កម្មវិធីដំណើរទេសចរណ៍ពានរង្វាន់ក្របខ័ណ្ឌ UEFA Champions League ឆ្នាំ ២០១៨ ដែលនាំជូនដោយស្រាបៀរ Heineken® អនុញ្ញាតឱ្យអ្នកគាំទ្រនៅជុំវិញពិភពលោកមានឱកាសចូលរួមផ្ទាល់ក្នុងការទស្សនាការប្រកួតដ៏រំភើបតាមរយៈយុទ្ធនាការ ក្រោមប្រធានបទ “ចែករំលែកភាពរំភើបរីករាយ ចែករំលែកពានរង្វាន់” របស់ស្រាបៀរ Heineken®។

ជាផ្នែកមួយនៃយុទ្ធនាការទូទាំងពិភពលោក កម្មវិធីដំណើរទេសចរណ៍ពានរង្វាន់ក្របខ័ណ្ឌ UEFA Champions League ឆ្នាំ ២០១៨ ដែលនាំជូនដោយស្រាបៀរ Heineken®នឹងធ្វើឡើងនៅប្រទេសកម្ពុជាចាប់ពីថ្ងៃទី ២ ដល់ថ្ងៃទី ៤ ខែមេសា ឆ្នាំ ២០១៨ ។ សម្រាប់រយៈពេលបីថ្ងៃ ក្រុមអ្នកគាំទ្រមានឱកាសដ៏កម្រក្នុងការថតរូបជាមួយនឹងពានរង្វាន់ដ៏ល្បីល្បាញនេះ ជួបផ្ទាល់ជាមួយ Ruud van Nistelrooy និងទទួលបទពិសោធន៍ដ៏រំភើបនៃដំណើរទស្សនកិច្ចនេះ។

លោក Ruud van Nistelrooy ត្រូវបានចាត់ទុកថាជាកីឡាករដ៏ឆ្នើមបំផុតម្នាក់ក្នុងជំនាន់របស់គាត់ដោយស៊ុតបញ្ចូលទីបាន ១៥០ គ្រាប់ក្នុង ២១៩ ប្រកួតសម្រាប់ក្រុម Manchester United និងជាកីឡាករស៊ុតបញ្ចូលទីច្រើនជាងគេក្នុងកំណត់ត្រាបាល់ទាត់អឺរ៉ុបរបស់ក្លិប និងជាកីឡាករស៊ុតបាល់បញ្ចូលទីច្រើនជាងគេបីសម័យកាលក្នុងក្របខ័ណ្ឌ UEFA Champions League ។ លោក Ruud van Nistelrooy មានទំនាក់ទំនងជាប្រវត្តិសាស្ត្រជាមួយនឹងក្របខ័ណ្ឌ UEFA Champions League និងដើរតួយ៉ាងសំខាន់ក្នុងការបង្ហាញនូវមហិច្ឆិតាចំពោះការប្រកួតនេះ។

លោក Roland Bala នាយកគ្រប់គ្រងនៃក្រុមហ៊ុនស្រាបៀរ Heineken ប្រចាំប្រទេសកម្ពុជា បានសម្តែងនូវភាពរីករាយយ៉ាងខ្លាំងចំពោះដំណើរទស្សនកិច្ចនៅកម្ពុជា៖ “ស្រាបៀរ Heineken®មានកិត្តិយសយ៉ាងក្រៃលែងក្នុងការនាំកម្មវិធីដំណើរទេសចរណ៍ពានរង្វាន់ក្របខ័ណ្ឌ UEFA Champions League មកកាន់ប្រទេសកម្ពុជា។ យើងបានប្រកួតប្រជែងជាមួយបណ្តាប្រទេសជាង ១៩២ សម្រាប់ឱកាសនេះ ហើយទីបំផុតបានបញ្ចុះបញ្ចូលអ្នករាល់គ្នាក្នុងការធ្វើឱ្យកម្ពុជាជាអាទិភាពចម្បងដោយសារតែការគាំទ្រយ៉ាងច្រើនចំពោះកីឡាបាល់ទាត់អន្តរជាតិ។ ដោយសារតែកម្មវិធីដំណើរទេសចរណ៍ពានរង្វាន់នេះមិនដែលធ្លាប់ធ្វើឡើងនៅទីនេះ ស្រាបៀរ Heineken® បានយល់ព្រមផ្តល់ការគាំទ្រយ៉ាងពេញទំហឹងដល់អ្នកគាំទ្របាល់ទាត់កម្ពុជា និងកីឡាករដែលមានទេពកោសល្យ។ នេះគឺជាបទពិសោធន៍វិសេសវិសាលមួយសម្រាប់អ្នកគាំទ្រកម្ពុជាចំពោះក្របខ័ណ្ឌ UEFA Champions League ដើម្បីបានឃើញផ្ទាល់នូវពានរង្វាន់ដ៏ល្បីល្បាញនេះ និងជួបផ្ទាល់ជាមួយ Ruud van Nistelrooy។ គោលបំណងរបស់យើងគឺធ្វើឲ្យអ្នកគាំទ្រដែលមិនមានឱកាសអាចទទួលបាននូវបទពិសោធន៍រំភើបរីករាយ និងអារម្មណ៍រំជើបរំជួលចំពោះការប្រកួតក្របខ័ណ្ឌ UEFA Champions League ។ យើងក៏ចង់លើកស្ទួយវិស័យកីឡាបាល់ទាត់របស់កម្ពុជានៅលើឆាកអន្តរជាតិ។

ឆ្នាំនេះ កម្មវិធីដំណើរទេសចរណ៍ពានរង្វាន់ក្របខ័ណ្ឌ UEFA Champions League ដែលនាំជូនដោយស្រាបៀរ Heineken®នឹងធ្វើឡើងនៅប្រទេសម៉ិកស៊ិក កូតឌីវ័រ ប៉ារ៉ាហ្គាយ កម្ពុជា ម៉ាឡេស៊ី និងអេត្យូពី។

ព័ត៌មានបន្ថែមអំពីកម្មវិធីដំណើរទេសចរណ៍ពានរង្វាន់ក្របខ័ណ្ឌយូហ្វាឆែមពានលីកនៅក្នុងប្រទេសកម្ពុជានិងឱកាសសម្រាប់អ្នកគាំទ្រចូលរួមក្នុងសកម្មភាពផ្សេងៗនឹងធ្វើការចេញផ្សាយក្នុងពេលឆាប់ៗនេះ។ ចំពោះព័ត៌មានលម្អិត សូមចូលមើលគេហទំព័រ www.facebook.com/Heineken

សូមរីករាយទទួលទានស្រាបៀរ Heineken ដោយទទួលខុសត្រូវ

March 5, 2018

Tiger Street Football Festival 2018 មណ្ឌលខេត្តកណ្តាលពិតស្វិតស្វាញមិនចាញ់មណ្ឌលដទៃទេ

ក្រុងតាខ្មៅ៖ ក្រោយពិធីបើកការប្រកួតបាល់ទាត់ Tiger Street Football Festival 2018 វគ្គជម្រុះមណ្ឌលទី7 នៅបរិវេណសួនច្បារច្រមុះមាត់ទន្លេ ក្រុងតាខ្មៅ ខេត្តកណ្តាល ដែលមាន32ក្រុមចូលរួមប្រកួតនោះ គឺពិតជាជក់ចិត្ត និងស្វិតស្វាញ មិនចាញ់មណ្ឌលដទៃនោះទេ បើទោះបីជានេះជាបទពិសោធន៍ដំបូងសម្រាប់អ្នកក្រុងតាខ្មៅក៏ដោយ។

យ៉ាងណាមិញ ក្រុមនីមួយៗសុទ្ធតែមានបំណងចង់ដណ្តើមយកជ័យជំនះ ដើម្បីទទួលបានរង្វាន់យ៉ាងច្រើនពីក្រុមហ៊ុនស្រាបៀរថៃហ្គ័រ ដោយជើងឯកប្រចាំមណ្ឌលខេត្តកណ្តាល នេះទទួលបាន 1000$ និងស្រាបៀរថៃហ្គ័រ 10កេស, លេខ2ទទួលបាន 500$ និងស្រាបៀរថៃហ្គ័រ 10កេស, និងលេខ3 បាន300$ និងស្រាបៀរថៃហ្គ័រ 5កេស, និង លេខ4 ទទួលបាន150$ និងស្រាបៀរថៃហ្គ័រ 5កេសផងដែរ។

ទន្ទឹមនឹងនេះផងដែរក្រុមទាំងអស់សុទ្ធតែចង់ក្លាយជាម្ចាស់ជើងឯកប្រចាំតំបន់របស់ខ្លួន ដើម្បីអាចទទួលបានសិទ្ធិទៅចូលរួមប្រកួតនៅវគ្គផ្តាច់ព្រ័ត្របន្តទៀតនៅរាជធានីភ្នំពេញនាថ្ងៃទី10 និងទី11 មីនា 2018 ខាងមុខនេះ និងជាពិសេសមានឱកាសជួបផ្ទាល់ជាមួយកំពូលតារាបាល់ទាត់អន្តរជាតិ Ryan Giggs ខណៈដែលមណ្ឌលថ្មីមួយនេះជ្រើសយកជើងខ្លាំងតែ៣ក្រុមប៉ុណ្ណោះ។

សូមបញ្ជាក់ថា សម្រាប់ក្រុងតាខ្មៅ ខេត្តកណ្តាលនេះ គឹជាលើកដំបូងដែលក្រុមការងារ Tiger Street Football Festival 2018 បានមករៀបចំការប្រកួត ដើម្បីចូលរួមចំណែកក្នុងការលើកកម្ពស់សកម្មភាពកីឡា ក៏ដូចជាវេទិកាមួយសម្រាប់កីឡាករបាល់ទាត់ និងអ្នកស្នេហាវិស័យកីឡាបាល់ទាត់ បានបង្ហាញនូវទេពកោសល្យ ផ្លាស់ប្តូរបទពិសោធន៍ និងរៀនពីទម្រង់ថ្មីៗនៃការប្រកួត។

ដូចច្នេះសូមតាមដានទាំងអស់គ្នាបន្តទៀត ថាតើក្រុមណាខ្លះអាចបំបែកកញ្ចប់ថវិកាដ៏ច្រើនសន្ធឹក សន្ធាប់របស់ក្រុមហ៊ុនស្រាបៀរថៃហ្គ័រ និងទទួលបានកៅអីទៅវគ្គផ្តាច់ព្រ័ត្រនៅភ្នំពេញ។

ចំពោះព័ត៌មានលម្អិតបន្ថែមអំពី Tiger Street Football Festival 2018 សូមចូលទៅកាន់ទំព័រហ្វេសប៊ុកផ្លូវការរបស់ស្រាបៀរថៃហ្គ័រ៖www.facebook.com/TigerBeerKH

#TSFF2018

សូមពិសាដោយការទទួលខុសត្រូវ

March 5, 2018

វគ្គជម្រុះ Tiger Street Football Festival 2018 ប្រចាំមណ្ឌលខេត្តកណ្តាលបានបើកជាផ្លូវការហើយ

កណ្តាល៖ ការប្រកួតជម្រុះមណ្ឌលទី៧ នៃពានរង្វាន់ Tiger Street Football Festival 2018 បានបើកជាផ្លូវការហើយនាព្រឹកថ្ងៃទី04 ខែមីនា ឆ្នាំ2018 នេះ នៅបរិវេណមាត់ទន្លេក្រុងតាខ្មៅ ខេត្តកណ្តាល ដោយមានការចូលរួមពីក្រុមចំនួន32ក្រុម។ ហើយចំពោះក្រុមដែលចូលរួមក្នុងពិធីបើកក៏ទទួលបានវត្ថុអនុស្សាវរីយ៍ពីក្រុមហ៊ុនស្រាបៀរថៃហ្គ័រផងដែរ។

ថ្លែងក្នុងពីធីបើកកាលពីព្រឹកមិញ លោក ទុយ វិច្ឆិកា តំណាងឱ្យសហព័ន្ធកីឡាបាល់ទាត់កម្ពុជា និងជាប្រគណៈកម្មាធិការបច្ចេកទេស បានលើកឡើងថា នេះគឺជាលើកទី6ហើយដែលក្រុមហ៊ុនស្រាបៀថៃហ្គ័របានរៀបចំកម្មវិធីដ៏អស្ចារ្យក្នុងការផ្តល់ឱកាសដល់ប្អូនៗយុវជនដែលស្រលាញ់កីឡាបាល់បានបញ្ចេញសមត្ថភាព ប្រកួតប្រជែងដណ្តើមពាន់រង្វាន់។ ហើយជាធម្មតាការប្រកួតតែងតែចង់ទទួលបានជ័យជំនះ ប៉ុន្តែយ៉ាងណាក៏ដោយ សហព័ន្ធកីឡាបាល់ទាត់ និងក្រុមហ៊ុនស្រាបៀរថៃហ្គ័រ តែងតែសង្កត់ធ្ងន់លើកការគោរពវិន័យ និងសូមឱ្យបងប្អូនកីឡាករទាំងអស់ប្រកាន់ខ្ជាប់នូវស្មារតីកីឡា លេងដោយ Fair Play គោរពពេលវេលា គោរពអាជ្ញាកណ្តាល និងអ្នករៀបចំកម្មវិធី។

នៅក្នុងនោះដែរលោក Wong kwok San នាយកផ្នែកលក់នៃក្រុមហ៊ុនស្រាបៀរថៃហ្គ័រ បានលើកឡើងក្នុងពិធីបើកនោះថា Tiger Street Football Festival 2018 បានវិលត្រឡប់មកវិញហើយ មិនតែប៉ុណ្ណោះព្រឹត្តិការណ៍កាន់តែធំជាងមុន និងមានមណ្ឌលប្រកួតរហូតដល់ 8មណ្ឌល ក្រុមចូលរួមប្រកួតដល់ទៅជាង 500ក្រុម កីឡាករសរុបជាង 3500នាក់ និងជាពិសេសមានរង្វាន់ដ៏ច្រើនសរុប 50000$។ មិនតែប៉ុណ្ណោះក្រុមដែលប្រជែងបានកៅអីទៅចូលរួមប្រកួតវគ្គផ្តាច់ព្រ័ត្រនៅរាជធានីភ្នំពេញ និងមានឱកាសជួបផ្ទាល់ជាមួយកំពូលតារាបាល់ទាត់អន្តរជាតិ Ryan Giggs នៅថ្ងៃប្រកួតផ្តាច់ព្រ័ត្រនៅរាជធានីភ្នំពេញ។

សូមបញ្ជាក់ថា សម្រាប់ការប្រកួតនៅមណ្ឌលទី7នេះ ធ្វើរយៈពេលតែ១ថ្ងៃប៉ុណ្ណោះ គឺថ្ងៃទី 04 ខែមីនា ដើម្បីស្វែងរកក្រុមជើងចំនួន៣ក្រុម ឈានទៅប្រកួតវគ្គផ្តាច់ព្រ័តទូទាំងប្រទេសនៅរាជធានីភ្នំពេញ ថ្ងៃទី10 និងទី11 មីនា 2018 ខាងមុខនេះ។

ចំពោះព័ត៌មានលម្អិតបន្ថែមអំពី Tiger Street Football Festival 2018 សូមចូលទៅកាន់ទំព័រហ្វេសប៊ុកផ្លូវការរបស់ស្រាបៀរថៃហ្គ័រ៖www.facebook.com/TigerBeerKH

#TSFF2018
សូមពិសាដោយការទទួលខុសត្រូវ

March 5, 2018

ក្រុមហ៊ុនធានារ៉ាប់រងចិន ហ្គ្រេនឆាយណាឡាយហ្វ៍ បោះទុន 15លានដុល្លារឈរជើងនៅកម្ពុជា

ក្រុមហ៊ុនធានារ៉ាប់រងថ្មីមួយរបស់ប្រទេសចិន ហ្គ្រេនឆាយណាឡាយហ្វ៍ អ៊ិនសួរេន ម.ក (Grand China Life Insurance PLC) បានសម្រេចបើកដំណើរការជាផ្លូវការហើយក្នុងប្រទេសកម្ពុជា នៅពីថ្ងៃទី 03 ខែមីនា ឆ្នាំ 2018 ក្រោមការបោះទុនរួមគ្នារវាង ចិន ម៉ាកាវ និងចិនដីគោក។

ការបើកសម្ពោធនេះ ធ្វើឡើងក្រោយក្រសួង សេដ្ឋកិច្ច និងហិរញ្ញវត្ថុបានអនុម័តឱ្យក្រុមហ៊ុនមួយនេះ បើកដំណើរការកាលពីថ្ងៃទី 18 ខែកញ្ញា ឆ្នាំ 2017 ក្រោមទំហំដើមទុនចុះបញ្ជីចំនួន 15លានដុល្លារ។ លោក Lao Chio seng ប្រធានក្រុមប្រឹក្សាភិបាលនៃក្រុមហ៊ុន ហ្គ្រេនឆាយណាឡាយហ្វ៍អ៊ិនសួរេន ម.ក បានថ្លែងឲ្យដឹងថា៖ ក្នុងនាមជាក្រុមហ៊ុនធានារ៉ាប់រងមួយ យើងខ្ញុំគាំទ្រយ៉ាងមុតមាំទៅលើសកម្មភាពសប្បុរស អំពើល្អ និងការបម្រើសេវាកម្មដ៏ល្អជូនមហាជនគឺជាការជម្រើសទី 1 របស់ក្រុមហ៊ុន។ ទស្សនៈវិស័យរបស់ក្រុមហ៊ុនយើងខ្ញុំគឺ ភាពរឹងមាំ ឯកទេស ភាពច្នៃប្រឌិត ការរួមបញ្ចូលគ្នា ការទទួលផលនិងភាពជោគជ័យរួមគ្នា និងការបម្រើសេវាកម្មជូនសង្គម ។ ចំពោះហេដ្ឋារចនាសម្ព័ន្ធក្រុមហ៊ុនបាននាំមកនូវ ភាពថ្មី ភាពល្អឥតខ្ចោះ សេវាកម្មពិសេស និងវប្បធម៌យូរអង្វែងនាពេលអនាគត ព្រមទាំងមានភាពប្រកួតប្រជែងខ្លាំង និងបង្កើនសមត្ថភាពក្រុមហ៊ុនធានារ៉ាប់រង។

ក្នុងការថ្លែងសន្ទកថានោះដែល លោកបានបន្តទៀតថា ក្រុមហ៊ុនបាននាំយកនូវបទពិសោធន៍នៃភាពជោគជ័យក្នុងវិស័យធានារ៉ាប់រង ដូចជា អ្នកជំនាញផ្នែកធានារ៉ាប់រងជាន់ខ្ពស់លំដាប់អន្តរជាតិ គំនិងច្នៃប្រឌិតផលិតផលនិងសេវាកម្ម អ្នកឯកទេសផ្នែកគ្រប់គ្រង និងអ្នកជំនាញជាន់ខ្ពស់ ។ ដោយ ឈរលើស្មារតីស្មោះត្រង់ និងឯកទេស យើងនឹងផ្ដល់នូវសេវាកម្មធានារ៉ាប់រងយ៉ាងល្អឥតខ្ចោះ ជូនប្រជាជន កម្ពុជាទាំងមូល ហើយខិតខំធ្វើឱ្យមិត្តភាពខ្មែរ និងចិនកាន់ល្អឡើង ហើយខំប្រឹងជំរុញអាជីវកម្មធានារ៉ាប់រង និងលើកស្ទួយការអភិវឌ្ឍន៍សេដ្ឋកិច្ចរបស់ប្រទេសកម្ពុជាឲ្យកាន់តែមានភាពរីកចម្រើន ។

លោក ប៊ូ ច័ន្ទភីរូ អគ្គនាយកនៃអគ្គនាយកដ្ឋានឧស្សាហ៍កម្មហិរញ្ញវត្ថុ បានថ្លែងថា រាជរដ្ឋាភិបាលកម្ពុជា បានធ្វើកំណែទម្រង់ជាច្រើនឆ្នាំមកហើយ និងបន្តនាំយកវិស័យធានារ៉ាប់រងទៅកាន់កំរិតខ្ពស់មួយដែលជាផ្នែកមួយដែលមានភាពរស់រវើកនៅក្នុងកំណើនសេដ្ឋកិច្ច និងជួយដល់ការអភិវឌ្ឍន៏ប្រទេស ។ ឧស្សហកម្មធានារ៉ាប់រងនៅកម្ពុជា មានការលូតលាស់យ៉ាងខ្លាំងនៅក្នុងរយៈពេលប៉ុន្មានឆ្នាំចុងក្រោយនេះ ចំនួនបុព្វលាភពីឆ្នាំ 2011 មកដល់ឆ្នាំ 2017 មានការកើនឡើងជាមធ្យមចំនួន 32% ទន្ទឹងនិងនេះចំនួននយោជិកមានច្រើនជាង 6 ពាន់ នាក់ និងនាំឲ្យពន្ធប្រចាំឆ្នាំមានចំនួនប្រហាក់ប្រហែល 8% ។ លោកបានបន្តទៀតថា៖ លោកនឹងទន្ទឹងរងចាំការចូលមកដល់នៃក្រុមហ៊ុនហ្គ្រេនឆាយណាឡាយហ្វ៍ អ៊ិនសួរេន ជាមួយនឹងបទពិសោធន៍ភាពជោគជ័យ ដែលអាចជួយដល់ការអភិវឌ្ឍន៍ និងការលើកកំពស់នៃវិស័យឧស្សាហកម្មធានារ៉ាប់រងនៅកម្ពុជាអោយកាន់តែល្អប្រសើរ ។

ឯកឧត្តមទេសរដ្ឋមន្ដ្រី លី ធុជ ទទួលបន្ទុកបេសសកម្មពិសេស អនុប្រធានទី 2 អាជ្ញាធរមីន និងជាអគ្គលេខា ធិការ អាជ្ញាធរកម្ពុជាគ្រប់គ្រងសកម្មភាពកំចាត់មីន និងសង្គ្រោះជនពិការដោយសារមីន បានថ្លែងថា ៖ ទំនាក់ទំនងរវាងព្រះរាជាណាចក្រកម្ពុជា និងសាធារណរដ្ឋប្រជាមានិត ចិន ដែលបានកសាងឡើងដោយព្រះបាទមហាវីរៈក្សត្រ ព្រះបរមរតនាកោដ្ឋ ព្រះបាទនរោត្ដមសីហនុ មិនចេះប្រែប្រួល និងមិនអាចប្រែប្រួលដើម្បីក្លាយជាដៃគូយុទ្ធសាស្ដ្រយ៉ាងទូលំទូលាយក្រោមចក្ចុវិស័យ និងការដឹកនាំរបស់សម្ដេចតេជោ ហ៊ុនសែន ជានាយករដ្ឋមន្ដ្រីនៃព្រះរាជាណាចក្រកម្ពុជា ក្នុងរយៈពេល30 ឆ្នាំនេះកំនើនសេដ្ឋកិច្ចកើនដល់ 7.7% ។

លោកបានបន្តថា ៖ ក្រុមហ៊ុន ហ្គ្រេនឆាយណាឡាយហ្វ៍អ៊ីនសួរេន គឺជាក្រុមហ៊ុនមួយដ៏គួរអោយទុកចិត្តបំផុត ដែលបានបង្កើតរវាងចិនម៉ាកាវ និងចិនដីគោក ព្រមទាំងក្រុមបចេ្ចកវិទ្យា និងអ្នកជំនាញមកពីវិស័យធានារ៉ាប់រងពីប្រទេសចិន ដែលបានវិនិយោគខ្នាតធំ ចំនួន 15 លានដុល្លាសហរដ្ឋអាមេរិច រួមផ្សំនឹងប្រតិបត្តិការដ៏មានស្ថេនភាព និងធនធានមនុស្ស ខ្ញុំជឿជាក់ថាក្រុមហ៊ុននេះនិងនាំយកនូវបទពិសោធន៍ជោគជ័យនៃវិស័យនេះមកកាន់កម្ពុជា និងជួយលើកកំពស់ការអភិវឌ្ឍន៏លើវិស័យធានារ៉ាប់រងអាយុជីវិតរបស់ប្រទេសកម្ពុជា៕

March 5, 2018

Tiger Street Football Festival 2018 នៅមណ្ឌលខេត្តកណ្តាលមាន 32ក្រុមចូលរួមប្រកួត

កណ្តាល៖ ខេត្តកណ្តាលជាគឺជាមណ្ឌលទី7 បន្ទាប់ពីមណ្ឌលកំពង់ចាម ដែលស្រាបៀរថៃហ្គ័រ បានរៀបចំការប្រកួត Tiger Street Football Festival 2018 ដ៏អស្ចារ្យ និងធំជាងគេនៅក្នុងប្រទេសកម្ពុជា ដែលផ្តល់ប្រាក់រង្វាន់សរុបទូទាំងប្រទេសកាន់តែធំអស្ចារ្យរហូតដល់ 50000ដុល្លារ។

មណ្ឌលខេត្តកណ្តាលនេះមាន32 ក្រុមចូលរួមក្នុងការប្រកួតវគ្គជម្រុះ នៅថ្ងៃទី04 ខែមីនា ដើម្បីជ្រើសយកក្រុមជើងខ្លាំងទៅវគ្គផ្តាច់ព្រ័ត្រនៅរាជធានីភ្នំពេញ។

ក្នុងពិធីសន្និសីទសារព័ត៌មានកាលពីរសៀលថ្ងៃទី03 ខែមីនា អ្នកស្រី ថោង បវរលក្ខិណា នាយកម៉ាកផលិតផលស្រាបៀរថៃហ្គ័រ បានមានប្រសាសន៍ថា ព្រឹត្តិការណ៍ប្រកួតបាល់ទាត់ Tiger Street Football Festival ប្រចាំឆ្នាំ 2018 រដូវកាលទី6 បានត្រឡប់មកវិញទៀតហើយ និងកាន់តែជាព្រឹត្តិការណ៍ដ៏ធំអស្ចារ្យ ក្រុមចូលរួមប្រកួតកាន់តែច្រើន និងមានប្រាក់រង្វាន់សរុបរហូតដល់ 50000ដុល្លារ។ Tiger Street Football Festival ឆ្នាំ2018 នេះ មណ្ឌលប្រកួតកើនឡើងរហូតដល់ប្រាំបីខេត្តក្រុងទូទាំងប្រទេស។

បន្ថែមពីលើនេះ លោក ប៉ិច នី នាយកគ្រប់គ្រងសកម្មភាពពាណិជ្ជកម្ម បានមានប្រសាសន៍ថា ព្រឹត្តិការណ៍ប្រកួតបាល់ទាត់ Tiger Street Football Festival រួមមានសកម្មភាពសប្បាយរីករាយជាច្រើនទាំងការប្រកួតបាល់ទាត់ ស្តង់លេងហ្គេមកម្សាន្ត ស្តង់សម្រាប់អ្នកគាំទ្រមានជាបដាសម្រាប់សរសេរគាំទ្រក្រុមរបស់ខ្លួន និងមានការគូរមុខគួរឲ្យទាក់ទាញ មានកន្លែងលក់វត្ថុអនុស្សាវរីយ៍ជាសម្ភារៈកីឡា កន្លែងថតរូបអនុស្សាវរីយ៍ និងកម្មវិធីប្រូម៉ូសិនពិសេសសម្រាប់ការជាវស្រាបៀរថៃហ្គ័រក្នុងឱកាសនោះ។

សូមបញ្ជាក់ថា នេះជាលើកដំបូងសម្រាប់កីឡាករប្រចាំខេត្តកណ្តាលប្រកួតប្រជែងដណ្តើមពានរង្វាន់នៃក្របខ័ណ្ឌ Tiger Street Football Festival 2018 ដែលនឹងបើកការប្រកួតជាផ្លូវការនាព្រឹកថ្ងៃទី 04 ខែមីនា ឆ្នាំ 2018 ដោយមាន 32 ក្រុមចូលរួម។

ចង់ដឹងថា តើក្រុមណាជាម្ចាស់ជើងឯកប្រចាំតំបន់នេះ សូមតាមដានបន្តទៀត។

ចំពោះព័ត៌មានលម្អិតបន្ថែមអំពី Tiger Street Football Festival 2018 សូមចូលទៅកាន់ទំព័រហ្វេសប៊ុកផ្លូវការរបស់ស្រាបៀរថៃហ្គ័រ៖ www.facebook.com/TigerBeerKH
#TSFF2018

សូមពិសាដោយការទទួលខុសត្រូវ

March 4, 2018

Category: PR