ក្រសួងសុខាភិបាលកម្ពុជា បានរកឃើញ អ្នកឆ្លងថ្មី កូវីដ-១៩ ចំនួន ៤៤ នាក់ទៀត ក្នុងអំឡុង ២៤ ម៉ោងនៃថ្ងៃទី ២១ មករា ២០២២។ ក្នុងចំណោមនោះ មានករណីឆ្លងក្នុងសហគមន៍ ១៦ នាក់ និងអ្នកដំណើរពីបរទេស ២៨ នាក់ ដែលសុទ្ធតែជាករណីអូមីក្រុង។
Author: សឿន សំណាង
ប្រព័ន្ធផ្កាយរណបផ្គត់ផ្គង់អ៊ីនធើណិត ៥G របស់ក្រុមហ៊ុនបច្ចេកវិទ្យាមួយ ចាប់ផ្ដើមប្រជែងនឹង Starlink របស់ Elon Musk
(ប្រទេសចិន)-ក្រុមហ៊ុនធុរកិច្ចថ្មីមួយចាប់ផ្ដើមកសាងប្រព័ន្ធផ្កាយរណប ១,០០០ គ្រឿង ដើម្បីផ្គត់ផ្គង់អ៊ីនធើណិតជំនាក់ទី ៥ (៥G) ដើម្បីចូលរួមប្រជែងដណ្ដើមទីផ្សារពី Starlink របស់ SpaceX។
ក្រុមផ្កាយរណបទូរគមនាគមន៍ដែលមានកម្លាំងខ្លាំង តម្លៃទាប ត្រូវបានផលិត សាកល្បង និងនាំទៅកាន់ទីលានបាញ់បង្ហោះសម្ងាត់រួចហើយ នេះបើតាមសារព័ត៌មាន Xinhua ចុះផ្សាយកាលពីថ្ងៃទី ១៨ មករា។
ក្រុមហ៊ុន GalaxySpace នៅ ប៉េកាំង ដែលជាស្ថាប័នគ្រប់គ្រងគម្រោងនេះ បានឱ្យដឹងថា ពួកគេមានផែនការផ្គត់ផ្គង់បណ្ដាញ ៥G របស់ ចិន នៅពាសពេញពិភពលោក និងប្រកួតប្រជែងជាមួយប្រព័ន្ធ Starlink នៃក្រុមហ៊ុន SpaceX របស់មហាសេដ្ឋីអាម៉េរិក លោក Elon Musk នៅក្នុងទីផ្សារផ្គត់ផ្គង់សេវាអ៊ីនធើណិតល្បឿនលឿន សម្រាប់តំបន់ដាច់ស្រយាលរបស់ពិភពលោក។
ផ្កាយរណបរបស់ ចិន តូចជាង ធៀបនឹង Starlink។ ទោះជាតូចជាងបើនិយាយអំពីទំហំក៏ពិតមែន ប៉ុន្តែ ប្រព័ន្ធផ្កាយរណប ១,០០០ គ្រឿងរបស់ GalaxySpace នឹងក្លាយជាប្រព័ន្ធដំបូងគេដែលប្រើប្រាស់បច្ចេកវិទ្យា ៥G ដែលអាចឱ្យអ៊ីនធើណិតរបស់ពួកគេមានល្បឿនលឿនជាង ៥០០ megabit/វិនាទី ជាមួយនឹងកម្រិតនៃភាពយឺតទាប។
Starlink បច្ចុប្បន្ន មានផ្កាយរណបចំនួន ២,០០០ គ្រឿង កំពុងគោចរក្នុងគន្លងតារាវិថី ហើយវានឹងកើនឡើងរហូតដល់ ៤២,០០០ គ្រឿង នៅពេលគម្រោងនេះត្រូវបានបញ្ចប់ជាស្ថាពរ។ បើទោះជាប្រើប្រាស់ប្រព័ន្ធខុសពី ៥G ប៉ុន្តែ Starlink មានសក្ដានុពលក្នុងការផ្គត់ផ្គង់សេវា ៦G នាពេលអនាគត។
(វីដេអូ)-រោងចក្រនៅ ស្រុកចិន បានបញ្ចេញកប៉ាល់ដឹកអ្នកដំណើរប្រភេទ «Ro-Ro» ប្រណិត ល្បឿនលឿនបំផុតដែលផលិតនៅប្រទេសនេះ
ក្រុមហ៊ុនផលិតកប៉ាល់អន្តរជាតិក្វាងចូវ បានដំឡើងកប៉ាល់ដឹកអ្នកដំណើរប្រភេទប្រណិត Xianglongdao រួចរាល់ជាស្ថាពរ និងប្រគល់ឱ្យដៃគូសហការកាលពីថ្ងៃទី ១៨ មករា ២០២២។
កប៉ាល់ដឹកអ្នកដំណើរប្រណិតថ្មីមួយគ្រឿង ដែលមានឈ្មោះថា Xianglongdao ត្រូវបានបញ្ចេញពីរោងចក្រកាលពីថ្ងៃទី ១៨ មករា និងត្រូវបានប្រគល់ជូនអតិថិជននៅក្នុងខណ្ឌ Nansha នៃក្រុងក្វាងចូវ ខេត្តក្វាងទុង។
កប៉ាល់នេះមានបណ្ដោយ ២០៨ ម៉ែត្រ និងទទឹង ២៨.៦ ម៉ែត្រ។ ដោយអាចធ្វើដំណើរបាន ៤២.៦ គីឡូម៉ែត្រ/ម៉ោង Xianglongdao បានក្លាយជាកប៉ាល់ដឹកអ្នកដំណើរប្រភេទ «Ro-Ro» មានល្បឿនលឿនជាងគេបង្អស់ដែលត្រូវបានផលិតនៅ ប្រទេសចិន។
Ro-Ro គឺជាពាក្យសរសេរកាត់របស់ roll-on/roll-off ដែលមានន័យថា វាអាចដឹកទំនិញដែលមានកង់ ដូចជា រថយន្ត និងទូរថភ្លើងជាដើម ដោយមិនបាច់ប្រើប្រាស់ដងស្ទូច។
Xianglongdao អាចដាក់អ្នកដំណើរបាន ១,៣៧៥ នាក់ និងយានយន្តដែលមានខ្នាតប្រហាក់ប្រហែលនឹងរថយន្តដឹកទំនិញជាង ៥០០ គ្រឿង។ ក្នុងកប៉ាល់ប្រណិតនេះ មានបំពាក់ប្រព័ន្ធចង្ក្រានអាំងសាច់ដែលអាចផ្គត់ផ្គង់សម្រាប់មនុស្សប្រហែល ៣៤០ នាក់, បន្ទប់ការ៉ាអូខេធំមួយដែលអាចដាក់មនុស្សបាន ១០ នាក់, បន្ទប់លេងអុកមួយ, រោងភាពយន្តមួយ, ផ្សារទំនើបមួយដែលមានទំហំ ១២០ ម៉ែត្រក្រឡា និងបន្ទប់ហាត់ប្រាណមួយ។ល។
ឥណ្ឌូណេស៊ី ដាក់សំណើ «បង្កើតអង្គការសុខភាពសកល» ថ្មី ជំនួស WHO
ប្រធានាធិបតីឥណ្ឌូណេស៊ី លោក Widodo ថ្លែងថា WHO នៅមានកម្រិត និងចង់ជំរុញឱ្យមានការបង្កើតស្ថាប័នសុខាភិបាលសកលថ្មីមួយ នៅពេលប្រទេសនេះកាន់កាប់កៅអីប្រធាន G២។
នៅក្នុងវេទិកាសេដ្ឋកិច្ចទិភពលោក (WEF) កាលពីថ្ងៃទី ២០ មករា ប្រធានាធិបតីឥណ្ឌូណេស៊ី លោក Joko Widodo បានថ្លែងអំពីគម្រោងបង្កើតស្ថាប័នសុខាភិបាលសកលថ្មី ដើម្បីបង្កើនសមត្ថភាព «ប្រឆាំងនឹងបញ្ហាពាក់ព័ន្ធនឹងសុខាភិបាល» របស់ពិភពលោក និងជួយឱ្យប្រព័ន្ធសុខាភិបាលសកលប្រកបដោយសមាហរណកម្ម និងប្រតិកម្មបានលឿនជាងមុន។
«ភារកិច្ចរបស់ស្ថាប័នថ្មីគឺប្រមូលធនធានផ្នែកសុខាភិបាលពិភពលោក ក្នុងនោះមានជំនួយសម្រាប់ករណីបន្ទាន់ផ្នែកសុខាភិបាល ការទិញវ៉ាក់សាំង ថ្នាំ និងសម្ភារៈវេជ្ជសាស្ត្រ» ប្រធានាធិបតីឥណ្ឌូណេស៊ី បានថ្លែងដូច្នេះ នៅក្នុងកិច្ចប្រជុំតាមប្រព័ន្ធអ៊ីនធើណិត។
លោក Widodo ឱ្យដឹងថា អង្គការសុខភាពពិភពលោក (WHO) បានបង្ហាញនូវសមត្ថភាពដែលមានកម្រិតនៅពេលប្រយុទ្ធប្រឆាំងនឹងកូវីដ-១។ លោកបន្ថែមថា កម្មវិធីសហការផ្នែកសុខាភិបាលសកលនាបច្ចុប្បន្ន ក្នុងនោះមានទាំងការប្រឹងប្រែងក្នុងការបែងចែកវ៉ាក់សាំងជាដើម គឺមានលក្ខណៈបណ្ដោះអាសន្នប៉ុណ្ណោះ។
លោក Widodo សង្ឃឹមថា ស្ថាប័នថ្មីនេះនឹងជួយកសាងនូវដំណើរការនៃស្ដង់ដានៅក្នុងសកម្មភាពនានាដូចជា ការធ្វើដំណើរឆ្លងប្រទេស ការបង្កើនសមត្ថភាពផលិតវ៉ាក់សាំង និងសម្ភារៈវេជ្ជសាស្ត្រជាដើម។
ប្រធានាធិបតីឥណ្ឌូណេស៊ី ក៏បានអំពាវនាវដល់បណ្ដាប្រទេសធំៗក្នុងពិភពលោក ជួយដល់គំនិតផ្ដួចផ្ដើមនេះ និងសម្រេចបាននូវកិច្ចព្រមព្រៀងនៅក្នុងអំឡុងពេល ឥណ្ឌូណេស៊ី ធ្វើជាប្រធាន G២។ «ការចំណាយប្រាកដជាទាបជាងឆ្ងាយ ធៀបនឹងការខូចខាតដែលពិភពលោកត្រូវទទួលរង ព្រោះតែប្រព័ន្ធសុខាភិបាលសកលអន់ខ្សោយ» លោក Widodo សង្កត់ធ្ងន់ដូច្នេះ។
ឥណ្ឌូណេស៊ី ធ្វើជាប្រធានប្ដូរវេន G២០ ដំបូងក្នុងឆ្នាំនេះ ហើយគោលដៅដែលត្រូវបានដាក់ចេញ នោះគឺការស្ដារសេដ្ឋកិច្ចឡើងវិញ ក្រោយវិបត្តិសុខភាពសកល៕
សហរដ្ឋអាម៉េរិក ផ្អាកការហោះហើរទៅកាន់ ប្រទេសចិន ចំនួន ៤៤ ជើង
រដ្ឋាភិបាលអាម៉េរិក ប្រកាសផ្អាកការហោះហើរចំនួន ៤៤ ជើង ពីប្រទេសនេះទៅកាន់ ប្រទេសចិន ដើម្បីឆ្លើយតបនឹងកាយវិការដូចគ្នានេះពីសំណាក់ទីក្រុងប៉េកាំង។
ក្រសួងចរាចរណ៍សហរដ្ឋអាម៉េរិក កាលពីថ្ងៃទី ២១ មករា បានឱ្យដឹងថា ការសម្រេចរបស់ សហរដ្ឋអាម៉េរិក នឹងមានសុពលភាពចាប់ពីថ្ងៃទី ៣០ មករា រហូតដល់ថ្ងៃទី ២៩ មីនា។ ក្រុមហ៊ុនដែលត្រូវបានផ្អាករួមមាន Xiamen Airlines, Air China, China Southern Airlines និង China Eastern Airlines។
មុននោះ រដ្ឋាភិបាលចិន ក៏បានផ្អាកការហោះហើរចំនួន ៤៤ ជើង របស់ក្រុមហ៊ុនអាម៉េរិក រួមមាន United Airlines, American Airlines និង Delta Airlines ចាប់ពីថ្ងៃទី ៣១ ធ្នូ ២០២១ បន្ទាប់ពីបានរកឃើញអ្នកវិជ្ជមាននឹងកូវីដ-១។ សហរដ្ឋអាម៉េរិក ក៏បានឱ្យដឹងថា លើកចុងក្រោយបង្អស់ ពោលគឺនៅថ្ងៃទី ១៨ មករា រដ្ឋាភិបាលចិន ក៏បានប្រកាសផ្អាកការហោះហើររបស់ពួកគេផងដែរ។
ក្រុមហ៊ុនអាកាសចរណ៍អាម៉េរិក បានគាំទ្រចំពោះចំណាត់ការរបស់រដ្ឋាភិបាលអាម៉េរិក ដោយលើកឡើងថា គឺដើម្បីធានានូវយុត្តិធម៌លើទីផ្សារ។ ប៉ុន្តែ ទីក្រុងវ៉ាស៊ីងតោន ប្រកាសថា ស្ថានភាពនេះនឹងអាចត្រូវបានស្ដារឡើងវិញ នៅពេល ចិន កែប្រែសេចក្ដីសម្រេចរបស់ខ្លួន។
ចំណែកអ្នកនាំពាក្យរបស់ស្ថានទូតចិន ប្រចាំ សហរដ្ឋអាម៉េរិក លោក Liu Pengyu បានឱ្យដឹងថា គោលនយោបាយសម្រាប់ការហោះហើរដឹកអ្នកដំណើរអន្តរជាតិមកកាន់ ប្រទេសចិន ត្រូវបានអនុវត្តដោយស្មើភាពគ្នា មិនថាក្រុមហ៊ុនអាកាសចរណ៍ចិន ឬបរទេស៕
មីយ៉ានម៉ា កាត់ទោសប្រហារជីវិតសមាជិកនៃបក្សរបស់លោកស្រី Suu Kyi
រដ្ឋាភិបាលយោធាមីយ៉ានម៉ា កាត់ទោសប្រហារជីវិតចំពោះអតីតតំណាងរាស្ត្ររបស់បក្សសម្ព័ន្ធជាតិប្រជាធិបតេយ្យ របស់ លោកស្រី Suu Kyi ក្រោមបទចោទ «ភេរវកម្ម»។
«Phyo Zeyar Thaw ដែលជាសមាជិករបស់បក្សសម្ព័ន្ធជាតិប្រជាធិបតេយ្យ (NLD) ត្រូវបានកាត់ទោសប្រហារជីវិតទៅតាមច្បាប់ប្រឆាំងភេរវកម្ម។ បុគ្គលរូបនេះត្រូវបានចាប់ខ្លួននៅក្នុងផ្ទះនៅឯទីក្រុង Yangon ដោយមានការសហការពីពលរដ្ឋដែលមានមនសិការ» អាជ្ញាធររបស់រដ្ឋាភិបាលយោធាមីយ៉ានម៉ា ប្រកាសកាលពីថ្ងៃទី ២១ មករាដូច្នេះ។
Kyaw Min Yu ដែលជាសកម្មជនប្រជាធិបតេយ្យមួយរូបនៅ ប្រទេសមីយ៉ានម៉ា ក៏ត្រូវបានតុលាយោធាកាត់ទោសប្រហារជីវិតផងដែរ។
លោក Phyo Zeyar Thaw កាលនៅជាតំណាងរាស្ត្រ លោក Phyo Zeyar Thaw មានឈ្មោះផ្លូវការថា Maung Kyaw បានជាប់ឆ្នោតជា សមាជិកសភាមីយ៉ានម៉ា កាលពីឆ្នាំ ២០១៥ ក្នុងនាមជាតំណាងរាស្ត្រនៃបក្ស NLD របស់ទីប្រឹក្សារដ្ឋ លោកស្រី Aung San Suu Kyi។ លោកត្រូវបានចោទប្រកាន់ថា បានដឹកឱ្យការវាយប្រហារលើកងកម្លាំងរបស់រដ្ឋាភិបាលយោធា ក្នុងនោះក៏មានករណីផ្ទុះអាវុធនៅក្នុងរថភ្លើងមួយខ្សែនៅ Yangon កាលពីខែហីហា ២០២១ បណ្ដាលឱ្យប៉ូលិស ៥ នាក់ បាត់បង់ជីវិត។
មីយ៉ានម៉ា បានធ្លាក់នៅក្នុងភាពវឹកវរ បន្ទាប់ពីកងទ័ពប្រទេសនេះ បានធ្វើរដ្ឋប្រហារ ចាប់ខ្លួនលោកស្រី Aung San Suu Kyi ក៏ដូជាប្រធានាធិបតី រួមនឹងសមាជិករដ្ឋាភិបាលជាច្រើនរូប និងឡើងកាន់អំណាចចាប់ពីខែកុម្ភៈ ២០២១។ បាតុកម្មជាច្រើនត្រូវបានធ្វើឡើងជាបន្តបន្ទាប់នៅ ហើយក៏បានក្លាយជាអំពើហិង្សា និងការតស៊ូប្រដាប់អាវុធ ប្រឆាំងនឹងកម្លាំងរដ្ឋប្រហារ៕
ទិដ្ឋភាព «មួយគ្មានពីរ» លើផែនដី! នារីបម្រើលើយន្តហោះ ឈរលើកំពូលអគារខ្ពស់ជាងគេក្នុងពិភពលោក ដោយមានយន្តហោះឆ្វែលពីក្រោយ
ទិដ្ឋភាពដូចបាននិយាយក្នុងចំណងជើងរបស់អត្ថបទនេះ កំពុងទាក់ទាក់ចំណាប់អារម្មណ៍ខ្លាំងពីទស្សនិកជន។ ថ្មីៗនេះ នៅលើទំព័របណ្ដាញសង្គម Youtube របស់ក្រុមហ៊ុនអាកាសចរណ៍ Emirates (នៃរាជាណាចក្រឌូបៃ) បានបង្ហោះវីដេអូមួយប្រកបដោយភាពទាក់ទាញ។
វីដេអូបង្ហាញថា នារីដែលស្លៀកឈុតអ្នកបម្រើលើយន្តហោះម្នាក់ ឈរនៅលើកំពូលអគារ Burj Khalifa (កម្ពស់ជិត ៨៣០ ម៉ែត្រ) ដែលខ្ពស់ជាងគេបង្អស់ក្នុងពិភពលោក និងស្ថិតនៅក្នុង ទីក្រុងឌូបៃ។ នារីរូបនេះនិយាយថា៖ «ខ្ញុំនៅតែស្ថិតនៅទីនេះ»។ ភ្លាមនោះ យន្តហោះ ១ គ្រឿង ប្រភេទធំបំផុតក្នុងពិភពលោក គឺ Airbus A៣៨០ ក៏បង្ហាញខ្លួននៅខាងក្រោយខ្នងរបស់នារីនេះ។
សារដែលនារីរូបនេះ រួមនឹងក្រុមអ្នកបើកបរយន្តហោះ Emirates A៣៨០ ផ្ញើជូនពិភពលោក នោះគឺ៖ «សូមហោះហើរជាមួយយន្តហោះ Emirates A៣៨០ ដើម្បីទៅចូលរួមព្រឹត្តិការណ៍ Dubai Expo ២០២០ ដែលជាពិធីតាំងពិព័រណ៍អន្តរជាតិធំបំផុតក្នុងពិភពលោក»។
Dubai Expo ២០២០ ត្រូវបានប្រារព្ធឡើងចាប់ពីថ្ងៃទី ១ តុលា ២០២១ ដល់ ៣១ មីនា ២០២២។ ក្នុងព្រឹត្តិការណ៍នេះ មានប្រទេសចំនួន ១៩២ កំពុងតាំងបង្ហាញផលិតផល និងសេវារបស់ពួកគេ ក្នុងនោះមាន កម្ពុជា ផងដែរ។
នារីជាអ្នកបម្រើលើយន្តហោះនៅក្នុងវីដេអូនេះ តាមពិតគឺជា Nicole Smith-Ludvik ដែលជាអត្តពលិកផ្នែកលោតឆត្រយោង និងជាបុគ្គលល្បីឈ្មោះនៅលើបណ្ដាញសង្គម។
វីដេអូនេះ បានទាក់ទាញអ្នកចូលមើលរាប់លានលើក។ អ្នកចូលមើលជាច្រើនឆ្ងល់ថា ហេតុអ្វីយន្តហោះអាចហោះក្បែរនារីរូបនេះបានយ៉ាងដូច្នេះ។ ក្រុមហ៊ុន Emirates បានចូលមកបកស្រាយថា ថាពិត យន្តហោះនេះ ហោះឆ្ងាយពីនាងរហូតដល់ ៨០០ ម៉ែត្រ ប៉ុន្តែ ដោយសារអ្នកថតស្ថិតនៅជិត នាង Nicole Smith-Ludvik ពេក ទើបឃើញយន្តហោះនៅជិតបង្កើយដូច្នេះ៕
មុនពេលរកបានប្រាក់ ១ លានដុល្លារអាម៉េរិក មហាសេដ្ឋី Warren Buffett ត្រូវឆ្លងកាត់ការងារដំបូងដែលទំនងជាមិនអាចក្លាយជាមហាសេដ្ឋី
ការដែលបានក្លាយជាមហាសេដ្ឋី ពុំមែនជារឿងងាយស្រួលឡើយ ព្រោះថា អ្នកមានទាំងឡាយសុទ្ធតែត្រូវឆ្លងកាត់ដំណាក់កាលធ្វើការឱ្យគេយ៉ាងលំបាក។
កាលពីនៅជាកុមារ មហាសេដ្ឋីជនជាតិអាម៉េរិក លោក Warren Buffett ធ្លាប់ធ្វើការងារជាអ្នកដឹកកាសែតយកទៅជូនអតិថិជនជារៀងរាល់ព្រឹក ដែលនេះគឺជាការងារស៊ីឈ្នួលដំបូងបង្អស់របស់គាត់។
ឪទុករបស់លោក Buffett គឺជាឈ្មួញគក់ជេរភាគហ៊ុន។ កាលនៅតូច លោក Buffett តែងតែទៅជួយធ្វើការងារឪពុករបស់គាត់។ អាយុ ១១ ឆ្នាំ លោក Buffett បានទិញភាគហ៊ុនរបស់ Cities Service Preferred ក្នុងតម្លៃ ៣៨ ដុល្លារ/ហ៊ុន។ ក្រោយមក នៅវ័យ ១៣ ឆ្នាំ លោកក៏បានធ្វើការងារដំបូងរបស់ខ្លួន នោះគឺយកកាសែត The Washington Post ទៅប្រគល់ឱ្យអតិថិជនដល់ផ្ទះ។ ការងារនេះជួយឱ្យលោករកបាន ១៧៥ ដុល្លារ/ខែ។
យោងតាមសារព័ត៌មាន Forbes មហាសេដ្ឋី Warren Buffett បច្ចុប្បន្នមានទ្រព្យប្រមាណ ១១២.៦ ពាន់លានដុល្លារអាម៉េរិក គិតត្រឹមថ្ងៃទី ២១ មករា ២០២២។
ប្រទេសជាប់របងជាមួយ កម្ពុជា អនុញ្ញាតឱ្យប្រើប្រាស់រូបិយវត្ថុឌីជីថល ក្នុងការទូទាត់មួយចំនួន
ប្រទេសនេះ ទើបតែបានអនុញ្ញាតឱ្យក្រុមហ៊ុនចំនួន ២ ដែលផ្ដល់សេវាទិញដូរ និងគក់ជេរ ទូទាត់ប្រាក់ដោយប្រើប្រាស់រូបិយវត្ថុ និងទ្រព្យសម្បត្តិឌីជីថលផ្សេងទៀត សម្រាប់ប្រជាជនក្នុងប្រទេស និងក្នុងតំបន់។
ជាស្ដែង ធនាគារកណ្ដាលរបស់ ប្រទេសឡាវ (BOL) បានអនុញ្ញាតឱ្យក្រុមហ៊ុន Lao Digital Assets Exchange (LDX) ដែលជាក្រុមហ៊ុនបណ្ដាក់ទុនរួមរវាង AIF, Phongsupthavy និង Bitqik ដែលជាក្រុមហ៊ុនបុត្រសម្ព័ន្ធរបស់ Simuong ផ្ដល់សេវាទូទាត់ប្រាក់ឌីជីថល។
LDX និង Bitqik គឺជាក្រុមហ៊ុនតែ ២ គត់ ដែលស្ថិតក្រោមការគ្រប់គ្រងរបស់ រដ្ឋាភិបាលឡាវ ត្រូវបានអនុញ្ញាតឱ្យផ្ដល់សេវាទូទាត់ក្នុងការទិញដូរ និងគក់ជេរដោយប្រើប្រាស់ប្រាក់ឌីជីថល រួមនឹងបណ្ដាទ្រព្យឌីជីថលដទៃទៀតសម្រាប់ប្រជាជនក្នុងប្រទេសឡាង និងក្នុងតំបន់។
ប្រកាសមួយរបស់ក្រុមហ៊ុន AIF បង្ហាញថា ក្រុមហ៊ុន LDX និង Bitqik គ្រោងនឹងផ្ដល់សេវាកម្មពេញលេញចាប់ពីខែមេសា ២០២២។
ជាមួយនឹងការអនុញ្ញាតខាងលើនេះ ក្រុមអ្នកវិនិយោគក្នុងវិស័យទ្រព្យ ប្រាក់ឌីជីថល ដូចជា Bitcoin និង Ethereum ជាដើម នឹងមានលក្ខណសម្បត្តិគ្រប់គ្រាន់ក្នុងការប្រើប្រាស់គណនីធនាគារក្នុងស្រុក ជំនួសឱ្យការពឹងលើតែធនាគារបរទេស ឬប័ណ្ណឥណទាននៅពេលទូទាត់ប្រាក់ទៅកាន់ប្រទេសក្រៅ។
យោងតាមសារព័ត៌មាន Xinhua លោក Sonexay Sitphaxay អគ្គនាយកធនាគារកណ្ដាលរបស់ ឡាវ បានឱ្យដឹងថា BOL បានចំណាយពេលយ៉ាងយូរ និងធនធានមនុស្សជាច្រើនសម្រាប់ការដេញថ្លៃទៅតាមច្បាប់កំណត់៕
ហត្ថលេខារបស់មហាសេដ្ឋីអាម៉េរិក Bill Gates បង្កប់អត្ថន័យស្ដីពី «ពិភពរាសីរុងរឿង»
របៀបចុះហត្ថលេខារបស់មហាសេដ្ឋីអាម៉េរិក លោក Bill Gates ត្រូវបានអ្នកជំនាញវាយតម្លៃថា ប្រកបដោយហុងស៊ុយល្អ នាំមកនូវសំណាងខ្ពស់។
មិនថាអក្សរសរសេរ ឬស៊ីញេនោះទេ គឺដូចទៅនឹងក្រយៅដៃ៖ ពុំមានមនុស្ស ២ នាក់ ដែលសរសរ ឬចុះហត្ថលេខាដូចគ្នាទាំងស្រុងឡើយ។ ក្រុមអ្នកវិភាគហត្ថលេខា អះអាងថា យើងអាចយល់បានអំពីចរឹត របៀបរបបធ្វើការ ឬក៏ស្ថានភាពអារម្មណ៍របស់មនុស្ស ដោយការពិនិត្យមើលទម្រង់អក្សរ ឬហត្ថលេខារបស់ពួកគេ។
Kathi McKnight និង Elaine Charal គឺជាមនុស្សល្បីឈ្មោះនៅក្នុងចំណោមអ្នកវិភាគលើទម្រង់អក្សរសរសេរដោយដៃ។ កាលពីប៉ុន្មានឆ្នាំមុន ពួកគេក៏បានវិភាគហត្ថលេខារបស់មហាសេដ្ឋី Bill Gates។
ខាងក្រោមនេះគឺជាការយល់ឃើញរបស់ពួកគេចំពោះស៊ីញេ របស់មហាសេដ្ឋីលំដាប់ទី ៤ ក្នុងពិភពលោក៖
McKnight៖ «សញ្ញាគូសទទឹងអក្សរ «T» នៅក្នុងហត្ថលេខារបស់គាត់ (Bill Gates) ត្រូវបានសរសេរយ៉ាងមានសណ្ដាប់ធ្នាប់ និងដាច់ខាត។ ប្រការនេះបង្ហាញថា គាត់គឺជាមនុស្សដែលមានការប្ដេជ្ញាចិត្តខ្ពស់។ ប៉ុន្តែ ផ្នែកដែលមិនជាប់គ្នានៅលើអក្សរ «T» ក៏បង្ហាញថា មាន «ភាពរសើបខ្លាំង» ជាមួយនឹងការរិះគន់។ ដូច្នេះ នៅក្នុងការចរចា ឬពិភាក្សាជាមួយគាត់ ដៃគូទាំងឡាយគួរតែប្រើពាក្យពេចន៍ឱ្យបានសមស្របដើម្បីចៀសវាងការសង្ស័យថា មានគំនិតមិនល្អ។
ទម្រង់នៃអក្សរ «l» ទាំង ២ ស្ដែងឱ្យឃើញថា គាត់មិនមែនជាមនុស្សមមើមមៃ។ គ្រប់យ៉ាងត្រូវបានគាត់ពិនិត្យយ៉ាងជាក់ស្ដែង»។
អ្នកទំនងជាមិនបានដឹងថា លោក Bill Gates មានហត្ថលេខាដល់ទៅ ។ ខាងក្រោមនេះគឺជាការយល់ឃើញរបស់អ្នកវិភាគ ចំពោះស៊ីញេទី ២ របស់គាត់៖
McKnight៖ ហត្ថលេខាណាក៏ដោយ ដែលត្រូវបានសរសេរឈ្មោះពេញ ដូចក្នុងស៊ីញេនេះ គឺសុទ្ធតែបង្ហាញថា ម្ចាស់ហត្ថលេខាគោរពយ៉ាងខ្ជាប់ខ្ជួនទៅតាមស្ដង់ដារួម។ ទម្រង់អក្សរ «S» បញ្ជាក់ថា គាត់ពិតជាមានមោទកភាពលើខ្លួនឯង និងមានថាមពលប្រមូលផ្ដុំខ្លាំងក្លាបំផុត»។
ចំណែកអ្នកវិភាគ Charal យល់ថា៖ «ហត្ថលេខាទាំង ២ របស់ Bill Gates សុទ្ធតែងាយស្រួលអាន និងដឹងបាន។ ប្រការនេះបញ្ជាក់ថា គាត់ជាមនុស្សស្មោះត្រង់។ ទន្ទឹមនឹងនេះ វាក៏បង្ហាញថា គាត់តែងតែកំណត់គោលដៅ និងការរំពឹងទុកខ្ពស់។ ទាំង ២ នេះ មើលទៅសុទ្ធតែប្រាកដប្រជា ដែលបញ្ជាក់ថា គាត់ជាមនុស្សប្រកាន់ខ្ជាប់។ ក្រៅពីនេះ ហត្ថលេខាដែលពេញលេញ ស្ដែងឱ្យឃើញថា គាត់ជាមនុស្សប្រឹងប្រែង ព្យាយាម ក៏ដូចជាការដែលតែងតែស្វែងរកវិធីដើម្បីឈានដល់គោលដៅដែលបានកំណត់៕