វល័ក្ខ - La Reine Media

Marseilleខិតកាន់តែកៀកវគ្គផ្តាច់ព្រ័ត្រ ក្រោយផ្តួល Salzburg

ខ្សែបម្រើស្លាប Florian Thauvin និងកីឡាករបម្រុង Clinton Njie សុទ្ធសឹងរកបានគ្រាប់បាល់បញ្ចូលទីដូចគ្នា ដើម្បីជួយឱ្យក្រុម Marseille ដណ្តើមបានជ័យជម្នះក្នុងលទ្ធផល 2-០ លើក្រុម Salzburg ក្នុងការប្រកួតក្របខ័ណ្ឌ Europa League វគ្គពាក់កណ្តាលផ្តាច់ព្រ័ត្រ ជើងទី1 កាលពីថ្ងៃព្រហស្បតិ៍ ក៏ដូចជាជួយរក្សាក្តីសុបិនរបស់ក្លិបបារាំងមួយនេះ ក្នុងការវិលទៅកាន់ជ័យជម្នះក្នុងក្របខ័ណ្ឌអឺរ៉ុបដែរ។

ខ្សែបម្រើដ៏មានឥទ្ធិពល Dimitri Payet បានជួយបង្កើតឱ្យមានគ្រាប់បាល់ទាំង 2គ្រាប់សម្រាប់ក្រុម Marseille នាកីឡដ្ឋាន Velodrome ខណៈដែលអ្នកគាំទ្រច្រើនជាង 62,000នាក់បានទស្សនាតារាឆ្នើម Thauvin រកបានគ្រាប់បាល់បើកឆាក ដែលជាគ្រាប់បាល់ប៉ះនឹងដៃរបស់ខ្លួន។

បន្ទាប់មក ខ្សែប្រយុទ្ធអន្តរជាតិកាមេរូន Clinton Njie បានជួយឱ្យក្រុមខ្លួននាំមុខ 2-០ ក្នុងរយៈពេលតិចជាង 3នាទី ក្រោយពីបានចូលលេងក្នុងនាមជាកីឡាករបម្រុងក្នុងតង់ទី2 ដើម្បីជួយឱ្យក្រុម Marseille ស្ថិតក្នុងទីតាំងដ៏រឹងមាំ នៅមុនពេលការប្រកួតជើងទី២ នៅសប្តាហ៍ក្រោយ ក្នុងប្រទេសអូទ្រីស។

លោក Rudi Garcia គ្រូបង្វឹករបស់ក្រុម Marseille បានឱ្យដឹងថា៖ «វាជាលទ្ធផលដ៏ល្អមួយ។ យើងចង់ឈ្នះ ហើយវាបានសម្រេចដូចបំណងអ៊ីចឹងមែន។ ការមិនបណ្តោយឱ្យមានការរបូតគ្រាប់បាល់ក្រៅទឹកដី គឺជាលទ្ធផលដ៏ល្អមួយ»។ គ្រូបង្វឹករូបនេះបានបន្ថែមទៀតថា៖ «យើងដឹងថា យើងមិនទាន់ឈានទៅវគ្គបន្តនៅឡើយទេ។ យើងនឹងធ្វើដំណើរទៅកាន់ទីនោះដើម្បីរកគ្រាប់បាល់យ៉ាងហោចណាស់ 1គ្រាប់ និងឈ្នះការប្រកួតនេះ។ យើងត្រូវតែបង្ហាញថា យើងពិតជាស័ក្តិសមក្នុងការឈានទៅវគ្គផ្តាច់ព្រ័ត្រ»៕

ប្រភពពី៖ The Straits Times

April 27, 2018

អ៊ីអន វ៉លឡេត ខេមបូឌាជាប្រាក់រៀល ចាប់ផ្តើមដំណើរការហើយ

ធនាគារឯកទេស អ៊ីអន (ខេមបូឌា) ភីអិលស៊ី ជាធនាគារឯកទេសឈានមុខគេនៅប្រទេសកម្ពុជា ត្រូវបានប្រជាពលរដ្ឋជាទូទៅទទួលស្គាល់យ៉ាងច្បាស់ទៅលើសេវាកម្មបង់រំលស់ កម្ចីសាច់ប្រាក់ និង សេវាកម្មប័ណ្ណឥណទានជាមួយគុណភាព ដែលផ្តល់ទំនុកចិត្តយ៉ាងខ្ពស់សម្រាប់អតិថិជន។

ដើម្បីជួយសម្រួលដល់ភាពងាយស្រួលដល់ប្រជាពលរដ្ឋកម្ពុជាក្នុងការរស់នៅប្រចាំថ្ងៃ ក៏ដូចជាលើកតម្កើនប្រាក់រៀលខ្មែរ ធនាគារឯកទេស អ៊ីអន (ខេមបូឌា) ភីអិលស៊ី បានបង្កើត Mobile Wallet ដែលមានឈ្មោះថា អ៊ីអន វ៉លឡេត ខេមបូឌា (AEON Wallet Cambodia) ដែលមានមុខងារទូទាត់ទំនិញ ឬសេវាកម្មផ្សេងៗជាប្រាក់រៀល តាមរយៈទូរស័ព្ទដៃ ដោយពុំចាំបាច់ប្រើប្រាស់សាច់ប្រាក់ផ្ទាល់។

បន្ថែមពីនោះទៀតជាមួយ អ៊ីអន វ៉លឡេត ខេមបូឌា (AEON Wallet Cambodia) អតិថិជនទទួលបានអត្ថប្រយោជន៏បន្ថែមទៀតដូចជា ទទួលបានការបញ្ចុះតម្លៃតាមបណ្តាហាងដៃគូជាច្រើន និងការសន្សំពិន្ទុប្តូរយករង្វាន់ថែមទៀតផង។ ការបង្កើត អ៊ីអន វ៉លឡេត ខេមបូឌា (AEON Wallet Cambodia) នេះឡើងក្នុងគោលបំណងផ្តល់ភាពងាយស្រួល សាមញ្ញ និង រហ័សក្នុងការទូទាត់សាច់ប្រាក់ជាមួយប្រាក់រៀល។ លោកអ្នកមិនបារម្មណ៍ពីការអាប់ប្រាក់ ឬការគិតលុយខុស និងកាត់បន្ថយ ហានិភ័យផ្សេងៗដូចជា បាត់លុយ ចោរលួចជាដើម។

លោក Taketo Ando នាយកគ្រប់គ្រង ធនាគារឯកទេសអ៊ីអន (កម្ពុជា) មានប្រសាសន៏ថា៖ «ធនាគារឯកទេសអ៊ីអន ខេមបូឌា ដែលមានឆន្ទៈជួយអភិវឌ្ឍប្រទេសកម្ពុជានិងជួយលើកតម្កើង នឹងជំរុញឲ្យមានការប្រើប្រាស់រូបិយប័ណ្ណប្រាក់រៀលខ្មែរ ដោយជួយផ្សព្វផ្សាយសេវានេះ ឲ្យក្លាយជាសេវាកម្មដែលគួរឲ្យទុកចិត្តបាន មានសុវត្ថិភាព និងងាយស្រួល ដើម្បីធ្វើឲ្យជីវិតរស់នៅប្រចាំថ្ងៃរបស់យើង នៅប្រទេសកម្ពុជា និងបណ្តាប្រទេសអាស៊ីផ្សេងទៀត កាន់តែកាន់ប្រសើរ» ៕

April 27, 2018

Arsenal រងទណ្ឌកម្មក្រោមស្នាដៃក្រុមនៅសល់សមាជិកតែ 10នាក់ Atletico Madrid

លោក Arsene Wenger អ្នកចាត់ការទូទៅរបស់ក្រុម Arsenal បានធ្វើការរិះគន់ទៅលើតំបន់ការពារ ខណៈដែលក្រុមរបស់លោកមិនបានដណ្តើមយកប្រៀបផ្សេងៗតាមរយៈការមានសមាជិកច្រើនជាងមួយនាក់ រហូតដល់ទៅ 80នាទី ក្នុងពេលបញ្ចប់ក្នុងលទ្ធផលស្មើ 1-1 ជាមួយនឹងក្រុម Atletico Madrid ក្នុងការប្រកួតក្របខ័ណ្ឌ Europa League របស់ពួកគេ វគ្គពាក់កណ្តាលផ្តាច់ព្រ័ត្រ ជើងទី1 កាលពីថ្ងៃព្រហស្បតិ៍។

គ្រាប់បាល់ក្រៅទឹកដីរបស់ខ្សែប្រយុទ្ធ Antoine Griezmann នៅរយៈពេល 8នាទីចុងក្រោយ បានផ្តល់នូវការខកចិត្តដ៏ធំដល់ក្តីសង្ឃឹមរបស់លោក Wenger ក្នុងការបញ្ចប់ ក្រោយពីការដឹកនាំរយៈពេល 22ឆ្នាំ តាមរយៈការឈានទៅវគ្គផ្តាច់ព្រ័ត្រនៅថ្ងៃទី16 ខែឧសភា និងឱកាសរបស់ក្រុម Arsenal ក្នុងការលេងក្នុងក្របខ័ណ្ឌ Champions League នៅរដូវកាលក្រោយ។

ការរងពិន័យកាតក្រហមនៅដើមតង់ទី2 របស់ខ្សែការពារ Sime Vrsaljko បានជួយឱ្យក្រុមក្រុមកាំភ្លើងធំមួយនេះមានប្រៀប ប៉ុន្តែពួកគេបានខ្ជះខ្ជាយឱកាសជាច្រើន នៅមុនពេល និងបន្ទាប់ពីខ្សែប្រយុទ្ធ Alexandre Lacazette បានជួយឱ្យពួកគេមានគ្រាប់បាល់នាំមុខមុន នៅនាទីទី60។ លោក Wenger បានឱ្យដឹងថា៖ «ខ្ញុំមានអារម្មណ៍ថា យើងបានបង្ហាញពីទម្រង់លេងដែលយើងចង់បង្ហាញ ប៉ុន្តែលទ្ធផលនេះ មិនស័ក្តិសមជាមួយនឹងការបង្ហាញពីទម្រង់លេងនេះឡើយ»។

គ្រូបង្វឹកសញ្ជាតិបារាំងរូបនេះបានបន្ថែមទៀតថា៖ «យើងត្រឹមតែអាចសម្លឹងមើលខ្លួនយើង សម្រាប់លទ្ធផលនៅរាត្រីនេះ ពីព្រោះការទទួលបានលទ្ធផលស្មើ 1-1 គឺជាលទ្ធផលដ៏ល្អឥតខ្ចោះមួយនៅលើទឹកដីខ្លួនឯង។ វាអាស្រ័យទៅលើយើងក្នុងការមិនបង្កើតឱ្យមានកំហុស។ វាជារឿងមួយដែលយើងមិនធ្លាប់បានឃើញពីមុនមក»៕

ប្រភពពី៖ Channel News Asia

April 27, 2018

កម្មវិធី ABC Exceptional Night ជាមួយលោក នីកូ

ភ្នំពេញ៖ កាលពីថ្ងៃពុធ ទី 25 ខែមេសា ឆ្នាំ2018 ស្រាបៀរ ABC អិចស្ត្រាស្តោត បានបន្តរៀបចំកម្មវិធី ABC EXCEPTIONAL NIGHT នៅភោជនីយដ្ឋាន ភូមិគ្រឹះអង្គរ ដោយមានការអញ្ជើញចូលរួមពីសំណាក់តារាចម្រៀងដ៏ល្បីនិងមានវ័យក្មេងដែលប្រកបដោយមហិច្ឆិតា អាចនិយាយបានថាគាត់តែងតែទទួលបានពិន្ទុលើសពី 101%នូវអ្វីដែលគាត់បានធ្វើ រាល់យុទ្ធនាការសុទ្ធតែសកម្មនិងលើកទឹកចិត្តអោយយុវវ័យសម្រេចនូវក្តីសុបិន្តនិងជឿជាក់លើខ្លួនឯង (Fierce Exceptional) គឺលោក នីកូ ។

កម្មវិធីរាត្រីដ៏ល្អឯក (ABC Exceptional Night) មិនត្រឹមតែមានវត្តមាន តារាចម្រៀងដែលចូលរួម ផ្តល់ភាពសប្បាយរីករាយក៏ដូចជាបង្ហាញពីភាពល្អឯកប៉ុណ្ណោះទេ អតិថិជនរបស់ស្រាបៀរ ABC អិចស្ត្រាស្តោត និងអតិថិជន នៅភោជនីយដ្ឋាន ភូមិគ្រឹះអង្គរ ក៏បានភ្លក់នូវរសជាតិដ៏ល្អឯកពីការលាយបញ្ជូលគ្នាជា ស្រាក្រឡុក ABC អិចស្ត្រាស្តោត ពីសំណាក់អ្នកក្រឡុកស្រាដ៏ជំនាញ ។

កម្មវិធី ABC EXCEPTIONAL NIGHT គឺជាផ្នែកមួយនៃយុទ្ធនាការ “ជាឧត្តមភាពដ៏ល្អឯក” របស់ ស្រាបៀរ ABC អិចស្ត្រាស្តោត ដែលផ្តល់នូវអំណរសារទរដល់ប្រជាពលរដ្ឋកម្ពុជាដែលទទួលបានជោគជ័យដោយបានបង្ហាញពីចំណុចខ្លាំង ចំណេះដឹង និងសមិទ្ធផលរបស់ខ្លួននៅក្នុងវិស័យសិល្បៈ ពាណិជ្ជកម្ម និងការកសាងសហគមន៍។

ABC អិចស្ត្រាស្តោត នៅតែជាម៉ាកសញ្ញាស្រាបៀរទឹកខ្មៅលំដាប់ថ្នាក់អន្តរជាតិដែលឈានមុខគេគ្មានគូរបៀបនៅលើទីផ្សារ ស្រាបៀរទឹកខ្មៅគុណភាពខ្ពស់បំផុតនៅក្នុងប្រទេសកម្ពុជា ដែលអតិថិជនជ្រើសរើសយកមកទទួលទាន ”ក្រេបរសជាតិដ៏ល្អឯក” នៃស្រាបៀរទឹកខ្មៅ ដែលផលិតពីគ្រឿងផ្សំមានគុណភាពខ្ពស់បំផុត និងបានឈ្នះពានរង្វាន់ជាច្រើន ជាពិសេសកំពុងទទួលបានការគាំទ្រកាន់តែខ្លាំងឡើងពីស្រទាប់យុវវ័យ មជ្ឈដ្ឋានសិល្បករ និងពាណិជ្ជករលំដាប់ថ្នាក់ខ្ពស់។

កម្មវិធី ABC EXCEPTIONAL NIGHT នឹងបន្តប្រារព្ធធ្វើឡើងនៅទីតាំង Tag Pub នៅថ្ងៃសុក្រ ទី 25 ខែមេសាខាងមុខនេះ ដោយមានការអញ្ជើញចូលរួមសម្តែងពីកំពូលតារាចម្រៀងដ៏ល្បីប្រចាំព្រះរាជាណាចក្រកម្ពុជាគាត់ជាតារាដែលមានមហិច្ឆតាដ៏ច្បាស់លាស់ និងភាពលះបង់សម្រាប់ការងាររបស់នាង ទាំងនេះជាយាន្តធ្វើអោយនាងក្លាយជាតារាដ៏សំខាន់ម្នាក់ក្នុងវិស័យសិល្បះ។ នាងបានផ្តល់ជូនទៅអ្នកគាំទ្ររបស់នាងតាមរយះជំនាញរបស់នាង នាងគឺជាតារាដែលល្បីដោយចំនុចល្អឯករបស់ខ្លួន ( Superstar Exceptional) កញ្ញា មាស សុខសោភា ។

សូមចូលរួមឲ្យបានច្រើនកុះករដើម្បីទទួលបានបទពិសោធន៍ដ៏ល្អឯកពី ABC អិចស្ត្រាស្តោត!

ចំពោះព័ត៌មានបន្ថែមអំពីកម្មវិធីពិសេសនេះ ចូលទៅកាន់គេហទំព័រផ្លូវការ៖https://www.facebook.com/ABC.ExtraStoutCambodia/

សូមរីករាយទទួលទាន ABC អិចស្ត្រាស្តោត ដោយការទទួលខុសត្រូវ។

April 27, 2018

ធនាគារ FTB និងគ្រឹៈស្ថានមីក្រូហិរញ្ញវត្ថុ អេ អឹម ខេចុះអនុស្សរណៈយោគយល់លើសេវាផ្ទេរប្រាក់ក្រៅប្រទេស

ភ្នំពេញ៖ ថ្ងៃទី ២៦ ខែមេសា ឆ្នាំ២០១៨ ធនាគារពាណិជ្ជកម្មក្រៅប្រទេសនៃកម្ពុជា (FTB) និង គ្រឹះស្ថានមីក្រូហិរញ្ញវត្ថុ អេ អឹម ខេ ភីអិលស៊ី បានចុះអនុស្សរណៈយោគយល់គ្នាមួយ ដើម្បីសហប្រតិបតិ្តការ លើសេវាផ្ទេរប្រាក់ក្រៅប្រទេស ជូនដល់អតិថិជន គ្រឹះស្ថានមីក្រូហិរញ្ញវត្ថុ អេ អឹម ខេ ភីអិលស៊ី ក្រោមការអនុញ្ញាតពីធនាគារជាតិនៃកម្ពុជា ។ ឥឡូវនេះ អតិថិជនអាចរីករាយទទួលប្រាក់ពីបង ប្អូន សាច់ញាតិ ឬដៃគូអាជីវកម្មនៅក្រៅប្រទេសដែលមានសុវត្ថិភាពខ្ពស់ សេវាលឿនរហ័ស និងតម្លៃសមរម្យ។

កិច្ចសហប្រតិបតិ្តការរវាងស្ថាប័នទាំងពីរនេះ ជាសញ្ញាវិជ្ជមានមួយបន្ថែមទៀតក្នុងវិស័យធនាគារ ដើម្បីបំពេញតម្រូវការរបស់អតិថិជនជិត ៧០ ម៉ឺននាក់ របស់គ្រឹះស្ថានមីក្រូហិរញ្ញវត្ថុ អេ អឹម ខេ ភីអិលស៊ី នៅតាមការិយាល័យប្រតិបត្តិការចំនួន ១៥០កន្លែង និងមានភ្នាក់ងារផ្ទេរប្រាក់ អេ អឹម ខេ ជាង៣.០០០កន្លែង នៅទូទាំងប្រទេស ដែលត្រូវការសេវាផ្ទេរប្រាក់ពីក្រៅប្រទេស។ ធនាគារពាណិជ្ជកម្មក្រៅប្រទេសនៃកម្ពុជា ជាធនាគារពាណិជ្ជដំបូងគេ និងមានទំនុកចិត្តខ្ពស់ពីអតិថិជន ជាពិសេសភាពខ្លាំងរបស់ធនាគារក្នុងការវិនិយោគលើបច្ចេកវិទ្យាថ្មីៗនៅពេលបច្ចុប្បន្ន។

ដោយឡែក អេ អឹម ខេ ភីអិលស៊ី ជាគ្រឹះស្ថានមីក្រូហិរញ្ញវត្ថុ ឈានមុខគេមួយ មានបណ្តាញទូលំទូលាយទូទាំងប្រទេស ។ ការចាប់ដៃគូនេះនឹងផ្តល់ភាពងាយស្រួល និងអត្ថប្រយោជន៍ជូនប្រជា ពលរដ្ឋខ្មែរយើងដែលមានអាជីវកម្ម ឬ ធ្វើការនៅក្រៅប្រទេស ហើយចង់ផ្ញើប្រាក់មកឲ្យឱពុកម្តាយ ឬបងប្អូន ឫដៃគូនៅស្រុកខ្មែរដែលភាគច្រើននៅទីជនបទ។ សេវានេះផ្តល់ភាពងាយស្រួល មានសុវត្ថិភាព ចំណេញពេលវេលា និងមិនចំណាយសោហ៊ុយធ្វើដំណើរ ដោយពួកគាត់អាចទៅដកប្រាក់នៅជិតផ្ទះគាត់បាន។ សេវាផ្ទេរប្រាក់នេះក៏អាចឲ្យប្រជាពលរដ្ឋទទួលប្រាក់ និងផ្ទេរប្រាក់ទៅមកគ្រប់ប្រទេស ដោយសារធនាគារ FTB មានដៃគូជាមួយធនាគារធំៗនៅជុំវិញពិភពលោក។

អេ អឹម ខេ គឺជាគ្រឹះស្ថានមីក្រូហិរញ្ញវត្ថុ ដែលឈានមុខគេលើវិសាលភាពប្រតិបត្តិការ និងចំនួនអតិថិជនប្រាក់កម្ចី។ អេ អឹម ខេ មានផលិតផល និងសេវាកម្មដូចជា៖ សេវាប្រាក់កម្ចី ប្រាក់សន្សំ ផ្ទេរប្រាក់ សេវាទូទាត់វិក្កយបត្រ ធានារ៉ាប់រងខ្នាតតូច ធនាគារចល័ត សេវាបើកប្រាក់បៀវត្សរ៍ ម៉ាស៊ីនដក និងដាក់ប្រាក់ដោយស្វ័យប្រវត្តិ (ATMs/CDMs)។ ធនាគារពាណិជ្ជ FTB ដែលផ្តោតសំខាន់លើផលិតផល និង សេវាកម្មខ្នាតមធ្យម និងធំ មានទីតាំងភាគច្រើននៅខេត្តក្រុងធំៗ មានផលិតផលនិងសេវាដូចជា ប្រាក់កម្ចី ប្រាក់សន្សំ សេវាផ្ទេរប្រាក់ក្រៅប្រទេស សេវាហិរញ្ញប្បទានពាណិជ្ជកម្ម សេវាធនាគារតាមអុីនធឺណិត សេវាធនាគារតាមទូរស័ព្ទចល័ត សេវាគ្រប់គ្រងសាច់ប្រាក់និងសេវាធនាគារផ្សេងៗជាច្រើនទៀត៕

April 26, 2018

វិស័យសំណង់បន្តរួមចំណែកដល់សេដ្ឋកិច្ច ប៉ុន្តែថយចុះក្នុងឆ្នាំបោះឆ្នោតនេះ

ក្រសួងសេដ្ឋកិច្ច និងហិរញ្ញវត្ថុបានដាក់ការព្យាករថា វិស័យឧស្សាហកម្មដែលគ្របដណ្តប់លើវិស័យវាយនភណ្ឌ និងវិស័យសំណង់នឹងបន្តរួមចំណែកធំក្នុងការជំរុញសេដ្ឋកិច្ចកម្ពុជាឱ្យសម្រេចបានក្នុងរង្វង់7% សម្រាប់ឆ្នាំ2018នេះ ខណៈដែលក្រសួងដែនដីនគរូបនីយកម្ម និង សំណង់ពង្រឹងបែបបទក្នុងការសាងសង់។

ឯកសារគោលនយោបាយម៉ាក្រូសេដ្ឋកិច្ច និងគោលនយោបាយហិរញ្ញវត្ថុសាធារណៈសម្រាប់ការៀបចំសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ2019 បានបង្ហាញថា វិស័យសំណង់នឹងមានការរីកចម្រើនក្នុងអត្រាប្រមាណ16.7% ក្នុងឆ្នាំ2018 និងក្នុងអត្រា16.9% ក្នុងឆ្នាំ2019។

ការរីកចម្រើនក្នុងវិស័យសំណង់នេះត្រូវបានមន្ត្រីក្រសួងសេដ្ឋកិច្ច និងហិរញ្ញវត្ថុព្យាករថា វានឹងផ្តោតលើប្រភេទគម្រោងសំណង់តម្លៃទាប និងមធ្យមដែលជួយប៉ះប៉ូវដល់កំណើនយឺតនៃប្រភេទសំណង់តម្លៃខ្ពស់។

យោងតាមឯកសារដដែលបានឱ្យដឹងថា វិស័យសំណង់មានភាពរឹងមាំដោយសារការអនុវត្តគម្រោងអភិវឌ្ឍន៍លំនៅឋានតម្លៃសមរម្យ ការប្តេជ្ញាចិត្តរបស់រាជរដ្ឋាភិបាលក្នុងការអភិវឌ្ឍហេដ្ឋារចនាសម្ព័ន្ធជារូបវន្ត និងភាពជឿជាក់ចំពោះការវិនិយោគ និងដោយសារភាពរឹងមាំនៃកំណើនសេដ្ឋកិច្ចកម្ពុជា ទោះជាមានឥរិយាបថប្រុងប្រយ័ត្នពីសំណាក់វិនិយោគិនមួយចំនួនក្នុងឆ្នាំ2018 ដែលជាឆ្នាំបោះឆ្នោតក្ដី។

អ្នកសេដ្ឋកិច្ចវ័យក្មេងនៃក្រសួងសេដ្ឋកិច្ច និងហិរញ្ញវត្ថុ អ្នកស្រី តាន់ ឡានីន បានកត់សម្គាល់ថា វិស័យឧស្សាហកម្មដែលគ្របដណ្តប់លើអនុវិស័យពីរ គឺវិស័យកាត់ដេរ និងសំណង់បានទ្រទ្រង់ដល់កំណើនសេដ្ឋកិច្ចអស់រយៈពេលជាច្រើនឆ្នាំកន្លងមកហើយ វិស័យទាំងពីរនេះក៏បានរួមចំណែកធំក្នុងកំណើនសេដ្ឋកិច្ចនាពេលកន្លងមកក៏ដូចជាទៅអនាគតដែរ។

អ្នកស្រី តាន់ ឡានីន និយាយថា៖ “កម្ពុជាកំពុងស្ថិតក្នុងនិន្នាការនៃការផ្លាស់ប្តូររចនាសម្ព័ន្ធសេដ្ឋកិច្ចរបស់ខ្លួន ជាប្រទេសដែលពឹងផ្អែកលើវិស័យកសិកម្មទៅជាប្រទេសដែលពឹងផ្អែកលើវិស័យឧស្សាហកម្ម។

យោងតាមរបាយការណ៍របស់ក្រសួងរៀបចំដែនដី នគរូបនីយកម្ម និងសំណង់ឆ្នាំ2018 ក្រសួងរៀបចំដែនដីបានចេញលិខិតអនុញ្ញាតសាងសង់ចំនួន 3,418គម្រោង ស្មើនឹងជាង 11លាន 3សែន 8ម៉ឺនម៉ែត្រការ៉េ និងមានទុនវិនិយោគ 6,799លានដុល្លារអាមេរិក។

កាលពីពេលថ្មីៗនេះ ក្រសួងរៀបចំដែនដី នគរូបនីយកម្ម និងសំណង់បានផ្សព្វផ្សាយសៀវភៅណែនាំអំពីសុវត្តិភាពនៅក្នុងការដ្ឋានសំណង់ទៅដល់អ្នកម៉ៅការសំណង់ ម្ចាស់ការដ្ឋាន និងក្រមហ៊ុនផ្សេងៗទៀតដែលពាក់ព័ន្ធនឹងការងារសំណង់ដើម្បីបង្ការគ្រោះថ្នាក់ផ្សេងៗ និងធានាសុវត្ថិភាពជូនទាំងកម្មករសំណង់ អ្នកដែលរស់នៅក្បែរ និងអ្នកដែលធ្វើដំណើរជុំវិញការដ្ឋានដែលកំពុងធ្វើការសាងសង់៕

April 26, 2018

កសិករខ្មែរដំបូងនាំពូជផ្លែ Strawberry ពីបរទេសមកដាំដើម្បីលើកកម្ពស់វិស័យកសិកម្ម

កសិករខ្មែរមួយរូបបានចំណាយប្រាក់ជាង 1សែនដុល្លារនាំយកពូជផ្លែស្ត្របឺរី (Strawberry) ពីប្រទេសអេស្ប៉ាញមកដាំសាកល្បងនៅក្នុងប្រទេសកម្ពុជាជាលើកទី3 ដែលការដាក់ដាំកាលពីលើកទី1 និងទី2 កំពុងទទួលបានជោគជ័យជាបណ្តើរៗហើយ។

កសិករវ័យក្មេងលោក អ៊ូច សំបូរ ម្ចាស់ចម្ការ Strawberry ក្នុងខេត្តពោធិ៍សាត់បានផ្តល់បទសម្ភាសជាមួយនឹងអ្នកយកព័ត៌មាននៃកាសែតឡារ៉ែនពាណិជ្ជថា លោកបាននាំពូជស្ត្របឺរី (Strawberry)មកពីប្រទេសអេស្ប៉ាញតាមជើងយន្តហោះមកដាំសាកល្បងនៅក្នុងស្រុកខ្មែរអស់រយៈពេលជាង 2ឆ្នាំមកហើយ ដោយមានទីតាំងស្ថិតនៅភូមិកៀន ជង្រុក ឃុំអូរសោម ស្រុកវាលវែង ដែលកាលពីការដាំលើកដំបូងបានទទួលផលតិចតួចប៉ុណ្ណោះដោយសារតែអាកាសធាតុមិនសូវអំណោយផល ពិសេសមានភ្លៀងធ្លាក់ច្រើន ប៉ុន្តែការដាំលើកទី2 ទទួលបានផលច្រើនគួរសម ហើយលោកសង្ឃឹមថា ការដាក់ដាំលើកទី3នេះនឹងទទួលបានផលច្រើនជាងពេលមុនៗ ព្រោះធ្លាប់បានធ្វើពិសោធទៅលើអាកាសធាតុចំនួនពីរលើករួចមកហើយ។

ម្ចាស់ចម្ការវ័យក្មេងខាងលើបន្តថា ការដាំលើកទី3 នេះគឺដាំផ្ទាល់ដីចំនួនតែ 5,000កូនប៉ុណ្ណោះ និងកំពុងរៀបចំដាំលើទុយោទឹកចំនួន10,000កូនផ្សេងទៀតដែលសរុបទាំងអស់មានចំនួន 15,000កូន ដោយបានប្រក់ដំបូលពីលើដើម្បីការពាររដូវភ្លៀងធ្លាក់ច្រើន និងការពារសត្វល្អិតបំផ្លាញ។ ប្អូនប្រុសបន្តថា ការធ្វើពិសោធដាំផ្ទាល់ដីកន្លងមក គឺមិនសូវទទួលបានផលច្រើននោះទេ ដោយសារភ្លៀងធ្លាក់ច្រើនធ្វើឱ្យងាប់ដើម នៅសល់តែមួយចំនួនតូចប៉ុណ្ណោះដែលនៅមានសុខភាពរឹងមាំល្អ និងហុចផលឱ្យក្នុងមួយសប្តាហ៍ម្តង ដោយបេះផ្លែបានចន្លោះពី20 ទៅ30គីឡូក្រាម តែបើដើមធំពេញវ័យវិញអាចប្រមូលផលបានចន្លោះពី100 ទៅ200គីឡូក្រាមក្នុងមួយសប្តាហ៍លើចំនួនស្ត្របឺរី 15,000ដើមនេះ និងមានម៉ូយទៅទិញដល់កន្លែង បានតម្លៃក្នុងមួយគីឡូក្រាមចន្លោះពី10 ទៅ11ដុល្លារ ដែលម៉ូយអាចយកទៅលើលក់បន្តបានថ្លៃពី13 ទៅ15ដុល្លារក្នុងមួយគីឡូក្រាម។ ស្ត្របឺរីខ្មែរនេះមានផ្លែតូចជាងរបស់បរទេស តែមានរសជាតិផ្អែមជាង។

លោកថា ដើមស្ត្របឺរីអាចដាំនៅលើដី ឬរៀបចំដាំនៅលើប្រព័ន្ធទុយោទឹកក៏បាន ប៉ុន្តែត្រូវរកដីដែលមានជីជាតិល្អ មានអាកាសធាតុត្រជាក់ខ្លាំងគួរសម ប៉ុន្តែត្រូវចេះការពារទឹកភ្លៀងដែលបណ្ដាលឱ្យងាប់ដើមស្ត្របឺរី។

សម្រាប់ការដាំនៅលើដី មុនដំបូងគេត្រូវរកទីតាំងក្នុងតំបន់ណាដែលដីមានជីជាតិល្អ ហើយត្រូវរៀបចំដីឱ្យបានស្អាតជាមុន ដោយត្រូវភ្ជួរឱ្យបានពីរទៅបីលើក រួចហើយសឹមលើកជារង រួចរៀបចំប្រព័ន្ធទឹក និងក្រាលផ្ទាំងកៅស៊ូពីលើដី។ ក្រោយពីរៀបចំដីរួច គេត្រូវដឹកកូនយកមកដាំឱ្យបានលឿន ចៀសវាងទុកចោលយូរដែលនាំឱ្យកូនដើមស្ត្របឺរីខ្សោយកម្លាំង និងលូតលាស់មិនបានល្អ។

ក្រោយពីដាំរួច គេត្រូវស្រោចទឹក2 ឬ3ថ្ងៃម្តងហើយត្រូវដើរមើលកូនណាដែលលូតលាស់មិនសូវល្អត្រូវយកជីលាមកគោ ឬជីកំប៉ុស្តទៅដាក់បំប៉នដើមឱ្យលូតលាស់បានល្អឡើង និងត្រូវចេះពីបច្ចេកទេសការពារដំណាំពីសត្វល្អិតចង្រៃ ដូចជាដង្កូវ ស្រមោច ឬសត្វខ្ញុងមកស៊ីស្លឹក និងលំអងផ្កាជាដើម។ រហូតដល់2 ទៅ3ខែ ដើមស្ត្របឺរីនឹងចាប់ផ្តើមចេញផ្កា និងឱ្យផ្លែជាបណ្តើរៗ ដោយអាចបេះក្នុងមួយសប្តាហ៍បានម្តង រហូតដល់ 18ខែទើបដើមវាងាប់ទៅវិញ ទើបរង់ចាំការដាំសាជាថ្មីទៀត។

កសិករវ័យក្មេងរូបនេះបានបញ្ជាក់ថា អ្វីដែលធ្វើឱ្យលោកសុខចិត្តចំណាយប្រាក់ច្រើនដើម្បីនាំយកពូជស្ត្របឺរីមកដាំជាលើកដំបូងនេះគឺ៖ ទី1.ដោយសារចង់លើកកម្ពស់មុខមាត់វិស័យកសិកម្មនៅកម្ពុជាយើង។ ទី2.ផ្លែឈើមួយនេះនៅកម្ពុជាយើងមានតម្រូវការទីផ្សារខ្ពស់ និងអាចលក់បានថ្លៃជាងនៅក្រៅប្រទេស។ ទី3.មានដៃគូជាអ្នកបច្ចេកទេសមកពីក្រៅប្រទេសស្រាប់។ និងទី4.អាកាសធាតុកម្ពុជាអាចដាំដុះបានល្អដូចនៅប្រទេសគេដែរ។ ហើយបើសិនជាបងប្អូនប្រជាកសិករខ្មែរយើងមានបំណងចង់ដាំពូជស្ត្របឺរីនេះ អាចទំនាក់ទំនងរកទិញពូជយកទៅដាំបានព្រោះលោកបាននាំចូលមកផ្ទាល់ពីប្រទេសអេស្ប៉ាញដោយក្នុងមួយដើមតម្លៃតែ5 ទៅ6ពាន់រៀលប៉ុណ្ណោះអាស្រ័យទៅលើការកុម្ម៉ង់ទិញតិច ឬច្រើន ហើយលោកនឹងបង្រៀនពីបច្ចេកទេសដាំដុះ និងថែទាំទៀតផង៕

April 26, 2018

3ចំណុច ដែលធ្វើឱ្យកម្ពុជានឹងក្លាយជាប្រទេសមានចំណូលមធ្យមកម្រិតខ្ពស់

បន្ទាប់ពីបានឆ្លងកាត់ពីប្រទេសមានចំណូលទាប មកជាប្រទេសមានចំណូលមធ្យមកម្រិតទាបនាពេលបច្ចុប្បន្ននេះ កម្ពុជាត្រូវបានគេរំពឹងថានឹងប្រែក្លាយខ្លួនជាប្រទេសដែលមានចំណូលមធ្យមកម្រិតខ្ពស់នៅត្រឹមឆ្នាំ2030ខាងមុខ។ តើមានកត្តាសំខាន់ៗជាអាទិភាពអ្វីខ្លះដែលនឹងរុញច្រានឱ្យកម្ពុជាក្លាយជាប្រទេសមានចំណូលមធ្យមកម្រិតខ្ពស់នេះ?

នៅក្នុងកិច្ចប្រជុំកំពូលធុរកិច្ចមហាអនុតំបន់មេគង្គនៅសាលសន្និសីទជាតិ (NCC) ប្រទេសវៀតណាមដែលរៀបចំឡើងដោយធនាគារអភិវឌ្ឍន៍អាស៊ី ធនាគារពិភពលោក និងសភាពាណិជ្ជកម្មនៃប្រទេសមហាអនុតំបន់មេគង្គកាលពីពេលកន្លងទៅនេះ ប្រមុខរដ្ឋាភិបាលកម្ពុជា សម្ដេចនាយករដ្ឋមន្ដ្រីហ៊ុន សែន បានលើកឡើងពីការងារអាទិភាពចំនួន3 ដែលរាជរដ្ឋាភិបាលកម្ពុជាបាន និងកំពុងយកចិត្តទុកដាក់សំដៅប្រែក្លាយកម្ពុជាឱ្យទៅជាប្រទេសដែលមានចំណូលមធ្យមកម្រិតខ្ពស់ នៅឆ្នាំ2030 ដែលការងារអាទិភាពទាំង3 នោះរួមមាន៖ ទី1. កសាងហេដ្ឋារចនាសម្ព័ន្ធរូបវន្ដ ជាពិសេសផ្ដោតលើការអភិវឌ្ឍរបៀងសេដ្ឋកិច្ច សំដៅតភ្ជាប់ប៉ូលសេដ្ឋកិច្ចក្នុងស្រុក និងតំបន់ ដោយប្រកាន់យកនូវអភិក្រមនៃអភិវឌ្ឍន៍ប្រព័ន្ធដឹកជញ្ជូនពហុមុខ។

ទី2. អភិវឌ្ឍហេដ្ឋារចនាសម្ព័ន្ធផ្នែកទន់ តាមរយៈធ្វើឱ្យប្រសើរនូវប្រព័ន្ធឡូជីស្ទិក និងសេវាកម្ម ដើម្បីប្រែក្លាយកម្ពុជាទៅជាមជ្ឈមណ្ឌលឡូជីស្ទិកនៃមហាអនុតំបន់មេគង្គ ដោយបន្ដជំរុញកិច្ចខិតខំប្រឹងប្រែង ក្នុងការអនុវត្ដកិច្ចព្រមព្រៀងដឹកជញ្ជូនឆ្លងកាត់ព្រំដែន។ ទី3. ការអភិវឌ្ឍធនធានមនុស្សតាមរយៈការលើកកម្ពស់កិច្ចសហប្រតិបត្តិការជាមួយវិស័យឯកជន ជាពិសេសផ្ដោតលើកម្មវិធីសិក្សាអប់រំ ផ្នែកវិទ្យាសាស្ដ្រ បច្ចេកវិទ្យា វិស្វកម្ម និងគណិតវិទ្យា និងកម្មវិធីបណ្ដុះបណ្ដាលបច្ចេកទេស និងវិជ្ជាជីវៈ។

ជាមួយគ្នានេះកំណើនសេដ្ឋកិច្ចពិភពលោកកំពុងមានលក្ខណៈល្អប្រសើរ ដែលបានងើបឡើងនៅឆ្នាំ2017 និងបន្ដកើនឡើងថែមទៀតនៅឆ្នាំ2018 និងឆ្នាំ2019។ ស្របគ្នានេះ សេដ្ឋកិច្ចប្រទេសមហាតំបន់មេគង្គក៏មានសម្ទុះគួរជាទីមោទនៈ ក៏ប៉ុន្ដែលទ្ធភាពកំណើននៃអតិផរណា និងអត្រាការប្រាក់ដែលបណ្ដាលមកពីកំណើនតម្រូវការ និងទំនោរគាំពារសេដ្ឋកិច្ចក្នុងស្រុករបស់ប្រទេសមួយចំនួនកំពុងបង្កផលប៉ះពាល់ដល់ពាណិជ្ជកម្ម និងការវិនិយោគផ្ទាល់ពីបរទេសផងដែរ។

បញ្ហានេះប្រទេសមហាអនុតំបន់មេគង្គចាំបាច់ត្រូវបង្កើនល្បឿននៃសមាហរណកម្ម និងការតភ្ជាប់តំបន់ដោយផ្ដោតលើវិស័យអាទិភាពមួយចំនួនបន្ថែមទៀត ដូចជាវិស័យហរិញ្ញវត្ថុ ពាណិជ្ជកម្មតាមប្រព័ន្ធអេឡិចត្រូនិក និងការអភិវឌ្ឍទីក្រុងនៅតាមតំបន់ជាប់ព្រំដែន។ ការពង្រឹងវិសាលភាពនៃកិច្ចសហប្រតិបត្តិការ កិច្ចការរបស់យើងនឹងផ្ដល់នូវលំហូរសម្រាប់កំណើនសេដ្ឋកិច្ចតំបន់ក្នុងពេលអនាគតតាមរយៈការតភ្ជាប់ក្របខ័ណ្ឌមហាអនុតំបន់មេគង្គ និងតាមរយៈកាលានុវត្ដភាពពីគំនិតផ្ដួចផ្ដើមតំបន់ផ្សេងទៀត។

ជាមួយគ្នានេះដែរ សម្ដេចតេជោនាយករដ្ឋមន្ត្រីបានទាញនូវចំណាប់អារម្មណ៍លើបញ្ហាប្រឈមមុខមួយចំនួនដែលទាមទារឱ្យមានការគិតគូរ និងដោះស្រាយរួមមាន៖

1.ការមិនទាន់ទាញយកប្រយោជន៍អស់ពីសក្ដានុពលដែលមាននៅតាមរបៀងសេដ្ឋកិច្ចដ៏រស់រវើករបស់មហាអនុតំបន់មេគង្គ។

2.បញ្ហាប្រឈមនៃកំណើននគរូបនីយកម្ម ដោយសារការអភិវឌ្ឍដ៏ឆាប់រហ័សនៅក្នុងតំបន់។

3.ការកកស្ទះនៅតាមច្រកព្រំដែន ដែលបណ្ដាលមកពីសកម្មភាពពាណិជ្ជកម្ម និងធុរកិច្ច។

4.ប្រព័ន្ធហេដ្ឋារចនាសម្ព័ន្ធ និងកិច្ចសម្រួលពាណិជ្ជកម្មបច្ចុប្បន្ននៅមិនទាន់ឆ្លើយតបបានទៅនឹងកំណើននៃតម្រូវការ។

5.ការបន្ដពឹងផ្អែកទៅលើធនធានធម្មជាតិ និងកម្លាំងពលកម្មមានតម្លៃទាបក្នុងការទាក់ទាញការវិនិយោគ និងធុរកិច្ច និងមិនអាចរក្សាបានឡើយនូវកំណើនប្រកបដោយចីរភាព និងបរិយាប័ន្ន។

គួរបញ្ជាក់ថា កម្ពុជាបានឆ្លងផុតពីប្រទេសមានចំណូលទាបទៅជាប្រទេសមានចំណូលមធ្យមកម្រិតទាបជាផ្លូវការក្នុងឆ្នាំ2015 ព្រមទាំងត្រូវបានចាត់ទុកថាជា “ខ្លាសេដ្ឋកិច្ចអាស៊ី” នៅឆ្នាំ2016។ កំណើនសេដ្ឋកិច្ចនេះបានបង្កើតការងារជាច្រើនដល់ប្រជាពលរដ្ឋដែលឆ្លុះបញ្ចាំងដោយធនាគារពិភពលោកដែលបង្ហាញថា ភាពគ្មានការងារធ្វើនៅប្រទេសកម្ពុជាស្ថិតក្នុងអត្រា 0.3% និងភាពក្រីក្រតោកយ៉ាកត្រូវបានលុបចោលទាំងស្រុងកាលពីឆ្នាំ2017។

ទន្ទឹមនឹងនេះ ប្រាក់ចំណូលរបស់ប្រជាពលរដ្ឋខ្មែរក៏មានការកើនឡើងផងដែរ ដោយផលិតផលក្នុងស្រុកសរុប(GDP) ក្នុងមនុស្សម្នាក់កើនពី 1,042ដុល្លារអាមេរិកក្នុងឆ្នាំ2013 ដល់ប្រមាណ 1,427ដុល្លារអាមេរិកក្នុងឆ្នាំ2017 និង1,563 ដុល្លារអាមេរិកនៅឆ្នាំ2018នេះ៕

April 26, 2018

អាមេរិក និងចិនត្រៀមផលិតកង់នៅកម្ពុជាដើម្បីនាំចេញទៅទីផ្សារក្រៅប្រទេស

ដោយមើលឃើញពីសក្តានុពលសេដ្ឋកិច្ចកម្ពុជា ក្រុមអ្នកវិនិយោគរបស់អាមេរិក និងចិនតៃវ៉ាន់ គ្រោងបណ្តាក់ទុនរួមគ្នាបង្កើតរោងចក្រផលិតកង់នៅក្នុងប្រទេសកម្ពុជា ដោយដាក់ម៉ាកសញ្ញាផលិតនៅកម្ពុជា (Made in Cambodia) ដើម្បីនាំចេញទៅលក់នៅលើទីផ្សារក្រៅប្រទេស។

ក្នុងជំនួបពិភាក្សាការងារជាមួយឯកឧត្តមរដ្ឋមន្ត្រីក្រសួងពាណិជ្ជកម្ម លោក Robert Margevicius បានមានប្រសាសន៍ថា កម្ពុជាបានក្លាយជាប្រទេសដំឡើង និងផលិតកង់សម្រាប់នាំចេញធំបំផុតលំដាប់ទី2 នៅលើពិភពលោក ដែលមានចំណែកទីផ្សារនៅសហគមន៍អឺរ៉ុប សហរដ្ឋអាមេរិក កាណាដា អាស៊ាន និងប្រទេសអាស៊ីផ្សេងទៀត ក៏ប៉ុន្តែកម្ពុជាពុំមានរោងចក្រផលិតគ្រឿងផ្គុំកង់នៅឡើយទេ គឺត្រូវនាំចូលពីប្រទេសផ្សេង។ លោក Robert Margevicius បានស្នើសុំក្រសួងពាណិជ្ជកម្មកម្ពុជាជួយគាំទ្រគម្រោងនេះផង ដើម្បីឱ្យក្រុមហ៊ុនទាំងអស់អាចចូលរួមធ្វើពិពិធកម្មវិស័យការងារ និងអភិវឌ្ឍសេដ្ឋកិច្ចជាមួយរាជរដ្ឋាភិបាលកម្ពុជា។

ឯកឧត្តមរដ្ឋមន្ត្រី ប៉ាន សូរស័ក្តិ បានគាំទ្រទាំងស្រុងចំពោះគម្រោងវិនិយោគនេះ ហើយបានណែនាំដល់មន្ត្រីជំនាញឱ្យធ្វើការសម្របសម្រួល និងជួយដោះស្រាយបញ្ហាផ្សេងៗ ដើម្បីឱ្យគម្រោងនេះដំណើរការទៅមុខដោយជោគជ័យ។ ឯកឧត្តមរដ្ឋមន្ត្រី បានបង្ហាញជូនគណៈប្រតិភូអំពីព័ត៌មានសំខាន់ៗទាក់ទិននឹងឱកាសវិនិយោគនៅកម្ពុជា និងផលិតផលអាទិភាពមួយចំនួនដែលក្រសួងកំពុងជំរុញការនាំចេញ មានដូចជា សម្លៀកបំពាក់ ស្បែកជើង អង្ករ ដំឡូងមី ពោត ម្រេច សូត្រប្រណីត និងផលិតផលឧស្សាហកម្មដូចជា គ្រឿងបន្លាស់រថយន្ត ម៉ូទ័រ និងម្ហូបអាហារកែច្នៃ។

តាមរបាយការណ៍ពីសភាពាណិជ្ជកម្មអឺរ៉ុប ប្រចាំនៅប្រទេសកម្ពុជាបានបង្ហាញឱ្យដឹងថា កាលពីឆ្នាំ 2017 កម្ពុជាបានផលិត និងដំឡើងកង់នាំចេញទៅកាន់ទីផ្សារពិភពលោកចំនួន 1,824,895គ្រឿង (មួយលានប្រាំបីសែនពីរម៉ឺនបួនពាន់ប្រាំបីរយកៅសិបប្រាំ) គិតជាទឹកប្រាក់ស្មើនឹង 391លានដុល្លារអាមេរិក គឺបានកើនឡើង 29% បើធៀបនឹងឆ្នាំ2016 ដែលបច្ចុប្បន្នកម្ពុជាកំពុងផលិតកង់នៅតំបន់សេដ្ឋកិច្ចពិសេសក្រុងបាវិត ខេត្តស្វាយរៀង ជិតព្រំប្រទល់ព្រំដែនកម្ពុជា និងវៀតណាម៕

April 26, 2018

រកឃើញម្ចាស់ Huawei MatebookX តម្លៃ 1,568 ដុល្លារ ដំបូងបង្អស់ ក្នុងកម្មវិធីផ្តល់សំណាងជូនអតិថិជនជាវ Huawei nova3e ($329), Y92018 ($249) រឺ nova 2i ($299)

ភ្នំពេញ៖ ទីបំផុត រកឃើញម្ចាស់ឡេបថប់ Huawei Matebook X តម្លៃ 1,568 ដុល្លារដំបូងបង្អស់ ក្នុងកម្មវិធីចាប់ឆ្នោតផ្តល់សំណាងជូនអតិថិជនជាវ Huawei nova3e ($329), Y92018 ($249) រឺ nova 2i ($299)/

លោក ឡាយ គឹមហុង ជាអតិថិជនស្មាតហ្វូន Huawei nova 2i និង Huawei nova 3e និងជាម្ចាស់ឡេថប់ Huawei Matebook X តម្លៃ 1,568 ដុល្លារដំបូងគេបង្អស់ បានបង្ហាញចំណាប់អារម្មណ៏ក្នុងកម្មវិធីប្រគល់រង្វាន់កាលពីថ្ងៃទី ២៤ មេសា ឆ្នាំ ២០១៨ ថា លោកពិតជារំភើបខ្លាំងណាស់ដែលបានឈ្នះរង្វាន់ឡេបថប់ Huawei Matebook X ហើយទទួលបាន រង្វាន់ពិតៗពីក្រុមហ៊ុន Huawei។

“បើលោកអ្នកចង់ឈ្នាះរង្វាន់ពិតឡេបថប់ Huawei Matebook X គឹគ្រាន់តែជាវស្មាតហ្វូនស៊េរីថ្មី Huawei nova3e ($329), Y92018 ($249) រឺ nova 2i ($299) Screen Shot IMEI រឺប័ណ្ណ រឺថតរូប Warranty Card ដែលមានបិត IMEI ហើយ Comment ជារូបភាព រឺ ផ្ញើសារ តាម Inbox របស់ Huawei Mobile (KH)។ ជូនពរឲ្យឈ្នះរង្វាន់គ្រប់គ្នា!។

ក្រៅពីរង្វាន់ធំឡេបថប់ Huawei Matebook X មានអតិថិជនយ៉ាងច្រើនបានឈ្នះ រង្វាន់នាឡិកាសុខភាព Huawei B0។

កញ្ញា លី សៀង ដែលបានឈ្នះ នាឡិកាសុខភាព Huawei B0 បានឲ្យដឹងថា “នាងខ្ញុំជាវស្មាតហ្វូន Huawei Y9 2018 ហើយក៏ចូលរួមផ្សងសំណាងក្នុងកម្មវិធីផ្តល់សំណាងដល់អតិថិជនរបស់ក្រុមហុន Huawei ហើយក៏ឈ្នះរង្វាន់ Huawei B0 នេះតែម្តង! នាងខ្ញុំពិតជាសប្បាយចិត្តខ្លាំង! អរគុណ និង ស្រឡាញ់ Huawei។

គួររំលឹកថា ក្រុមហ៊ុន Huawei ប្រចាំកម្ពុជា ប្រកាសផ្តល់រង្វាន់ធំ “ឡេបថប់ Huawei MatebookX សរុប 4 គ្រឿង និងនាឡិការ Huawei Band 0 សរុប 240 គ្រឿង ដែលមួយសប្តាហ៍ៗ អតិថិជន នឹងអាចឈ្នះឡេបថប់ Huawei Matebook X ចំនួន 1 គ្រឿង តម្លៃ 1,568USD និងនាឡិការ Huawei Band 0 ចំនួន 60 គ្រឿង” រាល់ការជាវស្មាតហ្វូនស៊េរីថ្មី Huawei nova 2i ($299) Huawei nova 3e ($329), Huawei Y9 2018 ($249)។

លោក អែម យុទ្ធូ ប្រធានផ្នែកទីផ្សារជាន់ខ្ពស់ Huawei ប្រចាំកម្ពុជាបានឲ្យដឹងថា អតិថិជន មានឱកាស ឈ្នះមហារង្វាន់ជាទីគាប់ចិត្ត ដោយគ្រាន់តែអតិថិជនទិញស្មាតហ្វូន Huawei Nova2i Huawei nova 3e, Huawei Y9 2018 ចាប់ពីថ្ងៃប្រកាសប្រ៉ូម៉ូសិននេះតែប៉ុណ្ណោះ។ កម្មវិធីចាប់ឆ្នោតផ្តល់សំណាងដល់អតិថិជនដែលជាវស្មាតហ្វូន Huawei nova 2i និងស៊េរីថ្មីៗ ត្រូវបានប្រព្រឹត្តិទៅ បីដងរួមមកហើយ និង រកឃើញអ្នកឈ្នះរង្វាន់យ៉ាងសន្ធឹកសន្ធាប់ពីក្រុមហ៊ុន Huawei ប៉ុន្តែមិនមែនជា Huawei Matebook X $1,568 ដោយសារកាលបរិច្ឆេទ IMEI មុនប្រូម៉ូសិនចាប់ផ្តើម។ អគុណរ ជាវ មុនប្រូម៉ូសិន។

លោក អែម យុទ្ធូ បន្ថែមថា “ទីបំផុត ក្រុមហ៊ុន Huawei បានរកឃើញបេក្ខជនដំបូងបង្អស់ដែលមានសំណាង ឈ្នះ Huawei Matebook X តម្លៃ $1,568 ក្នុងកម្មវិធីចាប់ឆ្នោតក្នុងសប្តាហ៍ទី។ សូមចូលរួមអបអរសាទរសម្រាប់អ្នកឈ្នះរង្វាន់ទាំងតូចទាំងធំ ហើយក៏សូមអរគុណដល់អតិថិជនដែលតែងតែជាវ និងគាំទ្រស្មាតហ្វូន Huawei គ្រប់ម៉ូដែល។ សូមជូនពរឲ្យអតិថិជន មានសំណាងឈ្នះរង្វាន់ Huawei សម្រាប់ការចាប់ឆ្នោតលើកទីបួន។

អតិថិជនដែលបានជាវស្មាតហ្វូន Huawei Nova 2i ($299), Huawei nova 3e ($329) រឺ Huawei Y9 2018 ($249) ចាប់ពីថ្ងៃផ្សាយដំណឹងតាម ផេកផ្លូវការ Huawei Mobile (KH) អាចចូលរួមផ្សងសំណាង ក្នុងកម្មវិធីចាប់ឆ្នោតរបស់ក្រុមហ៊ុន Huawei “WOW WOW! Buy & Win ឈ្នះអស់ស្ទះ WOW WOW! ទិញ ឈ្នះ” បានដោយគ្រាន់តែអនុវត្តន៏តាម លក្ខខណ្ឌ និងការណែនាំខាងដូចខាងក្រោមនេះ៖

លក្ខខណ្ខ
1- Screen Shot IMEI រឺថតរូប Warranty Card ដែលមានបិត IMEI នៃទូរស័ព្ទ Huawei Nova2i, Huawei nova 3e, Huawei Y9 2018 របស់លោកអ្នកដែលទើបបានទិញ ហើយធ្វើការ Comment ជារូបភាពខាងក្រោមនេះ រឺ ផ្ញើសារជារូបភាព តាម Inbox របស់ Huawei Mobile (KH)
2- ការចាប់រង្វាន់នេះ ដោយផ្សាយផ្ទាល់(Live) តាម Huawei Mobile (KH) ធ្វើឡើងរៀងរាល់
1 សប្តាហ៍ម្តង វេលាចន្លោះម៉ោង 4:30 ទៅ 5:30 ល្ងាច!
3- ការចូលរួមផ្សងសំណាងឈ្នះរង្វាន់នេះ បានតែអតិថិជនដែលបានទិញស្មាតហ្វូន Huawei Nova 2i ចាប់ពីថ្ងៃប្រកាសនេះតែប៉ុណ្ណោះ
4- ក្រុមហ៊ុនរក្សាសិទ្ធិក្នុងការពិនិត្យលេខ IMEIs ថាជាផលិតផលផ្លូវការ រឺមិនផ្លូវការ រឺអនុវត្តសមស្របតាម រឺមិនស្របតាមលក្ខខណ្ឌ !!
5- កម្មវិធីនេះ ចាប់ផ្តើមពីថ្ងៃនេះ ដោយចាប់ឆ្នោត 4 ដង ក្នុង 1 សប្តាហ៍ម្តង រហូតដល់ចុងខែមេសា ! ប្រញ៉ាប់ឡើងរង្វាន់មានកំណត់ !!
កាលវិភាគការចាប់ឆ្នោតផ្សងសំណាង ដែលផ្សាយផ្ទាល់ Live តាម Huawei Mobile (KH) មានដូចខាងក្រោម:
(1) ការចាប់រង្វាន់ លើកទី 1 ថ្ងៃ 27 មីនា 2018 នៅក្រុមហ៊ុន Huawei ដោយផ្ទាល់
(2) ការចាប់រង្វាន់ លើកទី 2 ថ្ងៃ 03 មេសា 2018 នៅ Huawei Showroom ផ្សារទំនើបសូរិយាជាន់ទី 3
(3) ការចាប់រង្វាន់លើកទី 3 ថ្ងៃ 10 មេសា 2018 នៅ Huawei Showroom ផ្សារទំនើបសុវណ្ណាជាន់ទី 4
(4) ការចាប់ឆ្នោត លើកទី 4 ថ្ងៃ 24 មេសា 2018 នៅ ក្រុមហ៊ុន Huawei ដោយផ្ទាល់
** IMEI ដែលមានសិទ្ធិចូលរួមក្នុងការចាប់ឆ្នោតផ្សងសំណាង គឺបានតែ IMEI ពីផលិតផលនាំចូលផ្លូវការដែលមានត្រាក្រុមហ៊ុនលើប្រអប់ និងមានបណ្ណ័ធានាត្រឹមត្រូវ ប៉ុណ្ណោះ
** រយៈពេលផុតកំណត់ទទួល IMEI គឺ 1 ថ្ងៃ មុនថ្ងៃចាប់ឆ្នោត នៃសប្តាហ៍នីមួយៗ
** អតិថិជនមានសិទ្ធិឈ្នះរង្វាន់ច្រើនដង ផ្ញើ IMEI កាន់តែច្រើន មានឱកាសឈ្នះរង្វាន់កាន់តែច្រើន
** IMEI ដែលផ្ញើមកហើយមិនទាន់ឈ្នះរង្វាន់ក្នុងការចាប់ឆ្នោតលើកទី 1 ក៍មានឱកាសឈ្នះរង្វាន់
ក្នុងការចាប់ឆ្នោតផ្សងសំណាងសប្តាហ៍ក្រោយៗទៀត

សម្រាប់ព័ត៌មានបន្ថែម សូមចូលទៅកាន់៖ https://consumer.huawei.com
សម្រាប់ព័ត៌មានថ្មីៗពី Huawei នៅកម្ពុជាសូមតាមដានជាមួយពួកយើងតាមរយៈ៖
Youtube link: www.youtube.com/c/HuaweiMobileKH អ្នកតំណាង៖ ង៉ោ ម៉េងហ៊ួង
Instagram link: www.instagram.com/huaweimobilekh លេខទូរស័ព្ទ៖ 010 44 99 06 / 092 47 69 75 Facebook: www.facebook.com/huaweimobilekh អ៊ីមែល៖ [email protected]

April 26, 2018

Author: វល័ក្ខ