Category: PR

ក្រុមហ៊ុន ហ៊ុន អ អិម អេ ខេមបូឌា ដែលជាតំណាងចែកចាយផ្តាច់មុខរថយន្ត Ford នៅកម្ពុជា បានប្រារព្ធពិធីសម្ពោធជាផ្លូវការនៃរថយន្ត Ford Ranger ស៊េរីថ្មី ឆ្នាំ 2019 ជារថយន្ត Pick-up ដែលមានសមត្ថភាពលើសគេរួមជាមួយនឹងបច្ចេកវិទ្យាថ្មីៗក៏ដូចជាប្រព័ន្ធសុវត្ថិភាពកាន់តែទំនើបនិងកាន់តែអស្ចារ្យជាងមុន។រថយន្ត Ford Ranger ស៊េរីថ្មីនេះបានផលិតឡើងដោយមានការកែច្នៃថ្មីទាំងស្រុងទៅលើប្រព័ន្ធជើងក្រោម ដែលធ្វើឲ្យរថយន្តកាន់តែមានភាពរឹងមាំ និងធ្វើឲ្យការបើកបរនៅលើផ្លូវ Off-road កាន់តែមានទំនុកចិត្ត មិនថាអ្នកបើកបរជាមួយនឹងស្ថានភាពផ្លូវលំបាកយ៉ាងនោះទេ។ នៅក្នុងនោះដែរ ក្រុមហ៊ុន RMA Cambodia បាននាំចូលនូវរថយន្ត Ford Ranger 2019 ពីរម៉ូដែលផ្សេងគ្នា ដែលអាចឲ្យអ្នកធ្វើការជ្រើសរើសបានរួមមាន Ford Ranger Wildtrak (Full Option) និង Ford Ranger XLT (Half-full Option)។

លោក ងន សាំង អគ្គនាយកក្រុមហ៊ុន RMA Cambodia បានមានប្រសាសន៍ថា៖ “នៅប្រទេសកម្ពុជាអ្នកដែលទិញរថយន្ត Ford យកទៅប្រើប្រាស់ ពួកគេចង់បានរថយន្តមួយដែលមានភាពរឹងមាំ មានផាសុកភាព និងមានបច្ចេកវិទ្យាដែលធ្វើឲ្យការបើកបររបស់ពួកគេកាន់តែមានភាពងាយស្រួល។ ជាមួយនឹងរថយន្ត Ford Ranger ម៉ូដែលចុងក្រោយនេះ វានឹងផ្ដល់ឲ្យអ្នកប្រើប្រាស់លើសពីអ្វីដែលពួកគេរំពឹងទុកទៅទៀត ទាំងសម្រាប់អ្នកប្រើប្រាស់ក្នុងអាជីវកម្ម ក៏ដូចជាប្រើប្រាស់ក្នុងគ្រួសារផងដែរ។”

រថយន្ត Ford Ranger 2019 បានរចនារូបរាងខាងមុខថ្មីទាំងស្រុង រួមមានប៉ាណា និងកាងខាងមុខរចនាគួរឲ្យទាក់ទាញ ចង្កៀងមុខនិងចង្កៀងពិលកាងមុខ បានកែច្នៃជាថ្មីយ៉ាងស្រស់ស្អាតរួមជាមួយនឹងចង្កៀង LED បំភ្លឺពេលថ្ងៃ និងចង្កៀងគុជ HID ភ្លឺច្បាស់ជាងមុន ជួយសម្រួលការបើកបរនៅពេលយប់បានច្រើន ធ្វើឲ្យការបើកបរនៅពេលយប់មានសុវត្ថិភាពជាងមុន។ រថយន្តនេះក៏មានបំពាក់នូវប្រព័ន្ធ Lock និងបញ្ឆេះរថយន្តដោយពុំចាំបាច់ប្រើសោរ (Passive Entry Passive Start)គឺជាបច្ចេកវិទ្យាថ្មីមួយដែលបានបំពាក់ទៅលើរថយន្ត Ford Ranger 2019។ អ្នកគ្រាន់តែទុកសោរថយន្តជាប់នឹងខ្លួនរួចយកដៃស៊កទៅក្នុងដៃទ្វារ នោះទ្វារនឹង Unlock ដោយខ្លួនឯង។ បន្ទាប់មកទៀតអ្នកអាចចូលទៅក្នុងរថយន្តនិងបញ្ឆេះរថយន្តដោយគ្រាន់តែយកជើងគងហ្វ្រាំងរួចចុចប៊ូតុងបញ្ឆេះរថយន្តជាការស្រេច។ ចំណែកផ្នែកខាងក្នុងនៃរថយន្តត្រូវបានរចនាជាថ្មី កៅអីនីមួយៗសុទ្ធសឹងធ្វើអំពីស្បែកប្រភេទ Premium ដែលមានគុណភាពខ្ពស់ដែលអាចប្រើប្រាស់បានយូរអង្វែងមិនងាយឆាប់សឹកឬរហែកនោះទេ។ ម៉្យាងទៀតជាមួយនឹងបច្ចេកវិទ្យាថ្មីដែលអាចឲ្យអ្នកធ្វើការភ្ជាប់ទូរស័ព្ទ iPhone ទៅនឹង ប្រព័ន្ធ SYNC 3 អាចឲ្យអ្នកប្រើប្រាស់កម្មវិធីមួយចំនួនដែលមានលើ iOS ដូចជា ស្ដាប់តន្ត្រី ប្រើ Google Map អានសារ ផ្ញើរសារ ធ្វើការហៅចេញដោយបញ្ជាដោយសម្លេង។

រថយន្តនេះបានបំពាក់នូវប្រព័ន្ធផ្តល់សញ្ញាគ្រោះថ្នាក់ និងការពារការប៉ះទង្គិច (Pre-Collision Assist) និងប្រព័ន្ធចាប់ហ្វ្រាំងបន្ទាន់ដោយស្វ័យប្រវត្តិ (Autonomous Emergency Braking) នៅពេលមានឧបសគ្គមកពីខាងមុខ។ ប្រព័ន្ធទាំងពីរនេះ ប្រើរ៉ាដា និងកាម៉េរាខាងមុខដើម្បីចាប់ឧបសគ្គដូចជារថយន្តខាងមុខ ឬអ្នកថ្មើរជើងកំពុងឆ្លងផ្លូវខាងមុខ បន្ទាប់មកវានឹងផ្ដល់សញ្ញាដល់អ្នកបើកបរ ក្នុងករណីអ្នកបើកបរនៅតែមិនឆ្លើយតប នោះរថយន្តនឹងធ្វើការចាប់ហ្វ្រាំងបន្ទាន់ដោយស្វ័យប្រវត្តិ។ បច្ចេកវិទ្យានេះជួយកាត់បន្ថយការប៉ះទង្គិចផ្នែកខាងមុខនិងខាងក្រោយបានមួយចំនួនធំ ក៏ដូចជាប្រាប់អ្នកបើកបរនៅពេលមានអ្នកថ្មើរជើងឆ្លងកាត់ផ្លូវ និងជៀសវាងគ្រោះថ្នាក់ដែលអាចកើតមាននៅខាងមុខផងដែរ។

ក្រៅពីនេះរថយន្ត Ford Ranger 2019 បានបំពាក់នូវប្រព័ន្ធសុវត្ថិភាពផ្សេងៗដូចជា ប្រព័ន្ធផ្តល់ដំណឹងនៅពេលបើកបរចេញពីគន្លង (Lane Keeping Alert and Lane Keeping Aid) ប្រព័ន្ធបន្ថយល្បឿននិងរក្សាគំលាតសុវត្ថិភាពដោយស្វ័យប្រវត្តិ (Adaptive Cruise Control) និងប្រព័ន្ធផ្តល់សញ្ញាគ្រោះថ្នាក់ដែលអាចកើតមាននៅខាងមុខ (Forward Collision Warning) ដែលសុទ្ធសឹងបានបំពាក់នៅលើរថយន្ត Ford Ranger ម៉ូដែលកន្លងមក។

Ford Ranger 2019 គឺជារថយន្ត Pick-up ទីមួយដែលមានបំពាក់ប្រព័ន្ធជំនួយចូលចតដោយស្វ័យប្រវត្តិ (Parallel Parking Assist) ដែលធ្វើឲ្យកាន់តែមានភាពងាយស្រួល ដោយតម្រូវឲ្យអ្នកបើកបរគ្រាន់តែយកជើងអបហ្រ្វាំង និងពុំចាំបាច់កាន់ចង្កូតនោះទេនៅពេលចូលចត។ផ្នែកខាងក្រោយរបស់រថយន្តនៃរថយន្តក៏បានធ្វើការរចនាជាថ្មី ធ្វើឲ្យការលើកដាក់ឥវ៉ាន់កាន់តែងាយស្រួលព្រោះទ្វារខាងក្រោយមានភាពស្រាលជាងមុន និងបានបំពាក់ទៅដោយបូម ជួយកាត់បន្ថយការប្រកម្លាំងដល់ទៅ 70% នៅពេលអ្នកបើក/បិទទ្វារផ្នែកខាងក្រោយរថយន្ត។

មិនតែប៉ុណ្ណោះ សមត្ថភាពជើងក្រោមរបស់ Ford Ranger 2019 ត្រូវបានកែច្នៃបន្ថែម ដែលប្រកបដោយភាពធន់រឹងមាំជាងមុន គឺសំដៅទៅលើសុវត្ថិភាពជាពិសេសដល់ការទប់លំនឹងដោយមានភាពហាប់ណែនជាងមុន ធ្វើឲ្យការផ្ទុកទំងន់ អូស សណ្ដោងក្នុងស្ថានភាពផ្លូវលំបាកក៏ដូចជានៅពេលបត់បែនប្រកបដោយសុវត្ថិភាព និងជួយកាត់បន្ថយសម្លេងកង់ពេលបើកបរលើផ្លូវរាបផងដែរ។ ការកែច្នៃចុងក្រោយនេះនឹងធ្វើឲ្យសមត្ថភាពនៃការបើកបររបស់ Ford Ranger 2019 កាន់តែប្រសើរ និងមានផាសុកភាពជាងមុនដូចជាការកាត់បន្ថយសម្លេង ភាពញ័រ បង្កើនភាពទន់ភ្លន់មិនរលាក់ខ្លាំងដូចមុន៕

លោក ឧកញ៉ា វេជ្ជបណ្ឌិត គួច ម៉េង​លី ស្ថាបនិក ប្រធាន​ក្រុមប្រឹក្សាភិបាល និង​ជា​អគ្គនាយក​ប្រតិ​ប​ត្ត​នៃ​ក្រុមហ៊ុន ម៉េង​លី ជេ. គួច អេ​ឌ្យូ​ខេ​សិន និង​ជា​ប្រធាន​មូលនិធិ ម៉េង​លី ជេ. គួច ព្រមទាំង​ក្រុមគ្រួសារ នៅ​ថ្ងៃទី២៨ ខែកញ្ញា ឆ្នាំ២០១៨ កន្លងទៅនេះ បាន​នាំយក​អំណោយ​ជា​ស្បៀង​បរិភោគ ព្រមទាំង​ថវិកា ចែកជូន​ដល់់​ប្រជាពលរដ្ឋ​ចំនួន ២៥៦គ្រួសារ មកពី​ភូមិ​ចំនួន៤ ក្នុង​ឃុំ​គគី ដែល​ភាគច្រើន​ជា​មនុស្ស​ចាស់​គ្មាន​ទីពឹង ជនពិការ និង​ប្រជាពលរដ្ឋ​ដែលមាន​ជីវភាព​ខ្វះខាត​សរុប​ទឹកប្រាក់​ជាង ២២,០០០ ដុល្លារ​អាមេរិក។

ពិធី​ចែក​អំណោយ​នេះ បាន​ប្រព្រឹត្តទៅ​នៅ​សាលាបឋមសិក្សា ហ៊ុន សែន ដូន​ស ស្ថិតនៅ​ក្នុងភូមិ​តារា​បដូ​នស ឃុំ​គគីរ ស្រុក​កៀនស្វាយ ខេត្តកណ្ដាល។

អំណោយ​ដែល​ប្រជាពលរដ្ឋ​ទាំង ២៥៦ គ្រួសារ​ទទួលបាន​នៅថ្ងៃនេះ ក្នុង​មួយ​គ្រួសារ​ទទួលបាន អង្ករ មី ត្រីខកំប៉ុង ទឹកស៊ីអ៊ីវ ថវិកា ព្រមទាំង​គ្រឿង​បរិភោគផ្សេងៗទៀត។

ក្រៅពី​គ្រឿង​បរិភោគ​ទាំងនេះ លោក​ឧកញ៉ា​ចិត្តធម៌​រូបនេះ ក៏បាន​ឧបត្ថម្ភ​កង់​ចំនួន ៤៣គ្រឿង សរុប​ទឹកប្រាក់ ១, ៧០០ដុល្លារ ដល់​សិស្សានុសិស្ស​នៅទីនេះ  និង​ដឹកនាំ​ក្រុមគ្រូពេទ្យ​ចុះ​ពិនិត្យ​ពិគ្រោះ​យោបល់ ព្រមទាំង​ការព្យាបាល​ជំងឺផ្សេងៗ ក៏ដូចជា​ការចែក​ថ្នាំពេទ្យ​ជូន​ប្រជាជន​ក្រី​ក្រពី​សំណាក់​ក្រុម​វេជ្ជបណ្ឌិត នៃ​គ្លីនិក​ចល័ត វេជ្ជបណ្ឌិត គួច ដោយ​ឥតគិតថ្លៃ ដើម្បី​សម្រួល​ការលំបាក និង​ជីវភាព​ខ្វះខាត​ក្នុងការ​ចំណាយ​លើ​ការព្យាបាល​ជំងឺ​របស់​ពួកគេ​ផងដែរ។

ក្នុងចំណោម​អ្នកទទួល​អំណោយ​ទាំងនោះ មាន​លោកយាយ​ម្នាក់​អាយុ ៧២ឆ្នាំ ជា​ប្រជាពលរដ្ឋ​នៅ​ភូមិ តារា​បដូ​នស ឃុំ​គគីរ។ ស្ត្រី​ចំណាស់​ដែល​ដើរ​បាន​ពឹង​លើ​ឈើច្រត់​រូបនេះ រស់​នៅតែ​ពីរ​នាក់​បងប្អូន​ភ្លោះ​ប៉ុណ្ណោះ។ លោកយាយ​សប្បាយ​ចិត្តជា​ខ្លាំង​ដែល​ទទួលបាន​គ្រឿង​បរិភោគ​ពី​លោក​ឧកញ៉ា គួច ម៉េង​លី នៅថ្ងៃនេះ ខណៈដែល​លោកយាយ​កំពុង​ជួប​ការលំបាក​រស់នៅ​រាល់ថ្ងៃ​ពឹង​លើ​អ្នកជិតខាង​ជូន​នំចំណី ឬ​អាហារ និង​ក្មួយ​ផ្តល់​លុយកាក់​បន្តិចបន្តួច។ លោកយាយ​បន្តថា យ៉ាងហោចណាស់​អង្ករ ៥០គីឡូក្រាម និង​គ្រឿង​បរិភោគ​ទាំងនេះ អាចជួយ​បាន​ពី១ខែ ទៅ ២ខែ​ដែរ។

លោកយាយ​បន្តថា «បាន​អំណោយ​នេះ​ធូរ​មួយកម្រិត អា​មួយកម្រិត​ហ្នឹង​វា​ច្រើន​ដែរ​ព្រោះ​អីយើ​ង​វា​អត់​មាន ដូច​ខ្ញុំ​វា​ហូប​បានយូរ​ព្រោះ​យើង​អត់​មាន​កូនចៅ ហូប​ខ្លះ និង​ដាក់​បាទ​លោក​ខ្លះ យើង​ធ្វើ​បុណ្យឧទ្ទិសកុសល​ដល់​ម្ចាស់​ទាន»។

លោក គឹម គង់​ណា​រី សមាជិក​ក្រុមប្រឹក្សាឃុំ​គគីរ បានឱ្យដឹងថា​អំណោយ​ដែល​លោក​ឧកញ៉ា បាន​ចែកជូន​ប្រជាពលរដ្ឋ​នៅថ្ងៃនេះ គឺ​ចែក​ចំពេល​តែម្តង ចំពេល​ដែល​ប្រជាពលរដ្ឋ​កំពុង​ជួប​ការលំបាក​ខ្លាំង ព្រោះ​ជា​រដូវ​ទឹក​ឡើង។ លោក​បន្តថា អំណោយ​ជា​គ្រឿង​បរិភោគ​ទាំងអស់នេះ ទោះ​មិន​អាចជួយ​បាន​ច្រើន​ខែ ប៉ុន្តែ​ជួយ​ដោះ​ទាល់ និង​សម្រាល​ជីវភាព​ប្រជាជន​បាន​មួយរយៈ ខណៈ​រដូវ​ទឹក​ឡើង​នេះ​ប្រជាជនមាន​ការខ្វះខាត​ខ្លាំង ពិបាក​រកស៊ី​ប្រក​បរក​ចិញ្ចឹមជីវិត​មានគ្រួសារ​ខ្លះ​រកបាន​ព្រឹក​ខ្វះ​ល្ងាច។

លោក​បន្ថែមថា ជាច្រើនលើក​មកហើយ ដែល​លោក​ឧកញ៉ា វេជ្ជបណ្ឌិត គួច ម៉េង​លី បាន​ជួយ​ប្រជាពលរដ្ឋ​នៅ​តំបន់​នេះ ដូចជា​នាំយក​អំណោយ គ្រឿងឧបភោគ​បរិភោគ សម្ភារ​ប្រើប្រាស់ ថ្នាំសង្កូវ មក​ចែកជូន             ប្រជាពលរដ្ឋ ទិញ​កង់​ឧបត្ថម្ភ​ដល់​សិស្សសាលា ហើយ​ជាពិសេស​នោះ​លោក​បាន​សហការ​ជាមួយ​អាជ្ញាធរ​ធ្វើ​ផ្លូវ​ឱ្យ​ប្រជាពលរដ្ឋ​ធ្វើដំណើរ។ លោក​សូម​ថ្លែងអំណរគុណ​ដល់​លោក​ឧកញ៉ា ដែល​តែង​គិតគូរ​ដល់​ប្រជាពលរដ្ឋ​នៅ​តំបន់​នេះ។

សូមជម្រាបថា មូលនិធិ ម៉េង​លី ជេ. គួច ដែល​បាន​បង្កើតឡើង​កាលពី​ឆ្នាំ២០០៥ ដោយ​លោក​ឧកញ៉ា វេជ្ជបណ្ឌិត គួច ម៉េង​លី បានផ្តល់​អំណោយ​ជូន​ដល់​ប្រជាពលរដ្ឋ​នៅ​ខេត្តកណ្តាល១១លើក រួចមកហើយ។ ដោយឡែក​នៅ​តំបន់​កៀនស្វាយ​នេះ បាន​ចំនួន ៣លើក៕

បន្តពីអត្ថបទចុះលើកាសែតពីមុន (រួមមាន លោក អាលីស្តែរ ស្កត ជាប្រធានផ្នែកលក់រថយន្ត Jaguar Land Rover ប្រចាំតំបន់អាស៊ីអាគ្នេយ៍ និង លោក អូហ្វ សេបេកេ ប្រធានចាត់ការទូទៅរបស់ក្រុមហ៊ុន Jaguar Land Rover Cambodia (ជាផ្នែកមួយនៃក្រុមហ៊ុន អ អិម អេ គ្រុប) បានបង្ហាញ ថាកិច្ចសហការរួមគ្នារវាងក្រុមហ៊ុន Jaguar Land Rover និង ក្រុមហ៊ុន សំអាងការ នួនស្រី (Samangka Nournsrey) ជាដៃគូអាជីវកម្មមួយ ដូចខាងក្រោម៖

1- មរតករបស់ Jaguar: ការធ្វើដំណើរជាមួយ Jaguar គឺមានគុណតម្លៃឥតគណនា ហើយវាបន្តជារៀងរហូតសំអាងការ នួនស្រី Samangka Nournsrey: ជាក្រុមហ៊ុនរៀបចំពិធីមង្គលការ ដែលបង្ហាញពីរចនាបទសំលៀកបំពាក់ប្រពៃណីល្អឯក និងសម្បូរបែប។ បទពិសោធន៍ដែលកូនកំលោះ កូនក្រមុំទទួលបានពិតជាមានគុណតម្លៃឥតគណនា ជាបទពិសោធន៍មួយដែលមិនអាចភ្លេចបានក្នុងមួយជីវិត។

2- Land Rover / លើសពីការរំពឹងទុក: បេ្តជា្ញចំពោះការផ្តល់ជូន នូវស្លាកសញ្ញា “ល្អលើស” ពីការរំពឹងទុក
សំអាងការ នួនស្រី Samangka Nournsrey: ថ្ងៃអាពាហ៍ពិពាហ៍ជាការចាប់ផ្តើមនៃបទពិសោធន៍មិនអាចបំភ្លេចបានដែលនាំមកនូវដំណើរជីវិតឆ្ពោះទៅរក “ភាពល្អលើស” ពីការរំពឹងទុករវាងកូនកំលោះ និងកូនក្រមុំ ។ មង្គលការ នួនស្រី គឺជាកាតាលីករក្នុងការផ្តួចផ្តើមឲ្យមានការធ្វើដំណើរនេះតាមរយៈ ការរៀបចំពិធីមង្គលការប្រកបដោយវិជ្ជាជីវ និង ការប្តេជ្ញាកម្រិតខ្ពស់។

Following on from a previous press statement (introducing Mr. Alistair Scott , the Sales Director of Jaguar Land Rover SE Asia), Mr. Ulf Sebecke, the General Manager of Jaguar Land Rover Cambodia (a division of the RMA Group) highlights the association between the synergies of Jaguar Land Rover + Samangka Nournsrey as business partner, as follows:

1.Jaguar / Jaguar’s Heritage : the journey with Jaguar is timeless. It is forever……

Samangka Nournsrey: as a wedding planner, displaying a unique approach and encompassing traditional Cambodian design cues, the experience of the bride and groom is assured to be timeless. A once in a lifetime memorable experience.

2.Land Rover / Above and Beyond: the commitment of the brand delivers “Above and Beyond” expectations

Samangka Nournsrey: The wedding day is the commencement of a once in a lifetime memorable experience bringing the journey to “Above and Beyond” expectations. Samangka Nournsrey is the catalyst in initiating this journey through a high level of professional wedding planning, execution and personal commitment”

នៅ​ល្ងាច​ថ្ងៃទី 27 ខែ កញ្ញា ឆ្នាំ 2018 នេះ ក្រុមហ៊ុន LG Electronics និង​ក្រុមហ៊ុន G Gear (ជី​ហ្គៀ)  ដែលជា​ក្រុមហ៊ុន​ដៃគូរ​យុទ្ធសាស្ត្រ​តែមួយគត់​នៅក្នុង​ប្រទេស​កម្ពុជា បានរៀបចំ​កម្មវិធី LG VIP Night 2018 ដើម្បី​ជប់លៀង​ជួបជុំ​ថ្លែងអំណរគុណ​ដល់​តំណាង​ចែកចាយ​លក់​ផលិតផល LG និង អតិថិជន​ដៃគូរ​អាជីវកម្ម​នៅ​ទូទាំងប្រទេស​កម្ពុជា ព្រមទាំង​បង្ហាញ​នូវ​ផលិតផលថ្មីៗប្រចាំឆ្នាំ 2018 នៅ​សណ្ឋាគារ​សុខា​ភ្នំពេញ ។

នៅក្នុង​ពិធី​ជួបជុំ​ដ៏​អធិកអធម​ដែលមាន​ការចូលរួម​ជា​កិត្តិយស​ពី​សំណាក់ លោក Sung Suk Kim អគ្គនាយក​ថ្មី​របស់​ក្រុមហ៊ុន LG Electronices ប្រចាំ​ព្រះរាជាណាចក្រ​កម្ពុជា លោក​ឧកញ៉ា សុខ ពិសិដ្ឋ នាយក​ប្រតិបត្តិ​ក្រុមហ៊ុន​ជី​ហ្គៀ (G Gear) និង ដៃគូរ​អាជីវកម្ម​ប្រមាណ​ជាង  800នាក់។

បច្ចេកវិទ្យាថ្មីៗ នឹង​ផលិតផលសំខាន់ៗដែល LG Electronices បានដាក់​តាំង​បង្ហាញ​នៅក្នុង​កម្មវិធី​នោះ​មានដូចជា LG ThinQ , LG Inverter ទូរទស្សន៍ OLED និង Super UHD ។

បច្ចេកវិទ្យា AI ( Artificial Intelligence ) ដែលមាន​ឈ្មោះថា  “LG ThinQ“ ត្រូវ​បានដាក់​បង្ហាញជូន​ដល់​ភ្ងៀ​វ​កិ​តិ្ត​យស​ទាំងអស់​ដែលមាន​វត្តមាន​នៅក្នុង​កម្មវិធី​ចូលរួម​ទស្សនា និង ទទួលយក​បទពិសោធ​ន៍​ប្រើប្រាស់​ដោយផ្ទាល់។ ការ​អភិវឌ្ឃន៍​ជាច្រើន​ឆ្នាំ ទៅលើ​បច្ចេកវិទ្យា “LG ThinQ“ ហើយ​មកដល់​ពេលបច្ចុប្បន្ន បច្ចេកវិទ្យា​ដ៏​អស្ចារ្យ​នេះ​ត្រូវបាន​បញ្ចូល​ទៅក្នុង​ឧបករណ៍ប្រើប្រាស់​ក្នុងផ្ទះ​ជាច្រើន របស់​គ្រឿង​អេ​ឡិច​ត្រូ​និ​ច LG ដែលមាន​ដូចជា ទូរ​ទស​ន្ស​ន៍ OLED TV, ទូរ​ទឹកកក Instaview, ម៉ាស៊ីនត្រជាក់ Dual Cool, ឧបករណ៍​បំពង​សម្លេង និងឧបករណ៍​ជាច្រើន​ប្រភេទ​ផ្សេងទៀត ។

“LG ThinQ“ ផលិតផល​ដែល​បំពាក់​បច្ចេកវិទ្យា​ឆ្លាត​វៃ AI គឺជា​បច្ចេកវិទ្យា​ដែល​នឹង​ធ្វើអោយ​ការរស់នៅ​ប្រចាំថ្ងៃ របស់​អតិថិជន​ប្រើប្រាស់​កាន់​តែមាន​ភាពងាយស្រួល​ឡើង ដូចជា ការគ្រប់គ្រង និង បញ្ជារ​ទូរទស្សន៍​ដោយ​ប្រើប្រាស់​សម្លេង ការរៀបចំ​ចាក់​ចែង​ឱ្យ​ត្រូវ​នឹង​តម្រូវការ​ក្នុងការ​រស់នៅ​ប្រចាំថ្ងៃ​របស់​យើង ។ ទូរទស្សន៍ LG 2018 AI  ThinQ  ផ្ដល់ជូន​បទពិសោធន៍​ទស្សនា និង ការប្រើប្រាស់​ដ៏​អស្ចារ្យ​ដោយ​គ្រាន់តែ​ចុច និង សង្កត់​ប៊ូ​តុង​សំឡេង អ្នកប្រើប្រាស់​អាច​សួរ​ព័ត៌មាន​ជាច្រើន​ដូចជា ការព្យាករណ៍​អាកាសធាតុ ការស្វែងរក​ទីតាំង​ហាង​អាហារ​ដែល​នៅ​ជិត​បំផុត និង​ដឹង​ពី​លទ្ធផល​ការប្រកួត​កីឡា​បាស់​ទាត់ផ្សេងៗទៀត ។ បច្ចេកវិទ្យា AI LG ThinQ ជួយ​អោយ​អ្នកទស្សនា និង ប្រើប្រាស់​ទទួលបាន​ភាព​រីករាយ និង បទពិសោធ​ន៌​ដ៏​អស្ចារ្យ​ដោយ​ការប្រើ​នឹង​បញ្ជារ​ដោយ​សំឡេង​ផ្ទាល់ ។

នៅក្នុង​កម្មវិធី ក៏មាន​ការដាក់​តាំង​បង្ហាញ​ផលិតផល​ជាច្រើន នៅ​ក្នុងនោះ​ក៏ដូចជា ទូរទស្សន៍ LG OLED TV  និង Super UHD TV ផងដែរ ។ ទូរទស្សន៍ LG OLED TV ស៊េរី​ថ្មី  ទំនើបៗ ល្អ​ផ្អា​ច់​គេ ដែល​អាច​ផ្ដល់ជូន​នូវ​គុណភាព រូបភាព​យ៉ាងច្បាស់​ល្អ​អស្ចារ្យ ជាមួយនឹង   ពណ៌​រូបភាព​ខ្មៅ​ដិត​ច្បាស់​ឥតខ្ចោះ (Perfect Black) ដែល​មើលទៅ​ហាក់បីដូចជា​ទស្សនា​នៅ​ខាងក្រៅ​ផ្ទាល់ ទោះបី​មើល​ពី​ជ្រុង​ណាក៏ដោយ។

ទូរទស្សន៍ LG OLED TV ជា​ប្រភេទ​ទូរទស្សន៍​ស្ដើង​បំផុត និង អាច​មើលឃើញ​ពី​គ្រប់​ជ្រុង​ដោយ​មិន​បាត់បង់​រូបភាព​ដើមឡើយ ហើយ​ព្រមទាំង​ភ្ជាប់​មកជា​មួយ​នូវ កម្មវិធី​សំឡេង Dolby Vision  និង Dolby Atmos ដែល​ធ្វើឱ្យ​រូបភាព និង សំឡេង​កាន់តែ​ល្អឥតខ្ចោះ ។

សមត្ថភាព និង បច្ចេកវិទ្យា​ទាំងនេះ​បានធ្វើ  អោយ​ទូរទស្សន៍ LG OLED TV ទទួលបាន​ពានរង្វាន់​ទូរទស្សន៍​ឆ្នើម​ល្អ​ដាច់​គេ ពី​កម្មវិធី CES (Consumer Electronics Show) 2018 ថ្មីៗកន្លងទៅនេះ​ផងដែរ។ មិនតែប៉ុណ្ណោះ​នៅក្នុង  កម្មវិធី​នោះ ក៏មាន​ការដាក់​តាំង​បង្ហាញ​ទូរទស្សន៍​ប្រភេទ Super UHD ជូន​ដល់​ភ្ញៀវ​កិ​តិ្ត​យស​ទាំងអស់​បាន​ទស្សនា និង ទទួលយក​បទពិសោធ​ន៍​ដោយផ្ទាល់​ផង​ដែល ។

ទូរទស្សន៍ LG Super UHD បាន​បំពាក់​នូវ​បច្ចេកវិទ្យា​ចុងក្រោយ Nano-Cell និង ដំណើរការ​ដោយ​បច្ចេកវិទ្យា​ខួរក្បាល​ឆ្លាត​វៃ Alpha 7 ដែល​អាច​បង្ហាញ​កម្រិត​រូបភាព​ច្បា​ល់​ល្អ និង បង្ហាញ​រូបភាព​ដូច​ទៅនឹង​រូបភាពពិតៗនៅ​ខាងក្រៅ ។ លើ​ល​ពីនេះ​ទៅទៀត ទូរទស្សន៍ LG Super UHD ក៏បាន​ផ្ដល់នូវ​បទពិសោធន៍​ទស្សនា ដល់​អ្នកប្រើប្រាស់​នូវ​គុណភាព​រូបភាព​កម្រិត​ភាពយន្ត 4K និង សម្លេង​ដែល​ហុំ​ព័ទ្ធ​នៅ​ជុំវិញខ្លួន​របស់​យើង ទោះបីជា​បន្ទប់​ធំ​ក៏ដោយ ប្រៀបបាន​ដូច​ជាការ​ទស្សនា​នៅក្នុង​រោងកុនពិត។

សម្រាប់​ក្រុមហ៊ុន LG គឺ​តែងតែ​ខិតខំ និង បេ្ត​ជ្ញា​ចិត្ត​ក្នុងការ​ផ្ដល់នៅ​ផលិតផល ដែលមាន​គុណភាព​ឈានមុខ​គេ ប្រសិទ្ធិភាព​សន្សំសំចៃ​ថាមពល​ខ្ពស់ និង សមត្ថភាព​ក្នុងការ​ប្រើប្រាស់​កាន់តែ​ល្អ​សំរាប់​អតិថិជន។ បច្ចេកវិទ្យា LG Inverter ត្រូវបាន​បំពាក់​ទៅលើ​ឧបករណ៍ប្រើប្រាស់​ក្នុង​គេហដ្ឋាន​ជាច្រើន​ដូចជា ម៉ាស៊ីន​បោកគក់​សំលៀកបំពាក់ ម៉ាស៊ីនត្រជាក់ ទូរ​ទឹកកក ម៉ាស៊ីន​បូម​ធូលី ម៉ាស៊ីន​ចំអិន​អាហារ និង ឧបករណ៍ប្រើប្រាស់​ក្នុងផ្ទះ​ជាច្រើន​ទៀត។

ម៉ាស៊ីនត្រជាក់ LG Dual Cool (Dual Inverter) ដែល​អាច​សន្សំសំចៃ​ភ្លើង បាន​រហូតដល់ 70% ផ្ដល់​សំណើម និង​ថែរក្សា​ស្បែក ថែមទាំង​មានមុខ​ងារ​ដែល​ផ្តល់នូវ​ភាព​ត្រជាក់​លឿន និង​ថែរក្សា​បរិស្ថាន​ទៀតផង ។ សម្រាប់​ម៉ាស៊ីន​បោកគក់​ដែល​បំពាក់​បច្ចេកវិទ្យា LG Inverter វិញ គឺ​ធ្វើអោយ​ការបោក​គក់​ម្ដង​ប្រើប្រាស់​ភ្លើង​ត្រឹមតែ 67 វ៉ា​ត់​តែប៉ុណ្ណោះ វា​ស៊ី​ភ្លើង​តិចជាង​ម៉ាស៊ីន​បោកគក់​ធម្មតា​រហូតដល់ 36%  រឺ​ឯ​ទូរ​ទឹកកក​របស់​ក្រុមហ៊ុន LG មាន​បច្ចេកវិទ្យា Inverter  អាច​រក្សា​អាហារ​អោយនៅ​ស្រស់​ក្នុង​រយៈពេល​យូរ​រហូតដល់​មួយ​សបា្ដហ៍។

បច្ចេកវិទ្យា Inverter ជា​ក្បាលម៉ាស៊ីន​នៃ​ឧបករណ៍ប្រើប្រាស់​ក្នុងផ្ទះ ដែល​អាច​សន្សំសំចៃ​ថាមពល​បាន​រហូតដល់​ទេ្វ​រដង និង ធ្វើ​ឲ្យ​គ្រឿង​ឧបករណ៍​អេ​ឡិច​ត្រូ​និ​ច​ដំណើរការបាន​យ៉ាង​ល្អប្រសើរ។ ដូច្នេះហើយ​ទើប LG ក្លាយជា​ក្រុមហ៊ុន​ស្ដង់ដា​ឧស្សាហកម្ម​គ្រឿង​អេ​ឡិច​ត្រូ​និ​ច​ដែល​ឈានមុខ​គេ​ក្នុង​សកលលោក ។

នា​ក្នុង​ឪ​កាស​នោះ លោក សុង សុខ​គីម ដែលជា​អគ្គនាយក​ថ្មី​របស់ LG Electronics នៅក្នុង​ប្រទេស​កម្ពុជា​ក៏បាន​មាន​ប្រសា​ស​ដែលថា “ យើងខ្ញុំ​ពិតជា​មាន​មោទនភាព​ណាស់​ដែល​បាន​ចាប់​ដៃគូរ​ជាមួយនឹង​ក្រុមហ៊ុន​តំណាង​ចែកចាយ​របស់​យើង គឺ​ក្រុមហ៊ុន G Gear ដែលជា​ក្រុមហ៊ុន​ទទួលបាន​សិទ្ធិ​ចែកចាយ​ផ្តាច់មុខ​សម្រាប់​ការលក់​ដំ​គ្រឿង​អេ​ឡិច​ត្រូ​និ​ចរ​បស់ LG នឹង​ជា​ក្រុមហ៊ុន​ឈានមុខ​មួយ ក្នុងការ​ធ្វើការ​ចែកចាយ ផលិតផល​អេ​ឡិច​ត្រូ​និ​ច​ប្រើប្រាស់​ក្នុងផ្ទះ នៅក្នុង​ប្រទេស​កម្ពុជា។ យើងខ្ញុំ​ជឿជាក់ថា ភាពជា​ដៃគូរ​របស់​យើង​ពិតជា​ធ្វើអោយ​ក្រុមហ៊ុន​ទាំងពីរ រីកលូតលាស់​ទៅបាន​យ៉ាង​ឆាប់រហ័ស។ ”

ចំណែក លោក ឧកញ៉ា សុខ ពិសិដ្ឋ នាយក​ប្រតិបត្តិ​ក្រុមហ៊ុន ជី​ហ្គៀ (G Gear) ក៏បាន​ឱ្យដឹង​ផងដែរ​ថា ៖ ក្នុង​រយៈពេល 7 ឆ្នាំ កន្លងទៅនេះ ក្រុមហ៊ុន G Gear មិន​គ្រាន់តែ​ដើរតួ​ជា​អ្នក​ចែកចាយ​ផលិតផល LG តែប៉ុណ្ណោះ​ទេ តែ​យើង​គឺជា​ដៃគូរ​យុទ្ធសាស្ត្រ​តែមួយ​គក់ ដែល​ខិតខំ​ប្រឹងប្រែង​ក្នុងការ ជួយ​ពង្រឹង និង ពង្រីក​ទីផ្សារ​ចែកចាយ​របស់​ផលិតផល LG នៅក្នុង​ប្រទេស​កម្ពុជា។ យើង​ហ៊ាន​និយាយបានថា​ចំណែក​ទីផ្សារ​របស់​ផលិតផល LG បាន​កើនឡើង​គួរអោយ​គក់​សម្គាល់​មក​ដល់ពេលនេះ មួយផ្នែកធំ គឺ​កើតឡើង​ដោយសារ​ការចូលរួមចំណែក​របស់​ក្រុមហ៊ុន G Gear ។ ដោយ​ផ្អែកទៅលើ​យុទ្ធសាស្ត្រ​ផែនការ​ទីផ្សារ និង​ការគិត​ទុកជាមុន​យ៉ាង​ម៉ត់ចត់​របស់​យើង យើង​ជឿជាក់ថា​ចំណែក​ទីផ្សារ​របស់​ផលិតផល LG នៅក្នុង​ប្រទេស​កម្ពុជា និង​បន្ត​កើន​ឡើងជា​លំដាប់​បន្តទៅទៀត។

នៅក្នុង​កម្មវិធី​ជប់លៀង​ដ៏​អធិកអធម​នោះ ក៏មាន​ការចាប់​រង្វាន់ ជូន​ដល់ដៃ​គូរ​អាជីវកម្ម លក់​បន្ដ​ទូទាំងប្រទេស​របស់​ក្រុមហ៊ុន LG និង ក្រុមហ៊ុន G Gear ផងដែរ ដែលមាន​រង្វាន់​សរុប​ជា​ទឹកប្រាក់ 200 លាន​រៀល ដែល​រង្វាន់​ធំ​បំផុត គឺ​រថយន្ដ Mazda ចំនួន​មួយគ្រឿង៕

ភ្នំពេញ៖ នៅ​ថ្ងៃទី27 ខែកញ្ញា ឆ្នាំ 2018 នេះ ក្រុមហ៊ុន​អ័​រ​គី​ដេ​វីឡា បាន​បើកសម្ពោធ​ផ្ទះ​គំរូ​របស់ខ្លួន​នៅ​ទីតាំង​គម្រោង​ផ្ទាល់​ក្នុង​សង្កាត់​ជ្រោយចង្វារ ខណ្ឌ​ជ្រោយចង្វារ ក្រោម​ការចូលរួម​ពី​សំណាក់​ថ្នាក់ដឹកនាំ បុគ្គលិក​របស់​ក្រុមហ៊ុន​អ័​រ​គី​ដេ​វីឡា ព្រមទាំង​អតិថិជន​ជាច្រើនរូប​ផងដែរ។

ផ្ទះ​គំរូ​ដែល​ត្រូវបាន​សម្ពោធ​មានដូចជា វីឡា​ទោល វីឡា​ភ្លោះ និង​វីឡា​កូនកាត់។ វីឡា​ទាំងបី​ប្រភេទ​នេះ​គឺ​ទទួលបាន​ការចាប់អារម្មណ៍​យ៉ាងខ្លាំង​ពី​សំណាក់​អតិថិជន​របស់​យើង ដោយសារ​ការ​រចនា​ម៉ូដ​ថ្មី​ប្លែក​ពី​គម្រោង​ដទៃ ទាំង​ទំហំ​ផ្ទះ និង​ទំហំ​ដី​មាន​លក្ខណៈ​ធំ​ទូលាយ​ដែល​អាចឱ្យ​លោក​អ្នកមាន​ភាពងាយស្រួល​ក្នុងការ​រស់នៅ ការចត​យានជំនិះ និង​ការរៀបចំ​កម្មវិធីផ្សេង។ ដោយឡែក​បន្ទប់នីមួយៗមាន​ខ្យល់​ចេញចូល និង​មាន​ពន្លឺ​គ្រប់គ្រាន់ ជាមួយនឹង​បរិស្ថាន​ធម្មជាតិ​ជុំវិញ​ផ្ទះ។

គួរបញ្ជាក់​ផងដែរ​ថា គម្រោង​អ័​រ​គី​ដេ​វីឡា ដឹ​ប៊ូ​តា​និ​ច​ស៊ី​ធី គ្របដណ្ដប់​លើ​ផ្ទៃដី​ជាង 175ហិច​តា បែង​ចែកជា 6ផ្នែកធំៗ រួមមាន​ផ្ទះ​វីឡា​គ្រប់​ប្រភេទ ដីឡូត៍ សាលារៀន​អន្តរជាតិ ផ្សារ​ទំនើប ព្រមទាំង​សួរ​ប៊ូ​តា​និ​ច​តែមួយគត់​នៅក្នុង​ព្រះរាជាណាចក្រ​កម្ពុជា។ល។

ដូច្នេះ​ដើម្បី​ជ្រាប​កាន់តែច្បាស់​ថា ផ្ទះ​គំរូ​របស់​គម្រោង​ដឹ​ប៊ូ​តា​និ​ច​ស៊ី​ធី​មាន​លក្ខណៈពិសេស និង​ស្រស់ស្អាត​ប៉ុណ្ណា ក៏ដូចជា​ចង់ដឹងថា តើ​ក្រុមហ៊ុន​អ័​រ​គី​ដេ​វីឡា គម្រោង​ដឹ​ប៊ូ​តា​និ​ច​ស៊ី​ធី មានការ​ផ្ដល់ជូន​កម្ម​វិធី​ពិសេស​បែបណា​ជូន​អតិថិជន សូម​អញ្ជើញ​អតិថិជន​ទាំងអស់​ទៅ​ទស្សនា​ផ្ទះ​គំរូ​ពិត​នៅ​ការដ្ឋាន​សាងសង់​ផ្ទាល់ ដែលមាន​អយ​ដ្ឋា​ន​នៅតាម​បណ្ដោយ​ផ្លូវជាតិ​លេខ 6A សង្កាត់​ព្រែ​លៀប ខណ្ឌ​ជ្រោយចង្វារ (ចម្ងាយ​ពី​ស្ពាន​ជ្រោយចង្វារ 7គីឡូម៉ែត្រ មកដល់​ស្ដុ​ប​អ័​រ​គី​ដេ រួច​បត់​ឆ្វេង​ដៃ)៕

ទូរស័ព្ទ​ណា​ដែលមាន​រ៉េ​ម​ទំហំ 8GB ត្រូវបាន​ចាត់ទុកថា​ជា​រ៉េ​ម​ដែលមាន​សមត្ថភាព​ខ្ពស់ ស្មើរ​នឹង​កុំព្យូទ័រ​ផងដែរ។ ហើយ​ឥឡូវនេះ ទូរស័ព្ទ​ដែលមាន​រ៉េ​ម​កម្រិត​នេះ គឺជា​ទូរស័ព្ទ​ដែល​ទំនើប​បំផុត ស្របតាម​តម្រូវការ​អ្នក​និយម​ស្មា​ត​ហ្វូ​ន​បច្ចុប្បន្ន។

ប្រសិនបើ​លោកអ្នក​ស្វែងរក​ទូរស័ព្ទ​ដែលមាន​រ៉េ​ម​កម្រិត 8GB ឥឡូវនេះ​លែង​ជា​បញ្ហា​ទៀតហើយ។

ក្រុមហ៊ុន​សាម​សុង បានបង្ហាញ​វត្តមាន Samsung Galaxy Note 9 ដែលមាន​រ៉េ​ម 8GB និង​មេម៉ូរី 512GB នៅ​ថ្ងៃទី២៥ ខែកញ្ញា ឆ្នាំ២០១។ អ្វីដែល​កាន់តែ​ពិសេស​ជាងនេះទៀត​នោះ​គឺ លោកអ្នក​អាច​បន្ថែម​មេម៉ូរី​ខាងក្រៅ​បាន​រហូតដល់ 512GB ទៀត អីចឹង​វា​មាន​ទំហំ​សរុប​ទៅដល់​1TB ។

សម្រាប់​ទូរស័ព្ទ​ប្រកបដោយ​អានុភាព​នេះ មាន​ជម្រើស 2ពណ៌ គឺ​ពណ៌​ខៀវ និង​ពណ៌​ខ្មៅ ក្នុងតម្លៃ​ត្រឹម $1159 ប៉ុណ្ណោះ។ ដូ​ចេះ្ន​លោកអ្នក​អាច​រក​ជាវ​បាន​នៅតាម​បណ្តា​ហាង​ទំនើប​សាម​សុង និង​ដេប៉ូ​ចែកចាយ​សាម​សុង​ណាមួយ​ដែល​នៅ​ជិត​លោកអ្នក​បំផុត។

ក្រុមហ៊ុន​សាម​សុង​ជឿជាក់ថា អ្នក​និយម​ស្មា​ត​ហ្វូ​ន មិន​គ្រាន់តែ​ត្រូវការ​ទូរស័ព្ទ​ដែលមាន​ថ្ម​កាន់​បានយូរ​ដែលមាន​មកជា​មួយ Samsung Galaxy Note 9 ប៉ុណ្ណោះ​ទេ ប៉ុន្តែ​ក៏ត្រូវ​ការ​ទំហំ​ផ្ទុក​ទិន្នន័យ​កាន់តែ​ធំ​ដែរ សម្រាប់​ដាក់​រូបថត វីដេអូ ឬ​ឯកសារសំខាន់ៗរបស់​ពួកគាត់​ផងដែរ។

ជាមួយ​មេម៉ូរី​ធំ​ជាង​មុន អាច​ផ្ទុក​វីដេអូ​កម្រិត FHD ចំនួន 2315 វីដេអូ និង​រូបភាព​ច្រើនជាង 93000 រូបភាព។ ទំហំ​ផ្ទុក​ទិន្នន័យ​ធំ​ទូលាយ រួមជាមួយ​នឹង microSD ដែល​អាចដាក់​បន្ថែម​បាន មានន័យថា​អ្នកប្រើប្រាស់ លែង​ត្រូវការ​លុប​ឯកសារ ឬ​កម្មវិធី ដើម្បី​ដោ​ន​ឡូត​យក​កម្មវិធី​ថ្មី ឬ​ដើម្បី​ដាក់​រូបភាព វីដេអូ និង​ឯកសារថ្មីៗទៀតហើយ។

ទូរស័ព្ទ  Samsung Galaxy Note 9 គឺជា​ស្មា​ត​ហ្វូ​ន​ល្អផ្ដាច់គេ​នៅក្នុង​ទីផ្សារ​បច្ចុប្បន្ននេះ។ ប្រភេទ Note ត្រូវបាន​ទទួលស្គាល់​ដោយ​អតិថិជន និង​អ្នកជំនាញ​ថា​ជា​បច្ចេកវិទ្យា​ឈានមុខ​គេ នាំនូវ​បទពិសោធ​ថ្មី​ដែល​មិនមាន​ឧបករណ៍​ផ្សេង​ណា​អាច​ផ្ដល់ជូនបាន។ Samsung Galaxy Note 9 បន្ត​មរតក​នេះ ជាមួយ​ស្មា​ត​ហ្វូ​ន​ដ៏​ប្រណីត ដែល​នាំមក​នូវ​សមត្ថភាព​ខ្ពស់បំផុត៕

ភ្នំពេញ៖ របាយការណ៍​ហិរញ្ញវត្ថុ​ឆមាស​ទី1 ឆ្នាំ2018 របស់​គ្រឹះស្ថាន​មីក្រូហិរញ្ញវត្ថុ អេ អឹម ខេ ភីអិលស៊ី បាន​បង្ហាញថា ភាគច្រើន​លើសលប់​នៃ​អតិថិជន​កម្ចី​របស់ខ្លួន គឺជា​ស្ត្រី​ដែលមាន​រហូតដល់​ជាង 80%នៃ​ចំនួន​អតិថិជន កម្ចី​សរុប។ អតិថិជន អេ អឹម ខេ ភាគច្រើន​ជា​ប្រជាជន​ក្រីក្រ​រស់នៅ​តំបន់​ជនបទ។

តួលេខ​នេះ​បញ្ជាក់​យ៉ាងច្បាស់​ថា អេ អឹម ខេ បាន និង​កំពុងតែ​ចូលរួម​លើកកម្ពស់​ស្ត្រី​នៅ​តំបន់​ជនបទ​ឱ្យ​ដើរតួ នាទី​យ៉ាងសកម្ម​ក្នុងការ​សម្រេចចិត្ត​លើ​ជីវភាព និង​សេដ្ឋកិច្ច​គ្រួសារ។

អេ អឹម ខេ គឺជា​គ្រឹះស្ថាន​មីក្រូហិរញ្ញវត្ថុ​ដែល​ឈានមុខ​គេ​មួយ​ក្នុងចំណោម​គ្រឹះស្ថាន​មីក្រូហិរញ្ញវត្ថុធំៗនៅក្នុង ប្រទេស​កម្ពុជា។ ជាមួយនឹង​ទស្សនវិស័យ គឺ​ដើម្បី​សង្គម​កម្ពុជា​ដែល​ប្រជាពលរដ្ឋ​ទាំងឡាយ​មានឱកាស​គ្រប់គ្រាន់ និង​ស្មើ ភាព​គ្នា​ក្នុង​សកម្មភាព​សេដ្ឋកិច្ច និង​សង្គម​ដើម្បី​ធ្វើ​ឲ្យ​ជីវភាព​រស់នៅ​របស់​ពួកគេ​មាន​ភាពប្រសើរឡើង ដែល​អាចជួយ​ជា​វិភាគទាន​យ៉ាង​មាន​ប្រយោជន៍​ចំពោះ​ការអភិវឌ្ឍ​ប្រទេសជាតិ។ អេ អឹម ខេ បាន និង​កំពុងតែ​ផ្តោត ទៅលើ​ការអភិវឌ្ឍ ផលិតផល និង​សេវា​ហិរញ្ញវត្ថុ​របស់ខ្លួន ដើម្បី​ឱ្យមាន​ភាពងាយស្រួល និង​មិន​ស្មុគស្មាញ​ក្នុងការ​ប្រើប្រាស់ ជូន​ដល់​អតិថិជន​របស់ខ្លួន ជាពិសេស​អតិថិជន​ជា​ស្ត្រី។

លោក គា បូរាណ ប្រធាន​នាយក​ប្រតិបត្តិ​គ្រឹះស្ថាន​មីក្រូហិរញ្ញវត្ថុ អេ អឹម ខេ បាន​លើកឡើងថា “ ការ​ផ្តល់ឱកាស​ឱ្យមាន​ការចូលរួម​ពី​ស្ត្រី​ក្នុងការ​សម្រេចចិត្ត​ចំពោះ​សកម្មភាព​សេដ្ឋកិច្ច​គ្រួសារ​ពេញលេញ​អាចជួយ​ជំរុញឱ្យមាន​កំណើនសេដ្ឋកិច្ច​ជាតិ និង​ជួយ​កាត់បន្ថយ​ភាពក្រីក្រ។  ជាទូទៅ  អេ អឹម ខេ តែងតែ​រៀបចំ​នូវ​សេវា​ហិរញ្ញវត្ថុផ្សេងៗ ដែលមាន​លក្ខណៈ​អំណោយផល​ដល់​អ្នកប្រើប្រាស់ ជាពិសេស​គឺ​ស្ត្រី​ដែល​កំពុង​រស់នៅ​តាម​ទីជនបទ​ធ្វើយ៉ាងណា​ឱ្យ​ពួកគាត់​មានឱកាស​គ្រប់គ្រាន់​ក្នុងការ​ប្រើប្រាស់​សេវា​យើង” បើ​យោងតាម​របាយការណ៍​ហិរញ្ញត្ថុ​របស់​គ្រឹះស្ថាន​មីក្រូហិរញ្ញវត្ថុ អេ អឹម ខេ រយៈពេល៦ខែ​ចុង​ក្រោយនេះ បានឱ្យដឹងថា អតិថិជន អេ អឹម ខេ ជិត៣០ម៉ឺន​នាក់​គឺជា​ស្ត្រី ដែល​ស្មើនឹង​ប្រមាណ​ជាង៨០%នៃ​អតិថិជន​កម្ចី​សរុប ហើយ​ភាគច្រើន​នៃ​ពួកគេ គឺ​រស់នៅ​តំបន់​ជនបទ។

លោក​បូរាណ បាន​បន្ត​ដូចនេះ​ថា “បើ​មើល​ទៅលើ​បេសកកម្ម​របស់ អេ អឹម ខេ គឺ​ជួយ​ដល់​ប្រជាពលរដ្ឋ​ក្រីក្រ​ភាគច្រើន។ ត្រង់នេះ​យើង​ចង់សង្កត់ធ្ងន់​ទៅលើ​ស្ត្រី និង​កុមារ​នៅតាម​ជនបទ។ ដូចនេះ អេ អឹម ខេ ពីមួយ​ឆ្នាំទៅ​មួយឆ្នាំ​តែងតែ​បង្កើត​ផលិតផល និង​សេវា​ហិរញ្ញវត្ថុថ្មីៗ ដើម្បី​បំពេញតម្រូវការ​អតិថិជន​របស់​យើង​ជាពិសេស​អតិថិជន​ដែលជា​ស្ត្រី​យកទៅ ប្រើប្រាស់​ក្នុងន័យ​អភិវឌ្ឍ សេដ្ឋកិច្ច​គ្រួសារ​របស់​ពួកគាត់”

គួរឱ្យកត់សម្គាល់​ផងដែរ​ថា គ្រឹះស្ថាន​មីក្រូហិរញ្ញវត្ថុ អេ អឹម ខេ គឺជា​គ្រឹះស្ថាន​ដែល​ឈានមុខ​គេ​លើ​វិសាលភាព​ប្រតិបត្តិការ និង​ចំនួន​អតិថិជន​ប្រាក់កម្ចី។ គិត​ត្រឹម​ខែសីហា ឆ្នាំ២០១៨ នេះ អេ អឹម ខេ មាន​បុគ្គលិក​សរុប​ចំនួន​ជាង ២.៦០០នាក់ អតិថិជន​ចំនួន​ជាង ៨១ ម៉ឺន​នាក់ ជាមួយនឹង​ផលប័ត្រ​ប្រាក់កម្ចី​ជាង ២៤០ លាន​ដុល្លារ​អាមេរិក  និង​ប្រាក់​បញ្ញើ​ជាង ១២៤ លាន​ដុល្លារ​អាមេរិក  មាន​ការិយាល័យ​ប្រតិបត្តិការ​ចំនួន ១៥០ កន្លែង និង​មាន​ភ្នាក់ងារ​ជាង ៣.៥០០កន្លែង​នៅ​ទូទាំងប្រទេស។  អេ អឹម ខេ មាន​ផលិតផល និង​សេវាកម្ម​ជាច្រើន កំពុង​ផ្តល់ជូន​អតិថិជន​ដូចជា៖  សេវា​ប្រាក់កម្ចី  ប្រាក់​សន្សំ  ផ្ទេរប្រាក់  សេវា​ទូទាត់​វិក្កយបត្រ  ធានារ៉ាប់រង​ខ្នាតតូច  ធនាគារ​ចល័ត  សេវា​បើកប្រាក់​បៀវត្សរ៍  ម៉ាស៊ីន​ដក និង​ដាក់​ប្រាក់​ដោយ​ស្វ័យប្រវត្តិ (ATMs/CDMs)៕

កាលពីថ្ងៃពុធទី 19 ខែកញ្ញា ឆ្នាំ 2018 ក្រុមហ៊ុនផលិតស្រាបៀរកម្ពុជា​ (CBL) បានរៀបចំកម្មវិធីដ៏ឧឡារិកមួយនៅអាគារ K និង L នៃមជ្ឈមណ្ឌលកោះពេជ្រ រាជធានីភំ្នពេញ ជាកម្មវិធីជប់លៀងដៃគូពាណិជ្ជកម្មអាពាហ៍ពិពាហ៍​ ក្នុងគោលបំណងនៃការ​រៀបចំនេះដើម្បីជួបជុំដៃគូពាណិជ្ជកម្មអាពាហ៍ពិពាហ៍​ និងថ្លែងអំណរគុណនៅកិច្ចសហការកន្លងមក ក៏ដូចជាជម្រាប​ជូននៅកព្ចាប់អាពាហ៍ពិពាហ៍សម្រាប់រដូវកាលឆ្នាំ 2018 – 2019។

កម្មវិធីពិសេសនេះត្រូវបានរៀបចំឡើងក្នុងគោលបំណងពង្រឹងចំណងទំនាក់ទំនងជាមួយដៃគូពាណិជ្ជកម្ម អ្នកណែនាំរោងការ និងអតិថិជនទាំងអស់ដែលជាវស្រាបៀរគ្រប់ម៉ាកសញ្ញារបស់ក្រុមហ៊ុនផលិតស្រាបៀរកម្ពុជា (CBL) រួមមានស្រាបៀរ ABC Extra Stout Heineken Tiger/Tiger Crystal Anchor Gold Crown និង Gold Crown Stout សម្រាប់រៀបចំទទួលភ្ញៀវក្នុងពិធីមង្គលការ ឬកម្មវិធីជប់លៀងផ្សេងៗ នៅទូទាំងប្រទេសកម្ពុជា។ ក្នុងឱកាសដ៏ពិសេសនេះ លោក (Samson Wong) អគ្គនាយកក្រុមហ៊ុនផលិតស្រាបៀរកម្ពុជា (CBL) បានមានប្រសាសន៍ថា៖ កម្មវិធីកព្ចាប់អាពាហ៍ពិពាហ៍របស់ ក្រុមហ៊ុនផលិតស្រាបៀរកម្ពុជា (CBL) តែងតែយកចិត្តទុកដាក់ចំពោះអតិថិជនជានិច្ច អស់រយៈពេលជាច្រើនឆ្នាំមកហើយយើងបាននាំគូស្វាមីភរិយាជាច្រើនគូទៅក្រេបទឹកឃ្មុំនា ទីក្រុងញូវយ៉ក ប្រទេសអាមេរិច ទីក្រុងមីឡាន ប្រទេសអ៊ីតាលី ប្រទេសសិង្ហបុរី និងឆ្នេរក្រាប៊ីជាដើម។

សម្រាប់ឆ្នាំនេះយើងនឹងនាំមកនូវកម្មវិធីកព្ចាប់អាពាហ៍ពិពាហ៍កាន់តែអស្ចារ្យសម្រាប់រដូវកាលអាពាហ៍ពិពាហ៍ខាងមុខនេះ ដូចជាស្រាបៀរ ABC Extra Stout ដំណើរកម្សាន្តទៅទីក្រុងឡុងដ៏ ស្រាបៀរ Heineken ដំណើរកម្សាន្តទៅទីក្រុងឡូសអាន់ជ័រលេស ស្រាបៀរ Tiger ដំណើរកម្សាន្តទៅទីក្រុងស៊ីដនី និង​ ស្រាបៀរ Anchor ដំណើរកម្សាន្តតាមនាវាដ៏អស្ចារ្យ ។ អ្នកដែលបានអញ្ជើញចូលរួមក្នុងកម្មវិធីពិសេសនេះរួមមាន ម្ចាស់ហាងលក់ភេសជ្ជៈ អ្នកទទួលធ្វើម្ហូបការនិងពិធីជប់លៀងគ្រប់ប្រភេទ នឹងទទួលបានកញ្ចប់រង្វាន់លើកទឹកចិត្តពិសេសពីក្រុមហ៊ុនផលិតស្រាបៀរកម្ពុជា (CBL) រាល់ការណែនាំផលិតផលស្រាបៀរម៉ាកសញ្ញាណាមួយរបស់ក្រុមហ៊ុន CBL ដូចជា ABC Extra Stout, Heineken, Tiger, Anchor Gold Crown និង​ Gold Crown Stout ទៅកាន់គូស្វាមីភរិយាថី្ម។

បន្ទាប់ពីកម្មវិធីនេះបានប្រារព្ធធ្វើឡើងនៅរាជធានីភ្នំពេញ ក្រុមហ៊ុន CBL នឹងរៀបចំបន្តផ្សព្វផ្សាយកម្មវិធីនេះនៅខេត្តសំខាន់ពីរផ្សេងទៀតដូចជា៖
ខេត្តសៀមរាប ថ្ងៃទី 26 ខែកញ្ញា ឆ្នាំ 2018 នៅ វិមានមង្គល ។
នៅខេត្តកំពង់ចាម ថ្ងៃទី 30 ខែកញ្ញា ឆ្នាំ 2018 នៅសណ្ឋាគារ 7មករា។

ចាប់ពីពេលនេះតទៅ ម្ចាស់ហាងលក់ភេសជ្ជៈ អ្នកទទួលធ្វើម្ហូបការ និងពិធីជប់លៀងគ្រប់ប្រភេទព្រមទាំងអតិថិជនផ្ទាល់អាចចុះឈ្មោះ ដើម្បីក្លាយជាដៃគូពាណិជ្ជកម្មក្នុងការផ្គត់ផ្គង់ស្រាបៀរដើម្បីទទួលបានអត្ថប្រយោជន៍យ៉ាងច្រើនសន្ធឹកសន្ធាប់ពីកញ្ចប់លើកទឹកចិត្តពិសេសសម្រាប់កម្មវិធីអាពាហ៍ពិពាហ៍ និងកម្មវិធីជប់លៀងផ្សេងៗ។
ពិសាដោយការទទួលខុសត្រូវ៕

លោក Alistair Scott ជាអគ្គនាយកផ្នែកលក់របស់ក្រុមហ៊ុន Jaguar Land Rover ប្រចាំតំបន់អាស៊ីអាគ្នេយ៍បានបង្ហាញពីភាពរីកចំរើននឹងកោតសសើរខ្ពស់ពីការខិតខំប្រឹងប្រែងរបស់ថ្នាក់ដឹកនាំនឹងបុគ្គលគ្រប់ជាន់ថ្នាក់ទាំងអស់របស់ក្រុមហ៊ុន Jaguar Land Rover កម្ពុជា។

លោកបានគូសបញ្ជាក់ថាការជ្រើសរើសទិញរថយន្ត​ Jaguar Land Rover តាមរយៈក្រុមហ៊ុនគឺជាជំរើសដ៏ត្រឹមត្រូវបំផុតសំរាប់សុវត្ថិភាពនឹងទំនុកចិត្តទាំងរថយន្តថ្មីនឹងមួយទឹកដែលមានការធានាត្រឹមត្រូវពីរោងចក្រផ្ទាល់។កន្លងទៅថ្មីៗនេះក្រុមហ៊ុនទើបតែប្រារព្ធពិធីប្រគល់រថយន្តថ្មីប្រណិតម៉ាកJaguar XJL 2គ្រឿង នឹង Jaguar F-PACE 1គ្រឿងជូនទៅសណ្ឋាគារ Rose Wood Hotel & Resort លំដាប់ផ្កាយប្រាំក្រោមអធិបតីភាពដ៏ខ្ពង់ខ្ពស់របស់ម្ចាស់សណ្ឋាគារគឺលោកឧញ្ញា សំអាង (វឌ្ឍនៈ)។ដោយសារតែភាពល្អឥតខ្ចោះនៃបច្ចេកវិទ្យាឈានមុខគេដែលមានសក្តានុពលនឹងសាកសមជាមួយសណ្ឋាគារលំដាប់ផ្កាយប្រាំមួយនេះទើបសណ្ឋាគារសំរេចបញ្ជាទិញរថយន្ត Jaguar ទាំង3គ្រឿងនេះ។

លោក Ulf Sebecke ដែលជានាយកគ្រប់គ្រងទូរទៅរបស់ក្រុមហ៊ុន Jaguar Land Rover ប្រចាំព្រះរាជាណាចក្រកម្ពុជាបានមានប្រសាសន៍ថាកម្ពុជាគឺជាប្រទេសដែលធ្វើអោយលោកមានអារម្មណ៍រំភើបក្នុងអាជីពបំពេញការងាររបស់លោកដោយហេតុផលថា យើងបានឈរនៅលំដាប់ថ្នាក់លេខ1ក្នុងការប្រឹក្សាផ្នែកសេវាកម្មក្នុងចំនោម112ប្រទេសនឹងលំដាប់ថ្នាក់លេខ2ផ្នែកផ្គត់ផ្គង់លើរថយន្តក្នុងចំណោម7ប្រទេស។​ លោកបានបញ្ជាក់ថាក្រុមហ៊ុនក៏បានចាប់ដៃគូរសហការណ៍ជាមួយសំអាងការ​ ​​​នួន ស្រីដោយឈរលើការលើកកម្ពស់សិទ្ធស្ត្រីក្នុងវិស័យឆ្នៃប្រឌិតអោយមានការលើកកំណើននៃអរិយធម៍ខ្មែរហើយទើបមានការចាប់ដៃគូរសហការណ៍រួមបេះដូងជាមួយគ្នា។

កម្មវិធីពិព័រណ៍អាពាហ៍ពិពាហ៍នៅមជ្ឈមណ្ឌលកោះពេជ្រ នាថ្ងៃទី22-23ខែកញ្ញាចាប់ពីម៉ោង8ព្រឹកតទៅ។លោកអ្នកក៏អាចអញ្ជើញទៅទស្សនាការតាំងបង្ហាញរថយន្តជាមួយម៉ូតសំលៀកបំពាក់បែបប្រពៃណីស្អាតៗផងដែរ​​​ មិនតែប៉ុណ្ណោះលោកអ្នកក៏អាចធ្វើការបើកបរសាកល្បងដោយសេរីជាមួយឪកាសឈ្នះនូវការប្រើប្រាស់រថយន្តសំរាប់បថតរូបមុនអាពាហ៍ពិពាហ៍រឺក្នុងថ្ងៃអាពាហ៍ពិពាហ៍ថែមទៀតផង។

ព័ត៌មានលម្អិតពីរថយន្តប្រណិត Jaguar និង Land Rover

មាននៅមហាវិថីសហព័ន្ធរុស្សី សង្កាត់ទឹកថ្លា ខណ្ឌសែនសុខ រាជធានីភ្នំពេញ

សូមទំនាក់ទំនង៖  023 888-811 / 070 999-111

គេហទំព័រ​ ផ្លូវការ៖ www.landrovercambodia.com

ទំព័រ Facebook ផ្លូវការ៖ Land Rover Cambodia

ទំព័រ Instagram ផ្លូវការ៖ @LandRoverCambo

សាកលវិទ្យាល័យបៀលប្រាយ និងក្រុមហ៊ុនអាស៊ីវេរលុយ បានចុះអនុស្សរណៈនៃការយោគយល់គ្នាផ្តល់​អាហារូបករណ៍ និងឱកាសការងារ​ដល់និស្សិត200នាក់សម្រាប់ថ្នាក់បរិញ្ញាបត្រសិក្សានៅសាកលវិទ្យាល័យបៀលប្រាយរាជធានីភ្នំពេញ។

លោក ឌៀប សីហា សាកលវិទ្យាធិការនៃសាកលវិទ្យាល័យ បៀលប្រាយ បានលើកឡើងថា​សាកលវិទ្យាល័យ​បានសហការជាមួយស្ថាប័ន​ឯកជន​ រួមទាំង​ដៃគូនានាដើម្បីជំរុញឱ្យកាន់តែមានភាពប្រសើរឡើងសម្រាប់ការសិក្សារបស់និស្សិត និងធ្វើយ៉ាងណាឱ្យពួកគេ​កាន់តែ​មាន​លទ្ធភាព​ដើម្បីសិក្សាបន្ត។ ដោយសារតែសាកលវិទ្យាល័យ​បៀលប្រាយ ជាសមាជិកនៃសាកលវិទ្យាល័យអន្តរជាតិ ហេតុនេះសាកលវិទ្យាល័យ​បានបង្កើតកិច្ចសហប្រតិបត្តិការល្អជាមួយនឹងដៃគូនានា​ដើម្បី ជំរុញឱ្យ​មាន​ផ្លាស់ប្តូរការសិក្សា និងឱកាសជាច្រើនសម្រាប់និស្សិតកម្ពុជាទាំងក្នុងប្រទេស និងក្រៅប្រទេស។ ជាក់ស្តែងនៅថ្ងៃនេះ សាកលវិទ្យាល័យ​បានសហការជាមួយ​នឹង​ក្រុមហ៊ុន អាស៊ី វេរលុយ ផ្តល់អាហារូបករណ៍​សម្រាប់សិស្ស និស្សិត​រយៈពេល​ 4ឆ្នាំ​ពេញសម្រាប់​ថ្នាក់បរិញ្ញាបត្រ ដើម្បីឱ្យគាត់​ឱកាសដើម្បីបន្តការសិក្សាឈានទៅសម្រេចក្តីស្រមៃរបស់ខ្លួន។

លោក ឌៀប សីហា បានមានប្រសាសន៍ថា៖ «​អាហារូបករណ៍នេះគឺផ្តល់ឱកាសសម្រាប់សិស្សទាំងអស់គ្នា​ដែលត្រៀមចូលឆ្នាំទី1 សម្រាប់ប្រឡងដើម្បីទទួលបានការសិក្សានៅសាកលវិទ្យាល័យបៀលប្រាយ ហើយចំពោះការជ្រើសរើស​​យើងមានគណៈកម្ម​ការត្រួតពិនិត្យច្បាស់លាស់​ ដើម្បីធានាថាអ្នកមានសមត្ថភាព​ពិតប្រាកដនឹងទទួលបានឱកាសយ៉ាងសំខាន់នេះ»។

លោក ឈ គង់ផេង អគ្គនាយកក្រុមហ៊ុន​អាស៊ីវេរលុយ បានលើកឡើងថា ក្រុមហ៊ុនរបស់លោកសម្រេចចាប់ដៃគូជាមួយនឹងសាកលវិទ្យាល័យ​បៀលប្រាយ ដោយសារតែមើលឃើញសាកលវិទ្យាល័យនេះ​មានគុណភាព​ល្អ ហើយការបណ្តុះប​ណ្តាលធនធានមនុស្សគឺមានគុណភាព ដែលអាចឆ្លើយតបបានជាមួយនឹង​តម្រូវការការងារ។ នេះជាលើកទី1ហើយ ដែលក្រុមហ៊ុនរបស់លោក​បង្កើតកម្មវិធី​ដើម្បីផ្តល់អាហារូបករណ៍ និងឱកាស​ការងារបែបនេះ។ លោកថា​និស្សិតទាំងអស់ដែលប្រឡងជាប់អាហារូបករណ៍នេះ​នឹងទទួលបានឱកាសធ្វើការងារនៅក្រុមហ៊ុន​អាស៊ីវេរលុយ ដើម្បីទទួលបានទាំងបទពិសោធន៍ការងារ និង​ឱកាសសម្រាប់បន្តការសិក្សានៅ​សាកលវិទ្យាល័យ៕ ​​​​​​