ម្នាក់ក្នុងចំណោម ២ នាក់ ដែលបានឆ្លងវីរុសបង្កជំងឺអុតស្វានេះ មានរោគសញ្ញា និងត្រូវបានបញ្ជូនទៅកាន់មជ្ឈមណ្ឌលចត្តាឡីស័ក។
កូរ៉េខាងត្បូង ទើបតែបានរកឃើញករណីឆ្លងជំងឺអុតស្វា ដំបូងចំនួន ២ នាក់ នៅប្រទេសនេះ។ សារព័ត៌មាន Yonhap បានឱ្យដឹងថា ម្នាក់ក្នុងចំណោម ២ នាក់ ដែលបានឆ្លងវីរុសបង្កជំងឺអុតស្វានេះ មានរោគសញ្ញា នៅពេលកំពុងបំពេញបែបបទសុំទិដ្ឋាការនៅឯអាកាសយានដ្ឋានអន្តរជាតិ Incheon។ ភ្លាមៗនេះ អ្នកជំងឺក៏ត្រូវបានបញ្ជូនទៅកាន់មជ្ឈមណ្ឌលសុខាភិបាលដើម្បីធ្វើចត្តាឡីស័ក និងព្យាបាល។
កាលពីដើមខែនេះ កូរ៉េខាងត្បូង បានដាក់បញ្ចូលជំងឺអុតស្វា ទៅក្នុងបញ្ជីនៃជំងឺដែលមានហានិភ័យឆ្លងក្នុងកម្រិតទី ២ ក្នុងប្រព័ន្ធជំងឺ ៤ កម្រិតរបស់ប្រទេសនេះ ក្នុងនោះក៏មាន កូវីដ-១៩, អុតស្វាយ និងជំងឺរាកស្រួចស្រាវដែលបង្កដោយបាក់តេរី Cholera ផងដែរ។
អង្គការសុខភាពពិភពលោក (WHO) មកដល់បច្ចុប្បន្ន បានបញ្ជាក់ថា មានករណីឆ្លងជំងឺអុតស្វាចំនួន ២,១០០ នាក់ និងមានករណីស្លាប់ម្នាក់ នៅក្នុងងប្រទេសចំនួន ៤២ ក្នុងពិភពលោក ក្នុងនោះ ៨៤% នៃករណីឆ្លង ត្រូវបានរកឃើញនៅ អឺរ៉ុប។
តាមគម្រោង WHO នឹងបើកកិច្ចប្រជុំបន្ទាន់មួយនៅថ្ងៃស្អែក (២៣ មិថុនា) ដើម្បីពិនិត្យមើលថា តើការផ្ទុះឆ្លងជំងឺអុតស្វាបច្ចុប្បន្ន អាចក្លាយជាស្ថានការណ៍អាសន្នសម្រាប់សកលលោកដែរ ឬទេ។
