Author: វល័ក្ខ

មហាគ្រួសាររថយន្ត Ford បានត្រឡប់មកដល់កម្ពុជាវិញ ជាមួយនឹងអនុស្សាវរីយ៍ដែលមិនអាចបំភ្លេចបាន
បន្ទាប់ពីបានសម្រាក បោះជុំរំ និងដើរកម្សាន្តនៅក្នុងប្រទេសថៃចំនួនពីរថ្ងៃ នៅពេលនេះ ក្បូនរថយន្តមហាគ្រួសារ Ford ដែលមានសមាជិកជាង 500នាក់ បានធ្វើដំណើរចាកចេញពីប្រទេសថៃ ដើម្បីវិញត្រឡប់ទៅប្រទេសកម្ពុជាវិញ។ ក្នុងនោះគេសង្កេតឃើញថា អតិថិជនរបស់ Ford ដែលបានចូលរួមនៅក្នុងដំណើរការកម្សាន្ត Ford ADVENTURE ម្នាក់ៗមានទឹកមុខរីករាយ ជាពិសេសពួកគាត់បាននាំមកវិញនូវអនុស្សាវីយ៍ជាច្រើន។
ដំណើរកម្សាន្តបោះជុំរំ ADVENTURE រយៈពេល 4ថ្ងៃ 3យប់នេះ គឺមានការរាំរែក និងលេងល្បែងកម្សាន្ត នាពេលរាត្រី ដោយមានអាហារពិសារ យ៉ាងឆ្ងាញ់ពិសារ អមដោយសារការប្រគំតន្ត្រី យ៉ាងកងរំពង និងមានកងកម្លាំងជាច្រើននាក់ ទាំងខ្មែរ-ថៃ បានការពារសន្ដិសុខគ្រប់ទីកន្លែង ដែលញាំងឲ្យកម្មវិធី កាន់តែសប្បាយរីករាយ ថែមមួយកម្រិតទៀត ។
រយៈពេល 2ថ្ងៃ នៅលើទឹកដីថៃ អ្នកចូលរួមទាំងអស់ មានឱកាសដើរទិញទំនិញ ជាច្រើនសំបូរបែប ក្នុងតម្លៃសមរម្យក្នុងផ្សារទំនើប Central Plaza និងផ្សារទំនើបបោះដុំ Makro នៅទីក្រុងប៉ាតាយ៉ាផងដែរ ជាពិសេសគឺបានចូលលេងកម្សាន្តក្នុងសួន NONGNOOCHPATTAYA និងភ្នំព្រះ (ព្រះធំឆ្លាក់ជាប់ភ្នំ នៅតំបន់ប៉ាត់តាយ៉ា) ព្រមទាំងបានថតរូបអនុស្សាវីយ៍ជាច្រើនទៀតផង។
គួរបញ្ជាក់ផងដែរថា ដំណើរកម្សាន្ត FORD Adventure រៀបចំដោយក្រុមហ៊ុន អ អិម អេ ខេមបូឌា (RMA Cambodia) នៅកម្ពុជានេះ គឺមានការឧបត្ថម្ភកម្មវិធី ដោយក្រុមហ៊ុន តូតាល់ ខេមបូឌា (TOTAL CAMBODGE) ដែលជាប្រេងឥន្ធនៈ ឈានមុខគេនៅកម្ពុជា និង ភេសជ្ជៈ Pepsi របស់ក្រុមហ៊ុន CAMBREW LTD & ANGKOR BEVERAGE CO.LTD ហើយក៏មានការចូលរួម សហការជាមួយ ក្រុមហ៊ុនសំបកកង់ Coopertires និងក្រុមហ៊ុន EFG (Express Food Group) ដែលរួមមាន Pizza Company, Swensen’s, Costa Coffee, BBQ Chicken, Bar.B.Q Plaza, Dairy Queen និង Krispy Kreme។
សូមបញ្ជាក់ថា ដំណើរកម្សាន្តធ្វើឡើងជារៀងរាល់ឆ្នាំ ក្នុងនោះកាលពីឆ្នាំ2007 ទៅខេត្តមណ្ឌលគិរី , ឆ្នាំ2008 ទៅកាន់ខេត្តរតនគិរី , ឆ្នាំ2009 ទៅកាន់ខេត្តប៉ៃលិន, ឆ្នាំ2010 និងឆ្នាំ2011 ទៅកាន់ទឹកដីខេត្តចម្ប៉ាសាក់ ប្រទេសឡាវ , ឆ្នាំ2012 ទៅខេត្តមណ្ឌលគិរី , ឆ្នាំ2013 ក៏បានទៅទឹកដីប្រទេសឡាវម្តងទៀត , ឆ្នាំ2014 ទៅកាន់ខេត្តត្រាត ប្រទេសថៃ , ឆ្នាំ2015 ទៅកាន់ខេត្តចន្ថាបុរី ប្រទេសថៃ និងឆ្នាំ2016 ទៅកាន់ខេត្តបុរីរាម ដោយមានចំនួនអ្នកចូលរួមកើនឡើងជាបន្តបន្ទាប់៕
December 11, 2017
4 ជំនាញចាំបាច់សម្រាប់ការងារ Sales
Sales Skills គឺជាជំនាញសំខាន់របស់អ្នកដែលធ្វើការខាងផ្នែកលក់។ ដើម្បីឱ្យការធ្វើការងារកើតមានប្រសិទ្ធភាព អ្នកដែលធ្វើការងារផ្នែកនេះត្រូវតែមានការកែសម្រួល និងអភិវឌ្ឍសក្ដានុពលការធ្វើការងារលើផ្នែកនេះជាប់ជានិច្ច ដែលមិនត្រឹមតែនឹងធ្វើឱ្យការធ្វើការងារល្អឡើងនោះទេ តែបុគ្គលិកផ្នែកលក់ដែលមាន Sales Skills ដែលល្អ នឹងអាចយល់ពីតម្រូវការរបស់អតិថិជនបានយ៉ាងច្បាស់ទៀតផង ដែលវានឹងក្លាយជាប្រយោជន៍ដល់ការបង្កើនចំនួនលក់ដែលបានកំណត់ទុកក្នុងមួយខែៗបានយ៉ាងល្អប្រសើរ។
ដោយលក្ខណៈរបស់ការងារលក់ដែលមានភាពពាក់ព័ន្ធជាមួយនឹងសមត្ថភាពក្នុងការទាក់ទាញ និងបញ្ចុះបញ្ចូលអតិថិជន ធ្វើឱ្យអតិថិជនមានការយល់ឃើញតាម រហូតដល់ចង់ទិញទំនិញ ឬសេវាកម្មរបស់យើង អ្នកដែលធ្វើការផ្នែកលក់នេះចាំបាច់ត្រូវប្រើសិល្បៈក្នុងការលក់ដែលមិនមែនគ្រាន់តែជាការទិញលក់ទំនិញគ្នាធម្មតាៗនោះទេ តែត្រូវតែជាការលក់ដែលកើតចេញពីការរៀបចំកលយុទ្ធក្នុងការលក់យ៉ាងស័ក្តិសមទៀតផង ទើបធ្វើឱ្យការលក់ទទួលបានជោគជ័យ។
ជំនាញក្នុងការលក់ដែលអ្នកលក់មានឥទ្ធិពលចំពោះអ្នកទិញដោយការទំនាក់ទំនង ឬផ្ដល់ព័ត៌មានដែលចាំបាច់មុនការសម្រេចចិត្តទិញទំនិញ។ យើងនាំគ្នាមកមើលថា តើមានជំនាញអ្វីខ្លះដែលចាំបាច់សម្រាប់ការងារ Sales?
1 . រៀនយល់ដឹងអំពីអតិថិជន
មុននឹងធ្វើការលក់ យើងត្រូវដឹងជាមុនថា តើអតិថិជនរបស់យើងជានរណា និងកំពុងសម្លឹងរកមើលទំនិញប្រភេទណា។ យើងអាចរកអតិថិជនបានដោយការប្រមូលរួបរួមព័ត៌មានពីសៀវភៅបញ្ជីឈ្មោះផ្សេងៗក្នុងពិធីបង្ហាញមុខទំនិញ(ពិធីតាំងពិព័រណ៍) សមាគមពាណិជ្ជកម្ម តាមរយៈការដែលអតិថិជនចាស់ ឬអ្នកស្គាល់គ្នាណែនាំអ្នកដែលចាប់អារម្មណ៍ឱ្យ ឬតាមវេបសាយផ្សេងៗជាដើម។ វិធីនេះនឹងជួយឱ្យយើងបានអតិថិជនដែលត្រូវនឹងគោលដៅបានកាន់តែងាយឡើង បន្ទាប់ពីនោះទើបដំណើរការទាក់ទងតាមទូរស័ព្ទ ឬបណ្ដាញសង្គមអនឡាញដើម្បីផ្ដល់ព័ត៌មានបឋមទៅអតិថិជន និងណាត់ជួបជជែកគ្នាជាបន្ត។
2 . បើកឆាកការលក់ដើម្បីសាងភាពពេញចិត្ត
មុនពេលដែលយើងនឹងបើកឆាកការលក់ យើងត្រូវប្រាកដក្នុងចិត្តជាមុនសិនថា យើងមានព័ត៌មានពាក់ព័ន្ធនឹងអតិថិជនច្រើនគ្រប់គ្រាន់ហើយ ហើយសឹមរៀបផែនការកលយុទ្ធក្នុងការលក់។ នៅពេលយើងបើកការលក់ យើងត្រូវធ្វើឱ្យអតិថិជនកើតមានភាពពេញចិត្ត និងត្រូវមានសុជីវធម៌ដែលល្អក្នុងការលក់ ត្រូវមិនធ្វើឱ្យអតិថិជនមានអារម្មណ៍ធុញទ្រាន់ ទើសទាល់ដោយការបើកការលក់ដែលម៉ឺងម៉ាត់ខ្លាំងជ្រុលពេកនោះទេ។
3 . សាងចំណាប់អារម្មណ៍នៅពេលបើកការលក់
ការណែនាំស្នើការលក់ដោយបរិយាយពាក់ព័ន្ធនឹងមុខទំនិញនោះ យើងត្រូវធ្វើឱ្យអតិថិជនមានអារម្មណ៍
ជំពប់ចិត្ត ឬភ្ញាក់ផ្អើលក្នុងរឿងដែលយើងនិយាយរហូតនាំទៅដល់ការចាប់អារម្មណ៍លើមុខទំនិញ ហើយទើបជំរុញឱ្យកើតមានតម្រូវការដើម្បីឱ្យអតិថិជនសម្រេចចិត្តទិញ។ អ្នកលក់គួរព្យយាមសាងសេចក្ដីត្រូវការឱ្យកើតមានឡើងចំពោះអតិថិជន ចង្អុលឱ្យឃើញពីចំណុចល្អរបស់ទំនិញរបស់យើង ដោយបកស្រាយយ៉ាងត្រង់ទៅត្រង់មកដើម្បីឱ្យអតិថិជនកើតមានភាពជឿជាក់លើមុខទំនិញ និងសេវាកម្មរបស់យើង។ ក្នុងអំឡុងពេលចរចាលក់ អតិថិជនអាចនឹងមានចំណុចងឿងឆ្ងល់ក្នុងច្រើនរឿង មិនថាតែ តម្លៃរបស់ទំនិញដែលខ្ពស់ពេក ឬនៅមិនទាន់ត្រូវចិត្តជាមួយមុខទំនិញជាដើម ដូច្នេះអ្នកលក់ត្រូវព្យយាមរក្សាបរិយាកាសឱ្យមានភាពវិជ្ជមានឱ្យបានច្រើនបំផុត និងឆ្លើយតបចំណុចងឿងឆ្ងល់ទាំងនោះយ៉ាងចិត្តត្រជាក់ៗ និងបង្ហាញពីភាពជឿជាក់លើមុខទំនិញរបស់ខ្លួនឱ្យអតិថិជនបានឃើញ។
4 . បិទឆាកការលក់យ៉ាងឆ្លាតវៃ
ក្នុងអំឡុងការសន្ទនាដើម្បីបើកការលក់ នៅពេលដែលគ្រប់យ៉ាងដំណើរការទៅដោយប្រពៃ និងអតិថិជនមានអកប្បកិរិយាថានឹងទិញរបស់យើងហើយនោះ យើងគួរប្រើឱកាសនោះបិទឆាកការលក់ភ្លាមតែម្ដង តែមិនត្រូវប្រញាប់ប្រញាល់ជ្រុលពេកនោះទេ។ យើងគួរសរុបឱ្យអតិថិជនសម្រេចចិត្តទិញមុខទំនិញរបស់យើង ដោយបង្ហាញពីជម្រើសឱ្យបានឆាប់រហ័ស និងងាយស្រួលឡើង។ ប្រាប់អតិថិជនថា គាត់នឹងទទួលបានអ្វីខ្លះ និងអាចនឹងមានការផ្ដល់សំណូមពរពិសេស ដូចជា គិតតម្លៃពិសេសជូន បញ្ចុះតម្លៃជូន ឬមានរបស់ថែម ជាដើម។ ត្រឹមតែប៉ុណ្ណឹង អតិថិជនក៏នឹងកើតមានក្ដីពេញចិត្តក្នុងការលក់របស់យើងហើយ។
សមត្ថភាពក្នុងការទាក់ទាញចិត្តអតិថិជន អាចនិយាយបានថាជាបេះដូងសំខាន់សម្រាប់អ្នកដែលធ្វើការផ្នែក Sales តែត្រូវមិនធ្វើដោយភាពប្រញាប់ប្រញាល់នោះទេ និងបើយើងត្រូវការបិទការលក់លឿនជ្រុលពេក អតិថិជននឹងមានអារម្មណ៍ទើសទាល់ និងអាចនឹងលែងទិញទំនិញរបស់យើងទៀតក៏អាចថាបានដែរ ដូច្នេះក្នុងការលក់គ្រប់ពេល យើងត្រូវនឹកដល់ចិត្តគេ ចិត្តយើងឱ្យបានច្រើនបំផុត ដើម្បីឱ្យអតិថិជនកើតមានភាពពេញចិត្ត និងទិញទំនិញ ឬសេវាកម្មរបស់យើងយូរតទៅទៀត៕

រៀបរៀងដោយ តាវ៉ែនតា
December 9, 2017
ក្បូនរថយន្តគ្រួសារ Ford បានមកដល់កន្លែងបោះជុំរំក្នុងទឹកដីថៃ
ប៉ៃលិន៖ បន្ទប់ពីធ្វើដំណើរឆ្លងកាត់ព្រំដែនខេត្តប៉ៃលិន ចូលមកកាន់ទឹកដីថៃ ទីបំផុតក្បូនរថយន្តគ្រួសារ Ford បានមកដល់កន្លែងបោះជំរុំក្នុងខេត្តរ៉ាក់យ៉ង ប្រទេសថៃ។
ក្រោយពីសម្រាក និងងូតទឹកសម្អាតខ្លួនរួច មហាគ្រួសារ Ford បានចាប់ផ្ដើមទទួលទានអាហារពេលល្ងាច និងច្រៀង រាំលេងកម្សាន្ត ដែលមើលទៅម្នាក់ៗមានទឹកមុខសប្បាយរីករាយយ៉ាងខ្លាំង បើទោះបីជាធ្វើដំណើរផ្លូវវែងបន្តិច ប៉ុន្តែពួកគាត់មានអារម្មណ៍សប្បាយរីករាយ ជាពិសេសគឺបានបង្កើតនូវភាពស្និទ្ធស្នាល៕
December 8, 2017
ក្រុមគ្រួសាររថយន្ត Ford ចែកជូនអំណោយដល់ចាស់ជរា និងជនក្រីក្រនៅខេត្តប៉ៃលិន
ប៉ៃលិន៖ បន្ទាប់ពីទទួលទានអាហារថ្ងៃ និងចូលបន់ស្រន់សូមសេចក្ដីសុខនៅកន្លែងលោកយាយយ៉ាត (ប៉ៃលិន) រួចហើយ ក្រុមគ្រួសាររថយន្ត FORD បានធ្វើដំណើរបន្តទៅកាន់សាលាខេត្តប៉ៃលិន ដើម្បីនាំយកអំណោយសប្បុរសធម៌ទៅចែកជូនដល់ចាស់ជរា និងជនក្រីក្រ ក្រោមអធិបតីភាពរបស់ឧកឧត្តម អៀង វុធ អភិបាលខេត្តស្ដីទី នៃគណៈអភិបាលខេត្តប៉ៃលិន លោកឧកឧត្តម ឡី ចាន់ឆាយ ប្រធានក្រុមប្រឹក្សាខេត្ត និងឯកឧត្តម ងន សាំង អគ្គនាយកក្រុមហ៊ុន អ.អឹម.អេ ខេមបូឌា ព្រមទាំងមានការចូលរួមពីសំណាក់សហការីក្រុមហ៊ុនរថយន្ត Ford ជាពិសេសគឺអតិថិជនរបស់ Ford។

បន្ទាប់ពីចែកជូនអំណោចរួចរាល់ហើយ ក្រុមគ្រួសាររថយន្ត Ford បានបន្តដំណើរទៅកាន់កន្លែងបោះជុំរំដើម្បីសម្រាក និងទទួលទានអាហារពេលល្ងាច អមដោយមានការប្រគំតន្ត្រី ជាពិសេសគឺមានការសម្ដែងជូននូវរបាំក្ងោក ដែលជារបាំមួយជនជាតិកុឡា ហើយត្រូវបានគេទទួលស្គាល់ថា ជារបាំប្រចាំខេត្តប៉ៃលិនផងដែរ។

នៅក្នុងដំណើរកម្សាន្តលើកនេះ យើងឃើញថាម្ចាស់រថយន្តគ្រប់រូបសម្តែងការសប្បាយរីករាយ ជាមួយដំណើរកម្សាន្ត ADVENTURE ដ៏អស្ចារ្យឆ្លងកាត់ ខេត្តប៉ៃលិន ប្រទេសកម្ពុជា ប្រទេសថៃ ដោយនៅក្នុងក្បួនដង្ហែរថយន្ត Ford មានរហូតដល់ជាង 100គ្រឿង ដោយមានរយៈពេល 4ថ្ងៃ 3យប់ គឺចាប់ពីថ្ងៃទី ដល់ថ្ងៃទី07 ខែធ្នូ ឆ្នាំ2017 ដោយមានអ្នកដំណើរ ប្រមាណ 500នាក់ ដែលអ្នកចូលរួមនឹង រីករាយ ជាមួយទេសភាព ព្រៃភ្នំ នៅតាមដងផ្លូវ ក្នុងទឹកដីខេត្តប៉ៃលិន រួមជាមួយនឹងបទពិសោធន៍ បោះជុំរំដ៏អស្ចារ្យនៅលើវាលស្មៅ យ៉ាងស្រស់ត្រកាល នៃខេត្តរ៉ាក់យ៉ង ប្រទេសថៃ។

គួរបញ្ជាក់ផងដែរថា ដំណើរកម្សាន្តនេះ បានធ្វើឡើងជារៀងរាល់ឆ្នាំ ក្នុងនោះកាលពីឆ្នាំ2007 ទៅខេត្តមណ្ឌលគីរី , ឆ្នាំ2008 ទៅកាន់ខេត្តរតនគីរី , ឆ្នាំ2009 ទៅកាន់ខេត្តប៉ៃលិន, ឆ្នាំ2010 និងឆ្នាំ2011 ទៅកាន់ទឹកដីខេត្តចម្ប៉ាសាក់ ប្រទេសឡាវឆ្នាំ2012 ទៅកាន់ខេត្តមណ្ឌលគីរី ឆ្នាំ2013 ក៏បានទៅទឹកដីប្រទេសឡាវម្តងទៀត ឆ្នាំ២០១៤ ទៅកាន់ខេត្តត្រាត ប្រទេសថៃ ឆ្នាំ2015 ទៅកាន់ខេត្តចន្ថាបុរី ប្រទេសថៃ និងឆ្នាំ2016 ទៅកាន់ខេត្តបុរីរាមដោយមានចំនួនអ្នកចូលរួមកើនឡើងជាបន្តបន្ទាប់ ៕
December 7, 2017
ដំណើរកម្ដាន្ត FORD Adventure របស់អតិថិជន FORD ប្រចាំឆ្នាំ2017 ចាប់ផ្ដើមចេញដំណើរ
ភ្នំពេញ៖ នៅវេលាម៉ោង 6ព្រឹក ថ្ងៃទី07 ខែធ្នូ ឆ្នាំ2017 តាមបណ្ដោយផ្លូវជាតិលេខ 5 ត្រង់ចំណុចរោងចក្រម្សៅមី ម៉ែនសារុន អ្នកដំណើរតាមផ្លូវមានការភ្ញាក់ផ្អើលយ៉ាងខ្លាំង ដោយសារតែមានឃើញក្បូនដំណើររបស់រថយន្ត FORD បានត្រៀមខ្លួនចេញដំណើរ នៅក្នុងដំណើរកម្សាន្ត FORD Adventure លើកទី11។
នៅក្នុងដំណើរកម្សាន្តលើកនេះ យើងឃើញថាម្ចាស់រថយន្តគ្រប់រូបសម្តែងការសប្បាយរីករាយ ជាមួយដំណើរកម្សាន្ត ADVENTURE ដ៏អស្ចារ្យឆ្លងកាត់ ខេត្តប៉ៃលិន ប្រទេសកម្ពុជា ទៅកាន់ខេត្តរ៉ាក់យ៉ង និងទីក្រុងប៉ាតាយ៉ា ប្រទេសថៃ ដោយនៅក្នុងក្បួនដង្ហែរថយន្ត Ford មានរហូតដល់ជាង 100គ្រឿង។
នៅឆ្នាំនេះផងដែរ ក្នុងដំណើរការកម្សាន្ត FORD Adventure ដែលរៀបចំ ដោយក្រុមហ៊ុន អ អិម អេ ខេមបូឌា (RMA Cambodia) គឺមានការសហការឧបត្ថម្ភកម្មវិធីដោយក្រុមហ៊ុន តូតាល់ ខេមបូឌា (TOTAL CAMBODGE) ដែលជាប្រេងឥន្ធនៈ ឈានមុខគេនៅកម្ពុជា និង ភេសជ្ជៈ Pepsi របស់ក្រុមហ៊ុន CAMBREW LTD & ANGKOR BEVERAGE CO.LTD ហើយក៏មានការចូលរួមសហការជាមួយ ក្រុមហ៊ុនសំបកកង់ Coopertires និងក្រុមហ៊ុន EFG (Express Food Group) ដែលរួមមាន Pizza Company, Swensen’s, Costa Coffee, BBQ Chicken, Bar.B.Q Plaza, Dairy Queen និង Krispy Kreme។
ជាមួយគ្នានេះផងដែរ នៅក្នុងដំណើរកម្សាន្ត FORD Adventure ឆ្នាំ2017 ក៏មានការសហការចូលរួមពីសំណាក់ធនាគារ RHB ទឹកបរិសុទ្ធ ARUNA និងភ្នាក់ងាយផ្សព្វផ្សាយពាណិជ្ជកម្មដូចជា Sticker City រួមនឹងស្ថាប័នព័ត៌មានជាច្រើនទៀត។
ក្នុងដំណើរកម្សាន្ត Ford Adventure ដ៏អស្ចារ្យលើកទី11 នេះ មានរយៈពេល 4ថ្ងៃ 3យប់ គឺចាប់ពីថ្ងៃទី ដល់ថ្ងៃទី07 ខែធ្នូ ឆ្នាំ2017 ដោយមានអ្នកដំណើរ ប្រមាណ 500នាក់ ដែលអ្នកចូលរួមនឹង រីករាយ ជាមួយទេសភាព ព្រៃភ្នំ នៅតាមដងផ្លូវ ក្នុងទឹកដីខេត្តប៉ៃលិន រួមជាមួយនឹងបទពិសោធន៍ បោះជំរុំដ៏អស្ចារ្យនៅលើវាលស្មៅ យ៉ាងស្រស់ត្រកាល នៃខេត្តរ៉ាក់យ៉ង ប្រទេសថៃ។
លើសពីនេះទៅទៀត អ្នកចូលរួមទាំងអស់នឹងមាន ឱកាសដើរទិញទំនិញ ជាច្រើនសំបូរបែប ក្នុងតម្លៃសមរម្យក្នុងផ្សារទំនើបនៅទីក្រុងប៉ាតាយ៉ា ប្រទេសថៃថែមទៀតផង។
គួរបញ្ជាក់ផងដែរថា ដំណើរកម្សាន្តនេះ បានធ្វើឡើងជារៀងរាល់ឆ្នាំ ក្នុងនោះកាលពីឆ្នាំ2007 ទៅខេត្តមណ្ឌលគីរី , ឆ្នាំ2008 ទៅកាន់ខេត្តរតនគីរី , ឆ្នាំ2009 ទៅកាន់ខេត្តប៉ៃលិន, ឆ្នាំ2010 និងឆ្នាំ2011 ទៅកាន់ទឹកដីខេត្តចម្ប៉ាសាក់ ប្រទេសឡាវឆ្នាំ2012 ទៅកាន់ខេត្តមណ្ឌលគីរី ឆ្នាំ2013 ក៏បានទៅទឹកដីប្រទេសឡាវម្តងទៀត ឆ្នាំ២០១៤ ទៅកាន់ខេត្តត្រាត ប្រទេសថៃ ឆ្នាំ2015 ទៅកាន់ខេត្តចន្ថាបុរី ប្រទេសថៃ និងឆ្នាំ2016 ទៅកាន់ខេត្តបុរីរាមដោយមានចំនួនអ្នកចូលរួមកើនឡើងជាបន្តបន្ទាប់ ៕

December 7, 2017
ម៉ូដសំលៀកបំពាក់ប្រចាំខែធ្នូ លេខទី 115

December 6, 2017
ស្រាបៀរថៃហ្គ័របានប្រគល់រង្វាន់ផ្តាច់ព្រ័ត្រជូនគូស្វាមីភរិយាថ្មីក្នុងកម្មវីធីអាពាហ៍ពិពាហ៍ស្រាបៀរថៃហ្គ័រ ឆ្នាំ2017
ភ្នំពេញ៖ នៅថ្ងៃ 04 ខែធ្នូ ឆ្នាំ 2017 នៅសណ្ឋាគារ សូហ្វីតែល ស្រាបៀរថៃហ្គ័របានរៀបចំកម្មវិធីប្រគល់រង្វាន់ផ្តាច់ព្រ័ត្រជូនដល់គូស្វាមីភរិយាថ្មីទាំងអស់ដែលបានជាវស្រាបៀរថៃហ្គ័រ សម្រាប់ពិធីអាពាហ៍ពិពាហ៍របស់ខ្លួន ដោយមានការអញ្ជើញចូលរួមពីថ្នាក់គ្រប់គ្រងក្រុមហ៊ុនស្រាបៀរថៃហ្គ័រ គូស្វាមីភរិយាថ្មីដែលបានឈ្នះរង្វាន់ចំនួន 10 គូ ភ្ញៀវកិត្តិយស និងអ្នកសារព័ត៌មានជាច្រើន។
ការប្រគល់រង្វាន់ផ្តាច់ព្រ័ត្រនេះក្នុងកម្មវិធីអាពាហ៍ពិពាហ៍ឆ្នាំ 2017 របស់ស្រាបៀរថៃហ្គ័រ រួមមានរង្វាន់ធំ រថយន្តស៊េរីទំនើប AUDI Q5 ឆ្នាំ 2016 ដ៏ថ្មីសន្លាងចំនួន1 រង្វាន់ទូរសព្ទ័ iPhone7 ចំនួន2រង្វាន់ ទូរទស្សន៍ Smart TV ចំនួន2 រង្វាន់ និងទូរទឹកកក ចំនួន 5រង្វាន់ ដែលបានធ្វើការចាប់រង្វាន់ទាំងនេះនៅស្ថានីយទូរទស្សន៍ PNN កាលពីថ្ងៃទី 29 ខែតុលា ឆ្នាំ 2017 កន្លងមកនេះ។
លោក ឈឹម រិទ្ធី និងអ្នកស្រី អ៊ុន ណៃ ដែលគូស្វាមីភរិយាមហាសំណាង ដែលបានឈ្នះរង្វាន់ធំរថយន្តស៊េរីទំនើប AUDI Q5 ឆ្នាំ 2016 ដ៏ថ្មីសន្លាងមួយគ្រឿងពីកម្មវិធីអាពាហ៍ពិពាហ៍របស់ស្រាបៀរថៃហ្គ័របានមានប្រសាសន៍ថា ពួកគាត់ទាំងពីរមានអារម្មណ៍រំភើបយ៉ាងខ្លាំងនៅពេលដឹងថាខ្លូនត្រូវរង្វាន់ធំពីស្រាបៀរថៃហ្គ័រ ហើយពួកគាត់បានបញ្ជាក់ថា ស្រាបៀរ ថៃហ្គ័រ ពិតជាបានប្រគល់រង្វាន់ជូនពួកគេ និងគូស្វាមីភរិយាថ្មីទាំងអស់ដែលបានឈ្នះរង្វាន់ពីកម្មវិធីអាពាហ៍ពិពាហ៍របស់ស្រាបៀរថៃហ្គ័រពិតប្រាកដមែន។
គួររម្លឹកផងដែរថា ស្រាបៀរថៃហ្គ័រ គឺជាស្រាបៀរដែលមានគុណភាពខ្ពស់លំដាប់ថ្នាក់អន្តរជាតិមានលក់ច្រើនជាង៧០ ប្រទេសដែលកំពុងទទួល បានការគាំទ្រកាន់តែខ្លាំងឡើងជារៀងរាល់ថ្ងៃពីអតិថិជនទាំងនៅលើទីផ្សារកម្ពុជា និងពិភពលោកហើយជាពិសេស Tiger ជាស្រាបៀរដែលសក្តិសម បំផុតសម្រាប់ទទួលភ្ញៀវក្នុងពិធីអាពាហ៍ពិពាហ៍ និងកម្មវិធីផ្សេង។
សម្រាប់ឆ្នាំ 2017-2018 នេះ អតិថិជនដែលជាវស្រាបៀរ Tiger និង Tiger Crystal សម្រាប់កម្មវិធីអាពាហ៍ពិពាហ៍លោកអ្នកនឹងទទួលបានការ ផ្ដល់ជូនរង្វាន់ភ្លាមៗជាច្រើនដូចជា សៀវភៅកត់ចំណងដៃ និងប៊ិច ដ៏ស្រស់ស្អាត អាវរងាគូសេ្នហ៍ កាបូបធ្វើដំណើរ និងសន្លឹកឆ្នោតផ្សងសំណាង ដើម្បីមានឱកាសឈ្នះដំណើរកម្សាន្តក្រេបចន្ទទឹកឃ្មុំនៅប្រទេសជប៉ុន។
ឆ្លុះបញ្ចាំងភាពអស្ចារ្យនៃអាពាហ៍ពិពាហ៍របស់អ្នកជាមួយស្រាបៀរ Tiger និងមានឱកាសឈ្នះដំណើរកម្សាន្តក្រេបច័ន្ទទឹកឃ្មុំនៅប្រទេសជប៉ុន ជាមួយបទពិសោធន៍ដ៏រំភើបរីករាយនៃការជិះស្គីទឹកកក រួមជាមួយទឹកប្រាក់ 1500ដុល្លារ ចំនួន15 រង្វាន់។ កម្មវិធីនេះចាប់ផ្តើមពីថ្ងៃនេះរហូតដល់ថ្ងៃទី 30 ខែ កញ្ញា ឆ្នាំ2018។
សម្រាប់ព័ត៌មានបន្ថែមសូមទំនាក់ទំនង៖ 011 222 400 ឬ011 333 500៕
ពិសាដោយការទទួលខុសត្រូវ!

December 6, 2017
ស្មាតហ្វូន Samsung ជំនាន់ក្រោយនឹងមានទំហំ Storage រហូតដល់ 512GB
អាមេរិក៖ បច្ចុប្បន្នទំហំ Storage ដ៏ពេញនិយមសម្រាប់ទូរស័ព្ទដៃគឺ 32GB និង 64GB ប៉ុន្តែក៏មានអ្នកប្រើប្រាស់មួយចំនួនទាមទារចង់បានរហូតដល់ 256GB ជាពិសេសគឺអ្នកប្រើប្រាស់ស្មាតហ្វូនរបស់ក្រុមហ៊ុន Samsung តែម្ដង។
យោងតាមការចេញផ្សាយរបស់សារព័ត៌មាន GSM Arena បានឲ្យដឹងថា នៅពេលនេះ ក្រុមហ៊ុនអេឡិចត្រូនិកយក្សកូរ៉េខាងត្បូង Samsung បាននិងកំពុងតែបង្កើនការផលិតមេម៉ូរ៉ីទំហំ 512GB សម្រាប់ទូរស័ព្ទដៃ ដែលវានឹងភ្ជាប់មកជាមួយទូរស័ព្ទតែម្ដង។ តាមការបញ្ជាក់មេម៉ូរ៉ីថ្មីរបស់ Samsung គឺមានសមត្ថភាពខ្ពស់ ជាពិសេសគឺអាចបញ្ជូនឯកសារដែលមានទំហំ 5GB ដោយប្រើរយៈពេលត្រឹមតែ ៦វិនាទីប៉ុណ្ណោះ។
ជាមួយគ្នានោះផងដែរ ក្រុមហ៊ុន Samsung បានបញ្ជាក់ថា បើនិយាយពីការរក្សាទុកវីដេអូ 4K វិញគឺមានរហូតដល់ 21ម៉ោង ប៉ុន្តែមិនបានបញ្ជាក់ថា មេម៉ូរ៉ីថ្មីនេះ នឹងត្រូវដាក់បញ្ចូលទៅក្នុងស្មាតហ្វូនស៊េរីណាមួយនោះទេ៕
December 6, 2017
Alli ស្រេកឃ្លានវិលទៅរកទម្រង់លេងល្អវិញ ពេល Spurs ជួប APOEL រាត្រីនេះ
ខ្សែបម្រើដ៏មានឥទ្ធិពល Dele Alli នឹងចូលលេងក្នុងជម្រើសដំបូងក្នុងការប្រកួតបង្គ្រប់កិច្ចនៃក្របខ័ណ្ឌ Champions League របស់ក្រុម Tottenham ជាមួយនឹងក្រុម Apoel Nicosia ខណៈដែលរូបគេសម្លឹងរកការវិលទៅរកទម្រង់លេងដ៏ល្អរបស់គេវិញ បើទោះបីកីឡាករឆ្នើមៗជាច្រើនទៀត នឹងមិនត្រូវបានប្រើប្រាស់ក៏ដោយ។
ខ្សែប្រយុទ្ធ Harry Kane នឹងស្ថិតក្នុងចំណោមតារាឆ្នើមទាំង5នាក់ ដែលនឹងមិនដាក់ឲ្យចូលលេងសម្រាប់ការប្រកួតនៅកីឡដ្ឋាន Wembley រួមជាមួយនឹង Christian Eriksen, Eric Dier, Kieran Trippier និងអ្នកចាំទី Hugo Lloris។ ក្រុមមាន់ខ្នាយមាស Spurs មានសុវត្ថិភាពរួចជាស្រេចក្នុងការបញ្ចប់ក្នុងនាមជាក្រុមឈរលេខ1ក្នុងពូល H ដែលមានន័យថា កីឡាករបម្រុង Fernando Llorente, Georges-Kevin Nkoudou និង Juan Foyth ត្រូវបានរំពឹងថា នឹងត្រូវបានផ្តល់ឱកាសឲ្យចូលលេងក្នុងជម្រើសដំបូង។ ប៉ុន្តែ ទោះបីជាយ៉ាងណា Alli ដែលបានអវត្តមានក្នុងការប្រកួតជម្រុះតាមពូល3ប្រកួតដំបូងដោយសារតែការជាប់ពិន័យព្យួរនោះ នឹងលេងក្នុងនាមជាខ្សែបម្រើប្រយុទ្ធ ដើម្បីវិលទៅរកទម្រង់លេងដ៏ល្អរបស់គេ និងដណ្តើមយកការជឿជាក់ត្រឡប់មកវិញ ក្រោយពីជួបភាពត្រដាបត្រដួសនាពេលកន្លងមកថ្មីៗនេះ។
Alli បានឲ្យដឹងថា៖ «ខ្ញុំគិតថា ខ្ញុំគឺជាអ្នករិះគន់លើខ្លួនឯងដ៏ធំបំផុត។ គ្រប់ពេលដែលខ្ញុំលេងមិនបានល្អ ខ្ញុំដឹងថា វានឹងមិនមែនជារឿងល្អសម្រាប់ខ្ញុំឡើយ។ វាពិតជាសំខាន់ណាស់ដែលខ្ញុំត្រូវតែរក្សាការខិតខំព្យាយាម និងព្យាយាមជារៀងរាល់ថ្ងៃដើម្បីរៀន និងអភិវឌ្ឍក្នុងនាមជាកីឡាករម្នាក់»។ ខ្សែបម្រើរូបនេះបានបន្ថែមទៀតថា៖ «ពិតណាស់ ខ្ញុំចង់ស្ថិតក្នុងកម្រិតលេងដ៏ខ្ពស់បំផុតរបស់ខ្ញុំក្នុងរាល់ការប្រកួត និងការហ្វឹកហាត់ទាំងអស់ និងខ្ញុំគិតថា វាមិនមែនមិនអាចទៅរួចនោះឡើយ»។
ក្រុម Tottenham បានយកឈ្នះលើក្រុម APOEL ក្នុងលទ្ធផល 3-០ ក្នុងពេលក្រុមទាំងពីរបានជួបគ្នានៅលើទឹកដីនៃប្រទេសស៊ើប កាលពីជុំមុននៃពូលនេះ។ ការប្រកួតនេះនឹងចាប់ផ្តើមនៅម៉ោង2:45ទៀបភ្លឺ៕
ប្រភពពី៖ Eurosport.com
December 6, 2017
អាហារណាខ្លះ ដែលហាមហូបនៅពេលមានជំងឺ?
តើប្រីយមិត្តអ្នកអានធ្លាប់ដែរឬទេ ពេលយើងឈឺថ្កាត់ម្តងៗ ពេលខ្លះតែងបានឮលោកយាយ ឬអ្នកម្តាយប្រាប់ថា ហាមញាំនេះ ហាមញ៉ាំនោះ ព្រោះវាជារបស់ដែលមិនត្រូវធាតុគ្នានឹងអាការជំងឺដែលយើងកំពុងកើត។ អាហារមិនល្អ គឺបណ្តាអាហារដែលមិនត្រូវធាតុគ្នានឹងរោគទាំងឡាយនោះ ដែលជួនកាលក៏ធ្វើឱ្យយើងងឿងឆ្ងល់ដូចគ្នាដែរថា តើយ៉ាងម៉េចបានវាពាក់ព័ន្ធគ្នាទៅកើត? តែរឿងបែបនេះ កុំប្រហែសឱ្យសោះ ជាពិសេសជាមួយនឹងជំងឺ៩ ប្រភេទខាងក្រោមនេះ។
គ្រុនក្តៅខ្លួនខ្លាំង៖ គួរចៀសវាងអាហារដែលមិនឆ្អិន អាហារដែលត្រជាក់ខ្លាំង អាហារចៀនបំពង អាហារដែលមានខ្លាញ់ច្រើន ដែលសុទ្ធតែជាអាហារពិបាករំលាយ និងធ្វើឱ្យកំដៅខ្លួនកើនឡើង ប្រៀបដូចជាការជះប្រេងទៅលើភ្នក់ភ្លើងអ៊ីចឹងដែរ។
ជំងឺក្រពះ៖ គួរចៀសវាងភេសជ្ជះប្រភេទអាល់កុល តែឆុងចាស់ កាហ្វេ របស់ហឹរៗ របស់ចៀនបំពង របស់មានខ្លាញ់ព្រោះអាហារទាំងអស់នេះ ធ្វើឱ្យកើតការប្រមូលសន្សំកំដៅ ធ្វើឱ្យជំងឺក្រជា។ វិធីដែលល្អ គួរទទួលទានអាហារក្នុងបរិមាណតិច ឱ្យបានញឹកញាប់ ទទួលទានឱ្យទៀងពេល និងជាអាហារដែលងាយរំលាយ។
ជំងឺសម្ពាធឈាមឡើងខ្ពស់៖ គួរចៀសវាងអាហារខ្លាញ់ អាហារដែលមានខូលេស្តេរ៉ូលខ្ពស់ ដូចជា សាច់ជ្រូកបីជាន់ ស៊ុតត្រី រួមទាំងស្រាផងដែរ ព្រោះអាហារទាំងអស់នេះ ធ្វើឱ្យកើតភាពក្តៅអាប់សន្សំនៅក្នុងរាងកាយ និងភាពសើមអាប់ក៏មានផលធ្វើឱ្យកើតភាពខាប់ស្អឹតក្នុងលំហូរវឹលគ្រប់ប្រព័ន្ធនៅក្នុងរាងកាយ ហើយកំដៅនឹងទៅជម្រុញធ្វើឱ្យសម្ពាធឈាមឡើងខ្ពស់។ ក្រៅពីនេះគួរចៀសវាងអាហាររសជាតិហឹរ ឬអាហារផ្អែមខ្លាំង រួមទាំងផ្លែឈើ ដូចជា ផ្លែមៀន ធុរេន ជាដើម។
ជំងឺថ្លើម និងថង់ទឹកប្រមាត់៖ ចៀសវាងភេសជ្ជះដែលមានជាតិអាល់កុល អាហារខ្លាញ់ សាច់ជាប់ខ្លាញ់ គ្រឿងក្នុងសត្វអាហារចៀនបំពង អាហារផ្អែមខ្លាំង ព្រោះពេទ្យចិនជឿថា ថ្លើម និងថង់ទឹកប្រមាត់មានសម្ព័ន្ធភាពជាមួយប្រព័ន្ធរំលាយអាហារ ការទទួលបានអាហារប្រភេទនេះច្រើនពេក នឹងធ្វើឱ្យសមត្ថភាពរបស់ការរំលាយអាហារចុះខ្សោយ និងមានគុណវិបត្តិដល់ថ្លើម និងថង់ទឹកប្រមាត់ ។
ជំងឺបេះដូង និងជំងឺតម្រងនោម៖ គួរចៀសវាងអាហាររសជាតិប្រៃខ្លាំងព្រោះនឹងធ្វើឱ្យមានសន្សំជាតិទឹក លំហូរវឹលរបស់ឈាមនឹងយឺត ធ្វើឱ្យបេះដូងកាន់តែធ្វើការធ្ងន់ឡើង តម្រងនោមត្រូវធ្វើការបណ្តេញសារធាតុអំបឹលរ៉ែកាន់តែខ្លាំងឡើង ចំណែកអាហាររសជាតិហឹរ ក៏គួរចៀសវាងដែរ ព្រោះធ្វើឱ្យវាទៅជម្រុញលំហូរវឹលបាត់បង់កម្លាំងថាមពល ហើយបេះដូងក៏ធ្វើការកាន់តែធ្ងន់ឡើងដែរ។
ជំងឺទឹកនោមផ្អែម៖ ចៀសវាងអាហាររសជាតិផ្អែម ឬម្សៅដែលមានកាឡូរីខ្ពស់ ដូចជា តំឡូងបារាំង តំឡូងជ្វា គួរទទួលទានអាហារប្រភេទសណ្តែក ដូចជា តៅហ៊ូ ទឹកដោះគោ សាច់ហ្វ៊ីឡេដែលគ្មានខ្លាញ់ ត្រី និងបន្លែស្រស់ ។
ជំងឺគេងមិនលក់៖ ចៀសវាងទឹកតែ កាហ្វេ រួមទាំងការជក់បារីផងដែរ ព្រោះរបស់ទាំងអស់នេះ មានឥទ្ធិពលជំរុញប្រសាទ ធ្វើឱ្យមិនងងុយគេង ឬគេងលក់មិនស្រួល ។
ជំងឺឬសដូងបាត ឬទល់លាមក៖ ចៀសវាងអាហារប្រភេទឈ្ងុយៗ ខ្ទឹមស ខ្ញីស្រស់ ម្រេច ម្ទេស ព្រោះអាហារទាំងនេះអាចធ្វើឱ្យឆ្អល់ពោះ បែកសរសៃឈាម និងអាការឬសដូងបាតកំរើកឡើងខ្លាំង ។
ខ្យល់ពុល៖ រលាកស្បែក ជំងឺហឺត ដង្ហក់ គួរចៀសវាងសាច់ពពែ សាច់ត្រី បង្គា គ្រំ ក្តាម ស៊ុត ទឹកដោះ និងអាហាររសជាតិហឹរ ព្រោះវានឹងទៅជំរុញ និងធ្វើឱ្យអាការរោគស្បែកកំរើកឡើងវិញទៀតផង៕
December 6, 2017