Category: សង្គម និងសេដ្ឋកិច្ច

  • សូរ្យ អែនណា និងស្វាមី រៀបការហើយ គម្រោងទៅរស់នៅហុងកុង

    សូរ្យ អែនណា និងស្វាមី រៀបការហើយ គម្រោងទៅរស់នៅហុងកុង

    ទស្សនិកជនសម្តែងនូវការភ្ញាក់ផ្អើលយ៉ាងខ្លាំង ក្រោយទទួលដំណឹងថា តារាម៉ូដែលក៏ល្បីប្រចាំ ប្រទេសកម្ពុជា និងជាប្រធានក្រុមម៉ូដែល «តារារះថ្មីកម្ពុជា» កញ្ញា សូរ្យ អែនណា បានសម្រេចចិត្តដឹកដៃបុរសជន ជាតិហូឡង់ ដ៏ស្រស់សង្ហារម្នាក់ ចូលរោងការនៅព្រឹកថ្ងៃទី06 ខែមេសា ឆ្នាំ2019នេះ ដែលកម្មវិធីទាំងមូល គឺរៀបចំតាមបែបប្រពៃណីខ្មែរ។

    សូមជម្រាបថា ជាការកត់សម្គាល់ តារាម៉ូដែលស្រីរាងខ្ពស់ស្រឡះសម្បុរស្រអែម កញ្ញា សូរ្យ អែនណា កាលពីកន្លងទៅមិនធ្លាប់ លេចឮនូវរឿងរ៉ាវ មានទំនាក់ទំនងស្នេហ៍ជាមួយនរណាម្នាក់នោះទេ ខណៈនេះស្ងាត់ៗ គឺចូលរោងការតែម្តង ។ ដំណឹងនេះ បានធ្វើឱ្យអ្នកគាំទ្ររបស់នាង មិនតិចនោះទេសម្តែងនូរការីករាយ និងរំភើបជំនួស ព្រោះនាងនិង ស្វាមី មើលទៅពិតជាស័ក្តសមនឹងគ្នា យ៉ាងខ្លាំង។ អ្វីដែលពិសេសទិដ្ឋភាពនៅព្រឹកថ្ងៃមង្គលការរបស់នាង គឺមានសាច់ញាតិបងប្អូនទាំងសងខាងចូលរួម មានទាំងជនជាតិបរទេសស្លៀកសម្លៀកបំពាក់ប្រពៃណីខ្មែរ និងបងប្អូនខ្មែរយ៉ាងច្រើន ខណៈអ្នកកំដរគឺសុទ្ធសឹងតែតារាម៉ូដែលល្បីៗផងនោះ។

    អ្នកនាង សូរ្យ អែនណា និយាយប្រាប់អ្នកសារព័ត៌មានឡារ៉ែនថា ស្វាមីដែលអ្នកនាងសម្រេចចិត្តរៀបការគឺជាអតីតអ្នកគ្រប់គ្រងសណ្ឋាគារលំដាប់ផ្កាយ៥នៅប្រទេសកម្ពុជាចំនួន៣ឆ្នាំហើយ ដោយទើបតែផ្លាស់ការងារទៅឡើងតួនាទីនៅក្នុងទីក្រុងហុងកុងប៉ុណ្ណោះ ទើបនាងបញ្ជាក់ថាខ្លួននឹងផ្លាស់ទៅនៅហុងកុងដែរ ប៉ុន្តែមិនទៅរហូតទេ គឺទៅឡើងចុះៗ ព្រោះមិនអាចចោលប្រទេសកម្ពុជា។

    សូរ្យ អែនណា ក្នុងថ្ងៃមង្គលការទាំងកូនកំលោះ និងភ្ញៀវបរទេស អ្នកនាងសុទ្ធតែទទូចឱ្យតែងខ្លួនរបៀបខ្មែរ ទលបក្នុងពិធីមង្គលការរបស់នាង ដ្បិតថាស្វាមីជាជនបរទេស តែសូម្បីតែរូប Pree-Wedding ក៍នាងបានអោយកូនកំលោះគ្រងឈុតជាព្រះបាទជ័យវរ្ម័នទី៧ ដើម្បីអោយដឹងពីវប្បធម៍ដ៍ផូរផង់របស់ខ្មែរនោះដែរ។ ក្នុងពិធីមង្គលការរបស់នាង គេកត់សម្គាល់ថា នាងបានរៀបចំជាទម្រង់បែបខ្មែរច្រើនជាងបរទេស ខណៈដែលភ្ញៀវកិត្តិយសដែលជាតារាសិល្បៈគឺបានបង្ហាញខ្លួនកុះករ មិនធម្មតា៕

  • បាត់មុខពីសិល្បៈមួយរយៈ តារាសម្ដែងវ័យក្មេង ស្រេង ឈៀងឡេង ក្លាយជាថៅកែដី

    បាត់មុខពីសិល្បៈមួយរយៈ តារាសម្ដែងវ័យក្មេង ស្រេង ឈៀងឡេង ក្លាយជាថៅកែដី

    បន្ទាប់ស្ងប់ស្ងាត់ការសម្ដែងអស់មួយរយៈមក គេស្រាប់តែឃើញតារាសម្ដែងវ័យក្មេង ស្រេង ឈៀងឡេង ក្លាយជាថៅកែដីធ្លីមួយកន្លែងដ៏គួរឱ្យភ្ញាក់ផ្អើល។ បើទោះបីជាប្រលូកសិល្បៈមិនបានប៉ុន្មានផង ស្រាប់តារាសម្ដែងប្រុសរូបនេះ ងាកមកប្រលូកជំនួញដីធ្លី និងមានដៃគូសហការដ៏គួរឱ្យនឹកស្មានមិនដល់ពីសមត្ថភាព។ លោកបានប្រាប់ឡារ៉ែនថា ក្រៅពីអាជីពជាអ្នកសិល្បៈ កន្លងមកលោកជាបុគ្គលិកធម្មតាលក់ដីឱ្យក្រុមហ៊ុនមួយ តែពេលនេះ លោកមានដើមទន់គ្រប់គ្រាន់ និងបើកគម្រោងដោយខ្លួនឯងហើយ។

    លោក ស្រេង ឈៀងឡេង បានអះអាងថា វិស័យសិល្បៈលោកគ្រាន់តែស្រលាញ់ និងចង់បង្ហាញមុខឱ្យមានទំនាក់ទំនងជាមួយមិត្តភ័ក្ត្រ និងអ្នកស្គាល់គ្នានៅក្នុងសិល្បៈប៉ុណ្ណោះ ប៉ុន្តែបើឱ្យលោកសកម្មនឹងការងារមួយនេះ គឺលោកមិនខំខ្លាំងពេកនោះទេ ទើបលោកសកម្មច្រើនជាងនឹងមុខជំនួញដីធ្លី ដោយផ្ដើមពីការងារពីអ្នកលក់ដីឡូតិ៍ឱ្យលោក សែន ណារ៉ា ក៍ក្លាយជាដៃគូភាគហ៊ុនលើគម្រោងទី10របស់លោកសែន ណារ៉ា ដែលលោកបញ្ជាក់ថា នេះគឺជាជំហានជោគជ័យធំមួយដែលលោកតស៊ូ។ លោកថា លោក និងដៃគូជំនួញបានក្រុងពាលីលើផ្ទៃដីជាច្រើនហិកតារ កាលពីរសៀលថ្ងៃទី6 មេសា ខណៈដែលក្នុងពិធីនោះ ក៍មានការប្រកាសថាលក់អស់ប្រមាណជា60ភាគរយទៅហើយ តាំងពីពេលមិនទាន់កាត់ខ្សែបូរផ្លូវការ។ លោកពេញចិត្តគម្រោងធ្វើជាថៅកែដីឡូក្នុងភាគហ៊ុនមួយជាលើកដំបូងនេះយ៉ាងខ្លាំង ដោយសារតែគម្រោងស្ថិតនៅទីប្រជុំជនជិតផ្លូវរថភ្លើងាត់ផ្លូវជាតិលេខ៣ ជាប់ផ្សារព្រៃទទឹង ហើយជាដីដែហ៊ុំព័ទ្ធដោយរោងចក្រធំៗ ខណៈដែលលោកក៍នឹងលក់ក្នុងតម្លៃតែប្រមាណ៣ពាន់ដុល្លារក្រោយបញ្ចុះតម្លៃដើម្បីទាក់ទាញទីផ្សារ។ យ៉ាងណាមិញ លោក ស្រេង ឈៀង បានអះអាងថា ខ្លួននឹងមិនដកឃ្លាពីការងារសិល្បៈនោះទេ ដោយក្រៅពីទទួលថតឱ្យមហាជនបានស្គាល់កាន់តែស្គាល់ខ្លាំង ក៍គម្រោងចេញបទផ្ទាល់ខ្លួនក្នុងពេលដកឃ្លាបាននោះផង។

    លោក សែន ណារ៉ា ដែលបានសម្រេចផ្ដល់ឱកាសឱ្យលោក ស្រេង ឈៀងឡេង ចូលហ៊ុនសែសិបហាសិប បើកគម្រោងដីឡូតិ៍រួមគ្នា នៅលើបណ្ដោយផ្លូវជាតិលេខ3 ជាប់ផ្លូវរទេះភ្លើង ក្នុងភូមិព្រៃទទឹង ឃុំព្រះនិពាន្ត ស្រុកគងពិសី ខេត្តកំពង់ស្ពឺ ដែលមានចម្ងាយតែប្រមាណ11គីឡូម៉ែត្រពីរង្វង់មូលចោមចៅនោះ គឺដោយសារតែលោក ស្រេង ឈៀងឡេង គឺជាអតីតបុគ្គលិកដែលមានសមត្ថភាព ហើយដោយសារតែលោកយល់ថាការចាប់ដៃជាមួយ លោក ស្រេង ឈៀងឡេង និងធ្វើឱ្យមុខជំនួញរបស់លោកនឹងមានសន្ទុះជាងមុនផង ទើបធ្វើសម្រេចចិត្តចាប់ដៃ។ លោកថាលោកស្រេង ឈៀងឡេង ជាតារាឆ្លាតវ័យ ហើយទំនាក់ទំនងក្នុងមុខជំនួញដ៍ខ្លាំងទើបលោកយល់ថា គម្រោងទី10 ដែលលោកសម្រេចចិត្តបើកលក់ដោយចូលហ៊ុនជាមួយបុរសវ័យក្មេងរូបនេះ នឹងកាន់តែងាយជោគជ័យ។

    ក្នុងពិធីចាប់ដៃធ្វើជំនួញរួមគ្នានោះ លោក ស្រេង ឈៀងឡេង បញ្ជាក់ថា លោកក៏នឹងឆ្លៀតធ្វើសកម្មភាពសប្បុរសធម៍អោយខ្លាំងបន្ថែមពីលើគម្រោងចេញបទចម្រៀង និងទទួលសម្ដែងផងដែរ ដើម្បីរូមចំណែកជួយសង្គម៕

  • លោក នូ សុភេន ត្រៀមដឹកនាំកំពូលសិល្បករ 70 រូបធ្វើឱ្យកក្រើកសង្ក្រាន្ដព្រះវិហារ

    លោក នូ សុភេន ត្រៀមដឹកនាំកំពូលសិល្បករ 70 រូបធ្វើឱ្យកក្រើកសង្ក្រាន្ដព្រះវិហារ

    តារាល្បីៗ និងសិល្បករប្រមាណជាង70 រូបនឹងត្រៀមខ្លួនធ្វើឱ្យសង្ក្រានព្រះវិហារឆ្នាំនេះផ្ទុះកក្រើក ក្នុងថ្ងៃចូលឆ្នាំ ត្រូវនឹងថ្ងៃទី14-15និង16 ខែមេសា ខាងមុខនេះ ។ ខេត្តព្រះវិហារគ្រោងនឹងបើកព្រឹត្តិការណ៍សង្ក្រាន្ដជាទ្រង់ធំរបស់ខ្លួនពេញរយៈពេល3ថ្ងៃ នៅក្នុងរមណីយដ្ឋានប្រសាទកោះកេរ ក្នុងស្រុកគូលែន ខេត្តព្រះវិហារ ដោយត្រូវបានមហាជនរំពឹងថានឹងផ្ទុះហើយអាចទាក់ទាញអ្នកទេសចរណ៍ខ្លាំងមិនធម្មតានោះទេ ដោយសារតែនេះជាព្រឹត្តិការណ៍សង្ក្រានធំ ហើយត្រូវបានធ្វើឡើងស្របគ្នានឹងសង្ក្រាន្ដខេត្តសៀមរាប មិនធ្វើធំដូចរាល់ឆ្នាំ។

    លោក នូ សុភេន អ្នករៀបចំកម្មវិធីទូរទស្សន៍ និងជាអ្នករៀបចំទម្រង់សិល្បៈ នៅក្នុងព្រឹត្តិការណ៍សង្ក្រានមួយនេះ បានថ្លែងបញ្ជាក់ថា អាជ្ញាធរខេត្តព្រះវិហារ និងក្រុមហ៊ុនសហការ បានត្រៀមរៀបចំដុតដៃដុតជើងរួចរាល់អស់ហើយ ដើម្បីអោយសង្ក្រានខេត្តព្រះវិហារ ក្លាយជាសង្ក្រានប្រវត្តិសាស្ត្រនៅក្នុងឆ្នាំនេះ។ ទម្រង់សិល្បៈបុរាណ ដែលមសនតម្លៃវប្បធម៌ ជាពិសេសរបាំ និងល្បែងប្រជាប្រិយ យ៉ាងសំបូរបែប នឹងត្រូវបាននង្ហាញជូនតាមតារាកម្មវិធីពេញរយៈពេល៣ថ្ងៃដែលបានកំណត់ ស្របគ្នាដែលកម្មវិធីនេះ ក៍មានតារាល្បីៗ ដូចជាតារាចម្រៀង ឈិត សុវណ្ណបញ្ញា ឈិត សុវណ្ណនុកា តារាកំប្លែងប៉េងប៉ោង និងតារាល្បីៗជាច្រើន ត្រៀមខ្លួនអស់ហើយ ដើម្បីធ្វើអោយសង្ក្រាននេះផ្ទុះ។

    លោក នូ សុភេន ដែលមានស្នាដៃរៀបចំទម្រង់វប្បធម៌ ធ្វើឱ្យមានការទទួលស្គាល់ក្នុងចង្កោមអ្នកសិល្បៈ និងមហាជនរាប់មិនអស់មិនរួចហើយ បានបង្ហាញការរំពឹងយ៉ាងខ្លាំងថា សង្ក្រានព្រះវិហារនៅក្នុងឆ្នាំនេះ នឹងមានអ្នកទេសចរណ៍ទៅកម្សាន្តភាគច្រើន ក្នុងពេលដែលទឹកដីខេត្តនេះ ក៏មានប្រាសាទកោះកេរ និង សម្បត្តិវប្បធម៌ជាច្រើនទៀត ដែលភ្ញៀវជាតិ និងអន្តរជាតិ សុទ្ធតែចង់ទស្ដនាស្រាប់។ ព្រឹត្តិការណ៍នេះ ក្រៅវត្តមានតារាសិល្បៈជាង៧០រូប ក៏មានរូបចំជាហ្សូនកម្សាន្តប្លែកៗ ដែលមានអត្ថន័យវប្បធម៌ ដែលលោកប្រកាសថា មិនចាញ់សង្ក្រាននៅខេត្តសៀមរាបនោះឡើយ ជាពិសេសគឺតំបន់ដែលនឹងទទួលភ្ញៀវឱ្យរាំកម្សាន្ត៕

  • ទ្រាំអត់ទ្រាំឃ្លាន ឌីជេ ហេរ៉ូ សន្សំលុយសង់ផ្ទះជូនម្ដាយ និងកូនទាំងពីរបានសម្រេចដូចបំណង

    ទ្រាំអត់ទ្រាំឃ្លាន ឌីជេ ហេរ៉ូ សន្សំលុយសង់ផ្ទះជូនម្ដាយ និងកូនទាំងពីរបានសម្រេចដូចបំណង

    មកដល់ពេលនេះ ពិធីករល្បីល្បាញលោក ឌីជេ ហេរ៉ូ នៅតែជាពោះម៉ាយកូន2 ចិញ្ចឹមកូនដោយគ្មានអតីតភរិយា មកឈឺឆ្អាលឡើយ។ អ្វីដែលគួរសរសើរ គឺលោកត្រូវដើរជាឳពុកផង ជាម្ដាយផង ហើយថែមទាំងអាចក្រោ្ឦកឈរពីភាពខ្វះមុខខ្វះក្រោយកាលពីមុន មកសល់ភូមិគ្រឹះលើផ្ទៃដីទំហ៊ំ 30 និង40 ដែលត្រូវគេប៉ាន់សហនានថា អស់ប្រាក់មិនតិចជាងសែនដុល្លារនោះឡើយ។

    លោក ហេរ៉ូ និយាយថា លោកបែកបាក់ភរិយា តាំពីឆ្នាំ2011 មកម្លេះ ដោយលោកនៅមិនទាន់សម្រេចចិត្តជ្រើសយកនារីណាផ្សេងមកជំនួសឱ្យស្នេហាប្រេះឆា ដែលបន្សល់កូនឱ្យលោក2នាក់មើលថែនោះឡើយ។ លោកថាខ្លួនជាអ្នករកលុយមកចិញ្ចឹមកូន និងផ្គត់ផ្គង់ក្នុងការសាងសង់ភូមិគ្រឹះដែលបានធ្វើពិធិសម្ពោធកាលពីល្ងាចថ្ងៃទី5 មេសា នៅម្ដុំសាលាសង្កាត់ព្រែប្ញស្សី ម្ដុំតាខ្មៅដោយញើសឈាមរបស់ខ្លួន។ យ៉ាងណាមិញលោកថា អតីភរិយារបស់លោកនៅចេញចូលមកលេងកូនជារឿយៗ ប៉ុន្តែរវាងលោក និងអ្នកនាង មិនអាច ត្រលប់វិញបានទេ ដោយលោក្រកាសរហូតដល់3ទៅ5ឆ្នាំទៀត ទើសំឡឹងមើលម្ដាយថ្មីឱ្យកូនទាំងពីរ។

    សូមជម្រាបផងដែរថា ទាំងបរិវេណផ្ទះ និង នៅខាងក្នុងផ្ទះ គេអាចនិយាយបានប្រណិតមិនសល់សូម្បីតែរបងផ្ទះជុំវិញ ប៉ុន្តែលោកថាសុំមិនបញ្ចេញតួលេខចំណាយនោះទេ ដើម្បីកុំឱ្យថាលោកអួត។ យ៉ាងណាមិញលោកថា តម្លៃនៃការសាងសង់ទាំងមូលដ្បិតថា មើលទៅហឹកហ៊ាក់ក៏ពិតមែន ប៉ុន្តែមិនជាអស់ច្រើនសែនដុល្លារទេ ដោយសារតែដីគឺជាដីកេរគ្រួសារ ហើយសួនដែលលោករៀបចំជុំវិញភូមិគ្រឹះយ៉ាងប្រណិតលម្អផ្ទះ ក៏ជាស្នដៃខ្លួនឯង បន្ទាប់ពូករៀនសូត្រពីម្ចាស់បុរី RN VIP ដែលធ្វើអោយលោកយល់កាត់តែស៊ីជម្រៅ៕

  • គម្រោង​កែ​លម្អ​កំណាត់ផ្លូវ​ជាតិ​លេខ5​(បាត់ដំបង​-សេរី​សោភ័ណ​) សម្រេច​បាន41ភាគរយ​ហើយ​

    គម្រោង​កែ​លម្អ​កំណាត់ផ្លូវ​ជាតិ​លេខ5​(បាត់ដំបង​-សេរី​សោភ័ណ​) សម្រេច​បាន41ភាគរយ​ហើយ​

    គម្រោង​កែ​លម្អ​កំណាត់ផ្លូវ​ជាតិ​លេខ5​(បាត់​-ដំបង​-សេរី​សោភ័ណ​)ផ្នែក​ខាងជើង​ដែល​ជា​កម្ចីសម្បទាន​របស់​រដ្ឋាភិបាល​ជប៉ុន​ មាន​ប្រវែង​ជិត​ 85គីឡូម៉ែត្រ​នោះ​ សម្រេច​បាន​ 41ភាគរយ​ហើយ​។ នេះ​បើ​យោង​ តាម​មន្ត្រី​ជាន់ខ្ពស់​ក្រសួងសាធារណការ​ និង​ដឹកជញ្ជូន​។

    លោក​ ឈឹម​ ផល្លា​ ប្រធាន​នាយកដ្ឋាន​ផ្លូវថ្នល់​នៃ​ក្រសួងសាធារណការ​ និង​ដឹកជញ្ជូន​បានឱ្យ​ដឹង​ថា​ គម្រោង​នេះ​មាន​ទឹកប្រាក់​ប្រមាណ​ 143​ លាន​ដុល្លារ​អាមេរិក​ ដោយ​ជា​ហិរញ្ញប្បទាន​សម្បទាន​របស់​រដ្ឋាភិបាល​ជប៉ុន​ ។

    លោក​មានប្រសាសន៍​ថា​ គម្រោង​កែ​លម្អ​កំណាត់ផ្លូវ​ជាតិ​លេខ5​(បាត់ដំបង​-សេរី​សោភ័ណ​)ផ្នែក​ខាងជើង​ មាន​ប្រវែង​ 84,74គីឡូ​មែ​ត្រ​ លាតសន្ធឹង​ចាប់ពី​ខេត្តបាត់ដំបង​ទៅកាន់​ស្រុក​សិរី​សោភ័ណ្ឌ ខេត្ត​បន្ទាយមានជ័យ​។ ដោយឡែក​ផ្នែក​ទី2ចាប់ពី​ ធ្លា​ម្អម​ ខេត្តពោធិ៍សាត់​ ទៅកាន់​ខេត្តបាត់ដំបង​ និង​ទី3ពី​ព្រែក​ក្តាម​ ខេត្តកណ្តាល​ ទៅកាន់​ធ្លា​ម្អម​ ខេត្តពោធិ៍សាត់​។

    លោក​ផល្លា​បន្ថែម​ថា​ ផ្នែក​ទី3បាន​ចាប់ផ្តើម​កាលពី​ខែឧសភា​ ឆ្នាំ2018ដែល​មាន​ប្រវែង​ 135គីឡូម៉ែត្រ​ ដែល​ផ្លូវ​នោះ​នឹង​ត្រូវ​ធ្វើឡើង​ជា4គន្លង​ សរុប​ទឹកប្រាក់​ប្រមាណ​ 261លាន​ដុល្លារ​អាមេរិក​។

    លោក​ ផល្លា​បន្លែ​មថា​ផ្នែក​ទីមួយ​នៃ​គម្រោង​កែ​លម្អ​កំណាត់ផ្លូវ​ជាតិ​លេខ5​(បាត់ដំបង​-សេ​រី​សោភ័ណ្ឌ)ផ្នែក​ខាងជើង​នេះ​ រំពឹង​ថា​នឹង​បញ្ចប់​នៅ​ខែមីនា​ឆ្នាំក្រោយ​នេះ​ ហើយ​ផ្នែក​នេះ​ទៀតសោត​ត្រូវ​បាន​ដេញថ្លៃ​សាងសង់​ដោយក្រុម​ហ៊ុន​សាងសង់​ចំនួន​ពីរ​។

    លោក​ផល្លា​បន្ត​ថា​ ដោយឡែក​ថ្លៃ​សាងសង់​គម្រោង​សរុប​មាន​ប្រមាណ​ 600លាន​ដុល្លារ​អាមេរិក​ ក្រោម​ ហិរញ្ញប្បទាន​សម្បទាន​របស់​រដ្ឋាភិបាល​ជប៉ុន​។ លោក​បន្ត​ទៀត​ថា​ ក្រុមហ៊ុន​ម៉ៅការ​សាងសង់​ការដ្ឋាន​សាងសង់​ផ្នែក​ទី2បាន​ជ្រើសរើស​រួចហើយ​។

    លោក​ផល្លា​ថ្លែង​ថា​៖“គម្រោង​ទាំងមូល​ដែល​ចាប់ពី​ព្រែក​ក្តាម​ មកដល់​ប៉ោយប៉ែត​នឹង​ត្រូវ​បាន​បញ្ចប់​នៅ​ ឆ្នាំ2022​ គម្រោង​នេះ​បាន​នឹង​កំពុង​អនុវត្ត​ដោយ​ក្រសួងសាធារណការ​ និង​ដឹកជញ្ជូន​ និង​ក្រសួងសេដ្ឋកិច្ច​ និង​ហរិ​ញ្ញ​វត្ថុ​”។

    លោក​បន្ត​ទៀត​ថា​ គម្រោង​កែ​លម្អ​កំណាត់ផ្លូវ​ជាតិ​លេខ5​(បាត់ដំបង​-សេរី​សោភ័ណ​)ផ្នែក​ខាងជើង​នេះ​ នឹង​ជួយ​សម្រួលការ​ចរាចរទំនិញ​ និង​ប្រជាជន​ ជាពិសេស​ផលិតផល​កសិកម្ម​ទៅកាន់​ទីផ្សារ​បរទេស​ និង​ការពង្រីក​ផ្លូវជាតិ​លេខ5នេះ​ ក៏​ជាផ្នែក​មួយ​នៃ​គម្រោង​អាស៊ាន​ ដើម្បី​តភ្ចាប់​ព្រះរាជាណាចក្រ​កម្ពុជា​ ថៃ​ មីយ៉ាន់ម៉ា​ និង​ចិន​ផង​ដែរ​។

    លោក​បន្ត​ថា​៖“នៅក្នុង​ពេល​អនាគត​ ផ្លូវជាតិ​លេខ5​ នឹង​មាន​សារៈសំខាន់​ណាស់​នៅក្នុង​តំបន់​ ដោយ​ភ្ជាប់​យើង​ជាមួយ​ថៃ​ មីយ៉ាន់ម៉ា​ និង​ចិន​ នៅ​ភាគ​ខាងជើង​ ខណៈ​ពេល​ដែល​វា​ក៏​តភ្ជាប់​ផ្លូវជាតិ​លេខ4​ ទៅកាន់​ កំពង់ផែ​ព្រះសីហនុ​ និង​ផ្លូវជាតិ​លេខ​ 1ទៅកាន់​ប្រទេស​វៀតណាម​”។

    លោក​បន្ត​ថា​៖“នៅពេល​ផ្លូវជាតិ​លេខ5​ បញ្ចប់​រួចរាល់​វា​នឹង​ចំណេញពេលវេលា​ក្នុង​ការ​ធ្វើដំណើរ​ដោយ​កាត់បន្ថយ​ពេល​ជិត2ម៉ោង​ពី​ភ្នំពេញ​ទៅកាន់​ប៉ោយប៉ែត​ ខេត្ត​បន្ទាយមានជ័យ​ ខណៈ​ពេលនេះ​យើង​ត្រូវ​ចំណាយពេល​ជាង6ម៉ោង​”។

    ផ្លូវជាតិ​លេខ5នេះ​ នឹង​ក្លាយជា​ផ្លូវ​ល្បឿន​លឿន​មួយ​តភ្ចាប់​ប្រទេស​នៅ​អាស៊ាន​និង​ជា​ផ្លូវ​យុទ្ធ​សាស្រ្ត​សម្រាប់​ច្រករបៀង​សេដ្ឋកិច្ច​ខាងលិច​ឆៀង​ខាងកើត​ ដែល​ជួយ​សម្រួល​ដល់​ពាណិជ្ជកម្ម​ ទេសចរណ៍​ ដឹកជញ្ជូន​ និង​ការ​វិនិយោគ​។

    គួរ​បញ្ជាក់​ថា​កំណាត់ផ្លូវ​ជាតិ​លេខ5​(បាត់ដំបង​សេរី​សោភ័ណ​)ផ្នែក​ខាងជើង​នេះ​ សាងសង់​ឡើងជា​ប្រភេទ​ផ្លូវ​ចាក់កៅស៊ូ​ (AC​) កម្រាស់​ 15សង់ទីម៉ែត្រ​ និង​ពង្រីក​ទទឹង​ផ្លូវ​មាន​ 4គន្លង​ 2គន្លង​ទៅ​ 2គន្លង​មក​។ កំណាត់ផ្លូវ​នេះ​ត្រូវ​ចំណាយ​ថវិកា​សាងសង់​អស់​អប្រមាណ143លាន​ដុល្លារ​អាមេរិក​។ ការស្ថាបនា​ផ្លូវ​នេះ​បាន​ចាប់ផ្តើម​នៅ​ខែ​ កុម្ភៈ​ ឆ្នាំ​ 2017ដោយ​គ្រោង​បញ្ចប់​នៅ​ ខែមីនា​ ឆ្នាំ2020ខាងមុខនេះ​។

    ភ្នាក់ងារ​សហប្រតិបត្តិ​ការអន្តរជាតិ​ជប៉ុន​ (JICA​)បាន​ជួយ​គាំទ្រ​ដល់​ការរៀបចំ​តាក់តែង​ផែនការមេ​អភិវឌ្ឍន៍​បណ្តាញ​ផ្លូវ​ថ្នល​ដែល​ត្រូវ​អនុម័ត​ដោយ​រដ្ឋាភិបាល​កម្ពុជា​ក្នុង​ឆ្នាំ2016​ ហើយ​បណ្តាញ​ផ្លូវថ្នល់​ និង​ហេដ្ឋារចនាសម្ព័ន្ធ​ត្រូវ​បាន​កំណត់​យ៉ាង​ច្បាស់​ក្នុង​ផែនការមេ​នេះ​ សម្រាប់​ជំរុញ​ប្រទេស​កម្ពុជា​ចូល​ទៅ​ក្នុង​សមាហរណកម្ម​សេដ្ឋកិច្ច​ និង​មាន​បណ្តាញ​ហេដ្ឋារចនាសម្ព័ន្ធ​សំខាន់​ដើម្បី​លើកកម្ពស់​កំណើន​សេដ្ឋកិច្ច​ជាតិ​។ ក្នុង​បរិបទ​នេះ​ ផ្លូវជាតិ​លេខ5នឹង​ដើរតួ​យ៉ាង​សំខាន់​សម្រាប់​យុទ្ធ​សា​ស្រ្តខាង​ល់​និង​ក្លាយទៅជា​ផ្លូវ​ហាយ​វេយ៍​មួយ​ក្នុង​តំបន់​អាស៊ាន​ និង​ជា​ច្រករបៀង​សេដ្ឋកិច្ច​ភាគ​ខាងត្បូង​របស់​ប្រទេស​កម្ពុជា​៕

    ផ្លូវជាតិ​លេខ5គឺជា​ផ្នែក​មួយ​នៃ​ច្រករបៀង​សេដ្ឋកិច្ច​ភាគ​ខាងត្បូង​ និង​ដើរតួ​យ៉ាង​សំខាន់​ក្នុង​ការ​ផ្សារភ្ជាប់​សកម្មភាព​ក្នុង​តំបន់​ ជាមួយនឹង​ការ​រីកចម្រើន​យ៉ាង​ឆាប់រហ័ស​នៃ​ប្រទេស​ក្នុង​មហា​អនុ​តំបន់​ទន្លេមេគង្គ​នា​ពេល​បច្ចុប្បន្ន​នេះ​ ផ្លូវជាតិ​លេខ5នឹង​មាន​តួនាទី​កាន់តែ​សំខាន់​៕

  • មូលនិធិ​ឌីជីថល​ 5លាន​ដុល្លារ​ប្រចាំឆ្នាំ​ដើម្បី​ជំរុញ​ការ​ចាប់ផ្តើម​បច្ចេកវិទ្យា​

    មូលនិធិ​ឌីជីថល​ 5លាន​ដុល្លារ​ប្រចាំឆ្នាំ​ដើម្បី​ជំរុញ​ការ​ចាប់ផ្តើម​បច្ចេកវិទ្យា​

    ការជំរុញ​ ដើម្បី​ការ​ផ្លាស់​ប្តូរ​ទៅជា​សេដ្ឋកិច្ច​ឌីជីថល​ រាជរដ្ឋាភិបាល​នឹង​បង្កើត​មូលនិធិ​ប្រចាំឆ្នាំ​ ចំនួន5​ លាន​ដុល្លារ​ ក្នុង​ការ​ពង្រឹង​ការ​ចាប់ផ្តើម​បច្ចេកវិទ្យា​នៅក្នុង​ប្រទេស​។នេះ​បើ​តាម​ប្រសាសន៍​របស់​សម្តេច​នាយក​រដ្ឋមន្ត្រី​។

    សម្តេច​ ហ៊ុន​ សែន​ បាន​មានប្រសាសន៍​ថា​៖ “មូលនិធិ​សហគ្រិនភាព​មួយ​នឹង​ត្រូវ​បាន​បង្កើត​ឡើងជា​មួយ​នឹង​ទឹកប្រាក់​ 5 លាន​ដុល្លារ​ក្នុង​មួយឆ្នាំ​ ដើម្បី​គាំទ្រ​ដល់​ការ​ចាប់ផ្តើម​អាជីវកម្ម​ហិរញ្ញវត្ថុ​ផ្នែក​ជំនាញ​បច្ចេកទេស​ទីផ្សារ​ការផលិត​ និង​ការ​បណ្តុះបណ្តាល​”។

    សម្តេច​នាយក​រដ្ឋមន្ត្រី​ បាន​ប្រកាស​អំពី​មូលនិធិ​នេះ​ក្នុង​ឱកាស​បើក​សន្និសីទ​ចក្ខុវិស័យ​កម្ពុជា​ឆ្នាំ2019​ ដែល​បាន​ប្រារព្ធ​ឡើង​ក្រោម​ប្រធានបទ​“ការ​ផ្លាស់​ប្តូរ​ឌីជីថល​ឆ្ពោះទៅ​រក​ឧស្សាហកម្ម4.0​”។ នៅក្នុង​សុន្ទរកថា​របស់​សម្តេច​បាន​ចង្អុលបង្ហាញ​ថា​ ប្រទេស​នេះ​កំពុង​ស្ថិត​ក្នុង​ដំណាក់កាល​នៃ​ការ​ ផ្លាស់​ប្តូរ​សេដ្ឋកិច្ច​យ៉ាង​ខ្លាំង​ដោយ​ផ្លាស់​ប្តូរ​ពី​វិស័យ​កសិកម្ម​ទៅជា​សេដ្ឋកិច្ច​មួយ​ដែល​ពឹងផ្អែក​លើ​ការផលិត​និង​សេវាកម្ម​។

    សម្តេច​បាន​បញ្ជាក់​ថា​ ដើម្បី​ធ្វើ​ឱ្យ​បាន​ច្រើន​បំផុត​នៃ​ការ​ផ្លាស់​ប្តូរ​នេះ​ត្រូវ​ធ្វើ​បន្ថែម​ទៀត​ដើម្បី​ ជំរុញ​កំណើន​សេដ្ឋកិច្ច​ក្នុងរយៈពេល​ខ្លី​ និង​ក្នុងរយៈពេល​វែង​។ បដិវត្តន៍​ឧស្សាហកម្ម​ទី4​ គឺជា​កត្តា​ជំរុញ​ដ៏​សំខាន់​មួយ​ សម្រាប់​ការ​អភិវឌ្ឍ​សេដ្ឋកិច្ច​សង្គម​នៅ​កម្ពុជា​។ សម្តេច​មានប្រសាសន៍​ថា​៖“ខ្ញុំ​សង្ឃឹមថា​សន្និសីទ​នេះ​ នឹង​ធ្វើជា​វេទិកា​មួយ​ ដើម្បី​ពិភាក្សា​អំពី​ឱកាស​ប្រឈម​នឹង​បញ្ហា​ជាក់ស្តែង​ដែល​អាច​ត្រូវ​បាន​ធ្វើឡើង​ ដើម្បី​ធានា​ថា​ឧស្សាហកម្ម​ 4.0​ នឹង​រួមចំណែក​ដល់​ការ​អភិវឌ្ឍ​សេដ្ឋកិច្ច​ សង្គម​របស់​ប្រទេស​”។

    សម្តេច​ហ៊ុន​សែន​បាន​បញ្ជាក់​ថា​ កាលពីដើម​ឆ្នាំនេះ​ សម្តេច​បាន​ណែនាំ​ដល់​ឧត្តម​ក្រុមប្រឹក្សា​សេដ្ឋកិច្ច​ជាតិ​ (SNEC​) ឱ្យ​បង្កើត​ក្រុមការងារ​មួយ​ ដែល​នឹង​ផ្តោត​លើ​ការបង្កើត​គោលនយោបាយ​ និង​ការ​កសាង​ក្របខ័ណ្ឌ​ដែល​ត្រូវការ​ដើម្បី​ផ្លាស់​ប្តូរ​ជោគជ័យ​ទៅ​ក្នុង​សេដ្ឋកិច្ច​ឌីជីថល​។

    ក្រុម​នេះ​នឹង​ផ្តោត​លើ​វិស័យ​ចំនួន3​ គឺ​:1-ការ​កសាង​ហេដ្ឋារចនាសម្ព័ន្ធ​ និង​ការ​អភិវឌ្ឍ​ប្រព័ន្ធ​ទូទាត់​អេឡិចត្រូនិក​ និង​បណ្ដាញ​ដឹកជញ្ជូន​។ 2-ការ​អភិវឌ្ឍ​ប្រព័ន្ធ​អេកូ​ឌីជីថល​ លើកកម្ពស់​ឌីជីថល​ និង​ពង្រឹង​ភាពជា​សហគ្រិន​។ 3-កែ​លម្អ​ អក្ខរកម្ម​ឌីជីថល​ និង​អភិវឌ្ឍ​ទិន្នន័យ​បើកចំហ​។

    ឯកឧត្តម​ អូន​ ព័ន្ធ​មុនី​រ័ត្ន​ រដ្ឋមន្ត្រី​ក្រសួងសេដ្ឋកិច្ច​ និង​ហិរញ្ញវត្ថុ​ ធ្លាប់​បាន​ថ្លែង​ថា​ បច្ចេកវិទ្យា​ឌីជីថល​នឹង​ផ្តល់​ឱកាស​ឱ្យ​កម្ពុជា​ មានលទ្ធភាព​ឈាន​ចូល​ដំណាក់កាល​ថ្មី​ អភិវឌ្ឍន៍​ចេញពី​ភាពជា​ប្រពៃណី​។ ឯកឧត្តម​បាន​បញ្ជាក់​ថា​ វា​នឹង​ប្រើ​ពេល​យ៉ាងហោចណាស់10ឆ្នាំ​ ដើម្បី​បញ្ចប់​ការ​ផ្លាស់​ប្តូរ​ ទៅជា​ប្រទេស​សេដ្ឋកិច្ច​ឌីជីថល​ពេញលេញ​ក្នុង​បរិបទ​ នៃ​សកល​ភាវូបនីយកម្ម​ និង​សមាហរណកម្ម​សកល​ កម្ពុជា​ពិតជា​មិន​អា​ចៀសវាង​ ផល​ប៉ះពាល់​នៃ​បដិវត្តន៍​ឧស្សាហកម្ម​ទី4​ ទាមទារ​ឱ្យ​រដ្ឋាភិបាល​ផ្តោត​លើ​ការ​ចាប់​យក​ឱកាស​ក៏ដូចជា​គ្រប់គ្រង​ហានិភ័យ​”។

    ឯកឧត្តម​ មានប្រសាសន៍​ថា​៖“សមត្ថភាព​ឌីជីថល​របស់​ប្រទេស​ មាននៅ​ក្នុង​ដំណាក់កាល​ដំបូង​នៅឡើយ​។ ប្រទេស​កម្ពុជា​ប្រហែល​ត្រូវការ​ចំណាយពេល5ឆ្នាំ​ទៀត​ដើម្បី​ កសាង​សសរស្ដម្ភ​ នៃ​សេដ្ឋកិច្ច​ឌីជីថល​ ហើយ​ប្រហែល​នឹង​ចំណាយពេល​ 5 ទៅ10​ ឆ្នាំ​ទៀត​ដើម្បី​រីក​លូតលាស់​សេដ្ឋកិច្ច​តាម​បែប​ឌីជីថល​ និង​ឆ្ពោះទៅ​រក​ទីផ្សារ​ ដែល​ជំរុញ​ដោយ​បច្ចេកវិទ្យា​។ក្នុង​ន័យ​នេះ​វា​មានតម្លៃ​បញ្ជាក់​ថា​ កម្ពុជា​គ្មាន​បំណង​បង្កើត​តំបន់Silicon​ Valley​ ឬក្រុមហ៊ុន​ដំបូង​ឡើយ​។ ចក្ខុវិស័យ​របស់​យើង​ គឺ​បង្កើត​បរិយាកាស​ឌីជីថល​ដ៏​រឹងមាំ​ ដែល​អនុញ្ញាត​ឱ្យ​ក្រុមហ៊ុន​ធុន​តូច​ និង​ធំ​នៅក្នុង​ប្រទេស​អាច​ភ្ជាប់​ទៅ​នឹង​ខ្សែ​ចង្វាក់​តម្លៃ​សកល​”។

    ដូច្នេះ​រដ្ឋាភិបាល​នឹង​ត្រូវការ​ពេលវេលា​ដើម្បី​កសាង​ហេដ្ឋារចនាសម្ព័ន្ធ​ទន់​ និង​រឹង​ចាំបាច់​ និង​បរិយាកាស​បទប្បញ្ញត្តិ​លើកកម្ពស់​អក្ខរកម្ម​ឌីជីថល​ និង​បង្កើន​សមត្ថភាព​របស់​រដ្ឋាភិបាល​អេឡិចត្រូនិក​។ រដ្ឋាភិបាល​ត្រូវតែ​ត្រៀមខ្លួន​ សម្រាប់​យុគសម័យ​ឌីជីថល​ ហើយ​បង្កើត​ប្រព័ន្ធ​អេកូ​ដែល​គាំទ្រ​ និង​អាច​ជំរុញ​ការ​ផ្លាស់​ប្តូរ​សេដ្ឋកិច្ច​។

    ឯកឧត្តម​ បាន​បន្ថែម​ថា​៖“ដើម្បី​សម្រេច​គោលដៅ​នេះ​រាជរដ្ឋាភិបាល​នឹង​អភិវឌ្ឍ​ និង​អនុវត្ត​ក្របខ័ណ្ឌ​យុទ្ធសាស្ត្រ​រយៈពេល​វែង​ដែល​បម្រើ​ជា​មគ្គុទ្ទេសក៍​ និង​ជា​ក្របខ័ណ្ឌ​ទូទៅ​សម្រាប់​ការ​អភិវឌ្ឍ​សេដ្ឋកិច្ច​ឌីជីថល​”។

    ឯកឧត្តម​ វង្ស៊ី​ វិស្សុត​ ប្រធាន​ក្រុមការងារ​ គោលនយោបាយ​សេដ្ឋកិច្ច​ឌីជីថល​ និង​ជារ​ដ្ឋ​លេខាធិការ​នៃ​ក្រសួងសេដ្ឋកិច្ច​ និង​ហិរញ្ញវត្ថុ​បាន​មានប្រសាសន៍​ថា​៖“ការ​ជួបជុំគ្នា​នា​ពេល​បច្ចុប្បន្ន​បង្ហាញ​ពី​ឱកាស​ដ៏​គួរ​ឱ្យ​ទុកចិត្ត​មួយ​ ដើម្បី​ផ្លាស់​ប្តូរ​ការពិភាក្សា​ និង​ទស្សនវិស័យ​ស្តី​ពី​បញ្ហា​សំ​ខាន់​ៗមួយចំនួន​ ចែករំលែក​បទ​ពិសោធ​ និង​ប្រមូល​ធនធាន​ ដែល​នឹង​មានប្រយោជន៍​ និង​ពាក់ព័ន្ធ​សម្រាប់​ប្រទេស​កម្ពុជា​ក្នុង​ការរៀបចំ​ក្របខ័ណ្ឌ​អភិវឌ្ឍន៍​ឌីជីថល​យូរអង្វែង​ ដើម្បី​ទ្រទ្រង់​ភាព​ជោគជ័យ​នៃ​ការ​អភិវឌ្ឍ​សេដ្ឋកិច្ច​សង្គម​របស់​ប្រទេស​កម្ពុជា​”។

    សម្តេច​ស្រី​ Ellen​ Goldstein​ នាយិកា​ធនាគារ​ពិភព​សម្តេច​បាន​ផ្តល់​អនុសាសន៍​មួយចំនួន​ដល់​រដ្ឋាភិបាល​កម្ពុជា​ថា​ប្រទេស​កម្ពុជា​ត្រូវ​ស្វែងរក​កត្តា​ជំរុញ​កំណើន​ថ្មី​ព្រោះ​ប្រទេស​នឹង​មិន​អាច​ពឹងផ្អែក​ទាំងស្រុង​ទៅលើ​ភាពជា​ប្រពៃណី​នា​ពេល​អនាគត​ទេ​។

    សម្តេច​ស្រី​បាន​មានប្រសាសន៍​ថា​៖“បច្ចេកវិទ្យា​ឌីជីថល​នឹង​ក្លាយជា​ចំណុច​ស្នូល​នៃ​កិច្ច​ខិតខំ​ប្រឹងប្រែង​ក្នុង​ការ​ធ្វើ​ពិពិធ​កម្ម​នៃ​កំណើន​ ហើយ​ការ​ផ្លាស់​ប្តូរ​សេដ្ឋកិច្ច​បន្ទាប់​របស់​ប្រទេស​នេះ​នឹង​ពឹងផ្អែក​ទៅលើ​សមត្ថភាព​របស់​ខ្លួន​ក្នុង​ការ​ផ្តល់​អំណាច​ដល់​សហគ្រិន​ និង​ប្រជាជន​ក្នុង​ស្រុក​ដែល​មាន​សមត្ថភាព​ និង​ឧបករណ៍​សម្រាប់​សេដ្ឋកិច្ច​នៅ​ថ្ងៃស្អែក​”។

    សម្តេច​ស្រី​បាន​មានប្រសាសន៍​បន្ថែម​ទៀត​ថា​៖“ឆ្ពោះទៅ​មុខ​ ប្រទេស​នេះ​នឹង​ត្រូវការ​គោលនយោបាយ​គោលដៅ​ដើម្បី​ពង្រឹង​មូលដ្ឋាន​ដែល​សេដ្ឋកិច្ច​ឌីជីថល​អាច​លូតលាស់​បាន​”។ សម្តេច​ស្រី​បាន​បន្ថែម​ថា​ កម្ពុជា​ត្រូវ​ខិតខំ​បិទ​ការបែងចែក​ឌីជីថល​ដោយ​បង្កើត​យុទ្ធសាស្ត្រ​ដ៏​មានប្រសិទ្ធភាព​។

    យោង​តាម​និយតករ​ទូរគមនាគមន៍​កម្ពុជា​បានឱ្យ​ដឹង​ថា​ក្នុង​ឆ្នាំ​ 2018​ ប្រទេស​កម្ពុជា​មាន​អតិថិជន​ទូរស័ព្ទចល័ត​ចំនួន19,5លាន​នាក់​មក​ពី​ប្រតិបត្តិ​ករ6ផ្សេងគ្នា​។ ក្នុងចំណោម​ចំនួន​ទាំងនោះ​ 13,6​ លាន​នាក់​ប្រើ​ប្រាស់​អុិន​ធើ​ណិ​តពី​ទូរស័ព្ទ​ដៃ​របស់​ពួកគេ​ ហើយ​ប្រហែល​ 7លាន​នាក់​ មាន​គណនី​ហ្វេ​សប៊ុ​ក៕

  • រដ្ឋាភិបាល​បាន​និង​កំពុង​រៀបចំផែនការ​អភិវឌ្ឍន៍​ប្រភព​អគ្គិសនី​សម្រាប់​ដំណើរការ​ឆ្នាំ2020​-2025​

    រដ្ឋាភិបាល​បាន​និង​កំពុង​រៀបចំផែនការ​អភិវឌ្ឍន៍​ប្រភព​អគ្គិសនី​សម្រាប់​ដំណើរការ​ឆ្នាំ2020​-2025​

    រដ្ឋាភិបាល​បាន​និង​កំពុងតែ​រៀបចំផែនការ​អភិវឌ្ឍ​ប្រភព​អគ្គិសនី​សម្រាប់​ដំណើរការ​នៅ​ឆ្នាំ2020​-2025​ ក្នុង​គោលដៅ​ការពារ​កម្រិតខ្ពស់​កុំឱ្យ​មានការ​កើតឡើង​នូវ​ការ​ខ្វះ​ថាមពល​ដូច​ឆ្នាំនេះ​។ នេះ​បើ​យោង​តាម​មន្រ្តី​ជាន់ខ្ពស់​ពី​អាជ្ញាធរ​អគ្គិសនី​កម្ពុជា​។

    ឯកឧត្តម​ យឹម​ វិសិដ្ឋ​ ប្រធាន​អាជ្ញាធរ​អគ្គិសនី​កម្ពុជា​បានឱ្យ​ដឹង​ថា​ កាលពី​ថ្ងៃទី25​ ខែមីនា​នេះ​ក្រសួង​រ៉ែ​ និង​ថាមពល​ ដឹកនាំ​ដោយ​ ឯកឧត្តម​រដ្ឋលេខាធិការ​ក្រសួង​ រ៉ែ​ និង​ថាមពល​ ទី​ នរិន្ទ​ ឯកឧត្តម​រដ្ឋមន្ត្រី​ប្រតិភូ​អម​នាយក​រដ្ឋមន្រ្តី​ កែវ​ រតនៈ​ អគ្គនាយក​អគ្គិសនី​កម្ពុជា​ និង​អាជ្ញាធរ​អគ្គិសនី​បាន​ដឹកនាំ​ការប្រជុំ​ជាមួយ​មន្ត្រី​បង្គោល​សំ​ខាន់​ៗក្នុង​វិស័យ​ថាមពល​ មក​ពី​ក្រសួង​រ៉ែ​ និង​ថាមពល​ អាជ្ញាធរ​អគ្គិសនី​កម្ពុជា​ និង​អគ្គិសនី​កម្ពុជា​ដើម្បី​រៀបចំផែនការ​អភិវឌ្ឍន៍​ប្រភព​អគ្គិសនី​សម្រាប់​ដំណើរការ​នៅ​ឆ្នាំ2020​-2025​។

    ឯកឧត្តម​ យឹម​ វិសិដ្ឋ​បាន​បន្ត​ថា​មាន​បញ្ហា2ដែល​ត្រូវ​បាន​ជជែក​ក្នុង​ការរៀបចំ​ផែនការ​អភិវឌ្ឍន៍​ប្រភព​អគ្គិសនី​ គឺ​ក្រុមការងារ​ប្រជុំ​បាន​ត្រួតពិនិត្យ​ថាមពល​ដែល​មានស្រាប់​ សម្រាប់​ឆ្លើយតប​នៅ​ឆ្នាំក្រោយ​ និង​លើក​ទិសដៅ​ ពិនិត្យ​ និង​ប្រើប្រាស់​ចាប់ពី​ឆ្នាំ2020ដល់​ 2025​។

    ឯកឧត្តម​ប្រធាន​អាជ្ញាធរ​អគ្គិសនី​កម្ពុជា​ថា​៖“ជាគោល​ការណ៍​យើង​បាន​ធ្វើ​កំណត់ហេតុ​រួមគ្នា​ហើយ​ធ្វើ​សំណើ​ទៅកាន់​ឯកឧត្តម​រដ្ឋមន្រ្តី​ក្រសួង​រ៉ែ​ និង​ថាមពល​ដើម្បី​ពិនិត្យ​ បន្ទាប់មក​សំណើ​នេះ​នឹង​ត្រូវ​បញ្ចូន​ទៅកាន់​សម្តេច​នាយក​រដ្ឋមន្រ្តី​ដើម្បី​សុំ​អនុម័ត​សម្រេច​ជាគោល​ការណ៍​រួម​”។

    ឯកឧត្តម​បន្ត​ថា​ រដ្ឋាភិបាល​នឹង​ត្រៀម​ថាមពល​សម្រាប់​ឆ្នាំ​ខាង​មុ​ខៗ​ និង​រក​ប្រភព​ថ្មី​ណា​បន្ថែម​ទៀត​ ដើម្បី​កុំឱ្យ​មាន​បញ្ហា​ចាប់ពី​ឆ្នាំ2021​ ដល់​ 2025​។ ឯកឧត្តម​បន្ត​ថា​ ប្រភព​ថ្មី​អាចយ​កចេញពី​ធ្យូងថ្ម​ ហ្គាស​ ឬថាមពល​ពី​វារីអគ្គិសនី​ ទាំងអស់​នេះ​ត្រូវ​សុំ​គោលការណ៍​រដ្ឋមន្រ្តី​រ៉ែ​ និង​ថាមពល​។

    ឯកឧត្តម​ថា​ដំណោះស្រាយ​ពេលនេះ​គឺ​ចរ​ចារ​ជាមួយ​តួ​កគី​ក្នុង​ការទិញ​យក​កប៉ាល​អគ្គិសនី​មកកាន់​កម្ពុជា​។ យើង​កំពុងធ្វើការ​រឿង​នេះ​។ សព្វថ្ងៃ​កម្ពុជា​មាន​ 2,600មេ​ហ្គា​វ៉ាត់​ ប៉ុន្តែ​រាំងស្ងួត​ធ្វើ​ឱ្យ​ប៉ះពាល់​ដល់​វារីអគ្គិសនី​ភាគច្រើន​។

    ឯកឧត្តម​ថា​៖“យើង​បាន​គិតគូរ​ច្បាស់លាស់​លើ​រឿង​នេះ​ ធ្វើ​យ៉ាងម៉េច​ឱ្យ​ឆ្នាំក្រោយ​លែង​មាន​បញ្ហា​ហ្នឹង​កើតឡើង​។ យើង​ប្រើ​ម៉ាស៊ីនភ្លើង​ ដោយ​ប្រើ​ប្រេង​ខ្មៅ​ ឬឧស្ម័ន​ធម្មជាតិ​ (ហ្គាស​) ប៉ុន្តែ​យើង​នឹង​សិក្សា​លម្អិត​លើ​រឿង​នេះ​”។

    ដោយឡែក​ឯកឧត្តម​ ទី​ នរិន្ទ​ រដ្ឋលេខាធិការ​ក្រសួង​រ៉ែ​ និង​ថាមពល​ មានប្រសាសន៍​នៅ​ក្នុង​សន្និ​សិ​ទសារ​ព័ត៌មាន​កាលពី​សុក្រ​សប្តាហ៍​មុន​ថា​ការប្រើ​ប្រាស់​ថាមពល​អគ្គិសនី​នៅ​ឆ្នាំនេះ​បាន​កើនឡើង​ជាង​ការ​រំពឹង​ទុក​ដែល​នាំ​ឱ្យ​មានការ​ផ្គត់​ ផ្គង់​តិច​ជាង​តម្រូវការ​ ដែល​នាំ​ឱ្យ​មានការ​ខ្វះខាត​អគ្គិសនី​ប្រើប្រាស់​។

    ឯកឧត្តម​ថ្លែង​ថា​ រដ្ឋាភិបាល​បាន​កំពុងតែ​ស្វែងរក​ប្រភព​ថាម​ពល​ផ្សេង​ៗមក​បំពេញ​ការ​ខ្វះខាត​នេះ​។ រដ្ឋាភិបាល​បាន​អភិវឌ្ឍ​ប្រភព​ថាម​ពល​ផ្សេង​ៗដើម្បី​ផ្តល់​ថាមពល​ដើម្បី​បំពេញ​តម្រូវការ​ឱ្យ​បាន​គ្រប់គ្រាន់​។

    ឯកឧត្តម​មានប្រសាសន៍​ថា​៖“យើង​បាន​ចាប់ដៃ​គូ​ជាមួយ​ប្រទេស​កំពុង​អភិវឌ្ឍន៍​ក្នុង​ការរៀបចំ​ផែនការមេ​ក្នុង​ការ​អភិវឌ្ឍ​គម្រោង​ថាមពល​នៅ​កម្ពុជា​”។ កកម្ពុជា​បាន​ប្រើប្រាស់​ថាមពល​ប្រមាណ​ជា​ 9,300លាន​គីឡូវ៉ាត់​ម៉ោង​ នៅ​ឆ្នាំ2018​ ដែល​ជាមធ្យម​ប្រមាណ​ជា​ 25,5លាន​គីឡូវ៉ាត់​ម៉ោង​ក្នុង1ថ្ងៃ​។

    ឯកឧត្តម​ នរិន្ទ​ មានប្រសាសន៍​ថា​ កាលពី​ខែមករា​ ដល់​ខែកុម្ភៈ​ តម្រូវការ​ថាមពល​ប្រើប្រាស់​មាន​ប្រមាណ​ជា​ 31​ លាន​គីឡូវ៉ាត់​ម៉ោង​ក្នុង​មួយថ្ងៃ​ ដែល​តម្រូវការ​នេះ​ត្រូវ​រក​ប្រភព​ថាម​ពល​ផ្សេង​ៗទៀត​មក​ជំនួស​ រួមមាន​ ម៉ាស៊ីនភ្លើង​ជាដើម​។

    បច្ចុប្បន្ន​នេះ​កម្ពុជា​ មាន​វារីអគ្គិសនី​ដើរ​ដោយ​កម្លាំង​ទឹក​ចំនួន​ 7កន្លែង​ ធ្យូងថ្ម2​ ដើរ​ដោយ​ពន្លឺ​ព្រះអាទិត្យ​ 2កន្លែង​ និង​ដើរ​ដោយ​ប្រេងកាត​មួយចំនួន​ទៀត​។ ឯកឧត្តម​បាន​អះអាង​ថា​ តាមរយៈ​វត្តមាន​ស្ថានីយ​ផលិត​ថាមពល​អគ្គិសនី​ទាំងនេះ​ បើ​មិន​មាន​បញ្ហា​បម្រែបម្រួល​អាកាសធាតុ​ទេ​ គឺ​កម្ពុជា​មិន​មាន​ជួប​បញ្ហា​ខ្វះខាត​ថាមពល​នោះ​ឡើយ​ បើ​ទោះបី​កំណើន​តម្រូវការ​ប្រើប្រាស់​កើនឡើង​ខ្ពស់​ក៏ដោយ​។

    បើ​យោង​តាម​អគ្គិសនី​កម្ពុជា​ក្នុង​គោលដៅ​នៃ​ការ​អភិវឌ្ឍ​វិស័យ​អគ្គិសនី​ដល់​ឆ្នាំ​ 2030​ រដ្ឋាភិបាល​កម្ពុជា​បាន​រៀបចំផែនការ​អភិវឌ្ឍ​ប្រភព​អគ្គិសនី​រួមមាន​ វារីអគ្គិសនី​ រោងចក្រអគ្គិសនី​ដោយ​ធ្យូងថ្ម​ និង​ប្រភព​ផ្សេង​ៗទៀត​ ដូចជា​ ថាមពល​ពន្លឺ​ព្រះអាទិត្យ​ ផ្គុំ​ជាមួយនឹង​ការនាំចូល​ប្រភព​អគ្គិសនី​ពី​ប្រទេសជិតខាង​ ដោ​បាន​ដាក់​ឱ្យ​ដំណើរការ​គម្រោង​ជាបន្តបន្ទាប់​តាម​ផែនការ​ដែល​បាន​គ្រោងទុក​។

    អគ្គិសនី​កម្ពុជា​បាន​ឱដឹង​ថា​ ចាប់ពី​ខែមករា​អាកាសធាតុ​ក្តៅ​ខ្លាំង​ និង​ការ​ខ្វះខាត​ទឹក​ខុសប្រក្រតី​ធ្វើ​ឱ្យ​តម្រូវការ​ប្រើប្រាស់​ថាមពល​អគ្គិសនី​នៅ​ឆ្នាំ2019កើនឡើង​យ៉ាង​ខ្លាំង​ លើស​ពី​ការ​រំពឹង​ទុក​។ ការ​ខ្វះ​ទឹក​នេះ​ធ្វើ​ ឱ្យ​សមត្ថភាព​ផ្គត់ផ្គង់​ចេញពី​ប្រភព​វារីអគ្គិសនី​ថយ​ចុះ​ មិន​អាច​ធានា​ការ​ផ្គត់ផ្គង់​ថាមពល​ អគ្គិសនី​ពេញលេញ​ទូទាំង​ប្រទេស​ដល់​រដូវប្រាំង​ដូច​សព្វមួយដង​។

    ដើម្បី​ដោះស្រាយ​បញ្ហា​នេះ​ អគ្គិសនី​កម្ពុជា​បាន​ទំនាក់ទំនង​ជាមួយ​ប្រទេសជិតខាង​ឱ្យ​ជួយ​បង្កើន​ការ​ផ្គត់ផ្គង់​អគ្គិសនី​ បន្ថែម​កម្ពុជា​។ ជា​លទ្ធផល​ ប្រទេស​ថៃ​បាន​ជួយ​បង្កើន​ការ​ផ្គត់ផ្គង់​បន្ថែម​ 80មេ​ហ្គា​វ៉ាត់​ ប្រទេស​ឡាវ​ 10មេ​ហ្គា​វ៉ាត់​ និង​ប្រទេស​វៀតណាម​បាន​ជួយ​រក្សា​ការ​ផ្គត់ផ្គង់​អគ្គិសនី​នៅ​ដដែល​។ ទោះជាយ៉ាងណា​កម្ពុជា​ខ្វះខាត​ថាមពល​ប្រមាណ​ 13ភាគរយ​ ដែល​តម្រូវ​ឱ្យ​អគ្គិសនី​កម្ពុជា​ធ្វើការ​កាត់បន្ថយ​ការ​ផ្គត់ផ្គង់​ខ្លះ​រហូត​រដូវវស្សា​មកដល់​។

    ការកាត់បន្ថយ​ការ​ផ្គត់ផ្គង់​នេះ​ធ្វើ​នៅពេល​ថ្ងៃ​តាម​កន្លែង​ឆ្លាស់គ្នា​ ដើម្បី​រក្សា​ការ​ផ្គត់ផ្គង់​នៅពេល​យប់​ ដែល​ជា​ពេល​ប្រជាជន​ត្រូវការ​ប្រើប្រាស់​ជា​ចាំ​បាច់​ ជាមួយគ្នា​នេះ​។ រយៈពេល​នៃ​ការ​លំបាក​ 72ថ្ងៃ​ អគ្គិសនី​កម្ពុជា​នឹង​ផ្គត់ផ្គង់​ជា​ធម្មតា​វិញ​។ ប្រសិនជា​មាន​ភ្លៀង​ធ្លាក់​មក​មុន​ក្នុង​ខែឧសភា​ ការ​ផ្គត់ផ្គង់​នឹង​មាន​ជាប្រក្រតី​ឡើងវិញ​។៕

  • CSFF បើកប្រកាសទទួលរឿងប្រកួត សម្រាប់ឆ្នាំថ្មីរបស់ខ្លួន

    CSFF បើកប្រកាសទទួលរឿងប្រកួត សម្រាប់ឆ្នាំថ្មីរបស់ខ្លួន

    មហោស្រពភាពយន្តខ្លីចតុមុខ(CSFF) ត្រូវបានចាប់បដិសន្ធិឡើង ដើម្បីអបអរដល់ភាពយន្តខ្លីមកពីជុំវិញ ពិភពលោក។ ដើម្បីស្វាគមន៍រដូវកាលថ្មី CSFF បានបើកប្រកាសទទួលរឿងប្រកួត ដល់សមិទ្ធិកររឿងខ្លី ចាប់តាំងពី ដើមខែមីនាមកម៉្លេះ។ មហោស្រពនៅតែរាប់បញ្ចូលភាពយន្តខ្លីកម្ពុជា ដើម្បីលើកទឹកចិត្តដល់យុវសមិទ្ធិករយើង ឱ្យ បង្ហាញទេពកោសល្យរបស់ខ្លួន។ CSFF ឆ្នាំទី៨នេះនឹងត្រូវបានរៀបចំដោយ អង្គការភាពយន្តឈូករ័ត្ន ឬជាភាសា អង់គ្លេសហៅថា Sunflower Film Organization (SFO).

    CSFF នឹងជ្រើសរើសភាពយន្តខ្លីដែលលេចធ្លោ សម្រាប់ឆ្នាំទី៨នេះ ក្នុងពាក់កណ្តាលខែកក្កដាខាងមុខ។ ជ័យលាភី នឹងត្រូវបែងចែកយ៉ាងហោច ជា៥ប្រភេទដូចតទៅ៖

    🏆 ភាពយន្តខ្លីឆ្នើមរបស់កម្ពុជា
    🏆 ភាពយន្តខ្លីឆ្នើមបន្ទាប់របស់កម្ពុជា
    🏆 រង្វាន់ទស្សនិកជន ដល់ភាពយន្តខ្លីក្នុងស្រុក
    🏆 រង្វាន់ទស្សនិកជន ដល់ភាពយន្តខ្លីអន្តរជាតិ

    កំឡុងពេលមហោស្រពធំរបស់យើង នឹងប្រព្រឹត្តទៅនៅដើមខែកញ្ញាឆ្នាំនេះ បន្ទាប់ពីកម្មវិធីមានប្រយោជន៍ជាបន្ត បន្ទាប់ ដូចជា «យល់ដឹងពីកុនចតុមុខ» (Chaktomuk Film Insight), «ជំរំភាពយន្តឈូករ័ត្ន» (Sunflower FilmCamp), យុទ្ធនាការផ្សព្វផ្សាយ សន្និសីទព័ត៌មាន។

    លោក ស៊ុំ ស៊ីថែន ជាប្រធានមហោស្រពឆ្នាំនេះថ្លែងថា៖ «ខ្ញុំជឿថា ២០១៩ ជាឆ្នាំគាស់រំលើងរឿងរ៉ាវខ្លីៗដែលគេបំភ្លេច ចោលយូរហើយ ឱ្យរស់ឡើង ហើយអាចផ្សារភ្ជាប់សមិទ្ធិកររឿងខ្លីទាំងនោះ ជាមួយសិល្បករកម្ពុជាឯទៀតផង។» លោកក៏បន្ថែមថា៖ «ហេតុដូច្នេះហើយ បានជាយើងប្រកាន់យកពាក្យស្លោក «រំលេចរឿងអ្នកឱ្យមានជីវិត» សម្រាប់ ឆ្នាំនេះ»។

    សូមរំលឹកដែរថា ភាពយន្តខ្លីឆ្នើមរបស់យើងកាលពីឆ្នាំ២០១៨ មានចំណងជើងថា «ខ្យល់ខែកុម្ភៈ» ដឹកនាំរឿងដោយ លោក មុន្នី កណ្ណដារង្គ។ រឿងនេះនិយាយពីបុរសរត់តុកាហ្វេម្នាក់ ដែលប្រឹងប្រែងថែរក្សាសម្ព័ន្ធភាពពីចម្ងាយរបស់គាត់ ជាមួយមិត្តនារីគាត់ដែលរៀននៅឯបរទេស។ CSFF នឹងប្រារព្ធ Chaktomuk Film Insightដំបូងរបស់ខ្លួន នៅខែ ឧសភាខាងមុខ ដោយកាលបរិច្ឆេទ និងទីតាំងច្បាស់ នឹងប្រកាសជូនឆាប់ៗនេះ លើទំព័រហ្វេសប៊ុករបស់យើងខ្ញុ។

    បើអ្នកចង់ចូលរួមជាមួយសមិទ្ធិករផ្សេងៗទៀតនៅភ្នំពេញ ក៏ដូចជាផ្សារភ្ជាប់រឿងរបស់អ្នក ជាមួយទស្សនិកជនឱ្យបាន ច្រើន ផ្ញើរឿងខ្លីរបស់អ្នកមកយើងខ្ញុឥឡូវមក តាមhttps://filmfreeway.com/CSFF ឬ https://csff.co/submission/។

    សម្រាប់បច្ចុប្បន្នភាពបន្ថែម សូមចូលមើលទំព័រហ្វេសប៊ុក ឬគេហទំព័ររបស់យើងខ្ញុំ៖
    https://csff.co ឬ
    https://www.facebook.com/CSFF.co/
    ថតរឿងខ្លីឱ្យបានសប្បាយណា៎ ទាំងអស់គ្នា!


    អំពី «អង្គការភាពយន្តឈូករ័ត្ន»
    ក្រុមភាពយន្តឈូករ័ត្ន ឬ Sunflower Film Organization (SFO)គឺជាក្រុមមួយដែលបានបង្កើតឡើង ដោយ ឯករាជ្យ ដែលចូលរួមដោយអ្នកស្ម័គ្រចិត្តជាច្រើនរូបទូទាំងប្រទេសកម្ពុជាដែលស្រលាញ់ជំនាញភាពយន្ត អាយុ ចន្លោះពី១៥ឆ្នាំដល់៤០ឆ្នាំ។ ក្រុមនេះបានចុះឈ្មោះជាផ្លូវការនៅក្រសួងមហាផ្ទៃ ជាអង្គការមិនរកប្រាក់ចំណេញ ចុះថ្ងៃ ទី១៣ ខែមីនា ឆ្នាំ២០១៩ តាមសេចក្តីប្រកាសលេខ ១៣៩៤ ប្រ.ក។

    គោលដៅចម្បងគឺបន្តការងារពីក្រុមកុនខ្មែរ កូនខ្មែរហៅកាត់ថា៤ខេ(4K) ដែលត្រូវបានបង្កើតឡើងនៅឆ្នាំ ២០០៩ ដោយសមិទ្ធិករជនជាតិបារាំង ដើមកំណើតខ្មែរលោកជូដេវី។ ៤ខេ ត្រូវបានទទួលស្គាល់យ៉ាង ទូលំទូលាយ នៅឆ្នាំ ២០០៩ ដោយសារព័ត៌មានក្នុងស្រុក និងក្រៅស្រុក។ មិនត្រឹម តែល្បីឈ្មោះប៉ុណ្ណោះទេ នៅមានស្នាដៃជោគជ័យ ជាច្រើនដូចជា រឿង “ពេជ្រកូនភ្លោះ” (2009), ពិព័រណ៌ ស្នាដៃភាពយន្តសម័យឆ្នាំ 60’s និង 70’s” (2009), មហោស្រពសិល្បៈយុវជនខ្មែរ (ជាមួយ«សិល្បៈខ្មែរ អមតៈ»)(20011) កម្មវិធី“កុនខ្លី”(2012) “មហោស្រពភាពយន្ត ខ្លីចតុមុខ”(តាំងពី2012ម៉្លេះ), កម្រងរឿងខ្លី «ប្រាំអង្គ» (2014-2016) និងគម្រោងភាពយន្ត ដែលគួរឱ្យចាប់ អារម្មណ៍ជាច្រើនទៀត។

    ចំណែកអង្គការភាពយន្តឈូករ័ត្នវិញបានផលិតគម្រោង ខ្លួនឯងតាំងពីចុងឆ្នាំ២០១៧ ដែលហៅថាកម្មវិធី«កុនខ្ញុំ» សម្រាប់ ទូរទស្សន៍ជាតិកម្ពុជា(ទទក) កម្រងរឿងពី«គ្រួសារ» និងភាពយន្តខ្លីៗដូចជារឿង “akumu”និងរឿងខ្លីៗមួយ ចំនួនទៀត។ ទាំងនេះ គឺ ដោយសារតែមានការ គាំទ្រពីទស្សនិកជនទូទាំងប្រទេសនិងបានចាប់ដៃសហការគ្នាជាមួយ ស្ថាប័នល្បីៗ មួយចំនួនទៀត។ ក្រុមភាពយន្តឈូករ័ត្នមានគោលដៅដ៏ចម្បង គឺចង់អោយមានការយល់ដឹងកាន់តែទូលំ ទូលាយអំពីការផលិតភាពយន្ត ដើម្បីកសាងឧស្សាហកម្មភាពយន្តកម្ពុជាអោយ រឹងមានដោយយើងក៏បាន សហការ រៀបចំវគ្គបណ្តុះបណ្តាលខ្លីៗ ជាមួយសម្ព័ន្ធមិត្តតាមបណ្តាខេត្តមួយចំនួន ក្នុងព្រះរាជាណាចក្រ កម្ពុជា។

    សម្រាប់ព័ត៌មានលម្អិត សូមទាក់ទង៖
    លោក គាំ វត្ថា
    ប្រធានផ្នែកទំនាក់ទំនង
    លេខដៃ: (+855) 70 559 353
    អុីមែល: [email protected]

  • ឆ្នាំ2018 កំណើន​ជើងហោះហើរ​របស់​កម្ពុជា​មានការ​កើនឡើង​ជាង16​%

    ឆ្នាំ2018 កំណើន​ជើងហោះហើរ​របស់​កម្ពុជា​មានការ​កើនឡើង​ជាង16​%

    រដ្ឋលេខាធិការ​ដ្ឋាន​អាកាសចរ​ស៊ីវិល​ បាន​បង្ហាញថា​ ចំនួន​ជើងហោះហើរ​ចូលក្នុង​ប្រទេស​កម្ពុជា​មាន​ចំនួន​ជាង10ម៉ឺន​ជើង​ ក្នុង​ឆ្នាំ2018កន្លងទៅ​នេះ​ ដែល​ចំនួន​នេះ​ គឺ​មានការ​កើនឡើង​ 16.2​% ដោយឡែក​ចំពោះ​ចំនួន​ភ្ញៀវ​ទេសចរ​ជាតិ​ និង​អន្តរជាតិ​ដែល​ធ្វើដំណើរ​តាមផ្លូវអាកាស​វិញ​ ក៏​មានការ​កើនឡើង​ចំនួន21.1​%ផង​ដែរ​ បើ​ប្រៀបធៀប​រយៈពេល​ដូចគ្នា​ពេញ​មួយឆ្នាំ2017​។ នេះ​បើ​យោង​តាម​របាយការណ៍​របស់​រដ្ឋលេខាធិការ​ដ្ឋាន​អាកាសចរ​ស៊ីវិល​។

    ក្នុង​របាយការណ៍​បាន​បញ្ជាក់​ថា​ ក្នុង​ឆ្នាំ​ 2018កម្ពុជា​ទទួល​បាន​ជើងហោះហើរ​ចំនួន​ 104803​ ជើង​(ជាង​ 10,4ម៉ឺន​ជើង​) កើនឡើង​ 16.2​% ធៀប​នឹង​ឆ្នាំ2017​។ អ្នកដំណើរ​ជាតិ​ និង​អន្តរជាតិ​តាមផ្លូវអាកាស​មាន​ចំនួន​ 10556​ 547នាក់​ (ជាង10,55លាន​នាក់​) កើនឡើង​ 21.1​% ធៀប​នឹង​ឆ្នាំ2017​។ ទំនិញ​បាន​ចំនួន​ 74​ 655​ តោន​ កើនឡើង15.1​%។ ជើងហោះហើរ​រំលង​បាន​ចំនួន​ 66092​ ជើង​ កើនឡើង13​% និង​ក្រុមហ៊ុន​អាកាសចរណ៍​ក្នុង​ស្រុក​ និង​ក្រៅ​ស្រុក​មាន​ចំនួន​ 47ក្រុមហ៊ុន​កើនឡើង​ 2%។

    សូមជម្រាប​ថា​ ក្រុមហ៊ុន​បារាំង​ SCA​ បាន​និង​កំពុង​រៀបចំ​ចំណតយន្តហោះ​ និង​ពង្រីក​បន្ថែម​ផ្លូវ​រត់​យន្តហោះ​ នៅ​អាកាសយាន​ដ្ឋាន​អន្តរជាតិ​របស់​កម្ពុជា​ ដើម្បី​ត្រៀម​ទទួល​យន្តហោះ​របស់​គណៈ​-ប្រតិភូ​ដែល​នឹង​អញ្ជើញ​មក​ចូលរួម​ កិច្ចប្រជុំ​កំពូល​អាស៊ី​-អឺរ៉ុប​ និង​កិច្ចប្រជុំ​កំពូល​អាស៊ាន​ ដែល​កម្ពុជា​ធ្វើជា​ម្ចាស់ផ្ទះ​នា​ពេល​បន្តបន្ទាប់​ និង​ដើម្បី​បង្កើន​ភ្ញៀវ​ទេសចរ​ផង​ដែរ​។

    លោក​ ប៊ុ​ន នី​ អនុរដ្ឋ​លេខាធិការ​នៃ​រដ្ឋលេខាធិការ​ដ្ឋាន​អាកាសចរ​ស៊ីវិល​ បាន​ថ្លែង​ក្នុង​កិច្ចប្រជុំ​នេះ​ថា​៖“ ឧស្សាហកម្ម​ដឹកជញ្ជូន​ផ្លូវអាកាស​ ដើរតួ​នាទី​សំខាន់​នៅក្នុង​សកម្មភាព​សេដ្ឋកិច្ច​ពិភពលោក​។ ការ​ដឹកជញ្ជូន​តាមផ្លូវអាកាស​ ត្រូវ​បាន​ចាត់ទុកថា​ ជា​កត្តាផលិតកម្ម​យុទ្ធសាស្ត្រ​សំខាន់​មួយ​ផ្នែក​ ក្នុង​ការ​ជួយ​ជំរុញ​ឱ្យ​មានការ​អភិវឌ្ឍ​សេដ្ឋកិច្ច​សង្គម​ និង​កាត់បន្ថយ​ភាព​ក្រីក្រ​នៅ​ប្រទេស​កម្ពុជា​យើង​។ ឧស្សាហកម្ម​នេះ​ មាន​តួនាទី​សំខាន់2គឺ​៖1-ជា​សេវាកម្ម​ពាណិជ្ជកម្ម​ 2-ជា​យាន​សម្រាប់​កិច្ចការ​ពាណិជ្ជកម្ម​នៅក្នុង​វិស័យ​សេវា​កម្ម​ផ្សេង​ៗទៀត​”។

    លោក​បញ្ជាក់​ថា​ វិស័យ​ដឹកជញ្ជូន​ផ្លូវអាកាស​មិន​ត្រឹមតែ​ ជួយ​សម្រួល​ដល់​ការ​ដឹកជញ្ជូន​អ្នកធ្វើ​ ដំណើរ​ និង​ទំនិញ​នានា​ក្នុងរយៈពេល​ដ៏​ខ្លី​តាមដែល​អាច​ធ្វើ​ទៅ​បាន​ប៉ុណ្ណោះទេ​ ប៉ុន្ដែ​វិស័យ​នេះ​ក៏បាន​ជួយ​ដោយ​ផ្ទាល់​ ដល់​ការ​បង្កើន​សកម្មភាព​ពាណិជ្ជកម្ម​ទេសចរណ៍​ ចំណូលជាតិ​ និង​លើកកម្ពស់​ទំនាក់ទំនង​សង្គម​ និង​ផ្តល់​នូវ​ផល​ប្រយោជន៍​ផ្សេង​ៗទៀត​សម្រាប់​ប្រទេសជាតិ​ផង​ដែរ​។

    ការផ្លាស់ប្ដូរ​សំ​ខាន់​ៗជាច្រើន​ក្នុងរយៈពេល​ប៉ុន្មាន​ឆ្នាំ​កន្លងទៅ​នេះ​ ក្នុង​គោលបំណង​ដើម្បី​ជំរុញ​ឱ្យ​មានការ​អនុវត្ដ​តាម​បទ​ប្ប​ញ្ញ​ត្ដិ​ផ្នែក​សុវត្ថិភាព​ សន្ដិ​សុខ​ សេដ្ឋកិច្ច​ និង​បរិស្ថាន​ ក្នុង​ប្រតិបត្តិ​ការ​ដឹកជញ្ជូន​តាមផ្លូវអាកាស​ជាស​កល​ ហើយ​ជាពិសេស​ ត្រូវ​អនុវត្ដ​តាម​លក្ខខណ្ឌ​តម្រូវការ​នានា​របស់​អង្គការ​អាកាសចរណ៍​ស៊ីវិល​អន្តរជាតិ​(ICAO​)។ នេះ​បើ​តាម​ការ​លើកឡើង​បន្ថែម​ របស់​លោក​អនុរដ្ឋ​លេខាធិការ​។

    ឯកឧត្តម​ ម៉ៅ​ ហា​វណ្ណា​ល់​ (Mao​ Havanall​) រដ្ឋមន្ត្រី​លេខាធិការ​ដ្ឋាន​អាកាសចរ​ស៊ីវិល​បាន​មានប្រសាសន៍​ថា​ វិស័យ​អាកាសចរណ៍​ក្នុង​តំបន់​បាន​រីកចម្រើន​គួរ​ឱ្យ​កត់សម្គាល់​ដោយសារ​គោលនយោបាយ​បើកចំហ​របស់​រដ្ឋាភិបាល​ដែល​បាន​អនុវត្ត​តាំងពី​ឆ្នាំ1999​។

    ឯកឧត្តម​បាន​បន្ថែម​ថា​ដោយសារ​ការ​ធ្វើ​ទំនើបកម្ម​នៃ​ប្រព័ន្ធ​គ្រប់គ្រង​ចរាចរណ៍​ផ្លូវអាកាស​ការ​កែ​លម្អ​ស្ថានីយ​ព្រលា​នយន្តហោះ​នៅ​ទូទាំង​ប្រទេស​ និង​ការ​ពង្រឹង​បទបញ្ជា​នៅក្នុង​វិស័យ​អ្នកដំណើរ​ និង​ទំនិញ​បាន​កើនឡើង​យ៉ាង​ខ្លាំង​ក្នុង​ប៉ុន្មាន​ឆ្នាំ​ថ្មី​ៗនេះ​។

    ឯកឧត្តម​បាន​ចង្អុលបង្ហាញ​ថា​៖“អ្នកដំណើរ​ចំនួន​ 10,4​ លាន​នាក់​ បាន​ប្រើ​ប្រាស់​ព្រលា​នយន្តហោះ​កម្ពុជា​នៅ​ឆ្នាំ​ 2018​ ដែល​ជា​ការ​កើនឡើង​ គួរ​ឱ្យ​ចាប់អារម្មណ៍​មួយ​ កាលពី​មួយ​ទសវត្សរ៍​មុន​នៅពេល​នោះ​មាន​មនុស្ស​ត្រឹមតែ​ 620.000​ នាក់​ បាន​ឆ្លង​កា​ត់​ព្រលា​នយន្តហោះ​ក្នុង​ស្រុក​ជា​រៀងរាល់​ឆ្នាំ​។ លើស​ពីនេះ​ទៅទៀត​ យើង​បាន​ចុះហត្ថលេខា​ លើ​កិច្ច​ព្រមព្រៀង​ដឹកជញ្ជូន​ផ្លូវអាកាស​ជាមួយ​បណ្តា​ប្រទេស​ចំនួន44​ នៅ​ទូទាំង​ពិភពលោក​ ហើយ​ក្រុមហ៊ុន​អាកាសចរណ៍​ចំនួន47​ កំពុង​ហោះហើរ​ ចូល​ និង​ចេញពី​ប្រទេស​កម្ពុជា​។សូមជម្រាប​ថា​ កម្ពុជា​កំពុង​ប្រែក្លាយ​ជា​មជ្ឈមណ្ឌល​អាកាសចរណ៍​ និង​ទេសចរណ៍​មួយ​ ដែល​ មាន​ភាព​ទាក់ទាញ​ក្នុង​តំបន់​ និង​ពិភពលោក​ដែល​ជាទី​តាំង​ភូមិ​សាស្រ្ត​ល្អ​ប្រកប​ដោយសក្តានុពល​ យ៉ាង​ សម្បូរ​បែប​។ កត្តា​ខាងលើ​នេះ​ គឺ​ដោយសារតែ​កម្ពុជា​ជាទី​ផ្សារ​មួយ​ក្នុងចំណោម​ទីផ្សារ​ទេសចរណ៍​ ដែល​មានការ​រីកចម្រើន​យ៉ាង​ឆាប់រហ័ស​បំផុត​ នៅ​តំបន់​អាស៊ី​អាគ្នេយ៍​ ដែល​នៅតែ​បន្ត​រក្សា​កំណើន​ជាមធ្យម​ក្នុងរង្វង់8.5​%រហូតដល់​ឆ្នាំ2040​៕

  • កម្ពុជាសម្រេចមិនជួលនាវាផលិតអគ្គិសនីរបស់តួកគី ដោយសារលក្ខខណ្ឌមិនត្រូវគ្នា

    កម្ពុជាសម្រេចមិនជួលនាវាផលិតអគ្គិសនីរបស់តួកគី ដោយសារលក្ខខណ្ឌមិនត្រូវគ្នា

    ក្រោយពីកម្ពុជាប្រឈមនឹង​ឥទ្ធិពល អាកាសធាតុ​ឡើង​កម្តៅ អែលនីណូ (El Nino) ដែលធ្វើឱ្យ​មានបញ្ហា​ខ្វះខាតទឹក និងអគ្គិសនីប្រើប្រាស់  រាជរដ្ឋាភិបាល​បានប្រកាសរៀបចំវិធានការដោះស្រាយជាច្រើន ដោយក្នុងនោះមានការចរចាទិញភ្លើងពីនាវាផលិតអគ្គិសនីរបស់​តួកគី ក៏ជាដំណោះស្រាយសំខាន់មួយផងដែរ តែរហូតមកដល់ពេលថ្មីៗនេះ​ ប្រមុខរាជរដ្ឋាភិបាល​បានប្រកាស​មិនជួលនាវាផលិតអគ្គិសនីនោះវិញ។

    សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា​ បានលើកឡើងនៅក្នុងកិច្ចប្រជុំ​គណៈរដ្ឋមន្ត្រីនៅថ្ងៃទី5 ខែមេសា ឆ្នាំ2019 នេះថា ​កម្ពុជាសម្រេចមិនជួល​នាវាផលិតថាមពលអគ្គិសនីរបស់តួកគីទេ មូលហេតុដោយសារតែលក្ខខណ្ឌមួយចំនួនមិនត្រូវគ្នា និងនាវានោះមិនអាចមកដល់កម្ពុជាទាន់សភាពការណ៍។

    អ្នកនាំពាក្យ​រាជរដ្ឋាភិបាល ឯកឧត្តម ផៃ ស៊ីផាន បានប្រាប់បណ្តាញព័ត៌មានក្នុងស្រុកថា នៅពេលនេះកម្ពុជាទទួលបានការបង្កើនការផ្គត់ផ្គង់ថាមពលអគ្គិសនីបន្ថែមពីប្រទេសជិតខាង។ ដូចថ្ងៃនេះទទួលបាន 55មេហ្គាវ៉ាត់ពីប្រទេសថៃ សម្រាប់ការផ្គត់ផ្គង់បន្ថែម ព្រមទាំងការស្រូបយកថាមពលអគ្គិសនីពីប្រទេសឡាវ និងវៀតណាមផងដែរ។ ការដាក់ឱ្យដំណើរការនូវស្ថានីយអគ្គិសនីដើរដោយថាមពលព្រះអាទិត្យ 20មេហ្គាវ៉ាត់ នៅតំបន់ត្មាតពង ជិតភ្នំប្រសិទ្ធិ៍ បញ្ចូលមកក្នុងបណ្តាញអគ្គិសនីជាតិ ព្រមទាំងឱ្យសណ្ឋាគារ និងរោងចក្រធំៗជួយបញ្ចេញម៉ាស៊ីនភ្លើងរបស់ខ្លួន ដើម្បីបន្ថយការប្រើប្រាស់។ ធ្វើដូច្នេះយើងមានភ្លើង 200មេហ្គាវ៉ាត់សម្រាប់សម្រាលការលំបាករយៈពេលជាង1ខែនេះ មុនរដូវភ្លៀងចូលមកដល់៕