Author: វល័ក្ខ

  • ឱកាសឈ្នះរង្វាន់យ៉ាងសន្ធឹកពីថ្នាំដុះធ្មេញ Hi-Herb

    ឱកាសឈ្នះរង្វាន់យ៉ាងសន្ធឹកពីថ្នាំដុះធ្មេញ Hi-Herb

    ចូលរួមលេងហ្គេមងាយៗពីផលិតផល Hi-Herb ដើម្បីឈ្នះសំបុត្រកុន (Major) ចំនួន ២សន្លឹក, ថ្នាំដុសធ្មេញ Hi-Herb ចំនួន 90g ចំនួន៤ប្រអប់ និងច្រាសដុសចំនួន២។

    លក្ខខណ្ឌ:
    – Like & Share ហ្គេមនេះជាសាធារណៈ ហើយ tag ឱ្យមិត្តចំនួន ៣នាក់
    – Comment ចំនួនផលិតផល ទំាងច្រាសដុសធ្មេញ និងថ្នំាដុសធ្មេញ ដែលបានដាក់នៅក្នុងរូបនេះ (ឧ. ថ្នំាដុសធ្មេញ Hi-Herb ចំនួន៨, ច្រាសដុសធ្មេញ Hi-Herb ចំនួន៥)
    – អ្នកឈ្នះ១០រូប នឹងធ្វើការចាប់ឈ្នោះ

    ហ្គេមនេះចាប់ផ្គើមពីថ្ងៃនេះរហូតដល់ថ្ងៃទី៣១ ខែឧសភា ឆ្នំា២០១៧ ហើយក្រុមការងារនឹងធ្វើការចាប់ឈ្មោះអ្នកឈ្នះរង្វាន់នៅថ្ងៃទី០២ ខែមិថុនា ឆ្នំា២០១៧

    ចុចទីនេះ ដើម្បីចូលរួមលេង៖ https://www.facebook.com/hiherbcambodia

    សូមអរគុណ…
    #hiherbcambodia #stopbadbreath

  • Pogba និង Mkhitaryan ជួយឲ្យ Man United ផ្តួល Ajax ដើម្បីឈ្នះពាន Europa League

    Pogba និង Mkhitaryan ជួយឲ្យ Man United ផ្តួល Ajax ដើម្បីឈ្នះពាន Europa League

    ក្រុមបិសាចក្រហម Manchester United នឹងវិលទៅកាន់ក្របខ័ណ្ឌកំពូលអឺរ៉ុបវិញនៅរដូវកាលក្រោយ បន្ទាប់ពីបានផ្តួលក្រុម Ajax Amsterdam របស់ហូឡង់ ក្នុងលទ្ធផល ២-០ ដើម្បីឈ្នះពាន Europa League កាលពីថ្ងៃពុធ។

    ខ្សែបម្រើដ៏មានឥទ្ធិពល Paul Pogba បានរកគ្រាប់បាល់បើកឆាកយ៉ាងល្អ មុនពេលខ្សែបម្រើ Henrikh Mkhitaryan បានស៊ុតបាល់បកថយក្រោយដើម្បីជួយឲ្យក្រុមខ្លួនទទួលជ័យជម្នះក្នុងការប្រកួតវគ្គផ្តាច់ព្រ័ត្រ ក៏ដូចជាឈ្នះកៅអីទៅលេងក្នុងក្របខ័ណ្ឌ Champions League ដែរ។ ក្រោយពីបានបញ្ចប់ក្នុងចំណាត់ថ្នាក់លេខ៦ នៅលើតារាងនៃក្របខ័ណ្ឌ Premier League លោក Jose Mourinho បានឱ្យដឹងថា ការទទួលជ័យជម្នះនេះនឹងក្លាយជាមធ្យោបាយតែមួយគត់សម្រាប់ឱ្យក្រុមរបស់លោកឈានទៅប្រកួតក្នុងក្របខ័ណ្ឌកំពូលរបស់អឺរ៉ុប នារដូវកាលក្រោយ។

    ក្រោយពីបានធ្វើការស្មឹងស្មាធិ៍រយៈពេល១នាទីនៅមុនពេលការប្រកួតចាប់ផ្តើមដើម្បីរំឭកដល់វិញ្ញាណក្ខន្ធរបស់ជនរងគ្រោះក្នុងការវាយប្រហារភេរវកម្មនៅទីក្រុង Manchester រួចមក ខ្សែបម្រើ Pogba បានតបស្នងចំពោះការផ្ទេរមកក្នុងតម្លៃខ្លួនជាកំណត់ត្រាពិភពលោករបស់គេ ដោយបានស៊ុតបាល់បំប៉ោងសំណាញ់ទីនៅនាទីទី១៨។ Man United បានរក្សាការនាំមុខរបស់ខ្លួនរហូតដល់បញ្ចប់ការប្រកួតតង់ទី១ មុនពេល Mkhitaryan បានបន្ថែមការនាំមុខរបស់ក្រុមខ្លួនភ្លាមៗ ក្រោយពីលេងបានត្រឹមតែប៉ុន្មាននាទីនៃតង់ទី២ ដើម្បីបំពេញការទទួលជ័យជម្នះយ៉ាងកក់ក្តៅសម្រាប់ក្រុមខ្លួនតែម្តង។ Pogba បានប្រាប់ទូរទស្សន៍ BT Sport ថា៖ «ទីបំផុត យើងធ្វើបានសម្រេចហើយ យើងពិតជាមានមោទនភាពណាស់ គ្មាននរណាអាចរិះគន់បានឡើយ។ ពួកគេបាននិយាយថា យើងបានជួបរដូវកាលដ៏អន់មួយ ប៉ុន្តែយើងបានឈ្នះពាន៣ ក្នុងនោះរាប់បញ្ចូលទាំងពាន Community Shield ផងដែរ»។

    ខ្សែបម្រើអន្តរជាតិបារាំងរូបនេះបានបន្ថែមទៀតថា៖ «ការចាប់ផ្តើមពិតជាសំខាន់ណាស់ ហើយក្រោយពីគ្រាប់បាល់ជោគជ័យទាំង២គ្រាប់នោះ យើងបានគ្រប់គ្រងការប្រកួតនេះទាំងស្រុង។ គ្រប់គ្នាក្នុងក្រុមនេះបានបង្ហាញពីទម្រង់លេងយ៉ាងល្អ»៕
    ប្រភពពី៖ The Sun

  • ផាណា ម៉ុច ទទួលជោគជ័យក្នុងអាជីពសម្ដែងដោយសារតួឆ្នាស់

    ផាណា ម៉ុច ទទួលជោគជ័យក្នុងអាជីពសម្ដែងដោយសារតួឆ្នាស់

    ថ្វីដ្បិតតែកញ្ញា ផាណា ម៉ុចជាតារាចម្រៀងក៏ពិតមែន ប៉ុន្ដែក្រោយពីនាងងាកមកចាប់ការសម្ដែងដើម្បីរកប្រាក់ចំណូលបន្ថែមវិញនោះ បច្ចុប្បនគេមើលឃើញថា អាជីពទី2 (ការសម្ដែង) របស់នាងកំពុងតែទទួលបានការគាំទ្រយ៉ាងខ្លាំង។

    មហាជនជាច្រើនបានស្គាល់កញ្ញា ផាណា ម៉ុច តាមរយៈការសម្ដែងជាតួអង្គកាចឆ្នាស ពិសេសនៅក្នុងរឿង ”ហង្សបាក់ស្លាប” ដែលអ្នកដឹកនាំរឿងតម្រូវឱ្យនាងសម្ដែងជាតួអង្គម្នាក់កាច់កុងគ្នាជាមួយតួឯកស្រីដែលសម្ដែងដោយកញ្ញា ឌួង ម៉ានិច។ បច្ចុប្បន្នគេមើលឃើញថា តាមរយៈការសម្ដែងដែលនាងទទួលបាន ធ្វើឱ្យនាងរវល់ស្ទើរតែរកពេលសម្រាកមិនបាន។

    ជុំវិញអាជីពនេះត្រូវបានកញ្ញា ផាណា ម៉ុច លើកឡើងថា រូបនាងផ្ទាល់ក៏មើលឃើញថា នាងកាន់តែមានឈ្មោះបោះសំឡេងទៅលើការសម្ដែងដែរ ពិសេសជាតួអង្គកាចឆ្នាសតែម្តង។ ផាណា ម៉ុច បានប្រាប់ទៀតថា ក្នុងចំណោម 6 រឿងដែលនាងបានចូលរួម គឺមាន 3 រឿងដែលនាងត្រូវសម្ដែងជាតួអង្គកាចឆ្នាសដូចជារឿង “ហង្សបាក់ស្លាប” “នរណាសម្រក់ទឹកភ្នែកដើម្បីអូន?” “ចម្ការម្លប់ស្នេហ៍”។នាងបានបន្ដថា ការសម្ដែងជាតួអង្គកាចឆ្នាសមិនមែនមានភាពងាយស្រួលឡើយ ព្រោះវាមិនមែនជាចរិតពិតរបស់នាងទេ ប៉ុន្ដែដោយសារតែការតាំងចិត្ដ និងប្រឹងប្រែងទើបធ្វើឱ្យនាងទទួលបានជោគជ័យ។

    ផាណា ម៉ុច បានលើកឡើងបែបហួសចិត្ដថា៖ ដំបូងខ្ញុំគិតថាចាប់អាជីពសម្ដែងមួយទៀតដើម្បីបង្កើនប្រាក់ចំណូលតែប៉ុណ្ណោះ ដឹងអី? បច្ចុប្បន្នមហាជនបែរជាស្គាល់ខ្ញុំទៅលើអាជីពសម្ដែងច្រើនជាងការច្រៀងទៅវិញ”។ នាងបន្ថែមថា មូលហេតុនាងទទួលបានប្រជាប្រិយភាពក៏ដូចជាការចូលចិត្ដពីសំណាក់អ្នកដឹកនាំរឿង គឺដោយសារតែនាងប្រកាន់ខ្ជាប់វិន័យការងារផង បូករួមសមត្ថភាព និងអាកប្បកិរយា ដែលទទួលយករាល់ការសម្ដែងមិនប្រកាន់តំណែងតួណាម្នាក់ឡើយ។

    សម្រាប់កញ្ញា ផាណា ម៉ុច ការចាប់ផ្ដើមអាជីពសិល្បៈដំបូង ជាតារាសម្ដែងខារ៉ាអូខេក្នុងបទរបស់កញ្ញា ខេមរៈស្រីពៅ មានចំណងជើងថា “Don’t Care” និង”សង្សារ១០០ឆ្នាំ” របស់កញ្ញា សុគន្ធ នីសា។ ក្រោយមកនាងក៏បានក្លាយជាតារាចម្រៀងនៅផលិតកម្ម Spider។ បន្ទាប់ពីនាងបានបញ្ចប់កុងត្រាជាមួយផលិតកម្មនេះហើយ ទើបងាកមកចាប់អាជីពសម្ដែង។

    ទោះជាយ៉ាងណាកញ្ញា ផាណា ម៉ុច បានបញ្ជាក់ថា ការសម្ដែងពុំអាចរកប្រាក់ចំណូលមកផ្គត់ផ្គង់ជីវភាពបានទេ ប៉ុន្ដែតាមរយៈប្រជាប្រិយភាពពីការសម្ដែងបានធ្វើឱ្យសាធារណៈជន ក៏ដូចជាក្រុមហ៊ុនជាច្រើនដែលបានអញ្ជើញនាងទៅច្រៀងក្នុងកម្មវិធីរបស់ពួកគេផ្ដល់តម្លៃខ្លួនឱ្យនាងបានយ៉ាងស័ក្តិសម៕

  • NBC ព្រមានដកអាជ្ញាប័ណ្ណគ្រឹះស្ថានមីក្រូហិរញ្ញវត្ថុណាដែលមិនគោរពតាមការណែនាំ

    NBC ព្រមានដកអាជ្ញាប័ណ្ណគ្រឹះស្ថានមីក្រូហិរញ្ញវត្ថុណាដែលមិនគោរពតាមការណែនាំ

    ធនាគារជាតិនៃកម្ពុជា(NBC) បានចេញសេចក្តីជូនដំណឹងចុងក្រោយមួយ ដោយព្រមានទៅលើម្ចាស់ស្ថានប័នធនាគារ និងគ្រឹះស្ថានហិរញ្ញវត្ថុទាំងឡាយណាដែលមិនគោរពតាមគោលការណ៍ណែនាំរបស់ខ្លួន។

    សេចក្តីជូនដំណឹងដែលគេហទំព័រព័ត៌មាន កាសែត ឡារ៉ែន ទទួលបាននៅថ្ងៃទី24 ខែឧសភា ឆ្នាំ2017នេះបានឱ្យដឹងថា កន្លងមកធនាគារជាតិនៃកម្ពុជាធ្លាប់បានជូនដំណឹងអំពីការហាមឃាត់ទទួលបញ្ចាំអត្តសញ្ញាណប័ណ្ណ សៀវភៅគ្រួសារ ឬសៀវភៅស្នាក់នៅ សម្រាប់ការផ្តល់ឥណទានរួចមកហើយ ប៉ុន្តែធនាគារជាតិនៃកម្ពុជានៅតែសង្កេតឃើញថា គ្រឹះស្ថានធនាគារ និងប្រតិបត្តិករឥណទានជនបទមួយចំនួននៅតែអនុវត្តមិនទាន់បានពេញលេញតាមសេចក្តីជូនដំណឹងខាងលើនេះឡើយ។

    ហេតុនេះធនាគារជាតិនៃកម្ពុជាសូមធ្វើការក្រើនរំឭកទៅដល់គ្រឹះស្ថានទាំងអស់ត្រូវយកចិត្តទុកដាក់បន្តអនុវត្តខ្លឹមសារនៃសេចក្តីជូនដំណឹងរបស់ធនាគារជាតិនៃកម្ពុជាលេខធ៧.០១៦.២១០សជណ ចុះថ្ងៃទី11 ខែមីនា ឆ្នាំ2016 ឱ្យបានពេញលេញនឹងម៉ឺងម៉ាត់។ ក្នុងករណីគ្រឹះស្ថានធនាគារ និងហិរញ្ញវត្ថុ និងប្រតិបត្តិករឥណទានជនបទណានៅតែបន្តសកម្មភាពនិងមិនយកចិត្តទុកដាក់អនុវត្តតាមសេចក្តីជូនដំណឹងនេះ គ្រឹះស្ថានធនាគារ និងហិរញ្ញវត្ថុ និងប្រតិបត្តិករឥណទានជនបទទាំងនោះនឹងត្រូវទទួលរងទណ្ឌកម្មខាងវិន័យ និងឈានទៅរកការដកហូតអាជ្ញាប័ណ្ណ ឬលិខិតអនុញ្ញាតចុះបញ្ជី ឬបញ្ឈប់សកម្មភាពអាជីវកម្ម ស្របតាមមាត្រា 52 និង56 នៃច្បាប់ស្តីពីគ្រឹះស្ថានធនាគារ និងហិរញ្ញវត្ថុជាធរមាន៕

  • អតីតតួអង្គ James Bond 007 ម្នាក់ទទួលមរណភាពហើយ

    អតីតតួអង្គ James Bond 007 ម្នាក់ទទួលមរណភាពហើយ

    ជាព័ត៌មានដ៏គួរឱ្យសោកសៅមួយរបស់ស្ថាប័នភាពយន្តហូលីវូដ។ តាមរយៈគេហទំព័រសារព័ត៌មានកម្សាន្តបរទេសបានរាយការណ៍ថា លោក Roger Moore ដែលធ្លាប់សម្តែងជាតួអង្គភ្នាក់ងារសម្ងាត់អង់គ្លេស “ James Bond 007“ បានទទួលមរណភាពហើយក្នុងអាយុ ៨៩ ឆ្នាំ ។

    ព័ត៌មាននេះត្រូវបានទទួលការអះអាងជាផ្លូវការអំពីរបស់កូនៗរបស់លោក “Roger Moore“ ដែលបានរួមគ្នាចេញមកថ្លែងការណ៍អះអាងអំពីព័ត៌មានដ៏គួរឱ្យសោកសៅមួយនេះ និងបានបញ្ជាក់ថា លោក “Roger Moore “ បានទទួលមរណភាពនៅថ្ងៃទី២៣ ខែឧសភា ឆ្នាំ២០១៧ នៅក្នុងប្រទេស ស្វ៊ីស អំឡុងពេលលោកទៅសម្រាកព្យាបាលជំងឺមហារីកនៅទីនោះ។

    គួរបញ្ជាក់ផងដែរថា លោក “Roger Moore “ បានសម្តែងខ្សែភាពយន្តតាំងពីឆ្នាំ ១៩៤៥មក ហើយលោកត្រូវបានទស្សនិកជនចងចាំ និងតាមដានស្នាដៃរបស់លោករហូតមកតាមរយៈរឿង “ James Bond 007 “ ដែលគាត់បានសម្ដែងទាំងអស់ ៧ វគ្គក្នុងអំឡុងឆ្នាំ ១៩៧៣ ដល់ឆ្នាំ ១៩៨៥ ៕

  • ស្គាល់ពីសមត្ថភាពកាមេរ៉ាទូរស័ព្ទ K10 របស់ LG

    ស្គាល់ពីសមត្ថភាពកាមេរ៉ាទូរស័ព្ទ K10 របស់ LG

    កាលពីដើមខែឧសភា ឆ្នាំ 2017 ស្មាតហ្វូន LG K10 បានបង្ហាញខ្លួនហើយក្នុងទីផ្សារកម្ពុជា ក្រោមការនាំចូល និងចែកចាយដោយក្រុមហ៊ុន G Gear។ ជាមួយនឹងវត្តមានស្មាតហ្វូនថ្នាក់កណ្ដាលមួយនេះ តើប្រិយមិត្តបានដឹងអ្វីខ្លះ ពីសមត្ថភាពដំណើរការ និងមុខងារថតរូបរបស់វា?

    ទូរស័ព្ទ K10 ជាស៊េរីថ្មីមានរាងស្រស់ស្អាតរចនាឡើងប្រកបដោយភាពទាន់សម័យ និងស៊ីវិល័យ កាន់តែពិសេសទៀតនោះគឺវាមានកាមេរ៉ាមុខដែលអាចថតរូបបាន 120 ដឺក្រេ ខុសពីកាមេរ៉ាទូរស័ព្ទផ្សេងៗទៀត។ សមត្ថភាពមួយនេះ អនុញ្ញាតឱ្យអ្នកប្រើប្រាស់អាចថតរូបបានជាក្រុមដោយគ្មានបញ្ហា ជាមួយនឹងការចាប់រូបផ្ទៃខាងក្រោយបានធំស្រឡះ និងស្រស់ស្អាត មុខងារនេះវានឹងបង្ហាញឱ្យយើងឃើញស្រាប់នៅលើកញ្ចក់អេក្រង់ដោយយើងគ្រាន់តែចុចលើកាមេរ៉ាមុខវានឹងបង្ហាញឱ្យយើងជ្រើសរើសជាការស្រេច។

    LG K10 បំពាក់មកជាមួយអង្គគណនា 8 ប្រភេទ Octa-Core Processor ល្បឿន 1.5GHz ហើយមាន RAM 2 GB រួមនឹងទំហំផ្ទុក 16 GB ហើយអាចដាក់បន្ថែម MicroSD ដល់ 256 GB។ LG K10 មានអេក្រង់ប្រភេទIPS ទំហំ 5.3 អ៊ិង ផ្ទៃអេក្រង់មានលក្ខណៈកោង 2.5D អាចបង្ហាញចេញនូវកម្រិតរូបភាពបានកម្រិត HD និងមានកាមេរ៉ាមានទំហំ 13 MP មានបច្ចេកវិទ្យា Autofocus ហើយមានកាមេរ៉ាSelfie ទំហំ5 MP ដែលអាចថតរូបភាពបានរហូតដល់ 120 ដឺក្រេ ជាមួយបច្ចេកវិទ្យា Wide Angle Selfie Camera។ ក្នុងនោះវាមានទំហំថ្ម 2800 mAh និងអាចប្រើជាមួយស៊ីម 4G ដែលមានល្បឿនលឿនគួរជាទីពេញចិត្ត៕
    វីដេអូពីកាមេរ៉មុខ៖ https://youtu.be/eS1RYdgudYc
    វីដេអូទូទៅ៖ https://youtu.be/C-h3JicfMlY

  • Man Utd រំពឹងលុបចោលការភិតភ័យផ្សេងៗពេលប៉ះ Ajax នៅរាត្រីនេះ

    Man Utd រំពឹងលុបចោលការភិតភ័យផ្សេងៗពេលប៉ះ Ajax នៅរាត្រីនេះ

    ក្រុមបិសាចក្រហម Manchester United នឹងខិតខំព្យាយាមទុកភាពសោកសៅផ្សេងៗរបស់ពួកគេមួយឡែកនៅរាត្រីនេះ ក្នុងការប្រកួតក្របខ័ណ្ឌ Europa League វគ្គផ្តាច់ព្រ័ត្រ ជាមួយនឹងក្រុម Ajax Amsterdam ក្រោយពីជួបការភិតភ័យដោយសារតែការវាយប្រហារបែបភេរវកម្មក្នុងទីក្រុងដែលជាទឹកដីរបស់ពួកគេ។

    ក្នុងការប្រកួតដ៏សំខាន់នេះ កីឡាករនៃក្រុមទាំងពីរនឹងធ្វើពិធីស្មឹងស្មាធិ៍រយៈពេលមួយនាទីនៅមុនពេលការប្រកួតចាប់ផ្តើម ដើម្បីរំឭកដល់វិញ្ញាណក្ខន្ធអ្នកដែលបានស្លាប់ទាំង២២នាក់នៅឯមជ្ឈមណ្ឌល Manchester Arena កាលពីថ្ងៃចន្ទ។

    លោក Peter Bosz គ្រូបង្វឹករបស់ក្រុម Ajax បានប្រាប់សន្និសីទសារព័ត៌មាននៅមុនពេលការប្រកួតក្នុងទីក្រុង Stockholm ថា៖ «វាគួរតែជាការអបអរដ៏ធំមួយ ប៉ុន្តែនៅពេលដែលបញ្ហាដ៏រន្ធត់ កើតឡើង២ថ្ងៃមុនបែបនេះ យើងគិតថា វានឹងជះឥទ្ធិពលដល់ការប្រកួត»។ គ្រូបង្វឹករូបនេះបានបន្ថែមទៀតថា៖ «វាជាការប្រកួតមួយដែលក្រុម Man United ចង់ឈ្នះ ឯយើងក៏ចង់ឈ្នះ ហើយយើងនឹងខិតខំព្យាយាមដើម្បីដណ្តើមយកជ័យជម្នះឱ្យបាន។ ប៉ុន្តែ វានៅតែមានស្រមោលមួយដែលនៅដឹតជាប់ជាមួយនឹងការប្រកួតវគ្គផ្តាច់ព្រ័ត្រនេះ»។

    Man United បានលុបចោលសន្និសីទសារព័ត៌មាននៅមុនពេលការប្រកួតរបស់ខ្លួន ខណៈដែលពួកគេទើបតែបានបង្ហាញខ្លួនជាសាធារណៈមួយលើកគត់នៅជុំវិញកីឡដ្ឋាន Friends Arena ក្នុងទីក្រុងរបស់ស៊ុយអែត កាលពីថ្ងៃអង្គារ។ ក្រុម Man United ឈានទៅកាន់ការប្រកួតនេះ ក្រោយពីបានផ្តួលក្រុម Crystal Palace ក្នុងលទ្ធផល ២-០ កាលពីថ្ងៃបិទរដូវកាលនៃក្របខ័ណ្ឌ Premier League ទោះជាត្រូវប្រើប្រាស់កីឡាករជម្រើសទី២ភាគច្រើនក៏ដោយ ព្រោះដើម្បីទុកជើងខ្លាំងៗសម្រាប់ការប្រកួតនៅរាត្រីនេះ។

    ក្រុមបិសាចក្រហមមួយនេះក៏មិនដែលស្គាល់ចាញ់ផងដែរលើការប្រកួត៥លើកចុងក្រោយរបស់ខ្លួនក្នុងយុទ្ធនាការនៃក្របខ័ណ្ឌ Europa League ខណៈដែលក្រុម Ajax មិនស្គាល់ឈ្នះសោះពីការប្រកួតក្រៅទឹកដី៥លើកចុងក្រោយរបស់ពួកគេ។ ការប្រកួតនេះនឹងចាប់ផ្តើមនៅម៉ោង១:៤៥ទៀបភ្លឺរាត្រីនេះ៕
    ប្រភពពី៖ Sport24

  • វិស័យសំណង់មានការកើនឡើងក្នុងរយៈពេល 4ខែដើមឆ្នាំ2017

    វិស័យសំណង់មានការកើនឡើងក្នុងរយៈពេល 4ខែដើមឆ្នាំ2017

    បើទោះជាបច្ចុប្បន្នមានការលើកឡើងថា ទីផ្សារវិស័យអចលនទ្រព្យនៅកម្ពុជាហាក់មានសកម្ម ភាពយឺតយ៉ាវក្នុងការលក់ ក៏វាមិនបានប៉ះពាល់ដល់ការអភិវឌ្ឍលើវិស័យសំណង់ដែរ ពោលគឺការអភិវឌ្ឍសំណង់នៅតែមានកំណើនជាបន្ដបន្ទាប់។

    យោងតាមរបាយការណ៍របស់ក្រសួងរៀបចំដែនដី នគរូបនីយកម្ម និងសំណង់បានបង្ហាញថា ក្នុងរយៈពេល 04ខែដើមឆ្នាំ2017 នេះទាំងសមត្ថកិច្ចថ្នាក់ជាតិ និងថ្នាក់រាជធានី-ខេត្ត បានផ្ដល់លិខិតអនុញ្ញាតសាងសង់ចំនួន 1020 គម្រោងដែលមានផ្ទៃក្រឡាសំណង់សរុបចំនួន 5. 605.007ម៉ែត្រការ៉េ មានតម្លៃប៉ាន់ស្មាន 4.022.658.043 ដុល្លារសហរដ្ឋអាមេរិក បើប្រៀបធៀបទុនវិនិយោគក្នុងរយៈពេលដូចគ្នានេះនឹងឆ្នាំ 2016 ដែលមានចំនួន 712 គម្រោង មានផ្ទៃក្រឡាសំណង់សរុបចំនួន5.931.489 ម៉ែត្រការ៉េ និងមានតម្លៃប៉ាន់ស្មាន 2. 805.780.217 ដុល្លារសហរដ្ឋអាមេរិក គឺមានការកើនឡើងប្រមាណ 43.37%។

    គិតចាប់ពីឆ្នាំ2000 ដល់ 04ខែដំបូងនៃឆ្នាំ2017 ការបោះទុនវិនិយោគរបស់វិស័យឯកជនមកពីបរទេសមានចំនួន 18ប្រទេសមានចំនួន 304គម្រោង មានផ្ទៃក្រឡាសំណង់សរុប 13.238.170ម៉ែត្រការ៉េ មានតម្លៃប៉ាន់ស្មានទុនវិនិយោគសាងសង់ 4.539.600.961ដុល្លារសហរដ្ឋអាមេរិក។

    ពាក់ព័ន្ធនឹងការចុះបញ្ជីក្រុមហ៊ុនប្រកបអាជីវកម្មសិក្សាគម្រោងប្លង់ និងសាងសង់គិតមកទល់រយៈពេល 04ខែ ឆ្នាំ2017 ក្រសួងបានចុះបញ្ជីក្រុមហ៊ុនអាជីវកម្មសិក្សាគម្រោងប្លង់ និងសាងសង់ នៅមានសុពលភាពចំនួន 1011ក្រុមហ៊ុន ក្នុងនោះ៖ (1)-ក្រុមហ៊ុនសិក្សាគម្រោងប្លង់មានចំនួន 41 និង (2)- ក្រុមហ៊ុនសាងសង់ មានចំនួន 970។ រូបវន្តបុគ្គលសិក្សាគម្រោងបុ្លង់នៅមានសុពលភាពចំនួន115រូប ក្នុងនោះមានស្ថាបត្យករ 80រូប វិស្វករចំនួន 35រូប៕

  • ក្លិបកំពូលរបស់លីកអាជីពថៃ Muangthong United ត្រៀមមកសងសឹកក្រុមកម្ពុជា

    ក្លិបកំពូលរបស់លីកអាជីពថៃ Muangthong United ត្រៀមមកសងសឹកក្រុមកម្ពុជា

    ក្រោយពីចាញ់ក្រុម Cambodian All Star ក្នុងព្រឹត្តិការណ៍ប្រកួតមិត្តភាពកាលពីឆ្នាំ២០១៦នោះ កំពូលក្លិបបាល់ទាត់របស់លីកថៃ SCG Muangthong United នឹងធ្វើដំណើរមកប្រកួតសងសឹកជាមួយក្រុម Cambodian All Star ក្នុងព្រឹត្តិការណ៍ Asean Tour នាថ្ងៃទី២ ខែកក្កដា ខាងមុខនេះ។

    នេះជាព្រឹត្តិការណ៍ប្រកួតបាល់ទាត់មិត្តភាពដ៍ធំមួយដែលមានអ្នកគាំទ្ររហូតដល់ជាង៥ម៉ឺននាក់ដែលមានទាំងជាតិ និងអន្តរជាតិ។ ជំនួបកាលពីឆ្នាំ២០១៦ ក្រុមSCG Muangthong បានចាញ់ក្រុមម្ចាស់ផ្ទះ K Cement Cambodain All Star ក្នុងពិន្ទុ ៤-៣។

    ប្រធានក្លិប SCG Muangthong លោក Ronnarit Suewaja បាននិយាយថា៖ «កាលពីឆ្នាំមុន យើងបានចាញ់ក្រុម Cambodian All Star ៤-៣ ប៉ុន្តែលើកនេះយើងសង្ឃឹមថា យើងនឹងអាចឈ្នះវិញ ព្រោះយើងត្រៀមខ្លួនបានច្រើន និងជ្រើសរើសបានកីឡាករល្អៗដើម្បីប្រកួតផ្លាស់ប្តូរបទពិសោធជាមួយក្រុមកម្ពុជា ហើយក្រៅពីនេះយើងក៏នឹងចូលរួមបង្ហាត់បង្ហាញពីរបៀបលេងបាល់ទាត់ដល់ក្រុមយុវជនកម្ពុជាផងដែរ ដែលនេះវាជាផ្នែកមួយដែលបានជួយលើកស្ទួយវិស័យបាល់ទាត់នៅកម្ពុជាផងដែរ»។

    គ្រូបង្វឹកជម្រើសជាតិកម្ពុជាលោក Leonardo Vitorino បានថ្លែងថា៖ «ខ្ញុំមានមោទនភាពដែលត្រូវបានសហព័ន្ធកីឡាបាល់ទាត់កម្ពុជាជ្រើសរើសខ្ញុំឲ្យដឹកនាំក្រុម Cambodian All Star ខណៈរូបខ្ញុំទើបតែចូលដឹកនាំក្រុមជម្រើសជាតិកម្ពុជាបានប្រហែល៣ខែនោះ។ ខ្ញុំធ្លាប់មានបទពិសោធដឹកនាំក្រុមឡាវយកឈ្នះក្រុម Burriram Unitedរបស់ថៃបានម្តងកាលពីដើមឆ្នាំនេះ ចំណែកលើកនេះខ្ញុំនឹងជ្រើសរើសកីឡាករកម្ពុជាដែលមានបទពិសោធដើម្បីប្រកួតជាមួយSCG Muangthongឲ្យអស់ពីលទ្ធភាព និងធ្វើឲ្យការប្រកួតនេះទទួលបានជោគជ័យ»។

    ជាមួយគ្នានេះផងដែរខ្សែប្រយុទ្ធរបស់កម្ពុជា លោកប្រាក់ មុន្នីឧត្ថម បាននិយាយថា៖ «ការប្រកួតមួយនេះ នឹងធ្វើឲ្យប្រទេសទាំង ២ កាន់តែមានភាពស្និទ្ធស្នាលនឹងគ្នា ហើយការប្រកួតនេះក៏ដើម្បីស្វះស្វែងរកថវិកាជួយដល់ក្មេងៗនៅតាមសាលាផ្សេងៗនៅកម្ពុជាផងដែរ។ កាលពីឆ្នាំមុនយើងបានឈ្នះ ហើយការត្រៀមជួបគ្នាជាលើកទី២នេះ យើងនឹងមានបទពិសោធថ្មីជាមួយគ្រូបង្វឹកថ្មីរបស់យើងដើម្បីរក្សាជ័យជម្នះរបស់យើង»៕

  • ខែក្រោយនេះ ភ្នំពេញក្រោន នឹងរៀបចំការប្រកួតបាល់ទាត់អបអរទិវាសិទ្ធិកុមារអន្ដរជាតិ

    ខែក្រោយនេះ ភ្នំពេញក្រោន នឹងរៀបចំការប្រកួតបាល់ទាត់អបអរទិវាសិទ្ធិកុមារអន្ដរជាតិ

    យោងតាម Page Facebook របស់ក្លិបបាល់ទាត់ ភ្នំពេញក្រោន បានឱ្យដឹងថា ក្លិបបាល់ទាត់ភ្នំពេញក្រោន នឹងសហការជាមួយអង្គការ Football For Life រៀបចំព្រឹត្តិការណ៍បាល់ទាត់មួយដោយប្រសិទ្ធនាមថា ព្រឹត្តិការណ៍ International Children’s Day festival នាថ្ងៃទី០១ ខែមិថុនា ឆ្នាំ២០១៧ ដើម្បីដើម្បីអបអរទិវាសិទ្ធិកុមារអន្ដរជាតិ។

    តាមគម្រោង ព្រឹត្តិការណ៍នេះនឹងបើកឲ្យមានការចូលរួមពីសំណាក់ក្រុមកុមារៗតាមបណ្ដាសហគមន៍គោលដៅមួយចំនួន ហើយក៏មានការចូលរួមចែករំលែកបច្ចេកទេសលេងបាល់ទាត់ដល់ក្មេងៗ ពីសំណាក់គ្រូបង្វឹក និងកីឡាករក្លិបភ្នំពេញក្រោនផងដែរ ដែលនឹងរៀបចំធ្វើឡើងនៅទីលានក្នុងតំបន់ជ្រោយចង្វា៕