Category: PR

បុគ្គលដែលមានឈ្មោះបោះសំឡេងនៅកម្ពុជា ប្រើផតខាសត៍សំឡេងដើម្បីបង្កើនអ្នកគាំទ្រ
បុគ្គលដែលមានឈ្មោះបោះសំឡេងខ្លាំងបំផុតមួយចំនួននៅកម្ពុជា កំពុងបន្ថែមផតខាសត៍សំឡេងទៅក្នុងឧបករណ៍ធ្វើទីផ្សាររបស់ពួកគេ ដើម្បីបង្កើននិងរក្សាអ្នកគាំទ្ររបស់ខ្លួន។
យោងតាមក្រុមហ៊ុន Httpool ដែលទទួលបានសិទ្ធិជាដៃគូលក់ពាណិជ្ជកម្មសម្រាប់ក្រុមហ៊ុន Spotify ក្នុងប្រទេសកម្ពុជាបានឱ្យដឹងថា បុគ្គលដែលមានឈ្មោះបោះសំឡេងកម្ពុជាកំពុងប្រើប្រាស់ផ្លែតហ្វមនិងផតខាសត៍សំឡេង ដើម្បីចាប់យកអ្នកគាំទ្រក្នុងស្រុកឱ្យបានកាន់តែច្រើនឡើង។ សិល្បករ និងសិល្បការនីទាំងនោះដែលបច្ចុប្បន្នលេចធ្លោរក្នុងការផ្តល់ជូនផតខាសត៍របស់ពួកគេនៅលើផ្លែតហ្វម Spotify រួមមាន អ្នកប្រយុទ្ធវ័យក្មេង ( https://www.facebook.com/youngbruisers ), ឡាយ ប៊ុនឡេង ( https://www.facebook.com/BunlengLayOfficial ) និង Mi Leb Do couple ( https://www.facebook.com/miLEBdoCouplePodcast )។
លោក Shuhel Pistawala នាយកដៃគូប្រចាំតំបន់ឥណ្ឌូចិនរបស់ក្រុមហ៊ុន Httpool បានថ្លែងថា៖ “យុវជនកម្ពុជាដែលយល់ដឹងបច្ចេកវិទ្យា ឥឡូវចាប់ផ្តើមមើលឃើញ និងប្រើប្រាស់សក្ដានុពលផតខាសត៍សំឡេង ដែលផ្តល់ជូនដោយផ្លែតហ្វមតន្ត្រីរបស់ក្រុមហ៊ុន Spotify។ បច្ចុប្បន្ន នៅពេលតាមដានបុគ្គលដែលមានឈ្មោះបោះសំឡេង និងជនល្បីឈ្មោះ អ្នកគាំទ្ររំពឹងថានឹងអាចភ្ជាប់ខ្លួនទៅនឹងមធ្យោបាយទាំងអស់ រួមទាំងសំឡេង វីដេអូ និងបណ្តាញទំនាក់ទំនងសង្គមផងដែរ។
ការពិតគឺថា បុគ្គលដែលមានឈ្មោះបោះសំឡេង បច្ចុប្បន្នកំពុងងាកទៅរកសំឡេង និងផតខាសត៍ ដើម្បីផ្តល់ជូនការកម្សាន្តដល់អ្នកគាំទ្ររបស់ខ្លួន ដែលសព្វថ្ងៃនិន្នាការដែលជំរុញដោយសំឡេង គឺជាឱកាសមួយសម្រាប់ក្រុមហ៊ុននានាចាប់យកផងដែរ។ និន្នាការចុងក្រោយបំផុតនេះ ទំនងជាត្រូវបានជំរុញដោយការពិតដែលថា ទស្សនិកជនឥឡូវនេះចង់កម្សាន្តអារម្មណ៍តាមរយៈមធ្យោបាយជាច្រើននៅលើឧបករណ៍ផ្សេង។
ក្រុមហ៊ុន Spotify គឺជាទីកន្លែងដ៏អស្ចារ្យដែលនាំមុខគេក្នុងការធ្វើបច្ចុប្បន្នភាព និងពង្រឹងការផ្សាយពាណិជ្ជកម្មតាមផតខាសត៍ឱ្យទទួលបានលទ្ធផលល្អ។
យោងតាមក្រុមហ៊ុន Httpool ក្រុមហ៊ុន Spotify មានទិន្នន័យជាច្រើនអំពីអ្នកស្តាប់ ដោយសារនីតិវិធីចុះឈ្មោះរបស់ខ្លួន និងអ្វីដែលក្រុមហ៊ុនដឹងអំពីចំណូលចិត្តតន្ត្រីរបស់អ្នកប្រើប្រាស់។ ដោយសារក្រុមហ៊ុន Spotify គឺជាផ្លែតហ្វមចាក់ផ្សាយបន្តផ្ទាល់តន្ត្រី ក្រុមហ៊ុនអាចចាក់ការផ្សាយពាណិជ្ជកម្ម និងឃ្លាំមើលថាតើអ្នកប្រើប្រាស់មានទំនាក់ទំនងយ៉ាងដូចម្តេចជាមួយនឹងការផ្សាយពាណិជ្ជកម្មទាំងនោះ។
លោក Shuhel Pistawala បានបន្ថែមថា៖ “ទោះជាការផ្សាយពាណិជ្ជកម្មតាមផតខាសត៍ស្ថិតក្នុងដំណាក់កាលក្មេងខ្ចីនៅឡើយក្តីបើធៀបនឹងប្រព័ន្ធអេកូឡេស៊ីឌីជីថលផ្សេងទៀត ក៏ការផ្សាយពាណិជ្ជកម្មតាមផតខាសត៍របស់ក្រុមហ៊ុន Spotify រួមផ្សំភាពស្និទ្ធស្នាលនិងគុណភាពនៃការផ្សាយពាណិជ្ជកម្មតាមផតខាសត៍បែបប្រពៃណី ជាមួយភាពជាក់លាក់និងតម្លាភាពនៃការធ្វើទីផ្សារឌីជីថលបែបសម័យទំនើប។
ក្រុមហ៊ុន Spotify បានរួមបញ្ចូលការផ្សាយពាណិជ្ជកម្មរួចហើយទៅក្នុងការចាក់ផ្សាយបន្តផ្ទាល់តន្ត្រីរបស់ខ្លួន ដោយផ្សាយពាណិជ្ជកម្មខុសគ្នាទៅកាន់អ្នកប្រើប្រាស់ខុសគ្នាដោយផ្អែកលើទិន្នន័យអាយុ ឧបករណ៍ និងចំណូលចិត្តរបស់ពួកគេ។
បច្ចេកវិទ្យានេះកំពុងត្រូវបានធ្វើឱ្យប្រសើរឡើង និងអនុវត្តចំពោះផតខាសត៍ ដែលមានន័យថា មនុស្សពីរនាក់អាចស្តាប់វគ្គផតខាសត៍ដូចគ្នា ហើយទទួលការផ្សាយពាណិជ្ជកម្មខុសគ្នាជាលើកដំបូង។
វាមានសារៈសំខាន់ខ្លាំងសម្រាប់ម៉ាកយីហោនានាដែលមានវត្តមាននៅទីកន្លែងដែលអតិថិជនរបស់ពួកគេស្ថិតនៅ និងដើម្បីស្វែងរកវិធីប្រកបដោយប្រសិទ្ធភាពដើម្បីផ្សារភ្ជាប់ទំនាក់ទំនងជាមួយអតិថិជន។ សព្វថ្ងៃនេះ សំឡេងគឺជាមធ្យោបាយឌីជីថលមួយដែលអ្នកស្តាប់អាចចូលរួមដោយមិនចាំបាច់ចុចឬអូសម្រាមដៃលើអេក្រង់ ប្រសិនបើពួកគេចង់។ ភាពជោគជ័យនឹងត្រូវបានកំណត់ដោយការកំណត់ទិសដៅអ្នកស្តាប់ត្រឹមត្រូវជាមួយសារត្រឹមត្រូវ និងប្រភេទផ្សាយពាណិជ្ជកម្មណាមួយ។ ក្រុមហ៊ុនដែល នឹងទទួលបានអត្ថប្រយោជន៍ពីនិន្នាការចុងក្រោយបំផុតនេះ គឺជាសេវាតន្ត្រីឌីជីថលលំដាប់ពិភពលោករបស់ក្រុមហ៊ុន Spotify ដែលផ្តល់ជូនជម្រើសផ្សាយពាណិជ្ជកម្មជាច្រើន។ ក្រុមហ៊ុន Httpool គឺជាដៃគូលក់ការផ្សាយពាណិជ្ជកម្មដែលទទួលបានសិទ្ធិសម្រាប់ក្រុមហ៊ុន Spotify ក្នុងប្រទេសកម្ពុជា៕
September 2, 2021
ក្រសួងពាណិជ្ជកម្ម និងធនាគារវីងបានចុះហត្ថលេខាជាផ្លូវការលើអនុស្សរណៈនៃការយោគយល់គ្នាដើម្បីតភ្ជាប់ប្រព័ន្ធទូទាត់ប្រាក់តាមប្រព័ន្ធអេឡិចត្រូនិករបស់ធនាគារវីងសម្រាប់ទូទាត់ប្រតិបត្តិការលើផ្សារខេមបូឌាត្រេដ (Cambodiatrade.com) របស់ក្រសួងពាណិជ្ជកម្ម
អតិថិជនរបស់ផ្សារខេមបូឌាត្រេដ អាចប្រើប្រាស់សេវាកម្មទូទាត់ប្រាក់របស់វីងជាផ្លូវការបានហើយ។
ក្រសួងពាណិជ្ជកម្មបានចុះហត្ថលេខាជាផ្លូវការលើអនុស្សរណៈនៃការយោគយល់គ្នាជាមួយធនាគារវីង ក្នុងគោលបំណងតភ្ជាប់ប្រព័ន្ធទូទាត់ប្រាក់តាមប្រព័ន្ធអេឡិចត្រូនិករបស់ធនាគារវីង សម្រាប់ទូទាត់ប្រតិបត្តិការលើផ្សារខេមបូឌាត្រេដរបស់ក្រសួងពាណិជ្ជកម្ម ដើម្បីបង្កភាពងាយស្រួល ឆាប់រហ័ស និងមានសុវត្ថិភាពជូនដល់អតិថិជន និងសហគ្រាសធុនតូច និងមធ្យមកម្ពុជា និងសហការក្នុងការផ្តល់វគ្គបណ្តុះបណ្តាលក្នុងការបង្កើនសមត្ថភាព និងចំណេះដឹងហិរញ្ញវត្ថុបែបឌីជីថលសម្រាប់សហគ្រាសធុនតូច និងមធ្យមនៅកម្ពុជា។ អនុស្សរណៈនៃការយោគយល់គ្នា ត្រូវបានចុះហត្ថលេខានៅទីស្តីការក្រសួងពាណិជ្ជកម្មនៅព្រឹកថ្ងៃនេះ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និង អ្នកឧកញ៉ា គិត ម៉េង ប្រធានក្រុមប្រឹក្សាភិបាល នៃក្រុមហ៊ុន រ៉ូយ៉ាល់គ្រុប។
ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានមានប្រសាសន៍ថា៖ “ការចុះហត្ថលេខាលើអនុស្សរណៈយោគយល់នេះ នឹងក្លាយជាព្រឹត្តិការណ៍ពិសេសមួយក្នុងការឆ្ពោះទៅមុខនៃភាពជាដៃគូរវាងរដ្ឋ និងឯកជនជាពិសេសជាមួយធនាគារវីង ដើម្បីជួយដល់សហគ្រាសធុនតូច និងមធ្យមនៅកម្ពុជា ដើម្បីបង្កើនឱកាសសេដ្ឋកិច្ចតាមរយៈការលក់ផលិតផលដែលផលិតនៅកម្ពុជាទៅឱ្យអ្នកប្រើប្រាស់ក្នុងស្រុក និងក្រៅប្រទេស ឬក៏ដៃគូអាជីវកម្មផ្សេងៗ មិនថាលោកអ្នកនៅទីណាក៏ដោយ លោកអ្នកអាចប្រើប្រាស់ផលិតផលខ្មែរបានដែរ”
ក្រសួងពាណិជ្ជកម្មបានដាក់ដំណើរការសាកល្បងផ្សារអេឡិចត្រូនិកខេមបូឌាត្រេដ សម្រាប់ការចុះឈ្មោះបឋមដោយសហគ្រាសធុនតូច និងមធ្យម នៅពាក់កណ្តាលខែមិថុនា ឆ្នាំ២០២១ ដើម្បីជួយគាំទ្រដល់សហគ្រាសធុនតូច និងមធ្យមនៅកម្ពុជា អាចប្រើប្រាស់ថ្នាលបច្ចេកវិទ្យារួមមួយ (មានទាំងប្រព័ន្ធទូទាត់ប្រាក់ និងប្រព័ន្ធដឹកជញ្ជូនផងដែរ) ក្នុងការនាំចេញផលិតផលកម្ពុជា និងពង្រើកទីផ្សារកាន់តែទូលំទូលាយជាងមុនទាំងនៅក្នុងប្រទេសកម្ពុជា និងក្រៅប្រទេស។
ពីធីសម្ពោធជាផ្លូវការផ្សារអេឡិចត្រូនិកខេមបូឌាត្រេដនឹងត្រូវរៀបចំក្នុងពេលដ៏ខ្លីខាងមុខនេះ។ ផ្សារអេឡិចត្រូនិកខេមបូឌាត្រេដនេះ គឺជាផ្នែកមួយយ៉ាងសំខាន់របស់គម្រោង Go4eCAM ដែលទទួលបានការគាំទ្រហិរញ្ញប្បទានពីកម្មវិធីពង្រឹងក្របខណ្ឌសមាហរណកម្មពាណិជ្ជកម្ម (EIF)។ ផ្សារខេមបូឌាត្រេដនេះត្រូវបានផ្តួចផ្តើមបង្កើត និងគ្រប់គ្រងដោយរាជរដ្ឋាភិបាលកម្ពុជា តាមរយៈក្រសួងពាណិជ្ជកម្ម ដែលមានគោលបំណងបង្កើនឱកាសសេដ្ឋកិច្ចដល់សហគ្រាសធុនតូចនិងមធ្យម ដើម្បីចូលរួមក្នុងពាណិជ្ជកម្មតាមប្រព័ន្ធអេឡិចត្រូនិក និងសេដ្ឋកិច្ចឌីជីថល។
លោក ហាន ប៉េងក្វាង អគ្គនាយកនៃធនាគារវីង បានមានប្រសាសន៍ថា៖ “ភាពជាដៃគូនេះអនុញ្ញាតឱ្យយើងចូលរួមចំណែកក្នុងការអភិវឌ្ឍសហគ្រាសធុនតូច និងមធ្យម នៅកម្ពុជាដោយប្រើការទូទាត់ប្រាក់តាមឌីជីថល។ ការទូទាត់តាមឌីជីថលកំពុងមានការពេញនិយមនៅជុំវិញពិភពលោកដោយសារភាពងាយស្រួល និង មានសុវត្ថិភាព”
ធនាគារវីង ដែលត្រូវបានគេស្គាល់យ៉ាងទូលំទូលាយចំពោះកម្មវិធីស្មាតហ្វូនវីង មានមុខងារច្រើន និងភ្នាក់ងារវីងដែលមានជិត ១០.០០០ កន្លែងនៅទូទាំងប្រទេសកម្ពុជា ហើយផ្តល់សេវាកម្មហិរញ្ញវត្ថុជារៀងរាល់ថ្ងៃ។ នៅឆ្នាំ ២០២០ ធនាគារវីង បានធ្វើការជាមួយសហគ្រាសធុនតូច និងមធ្យម ជាង ២.៤០០ ដោយផ្តល់សេវាកម្មប្រមូល និង ទូទាត់ប្រាក់។
បន្ថែមពីនេះផងដែរ ធនាគារវីង ក៏នឹងពង្រឹងចំណេះដឹងផ្នែកហិរញ្ញវត្ថុបែបឌីជីថល ដល់សមាជិកសហគ្រាសធុនតូច និង មធ្យម របស់ផ្សារខេមបូឌាត្រេដ ដោយរៀបចំឲ្យមានជាការបណ្តុះបណ្តាលដោយឥតគិតថ្លៃ និងសកម្មភាពកសាងសមត្ថភាព ផ្សេងៗជាច្រើន។ ជាមួយគ្នានេះ ក្រសួងពាណិជ្ជកម្ម និងធនាគារវីង នឹងធ្វើការរួមគ្នាដើម្បីជំរុញពាណិជ្ជកម្មបែបឌីជីថល និងការទូទាត់តាមប្រព័ន្ធឌីជីថលនៅកម្ពុជា៕
August 30, 2021
អ្នកឧកញ៉ា ចេន ហ្ស៊ី ប្រធានសម្ព័ន្ធក្រុមហ៊ុនព្រីនស៍ គ្រុប ឈ្នះពានរង្វាន់សហគ្រិនភាពក្នុងប្រភេទនៃពហុក្រុមហ៊ុនប្រចាំឆ្នាំ នៅក្នុងកម្មវិធីពានរង្វាន់អាជីវកម្មអន្តរជាតិនៅឆ្នាំ ២០២១
ពានរង្វាន់អាជីវកម្មអន្តរជាតិឆ្នាំប្រចាំ ២០២១ ទទួលការចូលរួមបានជាង ៣,៨០០ កន្លែងពីអង្គការនានាមកពីប្រទេសចំនួន ៦៣ – ក្នុងនាមជាថ្នាក់ដឹកនាំពហុក្រុមហ៊ុន ដែលមានភារកិច្ចដោះស្រាយបញ្ហាផ្សេងៗនៅក្នុងសង្គម។
[រាជធានីភ្នំពេញ ថ្ងៃទី២០ ខែសីហា ឆ្នាំ២០២១] – ព្រីនស៍ ហូលឌីង គ្រុប (“ព្រីនស៍ គ្រុប”) ជាពហុក្រុមហ៊ុនមួយក្នុងចំណោមពហុក្រុមហ៊ុនដែលធំជាងគេ និងរីកចម្រើនបំផុតនៅក្នុងប្រទេសកម្ពុជា មានមោទនភាពសូមប្រកាសថា អ្នកឧកញ៉ា ចេន ហ្ស៊ី (Chen Zhi – 陈志公爵) ជាប្រធានសម្ព័ន្ធក្រុមហ៊ុនព្រីនស៍ គ្រុប ត្រូវបានគេទទួលស្គាល់ថាជាសហគ្រិនឆ្នើមក្នុងប្រភេទនៃពហុក្រុមហ៊ុនប្រចាំឆ្នាំ នៅក្នុងកម្មវិធីពានរង្វាន់អាជីវកម្មអន្តរជាតិប្រចាំឆ្នាំ២០២១។ អ្នកឧកញ៉ា ចេន ហ្ស៊ី (Chen Zhi) គឺជាសហគ្រិនតែម្នាក់គត់ដែលមានកិត្តិយសនៅក្នុងប្រភេទពានរង្វាន់មួយ ដែលត្រូវបានរៀបចំឡើងក្នុងការអបអរសាទរចំពោះថ្នាក់ដឹកនាំដែលគ្រប់គ្រងអាជីវកម្មក្នុងពហុវិស័យ។ អ្នកឧកញ៉ា ចេន ហ្ស៊ី (Chen Zhi) គឺជាមេដឹកនាំម្នាក់ក្នុងចំណោមមេដឹកនាំទាំងបីនៅតំបន់អាស៊ី ដែលត្រូវបានគេទទួលស្គាល់ចំពោះភាពជាសហគ្រិនក្នុងវិស័យផ្សេងៗប្រកបដោយសក្តានុភាព ក្នុងអំឡុងពេលដែលមានការប្រឈមខ្លាំងបំផុតនៅរយៈពេលប៉ុន្មានឆ្នាំមកនេះក្នុងភាពជាអ្នកដឹកនាំនៃសាជីវកម្ម។ អ្នកឧកញ៉ា ចេន ហ្ស៊ី (Chen Zhi) ស្ថិតក្នុងចំណោមរលកនៃអ្នកដឹកនាំជំនាន់ថ្មី នៃពហុក្រុមហ៊ុនដែលកំពុងត្រូវបានពិចារណាអំពីវិធីសាស្រ្តសម្រាប់អាជីវកម្មថ្មីៗ ដែលបង្កើតឱ្យមានភាពខុសប្លែកគ្នាចំពោះគោលដៅសង្គម។
លើសពីនេះទៅទៀត សម្ព័ន្ធក្រុមហ៊ុន ព្រីនស៍ គ្រុប ក៏បានឈ្នះពានរង្វាន់សំរិទ្ធនៅក្នុងប្រភេទនៃការឆ្លើយតបរបស់សាជីវកម្មដែលមានតម្លៃបំផុតទៅនឹងវិបត្តិនៃជម្ងឺកូវីដ-១៩ នៅរយៈពេលបី (៣)ខែ បន្ទាប់ពីបានធានាមុននូវការទទួលបានជ័យលាភីក្នុងការឆ្លើយតបល្អបំផុតរបស់សាជីវកម្មទៅនឹងវិបត្តិនៃជម្ងឺកូវីដ-១៩ នៅក្នុងកម្មវិធីពានរង្វាន់ Asia-Pacific Stevie Awards ប្រចាំឆ្នាំលើកទី៨ នាខែឧសភា។
ពានរង្វាន់អាជីវកម្មអន្តរជាតិឆ្នាំ២០២១ ទទួលបានការចូលរួមជាង ៣,៨០០ ដែលមកពីអង្គការនានានៅក្នុងប្រទេសចំនួន៦៣ ។ ពានរង្វាន់ Gold Stevie Award របស់អ្នកឧកញ៉ា ចេន ហ្ស៊ី (Chen Zhi) ចំពោះភាពជាសហគ្រិនក្នុងប្រភេទនៃពហុក្រុមហ៊ុនប្រចាំឆ្នាំ និងពានរង្វាន់ Bronze Stevie Award របស់សម្ព័ន្ធក្រុមហ៊ុន ព្រីនស៍ គ្រុប នៅក្នុងប្រភេទនៃការឆ្លើយតបរបស់សាជីវកម្មដែលមានតម្លៃបំផុត ត្រូវបានបញ្ចប់រួចរាល់បន្ទាប់ពីមានការបោះឆ្នោតអស់រយៈពេលពីរ (២)ខែ ដោយមានកិច្ចពិភាក្សាពីក្រុមអ្នកជំនាញ និងអ្នកធ្វើសេចក្តីសម្រេចសំខាន់ៗចំនួន ២៦០រូប មកពីទូទាំងពិភពលោក។
ក្នុងរយៈពេលមួយឆ្នាំកន្លងមកនេះ ក្រុមហ៊ុនផ្សេងៗដែលជាសមាជិករបស់សម្ព័ន្ធត្រូវបានអ្នកឧកញ៉ា ចេន ហ្ស៊ី (Chen Zhi) អំពាវនាវឱ្យបង្កើតឱ្យមាននូវភាពខុសប្លែកគ្នានៅក្នុងការរស់នៅរបស់បុគ្គលិក សហគមន៍នានាដែលបានទទួលរងផលប៉ះពាល់ ក៏ដូចជាបុគ្គលិកជួរមុខ។ ក្នុងខែមីនា អ្នកឧកញ៉ា ចេន ហ្ស៊ី (Chen Zhi) បានបរិច្ចាគថវិការចំនួន ៣លានដុល្លាសហរដ្ឋរអាមេរិក ជូនដល់កិច្ចខិតខំប្រឹងប្រែងរបស់រាជរដ្ឋាភិបាលកម្ពុជាក្នុងការប្រយុទ្ធប្រឆាំងនឹងការរីករាលដាលនៃជម្ងឺកូវីដ-១៩ ដែលបានធ្វើឡើងបន្ទាប់ពីការបរិច្ចាគថវិកាលើកដំបូងចំនួន ៣លានដុល្លារសហរដ្ឋអាមេរិកដើម្បីជួយប្រទេសកម្ពុជាក្នុងការទិញវ៉ាក់សាំងការពារជម្ងឺកូវីដ-១៩ ចំនួន១លានដូស កាលពីខែធ្នូកន្លងទៅនេះ។ អ្នកឧកញ៉ា ចេន ហ្ស៊ី (Chen Zhi) ក៏បានសំណូមពរឱ្យសម្ព័ន្ធរៀបចំឱ្យបានរហ័សនូវការចាក់វ៉ាក់សាំងការពារជម្ងឺកូវីដ-១៩ ជាច្រើនលើកជូនដល់បុគ្គលិកប្រមាណជាង ៣,៥០០នាក់ផងដែរ។
ថ្មីៗនេះ អ្នកឧកញ៉ា ចេន ហ្ស៊ី (Chen Zhi) បានចុះហត្ថលេខាទៅលើភាពជាដៃគូក្នុងរយៈពេលវែងជាមួយអង្គការ Caring For Cambodia ដែលជាអង្គការសប្បុរសធម៌ឈានមុខគេខាងវិស័យអប់រំផ្តោតលើសិស្សក្រីក្រ ហើយសម្ព័ន្ធនឹងឧបត្ថម្ភដល់ការរៀបចំអាជីពការងារ ដែលជាគំនិតផ្តួចផ្តើមមួយដើម្បីជួយតម្រែតម្រង់ទិសដៅដល់សិស្សានុសិស្សប្រមាណ ៣,០០០នាក់ ដែលមិនទាន់ទទួលបានការអប់រំច្បាស់លាស់ និងសំដៅជួយដល់ការស្វែងរកការងារធ្វើនៅក្រោយវិបត្តិនៃជម្ងឺវីដ-១៩ តាមរយៈការលើកកម្ពស់ឱ្យពួកគេទទួលបាននូវចំណេះដឹង និងជំនាញសំខាន់ៗជាច្រើន។
អ្នកឧកញ៉ា ចេន ហ្ស៊ី (Chen Zhi) ក៏បានអនុវត្តនូវទិសដៅឆ្ពោះទៅរកការអភិវឌ្ឍប្រកបដោយចីរភាពតាមរយៈការដាក់ឱ្យដំណើរការជាផ្លូវការនូវទីក្រុងរាម ដែលជាគម្រោងអភិវឌ្ឍន៍លើឆ្នេរសមុទ្រដែលមានទំហំដី ៨៣៤ហិកតា ហើយត្រូវបានបង្កើតឡើងដោយផ្អែកលើគោលការណ៍អចលនទ្រព្យប្រកបដោយចីរភាព។ Canopy Sands Development ជាក្រុមហ៊ុនដែលជាសមាជិកនៃសម្ព័ន្ធក្រុមហ៊ុននេះ បានចាប់ផ្តើមធ្វើការលើគម្រោងដែលមានគោលបំណងកំណត់អាទិភាពនៅក្នុងប្រទេសដោយប្រកាន់ខ្ជាប់ស្តង់ដារអន្តរជាតិ។ ក្រុមហ៊ុន Canopy Sands Development នឹងចេញផ្សាយនូវការដាក់សម្ភោធរបាយការណ៍អំពីបរិស្ថាន សង្គម និងអភិបាលកិច្ចរបស់ខ្លួនក្នុងពេលឆាប់ៗនេះផងដែរ។
នៅក្នុងយុគសម័យមួយដែលពហុក្រុមហ៊ុននានាកំពុងបំពេញនូវទំនួលខុសត្រូវសង្គមរបស់ខ្លួន អ្នកឧកញ៉ា ចេន ហ្ស៊ី (Chen Zhi) និងក្រុមការងារនៃថ្នាក់ដឹកនាំរបស់គាត់នៅក្នុងសម្ព័ន្ធក្រុមហ៊ុន ព្រីនស៍ គ្រុប បានខិតខំធ្វើការមិនខ្លាចនឿយហត់ដើម្បីជាកម្លាំងជម្រុញឱ្យប្រទេសកម្ពុជាមានស្ថានភាពល្អប្រសើរ និងជាផ្នែកមួយនៃការគាំទ្រប្រទេសដើម្បីយកឈ្នះពីជម្ងឺរាតត្បាតដ៏កាចសាហាវនេះ
អំពីក្រុមហ៊ុន ព្រីនស៍ ហូលឌីង គ្រុប
ព្រីនស៍ ហូលឌីង គ្រុប (Prince Holding Group) គឺជាក្រុមហ៊ុនពហុផលិតផលដ៏ធំនិងកំពុងមានភាពរីកចម្រើនលឿនជាងគេមួយនៅកម្ពុជា ដែលមានអង្គភាពផ្សេងៗ   ផ្តោតទៅលើវិស័យស្នូលចំនួនបី គឺការអភិវឌ្ឍអចលនទ្រព្យ សេវាហិរញ្ញវត្ថុ និងសេវាអតិថិជន។
អង្គភាពអាជីវកម្មសំខាន់ៗរបស់ក្រុមហ៊ុន ព្រីនស៍ ហូលឌីង គ្រុប (Prince Holding Group) នៅកម្ពុជារួមមាន៖ ក្រុមហ៊ុន Prince Real Estate Group ក្រុមហ៊ុន Prince Huan Yu Real Estate Group ធនាគារ Prince Bank ក្រុមហ៊ុនអាកាសចរណ៍ Cambodia Airways ក្រុមហ៊ុន Belt Road Capital Management ក៏ដូចជាក្រុមហ៊ុន Awesome Global Investment Group ផងដែរ។ តាមរយៈក្រុមហ៊ុនបុត្រសម្ព័ន្ធរបស់ខ្លួន ក្រុមហ៊ុនព្រីនស៍ ហូលឌីង គ្រុប (Prince Holding Group) មានអាជីវកម្មជាង ៨០ នៅក្នុងប្រទេសកម្ពុជាដែលកំពុងធ្វើប្រតិបត្តិការទៅលើ វិស័យអភិវឌ្ឍន៍អចលនទ្រព្យ វិស័យធនាគារ ហិរញ្ញវត្ថុ អាកាសចរណ៍ ទេសចរណ៍ ភស្តុភារ បច្ចេកវិទ្យា ចំណីអាហារ និងភេសជ្ជៈ និងជីវិតរស់នៅ ។ល។
ការកើនឡើងនូវការវិនិយោគផ្ទាល់ពីបរទេស កិច្ចព្រមព្រៀងពាណិជ្ជកម្មសេរីជាមួយបណ្តាប្រទេសឈានមុខគេ និងការចូលរួមនាពេលអនាគតនៅក្នុងភាពជាដៃគូសេដ្ឋកិច្ចតំបន់ទូលំទូលាយ ត្រូវបានគេរំពឹងថានឹងដើរតួជាកម្លាំងចលករដ៏សំខាន់មួយដើម្បីជំរុញដល់សេដ្ឋកិច្ចកម្ពុជាដែលគាំទ្រតាមរយៈគំនិតផ្តួចផ្តើមគោលនយោបាយរបស់រាជរដ្ឋាភិបាល ដែលមានភាពអនុគ្រោះចំពោះវិស័យឧស្សាហកម្ម។
ដោយមានការប្រើបណ្តាញក្រុមអ្នកជំនាញខាងឧស្សាហកម្មធុរកិច្ច និងហិរញ្ញវត្ថុនៅទូទាំងទ្វីបអាស៊ី ព្រីនស៍ ហូលឌីង គ្រុប បានចាក់គ្រឹះដ៏រឹងមាំដើម្បីធ្វើជាស្ពានចម្បងមូលធនក្នុងស្រុក និងអន្តរជាតិ។ សម្ព័ន្ធនេះបានប្តេជ្ញាយ៉ាងមុតមាំចំពោះការអភិវឌ្ឍនារយៈពេលវែងរបស់ប្រទេសកម្ពុជា។ ជាឧទាហរណ៍ ព្រីនស៍ ហូលឌីង គ្រុបកំពុងអភិវឌ្ឍន៍ទីក្រុងរាម ដែលជាគម្រោងទេសចរណ៍ និងលំនៅដ្ឋាននាពេលខាងមុខដែលនឹងក្លាយជាគម្រោងអចលនទ្រព្យប្រកបដោយនិរន្តរភាពឈានមុខគេមួយនៅប្រទេសកម្ពុជា ក្នុងគោលបំណងធានាបាននូវការវិនិយោគសម្រាប់តំបន់នេះសរុបប្រមាណ ១៦ពាន់លានដុល្លារសហរដ្ឋអាមេរិក។ គម្រោងនេះមានទីតាំងស្ថិតនៅក្នុងចម្ងាយ ១០ នាទីពីអាកាសយានដ្ឋានអន្តរជាតិក្រុងព្រះសីហនុ គម្រោងនេះមានគោលបំណងរួមចំណែកដល់ការស្តារសេដ្ឋកិច្ចនៅក្នុងខេត្តព្រះសីហនុ។
អំពីពានរង្វាន់ Stevie® Awards
ពានរង្វាន់ Stevie Awards ត្រូវបានផ្តល់ជូននៅក្នុងកម្មវិធីចំនួន ៨ រួមមាន៖ ពានរង្វាន់ Asia-Pacific Stevie Awards, ពានរង្វាន់ German Stevie Awards, ពានរង្វាន់ Middle East & North Africa Stevie Awards, ពានរង្វាន់ American Business Awards®, ពានរង្វាន់ International Business Awards®, ពានរង្វាន់ Stevie Awards for Women in Business, ពានរង្វាន់ Stevie Awards for Great Employers និងពានរង្វាន់ Stevie Awards for Sales & Customer Service។ ការប្រកួតប្រជែងក្នុងពានរង្វាន់ Stevie Awards ទទួលបានការចូលរួមច្រើនជាង ១២,០០០ ជារៀងរាល់ឆ្នាំពីអង្គការនានានៅក្នុងប្រទេសជាង ៧០ ។ ពានរង្វាន់ Stevies ត្រូវបានទទួលស្គាល់ជាការវាយតម្លៃដ៏ឆ្នើមក្នុងកន្លែងធ្វើការនៅទូទាំងពិភពលោក ដោយទទួលបានការផ្តល់កិត្តិយសពីអង្គការនានា នៅគ្រប់ប្រភេទ និងទំហំ ក៏ដូចជាមនុស្សគ្រប់គ្នាដែលនៅពីក្រោយផងដែរ។
សម្រាប់ព័ត៌មានផ្សេងៗអំពីក្រុមហ៊ុន ព្រីនស៍ ហូលឌីង គ្រុប សូមទំនាក់ទំនងមកកាន់ៈ
អ្នកនាង Ada Leung                                                      លោក Andrew Scott
Hill+Knowlton Strategies Asia                                                Hill+Knowlton Strategies Asia
ទូរសព្ទលេខ៖ +852-2894-6225                                     ទូរសព្ទលេខ៖ +852-5918-9896
Email: [email protected]                        [email protected]
August 20, 2021
Prince Group ចាប់ដៃគូសហការជាមួយអង្គការ Caring for Cambodia, ធ្វើការឧបត្ថម្ភដល់កម្មវិធីត្រៀមរៀបចំអាជីពការងារ
មូលនិធិសប្បុរសធម៌ព្រីនស៍ (Prince Charitable Foundation) នឹងធ្វើការជាមួយក្រុមការងារសប្បុរសធម៌ដែលផ្តោតលើការអប់រំឈានមុខគេដើម្បីលើកកម្ពស់ទស្សនវិស័យសិក្សា និងអាជីពការងាររបស់សិស្ស ៧,០០០នាក់ ក្រោយពីការឆ្លងរាតត្បាតត្រឡប់ទៅរកសភាពធម្មតាវិញ។
[រាជធានីភ្នំពេញ, ថ្ងៃទី១២ ខែសីហា ឆ្នាំ២០២១] មូលនិធិសប្បុរសធម៌ព្រីនស៍ (Prince Charitable Foundation) ជាផ្នែកមួយដែលធ្វើការលើសកម្មភាពសប្បុរសធម៌របស់ ព្រីនស៍ ហូលឌីង គ្រុប(“ព្រីនស៍ គ្រុប”) ជាពហុក្រុមហ៊ុនមួយក្នុងចំណោមពហុក្រុមហ៊ុនដែលធំជាងគេ និងរីកចម្រើនបំផុតនៅក្នុងប្រទេសកម្ពុជា នឹងធ្វើការឧបត្ថម្ភដល់កម្មវិធីត្រៀមរៀបចំអាជីពការងារដល់សិស្សនិស្សិត ដែលមានការដឹកនាំដោយអង្គការ Caring for Cambodia គឺជាអង្គការសប្បុរសធម៌ឈានមុខគេដែលផ្តល់ការអប់រំឥតគិតថ្លៃដល់និស្សិតក្រីក្រចំនួន ៧០០០នាក់ សម្រាប់ឆ្នាំសិក្សាខាងមុខនេះ។ ភាពជាដៃគូជាមួយអង្គការ Caring for Cambodia ដែលបានប្រកាសនៅថ្ងៃទិវាយុវជនអន្តរជាតិដែលបានគូសបញ្ជាក់ពីរបៀបដែលព្រីនស៍ គ្រុប បានចាប់ផ្តើមដំណើរថ្មីនៅគ្រាដ៏សំខាន់មួយ នៅខណៈពេលដែលភាពអត់ការងារធ្វើរបស់យុវជនត្រូវបានគេរំពឹងថានឹងមានការកើនឡើងដោយសារតែស្ថានភាពជម្ងឺរាតត្បាតកូវីត-១៩ នៅកម្ពុជាមានសភាពកាន់តែធ្ងន់ធ្ងរទៅ។ តាមរយៈការគាំទ្រដល់កម្មវិធីត្រៀមរៀបចំអាជីពការងារ ព្រីនស៍ គ្រុបបាននឹងកំពុងសម្លឹងមើលការវិនិយោគនៅក្នុងប្រទេសកម្ពុជានាពេលអនាគតតាមរយៈការផ្តល់សិទ្ធអំណាចនិងផ្ទៀងផ្ទាត់ដល់វិធីសាស្ត្រតាមស្ថាប័នក្នុងការអភិវឌ្ឍយុវជន។
លោក Jamie Amelio ដែលជាស្ថាបនិក និងជានាយកប្រតិបត្តិនៃអង្គការ Caring for Cambodia បានមានប្រសាសន៍ថា “ពួកយើងពិតជាមានសេចក្តីសោមនស្សរីករាយក្នុងការធ្វើជាដៃគូជាមួយ ព្រីនស៍ ហូលឌីង គ្រុប (Prince Holding Group) ពីព្រោះពួកយើងកំពុងតែសម្លឹងរកមើលនូវឱកាសដើម្បីពង្រីក និងលើកកំពស់កម្មវិធីត្រៀមរៀបចំអាជីពការងាររបស់យើង។ “នៅក្នុងបរិស្ថានថ្មីដែលបានកំណត់ឡើងនាកំឡុងពេលនៃការឆ្លងរាតត្បាតនៃជម្ងឺកូវីត-១៩ សិស្សនិស្សិតនៅវិទ្យាល័យ និងសាកលវិទ្យាល័យនឹងត្រូវការការគាំទ្រជាច្រើនដើម្បីជួយពួកគេឱ្យកសាងនូវគ្រឹះដ៏រឹងមាំសម្រាប់អនាគតរបស់ពួកគេ។ អង្គការ Caring for Cambodia ជឿជាក់ថាភាពជាដៃគូទាំងក្នុងវិស័យសាធារណៈ និងឯកជនដែលពាក់ព័ន្ធនឹងនិយោជកដ៏មានសក្តានុពលដូចជាសមាជិកនៃក្រុមហ៊ុនរបស់ ព្រីនស៍ ហូលឌីង គ្រុប (Prince Holding Group) និងក្រសួងអប់រំយុវជននិងកីឡា នឹងធ្វើឱ្យយើងទទួលបានលទ្ធផលនៃការអប់រំដ៏ល្អប្រសើរ។
កម្មវិធីត្រៀមរៀបចំអាជីពការងារបានចាប់ផ្តើមដំណើរការជាផ្លូវការនៅឆ្នាំ២០០៦ ដោយបានជួយសិស្សនិស្សិតជាង ៣០០០នាក់ ជារៀងរាល់ឆ្នាំ តាមរយៈការផ្តល់ព័ត៌មានទាក់ទងនឹងអាហារូបករណ៍ ផ្តល់នូវការបណ្តុះបណ្តាលទាក់ទងនឹងជំនាញ (ឧទាហរណ៍៖ ដូចជាការពង្រឹងជំនាញសម្ភាសន៍របស់ពួកគេ) ការផ្តល់នូវការបណ្តុះបណ្តាលកម្មសិក្សា ការរៀបចំពិព័រណ៍ការងារ ការរៀបចំដំណើរទស្សនកិច្ចទៅកាន់សាកលវិទ្យាល័យនានា និងការណែនាំសិស្សវិទ្យាល័យទៅកាន់វាគ្មិនលើកទឹកចិត្តជាច្រើនមកពីវិស័យផ្សេងៗគ្នា។ កម្មវិធីនេះធ្វើឱ្យឃើញថាសិស្សវិទ្យាល័យមានភាពខុសគ្នាខ្លាំង ទៅនឹងនិស្សិតក្រោយបញ្ចប់ការសិក្សា ព្រោះថានិស្សិតដែលបញ្ចប់ការសិក្សាពីសាលា Caring for Cambodia ងាយនឹងចុះឈ្មោះចូលរៀននៅសាកលវិទ្យាល័យចំនួន ១៨ដង បើប្រៀបធៀបនឹងមធ្យមភាគថ្នាក់ជាតិ។
លោក Cliff Koh អគ្គលេខាធិការរបស់ ព្រីនស៍ ហូលឌីង គ្រុប (Prince Holding Group) បានមានប្រសាសន៍ថា “ព្រីនស៍ ហូលឌីង គ្រុប (Prince Holding Group) ពិតជាមានសេចក្តីសោមនស្សរីករាយក្នុងការគាំទ្រចំពោះគំនិតផ្តួចផ្តើមដ៏មានឥទ្ធិពលខ្ពស់ដូចជាកម្មវិធីត្រៀមរៀបចំអាជីពការងាររបស់អង្គការ Caring for Cambodia នេះ ។ ក្នុងនាមជាក្រុមហ៊ុនឈានមុខគេនៅកម្ពុជា ដែលប្រកបដោយការទទួលខុសត្រូវក្នុងការរួមចំណែកដល់ការអភិវឌ្ឍប្រកបដោយចីរភាពតាមរយៈការអប់រំ ការថែរក្សាសុខភាព និងគំនិតផ្តួចផ្តើមក្នុងសហគមន៍ យើងសង្ឃឹមថាការឧបត្ថម្ភដល់កម្មវិធីរៀបចំអាជីពការងាររបស់អង្គការ Caring for Cambodia នឹងជួយដល់យុវជនកម្ពុជានៅក្នុងពេលវេលាដ៏សំខាន់មួយសម្រាប់ជីវិតរបស់ពួកគេ។
លើសពីនេះទៅទៀតកម្មវិធីនេះក៏ជួយដល់អតីតនិស្សិតរបស់អង្គការ Caring for Cambodia ដែលកំពុងបន្តសិក្សានៅសាកលវិទ្យាល័យនានាជាមួយនឹងដំណើរការស្វែងរកការងាររបស់ពួកគេ។ សាលារៀនដែលមានការគាំទ្រដោយអង្គការ Caring for Cambodia គឺជាសាលាតែមួយគត់នៅក្នុងប្រទេសដែលបានរៀបចំឱ្យសិស្សនិស្សិតនូវជំនាញដែលពួកគេត្រូវការ ដើម្បីជួយពួកគេឱ្យមានលក្ខណៈគ្រប់គ្រាន់សម្រាប់ការងារនៅក្នុងវិស័យកំពុងមានការរីកចម្រើននានាដូចជា៖ ទូរគមនាគមន៍ ភស្តុភារ និងអភិរក្ស។
នៅក្នុងវិស័យអប់រំ សម្ព័ន្ធក្រុមហ៊ុន ព្រីនស៍ គ្រុប (Prince Group) បានផ្តល់ការគាំទ្រជាប្រចាំអស់រយៈពេលជាច្រើនឆ្នាំមកហើយ ពិសេសជាងនេះទៅទៀតបាននាំយកសិល្បៈនៃការផលិតនាឡិកាស្វីសមកកាន់ប្រទេសកម្ពុជា ដោយបានបង្កើតសាលាផលិតនាឡិកាឯករាជ្យដំបូងគេរបស់ប្រទេស កាលពីឆ្នាំមុន ដែលផ្តល់ឱកាសដល់យុវជនកម្ពុជាក្នុងការចាប់យកជំនាញហត្ថកម្មថ្មី និងទទួលបាននូវបទពិសោធន៍ចាំបាច់សំខាន់ៗដើម្បីជួយដល់ពួកគេនៅក្នុងទីផ្សារការងារនៅក្នុងប្រទេសកម្ពុជានិងនៅបរទេស។ សម្ព័ន្ធក្រុមហ៊ុននេះបានធ្វើតាមយុទ្ធសាស្ត្ររួមលើវិស័យបរិស្ថាន សង្គមនិងអភិបាលកិច្ច (ESG) ដែលបានបង្កើតឡើងក្នុងនាមជាសមាជិកនៃក្រុមហ៊ុន រួមជាមួយនឹងការផ្តោតសំខាន់ទៅលើគំនិតផ្តួចផ្តើមនៃវិស័យអប់រំដែលនាំមកនូវផលនារយៈពេលវែង ។
ក្នុងផ្នែកមួយនៃយុទ្ធសាស្ត្រដ៏លើសលុប លោកប្រធានសម្ព័ន្ធក្រុមហ៊ុន ព្រីនស៍ គ្រុប (PrinceGroup អ្នកឧកញ៉ា Chen Zhi (陳志公爵) បានឆ្លើយតបទៅនឹងការអំពាវនាវរកជំនួយរបស់រាជរដ្ឋាភិបាលកម្ពុជា ដើម្បីប្រយុទ្ធប្រឆាំងការផ្ទុះឡើងនៃជម្ងឺកូវីត-១៩ ក្នុងព្រឹត្តិការណ៍ ២០កុម្ភៈ ២០២១ ដោយបានប្រកាសពីផែនការបរិច្ចាគថវិកាចំនួន៣លានដុល្លារសហរដ្ឋរអាមេរិក ដើម្បីចូលរួមចំណែកក្នុងកិច្ចខិតខំប្រឹងប្រែងប្រឆាំងនឹងជំងឺរាតត្បាតនេះ។ នាដំណាច់ឆ្នាំ ២០២០ នេះ Chen Zhi ក៏បានប្តេជ្ញាចិត្តចូលរួមរបរិច្ចាគថវិកាចំនួន ៣លានដុល្លារសហរដ្ឋអាមេរិកបន្ថែមទៀតដើម្បីជួយប្រទេសកម្ពុជាក្នុងកាទិញវ៉ាក់សាំងការពារជម្ងឺកូវីត-១៩ ។
អស់រយៈពេលជាច្រើនឆ្នាំ មូលនិធិសប្បុរសធម៌ព្រីនស៍ (Prince CharitableFoundation) បានរៀបចំព្រឹត្តិការណ៍សប្បុរសធម៌ប្រមាណជាង ២៥០កម្មវិធី និងបានផ្តល់ជំនួយជាមូលនិធិ និងសម្ភារៈផ្សេងទៀតដែលមានតម្លៃប្រមាណជាង ១៤លានដុល្លារសហរដ្ឋអាមេរិច ដែលជួយជាប្រយោជន៍ជូនប្រជាជនប្រមាណ ៥០០,០០០ នាក់។
សម្ព័ន្ធក្រុមហ៊ុន ព្រីនស៍ គ្រុប (Prince Group) នឹងបន្តគាំទ្រដល់ប្រជាជនកម្ពុជាគ្រប់ស្រទាប់វណ្ណៈ និងប្រកាន់យកវិធីសាស្ត្ររួមមួយក្នុងការគាំទ្រដល់ការអប់រំនៅក្នុងព្រះរាជាណាចក្រកម្ពុជា ដោយមានការចូលរួមយ៉ាងទៀងទាត់ រួមផ្សំជាមួយនឹងដំណោះស្រាយដ៏ល្អបំផុតក្នុងការស្វែងរកគំនិតផ្តួចផ្តើមដែលមានឥទ្ធិពលយ៉ាងខ្ពស់នានា ដែលនឹងធានាបាននូវវឌ្ឍនភាពប្រកបដោយនិរន្តរភាព និងស្ថិតស្ថេរ។
អំពីក្រុមហ៊ុន Prince Holding Group៖
ព្រីនស៍ ហូលឌីង គ្រុប (Prince Holding Group) គឺជាក្រុមហ៊ុនពហុផលិតផលដ៏ធំនិងកំពុងមានភាពរីកចម្រើនលឿនជាងគេមួយនៅកម្ពុជា ដែលមានអង្គភាពផ្សេងៗផ្តោតទៅលើវិស័យស្នូលចំនួនបី គឺការអភិវឌ្ឍអចលនទ្រព្យ សេវាហិរញ្ញវត្ថុ និងសេវាអតិថិជន។
អង្គភាពអាជីវកម្មសំខាន់ៗរបស់ក្រុមហ៊ុន ព្រីនស៍ ហូលឌីង គ្រុប (Prince Holding Group) នៅកម្ពុជារួមមាន៖ ក្រុមហ៊ុន Prince Real Estate Group, ក្រុមហ៊ុន Prince Huan Yu Real Estate Group, ធនាគារ Prince Bank, ក្រុមហ៊ុន Cambodia Airways, ក្រុមហ៊ុន Belt Road Capital Management, និងក្រុមហ៊ុន Awesome Global Investment Group។ តាមរយៈក្រុមហ៊ុនបុត្រសម្ព័ន្ធរបស់ខ្លួន ក្រុមហ៊ុន ព្រីនស៍ ហូលឌីង គ្រុប (Prince Holding Group) មានអាជីវកម្មជាង ៨០ នៅក្នុងប្រទេសកម្ពុជាដែលកំពុងធ្វើប្រតិបត្តិការអភិវឌ្ឍន៍ ដែលក្នុងនោះរួមមាន វិស័យអចលនទ្រព្យ វិស័យធនាគារ ហិរញ្ញវត្ថុ អាកាសចរណ៍ ទេសចរណ៍ ភស្តុភារ បច្ចេកវិទ្យា ចំណីអាហារ និងភេសជ្ជៈ និងជីវិតរស់នៅ ។ល។
ការកើនឡើងនូវការវិនិយោគផ្ទាល់ពីបរទេស កិច្ចព្រមព្រៀងពាណិជ្ជកម្មសេរីជាមួយបណ្តាប្រទេសឈានមុខគេ និងការចូលរួមនាពេលអនាគតនៅក្នុង ភាពជាដៃគូសេដ្ឋកិច្ចតំបន់ទូលំទូលាយ ត្រូវបានគេរំពឹងថានឹងដើរតួជាកម្លាំងចលករដ៏សំខាន់មួយដើម្បីជំរុញដល់សេដ្ឋកិច្ចកម្ពុជាដែលគាំទ្រតាមរយៈគំនិតផ្តួចផ្តើមគោលនយោបាយរបស់រាជរដ្ឋាភិបាលដែលមានភាពអនុគ្រោះចំពោះវិស័យឧស្សាហកម្ម។
ដោយមានការប្រើបណ្តាញក្រុមអ្នកជំនាញខាងឧស្សាហកម្មធុរកិច្ច និងហិរញ្ញវត្ថុនៅទូទាំងទ្វីបអាស៊ី នេះ ព្រីនស៍ ហូលឌីង គ្រុបបានចាក់គ្រឹះដ៏រឹងមាំដើម្បីធ្វើជាស្ពានចម្បងមូលធនក្នុងស្រុក និងអន្តរជាតិ។ សម្ព័ន្ធនេះប្តេជ្ញាយ៉ាងមុតមាំចំពោះការអភិវឌ្ឍនារយៈពេលវែងរបស់ប្រទេសកម្ពុជា។ ជាឧទាហរណ៍ ព្រីនស៍ ហូលឌីង គ្រុបកំពុងអភិវឌ្ឍន៍ទីក្រុងរាម ដែលជាគម្រោងទេសចរណ៍និងលំនៅដ្ឋាននាពេលខាងមុខដែលនឹងក្លាយជាគម្រោងអចលនទ្រព្យប្រកបដោយនិរន្តរភាពឈានមុខគេមួយនៅប្រទេសកម្ពុជាក្នុងគោលបំណងធានាបាននូវការវិនិយោគសម្រាប់តំបន់នេះសរុបប្រមាណ ១៦ ពាន់លានដុល្លារសហរដ្ឋអាមេរិច។ គម្រោងនេះមានទីតាំងស្ថិតនៅក្នុងចម្ងាយ ១០ នាទីពីអាកាសយានដ្ឋានអន្តរជាតិក្រុងព្រះសីហនុដែលមានគោលបំណងរួមចំណែកដល់ការស្តារសេដ្ឋកិច្ចនៅខេត្តព្រះសីហនុ។
នាពេលខាងមុខនេះ ព្រីនស៍ ហូលឌីង គ្រុបកំពុងតែបោះជំហានទៅមុខដោយបន្តស្វែងរកឱកាសដើរតួនាទីយ៉ាងសំខាន់នៅកម្ពុជាតាមរយៈភាពជាដៃគូ ឬការវិនិយោគដោយផ្ទាល់ទៅក្នុងវិស័យសំខាន់ៗដើម្បីភាពប្រសើរឡើងរបស់ប្រជាជនកម្ពុជានិងសេដ្ឋកិច្ចក្នុងតំបន់។
អំពី មូលនិធិសប្បុរសធម៌ព្រីនស៍ Prince Charitable Foundation:
ដោយការសុខចិត្តលះបង់ខ្លួនចំពោះជំនួយសប្បុរសធម៌សាធារណៈ គាំទ្រដល់ភារកិច្ចសាជីវកម្ម និងលើកស្ទួយដល់ភាពសុខដុម ព្រមទាំងការរីកចម្រើនក្នុងសង្គម មូលនិធិសប្បុរសធម៌ព្រីនស៍ ដែលជាសមាជិកនៃក្រុមហ៊ុន ព្រីនស៍ ហូលឌីង គ្រុប ផ្តោតទៅលើគម្រោងសុខុមាលភាពសង្គម រាប់បញ្ចូលទាំងការអភិវឌ្ឍទីក្រុង និងការការពារដល់អេកូឡូស៊ី ព្រមទាំងយកទឹកចិត្តទុកយ៉ាងខ្លាំងសំដៅជួយដល់ការបោះបង់ការសិក្សារបស់សិស្សានុសិស្ស ជនពិការ និងមនុស្សចាស់ជរា។ ដោយការប្រគល់អាណត្តិកម្រិតថ្នាក់ជាតិមួយ មូលនិធិសប្បុរសធម៌ព្រីនស៍ បានទទួលនូវទឹកប្រាក់ចំនួន១លានដុល្លារសហរដ្ឋអាមេរិចពីក្រុមហ៊ុន ព្រីនស៍ ហូលឌីង គ្រុប ដែលទំហំទឹកប្រាក់សរុបបានមកពីការធ្វើលទ្ធកម្មចំណូលលក់ទ្រព្យសម្បត្តិ។ មូលនិធិសប្បុរសធម៌ព្រីនស៍ ក៏បានទាក់ទាញប្រាក់ជំនួយដ៏ច្រើនគួរឱ្យកត់សម្គាល់ពីបុគ្គល និងអង្គការផ្សេងៗផងដែរ។ មូលនិធិសប្បុរសធម៌ព្រីនស៍ បានចាប់ផ្តើមដំណើរការនូវកម្មវិធីសប្បុរសធម៌ជាង២៥០កម្មវិធី ដែលបានផ្តល់អត្ថប្រយោជន៍ដល់ប្រជាជនចំនួន៥០០,០០០នាក់ ជាមួយនឹងជំនួយច្រើនជាង១៤លានដុល្លារសហរដ្ឋអាមេរិច។
អំពី អង្គការ Caring for Cambodia:
អង្គការ Caring for Cambodia ហៅកាត់ថា ស៊ីអេហ្វស៊ី ជាអង្គការមិនស្វែងរកប្រាក់ចំណេញ ជាអង្គការក្រៅរដ្ឋាភិបាលនិងជាអង្គការសប្បុរសធម៌ ផ្តល់ការអប់រំដល់កុមារកម្ពុជានាពេលបច្ចុប្បន្ននេះ ដើម្បីបង្កើតឱ្យមានការផ្លាស់ប្តូរមួយសម្រាប់ប្រទេសកម្ពុជានាថ្ងៃខាងមុខ។ ចំពោះទស្សនៈរបស់ អង្គការ ស៊ីអេហ្វស៊ី គឺថាមានតែការអប់រំប៉ុណ្ណោះ ដែលអាចធ្វើឱ្យការផ្លាស់ប្តូរកើតមានឡើង។ តាមរយៈការផ្តល់នូវវិធីសាស្ត្រពហុជំនាញ អង្គការ ស៊ីអេហ្វស៊ី បានដកនូវរបាំងដែលជាឧបសគ្គរារាំងនិងបានផ្តល់ការអប់រំប្រកបដោយគុណភាពដល់សិស្សានុសិស្សប្រមាណ ៧,០០០នាក់ ជារៀងរាល់ឆ្នាំនៅទូទាំងសាលាចំនួន២១ ចាប់តាំងពីថ្នាក់មត្តេយ្យដល់ថ្នាក់ទី១២ ក្នុងតំបន់នៃខេត្តសៀមរាប-ប្រទេសកម្ពុជា។ រាល់ការសម្រេចនេះធ្វើឡើងតាមរយៈកម្មវិធីដ៏មានភាពច្នៃប្រឌិតចំនួន១០ ដែលរួមបញ្ចូលទាំង កម្មវិធីអប់រំសុខភាព កម្មវិធី ICT/STEM និងកម្មវិធីសមភាពយេនឌ័រ ដោយមិនមានការគិតថ្លៃសិក្សាសម្រាប់សិស្សនោះឡើយ។ អង្គការ ស៊ីអេហ្វស៊ី បានប្តេជ្ញាចិត្តយ៉ាងខ្លាំងចំពោះថ្នាក់ដឹកនាំកម្ពុជាដើម្បីធានាបានថាបេសកកម្មរបស់ខ្លួនមាននិរន្តរភាព។
សម្រាប់ព័ត៌មានបន្ថែមអំពីក្រុមហ៊ុន Prince Holding Group សូមទំនាក់ទំនង៖
អ្នកនាង Ada Leung                                                 លោក Andrew Scott
Hill+Knowlton Strategies Asia                         Hill+Knowlton Strategies Asia
ទូរសព្ទលេខ៖ +852-2894-6225                        ទូរសព្ទលេខ៖ +852-5918-9896
Email: [email protected]               [email protected]
August 12, 2021
អ្នកឧកញ៉ា គិត ម៉េង ប្រើប្រាស់សេវាដឹកជញ្ជូនរបស់វីងម៉លយកអាហារ KFC ដោយឥតគិតថ្លៃជូនដល់សមាគមគ្រូពេទ្យស្ម័គ្រចិត្តយុវជនសម្តេចតេជោដើម្បីបង្ហាញពីការដឹងគុណ
អ្នកឧកញ៉ា គិត ម៉េង បាននាំយកនូវអាហារដ៏ឈ្ងុយឆ្ងាញ់ពី KFC ទៅជូនសមាគមគ្រូពេទ្យស្ម័គ្រចិត្តយុវជនសម្តេចតេជោ តាមរយៈសេវាដឹកជញ្ជូនរបស់វីងម៉លដើម្បីសម្តែងការអរគុណសម្រាប់ការខិតខំប្រឹងប្រែងដោយមិនគិតពីខ្លួនឯង និងភាពអង់អាចក្លាហានរបស់ពួកគាត់ដើម្បីប្រយុទ្ធប្រឆាំងនឹងជំងឺរាតត្បាតនេះ!
ដោយសារពពកខ្មៅនៃជំងឺរាតត្បាតនៅតែបន្តគ្របដណ្តប់ព្រះរាជាណាចក្រកម្ពុជា ក្រុមគ្រូពេទ្យ គិលានុបដ្ឋាយិការ និងអ្នកស្ម័គ្រចិត្ត មកពីសមាគមគ្រូពេទ្យស្ម័គ្រចិត្តយុវជនសម្តេចតេជោ បានខិតខំធ្វើការទាំងយប់ទាំងថ្ងៃដើម្បីការពារប្រជាជនកម្ពុជា។
ក្រោមការដឹកនាំដ៏ខ្ពង់ខ្ពស់នៃឯកឧត្តម ហ៊ុន ម៉ាណែត ប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្តេចតេជោ និងលោកជំទាវ ពេជ ចន្ទមុន្នី អនុប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្តេចតេជោ ពួកគាត់បានចំណាយពេលវេលានៅឆ្ងាយពីគ្រួសារជាច្រើនថ្ងៃ ហើយបានលះបង់ពេលវេលាជាងមួយឆ្នាំដើម្បីការពារប្រជាពលរដ្ឋ។
ជាកាយវិការមួយដើម្បីបង្ហាញពីការអរគុណ អ្នកឧកញ៉ា គិត ម៉េង បានរៀបចំឱ្យវីងម៉លយកអាហារពី KFC ដោយឥតគិតថ្លៃជូនដល់ក្រុមការងារសមាគមគ្រូពេទ្យស្ម័គ្រចិត្តយុវជនសម្តេចតេជោដ៏អង់អាចក្លាហាន។
អ្នកឧកញ៉ា គិត ម៉េង ប្រធាននិងនាយកប្រតិបត្តិ ក្រុមហ៊ុន រ៉ូយ៉ាល់គ្រុប បានមានប្រសាសន៍ថា៖«ការរួមចំណែករបស់សមាគមគ្រូពេទ្យស្ម័គ្រចិត្តយុវជនសម្តេចតេជោ ក្នុងអំឡុងពេលដ៏លំបាកនេះសម្រាប់ប្រទេសជាតិ ពិតជាមិនអាចមើលរំលងនោះឡើយ។ ពួកគាត់មិនត្រឹមតែឈរនៅជួរមុខក្នុងការតាមដាន និងព្យាបាលអ្នកជំងឺប៉ុណ្ណោះទេ ប៉ុន្តែសមាគមនេះក៏បានដើរតួនាទីយ៉ាងសំខាន់ផងដែរ ក្នុងការការពារការរីករាលដាលនៃមេរោគនេះផងដែរ។ យើងសូមគោរពចំពោះការរួមចំណែករបស់អ្នកទាំងអស់គ្នាចំពោះសហគមន៍ដោយមិនគិតពីខ្លួនឯង»។
ក្រុមការងារដឹកជញ្ជូនរបស់វីងម៉លបានយកអាហារពីហាង KFC ជាច្រើនកន្លែងនៅទីក្រុងភ្នំពេញ ហើយដឹកបញ្ជូនទៅសមាគមគ្រូពេទ្យស្ម័គ្រចិត្តយុវជនសម្តេចតេជោ ឱ្យទាន់ពេលវេលាសម្រាប់អាហារសម្រន់ពេលរសៀលរបស់ពួកគេនៅថ្ងៃអាទិត្យ។
ពិធីប្រគល់ត្រូវបានធ្វើឡើងនៅការិយាល័យរបស់សមាគមគ្រូពេទ្យស្ម័គ្រចិត្តយុវជនសម្តេចតេជោ ក្នុងខណ្ឌទួលគោក នៃរាជធានីភ្នំពេញ មុនពេលត្រូវបានចែកចាយភ្លាមៗដល់ក្រុមអ្នកស្ម័គ្រចិត្ត វេជ្ជបណ្ឌិត និងគិលានុបដ្ឋាយិការ នៅទូទាំងទីក្រុង។
អ្នកឧកញ៉ា គិត ម៉េង បានគាំទ្ររាជរដ្ឋាភិបាលកម្ពុជាតាមរយៈការបរិច្ចាគនូវធនធាន និងពេលវេលាយ៉ាងច្រើនក្នុងការប្រយុទ្ធប្រឆាំងនឹងជំងឺរាតត្បាតនេះ។
នៅក្នុងសារលិខិតរបស់សម្តេចអគ្គមហាសេនាបតីតេជោ ហ៊ុន សែន នាពេលថ្មីៗនេះ សម្តេចបានថ្លែងអំណរគុណយ៉ាងជ្រាលជ្រៅចំពោះអ្នកឧកញ៉ា គិត ម៉េង និងលោកជំទាវ ម៉ៅ ចំណាន ដែលបានឧបត្ថម្ភថវិការ ៣ លានដុល្លារបន្ថែមទៀតដល់រាជរដ្ឋាភិបាលកម្ពុជា សម្រាប់ការទិញឧបករណ៍ធ្វើតេស្តរហ័សពិនិត្យរកមើលជំងឺកូវីដ១៩ ។
អ្នកឧកញ៉ា គិត ម៉េង បានមានប្រសាសន៍ថា៖«ខណៈពេលដែលប្រទេសជាតិកំពុងជួបការលំបាកដូចនេះ វាជាកាតព្វកិច្ចរបស់យើងក្នុងនាមជាប្រជាពលរដ្ឋកម្ពុជា ក្នុងការជួយគាំទ្រប្រទេសជាតិរបស់យើង។ ខ្ញុំសូមឱ្យអ្នករាល់គ្នាអនុវត្តតាមអនុសាសន៍ ដ៏ខ្ពង់ខ្ពស់របស់សម្តេចតេជោអំពី«៣កុំ និង៣ការពារ» ក៏ដូចជាការណែនាំពីក្រសួងសុខាភិបាល ដើម្បីជួយទប់ស្កាត់ការរីករាលដាលនៃជំងឺនេះ។ វាជារឿងតូចមួយដែលសាធារណជនអាចធ្វើបាន ខណៈពេលដែលសមាគមគ្រូពេទ្យស្ម័គ្រចិត្តយុវជនសម្តេចតេជោ ធ្វើការដោយមិនខ្លាចនឿយហត់ដើម្បីការពារយើងនិងគ្រួសាររបស់យើង»។
ចាប់តាំងពីដើមរៀងមក អ្នកឧកញ៉ា គិត ម៉េង និងក្រុមហ៊ុនបុត្រសម្ព័ន្ធរបស់គាត់បានចូលរួមយ៉ាងសកម្ម ប្រកបដោយទឹកចិត្តសប្បុរសធម៌ជួយដល់សហគមន៍ដែលកំពុងត្រូវការជំនួយក្នុងពេលមានជំងឺរាតត្បាត។
វីងបានដាក់បន្ថែមវីងម៉លទៅក្នុងកម្មវិធីស្មាតហ្វូនវីងកាលពីឆ្នាំមុន។ វីងម៉លគឺជាសេវាកម្មដឹកជញ្ជូនម្ហូបអាហារ និងគ្រឿងទេសរបស់ក្រុមហ៊ុនរ៉ូយ៉ាល់គ្រុប។ ធនាគារ វីង (ខេមបូឌា) ម.ក ដែលជាធនាគារពាណិជ្ជនៃក្រុមហ៊ុនរ៉ូយ៉ាល់គ្រុបក៏បានផ្តល់ការ គាំទ្រដល់ប្រទេសកម្ពុជាតាមរយៈសកម្មភាពសប្បុរសធម៌ផ្សេងៗជាច្រើនដែរ។
ធនាគារវីងបានកៀរគរសាធារណជន ដើម្បីរៃអង្គាសថវិកាសម្រាប់ជួយការផ្តួចផ្តើមរបស់រាជរដ្ឋាភិបាលក្នុងការទិញវ៉ាក់សាំងការពារជំងឺកូវីដ១៩ កាលពីឆ្នាំមុន។ ធនាគារវីងក៏បានរួមចំណែកយ៉ាងសំខាន់ក្នុងការជួយចែកចាយនូវមូលនិធិគាំពារសង្គមដល់ជនងាយរងគ្រោះផ្នែកហិរញ្ញវត្ថុនៅក្រោមក្រសួងសង្គមកិច្ច អតីតយុទ្ធជន និងយុវនីតិសម្បទា៕
August 2, 2021
តើមានរឿងអ្វីកើតឡើងចំពោះអ្នកឧកញ៉ា គិត ម៉េង កំពូលមហាសេដ្ឋីនៅស្រុកខ្មែរ ?
បើនិយាយពីអ្នកឧកញ៉ា គិត ម៉េង ពិតណាស់មានមនុស្សជាច្រើនដែលបានស្គាល់គាត់ តាមរយៈទឹកចិត្តដ៏សប្បុរសដែលបានបរិច្ចាគនូវធនធានផ្ទាល់ខ្លួនជាច្រើនសម្រាប់កិច្ចការសង្គម ហើយនាពេលថ្មីៗនេះ គាត់ទើបត្រូវបានប្រមុខរាជរដ្ឋាភិបាលកម្ពុជា គឺសម្តេចតេជោ ហ៊ុន សែន បានថ្លែងអំណរគុណដែលបានផ្តល់ថវិកាចំនួន ៣ លានដុល្លារអាមេរិកបន្ថែមទៀត ដល់រាជរដ្ឋាភិបាលកម្ពុជាសម្រាប់ការទិញឧបករណ៍ធ្វើតេស្តិ៍ពិនិត្យរកមើលជំងឺកូវីដ ១៩ផងដែរ។
នៅក្នុងវិស័យពាណិជ្ជកម្មវិញ អ្នកឧកញ៉ា គិត ម៉េង គឺជាប្រធាននិងនាយកប្រតិបត្តិ នៃក្រុមហ៊ុន រ៉ូយ៉ាល់គ្រុប ដែលមានក្រុមហ៊ុនបុត្រសម្ព័ន្ធជាច្រើនដូចជា៖ក្រុមហ៊ុនសេវាទូរស័ព្ទចល័ត Cellcard ក្រុមហ៊ុនសេវាអ៊ីនធើណែត Ezecom សណ្ឋាគារ Cambodiana ធនាគារ វីង (ខេមបូឌា) ម.ក ស្ថានីយទូរទស្សន៍ស៊ីធីអិន ក្រុមហ៊ុនធានារ៉ាប់រង អ៊ិនហ្វីនីធី និងក្រុមហ៊ុនធំៗជាច្រើនផ្សេងទៀតដែលកំពុងដំណើរការយ៉ាងសកម្មដើម្បីពេញនូវតម្រូវការជាក់ស្តែករបស់ប្រជាជនខ្មែរ។
ប៉ុន្តែពេលថ្មីៗនេះ ខណៈពេលដែលជំងឺកូវីដ ១៩ កំពុងតែរាតត្បាតនៅក្នុងប្រទេសកម្ពុជា ស្រាប់តែមានព័ត៌មានអំពីអាជីពថ្មី១ទៀតរបស់អ្នកឧកញ៉ា គិត ម៉េង ដែលកំពុងតែអង្រួនបណ្តាញសង្គម ហើយធ្វើឲ្យមានការងឿងឆ្ងល់ជាខ្លាំង។ អ្នកខ្លះបាននិយាយថាកំពូលមហាសេដ្ឋីនៅស្រុកខ្មែររូបនេះ បានមកប្រកបរបរជាចុងភៅ ហើយអ្នកខ្លះទៀតថាគាត់គឺអ្នកលក់ឥវ៉ានអនឡាញ ហើយក៏មានគេថាគាត់ក្លាយជាអ្នកដឹកជញ្ជូនម្ហូបអាហារតាមម៉ូតូទៅវិញ។
តើមានអ្វីកើតឡើងចំពោះគាត់ឲ្យពិតប្រាកដទៅ?
ដើម្បឆ្លើយតបទៅនឹងពាក្យចចាមអារាមដែលកំពុងតែធ្វើឲ្យរំជើបរំជួលក្នុងបណ្តាញសង្គមមួយនេះ វីងនឹងរៀបចំការឡាយផ្ទាល់តាមហ្វេសប៊ុកផ្លូវការរបស់ខ្លួននៅថ្ងៃទី២៩ កក្កដា វេលាម៉ោង៧ល្ងាច ដោយបកស្រាយនូវចម្ងល់ផ្សេងៗអំពីកំពូលមហាសេដ្ឋីរូបនេះ។
បើចង់ដឹងច្បាស់មានអ្វីកើតឡើងនោះ សូមតាមហ្វេសប៊ុកផ្លូវការរបស់វីងទាំងអស់គ្នា https://bit.ly/wingmallevent ៕
July 27, 2021
Ford Ranger XLT ស៊េរីថ្មីឆ្នាំ 2022 បានមកដល់ប្រទេសកម្ពុជាហើយ
បច្ចុប្បន្ននេះទីផ្សាររថយន្តក្នុងប្រទេសកម្ពុជាបានបន្តកើនឡើងជាលំដាប់ដែលក្នុងនោះរួមមាន៖ រថយន្ត ខ្នាតតូច ខ្នាតកណ្តាល ខ្នាតធំ រថយន្ត SUV រថយន្ត អាជីវកម្ម និងជាពិសេសនោះគឺរថយន្ត Pick Up។ សម្រាប់កំណើននៃតម្រូវការម៉ូឌែលរថយន្ត Pick Up នោះគឺដោយសារតែរថយន្តនេះមានភាពធន់រឹងមាំ អាចបើកបរគ្រប់ស្ថានភាពផ្លូវ ហើយថែមទាំងអាចដឹក និងអូសសណ្តោងទំនិញធ្ងន់ៗបានផងដែរ ពោលគឺអាចប្រើប្រាស់ជាលក្ខណៈគ្រួសារ និងប្រើប្រាស់សម្រាប់គ្រប់ប្រភេទអាជីវកម្មតែម្តង។ មានបងប្អូនជាច្រើនបានធ្លាប់ស្គាល់រួចមកហើយថារថយន្ត Ford Ranger XLT គឺជារថយន្តដែលកំពុងទទួលបានប្រជាប្រិយភាពក្នុងទីផ្សាររថយន្ត Pick Up ក្នុងប្រទេសកម្ពុជា ដែលរថយន្តនេះមានប្រព័ន្ធសុវត្ថិភាព និងបច្ចេកវិទ្យា សមត្ថភាពដឹកទំនិញធ្ងន់ៗ និងអូសសណ្តោងប្រហាក់ប្រហែលទៅនឹងរថយន្ត Ford Ranger Wildtrak ដែលជាកំពូលរថយន្ត Pick Up លក់ដាច់ជាងគេក្នុងទីផ្សារប្រទេសកម្ពុជា។
មិនតែប៉ុណ្ណោះសម្រាប់ម៉ូឌែលឆ្នាំថ្មីនេះរថយន្ត Ford Ranger XLT ស៊េរីថ្មីឆ្នាំ 2022 លេចចេញនូវរូបរាងថ្មីឲ្យកាន់តែមានភាពទាក់ទាញ និងបានមកដល់ប្រទេសកម្ពុជាហើយ ជាមួយនឹងការផ្លាស់ប្តូរប៉ាណាថ្មីដែលបំពាក់ជាមួយអក្សរផុស FORD ធំដូចទៅនឹងប៉ាណារថយន្ត Ford Ranger Raptor ដែរ សម្រាប់កាងផ្នែកខាងក្រោមក៏បានផ្លាស់ប្តូរទៅជាពណ៍ខ្មៅដែលមើលទៅកាន់តែស័ក្តិសមជាមួយនឹងប៉ាណាដែលធ្វើឲ្យរថយន្តនេះកាន់តែមានអំណាច ពោរពេញដោយថាមពល និងភាពស្ព័រផងដែរ។
ក្រៅពីការផ្លាស់ប្តូររូបរាងផ្នែកខាងមុខ រថយន្ត Ford Ranger XLT ស៊េរីថ្មីឆ្នាំ 2022 ក៏នៅតែបន្តបំពាក់ជូននូវប្រព័ន្ធសុវត្ថិភាព និងបច្ចេកវិទ្យាទាំង 40 ចំណុចដែលសុទ្ធសឹងតែចំណុចពិសេសៗលើសដៃគូប្រកួតប្រជែងរួមមាន៖
1. 1. ម៉ាស៊ីនម៉ាស៊ូតជំនាន់ចុងក្រោយសម្រាប់ម៉ូឌែល 2L អាចផលិតនូវកម្លាំងសេះដល់ទៅ 150 PS និងកម្លាំងរមួលបានដល់ទៅ 385 Nm និងម៉ូឌែល 3.2L ជាប្រភេទម៉ាស៊ីនតែមួយជាមួយ Ranger Wildtrak 3.2L ដែលអាចផលិតនូវកម្លាំងសេះដល់ទៅ 200 PS និងកម្លាំងរមួលបានដល់ទៅ 470 Nm។
    ប្រអប់លេខ 6 វគ្គអូតូ ក៏ជាប្រអប់លេខតែមួយជាមួយរថយន្ត Ranger Wildtrak ផងដែរ ដែលធ្វើឲ្យមានភាពរលូនក្នុងការបើកបរ (6-Speed Automatic)
    ចង្កៀងគុជ HID (HID Headlamps) និងចង្កៀងបំភ្លឺផ្នែកខាងក្រោម (Fog Lamps) ដែលមានភាពភ្លឺច្បាស់ជាងមុន
    ចង្កៀងបិទ/បើក និងហ្វាកូដដោយស្វ័យប្រវត្ត (Auto On/Off Headlamps)
    ប៉ាណាភ្លឺ ក្រូម៉េពណ៍ទឹកប្រាក់ (Silver Front Grille)
    យ៉ាន់កង់បែបស្ព័រទំនើបទាន់សម័យទំហំ 17អ៊ីញស័ក្តិសមជាមួយតួរថយន្ត និងអាចជំនះឧបសគ្គបានគ្រប់ស្ថានភាពផ្លូវ ជាពិសេសធន់រឹងមាំសម្រាប់ការដឹកទំនិញ (17” Alloy Wheel)
    ប្រព័ន្ធកូនសោឆ្លាតវៃ (Smart Key) និងចុចបញ្ឆេះរថយន្ត (Start-Stop Engine) និងចេញចូលរថយន្តដោយគ្រាន់តែយកដៃទៅស៊កនឹងដៃទ្វារ
    កាមេរ៉ាជំនួយចូលចតផ្នែកខាងក្រោយដែលមានខ្សែគំនូសពណ៍ស រេតាមចង្កូត (Rear View Camera)
    សេនសឺផ្នែកខាងក្រោយចំនួន 4 គ្រាប់ (4 Rear Sensors)
    ចុចកព្ចាក់ក្តោបដោយស្វ័យប្រវត្ត (Auto Side Mirror Folding System)
    ផ្លិតទឹកអូតូ (Rain Sensing Wipers)
    ចង្កូតបូមអេឡិចត្រូនិចដែលមានលក្ខណះធូរងាយស្រួលបើកបរ )Electric Power-Assisted Steering)
    ប្រព័ន្ធបញ្ជាដោយសម្លេង (Voice Command) សម្រាប់ការហៅទូរស័ព្ទ និងបញ្ជាប្រព័ន្ធគ្រប់គ្រងសីតុណ្ហភាពរថយន្ត
    កុងទ័រឌីជីថលរចនាម៉ូដថ្មីស្រឡាងដែលផ្តល់ព័ត៍មានយ៉ាងលម្អិតអំពីរថយន្ត (LCD Instrument Cluster)
    ប្រព័ន្ធផ្តល់សញ្ញានៅពេលដែលប្រើប្រាស់ម៉ាស៊ូតមិនល្អ (Water In Diesel Filter Warning Lights)
    កញ្ចក់មើលក្រោយអាចកាត់បន្ថយចំណាំងផ្លាត (Auto-Dimming)
    អេក្រង់ Touch Screen 8 អ៊ីញ សម្រាប់គ្រប់គ្រង វិទ្យុ តន្ត្រី និងការកំសាន្តផ្សេងៗ (8” Touch Screen)
    បច្ចេកវិទ្យា SYNC 3 ជំនាន់ថ្មីដែលអាចធ្វើការភ្ជាប់ផ្ទាល់ជាមួយនឹង Apple CarPlay, Android Auto និង Google Map (New SYNC 3 Technology)
    រន្ធ USB ចំនួន 2 និងរន្ធសាកកម្លាំង 12V នៅផ្នែកខាងក្រោយ (2 USB Ports / 12V Invertor)
    សេនសឺខ្សែក្រវ៉ាត់សុវត្ថិភាព (Seat Belt Sensor)
    ប្រព័ន្ធការពារចោរកម្ម (Anti-Theft Alarm System)
    ប្រព័ន្ធពន្លត់ម៉ាស៊ីនដោយស្វ័យប្រវត្ត ពេលបញ្ឆេះរថយន្តចោល (Auto Engine Off)
    ប្រព័ន្ធកាត់បន្ថយសម្លេងរំខានពីខាងក្រៅ (Active Noise Cancellation)
    ប្រព័ន្ធកាត់បន្ថយផ្សែងពុល (Emissions System)
    ប្រព័ន្ធសម្រាប់កំណត់ល្បឿនអតិបរមាពេលបើកបរ (MyKey System)
    រថយន្តនេះអាចចុះទឹកបានជម្រៅ 800mm លើសគេ (800mm Water Wading)
    ប្រព័ន្ធទប់លំនឹងរថយន្តពេលបើកបរលើផ្លូវកោង រអិល និងបញ្ចៀសការក្រឡាប់ (Electronic Stability Program)
    ប្រព័ន្ធទប់លំនឹងកុំឲ្យរអិលថយក្រោយពេលឡើងចំណោត )Hill Launch Assist)
    ប្រព័ន្ធទប់លំនឹងពេលចុះចំណោត )Hill Descent Control)
    ប្រព័ន្ធហ្វ្រាំង ABS និងEBD (Anti-Lock Braking Systems and Electronic Brake Force Distribution)
    ប្រព័ន្ធជំនួយក្នុងការចាប់ហ្វ្រាំង (Brake Fade)
    ប្រព័ន្ធគ្រប់គ្រងប៉ុងរបស់រថយន្ត (កាប់ពីតាស)(4×4 Shift-On-The-Fly)
    ប្រព័ន្ធចាប់ប៉ុងក្រោយដែលជួយសម្រួលដល់ការជាប់ផុង (Rear Lock Differential)
    តួរថយន្តធ្វើពីដែកថែបមានភាពរឹងមាំខ្លាំង មានដែកថែបពិសេសចំនួន 2ដើម សម្រាប់ការពារផ្នែកចំហៀងសងខាងនៃរថយន្ត (Ultra-High-Strength Boron Steel Side Impact Beam Bar)
    ខែលដែកថែបការពារម៉ាស៊ីនផ្នែកខាងក្រោម (Front Bumper Protector)
    គឺជារថយន្ត Pick Up ដែលទទួលបានចំណាត់ថ្នាក់ផ្កាយ 5ផ្នែកសុវត្ថិភាពពីគណ:កម្មការវាយតម្លៃសុវត្ថិភាពរបស់រថយន្តថ្មី (Euro NCAP)
    បំពាក់ជូននូវពោងសុវត្ថិភាពចំនួន 6 គ្រាប់ (6 Air Bags)
    ប្រព័ន្ធជើងក្រោមផ្លាស់ប្តូរថ្មីដែលអាចកាត់បន្ថយការរលាក់ រំញ័រ និងមានលំនឹងពេលបើកបរ[Upgraded Suspension System (Improves Steering, Ride and Handling)]
    អាចអូសសណ្តោងបានដល់ 3 តោន (3 Tons Towing Capacity)
    អាចដឹកទំនិញបានដល់ទៅជាង 1 តោន (1 Ton Payload Capacity)
    រថយន្ត Ford Ranger XLT ស៊េរីថ្មីឆ្នាំ 2022 បានមកដល់ទីផ្សារប្រទេសកម្ពុជាជាមួយនឹងតម្លៃ $41,900 សម្រាប់ជម្រើសម៉ាស៊ីន 2.2L និងតម្លៃ $42,900 សម្រាប់ជម្រើសម៉ាស៊ីន 3.2L។ រីឯពណ៍វិញគឺនៅតែមានច្រើនសម្បូរបែបសម្រាប់អតិថិជនដដែលគឺរហូតដល់ទៅ 7 ពណ៍ដូចជា៖ ស ខ្មៅ ប្រផេះ ទឹកប្រាក់ ទឹកមាស ខៀវ និងក្រហម។ សម្រាប់ព័ត៍មានបន្ថែមលោកអ្នកអាចអញ្ជើញទៅសាកសួរព័ត៍មានបន្ថែមនៅតាមបណ្តាសាខាអគារតាំងបង្ហាញរថយន្ត Ford និងទំនាក់ទំនងទៅតាមលេខទូរស័ព្ទដូចខាងក្រោម៖
    អគារតាំងបង្ហាញសាខាផ្លូវ ព្រះមុនីវង្ស ដែលស្ថិតនៅអគារលេខ 444 ផ្លួវព្រះមុនីវង្ស ជាប់ទូតវៀតណាម លេខទូរស័ព្ទទំនាក់ទំនង៖ 023 214 214
    អគារតាំងបង្ហាញសាខា ទឹកថ្លា ដែលស្ថិតនៅតាមបណ្តោយផ្លូវទៅព្រលានយន្តហោះ លេខទូរស័ព្ទទំនាក់ទំនង៖ 023 890 880
    អគារតាំងបង្ហាញសាខា ទួលសង្កែ ដែលស្ថិតនៅលើផ្លូវ 105 ជិតផ្សារសាំហាន់ លេខទូរស័ព្ទទំនាក់ទំនង៖ 078 990 800 | 087 990 800
    អគារតាំងបង្ហាញសាខាខេត្ត សៀមរាប ដែលស្ថិតនៅអគារលេខ 593 តាមបណ្តោយផ្លូវជាតិលេខ 6A លេខទូរស័ព្ទទំនាក់ទំនង៖ 063 766 661
    អគារតាំងបង្ហាញសាខាខេត្ត កំពង់ចាម ដែលស្ថិតនៅអគារលេខ 940 តាមបណ្តោយផ្លូវជាតិលេខ 7 ភូមិបឹងស្នាយ សង្កាត់សំបូមាស ក្រុងកំពង់ចាម លេខទូរស័ព្ទទំនាក់ទំនង៖ 092 888 476។
July 24, 2021
Ford Ranger Raptor ស៊េរីថ្មីឆ្នាំ 2022 បើកទទួលការកក់ជាផ្លូវការ!
បច្ចុប្បន្នគេសង្កេតឃើញថាមានក្រុមហ៊ុនរថយន្តជាច្រើនបានមានវត្តមាននៅក្នុងទីផ្សារប្រទេសកម្ពុជាដែលនេះបានផ្តល់ជាជម្រើសយ៉ាងសម្បូរបែបជូនដល់អតិថិជនក្នុងការជ្រើសរើសរថយន្តទៅតាមតម្រូវការផ្សេងៗគ្នា ប៉ុន្តែវាក៏ជាការពិបាកមួយក្នុងការសម្រេចចិត្តទិញរថយន្តជាមួយនឹងជម្រើសច្រើនបែបនេះដែរ។ ថ្ងៃនេះដែរយើងខ្ញុំសូមមកណែនាំនូវកំពូលរថយន្ត Off-Road Performance មួយដល់ប្រិយមិត្តទាំងអស់គ្នា។ បើនិយាយពីរថយន្ត Pick Up នោះត្រូវតែជារថយន្ត Ford ហើយបើនិយាយពីរថយន្តដែលសមត្ថភាពបើកបរគ្រប់ស្ថានផ្លូវ ឬផ្លូវ Off-Road នោះគេនឹកឃើញដល់ត្រកូល Ford Raptor មុនគេ ដោយសារតែរថយន្ត Ford Raptor ត្រូវបានផលិតឡើងដោយយកគំរូ Ford DNA performance ដែលមានប្រព័ន្ធសុវត្ថិភាព និងប្រព័ន្ធជើងក្រោមហាប់ណែនលើសពីរថយន្ត Pick Up ដ៏ទៃ។
ជាក់ស្តែងរថយន្ត Ford Ranger Raptor ទទួលបានភាពល្បីល្បាញខ្លាំងក្នុងប្រទេសកម្ពុជាអស់រយៈពេល 3 ឆ្នាំរួចមកហើយ ដោយត្រូវបានទទួលស្គាល់ពីភាពធន់រឹងមាំ ការឌីហ្សាញរូបរាងអំណាចលើសគេ និងសមត្ថភាពបើកបរគ្រប់ស្ថានភាពផ្លូវរបស់រថយន្តនេះ។ ហេតុផលទាំងនេះហើយទើបប្រិយមិត្តជាច្រើនបានទទួលស្គាល់ថារថយន្ត Ford Ranger Raptor ជាកំពូលរថយន្ត Off-Road Performance មិនចាញ់ទៅនឹងស្តេចរថយន្ត Off-Road Performance Ford F-150 Raptor ប៉ុន្មាននោះទេ។ ម៉ូឌែលឆ្នាំថ្មី 2022 នេះរថយន្ត Ford Ranger Raptor មិនធ្វើឲ្យអតិថិជនខកចិត្តនោះទេ ពោលគឺគ្រាន់តែឃើញការឌីហ្សាញរូបរាងថ្មីនេះក៏លុងស្រលាញ់បាត់ទៅហើយ ដែលរថយន្តនេះត្រូវបានកែប្រែចំណុចពិសេសៗជាច្រើនដូចជា៖
- ចំណុចដំបូងដែលបានកែប្រែថ្មីទាំងស្រុងនោះគឺ តែមស្ទីកគ័រ ពណ៍ខ្មៅ លាយជាមួយពណ៍ក្រហម ដែលមានចាប់តំាងពីផ្នែកខាងមុខ ដំបូល ផ្នែកចំហៀងទាំងសងខាង រហូតដល់ផ្នែកខាងក្រោយ ដែលមើលទៅមានភាពស្ព័រខ្លាំងមែនទែន
- ស៊ុមចង្កៀងផ្នែកខាងមុខក៏បានបន្ថែមនូវឆ្នូតពណ៍ខ្មៅ កាន់តែអំណាច
- កាងផ្នែកខាងមុខត្រូវបានកែប្រែថ្មីដោយផ្នែកខាងក្រោមត្រូវបានក្រូម៉េដោយពណ៍ ទឹកប្រាក់ មិនតែប៉ុណ្ណោះថែមទាំងបានបន្ថែមនូវទំពក់ធ្ពក់ពណ៍ ក្រហម ចំនួន 2 ដែលមើលទៅកាន់តែមានភាពទាក់ទាញ
- ផ្នែកខាងក្រោយបានបំពាក់បន្ថែមនូវកាងខ្យល់ដ៏រឹងមាំពណ៍ខ្មៅ
- ផ្នែកខាងក្នុងទាំងមូលបានរំលេចដោយពណ៍ខ្មៅ លាយជាមួយថ្នេរពណ៍ក្រហមដែលមើលទៅកាន់តែមានអនុភាព ថាមពល និងកាន់តែផ្តល់នូវទំនុកចិត្តរាល់ពេលបើកបរ
ក្រៅពីចំណុចពិសេសៗដែលបានកែប្រែថ្មីទាំងនេះ Ford Ranger Raptor ស៊េរីថ្មីឆ្នាំ 2022 ក៏នៅតែបន្តបំពាក់ជូនប្រព័ន្ធសុវត្ថិភាព និងបច្ចេកវិទ្យាទំនើបៗចុងក្រោយជាច្រើនទៀតរួមមាន៖
- ប្រព័ន្ធគ្រប់គ្រងការបើកបរគ្រប់ស្ថានភាពផ្លូវ (Terrain Management System) អាចជួយសម្រួលដល់ការបើកបរនូវជម្រើសផ្លូវ 6 ប្រភេទផ្សេងគ្នាដូចជា៖ ការបើកបរនៅលើផ្លូវធម្មតា ការបើកបរបែបស្ព័រ ផ្លូវដែលមានស្ថានភាពព្រិល/មានគ្រួស/មានស្មៅច្រើន ផ្លូវដីខ្សាច់/ដីភក់ ផ្លូវដែលមានដុំថ្មធំៗ/គ្រួស និងចុងក្រោយគឺ Baja Mode ដែលផលិតឡើងយ៉ាងពិសេសសម្រាប់តែរថយន្ត Ford Raptor ដោយ Mode នេះប្រើសម្រាប់ការបើកបរនៅលើផ្លូវដែលមានឧបសគ្គច្រើន ឬផ្លូវ Off-Road តែអាចបើកបរល្បឿនលឿនបាន
- បំពាក់ជូនបូម FOX Racing Shox ដែលជាប្រភេទបូមរថយន្តសម្រាប់ Off-Road ដែលមានប្រវត្តិមកពីសហរដ្ឋអាមេរិក និងមានភាពល្បីល្បាញអស់រយៈពេលជាង 40 ឆ្នាំមកហើយ
- ប្រព័ន្ធជើងក្រោមត្រូវបានផលិតឡើងដោយដែកថែបពិសេសដ៏រឹងមាំ (HSLA)
- ជារថយន្ត Pick Up ដំបូងគេបង្អស់ក្នុងទីផ្សារប្រទេសកម្ពុជាដែលបានបំពាក់មកជាមួយម៉ាស៊ីនជំនាន់ថ្មី 0L Bi-Turbo ដែលអាចផលិតកម្លាំងសេះបានរហូតដល់ទៅ 213 PS និងកម្លាំងរមួលដល់ទៅ 500Nm និងប្រអប់លេខ 10 វគ្គអូតូដែលអាចប្រើប្រាស់បានទាំងលេខដៃ និងលេខអូតូ មិនតែប៉ុណ្ណោះថែមទាំងបានបំពាក់នូវ Paddle Shift នៅជាប់នឹងដៃចង្កូតដែលអ្នកបើកបរអាចថែមថយលេខបានយ៉ាងងាយស្រួល
- ប្រព័ន្ធផ្ដល់សញ្ញាគ្រោះថ្នាក់ពេលមានឧបសគ្គ ឬអ្នកថ្មើរជើងឆ្លងកាត់ និងប្រព័ន្ធចាប់ហ្វ្រាំងបន្ទាន់ដោយស្វ័យប្រវត្ត (Pre-Collision Assist with Autonomous Emergency Braking)
- ប្រព័ន្ធផ្តល់សញ្ញាឲ្យអ្នកបើកបរឈប់សំរាកពេលមានអារម្មណ៍ងងុយគេង (Driver Alert System)
- ប្រព័ន្ធផ្តល់ដំណឹងនៅពេលបើកបរចេញពីគន្លងផ្លូវ (Lane Keeping System)
- ប្រព័ន្ធបន្ថយល្បឿន និងរក្សាគំលាតសុវត្ថិភាពដោយស្វ័យប្រវត្ត (Adaptive Cruise Control)
- កាមេរ៉ាជំនួយចូលចតផ្នែកខាងក្រោយដែលមានខ្សែគំនូសពណ៍ស រេតាមចង្កូត (Rear View Camera)
- សេនសឺផ្នែកខាងក្រោយនៃរថយន្តចំនួន 4 គ្រាប់ (4 Sensors)
- អាចចុះទឹកបានជម្រៅ 850mm លើសគេ (850mm Water Wading) ដោយបច្ចុប្បន្ននេះក្នុងទីផ្សារប្រទេសកម្ពុជាគឺមានតែរថយន្ត Ford Ranger Raptor តែមួយគត់ដែលមានសមត្ថភាពបើកកាត់ទឹកបានដល់ជម្រៅ 850mm នេះ
រថយន្ត Ford Ranger Raptor ស៊េរីថ្មីឆ្នាំ 2022 ត្រួវបានបើកទទួលការកក់ទុកជាផ្លូវការជាមួយនឹងតម្លៃពិសេស ដូច្នេះសូមបងប្អូនប្រញាប់រួសរាន់ឡើងព្រោះចំនួននៃការផ្តល់ជូនមានកំណត់ រីឯជម្រើសពណ៍មានរហូតដល់ទៅ 4 រួមមាន៖ ស ខ្មៅ ប្រផេះ និងខៀវ។ សម្រាប់ព័ត៍មានបន្ថែមលោកអ្នកអាចអញ្ជើញទៅសាកសួរព័ត៍មានបន្ថែមនៅតាមបណ្តាសាខាអគារតាំងបង្ហាញរថយន្ត Ford និងទំនាក់ទំនងទៅតាមលេខទូរស័ព្ទដូចខាងក្រោម៖
- អគារតាំងបង្ហាញសាខាផ្លូវ ព្រះមុនីវង្ស ដែលស្ថិតនៅអគារលេខ 444 ផ្លួវព្រះមុនីវង្ស ជាប់ទូតវៀតណាម លេខទូរស័ព្ទទំនាក់ទំនង៖ 023 214 214
- អគារតាំងបង្ហាញសាខា ទឹកថ្លា ដែលស្ថិតនៅតាមបណ្តោយផ្លូវទៅព្រលានយន្តហោះ លេខទូរស័ព្ទទំនាក់ទំនង៖ 023 890 880
- អគារតាំងបង្ហាញសាខា ទួលសង្កែ ដែលស្ថិតនៅលើផ្លូវ 105 ជិតផ្សារសាំហាន់ លេខទូរស័ព្ទទំនាក់ទំនង៖ 078 990 800 | 087 990 800
- អគារតាំងបង្ហាញសាខាខេត្ត សៀមរាប ដែលស្ថិតនៅអគារលេខ 593 តាមបណ្តោយផ្លូវជាតិលេខ 6A លេខទូរស័ព្ទទំនាក់ទំនង៖ 063 766 661
- អគារតាំងបង្ហាញសាខាខេត្ត កំពង់ចាម ដែលស្ថិតនៅអគារលេខ 940 តាមបណ្តោយផ្លូវជាតិលេខ 7 ភូមិបឹងស្នាយ សង្កាត់សំបូមាស ក្រុងកំពង់ចាម លេខទូរស័ព្ទទំនាក់ទំនង៖ 092 888 476។
July 9, 2021
ពិធីសម្ពោធការដ្ឋានសាងសង់គម្រោង បុរី ណាឌី របស់ក្រុមហ៊ុន GCC នៅសង្កាត់ជ្រោយចង្វារ
ភ្នំពេញ ថ្ងៃទី០៤ ខែកក្កដា ឆ្នាំ២០២១ – នៅក្នុងថ្ងៃនេះក្រុមហ៊ុន GCC គ្រុបបានប្រារព្ធពិធីបុកគ្រឹះ ដើម្បីចាប់ផ្ដើមការសាងសង់គម្រោងបុរី ណាឌី។ ពិធីសម្ពោធការដ្ឋានសាងសង់គម្រោងបុរី ណាឌី ប្រព្រឹត្តទៅនៅការដ្ឋានសាងសង់បុរី ណាឌី និងការិយាល័យលក់របស់បុរី ណាឌី។
នៅក្នុងពិធីសម្ពោធការដ្ឋានសាងសង់គម្រោងបុរី ណាឌី លោក Alex Yu Ka Ki នាយកក្រុមហ៊ុន GCC បានសម្ដែងការអរគុណចំពោះវត្តមានរបស់ភ្ញៀវកិត្តិយសទាំងអស់ដែលបានអញ្ជើញចូលរួមក្នុងកម្មវិធីដ៏ពិសេសនេះជាមួយនឹងបុរី ណាឌីនៅក្នុងថ្ងៃនេះ។ លោក Alex Yu បានមានប្រសាសន៍ថា “ចាប់តាំងពីការបង្កើតក្រុមហ៊ុន GCC នៅក្នុងឆ្នាំ 2015 មក ក្រុមហ៊ុនបានបង្កើតអាជីវកម្មផ្សេងៗជាច្រើននៅទូទាំងអាស៊ីអាគ្នេយ៍។ ជាការពិតណាស់ GCC គ្រុបមានប្រភពដើមមកពីប្រទេសហុងកុង ក្នុងរយៈពេលជាច្រើនឆ្នាំកន្លងមកនេះ GCC មានការលូតលាស់យ៉ាងឆាប់រហ័ស ហើយបច្ចុប្បន្នយើងគឺជាក្រុមហ៊ុនពាណិជ្ជកម្មពហុជាតិដែលមានកេរ្ដ៍ឈ្មោះល្បីល្បាញ និងមានមូលដ្ឋានដ៏រឹងមាំនៅក្នុងប្រទេសកម្ពុជា។ លោកមានប្រសាសន៍បន្ថែមទៀតថា GCC មានបទពិសោធន៍យ៉ាងទូលំទូលាយនៅក្នុងវិស័យហិរញ្ញវត្ថុ វិស័យអចលនទ្រព្យ បច្ចេកវិទ្យាព័ត៌មាន -ល-។ GCC បាននាំមកនូវបច្ចេកវិទ្យាដ៏ទំនើបមកកាន់ប្រទេសដែលកំពុងមានសន្ទុះក្នុងការអភិវឌ្ឈន៍ គឺប្រទេសកម្ពុជា។ លោកបានធានាអះអាងថា GCC នឹងធ្វើឲ្យអាជីវកម្មហិរញ្ញវត្ថុ និងអចលនទ្រព្យរីកចម្រើន និងអភិវឌ្ឍប្រកបដោយចីរភាពជាមួយនឹងការរួមបញ្ចូលគ្នានៃចក្ខុវិស័យអន្តរជាតិ និងឱកាសក្នុងស្រុក។
លោក Ricky Lai នាយកប្រតិបត្តិក្រុមហ៊ុន GCC មានប្រសាសន៍ថាក្រុមហ៊ុន GCC មានមនុស្សដែលមានទេពកោសល្យជាច្រើនដែលមានមហិច្ចតា និងការច្នៃប្រឌិតដ៏លេចធ្លោនៅក្នុងអាជីវកម្មរបស់ពួកគេ។ ជាមួយនឹងសមាជិកដែលមានទេពកោសល្យរបស់ក្រុមហ៊ុន GCC ពួកគេបានផ្ទេរគំនិតច្នៃប្រឌិតទៅក្នុងអាជីវកម្ម និងវាយលុយទីផ្សារបាននៅពេលវេលាសាកសមណាមួយ។ លោកបានធានាថា GCC នឹងបន្តរីកចម្រើន និងពង្រីកខ្លួនទៅកាន់បណ្ដាប្រទេសដទៃទៀតដូចជាសិង្ហបុរី ឥណ្ឌូនេស៊ី ម៉ាឡេស៊ី និងវៀតណាម។
បុរី ណាឌី គឺជាបុរីដ៏ប្រណិតមួយដែលមានទីតាំងស្ថិតនៅក្នុងសង្កាត់ជ្រោយចង្វារដែលជាតំបន់មានកិត្យានុភាព។ ស្របតាមពាក្យស្លោករបស់បុរី ណាឌី “ទីចាប់ផ្ដើមនៃលំនៅឋានរបស់លោកអ្នក” បុរី ណាឌី មានការប្ដេជ្ញាក្នុងការបង្កើតលំនៅឋានមួយដែលគ្រួសារអាចរីករាយជាមួយនឹងហេដ្ឋារចនាសម្ព័ន្ធ និងបរិក្ខាររស់នៅដ៏សម្បូរបែប។ កាលពីដើមឆ្នាំ 2021 GCC បាននាំមកជូននូវសេវាកម្ម ណាឌីឃែរ សម្រាប់អតិថិជនដែលបានទិញបុរី ណាឌីទាំងអស់។ សេវាកម្មទាំងនោះរួមមាន សេវាកម្មរថយន្ដដឹកអ្នកដំណើរឯកជន សេវាកម្មសម្អាតលំនៅឋាន សេវាកម្មរើចូលលំនៅឋាន -ល-។ សេវាកម្មណាឌី ឃែរ បានជួយលើកកម្ពស់ស្ដង់ដារអភិវឌ្ឍន៍បុរីនៅក្នុងទីក្រុងភ្នំពេញ និងលើកកម្ពស់កម្រិតនៃការរស់នៅរបស់គ្រួសារកម្ពុជាផងដែរ។ លោក Eric Chong អគ្គនាយកនៃ បុរី ណាឌីបានមានប្រសាសន៍ថា “ប្រាកដណាស់ ទាំងអស់នេះគឺជាអ្វីដែលពួកយើងអាចផ្ដល់ជូនអតិថិជនបាន នេះគឺជាស្ដង់ដារដ៏អស្ចារ្យរបស់ GCC។ ពួកយើងតែងតែរិះគិតរកអ្វីដែលល្អបំផុតសម្រាប់ផ្ដល់ជូនអតិថិជនរបស់ពួកយើង។

លោក Eric Chong បានសង្កត់ធ្ងន់ថា “ក្នុងឱកាសពិសេសនេះគឺជាថ្ងៃដែលបុរី ណាឌី ចាប់ផ្ដើសាងសង់គម្រោងជាផ្លូវការ។ យើងនឹងផ្ដល់ជូនលោកអ្នកនូវគម្រោងបុរីដែលមានគុណភាពខ្ពស់បំផុត ដែលមិនអាចរកឃើញនៅគ្រប់ទីកន្លែងណាផ្សេងក្នុងប្រទេសកម្ពុជា។ យើងមានផែនការគ្រប់ជ្រុងជ្រោយ និងក្រុមស្ថាបត្យករអន្តរជាតិឆ្នើមៗ ដើម្បីសាងសង់ទីចាប់ផ្ដើមនៃលំនៅឋានរបស់លោកអ្នកនេះ។
នៅដើមឆ្នាំ 2022 បុរី ណាឌី នឹងចាប់ផ្ដើមគម្រោងទី 2 ដែលមានឈ្មោះថា “ មេគង្គ” មានប្រភេទឃ្វីនវីឡា និងឃីងវីឡា ដែលផ្ដល់ជូនលោកអ្នកជាមួយនឹងការរស់នៅក្បែរមាត់បឹង និងមានទេសភាពស្អាតបំផុត។ វីឡាឯកជនទាំងនេះគឺជាវីឡាមួយដែលមានភាពទាក់ទាញបំផុតក្នុងចំណោមវីឡារបស់បុរីផ្សេងៗនៅក្នុងប្រទេសកម្ពុជា។ យើងយកចិត្តទុកដាក់យ៉ាងខ្លាំងចំពោះទំហំខាងក្រៅផ្ទះ និងផ្នែកខាងក្នុង សូម្បីតែការផ្សារភ្ជាប់នៃការរស់នៅរបស់គ្រួសារនៅក្នុងវីឡាជាមួយនឹងធម្មជាតិ ដូច្នេះពួកគេអាចរីករាយជាមួយនឹងទេសភាពដ៏អស្ចារ្យនៅជុំវិញផ្ទះរបស់ពួកគេ។ សូមបងប្អូនទាំងអស់រង់ចាំតាមដាន គម្រោងបន្ទាប់របស់ក្រុមហ៊ុនយើង។
ក្នុងឱកាសដ៏ពិសេសនេះបុរី ណាឌី ក៏បានបង្ហាញការថ្លែងអំណរគុណដល់អតិថិជនដែលបានកក់បុរី ណាឌី តាំងពីបើកដំបូងរហូតមកដល់ពេលនេះតាមរយៈការចាប់ឆ្នោតយករង្វាន់ធំនៅក្នុងថ្ងៃសម្ពោធការដ្ឋានសាងសង់បុរី ណាឌី នៅការិយាល័យលក់បុរី ណាឌី។ អតិថិជនទាំងអស់អាចមានសំណាងឈ្នះរង្វាន់ជាច្រើនដូចជា តូបនៅក្នុងគម្រោងផ្សារជីស៊ី អូរឫស្សីចំនួន ១ និងសម្ភារៈប្រើប្រាស់នៅក្នុងផ្ទះម៉ាក Samsung ជាច្រើនរង្វាន់ទៀត៕

——————————————————————————————-
អំពីក្រុមហ៊ុន GCC
ក្រុមហ៊ុន GCC គឺជាក្រុមហ៊ុនវិនិយោគ ដែលមានទីស្នាក់ការកណ្ដាលនៅទីក្រុងហុងកុង ដែលមានជំនាញលើ វិស័យ អភិវឌ្ឍអចលនទ្រព្យ វិនិយោគដីធ្លី និងសេវាកម្មហិរញ្ញវត្ថុ (trust and fund management)។ ចក្ខុវិស័យដ៏ធំបំផុតនៃ GCC គឺក្លាយជាអ្នកអភិវឌ្ឍអចលនទ្រព្យ ផ្តល់ជូនសេវាកម្មពេញលេញ 360० នៅក្នុងប្រទេសកម្ពុជា។ បច្ចុប្បន្ននេះ GCC មានក្រុមហ៊ុនបុត្រសម្ព័ន្ធចំនួន 7 ទៀត រួមមាន GC City, GC Land, GC Empire, GC Realty, GC Design, GC Management និង GC Credit ។ គម្រោងបច្ចុប្បន្នរបស់ GCC រួមមាន៖ បុរី ណាឌី ដោយជីស៊ី ស៊ីធី, CEO Wyndham Residence ផ្សារជីស៊ី អូរឫស្សី GC Residence ជ្រោយចង្វារ និង Lixin Century Innovation Park។

រៀបរៀងដោយការិយាល័យទីផ្សារ GCC

សម្រាប់ព័ត៌មានបន្ថែម សូមទំនាក់ទំនង
អ្នកនាង Leong Ka Yen
ប្រធានផ្នែកទីផ្សារ
លេខទំនាក់ទំនង: +855 96 820 6822 Email: [email protected]

លោក ង៉ែត ឧត្តមមុន្នី
ប្រធានត្រួតពិនិត្យទីផ្សារ
លេខទំនាក់ទំនង: 089 648 770/ 098 831 868 , Email: [email protected]

July 5, 2021
ក្រុមហ៊ុន សហគ្រិនភាព អេសធីអេសខេ សាខាព្រៃនប់ ខេត្តព្រះសីហនុ ផ្លាស់ប្ដូរទីតាំងថ្មី
https://web.facebook.com/sahakrinpheap.pawnshop
July 5, 2021