ក្រុមបច្ចេកវិទ្យា Amazon, Apple និង Facebook បានចេញរបាយការណ៍សម្រាប់ត្រីមាសទី2 ជាមួយនឹងលទ្ធផលគួរជាទីគាប់ចិត្ត ដោយសារតែតម្រូវការប្រើប្រាស់សេវាកម្មបានកើនឡើងខ្ពស់នៅក្នុងសម័យCOVID-19។
ក្រុមហ៊ុន Amazon កាលពីម្សិលមិញ (30កក្កដា) បានប្រកាសថា រកបានចំណូល88.9ពាន់លានដុល្លារអាមេរិក កើត40% បើធៀបជាមួយនឹងដំណាក់កាលដូចគ្នាកាលពីឆ្នាំទៅ និងខ្ពស់ជាងឆ្ងាយ បើធៀបជាមួយនឹងការព្យាករ (81.6ពាន់លានដុល្លារ) របស់ក្រុមអ្នកវិភាគ។ ប្រាក់ចំណេញក៏បានកើនឡើងទ្វេដង (5.2ពាន់លានដុល្លារ) បើទោះជាក្រុមហ៊ុននេះបានចំណាយជាង4ពាន់លានដុល្លារដើម្បីប្រឆាំងCOVID-19 កាលពីត្រីមាសកន្លងទៅ។ មូលបត្រ Amazon បានកើន4% ក្នុងការជួញដូរក្រៅម៉ោង បន្ទាប់ពីរបាយការណ៍ខាងលើត្រូវបានប្រកាស។
ក្រុមហ៊ុន Apple ក៏មានឈ្មោះនៅក្នុងបញ្ជីស្ដីអំពីក្រុមហ៊ុនដែលរកចំណូលបានច្រើនជាងគេក្នុងវិបត្តិសុខភាពនេះដែរ។ អតិថិជនចាស់ និងថ្មីជាច្រើន បានងាកមកប្រើប្រាស់សេវាកម្មអនឡាញរបស់ក្រុមហ៊ុននេះក្នុងគ្រាដែលពួកគេត្រូវបានបង្ខាំងខ្លួន ឬរឹតត្បិតលើការដើរហារ ដែលប្រការនេះបានជួយឱ្យ Apple រកបានចំណូលឡើងដល់59.7ពាន់លានដុល្លារអាមេរិកនៅក្នុងត្រីមាសទី2នេះ។ តួលេខនេះបានកើន11%បើធៀបនឹងដំណាក់កាលដូចគ្នាកាលពីឆ្នាំទៅ។ ប្រាក់ចំណេញសុទ្ធរបស់ Apple ក៏បានកើនដល់11.2ពាន់លានដុល្លារ។
ទីផ្សារពិភពលោកបានរួមចំណែកដល់ទៅ60% នៅក្នុងចំណូលសរុបរបស់ក្រុមហ៊ុននេះកាលពីត្រីមាសមុន។ សេវាកម្ម App Store, Apple Music, Video និង iCloud សុទ្ធតែរកបានចំណូលខ្ពស់ជាងពេលណាៗទាំងអស់។
ចំណែកក្រុមហ៊ុន Facebook វិញ ក៏ទទួលបានអ្នកប្រើប្រាស់ច្រើនផងដែរ។ រហូតដល់ដំណាច់ត្រីមាសទី2នេះ តួលេខអ្នកប្រើប្រាស់សកម្មប្រចាំខែរបស់ Facebook បានឡើងដល់2.7ពាន់លាននាក់ កើន12% បើធៀបនឹងដំណាក់កាលដូចគ្នាកាលពីឆ្នាំ2019។ បើសិនជាបូករួមទាំង Instagram និង WhatsApp ក្រុមហ៊ុននេះមានអ្នកប្រើប្រាស់សកម្មប្រចាំខែឡើងដល់3ពាន់លាននាក់ឯណោះ។
ប្រាក់ចំណូលរបស់ Facebook ក៏បានកើន11% ហើយបើគិតជាប្រាក់គឺស្មើនឹង18.7ពាន់លានដុល្លារ កាលពីត្រីមាសមុន។
របាយការណ៍ហិរញ្ញវត្ថុរបស់ក្រុមហ៊ុនទាំង3ខាងលើនេះ ត្រូវបានប្រកាសក្នុងថ្ងៃតែមួយជាមួយនឹង GDP សហរដ្ឋអាមេរិក។ GDP សហរដ្ឋអាមេរិក បានថយចុះ32.9% ដោយសារតែ COVID-19៕
ប្រភព៖ សារព័ត៌មានបរទេស
បច្ចុប្បន្ន លោក Lucio Tan គឺជាស្ថាបនិក និងជាប្រធានក្រុមហ៊ុន LT ដែលមានក្រុមហ៊ុនបុត្រសម្ព័ន្ធជាច្រើនរកស៊ីខាងផលិតបារី ស្រា ធនាគារ និងអចលនទ្រព្យដែលមានតម្លៃរាប់ពាន់លានដុល្លារអាមេរិក។
ដោយសារតែជាកូនច្បងក្នុងចំណោមបងប្អូនប្រុសស្រីចំនួន8នាក់ លោក Lucio Tan ត្រូវទទួលបន្ទុកច្រើននៅក្នុងគ្រួសារ។ ដើម្បីបានប្រាក់ទៅរៀនផ្នែកបច្ចេកទេសគីមីសាស្ត្រនៅសាកលវិទ្យាល័យ Far Eastern University នៅទីក្រុងម៉ានីល និស្សិតវ័យក្មេង Lucio Tan បានសុំការងារជាអ្នកបោសសម្អាត នៅក្នុងរោងចក្រផលិតបារី។
បើទោះជាមានទ្រព្យច្រើនដែលអាចទិញទូរស័ព្ទតម្លៃថ្លៃមួយណាក៏បាន ប៉ុន្តែ សារព័ត៌មានហ្វីលីពីនបានសង្កេតឃើញថា ក្នុងរយៈពេលច្រើនឆ្នាំមកនេះ លោក Tan ដែលមានវ័យ86ឆ្នាំ តែងតែប្រើប្រាស់ទូរស័ព្ទ Nokia បែបបុរាណ។ អ្វីដែលគួរចាប់អារម្មណ៍ នោះគឺថា លោកមិនមែនប្រើទូរស័ព្ទ Nokia បែបបុរាណនេះតែ1គ្រឿងទេ តែលោកប្រើដល់ទៅ4គ្រឿងឯណោះ ហើយពិសេសជាងនេះទៀត គឺទូរស័ព្ទទាំងនេះ មានម៉ូដែលដូចគ្នាទាំងអស់។
ចំណង់ចំណូលចិត្តរបស់លោក Lucio Tan គឺមានច្រើន រួមមានទាំងវប្បធម៌និងប្រវត្តិសាស្ត្រចិន តន្ត្រីបុរាណ និងកីឡាមួយចំនួន។ កីឡាមួយក្នុងចំណោមកីឡាដែលធ្វើឱ្យលោក Lucio Tan ត្រូវក្រោកពីម៉ោង4ទៀបភ្លឺ នោះគឺកីឡាវាយកូនហ្គោល។ លោកតែងតែលេងហ្គោលនៅក្នុងក្លឹប Wack Wack Golf & Country Club ជាមួយនឹងមិត្តភក្ដិចាស់ៗរបស់លោក។ បន្ទាប់ពីការលេងកីឡានេះ ទើបលោកចាប់ផ្ដើមបំពេញការងារនៅក្រុមហ៊ុន ហើយបញ្ចប់ការងារប្រចាំថ្ងៃរបស់លោកនៅមុនម៉ោង9យប់។
ជាមនុស្សចូលចិត្តការសិក្សា លោក Tan ពេញចិត្តជាខ្លាំងក្នុងការធ្វើសកម្មភាពផ្នែកអប់រំ។ ជារៀងរាល់ឆ្នាំ លោកបញ្ជូននិស្សិតចំនួន1,000នាក់ទៅកាន់ប្រទេសចិនដើម្បីសិក្សាស្វែងយល់អំពីប្រវត្តិសាស្ត្រ ភាសា និងវប្បធម៌របស់ប្រទេសនេះ។ មហាសេដ្ឋី Lucio Tan ថែមទាំងផ្ដល់ជំនួយជាប្រាក់កាសជាច្រើនដើម្បីសាងសង់សាលារៀន និងបង្កើតមូលនិធិមនុស្សធម៌មួយដើម្បីកែលម្អបទដ្ឋានមួយចំនួននៅក្នុងវិស័យអប់រំទៀតផង៕
ឆ្នាំ2019 សាលីក បានទៅសិក្សានៅប្រទេសចិនជាផ្លូវការនៅសាលាភាសាបរទេស Hailiang ក្នុងខេត្ត Zhejiang។ លោកឧកញ៉ា ឃិត ឈឿន ដែលជាអគ្គនាយកផ្សារ KC គឺជាអ្នកឧបត្ថម្ភធំដល់កុមារា សាលីក។
បច្ចុប្បន្ន សាលីក កំពុងប្រឹងប្រែងសិក្សាខ្លាំងណាស់ ហើយប្អូនក៏មានបំណងប្រឡងចូលសាកលវិទ្យាល័យប៉េកាំងផងដែរ។ សាលីក ប្រាប់ថា “ប្អូនចូលចិត្តសាលារៀនខ្លាំងណាស់។ ប្អូនដឹងថា អក្សរចិនពិតជាពិបាកសរសេរ ប៉ុន្តែការនិយាយវិញ ប្អូនមិនបានជួបការលំបាកអ្វីនោះទេ។ ផ្នែកគណិតវិទ្យា និងភាសាអង់គ្លេសក៏មិនមានបញ្ហាដែរ”។
ក្រៅពីជនជាតិចិន សាលីក ក៏មានមិត្តភក្ដិជាជនជាតិកូរ៉េខាងត្បូងដែរ។ សាលីក តែងតែលេងបាល់ទះ និងបាល់បោះជាមួយអ្នកគ្រប់គ្នាក្រោយពីចប់ម៉ោងសិក្សា បើទោះជាមានរូបរាង “តូច ស្គម” ជាងមិត្តភក្ដិផ្សេងៗក៏ដោយ។ លោក ហានណា វ៉ាង (Hannah Wang) ដែលជាគ្រូរបស់ សាលីក ឱ្យដឹងថា “សិស្សម្នាក់នេះពិតជាស្ដាប់បង្គាប់ និងឧស្សាហ៍រៀនសូត្រណាស់។ ប៉ុន្តែ ខ្ញុំសង្ឃឹមថា សាលីក នឹងកែលម្អទម្លាប់ហូបចុក គេគួរតែហូបឱ្យបានគ្រប់គ្រាន់ជារៀងរាល់ថ្ងៃ ដើម្បីសុខភាពបានប្រសើរឡើង”។
ក្នុងកិច្ចសម្ភាសជាមួយ CNBC Make It នាង Kristy Shen និងស្វាមី Bryce Leung បានចែករំលែកបទពិសោធន៍ទាក់ទិននឹងការយល់ឃើញចំនួន3ចំណុចដែលពួកគេនិយាយថា បានរកឃើញនៅក្នុងវិបត្តិសេដ្ឋកិច្ចកាលពីឆ្នាំ2008 ហើយបច្ចុប្បន្ននៅតែមានប្រយោជន៍ក្នុងការគ្រប់គ្រងបញ្ជីវិនិយោគ។
កុំព្យាយាមព្យាករអនាគត
អនុវត្តផែនការជាជំហានៗដើម្បីកាត់បន្ថយហានិភ័យ
សមយុទ្ធមួយនេះត្រូវបានគេមើលឃើញថា ជាការព្រមានអំពីហានិភ័យនៃការផ្ទុះអាវុធដាក់គ្នារវាងអ៊ីរ៉ង់ជាមួយនឹងសហរដ្ឋអាមេរិក នៅក្នុងតំបន់ផ្លូវនាវាចរណ៍ដែលកប៉ាល់ដឹកប្រេងនានាឆ្លងកាត់។ កាលពីពាក់កណ្ដាលឆ្នាំ2019 កប៉ាល់ដឹកប្រេងមួយចំនួនដែលឆ្លងកាត់តំបន់ឆកសមុទ្រ Hormuz ត្រូវរងការវាយប្រហារ។ សហរដ្ឋអាមេរិកបានចោទអ៊ីរ៉ង់ថា ជាអ្នកនៅពីក្រោយការវាយប្រហារនេះ ប៉ុន្តែត្រូវបានអ៊ីរ៉ង់ច្រានចោល។