វល័ក្ខ - La Reine Media

កម្មវិធីទម្លាប់ 7យ៉ាងអាចឆ្លើយតបបានល្អលើតម្រូវការអប់រំសតវត្សទី21

ឯកឧត្តម យក់ ង៉ុយ រដ្ឋលេខធិការក្រសួងអប់រំ យុវជន និងកីឡា បានមានប្រសាសន៍ថា ការអប់រំសម្រាប់សតវត្សទី២១នេះ មានការប្រែប្រួលគ្រប់ផ្នែក ទាំងលើជំនាញ និងចំណេះដឹង ហើយការងារជាថ្មីៗជាច្រើននឹងត្រូវ បង្កើតឡើង រីឯការងារមួយទៀតផ្សេងទៀតនឹងត្រូវបាត់បង់។ ដូចនេះការអប់រំចាប់ពីកម្រិតមត្តេយ្យ រហូតដល់ កម្រិតឧត្តមសិក្សា គឺត្រូវរៀបចំផែនការ ដើម្បីឆ្លើយតបនឹងតម្រូវការងារទីផ្សារក្នុងពេលអនាគត។

លោកបានសង្កត់ធ្ងន់ថា ការអប់រំចំពោះយុជនមិនត្រូវផ្តោតសំខាន់តែនៅជំនាញមួយមុខតែប៉ុណ្ណោះទេ គឺយុវជនត្រូវមានជំនាញទន់ (Soft Skill) ពីព្រោះជំនាញនេះវាអភិវឌ្ឍថរិយាបថជាវិជ្ជមាន បង្កើនទំនាក់ទំនងល្អជាមួយអ្នកនៅជុំវិញ សហការធ្វើការងារជាក្រុម។

លោក ប៉ិច ឡែន អគ្គនាយក ក្រុមហ៊ុន វេសឡាញ អេឌ្យូខេសិន គ្រុប បានមានប្រសាសន៍ថា យើងមិនអាចដឹងថានរណាម្នាក់អាចក្លាយដឹងនាំប្រទេសបានទេ នាពេលអនាគត ប៉ុន្តែក្នុងនាមយើងជាអ្នកធើ្វការងារអប់រំ យើងអាចធ្វើឲ្យកុមារ និងយុវជនក្លាយជាអ្នកដឹកនាំសង្គមជាតិ តាមរយៈការផ្តល់នូវការអប់រំប្រកបដោយគុណភាព។ លោកបានបន្ថែមទៀតថា ក្រុមហ៊ុនរៀបចំក្ខាសាលាស្តីអំពី ការគិតឡើងវិញលើវិស័យអប់រំ សម្រាប់សតវត្សទី២១ ដើម្បីផ្តល់ឳកាសដល់សាលារៀនរដ្ឋ និងឯកជនស្វែងយល់ពីបំរែបំរួលជំនាញ ចំណេះដឹង មុខរបរមួយចំនួនថ្មីនឹងកើតឡើង។ លោកបានបន្ថែមទៀតថា ដោយមើលឃើញពីសារសំខាន់លើអប់រំ ផ្នែកអត្តចរិត និងថរិយាបថ ក្រុមហ៊ន វេសឡាញ បាននាំកម្មវិធីទម្លាប់ល្អទាំង៧ ពីវិទ្យាស្ថាន Franklin Covey Education ពីសហរដ្ឋអាមេរិក មកដាក់បញ្ចូលក្នុងកម្មវិធីសិក្សានៅសាលារៀនវ៉េស្ទឡាញន៍ និងសាលារៀនណត្សឡាញន៍។

វាគ្មិន៦នាក់មកពីប្រទេសកម្ពុជា សហរដ្ឋអាមេរិក ថៃ និងសិង្ហបុរីបានពិភាក្សាពីចំណេះដឹង និងជំនាញសម្រាប់សតវត្សទី២១ និងស្វែងរកវិធីសាស្ត្រជំរុញ និងលើកទឹកចិត្តដល់សាលារៀនដែលកំពុងប្រើប្រាស់ The Leader In Me ទទួលបានជោគជ័យ។

សូមបញ្ចាក់ថា The leader In Me គឺជាដំណើរអនុវត្តកម្មវិធីទម្លាប់ល្អទាំង៧ ក្នុងកម្មវិធីសិក្សា ហើយកម្មវិធីនេះជួយអប់រំដល់កុមារ និងយុវជនឲ្យមានថរិយាបថ និងផ្នត់គំនិតជាវិជ្ជមាន។ កម្មវិធី The Leader In Me មានសាលារៀនជាង ៣០០០កំពុងអនុវត្ត សាលារៀន ២០០០ នៅសហរដ្ឋអាមេរិក និង១០០០សាលារៀន នៅបណ្តាលប្រទេសផ្សេងទៀត ក្នុងនោះមានប្រទេសកម្ពុជាផងដែរ។

នេះជាលើកទី១ ដែលវិទ្យាស្ថានអភិវឌ្ឍវិស័យអប់រំបានរៀបចំសិក្ខាសាលាជាលក្ខណៈអន្តរជាតិដែលមានអ្នកចូលរួមមកពី១៧ប្រទេសដូចជា ប្រទេសកម្ពុជា ភូមា ម៉ាឡេស៊ី សង្ហបូរី ឥណ្ឌូនេស៊ី ជប៉ុន តៃវ៉ាន់ ចិន ឥណ្ឌា ថៃ វៀតណាម ម៉ុងហ្គោលី កូរ៉េខាងត្បូង ហ្គាម ប៉ាគីស្ថាន ហុងកុង និងសហរដ្ឋអាមេរិក សរុបអ្នកចូលរួមជាង៤០០នាក់។ សិក្ខាសាលានេះពិតជាបានផ្តល់ចំណេះដឹង និងគំនិតថ្មីៗដល់លោកអ្នកទៅលើវិស័យអប់រំ និងពិភពលោកដែលកំពុងតែវិវត្តទៅមុខ ដើម្បីជួយយុវជន និងយុវតីជំនាន់ថ្មីក្នុងការពង្រឹង និងអភិវឌ្ឍជំនាញ និងចំណេះដឹងរបស់ខ្លួន ក្នុងការត្រៀមខ្លួនប្រឈមមុខនឹងសតវត្សទី២១៕

February 7, 2018

ផលប៉ះពាល់ចំពោះកុមារលើការប្រើប្រាស់អ៊ីនធើណិតច្រើនហួសកម្រិត

មនុស្សម្នាក់ក្នុងចំណោមបីនាក់ដែលកំពុងប្រើប្រាស់បណ្តាញអ៊ីនធើណិតលើពិភពលោកត្រូវបានគេរកឃើញថាជាកុមារ នេះបើតាមការបង្ហាញរបស់អង្គការ UNICEF។ ទន្ទឹមនឹងចំនួននេះគេក៏បានរកឃើញផងដែរនូវគុណសម្បត្តិ និងគុណវិបត្តិចំពោះការប្រើប្រាស់អ៊ីនធើណិតរបស់កុមារនៅលើពិភពលោក។

កញ្ញា សៀក ឡេង អ្នកសម្របសម្រួលកម្មវិធី Techno Innovation Challenge និងជាអ្នកធ្វើការងារនៅមជ្ឈមណ្ឌលសិក្សាពីចម្ងាយ E-learning Center នៃវិទ្យាស្ថានបច្ចេកវិទ្យាកម្ពុជា បានលើកឡើងថា បច្ចេកវិទ្យាបានជះឥទ្ធិពលយ៉ាងខ្លាំងដល់កុមារដែលអាណាព្យាបាលគួរយកចិត្តទុកដាក់។ ជាគុណសម្បត្តិ បច្ចេកវិទ្យាអាចធ្វើឱ្យកុមារកើនចំណេះដឹងច្រើនជាងការដែលសិក្សាតាមបែបធម្មតា ព្រោះថា តាមរយៈបច្ចេកវិទ្យាពួកគេអាចទទួលបានព័ត៌មានជាច្រើន និងប្រភពចំណេះដឹងដ៏ច្រើនបានយ៉ាងងាយស្រួល ដែលប្រភពព័ត៌មានល្អៗខ្លះត្រូវបានគេរចនាឱ្យកាន់តែមានភាពទាក់ទាញឡើងសម្រាប់កុមារ។

កញ្ញា សៀក ឡេង បាននិយាយថា ៖ “ក្រៅពីការជួយផ្នែកអប់រំហើយ បច្ចេកវិទ្យាក៏ជួយដល់កុមារឱ្យបង្កើនការសប្បាយរីករាយដែលកាត់បន្ថយគ្រោះថ្នាក់របួសស្នាមលើរាងកាយ និងការគូសវាសផ្សេងៗដែលអាចរំខានដល់មនុស្សធំ។

អ្នកជំនាញបច្ចេកវិទ្យាខាងលើបានលើកឡើងផងដែរថា កុមារជាវ័យដែល ចូលចិត្តលេង ហេតុនេះការដែលគាត់លេង ឬកម្សាន្តតាមបច្ចេកវិទ្យា គឺនឹងជួយឱ្យគាត់រីករាយជាមួយនឹងល្បែងជាច្រើនដែលគាត់មិនចាំបាច់ទៅលេងដោយផ្ទាល់ដែលអាចបង្កគ្រោះថ្នាក់ដល់រាងកាយនោះទេ។ តាមរយៈបណ្តាញបច្ចេកវិទ្យាអ្នកជំនាញជាច្រើនក៏បានបង្កើតកម្មវិធីដើម្បីធ្វើឱ្យកុមារមានការរីកចម្រើនផ្នែកបញ្ញា មានភាពច្នៃប្រឌិតខ្ពស់ និងមានភាពឈ្លាសវៃផងដែរ។ លើសពីនេះទៅទៀត បច្ចេកវិទ្យាក៏អាចជួយឱ្យកុមារងាយសម្របខ្លួនក្នុងសង្គម ព្រោះថា នៅក្នុងសង្គមបច្ចុប្បន្ន និងអនាគត គឺគេនឹងប្រើប្រាស់បច្ចេកវិទ្យាគ្រប់ទីកន្លែង។

ផ្ទុយមកវិញកញ្ញា សៀក ឡេង ក៏បានលើកឡើងផងដែរថា ទោះបីជាយ៉ាងនេះក្តី ចំណុចនេះក៏បានជះផលប៉ះពាល់មកវិញដែរ ប្រសិនបើកុមារលេងតែអ៊ីនធើណិតសុទ្ធសាធ ដោយមិនមានសកម្មភាពជាក់ស្តែងអ្វីសោះនោះ។ អ្វីដែលអាណាព្យាបាលត្រូវយកចិត្តទុកដាក់ជាងគេនោះ គឺកុមារអាចនឹងរងផលប៉ះពាល់ជាច្រើនប្រសិនបើពួកគេប្រើបណ្តាញអ៊ីនធើណិតមិនត្រឹមត្រូវ។

កញ្ញា សៀក ឡេង និយាយថា ៖ “នៅពេលដែលកុមារប្រើប្រាស់បណ្តាញអ៊ីនធើណិតច្រើនជ្រុល ពួកគេអាចនឹងបាត់បង់ជំនាញទំនាក់ទំនងក្នុងសង្គមដូចជាការរាប់អានមិត្តខាងក្រៅ មិនសូវចេះនិយាយស្តីទៅកាន់មនុស្ស ដែលអាចធ្វើឱ្យពួកគេបាត់បង់ការគោរពចំពោះមនុស្សដទៃ។ ម្យ៉ាងវិញទៀតពួកគេអាចនឹងមិនសូវយល់ពីអារម្មណ៍នៃដៃគូសន្ទនា ឬការប្រើប្រាស់ក្រសែភ្នែកជាដើម ដែលធ្វើឱ្យកុមារទាំងអស់នោះនឹងក្លាយជាមនុស្សដែលមានទំនាក់ទំនងមិនសូវល្អ។

ចំពោះការលេងកីឡាជាក់ស្តែងវិញ ដោយសារតែកុមារចំណាយពេលលើការប្រើប្រាស់អ៊ីនធើណិតច្រើនពេក ពួកគេនឹងមិនសូវចូលចិត្តលេងកីឡា ធ្វើពលកម្ម ឬសកម្មភាពផ្សេងៗទៀត ដែលរឿងនេះវាអាចរាំងស្ទះដល់ភាពស្វាហាប់ ភាពសកម្ម និងសុខភាពរបស់ពួកគេ។ កត្តាទាំងអស់នេះអាចធ្វើឱ្យកុមាររងផលប៉ះពាល់ដល់សុខភាពទាំងផ្លូវកាយនិងផ្លូវចិត្ត ដូចជាបញ្ហានៃការរីកលូតលាស់ផ្នែករាងកាយ និងសតិស្មារតីជាដើម ព្រោះថាពួកគេចំណាយពេលច្រើនពេកលើការវិលវល់ជាមួយនឹងពិភពស្រមើស្រមៃច្រើនពេក៕

February 7, 2018

ខេត្តកណ្តាលកំពុងស្ថិតក្នុងខ្សែភ្នែករបស់វិនិយោគិនជាតិ និងអន្តរជាតិ

ស្របពេលដែលរដ្ឋាភិបាលបានប្រកាសអំពីការសាងសង់ព្រលានយន្តហោះថ្មីមួយទៀតនៅក្នុងភូមិសាស្ត្រខេត្តកណ្តាលរួចមក បានធ្វើឱ្យអ្នកវិនិយោគក្នុង និងក្រៅប្រទេសកំពុងសម្លឹងរកការវិនិយោគលើវិស័យអចលនទ្រព្យកាន់តែច្រើនឡើងនៅទីនោះ។

ក្នុងសេចក្តីប្រកាសពត៌មានជាផ្លូវការមួយរបស់ក្រុមប្រឹក្សាអភិវឌ្ឍន៍កម្ពុជាដែលបានចែកចាយដល់អ្នកសារព័ត៌មាននៅក្នុងសប្តាហ៍នេះបានឱ្យដឹងថា ក្រុមហ៊ុនខ្នាតយក្សចំនួន3 បានគ្រោងបោះទុនរួមគ្នាក្នុងទឹកប្រាក់ប្រមាណជា10ប៊ីលានដុល្លារដើម្បីបង្កើតទីក្រុងរណបថ្មីចំនួន2 គឺមួយនៅក្នុងភូមិសាស្ត្រខេត្តកណ្តាល និងមួយទៀតនៅក្នុងខេត្តកំពង់ចាម។

ក្រុមហ៊ុនចំនួន3នោះ រួមមាន ក្រុមហ៊ុន ឆៃណា ប៉ៃជីង របស់សាធារណរដ្ឋប្រជាមានិតចិន ក្រុមហ៊ុន Zhuhai New Century របស់វៀតណាម និងក្រុមហ៊ុន រដ្ឋសាឌី Development របស់កម្ពុជា។ ក្រុមហ៊ុនទាំង3 បានចុះកិច្ចព្រមព្រៀមជាមួយគ្នានៅរាជធានីភ្នំពេញកាលពីសប្តាហ៍មុន។

លោកឧកញ៉ា ហួត ឌី អគ្គនាយកក្រុមហ៊ុន រដ្ឋសាឌី Development បានមានប្រសាសន៍ឱ្យដឹងកាលពីម្សិលមិញថា ក្នុងពេលឆាប់ៗខាងមុខនេះ កម្ពុជានឹងបង្កើតទីក្រុងរណបចំនួន2 ដែលមានទីតាំងនៅក្នុងខេត្តកណ្តាលមួយកន្លែង និងខេត្តកំពង់ចាមមួយកន្លែង ដែលស្ថិតលើទំហំផ្ទៃដីជិត 2ម៉ឺនហិកតាសម្រាប់ទីក្រុងថ្មីទាំងពីរ។ លោកឧកញ៉ាបានបន្តទៀតថា ទីក្រុងរណបទាំងពីរនេះគ្រោងនឹងចំណាយថវិកាប្រមាណជាង10ប៊ីលានដុល្លារសហរដ្ឋអាមេរិកដែលគ្រោងចាប់ផ្តើមសាងសង់ក្នុងឆ្នាំ2018 ឆាប់ៗខាងមុខនេះ។

លោកឧកញ៉ា ហួត ឌី បានបន្តទៀតថា ពេលទីក្រុងរណបទាំងពីរនេះដំណើរការ វានឹងផ្តល់ផលប្រយោជន៍យ៉ាងច្រើនដល់ពលរដ្ឋកម្ពុជា ពិសេសគឺកំណើនសេដ្ឋកិច្ចរបស់ពលរដ្ឋកម្ពុជាផ្ទាល់តែម្តង ដូចនេះលោកឧកញ៉ាសំណូមពរឱ្យបណ្តាដៃគូផ្សេងៗទៀត ពិសេសគឺមន្ត្រីរាជរដ្ឋាភិបាលមេត្តាជួយសហការជាមួយនឹងក្រុមហ៊ុនវិនិយោគទាំង3នេះដែលទទួលបានសិទ្ធិពីរាជរដ្ឋាភិបាលក្នុងការជួយសម្របសម្រួលការងារឱ្យមានភាពរលូនដល់ការបង្កើតទីក្រុងរណបទាំងពីរនេះឱ្យទទួលបានជោគជ័យផង។

ប្រធាននាយកដ្ឋានរដ្ឋបាលនៃគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា ឯកឧត្ដម សារ សំបូរ បានលើកឡើងថា ការបង្កើតទីក្រុងរណបទាំងពីរកន្លែងនេះគឺជាតម្រូវការ និងការចង់បានរបស់ប្រជាពលរដ្ឋកម្ពុជា ក៏ដូចជាការចង់បានរបស់រាជរដ្ឋាភិបាលកម្ពុជាផងដែរ ដូចនេះឯកឧត្តមស្នើសុំឱ្យក្រុមហ៊ុនធំៗទាំង3រួមដៃសហការគ្នាបង្កើតទីក្រុងរណបថ្មីនេះឱ្យទទួលបានជោគជ័យ ដើម្បីផលប្រយោជន៍របស់ពលរដ្ឋកម្ពុជាក្នុងយុគសម័យថ្មីនេះ៕

February 7, 2018

ចង់ជោគជ័យលឿនពេក គឺជាឧបសគ្គសម្រាប់យុវជនកម្ពុជា

ចង់ក្លាយជាមនុស្សជោគជ័យ មានឈ្មោះល្បីក្នុងសង្គម និងសម្ភារនិយម គឺជាអ្វីដែលយុវជននាពេលបច្ចុប្បន្នមួយចំនួនស្រមៃចង់បាន ហើយការចង់បានភាពថ្កុំថ្កើងមិនមែនជាកំហុសរបស់មនុស្សជំនាន់ថ្មីនេះទេ តែអ្វីដែលជាបញ្ហានោះគឺត្រូវបានគេរកឃើញថា យុវជនកម្ពុជាមួយចំនួនហាក់មើលស្ថានការណ៍គ្រប់យ៉ាងក្នុងរូបភាពងាយស្រួលពេក។

ពាក់ព័ន្ធនឹងបញ្ហានេះ លោក ម៉ៅ វិបុល អគ្គនាយកនៃហាងកាហ្វេ Brew House បានលើកឡើងថា យុវជននាពេលបច្ចុប្បន្ន ភាគច្រើនស្រមៃចង់ក្លាយជាសហគ្រិនតាមរយៈការមើលឃើញពីគំរូនៃមនុស្សដែលមានឈ្មោះល្បី ឬមានទ្រព្យធនជាច្រើនក្នុងសង្គម ហើយក៏ព្យាយាមចង់ធ្វើតាម ខណៈពេលដែលគាត់មិនទាន់បានត្រៀមខ្លួន និងត្រៀមចំណេះដឹងគ្រប់គ្រាន់សម្រាប់អភិវឌ្ឍសមត្ថភាពខ្លួនឯងឱ្យឆ្ពោះទៅរកភាពជោគជ័យបាននៅឡើយ។ យុវជនមួយចំនួនចាប់ផ្តើមចង់ក្លាយជាមនុស្សជោគជ័យដោយគ្រាន់តែឃើញរឿងណាមួយភ្លាមៗ ដែលកត្តានេះអាចធ្វើឱ្យគាត់ងាយទទួលយក និងងាយបោះបង់ចោលទៅវិញដូចគ្នា នៅពេលដែលគាត់ជួបឧបសគ្គ។

លោក ម៉ៅ វិបុល បាននិយាយថា ៖ “កត្តាជាឧបសគ្គដែលរាំងស្ទះដល់ភាពជោគជ័យរបស់យុវជននាពេលបច្ចុប្បន្ន គឺចង់បង្កើតអាជីវកម្មថ្ងៃនេះ ហើយចង់ក្លាយជាអ្នកមាននៅថ្ងៃស្អែក ខណៈដែលស្ថានភាពជាក់ស្តែងនៃការធ្វើអាជីវកម្មមិនមែនងាយស្រួលដូចអ្វីដែលគាត់គិតសោះឡើយ។

សហគ្រិនខាងលើបានលើកឡើងផងដែរថា ជាដំណោះស្រាយសម្រាប់យុវជន គឺយើងគួរតែព្យាយាមស្វែងយល់ពីភាពពិតជាក់ស្តែងឱ្យបានច្រើនអំពីអាជីវកម្ម និងស្វែងរកចំណេះដឹងជាមូលដ្ឋានជាមុនសិន មុននឹងចាប់ផ្តើមអាជីវកម្ម ហើយភាពអត់ធ្មត់ដោះស្រាយឧបសគ្គ តាមដំណាក់កាល គឺជាអ្វីដែលយុវជនត្រូវបណ្តុះវាឡើង។

ស្របជាមួយគ្នានេះដែរ លោក ឃន ឈុនដារ៉ាម្ចាស់ហាងកាហ្វេ KOI និង Tube Café បានលើកឡើងថា យុវជនមួយចំនួនមិនទាន់យល់ច្បាស់ពីស្ថានភាពជាក់ស្តែងនៃការរស់នៅ និងការធ្វើអាជីវកម្មនោះទេ ព្រោះថា ពួកគាត់ធ្លាប់តែសិក្សា និងរស់នៅក្នុងសង្គមមួយដែលតែងតែលើកទឹកចិត្តពួកគាត់តាំងពីតូចដល់ធំ ដូចជានៅពេលដែលគាត់ធ្វើរឿងអ្វីមួយខុស គាត់គិតថា គាត់អាចទទួលបានឱកាសជាច្រើនទៀតក្នុងការកែប្រែវាឡើងវិញដោយមិនជះផលអវិជ្ជមានដល់គាត់ភ្លាមៗនោះទេ តែចំពោះស្ថានភាពជាក់ស្តែងវិញ គឺមិនដូចគ្នានោះទេនៅពេលដែលគាត់ធ្វើខុស គឺគាត់ត្រូវតែទទួលខុសត្រូវដោយខ្លួនឯង ហើយលទ្ធផលអវិជ្ជមាននានានឹងបង្ហាញឱ្យគាត់ឃើញភ្លាមៗ ដែលពេលខ្លះវាអាចធ្វើឱ្យគាត់ឆាប់ចុះចាញ់តែម្ដង។

លោក ឃន ឈុនដារ៉ា បាននិយាយថា ៖ “ការតស៊ូគឺជារឿងដែលយុវជនបច្ចុប្បន្នត្រូវតែមាន ព្រោះថា ទាំងការរស់នៅ ការធ្វើការងារ និងការធ្វើអាជីវកម្ម វាតែងតែជួបឧបសគ្គមិនអាចចៀសផុតបានឡើយ ហេតុនេះប្រសិនបើគាត់ចង់ធ្វើអ្វីមួយលឿនៗដោយមិនខ្វល់ពីការតស៊ូជម្នះឧបសគ្គនោះ គាត់អាចនឹងប្រឈមជាមួយបញ្ហាដ៏ច្រើន។

លោក ឈុនដារ៉ា បានបញ្ជាក់ផងដែរថា ការហាត់ពត់លត់ដំខ្លួនឯងម្តងបន្តិចៗគឺជារឿងដែលល្អមួយសម្រាប់នាំខ្លួនឯងឱ្យឆ្ពោះទៅរកភាពជោគជ័យ ព្រោះថា នៅលើផ្លូវឆ្ពោះទៅកាន់ភាពជោគជ័យ គឺយើងត្រូវរៀនពីសកម្មភាពជាក់ស្តែងដែលក្នុងនោះគឺជាឱកាសល្អបំផុតក្នុងការរៀនសង្កេតពីបញ្ហានានាដែលអាចធ្វើឱ្យយើងចេះដោះស្រាយបញ្ហាបានយ៉ាងល្អ។

លោក ពេជ្រ ពិសាល ជាស្ថាបនិក និងជាអ្នកគ្រប់គ្រងគម្រោង Daily Plus បានលើកឡើងថាលោកធ្លាប់ជួបស្ថានភាពជាក់ស្តែងនៅពេលដែលលោកកំពុងនៅសិក្សាថ្នាក់មហាវិទ្យាល័យ។ នៅពេលនោះ លោករួមជាមួយនឹងមិត្តភ័ក្តិមួយក្រុមបានចាប់ផ្តើមបង្កើតគម្រោងមួយដើម្បីធ្វើការងារជាមួយយុវជនតែអ្វីដែលលោកទទួលបាន គឺភាពបរាជ័យព្រោះថាការធ្វើការងារជាមួយមនុស្សច្រើននាក់ដែលពេលខ្លះយើងនៅមានបទពិសោធតិចតួច និងមានទំនាក់ទំនងតិចអាចធ្វើឱ្យយើងមានការនឿយហត់ខ្លាំងខណៈពេលមានបញ្ហាកើតឡើង ហើយពេលខ្លះចិត្តដែលចង់ទៅដល់គោលដៅរបស់ក្រុមត្រូវបានរលត់ជាមួយនឹងសមាជិករួមគ្នាដែលមានការព្រងើយកន្តើយ។

លោក ពេជ្រ ពិសាល បាននិយាយថា ៖ “ការធ្វើការងារជាមួយគ្នាជាក្រុម មិនមែនជារឿងងាយនោះទេ ហើយពេលខ្លះ នៅពេលដែលយើងចង់បង្កើតអ្វីមួយដែលមានឆន្ទៈ តែអាចនឹងឆាប់បាត់បង់ចំណង់ទៅវិញ នៅពេលសមាជិកក្រុមមិនគាំទ្រហើយយើងក៏មិនអាចឈានជើងទៅដល់កន្លែងដែលយើងចង់ទៅនោះបានដែរ។ លោក ពិសាល ក៏បានលើកឡើងផងដែរថា បើទោះបីជាយុវជនមួយចំនួនចង់ទទួលបានជោគជ័យតែគាត់មិនអាចទៅដល់ដោយសារតែភាពក្មេងខ្ចី និងខ្វះបទពិសោធក៏ដោយ តែអ្វីដែលគាត់អាចធ្វើបានគឺព្យាយាមស្វែងយល់ពីភាពមិនទាន់ដឹងឬស្គាល់ច្បាស់ ឬកំហុសរបស់ខ្លួន ហើយបន្តអភិវឌ្ឍជាមួយនឹងភាពចាស់ទុំដែលកើតមានបន្ទាប់ពីឆ្លងកាត់ឧបសគ្គនានារួច៕

February 6, 2018

កម្មវិធីប្រកួតបាល់ទាត់ចំនួនពីរថ្ងៃនៃពាន Tiger Street Football Festival 2018 ខេត្តបាត់ដំបងបានបញ្ចប់យ៉ាងជោគជ័យ

បាត់ដំបង៖ ការប្រកួតបាល់ទាត់ធំជាងគេបំផុតនៅប្រទេសកម្ពុជា Tiger Street Football Festival 2018 ប្រចាំមណ្ឌលខេត្តបាត់ដំបងបានបញ្ចប់យ៉ាងជោគជ័យដោយចាប់ផ្តើមបើកឆាកប្រយុទ្ធព្រឹកថ្ងៃសៅរ៍ ទី៣ ខែកុម្ភៈ និងបញ្ចប់ថ្ងៃទី ៤ ខែកុម្ភៈ ឆ្នាំ២០១៨នេហើយនៅទីលានវាលបែកចានដោយមានក្រុមចូលរួមរហូតដល់ ៧៩ក្រុម។

នេះគឺជាការប្រកួតដ៏រំភើប និងភ័យរន្ធត់សម្រាប់ក្រុមនីមួយៗដោយសារចាប់ផ្តើមពីគូទីមួយរហូតដល់ចប់គឺចាញ់ធ្លាក់ និងឈ្នះឡើងវគ្គបន្ត។ ក្នុងការប្រកួតយ៉ាងស្វិតស្វាញរយៈពេលពីរថ្ងៃ គេបានរកឃើញ ក្រុមជ័យលាភី ក្រុមជើងឯក PCO ទទួលបាន១៥០០ដុល្លារអាមេរិក ក្រុមជើងឯករង FC Crown A ទទួលបាន១ ០០០ដុល្លារអាមេរិក ក្រុមលេខ៣ យុវជនទួលតាឯក B ទទួលបាន៥០០ដុល្លារអាមេរិក ក្រុមលេខ៤ Forest FC ទទួលបាន២០០ដុល្លារអាមេរិក ក្រុមលេខ៥៖ Norea Team និងក្រុមលេខ៦៖ Fox Zone FC។

ការប្រកួតជម្រុះក្នុងកម្មវិធី Tiger Street Football Festival 2018 នឹងធ្វើឡើងនៅមណ្ឌលបន្ទាប់គឺ៖ ខេត្តសៀមរាប ចាប់ពីថ្ងៃទី ៩ ដល់ថ្ងៃទី ១១ ខែកុម្ភៈ ឆ្នាំ ២០១៨ នៅទីលានអង្គរឃ្យុងយូ ទីរួមខេត្តសៀមរាបដូច្នេះសូមកុំភ្លេចចូលរួមទស្សនាការប្រកួតជម្រុះនៅខេត្តសៀមរាបឲ្យបានច្រើនកុះករចំពោះសកម្មភាពផ្សេងៗនៃព្រឹត្តិការណ៍ Tiger Street Football Festival 2018 នៅខេត្តបាត់ដំបងសូមចូលទៅកាន់ទំព័រហ្វេសប៊ុកផ្លូវការរបស់ស្រាបៀរថៃហ្គ័រ៖ www.facebook.com/TigerBeerKH
#TSFF2018

សូមពិសាដោយការទទួលខុសត្រូវ

February 6, 2018

ស្វែងយល់ពីរបបអាហារ ជួយកែបញ្ហាជ្រុះសក់

February 6, 2018

ម៉ូដសម្លៀកបំពាក់នារីម៉ាក Lookwomen លេខ 117

February 6, 2018

តើបច្ចេកវិទ្យា Linear ពិតជាផ្តល់ជូននូវភាពស្រស់បែបធម្មជាតិមែនទេ?

Vegetable Orchestra

បង្កើតភ្លេងដ៏ពីរោះរណ្តំជាមួយនឹងបន្លែដែលទុកក្នុងទូរទឹកកករយៈពេលមួយសប្តាហ៍។

https://youtu.be/HJdoAPUXR54

តើយើងគួរទុកអាហាររបស់យើងបែបណាដើម្បីឱ្យស្រស់និងបានយូរ?
ដំណោះស្រាយគឺងាយស្រួលយើងត្រូវគ្រប់គ្រងសីតុណ្ហភាពក្នុងទូរទឹកកកឱ្យបានច្បាស់លាស់។

បច្ចេកវិទ្យា Linear Cooling^Tm

សីតុណ្ហភាពក្នុងទូរទឹកកកមានស្ថេរភាពធ្វើឱ្យស្រស់គ្រប់ពេល។សីតុណ្ហភាពនៅក្នុងទូរទឹកកកប្រែប្រួលមិនដល់១អង្សារទេត្រឹមតែ0.5អង្សារសេតែប៉ុណ្ណោះ។

បច្ចេកវិទ្យា Door Cooling^+Tm

បច្ចេកវិទ្យា Door Cooling^+Tmធ្វើឱ្យសីតុណ្ហភាពខាងក្នុងត្រជាក់លឿនជាងបច្ចេកវិទ្យាធម្មតា ៣៥ ភាគរយឯណោះ។ វាជួយកាត់បន្ថយគម្លាតសីតុណ្ហភាពរវាងផ្នែកខាងក្នុងនិងផ្នែកខណ្ឌនៃទ្វារ។

បច្ចេកវិទ្យា Inverter Linear compresso គឺធានានូវប្រសិទ្ធិភាពឈានមុខគេដោយប្រើប្រាស់គ្រឿងតិចជាងខំប្រេសស័រធម្មតាដូច្នេះហើយទើបធ្វើឱ្យមានការកកិតនិងសំលេងរំខានតិចបំផុត។

ព័ត៌មានបន្ថែម 023 888 299 https://goo.gl/CDdE3j

February 6, 2018

ក្រសួងចំណាយថវិកាជិត 17លានដុល្លារ ជួសជុលផ្លូវជាតិលេខ 3 និងលេខ 7

ស្របពេលដែលផ្លូវជាតិលេខ 3 ពីភ្នំពេញទៅខេត្តកំពត និងផ្លូវជាតិលេខ 7 ពីភ្នំពេញភ្ជាប់ទៅខេត្តកំពង់ចាមមានសភាពខូចខាត សឹករេចរឹលជាច្រើនកន្លែងហើយនោះ ក្រសួងសាធារណការ និងដឹកជញ្ជូនបានចំណាយទឹកប្រាក់ប្រមាណជាជិត 17លានដុល្លារអាមេរិកដើម្បីជួសជុលផ្លូវទាំងពីរនេះឱ្យមានសភាពល្អប្រសើរឡើងវិញ។

នៅក្នុងពិធីចុះហត្ថលេខាលើកិច្ចសន្យាជាមួយក្រុមហ៊ុន Sichuan Road and Bridge (Group) Corporation Ltd កាលពីថ្ងៃទី5 ខែកុម្ភៈ ម្សិលមិញនេះ ឯកឧត្តម ស៊ុន ចាន់ថុល ទេសរដ្ឋមន្ត្រីរដ្ឋមន្ត្រីក្រសួងសាធារណការ និងដឹកជញ្ជូនមានប្រសាសន៍ថា ការចំណាយប្រាក់ដ៏សន្ធឹកសន្ធាប់នេះ គឺដើម្បីលើកកម្រិត និងថែទាំផ្លូវជាតិលេខ 3 និង លេខ 7 ដោយក្នុងគម្រោងជួសជុលកំណាត់ផ្លូវជាតិទាំងពីរនេះ គឺនឹងធ្វើការលើកកម្រិតផ្លូវពីកម្រាលកៅស៊ូ DBST បច្ចុប្បន្នទៅជាកម្រាលកៅស៊ូ AC ហើយនឹងធ្វើការស្ថាបនាលូសងខាងផ្លូវដើម្បីរំដោះទឹកភ្លៀងចេញទៀតផង។

គួរបញ្ជាក់ថា ការងារលើកកម្រិតផ្លូវជាតិទាំងពីរខ្សែនេះប្រកបដោយ ការងារស្ថាបនាក្រាលកៅស៊ូ AC រយៈពេល 18ខែ ហើយបន្តថែទាំរយៈពេល 36ខែ សរុប 54ខែ ដែលនឹងចាប់ផ្ដើមការដ្ឋានពីខែមេសា ឆ្នាំ2018 រហូតដល់ខែកញ្ញា ឆ្នាំ2022 ក្រោមហិរញ្ញប្បទានពីធនាគារពិភពលោកលេខ 5789-KH គម្រោងគ្រប់គ្រងសម្បត្តិផ្លូវថ្នល់ 2 (Road Asset Management Project II – RAMP II) ដែលមានប្រវែងសរុប 111.3 គ.ម និងចំណាយទឹកប្រាក់សរុបចំនួន 16,969,422.59 ដុល្លាអាមេរិក។

ក្នុងគម្រោង RAMP-II ដដែលនេះ រាជរដ្ឋាភិបាលបានស្នើទៅធនាគារពិភពលោកដើម្បីខ្ចីហិរញ្ញប្បទានសម្បទាចំនួន 110លានដុល្លារអាមេរិកបន្ថែមទៀត សម្រាប់លើកកម្ពស់កម្រិតផ្លូវជាតិលេខ 4 ដោយក្រាលកៅស៊ូ AC ស្ថាបនាចិញ្ចើមកៅស៊ូ AC និងបន្ថែមនូវប្រព័ន្ធប្រឡាយដែលចាំបាច់ ដើម្បីធានាឱ្យផ្លូវជាតិលេខ 4 អាចធ្វើដំណើរបានគ្រប់រដូវកាល។

គួរបញ្ជាក់ថា បច្ចុប្បន្នក្រសួងសាធារណការ និងដឹកជញ្ជូន និងធនាគារពិភពលោកកំពុងរៀបចំឯកសារបច្ចេកទេសសម្រាប់ហិរញ្ញប្បទាន 110លានដុល្លារអាមេរិកនេះ ហើយនឹងដាក់ជូនក្រុមប្រឹក្សានាយកធនាគារពិភពលោកសម្រេចក្នុងខែមិថុនា ឆ្នាំ2018 ដែលការដ្ឋានសាងសង់អាចនឹងដំណើរការនៅដើមឆ្នាំ2019៕

February 6, 2018

Inthanin កាហ្វេដ៏ល្បីឈ្មោះប្រចាំប្រទេសថៃ បោះជំហានចូលមកទីផ្សារកម្ពុជា

Inthanin គឺជាឈ្មោះហាងកាហ្វេដ៏ល្បីឈ្មោះនៅក្នុងប្រទេសថៃអស់រយៈពេល10ឆ្នាំកន្លងមកហើយ និងមានសាខាជាច្រើនរហូតដល់ជាង500ទីតាំង។ ជាមួយនឹងភាពរីកចម្រើន និងការអភិវឌ្ឍឥតឈប់ឈរ ក្រោមការទទួលស្គាល់ និងគាំទ្រយ៉ាងច្រើនពីសំណាក់អតិថិជនដែលជាអ្នកនិយមចូលចិត្តទទួលទានកាហ្វេដែលមានរសជាតិឈ្ងុយឆ្ងាញ់ គុណភាពលំដាប់ស្ដង់ដារអន្តរជាតិនោះ នៅដើមឆ្នាំ2018នេះ កាហ្វេដ៏ល្បីឈ្មោះមួយនេះ បានសម្រេចបោះជំហានឈានចូលមកពង្រីកទីផ្សាររបស់ខ្លួននៅកម្ពុជា។

លោកស្រី ជីរ៉ាណាន់ វង្សមង្គល ដែលជាអ្នកគ្រប់គ្រង និងលក់បន្តម៉ាកសញ្ញាហាងកាហ្វេ Inthanin ប្រចាំនៅកម្ពុជាបានមានប្រសាសន៍ប្រាប់ឱ្យដឹងថា Inthanin គឺជាឈ្មោះហាងកាហ្វេដ៏ល្បីនៅក្នុងប្រទេសថៃដែលជាចំណុះក្រុមហ៊ុនប្រេងឥន្ទនៈ បាងចាក និងទទួលបានការគាំទ្រយ៉ាងច្រើនពីសំណាក់ប្រជាជនថៃ ដែលនិយមទទួលទានកាហ្វេអស់រយៈពេលជាច្រើនឆ្នាំមកហើយ។

លោកស្រីបានបន្តទៀតថា ៖ ដោយឡែកនាពេលបច្ចុបន្ននេះ ដោយសារការសម្លឹងឃើញពីភាពទូលាយ និងការនិយមចូលចិត្តទទួលទានកាហ្វេដែលមានម៉ាកសញ្ញា និងកេរ្តិ៍ឈ្មោះពិតប្រាកដនោះ Inthanin បានធ្វើការពង្រីកទីផ្សាររបស់ខ្លួន ដោយការបើកទូលាយលក់សិទ្ធិអាជីវកម្មបន្ត (Franchise) នៅលើទីផ្សារកម្ពុជា រួមជាមួយនឹងមហិច្ឆតាបង្កើនសាខារហូតដល់1000កន្លែង ក្នុងរយៈពេលដ៏ខ្លីខាងមុខនេះ។ ជាមួយគ្នានេះ លោកស្រីក៏បានបញ្ជាក់ប្រាប់ផងដែរថា មូលហេតុដែល Inthanin ទទួលបានការគាំទ្រយ៉ាងលើសលប់ពីសំណាក់អតិថិជន ក៏ព្រោះតែ Inthanin ជាប្រភេទកាហ្វេសុទ្ធអារ៉ាប៊ីកា បែបធម្មជាតិ មិនមានសារធាតុគីមី មានម៉ាស៊ីនកម្តៅ និងលីងតាមបច្ចេកទេសទំនើបនាសម័យចុងក្រោយ៕

February 6, 2018

Author: វល័ក្ខ