PR - La Reine Media

CIMB Preferred ពង្រីកបទពិសោធន៍សេវាកម្មទូទាំងតំបន់អាស៊ាន សម្រាប់អតិថិជន ជាមួយនឹងបុព្វសិទ្ធិពិសេសកាន់តែសម្បូរបែប

ភ្នំពេញ៖ ធនាគារ ស៊ីអាយអិមប៊ី បឺហាត (ធនាគារ CIMB) បានបង្កើនសេវាកម្មធនាគារ សម្រាប់អតិថិជន CIMB Preferred ជាមួយនឹងអត្ថប្រយោជន៍កាន់តែសម្បូរបែប ទូទាំងតំបន់អាស៊ាន។ «CIMB Preferred ថ្នាក់តំបន់» ដែលជាការអភិវឌ្ឍសេវាកម្មថ្មី អនុញ្ញាតឲ្យអតិថិជនជាន់ខ្ពស់របស់ធនាគារ CIMB រីករាយនឹងការប្រើប្រាស់សេវាកម្មធនាគារប្រកបដោយភាពងាយស្រួល និងបុព្វសិទ្ធិពិសេស នៅក្នុង ៦ប្រទេស នៃតំបន់អាស៊ាន ទោះបីជាគណនីដើមបើកនៅប្រទេសណាក៏ដោយ។

អត្ថប្រយោជន៍ នៃ CIMB Preferred ថ្នាក់តំបន់ មានរួមបញ្ចូលការបើកគណនីឆ្លងប្រទេស នៅក្នុងប្រទេសគោលដៅមួយផ្សេងទៀត អត្រាប្តូរប្រាក់ល្អប្រសើរ និងសេវាកម្មធនាគារជាន់ខ្ពស់ នៅតាមមជ្ឈមណ្ឌល CIMB Preferred ចំនួន ១២០ទីតាំង និងសាខារបស់ធនាគារ CIMB ជាង ១,១០០កន្លែង នៅក្នុងប្រទេសម៉ាឡេស៊ី កម្ពុជា ឥណ្ឌូនេស៊ី សិង្ហបុរី ថៃ និងវៀតណាម។ រាល់អតិថិជន CIMB Preferred ក៏ទទួលបានការបម្រើជូនសេវាកម្មធនាគារដោយផ្ទាល់ ពីប្រធានផ្នែកទំនាក់ទំនងអតិថិជន សម្រាប់តម្រូវការគ្រប់គ្រងទ្រព្យសម្បត្តិផងដែរ។

ធនាគារ CIMB គឺជាធនាគារម៉ាឡេស៊ីតែមួយគត់ ដែលផ្តល់ជូនសេវាកម្មសមាជិកភាព Preferred ក្នុងតំបន់អាស៊ាន ដោយពុំតម្រូវឲ្យមានកម្រិតអប្បបរមានៃប្រាក់បញ្ញើសរុប (AUM) ឡើយ នៅតាមបណ្តាប្រទេស ដែលក្រៅពីប្រទេសដើមរបស់អតិថិជន។ ជាការពិតណាស់ អតិថិជនក៏អាចណែនាំមិត្តភក្តិ និងសមាជិកគ្រួសារ ជាមួយកម្រិត AUM ទាបជាងធម្មតា និងនៅប្រទេសណាមួយ ក្នុងតំបន់អាស៊ាន ដើម្បីទទួលបានអតិថិជនប្រយោជន៍របស់ CIMB Preferred សម្រាប់រយៈពេល ១២ខែ។ បុព្វសិទ្ធិពិសេសបន្ថែមផ្សេងទៀត គឺរួមមានការធ្វើដំណើរ និងការទទួលទានអាហារ ក៏ដូចជាការប្រើប្រាស់បន្ទប់រង់ចាំពិសេស ក្នុងអាកាសយានដ្ឋានដែលគ្មានដែនកំណត់ ក្នុងតំបន់អាស៊ានទៀតផង។

លោក Samir Gupta ប្រធាននាយកប្រតិបត្តិ ផ្នែកសេវាកម្មហិរញ្ញវត្ថុបុគ្គល របស់ CIMB Group បានឲ្យដឹងថា៖ «ក្នុងនាមជាធនាគារសកលឈានមុខគេមួយ ក្នុងអាស៊ាន ធនាគារ CIMB តែងតែផ្តោតលើការផ្តល់ជូនសេវាកម្មធនាគារ ដែលមានគុណតម្លៃខ្ពស់ ដល់អតិថិជនទូទាំងតំបន់។ ហើយ CIMB Preferred ថ្នាក់តំបន់នេះ គឺជាសមិទ្ធផលនៃការវិនិយោគយូរអង្វែង ក្នុងប្រព័ន្ធ និងដំណើរការអភិវឌ្ឍចុងក្រោយបង្អស់ ដើម្បីពង្រឹងបណ្តាញកាន់តែរឹងមាំរបស់យើង ក្នុងតំបន់អាស៊ាន។ ទាំងអស់នេះបានផ្តល់នូវកញ្ចប់សេវាកម្មធនាគារ ប្រកបដោយភាពងាយស្រួល និងបុព្វសិទ្ធិពិសេស ទូទាំងតំបន់ ដើម្បីជំរុញឲ្យ CIMB Preferred ថ្នាក់តំបន់ ក្លាយជាសេវាកម្មធនាគារឈានមុខគេ ក្នុងតំបន់អាស៊ាន។ ទោះបីលោកអ្នកចង់ទិញទំនិញ ក្នុងប្រទេសម៉ាឡេស៊ី ធ្វើដំណើរកម្សាន្ត ក្នុងប្រទេសឥណ្ឌូនេស៊ី បោះទុនវិនិយោគ ក្នុងប្រទេសសិង្ហបុរី ឬក៏បើកគណនីសម្រាប់ដំណើរការអាជីវកម្មថ្មី ក្នុងប្រទេសវៀតណាមក្តី CIMB Preferred ថ្នាក់តំបន់ អាចផ្តល់បទពិសោធន៍សេវាកម្មបម្រើអតិថិជនគ្មានគូប្រៀប សម្រាប់គ្រប់អតិថិជន Preferred ទាំងអស់»។

សម្រាប់ព័ត៌មានលម្អិត សូមចូលអញ្ជើញទៅកាន់សាខារបស់ធនាគារ CIMB ណាមួយ ក្នុងតំបន់អាស៊ាន ឬក៏ចូលទៅកាន់គេហទំព័រ www.cimbpreferred.com៕

October 31, 2018

ស្ថានទូតកូរ៉េខាងត្បូងប្រចាំនៅកម្ពុជាប្រារព្ធពិធីបុណ្យជាតិឆ្នាំ2018 នៅសណ្ឋាគារលំដាប់ផ្កាយ5 Great Duke

កាលពីថ្ងៃទី18 ខែតុលា ឆ្នាំ2018 ស្ថានទូតនៃសាធារណរដ្ឋកូរ៉េប្រចាំនៅព្រះរាជាណាចក្រកម្ពុជាមានសេចក្តីសោមនស្សរីករាយយ៉ាងក្រៃលែងដោយបានប្រារព្ធពិធីបុណ្យជាតិ និងរំលឹកខួបអនុស្សាវរីយ៍នៃការបង្កើតប្រទេសជាលើកដំបូងរបស់ប្រទេសកូរ៉េខាងត្បូង នៅសណ្ឋាគារលំដាប់ថ្នាក់ផ្កាយ5 Great Duke។

នារាត្រីនោះមានការអញ្ចីញចូលរួមពីឯកឧត្តមបណ្ឌិតសភាចារ្យហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា និងមានការចូលរួមពីភ្ញៀវជាតិ និង អន្តរជាតិជាច្រើនរូប ជាពិសេសវត្តមានរបស់ឯកឧត្តម ឯកអគ្គរដ្ឋទូតជាច្រើនប្រទេសទៀតផង។

ឯកឧត្តម ឯកអគ្គរដ្ឋទូត អូ ណាក់ យ៉ុង បានមានប្រសាសន៍ថា ជាកិច្ចចាប់ផ្តើម ខ្ញុំសូមស្វាគមន៍ និងសូមថ្លែងអំណរគុណជាពិសេសជូនចំពោះឯកឧត្តមបណ្ឌិតសភាចារ្យ ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា ដែលឯកឧត្តមបានផ្តល់កិត្តិយសអញ្ជើញចូលរួមក្នុងកម្មវិធីយើងខ្ញុំក្នុងនាមជាភ្ញៀវកិត្តិយស។

ខ្ញុំមានកិត្តិយសសូមជម្រាបជូនដល់ភ្ញៀវកិត្តិយសទាំងអស់ឱ្យបានជ្រាបថា រដ្ឋាភិបាលកូរ៉េបានបើកដំណើរការនូវការផ្តួចផ្តើមគំនិតការទូត “គោលនយោបាយភាគខាងត្បូងថ្មី” ដែលនឹងបង្កនូវបរិយាកាសល្អសម្រាប់ជំរុញទំនាក់ទំនងដ៏ជិតស្និទ្ធរបស់ប្រទេសកូរ៉េជាមួយអាស៊ាន រួមទាំងប្រទេសកម្ពុជាផងដែរ។ មិនត្រឹមតែគ្របដណ្តប់ទៅលើផ្នែកនយោបាយ និងសេដ្ឋកិច្ចប៉ុណ្ណោះទេ ប៉ុន្តែគោលនយោបាយនេះក៏មានវិសាលភាពគ្របដណ្តប់លើ វប្បធម៌ ទំនាក់ទំនងរវាងប្រជាជន និងប្រជាជន ភ្ជាប់ជាមួយនឹងពាក្យគន្លឹះ3 គឺ ប្រជាជន វិបុលភាពរួម និងសន្តិភាព។ គោលដៅនៃការផ្តួចផ្តើមគំនិតនេះស្ថិតនៅក្នុងការយល់ឃើញរបស់សហគមន៍សន្តិភាព ដែលផ្តោតសំខាន់ទៅលើប្រជាជន ខណៈដែលប្រជាជនបានរីករាយនឹងភាពចម្រុងចម្រើនទៅវិញទៅមក៕

October 30, 2018

សណ្ឋាគារលំដាប់ផ្កាយ5 Raffles Hotel Le Royal ប្រារព្ធកម្មវិធីជប់លៀងថ្លែងអំណរគុណដៃគូអាជីវកម្ម

កាលពីរាត្រីថ្ងៃសុក្រ ទី26 ខែតុលា ឆ្នាំ2018 សណ្ឋាគារលំដាប់ថ្នាក់ផ្កាយ5 Raffles Hotel Le Royal ក្នុងរាជធានីភ្នំពេញបានរៀបចំកម្មវិធីជប់លៀងមួយដើម្បីថ្លែងអំណរអរគុណជូនដល់ដៃគូអាជីវកម្មរបស់ខ្លួនប្រមាណជា 80នាក់។ នៅក្នុងកម្មវិធីនោះមានរៀបចំការដើរបង្ហាញម៉ូដពីបុគ្គលិករបស់Raffles Hotel Le Royal ជាមួយការរចនាម៉ូដសម្លៀកបំពាក់ដែលបានកែច្នៃពីក្រដាសកាសែត សម្បកដបទឹកសុទ្ធ ថង់ប្លាស្ទិក និងប្រភេទក្រដាសផ្សេងៗទៀត ជាពិសេសនៅរាត្រីនោះ ភ្ញៀវ និងដៃគូអាជីវកម្មមានការរីករាយជាមួយនឹងការបរិភោគអាហារដែលចម្អិនដោយមេចុងភៅល្បីៗ ប្រចាំនៅ Raffles Hotel Le Royal ទៀតផង។ នៅចុងបញ្ចាប់នៃកម្មវិធីមានការឆ្លើយសំណួរដើម្បីទទួលបានរង្វាន់ និងការចាប់រង្វាន់ផ្សងសំណាងជាច្រើនជូនដល់ភ្ញៀវ និងដៃគូអាជីវកម្មទាំងអស់ទៀតផង៕

October 30, 2018

ការបង្កើតជាមួយទម្រង់ផ្លាស់ប្តូររូបិយប័ណ្ណដំបូងបង្អស់នៅឌូបៃនៃ ក្រុមហ៊ុន One Financial Corporation ICO

ភ្នំពេញ, ថ្ងៃទី 26 ខែតុលា ឆ្នាំ2018 ៖ ថ្ងៃនេះនៅសាលប្រជុំក្នុងសណ្ឋាគារ Naga World 2 IBM បានប្រកាសជាទូទៅ ពីដៃគូសហការណ៍ជាច្រើន ដែលនឹងរួមគ្នាធ្វើឱ្យ One-Agri Coin ក្លាយជាទ្រព្យសកម្មវិស័យហិរញ្ញវត្ថុនាពេលអនាគត។

សហគ្រាសដែលជាដៃគូសហការណ៍រួមមាន៖ អភិវឌ្ឍន៍បច្ចេកវិទ្យាកសិកម្មអូស្ត្រាលី បេឡាអភិវឌ្ឍន៍ កសិកម្មស្វីស និងបេឡាពាណិជ្ជកម្មអាស៊ី ព្រមទាំងក្រុមហ៊ុនឧបត្ថម្ភផ្នែកទីផ្សារផ្សេងៗទៀតមានដូចជា៖ ក្រុមហ៊ុន Oppo ក្រុមហ៊ុនអាកាសចរណ៍ Shenzhen និងក្រុមហ៊ុន Expedia។ ICO នឹងរំពឹងធ្វើការជាមួយដៃគូក្នុងទម្រង់ពាណិជ្ជកម្មនោះគឺ CGCX.IO, ដែលជាទម្រង់ផ្លាស់ប្តូររូបិយប័ណ្ណដំបូងនៅឌូបៃក៏ដូចជា ABNX.IO។

លោក Edward Miller ប្រធានផ្នែកហិរញ្ញវត្ថុនៃ One Financial Corporation បាននិយាយថា “យើងនឹងក្លាយជាទ្រព្យសកម្មមួយ នៃវិស័យហិរញ្ញវត្ថុទៅពេលអនាគត ជាមួយនឹងគោលដៅនៃការចែករំលែកទ្រព្យសម្បត្តិក្នុងចំណោមដៃគូដែលទុកចិត្តលើយើងទាំងអស់”។ មាគ៌ាទៅកាន់ការបង្កើតកំណត់សំគាល់ ជាមួយនឹងស្ថេរភាពដែលជាទ្រព្យសកម្មនៃវិស័យហិរញ្ញវត្ថុ One Financial Corporation បានបង្កើតតម្លៃសាជីវកម្មរបស់ខ្លួនតាមរយៈការផ្តល់មូលនិធិនានា ពីវិនិយោគិនជាច្រើន និងវិនិយោគឡើងវិញទៅលើការអភិវឌ្ឍន៍កសិកម្ម ដែលមានការទិញដីធ្លី ការបង្កើនម៉ាកផលិតផល បច្ចេកវិជ្ជាកសិកម្មថ្មីៗ និងផ្នែកផ្សេងៗទៀតជាច្រើន។

នៅឆ្នាំ2016 វិនិយោគិនដែលជាដៃគូ បាននាំយកម្រេចកំពតនៃប្រទេសកម្ពុជាទៅលើទីផ្សារ ហើយក៏បានចាប់ឱកាសដ៏ពិសេសនេះ ដើម្បីក្លាយជាតួអង្គដ៏ធំបំផុត និងមានសក្តានុពលខ្ពស់។ បន្ទាប់មកពួកគាត់បានណែនាំបច្ចេកវិទ្យាកសិកម្មរបស់ខ្លួន ទៅក្នុងកសិដ្ឋាន ដាំម្រេចជាច្រើន និងបន្តដំណើរទៅមុខទៀត ដើម្បីរួមបញ្ចូលដំណើរការនៃការដាំដុះ ការកែច្នៃ ការវេចខ្ចប់ ការចែកចាយ និងការនាំចេញជាដើម។ ជាមួយនឹងជំនាញ និង បទពិសោធន៍របស់ខ្លួនពីផ្នែកហិរញ្ញវត្ថុ ដែលបានវិនិយោគក្នុង bitcoin នាឆ្នាំ2015 ពួកគេបានសន្មត់ថា អស្ថេរភាព និង បម្រែបម្រួល នៃរូបិយប័ណ្ណ គឺចេញពីការផ្គត់ផ្គង់និងតម្រូវការទាំងស្រុង។

ដោយទទួលបានប្រាក់ចំណេញខ្ពស់ពីវិធីដាំដុះ ពួកគេបានផ្តួចផ្តើមក្នុងការបង្កើតរូបិយប័ណ្ណក្នុងដើមឆ្នាំនេះ ជាមួយនឹងការគាំទ្រទ្រព្យសកម្ម នៃផ្នែកកសិកម្មរបស់ខ្លួន។ រូបិយប័ណ្ណនេះត្រូវបានគេដាក់ឈ្មោះថា One-Agriculture Coin ហើយ ក្រុមហ៊ុននេះត្រូវបានបង្កើតឡើងដើម្បីដឹកនាំប្រតិបត្តិការនៅក្នុងប្រទេសកម្ពុជា។ One Agriculture Coin ផ្តល់ជូននូវមុខងារជាច្រើនដើម្បីបង្កើនតម្លៃរបស់ខ្លួន នៅក្នុងទីផ្សារ៖

វិស័យកាស៊ីណូ: បង្កើតភាពជាដៃគូជាមួយកាស៊ីណូជាច្រើននៅអាស៊ី និងបង្កើតការផ្លាស់ប្តូរសាច់ប្រាក់។

វិស័យទេសចរណ៍: សមត្ថភាពប្រើប្រាស់ OA Coin ជាថ្នូរនឹងសំបុត្រយន្តហោះ ថ្លៃសណ្ឋាគារ និងដៃគូរបដិសណ្ឋាកិច្ច ផ្សេងទៀតជាច្រើន។

វិស័យ IPO-ICO Exchange: One Financial Corporation កំពុងធ្វើការឆ្ពោះទៅរកការបង្កើតវេទិកាផ្លាស់ប្តូរដំបូងបំផុត ដែលមានបញ្ជីការ និងនិមិត្តសញ្ញាផ្លាស់ប្តូរជាមួយគ្នា។

October 29, 2018

សេចក្តីជូនដំណឹង៖ អេ អឹម ខេ នឹងផ្អាកដំណើរការប្រតិបត្ដិការហិរញ្ញវត្ថុបណ្ដោះអាសន្ន ដើម្បីដាក់ដំណើរប្រព័ន្ធធនាគារថ្មី

សេចក្តីជូនដំណឹង!

គ្រឹះស្ថានមីក្រូហិរញ្ញវត្ថុ អេ អឹម ខេ ភីអិលស៊ី មានកិត្តិយសសូមជូនដំណឹងដល់អតិថិជនទាំងអស់មេត្តាជ្រាបថា គ្រឹះស្ថានយើងខ្ញុំ នឹងផ្អាកដំណើរការប្រតិបត្ដិការហិរញ្ញវត្ថុគ្រប់ប្រភេទនៅ គ្រប់សាខា ភ្នាក់ងារ និងម៉ាស៊ីនដាក់/ដកប្រាក់ ទាំងអស់ជាបណ្ដោះអាសន្ន ចាប់ពីម៉ោង ០២:០០ រសៀល នាថ្ងៃពុធ ទី៣១ ខែតុលា ឆ្នាំ២០១៨ រហូតដល់ថ្ងៃទី០៤ ខែវិច្ឆិកា ឆ្នាំ២០១៨ ដើម្បីដាក់ដំណើរការប្រព័ន្ធធនាគារស្នូលថ្មី TEMENOS (T24) ដើម្បីឆ្លើយតបទៅនឹងការរីកចម្រើនរបស់គ្រឹះស្ថាន និងផ្ដល់ជូននូវសេវាកម្មកាន់តែសម្បូរបែបជូនអតិថិជន។

ប្រតិបត្តិការសេវាហិរញ្ញវត្ថុទាំងអស់នឹងចាប់ផ្តើមដំណើរការជាធម្មតាវិញនៅ ថ្ងៃចន្ទ ទី០៥ ខែវិច្ឆិកា ឆ្នាំ២០១៨ ។
យើងខ្ញុំសូមអធ្យាស្រ័យចំពោះបញ្ហារំខាន និងសូមអរគុណចំពោះការអត់ធ្មត់របស់លោកអ្នកក្នុងអំឡុងពេលនេះ។សូមអរគុណសម្រាប់ការប្រើប្រាស់សេវាហរិញ្ញវត្ថុជាមួយគ្រឹះស្ថានមីក្រូហិរញ្ញវត្ថុ អេ អឹម ខេ ភីអិលស៊ី។

ព័ត៌មានបន្ថែម៖ ០២៣ ២២០ ២០២ / ១៨០០ ២០០ ២០០៕

សូមអរគុណ!

October 27, 2018

មិនធម្មតា! ក្រុមហ៊ុនទូរស័ព្ទ OPPO ផ្តល់ឱកាសដល់អ្នកសារព័ត៌មាននៅអាស៊ីស្វែងយល់ពីចង្វាក់ផលិតកម្មរបស់ខ្លួន

នៅក្នុងដំណើរទស្សនកិច្ចក្រៅផ្លូវការណ៍របស់បណ្តាអ្នកសារព័ត៌មានចម្រុះជាតិសាសន៍នៅក្នុងតំបន់អាស៊ី ដែលរួមមានកម្ពុជា វៀតណាម ឡាវ ហ្វីលីពីន ជាដើម ក្រោមការរៀបចំឡើងដោយក្រុមហ៊ុនទូរស័ព្ទស្មាតហ្វូន OPPO ប្រចាំប្រទេសចិនតែម្ដង។

នៅក្នុងដំណើរទស្សនកិច្ចនេះផងដែរ ដំបូងបំផុតអ្នកសារព័ត៌មានត្រូវបានខាងក្រុមហ៊ុនផ្ដល់ឱ្យកាសបានចូលទស្សនាទីស្នាក់ការកណ្ដាល និងបន្ទាប់មកគឺទៅទស្សនា Store ដ៏ធំរបស់ Oppo ដែលដាក់តាំងទូរស័ព្ទ រួចទៅទស្សនារោងចក្រផលិតទូរស័ព្ទរបស់ Oppo ដែលស្ថិតនៅក្នុងទីក្រុងឧស្សាហកម្ម ហ្សិនជិន ខេត្តក្វាងទុង។

ហាងទូរស័ព្ទ OPPO ដ៏ធំបំផុតប្រចាំប្រទេសចិននោះ មានឈ្មោះថា Oppo Super Flagship Store គឺជាកន្លែងដាក់តាំងគ្រប់ទូរស័ព្ទរបស់ Oppo ប៉ុន្តែទូរស័ព្ទទាំងនោះគ្រាន់តែដាក់តាំងបង្ហាញប៉ុណ្ណោះ បានដាក់លក់ទេ តែបើសិនជាអតិថិជនមានចំណាប់អារម្មណ៍អាចធ្វើការកុម៉្មង់ទិញនៅទីនោះបាន។

Oppo Super Flagship Store ក៏ជាមជ្ឍមណ្ឌល Customer Service Center សម្រាប់ភ្ញៀវសាកសួរព័ត៌មានផ្សេងៗ ជាពិសេសគឺអតិថិជនអាចធ្វើការតេស្តសាកល្បង (User Experience) បានដោយផ្ទាល់។

នៅក្នុងរោងចក្រ អ្នកសារព៏ត៌មានទាំងអស់ត្រូវបានក្រុមហ៊ុនអនុញ្ញាតឱ្យដើរមើលពីសង្វាក់ផលិតកម្មចាប់ផ្ដើមតាំងពីដំណាក់កាលដំបូងរហូតដល់បញ្ចប់ ជាពិសេសគឺបានឃើញ និងធ្វើតេស្ដជាក់ស្ដែងទៅលើទូរស័ព្ទម៉ូដែលថ្មី ដោយក្នុងនោះបានឃើញផ្ទាល់ភ្នែកពីការធ្វើតេស្ដសាកល្បងដោយទម្លាក់ទូរស័ព្ទពីទីខ្ពស់៕

October 27, 2018

សម្រេចក្តីប្រាថ្នាលោកអ្នកដើម្បីទទួលយកបុត្រធីតាជាទីស្រលាញ់នៅថ្ងៃនេះ!

ជីវិតអាពាហ៍ពិពាហ៍របស់មនុស្សគ្រប់រូបអាចមានសុភមង្គលបានដោយការមានបុត្រដ៏គួរឲ្យស្រលាញ់ ។ ប៉ុន្តែបច្ចុប្បន្ន មានស្វាមីភរិយាមួយចំនួនកំពុងតែជួបប្រទះបញ្ហាមិនអាចមានបុត្រ។

តើអ្វីទៅជាមូលហេតុបណ្តាលអោយស្វាមីភរិយាមិនអាចមានបុត្រ?
ភាពមិនអាចមានបុត្រគឺជាជំងឺ ហើយអាចកើតមានឡើងដោយសារកត្តាជាច្រើនដែលអាចបណ្តាលមកពីភរិយា ឬស្វាមី។ ដើម្បីដោះស្រាយបញ្ហានេះ គ្រួសារមួយចំនួនបានសម្រេចចិត្តចាកចេញទៅក្រៅប្រទេសដើម្បីស្វែងរកសេវាព្យាបាល ដែលធ្វើអោយពួកគេត្រូវចំណាយថវិកា និងពេលវេលាជាច្រើន។ ហើយពេលខ្លះ លទ្ធផលក៏មិនអាចបានដូចបំណងទៀតផង។

ដោយមើលឃើញនូវបញ្ហានេះ មន្ទីរពហុព្យាបាល និងសម្ភព អរៀនដា ដែលជាគ្លីនិកឈានមុខគេមួយនៅព្រះរាជាណាចក្រកម្ពុជាបានបង្កើតសេវាកម្មព្យាបាលជំងឺគ្មានបុត្រ ។ សេវាកម្មព្យាបាលជំងឺគ្មានបុត្រ ត្រូវបានបង្កើតឡើងដើម្បីបំពេញតម្រូវការរបស់ក្រុមគ្រួសារដែលកំពុងស្វែងរកសេវាកម្មនេះនៅក្នុងព្រះរាជាណាចក្រកម្ពុជា ហើយត្រូវបានរៀបចំឡើងអោយមានលក្ខណៈស្តង់ដារអន្តរជាតិ ជាមួយនឹងគ្រូពេទ្យឯកទេសដែលមានវិជ្ជាជីវៈច្បាស់លាស់ និងបទពិសោធន៍យូរឆ្នាំក្នុងការជួយអ្នកជំងឺអោយទទួលបានបុត្រតាមបំណងប្រាថ្នា។ រីឯឧបករណ៍វេជ្ជសាស្ត្រ មន្ទីរពិសោធន៍ បន្ទប់វះកាត់ និងបន្ទប់ស្នាក់នៅត្រូវបានរៀបចំដោយវិស្វករវេជ្ជសាស្ត្របរទេសដើម្បីធានានូវប្រសិទ្ធភាព និងគុណភាពនៃការព្យាបាល។ នៅរង់ចាំអីទៀត! សូមមកទទួលការព្យាបាលនៅមន្ទីរពហុព្យាបាល និងសម្ភព អរៀនដា ឥឡូវនេះ។

អំពីមន្ទីរពហុព្យាបាល៖ អរៀនដា គឺជាស្ថាបនសុខាភិបាលឯកជនមួយដែលផ្តល់នូវសេវាកម្មផ្នែកវេជ្ជសាស្ត្រ ឈានមុខគេនៅក្នុងព្រះរាជាណាចក្រកម្ពុជា។ មន្ទីរពហុព្យាបាល អរៀនដា មានផ្តល់សេវាពិគ្រោះ និងព្យាបាលលើផ្នែកជាច្រើនដូចជា ជំងឺអត់កូន ជំងឺបេះដូង សម្ភព រោគស្ត្រី ជំងឺកុមារ ជំងឺទូទៅ និងសេវាសង្គ្រោះបន្ទាន់ ដែលរាល់សេវាកម្មទាំងអស់ត្រូវបានបង្កើតឡើងដើម្បីឆ្លើយតបទៅនឹងតម្រូវការរបស់អ្នកជំងឺនាពេលបច្ចុប្បន្ន។

មន្ទីរពហុព្យាបាល អរៀនដា មានវេជ្ជបណ្ឌិតល្បីៗដែលកំពុងបម្រើការក្នុងស្ថាបនជាតិ និងអន្តរជាតិដែលមានជំនាញឯកទេស និងបទពិសោធន៍ជាច្រើនឆ្នាំរួមផ្សំជាមួយបរិក្ខារវេជ្ជសាស្ត្រទំនើបៗ បន្ទប់ពិសោធន៍ សាលវះកាត់ បន្ទប់សំរាល និងបន្ទប់សំរាកត្រូវបានរៀបចំដោយវិស្វករវេជ្ជសាស្ត្របរទេសដើម្បីផ្ដល់ជូនផាសុកភាព និងគុណភាពនៃការព្យាបាលកម្រិតស្តង់ដារអន្តរជាតិ។ មន្ទីរពហុព្យាបាល និង សម្ភព អរៀនដា មានទីតាំងស្ថិតនៅអគារ 9A ផ្លូវលេខ 466 សង្កាត់ទន្លេបាសាក់ ខណ្ឌចំការមន រាជធានីភ្នំពេញ។ ទំនាក់ទំនងតាមលេខទូរស័ព្ទ ០២៣ ២២៣ ៧៨៩ ដើម្បីទទួលបានបុត្រធីតាតាមបំណងប្រាថ្នារបស់លោកអ្នក៕

October 25, 2018

អេ អឹម ខេ ផ្តល់ជូនឱកាសការងារចំនួនជាង ៥០០កន្លែង

ភ្នំពេញ៖ គ្រឹះស្ថានមីក្រូហិរញ្ញវត្ថុ អេ អឹម ខេ ភីអិលស៊ី ប្រកាសផ្តល់ជូនឱកាសការងារចំនួនប្រមាណជាង ៥០០កន្លែង នៅក្នុងការតាំងពិព័រណ៍ការងារ និងផលិតភាពជាតិ ២០១៨ រៀបចំដោយទីភ្នាក់ងារជាតិមុខរបរ និងការងារ (NEA) ដែលប្រព្រឹត្តទៅនៅថ្ងៃទី ២៧-២៨ ខែតុលា ឆ្នាំ២០១៨ ចាប់ពីម៉ោង ៨:០០ព្រឹក ដល់ម៉ោង ៦:០០ល្ងាច នៅមជ្ឈមណ្ឌលពិព័រណ៍ការងារ និងសន្និបាតកោះពេជ្រ។

អេ អឹម ខេ គឺជាគ្រឹះស្ថានមីក្រូវហិរញ្ញវត្ថុ ដែលផ្តោតទៅលើការជួយដល់ប្រជាពលរដ្ឋក្រីក្រភាគច្រើនក្នុងគោលបំណងជួយធ្វើឱ្យប្រសើរឡើងនូវជីវភាពរស់នៅរបស់ពួកគេ តាមរយៈការផ្តល់សេវាមីក្រូហិរញ្ញវត្ថុសមស្រប និងឋិតថេរ។ ក្នុងរយៈពេលប៉ុន្មានឆ្នាំចុងក្រោយនេះ អេ អឹម ខេ មានការរីកចម្រើនទាំងតំបន់ប្រតិបត្តិការ ផលបត្រឥណទាន ចំនួនអតិថិជន ជាពិសេសចំនួនបុគ្គលិកមានការកើនឡើងគួរឱ្យកត់សម្គាល់ គឺពីចំនួនប្រមាណជា ២.៣០០នាក់ ក្នុងឆ្នាំ២០១៦ និងប្រមាណជា ២.៥០០នាក់ ក្នុងឆ្នាំ២០១។ គិតត្រឹមខែតុលា ២០១៨ នេះ អេ អឹម ខេ មានបុគ្គលិកកំពុងតែបម្រើការងារចំនួនជាង ២.៧០០នាក់។ ដើម្បីឆ្លើយតបទៅនឹងការរីកចម្រើន អេ អឹម ខេ បាន និងកំពុងតែផ្តល់ឱកាសការងារជាច្រើនកន្លែងដល់បេក្ខជន ដែលមានបំណងចង់អភិវឌ្ឍ អាជីពការងារជាមួយ អេ អឹម ខេ។

លោកស្រី ពាំង ពិសាខ នាយិកាប្រតិបត្តិធនធានមនុស្សបានឲ្យដឹងថា ចំនួនបុគ្គលិក អេ អឹម ខេ បានកើនឡើងជាលំដាប់ពីមួយឆ្នាំទៅមួយឆ្នាំ។ យើងដឹងហើយថា អេ អឹម ខេ គឺជាជម្រើសអាជីពការងារដ៏សាកសមបំផុតសម្រាប់បុគ្គលិកទូទៅ ដោយសារតែ អេ អឹម ខេ បានផ្តោតសំខាន់ទៅលើបីចំនុចរួមមាន៖ ១. ការអភិវឌ្ឍសមត្ថភាព ២. បរិយាកាសការងារល្អ ៣. អត្ថប្រយោជន៍បុគ្គលិក។ លោកស្រីបានបន្តទៀតថា “អ្វីដែលពិសេសនោះគឺ នៅពេលថ្មីៗនេះ អេ អឹម ខេ បានក្លាយជាសមាជិករបស់ធនាគារស៊ាងហៃពាណិជ្ជ និងសន្សំ ដែលជាធនាគារមួយ មានបទពិសោធន៍ជាង១០០ឆ្នាំលើវិស័យធនាគារ។ ដូចនេះធនាគារស៊ាងហៃមួយនេះនឹងធ្វើឱ្យ អេ អឹម ខេ ប្រែមុខមាត់ថ្មីដើម្បីក្លាយជាគ្រឹះស្ថានមីក្រូ ហិរញ្ញវត្ថុមួយ ឈានមុខគេនៅកម្ពុជា។

ទាក់ទងនឹងអត្ថប្រយោជន៍បុគ្គលិកវិញ លោកស្រីបានឱ្យដឹងដែរថា បុគ្គលិក អេ អឹម ខេ ទាំងអស់ទទួលបានអត្ថប្រយោជន៍ច្រើនដូចជា៖ ប្រាក់ឧបត្ថម្ភក្នុងឱកាសចូលឆ្នាំខ្មែរ ប្រាក់ឧបត្ថម្ភក្នុងឱកាសបុណ្យភ្ជុំបិណ្ឌ ប្រាក់ឧបត្ថម្ភសម្រាប់បុគ្គលិកដែលបម្រើការងារយូរ ប្រាក់រង្វាន់លើកទឹកចិត្ត ការធានារ៉ាប់រងសុខភាព ១០០% សម្រាប់បុគ្គលិក និងអ្នកក្នុងបន្ទុក ការធានារ៉ាប់រងគ្រោះថ្នាក់២៤ម៉ោង ប្រាក់ឧបត្ថម្ភលើការសម្រាលបុត្រ ជាពិសេសបុគ្គលិកអាចព្យាបាលជំងឺនៅក្រៅប្រទេស ព្រមទាំងអត្ថប្រយោជន៍ផ្សេងៗជាច្រើនទៀត។

លោកស្រីបានផ្តាំផ្ញើដល់ សិស្ស-និស្សិត ដែលកំពុង ឬ បញ្ចប់ការសិក្សា ឬ អ្នកដែលកំពុងតែស្វែងរកការងារធ្វើ ត្រូវចាប់យកឱកាសដ៏ល្អនេះ ដើម្បីទទួលយកការងារនៅ អេ អឹម ខេ។ លោកស្រីបន្តទៀតថា “ប្រសិនបើសាធារណជន ជាពិសេសអ្នកដែលកំពុងតែស្វែងរកការងារធ្វើទាំងអស់ មានចំណាប់អារម្មណ៍ចង់ចូលរួមជាមួយក្រុមគ្រួសារ អេ អឹម ខេ សូមអញ្ជើមកទស្សនាស្តង់ អេ អឹម ខេ គឺលេខ G39 & G40 ដើម្បីទទួលបានព័ត៌មានលម្អិតពីឱកាសការងារនៅគ្រឹះស្ថាន យើងខ្ញុំឱ្យបានពេញលេញ និងគ្រប់ជ្រុងជ្រោយដើម្បីធ្វើការសម្រេចចិត្ត។ អ្នកដែលមានចំណាប់អារម្មណ៍លើមុខតំណែងណាមួយដែលត្រូវជំនាញ និងបទពិសោធន៍ការងារអាចយក CV មកដាក់ដោយផ្ទាល់នៅស្តង់ អេ អឹម ខេ បាន។ ក្រុមការងារយើងខ្ញុំនឹងទាក់ទងទៅវិញប្រសិនបើ CV របស់អ្នកត្រូវនឹងមុខតំណែងណាមួយ” គួរបញ្ជាក់ផងដែរថា នេះជាឆ្នាំទី៨ហើយ ដែល អេ អឹម ខេ បានចូលរួមក្នុងការតាំងពិព័រណ៍ការងារថ្នាក់ជាតិមួយនេះ។

អេ អឹម ខេ គឺជាគ្រឹះស្ថានដែលឈានមុខគេលើវិសាលភាពប្រតិបត្តិការ និងចំនួនអតិថិជនប្រាក់កម្ចី។ គិតត្រឹមខែកញ្ញា ឆ្នាំ២០១៨ នេះ អេ អឹម ខេ មានអតិថិជនចំនួនជាង ៨៣ ម៉ឺននាក់ ជាមួយនឹងផលប័ត្រប្រាក់កម្ចីជាង ២៤៤ លានដុល្លារអាមេរិក និងប្រាក់បញ្ញើជាង ១៤៣ លានដុល្លារអាមេរិក មានការិយាល័យប្រតិបត្តិការចំនួន ១៤៩ កន្លែង និងមានភ្នាក់ងារជាង ៣.៥០០ កន្លែងនៅទូទាំងប្រទេស។ អេ អឹម ខេ មានផលិតផល និងសេវាកម្មជាច្រើនកំពុងផ្តល់ជូនអតិថិជនដូចជា៖ សេវាប្រាក់កម្ចី ប្រាក់សន្សំ ផ្ទេរប្រាក់ក្នុង និងក្រៅប្រទេស សេវាទូទាត់វិក្កយបត្រ ធានារ៉ាប់រងខ្នាតតូច ធនាគារចល័ត សេវាបើកប្រាក់បៀវត្សរ៍ ម៉ាស៊ីនដក និងដាក់ប្រាក់ដោយស្វ័យប្រវត្តិ (ATMs/CDMs)៕

October 25, 2018

Epson ចាប់ផ្តើមចេញលក់ម៉ាស៊ីនព្រីនម៉ូឌែល EcoTank និង ម៉ាស៊ីន Laser Projector ផ្លូវការ

ក្រុមហ៊ុន Epson ទើបតែបានចេញលក់ជាផ្លូវការនូវម៉ាស៊ីនព្រីន EcoTank ប្រភេទថ្មី និង ទំនើបំផុត របស់ខ្លួននាពេលថ្មីៗនេះ ដើម្បីបង្ហាញពីគោលជំហរ ក្នុងនាមជាម៉ាកយីហោដ៏ល្បីលេខ១ នៅលើទីផ្សារ ខាងផលិតផលម៉ាស៊ីនព្រីន ដែលផ្តល់នូវការចំណាយប្រកបដោយប្រសិទ្ធភាព ការប្រើប្រាស់បានយូរអង្វែង សន្សំសំចៃខ្ពស់ និងមានតម្លៃសមរម្យ ។ ក្រុមហ៊ុន បានបញ្ចេញលក់ម៉ាស៊ីនព្រីន ម៉ូឌែល L និង M ស៊េរី ក៏ដូចជាម៉ាស៊ីន Projector ខា្នតមធ្យម ប្រភេទ ឡាស៊ែរ ផងដែរ ដើម្បីឆ្លើយតបទៅនឹងតម្រូវការដ៏ចាំបាច់របស់ស្ថាប័ន និងសហគ្រាសទាំងអស់នៅក្នុងប្រទេសកម្ពុជា។

លោក Yunyong Muneemongkoltorn នាយកផ្នែកលក់ និងទីផ្សាររបស់ក្រុមហ៊ុន Epson ប្រចាំប្រទេសថៃ បានមានប្រសាសន៍ថា «ក្រុមហ៊ុន Epson គឺជាក្រុមហ៊ុនដែលមានរោងចក្រផលិតម៉ាស៊ីនព្រីនដំបូងគេ ដែលបានដាក់បង្ហាញម៉ាស៊ីនព្រីន ប្រភេទ Genuine Ink Tank ដំបូងគេបង្អស់ នៅលើទីផ្សារតាំងពីឆ្នាំ២០១០ មកម្ល៉េះ ។ ចាប់តាំងពីពេលនោះមក ម៉ាស៊ីនព្រីនស៊េរី L និងស៊េរី M ទទួលបាននូវការគាំទ្រកាន់តែខ្លាំងឡើងៗ ពីសំណាក់អតិថិជនទាំងអស់ ដោយសារតែភាពធន់ និងការដំណើរការបានយ៉ាងល្អរបស់ម៉ាស៊ីនព្រីនប្រភេទនេះ រួមជាមួយនឹងការខិតខំអភិវឌ្ឍបច្ចេកទេស របស់យើងជាបន្តបន្ទាប់ ដើម្បីបំពេញនូវតម្រូវការរបស់អតិថិជនគ្រប់ទិសទី។

ជាលទ្ធផល ក្រុមហ៊ុន Epson បានក្លាយទៅជាក្រុមហ៊ុនផលិតម៉ាស៊ីនព្រីន ប្រភេទ Ink Tank ជាប់ចំណាត់ថ្នាក់លេខ១ នៅលើពិភពលោក។ ជាមួយនឹងចំណែកទីផ្សារដ៏ធំបំផុត ក្រុមហ៊ុន Epson បានលក់ម៉ាស៊ីនព្រីន Ink Tank អស់ជាង ៣០ លានគ្រឿង រួចទៅហើយនៅក្នុងបណ្តាប្រទេសចំនួន ១៥០ ប្រទេស នៅទូទាំងពិភពលោក។ ចំណែកឯនៅក្នុងប្រទេសកម្ពុជាវិញ ក្រុមហ៊ុន Epson បានដាក់លក់ម៉ាស៊ីនព្រីនយ៉ាងច្រើនប្រភេទដែលមានរហូតដល់ទៅ ១៩ ប្រភេទឯណោះ។ ក្នុងចំណោមម៉ូឌែលទាំងអស់នោះ មាន ១៥ ម៉ូឌែល ជាស៊េរី L និង ៤ ម៉ូឌែលផ្សេងទៀត ជាប្រភេទស៊េរី M។ ការផ្តល់នូវជម្រើសជាច្រើននេះមានន័យថា អតិថិជនទាំងអស់អាចរកជាវបានយ៉ាងងាយស្រួលបំផុតនូវម៉ូឌែលណាមួយដែលពួកគេពេញចិត្តទៅតាមតម្រូវការជាក់ស្តែង ដោយអាស្រ័យទៅនឹងទំហំថវិកា និងទំហំនៃការបោះពុម្ពរបស់ពួកគេ។ អតិថិជនរបស់យើង មានគ្រប់ប្រភេទទាំងអស់ រាប់ចាប់ពីសហគ្រាសធុនតូច និងមធ្យម រហូតដល់បណ្តាក្រុមហ៊ុនសាជីវកម្មធំៗនានា»

លោកបានបន្តថា «ថ្ងៃនេះ យើងបានកំណត់យកម៉ាស៊ីនព្រីន EcoTank ឬអាចហៅម្យ៉ាងទៀតថា ម៉ាស៊ីនព្រីន Economical Tank ដែលមានលក្ខណៈសន្សំសំចៃខ្ពស់ មកបង្ហាញជូនដល់អតិថិជន ដើម្បីបញ្ជាក់ពីប្រសិទ្ធភាពនៃការចំណាយតិច តែទទួលបានផលចំណេញច្រើន។ នៅក្នុងឱកាសនេះ យើងក៏បានសម្រេចចិត្តដាក់លក់ម៉ាស៊ីនព្រីន ចំនួន ពីរស៊េរី គឺ L និង M ដែលមានចំនួន ៥ ម៉ូឌែល ហើយម៉ូឌែលទាំងអស់នោះមានដួចជា EcoTank L3110, L3150, M1100, M1120 និង M2140 ។ ម៉ាស៊ីនទាំងអស់នេះ គឺជាប្រភេទម៉ាស៊ីន មិនប្រើប្រាស់ cartridge ដោយរួមបញ្ចូលប្រអប់ទឹកថ្នាំនៅខាងក្នុង អមជាមួយរូបរាងតូចល្មមសាកសមជាមូយកន្លែងតូចចង្អៀត។ ជាមួយនឹងការរចនាម៉ូដយ៉ាងពិសេស ម៉ាស៊ីនព្រីនម៉ូឌែលនេះត្រូវបានបំពាក់ដោយប្រព័ន្ធបញ្ចូលទឹកថ្នាំប្រភេទ Spill-free ការពារមិនឲ្យកំពប់ ។ សម្រាប់ការរចនាបច្ចេកវិទ្យាក្បាលដបនៃពណ៌ទឹកថ្នាំវិញ គឺមានភាពល្អឥតខ្ចោះដែលធានាថា ទឹកថ្នាំពណ៌ណាអាចដាក់ចូលទៅក្នុងប្រអប់ទឹកថ្នាំពណ៌ហ្នឹងបានដោយមិនច្រឡំពណ៌គ្នានោះឡើយ។ ដើម្បីជៀសវាងពីការកំពប់ទឹកថ្នាំ ម៉ាស៊ីនព្រីនទាំងនេះធានាបានថា ទឹកថ្នាំហូរចេញពីដប តែនៅពេលដែលទឹកថ្នាំត្រូវបានដាក់បញ្ចូលទៅក្នុងប្រអប់ទឹកថ្នាំរបស់ម៉ាស៊ីនតែប៉ុណ្ណោះ។

លោកបានបន្ថែមថា «ម៉ាស៊ីនព្រីនថ្មីទាំង ៥ ម៉ូឌែលនេះ គឺមានភាពស័ក្តិសមល្អឥតខ្ចោះបំផុតសម្រាប់ SOHO (ការិយាល័យតូច និង ការិយាល័យនៅផ្ទះ) និង សហគ្រាសធុនតូច និងមធ្យម ដែលមានតម្រូវការ បោះពុម្ពឯកសារច្រើន និងចង់គ្រប់គ្រងការចំនាយទៅលើការបោះពុម្ពដោយខ្លួនឯងផ្ទាល់ ។ EcoTank ស៊េរី L មានភ្ជាប់មកជាមួយទឹកថ្នាំចំនួន ៤ ពណ៌។ ពណ៌ទឹកថ្នាំនីមួយៗ អាចបោះពុម្ពបានរហូតដល់ទៅ ៤,៥០០ ទំព័រ ចំពោះឯកសារ ស-ខ្មៅ និងឯកសារពណ៌រហូតដល់ទៅ ៧,៥០០ ទំព័រ ។ ហើយផ្តល់ជូននូវការធានារយៈពេល ២ ឆ្នាំ ឬការព្រីនរហូតដល់ ៣០,០០០ ទំព័រ។ ចំពោះ EcoTank ស៊េរី M វិញ វាអាចបោះពុម្ពបានរហូតដល់ទៅ ៦,០០០ ទំព័រ ចំពោះឯកសារ ស-ខ្មៅ និងផ្តល់ជូននូវការធានារយៈពេល ៤ ឆ្នាំ ឬការព្រីនរហូតដល់ ៥០,០០០ ទំព័រ»

លោក Yunyong បានពន្យល់ឲ្យដឹងទៀតថា «បច្ចុប្បន្ននេះ ក្រុមហ៊ុន Epson មានគម្រោងផ្សព្វផ្សាយម៉ាស៊ីនព្រីនរបស់ខ្លួនឲ្យកាន់តែខ្លាំងក្លាបន្ថែមទៀត ទៅដល់ការិយាល័យ និងស្ថាប័នរដ្ឋាភិបាលជាច្រើន ដោយហេតុថា ស្ថាប័នទាំអស់នោះនៅតែប្រើម៉ាស៊ីនព្រីន ប្រើបច្ចេកវិទ្យា ទ្បែស៊ែរ នៅឡើយ។ យើងបានដាក់បង្ហាញនូវម៉ាស៊ីនព្រីនជាច្រើនប្រភេទរួចមកហើយនៅទីផ្សារក្នុងប្រទេសកម្ពុជា ដូច្នេះ អ្នកប្រើប្រាស់ទាំងអស់បានមើលឃើញយ៉ាងច្បាស់អំពីដំណើរការយ៉ាងមានប្រសិទ្ធភាពបំផុតនៃម៉ាស៊ីនព្រីនទាំងអស់នោះ។ រហូតមកដល់ពេលនេះ អ្នកប្រើបានដឹងរួចមកហើយថា ម៉ាស៊ីនព្រីន inkjet ដំណើរការបានយ៉ាងល្អ ហើយរាល់ការចំណាយក៏កាន់តែមានប្រសិទ្ធភាពជាង ប្រភេទម៉ាស៊ីនព្រីន ទ្បាស៊ែរ ផងដែរ។ ម៉ាស៊ីនព្រីនរបស់ក្រុមហ៊ុន Epson ផ្តល់ជូននូវតម្លៃសមរម្យក្នុងការព្រីនមួយទំព័រៗ ងាយស្រូលក្នុងការធ្វើតំហែរទំ ហើយការប្រើប្រាស់ថាមពលអគ្គិសនីទៀតសោតក៏អស់តិចផងដែរ។ ការចាប់ផ្តើមដាក់លក់ EcoTank គឺជាយុទ្ធសាស្ត្រថ្មីមួយទៀតរបស់យើង ដែលស្របតាមយុទ្ធសាស្ត្រជំនួញរបស់ក្រុមហ៊ុន ដែលម៉ាស៊ីនព្រីន EcoTank ស៊េរី M នឹងប្រកួតប្រជែងជាមួយម៉ាស៊ីនព្រីន ទ្បែស៊ែរ ពណ៌ស-ខ្មៅដទៃទៀត។

EcoTank ស៊េរី M ប្រើប្រភេទទឹកថ្នាំម្យ៉ាង ដែលផ្តល់នូវពណ៌ច្បាស់ល្អ និងត្រជាក់ភ្នែក។ នៅពេលប្រៀបធៀបជាមួយនឹង ម៉ាស៊ីនព្រីន EPSON EcoTank ស៊េរី M ទៅនឹងម៉ាស៊ីនព្រីន ទ្បាស៊ែរ ប្រភេទម៉ាស៊ីនទាំងពីរនេះ ផ្តល់នូវគុណភាពបោះពុម្ពដូចគ្នា ប៉ុន្តែ EPSON EcoTank ស៊េរី M វាមានភាពសន្សំសំចៃជាងបានរហូតដល់ទៅ ១៦ ដង ឯណោះក្នុងមួយទំព័រ ហើយ កាត់បន្ថយ ការប្រើប្រាស់ថាមពលអគ្គិសនីបានរហូតដល់ទៅ ២៧ ដង។ សរុបមក រាល់ការព្រីនមួយទំព័រៗ តាមរយៈការប្រើប្រាស់ EcoTank ស៊េរី M របស់ Epson ចំណាយត្រឹមតែ ១០ រៀល ក្នុង ១ទំព័រ ឬ ១០ទំព័រ ក្នុង ១០០ រៀលតែប៉ុណ្ណោះ ។ EcoTank ស៊េរី M នេះ មានពីរជម្រើសនៃទំហំទឹកថ្នាំសម្រាប់អតិថិជនដើម្បីជ្រើសរើសប្រើប្រាស់។ មួយគឺសម្រាប់ចំនួន ២,០០០ ទំព័រ និងមួយទៀតសម្រាប់ ចំនួន ៦,០០០ទំព័រ ។ ជម្រើសទាំងពីរនេះ គឺល្អប្រសើរជាងម្សៅថ្នាំរបស់ម៉ាស៊ីន Laser ដែលអាចបោះពុម្ពបានតែ ១,០០០ ទំព័រ និង ១,៦០០ ទំព័រប៉ុណ្ណោះ»

ក្នុងចំណោមម៉ូឌែលទាំងអស់ ដែលយើងបញ្ចេញលក់ក្នុងថ្ងៃនេះ គឺ M2140 ជាម៉ូឌែលដែលមានលក្ខណៈពិសេសជាងគេ។ អ្នកប្រើប្រាស់អាចធ្វើការ ព្រីន ស្គែន និង ថតចំលង បានក្នុងម៉ាស៊ីនតែមួយ។ វាត្រូវបានបំពាក់ដោយ បច្ចេកវិទ្យា Print Head ជាមួយប្រព័ន្ធ Precision Core ដែលអាចព្រីនក្រដាសខ្នាតធំក្នុងល្បឿនលឿន និងចំណាយតិច។ ម៉ាស៊ីនព្រីន M2140 អាចបោះពុម្ពបាន ២០ ឯកសារក្នុងមួយនាទី (20 ipm) ដែលមានគុណភាពកម្រិតច្បាស់ 1,200 x 2,400 dpi ។ លើសពីនេះទៅទៀតម៉ាស៊ីនព្រីនម៉ាកនេះ មានមុខងារព្រីន ឯកសារទាំងសងខាងបានដោយស្វ័យប្រវត្តិ ដែលជាការចូលរួមចំណែកយ៉ាងសំខាន់ ក្នុងការសន្សំសំចៃ ក្រដាស។ មុខងារនេះបានឆ្លើយតបយ៉ាងជាក់ច្បាស់ទៅនឹងនិន្នាការប្រើប្រាស់ នាពេលបច្ចុប្បន្ននេះ ដែលត្រូវបានមើលឃើញថា ការិយាល័យភាគច្រើនតែងតែខិតខំកាត់បន្ថយការប្រើប្រាស់ក្រដាស ។ បន្ថែមពីនេះទៀត M2140 មានបំពាក់នូវមុខងារ BarcodePrinting Function ដែលផ្តល់ការព្រីនឯកសារប្រភេទបញ្ឈរ ដែលមានគុណភាពល្អដូចម៉ាស៊ីនព្រីន ទ្បាស៊ែរ ដែរ ។ សម្រាប់ម៉ូឌែលថ្មីពីរផ្សេងទៀតរបស់ EcoTank ស៊េរី M គឺ M1100 និង M1120 ដែលអាចបោះពុម្ពបាន ១៥ ឯកសារក្នុងមួយនាទី (15 ipm) ។ ម៉ូឌែលទាំងនេះ ក៏អាចព្រីនដោយប្រើ Wi-Fi បានផងដែរ។

នៅពេលនេះ EcoTank ស៊េរី L ក៏បានបង្ហាញពីម៉ូឌែលថ្មីចំនួន ពីរផងដែរ។ ទាំង L3110 ទាំង L3150 សុទ្ធតែជាឧបករណ៍ពហុមុខងារ (ព្រីន ស្កែន និងថតចំលង) ជាមួយនឹងការប្រើរប្រាស់ទឹកថ្នាំចំនួន ៤ ពណ៍ និង ព្រីនរហូតដល់ទំហំ 4R សម្រាប់រូបថត និងរូបភាព ។ L3150 ក៏មានភាពឆ្លាតវៃផងដែរ ដែលអាចព្រីនតាមរយៈ Wi-Fi ពីឧបករណ៍ផ្សេងៗរហូតដល់ ៨ គ្រឿង ដោយប្រើប្រាស់ប្រព័ន្ធ Wi-Fi Direct ។

«ក្រុមហ៊ុន Epson រំពឹងថា EcoTank នឹងអាចផ្លាស់ប្តូរទំលាប់ និងឥរិយាបថរបស់អ្នកប្រើប្រាស់ ជាពិសេសអ្នកប្រើប្រាស់ម៉ាស៊ីនព្រីនប្រភេទ Laser Printer ។ នេះគឺដោយសារតែម៉ាស៊ីន EcoTank ស៊េរី L និង M ដំណើរការបានយ៉ាងល្អទាំងល្បឿននៃការព្រីន និង ទាំងគុណភាព។ EcoTank ផ្តល់នូវការចំណាយប្រកបដោយប្រសិទ្ធភាព ពោលគឺការចំណាយតិចជាងមុនបើប្រៀបធៀបទៅនឹងម៉ាស៊ីន Laser Printers ក៏ដូចជាម៉ាស៊ីនព្រីន Inkjet Printers ដែលផលិតដោយដៃគូប្រកួតប្រជែងរបស់ Epson ។ លើសពីនេះទៅទៀតម៉ាស៊ីនព្រីនរបស់ Epson អាចប្រើប្រាស់បានយូរអង្វែងជាងម៉ាស៊ីនព្រីនរបស់ក្រុមហ៊ុនដទៃទៀត។ នេះគឺជាចំណុចខ្លាំងដែលគ្មានដៃគូប្រកួតប្រជែងណាមួយអាចប្រកួតប្រជែងជាមួយ Epson បានឡើយ។ ជាមួយនឹងភាពខ្លាំងនេះហើយ Epson ក៏ផ្តល់ជូននូវការធានារយៈពេលយូរជាងគេផងដែរ។ ជាឧទាហរណ៍ EcoTank ស៊េរី M គឺយើងផ្តល់ជូននូវការធានារយៈពេលរហូតដល់ទៅ ៤ ឆ្នាំ ឬការព្រីនរហូតដល់ទៅ ៥០,០០០ ទំព័រឯណោះ ខណៈដែល ម៉ាស៊ីនព្រីន ទ្បាស៊ែរ ផ្តល់ជូនការធានាត្រឹមតែ ៣ ឆ្នាំប៉ុណ្ណោះ»

លើសពីនេះទៅទៀត Epson កំពុងតែបង្កើនការផលិត និងដាក់លក់នូវម៉ាស៊ីន 3LCD Projector ប្រភេទ ឡាស៊ែររបស់ខ្លួនជាមួយនឹងការបង្ហាញនូវ ម៉ូឌែលថ្មីចំនួន ៣ ដែលមានពន្លឺភ្លឺច្បាស់ចាប់ពី ៥,០០០ lumen រហូតដល់ ៦,០០០ lumen។ សម្រាប់ម៉ូឌែលដែលត្រូវបានបញ្ចេញលក់នៅថ្ងៃនេះគឺ EB-L510U, 5000 lumen WUXGA projector; EB-L610W, 6000 lumen WXGA projector, និង EB-L610U, 6000 lumen WUXGA projector។ ម៉ូឌែលទាំង បីនេះ មានទំហំតូច និងមានទម្ងន់ស្រាលជាងឧបករណ៍ដូចគ្នា បើប្រៀបធៀបនឹង គូប្រកួតប្រជែងរបស់ខ្លួន ។ កាន់តែអស្ចារ្យទៅទៀតនោះ ម៉ូដែលថ្មីរបស់ Epson ទាំងបីនេះ មានមុខងារល្អរលើសគេ ដោយវាអាចបញ្ចេញពន្លឺបានខ្ពស់ ហើយអាចសំរបខ្លួនគ្រប់ស្ថានការណ៏ និង កាលៈទេសៈនៃទីតាំងនៃការតំឡើង។ ពោលគឺ វាអាចបង្វិលបាន 360 ដឺក្រេ និងមានសមត្ថភាពពេញលេញសម្រាប់ចាប់នៅទីតាំងណាមួយក៏បាន។ មន្ថែមពីនេះ លក្ខណៈពិសេសនៃ Projector ទាំងអស់នេះ គឺអាចបញ្ចាំងបានលើគ្រប់ស្ថានភាពនៃផ្ទៃរាបស្មើទាំងអស់ រួមបញ្ចូលទាំងមុខងារពិសេស ដួចជា មុខងារ Edge Blending, Curve Projection និង Corner Wall។ ម៉ូឌែលទាំងបីនេះ មានកម្រិតពណ៌នៃការបញ្ចេញរូបភាព Contrast Ratio 2,500,000:1 ដែលបង្ហាញនូវរូបភាពច្បាស់ល្អ និងបង្ហាញភាពលម្អិតនៃរូបភាពនីមួយៗ ។ Projector ទាំងអស់នេះ ផលិត មកភ្ជាប់ទៅនឹងប្រព័ន្ធ HDBaseT ដោយប្រើប្រាស់ ប្រព័ន្ធខ្សែរ Network តាមរយះផត LAN ដែលអាចតំឡើងនៅទីតាំងឆ្ងាយពីឧបករណ៍បញ្ចួនរូបភាព បានចម្ងាយឆ្ងាយរហូតដល់ ១០០ ម៉ែត្រ ឬ ៣២៨ ហ្វីត។

«ម៉ាស៊ីន Projector ថ្មីទាំងបីម៉ូឌែលនេះផ្តោតលើ ការិយាល័យ ស្ថាប័នអប់រំ និង អាជីវកម្មកម្សាន្ត ដូចជា ក្លឹបកម្សាន្ត ខារ៉ាអូខេជាដើម ដែលបច្ចុប្បន្ននេះ កំពុងតែមានការរីកលូតលាស់គួអោយកត់សម្គល់ ដែលកំពុង ត្រូវការប្រភេទ Projector ទាំងឡាយណា ដែលមានពន្លឺកម្រិតមធ្យមនៅក្នុងការប្រកបអាជីវកម្មររបស់ពួកគេ។ ផលិតផលរបស់ Epson នឹងផ្តល់ឱ្យពួកគេមិនត្រឹមតែមានគុណភាពខ្ពស់ប៉ុណ្ណោះទេ ថែមទាំងប្រើប្រាស់បានយូរអង្វែងទៀតផង។ យើងនឹងផ្តល់ជូននូវការធានារប្រើប្រាស់ ដោយរាប់បញ្ចូល ទាំងចំនួនម៉ោងរបស់ បច្ចេកវិទ្យា ឡេស៊ែរ ហូតដល់ ២០,០០០ ម៉ោង ឬរយៈពេល ៣ ឆ្នាំ ។ ដូច្នេះ អតិថិជនទាំងអស់នឹងទទួលបានប្រសិទ្ធភាពខ្ពស់បំផុតក្នុងការចំណាយ នៅពេលដែលពួកគេទិញម៉ាស៊ីន Projector ពីក្រុមហ៊ុន Epson» ទាំងអស់នេះ ជាការអះអាងរបស់លោក Yunyong៕

October 25, 2018

Amcham Cambodia រៀបចំពិធីជប់លៀងផុតអាណត្តិជូន ឯកអគ្គរដ្ឋទូតអាមេរិកប្រចាំកម្ពុជានៅ Raffles Hotel Le Royal

កាលពីល្ងាចថ្ងៃទី18 ខែតុលា Amcham ប្រចាំព្រះរាជាណាចក្រកម្ពុជា បានរៀបចំពិធីជប់លៀងផុតអាណត្តិជូនដល់ឯកឧត្ដម William Heidt ឯកអគ្គរដ្ឋទូតអាមេរិកប្រចាំកម្ពុជានៅសណ្ឋាគារRaffles Hotel Le Royal។

នៅក្នុងកម្មវិធីមានភ្ញៀវកិត្តិយសចូលរួមប្រហែលជាងមួយរយនាក់ រួមទាំងឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម ឯកឧត្តម Tina Redshaw ឯកអគ្គរាជទូតអង់គ្លេសប្រចាំកម្ពុជា លោកស្រី Angela Corcoran លោកឧកញ៉ា ម៉ុងឫទ្ធី។

ក្នុងឱកាសបញ្ចប់អាណត្តិរបស់លោកនៅកម្ពុជា ឯកឧត្ដម William Heidt បានថ្លែងអំណរគុណយ៉ាងជ្រាលជ្រៅចំពោះវត្តមានរបស់ភ្ញៀវ និងអ្នកគាំទ្រក្នុងអំឡុងអាណត្តិរបស់លោក។ លោកបានរំឭកពីការធ្វើដំណើររបស់លោកនៅក្នុងប្រទេសកម្ពុជា និងបានសម្តែងបំណងប្រាថ្នារបស់លោកដើម្បីទទួលបានជោគជ័យទៅអនាគតរបស់ប្រទេសកម្ពុជា។ ឯកឧត្តម William A. Heidt បានចាប់ផ្តើមអាណត្តិជាឯកអគ្គរដ្ឋទូតរបស់លោកនៅកម្ពុជាក្នុងឆ្នាំ 2015ហើយបានបំពេញបេសកកម្មរបស់លោកក្នុងរយៈពេល 3ឆ្នាំចុងក្រោយនេះ។ បេសកកម្មវិសាមញ្ញរបស់គាត់បានបន្សល់នូវវត្តមាននៃទំនាក់ទំនងទ្វេភាគីដ៏រឹងមាំរវាងប្រទេសទាំង2៕

October 23, 2018

Category: PR