អ្នកជំនាញកសិកម្មបានសន្និដ្ឋានថា តំបន់ខ្ពង់រាបរបស់ខេត្តមណ្ឌលគិរី គឺសមរម្យសម្រាប់ការដាំដុះដំឡូងបារាំង ដែលការពិសោធដាំដុះដំឡូងបារាំងនៅទីនោះបានឈានចូលដល់ឆ្នាំទី3 ហើយ បើទោះជាពុំទទួលបានទិន្នផលខ្ពស់ដូចនៅបណ្ដាប្រទេសក្នុងតំបន់អឺរ៉ុបក្ដី ប៉ុន្ដែក៏អាចបញ្ជាក់ថា ដំឡូងបារាំងពិតជាអាចដាំបាននៅក្នុងទឹកដីនៃខេត្តមណ្ឌលគិរី។
លោកសាស្ត្រាចារ្យ ជាង ហុង ព្រឹទ្ធបុរសនៃមហាវិទ្យាល័យវិទ្យាសាស្ត្រកសិកម្ម បានមានប្រសាសន៍ថា៖ “ក្នុងឆ្នាំនេះ យើងបានប្រមូលផលដំឡូងបារាំងដែលមានទាំងអស់ពូជចំនួន 6ប្រភេទ ដែលយើងបានជ្រើសរើសកាលពីឆ្នាំកន្លងមក ហើយឆ្នាំនេះជាការពិសោធលើកទី3 ហើយដែលបានទទួលទិន្នផលច្រើនគួរសម តែមិនអាចប្រៀបធៀបនឹងបណ្តាប្រទេសមួយចំនួនដូចនៅអឺរ៉ុបបានទេ”
លោកសាស្ត្រាចារ្យ ជាង ហុង បានបញ្ជាក់ថា៖“សម្រាប់កម្ពុជា ការដាំដំឡូងបារាំងក្នុង 1ហិកតានឹងទទួលបានទិន្នផលពី17 ទៅ 20តោន និងលក់បានក្នុង 1គីឡូក្រាមតម្លៃ 4ពាន់រៀល ឬ1ដុល្លារ។ ដូច្នេះបើក្នុង 1ហិកតា បានទិន្នផល 17តោន យ៉ាងតិចបំផុតក៏យើងបានជាង 1ម៉ឺនដុល្លារដែរ”។
លោកសាស្ត្រាចារ្យបានអះអាងថា តែអ្វីដែលច្បាស់នោះ គឺដំឡូងបារាំងពិតជាអាចដាំបាននៅខេត្តមណ្ឌលគិរីដោយផ្អែកលើការពិសោធដាំដុះជាក់ស្ដែងរយៈពេល 3ឆ្នាំកន្លងមកដែលមានបច្ចេកទេសគ្រប់គ្រាន់ មានពូជដែលសមស្របនឹងអាកាសធាតុនៅតំបន់នោះ ហើយទិន្នផលវិញ ក៏ទទួលបានខ្ពស់បង្គួរដែរ។
លោក សុង ឃាង ប្រធានមន្ទីរកសិកម្មខេត្តមណ្ឌលគិរី បានថ្លែងថា ការសាកល្បងដែលបានធ្វើឡើងក្នុងរយៈពេល 3ឆ្នាំចុងក្រោយនេះដែលមន្ទីរកសិកម្មបានសហការជាមួយសាកលវិទ្យាល័យភូមិន្ទកសិកម្មចំការដូង បានបង្ហាញថា ដីនៅក្នុងខេត្តមណ្ឌលគិរីបានបំពេញតាមតម្រូវការសម្រាប់ការដាំដុះដំឡូងបារាំងមែន។
លោកបានមានប្រសាសន៍ថា៖ “បន្ទាប់ពីធ្វើតេស្ត3ឆ្នាំ យើងអាចសន្និដ្ឋានថា ខេត្តមណ្ឌលគិរីអាចផលិតដំឡូងដែលមានគុណភាពខ្ពស់បាន ហើយអាចកំណត់បានពូជដែលត្រូវដាំ និងសមស្របតាមអាកាសធាតុ ដូច្នេះលទ្ធផលនេះមានសារៈសំខាន់ណាស់ ជាពិសេសជាមួយនឹងតម្រូវការដំឡូងបារាំងនៅក្នុងប្រទេសយើងដែលបច្ចុប្បន្នត្រូវបាននាំចូលទាំងស្រុង”។
លោកប្រធានមន្ទីរសង្ឃឹមថា ឆ្នាំក្រោយ ការដាំដំឡូងបារាំងនេះនឹងសាយភាយដល់កសិករ ដែលមានចំណាប់អារម្មណ៍ ព្រោះតម្លៃក៏ល្អដែរ ជាពិសេសយើងនឹងធ្វើការផ្សព្វផ្សាយអំពីបច្ចេកទេសដាំដុះ ជ្រើសរើសពូជជូនដល់កសិករផងដែរ ព្រោះឆ្នាំទី3នេះ លទ្ធផលនៃការដាំដុះមានភាពល្អប្រសើរណាស់។
យោងតាមវិទ្យាស្ថានស្រាវជ្រាវដំឡូងបារាំងដែលជាមជ្ឈមណ្ឌលមួយនៅសាកលវិទ្យាល័យភូមិន្ទកសិកម្ម បច្ចុប្បន្នប្រទេសកម្ពុជានាំចូលដំឡូងបារាំងជាង 5ម៉ឺនតោនជារៀងរាល់ឆ្នាំពីប្រទេសថៃ ចិន ជប៉ុន វៀតណាម អូស្ត្រាលី និងសហរដ្ឋអាមេរិក។
ការសិក្សាអំពីការដាំដុះដំឡូងបារាំងនៅក្នុងប្រទេសកម្ពុជាត្រូវបានអនុវត្តចាប់តាំងពីដើមឆ្នាំ2017 ក្នុងគោលបំណងស្វែងរកតំបន់នៅក្នុងព្រះរាជាណាចក្រកម្ពុជាដែលសមស្របសម្រាប់ការដាំដុះដំណាំដំឡូងបារាំង។ ការធ្វើតេស្តលើកដំបូងដែលធ្វើឡើងដោយវិទ្យាស្ថានស្រាវជ្រាវដំឡូងបារាំងបានបង្ហាញថា ខេត្តពោធិ៍សាត់ និងខេត្តបាត់ដំបងក៏មានដីត្រឹមត្រូវ និងអាកាសធាតុល្អសម្រាប់ការដាំដុះដំណាំនេះដែរ។ ការស្រាវជ្រាវនេះ គឺជាកិច្ចសហការរវាងក្រសួងកសិកម្ម ទីភ្នាក់ងារសហប្រតិបត្តិការអន្តរជាតិកូរ៉េ និងសាកលវិទ្យាល័យភូមិន្ទកសិកម្មចំការដូង។
សាកលវិទ្យាធិការនៃសាកលវិទ្យាល័យភូមិន្ទកសិកម្មចំការដូង លោក ង៉ោ ប៊ុនថាន បានមានប្រសាសន៍ផងដែរថា បន្ទាប់ពីធ្វើការស្រាវជ្រាវ និងពិសោធន៍រួចមក ឃើញថា ដំឡូងបារាំងដែលយកមកដាំនៅខេត្តមណ្ឌលគិរីនេះ ជាលទ្ធផលយើងត្រូវមានកញ្ចប់បច្ចេកទេសក្នុងការដាំដុះដំឡូងបារាំង ទើបអាចឈានដល់ដំណាក់កាលចុងក្រោយ និងអាចដាំបានហើយនៅខេត្តមណ្ឌលគិរី។ ដូច្នេះលោកបានណែនាំដល់មន្ទីរកសិកម្ម និងមហាវិទ្យាល័យកសិកម្មចំការដូង ត្រូវសហការគ្នាជួយដល់កសិកររូបណាដែលមានចំណាប់អារម្មណ៍ក្នុងការដាំដំឡូងបារាំងនេះ។
សូមបញ្ជាក់ថា លោក ង៉ោ ប៊ុនថាន សាកលវិទ្យាធិការនៃសាកលវិទ្យាល័យភូមិន្ទកសិកម្មចំការដូងធ្លាប់បានដឹកនាំក្រុមនិស្សិតចំនួន 45នាក់ចុះធ្វើកម្មសិក្សាពីលទ្ធផលនៃការពិសោធការដាំដុះដំឡូងបារាំងនៅក្រុងសែនមនោរម្យ។ ការធ្វើកម្មសិក្សាសម្រាប់ក្រុមនិស្សិតនេះ គឺដើម្បីឱ្យពួកគេបានដឹងពីបច្ចេកទេសនៃការដាំដុះដំណាំដំឡូងបារាំង និងការប្រមូលផលដោយផ្ទាល់ ព្រមទាំងសិក្សាស្វែងយល់ពីប្រភេទពូជដែលអាចដាំដុះបាននៅប្រទេសកម្ពុជាផងដែរ៕
Author: ធឿន មករា
ការពិសោធដាំដុះដំឡូងបារាំងនៅក្នុងខេត្តមណ្ឌលគិរីកំពុងទទួលបានទិន្នផលល្អ
មូលនិធិក្រុមប្រឹក្សាអាជ្ញាកណ្តាល ចងក្រងសៀវភៅច្បាប់ស្តីពីការងារ ដើម្បីសម្រួលដល់ប្រជាជន និងអ្នកស្រាវជ្រាវ
វិស័យការងារជាវិស័យដ៏សំខាន់មួយក្នុងសង្គមនៅគ្រប់ប្រទេសទាំងអស់លើពិភពលោក ព្រោះវិស័យនេះជាប់ពាក់ព័ន្ធដោយផ្ទាល់ទៅនឹងសេដ្ឋកិច្ច ការអភិវឌ្ឍ និងការរស់នៅរបស់ប្រជាជន ហេតុនេះហើយទើបគ្រប់ប្រទេសទាំងអស់បានយកចិត្តទុកដាក់លើវិស័យនេះ ដោយការរៀបចំច្បាប់ និងលិខិតគតិយុត្តទៅតាមស្ថានភាពនៃប្រទេសរៀងៗខ្លួន ដើម្បីគ្រប់គ្រងដោះស្រាយវិវាទ និងជំរុញឱ្យវិស័យការងារទាំងមូលមានភាពប្រសើរឡើងជាលំដាប់។
នៅកម្ពុជា ការអប់រំពីច្បាប់ការងារក៏ជាចំណុចអាទិភាពមួយដើម្បីជំរុញឱ្យវិស័យដ៏មានសារៈសំខាន់នេះកាន់តែមានលក្ខណៈប្រសើរឡើង ហើយធ្វើឱ្យជម្លោះក្នុងក្រុមហ៊ុន សហគ្រាស មានការថយចុះ។ ដោយមើលឃើញពីសារៈសំខាន់នៃការអប់រំច្បាប់ការងារ ក្រុមប្រឹក្សាអាជ្ញាកណ្តាល ដែលជាស្ថាប័នដោះស្រាយវិវាទការងារតាមរយៈការផ្សះផ្សា និងមជ្ឈត្តកម្មបានចេញផ្សាយសៀវភៅកម្រងឯកសារច្បាប់ស្តីពីការងារ ដើម្បីបង្កភាពងាយស្រួលដល់ប្រជាជនកម្ពុជាគ្រប់ភាគី ទាំងនិយោជិត និយោជក និងស្ថាប័នសាធារណៈជាដើម ក្នុងការស្រាវជ្រាវ ឬស្វែងយល់ឱ្យបានកាន់តែច្បាស់ពីច្បាប់ និងឯកសារគតិយុត្តថ្មីៗពាក់ព័ន្ធនឹងការងារ។
មូលនិធិក្រុមប្រឹក្សាអាជ្ញាកណ្តាលចុះអប់រំផ្សព្វផ្សាយនៅតាមសាកលវិទ្យាល័យ
នៅសប្តាហ៍នេះកាសែតឡារ៉ែនពាណិជ្ជ បានធ្វើបទសម្ភាសដោយផ្ទាល់ជាមួយលោកស្រី អាន វីរៈប្រធានផ្នែកបណ្តុះបណ្តាល និងទំនាក់ទំនងសាធារណៈនៃមូលនិធិក្រុមប្រឹក្សាអាជ្ញាកណ្តាល ដើម្បីបង្ហាញចំណុចសំខាន់ៗពាក់ព័ន្ធនឹងការចងក្រងសៀវភៅកម្រងឯកសារច្បាប់ស្តីពីការងារ។
1. តើលោកស្រីអាចបញ្ជាក់បានទេថា ភាគីណាខ្លះជាអ្នកចូលរួមចំណែកក្នុងការចងក្រងសៀវភៅកម្រងឯកសារច្បាប់ស្តីពីការងារនេះឡើង?
ភាគីសំខាន់ៗក្នុងការចងក្រងសៀវភៅកម្រងឯកសារច្បាប់ស្តីពីការងារនេះ គឺមូលនិធិក្រុមប្រឹក្សាអាជ្ញាកណ្តាល ដែលជាអង្គការក្រៅរដ្ឋាភិបាលមានតួនាទីក្នុងការផ្តល់ជំនួយផ្នែកបច្ចេកទេសដល់ក្រុមប្រឹក្សាអាជ្ញាកណ្តាល និងលេខាធិការដ្ឋានរបស់ក្រុមប្រឹក្សាអាជ្ញាកណ្តាល។ ស្ថាប័នទាំង2 នេះ រួមគ្នាចងក្រងក្នុងគោលបំណងសម្រួលដល់ភាគីពាក់ព័ន្ធទាំងអស់មានក្រសួងស្ថាប័ន កម្មករនិយោជិត និយោជក និងភាគីសំខាន់ៗមួយចំនួនទៀតក្នុងការស្វែងរកប្រភពឯកសារផ្លូវការពាក់ព័ន្ធនឹងច្បាប់ការងារ ដូចជាព្រះរាជក្រឹត្យ អនុក្រឹត្យ សេចក្ដីប្រកាស សារាចរ និងសេចក្តីជូនដំណឹងជាដើម។
2. តើមូលហេតុសំខាន់ៗអ្វីខ្លះដែលធ្វើឱ្យក្រុមការងារសម្រេចចិត្តចងក្រងសៀវភៅនេះឡើង?
តាមពិតទៅដូចបានបញ្ជាក់ខាងលើហើយថាយើងចងក្រងសៀវភៅនេះ គឺដើម្បីសម្រួលដល់ការស្វែងរកឯកសារ និងធ្វើឱ្យកាន់តែងាយស្រួលសម្រាប់ភាគីទាំងអស់ ព្រោះគាត់កាន់តែសៀវភៅមួយក្បាលអាចក្តោបនូវឯកសារផ្លូវការជាច្រើនពាក់ព័ន្ធនឹងការងារ។ មែនទែនទៅ យើងក៏អាចស្វែងរកកម្រងឯកសារទាំងអស់នោះបានពីក្រសួង ឬពីគេហទំព័របានដែរ តែពេលខ្លះការស្វែងរកពីក្រសួងគឺឯកសារទាំងអស់នោះត្រូវការពេលវេលាក្នុងការស្វែងរកពីនាយកដ្ឋានជំនាញម្តងមួយៗ ព្រោះឯកសារមាននៅរាយៗដោយឡែកមិនទាន់ផ្គុំបញ្ចូលគ្នាតែមួយនៅឡើយ។
នៅក្នុងសៀវភៅកម្រងឯកសារច្បាប់ស្តីពីការងារយើងមានប្រមូលឯកសារចាស់ៗមួយចំនួនផងដែរដែលឯកសារខ្លះចេញតាំងពីឆ្នាំ1994 ហើយនៅតែអនុវត្តជាធរមានរហូតដល់ពេលបច្ចុប្បន្ន។ ក្នុងនោះឯកសារខ្លះមានការខូចខាត ឬលំបាកមើលក៏យើងយកមកសម្រួលដើម្បីឱ្យមានភាពងាយស្រួលអានឡើងវិញ។
ម្យ៉ាងវិញទៀតឯកសារនេះក៏បានសម្រួលច្រើនផងដែរដល់សមាជិកក្រុមប្រឹក្សាអាជ្ញាកណ្តាល ព្រោះសមាជិកម្នាក់ៗត្រូវការឯកសារច្បាប់ទាំងអស់នោះដើម្បីជាគោលក្នុងការដោះស្រាយវិវាទ។ ចំពោះកម្មករឬបុគ្គលិកទូទៅវិញ ថ្វីដ្បិតតែកម្រងឯកសារទាំងអស់នេះជាច្បាប់មិនមែនជាប្រភេទឯកសារសម្រាយ ឬបកស្រាយពីច្បាប់ តែគាត់នៅតែអាចយល់បានពីចំណុចសំខាន់ៗ ដូចជាការបើកប្រាក់ឈ្នួល និងលក្ខខណ្ឌមួយចំនួនទៀត។ នៅពេលគ្រប់ភាគីមានការយល់ពីច្បាប់ការងារ ពេលនោះជម្លោះការងារក៏នឹងកាត់បន្ថយ ហើយស្ថាប័ននីមួយៗនឹងអាចមានភាពងាយស្រួលអភិវឌ្ឍផងដែរ ព្រោះប្រសិនបើមិនយល់ពីច្បាប់ការងារ មានរឿងអ្វីកើតឡើង និយោជិតអាចនឹងសម្រេចចិត្តឈប់ដែលបង្កជាបញ្ហា តែប្រសិនបើពួកគាត់យល់ គាត់នឹងអាចព្យាយាមដោះស្រាយតាមផ្លូវច្បាប់ឱ្យអស់ពីលទ្ធភាព។ ក្រៅពីនេះ វាក៏ជាទុនមួយសម្រាប់កម្មករ-កម្មការិនី ឬបុគ្គលិកក្នុងការស្វែងយល់ពីច្បាប់ការងារ ប្រសិនបើគាត់មើលហើយមិនយល់ គាត់អាចប្រឹក្សាជាមួយអ្នកដែលមានការយល់ដឹងជាងគាត់បានលើវិស័យនេះ។
3.តើការចងក្រងសៀវភៅកម្រងឯកសារច្បាប់ស្តីពីការងារ នេះមានផលលំបាក និងកត្តាប្រឈមអ្វីខ្លះ?
បញ្ហាប្រឈមរបស់យើង គឺបញ្ហាបច្ចេកទេសហើយពេលលំបាកខ្លាំងជាងគេ គឺការបោះពុម្ពលើកទី1 និងសូមបញ្ជាក់ផងដែរថា នេះគឺជាការបោះពុម្ពលើកទី5 ហើយសម្រាប់ឆ្នាំនេះ។ សម្រាប់ការបោះពុម្ពលើកទី1 យើងត្រូវការចងក្រងឯកសារចាស់ៗមួយចំនួន ដូចជាឯកសារច្បាប់ខ្លះមានតាំងពីឆ្នាំ 1994 ដែលឯកសារទាំងអស់នោះ ខ្លះមានភាពរលុបៗ ហើយក្រុមការងារត្រូវធ្វើការវាយអក្សរឡើងវិញទាំងស្រុង និងចំណាយពេលវេលាយ៉ាងយូរដើម្បីផ្ទៀងផ្ទាត់ដោយប្រុងប្រយ័ត្នដើម្បីធានាថា វាមិនខុសពីច្បាប់ដើម។ ហើយចំពោះឯកសារមួយចំនួនទៀតដែលមានត្រាក្រសួង ឬជាឯកសារថ្មីៗយើងត្រូវស្គែនវាដើម្បី Design និងកាត់តឱ្យមើលទៅឃើញច្បាស់។
ចំណុចសំខាន់មួយផ្សេងទៀតគឺ ការរៀបចំទំព័រព្រោះឯកសារជាច្រើនជារូបភាព ហើយយើងត្រូវរៀបចំឯកសារទាំងអស់នោះតាមប្រភេទនៃលិខិតគតិយុត្តពីធំមកតូច ហេតុនេះពេលចូលក្នុងរោងពុម្ពវាអាចលោតខុសទំព័រ ឬខុសពីការកំណត់ក្នុងមាតិកាដែលទាមទារឱ្យមានក្រុមតាមដានសាចុះសាឡើង។ ដូចយើងបានបញ្ជាក់ហើយថា គោលបំណងរបស់យើងគឺចង់សម្រួលដល់អ្នកប្រើប្រាស់ឯកសារ ប្រសិនបើមានបញ្ហាទំព័រ គាត់អាចលំបាកក្នុងការស្វែងរក ហេតុនេះយើងត្រូវធ្វើការដោយប្រុងប្រយ័ត្នបំផុត។
បញ្ហាលំបាកមួយផ្សេងទៀត គឺការផ្ទៀងផ្ទាត់ និងការសម្របសម្រួលជាមួយក្រសួង។ តាមពិតទៅក្រសួងគាត់ផ្តល់ការសហការល្អ ព្រោះឯកសារខ្លះក្រសួងបានដាក់ក្នុងគេហទំព័ររបស់គាត់ជាសាធារណៈតែក្នុងករណីខ្លះគុណភាពល្អ មើលទៅមិនច្បាស់ យើងត្រូវទាក់ទងទៅក្រសួងភ្លាមដើម្បីស្វែងរកប្រភពឯកសារដែលមានគុណភាពល្អភ្លាម។
4. តើរាល់ការបោះពុម្ពថ្មីម្តងៗមានការប្រែប្រួលអ្វីខ្លះពីឆ្នាំចាស់?
រាល់ការបោះពុម្ពថ្មី គឺយើងតែងតែធ្វើបច្ចុប្បន្នភាព ដោយលុបឯកសារទាំងឡាយណាដែលនិរាករណ៍ ហើយបន្ថែមឯកសារដែលក្រសួងទើបចេញថ្មីៗបន្ថែមទៀត។ ក្នុងនោះដែរ យើងក៏មានការប្រុងប្រយ័ត្នផងដែរ ដោយយើងត្រូវតែធ្វើការផ្ទៀងផ្ទាត់ឱ្យបានច្បាស់លាស់ ព្រោះមានឯកសារមួយចំនួនមិនត្រូវបាននិរាករណ៍ទាំងអស់នោះទេ ស្របពេលដែលមានឯកសារថ្មីប្រកាសថា និរាករណ៍ផ្នែកខ្លះតែប៉ុណ្ណោះហេតុនេះយើងត្រូវតែដាក់ទាំង2។
5. ប្រសិនបើសាធារណជនចង់បានសៀវភៅកម្រងឯកសារច្បាប់ស្តីពីការងារ នេះ តើគាត់អាចស្វែងរកនៅកន្លែងណាបាន?
សាធារណជនអាចស្វែងរកសៀវភៅ កម្រងឯកសារច្បាប់ស្តីពីការងារ បាននៅការិយាល័យរបស់ក្រុមប្រឹក្សាអាជ្ញាកណ្តាល ដែលយើងតែងតែជូនដំណឹងទៅគាត់មុនពេលបោះពុម្ពផ្សាយសម្រាប់ការទទួលកក់។ ចំពោះឯកសារនេះយើងមិនបានបោះពុម្ពច្រើនពាន់ក្បាលទេ យើងបោះពុម្ពម្តងតែ 500ក្បាលប៉ុណ្ណោះហើយក្នុងនោះ មួយចំនួនយើងចែកជូនដល់ក្រុមប្រឹក្សាអាជ្ញាកណ្តាល បុគ្គលិករបស់យើងទាំងអស់ និងផ្ញើទៅក្រសួង។ ប្រសិនបើគាត់មិនចង់ចំណាយ សាធារណជនក៏អាចប្រមូលឯកសារដោយខ្លួនឯងតាមរយៈគេហទំព័រ ឬអាចចូលមើលបាននៅក្នុងបណ្ណាល័យរបស់យើង។
6. តើលោកស្រីមានមតិអ្វីខ្លះជុំវិញការបោះពុម្ពផ្សាយសៀវភៅកម្រងឯកសារច្បាប់ស្តីពីការងារនេះ?
ចំពោះសៀវភៅកម្រងឯកសារច្បាប់ស្តីពីការងារដែលយើងចងក្រងនេះ ក្រុមការងារខ្ញុំសង្ឃឹមថា ឯកសារនេះនឹងក្លាយជាទុន ក៏ដូចជាធនធានសំខាន់មួយដល់អ្នកប្រើប្រាស់ឱ្យកាន់តែមានភាពងាយស្រួលក្នុងការអនុវត្តច្បាប់ការងារ។ យើងសង្ឃឹមថា យើងនឹងធ្វើបច្ចុប្បន្នភាពនៃការងារនេះដើម្បីឱ្យកាន់តែទៀងទាត់ និងប្រសើរឡើងសម្រាប់អ្នកប្រើប្រាស់ទាំងអស់គ្នា។ ប្រសិនបើសាធារណជនមានយោបល់ដើម្បីកែសម្រួលឯកសារនេះ យើងស្វាគមន៍ចំពោះមតិក្នុងការស្ថាបនាឱ្យកាន់តែប្រសើរឡើង។ ហើយយើងចង់ជម្រាបផងដែរថា ឯកសារប្រកាសផ្សេងៗក្នុងសៀវភៅនេះ សាធារណជនក៏អាចស្វែងរកបានតាមគេហទំព័ររបស់ក្រសួង និងគេហទំព័ររបស់មូលនិធិក្រុមប្រឹក្សាអាជ្ញាកណ្តាលបានផងដែរ៕
កូនសម្លាញ់ ថីបានជាកូនយំ?
តើលោកអ្នកក្លាយជាឳពុកម្តាយថ្មោងថ្មីដែលមានកូនតូចមែនទេ? តើលោកអ្នកយល់ដឹងពីការស្រែកយំរបស់កូនតូចរបស់លោកអ្នកបានកម្រិតណា? ថ្ងៃនេះ ឡារ៉ែន សូមជម្រាបជូនមូលហេតុដែលនាំឱ្យកូនតូចរបស់លោកអ្នកស្រែកយំមាន5ចំណុច។
“ការស្រែកយំ” គឺជារឿងធម្មតារបស់ទារកទើបនឹងកើត ដូច្នេះតោងឱ្យឪពុកម្ដាយថ្មោងថ្មីយល់ដឹងអំពីកូនតូច និងអាចតបស្នងតម្រូវការរបស់កូនបានយ៉ាងមានសេចក្ដីសុខ។ ពេលកូនតូចរបស់លោកអ្នកយំអាចបណ្តាលមកពី៖
កត្តាទី១ គឺកូនឃ្លាន បើកូនតូចរបស់អ្នកម្ដាយបៅទឹកដោះបានតិច និងច្រើនតែភ្ញាក់ឡើងយំក្រោយពីបៅទឹកដោះបានត្រឹមតែមួយម៉ោងរួចមកនោះ មូលហេតុមកពីកូនតូចបៅទឹកដោះខុសវិធី ឬបៅមិនបានឆ្អែត ដូច្នេះអ្នកម្តាយគួរតែលើកកូនឱ្យបៅ និង អង្អែលកូនឱ្យគេងបន្ត តែមិនត្រូវឱ្យកូនបៅឆ្អែតពេកទេ ចៀសវាងការភើចេញក្រៅ។
កត្តាទី២ កូនឯកា មិនថាកូនលោកអ្នកមានអាយុប៉ុន្មាននោះទេ ពួកគេពិតជាត្រូវការសេចក្ដីស្រឡាញ់ ភាពកក់ក្ដៅតាមរយៈការប៉ះពាល់ដ៏ទន់ភ្លន់របស់ឪពុកម្ដាយជាប់ជានិច្ច លោកអ្នកត្រូវតែផ្តល់ការឱប និងថើបថ្មមៗ ឬជាការប៉ះពាល់ខាងរាងកាយដែលធ្វើឱ្យកូនមានអារម្មណ៍កក់ក្ដៅក្នុងចិត្ត និងមានសេចក្ដីសុខជាប្រចាំ។
កត្តាទី៣ កូនយំព្រោះមិនស្រួលខ្លួន ឬឈឺថ្កាត់ ដោយកូនតូចច្រើនតែយំរករឿង មិនព្រមបៅ ឬមិនគេងជានោះ អ្នកម្ដាយគួរវាស់សីតុណ្ហភាពខ្លួនកូន ដើម្បីពិនិត្យមើលថា តើកម្ដៅខ្លួនកូនស្ថិតក្នុងកម្រិតប៉ុន្មានអង្សា? បើចាប់ពី37អង្សាឡើងទៅ មានន័យថា កូនតូចមានអាការៈគ្រុនក្ដៅខ្លួនហើយ ចូរប្រញាប់នាំកូនទៅមន្ទីរពេទ្យភ្លាម។
កត្តាទី៤ កូនចាប់ផ្តើមដុះពន្លកធ្មេញ ទារកនឹងមានធ្មេញមួយគូដំបូងនៅពេលអាយុបាន 6ខែមុននឹងធ្មេញរបស់កូនដុះឡើង ច្រើនតែមានទឹកមាត់ហៀរចេញមកក្រៅ មិនចង់បៅទឹកដោះ ឬញ៉ាំអាហារ យំរករឿង មានអារម្មណ៍រមាស់អញ្ចាញធ្មេញ ចូលចិត្តយកដៃលូកចូលមាត់ ដូច្នេះអ្នកម្ដាយអាចជួយកាត់បន្ថយភាពរមាស់អញ្ចាញធ្មេញកូនបាន ដោយឱ្យកូនខាំដុំនំប៉័ងទន់ៗ។
កត្តាទី៥ គឺកន្ទប ឬខោទឹកនោមកូនសើមខ្លាំង កូនអាចនឹងមានអារម្មណ៍ថាសើមខ្លួន មិនស្រួលស្បែក ជួនកាលអាចធ្វើឱ្យកើតកន្ទួលរមាស់ទៀតផង ទើបកូនតូចស្រែកយំរករឿង ដូច្នេះអ្នកម្តាយត្រូវចេះប្រើម្សៅលាប បំបាត់រមាស់ រាល់ពេលប្តូរកន្ទបឲ្យកូន និងជ្រើសរើសម្សៅដែលបរិសុទ្ធល្អ មិនលាយពណ៌ មិនលាយសារធាតុគីមី ការពារសំណើម ព្រោះស្បែកកូនតូចនៅខ្ចីណាស់៕
សារធាតុអាហារល្អៗសម្រាប់កូនតូច ដែលបង្កប់នៅក្នុងពណ៌បន្លែផ្លែឈើដែលអ្នកម្ដាយគួរតែយល់ដឹង
អាហារសម្រាប់ក្មេងតូចៗ ប្រាកដណាស់ត្រូវតែមានបន្លែ និងផ្លែឈើជាគ្រឿងផ្សំដែលមានប្រយោជន៍ដល់រាងកាយពួកគេ ហើយបន្លែប្រភេទនៃពណ៌នីមួយៗទៀតសោតសុទ្ធតែផ្ដល់នូវសារធាតុអាហារដែលល្អផ្សេងៗពីគ្នាសម្រាប់កុមារតូចៗ។
ទី1 គឺ បន្លែផ្លែឈើពណ៌បៃតង គឺមានផ្ទុកសាធារតុ ខ្លូរ៉ូហ្វីល (Chlorophyll) មានគុណសម្បត្តិក្នុងការតតាំងការកកើតជំងឺមហារីកបានយ៉ាងល្អ មានសារធាតុកាកសរសៃខ្ពស់ ជួយឱ្យបន្ទោបង់បានល្អ បន្ថយអាស៊ីតក្នុងក្រពះ និងជួយកាត់បន្ថយអាក្ការៈចាញ់ ប្រតិកម្មនានា។
ទី2 បន្លែផ្លែឈើពណ៌ក្រហម មានសារធាតុឡៃខូពីន និងបេតាសៃស៊ីន ជួយតតាំងជំងឺមហារីកផ្សេងៗបានយ៉ាងល្អ និងមានគុណសម្បត្តិក្នុងការប្រឆាំងរ៉ាឌីកាល់សេរី ។
ទី3 បន្លែផ្លែឈើពណ៌លឿង និងពណ៌លឿងទុំ មានសារធាតុលូធីនការពារភាពចុះខ្សោយរបស់ប្រសាទកញ្ចក់ប្រស្រីភ្នែក ជួយឱ្យមើលឃើញច្បាស់ល្អនៅពេលយប់ និងមានសារធាតុ បេតាឃែរ៉ូធីន ជួយឱ្យសាច់ស្បែកភ្លឺរលោង បន្ថយភាពចុះខ្សោយរបស់កោសិកា។
ទី4 បន្លែផ្លែឈើពណ៌ស្វាយ មានសារធាតុ អ៊ែនថូសៃយ៉ានីនមានគុណសម្បត្តិបំផ្លាញសារធាតុដែលបង្កឱ្យកើតមហារីក ជួយពង្រីកសរសៃឈាម ជួយបំប៉នសរសៃសក់ឱ្យមានភាពខ្មៅក្រិបថែមទៀតផង។
ទី5 បន្លែផ្លែឈើពណ៌ ស មានផ្ទុកសារធាតុ កាកសរសៃខ្ពស់ ដើម្បី ប្រឆាំងរ៉ាឌីកាល់សេរី បង្កើនបរិមាណវីតាមីន E ក្នុងរាងកាយ ជាពិសេសក្រុមគ្រាប់ធញ្ញជាតិផ្ដល់នូវវីតាមីន និងប្រូតេអ៊ីសម្រាប់ក្មេងតូចៗបាន៕
ស្រ្តីដែលមានវ័យច្រើន អាចប្រឈមនឹងបញ្ហាតាំងគក៌ខ្ពស់
យោងតាមក្រុមវេជ្ជបណ្ឌិតជំនាញស្រ្តីបានឱ្យដឹងថា ស្រ្តីដែលមានអាយុច្រើនអាចជួបនឹងភាពប្រថុយប្រថានខ្ពស់ ក្នុងការតាំងគក៌ និងបើទោះបីជាទារកកើតមកក្តីក៏អាចជួបនឹងផលវិបាកដែរ ដូចជាគក៌មានភាពខុសប្រក្រតី អាចងាយនឹងរលូត ដោយសារតែសម្បុកសុកញីមានភាពចុះខ្សោយ សម្រាប់ស្រ្តីដែលមានអាយុចាប់ពីអាយុ35ឆ្នាំឡើងទៅ!
ម្យ៉ាងវិញទៀតស្រ្តីដែលមានអាយុច្រើន អាចជួបនឹងបញ្ហាទងសុកធ្លាក់ចុះទាប ទងសុកងាយនឹងរបកមុនពេលប្រសូត និងមានភាពមិនប្រក្រតីនៃលំហូរសរសៃឈាមដែលនឹងទៅចិញ្ជឹមសុក និង ខ្លួនទារកមិនបានល្អ បង្ករឱ្យទារកមានខ្លួនតូច និងមានសភាវក្រធំ ឬធំយឺត។ ស្រ្តីដែលមានអាយុច្រើនខ្លះអាចនឹងជួបប្រទះនឹងបញ្ហាជំងឺទឹកនោមផ្អែមផងដែរ។
វិធីល្អប្រសើរសម្រាប់ស្រ្តីអាយុច្រើនធ្វើការតាំងគក៌ តម្រូវឱ្យពួកគេចេះថែរក្សាសុខភាពឱ្យបានល្អ និងពិនិត្យសុខភាពឱ្យញឹកញាប់ជាងស្រ្តីវ័យតិច មុននឹងសម្រេចចិត្តតាំងគក៌៕
14 ចំណុចហាមឃាត់ ចំពោះស្រ្តីមានគក៌ មិនគួរធ្វើ
សួស្តីប្រិយមិត្តឡារ៉ែនជាទីមេត្រី ជាពិសេសបងប្អូនស្រ្តី ដែលកំពុងតែស្ថិតក្នុងដំណាក់កាលពពោះជាទីរាប់អាន ថ្ងៃនេះ ឡារ៉ែន សូមនាំមកជូនលោកអ្នក នូវចំនុចហាមឃាត់ចំនួន14 ដែលស្រ្តីមានគក៌ត្រូវតែចងចង និងអនុវត្តន៍សម្រាប់សុខភាពអ្នកជាស្រ្តី និងសម្រាប់កូនជាទីស្រលាញ់របស់លោកអ្នក។
យោងតាមគ្រូពេទ្យវេជ្ជសាស្រ្តបានឱ្យដឹងថាចំនុចទាំង14ដែលស្រ្តីមានគក៌មិនគួរធ្វើមានដូចជា៖
ទី1. ហាមមួរម៉ៅ ធុញថប់ តានតឹងអារម្មណ៍ អាចបណ្តាលឱ្យទំងន់ស្រ្តីឡើងស្រឺតៗ។
ទី2. ហាមហាត់ប្រាណបង្ខំ និងហាត់ខ្លាំង អាចរញ្ជួយដល់គក៌ និងរលូតបាន។
ទី3. ហាមពាក់ស្បែកជើងចោទ អាចបណ្តាលឱ្យដួល និងឈឺកំភួនជើង ភ្លៅ ចង្កេះ។
ទី4. ហាមញ៉ាំថ្នាំផ្តេសផ្តាស ព្រោះគក៌កំពុងលូតលាស់ អាចបណ្តាលឱ្យកូនមានពិការភាព។
ទី5. ហាមចូលគេងយប់ជ្រៅ និងត្រូវគេងឱ្យបាន8ម៉ោងពេញនៅពេលយប់។
ទី6. ហាមអត់អាហារ និងសម្រកទំងន់ អាចបណ្តាលឲ្យកូនកើតមុនខែ ឬពិការខួរក្បាល។
ទី7. ហាមរំលង ឬខកខានការណាត់ពិនិត្យគក៌ ព្រោះរាងកាយម្តាយ និងកូនក្នុងផ្ទៃមានការប្រែប្រួលជានិច្ច។
ទី8. ហាមញ៉ាំអាហារដែលគ្មានប្រយោជន៍ ដូចជាកាហ្វេ អាហារខ្លាញ់ ហឹរ ឬស្ទើរឆៅ ស្ទើរឆ្អិន អាចបណ្តាលឲ្យកូនពិការខួរក្បាល។
ទី9. ហាមធ្វើដំណើរឆ្ងាយ ពេលជិតដល់ថ្ងៃសម្រាល អំឡុងពេល32សប្តាហ៍ ព្រោះអាចបណ្តាលឱ្យសម្រាលមុនខែ និងឆ្លងមេរោគ។
ទី10. ហាមញ៉ាំទឹកដោះគោច្រើន លើសពី 2កែវក្នុងមួយថ្ងៃ ព្រោះអាចឱ្យទារកប្រតិកម្មជាមួយទឹកដោះគោ និងធ្វើឱ្យស្រ្តីជាម្តាយបាត់បង់ជាតិកាល់ស្យូមបាន។
ទី11. ហាមស្លៀកពាក់រឹបខ្លួនជ្រុលពេក អាចបណ្តាឱ្យបែកញើសបង្ករជាក្លិនខ្លួន និងក្លិនអវៈយវៈភេទខ្លាំងជាងមុន។
ទី12. ហាមលូកលាងរន្ធស្បូន និងប្រើថ្នាំកម្ចាត់ក្លិន បណ្តាលឱ្យមេរោគចូលក្នុងស្បូនបានយ៉ាងងាយ។
ទី13. ហាមលើករបស់ធ្ងន់ៗ ឬតោងឡើងទីខ្ពស់ៗ អាចងាយឲ្យរលូតកូន។
ទី14. ហាមស្វាមីមានក្នុង មានក្រៅ អាចបណ្តាលឲ្យកូន និងភរិយាងាយឆ្លងមេរោគ៕
CVEA៖ វិស័យអចលនទ្រព្យនៅកម្ពុជានៅតែបន្តរឹងមាំសម្រាប់រយៈពេល 10ឆ្នាំទៀត
អ្នកជំនាញក្នុងវិស័យអចលនទ្រព្យកម្ពុជាបានអះអាងថា ទីផ្សារនេះនឹងនៅតែបន្តមានភាពរឹងមាំសម្រាប់រយៈពេល 10ឆ្នាំទៅមុខទៀត ស្របពេលដែលទីផ្សារអចលនទ្រព្យកម្ពុជាកំពុងរីកចម្រើន និងប្រឈមបញ្ហាមួយចំនួនផងដែរ។ នេះបើតាមការឱ្យដឹងពីសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា ឬហៅថា CVEA។
លោកឧកញ៉ា ចេង ខេង ប្រធានក្រុមប្រឹក្សាភិបាលនៃ CVEA និងជាអគ្គនាយកក្រុមហ៊ុន Hutton CPL បានមានប្រសាសន៍ឱ្យដឹងថា៖ “វិស័យសំណង់ និងអចលនទ្រព្យជាវិស័យមួយដ៏ល្អនៅក្នុងព្រះរាជាណាចក្រកម្ពុជា ព្រោះប្រទេសយើងជាប្រទេសរីកលូតលាស់លឿន ចាត់ជាប្រទេសដែលមានការរីកចម្រើនខ្លាំងទី6 លើសកលលោក និងត្រូវបានទទួលការចាប់អារម្មណ៍ពីគ្រប់វិស័យ”។
លោកឧកញ៉ាបានឱ្យដឹងថា៖“វិស័យដែលអាចជំរុញកំណើនសេដ្ឋកិច្ចយើង គឺវិស័យសំណង់ និងដីធ្លី ដែលមាន20% រួមចំណែកក្នុងសេដ្ឋកិច្ចជាតិនៃផលិតផលក្នុងស្រុកសរុប(ផសស)។ វាជាមោទនភាពរបស់ប្រទេសជាតិទាំងមូល និងជាមោទនភាពសម្រាប់វិស័យសំណង់ និងអចលនទ្រព្យដែលបានក្លាយជាវិស័យសំខាន់ និងជាសសរស្តម្ភមួយ រួមនឹងសសរស្តម្ភដ៏សំខាន់ៗដទៃទៀតដែលជួយឱ្យមានកំណើនសេដ្ឋកិច្ចរបស់ប្រទេស”។
នៅលើពិភពលោក បើវិស័យសំណង់ និងអចលនទ្រព្យមានបញ្ហា នោះវិស័យផ្សេងៗនឹងមានបញ្ហាដែរ។ ដូច្នេះហើយទើបការពង្រឹងសមត្ថភាពរបស់ភ្នាក់ងារអចលនវត្ថុជាផ្នែកមួយដ៏ចាំបាច់ ដោយលោកបានបញ្ជាក់ថា សមត្ថភាពរបស់ភ្នាក់ងារយើងនៅមានកម្រិតនៅឡើយ។ ដូច្នេះសមាគមត្រូវតែជួយបំពេញបន្ថែមនៅចំណុចខ្វះខាតទាំងនេះតាមរយៈការផ្តល់ជូននូវវគ្គបណ្តុះបណ្តាលអំពីគន្លឹះថ្មីៗសម្រាប់ភ្នាក់ងារ និងសមាជិកនីមួយៗជាបន្តបន្ទាប់។
លោកឧកញ៉ាបានឱ្យដឹងថា បច្ចុប្បន្ន វិស័យសំណង់ និងអចលនទ្រព្យ មានគម្រោងចំនួន 43,136 ដែលបានអនុវត្តនៅទូទាំងប្រទេស និងទុនវិនិយោគចំនួន 43,370លានដុល្លារ ដែលចំនួននេះជាចំនួនដ៏ធំ ដែលធ្វើឱ្យវិស័យនេះទទួលបានការចាប់អារម្មណ៍ខ្លាំង។
លោកឧកញ៉ាបន្តថា បើយើងមើលទៅឆ្នាំ2018យើងឃើញថា មានការថយចុះបន្តិចដែរ គឺទុនវិនិយោគមានចំនួន 5ពាន់លានដុល្លារអាមេរិក មានការថយចុះ18% តែបើប្រៀបធៀបនឹងឆ្នាំ2017 ដែលមានរហូតដល់ 6ពាន់លានដុល្លារ តែការធ្លាក់ចុះនេះ មិនមែនដោយសារបញ្ហាដីធ្លីទេ គឺដោយសារសំណង់អគារធំៗដែលយើងមើលឃើញ បានបញ្ចប់នៅឆ្នាំ2018 និង2019នេះ។
ហើយនៅឆ្នាំ2019 នេះដែរ តាមការព្យាករដោយស្ថាប័នធំៗ 3 មានធនាគារអភិវឌ្ឍន៍អាស៊ី (ADB) មូលនិធិរូបិយវត្ថុអន្តរជាតិ (IMF) និងធនាគារពិភពលោក (WB) បានឱ្យដឹងថា នៅឆ្នាំ2019នេះ GDP ផ.ស.សរបស់កម្ពុជានឹងនៅតែរក្សាបានក្នុងកម្រិត7%ដដែល បានន័យថា បើផ.ស.សយើងនៅរក្សាបាននូវកំណើនដូចឆ្នាំ2018 នោះគឺវិស័យដីធ្លីយើងនឹងស្ថិតនៅល្អដដែល មិនមានសញ្ញាណាថា វានឹងធ្លាក់ចុះនៅឆ្នាំ2019នេះទេ គឺនៅតែដំណើរការល្អដដែល។
ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) លោក ច្រឹក សុខនីម បានមានប្រសាសន៍ឱ្យដឹងថា នៅពេលនិយាយពីការកើនឡើង ឬថយចុះវិស័យនេះ គេត្រូវនិយាយពីតម្រូវការ និងការផ្គត់ផ្គង់ តែបើនិយាយពីតម្លៃដីវិញ បើឡើងថ្លៃខ្ពស់ មិនអាចវិនិយោគទៅបានចំណេញទេ វានឹងជាប់គាំង ព្រោះអ្នកទិញ គឺទិញដើម្បីវិនិយោគយកចំណេញ តែបើទិញហើយមិន
ចំណេញ គេមិនទិញទេ។
លោកបន្តថា ទាក់ទងនឹងការចេញផ្សាយរបស់ធនាគារពិភពលោក ស្តីពីបញ្ហាប្រឈមក្នុងវិស័យនេះកាលពីពេលថ្មីៗនោះ វាជាការត្រឹមត្រូវ គឺមានរយៈពេល 10ឆ្នាំដែលវាជាពេលវេលាដែលយើងត្រូវតែគិតគូរពីបញ្ហាប្រឈម។ ព្រោះថា5 ទៅ10ឆ្នាំខាងមុខ វិស័យនេះនៅតែរឹងមាំ តែសម្រាប់រយៈពេល20ឆ្នាំទៅមុខ វានឹងមានបញ្ហាប្រឈម។
តែលោក សុខ នីម បានបញ្ជាក់ថា វាអាស្រ័យលើគោលនយោបាយរបស់ប្រទេស ព្រោះបើប្រទេសមួយមានលុយបម្រុងច្រើន វាអាចជួយស្រោចស្រង់ស្ថានភាពសេដ្ឋកិច្ចរបស់ប្រទេសនោះបាន។ តែបើប្រទេសមួយមានទុនបម្រុងតិច វាងាយមានហានិភ័យ ព្រោះបើបញ្ហាជាសកលកើតមានឡើង ប្រទេសនោះងាយនឹងរងគ្រោះ។
លោក ច្រឹក សុខនីម បានបន្តថា បើពិនិត្យមើលស្ថានភាពបំណុល ប្រទេសកម្ពុជាមានភាពប្រសើរជាងប្រទេសមួយចំនួននៅលើពិភពលោក ប៉ុន្តែដោយសារផលទុនជាតិសរុបសម្រាប់មនុស្សម្នាក់នៅមានកម្រិតទាប កម្ពុជាក៏មានហានិភ័យដែរ។ ដូច្នេះបើរដ្ឋាភិបាលជំរុញឱ្យផលទុន ឬប្រាក់ចំណូលប្រចាំឆ្នាំរបស់មនុស្សម្នាក់កើនខ្ពស់ ហានិភ័យក្នុងវិស័យនេះក៏មានកម្រិតទាបដែរ។
លោកឧកញ៉ា ចេង ខេង បានបន្ថែមថា ចំពោះបញ្ហាដែលកើតមាន យើងត្រូវតែខិតខំទាំងអស់គ្នាដោយខំធ្វើម៉េចឱ្យចំណេះរបស់យើងក្លាយជាជំនាញនោះម្នាក់ៗនឹងមានជីវភាពកាន់តែល្អ និងរួមចំណែកក្នុងការកសាងប្រទេសជាតិយើងផងដែរ។ ជាមួយគ្នានេះឯកឧត្តម ជា សុផារ៉ា រដ្ឋមន្ត្រីក្រសួងរៀបចំ ដែនដី នគរូបនីយកម្ម និងសំណង់ក៏បានចេញសេចក្ដីប្រកាសលើវិស័យអចលនទ្រព្យថា នឹងពង្រឹងលើវិស័យសំណង់ និងការប្រើប្រាស់ដីធ្លីឱ្យបានត្រឹមត្រូវ និងមាននិរន្តរភាពយូរអង្វែង៕
បញ្ចុះតម្លៃរហូតដល់ $20,000 និងអត្រាការប្រាក់ ០% សម្រាប់អតិថិជន ១០នាក់ដំបូង ក្នុងឱកាសបើកសម្ពោធអគាររបស់ Volvo
រាត្រីថ្ងៃទី8 ខែកុម្ភៈ ឆ្នាំ2019 ក្រុមហ៊ុន HGB Group Co.,LTD បានធ្វើពិធីសម្ពោធអគារតាំងបង្ហាញរថយន្តដ៏អស្ចារ្យរបស់Volvo ដែលជាផលិតផលរបស់ប្រទេសស៊ុយអ៊ែតដែលមានទីតាំងស្ថិតនៅតាមបណ្តោយមហាវិថីព្រះមុនីវង្ស រាជធានីភ្នំពេញ ក្រោមអធិបតីភាពដ៏ខ្ពង់ខ្ពស់របស់ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម និងសិប្បកម្ម នៃព្រះរាជាណាចក្រកម្ពុជា។
ក្នុងឱកាសសម្ពោធអគារតាំងបង្ហាញដ៏អស្ចារ្យនេះក្រុមហ៊ុនVolvo បានផ្ដល់ជូនពិសេសបញ្ចុះតម្លៃរហូតដល់ 20,000ដុល្លា។ ហើយអ្វីដែលកាន់តែអស្ចារ្យនៅក្នុងកម្មវិធីសម្ពោធនេះដែរ អតិថិជនក៏ទទួលបាននូវការផ្ដល់អត្រាការប្រាក់0% សម្រាប់ឆ្នាំទី1 ដែលជូនជាពិសេសទៅកាន់អតិថិជនត្រឹមតែ 10អ្នកដំបូងតែប៉ុណ្ណោះ។
ម៉ូដែលរថយន្ត Volvo ដែលនាំចូលដោយក្រុមហ៊ុន HGB Group Co.,LTD មានដូចជា៖- XC60 ជារថយន្តទំនើបដែលមានសុវត្ថិភាពបំផុត មិនធ្លាប់មានពីមុនមក និងជាម៉ូដែលលក់ដាច់បំផុតនៅទូទាំងពិភពលោកព្រមទាំងបានទទួលរង្វាន់ “រថយន្តពិភពលោកប្រចាំឆ្នាំ2018”។
XC60 - XC40 ស៊េរីថ្មី ជាប្រភេទរថយន្ត SUV ត្រូវបានគេដាក់ឈ្មោះថា “រថយន្តអ៊ីរ៉ុបនៃឆ្នាំ2018”។
XC40 - XC90 ក៏បានទទួលពានរង្វាន់ ”រថយន្តប្រភេទ SUV ដ៏ប្រណីតបំផុតប្រចាំសតវត្សរ៍” និងបានទទួលពានរង្វាន់ជាច្រើនទៀតដូចជា ”Best Midsize Premium SUV” និង ”EURO NCAP”។
XC90 - S90 គឺជារថយន្តប្រភេទ Sedan ដ៏ប្រណីតបំផុតដែលគ្មានរថយន្តដទៃដូច ហើយនឹងនាំមកនូវសក្តានុពលដ៏ធំធេងនៅលើទីផ្សារកម្ពុជា។
S90 ដោយយោងតាមប្រសាសន៍របស់លោក Herfried Hasenoehrl នាយកប្រតិបត្តិរបស់ក្រុមហ៊ុន HGB Group បានឱ្យដឹងថា «នេះគឺជាជំហានដំបូងនៃបេសកកម្មបង្កើតឡើងដោយក្តីស្រលាញ់ដើម្បីជាកេរតំណែលរបស់ពួកយើង។ យើងមានសេចក្ដីសោមនស្សរីករាយដែលក្រុមហ៊ុន HGB Group ទទួលបានទំនុកចិត្ត និងបានក្លាយជាអ្នកតំណាងផ្ដាច់មុខរបស់រថយន្ត Volvoហើយយើងនឹងធ្វើឱ្យម៉ាករថយន្តមួយនេះកាន់តែមានតម្លៃ។ ខ្ញុំមានជំនឿយ៉ាងមុតមាំថាដោយមានការណែនាំពីក្រុមហ៊ុន Volvo ហើយនិងការប្តេជ្ញាចិត្តពីបុគ្គលិករបស់ក្រុមហ៊ុន HGB Group ក្នុងការបំពេញភារកិច្ចនេះ គឺដើម្បីនាំមកនូវការប្តេជ្ញាខ្ពស់ជាងមុនទាក់ទងទៅនឹងបទពិសោធរថយន្ត ការរចនាបែប Scandinavian ព្រមទាំងសេវាថែទាំអតិថិជន»។
ហើយលោកបានបន្តទៀតថា«ប្រទេសកម្ពុជាបានផ្តល់នូវកំណើនដែលមាននិរន្តរភាព និងស្ថិរភាពនយោបាយ។ សហគ្រិនដែលជោគជ័យ និងម្ចាស់អាជីវកម្មបានកំពុងតែធ្វើឱ្យប្រ៊េនដ៍របស់ពួកគេលេចធ្លោនៅក្នុងសហគមន៍អាជីវកម្ម ដូច្នេះវាមិនមែនជាការភ្ញាក់ផ្អើលទេដែលអតិថិជននៅកម្ពុជាព្រមទទួលយកផលិតផលដែលមានគុណភាពដូចជារថយន្ត Volvo។ សម្រាប់ពេលនេះយើងកំពុងទន្ទឹងរង់ចាំអតិថិជនដែលនឹងក្លាយជាម្ចាស់រថយន្ត Volvo ដ៏ប្រណីតរបស់យើងខ្ញុំនៅក្នុងអគារតាំងបង្ហាញនេះជាមួយនឹងកន្លែងផ្ដល់សេវាកម្មបំពាក់ដោយគ្រឿងបរិក្ខារទំនើបៗ និងរង់ចាំទទួលស្វាគមន៍ភ្ញៀវកិត្តិយសទាំងអស់យ៉ាងកក់ក្តៅ។ ដោយម៉ូដែលទាំងឡាយត្រូវបានកំណត់ជាពិសេសសម្រាប់ទីផ្សារកម្ពុជាហើយម៉ូដែលទាំងនោះក៏មានវត្តមាននៅក្នុងទីផ្សាររួចហើយដែរ ដូច្នេះសូមអញ្ជើញភ្ញៀវកិត្តិយសទាំងអស់ទទួលយកនូវបទពិសោធដ៏អស្ចារ្យ និងមានភាពប៉ិនប្រសប់នៃរថយន្តដែលស័ក្ដិសមសម្រាប់លោកអ្នក។»សម្រាប់ព័ត៌មានលម្អិតសូមទំនាក់ទំនងផ្នែកសេវាបម្រើអតិថិជនតាមទូរស័ព្ទលេខ: 095 666 379 / 095 666 054 / 024 900 000៕
កញ្ញា លីនដា អាសា អាប់ដាឡា បង្ហាញក្បាច់របាំក្បាលពោះមានប្រភពមកពីប្រទេសអារ៉ាប់
កញ្ញា លីនដា អាសា អាប់ដាឡា (Linda Asha Abdalla) បានចាប់ផ្តើមចូលរៀនហាត់រាំតាំងពីអាយុ16ឆ្នាំមកម្លេ:។ កញ្ញា លីនដា បានចូលសាលារបាំមួយក្នុងចំណោមសាលារបាំដែលធំជាងគេក្នុងប្រទេសឆេកនៅអឺរ៉ុប។ រយៈពេលសិក្សាកញ្ញា លីនដា ជាប់ជានិស្សិតរាំឆ្នើមជាងគេទទួលបានការកោតសរសើរពីគ្រូរបាំជាច្រើន។ បន្ទាប់ពីទទួលបានការអប់រំគ្រប់កម្រិតបច្ចេកទេសនៃការរាំពីសាលាដំបូងកញ្ញា លីនដា បានចូលសិក្សានៅក្នុងសាលារបាំល្បីៗផ្សេងទៀត ដើម្បីរៀនក្បាច់រាំនិងបច្ចេកទេសថ្មីៗ។ កញ្ញាក៏ធ្លាប់បានចូលរួម សិក្ខាសាលាអន្តរជាតិស្ដីអំពីរបាំក្បាលពោះដែលមានអ្នកជំនាញឯកទេសជាច្រើនមកពីជុំវិញពិភពលោកមានដូចជាអ្នកគ្រូរបាំមកពីប្រទេសអេហ្ស៊ីបអ្នកគ្រូរបាំ Osama Emamជាដើម។ នៅក្នុងឆ្នាំ2008 កញ្ញាលីនដាចាប់ផ្ដើមបើកសាលាបង្រៀនរាំនៅក្នុងទីក្រុងប្រាកប្រទេសឆេក។ បន្ថែមពីនេះកញ្ញាក៏ធ្លាប់បានចូលរួមបង្ហាញនៅតាមភោជនីដ្ឋានហាងតែនិងព្រឹត្តិការណ៍ធំៗជាច្រើន។ បន្ទាប់មកកញ្ញាលីនដាបានបម្រើការនៅក្លឹបភោជនីយដ្ឋាន Harem Lounge, Riverhouse Lounge and Bistro ដែលត្រូវបានគេស្គាល់ជាទូទៅថាជា“មាត់ឆ្នេរទន្លេភ្នំពេញ”ចាប់ពីឆ្នាំ2012មកព្រមទាំងបានឡើងសម្ដែងនៅតាមពិធីនានាមានដូចជាពិធីជប់លៀងពិធីតាំងពិព័រណ៍ពិធីរៀបអាពាហ៍ពិពាហ៍និងពិធីបុណ្យឬកម្មវិធីសប្បាយៗផងដែរ។
អំពីរបាំក្បាលពោះ (Mid-East Dance: Belly Dance)
របាំក្បាលពោះគឺជារបាំដែលមកពីប្រទេសអាស៊ីកណ្ដាលខាងកើត។ ម៉្យាងទៀតត្រូវបានគេហៅឈ្មោះថាជា“របាំក្បាលពោះ”ដែលបាន កើតឡើងប្រហែល5000ឆ្នាំមកហើយ។ សព្វថ្ងៃនេះរបាំក្បាលពោះគឺជាការរលាយបញ្ចូលគ្នានូវការរាំបែបបូរាណមកពីប្រទេសអេហ្ស៊ីបស៊ីរី ទួគី អារ៉ាប៊ីសាអូឌីត អាហ្រ្វិកខាងជើង និងក្បាច់រាំមកពីអាស៊ីកណ្ដាលភាគខាងកើត។ របាំនេះត្រូវការចំណាយពេលច្រើនឆ្នាំក្នុងការក្លាយខ្លួន ជាអ្នករបាំជំនាញត្រូវការកិច្ចខិតខំប្រឹងប្រែងរៀនសូត្រដូចគ្នានឹងរបាំបាល់ឡេ ឬរបាំដទៃទៀតដែរ។ អត្ថប្រយោជន៍នៃរបាំក្បាលពោះមានដូចជាសម្រួលសរសៃឈាមជាតិខ្លាញ់ធ្វើឱ្យមានសុខភាពល្អសម្រួលអារម្មណ៍តានតឹងនិងល្អចំពោះស្រ្តីមុនពេលមានផ្ទៃពោះធ្វើឱ្យមានភាពងាយស្រួលក្នុងការសម្រាលកូនផងដែរ។ របាំរាំនេះស័ក្តិសមសម្រាប់មនុស្សគ្រប់រូប និងគ្រប់វ័យ។ 
Abdalla បានប្រឹងប្រែងអស់ពីសមត្ថភាពទាំងកម្លាំងចិត្ត និងកម្លាំងកាយក្នុងការបង្រៀនសិស្សដោយការយកចិត្តទុកដាក់បង្ហាត់បង្ហាញនៅពេលដែលសិស្សពិបាកយល់និងពិបាកធ្វើតាម។ “ទាល់តែសាកទើបដឹងអ្វីដែលអ្នកត្រូវធ្វើគឺអង្កេត និងសាកល្បងពី2ទៅ3មេរៀនដំបូង។ សិស្សទាំងអស់នឹងមានអារម្មណ៍ងាយស្រួលក្នុងការហាត់រៀននិងវិវត្តខ្លួនយ៉ាងឆាប់រហ័ស។ ហើយប្រយោជន៍ដែលអ្នកទទួលបានគឺលើសពីអ្វីដែលអ្នកគិត”នេះជាប្រសាសន៍របស់កញ្ញាលីនដាអាសាអាប់ដាឡា។
របាំរាំក្បាលពោះគឺមិនមែនជា៖
• របាំរាំស្រាត ឬរបាំសិចនោះទេ
• របាំប្រលោម ឬរបាំឱបនោះទេ
• កំប្លែង ឬលែងសើច
• ទម្រង់របាំឥណ្ឌា
• របាំហាវ៉ៃ
អត្ថប្រយោជន៍ចំពោះសុខភាព
របាំក្បាលពោះផ្ដល់អត្ថប្រយោជន៍ដល់ការពន្លារសាច់ដុំកប់សរសៃសម្រកទម្ងន់ ស្រ្តីមុនសម្រាលកូនកាត់បន្ថយភាពតានតឹងតប់ប្រមល់ និងជំនួយដល់ប្រព័ន្ធរំលាយអាហារជាដើម។ ចង្កេះទន់ល្វត់ល្វន់បត់ចុះបត់ឡើងជំនួយដល់សាច់ដុំ ជាពិសេសក្បាលពោះឆ្អឹងត្រគាកឆ្អឹងដងខ្លួនឆ្អឹងខ្នង និងឆ្អឹងកងកដែលធ្វើចលនាជាមួយគ្នានឹងដងខ្លួនខុសពីរបាំផ្សេងៗទៀតដែលចលនាទាំងអស់បញ្ច្រាសគ្នា។ របាំក្បាលពោះគឺជាមូលដ្ឋានចលនាដែលកើតមានពីធម្មជាតិចំពោះស្រ្តី។ អំណោយផលដល់សុខភាពចំពោះស្រ្តីដែលអនុវត្តទម្រង់នៃរបាំក្បាលពោះជាប្រចាំ៕ 
បញ្ចុះតម្លៃរហូតដល់ $20,000 និងអត្រាការប្រាក់ ០% សម្រាប់អតិថិជន ១០នាក់ដំបូង ក្នុងឱកាសបើកសម្ពោធអគារដ៏អស្ចារ្យរបស់ Volvo
រាត្រីថ្ងៃទី8 ខែកុម្ភៈ ឆ្នាំ2019 ក្រុមហ៊ុន HGB Group Co.,LTD បានធ្វើពិធីសម្ពោធអគារតាំងបង្ហាញរថយន្តដ៏អស្ចារ្យរបស់Volvo ដែលជាផលិតផលរបស់ប្រទេសស៊ុយអ៊ែតដែលមានទីតាំងស្ថិតនៅតាមបណ្តោយមហាវិថីព្រះមុនីវង្ស រាជធានីភ្នំពេញ ក្រោមអធិបតីភាពដ៏ខ្ពង់ខ្ពស់របស់ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម និងសិប្បកម្ម នៃព្រះរាជាណាចក្រកម្ពុជា។
ក្នុងឱកាសសម្ពោធអគារតាំងបង្ហាញដ៏អស្ចារ្យនេះក្រុមហ៊ុនVolvo បានផ្ដល់ជូនពិសេសបញ្ចុះតម្លៃរហូតដល់ 20,000ដុល្លា។ ហើយអ្វីដែលកាន់តែអស្ចារ្យនៅក្នុងកម្មវិធីសម្ពោធនេះដែរ អតិថិជនក៏ទទួលបាននូវការផ្ដល់អត្រាការប្រាក់0% សម្រាប់ឆ្នាំទី1 ដែលជូនជាពិសេសទៅកាន់អតិថិជនត្រឹមតែ 10អ្នកដំបូងតែប៉ុណ្ណោះ។
ម៉ូដែលរថយន្ត Volvo ដែលនាំចូលដោយក្រុមហ៊ុន HGB Group Co.,LTD មានដូចជា
រថយន្ត Volvo ម៉ូដែល XC60 ជារថយន្តទំនើបដែលមានសុវត្ថិភាពបំផុត មិនធ្លាប់មានពីមុនមក និងជាម៉ូដែលលក់ដាច់បំផុតនៅទូទាំងពិភពលោកព្រមទាំងបានទទួលរង្វាន់ “រថយន្តពិភពលោកប្រចាំ
ឆ្នាំ2018” ទៀតផង និងរថយន្ត Volvo ម៉ូដែល XC40 ស៊េរីថ្មី ជាប្រភេទរថយន្ត SUV ត្រូវបានគេដាក់ឈ្មោះថា“រថយន្តអ៊ីរ៉ុបនៃឆ្នាំ2018” ហើយរថយន្ត Volvo ម៉ូដែល XC90 ក៏បានទទួលពានរង្វាន់ ”រថយន្តប្រភេទ SUV ដ៏ប្រណីតបំផុតប្រចាំសតវត្សរ៍” និងបានទទួលពានរង្វាន់ជាច្រើនទៀតដូចជា ”Best Midsize Premium SUV” និង ”EURO NCAP” ។ ជាមួយគ្នាផងដែរ រថយន្ត Volvo ម៉ូដែល S90 គឺជារថយន្តប្រភេទ Sedan ដ៏ប្រណីតបំផុតដែលគ្មានរថយន្តដទៃដូច ហើយនឹងនាំមកនូវសក្តានុពលដ៏ធំធេងនៅលើទីផ្សារកម្ពុជា។
ដោយយោងតាមប្រសាសន៍របស់លោក Herfried Hasenoehrl នាយកប្រតិបត្តិរបស់ក្រុមហ៊ុន HGB Group បានឱ្យដឹងថា «នេះគឺជាជំហានដំបូងនៃបេសកកម្មបង្កើតឡើងដោយក្តីស្រលាញ់ដើម្បីជាកេរតំណែលរបស់ពួកយើង។ យើងមានសេចក្ដីសោមនស្សរីករាយដែលក្រុមហ៊ុន HGB Group ទទួលបានទំនុកចិត្ត និងបានក្លាយជាអ្នកតំណាងផ្ដាច់មុខរបស់រថយន្ត Volvoហើយយើងនឹងធ្វើឱ្យម៉ាករថយន្តមួយនេះកាន់តែមានតម្លៃ។ ខ្ញុំមានជំនឿយ៉ាងមុតមាំថាដោយមានការណែនាំពីក្រុមហ៊ុន Volvo ហើយនិងការប្តេជ្ញាចិត្តពីបុគ្គលិករបស់ក្រុមហ៊ុន HGB Group ក្នុងការបំពេញភារកិច្ចនេះ គឺដើម្បីនាំមកនូវការប្តេជ្ញាខ្ពស់ជាងមុនទាក់ទងទៅនឹងបទពិសោធរថយន្ត ការរចនាបែប Scandinavian ព្រមទាំងសេវាថែទាំអតិថិជន»។
ហើយលោកបានបន្តទៀតថា«ប្រទេសកម្ពុជាបានផ្តល់នូវកំណើនដែលមាននិរន្តរភាព និងស្ថិរភាពនយោបាយ។ សហគ្រិនដែលជោគជ័យ និងម្ចាស់អាជីវកម្មបានកំពុងតែធ្វើឱ្យប្រ៊េនដ៍របស់ពួកគេលេចធ្លោនៅក្នុងសហគមន៍អាជីវកម្ម ដូច្នេះវាមិនមែនជាការភ្ញាក់ផ្អើលទេដែលអតិថិជននៅកម្ពុជាព្រមទទួលយកផលិតផលដែលមានគុណភាពដូចជារថយន្ត Volvo។ សម្រាប់ពេលនេះយើងកំពុងទន្ទឹងរង់ចាំអតិថិជនដែលនឹងក្លាយជាម្ចាស់រថយន្ត Volvo ដ៏ប្រណីតរបស់យើងខ្ញុំនៅក្នុងអគារតាំងបង្ហាញនេះជាមួយនឹងកន្លែងផ្ដល់សេវាកម្មបំពាក់ដោយគ្រឿងបរិក្ខារទំនើបៗ និងរង់ចាំទទួលស្វាគមន៍ភ្ញៀវកិត្តិយសទាំងអស់យ៉ាងកក់ក្តៅ។ ដោយម៉ូដែលទាំងឡាយត្រូវបានកំណត់ជាពិសេសសម្រាប់ទីផ្សារកម្ពុជាហើយម៉ូដែលទាំងនោះក៏មានវត្តមាននៅក្នុងទីផ្សាររួចហើយដែរ ដូច្នេះសូមអញ្ជើញភ្ញៀវកិត្តិយសទាំងអស់ទទួលយកនូវបទពិសោធដ៏អស្ចារ្យ និងមានភាពប៉ិនប្រសប់នៃរថយន្តដែលស័ក្ដិសមសម្រាប់លោកអ្នក។»សម្រាប់ព័ត៌មានលម្អិតសូមទំនាក់ទំនងផ្នែកសេវាបម្រើអតិថិជនតាមទូរស័ព្ទលេខ: 095 666 379 / 095 666 054 / 024 900 000៕