Author: ធឿន មករា

អភិបាលរាជធានីភ្នំពេញ បញ្ជាក់ថាភ្នំពេញអភិវឌ្ឍលឿនជាគម្រោង10ឆ្នាំ
រាជធានីភ្នំពេញ ជាបេះដូងនៃព្រះរាជាណាចក្រកម្ពុជា ដោយតំបន់ប្រកបដោយសក្តានុពលនេះ ជាតំបន់សេដ្ឋកិច្ច វប្បធម៌ ទេសចរណ៍ និងជាមជ្ឈមណ្ឌលពាណិជ្ជកម្មដ៏សំខាន់សម្រាប់ប្រទេសដែលទាមទារឱ្យមានការអភិវឌ្ឍជាប់ជានិច្ច។
ឯកឧត្តម ឃួង ស្រេង អភិបាលគណៈអភិបាលរាជធានីភ្នំពេញ បានលើកឡើងក្នុងឱកាសចុះពិនិត្យការដ្ឋានសាងសង ស្ពានអាកាសថ្មើរជើង ចំណុចខាងលិចផ្សារដើមគរ ថាមានមនុស្សជាច្រើនយល់ថាកម្ពុជាអភិវឌ្ឍយឺត ឬជាតំបន់ដែលមិនសូវមានការអភិវឌ្ឍជាដើម។ ការយល់ឃើញនេះជាការយល់ឃើញរបស់គេ តែអ្វីដែលយើងកំពុងធ្វើជាក់ស្តែង យើងយល់ឃើញថា កម្ពុជា ជាពិសេសរាជធានីភ្នំពេញ ជាតំបន់ដែលមានការអភិវឌ្ឍលឿនយ៉ាងខ្លាំង។
ឯកឧត្តម ឃួង ស្រេង បានមានប្រសាសន៍ថា៖ «ជាក់ស្តែងដូចយើងបានឃើញហើយថា ស្ពានព្រែកភ្នៅ ដែលរាជរដ្ឋាភិបាលបានទិញពីឯកជនយកមកគ្រប់គ្រងឆ្ពោះទៅមហាវិថីឈ្នះៗនៅពេលនេះ គឺបានធ្វើលឿនជាងការគ្រោងទុក»។
ឯកឧត្តមបញ្ជាក់ថា តាមគ្រម្រោងដែលទីភ្នាក់ងារសហប្រតិបត្តិការអន្តរជាតិជប៉ុន (JICA) កំណត់គឺស្ពានព្រែកភ្នៅនេះ ត្រូវសាងសង់ឡើងនៅឆ្នាំ 2020នេះ តែអ្វីដែលយើងបានធ្វើគឺ យើងធ្វើរួចតាំងពីឆ្នាំ2010មកម្លេះ ហេតុនេះជាស្ថានភាពជាក់ស្តែងទីក្រុងភ្នំពេញអភិវឌ្ឍលឿនជាងគម្រោងដល់ទៅ 10ឆ្នាំ៕

June 16, 2020
មហាប្រូម៉ូសិនទិញមួយ បានពីរ…!!!ទិញកំពូលស្មាតហ្វូន Samsung Galaxy S20+ ឬ S20 Ultra ថែម ថេប្ល៊ែត 1 គ្រឿងភ្លាម…!!
សាមសុង លើកនេះផ្តល់ជូនកម្មវិធីប្រូម៉ូសិនម៉ាកប់ម៉ង!!
(ភ្នំពេញ) ថ្ងៃទី ១៦ ខែមិថុនា ឆ្នាំ២០២០៖ ឡូយអស់ស្ទះ! មិនបាច់ចាំយូរ… ទៀតទេ!! ឥឡូវនេះលោកអ្នកនឹងអាចបានប្រើស្តេចកំពូលស្មាតហ្វូនក្នុងសុបិន និងទទួលបានថេប្ល៊ែត 1 គ្រឿងភ្លាមៗតែម្តង!! និយាយទៅចំណេញកប់ៗម៉ងលើកនេះទិញមួយបានដល់ទៅពីរ …!
ចាប់ពីថ្ងៃទី15 មិថុនា ដល់ថ្ងៃទី 31 ខែកក្កដា ឆ្នាំ 2020 នេះ រាល់ការជាវកំពូលស្មាតហ្វូន Samsung Galaxy S20+ ឬ S20 Ultra អតិថិជនទាំងអស់នឹងទទួលបានការថែមជូនដ៏ពិសេស និងរំភើបភ្ញាក់ផ្អើលជាទីបំផុតមិនធ្លាប់មានដូចជា៖
* ថែមជូន Galaxy Tab A 8” ដែលមានតម្លៃ $ 169 (1 គ្រឿង) ដោយឥតគិតថ្លៃភ្លាម!!
* បញ្ចុះតម្លៃ 50% ពេលប្តូរអេក្រង់ថ្មី (រយៈពេល 6 ខែគិតចាប់ពីថ្ងៃជាវ)
* បង់រំលស់ដោយឥតការប្រាក់ (0%) រយៈពេល 9 ខែ ជាមួយមីក្រូហិរញ្ញវត្ថុ អ៊ីអន!
រួសរាន់ឡើង…! កម្មវិធីកំពូលប្រូម៉ូសិននេះកម្រមានណាស់…!! នៅចាំអីទៀត…សម្រេចក្តីស្រមៃរបស់លោកអ្នកក្នុងការធ្វើជាម្ចាស់កំពូលស្មាតហ្វូនក្នុងដួងចិត្តឥឡូវនេះភ្លាមទៅ!! កុំឱ្យខកខានណា៎…ព្រោះរយៈពេលកម្មវិធីប្រូម៉ូសិនដ៏អស្ចារ្យនេះមានកំណត់!!
សម្រាប់ព័ត៌មានបន្ថែមសូមអញ្ជើញទៅសាកសួរដោយផ្ទាល់នៅតាមដេប៉ូចែកចាយរបស់ សាមសុង ទាំងអស់ដែលនៅជិតលោកអ្នកបំផុត ឬទំនាក់ទំនងទៅកាន់សេវាបម្រើអតិថិជនតាមរយៈលេខទូរស័ព្ទ៖ 1800-203232 !
*លក្ខខណ្ឌទាំងឡាយត្រូវបានអនុវត្ត!
https://www.facebook.com/SamsungCambodia/videos/1608726449303945/
June 16, 2020
ចង់ “ធ្មេញស” ត្រូវដឹងគន្លឹះល្អៗដែលជួយអ្នកបាន
អ្នកណាៗក៏ចង់មានធ្មេញសស្អាតដែរ ព្រោះញញឹមឃើញធ្មេញសវាជួយបង្កើនបុគ្គលភាព និងភាពជឿជាក់ក្នុងចិត្ត តែនៅពេលបច្ចុប្បន្ននេះមានច្រើនបច្ច័យណាស់ដែលធ្វើឱ្យធ្មេញសៗក្លាយជាពណ៌លឿងបានយ៉ាងងាយ ទើបមនុស្សជាច្រើនព្យាយាមរិះរកវិធីក្នុងការជួយធ្វើឱ្យធ្មេញសឡើងវិញ។ តើមានវិធីណាខ្លះដែលមានសុវត្ថិភាព និងតើយើងអាចការពារ និងមើលថែទាំធ្មេញឱ្យសយ៉ាងណាបាន?។
ជាប្រក្រតីទៅធ្មេញទឹកដោះដែលដុះឡើងចំពោះក្មេងតូច នឹងមានពណ៌រាងស ធ្មេញពិតប្រាកដនឹងមានពណ៌រាងលឿងស្រាល ឬលឿងខ្ចី សម្រាប់មូលហេតុដែលធ្វើឱ្យពណ៌ធ្មេញមានការប្រែប្រួល អាចចែកចេញជា 2 ចំណុចគឺ ៈ
1 – ពណ៌របស់ធ្មេញធម្មជាតិ
គ្រោងសាងរបស់ធ្មេញប្រកបដោយ ស្រទាប់ស្រោបធ្មេញដែលនៅផ្នែកខាងក្រៅ ជាស្រទាប់ដែលថ្លា គ្មានពណ៌ ចំណែកពណ៌ដែលយើងមើលឃើញ គឺពណ៌របស់ស្រទាប់សាច់ធ្មេញ ដែលនៅលើមនុស្សម្នាក់ៗ ឬធ្មេញនីមួយៗមានកម្រាស់របស់ស្រទាប់ស្រោបធ្មេញមិនស្មើគ្នាទេ ធ្វើឱ្យពណ៌ធ្មេញរបស់មនុស្សម្នាក់ៗមិនដូចគ្នាឡើយ។ ពេលអាយុច្រើនឡើង ធ្មេញដែលត្រូវប្រើការមកយូរហើយនោះ នឹងកើតការសឹករេចរឹល ធ្វើឱ្យស្រទាប់ស្រោបធ្មេញស្តើង មើលឃើញស្រទាប់សាច់ធ្មេញដែលមានពណ៌លឿងកាន់តែច្បាស់ឡើង តែក៏មានករណីដែលធ្មេញពិតប្រាកដដែលដុះឡើងមកហើយមានពណ៌ខុសប្រក្រតីផងដែរ ដូចជា អ្នកដែលបានទទួលថ្នាំប្រភេទ Tetracycline ច្រើន ដូចជាស្រ្តីមានគភ៌ ឬកំពុងបំបៅដោះកូន ឬក្មេងដែលបានទទួលសារធាតុហ្លូ៊អ័ររ៉ាយច្រើនជ្រុលពេកជាដើម។
2 – កំណកពណ៌ដែលមកជាប់នឹងធ្មេញ
បណ្តាលមកពីការមើលថែទាំសុខភាព និងអនាម័យក្នុងមាត់មិនល្អគ្រប់គ្រាន់ ធ្វើឱ្យកើតមានកំណកពណ៌ កំណកកំបោឡើងបាន។ ការបានទទួលថ្នាំប្រភេទខ្លះក៏ធ្វើឱ្យកើតកំណកពណ៌ជាប់នៅលើធ្មេញបានដែរ ដូចជា ថ្នាំខ្ពុរមាត់ប្រភេទ Cholrhexidine ជាដើម។
បើចង់ធ្វើឱ្យធ្មេញសឡើងនោះ យើងអាចធ្វើបាន តែត្រូវវាយតម្លៃជាមុនសិនថា តែពណ៌ធ្មេញដែលស្រអាប់នោះកើតឡើងដោយសារមូលហេតុអី? បើបណ្តាលមកពីកំណកព៌ណ និងកំណកកំបោនោះ គ្រាន់តែកោសកំណកកំបោនិងខាត់ធ្មេញចេញ ក៏អាចធ្វើឱ្យធ្មេញសឡើងបានទៅហើយ តែការព្យាបាលនេះទទួលបានលទ្ធផលខ្លាំងបំផុតត្រឹមតែស្មើនឹងពណ៌ធ្មេញពីធម្មជាតិរបស់សាម៉ីខ្លួនប៉ុណ្ណោះ បើត្រូវការភាពសដែលខ្លាំងជាងពណ៌ធ្មេញពីធម្មជាតិរបស់ខ្លួននោះ ក៏នឹងនាំឆ្ពោះទៅរកការលាងសម្អាតធ្មេញ តែសម្រាប់អ្នកដែលចង់មានធ្មេញសស្អាត ដោយមិនចាំបាច់លាងសម្អាតធ្មេញនោះ អាចធ្វើបានដោយវិធីងាយៗគឺ
1 – ដុសធ្មេញឱ្យស្អាតយ៉ាងតិចមួយថ្ងៃ 2 ដង គឺ ភ្ញាក់ពីគេង និងមុនចូលគេង បើដុសធ្មេញក្រោយពេលបាយគ្រប់ពេលបានផងនោះ គឺជាការប្រសើរណាស់ តែគួរក្រោយពេលបាយយ៉ាងតិច 30 នាទី បើសិនទទួលទានអាហារពពួកម្សៅ ស្ករ និងអាហារដែលមានភាពជាអាស៊ីតខ្ពស់។
2 – ប្រើខ្សែអំបោះខាត់ធ្មេញរៀងរាល់ថ្ងៃ យ៉ាងហោចណាស់មួយថ្ងៃម្តង មុនពេលគេង ឬក្រោយពេលបាយគ្រប់ពេលជាការល្អ។
3 – ចៀសវាងអាហារ បន្លែផ្លែឈើ ភេសជ្ជៈណាដែលមានពណ៌ចាស់ខ្លាំង ព្រោះនឹងងាយកើតកំណកពណ៌តោងជាប់នៅលើស្រទាប់ស្រោបធ្មេញ តែបើត្រូវការទទួលទានវិញនោះ ចូរខ្ពុរមាត់ក្រោយពេលទទួលទានហើយ ញ៉ាំទឹកឱ្យច្រើន និងដុសធ្មេញ ប្រើខ្សែអំបោះខាត់ធ្មេញបន្ទាប់ពីទទួលទានហើយ 30 នាទី។
4 – ទៅជួបពេទ្យធ្មេញរៀងរាល់ 6 ខែម្តង ដើម្បីពិនិត្យមើលធ្មេញ កោសកំណកកំបោ និងខាត់ធ្មេញ៕
June 16, 2020
ក្រសួងអប់រំ យុវជន និងកីឡា សហការជាមួយ UNICEF ផ្សព្វផ្សាយរឿងនិទានសម្រាប់កុមារ
ក្រសួងអប់រំ យុវជន និងកីឡា សហការជាមួយនឹង UNICEF បានចេញផ្សាយនូវរឿងនិទានថ្មីមួយដែលមានឈ្មោះថា «តីតី និទានរឿង» ដើម្បីលើកកម្ពស់អក្ខរកម្ម និងលើកទឹកចិត្តកុមារឱ្យអាន។
កម្មវិធីនិទានរឿងថ្មីនេះ នឹងផ្តល់នូវក្តីសង្ឃឹម និងក្តីរីករាយដល់កុមារ និងក្រុមគ្រួសារក្នុងដំណាក់កាលនៃការរីករាលដាលនៃជំងឺ Covid-19 ដែលកុមារត្រូវសិក្សាតាមផ្ទះ។
កម្មវិធីនេះជាខ្សែវីដេអូថតទុកជាមុនមានចំនួន 12វគ្គ ត្រូវបានផលិតឡើងដើម្បីអប់រំ និងផ្តល់ការកំសាន្តដល់កុមារ និងគ្រួសារ។ នៅវគ្គនីមួយៗក៏មានបញ្ចូលនូវកម្មវិធីសំណួរ-ចម្លើយជាមួយអ្នករៀបចំកម្មវិធីរបស់ unicef ដែលទស្សនិកជនអាចសួរសំណួរទាក់ទង នឹងការការពារខ្លួន និងវិធានការបង្ការពីជំងឺ Covid-19។ កម្មវិធីនេះនឹងមានផ្សព្វផ្សាយនៅទូរទស្សន៍ ទទក2 ទំព័រ Facebook របស់ក្រសួងអប់រំ យុវជន និងកីឡា គណៈកម្មាធិការជាតិគាំពារ និងអភិវឌ្ឍន៍កុមារតូច និងយូនីសេហ្វ។
រឿងនិទានត្រូវបានអានដោយតួអង្គកំប្លុកកំប្លែងពីររូប និងដកស្រង់ចេញពីសៀវភៅដែលបោះពុម្ពដោយអង្គការស៊ីប៉ា ដែលជាអង្គការជាដៃគូយ៉ាងជិតស្និទ្ធជាមួយក្រសួងអប់រំ យុវជន និងកីឡា និងUNICEF ដែលបាននិងកំពុងផលិតនូវសៀវភៅអប់រំល្អៗសម្រាប់កុមារកម្ពុជា ដើម្បីលើកកម្ពស់សមត្ថភាពអំណាន និងចំណេះដឹងរបស់ពួកគេ៕
June 15, 2020
សប្បាយទិញជាមួយ Mid-Year Sale បញ្ចុះតម្លៃរហូតដល់ 30 % ពី LG BRANDSHOP
កម្មវិធីលក់បញ្ចុះតម្លៃពាក់កណ្ដាលឆ្នាំពីហាងទំនើប LG Brandshop យ៉ាងច្រើនសន្ធឹកសន្ធាប់រហូតដល់ 30 % ។
LG BRANDSHOP ជាហាងទំនើបលក់គ្រឿងអេឡិចត្រូនិច ម៉ាក LG មានដូចជា ទូរទស្សន៍ ម៉ាស៊ីនត្រជាក់ ទូរទឹកកក ម៉ាស៊ីនបោកសំលៀកបំពាក់ ឧបករណ៍បំពងសម្លេង និង ឧបករណ៏ប្រើប្រាស់ជាច្រើនផ្សេងទៀត ដែលសុទ្ធសឹងតែជាផលិតផលទំនើបៗ និងស៊េរីថ្មីៗ ចុងក្រោយគេបង្អស់របស់ LG ។
កម្មវិធីលក់បញ្ចុះតម្លៃពិសេសនេះគឺចាប់ពីថ្ងៃទី 15 រហូតដល់ថ្ងៃទី 30 ខែ មិថុនា ឆ្នាំ 2020 នេះ។ ប្រញ៉ាប់ឡើងការបញ្ចុះតម្លៃមានកំណត់ អតិថជនទាំងអស់អាចអញ្ជើញមកទស្សនាការដាក់តាំងបង្ហាញនៅគ្រប់ផលិតផល LG ទាំងអស់នៅ ហាងទំនើប LG BRANDSHOP ដែលមានទីតាំងដូចខាងក្រោម ៖
1. LG Premium Brandshop
-អគារលេខ 135 មហាវិថីព្រះមុនីវង្ស ខណ្ឌ7មករា
-លេខទូរស័ព្ទ 023 888 299
1. LG Brandshop សាខាកាំកូ
-ផ្ទះលេខ 6-7 ផ្លូវឧកញ្ញាម៉ុងឬទ្ធី
-លេខទូរស័ព្ទ 092 837 333
1. LG Brandshop សាខា ផ្សារដើមគ
-ផ្ទះ189 AB ផ្លូវ217 សង្កាត់ផ្សារដើមគរ ខណ្ឌទួលគោក រាជធានីភ្នំពេញ
-លេខទូរស័ព្ទ 016 888 301
1. LG Brandshop សាខាស្ទឹងមានជ័យ
-ផ្ទះលេខ 11A 12A ផ្លូវមុន្នីរ៉េត ភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ
-លេខទូរស័ព្ទ 016 999 481
1. LG Brandshop សាខាក្រុងតាខ្មៅ
– ផ្ទះលេខ 5-6A ផ្លូវលេខ21B ភូមិថ្មី សង្កាត់តាខ្មៅ ក្រុងតាខ្មៅ ខេត្តកណ្តាល
-លេខទូរស័ព្ទ 016 222 625
1. LG Brandshop សាខាទូលគោគ
- ផ្ទះលេខ 41 ផ្លូវ 315 សង្កាត់បឹងកក់2 ខណ្ឌទួលគោគ ភ្នំពេញ
- លេខទូរស័ព្ទ 016 999 654,
1. LG Brandshop សាខា ខេត្តសៀមរាប
-អគារលេខ 503 ផ្លូវស៊ីវុត្ថា ភូមិតាភុល សង្កាត់ស្វាយដង្គំ ក្រុងសៀមរាប ខេត្តសៀមរាប
-លេខទូរស័ព្ទ 063 966 199/016 999 624
1. LG Brandshop សាខា ខេត្តបាត់ដំបង
-ផ្លូវលេខ1កែងផ្លូវ121 ភូមិកំពង់ក្របី សង្កាត់ស្វាយប៉ោ ក្រុងបាត់ដំបង
-លេខទូរស័ព្ទ 053 952 199
1. LG Brandshop សាខា ខេត្តកំពង់ចាម
-អគារ LG ផ្លូវលេខ7 សង្កាត់វាលវង់ ក្រុងកំពង់ចាម
-លេខទូរស័ព្ទ 042 210 299 /016 444 859
1. LG Brandshop សាខា ក្រុងកំពង់សោម
-ផ្ទះលេខ ភូមិ២ សង្កាត់លេខ៤ ខណ្ឌមិត្តភាព ក្រុងព្រះសីហនុ ខេត្តព្រះសីហន
-លេខទូរស័ព្ទ 034 934 199/ 015 666 247
1. LG Brandshop សាខា កំពត
– ផ្លូវជាតិលេខ3 ភូមិកំពង់បាយខាងជើង សង្កាត់កំបង់បាយ ក្រុងកំពត ខេត្តកំពត
– លេខទូរស័ព្ទ 016 555 297
ចំពោះអតិថិជនដែលមានចំណាប់អារម្មណ៍លោកអ្នកអាចធ្វើការកុម្ម៉ង់ទិញ ដើម្បីទទួលបានទាំងការបញ្ចុះតម្លៃយ៉ាងសន្ធឹកសន្ធាប់ រួមជាមួយនឹងការដឹកជញ្ជូនដោយឥតគិតថ្លៃក្នុងបណ្ដាក្រុងទាំងអស់ដែលមានសាខារបស់ហាង LG Brandshop ឬទំនាក់ទំនងទៅកាន់ លេខទូរសព្ទ 016 888 029 / 012 444 051 ។
June 15, 2020
រឿងដែលអ្នកម្តាយត្រូវដឹង! ពេលកូនប្រសូតមុនកំណត់
ប្រសូតមុនកំណត់របស់ស្រ្តីមានគភ៌អាចកើតឡើងបានតាមច្រើនមូលហេតុ តើត្រូវទប់ទល់យ៉ាងណាដើម្បីឱ្យកូនតូចមានសុខភាពរាងកាយរឹងមាំ ថ្ងៃនេះ? ឡារ៉ែនមានចំណេះដឹងក្នុងការត្រៀមខ្លួន និងមើលថែទាំនៅពេលកូនប្រសូតចេញមកមុនកំណត់ និងតើមានរឿងណាដែលត្រូវប្រយ័ត្នប្រយែងជាពិសេសដែរឬទេនោះ យើងនាំគ្នាតាមដានជាបន្តទាំងអស់គ្នា។
ទារកតូចដែលបើកភ្នែកមើលពិភពលោកមុនអាយុគភ៌គ្រប់ 37 សប្តាហ៍ អាចហៅបានថាជាទារកដែលប្រសូតមុនកំណត់ និងចាំបាច់ត្រូវទទួលបានការមើលថែទាំជាពិសេសយ៉ាងដិតដល់ ដោយសារតែសួត និងអវយវៈផ្សេងៗក្នុងរាងកាយនៅមិនទាន់វិវឌ្ឍបានល្អឥតខ្ចោះនៅឡើយ ធ្វើឱ្យត្រូវស្ថិតក្នុងការមើលថែទាំរបស់គ្រូពេទ្យ រហូតទាល់តែគ្រូពេទ្យប្រាកដក្នុងចិត្តថា ទារកត្រៀមខ្លួនរួចរាល់ហើយក្នុងការចេញឆ្ពោះទៅរកពិភពខាងក្រៅយ៉ាងមានសុវត្ថិភាពហើយ។
ចំណុចគួរប្រយ័ត្ន!!
ទារកប្រសូតមុនកំណត់ ពេលត្រឡប់មកដល់ផ្ទះហើយនោះ បើមានអាការក្តៅខ្លួន គ្រុន ខ្លួនឡើងលឿង ភ្នែកឡើងលឿង បៅទឹកដោះបានតិច ឬមិនបៅសោះនោះ គួរនាំកូនទៅជួបគ្រូពេទ្យជាបន្ទាន់ កុំបង្អង់យូរ!។
NICU ពេលទារកតូចត្រូវនៅក្នុងទូចិញ្ចឹម
NICU (Neonatal Intensive Care Unit) ឬបន្ទប់មើលថែទាំទារកទើបនឹងកើត ជាកន្លែងដែលឪពុកម្តាយរបស់ទារកកើតមុនកំណត់ត្រូវតែស្គាល់ ព្រោះក្នុងអំឡុងពេលដំបូងៗរបស់ជីវិតកូនសម្លាញ់នឹងត្រូវស្ថិតនៅក្នុងបន្ទប់នេះ អាចច្រើនសប្តាហ៍ ឬច្រើនខែអាស្រ័យលើអាយុគភ៌របស់ទារកខណៈពេលប្រសូត និងសភាវជ្រៀតជ្រែកផ្សេងៗ។ ជាទូទៅទារកនឹងស្ថិតនៅក្នុងទូចិញ្ចឹមដែលផ្តល់នូវភាពកក់ក្តៅ និងការពារមេរោគ និងថែមទាំងមានឧបករណ៍ពេទ្យរយីងរយោងមើលទៅឃើញគួរឱ្យភ័យខ្លាចទៀតផង តែកុំបារម្ភអី ព្រោះឧបករណ៍ទាំងនេះមានតួនាទីជួយមើលថែទាំឱ្យកូនតូចមានសុវត្ថិភាព ព្រោះទារកដែលប្រសូតមុនកំណត់ច្រើនតែមានទម្ងន់ខ្លួនតិច ទើបពេទ្យចាំបាច់ត្រូវតែមើលថែទាំយ៉ាងដិតដល់ រហូតទាល់តែកូនតូចមានទម្ងន់ខ្លួនជាង 2 គីឡូក្រាមឡើងទៅ ឬអវយវៈផ្សេងៗក្នុងរាងកាយរបស់កូនអភិវឌ្ឍរហូតអាចរស់នៅដោយខ្លួនឯងបានដោយមិនចាំបាច់ប្រើទូចិញ្ចឹម គ្មានសភាវរោគជ្រៀតជ្រែក ទើបគ្រូពេទ្យអនុញ្ញាតិឱ្យកូនតូចត្រឡប់ទៅផ្ទះបាន។
តើត្រូវមើលថែទាំយ៉ាងណា ពេលនាំកូនត្រឡប់មកផ្ទះហើយ?
ការបាននាំកូនសម្លាញ់ត្រឡប់មកផ្ទះ គឺជាពេលវេលាដែលឪពុកម្តាយទន្ទឹងរង់ចាំ ទោះជាគ្រូពេទ្យប្រាប់ថា កូនសម្លាញ់រឹងប៉ឹងអាចត្រឡប់ទៅផ្ទះបានហើយក៏ដោយ តែការមើលថែទាំទារកប្រសូតមុនកំណត់ក៏នៅតែចាំបាច់ត្រូវប្រយ័ត្នប្រយែងជាពិសេសខ្លាំងជាងទារកដែលប្រសូតតាមកំណត់ដដែល ព្រោះកូនតូចមានឱកាសក្នុងការឆ្លងមេរោគផ្សេងៗបានយ៉ាងងាយ ដោយសារតែប្រព័ន្ធប្រឆាំងជំងឺនៅមិនទាន់រឹងមាំល្អ។
– កំណត់បរិមាណអ្នកមកសួរសុខទុក្ខ ៈ អ្នកណាៗក៏ចង់ឃើញសមាជិកតូចថ្មីរបស់ក្រុមគ្រួសារដែរ តែបើសិនជាអាចទៅរួចក្នុងអំឡុង 3 ខែដំបូង អ្នកម្តាយគួរតែកំណត់បរិមាណអ្នកដែលនឹងមកសួរសុខទុក្ខចំពោះតែសាច់ញាតិ និងមិត្តភ័ក្តិជិតដិតមែនទែនបានហើយ សម្រាប់អ្នកមានជំងឺ ឬមានរោគប្រចាំកាយ គួរតែសុំឱ្យតមការមកសួរសុខទុក្ខសិន ដើម្បីឱ្យអ្នកម្តាយ និងកូនបានសម្រាកយ៉ាងគ្រប់គ្រាន់ រួមទាំងការពារភាពប្រថុយប្រថានក្នុងការឆ្លងរោគផ្សេងៗទៀតផង។ អ្នកអាចជូនដំណឹងទៅមិត្តភ័ក្តិឱ្យបានដឹងថា កូនប្រសូតមុនកំណត់ និងនៅមិនទាន់រឹងប៉ឹងល្អទេ សុំពេលវេលាបន្តិចទៀត មិនយូរទេគ្រប់គ្នានឹងបានឃើញមុខក្មួយសម្លាញ់យ៉ាងពិតប្រាកដ។
– ចៀសវាងការនាំកូនទៅទីសាធារណ ៈ បើមិនចាំបាច់មែនទែនទេនោះ មិនគួរនាំកូនតូចចេញទៅខាងក្រៅផ្ទះឡើយ បើត្រូវទៅជួបលោកគ្រូពេទ្យ គួរតែណាត់នៅពេលព្រឹក និងមុនៗគេ ដើម្បីឱ្យបានមិនចាំបាច់រងចាំនៅក្នុងមន្ទីពេទ្យយូរជ្រុលពេក។
– ការប៉ះពាល់ស្បែកនឹងស្បែក ៈ មានការស្រាវជ្រាវមួយដែលរកឃើញថា ការបីកូនតូចបែបសត្វកង់ហ្គារូ ( Kangaroo Care ) ដោយបីទារកដែលស្លៀកតែក្រណាត់កន្ទបមួយ ដាក់ផ្អឹបនៅលើដើមទ្រូងរបស់ឪពុក ឬម្តាយ ឱ្យស្បែករបស់កូនបានប៉ះជាមួយស្បែករបស់ឪពុកម្តាយនោះ នឹងជួយជំរុញវិវឌ្ឍនាការ និងសុខភាពជារួមរបស់ទារក និងអាចសាងសម្ព័ន្ធភាពរវាងឪពុកម្តាយកូនបាន។
– សភាពបរិស្ថាន និងភាពស្អាតមានអនាម័យ ៈ ខ្យល់អាកាសក្នុងផ្ទះគួរតែមានចេញមានចូល មិនហប់អាប់ គួរបោសសម្អាតផ្ទះឱ្យបានស្អាតជាស្រេចមុននឹងនាំកូនត្រឡប់មកផ្ទះ។ បើមានសត្វចិញ្ចឹមក្នុងផ្ទះ ក្នុងអំឡុងពេលដំបូងនេះគួរតែបំបែកឱ្យនៅឆ្ងាយដោយឡែកពីទារក សម្រួលសីតុណ្ហភាពក្នុងផ្ទះកុំឱ្យក្តៅ ឬត្រជាក់ជ្រុលពេក មិនគួរបើកកង្ហារដាក់ចំខ្លួនកូន ឬបើបើកម៉ាស៊ីនត្រជាក់ ក៏គួរកំណត់សីតុណ្ហភាពឱ្យទាបជាងខាងក្រៅបន្ទប់ប្រមាណ 4 – 5 អង្សាបានហើយ តែមិនគួរឱ្យទាបជាង 25 អង្សានោះទេ និងមិនគួរឱ្យកូននៅតែក្នុងបន្ទប់ម៉ាស៊ីនត្រជាក់រហូតនោះទេ នៅពេលព្រឹកអាចបើកបង្អួចឱ្យខ្យល់អាកាសចេញចូលខ្លះផង។
– ព្យាយាមឱ្យកូនបៅទឹកដោះម្តាយ ៈ ទឹកដោះម្តាយមានគុណសម្បត្តិជួយឱ្យទារកកើតមុនកំណត់កាន់តែឆាប់រឹងប៉ឹងឡើង បើកូននៅមិនទាន់ចេះបៅ ចូរអ្នកម្តាយច្របាច់ទឹកដោះចេញមក ហើយយកទឹកដោះនោះមកបន្តក់លើមាត់របស់កូនខណៈដែលកូនកំពុងបៀមក្បាលដោះម្តាយ ទឹកដោះនោះនឹងជ្រាបចូលទៅក្នុងមាត់ កូននឹងបានហាត់រៀនបៅបឺតជញ្ជក់ទឹកដោះម្តាយ និងបន្ទាប់ពីនោះប្រមាណជា 2 អាទិត្យ កូននឹងចេះបៅដោះម្តាយកាន់តែពូកែឡើងមិនខាន៕
June 15, 2020
កម្ពុជា ត្រៀមបង្កើតក្រុមបាល់ទាត់ថ្មីមួយ ដើម្បីត្រៀមសម្រាប់ស៊ីហ្គេម2023
សហព័ន្ធកីឡាបាល់ទាត់កម្ពុជា បានធ្វើមហាសន្និបាតប្រចាំឆ្នាំ2020 របស់ខ្លួន កាលពីព្រឹកថ្ងៃច័ន្ទទី8 ខែមិថុនា ឆ្នាំ2020 កន្លងទៅនេះ ដើម្បីបូកសរុបការងារក្នុងឆ្នាំ2020 និងផ្សព្វផ្សាយគម្រោងការងាររបស់សហព័ន្ធក្នុងឆ្នាំ2021 ខាងមុខ ដោយមានវត្តមានរបស់ឯកឧត្តម សៅ សុខា ប្រធានសហព័ន្ធកីឡាបាល់ទាត់កម្ពុជា ក្រុមការងាររបស់សហព័ន្ធ តំណាងបណ្តាក្លិបបាល់ទាត់អាជីពទាំងអស់ និងអ្នកសារព័ត៌មានមកពីគ្រប់ស្ថាប័ន។
នៅក្នុងអង្គសន្និបាត ឯកឧត្ដមប្រធានសហព័ន្ធកីឡាបាល់ទាត់កម្ពុជា បានបញ្ជាក់ថា បញ្ហាគុណភាពកីឡាករ គឺជាបញ្ហាចម្បង ដែលឯកឧត្ដមបានចាត់ទុកថា ជាឧបសគ្គក្នុងការធ្វើជាម្ចាស់ផ្ទះស៊ីហ្គេមឆ្នាំ2023។ ដោយសារមូលហេតុនេះ ឯកឧត្ដមបានបង្ហើបឱ្យអង្គសន្និបាតបានដឹង អំពីគម្រោងថ្មីមួយ គឺការបង្កើតក្រុមបាល់ទាត់ថ្មីមួយ ដែលជារបស់សហព័ន្ធតែម្តង ហើយប្រមូលយកកីឡាករវ័យក្មេងដែលមានសមត្ថភាពខ្លាំង ពីបណ្តាក្លិបទាំងអស់ មកប្រមូលផ្តុំហ្វឹកហាត់ និងស្នាក់នៅរួមគ្នា ហើយបញ្ចូលក្រុមមួយនេះឱ្យលេងប្រជែងនៅក្នុងក្របខ័ណ្ឌលីកកំពូលកម្ពុជា ចាប់ពីរដូវកាលក្រោយតទៅ។
គួររំឭកដែរថា កម្ពុជាគ្រោងធ្វើជាម្ចាស់ផ្ទះស៊ីហ្គេមឆ្នាំ2023 ហើយបានដាក់គោលដៅ ត្រូវតែដណ្តើមមេដាយក្នុងវិញ្ញាសាបាល់ទាត់បុរសឱ្យបាន ក្នុងនាមជាក្រុមម្ចាស់ផ្ទះ៕

June 14, 2020
McGregor ចូលនិវត្តន៍ពីសង្វៀន UFC ហើយ
Conor McGregor អ្នកប្រដាល់ដ៏ល្បីល្បាញ ប្រចាំសង្វៀនរបស់ស្ថាប័ន UFC បានប្រកាសចូលនិវត្តន៍ សាជាថ្មីទៀតហើយ ខណៈដែលការប្រកាសនេះ ត្រូវបានធ្វើឡើងតាមបណ្តាញ twitter របស់ខ្លួនគេ ព្រោះរូបគេចាប់ផ្ដើមធុញទ្រាន់នឹងការប្រកួត និងការប្រជែងគ្នានៅលើសង្វៀន UFC ដែលបច្ចុប្បន្នលែងធ្វើឱ្យគេភ្ញាក់ផ្អើលទៀតហើយ។
គួរបញ្ជាក់ថា នេះមិនមែនជាលើកទី1 ទេ ដែលកីឡាករ Conor McGregor ប្រកាសចូលនិវត្តន៍ពីសង្វៀនប្រដាល់ ខណៈដែលអ្នកស្នេហាវិស័យប្រដាល់ជាច្រើន ហាក់មិនសូវជឿជាក់ប៉ុន្មានទេ ដោយសារតែកាលពីឆ្នាំ2019 កីឡាកររូបនេះ ក៏ធ្លាប់បានប្រកាសដូចនេះម្ដងរួចមកហើយដែរ៕
June 14, 2020
ឆាប់អាប់ឌែត ប្រយ័ត្នមេរោគ! បើប្រើកម្មវិធី Messenger ជាមួយកុំព្យូទ័រ Windows យូរជាង 2ខែ
ភាពចន្លោះប្រហោងរបស់កម្មវិធី Messenger សម្រាប់ Windows អាចឱ្យជនអនាមិកវាយប្រហារកុំព្យូទ័រជាមួយមេរោគ malware កម្មវិធី Messenger ដែលជាកម្មវិធីផ្ញើសារ ដែលមានប្រជាប្រិយភាពយ៉ាងខ្លាំង និងមានអ្នកប្រើប្រាស់ប្រមាណ ១.៣ពាន់លាននាក់ជុំវិញពិភពលោកនោះ ត្រូវបានក្រុមអ្នកស្រាវជ្រាវរកឃើញនូវ ភាពចន្លោះប្រហោងខ្លះៗរបស់កម្មវិធីនេះសម្រាប់ប្រព័ន្ធប្រតិបត្តិការ Windows ដែលអាចឱ្យជនអនាមិកងាយស្រួលក្នុងការវាយប្រហារជាមួយមេរោគ malware។ នេះបើតាមការផ្សព្វផ្សាយរបស់ Reason Labs។
កំហុសឆ្គងនេះ ត្រូវបានគេរកឃើញនៅក្នុងកម្មវិធី Messenger ជំនាន់ 460.16 ដែលកើតឡើងនៅពេលកម្មវិធីនេះធ្វើការទាក់ទងជាមួយ Windows Powershell ទៅក្នុង Python directory។ ដូច្នេះប្រសិនបើលោកអ្នកពុំដែលបញ្ចូលកម្មវិធី Python កុំព្យូទ័រលោកអ្នកនឹងពុំមាន directory នេះទេ។
អ្វីដែលគួរឱ្យព្រួយបារម្ភជាមួយការវាយប្រហារនេះគឺ ជនអនាមិកអាចបន្តការវាយលុកបានយូរ ដោយសារការជ្រៀតចូលនេះទាក់ទងនឹង directory មិនសូវសំខាន់ដែលមិនទាមទារឱ្យបញ្ចូលលេខសម្ងាត់របស់អ្នកគ្រប់គ្រងកុំព្យូទ័រនោះទេ។
Reason Labs បានជូនដំណឹងទៅក្រុមហ៊ុនហ្វេសប៊ុកទាក់ទងនឹងកំហុសឆ្គងនេះកាលពីខែមេសាកន្លងទៅ ហើយក្រុមហ៊ុនក៏បានធ្វើការកែសម្រួលរួចហើយដែរ។ ជាងនេះទៅទៀត Reason Labs ក៏បានធ្វើការសាកល្បងជាថ្មីជាមួយ Messenger ជំនាន់ 480.5 ហើយបានបញ្ជាក់ថា ពុំឃើញមានកំហុសឆ្គងនេះទៀតទេ។
ដូច្នេះ ប្រសិនបើបងប្អូនប្រើកម្មវិធី Messenger ជាមួយកុំព្យូទ័រ Windows ហើយពុំបានធ្វើបច្ចុប្បន្នភាព ក្នុងរយៈពេលប្រមាណ 2ខែចុងក្រោយនេះ លោកអ្នកគួរធ្វើបច្ចុប្បន្នភាពកម្មវិធីតាមរយៈ Microsoft store ដើម្បីចៀសវាងពីការវាយប្រហារនេះ៕
ប្រភព៖ នាយកដ្ឋានប្រឆាំងបទល្មើសបច្ចេកវិទ្យា Anti Cyber Crime Department
June 13, 2020
ស្ត្រីអតីតអវកាសយានិកអាមេរិក កា្លយជាមនុស្សស្រីដំបូងគេ ដែលហ៊ានចុះដល់ចំណុចជ្រៅបំផុតនៃមហាសមុទ្រ
ស្ត្រីអវកាសយានិករបស់អង្គការ NASA ម្នាក់ឈ្មោះ Kathy Sullivan បានបង្កើតប្រវត្តិសាស្ត្រកាលពីចុងសប្ដាហ៍ ដោយក្លាយជាស្ត្រីដំបូងគេដែលបានទៅដល់ចំណុចជ្រៅបំផុតនៃមហាសមុទ្រ ដែលមានជម្រៅប្រហែល ១១.៣គីឡូម៉ែត្រ។
លោកស្រី Kathy Sullivan បានកត់សម្គាល់ឱកាសដ៏វិសេសនេះដោយបានខលទូរស័ព្ទពីនាវាមុជទឹក DSSV Pressure Drop ដើម្បីនិយាយជាមួយអវកាសយានិករបស់អង្គការណាសា នៅឯស្ថានីយអវកាសអន្តរជាតិ (ISS)។
លោកស្រី Sullivan និយាយថា ៖ “ក្នុងនាមជាអ្នកសិក្សាមហាសមុទ្រផង និងជាអវកាសយានិកផង នេះជាថ្ងៃដ៏អស្ចារ្យ ដែលមានតែម្តងគត់ក្នុងមួយជីវិត ដែលបានឃើញផ្ទាំងទស្សនីយភាពទឹកជ្រៅបំផុតហៅថា Challenger Deep ហើយបន្ទាប់មកបានខលទូរស័ព្ទរវាង ISS និងនាវា DSSV Pressure Drop”
ក្នុងឆ្នាំ1983 លោកស្រីបណ្ឌិត ដែលជាជើងចាស់នៃការហោះហើរលើយានអវកាសចំនួន3 បានក្លាយជាស្ត្រីជនជាតិអាមេរិកដំបូងគេដែលបានដើរក្នុងលម្ហអវកាស។ ឥឡូវនេះ លោកស្រី គឺជាមនុស្សទី8 ដែលបានទៅដល់បាតសមុទ្រជ្រៅបំផុត Challenger Deep។
មនុស្ស 2នាក់ដំបូងគេ ដែលសម្រេចបានជោគជ័យនេះគឺលោក ដុន វែល និងលោកចាកេស ពីកាដ បានទៅដល់ចំណុចនេះក្នុងឆ្នាំ1960 ខណៈអ្នកដឹកនាំរឿងហូលីវូដលោក ជែម ខេមរ៉ូន បានចុះនៅទីនេះក្នុងឆ្នាំ2012៕

June 13, 2020