អន្តរជាតិ - La Reine Media

វិវឌ្ឍន៍រយៈពេល 10 នៃនយោបាយមីយ៉ានម៉ា មុនកងទ័ពវិលចូលកាន់អំណាចនៅថ្ងៃនេះ

កងទ័ពភូមា ឬមីយ៉ានម៉ា បានចាប់ខ្លួនទីប្រឹក្សាជាតិ លោកស្រី Suu Kyi និងបានធ្វើរដ្ឋប្រហារ ក្រោយពីបានបោះបង់អំណាចផ្ដាច់ការអស់រយៈពេលជិត 5 ទសវត្សរ៍នៅប្រទេសនេះ។

ឆ្នាំ 2010 រដ្ឋាភិបាលដែលគ្រប់គ្រងដោយកងទ័ពមីយ៉ានម៉ា បានធ្វើការបោះឆ្នោតនៅដើមខែវិច្ឆិកា ក្នុងនោះ គណបក្សសាមគ្គីភាពនិងអភិវឌ្ឍន៍សហភាពមីយ៉ាន់ម៉ា (USDP) ដែលគាំទ្រដោយកងទ័ពបានប្រកាសជ័យជំនះ។ ប៉ុន្តែ គណបក្សសម្ព័ន្ធដើម្បីប្រជាធិបតេយ្យមីយ៉ានម៉ា (NLD) និងបក្សផ្សេងៗទៀត បានប្រកាសមិនចូលរួម។ ក្រុមអ្នកសង្កេតការបោះឆ្នោតចាត់ទុកថា នេះគឺជាការបោះឆ្នោតអយុត្តិធម៌។

ជិតមួយសប្ដាហ៍ក្រោយការបោះឆ្នោត លោកស្រី Aung San Suu Kyi ត្រូវបានដោះលែង បន្ទាប់ពីត្រូវជាប់ឃុំក្នុងផ្ទះរយៈពេល 16 ឆ្នាំ។

ឆ្នាំ 2011 រដ្ឋាភិបាលបានផ្ទេរអំណាចទៅឱ្យរដ្ឋាភិបាលពាក់កណ្ដាលស៊ីវិលមួយរបស់អតីតឧត្តមសេនីយ៍ Thein Sein ដែលជាអ្នកមានបំណងធ្វើកំណែទម្រង់។ សិទ្ធិជាមូលដ្ឋានមួយចំនួនត្រូវបានស្ដារឡើងវិញ ក្នុងនោះមានដូចជា ការដកការរឹតបន្តឹងក្នុងការជួបជុំ និងសំដែងមតិជាដើម។

ឆ្នាំ 2012 បក្ស NLD ដណ្ដើមបាន 43 ក្នុងចំណោម 45 កៅអីនៅសភាក្នុងការបោះឆ្នោតខែមេសា ហើយលោកស្រី Suu Kyi ក៏បានក្លាយជាតំណាងរាស្ត្រនៅសភា។ អាមេរិក និងអឺរ៉ុបបានចាប់ផ្ដើមដកការដាក់ទណ្ឌកម្មលើមីយ៉ានម៉ា ភ្លាមនោះ បណ្ដាក្រុមហ៊ុនអឺរ៉ុបក៏បានចាប់ផ្ដើមសម្រុកចូលរកស៊ីក្នុងប្រទេសនេះ។ Barack Obama បានក្លាយជាប្រធានាធិបតីអាមេរិកដំបូងគេដែលបានមកធ្វើទស្សនកិច្ចប្រទេសមីយ៉ានម៉ា។

ឆ្នាំ 2015 NLD ទទួលបានជ័យជំនះច្រើនលើសលុបក្នុងការបោះឆ្នោតជាតិ។ អគ្គមេបញ្ជាការកងទ័ពមីយ៉ានម៉ា លោក Min Aung Hlaing បានជូនពរលោកស្រី Suu Kyi និងបក្សរបស់លោកស្រី។

ឆ្នាំ 2016 NLD ចូលដឹកនាំប្រទេស ហើយលោកស្រី Suu Kyi ក៏ធ្វើជាទីប្រឹក្សាជាតិ ដែលតាមពិតវាគ្រាន់តែជាតំណែងមួយដើម្បីធ្វើឱ្យស្របរដ្ឋធម្មនុញ្ញដែលហាមលោកស្រីឡើងកាន់តំណែងប្រធានាធិបតីតែប៉ុណ្ណោះ។

ឆ្នាំ 2017 មេធាវីកាន់សាសនាអ៊ីស្លាម ឈ្មោះ Ko Ni ដែលជាអ្នករិះគន់មិនសំច័យមាត់ទៅលើកងទ័ព និងជាទីប្រឹក្សារបស់លោកស្រី Suu Kyi ត្រូវបានគេធ្វើឃាតនៅក្នុងទីក្រុង Yangon។ មនុស្សរាប់ពាន់នាក់បានចូលរួមពិធីបុណ្យសពរបស់លោក។

ថ្ងៃទី 25 សីហា កងទ័ពមីយ៉ានម៉ាបានធ្វើការកៀបសង្កត់ពលរដ្ឋនៅក្នុងរដ្ឋ Rakhine ដើម្បីឆ្លើយតបនឹងក្រុមឧទ្ទាម បណ្ដាលឱ្យក្រុមជនជាតិភាគតិច Rohingya ត្រូវភៀសខ្លួនទៅតាមបន្ទាប់ព្រំដែនជាមួយនឹងបង់ក្លាដែស។

ឆ្នាំ 2018 អ្នកយកព័ត៌មានរបស់ Reuters 2 រូប ត្រូវបានចាប់ឃុំខ្លួន ក្រោមបទចោទថា បានរំលោភលើកិច្ចការសម្ងាត់របស់ប្រទេសមីយ៉ានម៉ា នៅពេលពួកគេរាយការណ៍អំពីករណីសម្លាប់រង្គាលលើជនជាតិ Rohingya។ អ្នកយកព័ត៌មានទាំងនេះត្រូវឃុំខ្លួនរយៈពេល 500 ថ្ងៃ មុនពេលត្រូវបានដោះលែងទៅតាមបទបញ្ជារបស់ប្រធានាធិបតី។

ឆ្នាំ 2019 សហរដ្ឋអាមេរិកបានប្រកាសដាក់ទណ្ឌកម្មចំពោះមេបញ្ជាការកងទ័ព និងមន្ត្រីយោធាចំនួន 3 រូបផ្សេងទៀត។ Gambia បានដាក់ពាក្យប្ដឹងឡើងទៅកាន់តុលាការយុត្តិធម៌របស់អង្គការសហប្រជាជាតិ ដោយចោទមីយ៉ានម៉ាពីបទប្រល័យពូជសាសន៍។ លោកស្រី Suu Kyi បានធ្វើការការពារភាគីមីយ៉ានម៉ានៅតុលាការក្នុងទីក្រុង The Hague នៃប្រទេសហូឡង់។

បណ្ដឹងចំនួន 2 ផ្សេងទៀតក៏ត្រូវធ្វើឡើងដើម្បីប្រឆាំងនឹងមីយ៉ានម៉ា រួមមានទាំងការស៊ើបអង្កេតរបស់តុលាព្រហ្មទណ្ឌអន្តរជាតិ (ICJ) ផងដែរ។

ឆ្នាំ 2020 ICJ បានទាត់ចោលការបង្ហាញអំពីភាពត្រឹមត្រូវពីសំណាក់លោកស្រី Suu Kyi និងចេញបញ្ជាឱ្យមីយ៉ានម៉ាអនុវត្តវិធានការដើម្បីចៀសវាងការចោទប្រកាន់អំពីបទប្រល័យពូជសាសន៍។

ហេដ្ឋារចនាសម្ព័ន្ធសុខាភិបាលរបស់ប្រទេសនេះ ត្រូវបាន Covid-19 បំផ្លិចបំផ្លាញ បណ្ដាលឱ្យមានមនុស្សជាង 140,000 នាក់បានឆ្លង Covid-19 ក្នុងនោះមានជាង 3,000 នាក់បានស្លាប់។

មីយ៉ានម៉ាបោះឆ្នោតប្រជាធិបតេយ្យលើកទីពីរ ប៉ុន្តែតំបន់មួយចំនួនដែលសម្បូរជនជាតិភាគតិច មិនបានចូលរួមបោះឆ្នោត ដោយសារមានការប្រយុទ្ធគ្នាយ៉ាងខ្លាំងក្លា រវាងក្រុមឧទ្ទាម និងកងទ័ព។ NLD ត្រូវបានគេព្យាករថា នឹងទទួលជ័យជំនះ។

ឆ្នាំ 2021 ក្រោយពីបានចោទប្រកាន់ថា មានបញ្ហាមិនប្រក្រតីមួយចំនួនកើតឡើងនៅក្នុងការបោះឆ្នោត ប៉ុន្តែត្រូវបានបដិសេធដោយអាជ្ញាធរ កងទ័ពមីយ៉ានម៉ាក៏បានសម្រេចចាប់ខ្លួនលោកស្រី Suu Kyi រួមនឹងប្រធានាធិបតី Win Myint និងក្រុមមេដឹកនាំជាន់ខ្ពស់ជាច្រើនរូបទៀតរបស់បក្ស NLD នៅវេលាទៀបភ្លឺនាថ្ងៃទី 1 មករា ក្នុងគ្រាដែលសភាកំពុងត្រៀមបើកកិច្ចប្រជុំលើកដំបូង។

បន្ទាប់មក កងទ័ពមីយ៉ានម៉ាក៏បានដាក់ប្រទេសឱ្យស្ថិតក្នុងស្ថានភាពអាសន្នរយៈពេលមួយឆ្នាំ និងបានតែងតាំងអតីតឧត្តមសេនីយ៍ម្នាក់ឱ្យធ្វើជាប្រធានាធិបតីស្ដីទី ដើម្បីរក្សាស្ថិរភាព។

អគ្គលេខាធិការអង្គការសហប្រជាជាតិ បានប្រឆាំងនឹងការដែលកងទ័ពមីយ៉ានម៉ាចាប់ខ្លួនទីប្រឹក្សាជាតិ លោកស្រី Suu Kyi ដោយយល់ថា នេះគឺជាការសំពងទៅលើដំណើរការនៃកំណែទម្រង់លទ្ធិប្រជាធិបតេយ្យ។

រដ្ឋាភិបាលប្រធានាធិបតី Joe Biden ក៏បានព្រមានមីយ៉ានម៉ាថា មិនត្រូវព្យាយាមកែប្រែលទ្ធផលបោះឆ្នោត ហើយថា នឹងធ្វើសកម្មភាពបើសិនដំណើរទៅរកប្រជាធិបតេយ្យត្រូវបានរាំងខ្ទប់។

ក្រៅពីនេះ ប្រទេសជប៉ុន អូស្ត្រាលី និងចិន ជាដើម ក៏បានថ្កោលទោស ឬអំពាវនាវឱ្យមីយ៉ានម៉ាវិលទៅរកគន្លងផ្លូវមុនការរដ្ឋប្រហារនេះផងដែរ៕

ប្រភព៖ AFP

February 1, 2021

មូលហេតុដែលនាំឱ្យកងទ័ពមីយ៉ានម៉ា ឈានដល់ការធ្វើ «រដ្ឋប្រហារ» ដើម្បីឡើងកាន់អំណាចជាថ្មី

កងទ័ពមីយ៉ានម៉ាបានបង្ហើបឱ្យដឹងអំពីសញ្ញាដំបូងនៃការធ្វើរដ្ឋប្រហាររបស់ខ្លួនកាលពីសប្ដាហ៍មុន ក្រោយពីបានចោទប្រកាន់ថា មានការលួចបន្លំនៅក្នុងការបោះឆ្នោតកាលពីខែវិច្ឆិកា ឆ្នាំ 2020។

មេដឹកនាំមីយ៉ានម៉ា លោកស្រី Aung San Suu Kyi និងក្រុមមន្ត្រីជាន់ខ្ពស់របស់បក្សកាន់អំណាច ត្រូវបានកងទ័ពប្រទេសនេះឆ្មក់ចូលចាប់ខ្លួនកាលពីវេលាទៀបភ្លឺនៃថ្ងៃទី 1 ខែកុម្ភៈ។ សកម្មភាពនេះត្រូវបានធ្វើឡើងក្រោយមានការព្រមានកាលពីសប្ដាហ៍មុនថា ពួកគេអាចនឹងធ្វើរដ្ឋប្រហារ បន្ទាប់ពីបានចោទប្រកាន់ថាមានការលួចបន្លំសន្លឹកឆ្នោត។

គណបក្សសម្ព័ន្ធជាតិដើម្បីលទ្ធិប្រជាធិបតេយ្យ (National League for Democracy/NLD) របស់លោកស្រី Suu Kyi ដែលជាអតីតអ្នកទោសនយោបាយ និងជាអ្នកនាំមុខគេក្នុងការតស៊ូដ៏យូរអង្វែងប្រឆាំងនឹងរបបផ្ដាច់ការ ដណ្ដើមបាន 85% នៃកៅអីសភា នៅក្នុងការបោះឆ្នោតកាលពីថ្ងៃទី 8 វិច្ឆិកា ឆ្នាំ 2020។

លោកស្រី Suu Kyi អាយុ 75 ឆ្នាំ ដែលធ្លាប់ទទួលបានពានរង្វាន់ Nobel សន្តិភាពកាលពីឆ្នាំ 1991 បានឡើងកាន់អំណាចបន្ទាប់ពីទទួលបានជ័យជំនះក្នុងការបោះឆ្នោតកាលពីឆ្នាំ 2015 ក្រោយពីត្រូវបានជាប់ឃុំក្នុងផ្ទះអស់ជាច្រើនទសវត្សរ៍ ក្នុងការតស៊ូដើម្បីប្រជាធិបតេយ្យ។

កងទ័ពមីយ៉ានម៉ា ដែលត្រូវបានគេហៅថា Tatmadaw យល់ថា ខ្លួនគឺជាក្រុមអ្នកការពារឯកភាពជាតិ និងរដ្ឋធម្មនុញ្ញ។ ពួកគេមានតួនាទីធំក្នុងប្រព័ន្ធនយោបាយ។

កងទ័ពមីយ៉ានម៉ាទទួលបានកៅអីសភាចំនួន 25% ដោយមិនចាំបាច់ឆ្លងកាត់ការបោះឆ្នោត និងគ្រប់គ្រងក្រសួងការពារជាតិ ក្រសួងមហាផ្ទៃ និងព្រំដែន។ ប្រការនេះហើយ ធ្វើឱ្យការចែករំលែកអំណាចជាមួយនឹងបក្សរបស់លោកស្រី Suu Kyi មានការលំបាក ដោយសារតែសមាជិកជាច្រើនរូបរបស់បក្សប្រជាធិបតេយ្យមួយនេះធ្លាប់ជាប់ពន្ធនាគារក្រោមរបបរបស់រដ្ឋាភិបាលយោធាចាស់។

ក្រោយការបោះឆ្នោត កងទ័ពមីយ៉ានម៉ាបានចោទប្រកាន់ថា ការបោះឆ្នោតឆ្នាំ 2020 មានអំពើលួចបន្លំសន្លឹកឆ្នោត ដោយលើកឡើងអំពីភាពមិនប្រក្រតីមួយចំនួន ដូចជា មានឈ្មោះស្ទួន និងមិនពេញចិត្តនឹងការប្រតិកម្មរបស់គជបនៃប្រទេសនេះ ចំពោះការតវ៉ារបស់ពួកគេ។ ភាគីកងទ័ពមិនបានបង្ហាញឱ្យដឹងថា ការលួចបន្លំសន្លឹកនោះមានទំហំកម្រិតណានោះទេ។

គណបក្សសាមគ្គីភាពនិងអភិវឌ្ឍន៍សហភាពមីយ៉ាន់ម៉ា (USDP) ជាបក្សកាន់អំណាចមុននេះ និងជាបក្សដែលត្រូវបានកងទ័ពបង្កើតឡើងមុនពេលផ្ទេរអំណាចកាលពីឆ្នាំ 2011 ក៏បានតវ៉ាអំពីបញ្ហាស្រដៀងគ្នានេះដែរអំពីការបោះឆ្នោត។ បក្ស USDP ត្រូវបានគេចាត់ទុកថា ជាបក្សតំណាងឱ្យកងទ័ព ទទួលបានត្រឹមតែ 33 កៅអីប៉ុណ្ណោះ ក្នុងចំណោម 476 កៅអីនៅសភា។

Suu Kyi មិនទាន់មានការអធិប្បាយអ្វីអំពីជ័យជំនះរបស់ NLD ក៏ដូចជាការតវ៉ារបស់កងទ័ព ប៉ុន្តែ NLD យល់ថា ការចោទប្រកាន់របស់កងទ័ពគឺជារឿងដែលគ្មានមូលដ្ឋាន។

ក្រុមអ្នកសង្កេតការបោះឆ្នោតបានឱ្យដឹងថា ពុំមានបញ្ហាមិនប្រក្រតីធ្ងន់ធ្ងរនោះទេ។ គជបប្រទេសមីយ៉ានម៉ា កាលពីថ្ងៃទី 28 មករា ក៏បាននិយាយថា មិនមានកំហុសឆ្គងណាមួយដែលអាចត្រូវបានចាត់ទុកថាជាការលួចបន្លំសន្លឹកឆ្នោត ឬបណ្ដាលឱ្យការបោះឆ្នោតត្រូវបាត់បង់ទំនុកចិត្តនោះដែរ។

ជាសរុប ការធ្វើរដ្ឋប្រហាររបស់កងទ័ពមីយ៉ានម៉ា គឺមានមូលហេតុមិនសមរម្យ នោះគឺ ការលួចបន្លំសន្លឹកឆ្នោតនៅក្នុងការបោះឆ្នោតជាតិ កាលពីខែវិច្ឆិកា ឆ្នាំ 2020៕

ប្រភព៖ Reuters

February 1, 2021

ពលរដ្ឋមីយ៉ានម៉ា នាំគ្នាសម្រុកទៅដកប្រាក់ពី ATM ក្រោយ «រដ្ឋប្រហារ» របស់កងទ័ព

ផ្លូវនានាក្នុងទីក្រុង Yangon មានសភាពស្ងប់ស្ងាត់ ក្រោយពីកងទ័ពបានចាប់ខ្លួនក្រុមមេដឹកនាំរដ្ឋាភិបាលរបស់លោកស្រី Aung San Suu Kyi ខណៈដែលប្រជាជនជាច្រើននាំគ្នាសម្រុកទៅដកប្រាក់ពីទូ ATM មុនពេលធនាគារផ្អាកដំណើរការ។

«ផ្លូវក្នុងរដ្ឋធានី Yangon នៅរៀងរាល់ព្រឹកដើមសប្ដាហ៍ តែងតែមានមនុស្សអ៊ូអរ ប៉ុន្តែពេលនេះមានសភាពស្ងាត់ជ្រងំ ដោយសារមនុស្សម្នាខ្លាច មិនហ៊ានចេញពីផ្ទះ ក៏ប៉ុន្តែ នៅតែមានពលរដ្ឋជាច្រើននាំគ្នាចេញទៅកាន់ទូ ATM ដើម្បីដកប្រាក់» អ្នកយកព័ត៌មាន May Wong របស់ទីភ្នាក់ងារសារព័ត៌មាន CNA បានឱ្យដឹងដូច្នេះនាព្រឹកថ្ងៃទី 1 ខែកុម្ភៈនេះ។

សកម្មភាពខាងលើនេះបានកើតឡើងបន្ទាប់ពីកងទ័ពមីយ៉ានម៉ា ប្រកាសថា បានចាប់ខ្លួនទីប្រឹក្សាជាតិ លោកស្រី Aung San Suu Kyi និងប្រធានាធិបតី Win Myint រួមនឹងមេដឹកនាំជាន់ខ្ពស់ជាច្រើនរូបទៀតរបស់បក្សកាន់អំណាច។ កងទ័ពក៏បានប្រកាសដាក់ប្រទេសឱ្យស្ថិតក្នុងស្ថានភាពអាសន្ន ដើម្បីដឹកនាំប្រទេសក្នុងរយៈពេលមួយឆ្នាំ។

ពលរដ្ឋមីយ៉ានម៉ា នាំគ្នាសម្រុកទៅដកប្រាក់ពី ATM ក្រោយ «រដ្ឋប្រហារ»

ក្រោយពីការចាប់ខ្លួនខាងលើ សហគមន៍អន្តរជាតិ ពិសេសគឺក្រុមប្រទេសលោកខាងលិច បានហៅទង្វើនេះថាជាការខិតខំដើម្បីធ្វើរដ្ឋប្រហាររបស់កងទ័ព ហើយបានអំពាវនាវឱ្យមេដឹកនាំយោធាប្រទេសនេះ ត្រលប់មករកស្ថានភាពដើម។

បន្ទាប់មក សមាគមធនាគារមីយ៉ានម៉ា បានចេញសេចក្ដីប្រកាសមួយបញ្ជាក់ថា ធនាគារទាំងអស់នឹងផ្អាកដំណើរការបណ្ដោះអាសន្ន ដោយមិនបានលើកឡើងអំពីកាលបរិច្ឆេទជាក់លាក់នៃការដំណើរការឡើងវិញនោះទេ៕

ប្រភព៖ CNA

February 1, 2021

ក្រោយចាប់ខ្លួនមេដឹកនាំរដ្ឋាភិបាល កងទ័ពមីយ៉ានម៉ាប្រកាសដាក់ប្រទេសស្ថិតក្នុងភាពអាសន្នរយៈពេលមួយឆ្នាំ ខណៈសហគមន៍អន្តរជាតិកំពុងថ្កោលទោស

ក្នុងថ្ងៃទី 1 ខែកុម្ភៈនេះ ស្ថានីយទូរទស្សន៍របស់កងទ័ពមីយ៉ានម៉ាបានចេញផ្សាយថា កងទ័ពប្រទេសនេះបាន «ប្រកាសដាក់ប្រទេសឱ្យស្ថិតក្នុងស្ថានភាពអាសន្នរយៈពេលមួយឆ្នាំ» ក្រោយពីបានចាប់ឃាត់ខ្លួនក្រុមមេដឹកនាំក្នុងរដ្ឋាភិបាលរបស់លោកស្រី Aung San Suu Kyi។

Xinhua ដកស្រង់ប្រភពព័ត៌មានខាងលើ ឱ្យដឹងថា កងទ័ពមីយ៉ានម៉ាប្រកាសថា បច្ចុប្បន្នអំណាចទាំងស្រុងត្រូវបានប្រគល់ជូនអគ្គមេបញ្ជាការកងទ័ពមីយ៉ានម៉ា ឧត្តមសេនីយ៍ Min Aung Hlaing។

Myo Nyunt អ្នកនាំពាក្យរបស់បក្ស NLD ដែលជាបក្សកាន់អំណាចនៃប្រទេសភូមា ថ្ងៃនេះបានឱ្យដឹងថា មេដឹកនាំ Aung San Suu Kyi និងក្រុមមន្ត្រីជាន់ខ្ពស់របស់បក្សកាន់អំណាច ក្នុងនោះក៏មានប្រធានាធិបតី Win Myint ផងដែរ ត្រូវបានចាប់ខ្លួននៅក្នុងការឆ្មក់ចូលពីសំណាក់កងទ័ពកាលពីវេលាទៀបភ្លឺនៃថ្ងៃទី 1 កុម្ភៈនេះ។

ប្រភពព័ត៌មានមួយចំនួនបានចេញផ្សាយថា គិតមកដល់បច្ចុប្បន្ន អ្នកនាំពាក្យ Myo Nyunt ក៏ទំនងជាត្រូវបានចាប់ខ្លួនរួចទៅហើយ ដោយសារតែមិនអាចទាក់ទងបាន។

ព្រឹកនេះដែរ ស្ថានីយទូរទស្សន៍ជាតិមីយ៉ានម៉ា MRTV ក៏បានប្រកាសថា មិនអាចផ្សាយបានដូចសព្វមួយដង ដោយសារបញ្ហាបច្ចេកទេស។

ទាក់ទិននឹងបញ្ហានៅមីយ៉ានម៉ា ជប៉ុន នាព្រឹកនេះក៏បានប្រកាសស្នើឱ្យប្រទេសនេះងាកមករកស្ថានភាពដើម និងអំពាវនាវឱ្យមានការចរចាតាមសន្តិវិធីដើម្បីដោះស្រាយបញ្ហា។

សហរដ្ឋអាមេរិក អូស្ត្រាលី និងអង្គការសហប្រជាជាតិ ក៏បានធ្វើការប្រតិកម្មខ្លាំងក្លាចំពោះទង្វើរបស់កងទ័ពមីយ៉ានម៉ា។ យ៉ាងនេះក្ដីភាគីកងទ័ពមីយ៉ានម៉ាបានរិះគន់ចំពោះការប្រតិកម្មខាងលើមកលើកិច្ចការផ្ទៃក្នុងរបស់ប្រទេសអាស៊ីអាគ្នេយ៍មួយនេះ។

នៅក្នុងសេចក្ដីប្រកាសមួយដែលត្រូវបានបង្ហោះនៅលើ Facebook កងទ័ពមីយ៉ានម៉ាបាន «ប្ដេជ្ញាទាត់ចោល» រាល់ការចោទប្រកាន់ដែលថា កងទ័ពប្រទេសនេះរារាំងដំណើរការទៅរកប្រជាធិបតេយ្យ ទន្ទឹមនឹងនេះក៏បានព្រមានដល់សហគមន៍ការបរទេសថា «មិនត្រូវលើកឡើងនូវការសន្និដ្ឋានដែលគ្មានមូលដ្ឋានច្បាស់លាស់អំពីស្ថានការណ៍» នៅប្រទេសនេះឡើយ៕

ប្រភព៖ Xinhua

February 1, 2021

វ៉ាក់សាំង Covid-19 នាំចូលវៀតណាមក្នុងខែកុម្ភៈនេះ មានតម្លៃប៉ុន្មាន និងក្រុមមនុស្សណាខ្លះនឹងទទួលបានអាទិភាព?

មន្ត្រីរដ្ឋាភិបាលលវៀតណាមបានឱ្យដឹងថា ក្រុមគោលដៅដែលមានហានិភ័យខ្ពស់ មានក្រុម ក្រុមនៅក្បែរប្រក្រុមអ្នកទន់ខ្សោយក្នុងសង្គមជាងសង្គមជាដើម នឹងត្រូវបានចាក់វ៉ាក់សាំង Covid-19 មុនគេ ហើយថ្ងៃនេះ (1កុម្ភៈ) បែបបទនាំចូលវ៉ាក់សាំងនឹងត្រូវបានធ្វើឡើងរួចរាល់ជាស្ថាពរ។

សារព័ត៌មានវៀតណាម ថ្ងៃទី 30 មករា បានបញ្ជាក់ថា បានធ្វើការអនុម័តលើការនាំចូលវ៉ាក់សាំង Covid-19 ដែលត្រូវបានផលិតដោយក្រុមហ៊ុន AstraZeneca និងសាកលវិទ្យាល័យ Oxford។

ប្រភពព័ត៌មានឱ្យដឹងថាក្នុងថ្ងៃទីទី 1 ខែកុម្ភៈនេះ ឯកសារទាំងឡាយដែលពាក់ព័ន្ធនឹងការនាំចូលវ៉ាក់សាំង Covid-19 នឹងត្រូវបានបំពេញរបរិមាណនៃវ៉ាក់សាំងនាំចូលគ្រាដំបូងនេះនឹងច្រើនជាងការគ្រោងទុកកន្លងមក (មុននេះ វៀតណាមគ្រោងនឹងនាំចូល 50,400 ដូស សម្រាប់ដំណាក់កាលដំបូង)។

អនុរដ្ឋមន្ត្រីក្រសួងសុខាភិបាលវៀតណាម លោក Nguyen Truong Son បានឱ្យដឹងដែរថា ក្រសួងបានត្រៀមគម្រោងចាក់វ៉ាក់សាំង Covid-19 រួចហើយ។ «ក្រុមគោលដៅដែលមានហានិភ័យខ្ពស់ រួមមាន ក្រុមដែលនៅក្បែរប្រភពវីរុស និងក្រុមអ្នកទន់ខ្សោយក្នុងសង្គម នឹងត្រូវបានផ្ដល់អាទិភាពក្នុងការចាក់វ៉ាក់សាំង»។ ក្រុមដែលមានហានិភ័យខ្ពស់គឺក្រុមគ្រូពេទនិងក្រុមមន្ត្រីយោធានៅព្រំដែនជួរមុខួរ ហើយប្រាក់ចំណាយសម្រាប់ពួកគេគឺជាបន្ទុករបស់រដ្ឋាភិបាល។

អនុរដ្ឋមន្ត្រីខាងលើបញ្ជាក់ថា៖ «អាជ្ញាធរនឹងយោងទៅតាមតម្រូវការរបស់ពលរដ្ឋ ដើម្បីនាំចូល និងផលិតវ៉ាក់សាំងសម្រាប់ផ្គត់ផ្គង់តាមតម្រូវការជាក់ស្ដែងសម្រាប់តម្លៃរបស់វ៉ាក់សាំងផលិតដោយក្រុមហ៊ុនហ៊ុន AstraZeneca និងសាកលវិទ្យាល័យ Oxford ដែលលក់មកឱ្យវៀតណាមដំណាក់កាលដំបូងនេះគឺមានតម្លៃក្រោម 10 ដុល្លារអាមេរិក/2 ម្ជុល ដោយធ្វើតាមគោលការណ៍មិនយកចំណេញ។ តាមផែនការ វ៉ាក់សាំងនេះនឹងត្រូវបាននាំចូលវៀតណាមនៅក្នុងខែកុម្ភៈ ឆ្នាំ 2021។

អនុរដ្ឋមន្ត្រីក្រសួងសុខាភិបាល វៀតណាម Nguyen Truong Son

ក្រៅពីនេះ វៀតណាមក៏បាននិងកំពុងចរចាជាមួយបណ្ដាក្រុមហ៊ុនដែលមានវ៉ាក់សាំង Covid-19 មួយចំនួន មានដូចជា Pfizer និង Moderna ជដើម្បីនាំចូលវ៉ាក់សាំងទាំងនេះមកវៀតតណាមនាពេលខាងមុខ។

ចំណែកវ៉ាក់សាំង Covid-19 «made in Vietnam បច្ចុប្បន្នមានក្រុមហ៊ុនចំនួនួន 4 កំពុងស្រាវជ្រាវផលិត ក្នុងនោះមានក្រុមហ៊ុនចំនួស្ថិតក្នុងដំណាក់កាលពិសោធលើមនុស្ស។ស្ស។ ក្រោយបុណ្យចូលឆ្នាំចិន វ៉ាក់សាំងNanocovax របស់ក្រុមហ៊ុន Nano នៅវៀតណាម នឹងចាប់ផ្ដើមពិសោធន៍លើមនុស្សចំនួន 560 នាក់ នៅក្នុងដំណាក់កាលទី 2 ហើយបើសិនដំណើរការរលូន និងត្រូវបានអនុម័តបន្ទាន់ វ៉ាក់សាំងនេះអាចនឹងបង្ហាញខ្លួននៅពាក់កណ្ដាលឆ្នាំ 2021។

វ៉ាក់សាំងដែលត្រូវបានគេយកចិត្តទុកដាក់ជាងគេ នោះគឺវ៉ាក់សាំងដែលត្រូវបានអភិវឌ្ឍឡើងដោយមានកិច្ចសហការរវាងវិទ្យាស្ថានជាតិអនាម័យនិងរោគរាតត្បាត និងវិទ្យាស្ថានវ៉ាក់សាំងជីវវេជ្ជសាស្ត្រ (IVAC) រួមជាមួយនឹងសាកលវិទ្យាល័យវេជ្ជសាស្ត្រហាណូយ និងអង្គការអន្តរជាតិមួយចំនួនទៀត ដោយយោងទៅតាមវីរុស Covid-19 ក្លាយពូជថ្មី៕

ប្រភព៖ IN

February 1, 2021

តួលេខអ្នកឆ្លង Covid-19 នៅកម្ពុជា និងពិភពលោក គិតត្រឹមព្រឹកថ្ងៃទី 1 ខែមករា 2021

ក្នុងអំឡុង 24 ម៉ោងនៃថ្ងៃទី 31 ខែមករា ឆ្នាំ 2021 កម្ពុជាបានរកឃើញអ្នកឆ្លង Covid-19 ថ្មីចំនួន 1 ករណី ខណៈទូទាំងពិភពលោករកឃើញជិត 4 សែនករណីបន្ថែមទៀត។

ក្រសួងសុខាភិបាលកម្ពុជា នាព្រឹកថ្ងៃទី 1 កុម្ភៈនេះ បានឱ្យដឹងថា បានរកឃើញករណីឆ្លង Covid-19 ថ្មីចំនួន 1 នាក់បន្ថែមទៀត ដែលជាពលការិនីខ្មែរធ្វើដំណើរពីប្រទេសថៃ។ អ្នកជំងឺរូបនេះ មានអាយុ 20 ឆ្នាំ ជាពលរដ្ឋរបស់ខេត្តពោធិ៍សាត់។ ព័ត៌មានលម្អិត សូមបន្តអានរបាយការណ៍ខាងក្រោម។

គិតមកដល់ព្រឹកថ្ងៃទី 1 ខែកុម្ភៈ ឆ្នាំ 2021 នេះ កម្ពុជាបានរកឃើញអ្នកឆ្លង Covid-19 សរុបចំនួន 466 នាក់ ក្នុងនោះមានអ្នកជាសះស្បើយចំនួន 443 នាក់ និង 23 នាក់ទៀតកំពុងទទួលការព្យាបាល

នៅទូទាំងពិភពលោក អ្នកឆ្លង Covid-19 សរុប បានកើនដល់ 103,507,287 នាក់ និងអ្នកស្លាប់កើនដល់ 2,236,975 នាក់ ខណៈអ្នកជាសះស្បើយមានចំនួន 75,113,139 នាក់ និងអ្នកជំងឺកំពុងព្យាបាលមានចំនួន 26,157,173 នាក់៕

February 1, 2021

ទីប្រឹក្សាជាតិមីយ៉ានម៉ា Aung San Suu Kyi ត្រូវបានកងទ័ពចាប់ខ្លួន

ទីប្រឹក្សាជាតិមីយ៉ានម៉ា លោកស្រី Aung San Suu Kyi និងក្រុមមន្ត្រីជាន់ខ្ពស់ក្នុងបក្សកាន់អំណាចនៃប្រទេសមីយ៉ានម៉ា ត្រូវបានចាប់ខ្លួននៅក្នុងការឆ្មក់ចូលរបស់កងទ័ពនាព្រឹកនេះ។

Myo Nyunt ដែលជាអ្នកនាំពាក្យជាន់ខ្ពស់របស់បក្ស National League for Democracy (NLP) បានបញ្ជាក់ថា លោកស្រី Suu Kyi ប្រធានធិបតី Win Myint រួមនឹងមេដឹកនាំជាន់ខ្ពស់មួយចំនួនទៀតត្រូវបានចាប់ខ្លួនដោយកងទ័ពនាវេលាទៀបភ្លឺថ្ងៃទី 1 កុម្ភៈនេះ។

Myo Nyunt បានប្រាប់ថា លោកក៏ប្រហែលជានឹងត្រូវបានចាប់ខ្លួននាពេលខាងមុខ ប៉ុន្តែលោកបញ្ជាក់ថា «ខ្ញុំចង់និយាយប្រាប់ប្រជាជនថា កុំប្រតិកម្មដោយប្រញាប់ប្រញាល់ ហើយខ្ញុំសង្ឃឹមថា ពួកគេធ្វើសកម្មភាពទៅតាមច្បាប់»។

សកម្មភាពចាប់ខ្លួននេះបានកើតឡើងបន្ទាប់ពីភាពតានតឹងរវាងរដ្ឋាភិបាលស៊ីវិល និងកងទ័ពមីយ៉ានម៉ា បានកើនឡើងខ្ពស់ ធ្វើឱ្យមានការព្រួយបារម្ភថា អាចមានរដ្ឋប្រហារក្រោយការបោះឆ្នោតមួយដែលត្រូវកងទ័ពបានចោទថា មានការលួចបន្លំ។

សភាថ្មីរបស់មីយ៉ានម៉ាគ្រោងនឹងចូលប្រជុំលើកដំបូងនៅថ្ងៃនេះ ក្រោយពីការបោះឆ្នោតកាលពីខែវិច្ឆិកា ដែលបក្ស NLD របស់លោកស្រី Aung San Suu Kyi ដណ្ដើមបាន 346 កៅអី ក្នុងចំណោម 412 កៅអីនៅសភា៕

ប្រភព៖ Reuters, ABC News

February 1, 2021

រថយន្តក្រុងធ្លាក់ចូលជ្រលងភ្នំនៅអេត្យូពី យ៉ាងតិច 24នាក់បានស្លាប់

យោងតាមក្រុមមន្ត្រីនៃប្រទេសអេត្យូពី រថយន្តក្រុមមួយគ្រឿងបានជ្រុលចង្កូតចេញពីផ្លូវល្បឿនលឿន និងធ្លាក់លើច្រាំងថ្មចោតនៅក្នុងរដ្ឋ Amhara ភាគខាងជើងប្រទេសនេះ បណ្ដាលឱ្យមនុស្សយ៉ាងតិច 24 នាក់ត្រូវបាត់បង់ជីវិត។

គ្រោះថ្នាក់ខាងលើបានកើតឡើងកាលពីព្រលប់ថ្ងៃទី 30 មករា នៅពេលរថយន្តកំពុងបរនៅលើផ្លូវជាតិ ក៏ស្រាប់តែជ្រុលចង្កូតធ្លាក់ទៅលើច្រាំងថ្មចោតដែលលយចេញពីជ្រលងភ្នំជម្រៅ 200 ម៉ែត្រ។ ជនរងគ្រោះមួយចំនួន បានរួចផុតពីការស្លាប់ ប៉ុន្តែរងរបួសធ្ងន់ធ្ងរ។

បច្ចុប្បន្ន អ្នករងរបួសក្នុងឧបទ្ទវហេតុនេះកំពុងត្រូវបានព្យាបាលនៅមជ្ឈមណ្ឌលសុខភាពនៅក្បែរកន្លែងកើតហេតុ ខណៈសមត្ថកិច្ចកំពុងស៊ើបអង្កេតលើករណីនេះ។

ករណីគ្រោះថ្នាក់ចរាចរណ៍ធ្ងន់ធ្ងរបានកើតឡើងជាញឹកញាប់នៅប្រទេសអេត្យូពី ព្រោះតែប្រព័ន្ធផ្លូវថ្នល់កំពុងខូច អ្នកបើកបរមិនធ្វេសប្រហែស និងការមិនគោរពច្បាប់ចរាចរណ៍ជាដើម៕

ប្រភព៖ Xinhua

February 1, 2021

របាយការណ៍ 24ម៉ោងនៃថ្ងៃទី 30មករា៖ កម្ពុជារកឃើញអ្នកឆ្លងវីរុសCovid-19 ថ្មី 1នាក់ទៀត ខណៈពិភពលោករកឃើញជិត 5សែននាក់

ព្រឹកថ្ងៃទី 31 មករា ក្រសួងសុខាភិបាលបានឱ្យដឹងថា មានករណីវិជ្ជមានថ្មីនឹង Covid-19 ចំនួន 1 នាក់ នៅក្នុងរយៈពេល 24 ម៉ោងកន្លងទៅ ដែលនេះគឺជាករណីនាំចូល។

ករណីឆ្លង Covid-19 ខាងលើនេះកើតឡើងលើអ្នកដំណើរជនជាតិឥណ្ឌូនេស៊ី អាយុ 29 ឆ្នាំ ធ្វើដំណើរពីប្រទេសហ្វីលីពីន និងស្នាក់នៅក្នុងសណ្ឋាគារមួយក្នុងរាជធានីភ្នំពេញ។ ព័ត៌មានលម្អិត សូមបន្តអានរបាយការណ៍ខាងក្រោមរបស់ក្រសួងសុខាភិបាល។

ក្រៅពីករណីឆ្លង Covid-19 កម្ពុជាមិនមានករណីជាសះស្បើយនោះទេ នៅក្នុងអំឡុង 24 ម៉ោងកន្លងទៅនេះ។

គិតមកដល់បច្ចុប្បន្ន កម្ពុជាបានរកឃើញអ្នកឆ្លងវីរុស Covid-19 សរុបចំនួន 465 នាក់ ក្នុងនោះមាន 443 នាក់បានជាសះស្បើយ និង 22 នាក់កំពុងព្យាបាល។

ដោយឡែក នៅទូទាំងពិភពលោក បច្ចុប្បន្នមានអ្នកឆ្លង Covid-19 សរុបចំនួន 103,099,841 នាក់ និងអ្នកស្លាប់សរុបចំនួន 2,227,644 នាក់ ខណៈអ្នកជាសះស្បើយមានចំនួន 74,729,629 នាក់ និងអ្នកកំពុងផ្ទុកវីរុសនេះមានចំនួន 26,142,568 នាក់៕

January 31, 2021

តំណាងរាស្ត្រអាមេរិកឆ្លង Covid-19 បើទោះបានចាក់វ៉ាក់សាំង 2ម្ជុលរួចហើយក្ដី

តំណាងរាស្ត្រនៃបក្សប្រជាធិបតេយ្យនៅសភាជាន់ទាបរបស់រដ្ឋ Massachusetts លោក Stephen Lynch កាលពីថ្ងៃទី 29 មករា បានបញ្ជាក់ថា បានឆ្លង Covid-19 បើទោះជាបានចាក់វ៉ាក់សាំងលើកទីពីរកាលពីជាង 1 សប្ដាហ៍មុន។

Stephen Lynch ទទួលបានលទ្ធផលវិជ្ជមាន ក្រោយពីបុគ្គលិកម្នាក់នៃការិយាល័យរបស់លោក នៅក្នុងទីក្រុង Boston បានឆ្លង Covid-19 កាលពីដើមសប្ដាហ៍ នេះបើតាមអ្នកនាំពាក្យ Molly Rose Tarpey។

តំណាងរាស្ត្រខាងលើត្រូវបានចាក់វ៉ាក់សាំង Covid-19 របស់ Pfizer-BioNTech លើកទីពីរ និងបានធ្វើតេស្តរកឃើញថា អវិជ្ជមាននៅមុនពិធីស្បថចូលកាន់តំណែងរបស់លោក Biden កាលពីថ្ងៃទី 20 មករា។ បច្ចុប្បន្ន លោក Lynch កំពុងធ្វើចត្តាឡីស័កដោយខ្លួនឯង។

យោងតាមសេចក្ដីប្រកាសពីក្រុមហ៊ុន Pfizer ម្ជុលទីពីរនៃវ៉ាក់សាំង Covid-19 របស់ក្រុមហ៊ុននេះ ត្រូវការពេល 7 ថ្ងៃ ទើបបញ្ចេញប្រសិទ្ធភាព។ ប៉ុន្តែ ព័ត៌មានពីការិយាល័យរបស់លោក Lynch ឱ្យដឹងថា លោកត្រូវបានចាក់វ៉ាក់សាំងកាលពី 9 ថ្ងៃមុនពេលទទួលបានលទ្ធផលវិជ្ជមាន។

លោក Lynch គឺជាសមាជិកទីពីររបស់ក្រុមតំណាងរាស្ត្រ Massachusetts នៅសភា បានឆ្លង Covid-19 ក្នុងរយៈពេលប៉ុន្មានថ្ងៃកន្លងទៅថ្មីៗនេះ។ មុននេះ តំណាងរាស្ត្រសភាជាន់ទាប លោកស្រី Lori Trahan ក៏បានប្រកាសថា បានឆ្លង Covid-19 និងកំពុងធ្វើចត្តាឡីស័កជាមួយក្រុមគ្រួសារ។

សហរដ្ឋអាមេរិក គិតដល់ព្រឹកថ្ងៃទី 31 មករា ឆ្នាំ 2021 នេះ បានរកឃើញអ្នកវិជ្ជមាននឹង Covid-19 សរុបចំនួន 26,652,143 នាក់ និងអ្នកស្លាប់ដោយសារវីរុសនេះ បានកើនដល់ 450,381 នាក់ ខណៈអ្នកកំពុងផ្ទុកវីរុស មានចំនួន 9,878,665 នាក់៕

ប្រភព៖ Boston Herald

January 31, 2021

Category: អន្តរជាតិ