បងៗស្ត្រីមេផ្ទះប្រហែលជាធ្លាប់គិតថា យើងអាចរក្សាទុកគ្រប់យ៉ាងនៅក្នុងទូទឹកកករបស់យើងបាន ទាំងបន្លែផ្លែឈើ បង្អែម និងនំប៉័ង-ល- អ្នកខ្លះថែមទាំងទុកទឹកស៊ីអុីវ និងអាហារកំប៉ុងនៅក្នុងទូទឹកកកទៀតផង តែបងៗដឹងទេថា អាហារប្រភេទខ្លះមានរូបបែបនៃការរក្សាទុកខុសប្លែកពីគ្នា ហើយវិធីដែលខុស វាអាចធ្វើឱ្យកើតផលអាក្រក់ដល់អាហារទាំងនោះបាន។ថ្ងៃនេះ អ្នកគ្រូ ឆវី មានគន្លឹះល្អៗក្នុងការទុកដាក់រក្សាចំណីអាហារមកជម្រាបជូនបងៗមេផ្ទះទាំងអស់គ្នាជាបន្ត…។
ផ្លែប៉េងប៉ោះ : មិនគួររក្សាទុកនៅក្នុងទូទឹកកកទេ ដោយសារតែវា នឹងបាត់បង់រសជាតិពីធម្មជាតិអស់។ សីតុណ្ហភាពដែលត្រជាក់នឹងធ្វើ ឱ្យកម្មវិធីការបន្ទុំខ្លួនរបស់វាតាមធម្មជាតិកាន់តែយឺតឡើង និងបំផ្លាញសរសៃសាច់ស្ដើងៗនៅខាងក្នុងផ្លែដែលនឹងហុចផលឱ្យវាមិនទុំជោរ។ គួររក្សាផ្លែប៉េងប៉ោះនៅក្នុងសីតុណ្ហភាពក្នុងបន្ទប់ធម្មតា ដោយដាក់នៅក្នុងកញ្ច្រែង ឬក្នុងឡាំង។
វត្ថដែលគួររក្សាទុកនៅក្នុងទូទឹកកក
ស៊ុត : បងៗស្ត្រីមេផ្ទះជាច្រើនមានការរក្សាទុកស៊ុតខុសប្លែកពីគ្នា តែទាំងអស់គ្នាបានអះអាងដូចៗគ្នាថា មិនគួរទុកស៊ុតនៅក្នុងប្រឡោះសម្រាប់ដាក់ស៊ុតនៅខាងមាត់ទ្វារទូទឹកកកទេ តែគួរទុកនៅក្នុងកន្លែងដាក់របស់របរធម្មតាក្នុងទូទឹកកក ហើយអ្នកជំនាញបានណែនាំមិនឱ្យយកស៊ុតចេញពីកញ្ច្រែង ឬបន្ទះស្នោរទ្រស៊ុតដែលជាប់មកជាមួយស៊ុតនោះទេ គឺដើម្បីឱ្យវារក្សាភាពស្រស់បានយូរ។
ម្សៅ : មើលទៅហាក់ដូចជាងាយស្រួលក្នុងការរក្សាទុក តែការពិតវិញ មិនមែនងាយស្រួលឡើយ។ សំណើម និងសីតុណ្ហភាពដែលខ្ពស់ នឹងនាំឆ្ពោះទៅរកការកើតមេរោគផ្សិត និងសត្វល្អិតក្នុងម្សៅ ដែលហុចផលធ្វើឱ្យពេលយកទៅកែច្នៃជាអាហារបរិភោគមិនបាន។ ជម្រើសដែលល្អ គឺការដាក់នៅក្នុងដបកែវបិទជិតទុកនៅក្នុងទូទឹកកក។
គ្រាប់សណ្ដែក : ការរក្សាទុកដាក់របស់បងៗស្ត្រីមេផ្ទះភាគច្រើនគឺ ទុកគ្រាប់សណ្ដែកគ្រប់ប្រភេទនៅក្នុងសីតុណ្ហភាពក្នុងបន្ទប់ធម្មតា តែការពិតវិញ គ្រាប់សណ្ដែកប្រភេទខ្លះ ដូចជា អាល់ម៉ុន និងវ៉លណាត់ ជាដើម អាចស្ថិតក្នុងសភាពដើមបាន 1-2សប្ដាហ៍នៅក្នុងសីតុណ្ហភាពដែលកក់ក្ដៅ រួចហើយនឹងខូចអស់បន្ទាប់ពីនោះ។ ជម្រើសដែលល្អ គួរទុកដាក់គ្រាប់សណ្ដែកនៅក្នុងកន្លែងដែលឆ្ងាយពីពន្លឺថ្ងៃ សំណើម និងសីតុណ្ហភាពដែលខ្ពស់។ ពួកវាគួរត្រូវបានរក្សាទុកនៅក្នុងទូទឹកកក ដើម្បីថែរក្សាសភាពទុកឱ្យបានយូរដល់ទៅ 9ខែ។
បន្លែឃឹនឆាយបារាំង : គួររក្សាទុកនៅក្នុងទូទឹកកក តែមិនគួរខ្ចប់នៅក្នុងថង់ប្លាស្ទិកដែលនឹងធ្វើឱ្យវាឆាប់ស្អុយរលួយខូចនោះទេ។ បងៗអាចប្រើក្រដាសអាលុយមីញ៉ូមដើម្បីខ្ចប់បន្លែឃឹនឆាយនេះបាន។
វិធីរក្សាទុកផ្លែត្រឡាចដែលនៅសល់ពីស្ល : ត្រឡាច គឺជាបន្លែដែលខ្មែរយើងនិយមបរិភោគណាស់ ស្ងោរក៏បាន ឆាក៏បាន និងស្លម្ជូរក៏បាន តែ ពេលយើងទិញ 1ផ្លែមកធ្វើម្ហូប ហើយធ្វើមិនអស់ នៅសល់មួយកំណាត់ ដោយសារតែផ្លែត្រឡាចនោះធំពេក ហើយនៅពេលយើងចង់រក្សាទុកវាឱ្យបានយូរ ដើម្បីទុកធ្វើម្ហូបនៅពេលក្រោយទៀតនោះ ភាគច្រើនត្រឡាចមួយកំណាត់នោះពេលទុកយូរទៅ ច្រើនតែឡើងរលួយស្អុយខូចអស់ និងទុកមិនសូវបានយូរឡើយ។
បញ្ហានេះសូមបងៗស្ត្រីមេផ្ទះទាំងឡាយកុំបារម្ភអី គ្រាន់តែបងៗយកកំបោរពណ៌ក្រហមដែលយាយៗគាត់ពិសាជាមួយម្លូនោះ មកលាបនៅត្រង់កន្លែងស្នាមពុះនៅលើផ្លែត្រឡាចនោះ ហើយយកទៅរក្សាទុកនៅក្នុងទូទឹកកកក្នុងប្រអប់តាមធម្មតា ផ្លែត្រឡាចនោះនឹងនៅស្រស់ល្អបានជាច្រើនថ្ងៃ មិនរលួយស្អុយឡើយ៕
នៅពេលដែលរាងកាយរបស់អ្នកខ្វះជាតិទឹក វានឹងបណ្តាលឱ្យការដឹកនាំសារធាតុចិញ្ចឹមនានាទៅកាន់ខួរក្បាលគឺមិនពេញលេញ ឯបេះដូងក៏មិនអាចច្របាច់ឈាមគ្រប់គ្រាន់ទៅចិញ្ចឹមខួរក្បាលដែរ។ មូលហេតុនេះធ្វើឱ្យអ្នកមានជំងឺបាត់បង់ការចងចាំបន្តិចម្តងៗ ឬមានការគិតយឺត ខួរក្បាលស្ពឹក និងឧស្សាហ៍ឈឺក្បាលជាដើម។
ជាការពិតណាស់ ប្រសិនបើរាងកាយមិនអាចទទួលបានទឹកគ្រប់គ្រាន់ទេ ការរំលាយអាហារនៅក្នុងក្រពះ នឹងមានការលំបាកបន្ថែមទៀត ព្រោះពោះវៀនឡើងស្ងួត មិនអាចបណ្ដេញលាមកបានល្អ ហើយលាមកអាចនឹងស្ងួតពេក ពេលកាកសំណល់សល់ច្រើននៅក្នុងពោះវៀនធំ។ ពេលនោះវាត្រូវបានស្រូបត្រឡប់មកវិញពីពោះវៀនធំចូលទៅក្នុងរាងកាយដែលបង្កឱ្យកើតមានអាការទល់លាមក ហើយនៅទីបំផុតក៏កើតឡើងនូវជំងឺឫសដូងបាតនេះឡើង។
ដឹងទេថាឆ្អឹងខ្ចីនៃផ្នែកខាងក្នុងរាងកាយ គឺសំខាន់ខ្លាំងណាស់ ហើយវាងាយនឹងមានគ្រោះថ្នាក់ជាទីបំផុត។ ជាទូទៅវាត្រូវការជាតិទឹក80% ដូច្នេះប្រសិនបើនៅសន្លាក់ ឬឆ្អឹងខ្ចីត្រង់ផ្នែកណាមួយខ្វះជាតិទឹក ឬមិនមានសំណើមគ្រប់គ្រាន់វាងាយនឹងឈឺចាប់ ឬឆាប់រងរបួស ឬរលាក នៅពេលដែលអ្នកហាត់ប្រាណ លើករបស់មានទម្ងន់ធ្ងន់ៗ ឬធ្វើការងារផ្សេងៗជាដើម។
ប្រសិនបើអ្នកឈឺបន្ទោបង់ទឹកនោម តែបន្ទោបង់មិនចេញ ឬចេញមកដែរតែតិចពេក បញ្ជាក់ថា អ្នកអាចមាន អាការរលាកប្លោកនោមហើយ ដោយសារតែការទទួលទានទឹកមិនបានគ្រប់គ្រាន់។
មិនជឿក៏ត្រូវតែជឿដែរថា បើអ្នកទទួលទានទឹកតិចពេក វាក៏ជាមូលហេតុមួយ ដែលអាចធ្វើឱ្យអ្នកធាត់បានដែរ ជាពិសេសបើអ្នកទទួលទានទឹកមិនបានគ្រប់គ្រាន់នៅពេលព្រឹក។ ប៉ុន្តែបើអ្នកទទួលទានទឹក1កែវមុនពេលទទួលទានអាហារថ្ងៃត្រង់ ឬអាហារពេលល្ងាចវិញ នឹងជួយឱ្យអ្នកស្គមវិញ ព្រោះអ្នកនឹងមានអារម្មណ៍ថា ឆ្អែតតាំងពីដំបូងមុនពេលបរិភោគអាហារ។ ដូច្នេះគ្រាន់តែទទួលទានទឹកឱ្យបានច្រើននោះ អ្នកក៏អាចសម្រកទម្ងន់បានយ៉ាងល្អ។
ស្ថានភាពនៃការមករដូវរបស់ស្ត្រី គឺជាការចង្អុលបង្ហាញអំពីបញ្ហាសុខភាពមួយចំនួនដែរ។ ប្រសិនបើអ្នករកឃើញថា អ្នកមករដូវមិនទៀងទាត់ មានការឈឺចាប់ ឬកើតអាការខុសប្រក្រតីនានា សូមគិតថា នេះអាចជាមូលហេតុដែលអ្នកមិនបានយកចិត្ដទុកដាក់ក្នុងការទទួលទានទឹកឱ្យបានគ្រប់គ្រាន់ទៅតាមតម្រូវការ ដែលរាងកាយត្រូវការជាចាំបាច់។ កត្តានេះធ្វើឱ្យឈាមរត់មិនបានសព្វល្អ ទើបបានជាអ្នកមានអាការនេះកើតឡើង។
ស្បែក និងភ្នែកមានពណ៌លឿង នៅពេលដែលកើតអាការនេះពេញដងខ្លួន នោះស្បែកនៃរាងកាយរបស់អ្នកទាំងមូលនឹងប្ដូរពណ៌ប្រែជាពណ៌លឿង វាជាសញ្ញាមួយបង្ហាញថា មុខងារនៃថ្លើមរបស់អ្នកកំពុងតែចុះខ្សោយ។ ស្បែកពណ៌លឿងនេះ ត្រូវបានគេទទួលស្គាល់ថា ជាជំងឺខាន់លឿង អាចកើតមានឡើងនៅពេលដែលថ្លើមត្រូវបានបំផ្លាញ។ មូលហេតុទូទៅបំផុតនៃការខូចថ្លើម រួមមាន ជំងឺរលាកថ្លើម ការទទួលទានគ្រឿងស្រវឹង ការប្រើគ្រឿងញៀន ការប៉ះពាល់សារធាតុគីមី និងការឆ្លងមេរោគផ្សេងៗ។
អ្នកម្ដាយអាចជួយបាន : ដោយការបីឱបកូនឱ្យបានលឿនជាទីបំផុតបន្ទាប់ពីប្រសូតរួចហើយភ្លាម ដើម្បីឱ្យកូនបានប៉ះនឹងសាច់ដ៏កក់ក្តៅរបស់ទ្រូងម្តាយ និងការពារឱ្យកូនជាទីស្រ-ឡាញ់មានអារម្មណ៍កក់ក្តៅ។
អ្នកម្ដាយអាចជួយបាន : សូមអ្នកម្ដាយថ្មោងថ្មីកុំភ័យអី ព្រោះគ្រប់ទារកទាំងអស់ ត្រូវតែឆ្លងកាត់វិវឌ្ឍនាការត្រង់ដំណាក់កាលនេះដូចគ្នាទាំងអស់។ អ្នកម្តាយគួរតែធ្វើអារម្មណ៍ឱ្យស្ងប់ ទ្រាំ និងតាំងស្មារតី ធ្វើចិត្តឱ្យត្រជាក់។ បីកូននៅក្នុងរង្វង់ដៃ ព្រមទាំងបំពេរលួងលោមកូន។
អ្នកម្ដាយអាចជួយបាន : បើកឱកាសឱ្យកូនតូចបានសិក្សា រៀនយល់ដឹងពីអ្វីៗផ្សេងៗ បើសិនជាមើលទៅហើយគ្មានឃើញអ្វីដែលបង្កឱ្យមានគ្រោះថ្នាក់ទេនោះ ក៏គួរបណ្តោយកូនឱ្យធ្វើ(ឬលេង)ចុះ គ្រាន់តែរៀបចំស្ថានភាពជុំវិញខ្លួននៅក្នុងផ្ទះឱ្យមានសុវត្ថិភាពទៅបានហើយ។
អ្នកម្ដាយអាចជួយបាន : ចូរកុំសម្លុត ឬស្ដីបន្ទោសកូនពេលកូនប្រឡូកលេងនឹងអាហារ តែអ្នកម្ដាយគួរពាក់ក្រណាត់អៀមការពារប្រឡាក់ឱ្យកូន និងក្រាលតុដោយកម្រាលប្លាស្ទិក ដើម្បីងាយស្រួលជូតសម្អាតវិញ ប្រសើរជាងការសម្លុតកូន។
អ្នកម្ដាយអាចជួយបាន : កុំបង្ខំកូនរឿងញ៉ាំអាហារ។ វិធីដែលល្អគឺ ត្រៀមចំណីអាហារទុកឱ្យកូនជ្រើសរើសញ៉ាំឱ្យបានច្រើនយ៉ាង ដើម្បីកូននឹងបានជ្រើសរើសញ៉ាំបានតាមចំណង់ចំណូលចិត្ត រួចហើយកូននឹងញ៉ាំបានច្រើន និងមិនរករឿងច្រើនទៀតផង៕
