សឿន សំណាង - La Reine Media

អាម៉េរិក ប្រកាសអំពីបរិមាណវ៉ាក់សាំងបង្ការកូវីដ-១៩ ដែលបានចែករំលែកដោយមិនគិតថ្លៃ ដល់ពិភពលោក

ប្រភពព័ត៌មានពី ទីក្រុងវ៉ាស៊ីងតោន បានឱ្យដឹងថា រដ្ឋាភិបាលរបស់លោក ចូ បៃឌិត កាលពីថ្ងៃទី ២៦ មករា បានប្រកាសថា សហរដ្ឋអាម៉េរិក បានចែករំលែកវ៉ាក់សាំងបង្ការជំងឺកូវីដ-១៩ ចំនួន ៤០០ លានដូសរួចហើយ ដល់ពិភពលោក។

អ្នកចាត់ការផ្នែកប្រតិកម្មនឹង កូវីដ-១៩ របស់ សេតវិមាន Jeff Zient បានប្រកាសព័ត៌មាននេះ និងឱ្យដឹងថា វ៉ាក់សាំងទាំង ៤០០ លានដូសនេះ ត្រូវបានប្រគល់ជូនប្រទេសចំនួន ១១។ លោក Zient បញ្ជាក់ថា សហរដ្ឋអាម៉េរិក បានចែករំលែកវ៉ាក់សាំងដោយមិនគិតថ្លៃច្រើនជាង ៤ ដង ធៀបនឹងប្រទេសដទៃ។

ចំណែកមន្ត្រីមួយរូបផ្សេងទៀតរបស់ សេតវិមាន បានប្រាប់ថា សហរដ្ឋអាម៉េរិក បានផ្ដល់វ៉ាក់សាំង Pfizer-BioNTech ប្រមាណ ៣.២ លានដូស ដល់ ប្រទេសបង់ក្លាដែស និង ៤.៧ លានដូស ដល់ ប្រទេសប៉ាគីស្ថាន នៅក្នុងសប្ដាហ៍នេះ នាំឱ្យតួលេខនៃវ៉ាក់សាំងដែលបានចែករំលែក កើនឡើងដល់ ៤០០ លានដូស។

វ៉ាក់សាំងដែលជាជំនួសខាងលើ ត្រូវបានចែករំលែកតាមរយៈយន្តការ COVAX ដែលជាគំនិតផ្ដួចផ្ដើមរបស់អង្គការសុខភាពពិភពលោក ក្នុងបំណងជួយដល់យុទ្ធនាការចាក់វ៉ាក់សាំងរបស់បណ្ដាប្រទេសដែលមានចំណូលទាប។

កន្លងមក ប្រធានាធិបតី បៃដិន បានសន្យាចែករំលែកវ៉ាក់សាំងបង្ការជំងឺកូវីដ-១៩ ជាង ១ ពាន់លានដូស ដល់ប្រទេសនានា ហើយនេះគឺជាប្រការដែលក្រុមអ្នកជំនាញយល់ថា មានសារសំខាន់ដើម្បីអាចឆ្លងផុតជំងឺរាតត្បាតកូវីដ-១៩៕

January 27, 2022

(ក្ដៅ!)-លទ្ធផលនៃការស្រាវជ្រាវថ្មីស្ដីពី «បាតុភូត» «មហាអង្គបដិប្រាណ» ដែលអាចបិទបញ្ចប់ជំងឺរាតត្បាតកូវីដ-១៩

ការសិក្សាស្រាវជ្រាវថ្មីមួយបានរកឃើញថា ក្រុមមនុស្សដែលបានឆ្លងកូវីដ-១៩ បន្ទាប់ពីបានចាក់វ៉ាក់សាំងពេញលេញ ក៏ដូចជាក្រុមមនុស្សដែលបានឆ្លងវីរុសមុនពេលចាក់វ៉ាក់សាំង នឹងមាន «មហាអង្គបដិប្រាណ» ដែលល្អបំផុតសម្រាប់ទប់ស្កាត់ជំងឺរាតត្បាតនេះ។

យោងតាមព័ត៌មានពីទូរទស្សន៍ RT (រុស្ស៊ី) ក្រុមអ្នកវិទ្យាសាស្ត្រនៃសាកលវិទ្យាល័យវិទ្យាសាស្ត្រ និងសុខាភិបាល Oregon (OHSU) បានយកសំណាកអង្គបដិប្រាណក្នុងឈាមរបស់អ្នកស្ម័គ្រចិត្ត ១០៤ នាក់ ដែលបានចាក់វ៉ាក់សាំង Pfizer ចំនួន ២ ដូស។ ក្នុងនោះមាន ៤២ នាក់ មិនធ្លាប់វិជ្ជមាននឹងកូវីដ-១៩ ចំណែក ៣១ នាក់ទៀត បានចាក់វ៉ាក់បន្ទាប់ពីបានឆ្លងវីរុស និង ៣១ នាក់ផ្សេងទៀតបានឆ្លង បន្ទាប់ពីបានចាក់វ៉ាក់សាំង។

ក្រោយពីក្រុមអ្នកវិទ្យាសាស្ត្រដាក់សំណាកឈាមរបស់អ្នកស្ម័គ្រចិត្តខាងលើ ឱ្យឆ្លង វ៉ារ្យ៉ង់ អាលហ្វា បេតា និង ដេលតា របស់វីរុសកូវីដ-១៩ ពួកគេរកឃើញថា ការរួមផ្សំរវាងអង្គបដិប្រាណដែលកើតឡើងដោយសារវ៉ាក់សាំង និងអង្គបដិប្រាណធម្មជាតិដែលកើតឡើងបន្ទាប់ពីបានឆ្លងវីរុស នឹងបង្កើតបានជា «មហាអង្គបដិប្រាណ» ដែលខ្លាំងក្លាជាងយ៉ាងតិច ១០ ដង បើធៀបនឹងសមត្ថភាពនៃអង្គបដិប្រាណដែលកើតឡើងពីការចាក់វ៉ាក់សាំងតែមួយមុខ»។

លោក Fikadu Tafesse សមាជិកជាន់ខ្ពស់នៃក្រុមស្រាវជ្រាវ និងជាជំនួយការសាស្ត្រាចារ្យផ្នែកមីក្រូជីវវិទ្យាម៉ូលេគុល និងភាពស៊ាំ នៃសាកលវិទ្យាល័យ OHSU

ក្រុមអ្នកវិទ្យាសាស្ត្រសន្មតថា វត្តមានរបស់អង់ទីហ្សែនបន្ថែមដែលកើតឡើងដោយសារការឆ្លងវីរុស នឹងនាំឱ្យបរិមាណ និងគុណភាពរបស់អង្គបដិប្រាណទប់ស្កាត់ជំងឺកើនឡើងខ្ពស់ បើទោះជានៅក្នុងករណីបានឆ្លងវីរុសមុន ឬក្រោយការចាក់វ៉ាក់សាំងក៏ដោយ។ នេះបើតាម Fikadu Tafesse សមាជិកជាន់ខ្ពស់នៃក្រុមស្រាវជ្រាវ និងជាជំនួយការសាស្ត្រាចារ្យផ្នែកមីក្រូជីវវិទ្យាម៉ូលេគុល និងភាពស៊ាំ នៃសាកលវិទ្យាល័យ OHSU។

លោក Tafesse បានបញ្ជាក់ថា ហានិភ័យនៃការឆ្លងកូវីដ-១៩ បន្ទាប់ពីបានចាក់វ៉ាក់សាំងរួច គឺនៅតែមានខ្ពស់ដដែល។ ប៉ុន្តែ លោកថា អ្នកដែលបានឆ្លងនៅក្នុងករណីនេះ នឹងមានអាការរោគស្រាល ហើយលោកក៏បានព្យាករថា ជំងឺរាតត្បាតកូវីដ-១៩ អាចត្រូវបានបិទបញ្ចប់ដោយសារ «បាតុភូត» «មហាអង្គដបិប្រាណ» ដែលកើតឡើងក្នុងករណីនេះ៕

January 27, 2022

ក្រុមហ៊ុន Moderna ពិសោធវ៉ាក់សាំងពិសេស ប្រឆាំង អូមីក្រុង

Moderna ចាប់ផ្ដើមពិសោធវ៉ាក់សាំងដូសជំរុញបង្ការកូវីដ-១៩ នៅលើមនុស្ស ដែលត្រូវបានអភិវឌ្ឍឡើងដើម្បីប្រឆាំងនឹង វ៉ារ្យ៉ង់ អូមីក្រុង។

ការពិសោធនេះធ្វើឡើងលើមនុស្សពេញវ័យចំនួន ៦០០ នាក់ ក្នុងនោះមានពាក់កណ្ដាលបានចាក់វ៉ាក់សាំង Moderna ២ ដូស យ៉ាងតិច ៦ ខែមុន ចំណែកពាក់កណ្ដាលទៀតចាក់ ២ ដូស រួមនឹងដូសជំរុញ ១ ដូសដែលជាវ៉ាក់សាំងត្រូវបានអនុម័តឱ្យប្រើប្រាស់ផ្លូវការរួចហើយ។ វ៉ាក់សាំងសម្រាប់ប្រឆាំង អូមីក្រុង នឹងត្រូវបានប្រើជាដូសជំរុញទី ៣ និងទី ។

Moderna ក៏ប្រកាសអំពីលទ្ធផលស្ដីពីប្រសិទ្ធភាពក្នុងការប្រឆាំង អូមីក្រុង របស់ដូសជំរុញផងដែរ ដោយអះអាងថា ៦ ខែ បន្ទាប់ពីបានចាក់ដូសជំរុញ បរិមាណអង្គបដិប្រាណប្រឆាំង អូមីក្រុង ថយចុះ ៦ ដង ធៀបនឹងកម្រិតខ្ពស់បំផុតដែលមានបន្ទាប់ពីចាក់បាន ២៩ ថ្ងៃ ប៉ុន្តែ អង្គបដិប្រាណនេះនៅតែមានក្នុងរាងកាយអ្នកដែលបានចាក់។

«នៅចំពោះមុខការគំរាមកំហែងយូរអង្វែង នៅពេល អូមីក្រុង មានសមត្ថភាពគេចពីប្រព័ន្ធការពាររាងកាយ យើងក៏កំពុងកែលំអវ៉ាក់សាំងពិសេសសម្រាប់ប្រឆាំង វ៉ារ្យ៉ង់ នេះ។ យើងពិតជារីករាយដោយបានចាប់ផ្ដើមស្រាវជ្រាវដំណាក់កាលទី ២» ប្រធាននាយកប្រតិបត្តិ Stephane Bancel របស់ Moderna ឱ្យដឹងដូច្នេះ។

ប្រកាសរបស់ Moderna ត្រូវបានធ្វើឡើង ១ ថ្ងៃ បន្ទាប់ពី Pfizer ឱ្យដឹងថា ខ្លួនចាប់ផ្ដើមចុះឈ្មោះពិសោធលើមនុស្សចំពោះវ៉ាក់សាំងពិសេសសម្រាប់ទប់ស្កាត់ អូមីក្រុង។

ក្រុមហ៊ុនទាំង ២ នេះ សុទ្ធតែអភិវឌ្ឍវ៉ាក់សាំងដោយប្រើប្រាស់បច្ចេកវិទ្យា mRNA ដែលអនុញ្ញាតឱ្យធ្វើបច្ចុប្បន្នវ៉ាក់សាំងបានយ៉ាងងាយស្រួល និងឆាប់រហ័ស ដើម្បីតាមទាន់ល្បឿននៃវិវត្តន៍របស់បណ្ដា វ៉ារ្យ៉ង់ ថ្មី។

ពិភពលោក បានរកឃើញអ្នកឆ្លងកូវីដ-១៩ ជាង ៣.៤៦ លានករណី និងអ្នកស្លាប់ដោយសារជំងឺនេះជាង ១០,០០០ ករណី ក្នុងអំឡុង ២៤ ម៉ោងកន្លង ធ្វើឱ្យតួលេខអ្នកឆ្លងសរុបឡើងដល់ជាង ៣៦២.៨ លាននាក់ និងស្លាប់ជាង ៥.៦ លាននាក់៕

January 27, 2022

រថយន្តអគ្គិសនីទំនើប និងថ្មីបំផុត ផលិតដោយក្រុមហ៊ុនវៀតណាម បង្ហាញខ្លួនជាសាធារណៈលើកដំបូងនៅក្នុងស្រុក

ប្រធានាធិបតីវៀតណាម លោក ង្វៀន សួនហ្វុក នាព្រឹកនេះ បានធ្វើទស្សនកិច្ចរោងចក្រ VinFast ដែលជាអ្នកអភិវឌ្ឍ និងផលិតរថយន្តអគ្គិសនីទំនើបរបស់ក្រុមហ៊ុន Vingroup ដែលមានមហាសេដ្ឋីវៀតណាម លោក ហ្វាម ញ៉ឹតវឿង ជាស្ថាបនិក។

នៅទីលានរបស់រោងចក្រ ប្រធានាធិបតីវៀតណាម បានសាកល្បងជិះកៅអីខាងក្រោយនៃរថយន្តអគ្គិសនី VinFast VF៨ ខណៈដែលមហាសេដ្ឋី ញ៉ឹតវឿង ជាអ្នកកាន់ចង្កូតបើកបរដោយផ្ទាល់។ ក្រុមមន្ត្រី និងបុគ្គលិកក្រុមហុន នាំគ្នាអបអរសាទរ និងបង្ហាញពីមោទកភាពចំពោះរថយន្តអគ្គិសនីរបស់ពួកគេ។

នេះជាលើកដំបូងហើយដែល VinFast VF៨ បានបង្ហាញខ្លួនជាសាធារណៈនៅ វៀតណាម។ ម៉ូដែលរថយន្តនេះត្រូវបានតាំងបង្ហាញលើកដំបូងនៅក្នុងពិព័រណ៍ Los Angeles Auto Show ឆ្នាំ ២០២១ និងត្រូវបានប្រកាសតម្លៃលក់ដំបូងគឺ ១,០៥៧ លានដុង ស្មើនឹង ៤៦,៦00 ដុល្លារអាម៉េរិក សម្រាប់កំណែ Eco និងជាង ១,២៣៧ លានដុង ស្មើនឹង ៥៤,៦០០ ដុល្លារអាម៉េរិក សម្រាប់កំណែ VF៨ Plus នៅក្នុងទីផ្សារ វៀតណាម។

VinFast VF៨ គឺជារថយន្តរត់ដោយថាមពលអគ្គិសនី ប្រភេទ SUV ៥ កៅអី ខ្នាតមធ្យម ប្រហាក់ប្រហែលនឹងរថយន្ត Mercedes-Benz GLC ឬ BMW X។ រថយន្តនេះបំពាក់បច្ចេកវិទ្យាជំនួយការបើកបរឆ្លាតវៃ ម៉ូទ័រអគ្គិសនី កម្លាំង ៤០២ សេះ។ កំណែធម្មតា និង Plus ប្រើប្រាស់ថ្មខុសគ្នា ក្នុងនោះ កំណែមួយអាចរត់បានចម្ងាយ ៤៦០ គីឡូម៉ែត្រ និងកំណែមួយទៀតរត់បាន ៥១០ គីឡូម៉ែត្រ ក្រោយពីបញ្ចូលថាមពលពេញ។

តាមផែនការ រោងចក្រ VinFast នឹងប្រគល់រថយន្តដល់ដៃអតិថិជន ចាប់ពីចុងឆ្នាំ ២០២២ នេះ។ រថយន្តអគ្គិសនីទាំងនេះ ត្រូវបានផលិតនៅ ប្រទេសវៀតណាម៕

January 26, 2022

អតីតកីឡាករបាល់ទាត់ ប្រែក្លាយ «ការងារដៃឆ្វេង» ឱ្យទៅជាយីហោមានតម្លៃ ២ ពាន់លានដុល្លារ

Tim Brown ដែលជាអតីតកីឡាករបាល់ទាត់មួយរូប បានចែករំលែកបទពិសោធន៍ក្នុងការកសាងយីហោ Allbirds ដ៏ល្បីឈ្មោះនៅ អឺរ៉ុប និងមានតម្លៃ ២ ពាន់លានដុល្លារអាម៉េរិក ពីការងារបន្ថែមកាលពីគាត់នៅរត់លើវាលស្មៅ។

លោក Tim Brown ឱ្យដឹងថា កាលពីនៅជាកីឡាករបាល់ទាត់ គាត់ចូលចិត្តផលិតផលដែលបណ្ដាក្រុមហ៊ុនជូនដល់លោកដោយមិនគិតថ្លៃសម្រាប់ការប្រើប្រាស់សាកល្បង ប៉ុន្តែ គាត់មានការបារម្ភអំពីវិធីផលិតរបស់វា។

ដូច្នោះ គាត់ក៏បានសហការបង្កើតក្រុមហ៊ុនកាត់ដេរ Allbirds នៅ អឺរ៉ុប។ Allbirds បានចុះបញ្ជិកាលើផ្សារមូលបត្រកាលពីខែវិច្ឆិកា ២០២១ ជាមួយនឹងការកំណត់តម្លៃជាង ២ ពាន់លានដុល្លារ។

ជាកីឡាករដែលលេងឱ្យក្រុមជម្រើសជាតិ នូវែលសែឡង់ នៅ World Cup ២០១០ លោក Brown ឱ្យដឹងថា៖ «ខ្ញុំបានដឹងថា ខ្ញុំអាចមានឥទ្ធិពលកម្រិតណាដល់ «សហគមន៍» របស់ខ្ញុំ»។

ជាក់ស្ដែង Brown ចាប់ផ្ដើមផលិតស្បែកជើងដូចទៅនឹងការងារដៃឆ្វេងរបស់គាត់ ក្រៅពីអាជីពជាកីឡាករបាល់ទាត់។ កាលណោះ គាត់មិនទាន់បានគិតដល់បញ្ហាស្ថិរភាពនៅឡើយ។ ប៉ុន្តែ ដល់ពេលបានជួប Joey Zwillinger ដែលជាវិស្វករ និងជាអ្នកជំនាញផ្នែកថាមពលកកើតឡើងវិញ ទើបគាត់ចាប់ផ្ដើមយល់អំពីការគំរាមកំហែងពីបំរែបំរួលអាកាសធាតុមកលើផែនដី និងមនុស្សជាតិ។

អ្នកទាំងពីរ បានសហការគ្នាកសាងក្រុមហ៊ុន Allbirds នេះឡើង ដើម្បីបង្កើតដំណោះស្រាយជំនួសប្រកបដោយស្ថិរភាពសម្រាប់ទីផ្សារស្បែកជើង។ Allbirds មានវត្តមានក្នុងទីផ្សារចាប់ពីឆ្នាំ ២០១៥ ក្នុងនាមជាក្រុមហ៊ុនប្រភេទ B Corp ដែលក្រុមហ៊ុនដែលមានការទទួលខុសត្រូវចំពោះសង្គមទាក់ទងនឹងបរិស្ថានដែលកើតឡើងពីសកម្មភាពផលិត។

ពួកគេអភិវឌ្ឍដំណោះស្រាយមួយជំនួសឱ្យសារធាតុ ethylene-vinyl acetat ដែលមានប្រភពពីប្រេងឆៅ ជាប្រភេទជ័រមួយដែលស្រដៀងទៅនឹងកៅស៊ូ ត្រូវបានប្រើប្រាស់ក្នុងការផលិតបាតស្បែកជើង។ វត្ថុធាតុរបស់ Allbirds គឺមានប្រភពពីផលិតផលសំណល់របស់យន្តការកែច្នៃស្ករអំពៅ ជាវត្ថុដែលល្អសម្រាប់បរិស្ថាន។

ប៉ុន្តែ មិនឈប់ត្រឹមនេះទេ ថ្នាក់ដឹកនាំក្រុមហ៊ុន Allbirds បានឱ្យដឹងថា៖ «យើងអាចកាត់បន្ថយការចំណាយរបស់ខ្លួនដោយវិធីកែប្រែដំណើរការនៃការផលិតវត្ថុធាតុនេះឱ្យទៅជា «open source» សម្រាប់ភាគីផ្សេងៗយកទៅកែច្នៃ ដូច្នេះ យើងអាចបង្កើតផលិតផលជាច្រើនប្រភេទទៀត»។

កសាងក្រុមការងារដែលខ្លាំងក្លា

ប្រការអ្វីដែលបង្កើតបានក្រុមការងារខ្លាំងក្លា? យោងតាម Brown នោះគឺភាពខុសគ្នា។ «ភាពខុសគ្នា បង្កើតបានជាកម្លាំង ក៏ដូចជាសមត្ថភាពដើម្បីបោះជំហានទៅមុខបានឆ្ងាយជាងអ្វីដែលអ្នកអាចធ្វើម្នាក់ឯង»។ ការសហការគ្នារវាង Allbirds និង Adidas សម្រាប់ការផលិតស្បែកជើង Futurecraft Footprint គឺជាឧទាហរណ៍ជាក់ស្ដែងមួយសម្រាប់ «ភាពខុសគ្នា» ដែលក្រុមហ៊ុន Allbirds បានលើកឡើង។

បង្ហាញខ្លួន និងស្ដាប់

Brown ផ្ដល់អនុសាសន៍ដល់បណ្ដាសហគ្រិននានា ឱ្យយកចិត្តទុកដាក់ទៅលើការកែលំអជាបន្តបន្ទាប់នូវផលិតផលរបស់ខ្លួន ដោយ «បង្ហាញខ្លួន» និងស្ដាប់មតិស្ថាបនាពីអតិថិជន៕

January 26, 2022

(វីដេអូ)-«រថយន្តហោះ» របស់ក្រុមហ៊ុនមួយ ត្រូវបានអនុញ្ញាតឱ្យធ្វើការហោះហើរជាផ្លូវការ

ក្រោយពីជើងហោះហើររវាងទីក្រុងជាលើកដំបូងកាលពីខែមិថុនា ២០២១ ម៉ូដែលគំរូរថយន្តហោះ AirCar របស់ Klein Vision ត្រូវបានអាជ្ញាធរគ្រប់គ្រងចរាចរណ៍នៃ ប្រទេសស្លូវ៉ាគី អនុញ្ញាតឱ្យធ្វើសកម្មភាព។

កាលពីឆ្នាំ ២០១៦ សាស្ត្រាចារ្យ Stefan Klein បានចាកចេញពីក្រុមហ៊ុន Aeromobil នៅ ស្លូវ៉ាគី ដើម្បីអភិវឌ្ឍម៉ូដែលរថយន្តហោះផ្ទាល់ខ្លួន។ ក្រុមរបស់លោក Stefan ដែលមានគ្នា ៨ នាក់ បានឆ្លងកាត់ការធ្វើការ រយៈពេល ១០០,០០០ ម៉ោង ដើម្បីប្រែក្លាយគំនូរប្លង់មេ ទៅជាគំរូនៅលើកុំព្យូទ័រ និងម៉ូដែលគំរូម៉ូដែលហោះហើរបាន។

ម៉ូដែលគំរូរបស់ AirCar បានឆ្លងកាត់ការហោះហើរសាកល្បងជាង ៧០ ម៉ោង ទៅតាមស្ដង់ដារបស់នាយកដ្ឋានសុវត្ថិភាពអាកាសចរណ៍អឺរ៉ុប (EASA) ក្នុងនោះមានការហោះឡើង និងចុះចត ២០០ ម៉ោង នៅក្នុងជើងហោះហើរនៅពាសពេញផ្ទៃប្រទេស ក្នុងបំណងសុំអាជ្ញាប័ណ្ណ។

បច្ចុប្បន្ននេះ ក្រុមហ៊ុន Klein Vision កំពុងរៀបគម្រោងដើម្បីឱ្យ AirCar អាចហោះពី បារីស ទៅកាន់ ក្រុងឡុងដ៍ នាពេលខាងមុខ។

AirCar មានរូបរាងស្រដៀងនឹងឡានប្រណាំង និងមានកៅអីចំនួន ២ ព្រមទាំងប្រើប្រាស់ម៉ាស៊ីន BMW ៤ ស៊ីឡាំង ចំណុះ ១.៦ លីត្រ និងកម្លាំង ១៤០ សេះ។ រថយន្តហោះនេះប្រើប្រាស់ល្បឿន ១១៥ គីឡម៉ែត្រ/ម៉ោង ដើម្បីហោះឡើង ខណៈដែលល្បឿនហោះហើរផ្លូវឆ្ងាយរបស់វាគឺ ១៨០ គីឡូម៉ែត្រ/ម៉ោង។

ដោយគ្រាន់តែចុចលើគ្រាប់ចុច និងរង់ចាំប្រហែលតែ ២ នាទីប៉ុណ្ណោះ AirCar នឹងប្ដូរពីទម្រង់ហោះហើរ ទៅជាទម្រង់ដូចឡានដែលរត់នៅលើដី។

បច្ចុប្បន្ន Klein Vision កំពុងធ្វើតេស្តម៉ាស៊ីនធុនស្រាលមួយប្រភេទដែលមានកម្លាំងខ្លាំងរបស់ក្រុមហ៊ុន Adept Airmotive។ ម៉ាស៊ីននេះ ជួយឱ្យរថយន្តហោះ AirCar មានល្បឿនជាង ៣០០ គីឡូម៉ែត្រ/ម៉ោង និងអាចហោះបានក្នុងរង្វង់ប្រតិបត្តិការ ១,០០០ គីឡូម៉ែត្រ។ តាមគម្រោង ក្រុមហ៊ុននឹងសុំអាជ្ញាប័ណ្ណសម្រាប់គំរូផលិតនេះក្នុងរង្វង់ ១៣ ខែទៀត៕

January 26, 2022

កូវីដ-១៩! កម្ពុជា រកឃើញអ្នកឆ្លងថ្មី ២២ នាក់ទៀត ក្នុងថ្ងៃទី ២៥ មករា ២០២២

អ្នកវិជ្ជមានថ្មីទាំង ២២ នាក់ ដែលសុទ្ធតែជាករណី អូមីក្រុង នេះ រួមមាន ករណីឆ្លងក្នុងសហគមន៍ ១៧ នាក់ និង ករណីអ្នកដំណើរពីបរទេស ៥ នាក់។

ក្នុងថ្ងៃដដែល កម្ពុជា ក៏មានអ្នកជាសះស្បើយពីជំងឺ កូវីដ-១៩ ចំនួន ២០ នាក់ និងស្លាប់ «គ្មាន»។

January 26, 2022

WHO ព្រួយបារម្ភអំពី កូវីដ-១៩ ប្រភេទថ្មី នាពេលអនាគត ដែលអាចឆ្លងរាលដាលលឿនជាង អូមីក្រុង

អង្គការសុខភាពពិភពលោក (WHO) ឱ្យដឹងថា វ៉ារ្យ៉ង់ បន្ទាប់របស់ កូវីដ-១៩ អាចឆ្លងរាលដាលលឿនជាង អូមីក្រុង ប៉ុន្តែ មិនទាន់ដឹងថា វានឹងអាចបង្កគ្រោះថ្នាក់ធ្ងន់ជាងប្រភេទបច្ចុប្បន្ន ឬយ៉ាងណានៅឡើយ។

«យើងមានការព្រួយបារម្ភចំពោះ វ៉ារ្យ៉ង់ បន្ទាប់ ដែលអាចងាយឆ្លងជាង ព្រោះតែវាត្រូវឆ្លងកាត់បណ្ដា វ៉ារ្យ៉ង់ ដែលកំពុងមានបច្ចុប្បន្ន។ សំណួរធំបំផុតនោះគឺថា តើ វ៉ារ្យ៉ង់ ក្នុងអនាគតអាចបង្កជំងឺធ្ងន់ធ្ងរដែរ ឬទេ» Maria Van Kerkhove ប្រធានក្រុមបច្ចេកទេសរបស់ WHO លើកឡើងដូច្នេះកាលពីថ្ងៃទី ២៥ មករា។

អ្នកវិជ្ជមាននឹង កូវីដ-១៩ ប្រហែល ២១ លានករណី នៅទូទាំងពិភពលោក ត្រូវបានរាយការណ៍ដល់ WHO កាលពីសប្ដាហ៍មុន ដែលតួលេខនេះកើនឡើងខ្ពស់បំផុតនៅក្នុងរបាយការណ៍ប្រចាំសប្ដាហ៍កាលពីពេលកន្លង ដោយសារតែ អូមីក្រុង។

អូមីក្រុង ទំនងជាមិនសាហាវជាងបណ្ដា វ៉ារ្យ៉ង់ មុនៗ ប៉ុន្តែ ការឆ្លងរាលដាលលឿនរបស់វា នាំឱ្យប្រព័ន្ធសុខាភិបាលត្រូវរងសម្ពាធធ្ងន់។

លោកស្រី Maria Van Kerkhove ប្រធានក្រុមបច្ចេកទេសរបស់ WHO

Kerkhove បានព្រមានថា គ្រប់គ្នាមិនគួរជឿជាក់ទាំងស្រុងទៅលើសម្មតិកម្មដែលថា វីរុសនឹងបន្តវិវត្តទៅជា ប្រភេទខ្សោយជាងបច្ចុប្បន្ន និងមិនបង្កអាការធ្ងន់ធ្ងរជាងបច្ចុប្បន្ននោះឡើយ។

ចំណែកប្រធានកម្មវិធីបន្ទាន់របស់ WHO វិញ ឱ្យដឹងថា វីរុសនឹងបន្តរីកចម្រើនមុនពេលស្ងប់ស្ងាត់។ លោកសង្ឃឹមថា វីរុសនឹងវិវត្តទៅជាខ្សោយ ដោយការឆ្លងរាលដាលអាចនឹងមានល្បឿនយឺតមកវិញ ហើយអាចក្លាយជាវីរុសដែលឆ្លងតាមរដូវ ឬអាចត្រឹមតែប៉ះពាល់ដល់ក្រុមដែលងាយរងគ្រោះ។

ក៏ប៉ុន្តែ បញ្ហា កូវីដ-១៩ គឺមិនអាចស្មានបានឡើយ។ ជាក់ស្ដែង វីរុសបាននាំមកនូវការភ្ជាក់ផ្អើលជាច្រើនដែលបង្កការលំបាកដល់មនុស្ស។ នេះបើតាមវេជ្ជបណ្ឌិត Mike Ryan៕

January 26, 2022

រ៉ុក្កែតរបស់ SpaceX ក្នុងបេសកកម្មតម្លៃជាង ៣០០ លានដុល្លារ កំពុងហោះសំដៅបុកផ្ទៃព្រះចន្ទ

ក្រោយពីបាននាំស្ថានីយសង្កេតរបស់ SpaceX ចូលទៅកាន់ទីអវកាស រ៉ុក្កែតរុញច្រាន Falcon 9 ឆ្លងកាត់គន្លងគោចរប្រកបដោយភាពមិននឹងន ហើយវានឹងអាចធ្លាក់ទៅលើផ្ទៃព្រះចន្ទនៅដើមខែមីនា ២០២។

ជាន់ទីពីររបស់ រុក្កែត Falcon 9 ដែលមានទម្ងន់ប្រហែល ៤ តោន នឹងធ្លាក់ទៅលើផ្ទៃរបស់ព្រះចន្ទក្នុងល្បឿនជិត ៩,២០០ គីឡូម៉ែត្រ/ម៉ោង។

កាលពីខែកុម្ភៈ ឆ្នាំ ២០១៥ រ៉ុក្កែត Falcon 9 របស់ SpaceX ត្រូវបានបាញ់បង្ហោះពី Cape Canaveral ក្នុងរដ្ឋ Florida (សហរដ្ឋអាម៉េរិក) នាំស្ថានីយឧតុនិយមអវកាស (DSCOVR) ទៅកាន់ទីតាំងដែលមានចម្ងាយពីផែនដីប្រហែល ១.៦ លានគីឡូម៉ែត្រ។ បេសកកម្មនេះមានតម្លៃ ៣៤០ លានដុល្លារអាម៉េរិក។

រ៉ុក្កែតរបស់ SpaceX កាលពីដំណាក់កាលត្រៀមដំឡើងលើជើងទម្រនៅ Florida កាលពីខែកុម្ភៈ ២០១៥

បន្ទាប់ពីបាននាំ DSCOVR ទៅដល់គន្លងអន្តរកាល (hohmann transfer) ជាន់ទីពីររបស់រ៉ុក្កែត Falcon 9 ក៏ក្លាយជាសំរាមអវកាស និងមិនមានថាមពលគ្រប់គ្រាន់ដើម្បីគេចផុតពីទំនាញរបស់ផែនដី និងព្រះចន្ទ។

ជាលទ្ធផល ផ្នែកដែលនៅសល់របស់ Falcon 9 កំពុងស្ថិតនៅលើផ្លូវសំដៅធ្លាក់ចុះលើផ្ទៃព្រះចន្ទនៅថ្ងៃទី ៤ មីនា ២០២។ លោក Bill Gray ដែលជាអ្នកសរសេរកូដតាមដានវត្ថុអវកាសក្បែរផែនដី បានអំពាវនាវដល់អ្នកវិទ្យាសាស្ត្រ ឱ្យតាមដានទិសដៅរបស់រ៉ុក្កែតនេះ៕

January 26, 2022

មូលហេតុដែលនាំឱ្យអ្នកជំងឺកូវីដ-១៩ ខ្លះ មានអាការធ្ងន់ធ្ងរ ឯខ្លះទៀតមានអាការស្រាល

អ្នកវិទ្យាសាស្ត្របានរកឃើញមូលហេតុដែលនាំឱ្យអ្នកវិជ្ជមាននឹងកូវីដ-១៩ មួយចំនួន មានអាការធ្ងន់ធ្ងរ ខណៈដែលអ្នកជំងឺខ្លះទៀតបែរជាមានអាការស្រាលទៅវិញ។

យោងតាមសារព័ត៌មាន Daily Mail (អង់គ្លេស) នៅក្នុងគម្រោងស្រាវជ្រាវអន្តរជាតិមួយ វេជ្ជបណ្ឌិត Jean-Laurent Casanova រួមនឹងសហការីរបស់គាត់នៅសាកលវិទ្យាល័យ Rockefeller (សហរដ្ឋអាម៉េរិក) បានស្រាវជ្រាវរកកត្តាដែលនាំឱ្យមានការកើនឡើងនៃហានិភ័យកើតជំងឺកូវីដ-១៩ ធ្ងន់ធ្ងរ។

ក្រុមអ្នកវិទ្យាសាស្ត្រខាងលើបានរកឃើញថា អ្នកជំងឺដែលចូលពេទ្យដោយសារឆ្លងកូវីដ-១៩ មានកំហាប់ autoantibody (autoantibody គឺជាអង្គបដិប្រាណដែលផលិតដោយប្រព័ន្ធការរាងកាយ និងវាយប្រហារលើប្រូតេអ៊ីនល្អ ដោយសារច្រឡំ) ខ្ពស់ជាងច្រើន ធៀបនឹងអ្នកជំងឺដែលមិនត្រូវចូលព្យាបាលនៅមន្ទីរពេទ្យ។ ពួកគេគណនាឃើញថា autoantibody មានប្រហែល ១/៥ នៃករណីស្លាប់សរុបដែលបង្កឡើងដោយកូវីដ-១។

អង្គបដិប្រាណដែលវាយប្រហារលើរាងកាយអ្នកជំងឺនេះ បានធ្វើឱ្យស្ថានភាពជំងឺកាន់តែធ្ងន់ធ្ងរឡើងៗ ព្រោះតែពួកវាទប់ស្កាត់សកម្មភាពរបស់ម៉ូលីគុលដែលមានតួនាទីរារាំងការឆ្លងរាលដាលរបស់វីរុស។

ដោយសារតែ autoantibody អាចត្រូវបានរកឃើញដោយការពិសោធឈាម ដូច្នេះគេអាចកំណត់បានច្បាស់ថា អ្នកណាមានកំហាប់ autoantibody ខ្ពស់។ បន្ទាប់មក វេជ្ជបណ្ឌិតនឹងអាចរកឃើញបានយ៉ាងឆាប់រហ័សនូវអ្នកជំងឺដែលត្រូវការព្យាបាលសកម្ម និងលើកឡើងនូវវិធីសាស្ត្រព្យាបាលទប់ស្កាត់ទាន់ពេល៕

January 26, 2022

Author: សឿន សំណាង