Author: ធឿន មករា

Crispy Salmon with Lemon Coriander ស្តេកត្រីសាល់ម៉ុនបំពងស្រួយ
ងាកមករៀនធ្វើម្ហូបបែបអឺរ៉ុបមួយមុខទៀតនោះគឺ Crispy Salmon with Lemon Coriander ជាស្តេកត្រីសាល់ម៉ុនបំពងស្រួយដ៏ពិសេសប្រចាំភោជនីយដ្ឋាន ស្លា (Slla Sky Bar) ដែលស្ថិតនៅជាន់ទី9 នៃសណ្ឋាគារ AQUARIUS Hotel &; Urban Resort។ បើនិយាយពីរសជាតិវិញនោះ គឺឆ្ងាញ់ប្លែកមាត់តែម្តង ហើយបើបាន ទទួលទានជាមួយនឹងស្រាសទៀតនោះគឺកាន់តែឆ្ងាញ់មួយកម្រិតទៀត។ ដូច្នេះ សូមរៀនចម្អិន មុខម្ហូបនេះជាមួយនឹងលោក ចាន់ វ៉ាន់ផល មេចុងភៅប្រចាំភោជនីយដ្ឋាន Slla Sky Bar ដូចតទៅ។
គ្រឿងផ្សំ
– ត្រីសាល់ម៉ុន 120g
– ប្រេងអូលីវ 10 ml
– ប្រេងឆា 20g
– ដំឡូងបារាំង 100g
– ប៊័រ (សាប) 15g
– ទឹកដោះគោស្រស់ 5g
– ម្សៅ Nutmeg 0.5g
– មើមការ៉ុត 20g
– ននោងបារាំង (Zucchini) 20g
– ផ្កាខាត់ណា ប្រូខូលី 30g
– ផ្កាខាត់ណាពណ៌ស 30g
– ស្រាសសម្រាប់ចម្អិនអាហារ 10ml
– ខ្ទឹមបារាំង 15g
– ខ្ទឹមក្រហម 5g
– អំបិល 2g
– ម្រេចខ្មៅម៉ដ្ឋ 1g
– គ្រីមសម្រាប់ចម្អិនអាហារ 50g
– ទឹកសុស Caper 10g
– ស្លឹកជីវ៉ាន់ស៊ុយ 2g
– ក្រូចឆ្មារ 20g
– មើម Beetroot 10g
– ទឹកឃ្មុំ 1g
វិធីចម្អិន
ដំបូងត្រូវយកសាច់ត្រីសាល់ម៉ុនមួយដុំ ដែលមានទម្ងន់120g មកប្រឡាក់ជាមួយនឹងអំបិល និងម្រេចម៉ដ្ឋ រួចយកទៅប្រឡាក់ជាមួយនឹងប្រេងអូលីវ ហើយយកទៅចៀននៅក្នុងខ្ទះ ដោយបន្ថែមប្រេងឆាបន្តិចឱ្យល្មមជាមួយនឹងសាច់ត្រី មុននឹងដាក់ត្រីសាល់ម៉ុនចៀន អ្នកត្រូវយកអំបិលបន្តិចមកប្រឡាក់នៅលើស្បែកត្រី ដើម្បីឱ្យស្បែកត្រីឡើងស្រួយល្អ រួចចៀនដោយបើកភ្លើងឱ្យក្តៅខ្លាំង រួចចៀនឱ្យឆ្អិនតាមកម្រិតដែលអ្នកចូលចិត្ត (រយៈពេល1នាទីប្រែទៅមួយជ្រុងទៀត ដើម្បីឱ្យឆ្អិនល្មមឆ្ងាញ់)។ ចំណែកបន្លែវិញ ត្រូវយកបន្លែទាំងអស់ដែលមានដូចជា ផ្កាខាត់ណា ប្រូខូលី ការ៉ុត ខ្ទឹមក្រហម ខ្ទឹមបារាំង មើម Beetroot និងននោងបារាំង យកទៅស្រុះជាមុនសិន រួចសឹមយកមកចៀនជាមួយប៊័រ ដោយបន្ថែមម្រេចម៉ដ្ឋ និងអំបិលចូលបន្តិច ចៀនឱ្យរាងទន់បន្តិចជាការស្រេច រួចដួសដាក់នៅក្នុងចាន។ ចំណែកដំឡូងបារាំងត្រូវយកទៅចំហុយជាមួយទឹកដោះគោស្រស់ និងតប់ឱ្យម៉ដ្ឋ រួចយកមកដាក់នៅលើចាន រួចសឹមដាក់ត្រីសាល់ម៉ុនចៀនពីលើ ដោយកាត់ស្បែកត្រីចេញ ដើម្បីយកមកតុបតែងលម្អ និងទទួលទានបែបស្រួយស្រឹបតែម្តង។ ជាចុងក្រោយត្រូវស្រោចដោយទឹកសុស Caper ពីលើជាការស្រេច៕
February 5, 2019
ការទិញផ្ទះបង់រំលស់មានប្រាក់កក់ និងមិនមានប្រាក់កក់មួយណាប្រសើរជាង?
និន្នាការនៃការទិញផ្ទះបង់រំលស់នាពេលបច្ចុប្បន្នកំពុងមានសកម្មភាពផុលផុសជាខ្លាំង នៅក្នុងរាជធានីភ្នំពេញ និងនៅតាមទីប្រជុំជនមួយចំនួនទៀត ដោយសារតម្រូវការនៃការចង់បានផ្ទះរស់នៅរបស់ខ្លួនឯងត្រូវបានគេគិតថាវាមានលក្ខណៈងាយស្រួលជាងជួលផ្ទះគេនៅ តែនៅក្នុងការទិញផ្ទះនាពេលបច្ចុប្បន្ននេះ មានលក្ខខណ្ឌច្រើនបែបច្រើនសណ្ឋាន ដូចជា ទិញដោយមានប្រាក់កក់ មិនមានប្រាក់កក់ជាដើម។ល។ ដូច្នេះសួរថា តើការទិញផ្ទះបង់រំលស់មានប្រាក់កក់ និងមិនមានប្រាក់កក់មួយណាប្រសើរជាង?
លោក សេង វិសុទ្ធ ដែលជាអតិថិជនទិញផ្ទះល្វែងក្នុងបុរីមួយនៅសង្កាត់អូដឹម ខណ្ឌពោធិ៍សែនជ័យបាននិយាយថា កន្លងមកលោកគ្រាន់តែជានិស្សិតធ្វើចំណាកស្រុកមករៀនបន្តថ្នាក់បរិញ្ញាបត្រនៅក្នុងភ្នំពេញ។ អំឡុងពេលកំពុងបន្តការសិក្សានោះ លោកបានជួលបន្ទប់ក្នុងផ្ទះរបស់គេនៅជាមួយនិស្សិតដទៃទៀត ដោយបន្ទប់នោះមានលក្ខណៈតូចចង្អៀត មិនមានផាសុកភាពគ្រប់គ្រាន់សម្រាប់រស់នៅទេ តែដោយសារជីវភាពមានការខ្វះខាត មិនមានជម្រើសណាប្រសើរជាងនេះទេ។ ក្រោយពីរៀនចប់ថ្នាក់បរិញ្ញា មានការងារធ្វើត្រឹមត្រូវ លោកក៏បានរៀបការ ហើយក៏បានសម្រេចចិត្តទិញផ្ទះបង់រំលស់ដោយមិនមានប្រាក់កក់នោះទេ ដើម្បីរស់នៅមានផាសុកភាពជាមួយក្រុមគ្រួសារ។ លោកបន្តថា លោកមានលុយខ្លះដែរតែមិនកក់ទៅឱ្យម្ចាស់បុរីលំនៅឋាននោះទេ ដោយសារទុកប្រាក់បម្រុងសម្រាប់ធ្វើអាជីវកម្មនៅផ្ទះរកប្រាក់ចំណេញពីផ្ទះនោះមកវិញ។ ហើយមកទល់ពេលនេះ លោកបានបើកអាជីវកម្មបោកគក់មួយដែលទទួលបានការគាំទ្រច្រើនគួរសមពីអតិថិជន ដែលធ្វើឱ្យលោកអាចរកប្រាក់ចំណូលចូលគ្រួ-សារបានមួយចំណែកធំទៀតដែរសម្រាប់ការបង់រំលស់ផ្ទះប្រចាំខែ។
ចំណែកអ្នកស្រី រិន លីតា ជាអ្នកទិញផ្ទះល្វែងបង់រំលស់មានប្រាក់កក់នៅបុរីចំការដូង ខណ្ឌដង្កោវិញបាននិយាយថា ការទិញផ្ទះមានប្រាក់កក់វានឹងជួយកាត់បន្ថយថ្លៃដើម និងការប្រាក់បានច្រើន ដែលធ្វើឱ្យការបង់រំលស់ប្រចាំខែមានភាពធូរស្រាលជាងការទិញផ្ទះដោយមិនមានប្រាក់កក់ទាល់តែសោះ។ អ្នកស្រីបញ្ជាក់ថា ដោយសារតែស្វាមីរបស់អ្នកស្រីធ្វើការមានប្រាក់ខែច្រើនសមរម្យ និងអ្នកស្រីមានមុខរបរផ្សេងអាចរកប្រាក់បានច្រើនគួរសមដែរនោះ ធ្វើឱ្យអ្នកស្រីអាចទិញផ្ទះក្នុងបុរីបានចំនួន 2ល្វែងដែលសុទ្ធតែមានប្រាក់កក់30%មុនទាំងអស់ ហើយបច្ចុប្បន្នផ្ទះទាំង 2ល្វែងនោះបានជួលឱ្យគេនៅបន្តអស់ហើយ ដោយក្នុង 1ល្វែងជួលបានតម្លៃ 200ដុល្លារអាមេរិកសម្រាប់យកមកសម្រាលបន្ទុកថ្លៃបង់រំលស់ផ្ទះនោះប្រចាំខែទៅវិញ។ អ្វីដែលធ្វើឱ្យអ្នកស្រីសម្រេចទិញផ្ទះនៅក្នុងបុរីចំនួន 2ល្វែង ដោយមិនយកប្រាក់ដែលមានទាំងអស់ទៅទិញផ្តាច់ 1ល្វែងនោះ ដោយសារគិតថា ទោះជាត្រូវបង់ 2ត្រួតគ្នាក៏ដោយ នៅពេលដែលយើងដាក់ជួល ក៏បានប្រាក់មួយចំណែកខ្លះដើម្បីបង់រំលស់ទៅវិញដែរ និងលុះបង់យូរៗទៅ វានឹងក្លាយជាទ្រព្យសម្បត្តិផ្តាច់មុខរបស់យើងទាំង 2ល្វែង។
ពាក់ព័ន្ធនឹងករណីនេះលោក គង់ តារា ប្រធានផ្នែកលក់នៃបុរីចតុមុខស៊ីធី មានទីតាំងនៅឃុំស្វាយជ្រុំ ស្រុកខ្សាច់កណ្តាល ខេត្តកណ្តាលមានប្រសាសន៍ថា ការទិញផ្ទះបង់រំលស់មានប្រាក់កក់ និងមិនមានប្រាក់កក់ មិនមានមួយណាប្រសើរជាងមួយណានោះទេ អាស្រ័យទៅលើអតិថិជនថា តើគាត់មានលទ្ធភាពបង់ប្រាក់កក់ដែរឬអត់? ហើយបើមានប្រាក់កក់ គឺបានកាត់បន្ថយថ្លៃដើម និងការប្រាក់បានមួយចំណែកធំ ដែលបានជួយសម្រួលដល់ការបង់រំលស់ប្រចាំខែ។
យ៉ាងណានោះ សម្រាប់អតិថិជនមួយចំនួនដែលមានប្រាក់ដែរ ប៉ុន្តែគាត់មិនបានយកទៅកក់ទេ ព្រោះគិតថា ទិញផ្ទះចំកន្លែងរកស៊ីបាន ក៏សុខចិត្តទុកប្រាក់មួយចំនួននោះសម្រាប់បើកអាជីវកម្មរកស៊ីដោយខ្លួនឯងក្នុងបុរីវិញក៏អាចរកប្រាក់ចំណេញបានច្រើនជាងយកទៅកក់ថ្លៃផ្ទះនោះដែរ តែគ្រាន់តែថា ការទិញផ្ទះបង់រំលស់មិនមានប្រាក់កក់ ត្រូវចំណាយបង់ប្រចាំខែរាងច្រើនជាងអ្នកដែលមានប្រាក់កក់ប៉ុណ្ណោះ។
យ៉ាងណានោះ អ្នកជំនាញផ្នែកលក់ដ៏មានប្រជាប្រិយភាពខាងលើនេះ បានផ្តល់អនុសាសន៍ទៅដល់ប្រជាពលរដ្ឋថា គួរតែទិញផ្ទះនៅដោយខ្លួនឯងជាជាងជួលផ្ទះគេនៅ ទោះជាមានប្រាក់កក់ ឬមិនមានប្រាក់កក់ក៏ដោយ តែវាគ្រាន់តែទាមទារឱ្យមានការគិតគួរឱ្យបានច្បាស់បន្តិចថា តើខ្លួនមានលទ្ធភាពគ្រប់គ្រាន់ដែរឬទេសម្រាប់ការបង់ប្រាក់រំលស់ប្រចាំខែនោះប៉ុណ្ណោះ។ ជាមួយគ្នានេះ លោកក៏បានផ្តល់អនុសាសន៍បន្ថែមទៀតថា អតិថិជនពុំគួរង់ចាំសន្សំលុយគ្រប់ទើបទិញផ្ទះនៅនោះទេ បើមានលុយខ្លះអាចបង់រំលស់បាន គួរតែទិញផ្ទះបង់រំលស់ទៅ ព្រោះបើរង់ចាំមានលុយគ្រប់នោះ នឹងមានការលំបាកខ្លាំងព្រោះថា ផ្ទះ ឬដីធ្លីមានការឡើងថ្លៃឥតឈប់ឈរពីមួយឆ្នាំទៅមួយឆ្នាំ៕
February 5, 2019
សណ្ឋាគារ Himawari Hotel Apartments រៀបចំពិធីសម្តែង ម៉ុង សាយទទួលស្វាគមន៍ពិធីបុណ្យចូលឆ្នាំចិន
រាជធានីភ្នំពេញ ថ្ងៃទី2 ខែកុម្ភៈ ឆ្នាំ2019៖ នៅសណ្ឋាគារ Himawari Hotel Apartments ក៏ដូចជាថ្នាក់ដឹកនាំរបស់សណ្ឋាគារបានរៀបចំពិធីសម្តែង ម៉ុង សាយ ដើម្បីទទួលស្វាគមន៍ពិធីបុណ្យចូលឆ្នាំចិននៅក្នុងទីធ្លាសណ្ឋាគារតែម្តង។ ក្នុងកម្មវិធីមានការអញ្ជើញចូលរួមពីសំណាក់បុគ្គលិក ថ្នាក់គ្រប់គ្រង់ គ្រប់ជាន់ថ្នាក់របស់សណ្ឋាគារ Himawari Hotel Apartments ជាពិសេសវត្តមានភ្ញៀវជាច្រើនរូបដែលបានស្នាក់នៅក្នុងសណ្ឋាគារ។ បន្ទាប់រីករាយជាមួយនឹងការសម្តែង ម៉ុង សាយ បុគ្គលិក និងភ្ញៀវកិត្តិយសបានរីករាយជាមួយនឹងការថតរូបអនុស្សារីយ៍ជាមួយគ្នាផងដែរ។
គួរបញ្ជាក់ផងដែលថា ម៉ុង សាយ គឺជាទម្រង់នៃរបាំប្រពៃណីរបស់ប្រទេសចិន ហើយ ម៉ុង សាយ សម្តែងជាចលនា និង ស្លៀកពាក់ដូចទៅនឹងសត្វតោ និង សត្វនាគ ហើយការសម្តែង ម៉ុង សាយ គឺដើម្បីនាំមកនូវសំណាងល្អ និង ការរកសីុមានបាន។ ម៉ុង សាយ ត្រូវបានសម្តែងជាទូទៅក្នុងឱកាសបុណ្យចូលឆ្នាំចិន និងពិធីបុណ្យប្រពៃណីទំនៀមទម្លាប់ និងសាសនារបស់ចិន។ វាក៏ត្រូវបានអនុវត្តនៅក្នុងឱកាសដ៏សំខាន់ដូចជាព្រឹត្តិការណ៍បើកសម្ពោធអាជីវកម្ម ការប្រារព្ធពិធីពិពិសេស និងអាចត្រូវបានសម្តែងដើម្បីគោរពជូនភ្ញៀវពិសេសដោយសហគមន៍ចិនផងដែរ៕

February 5, 2019
វគ្គជើងឯក Tiger Street Football Festival 2019 ប្រចាំមណ្ឌលក្រុងប៉ោយប៉ែត
ទីក្រុងប៉ោយប៉ែត៖ព្រឹត្តិការណ៍ការប្រកួតនៃក្របខណ្ឌពានរង្វាន់ Tiger Street Football Festival 2019 បានរក ឃើញជើងខ្លាំង៦ក្រុមប្រចាំមណ្ឌលទីក្រុងប៉ោយប៉ែត ខណៈក្រុម Sisophon FC “A” គ្រងជើងឯកក្រោយ ពីយកឈ្នះលើក្រុម Bun Koy FC ក្នុងលទ្ធផល៣ ទល់២ នៅវគ្គផ្តាច់ព្រ័ត្រនាយប់ថ្ងៃទី៣ ខែកុម្ភៈ ឆ្នាំ២០១៩ នេះនៅនៅមណ្ឌលទី៥ ក្រុងប៉ោយប៉ែត នៅបរិវេនផ្សាររាត្រី ជិតកាស៊ីណូផ្កាយ៥។
ចំណែកក្រុម Poi Pet Empire FC “A” ទទួលបានចំណាត់ថ្នាក់លេខ៣ បន្ទាប់ពីយកឈ្នះក្រុម Family FC “B” ក្នុងលទ្ធផល៤ទល់១ សម្រាប់២ក្រុមទៀតដែលត្រូវឡើងទៅភ្នំពេញដែរ គឺក្រុម Serey Sophon FC “C” និងក្រុម Bun Koy legends ដោយសារតែក្រុមទំាង២នេះស្ថិតនៅក្នុងក្រុមចាញ់ល្អជាងគេនៃការប្រកួតវគ្គ៨ ក្រុមចុងក្រោយ។
សម្រាប់រង្វាន់ក្រុមជើងឯកប្រចាំមណ្ឌលក្រុងប៉ោយប៉ែត គឺក្រុម Sisophon FC “A” ទទួលបានប្រាក់រង្វាន់ ១៥០០ដុល្លារ ក្រុមជើងឯករងបានទៅលើក្រុម Bun Koy FC ប្រាក់រង្វាន់១០០០ដុល្លារ ក្រុមចំណាត់ថ្នាក់លេខ៣ បានទៅលើក្រុម PoiPet Empire FC “A” ប្រាក់រង្វាន់៥០០ដុល្លារ ក្រុមចំណាត់ថ្នាក់លេខ៤ បានទៅលើ Family FC “B” ប្រាក់រង្វាន់២០០ដុល្លារ និងស្រាបៀរថៃហ្គ័រ ។
សម្រាប់ទីក្រុងប៉ោយប៉ែតដែលជាមណ្ឌលទី៥នេះគណៈកម្មាធិការរៀបចំការប្រកួតយកតែ៦ក្រុមរួមមានក្រុម ដើម្បីទៅចូលរួមការប្រកួតវគ្គផ្តាច់ព្រ័ត្រទូទាំងប្រទេស នៅរាជធានីភ្នំពេញ ថ្ងៃទី១៦ និងទី១៧ មីនា ២០១៩ខាងមុខនេះជាពិសេសមានឱកាសជួបផ្ទាល់ជាមួយកំពូលតារាបាល់ទាត់ពិភពលោកគឺកីឡាករបាល់ទាត់Ronaldinho។
ជាមួយការប្រគំតន្ត្រីដ៏អស្ចារ្យនោះនាពេលរាត្រីដោយមានការចូលរួមពីសំណាក់កំពូលតារាចម្រៀងល្បីៗជាច្រើនរូបក្នុងប្រទេសកម្ពុជារួមមាន លោក ឆន សុវណ្ណារាជ កញ្ញា ឱក សុគន្ធកញ្ញា កញ្ញា ទេព បូព្រឹក្ស លោក ដួង វិរ:សិដ្ឋ កញ្ញា រ៉េត ស៊ូហ្សាណា និងឌីជេ Maily ។ ហើយតារាចម្រៀងទាំងអស់បានលើកយកសុទ្ធសឹង ជាបទញ៉ាក់កន្ត្រាក់អារម្មណ៍ ជាហេតុធ្វើឲ្យ អ្នកគាំទ្រ នៅទីក្រុងប៉ោយប៉ែតសប្បាយរីករាយ និងរាំកម្សាន្ត ទៅតាមចង្វាក់ភ្លេង យ៉ាងសប្បាយរីករាយ គ្រប់គ្នាពេញខាងមុខឆាកតន្រ្តី។
សម្រាប់ការប្រកួតជម្រុះក្នុងកម្មវិធី Tiger street Football Festival 2019 នឹងធ្វើឡើងនៅមណ្ឌលបន្ទាប់ទៀត គឺខេត្តសៀមរាបនាថ្ងៃទី៨-១០ ខែកុម្ភៈ ឆ្នាំ២០១៩ នៅទីលានអង្គរឃ្យុងយូ គណៈកម្មាធិការរៀបចំការប្រកួត យក១២ក្រុម ។
ស្រាបៀរថៃហ្គ័រជាស្រាបៀរដែលមានគុណភាពខ្ពស់លំដាប់ថ្នាក់អន្តរជាតិមានដើមកំណើតតាំងពីឆ្នាំ១៩៣២នៅប្រទេសសិង្ហបុរី និងមានលក់នៅច្រើនជាង៧០ប្រទេសនៅទូទាំងពិភពលោក ហើយស្រាបៀរថៃហ្គ័រឈ្នះ ពានរង្វាន់លំដាប់ថ្នាក់អន្តរជាតិច្រើនជាង៤០មេដាយផ្នែករសជាតិ និងគុណភាព។
សូមចូលទៅកាន់ទំព័រហ្វេសប៊ុកផ្លូវការ របស់ស្រាបៀរថៃហ្គ័រ៖ www.facebook.com/TigerBeerKH

ពិសាដោយការទទួលខុសត្រូវ៕
February 5, 2019
ម៉ូដសម្លៀកបំពាក់នារីម៉ាក LOOKSWOMEN លេខ 129

February 4, 2019
Aguero រកបាន 3គ្រាប់ដើម្បីជួយឱ្យ Man City កាត់បន្ថយពិន្ទុតាមពីក្រោយ Liverpool
លោក Pep Guardiola បានបង្កើតឱ្យមានការលេងស៊ីចង្វាក់គ្នាយ៉ាងល្អបំផុតមួយក្នុងតំបន់បម្រើក្នុងកីឡាបាល់ទាត់អឺរ៉ុប ជាមួយនឹងក្រុម Manchester City ប៉ុន្តែខ្សែប្រយុទ្ធ Sergio Aguero បានបង្កើតឱ្យមានការចងចាំមួយកាលពីថ្ងៃអាទិត្យ ជាមួយនឹងគ្រាប់បាល់ស៊ុតបញ្ចូលទីរបស់គេ។
ខ្សែប្រយុទ្ធអន្តរជាតិអាហ្សង់ទីនរូបនេះ រកបានគ្រាប់បាល់ទាំង 3គ្រាប់ ក្នុងពេលក្រុម Man City ដណ្តើមបានជ័យជម្នះក្នុងលទ្ធផល 3-1 លើក្រុម Arsenal ក្នុងការប្រកួតក្របខ័ណ្ឌ Premier League ដើម្បីធ្វើឱ្យគ្រាប់បាល់សរុបរបស់គេក្នុងរាល់យុទ្ធនាការទាំងអស់នៅរដូវកាលនេះ កើនដល់ 20គ្រាប់។
គ្រាប់បាល់របស់កីឡាករវ័យ 30ឆ្នាំរូបនេះ សុទ្ធសឹងបានកើតឡើងនៅជិតមុខទីទាំងអស់ដែលនេះជាការបង្ហាញថា រូបគេគឺជាខ្សែប្រយុទ្ធដ៏មុតស្រួច។
ជ័យជម្នះនេះបានជួយឱ្យក្រុមឈរលេខ2 Man City ដេញតាមពីក្រោយក្រុម Liverpool តែ 2ពិន្ទុប៉ុណ្ណោះ។ លោក Guardiola បានឱ្យដឹងថា៖ «រូបគេបានកើតមកជាមួយនឹងទេពកោសល្យដ៏អស្ចារ្យហើយរូបគេនឹងស្លាប់ជាមួយនឹងទេពកោសល្យនោះ»។
គ្រាប់បាល់របស់ Aguero បានកើតឡើងតាមរយៈការតែតបាល់បញ្ចូលទី ការស៊ុតបាល់ស្រាលៗចូលទីយ៉ាងល្អហើយគ្រាប់បាល់ទី3 របស់គេ បានកើតឡើងតាមរយៈការទទួលដោយទ្រូង និងរមៀលតាមដៃរបស់គេ។
លោក Guardiola បានឱ្យដឹងថា៖ «តាំងពីចាប់ផ្តើមប្រកួត ខ្ញុំពិតជារីករាយណាស់។ ក្នុងរដូវកាលទី1មនុស្សជាច្រើនបាននិយាយថា ខ្ញុំមិនចូលចិត្តរូបគេឡើយ ប៉ុន្តែខ្ញុំតែងតែរីករាយ»៕
February 4, 2019
Ali រកបានគ្រាប់បាល់ដើម្បីឱ្យកាតា ផ្តួលជប៉ុន និងលើកពាន Asian Cup ជាលើកទី1
ខ្សែប្រយុទ្ធ Almoez Ali បានស៊ុតបាល់បកថយក្រោយបញ្ចូលទីយ៉ាងល្អដើម្បីរកគ្រាប់បាល់ទី9របស់គេក្នុងយុទ្ធនាការ Asian Cup ឆ្នាំ2019 ដើម្បីជួយឱ្យក្រុមជម្រើសជាតិកាតារបស់គេឈ្នះពានប្រចាំទ្វីបជាលើកទី1 តាមរយៈការយកឈ្នះលើក្រុមម្ចាស់ជើងឯក 4សម័យកាលជប៉ុន ក្នុងលទ្ធផល 3-1កាលពីថ្ងៃសុក្រ។
គ្រាប់បាល់បញ្ចូលទីនៅដើមតង់របស់ Ali បានធ្វើឱ្យរូបគេបំបែកកំណត់ត្រានៃការរកគ្រាប់បាល់សរុបរបស់ខ្សែប្រយុទ្ធ Ali Daei កាលពីឆ្នាំ1996 ហើយក្រោមការរកគ្រាប់បាល់បញ្ចូលទីបន្ថែមទៀតនៅនាទី ទី27 ពីសំណាក់កីឡាករ Abdulaziz Hatem និងគ្រាប់បាល់ប៉េណាល់ទី1គ្រាប់ទៀតរបស់ AkramAfif នៃក្រុមជម្រើសជាតិកាតាបានបង្ហាញពីភាពខ្លាំងរបស់ខ្លួន នៅមុនពេលធ្វើជាម្ចាស់ផ្ទះ World Cup ឆ្នាំ2022។
គ្រាប់បាល់ជាកំណត់ត្រារបស់ខ្សែប្រយុទ្ធដើមកំណើតស៊ូដង់ Ali បានកើតឡើងក្រោយពីការតវ៉ាមួយពីសំណាក់ប្រទេសម្ចាស់ផ្ទះអេមីរ៉ាតអារ៉ាប់រួមទៅលើសិទ្ធិនៃការចូលលេងរបស់គេក្នុងការធ្វើជាតំណាងឱ្យក្រុមជម្រើសជាតិកាតា ត្រូវបានច្រានចោលដោយសហព័ន្ធកីឡាបាល់ទាត់ទ្វីបអាស៊ី ត្រឹមតែរយៈពេលប៉ុន្មានម៉ោងមុនពេលចាប់ផ្តើមប្រកួត។
ក្រុមជម្រើសជាតិជប៉ុន បានទម្លុះតំបន់ការពាររបស់កាតា ដែលមិនបានរបូតគ្រាប់បាល់សូម្បីតែ1គ្រាប់ក្នុងការប្រកួត 6លើកចុងក្រោយរបស់ខ្លួន ហើយ Takumi Minamino បានស៊ុតបាល់បញ្ចូលទីនៅនាទីទី69ប៉ុន្តែគ្រាប់បាល់ប៉េណាល់ទីនៅជិតបញ្ចប់ការប្រកួតបានធ្វើឱ្យក្រុមជម្រើសជាតិជប៉ុន រងបរាជ័យជាលើកទី1ក្នុងការប្រកួត Asian Cup វគ្គផ្តាច់ព្រ័ត្រនេះតែម្តង៕

February 4, 2019
ការប្រគំតន្រ្តី Tiger Street Football Festival 2019 បង្ហាញភាពអស្ចារ្យដល់អ្នកគាំទ្រក្រុងប៉ោយប៉ែត
ទីក្រុងប៉ោយប៉ែត៖ ក្រោយពីការប្រកួតបាល់ទាត់ Tiger Street Football Festival 2019 ដ៏ស្វិតស្វាញនិងជក់ចិត្តបំផុតលើ ទីលានដែលមាន៦៨ក្រុមចូលរួមនោះសម្រាប់អ្នករស់នៅ ទឹកដីជាយដែននេះកាន់តែរំភើបជាមួយការប្រគំតន្ត្រីដ៏ធំជា មួយឆាកតន្រ្តីពោរពេញទៅដោយគំនិតច្នៃប្រឌិតបានទាក់ទាញទស្សនិកជន ឲ្យមកទស្សនាយ៉ាងច្រើនកុះករពេញទីលានផ្សា រាត្រីជិត សណ្ឋាគារផ្កាយ៥ ក្រុងប៉ោយប៉ែត ។
មិនតែប៉ុណ្ណោះភាពពុះកញ្ជ្រោល នៃការគាំទ្ររបស់បងប្អូនក្រោយការបង្ហាញវត្តមាន របស់តារាចម្រៀងជួរមុខ ល្បីៗដូចជាកញ្ញា ពេជ្រ សោភា លោក ណុប បាយ៉ារិទ្ធ លោក នីកូ កញ្ញា បាច់ គឹមមួយ ឈិន មានិច និងឌីជេ Maily។ លើសពីនេះទៅទៀតអ្នកគាំទ្រទាំងអស់ក៏ទទួលបានកម្មវិធី លក់ជូនជាពិសេសសម្រាប់ការជាវស្រាបៀរថៃហ្គ័រមកទទួល ទានបណ្តើរ និងទស្សនាការប្រគំតន្ត្រី Tiger Street Football Festival 2019។សម្រាប់ការប្រកួតនៅថ្ងៃទី១ គណៈកម្មការ ប្រកួតបានចាប់ផ្តើមប្រកួតវគ្គជម្រុះ៦៨ ក្រុមដោយចម្រាញ់យកជើងខ្លាំង២៤ក្រុមតាមរូបមន្តហើយនៅថ្ងៃទី២ជើងខ្លាំង២៤ក្រុម
នេះនឹងធ្វើការប្រកួតជម្រុះជ្រើសរើសយកតែ៦ក្រុមជើងខ្លាំងនិងក្រុមគ្រងជើងឯកប្រចាំមណ្ឌលទីក្រុងប៉ោយប៉ែតទៅវគ្គផ្តាច់ព្រ័ត្រទូទាំងប្រទេសនៅរាជធានីភ្នំពេញ ថ្ងៃទី១៦ និងទី១៧ ខែមីនា ២០១៩ ខាងមុខនេះ ជាពិសេសមានឱកាសជួបផ្ទាល់ជាមួយកំពូលតារាបាល់ទាត់ពិភពលោក គឺកីឡាករបាល់ទាត់ Ronaldinho។
សូមជម្រាបថា បទពិសោធន៍ដ៏អស្ចារ្យនៃការប្រកួតបាល់ទាត់ និងការប្រគំតន្រី្តTiger Street Football Festival 2019 នេះនឹងបន្តដំណើរ ទៅចែកជូន បងប្អូនដែលរស់នៅ ទឹកដីខេត្តសៀមរាប នៅថ្ងៃទី៨ រហូតដល់ថ្ងៃទី១០ ខែកុម្ភៈ ឆ្នាំ២០១៩ ខាងមុខនេះ។
ស្រាបៀរថៃហ្គ័រជាស្រាបៀរដែលមានគុណភាពខ្ពស់លំដាប់ថ្នាក់អន្តរជាតិមានដើមកំណើតតាំងពីឆ្នាំ១៩៣២នៅប្រទេស សិង្ហបុរី និងមានលក់នៅច្រើនជាង៧០ប្រទេសនៅទូទាំងពិភពលោក ហើយស្រាបៀរថៃហ្គ័រឈ្នះ ពានរង្វាន់លំដាប់ថ្នាក់ អន្តរជាតិច្រើនជាង៤០មេដាយផ្នែករសជាតិ និងគុណភាព។ចំពោះសកម្មភាពផ្សេងៗ នៃព្រឹត្តិការណ៍ Tiger Street Football Festival ២០១៩ ប្រចាំមណ្ឌលប៉ោយប៉ែត ។
សូមចូលទៅកាន់ទំព័រហ្វេសប៊ុកផ្លូវការ របស់ស្រាបៀរថៃហ្គ័រ៖ www.facebook.com/TigerBeerKH

ពិសាដោយការទទួលខុសត្រូវ៕
February 3, 2019
កាសែតឡារ៉ែន ពាណិជ្ជ លេខ 160
<center>[easy_media_download url=”https://www.lareine.com.kh/wp-content/uploads/2019/02/LRPN_160-Final-For-Web.pdf” force_dl=”1″]</center>
February 2, 2019
ការប្រកួតបាល់ទាត់ Tiger Street Football Festival 2019 បានបន្តទៅមណ្ឌលទី៥ ក្រុងប៉ោយប៉ែតបន្ទាប់ពីរកឃើញជើងខ្លាំង ៤ មណ្ឌលរួចហើយ
ការប្រកួតបាល់ទាត់ Tiger Street Football Festival 2019 បន្តទៅមណ្ឌលទី៥ នៅថ្ងៃទី ២-៣ ខែកុម្ភៈ ឆ្នាំ ២០១៩ ក្រុងប៉ោយប៉ែត នៅបរិវេណផ្សាររាត្រី ជិតកាស៊ីណូផ្កាយ៥ បន្ទាប់ពីរកឃើញក្រុមខ្លាំងទាំង ២១ ចំនួន ៤ មណ្ឌលរួចហើយ ។ ពិធីបើកសន្និសីទសារព័ត៌មាន ដែលនឹងប្រារព្ធនៅទីតាំង LEE HOTEL & SPA ស្តីពីការប្រកួត Tiger Street Football Festival 2019 នឹងមានការណែនាំអំពីរបៀបនៃការប្រកួតដោយយកចិត្តទុកដាក់ពីសំណាក់លោក ទុយ វិច្ឆិកា ជាប្រធានបច្ចេកទេស នៃសហព័ន្ធកីឡាបាល់ទាត់កម្ពុជា ។ របៀបផ្គូរផ្គងក្រុមសំរាប់ការប្រកួត Tiger Street Football Festival 2019 នៅថ្ងៃ សៅរ៍ ទី២ ខែកុម្ភៈ ឆ្នាំ២០១៩ ដែលរៀបចំដោយក្រុមហ៊ុនស្រាបៀរថៃហ្គ័រ។
៤ មណ្ឌលដែលបានធ្វើការប្រកួតរួចរួមមាន៖ មណ្ឌលខេត្តព្រះសីហនុ មណ្ឌលខេត្តតាកែវ មណ្ឌលខេត្តកំពង់ស្ពឺ និងមណ្ឌលបាត់ដំបង បន្តស្វែករក ៦ ក្រុម ដើម្បីទៅប្រកួតវគ្គផ្តាច់ព្រ័ត្រ នៅរាជធានីភ្នំពេញ នៅថ្ងៃទី ១៦ ដល់ ១៧ ខែមករា ឆ្នាំ២០១៩ ជាមួយនិងក្រុមខ្លាំង ៦ ផ្សេងទៀត បន្ទាប់ពីមណ្ឌលប៉ោយប៉ែត ។ ជាពិសេសក្រុមខ្លាំងទាំង ៨ មណ្ឌល និងមានឱកាសជួបជាមួយ និងតារាបាល់ទាត់អន្តរជាតិ Ronaldinho ផងដែរ ។
គួររំលឹកថា ការប្រកួត Tiger Street Football Festivalនេះ ត្រូវបានបង្កើតឡើង ក្នុងគោលបំណងជួយបង្កើនប្រសិទ្ធភាព នៃវិស័យកីឡាបាល់ទាត់នៅកម្ពុជាឲ្យមានការរីកចម្រើន ក្នុងន័យជួយសហព័ន្ធកីឡាបាល់ទាត់ធ្វើការបណ្តុះបណ្តាលវ័យក្មេង និងថ្នាលយុវជន ដើម្បីក្លាយជាកីឡាករឆ្នើម ។
សូមបញ្ជាក់ថា ស្រាបៀរថៃហ្គ័រ ជាស្រាបៀរដែលមានគុណភាពខ្ពស់លំដាប់ថ្នាក់អន្តរជាតិមានដើមកំណើត តាំងពីឆ្នាំ១៩៣២ នៅប្រទេសសិង្ហបុរី និងមានលក់ច្រើនជាង ៧០ប្រទេស នៅទូទាំងពិភពលោក ហើយស្រាបៀរ ថៃហ្គ័រឈ្នះពានរង្វាន់លំដាប់ថ្នាក់អន្តរជាតិច្រើនជាង ៤០ មេដាយផ្នែករសជាតិ និងគុណភាពផងដែរ ៕
សូមចូលទៅកាន់ទំព័រហ្វេសប៊ុកផ្លូវការ របស់ស្រាបៀរថៃហ្គ័រ៖ www.facebook.com/TigerBeerKH
ពិសាដោយការទទួលខុសត្រូវ
February 2, 2019