អន្តរជាតិ - La Reine Media

ជំនួយការរបស់អនុប្រធានាធិបតីអាមេរិកាំង ឆ្លងវីរុសCOVID-19

May 9, 2020 by សឿន សំណាង

លេខាផ្នែកសារព័ត៌មានរបស់អនុប្រធានាធិបតីសហរដ្ឋអាមេរិក បានឆ្លងវីរុសCOVID-19។ នេះគឺជាបុគ្គលិកទី2របស់សេតវិមាន ដែលវិជ្ជមានជាមួយវីរុសកូរ៉ូណានេះ បន្ទាប់ពីអ្នកបម្រើផ្ទាល់របស់ប្រធានាធិបតី Donald Trump។ ទីភ្នាក់ងារសារព័ត៌មាន Reuters បានចេញផ្សាយថា ជំនួយការផ្នែកសារព័ត៌មានរបស់អនុប្រធានាធិបតី Mike Pence គឺលោកស្រី Katie Miller ទទួលបានលទ្ធផលវិជ្ជមានបន្ទាប់ពីបានធ្វើតេស្តរកមេរោគកូរ៉ូណា។ ដំណឹងក្ដៅមួយនេះត្រូវបានប្រធានាធិបតី Trump ប្រកាសក្នុងកិច្ចប្រជុំមួយជាមួយតំណាងរាស្ត្រមកពីបក្សសាធារណរដ្ឋកាលពីថ្ងៃទី8ឧសភា។ “Katie Miller ទទួលបានលទ្ធផលអវិជ្ជមានក្នុងមួយរយៈពេលវែង ប៉ុន្តែថ្ងៃនេះ លោកស្រីទទួលបានលទ្ធផលវិជ្ជមាន” លោក Trump បានថ្លែងបែបនេះ និងបន្ថែមថា លោកមិនបាននៅក្បែរលេខារូបនេះនោះទេ ក្នុងអំឡុងពេលថ្មីៗនេះ។ លោកស្រី Katie Miller គឺជាភរិយារបស់លោក Stephen Miller ដែលជាទីប្រឹក្សាជិតស្និទ្ធរបស់លោកប្រធានាធិបតី Donald Trump។ លោកស្រី Katie Miller តែងតែមានទំនាក់ទំនងផ្ទាល់ជាមួយនឹងអ្នកសារព័ត៌មានរបស់សេតវិមាន។ Katie Miller គឺជាបុគ្គលិកទីពីររបស់សេតវិមាន ដែលបានឆ្លងវីរុសCOVID-19។ មុននោះ ទាហានពិសេសម្នាក់មកពីកងទ័ពជើងទឹក ដែលជាអ្នកបម្រើផ្ទាល់របស់លោក Trump នៅឯសេតវិមាន ក៏ត្រូវបានរកឃើញថាមានផ្ទុកវីរុសកូរ៉ូណានេះដែរ។ ព័ត៌មានចុងក្រោយពីសេតវិមាន … Read more

ចំនួនអ្នកជំងឺCOVID-19 បានកើនលើសពី 4លាននាក់ហើយ!

May 9, 2020 by សឿន សំណាង

ពិភពលោកទាំងមូលបានរកឃើញអ្នកជំងឺរលាកសួតប្រភេទថ្មីជាង4លាន់នាក់ ក្នុងនោះមានជិត276,000នាក់បានបាត់បង់ជីវិត។ ប្រទេសនិងដែនដីចំនួន212ក្នុងពិភពលោក គិតមកដល់ពេលនេះ បានរកឃើញអ្នកដែលបានឆ្លងវីរុសCOVID-19 សរុបឡើងដល់4,008,110នាក់ និងអ្នកស្លាប់សរុប275,784នាក់។ អ្នកជំងឺថ្មីមាន92,116នាក់ និងអ្នកស្លាប់ថ្មីមាន5,487នាក់។ អ្នកជំងឺដែលបានជាសះស្បើយមានចំនួន1,377,123នាក់។ នេះបើតាមស្ថិតិរបស់ WorldoMeters។ នៅឯទ្វីបអឺរ៉ុប មានអ្នកជំងឺសរុប1,581,256នាក់ ខណៈអាមេរិកខាងជើងមាន1,441,711នាក់ អាមេរិកខាងត្បូងមាន283,655នាក់ ទ្វីបអាស៊ីមាន634,829នាក់ និងទ្វីបអាហ្វ្រិកមានអ្នកជំងឺកូរ៉ូណាសរុប58,963នាក់។ បណ្ដាប្រទេសដែលមានអ្នកស្លាប់ដោយសារវីរុសCOVID-19 លើសពី30,000នាក់ គឺមាន3ប្រទេស រួមមានសហរដ្ឋអាមេរិក អង់គ្លេស និងប្រទេសអ៊ីតាលី។ ប្រភព៖ សារព័ត៌មានបរទេស

មហាសេដ្ឋីរុស្ស៊ីស្លាប់ក្នុងបន្ទប់ហាត់ប្រាណ សង្ស័យធ្វើអត្តឃាត

May 8, 2020 by សឿន សំណាង

មហាសេដ្ឋី Dmitry Bosov អាយុ52ឆ្នាំ ត្រូវបានប្រទះឃើញស្លាប់ក្នុងបន្ទប់ហាត់ប្រាណនៅឯភូមិគ្រឹះរបស់គាត់ស្ថិតនៅជាយក្រុងម៉ូស្គូ សង្ស័យថាធ្វើអត្តឃាត។ Dmitry Bosov ត្រូវបានប្រពន្ធរបស់គាត់គឺអ្នកស្រី Katerina ប្រទះឃើញស្លាប់នៅក្នុងបន្ទប់ជាប់សោកាលពីព្រឹកថ្ងៃទី6ឧសភាកន្លងទៅ។ សមត្ថកិច្ចបានឱ្យដឹងថា ពួកគេបានរកឃើញកាំភ្លើងខ្លី Glock នៅក្បែរសាកសពមហាសេដ្ឋីរូបនេះ ហើយនៅលើដងខ្លួនក៏មានស្នាមគ្រាប់កាំភ្លើងជាច្រើនផងដែរ។ Bosov មិនបានបន្សល់ទុកលិខិតអ្វីមួយនោះទេ។ គេហទំព័រសេដ្ឋកិច្ចរបស់រុស្ស៊ី RBC បានដកស្រង់ប្រភពព័ត៌មានចំនួន2ដែលស្និទ្ធជាមួយលោក Bosov បានឱ្យដឹងថា មហាសេដ្ឋីរូបនេះបានស្លាប់ដោយសារធ្វើអត្តឃាត។ លោក Bosov មិនបានទទួលទូរស័ព្ទ និងសារចាប់តាំងពីថ្ងៃទី5ឧសភារហូតដល់ថ្ងៃកើតហេតុ។ Bosov បានយកកាំភ្លើងតាមខ្លួនជានិច្ច ចាប់តាំងពីCOVID-19 ចាប់ផ្ដើមឆ្លងរាលដាលនៅរុស្ស៊ី ដោយសារមានការបារម្ភខ្លាចមានចោរចូលផ្ទះក្នុងអំឡុងបម្រាមគោចរ។ គណកម្មធិការស៊ើបអង្កេតរបស់រុស្ស៊ី បាន និងកំពុងធ្វើការស្រាវជ្រាវលើករណីនេះ។ Bosov ជាមហាសេដ្ឋីលំដាប់ទី86ក្នុងតារាងចំណាត់ថ្នាក់អ្នកមានបំផុតរបស់រុស្ស៊ីដែលដាក់ចំណាត់ថ្នាក់ដោយ ទស្សនាវដ្ដី Forbes ដោយលោកមានទ្រព្យសរុប1.1ពាន់លានដុល្លារ។ លោកគឺជាភាគហ៊ុនិកធំជាងគេ និងជាប្រធានក្រុមហ៊ុន Alltech ដែលមានក្រុមហ៊ុនបុត្រសម្ព័ន្ធជាច្រើនរកស៊ីក្នុងវិស័យអចលនទ្រព្យ និងរ៉ែធ្យូងថ្ម។ល។ ប្រភពព័ត៌មានដែលជិតស្និទ្ធនឹងមហាសេដ្ឋីខាងលើ បានបង្ហើបឱ្យដឹងថា លោក Bosov ថ្មីៗនេះជួបបញ្ហាក្នុងការរកស៊ី។ “ចាប់ពីដើមឆ្នាំ គាត់បានចាប់ផ្ដើមផ្ទេរទ្រព្យសម្បត្តិទាំងអស់ទៅក្នុងឈ្មោះរបស់ខ្លួន និងឱ្យបុគ្គលិកសម្រាកពីការងារ។ ស្ថានភាពបានប្រែជាអាក្រក់ទៅៗនៅក្នុងខែឧសភា … Read more

អាចម៍ផ្កាយមួយហោះជិតបុកផែនដីហើយ ទើបអ្នកវិទ្យាសាស្ត្រសង្កេតឃើញ

May 8, 2020May 8, 2020 by សឿន សំណាង

អាចម៍ផ្កាយមួយហោះជិតបុកផែនដីទៅហើយ ទើបអ្នកវិទ្យាសាស្ត្រសង្កេតឃើញ

អាចម៍ផ្កាយដែលមានទំហំប៉ុនរថយន្តក្រុង បានហោះសំដៅមកកាន់ភពផែនដីដោយមិនមានអ្នកវិទ្យាសាស្ត្រណាម្នាក់ពិនិត្យឃើញ រហូតដល់វាហោះមកដល់ចំណុចត្រង់ពីលើផែនដីកាលពីថ្ងៃទី5ឧសភា ទើបក្រុមតារាវិទូរកឃើញ។ អាចម៍ដែលត្រូវបានគេហៅថា 2020 JJ បានហោះកាត់ទទឹងផែនដីនៅក្នុងរយៈចម្ងាយ13,373គម ស្មើនឹង3%នៃចម្ងាយពីផែនដីទៅព្រះចន្ទ។ 2020 JJ មានទំហំមិនធំប៉ុន្មាននោះទេ ដូច្នេះវាមានភាពងាយស្រួលក្នុងការចល័តមកក្បែរផែនដីដោយមិនត្រូវបានគេពិនិត្យឃើញទាន់ពេល រហូតដល់វាហោះមកនៅចំពោះមុខផែនដីកាលពីថ្ងៃទី5 ខែឧសភាកន្លងទៅ។ អង្គការតារាសាស្ត្រ Limmon Survey នៅក្នុងរដ្ឋ Arizona នៃសហរដ្ឋអាមេរិកគឺជាអ្នកដែលបានរកឃើញអាចម៍ផ្កាយនេះមុនគេ។ បណ្ឌិត Natalie Starkey ដែលជាតារាវិទូមួយរូបថ្លែងថា “យើងពូកែខាងសង្កេតរកឃើញ និងតាមដានអាចម៍ផ្កាយដែលមានទំហំប្រហាក់ប្រហែល1គីឡូម៉ែត្រ ប៉ុន្តែ មានអាចម៍ផ្កាយដែលមានទំហំតូចជាងនេះច្រើនណាស់ដែលកំពុងគោចរជុំវិញប្រព័ន្ធព្រះអាទិត្យ។ អាចម៍ផ្កាយតែងតែមិនមានចំណាំងផ្លាតពន្លឺ ហើយពួកវាក៏មានពណ៌ងងឹត ដូច្នេះយើងពិបាកក្នុងការសង្កេតឃើញពួកគេ លើកលែងតែវាបានហោះមកក្បែរផែនដី”។ អាចម៍ផ្កាយ 2020 JJ បានហោះមកក្បែរផែនដីជាលើកទី6ហើយ បើរាប់ចាប់តាំងពីក្រុមតារាវិទូបានចាប់ផ្ដើមប្រមូលទិន្នន័យរបស់វាជាលើកដំបូងនៅឆ្នាំ1900។ 2020 JJ ហោះកាត់ប្រព័ន្ធព្រះអាទិត្យក្នុងល្បឿនប្រហែល51,500គីឡូម៉ែត្រ/ម៉ោង។ ក៏ប៉ុន្តែ ចម្ងាយពី 2020 JJ មកផែនដីនៅតែឆ្ងាយជាង20ដងបើធៀបនឹងចម្ងាយពីផែនដីទៅស្ថានីយអវកាសអន្តរជាតិ ដូច្នេះ 2020 JJ មិនងាយបង្កគ្រោះថ្នាក់ដល់មនុស្សជាតិនោះទេ។ ទីភ្នាក់ងារអវកាស NASA បានគន់គូរឃើញថា អាចម៍ផ្កាយនេះមានអង្កត់ផ្ចិតប្រហែល2.7ម៉ែត្រ-6ម៉ែត្រ។ កាលពីថ្ងៃទី29មេសាកន្លងទៅ … Read more

តំណាងរាស្ត្រអាមេរិកាំងស្នើឱ្យដាក់ឈ្មោះផ្លូវថា “Li Wenliang”

May 8, 2020May 8, 2020 by សឿន សំណាង

ក្រុមអ្នកតំណាងរាស្ត្ររបស់សហរដ្ឋអាមេរិក បានស្នើឱ្យដាក់ឈ្មោះផ្លូវមួយខ្សែដែលស្ថិតនៅខាងមុខស្ថានទូតចិននៅទីក្រុងវ៉ាស៊ីងតោន ទៅតាមឈ្មោះរបស់វេជ្ជបណ្ឌិត Li Wenliang ដ៏ល្បីឈ្មោះនៅក្នុងសម័យCOVID-19 ដែលបានស្លាប់ដោយសារវីរុសនេះ។ យោងតាមសំណើរបស់ក្រុមតំណាងរាស្ត្រអាមេរិកាំងកាលពីថ្ងៃទី7ឧសភា ផ្លូវមួយខ្សែនៅខាងមុខស្ថានទូតចិននឹងត្រូវប្ដូរពី “International Place” (ទីតាំងអន្តរជាតិ) ទៅជា “Li Wenliang Plaza” (ទីលាន Li Wenliang)។ Tom Cotton ដែលជាតំណាងរាស្ត្រមកពីបក្សសាធារណរដ្ឋ ថ្លែងថា “យើងនឹងធានាឱ្យបានថា ឈ្មោះ Li Wenliang នឹងមិនត្រូវបានគេបំភ្លេចចោល ដោយដាក់វាឱ្យស្ថិតនៅខាងមុខស្ថានទូតរបស់ប្រទេសដែលត្រូវទទួលខុសត្រូវចំពោះការស្លាប់របស់វេជ្ជបណ្ឌិត Li”។ សំណើនេះក៏ទទួលបានការគាំទ្រពីតំណាងរាស្ត្រនៃសភាជាន់ខ្ពស់ Marco Rubio ហើយត្រូវបានបញ្ជូនទៅសភាជាន់ខ្ពស់ដើម្បីអនុម័តផងដែរ។ Li Weliang គឺជាវេជ្ជបណ្ឌិតម្នាក់នៅមន្ទីរពេទ្យធំនៅ Wuhan (Central Hospital of Wuhan) ក្នុងខេត្ត Hebei ប្រទេសចិន ដែលជាមនុស្សម្នាក់ក្នុងចំណោមអ្នកដែលបានព្រមានដំបូងគេនៅលើបណ្ដាញសង្គម អំពីវីរុសប្រភេទថ្មី ដែលកំពុងឆ្លងរាលដាលនៅទីក្រុង Wuhan។ ប៉ូលិសបានកោះហៅវេជ្ជបណ្ឌិត Li ទាំងយប់ ហើយបង្ខំឱ្យចុះហត្ថលេខាទទួលស្គាល់កំហុស ក្រោយពីគាត់បានចែករំលែកព័ត៌មានខាងលើទៅឱ្យមិត្តភក្ដិ។ វីរុសខាងលើនោះ … Read more

អ្នកវិទ្យាសាស្ត្រចិនវាស់វែងកម្ពស់នៃកំពូលភ្នំអេវឺរ៉េសឡើងវិញ

May 8, 2020May 8, 2020 by សឿន សំណាង

ក្រុមអ្នកវិទ្យាសាស្ត្រដែលមានសមាជិកចំនួន53នាក់នឹងប្រើប្រាស់ប្រព័ន្ធកំណត់ទីតាំង(GPS)នៃផ្កាយរណប់ Beidou រួមនឹងឧបករណ៍សិក្សាស្រាវជ្រាវផ្សេងទៀតរបស់ចិន សម្រាប់បេសកកម្មវាស់វែងកំពូលភ្នំនេះឡើងវិញ។ ក្រុមអ្នកវិទ្យាសាស្ត្រចិនបានទៅដល់ជើងភ្នំនៅតំបន់ស្វយ័តទីបេត៍តាំងពីថ្ងៃទី2មីនាដើម្បីត្រៀមសម្រាប់បេសកកម្មវាស់វែងកម្ពស់របស់កំពូលភ្នំ អេវឺរ៉េស(Everest) នេះបើតាមសារព័ត៌មាន SCMP ចុះផ្សាយកាលពីថ្ងៃទី1ឧសភា។ កំពូលភ្នំអេវឺរ៉េសនៃជួរភ្នំហ៊ីម៉ាឡាយ៉ា ស្ថិតនៅចន្លោះព្រំដែនរបស់ប្រទេសនេប៉ាល់ និងប្រទេសចិន។ ប្រទេសទាំង2នេះ តាំងពីយូរយារណាស់មកហើយ តែងតែនិយាយមិនត្រូវគ្នាអំពីកម្ពស់នៃកំពូលភ្នំអេវ៉ឺរ៉េសនេះ ដែលប្រទេស1គិតទាំងស្រទាប់ទឹកកកនិងព្រិលដែលនៅពីលើកំពូលភ្នំ ចំណែកប្រទេស1ទៀតគិតត្រឹមតែថ្មដែលនៅខ្ពស់ជាងគេបង្អស់។ កាលពីឆ្នាំ2005 អ្នកវិទ្យាសាស្ត្រចិន1ក្រុមបានធ្វើការវាស់វែងកម្ពស់របស់កំពូលភ្នំនេះ ទាំងកម្ពស់ត្រឹមថ្ម និងកម្ពស់ត្រឹមព្រិលនៅពីខាងលើ។ ប្រទេសចិនបានប្រកាសថាកម្ពស់របស់កំពូលភ្នំអេវឺរ៉េសរាប់ត្រឹមថ្មដែលមានកម្ពស់8,844.43ម៉ែត្រគឺជាតួលេខត្រឹមត្រូវបំផុត គិតត្រឹមពេលនោះ។ ចំណែកប្រទេសនេប៉ាល់វិញ គិតថា គួរតែរាប់បញ្ចូលទាំងទឹកកកនៅពីខាងលើ ដែលនេះមានន័យថា វាមានកម្ពស់8,848ម៉ែត្រ។ នេះក៏ជាតួលេខដែលត្រូវបានប្រើប្រាស់ជាទូទៅនៅក្នុងពិភពលោក។ ក៏ប៉ុន្តែ ក្រុមអ្នកវិទ្យាសាស្ត្រយល់ថាទឹកកក និងព្រិលនៅលើកំពូលភ្នំប្រហែលជាបានថយចុះជាច្រើនសង់ទីម៉ែត្រ ក្រោយគ្រោះរញ្ជួយដីកម្លាំង7.8រិចទ័រកាលពីឆ្នាំ2015។ បម្រែបម្រួលនៃល្បឿនខ្យល់ក៏ប៉ះពាល់ដល់កម្ពស់របស់កំពូលភ្នំនេះដែរ។ កាលពីខែតុលាឆ្នាំមុន នៅក្នុងដំណើរទស្សនកិច្ចរបស់លោកស៊ី ជីនភីងទៅកាន់ប្រទេសនេប៉ាល់ ប្រទេសទាំង2បានយល់ព្រមសហការគ្នាលើបញ្ហាមួយចំនួន ក្នុងនោះក៏មានបញ្ហាទាក់ទិននឹងកំពូលភ្នំអេវឺរ៉េសផងដែរ។ ប្រទេសទាំង2ក៏បានចាត់ទុកថា កំពូលភ្នំនេះគឺជានិមិត្តរូបសម្រាប់មិត្តភាពរវាងប្រទេសចិន និងនេប៉ាល់ទៀតផង។ លទ្ធផលនៃការសិក្សាស្រាវជ្រាវថ្មីខាងលើនេះនឹងត្រូវបានប្រើប្រាស់សម្រាប់ការសិក្សាអំពីធរណីមាត្រ។ ទិន្នន័យស្ដីអំពីកម្រាស់ពិតប្រាកដរបស់ព្រិលលើកំពូលភ្នំ ល្បឿនខ្យល់ និងឧតុនិយមដែលប្រមូលបានពីការសិក្សាស្រាវជ្រាវនៅលើកំពូលភ្នំអេវឺរ៉េសនេះក៏នឹងជួយឱ្យអ្នកវិទ្យាសាស្ត្រតាមដានទន្លេទឹកកក ព្រមទាំងអាចការពារបរិស្ថានជីវសាស្ត្រផងដែរ៕ ប្រភព៖ សារព័ត៌មានបរទេស

សិស្សវៀតណាម បានត្រឡប់ទៅថ្នាក់រៀនវិញហើយ ក្រោយទីក្រុង និងសាលារៀនបានបើកឡើងវិញ

May 8, 2020 by ធឿន មករា

រយៈពេល 3ខែកន្លងផុតទៅ រដ្ឋាភិបាលប្រទេសវៀតណាម បានសម្រេចបញ្ចប់វិធានការបិទទីក្រុងរបស់ខ្លួន ហើយឥឡូវនេះ ប្រជាពលរដ្ឋនៃប្រទេសវៀតណាម បានចាប់ផ្ដើមវិលត្រឡប់ទៅកាន់ជីវិតធម្មតាដូចកាលពីមុនឡើងវិញ ប៉ុន្តែនៅតែរក្សាគម្លាតឆ្ងាយពីគ្នាខាងសង្គមឱ្យនៅដដែល។ យោងតាមទីភ្នាក់ងារព័ត៌មាន CNN បានឱ្យដឹងថា សិស្សវៀតណាមប្រមាណជា 22លាននាក់ បានវិលត្រឡប់ទៅកាន់ថ្នាក់រៀនរបស់ពួកគេវិញហើយ ក្រោយពីការបិទទីក្រុងដោយសារវិបត្តិវីរុសកូវីដ-19 ត្រូវបានបញ្ចប់។ ជាមួយគ្នានេះ សាលារៀនដែលបានបើកឱ្យដំណើរការ បានរៀបចំតុអង្គុយឡើងវិញ ដោយដាក់ឱ្យនៅឃ្លាតឆ្ងាយពីគ្នា ហើយថ្នាក់មួយចំនួន ត្រូវបំបែកទៅជាថ្នាក់តូចៗ។ ដោយឡែកនៅសាលាបឋមសិក្សា Nhi Dong គេសង្កេតឃើញថា សិស្សសាលានាំគ្នាពាក់របាំងមុខដើម្បីការពារការឆ្លងវីរុសកូរ៉ូណា ឬវីរុសកូវីដ-19។ មកទល់ពេលនេះ វៀតណាមបានក្លាយជាប្រទេសដំបូងគេនៅតំបន់អាស៊ីអាគ្នេយ៍ ដែលបានបន្ធូរបន្ថយការបិទទីក្រុង ខណៈដែលចំនួនអ្នកឆ្លងសរុប ក្នុងប្រទេសនេះមានចំនួន 271នាក់ ដោយក្នុងនោះ 232នាក់ ត្រូវបានព្យាបាលជាសះស្បើយ ហើយមិនមានអ្នកស្លាប់នោះទេ៕ សូមទស្សនា ទិដ្ឋភាពខាងក្រោមនេះ គឺសិស្សវៀតណាម បានត្រឡប់ទៅកាន់ថ្នាក់រៀន ក្រោយពីទីក្រុង និងសាលារៀនបានបើកឡើងវិញ…៖

អ្នកបម្រើផ្ទាល់របស់លោក Trump ឆ្លងវីរុសCOVID-19

May 8, 2020 by សឿន សំណាង

ទាហានជើងទឹកអាមេរិកាំងម្នាក់ដែលបម្រើការជូនប្រធានាធិបតីនៅសេតវិមាន ត្រូវបានរកឃើញថាវិជ្ជមានជាមួយCOVID-19 ដែលនេះកំពុងតែបង្កការព្រួយបារម្ភយ៉ាងខ្លាំងចំពោះហានិភ័យនៃការចម្លងមេរោគទៅប្រធានាធិបតី Donald Trump។ “ថ្មីៗនេះ យើងទទួលបានរបាយការណ៍ពីសេតវិមានដែលបានប្រកាសថា សមាជិកម្នាក់របស់កងទ័ពសហរដ្ឋអាមេរិក ដែលធ្វើការនៅក្នុងសេតវិមាន បានឆ្លងវីរុសCOVID-19” ជំនួយការផ្នែកសារព័ត៌មានប្រចាំសេតវិមាន លោក Hogan Gidley បានឱ្យដឹងនៅក្នុងថ្ងៃនេះ។ ទាហានដែលបានឆ្លងមេរោគកូរ៉ូណានេះគឺជាសមាជិកនៃក្រុមអ្នកបម្រើនៅសេតវិមាន។ ក្រុមនេះគឺជាអង្គភាពពិសេសរបស់កងទ័ពជើងទឹកសហរដ្ឋអាមេរិកដែលមានជំនាញក្នុងផ្នែកបម្រើការនៅសេតវិមាន និងតែងតែធ្វើកិច្ចការដែលនៅក្បែរៗប្រធានាធិបតី Donald Trump ក៏ដូចជាក្រុមគ្រួសាររបស់លោក។ ទាហានខាងលើនេះ មានរោគសញ្ញានៃជំងឺកូរ៉ូណាកាលពីព្រឹកថ្ងៃទី6ឧសភា ហើយត្រូវបានធ្វើតេស្តរកឃើញថាមានផ្ទុកវីរុសCOVID-19។ ប្រភពព័ត៌មានមួយបានឱ្យដឹង លោក Trump មានអារម្មណ៍ស្រងូតស្រងាត់ខ្លាំង នៅពេលបានដឹងដំណឹងនេះ។ ភ្លាមនោះ លោក Trump ក៏ត្រូវបានក្រុមវេជ្ជបណ្ឌិតនៅសេតវិមានជួយធ្វើតេស្តរកមេរោគ។ លោក Hogan Gidley បានឱ្យដឹងថា “ប្រធានាធិបតី និងអនុប្រធានាធិបតី សុទ្ធតែត្រូវបានធ្វើតេស្តរកមេរោគរួចហើយ និងទទួលបានលទ្ធផលអវិជ្ជមានជាមួយវីរុសនេះ។ បច្ចុប្បន្ន សុខភាពរបស់លោកទាំង2 មិនមានបញ្ហាអ្វីនោះទេ”។ នៅសេតវិមាន លោក Trump និងអនុប្រធានាធិបតី Mike Pence រួមនឹងបុគ្គលិកជាន់ខ្ពស់ទាំងអស់ សុទ្ធតែត្រូវធ្វើតេស្តរក COVID-19 ជារៀងរាល់សប្ដាហ៍។ សេតវិមានកំពុងប្រើប្រាស់ឧបករណ៍ធ្វើតេស្តឈ្មោះ … Read more

បណ្ដាប្រទេសនៅអាស៊ីអាគ្នេយ៍ដែលមានអ្នកស្លាប់ច្រើនដោយសារវីរុសCOVID-19

May 8, 2020 by សឿន សំណាង

បណ្ដាប្រទេសនៅអាស៊ីអាគ្នេយ៍ដែលមានអ្នកស្លាប់ច្រើនដោយសារCOVID-19

តំបន់អាស៊ីអាគ្នេយ៍ដែលមាន11ប្រទេស បានរកឃើញអ្នកជំងឺCOVID-19សរុបឡើងដល់54,076នាក់ ក្នុងនោះមានអ្នកជំងឺថ្មីចំនួន1,463នាក់។ អ្នកស្លាប់សរុបក្នុងតំបន់នេះក៏បានឡើងដល់1,805នាក់។ សិង្ហបុរីគឺជាសម្បុកមេរោគកូរ៉ូណាធំជាងគេបង្អស់ក្នុងតំបន់អាស៊ីអាគ្នេយ៍នេះ ដោយមានអ្នកជំងឺសរុប20,939នាក់ និងអ្នកស្លាប់ចំនួន20នាក់។ ឥណ្ឌូនេស៊ីឈរលំដាប់លេខពីរបើគិតទៅលើចំនួនអ្នកជំងឺសរុប ប៉ុន្តែឈរលេខមួយបើគិតអំពីតួលេខអ្នកស្លាប់ ដោយមានអ្នកជំងឺសរុប12,776នាក់ និងអ្នកស្លាប់សរុប930នាក់។ រីឯប្រទេសហ្វីលីពីនវិញគឺជាសម្បុកមេរោគធំជាងគេទីបី ដោយមានអ្នកជំងឺសរុប10,343នាក់ និងអ្នកស្លាប់មានចំនួន685នាក់។ ចំណែកប្រទេសវៀតណាម កម្ពុជា ឡាវ និងទីម័រខាងកើត គឺជាបណ្ដាប្រទេសក្នុងតំបន់អាស៊ីអាគ្នេយ៍ដែលមិនទាន់មានករណីស្លាប់ដោយសារវីរុសCOVID-19នៅឡើយ៕ ប្រភព៖ សារព័ត៌មានបរទេស

ជាង3.9លាននាក់ឆ្លងវីរុសCOVID-19 នៅទូទាំងពិភពលោក

May 8, 2020 by សឿន សំណាង

វីរុសCOVID-19 បានសម្លាប់មនុស្សជាង270,000នាក់ ក្នុងចំណោមអ្នកជំងឺជាង3.9លាននាក់ នៅទូទាំងពិភពលោក។ ប្រទេសនិងដែនដីចំនួន212ក្នុងពិភពលោក គិតមកដល់ថ្ងៃនេះ(8ឧសភា) មានអ្នកឆ្លងវីរុសCOVID-19 សរុប3,915,974នាក់ និងអ្នកស្លាប់សរុប270,297នាក់។ អ្នកជំងឺកើន97,410នាក់ និងអ្នកស្លាប់កើន6,188នាក់បើធៀបនឹងតួលេខម្សិលមិញ។ អ្នកជំងឺដែលបានជាសះស្បើយក៏បានកើនដល់1,335,241នាក់ហើយដែរ។ នេះបើតាមស្ថិតិរបស់ WorldMeters។ ទ្វីបអាមេរិកគឺជាសម្បុកមេរោគធំបង្អស់ក្នុងពិភពលោក ក្នុងនោះអាមេរិកខាងជើងមានអ្នកជំងឺសរុប1,411,447នាក់ អាមេរិកខាងត្បូងមាន267,787នាក់ ខណៈទ្វីបអឺរ៉ុបមាន1,553,700នាក់ អាស៊ីមាន618,505នាក់ និងអាហ្វ្រិកមាន55,319នាក់។ សហរដ្ឋអាមេរិកនៅតែជាសម្បុកមេរោគកូរ៉ូណាធំជាងគេបង្អស់ក្នុងពិភពលោក ដោយមានអ្នកជំងឺសរុប1,290,242នាក់ និងអ្នកស្លាប់សរុប76,864នាក់ ក្នុងមានអ្នកជំងឺថ្មីចំនួន32,191នាក់ និងអ្នកស្លាប់ថ្មីមានចំនួន2,674នាក់។ ប្រទេសដែលមានអ្នកជំងឺCOVID-19 សរុបលើសពី100,000នាក់ មាន10ប្រទេស គឺសហរដ្ឋអាមេរិក អេស្ប៉ាញ អ៊ីតាលី អង់គ្លេស រុស្ស៊ី បារាំង អាល្លឺម៉ង់ ប្រេស៊ីល ទួរគី និងអ៊ីរ៉ង់។ ចំណែកប្រទេសដែលមានអ្នកស្លាប់លើសពី 10,000នាក់ រួមមាន5ប្រទេស គឺសហរដ្ឋអាមេរិក អង់គ្លេស អ៊ីតាលី អេស្ប៉ាញ និងប្រទេសបារាំង៕ ប្រភព៖ សារព័ត៌មានបរទេស

អ្នកដែលធ្លាប់ឆ្លង COVID-19 ត្រូវបានហាមមិនឱ្យចូលធ្វើទាហានអស់មួយជីវិត

May 7, 2020 by សឿន សំណាង

សហរដ្ឋអាមេរិក៖ “អ្នកដែលធ្លាប់បានឆ្លងវីរុសCOVID-19 នឹងលែងមានឱកាសចូលបម្រើការក្នុងជួរកងទ័ពអស់មួយជីវិត បើទោះបីពួកគេបានព្យាបាលជាសះស្បើយហើយក៏ដោយ” នេះបើតាមប្រភពព័ត៌មានពីមន្ទីរបញ្ចកោណ។ បទបញ្ជាផ្ទៃក្នុងរបស់បញ្ជាការដ្ឋានគ្រប់គ្រងការជ្រើសរើសទាហានថ្មីនៃកងទ័ពសហរដ្ឋអាមេរិក MEPCOM (United States Military Entrance Processing Command) ដែលត្រូវបានបង្ហោះនៅលើបណ្ដាញសង្គម Twitter កាលពីម្សិលមិញបានឱ្យដឹងថា ”នៅក្នុងដំណាក់កាលវាយតម្លៃឯកសារ និងពិនិត្យសុខភាព អ្នកដែលធ្លាប់ឆ្លងវីរុសCOVID-19 ដែលត្រូវបានបញ្ជាក់ដោយលិខិតធ្វើតេស្តសុខភាព ឬការធ្វើរោគវិនិច្ឆ័យនៅឯមន្ទីរពេទ្យ នឹងត្រូវបានបដិសេធជារៀងរហូត”។ អ្នកនាំពាក្យមន្ទីរបញ្ចកោណ លោកស្រី Jessica Maxwell បានទទួលស្គាល់ខ្លឹមសារនៅក្នុងបទបញ្ជាផ្ទៃក្នុងនោះ ប៉ុន្តែបានអះអាងថា អ្នកធ្លាប់ឆ្លងមេរោគCOVID-19 អាចដាក់ពាក្យសុំការលើកលែងដើម្បីអាចបានចូលបម្រើការក្នុងជួរកងទ័ព ប៉ុន្តែ មកដល់ពេលនេះមិនទាន់មានបទបញ្ជាថ្មីស្ដីអំពីករណីលើកលែងនៅឡើយ ហើយ MEPCOM មិនមានសិទ្ធិក្នុងការអនុញ្ញាតឱ្យមានករណីលើកលែងនោះទេ។ មន្ត្រីក្រសួងការពារជាតិសហរដ្ឋអាមេរិកបានបដិសេធមិនអធិប្បាយអំពីមូលហេតុនៃការហាមឃាត់នេះ ខណៈដែលអ្នកធ្លាប់មានជំងឺដែលបង្កឡើងដោយវីរុសដទៃ នៅតែអាចចូលបម្រើការក្នុងកងទ័ពជាធម្មតា។ COVID-19 បានបង្ហាញខ្លួននៅក្នុងប្រទេសនិងដែនដីជាង210ក្នុងពិភពលោក បណ្ដាលឱ្យមនុស្សជាង3.8លាននាក់ឆ្លងមេរោគ និង265,000នាក់បានបាត់បង់ជីវិត។ សហរដ្ឋអាមេរិកគឺជាសម្បុកមេរោគកូរ៉ូណាធំជាងគេក្នុងពិភពលោក ដោយមានអ្នកជំងឺជិត1.3លាននាក់។ ដោយឡែក កងទ័ពអាមេរិកាំងជិត5,000នាក់បានឆ្លងវីរុសនេះដែរ ក្នុងនោះមាន100នាក់ត្រូវចូលព្យាបាលនៅមន្ទីរពេទ្យ និង2នាក់បានបាត់បង់ជីវិត៕ ប្រភព៖ សារព័ត៌មានបរទេស

យ៉ាងហោច8នាក់បានស្លាប់ ជាច្រើននាក់សន្លប់តាមដងផ្លូវ ខណៈ5,000នាក់រងគ្រោះ ដោយសារជ្រាបឧស្ម័នហ្គាសនៅឥណ្ឌា

May 7, 2020 by សឿន សំណាង

ករណីជ្រាបឧស្ម័នហ្គាសដ៏ធំមួយនៅក្នុងរោងចក្រគីមី LG Polymer ក្នុងរដ្ឋ Andhra Pradesh ប្រទេសឥណ្ឌា បណ្ដាលឱ្យមនុស្សជាច្រើនដួលសម្លប់នៅលើដងផ្លូវ និងជាង1,000នាក់ត្រូវបញ្ជូនទៅកាន់មន្ទីរពេទ្យសង្គ្រោះបន្ទាន់។ ហេតុការណ៍នេះបានកើតឡើងនៅក្នុងរោងចក្រផលិតគីមីមួយនៅក្នុងទីក្រុង Visakhapatnam នៅវេលាម៉ោង2និង30នាទីទៀបភ្លឺនៃថ្ងៃទី7ឧសភានេះ (ម៉ោង4ទៀបភ្លឺនៅកម្ពុជា) នៅពេលដែលឧស្ម័នហ្គាសបានជ្រាបចេញពីអាងផ្ទុកគីមី5,000តោន ដោយសារតែមិនបានត្រួតពិនិត្យចាប់ពីខែមិនាព្រោះបញ្ហា COVID-19។ ហេតុការណ៍នេះបានបណ្ដាលឱ្យមានមនុស្សស្លាប់យ៉ាងតិច5នាក់ ខណៈដែល20នាក់ផ្សេងទៀតកំពុងសង្គ្រោះបន្ទាន់។ សមត្ថកិច្ចឱ្យដឹងថា ចំនួនអ្នកស្លាប់នឹងកើនឡើងបន្តទៀត។ ជនរងគ្រោះប្រមាណជា1,000នាក់ ត្រូវបានបញ្ជូនទៅកាន់មន្ទីរពេទ្យ ដោយមានអាការឈឺក្បាល ក្អួត និងពិបាកដកដង្ហើម។ មនុស្សមួយចំនួនក៏បាននិយាយថា ពួកគេស្រវាំងភ្នែក និងរមាស់ស្បែកផងដែរ។ ប៉ុន្តែ India Times បានឱ្យដឹងថា មនុស្សយ៉ាងតិច8នាក់បានស្លាប់ និង5,000នាក់បានធ្លាក់ខ្លួនឈឺ។ ហេតុការណ៍នេះក៏បាននាំឱ្យប្រជាជនដែលរស់នៅក្នុងរង្វង់ចម្ងាយ3គមពីរោងចក្រគីមីខាងលើ មានការភ័យស្លន់ស្លោផងដែរ៕ ប្រភព៖ AFP, India Times