PR - La Reine Media

OPPO F7 នៅតែរក្សា តំណែងជា «អ្នកឯកទេសស៊ែលហ្វីឈានមុនគេ» ដែលមានកាមេរ៉ាមុខរហូតដល់ 25MP!!

ខណៈពេលដែលការថតរូបស៊ែលហ្វីក្លាយជារឿងមួយកំពុងពេញនិយមបំផុតនៅក្នុងបណ្តាញសង្គម OPPOក៏បានក្លាយជាក្រុមហ៊ុនទូរស័ព្ទតែមួយគត់ដែលមានកាមេរ៉ាមុខល្អដាច់គេ ជាពិសេសគឺ OPPOស៊េរី F តែម្តង ដែលអាចឲ្យអ្នកប្រើប្រាស់ថតស៊ែលហ្វីបានយ៉ាងច្បាស់ល្អ។

ភាពជោគជ័យទាំងនេះគឺកើតចេញពីការប្រឹងប្រែងឥតឈប់ឈរបស់ក្រុមហ៊ុនOPPO ក្នុងការផលិតនូវទូរស័ព្ទដែលមានកាមេរ៉ាមុខល្អជាងគេពីជំនាន់មួយទៅជំនាន់់មួយ។ ជាក់ស្តែងនៅដើមឆ្នាំ២០១៦ ក្រុមហ៊ុនOPPO បានបញ្ចេញនូវ OPPO F1 ដែលមានកាមេរ៉ាមុខរហូតដល់ទៅ៨មេហ្កាភិចស៊ែល បន្ទាប់មកនៅចុងឆ្នាំ២០១៦ OPPO F1s និង OPPO F1 plus ក៏ត្រូវបានចេញលក់នៅលើទីផ្សារដោយកាមេរ៉ាកើនឡើងទ្វេរដងរហូតដល់ទៅ១៦មេហ្កាភិចសែល ដែលអាចនិយាយបានថាជាកាមេរ៉ាមុខធំជាងគេនិងដំបូងគេក្នុងអំឡុងពេលនោះ។

ដោយឡែកនៅពាក់កណ្តាលឆ្នាំ២០១៧ OPPO F3 និង OPPO F3 plus ត្រូវចេញលក់ដោយមានកាមេរ៉ាស៊ែហ្វីភ្លោះគឺ១៦ និង ៨ មេហ្កាភិចស៊ែល ដែលកាន់តែពិសេសសម្រាប់អ្នកចូលចិត្តស៊ែហ្វីតែឯង និងអាចស៊ែហ្វីជាក្រុមបានដោយមិនបាត់នរណាម្នាក់ឡើយ ក៏ព្រោះតែកាមេរ៉ាស៊ែហ្វីអាចពង្រីកឡេនធំទូលាយបានយ៉ាងល្អ។ ក្រុមហ៊ុន OPPO មិនបញ្ឈប់ការច្នៃប្រឌិតរបស់ខ្លួនត្រឹមនេះឡើយ នៅចុងឆ្នាំ២០១៧ OPPO F5 ត្រូរចេញលក់នៅលើទីផ្សារដោយមានការកែលម្អររិតតែវិសេសវិសាលជាងមុនគឺកាមេរ៉ាមានររហូតដល់ទៅ២០មេហ្កាភិចស៊ែល ហើយមាន AI Beauty ដែលអាចអ្នកប្រើប្រាស់ថតរូបបានកាន់តែស្អាតជាមួយបច្ចេកវិទ្យាដ៏ថ្មីនិងមុខដំបូងគេ។

ចំណែកនៅឆ្នាំ២០១៨នេះវិញ ក្រុមហ៊ុន OPPO បានកំពុងតែធ្វើឲ្យពិភពលោកមានការភ្ញាក់ផ្អើលជាមួយនឹង OPPO F7 ដែលមានកាមេរ៉ារហូតដល់ទៅ២៥មេហ្កាភិចស៊ែល ព្រមទាំងបានUpdate បច្ចេកវិទ្យា AI Beauty ទៅជា AI Beauty 2.0 ទៀតផង។ អ្វីដែល OPPO ព្យាយាមអភិវឌ្ឍន៍ខ្លាំងគឺកាមេរ៉ាខាងមុខ វាគឺជាកាមេរ៉ាប្រើប្រាស់ស៊េនស័រធំបំផុតដំបូងគេ របស់ក្រុមហ៊ុន Sony គឺស៊េនស័រ IMX576 ដែលចាប់រូបភាពក្នុងទំហំ ២៥ មេហ្គាភិចស៊ែល កម្រិត Aperture f/2.0 ប្រើប្រាស់លេនទូលាយល្អ និងមុខងារ HDR ចាប់រូបភាពស្រស់ស្អាតជាមួយមុខងារជំនួយសម្រស់ AI Beauty 2.0 ។ ទូរស័ព្ទស៊េរីថ្មីនេះ មានអេក្រង់ធំពេញទំហំ 6.23 អ៊ីង និងសមាមាត្រ 19:9 (Notch Screen) ដែលជាស្មាតហ្វូនផ្តល់នូវភាពទាក់ទាញយ៉ាងខ្លាំងសម្រាប់ការទស្សនាវីដេអូនិងរូបភាពផ្សេង។ OPPO F7 ក៏បានផ្លាស់ប្ដូរខ្នងខាងក្រោយមកជាកញ្ចក់ដែរ និងស្រោបមកដល់មុខ ជាប្រភេទ Uni-Body ប៉ុន្តែកាមេរ៉ាខាងក្រោយមិនលៀនមកច្រើនទេ ហើយក៏ឃើញមានស៊េនស័រស្កេនម្រាមដៃនៅពីក្រោយតួខ្នងនោះផងដែរ។ សរុបមកក្រុមហ៊ុន OPPO នៅតែជាក្រុមហ៊ុនដែលឈានមុខគេជានិច្ចផ្នែកស៊ែហ្វីនេះតែម្តង។

គួររំលឹងផងដែរថានាពេលកន្លងមក OPPO F5 ធ្លាប់ទទួលបានប្រជាប្រិយភាពយ៉ាងខ្លាំងដោយមានអតិថិជនមិនថាជាអ្នកប្រើប្រាស់ទូទៅ ឬក៏តារាខ្មែរនិងតារាបរទេសនោះឡើយ ដែលធ្វើឲ្យ OPPO នៅរក្សាដំណែងជា «អ្នកឯកទេសស៊ែលហ្វីឈានមុនគេ» បួនជំនាន់បន្តបន្ទាប់គ្នា។ ដូច្នេះបើចង់ដឹងថា OPPO F7 ដែលជារបកគំហើញថ្មីនៃកំពូលស្មាតហ្វូតនេះល្អយ៉ាងណានោះសូមរងចាំមើលទាំងអស់គ្នាណា។ វានឹងមកដល់ឆាប់ៗនេះហើយ៕

April 10, 2018

ស្រាបៀរថៃហ្គ័រចាប់ឆ្នោតលើកទី1 ជូនគូស្វាមីភរិយាថ្មីក្នុងកម្មវិធីអាពាហ៍ពិពាហ៍ស្រាបៀរថៃហ្គ័រ ឆ្នាំ 2018

រាជធានីភ្នំពេញ៖ កាលពីថ្ងៃទី 8 ខែមេសា ឆ្នាំ2018 ស្រាបៀរថៃហ្គ័របានរៀបចំកម្មវិធីចាប់ឆ្នោតលើកទី១នៅស្ថានីយទូរទស្សន៍ PNN ក្នុងកម្មវិធីអាពាហ៍ពិពាហ៍ស្រាបៀរ ថៃហ្គ័រ នៅវេលាម៉ោង 8យប់ -10យប់ ដើម្បីផ្តល់រង្វាន់ជ័យមង្គលជូនដល់គូស្វាមីភរិយាថ្មីទាំងអស់ដែលបានជាវថៃហ្គ័រក្នុងកម្មពិធីអាពាហ៍ពិពាហ៍របស់ស្រាបៀរថៃហ្គ័រ ឆ្នាំ2018 ដោយមានការអញ្ជើញចូលរួមពីថ្នាក់ដឹកនាំក្រុមហ៊ុនស្រាបៀរថៃហ្គ័រ ក្រុមការងារស្រាបៀរថៃហ្គ័រ ភ្ញៀវកិត្តិយស និងអ្នកសារព័ត៌មានជាច្រើន។

កម្មវិធីចាប់រង្វាន់ជ័យមង្គលលើកទី1 នេះត្រូវបានរៀបចំឡើងជាពិសេសសម្រាប់អតិថិជនរបស់ស្រាបៀរថៃហ្គ័រដើម្បីថ្លែងអំណរគុណដ៏ជ្រាលជ្រៅ និងបង្ហាញពីការយកចិត្តទុកដាក់ខ្ពស់របស់ក្រុមហ៊ុនចំពោះអតិថិជនដែលតែងតែគាំទ្រ និងនិយមពិសាស្រាបៀរថៃហ្គ័រ។ រង្វាន់ដែលបានចាប់លើកទី1នេះគឺរង្វាន់ដំណើរកម្សាន្តក្រេបចន្ទទឹកឃ្មុំនៅប្រទេសជប៉ុនជាមួយនឹងទឹកប្រាក់ 1500 ដុល្លារ ចំនួនប្រាំរង្វាន់។

គូស្វាមីភរិយាថ្មីចំនួនប្រាំគូដែលមានសំណាងបានឈ្នះរង្វាន់ដំណើរកម្សាន្តក្រេបចន្ទទឹកឃ្មុំនៅប្រទេសជប៉ុនជាមួយនឹងទឹកប្រាក់ 1500 ដុល្លារគឺ៖

1.លោក តាំង ម៉េងត្រី និងលោកស្រី ចាន់ ស៊ីនិតា
2.លោក សុខ ស៊ីប៉រ និងលោកស្រី នី លក្ខិណា
3. លោក ថុង រដ្ឋា និងលោកស្រី ម៉ន សុធាន
4. លោក ជិន ចាន់ទ្រា និងលោកស្រី រ័ត្ន ស្រីពេជ្រ និ
5. លោក សិទ្ធិ សុជាតិ និងលោកស្រី សយ នីយ៉ា ។

លោកអ្នកអាចស្វែងរកឈ្មោះរបស់លោកអ្នកនៅលើកាសែត ឬលើទំព័រហ្វេសប៊ុក (Tiger Beer KH)។

ចំពោះគូស្វាមីដែលមានភ័ព្វសំណាងឈ្នះរង្វាន់ ក្រុមហ៊ុននឹងទាក់ទងទៅដោយផ្ទាល់។ ដើម្បីបើករង្វាន់ សូមភ្ជាប់មកជាមួយនូវសំបុត្រអាពាហ៍ពិពាហ៍ អត្តសញ្ញាណប័ណ្ណ សន្លឹកឆ្នោតឈ្នះរង្វាន់ វិក្កយបត្រទិញផលិតផល លិខិតអញ្ជើញអាពាហ៍ពិពាហ៍ និងរូបថតអាពាហ៍ពិពាហ៍ចំនួន 1សន្លឹក។

គួររម្លឹកផងដែរថា ថៃហ្គ័រគឺជាស្រាបៀរដែលមានគុណភាពខ្ពស់លំដាប់ថ្នាក់អន្តរជាតិមានលក់ច្រើនជាង 70ប្រទេសដែលកំពុងទទួលបានការគាំទ្រកាន់តែខ្លាំងឡើងជារៀងរាល់ថ្ងៃពីអតិថិជនទាំងនៅលើទីផ្សារកម្ពុជា និង ពិភពលោក ហើយជាពិសេសជាស្រាបៀរដែលសក្ត័សមបំផុត សម្រាប់ ទទួលភ្ញៀវក្នុងពិធីអាពាហ៍ពិពាហ៍កម្មវិធីផ្សេង។ សម្រាប់ឆ្នាំ 2018 នេះ អតិថិជនដែលជាវស្រាបៀរ ថៃហ្គ័រកំប៉ុង ឬ ដបចាប់ពី 25 ដល់ 49 កេស នឹងទទួលបានសៀវភៅកត់ចំណងដៃ និងប៊ិចចំនួន 1 ឈុត គូប៉ុងផ្សងសំណាងចំនួន 1 សន្លឹក និងអាវរងាគូស្នេហ៍ចំនួន 1 ឈុត។ រាល់ការជាវចាប់ពី 50 ដល់ 74 កេស នឹងទទួលបានសៀវភៅកត់ចំណងដៃ និងប៊ិចចំនួន 2 ឈុត គូប៉ុងផ្សងសំណាងចំនួន 2 សន្លឹក និងកាបូបធ្វើដំណើរចំនួន 1។ រាល់ការជាវចាប់ពី 75 កេសឡើងទៅ នឹងទទួលបានសៀវភៅកត់ចំណងដៃ និងប៊ិចចំនួន 2 ឈុត គូប៉ុងផ្សងសំណាងចំនួន 3សន្លឹក និងកាបូបធ្វើដំណើរចំនួន 2។ ជាពិសេសរាល់ការជាវស្រាបៀរ Tiger Crystal ចំនួន 25 កេសឡើងទៅ នឹងទទួលបានស្រាបៀរ Tiger Crystal ចំនួន 1 កេស បន្ថែមពីលើរង្វាន់ដែលបានផ្តល់ជូន។

ឆ្លុះបញ្ចាំងភាពអស្ចារ្យនៃអាពាហ៍ពិពាហ៍របស់អ្នកជាមួយស្រាបៀរថៃហ្គ័រ និងមានឱកាសឈ្នះដំណើរកម្សាន្តក្រេបចន្ទទឹកឃ្មុំនៅប្រទេសជប៉ុន ជាមួយបទពិសោធន៍ដ៏រំភើបរីករាយនៃការជិះស្គីទឹកកក រួមជាមួយទឹកប្រាក់ 1500ដុល្លារ ចំនួន 15រង្វាន់។ កម្មវិធីនេះចាប់ផ្តើមពីថ្ងៃនេះរហូតដល់ថ្ងៃទី 30 ខែ កញ្ញា ឆ្នាំ2018។

សម្រាប់ព័ត៌មានបន្ថែមសូមទំនាក់ទំនង៖ 011 222 400 ឬ 011 333 500៕

សូមរីករាយទទួលទានស្រាបៀរថៃហ្គ័រដោយការទទួលខុសត្រូវ!!!

April 10, 2018

ទទួលបានបទពិសោធន៍ដ៏ល្អឯកជាមួយស្រាបៀរ ABC អិចស្ត្រាស្តោត នៅ Jet Container

រាជធានីភ្នំពេញ៖ នៅថ្ងៃទី 06 ខែមេសា ឆ្នាំ2018 ខាងមុខនេះ ស្រាបៀរ ABC អិចស្ត្រាស្តោត នឹងរៀបចំកម្មវិធីដ៏ធំមិនធ្លាប់មានពីមុនមកគឺកម្មវិធី ABC EXCEPTIONAL NIGHT នៅផ្សាររាត្រី Jet Container ចាប់ពីម៉ោង 7 យប់តទៅ។ ក្នុងឱកាសពិសេសនេះ លោកអ្នកនឹងបានជួបជាមួយកំពូលតារាចម្រៀងស្រីដ៏ល្បីប្រចាំព្រះរាជាណាចក្រកម្ពុជា កញ្ញា មាស សុខសោភា និងក្រុមតារាបង្ហាញម៉ូត ព្រមទាំងទទួលបាននូវបទពិសោធន៍ដ៏ល្អឯកពីកម្មវិធីសប្បាយៗជាច្រើនទៀត។

កម្មវិធី ABC EXCEPTIONAL NIGHT គឺជាផ្នែកមួយនៃយុទ្ធនាការ “ជាឧត្តមភាពដ៏ល្អឯក” របស់ ABC ដែលផ្តល់នូវអំណរសារទរដល់ប្រជាពលរដ្ឋកម្ពុជាដែលទទួលបានជោគជ័យដោយបានបង្ហាញពីចំណុចខ្លាំង ចំណេះដឹង និងសមិទ្ធផលរបស់ខ្លួននៅក្នុងវិស័យសិល្បៈ ពាណិជ្ជកម្ម និងការកសាងសហគមន៍។

ABC អិចស្ត្រាស្តោត នៅតែជាម៉ាកសញ្ញាស្រាបៀរទឹកខ្មៅលំដាប់ថ្នាក់អន្តរជាតិដែលឈានមុខគេគ្មានគូបៀបនៅលើទីផ្សារស្រាបៀរទឹកខ្មៅគុណភាពខ្ពស់បំផុតនៅក្នុងប្រទេសកម្ពុជា ដែលអតិថិជនជ្រើសរើសយកមកទទួលទាន ”ក្រេបរសជាតិដ៏ល្អឯក” នៃស្រាបៀរទឹកខ្មៅ ដែលផលិតពីគ្រឿងផ្សំមានគុណភាពខ្ពស់បំផុត និងបានឈ្នះពានរង្វាន់ជាច្រើន ជាពិសេសជាកំពុងទទួលបានការគាំទ្រកាន់តែខ្លាំងឡើងពីស្រទាប់យុវវ័យ មជ្ឈដ្ឋានសិល្បករ និងពាណិជ្ជករលំដាប់ថ្នាក់ខ្ពស់។

ឆ្ពោះទៅរកឧត្តមភាពដ៏ល្អឯក ជាមួយ ABC អិចស្ត្រាស្តោត!

ចំពោះព័ត៌មានបន្ថែមអំពីកម្មវិធីពិសេសនេះ ចូលទៅកាន់គេហទំព័រផ្លូវការ៖ https://www.facebook.com/ABC.ExtraStoutCambodia/

សូមរីករាយទទួលទាន ABC អិចស្ត្រាស្តោត ដោយការទទួលខុសត្រូវ

April 6, 2018

ខ្សែវីដេអូរបស់អង្គការ IOM X ដើម្បីអប់រំដល់ស្ត្រីកម្ពុជា អំពីការរៀបការដោយបង្ខំទៅប្រទេសចិន

ផ្អែកតាមការស្រាវជ្រាវរបស់អង្គការអន្តរជាតិទេសន្តរប្រវេសន៍ (IOM) បានបលើកឡើងថា ស្ត្រីវ័យក្មេងមកពីជនបទនៃប្រទេសកម្ពុជា ត្រូវបានគេជួញដូរដើម្បីរៀបការដោយបង្ខំនៅប្រទេសចិន។ អង្គការ IOM X បានចាក់បញ្ចាំងខ្សែវីដេអូលើកដំបូងមួយ ដើម្បីលើកកម្ពស់ការអនុវត្ត និងលើកទឹកចិត្តស្ត្រីកម្ពុជាវ័យក្មេង ឱ្យធ្វើការស្វែងរកព័ត៌មាន មុនពេលសម្រេចចិត្តរៀបការ ដើម្បីទៅរស់នៅក្រៅប្រទេស។

អង្គការ IOM X គឺជាយុទ្ធនាការរបស់អង្គការអន្តរជាតិទេសន្តរប្រវេសន៍ (IOM) និងទីភ្នាក់ងារសហរដ្ឋអាមេរិកដើម្បីការអភិវឌ្ឍអន្តរជាតិ (USAID) ដើម្បីទប់ស្កាត់អំពើជួញដូរមនុស្ស និងការកេងប្រវ័ញ្ច។ ការរៀបការដែលគេរៀបចំឱ្យនៅប្រទេសកម្ពុជា គឺជាការអនុវត្តដែលមានការទទួលស្គាល់ដោយសង្គម ជាពិសេសនៅតាមទីជនបទ ដូច្នេះហើយការរៀបការទៅប្រទេសចិន រៀបចំដោយមេខ្យល់ គឺមិនមែនជារឿងចម្លែកឡើយ។ មានស្ត្រីជាច្រើនទៅប្រទេសចិនដោយស្ម័គ្រចិត្ត ដោយសារតែការលួងលោមថា នឹងមានឱកាសរកលុយផ្ញើត្រឡប់មកផ្ទះវិញ។

ជារឿយៗ ស្ត្រីទាំងនោះ ជឿជាក់ថា ពួកគេមានសិទ្ធិក្នុងការជ្រើសរើសគូស្រករ និងបដិសេធអាពាហ៍ពិពាហ៍ ប្រសិនបើពួកគេមិនពេញចិត្ត។ មេខ្យល់ នឹងប្រាប់ដល់ស្ត្រីទាំងនោះថា ពួកគេនឹងអាចផ្ញើប្រាក់មកផ្ទះ ដោយសារការរៀបការជាមួយបុរសអ្នកមាន ឬអាចធ្វើការនៅប្រទេសចិនបាន។ បើទោះបីជាមានស្ត្រីជាច្រើនចំណាកស្រុកទៅចិនដើម្បីរៀបការ ហើយរីករាយនឹងជីវិតរបស់ពួកគេនៅទីនោះក៏ដោយ ប៉ុន្តែស្ត្រីមួយចំនួន ត្រូវបានបង្ខំឱ្យរៀបការជាមួយបុរស ដែលពួកគេមិនពេញចិត្ត។ ស្ត្រីជាច្រើន ក៏មិនបានដឹងដែរថា ដើម្បីអាចធ្វើការស្របច្បាប់នៅប្រទេសចិនបាន ពួកគេត្រូវចុះបញ្ជីអាពាហ៍ពិពាហ៍ស្របច្បាប់របស់ពួកគេ ហើយរស់នៅប្រទេសចិនបានរយៈពេល5ឆ្នាំជាមុនសិន។

ការពិតគឺមានភាពខុសគ្នាខ្លាំងណាស់ ទៅនឹងអ្វីដែលគេសន្យាជាមួយស្ត្រីវ័យក្មេងទាំងនោះ។ ពួកគេជារឿយៗ មិនមានជម្រើសថា ត្រូវរៀបការជាមួយអ្នកណាឡើយ ហើយជាទូទៅ ត្រូវបានគេលក់។ ថ្វីបើអ្នកអនុវត្តច្បាប់ នៅក្នុងប្រទេសចិន បានបន្តកិច្ចប្រឹងប្រែងក្នុងបំបាត់ការអនុវត្តបែបនេះក៏ដោយ ក៏នៅមានរបាយការណ៍ជាច្រើនអំពីស្ត្រី ដែលបានរៀបការទៅចិននោះ ប្រឈមនឹងការកេងប្រវ័ញ្ចផ្លូវភេទ ការរំលោភបំពាន ត្រូវបានគេបង្ខំឱ្យធ្វើការងារ ត្រូវបានគេដកហូតយកឯកសារអត្តសញ្ញាណ និងមិនទទួលបានសិទ្ធិជាមូលដ្ឋានមួយចំនួនរបស់ពួកគេផងដែរ។

អង្គការ IOM X ចាប់ដៃគូជាមួយមណ្ឌលព័ត៌មានស្ត្រី (WMC) ផលិតខ្សែភាពយន្តមួយឈ្មោះ «ការចំណាកស្រុកដោយជោគជ័យ»។ WMC គឺជាអង្គការក្រៅរដ្ឋាភិបាលផ្សព្វផ្សាយព័ត៌មានមួយ ដែលមិនរកប្រាក់ចំណេញប្រើប្រាស់ប្រព័ន្ធផ្សព្វផ្សាយ ជាមធ្យោបាយដើម្បីសម្រេចបាននូវសមធម៌យេនឌ័រនៅក្នុងប្រទេសកម្ពុជា ដោយឆ្លើយតបទៅនឹងបញ្ហាសង្គម សេដ្ឋកិច្ច នយោបាយ និងផ្លូវច្បាប់ ដែលពាក់ព័ន្ធនឹងស្ត្រី។

អង្គការ IOM ប្រចាំនៅកម្ពុជា រួមជាមួយនឹង WMC គណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស (NCCT) ក្រសួងការបរទេស និងសហប្រតិបត្តិការអន្តរជាតិ (MoFAIC) អង្គការ UN-ACT អង្គការ Winrock អង្គការជំនួយផ្នែកច្បាប់ដល់ស្ត្រី និងកុមារ LSCW និងអង្គការCCPCR នឹងរៀបចំកម្មវិធីវិទ្យុ ជាឈុតចំនួន 4លើក ដើម្បីលើកកម្ពស់ចំណេះដឹងអំពីហានិភ័យ នៃការចំណាកស្រុកតាមរយៈការរៀបការទៅប្រទេសចិន ចំណាកស្រុកដោយភាពវៃឆ្លាត របៀបនៃការរៀបចំឯកសារ ដើម្បីធ្វើចំណាកស្រុក និងបញ្ហាប្រឈមដែលស្ត្រី អាចជួបប្រទះនៅពេលធ្វើចំណាកស្រុកទៅក្រៅប្រទេស។

កម្មវិធីវិទ្យុទាំង 4លើកនេះ នឹងធ្វើឡើងរៀងរាល់ថ្ងៃព្រហស្បត៍ ចាប់ពីម៉ោង 2:10-3:00រសៀល នៅវិទ្យុស្ត្រីកម្ពុជា FM102 ចាប់ពីថ្ងៃទី 5 ដល់ថ្ងៃទី 26ខែមេសាទៅ។ កម្មវិធីវិទ្យុនេះ នឹងចាក់ផ្សាយ ឡើងវិញរៀងរាល់ថ្ងៃច័ន្ទចាប់ពីម៉ោង 4:10 ដល់ 4:35នាទីរសៀល ចាប់ពីថ្ងៃទី9 មេសា ហើយបញ្ចប់នៅថ្ងៃទី 30 មេសា។ វិទ្យុ វាយោ VAYO FM នឹងធ្វើការចាក់ផ្សាយនូវការចម្លងកម្មវិធីផ្សាយផងដែរនេះនៅថ្ងៃទី 17, 18, 20, 21, 22និងថ្ងៃទី 30ចាប់ពីម៉ោង 4:10នាទី រសៀល។ ខ្សែវីដេអូនឹងចាក់បញ្ចាំងតាមទូរទស្សន៍ PNN នៅថ្ងៃទី 5 ដល់ 6មេសា ចាប់ពីម៉ោង 7:50 ដល់ 8:00 យប់ និងនៅទូរទស្សន៍ MyTVនៅថ្ងៃទី 7 ដល់ 8មេសា ចាប់ពីម៉ោង 9:10 ដល់9:20 នាទីព្រឹក។

លើសពីនេះទៅទៀត ក្រុមការងាររបស់ WMC នឹងធ្វើដំណើរចុះទៅ ភូមិតាអុង ឃុំតាអុង ស្រុកចំការលើ ខេត្តកំពង់ចាម ចាប់ពីថ្ងៃទី 23 ដល់26ខែមេសា ដើម្បីចាក់បញ្ចាំងខ្សែវីដេអូនេះទៅដល់សហគមន៍ក្នុងភូមិនោះ។

ដើម្បីទស្សនាខ្សែភាពយន្តនេះ សូមចូលទៅកាន់គេហទំព័រ៖

April 6, 2018

ស្រាបៀរថៃហ្គ័រនឹងចាប់ឆ្នោតលើកទី 1 ជូនគូស្វាមីភរិយាថ្មីនៅចុងសប្តាហ៍នេះ

ភ្នំពេញ៖ នៅថ្ងៃទី 8 ខែមេសា ឆ្នាំ2018 ខាងមុខនេះ ស្រាបៀរថៃហ្គ័រ (Tiger Beer)នឹងរៀបចំកម្មវិធីចាប់រង្វាន់ជ័យមង្គលលើកទី1 នៅស្ថានីយទូរទស្សន៍ PNN ដែលផ្សាផ្ទាល់ នៅវេលាម៉ោង 8យប់-10យប់ ដោយមានការចូលរួមសម្តែងកម្សាន្តសប្បាយរីករាយពីតារាចម្រៀងល្បីឈ្មោះប្រចាំព្រះរាជាណាចក្រកម្ពុជាជាច្រើនរូបដូចជា៖ ក្រុម Mustache Band កញ្ញា ប៉ាច គីមមួយ កញ្ញា បាន មុន្នីល័ក្ខ និង លោក ហង្ស សុវណ្ណារិទិ្ធ។ ដើម្បីផ្តល់រង្វាន់ជូនដល់គូស្វាមីភរិយាថ្មីទាំងអស់ដែលបានជាវស្រាបៀរថៃហ្គ័រក្នុងកម្មវិធីអាពាហ៍ពិពាហ៍របស់ស្រាបៀរថៃហ្គ័រ ឆ្នាំ2018 ។

កម្មវិធីនេះធ្វើឡើងសម្រាប់តែអតិថិជនដែលបានជាវស្រាបៀរថៃហ្គ័រសម្រាប់កម្មវិធីអាពាហ៍ពិពាហ៍របស់ខ្លួន។ សម្រាប់ការចាប់រង្វាន់លើកទីមួយនេះ ស្រាបៀរថៃហ្គ័រនឹងប្រគល់រង្វាន់សម្រាប់គូស្វាមីរិយាថ្មីចំនួនប្រាំគូគឺ៖ រង្វាន់ដំណើរកម្សាន្តក្រេបចន្ទទឹកឃ្មុំនៅប្រទេសជប៉ុនជាមួយនឹងទឹកប្រាក់ 1500ដុល្លារ ចំនួនប្រាំរង្វាន់។

តើគូស្វាមីភរិយារូបណាខ្លះដែលជាម្ចាស់រង្វាន់ទាំងនេះ? កុំភ្លេចចូលរួមទស្សនា និងតាមដានទាំងអស់គ្នា!!!
ឆ្លុះបញ្ចាំងភាពអស្ចារ្យនៃអាពាហ៍ពិពាហ៍របស់ជាមួយស្រាបៀរថៃហ្គ័រ។
ពិសាស្រាបៀរថៃហ្គ័រដោយការទទួលខុសត្រូវ!!!

April 6, 2018

ភាពរីកចម្រើននៃវិស័យធនាគារ និងផ្នែកឥណទានគេហដ្ឋាន ជួយឲ្យអតិថិជនទទួលបានគេហដ្ឋានផ្ទាល់ខ្លួន

ភ្នំពេញ៖ ការទិញគេហដ្ឋានផ្ទាល់ខ្លួន គឺជាការសម្រេចចិត្តសំខាន់បំផុតមួយ នៅក្នុងជីវិត។ ក្នុងប្រទេសកម្ពុជា ការអភិវឌ្ឍសំណង់លំនៅស្ថាន មានកំណើនខ្ពស់គួរឲ្យកត់សម្គាល់។ ជាមួយគ្នានេះដែរ យើងសង្កេតឃើញថា សន្ទុះកើនឡើង នៃការស្វែងរកឥណទានគេហដ្ឋាន ពីស្ថាប័នហិរញ្ញវត្ថុ ក្នុងចំណោមប្រជាពលរដ្ឋខ្មែរ ជាពិសេសគ្រួសារវ័យកណ្តាល មានកម្រិតមួយខ្ពស់ផងដែរ។ ផ្អែកតាមស្ថិតិទិន្នន័យរបស់ធនាគារជាតិ គិតត្រឹមខែតុលា ឆ្នាំ២០១៧ ចំនួនទឹកប្រាក់នៃឥណទានគេហដ្ឋាន ក្នុងចំណោមធនាគារពាណិជ្ជ និងធនាគារឯកទេស មានចំនួនជាង ៦ ៣០០ ប៊ីលានរៀល ឬប្រហែលនឹង ១ ៥៧៥ លានដុល្លារអាមេរិក ដែលកើនឡើងប្រមាណ ៤២% បើធៀបនឹងឆ្នាំ២០១៦។

អត្រាកំណើន ប្រកបដោយភាពវិជ្ជមាន នៃឥណទានគេហដ្ឋាននេះ បានជម្រុញឲ្យមានភាពប្រកួតប្រជែងកាន់តែខ្ពស់ និងសម្បូរបែប ក្នុងវិស័យធនាគារ ដើម្បីបំពេញតម្រូវការអតិថិជន នៅលើទីផ្សារបច្ចុប្បន្ន។ សព្វថ្ងៃនេះ អត្រាការប្រាក់ និងរយៈពេលនៃឥណទាន ក្នុងប្រទេសកម្ពុជា គឺប្រហាក់ប្រហែលទៅនឹងទីផ្សារ ក្នុងតំបន់អាស៊ានផងដែរ។ ធនាគារ ស៊ីអាយអិមប៊ី ក្នុងប្រទេសកម្ពុជា តែងតែឈានមុខគេ លើការផ្តល់ផលិតផល ប្រកបដោយភាពច្នៃប្រឌិត។ កាលពីឆ្នាំមុន ធនាគារបានសម្ពោធគម្រោង HomePro ដែលជាផលិតផលឥណទានគេហដ្ឋានបំដូងតែមួយគត់ ភ្ជាប់មកជាមួយនឹងការធានារ៉ាប់រងអាយុជីវិត តម្លៃរហូតដល់ ៥០ ០០០ដុល្លារអាមេរិក ដោយឥតគិតថ្លៃ។

លោកស្រីហេង ធីតា នាយិកាសេវាកម្មហិរញ្ញវត្ថុបុគ្គល របស់ធនាគារ ស៊ីអាយអិមប៊ី បានឲ្យដឹងថា៖ «នៅធនាគារ ស៊ីអាយអិមប៊ី ការបំពេញតម្រូវការចាំបាច់របស់អតិថិជន គឺជាអាទិភាពចម្បងបំផុតរបស់យើង។ យើងជឿជាក់ថា គម្រោង HomePro ផ្តល់នូវអត្ថប្រយោជន៍ខ្ពស់ ដែលរួមបញ្ចូលគ្នានូវឥណទានគេហដ្ឋានដ៏ល្អប្រសើរ និងការធានារ៉ាប់រងអាយុជីវិតដ៏មានតម្លៃ។ ធនាគារ ស៊ីអាយអិមប៊ី គឺធនាគារដំបូងគេបង្អស់ ក្នុងប្រទេសកម្ពុជា ដែលផ្តល់ជូនដោយឥតគិតថ្លៃ នូវសេវាធានារ៉ាប់អាយុជីវិត សម្រាប់អតិថិជនផ្នែកឥណទានគេហដ្ឋាន ដើម្បីការពារអនាគតអតិថិជន និងក្រុមគ្រួសាររបស់ពួកគេ។ ដូច្នេះពួកគេនឹងមានអារម្មណ៍ថា ទទួលបានសុវត្ថិភាពខ្ពស់ ពេលដែលសហការជាមួយធនាគារ ស៊ីអាយអិមប៊ី»។

ក្រៅពីការផ្តល់ជូននូវអត្រាការប្រាក់ទាបត្រឹមតែ ៧,៩៩% និងរយៈពេលឥណទានរហូតដល់ ២០ឆ្នាំ ធនាគារ ស៊ីអាយអិមប៊ី ក៏បានសហការជាមួយនឹងក្រុមហ៊ុនអភិវឌ្ឍន៍លំនៅស្ថាន និងបុរីធំៗ ដើម្បីនាំយកលក្ខខណ្ឌពិសេស ទៅដល់អតិថិជនផងដែរ។ ការចាប់ដៃគូជាយុទ្ធសាស្ត្រនេះ ជួយឲ្យបុរី និងអតិថិជន ទទួលបានអត្ថប្រយោជន៍ ពីដំណើរការទិញលក់គេហដ្ឋាន។ សម្រាប់ផែនការអនាគត ធនាគារ ស៊ីអាយអិមប៊ី នឹងពង្រីកកិច្ចសហការ ជាមួយនឹងក្រុមហ៊ុនអភិវឌ្ឍន៍លំនៅស្ថាន និងគម្រោងបុរីធំៗ នៅក្នុងប្រទេសកម្ពុជា ដើម្បីផ្តល់នូវជម្រើសកាន់តែសម្បូរបែប ជាមួយនឹងគុណភាពគេហដ្ឋានតាមស្តង់ដារ ដែលអតិថិជនចង់បាន។

ក្នុងឆ្នាំ២០១៨នេះ ផលិតផលឥណទានគេហដ្ឋាន ក្នុងវិស័យធនាគារ មានការរំពឹងទុកថា នឹងមានការប្រកួតកាន់តែខ្ពស់ ស្របទៅនឹងកំណើនទីផ្សាររបស់អតិថិជន។ ដូច្នេះធនាគារ CIMB នឹងបន្តរក្សាភាពឈានមុខគេ នៅលើទីផ្សារ សម្រាប់តម្រូវការហិរញ្ញវត្ថុ ដោយផ្តោតសំខាន់អំពីតម្រូវរបស់អតិថិជនជាអាទិភាព ទៅលើការអភិវឌ្ឍផលិតផលឥណទានគេហដ្ឋាន ដោយផ្តល់នូវអត្ថប្រយោជន៍ និងលក្ខខណ្ឌអនុគ្រោះខ្ពស់ ប្រកបដោយភាពច្នៃប្រឌិត៕

April 6, 2018

RUUD VAN NISTELROOY ដង្ហែពាន UEFA CHAMPIONS LEAGUE 2018 និងជួបអ្នកគាំទ្រ

ភ្នំពេញ៖ កាលពីយប់មិញថ្ងៃទី៣ខែមេសាឆ្នាំ2018 លោក Ruud van Nistelrooy ដែលជាអតីតៈ ខ្សែប្រយុទ្ធ របស់ក្រុម Manchester United និងក្រុម Real Madridបានធ្វើការដង្ហែពាន UEFA Champions League 2018 និងជួបអ្នកគាំទ្រ រាប់ពាន់នាក់នៅ ស៊ីតធីហល កោះពេជ្ររាជធានីភ្នំពេញដែលនាំមកជូនដោយស្រាបៀរ Heineken ។

វត្តមានរបស់កំពូកីឡាករបាល់ទាត់លោក Ruud van Nistelrooy នៅរាត្រីយប់មិញនេះ បានធ្វើឲ្យមានការភ្ញាក់ផ្អើរដល់អ្នកគាំទ្ររបស់ខ្លួនជាខ្លាំងដោយ លោកមានស្នាមញញឹម និងរួសរាយរាក់ទាក់យ៉ាងខ្លាំងទៅកាន់អ្នកគាំទ្ររបស់លោក ដោយអ្នកគាំទ្រតរបស់លោក គិតថាលោក ជាមនុស្សម្នាក់ដែលគួរស្រលាញ់បំផុតហើយលោក ក៏បានផ្ដល់កិតកតិ្តយក ថតរួបអនុស្សាវរីយ៍ជាមួយអ្នកគាំទ្ររបស់លោកផងដែរ។

អមជាមួយវត្តមានរបស់លោក Ruud van Nistelrooy ស្រាបៀរ Heineken ក៏បានអញ្ជើញតារាចម្រៀងល្បីៗ ដែលប្រចាំព្រះរាជាណាចក្រកម្ពុជា មានដូចជា៖វត្តមានលោក ជីដេវីត កញ្ញាទេព បូព្រឹត្យ ប្រុសឡា និងកញ្ញាឡូរ៉ាម៉មដែលជាតារាចម្រៀងកូនកាត់អាមេរិក ដើម្បីចូលរួមច្រៀងកំដរអារម្មណភ្ញៀវកិត្តិយកជាតិនិងអន្តរជាតិនៅក្នុងរាត្រីនោះផងដែរ។

ក្នុងឱកាសនោះដែរលោក Ruud van Nistelrooy បានមានប្រសាសន៍ថាខ្ញុំ ចង់ទៅលេងឯខេត្ត សៀមរាបខ្លាំងណាស់ ព្រោះខេត្តនេះសម្បូរទៅដោយប្រាងប្រាសាទជាច្រើន ដែលសុទ្ធសឹងតែ ជាប្រាសាទ ដែលមានកេរិ៍ឈ្មោះល្បី នៅទូទាំងសាកលលោក ជាពិសេសខ្ញុំចង់ទៅលេងប្រាសាទអង្គរវត្តខ្លាំងណាស់។

សូមរំលឹកថា កម្មវិធីដំណើរទេសចរណ៍ រយៈពេលបីថ្ងៃ ត្រូវបានរៀបចំឡើង ដោយស្រាបៀរ Heineken ហើយកម្មវិធីនេះ នឹងជំរុញផ្តល់ឲ្យអ្នកគាំទ្រ ទូទាំងពិភពលោក នូវឱកាសផ្ទាល់ ក្នុងការចូលរួម ទទួលបានភាពរំភើបរីករាយ នៃការទស្សនាការប្រកួតនេះ តាមរយៈយុទ្ធនាការ របស់ស្រាបៀរ Heineken ដែលមានឈ្មោះថា “ចែករំលែកភាពរំភើបរីករាយ ចែករំលែកពានរង្វាន់”៕

April 6, 2018

ABC EXTRA STOUT បើកយុទ្ធនាការថ្មី “ជាឧត្តមភាពដ៏ល្អឯក”

ភ្នំពេញ៖ កាលពីថ្ងៃទី 5 ខែមេសា ឆ្នាំ 2018 នៅសណ្ឋាគារសូហ្វីតែល ក្រុមហ៊ុនផលិតស្រាបៀរកម្ពុជា (CBL) បានរៀបចំពិធីប្រកាសបើកយុទ្ធការរបស់ ABC Extra Stout ដែលមានឈ្មោះថា “ជាឧត្តមភាពដ៏ល្អឯក” ។

ភ្ញៀវកិត្តិយសពិសេសរួមមានពាណិជ្ជករលំដាប់ថ្នាក់ខ្ពស់ តារាល្បីៗ តារាបង្ហាញម៉ូត ដៃគូពាណិជ្ជកម្មររបស់ CBLនិងអ្នកសារព័ត៌មានសំខាន់ៗ បានអញ្ជើញចូលរួមក្នុងកម្មវិធីពិសេសនេះនាពេលរាត្រី ដែលពោរពេញទៅដោយបទពិសោធន៍ដ៏ល្អឯកក្នុងការកម្សាន្តសប្បាយ ។

ការសម្តែងរបស់លោកខេមរៈ សេរីមន្ត អ្នកនាងពេជ្រ សោភា និងអ្នកសម្តែងសៀកលោក Sovid ព្រមទាំងការសម្តែងរបាំស្រមោលបានផ្តល់ភាពភ្ញាក់ផ្អើលយ៉ាងខ្លាំងដល់ទស្សនិកជន។ ទស្សនិកជនក៏បានទស្សនាយ៉ាងជក់ចិត្តនូវកម្មវិធីក្រឡុកស្រាដែលបានបង្ហាញណែនាំពីស្រាក្រឡុកថ្មីបួនប្រភេទជាមួយនឹង ABC Extra Stout ដែលបានជួយ “បើកវាំងននអាថ៌កំបាំង” នៃកម្មវិធីនេះ។ កម្មវិធីរាត្រីនេះក៏បានបង្ហាញពីការសម្តែងការដើរម៉ូតលំដាប់ថ្នាក់ខ្ពស់ក្នុងកិច្ចសហការរបស់ ABC ជាមួយម៉ាកសញ្ញាអ្នកច្នៃម៉ូត Queen Victoria។

ក្នុងឱកាសពិសេសនេះ លោក Roland Bala នាយកគ្រប់គ្រងនៃក្រុមហ៊ុន CBL បានមានប្រសាសន៍ពន្យល់ពីខ្លឹមសារនៃពិធីប្រកាសនេះឲ្យដឹងថា៖ “មនុស្សសម័យបច្ចុប្បន្ននេះ ឱ្យតម្លៃទៅលើមនុស្សដោយសារអត្តចរិត និងសីលធម៌រស់នៅក្នុងជីវិត។ ដូច្នេះ យុទ្ធនាការថ្មីរបស់ ABC គឺផ្តោតលើការនាំផ្លូវមនុស្សគ្រប់គ្នាឆ្ពោះទៅរកភាពជោគជ័យ និងឧត្តមភាពដ៏ល្អឯកជាមួយគ្នា។ នេះជាហេតុផលដែលយើងបានសម្រេចចិត្តប្រើសត្វតោ ABC ដើម្បីធ្វើជានិមិត្តរូបនៃកិត្តិយស និងអត្តចរិតរបស់បុរស ABC ប្រកបដោយឧត្តមភាពដ៏ល្អឯក”

សត្វតោ ABC ត្រូវបានបញ្ចេញតាមរយៈរបាំសម្តែងតថភាពជាក់ស្តែង ដែលមិនធា្លប់បានសម្តែងពីមុន។ ដូចសត្វតោអញ្ចឹង បុរស ABC គឺជាអ្នកដឹកនាំដ៏មហស្ចារ្យ និងចេះជំរុញលើកទឹកចិត្តគេ។ កម្មវិធីពិសេសនេះក៏បានបញ្ចេញស្ពតពាណិជ្ជកម្មថ្មីចុងក្រោយបំផុតរបស់ ABC ។ ស្ពតនេះផ្តោតលើខ្លឹមសារចម្បងអំពីការវិវឌ្ឍនៃភាពជោគជ័យតាមរយៈការបង្ហាញពី “បុរស ABC សម័យទំនើប” ដែលបានឆ្លងកាត់ការប្រែកាយយ៉ាងមហស្ចារ្យទៅជាសត្វតោជានិមិត្តសញ្ញានៃម៉ាកយីហោនេះ ដែលដឹកនាំមនុស្សឆ្ពោះទៅរកឧត្តមភាពដ៏ល្អឯក តាមរយៈភាពទាក់ទាញចំពោះលក្ខណៈសម្បត្តិរបស់បុរស ABC។ ស្ពតនេះក៏ធ្វើការស្វែងយល់ផងដែរពីអភិជនភាព ភាពជាអ្នកដឹកនាំ និងបំណងប្រាថ្នាចង់បានឧត្តមភាពដ៏មហស្ចារ្យដោយរក្សាបាននូវសេចក្តីថ្លៃថ្នូរ និងការគោរពចំពោះអ្នកដទៃ។

យុទ្ធនាការ “ជាឧត្តមភាពដ៏ល្អឯក” គឺជាផ្នែកមួយនៃចក្ខុវិស័យអភិវឌ្ឍឲ្យរីកចម្រើនសម្រាប់ ABC Extra Stout ដែលបន្តផ្តល់ការគាំទ្រ និងអំណរសារទរដល់ប្រជាពលរដ្ឋកម្ពុជាដែលទទួលបានជោគជ័យដោយបានបង្ហាញពីចំណុចខ្លាំង ចំណេះវិជ្ជា និងសមិទ្ធផលរបស់ខ្លួននៅក្នុងវិស័យសិល្បៈ ពាណិជ្ជកម្ម និងការកសាងសហគមន៍។

ABC Extra Stout នៅតែជាម៉ាកសញ្ញាស្រាបៀរទឹកខ្មៅលំដាប់ថ្នាក់អន្តរជាតិដែលឈានមុខគេគ្មានគូបៀបនៅលើទីផ្សារស្រាបៀរទឹកខ្មៅគុណភាពខ្ពស់បំផុតនៅក្នុងប្រទេសកម្ពុជា ដែលអតិថិជនជ្រើសរើសយកមកទទួលទាន ”ក្រេបរសជាតិដ៏ល្អឯក” នៃស្រាបៀរទឹកខ្មៅ ដែលផលិតពីគ្រឿងផ្សំមានគុណភាពខ្ពស់បំផុត និងដែលបានឈ្នះពានរង្វាន់ជាច្រើន។

ដើម្បីស្វែងយល់បន្ថែមអំពីយុទ្ធនាការ “ជាឧត្តមភាពដ៏ល្អឯក” សូមចូលទៅកាន់គេហទំព័រ៖
www.facebook.com/ABC.ExtraStoutCambodia/
សូមរីករាយទទួលទាន ABC Extra Stout ដោយការទទួលខុសត្រូវ

April 6, 2018

វត្តមានកំពូលតារាបាល់ទាត់ RUUD VAN NISTELROOY 3ថ្ងៃនៅកម្ពុជា បានធ្វើឱ្យកក្រើកអ្នកគាំទ្រ

ភ្នំពេញ៖ កាលថ្ងៃទី 2 ខែមេសា លោក Ruud van Nistelrooy វីរបុរសបាល់ទាត់សញ្ជាតិហូឡង់ និងជាអតីតៈខ្សែប្រយុទ្ធរបស់ក្រុម Manchester United និងក្រុម Real Madrid បានមកដល់ព្រះរាជាណាចក្រកម្ពុជាដើម្បីចូលរួមជាអធិបតីភាពក្នុងកម្មវិធីដំណើរទេសចរណ៍ពានរង្វាន់ក្របខ័ណ្ឌ UEFA Champions League ឆ្នាំ 2018 ដែលនាំជូនដោយស្រាបៀរ Heineken® ចាប់ពីថ្ងៃទី 2 ដល់ថ្ងៃទី 4 ខែមេសា ឆ្នាំ 2018។

លោកត្រូវបានស្វាគមន៍យ៉ាងកក់ក្តៅនៅអាកាសយានដ្ឋានអន្តរជាតិភ្នំពេញ ដោយគណៈប្រតិភូស្វាគមន៍ពិសេសមួយដែលរាប់បញ្ចូលទាំងអ្នកសារព័ត៌មានសំខាន់ៗមួយចំនួន ដែលលោកបានផ្តល់បទសម្ភាសន៍អំពីសកម្មភាពផ្សេងៗនៃកម្មវិធីដំណើរទេសចរណ៍នេះដែលគ្រោងនឹងធ្វើឡើងខាងមុខនេះ។

តារាបាល់ទាត់រូបនេះមានអារម្មណ៍រំភើបរីករាយខ្លាំងណាស់ចំពោះដំណើរទស្សនកិច្ចនៅព្រះរាជាណាចក្រកម្ពុជា ជាពិសេសឱកាសជួបជាមួយអ្នកគាំទ្រ និងកីឡាករបាល់ទាត់កម្ពុជា ដោយកីឡាករកម្ពុជាមួយចំនួននឹងមានឱកាសចូលរួមក្នុងវគ្គបង្វឹកពិសេសជាមួយលោក Ruud van Nistelrooy ។

ដោយសារមានទំនាក់ទំនងជាប្រវត្តិសាស្ត្រជាមួយនឹងក្របខ័ណ្ឌ UEFA Champions League លោក Ruud van Nistelrooy បានកាន់តួនាទីជាទូតសុឆន្ទៈដើម្បីចែករំលែកនូវមហិច្ឆិតាចំពោះកម្មវិធីប្រកួតនេះ ហើយនិងចែករំលែកនូវការគាំទ្រ និងចំណេះដឹងរបស់លោកដើម្បីជួយណែនាំអ្នកមានទេពកោសល្យខាងបាល់ទាត់ជំនាន់ក្រោយឲ្យសម្រេចបាននូវគោលដៅរបស់ពួកគេ។

ដំណើរទស្សនកិច្ចរយៈពេលបីថ្ងៃនេះត្រូវបានរៀបចំឡើងដោយស្រាបៀរ Heineken® ហើយនឹងជំរុញផ្តល់ឲ្យអ្នកគាំទ្រទូទាំងពិភពលោកនូវឱកាសផ្ទាល់ក្នុងការចូលរួមទទួលបានភាពរំភើបរីករាយនៃការទស្សនាកម្មវីធីប្រកួតនេះតាមរយៈយុទ្ធនាការរបស់ស្រាបៀរ Heineken® ដែលមានឈ្មោះថា “ចែករំលែកភាពរំភើបរីករាយ ចែករំលែកពានរង្វាន់”។

ចំពោះព័ត៌មានលម្អិតបន្ថែមអំពីកម្មវិធីដំណើរទេសចរណ៍ពានរង្វាន់ក្របខ័ណ្ឌ UEFA Champions League ដែលនាំជូនដោយស្រាបៀរ Heineken® សូមចូលមើលគេហទំព័រ៖ www.facebook.com/Heineken

សូមរីករាយទទួលទានស្រាបៀរ Heineken ដោយទទួលខុសត្រូវ

April 5, 2018

ជម្រើសម៉ាស៊ីនត្រជាក់សម្រាប់រដូវក្តៅនេះ LG Dual Cool Smart Inverter របស់ក្រុមហ៊ុន LG

សីតុណ្ហភាពក្តៅបំផុតប្រចាំឆ្នាំខិតជិតមកដល់ហើយខណៈ ពេលដែលបចេ្ចកវិទ្យាថ្មីរបស់ LG បានមកដល់ដើម្បីត្រៀមខ្លួនដោះស្រាយបញ្ហាអាកាសធាតុក្តៅជូនលោកអ្នកជាមួយនឹងម៉ាស៊ីនត្រជាក់ LG Dual Cool smart inverter ដែលមានលក្ខណះពិសេសជាច្រើន ជួយអោយអ្នកប្រើប្រាស់ទាំងអស់សន្សំសំចៃភ្លើង ត្រជាក់កាន់តែលឿន ងាយស្រួលប្រើ និងផ្តល់នូវផាសុភាពជូនលោកអ្នក។

ថាមពលដ៏មានប្រសិទ្ធិភាព រួមជាមួយនិងអនុភាពដ៏ត្រជាក់

ម៉ាស៊ីនត្រជាក់ LG Dual Cool បានភ្ជាប់មកជាមួយនៅបច្ចេកវិទ្យា Smart inverter Compressor និងDual inverter Compressor ដែលកាត់បន្ថយនូវការប្រើប្រាស់ថាមពលអគ្គីសនីរហូតដល់ 70%។ ម៉ាស៊ីនត្រជាក់ LG Dual Inverter Compressor មានប្រេកង់បង្វិលខ្ពស់ និងលឿនជាងម៉ាស៊ីនត្រជាក់ធម្មតា ដែលធ្វើអោយត្រជាក់លឿន ត្រជាក់បានយូរ ដំណើរការបានស្ងាត់ល្អ មិនថាស្ថិតក្នុងសីតុណ្ហភាពក្តៅប៉ុណ្ណាក៏ដោយ និងម៉ាស៊ីនត្រជាក់អាចភាយខ្យល់ត្រជាក់ភ្លាមៗទៅដល់គ្រប់កន្លែងទាំងអស់នៅក្នុងបន្ទប់។ វាមានកង្ហារធំជាងមុន 25% ដែលអាចបញ្ចេញខ្យល់យ៉ាងខ្លាំងតាមបំពង់ខ្យល់ ដែលបានរចនាឡើងដ៏ល្អឥតខ្ចោះដើម្បីអោយត្រជាក់សព្វពេញបន្ទប់។

ផាសុខភាព និងរក្សាសុខភាពដ៏ប្រសើរ

ភាពត្រជាក់ដ៏ខ្លាំងក្លាមិនធ្វើអោយអ្នកប្រើប្រាស់ទាស់ចិត្តទេដោយគ្រាន់តែចុចបញ្ជាលើប៊ូតុង “Comfort Air” ម៉ាស៊ីនត្រជាក់ LG Dual Cool បានកែតម្រូវមុំរបស់កង្ហារខ្យល់ ដើម្បីអោយប្រាកដថាខ្យល់បញ្ចេញមិនបានបក់ទៅប៉ះអ្នកប្រើប្រាស់ដោយផ្ទាល់បណ្តាលអោយសីតុណ្ហភាពក្នុងខ្លួនធ្លាក់ចុះនោះទេ។ ម៉ាស៊ីនត្រជាក់នេះដំណើរការក្នុងកំរិតសំលេងស្ងាត់ជាងគេលំដាប់ពិភពលោក ដោយសារតែបច្ចេកវិទ្យាថ្មី LG’s Unique BLCD motor, Skew Fan Technology និងលក្ខណះពិសេសរបស់ Active low vibration (ALV) ។ ហើយវាក៏មានសមត្ថភាពក្នុងការរក្សាសំណើមដ៏មិនគួរអោយជឿដើម្បីផ្តល់នូវបរិយាកាសដ៏មានផាសុខភាពផងដែរ។

សុខភាព គឺជាចំណុចសំខាន់បំផុតដែលក្រុមហ៊ុន LG គិតគូរនៅពេលដែលបង្កើតផលិតផលថ្មី។ ម៉ាស៊ីនត្រជាក់ LG Dual Cool ផ្តល់ជូននូវគុណប្រយោជន៍ដល់សុខភាព និងផាសុកភាពដល់អ្នកប្រើប្រាស់:

Plasmaster lonizer plus ដែលសាបព្រួសអ៊ីយ៉ុងជាងបីលាន ដើម្បីកំចាត់មេរោគអាក្រក់ មិនមែនតែខ្យល់ដែលចូលទៅក្នុងម៉ាស៊ីនត្រជាក់តែប៉ណ្ណោះទេ ប៉ុន្តែសារធាតុទាំងអស់ដែលនៅជុំវិញបន្ទប់អ្នក។
ចម្រោះធូលីបានល្អ លំហូរខ្យល់ សំលេងស្ងាត់ល្អ និងស្រទាប់ស្រទះ 3M ដ៏រឹងមាំដែលស្រួបយក លុបបំបាត់មេរោគដែលបង្កគ្រោះថ្នាក់ និងផ្តល់មកវិញនូវខ្យល់ស្រស់ស្អាត។
ការសំអាតដោយស្វ័យប្រវត្តិ៖ មុខងារសំអាតដ៏ល្អ ដែលការពារការកើតឡើងនៃបាក់តេរីនៅលើឧបករណ៍កំដៅ។ ដោយបំបាត់សំណើម និងមេរោគចេញពីក្នុងម៉ាស៊ីនត្រជាក់មុខងារសំអាតស្វ័យប្រវត្តិ កំចាត់សារធាតុទាំងឡាយណាដែលធ្វើអោយប៉ះពាល់ដល់រាងកាយ រក្សបរិយាកាសក្នុងផ្ទះ និងរក្សាភាពត្រជាក់បានយូរ ទោះបីម៉ាស៊ីនត្រជាក់ប្រើអស់រយៈពេល១០ឆ្នាំហើយក៏ដោយ។

អតិថិជនទាំងអស់អាចអញ្ជើញមកទស្សនានៅការដាក់តាំងបង្ហាញម៉ាស៊ីនត្រាជាក់ LG Dual Cool ស៊េរីថ្មីនេះបាននៅគ្រប់ហាងលក់គ្រឿងអេឡិចត្រូនិចដែលជាអ្នកចែកចាយលក់បន្តរបស់ក្រុមហ៊ុន G Gear និងហាង LG BrandShop គ្រប់សាខាទាំងអស់៕

April 5, 2018

Category: PR