កន្លងមក One Plus News ធ្លាប់បានណែនាំមុខម្ហូប រសជាតិបែបថៃ ពីហាង ដឺសៀលក៍ ហ្គាឌឹន ដែលជាស្នាដៃដ៏ចំណានពីចុងភៅថៃផ្ទាល់។ជាថ្មីម្តងទៀត One Plus News សូមនាំមកជូននូវមុខម្ហូបថ្មីៗ ពី ដឺសៀលក៍ ហ្គាឌឹន មានដូចជា ញាំក្តាមសេះ ក្តាមថ្ម និងក្តាមជ្រក់ រួមនិង3រសជាតិនៃស្រាក្រឡុកពីអ្នកជំនាញរបស់ ដឺសៀលក៍។ក្រៅពីសេវាមុខម្ហូប និងស្រាក្រឡុក ហាង ដឺសៀលក៍ ហ្គាឌឹន ក៏មានសេវាកម្មថ្មីដូចជា នំខួបកំណើត នំឈីវហ្វុន មានច្រើនរសជាតិ តាមរដូវកាល និងតាមតម្រូវការរបស់អតិថិជន។ លើសពីនេះ ដឺសៀលក៍ ក៏មានផ្តល់ជូននូវសេវាផ្កាស្រស់ និងវត្ថុអនុស្សាវរីយ៍ផងដែរ រាល់សេវាកម្មទាំងអស់នេះលោកអ្នកនឹងទទួលបានដោយផ្ទាល់ពី ដឺសៀលក៍ តាមរយៈ អាស័យដ្ឋាន ផ្ទះលេខ67 ផ្លូវលេខ446 ខាងកើតផ្សារទួលទំពូង ចម្ងាយ50ម ឬទំនាក់ទំនងមកកាន់ទូរស័ព្ទលេខ 017 939 789 / 010 666 487៕
Author: ធឿន មករា
ស្តេកត្រីសាល់ម៉ុនបំពងស្រួយ
ងាកមករៀនធ្វើម្ហូបបែបអឺរ៉ុបមួយមុខទៀតនោះគឺ Crispy Salmon with Lemon Coriander ជាស្តេកត្រីសាល់ម៉ុនបំពងស្រួយដ៏ពិសេសប្រចាំភោជនីយដ្ឋាន ស្លា (Slla Sky Bar) ដែលស្ថិតនៅជាន់ទី9 នៃសណ្ឋាគារ AQUARIUS Hotel & Urban Resort។ បើនិយាយពីរសជាតិវិញនោះ គឺឆ្ងាញ់ប្លែកមាត់តែម្តង ហើយបើបាន ទទួលទានជាមួយនឹងស្រាសទៀតនោះគឺកាន់តែឆ្ងាញ់មួយកម្រិតទៀត។ ដូច្នេះ សូមរៀនចម្អិន មុខម្ហូបនេះជាមួយនឹងលោក ចាន់ វ៉ាន់ផល មេចុងភៅប្រចាំភោជនីយដ្ឋាន Slla Sky Bar ដូចតទៅ។
គ្រឿងផ្សំ
– ត្រីសាល់ម៉ុន 120g
– ប្រេងអូលីវ 10 m
– ប្រេងឆា 20g
- ដំឡូងបារាំង 100g
– ប៊័រ (សាប) 15g
– ទឹកដោះគោស្រស់ 5g
– ម្សៅ Nutmeg 0.5g
– មើមការ៉ុត 20g
- ននោងបារាំង (Zucchini) 20g
– ផ្កាខាត់ណា ប្រូខូលី 30g
- ផ្កាខាត់ណាពណ៌ស 30g
- ស្រាសសម្រាប់ចម្អិនអាហារ 10ml
– ខ្ទឹមបារាំង 15g
- ខ្ទឹមក្រហម 5g
– អំបិល 2g
– ម្រេចខ្មៅម៉ដ្ឋ 1g
- គ្រីមសម្រាប់ចម្អិនអាហារ 50g
- ទឹកសុស Caper 10g
- ស្លឹកជីវ៉ាន់ស៊ុយ 2g
- ក្រូចឆ្មារ 20g
– មើម Beetroot 10g
- ទឹកឃ្មុំ 1gវិធីចម្អិន
ដំបូងត្រូវយកសាច់ត្រីសាល់ម៉ុនមួយដុំ ដែលមានទម្ងន់120g មកប្រឡាក់ជាមួយនឹងអំបិល និងម្រេចម៉ដ្ឋ រួចយកទៅប្រឡាក់ជាមួយនឹងប្រេងអូលីវ ហើយយកទៅចៀននៅក្នុងខ្ទះ ដោយបន្ថែមប្រេងឆាបន្តិចឱ្យល្មមជាមួយនឹងសាច់ត្រី មុននឹងដាក់ត្រីសាល់ម៉ុនចៀន អ្នកត្រូវយកអំបិលបន្តិចមកប្រឡាក់នៅលើស្បែកត្រី ដើម្បីឱ្យស្បែកត្រីឡើងស្រួយល្អ រួចចៀនដោយបើកភ្លើងឱ្យក្តៅខ្លាំង រួចចៀនឱ្យឆ្អិនតាមកម្រិតដែលអ្នកចូលចិត្ត (រយៈពេល1នាទីប្រែទៅមួយជ្រុងទៀត ដើម្បីឱ្យឆ្អិនល្មមឆ្ងាញ់)។ ចំណែកបន្លែវិញ ត្រូវយកបន្លែទាំងអស់ដែលមានដូចជា ផ្កាខាត់ណា ប្រូខូលី ការ៉ុត ខ្ទឹមក្រហម ខ្ទឹមបារាំង មើម Beetroot និងននោងបារាំង យកទៅស្រុះជាមុនសិន រួចសឹមយកមកចៀនជាមួយប៊័រ ដោយបន្ថែមម្រេចម៉ដ្ឋ និងអំបិលចូលបន្តិច ចៀនឱ្យរាងទន់បន្តិចជាការស្រេច រួចដួសដាក់នៅក្នុងចាន។ ចំណែកដំឡូងបារាំងត្រូវយកទៅចំហុយជាមួយទឹកដោះគោស្រស់ និងតប់ឱ្យម៉ដ្ឋ រួចយកមកដាក់នៅលើចាន រួចសឹមដាក់ត្រីសាល់ម៉ុនចៀនពីលើ ដោយកាត់ស្បែកត្រីចេញ ដើម្បីយកមកតុបតែងលម្អ និងទទួលទានបែបស្រួយស្រឹបតែម្តង។ ជាចុងក្រោយត្រូវស្រោចដោយទឹកសុស Caper ពីលើជាការស្រេច៕
Wow! ក្រុមហ៊ុន LDI ENTERPRISE កំពុងប្រូម៉ូដសិនផលិតផលប្រេនៗមកពីជប៉ុន និងស្វីស រហូត 30%
ក្រុមហ៊ុន LDI ENTERPRISE គឺជាក្រុមហ៊ុននាំចូលផ្តាច់មុខនាឡិកាស្វីស និងជប៉ុន ក្នុងនោះមានប្រ៊េន CASIO G-SHOCK ដែលជាប្រ៊េនមានការពេញនិយមខ្លាំង ពីសំណាក់យុវវ័យក្នុងប្រទេសកម្ពុជា ដែលកំពុងមានការតាំងពិពណ៍ទៅលើនាទ្បិកាម៉ាកល្បីៗដូចជា Mido, Casio, Tissot, G-Shock, Q&Q, Citizine, Sheen, Edifice, Pro Trek, Orient, Baby-G ដែលមានការបញ្ចុះតម្លៃពិសេសចាប់ពី ១០% រហូតដល់៣០% ។
ការប្រូម៉ូដសិនដ៏អស្ចារ្យនេះគឺធ្វើឡើងចាប់ពីថ្ងៃទី១ រហូតដល់ ថ្ងៃទី១៤ ខែកក្តដា ឆ្នាំ២០១៩ ដែលមានទីតាំងនៅផ្សារទំនើបអ៉ីអនភ្នំពេញ ជាន់ផ្ទាល់ដីជិតហាងនំបុ័ងអុីអន។
បុរសញៀនសុរា និងបារី ធ្វើឱ្យអសមត្ថភាពផ្លូវភេទ
ក្រៅពីបញ្ហាសុខភាពទន់ខ្សោយដែលកើតមានចំពោះបុរស ដែលជះឥទ្ធិពលទៅលើបញ្ហានៃភាពអសមត្ថភាពផ្លូវភេទនោះ វានៅមានកត្តាច្រើនយ៉ាងទៀត ដែលបុរសៗកំពុងប្រឈម និងទទួលយកដោយមិនដឹងខ្លួន ហើយបណ្តាលឱ្យបាត់បង់សមត្ថភាពផ្លូវភេទបន្តិចម្តងៗ និងឈានទៅរកការបាត់បង់សមត្ថភាពទាំងស្រុងតែម្ដង ដូចជា ការចម្រើនវ័យកាន់តែចាស់ និងជាពិសេសការសេពគ្រឿងញៀនជាដើម។
– ការជក់បារី : បារីមានជាតិនីកូទីន (Nicotin)បង្កឱ្យកើតមានជំងឺសួត បេះដូង និងសរសៃឈាម។ ពិសេសសរសៃឈាមនេះតែម្តង ដែលមិនអាចឱ្យឈាមធ្វើចលនាបានដូចប្រក្រតី ក្នុងនោះអាចបណ្តាលឱ្យស្ទះសរសៃឈាមខួរក្បាលហើយជាពិសេសមិនអាចបញ្ចូនឈាមហូរទៅដល់សរសៃឈាមនៃលិង្គ។ ដោយសារតែហេតុនេះហើយទើបបានជាមានការប៉ះពាល់ដល់ភាពងើបរឹងរបស់លិង្គ ហើយក៏មិនអាចសម្រេចបំណងក្នុងការរួមរ័កបានដូចធម្មតានោះទេ ល្គឹកណាអ្នកជក់បារីត្រូវបញ្ឈប់ការជក់បារីតែប៉ុណ្ណោះ ទើបអាចមានលទ្ធផលស្តារសម្បទាបានមកវិញ។ ម្យ៉ាងទៀត អ្នកជក់បារីក៏តែងតែកើតមានអាការស្ត្រេសនៅក្នុងខ្លួនច្រើនណាស់ ដែលអាការស្ត្រេសនោះទៀតសោតអាចនាំឱ្យកាន់តែឃ្លាតឆ្ងាយពីការនឹកឃើញការរួមរ័ក ហើយក៏មិនអាចធ្វើលំហាត់លិង្គរបស់ខ្លួនថែមទៀតផង។ នេះជាហេតុផលបន្ថែមទៀត ដែលនាំឱ្យលិង្គទន់រងៀកមិនដំណើរការ។ កត្តាជក់បារី និងស្ត្រេសបូកបញ្ចូលគ្នា ពិតជាធ្វើឱ្យបុរសបាត់បង់ចំណង់ភេទកាន់តែច្រើន ហើយលិង្គក៏ក្លាយទៅជាអសមត្ថភាព (លិង្គងាប់) បើទោះជាការព្យាបាល ពង្រឹងមាឌ ដើម្បីសម្រេចការសេពកាមក៏ដោយក៏មិនអាចដំណើរការងាយស្រួលដែរ។
– ការសេពគ្រឿងស្រវឹង : បើយើងនិយាយឱ្យចំការផឹកស្រា និងគ្រឿងស្រវឹងផ្សេងទៀត សុទ្ធតែមានជាតិអាល់កុលដូចគ្នា គ្រាន់តែស្ថិតក្នុងកម្រិតតិច ឬខ្ពស់តែប៉ុណ្ណោះ។ សូមជ្រាបថា អាល់កុល វានឹងបំផ្លាញសរសៃឈាមទាំងស្រុង ហើយការកម្រើកលិង្គ អាស្រ័យដោយសារសរសៃឈាមចូលរបស់លិង្គនោះដែរ។ នៅពេលដែលប្រព័ន្ធសរសៃឈាមទាំងអស់នោះរងក្តីអន្តរាយ មិនខុសអ្វីពីការធ្វើឱ្យលិង្គបាត់បង់សមត្ថភាពអស់ដោយមិនអាចសម្រេចតណ្ហាបានផងដែរ។ការសេពគ្រឿងស្រវឹងជាប្រចាំ ឬរយៈពេលដ៏យូរលង់ពេក ក៏បណ្តាលឱ្យមានផលប៉ះពាល់ដល់សុខភាពថ្លើមផងដែរ។ ដូច្នេះទើបបានជាអ័រម៉ូនរបស់បុរសបាត់បង់តុល្យភាពជាមួយនឹងការបំផ្លាញដល់ប្រព័ន្ធសរសៃប្រសាទឱ្យធ្លាក់ចុះអន់ខ្សោយផ្នែកភេទសម្ពន្ធកាន់តែខ្លាំង។ ក្រៅពីកត្តាទាំងពីរដូចបានលើកយកមកអធិប្បាយខាងលើនេះ ក៏នៅតែមានកត្តាមួយចំនួនផ្សេងទៀត ដែលបុរសៗទទួលយកដោយខ្វះការយល់ដឹង។សំគាល់ : គ្រឿងញៀនដែលចង់លើកយកមកនិយាយនេះគឺការប្រើកញ្ឆា ថ្នាំកូកាអុីន ហេរ៉ូអុីន ថ្នាំសំយោគប្រភេទគ្រឿងញៀន ជក់ ចាក់ម្ជុល លេប ដែលសុទ្ធតែបង្កឱ្យកើតមានអាការងាប់លិង្គ (លិង្គមិនដំណើរការ) ដែលមិនអាចទទួលយកការរួមភេទសម្ពន្ធបាន៕
ក្រសួងអប់រំបង្ហាញពីដំណើរការបង្កើតមជ្ឈមណ្ឌលបណ្តុះបណ្តាលគ្រូសាលារៀនជំនាន់ថ្មី…
ក្រសួងអប់រំ យុវជន និងកីឡា គ្រោងនឹងបង្កើតមជ្ឈមណ្ឌលបណ្តុះបណ្តាលគ្រូសាលារៀនជំនាន់ថ្មីមួយនៅក្នុងវិទ្យាស្ថានជាតិអប់រំ ដែលមានសកម្មភាពបណ្តុះបណ្តាលថ្នាក់បរិញ្ញាបត្រជាន់ខ្ពស់ផ្នែកអប់រំជំនាញ សីលធម៌វិជ្ជាជីវៈ ការបង្រៀន និងការផ្តល់ប្រឹក្សាជាដើម។
កម្មវិធីនេះនឹងផ្តោតលើការបង្រៀនលើមេរៀនសំខាន់ៗចំនួន4 គឺទី1 សីលធម៌វិជ្ជាជីវៈ និងការផ្តល់ប្រឹក្សាគ្រូ។ ទី2 ភាសាអង់គ្លេសសម្រាប់ការស្រាវជ្រាវអប់រំ។ទី3 បច្ចេកវិទ្យា និងសារគមនាគមន៍ក្នុងការអប់រំ និងទី4 គោលការណ៍ និងប្រព័ន្ធគរុកោសល្យទូទៅ។
កម្មវិធីនេះនឹងប្រើប្រាស់សូហ្វវែរ (software) លំដាប់ថ្នាក់ពិភពលោកសម្រាប់ជួយផ្តល់ការប្រឹក្សាគ្រូការសិក្សាបែប Seminar ដែលមួយបន្ទប់មាននិស្សិត12នាក់ជាមួយសាស្ត្រាចារ្យ 2នាក់ ក្នុងអគារសិក្សាទំនើប។ កម្មវិធីនេះក៏មានការចុះកម្មវិសិក្សា និងសរសេរនិក្ខេបបទបញ្ចប់ការសិក្សាផងដែរ ដោយក្នុងឆ្នាំដំបូងនិស្សិតចំនួន 25នាក់នឹងទទួលបានអាហារូបករណ៍ដើម្បីសិក្សា។
គួរបញ្ជាក់ផងដែរថា ការបណ្តុះបណ្តាលគ្រូបង្រៀនជាផ្នែកយ៉ាងសំខាន់មួយដែលក្រសួងអប់រំ យុវជន និងកីឡា កំពុងយកចិត្តទុកដាក់ ព្រោះសមត្ថភាពសិស្សអាចខ្លាំងទៅបានលុះត្រាតែមានគ្រូខ្លាំងជាមុនសិន។ កត្តានេះហើយទើបធ្វើឱ្យយើងត្រូវបណ្តុះបណ្តាលគ្រូដែលមានសមត្ថភាពខ្លាំងថ្មីៗជាច្រើនទៀតដើម្បីបណ្តុះបណ្តាលទាំងនៅក្នុងទីក្រុង និងពង្រាយតាមគោលដៅនានាពេញប្រទេសកម្ពុជា៕
ផលប្រយោជន៍របស់ “សិច” ចំពោះសុខភាពបុរស
លោកបណ្ឌិត Joy Davidso អ្នកចិត្តសាស្ត្រ ហើយក៏ជាអ្នកស្រាវជ្រាវផ្លូវភេទម្នាក់នៅក្រុងញូវយ៉កបានថ្លែងថា “ផ្អែកលើលទ្ធផលនៃការស្រាវជ្រាវតាមបែបវិទ្យាសាស្ត្រ យើងមិនអាចមើលរំលងនូវផលប្រយោជន៍ដ៏អស្ចារ្យដែលបានមកពីសិចនោះទេ ពោលគឺវាមិនត្រឹមតែនាំមកនូវសុខភាពល្អ រឹងមាំ និងកាត់បន្ថយអត្រានៃការប្រឈមជាមួយជំងឺបេះដូងប៉ុណ្ណោះទេ តែវាថែមទាំងអាចផ្ដល់នូវអនុភាពដ៏អស្ចារ្យផ្នែកសុខភាពផ្លូវចិត្តរបស់មនុស្សផងដែរ។ អាស្រ័យហេតុនេះតម្រូវការអំពីសិច គឺជារឿងចាំបាច់មួយសម្រាប់មនុស្សពេញវ័យ ជាពិសេសគឺនៅមជ្ឈិមវ័យ ខណៈដែលបុរសៗកំពុងតែបោះជំហានសន្សឹមៗទៅក្នុងដំណាក់កាលអស់ចំណង់”។
តាមលទ្ធផលស្រាវជ្រាវរបស់ពួកអ្នកវិទ្យាសាស្ត្រ មានតិចបំផុត10ផលប្រយោជន៍គួរឱ្យភ្ញាក់ផ្អើលអាស្រ័យដោយ “សិច” ត្រឹមត្រូវ និងទៀងទាត់ដូចជា បញ្ហាជំងឺសរសៃឈាមបេះដូង សម្ពាធឈាម បន្ថយភាពតានតឹង បញ្ចុះទម្ងន់ លើកកម្ពស់សមត្ថភាពអង្គបដិបក្ខ កាត់បន្ថយអាការឈឺសន្លាក់ បង្ការ និងបញ្ចៀសជំងឺគ្រុនផ្តាសាយ និងឆ្លងមេរោគផ្សេងៗ។ សិចត្រឹមត្រូវអាចបង្កើនភាពផ្សារភ្ជាប់ទំនាក់ទំនង និងភាពជឿជាក់ស្នេហាប្តីប្រពន្ធ ជួយឱ្យភាគីទាំងសងខាងជឿជាក់លើខ្លួនឯង និងស្រឡាញ់ជីវិតខ្លួនឯង ជាពិសេសមានសម្រស់ស្រស់ស្អាតក្មេងជាងវ័យ។
ការបញ្ចេញទឹកកាមទៀងទាត់របស់បុរស ពិសេសក្រោមវ័យ40ឆ្នាំ អាចបញ្ចៀសបាននូវហានិភ័យមហារីកក្រពេញប្រូស្តាត។ ប៉ុន្តែ ពេលឈានចូលវ័យ40 បរិមាណអ័រម៉ូនភេទក្នុងសរីរាង្គបុរសត្រូវបានថមថយ។ តាមដំបូន្មានរបស់វេជ្ជបណ្ឌិត និងអ្នកជំនាញការ បុរសពេលជួបឧបសគ្គក្នុងបញ្ហាសិច ត្រូវទៅពិនិត្យសុខភាពផ្លូវភេទនៅមន្ទីរពេទ្យ និងអនុវត្តតាមការទូន្មានរបស់វេជ្ជបណ្ឌិត។ អ្វីដែលសំខាន់គឺត្រូវធានាបាននូវសុខភាពល្អពោលគឺបុរសៗត្រូវមានរបៀបរបបរស់នៅមួយប្រកបដោយភាពត្រឹមត្រូវ នោះគឺរបបជីវជាតិសមស្រប សម្រាកឱ្យបានច្រើន ហាត់ប្រាណ និងកំហិតគ្រឿងស្រវឹង បារី បន្ថយបរិមាណខ្លាញ់ និងជាតិម្សៅ ទទួលទានបន្លែផ្លែឈើស្រស់ច្រើន ព្រោះវាសម្បូរវីតាមីន និងសារជាតិរ៉ែ៕
តើអាហារកាកសរសៃសំខាន់ចំពោះកូនតូចដូចម្តេចខ្លះ?
ការញ៉ាំអាហាររបស់កូនតូចវ័យតេះតះនោះ អាចញ៉ាំបានច្រើនបែបច្រើនយ៉ាងបានដូចមនុស្សធំហើយ គ្រាន់តែត្រូវមើលពីជំនាញក្នុងការទំពារបស់កូនបន្តិចសិនប៉ុណ្ណោះ ព្រោះក្មេងខ្លះពូកែទំពា ចូលចិត្តទំពានឹងធ្វើឱ្យឆាប់ញ៉ាំអាហាររឹងល្មមៗបាន។ ក្មេងណាដែលមិនសូវចូលចិត្តទំពា ឬឪពុកម្តាយច្រើនតែកិនអាហារឱ្យម៉ដ្ឋឱ្យញ៉ាំជានិច្ចនោះ នឹងក្រចេះទំពា តែយ៉ាងណាក៏ដោយ អាហារដែលសំខាន់សម្រាប់ក្មេងវ័យនេះលែងសូវជាទឹកដោះហើយ តែជាអាហារទាំង5ប្រភេទក្រុម ដែលយើងស្គាល់ច្បាស់ហ្នឹងឯង។ លេខនេះ ឡារ៉ែន នឹងនាំអ្នកម្តាយឱ្យបានស្គាល់ពីអាហារកាកសរសៃ ដែលក៏ជាចំណែកមួយរបស់បន្លែ ផ្លែឈើ ដែលសំខាន់មិនចាញ់សារធាតុអាហារដទៃទៀតឡើយ។
អ្វីទៅជាអាហារកាកសរសៃ?
កាកសរសៃអាហារ គឺជាខាបូហាយដ្រេត ម៉ូលេគុលធំ មានទាំងប្រភេទរលាយក្នុងទឹក និងមិនរលាយក្នុងទឹក ប្រទះឃើញមានច្រើននៅក្នុងបន្លែ ផ្លែឈើ និងគ្រាប់ធញ្ញជាតិ។ កាកសរសៃអាហារនឹងមិនត្រូវបានបឺតជ្រាបក្នុងប្រព័ន្ធរំលាយអាហារទេ តែនឹងធ្វើដំណើរទៅរហូតដល់ពោះវៀនធំ មានតួនាទីបោសសម្អាតអ្វីដែលរាងកាយមិនត្រូវការ ដើម្បីមិនឱ្យមានអ្វីនៅសេសសល់ក្នុងពោះវៀនធំ រួចបញ្ចេញមកក្រៅតាមលាមក។ហេតុអីបានជាកូនតូចចាំបាច់ត្រូវញ៉ាំអាហារកាកសរសៃ?
មនុស្សធំក្នុងប្រទេសយើង ច្រើនតែផ្តល់ភាពសំខាន់ជាមួយអាហារពពួកប្រូតេអុីនខ្លាំងជាង ព្រោះជាចំណែកដែលធ្វើឱ្យរូបរាងកាយចម្រើនធំធាត់ តែរាងកាយនឹងធំធាត់ឡើងយ៉ាងរឹងប៉ឹងមាំមួនល្អនោះ ត្រូវបានទទួលអាហារដែលច្រើនបែបច្រើនយ៉ាងក្នុងបរិមាណដ៏សមរម្យមួយ រួមជាមួយការហាត់ប្រាណ និងរួមទាំងអាហារកាកសរសៃផងដែរ។ កុមារក្នុងវ័យនេះជាច្រើននាក់មានបញ្ហាក្នុងការបន្ទោបង់ ដោយសារតែញ៉ាំបន្លែ ផ្លែឈើបានតិចពេក ឬញ៉ាំទឹកស្អាតមិនបានគ្រប់គ្រាន់ ធ្វើឱ្យកើតបញ្ហាទល់លាមកឡើងញឹកញាប់ ដែលវាអាចនឹងក្លាយជាទម្លាប់រហូតដល់វ័យធំ និងក្លាយជាបញ្ហាសុខភាពរ៉ាំរ៉ៃនៅទីបំផុតក៏អាចថាបានដែរ។
ដូច្នេះការញ៉ាំអាហារដែលមានកាកសរសៃក្នុងបរិមាណដែលគ្រប់គ្រាន់ នឹងជួយឱ្យការធ្វើការងាររបស់ពោះវៀនល្អឡើង កាត់បន្ថយអាការទល់លាមកដល់កូនតូចវ័យរពឹសបានទៀតផង។ត្រូវញ៉ាំអាហារកាកសរសៃក្នុងបរិមាណប៉ុន្មានក្នុងមួយថ្ងៃ?
ជាប្រក្រតីមនុស្សធំគួរបានទទួលប្រមាណអាហារកាកសរសៃជាមធ្យមពី25-30ក្រាមក្នុងមួយថ្ងៃ តែសម្រាប់ក្មេងដែលមានអាយុចន្លោះពី1-8ឆ្នាំនោះ គួរបានទទួលអាហារកាកសរសៃពី14-18ក្រាមក្នុងមួយថ្ងៃ បរិមាណនេះមិនមែនមានន័យថា ត្រូវតែទៅថ្លឹងចំនួនបន្លែផ្លែឈើឱ្យត្រឹមត្រូវនាំតែពិបាកនោះទេ គ្រាន់តែក្នុងពេលញ៉ាំអាហារម្តងៗត្រូវមានមុខម្ហូបដែលជាបន្លែ និងបង្អែមដែលជាផ្លែឈើស្រស់ ឬគ្រាប់សណ្តែកផ្សេងៗប៉ុណ្ណោះ។
ការញ៉ាំអាហារប្រភេទគ្រាប់សណ្តែក ក៏មានចំណុចមិនល្អដូចគ្នាដែរ គឺបើញ៉ាំច្រើនជ្រុលពេកនឹងធ្វើឱ្យកើតមានខ្យល់នៅក្នុងពោះច្រើន និងឆ្អល់ពោះ ព្រោះតែមានការសាងហ្កាស់ឡើងច្រើន(ដូចដែលយើងច្រើនតែនិយាយថា ញ៉ាំសណ្តែកដីហើយដើរខ្យល់ហ្នឹងឯង) ដូច្នេះហើយទើបការញ៉ាំអាហារឱ្យមានតុល្យភាពគឺជារឿងសំខាន់មួយដែលលោកឪពុកអ្នកម្តាយត្រូវចាត់ការឱ្យកូនតូចក្នុងវ័យនេះ។អាហារកាកសរសៃ… អ្នកជួយពោះវៀន
គុណប្រយោជន៍របស់អាហារកាកសរសៃ មានច្រើនណាស់ ដូចជា ៖
– ការពារអាការទល់លាមក ជួយឱ្យប្រព័ន្ធរំលាយអាហារធ្វើការបានតាមប្រក្រតី។
– ការពារការបឺតជ្រាបរបស់សារធាតុបង្កមហារីក អាហារកាកសរសៃនឹងជួយបណ្តេញសារធាតុពុលចេញពីរាងកាយបានលឿន(តាមលាមក) និងកាត់បន្ថយភាពប្រថុយប្រថានក្នុងការកើតមហារីកពោះវៀនធំ។
– ការពាររោគបានច្រើនប្រភេទ ដូចជា រោគធាត់ រោគទឹកនោមផ្អែម និងជាតិខ្លាញ់នៅក្នុងឈាមខ្ពស់ជាដើម។
– កាត់បន្ថយភាពប្រថុយនឹងការកើតរោគបេះដូង។អាហារដែលមានកាកសរសៃខ្ពស់មានដូចជា ៖
ផ្លែឈើ : ផ្លែប៉ោម ផ្លែសារី ត្របែក ល្ហុងទុំ ចេក ក្រូចពោធិ៍សាត់ ពុទ្រា ស្វាយខ្ចី និងពោត។ល។
បន្លែ : ស្នៀតពោត ការ៉ុត ផ្សិតត្រចៀកកណ្តុរ សណ្តែកកួរ ស្ពៃក្តោប សណ្តែកសៀងជប៉ុន កញ្ឆែត និងត្រប់ពុតរំញង។ល។
គ្រាប់ធញ្ញជាតិផ្សេងៗ : អង្ករសម្រូប គ្រាប់ផ្កាឈូករ័ត្ន សណ្តែកខៀវ គ្រាប់ល្ង សណ្តែកក្រហម និងសណ្តែកលឿង។ល។
អាហារផ្សេងទៀត : នំប៉័ងហូលវិធ និងគ្រាប់ជី។ល៕
អ្នកស្រុកមោងឫស្សី ខេត្តបាត់ដំបង ឈ្នះរង្វាន់ ១០០លានរៀល ពីតែបៃតង អ៊ីឈីតាន់
ទឹកប្រាក់រង្វាន់ធំចំនួន ១០០លានរៀល ពីតែបៃតង អ៊ីឈីតាន់ បានបន្តធ្លាក់ដល់ដៃអតិថិជនម្នាក់ទៀតហើយ មានឈ្មោះ មាន បៀន ភេទស្រី អាយុ៣២ឆ្នាំ រស់នៅភូមិអង្ក្រង ឃុំជ្រៃ ស្រុកម៉ោងឫស្សី ខេត្តបាត់ដំបង មានមុខរបរជាកសិករ និងជាអ្នកស៊ីឈ្នួលបេះផ្លែឈើនៅប្រទេសថៃ ។
ថ្លែងប្រាប់ក្រុមការងារដែលបានចុះប្រគល់រង្វាន់ធំដល់លំនៅដ្ឋានដែលស្ថិតនៅភូមិសាស្ត្រខាងលើនេះ អ្នកស្រី មាន បៀន បានរៀបរាប់ប្រាប់ឱ្យដឹងថា ៖ ស្ទើរតែរាល់ថ្ងៃ ជាពិសេសបន្ទាប់ពីត្រឡប់មកពីធ្វើស្រែចម្ការវិញ ហើយអស់កម្លាំង អ្នកស្រីតែងទិញតែបៃតងអ៊ីឈីតាន់ទទួលទានជាប្រចាំ។ ដោយឡែកកាលពីចុងសប្ដាហ៍កន្លងទៅនេះ មុនពេលអ្នកស្រីឡើងជិះរថយន្តដើម្បីទៅបេះផ្លែឈើនៅស្រុកថៃដូខសព្វដងនោះ អ្នកស្រីបានទិញតែបៃតង អ៊ីឈីតាន់ រសជាតិតែក្រូចឆ្លារទឹកឃ្មុំ ពីអ្នកលក់ដែលនៅជិតផ្ទះដើម្បីទុកទទួលទាន នៅពេលស្រែកទឹក និងអស់កម្លាំង។ លុះពេលមួលគម្របដប ក៏ស្រាប់តែឃើញមានរង្វាន់ 100លានរៀល នៅក្នុងគម្របដបតែម្ដង ។ ភ្លាមនោះអ្នកស្រីពិតជាមានអារម្មណ៍រំភើបខ្លាំងមែនទែន ហើយក៏បានស្រែកប្រាប់អ្នកនៅជិតគ្នាឱ្យជួយពិនិត្យមើល រួមជាមួយនឹងទូរស័ព្ទជូនដំណឹងដល់ក្រុមហ៊ុនតាមរយៈលេខទូរស័ព្ទដែលមានស្រាប់នៅនឹងគម្របដប។ អ្នកស្រីបានបញ្ជាក់ទាំងអារម្មណ៍រំជើបរំជួលទៀតថា ទឹកប្រាក់ចំនួន១០០លានរៀលនេះ ពិតជាមានសារសំខាន់ចំពោះគ្រួសារខ្លាំងណាស់ ព្រោះសព្វថ្ងៃក្រៅពីធ្វើស្រែដែលមានបន្តិចបន្តួចនោះ គឺឆ្លៀតទៅស៊ីឈ្នួលបេះផ្លែឈើនៅឯស្រុកថៃ ដើម្បីទទួលបានចំណូលគ្រាន់ដោះស្រាយជីវភាពគ្រួសារ។ ក្រោយពីទទួលបានលុយរង្វាន់ធំ ១០០ លានរៀលនេះ អ្នកស្រីនឹងយកមួយចំនួនសង់បំណុលគេ និងទិញស្រែបន្ថែម ហើយទុកមួយចំណែកសម្រាប់ធ្វើបុណ្យលោកឧពុកដែលកំពុងរស់នៅជុំគ្នាសព្វថ្ងៃនេះ។
គួរបញ្ជាក់ផងដែរថា សម្រាប់រដូវកាលទី3 ឆ្នាំ2019 នេះ ក្រុមហ៊ុន តែបៃតង អ៊ីឈីតាន់ បានបង្កើនរង្វាន់ធំនូវចំនួនទឹកប្រាក់ 100លានរៀល រហូតដល់ 70រង្វាន់, ម៉ូតូ Scoopy i ចំនួន70រង្វាន់ , ទូរស័ព្ទ iphone Xs ចំនួន70រង្វាន់ រួមជាមួយនឹងរង្វាន់ Free តែបៃតងអ៊ីឈីតាន់ រាប់លានរង្វាន់ទៀត។ រួសរាន់ឡើង អ្នកដែលមានសំណាងបានក្លាយជាសេដ្ឋីបន្ទាប់ អាចជារូបអ្នក ៕
កាសែតឡារ៉ែន ពាណិជ្ជ លេខ 179
[easy_media_download url=”https://www.lareine.com.kh/wp-content/uploads/2019/07/LRPN_179-Final-For-Web.pdf” force_dl=”1″] 
ក្រុមហ៊ុន សាំងយ៉ុង ដាក់បង្ហាញរថយន្តថ្មី MUSSO Grand នៅក្នុងប្រទេសកម្ពុជា
រាជធានីភ្នំពេញ-កម្ពុជា- រថយន្ត Musso Grand ជាបច្ចេកវិទ្យាថ្មីនៃរថយន្តភីកអាប់ ដែលវិវត្តន៍ចេញពីរថយន្តដំបូងគឺ Musso នៅទីបំផុតបានដាក់បង្ហាញ និងមកដល់ប្រទេសកម្ពុជាជាផ្លូវហើយនៅក្រុមហ៊ុន SsangYong Cambodia ជាមួយរូបរាងថ្មី ស្អាតជាងមុន បន្ថែម Option ច្រើនជាងមុន។
រថយន្ត Grand Musso ត្រូវបានដាក់បង្ហាញជាផ្លូវការនៅក្នុងប្រទេសកូរ៉េ កាលពីដើមឆ្នាំមុន។ ម៉ូដែលថ្មីនេះគឺជាម៉ូដែល MUSSO GRAND ដ៏មានប្រជាប្រិយភាពនៅទីផ្សារក្រៅស្រុករបស់ក្រុមហ៊ុនផលិតរថយន្តកូរ៉េ។ រថយន្តភីកអាប់ ដែលត្រូវបានផ្លាស់ប្តូរឱ្យល្អបំផុតមួយនេះ ត្រូវបានគេទទួលស្គាល់ថា ជារថយន្តដឹកទំនិញដ៏មានសុវត្ថិភាពឈានមុខគេ វាពេញដោយអំណាច និងមានតម្លៃសមរម្យ។ ការរចនារថយន្តនេះ ត្រូវបានគេធ្វើឱ្យកាន់តែប្រសើរឡើង ដើម្បីបំពេញចិត្តអ្នកដែលចូលចិត្តធ្វើដំណើរបែបផ្សងព្រេង អាចបើកបានគ្រប់ស្ថានភាពផ្លូវ និងបែបកីឡា ដែលត្រូវការផ្ទុករបស់របរច្រើន និងធ្ងន់ៗ។
SsangYong MUSSO GRAND គឺជារថយន្តដែលទទួលបានជោគជ័យខ្លាំងរបស់ក្រុមហ៊ុន SsangYong Motors ប្រចាំប្រទេសកូរ៉េ។ ម៉ូដែលថ្មីនេះបានបង្ហាញពីសមិទ្ធផល និងការទទួលស្គាល់ជាសកលរបស់រថយន្ត SsangYong Musso ដែលមានប្រជាប្រិយភាពខ្ពស់ ដោយលក់អស់ជាង 80.000 គ្រឿងនៅក្នុងប្រទេសកូរ៉េកាលពីឆ្នាំដើមឆ្នាំ2019 នេះ។
រថយន្ត Musso Grand បានបង្ហាញភាពរឹងមាំ ធ្ងន់ មិនគួរឱ្យជឿ និងភាពខ្លាំងក្លារបស់វា។ ក្រុមហ៊ុនសាំងយ៉ុង បានបញ្ជាក់ថា ការរចនាផ្នែកខាងក្រៅរបស់រថយន្តនេះ ត្រូវបានបំផុសគំនិតដោយសមាសភាពនៃការធ្វើចលនាបែបធម្មជាតិដ៏ល្អឥតខ្ចោះរបស់ក្រុមហ៊ុនម៉ូតូកូរ៉េ ដើម្បីកំណត់រចនាសម្ព័នរបស់រថយន្តរបស់ខ្លួនឱ្យបង្ហាញពីបែបបទធម្មជាតិ។
រថយន្ត Musso Grand មានប្រវែង 31 សង់ទីម៉ែត្រវែងជាងរថយន្តស៊េរីដូចគ្នា មានបណ្តោយរថយន្តប្រវែង 5.4 ម៉ែត្រ។ កម្ពស់ 1.85 ម៉ែត្រ និងអង្កត់ផ្ចិត 3.21 ម៉ែត្រ ដែលត្រូវបានកើនឡើងវែងជាមុនពី 1.5 សង់ទីម៉ែត្រ និង 11 សង្ទីម៉ែត្រ តាមលំដាប់លំដោយបើប្រៀបធៀបជាមួយនឹងរថយន្ដភីកអាប់ផ្សេងទៀត។ ប្រវែងបណ្តោយរថយន្តវែង ត្រូវបានគូសបញ្ជាក់ដោយការបង្កើនសមត្ថភាពផ្ទុកដល់ទៅ 3 តោន ជាមួយនិងទម្ងន់ផ្ទុកអតិបរមា 1,025 គីឡូក្រាម។
