ក្នុងការប្រកួតនៅវេលាម៉ោង 19 និង 30 នាទីព្រលប់ថ្ងៃទី 03 មករានេះ វៀតណាម កំពុងមានប្រៀបជាងក្រុមរបស់ មីយ៉ាន់ម៉ា និងអាចបានឡើងទៅកាន់វគ្គពាក់កណ្ដាលផ្ដាច់ព្រ័ត្រ។
ការប្រកួតជុំចុងក្រោយនៃវគ្គចែកពូលនៅ AFF Cup 2022 រវាង វៀតណាម និង មីយ៉ាន់ម៉ា នៅព្រលប់នេះ នឹងត្រូវធ្វើឡើងនៅលើទឹកដីរបស់ វៀតណាម។
បច្ចុប្បន្ន មីយ៉ាន់ម៉ា ស្ថិតនៅលើចំណាត់ថ្នាក់ទី 159 ក្នុងបញ្ជីរបស់ FIFA ខណៈ វៀតណាម ជាប់ចំណាត់ថ្នាក់ទី 96។
អំពីលទ្ធផលនៃការប្រកួតថ្មីៗរបស់ក្រុមទាំងពីរ រួមមានដូចខាងក្រោម ៖
បច្ចុប្បន្ន លើពិភពលោកមានការលើកទឹកចិត្ត និងការបញ្ចុះអត្រាពន្ធជាច្រើនដើម្បីជួយឱ្យយានយន្តអគ្គិសនីមានតម្លៃទាបជាងមុន ប៉ុន្តែ ថ្មីៗនេះ ប្រទេសអ៊ូហ្កង់ដា បានធ្វើឱ្យមានការចាប់អារម្មណ៍ខ្លាំងនៅពេលប្រកាសចែកម៉ូតូអគ្គិសនីដល់ពលរដ្ឋដោយមិនគិតថ្លៃ។
នៅក្នុងសេចក្ដីថ្លែងការណ៍ចុងឆ្នាំ ប្រធានាធិបតីរបស់ សាធារណរដ្ឋអ៊ូហ្កង់ដា លោក Yoweri Kaguta Museveni ប្រកាសថា នឹងមានការចែកម៉ូតូអគ្គិសនីជូនដល់ប្រជាពលរដ្ឋដោយមិនគិតថ្លៃ។ ការចែកជូននេះនឹងត្រូវបានធ្វើឡើងក្នុងទម្រង់ដោះដូរសម្រាប់អ្នកដែលកំពុងប្រើប្រាស់ម៉ូតូម៉ាស៊ីនចំហេះក្នុង។
រដ្ឋាភិបាលអ៊ូហ្កង់ដា នឹងមិនមែនជាអ្នកផ្ដល់ជំនួយដោយផ្ទាល់សម្រាប់កម្មវិធីនេះទេ។ «យើងបានព្រមព្រៀងគ្នាជាមួយនឹងអ្នកវិនិយោគមួយចំនួនស្ដីពី «ការបោះបង់ម៉ូតូសាំង និងងាកទៅប្រើម៉ូតូអគ្គិសនី»។ ការដោះដូរនេះនឹងជួយឱ្យអ្នកប្រើប្រាស់អាចកាត់បន្ថយការចំណាយបាន 50%។
អ្នកវិនិយោគទាំងនោះនឹងទទួលបានអាជ្ញាប័ណ្ណសម្រាប់ដំណើរការស្ថានីយបញ្ចូលថាមពលអគ្គិសនី និងស្ថានីយប្ដូរថ្ម ដើម្បីឱ្យពួកគេរកចំណូលត្រលប់មកវិញ។
ម៉ូតូអគ្គិសនីដែលយកមកប្ដូរគឺជាប្រភេទអាចរត់ឌុបបាន និងជាម៉ូតូដែលផលិតនៅ អ៊ូហ្កង់ដា ហើយមានតម្លៃប្រហែល 5 លានស៊ីលីងអ៊ូហ្គង់ដា ប្រហែលនឹង 1,350 ដុល្លារអាម៉េរិក។
ក្រៅពីផលប្រយោជន៍ផ្នែកបរិស្ថាន ម៉ូតូអគ្គិសនីក៏ជួយដល់អ្នករត់ឌុបឯករាជ្យផងដែរ ដោយសារតែការចំណាយលើការបញ្ចូលអគ្គិសនីមានកម្រិតទាបជាងម៉ូតូសាំង៕
ប្រធាន FIFA លោក Gianni Infantino ធ្លាប់បានលើកឡើងគំនិតមួយចំនួនដែលបង្កការភ្ញាក់ផ្អើលខ្លាំង ហើយថ្មីៗនេះ លោកក៏បានស្នើឱ្យប្រទេសទាំងអស់ ត្រូវមានកីឡដ្ឋានមួយដែលមានឈ្មោះ Pele អតីតស្ដេចបាល់ទាត់ពិភពលោក ដែលទើបបានទទួលមរណភាពកាលពីចុងឆ្នាំកន្លង។
ប្រទេសប្រេស៊ីល កំពុងកាន់ទុក្ខ បន្ទាប់ពីលោក Pele (Edson Arantes do Nascimento) បានទទួលមរណភាពក្នុងវ័យ 82 ឆ្នាំ។ កាលពីថ្ងៃទី 02 មករា 2023 ទីក្រុង Santos ជាកន្លែងដែលលោក Pele ចំណាយពេលប្រកួតពេញមួយអាជីពរបស់គាត់ បានប្រារព្ធពិធីរម្លឹកវិញ្ញាណក្ខន្ធពិសេសដែលអូសបន្លាយពេលពេញមួយថ្ងៃដើម្បីជាការគោរពដល់សពលោក Pele ក្នុងនោះក៏មានការចូលរួមរបស់ប្រធាន FIFA លោក Gianni Infantino ផងដែរ។
«យើងនៅទីនេះក្នុងក្ដីសោកសៅយ៉ាងធំធេង។ Pele គឺជាអមតៈ ជានិមិត្តរូបសកលមួយរបស់បាល់ទាត់។ មនុស្សជំនាក់ក្រោយត្រូវតែស្គាល់ និងចងចាំឈ្មោះ Pele» លោក Gianni Infantino ថ្លែងដូច្នេះ និងបន្ត «FIFA នឹងស្នើដល់ប្រទេសទាំងអស់លើពិភពលោក ត្រូវយកឈ្មោះ Pele ដើម្បីដាក់ឱ្យកីឡដ្ឋានមួយរបស់ពួកគេ»។
គំនិតរបស់លោក Gianni Infantino នេះ ក៏បានធ្វើឱ្យមានមតិចម្រូងចម្រាសច្រើន។ គេដឹងហើយថា Pele មានឥទ្ធិពលធំធេង ប៉ុន្តែការតម្រូវឱ្យគ្រប់ប្រទេសត្រូវមានកីឡដ្ឋានមួយដែលមានឈ្មោះ Pele គឺមានលក្ខណៈបង្ខិតបង្ខំបន្តិចហើយ។
ក្រោយពីទទួលមរណភាព ទីស្នាក់ការកណ្ដាលរបស់ FIFA នៅទីក្រុង Zurich របស់ ស្វ៊ីស បានបង្ហូតទង់ពាក់កណ្ដាលដងដើម្បីសម្ដែងការគោរពសោកស្ដាយចំពោះសពអតីតកីឡាករដែលត្រូវបានចាត់ទុកថា ឆ្នើមជាងគេបង្អស់ក្នុងសតវត្សរ៍ទី 20។ នៅឯ Santos វិញ មឈូសរបស់សពលោក Pele ត្រូវបានកូនប្រុស Edinho និងក្រុមអតីតកំពូលកីឡាកររបស់ក្លឹប Santos ដង្ហែទៅកាន់ព្រលានបាល់ទាត់ Vila Belmiro នៅព្រឹកថ្ងៃទី 02 មករា 2023។ តាំងពីដំបូង អ្នកគាំទ្ររាប់ពាន់នាក់បានទៅកាន់ទីតាំងតម្កល់សពដើម្បីមើលមុខស្ដេចបាល់ទាត់ជាលើកចុងក្រោយ។
តាមគម្រោង ពិធីហែសពលោក Pele នឹងធ្វើដំណើរឆ្លងកាត់តាមដងផ្លូវសំខាន់ក្នុងទីក្រុង Santos មុនពេលធ្វើពិធីបញ្ចុះសពនៅថ្ងៃទី 03 មករានេះ៕
(ប្រទេសចិន)- រថភ្លើងក្រុងដំណើរការដោយអ៊ីដ្រូសែន និងបំភាយតែទឹកដំបូងគេនៅអាស៊ី ត្រូវបានបើកបរចេញពីរោងចក្រនៅទីក្រុង Chengdu ខេត្ត Sichuan កាលពីសប្ដាហ៍កន្លង។
រថភ្លើងដែលត្រូវបានអភិវឌ្ឍដោយក្រុមហ៊ុនផ្លូវដែក Changchun Railway និងក្រុមហ៊ុនផ្លូវដែក Chengdu នេះ ប្រើប្រាស់បច្ចេកវិទ្យារបស់រថភ្លើងរាងគ្រាប់កាំភ្លើង Fuxing និងមានល្បឿន 160 គីឡូម៉ែត្រ/ម៉ោង ដោយប្រព័ន្ធថាមពលអ៊ីដ្រូសែន ដែលជាប្រភពផ្គត់ផ្គង់អគ្គិសនីកម្លាំងខ្លាំង និងមានស្ថិរភាពយូរអង្វែង អាចរត់បាន 600 គីឡូម៉ែត្រ ក្រោយការបញ្ចូលថាមពលមួយពេញ។
យោងតាមសារព័ត៌មានប្រចាំថ្ងៃរបស់ Chengdu រថភ្លើងនេះប្រើប្រាស់ថ្មផ្ទុកថាមពលអ៊ីដ្រូសែន និងបច្ចេកវិទ្យាបញ្ចូលថាមពលថ្មរហ័ស (Supercapacitor) ដើម្បីផ្គត់ផ្គង់ថាមពល។ ថាមពលនេះត្រូវបានបង្កើតឡើងដោយប្រតិកម្មអេឡិចត្រូគីមី (electrochemical reaction) របស់អ៊ីដ្រូសែន និងអុកស៊ីសែនក្នុងថ្មផ្ទុកថាមពល។ ប្រតិកម្មនេះបំភាយតែទឹក និងមិនមានអនុផលផ្សេងឡើយ ព្រមទាំងមានស្ថិរភាព និងមិនមានសំឡេងរំខានច្រើន។
រថភ្លើងដែលដំណើរការដោយអ៊ីដ្រូសែន ធ្វើដំណើរ 500 គីឡូម៉ែត្ររាល់ថ្ងៃក្នុងល្បឿន 160 គីឡូម៉ែត្រ/ម៉ោង អាចកាត់បន្ថយឧស្ម័នកាបូនឌីអុកស៊ីតជាង 10,000 គីឡូក្រាមក្នុងមួយឆ្នាំ នេះបើតាមក្រុមអ្នកអភិវឌ្ឍខាងលើ។
រថភ្លើងនេះក៏អាចត្រូវបានប្រើប្រាស់ទូលំទូលាយសម្រាប់ផ្លូវដែកក្នុងតំបន់ដែលមិនទាន់មានបណ្ដាញអគ្គិសនីផងដែរ។
ប្រទេសចិន មានមហិច្ឆតាក្នុងការអភិវឌ្ឍវិស័យថាមពលអ៊ីដ្រូសែន។ ដល់ឆ្នាំ 2025 ប្រទេសនេះគ្រោងនឹងមានមធ្យោបាយធ្វើដំណើរប្រហែល 50,000 គ្រឿងដែលប្រើប្រាស់ថ្មអ៊ីដ្រូសែន ហើយបរិមាណផលិតផលអ៊ីដ្រូសែនប្រចាំឆ្នាំដែលបានមកពីថាមពលកកើតឡើងវិញនឹងសម្រេចបានពី 100,000 ដល់ 200,000 តោន នេះបើតាមផែនការដែលត្រូវបានប្រកាសកាលពីខែមីនា 2022 ដោយគណៈកម្មការកំណែទម្រង់ អភិវឌ្ឍជាតិ និងរដ្ឋបាលថាមពលជាតិ របស់ ប្រទេសចិន៕
អាជ្ញាធរវៀតណាម បានឱ្យដឹងថា រយៈពេលនៃការសង្គ្រោះក្មេងដែលបានធ្លាក់ចូលក្នុងសសរបេតុងប្រហោងក្នុងនឹងត្រូវបន្លាយពេលដល់រសៀលថ្ងៃទី 03 មករា 2023។
វេលាថ្ងៃត្រង់នេះ បានបញ្ជាក់ប្រាប់ក្រុមអ្នកយកព័ត៌មានអំពីពេលវេលានៃការសង្គ្រោះក្មេងប្រុសអាយុ 10 ឆ្នាំ ដែលបានធ្លាក់ចូលទៅក្នុងបំពង់សសរបេតុងជម្រៅ 35 ម៉ែត្រ នៅខេត្ត Dong Thap ភាគត្បូងប្រទេសវៀតណាម។ អភិបាលរងខេត្តនេះបានបញ្ជាក់ថា តាមផែនការ ក្នុងរសៀលថ្ងៃទី 03 មករានេះ ក្រុមសង្គ្រោះនឹងទាញបំពង់សសរបេតុងប្រវែង 35 ម៉ែត្រ ចេញពីដី។
យោងតាមមន្ត្រីខាងលើ តាំងពីព្រលប់ម្សិលមិញដល់វេលាថ្ងៃត្រង់នេះ ក្រុមសង្គ្រោះបាន និងកំពុងដុតដៃដុតជើងអនុវត្តវិធីសាស្ត្របច្ចេកទេស បញ្ចូលបំពង់ដែកថែបទៅក្រោមដីជុំវិញបំពង់សសរបេតុងដែលជនរងគ្រោះកំពុងជាប់ក្នុងនោះ។
បន្ទាប់ពីបញ្ចូលបំពង់ដែកថែបទៅក្នុងដីរួច ក្រុមសង្គ្រោះនឹងបូមយកដីចេញ។ ការងារនេះត្រូវអនុវត្តរហូតដល់កម្លាំងសម្ពាធត្រូវថយចុះ ទើបអាចទាញបំពង់សសរបេតុងនេះចេញពីក្រោមដី។ ក្រោយមក នឹងកំណត់ទីតាំងរបស់ក្មេងរងគ្រោះ រួចចាប់ផ្ដើមកាត់បំពង់សសរនោះ ដើម្បីយកក្មេងរងគ្រោះចេញមកក្រៅ។
សមត្ថកិច្ចនៅខេត្ត Dong Thap បានឱ្យដឹងថា បច្ចុប្បន្ន បេសកកម្មជួយសង្គ្រោះកុមារនេះ ទទួលបានជោគជ័យក្នុងជំហានដំបូង។
ករណីធ្លាក់ក្មេងចូលបំពង់សសរបេតុងខាងលើនេះបានកើតឡើងកាលពីម៉ោងប្រហែល 11 និង 30 នាទី ថ្ងៃទី 31 ធ្នូ 2022។ ក្មេងរងគ្រោះមានឈ្មោះថា Thai Ly Hao Nam (អាយុ 10 ឆ្នាំ) និងក្មេង 3 នាក់ទៀត បានចូលក្នុងការដ្ឋានសាងសង់ស្ពានមួយកន្លែងដើម្បីរើសអេតចាយ។ ប៉ុន្តែ Hao Nam ក៏បានធ្លាក់ទៅក្នុងបំពង់សសរបេតុងប្រហែលដែលត្រូវបានដាំទៅក្នុងដីជម្រៅប្រហែល 35 ម៉ែត្រ។
ប្រហែលកន្លះម៉ោងក្រោយពីកុមារនេះបានជួបគ្រោះថ្នាក់ កម្លាំងសង្គ្រោះក៏បានទៅដល់កន្លែងកើតហេតុ និងចាប់ផ្ដើមដំណើរការជួយសង្គ្រោះ៕
ក្រោយរយៈពេល 72 ម៉ោងនៃការជួយសង្គ្រោះ សសរបេតុងប្រហោងក្នុងជិតត្រូវបានអូសឡើងពីក្រោមដី ខណៈដែលមនុស្សម្នាកំពុងបួងសួងសូមឱ្យក្មេងរងគ្រោះនេះរួចពីការស្លាប់។
មកដល់ម៉ោង 11 និង 30 នាទី ថ្ងៃទី 03 មករា 2023 ក្រុមសង្គ្រោះបានដាំបំពង់ដែកធំដែលមានមុខកាត់ 1.5 ម៉ែត្រសម្រាប់ឱបយកបំពង់សសរប្រហោងក្នុង 25 សម ដែលក្មេងរងគ្រោះធ្លាក់ចូល។ កម្លាំងសង្គ្រោះកំពុងដុតដៃដុតជើងយកដីចេញពីខាងក្នុងបំពង់ដែក ដើម្បីត្រៀមសម្រាប់ការទាញបំពង់សសរបេតុងឡើងមកលើ។
នៅពេលសសរបេតុងប្រហោងក្នុងត្រូវបានទាញឡើងផុតពីដី កម្លាំងសង្គ្រោះនឹងរកទីតាំងរបស់ក្មេងរងគ្រោះ រួចហើយកាត់សសរនោះ ដើម្បីយកក្មេងចេញមកក្រៅ។
ដូច្នេះ ក្រោយការជួយសង្គ្រោះ 72 ម៉ោង សសរបេតុងដែលក្មេងរងគ្រោះកំពុងជាប់ ជិតត្រូវបានទាញឡើងផុតពីដីហើយ។ មនុស្សម្នាកំពុងបួងសួងសូមឱ្យក្មេងរងគ្រោះឈ្មោះ Thai Ly Hao Nam (កើតឆ្នាំ 2012 នៅខេត្ត Dong Thap ភាគខាងត្បូងប្រទេសវៀតណាម) បានរួចផុតពីការស្លាប់៕
យោងតាមទីភ្នាក់ងារសារព័ត៌មានកីឡា Marca កីឡាករ Cristiano Ronaldo អាចលេងនៅ Champions League រដូវកាលក្រោយ បន្ទាប់ពីគាត់ដាក់លក្ខខណ្ឌសម្រាប់ករណីចេញពីក្លឹប Al Nassr ទៅកាន់ Newcastle។
ក្នុងករណី Newcastle ដណ្ដើមបានសំបុត្រទៅចូលរួមប្រកួតនៅ Champions League 2023-2024 លក្ខខណ្ឌមួយនៅក្នុងកិច្ចព្រមព្រៀងរវាង Ronaldo និងក្លឹប Al Nassr របស់ អារ៉ាប៊ីសាអូឌីត នឹងត្រូវបាន «ដាស់»។ ពេលនោះ Ronaldo មានសិទ្ធិស្នើ Al Nassr អនុញ្ញាតឱ្យ Newcastle ខ្ចីគាត់ទៅប្រកួតដណ្ដើមពានរង្វាន់ Champions League 2023-2024។
សារព័ត៌មានខាងលើមិនបាននិយាយច្បាស់ថា Newcastle បានយល់ព្រមបន្ថែម Ronaldo ហើយ ឬនៅ ប៉ុន្តែ ក្លឹបអង់គ្លេស Newcastle កំពុងត្រូវបានគ្រប់គ្រងដោយ មូលនិធិវិនិយោគសាធារណៈអារ៉ាប៊ីសាអូឌីត (PIF) ខណៈដែល Al Nassr ក៏ជាក្លឹបរបស់ប្រទេសមជ្ឈិមបូព៌ាមួយនេះ។ Marca គឺជាទីភ្នាក់ងារសារព័ត៌មានធំដំបូងគេមួយដែលបានរាយការណ៍ថា Ronaldo នឹងចូលរួមជាមួយក្លឹប Al Nassr។
Ronaldo ដាក់លក្ខខណ្ឌនេះក៏ព្រោះតែចង់ការពារកំណត់ត្រានានារបស់គាត់នៅ Champions League ក្នុងនោះមានជាអាទិ៍ ការស៊ុតបញ្ចូលទីបាន 141 គ្រាប់ និងបង្កឱកាសបាន 42 គ្រាប់ជាដើម។ កំណត់ត្រារបស់ Ronaldo កំពុងរងការគំរាមកំហែងពី Messi ម្ចាស់ជើងឯក World Cup 2022 ដែលរកបាន 129 គ្រាប់ និងបង្កឱកាសបាន 40 គ្រាប់។
កាលពីថ្ងៃទី 14 វិច្ឆិកាឆ្នាំ 2022 គ្រូបង្វឹក Eddie Howe បានលុបបំបាត់លទ្ធភាពដែល Newcastle អាចទិញ Cristiano Ronaldo ដោយបាននិយាយថា ក្លឹបនេះកំពុងមានក្រុមកីឡាករវ័យចំណាស់ៗ ហើយគាត់ចង់បន្ថែមកីឡាករវ័យក្មេងដែលមានសក្ដានុពល។ ក៏ប៉ុន្តែ ក្រុមថៅកែនៅ អារ៉ាប៊ីសាអូឌីត នៅតែមានទឹកមាត់ប្រៃមិនអន់ដែរ លើការសម្រេចចិត្តក្នុងការទិញដូរកីឡាកររបស់ Newcastle៕
(ប៉ាគីស្ថាន)- បេក្ខជន បេក្ខនារីប្រមាណ 32,000 នាក់ អង្គុយពេញណែនលើកន្លែងសម្រាប់ទស្សនិកជននៅក្នុងកីឡដ្ឋាន Jinnah កាលពីថ្ងៃចុងឆ្នាំ ដើម្បីចូលរួមសម័យប្រលងចូលបម្រើការនៅក្នុងជួរប៉ូលិសរបស់ អ៊ីស្លាម៉ាបាដ។
សារព័ត៌មាន Hidustan Times កាលពីថ្ងៃទី 02 មករា 2023 ដកស្រង់សម្ដីរបស់ប៉ូលិសនៅ អ៊ីស្លាម៉ាបាដ ឱ្យដឹងថា បេក្ខជនប្រុសស្រីយ៉ាងតិច 32,000 នាក់ មកពីគ្រប់ទិសទីរបស់ប្រទេសប៉ាគីស្ថាន បានមកកាន់កីឡដ្ឋាន Jinnah កាលពីថ្ងៃទី 31 ធ្នូ 2022 ដើម្បីចូលរួមសម័យប្រលងជ្រើសរើសតំណែងនានាចំនួន 1,667 កន្លែងក្នុងជួរប៉ូលិស។
វីដេអូ និងរូបភាពដែលត្រូវបានគេចែករំលែកលើបណ្ដាញសង្គមបង្ហាញថា កន្លែងទស្សនិកជនរបស់កីឡដ្ឋាន Jinnah ដែលធំជាងគេនៅ ប៉ាគីស្ថាន ពេញណែនដោយមនុស្ស។ បេក្ខភាពទាំងអស់អង្គុយប្រលង ក្រោមការត្រួតពិនិត្យរបស់មន្ត្រីនគរបាល។
ក្នុងជួរនគរបាលនៅ អ៊ីស្លាម៉ាបាដ នៅខ្វះមុខតំណែងជាច្រើនក្នុងអំឡុង 5 ឆ្នាំកន្លង ហើយសម័យប្រលងកន្លងមកមិនទទួលបានការចាប់អារម្មណ៍ច្រើនពីយុវវ័យប៉ាគីស្ថាន។ មូលហេតុដែលនាំឱ្យមានបេក្ខភាពច្រើនលើសលុបចូលរួមប្រលងនៅឆ្នាំនេះ ត្រូវបានគេយល់ថា ដោយសារបញ្ហាអត់ការងារធ្វើមានអត្រាខ្ពស់ ពិសេសក្នុងចំណោមយុវវ័យប៉ាគីស្ថាន ក្នុងអំឡុងសេដ្ឋកិច្ចមានឱនភាព។
យោងតាមវិទ្យាស្ថានសេដ្ឋកិច្ចអភិវឌ្ឍប៉ាគីស្ថាន (PIDE) យុវវ័យជាង 31% កំពុងគ្មានការងារធ្វើ ក្នុងនោះមាន 51% គឺជានារី។ ការប្រលងជាប់ចូលបម្រើការនៅក្នុងស្ថាប័នប៉ូលិស នឹងជួយឱ្យពួកគេមានការងារស្ថិរភាពនៅក្នុងកាលៈទេសៈលំបាកដូចបច្ចុប្បន្ន។
សេដ្ឋកិច្ចរបស់ ប៉ាគីស្ថាន ប្រែជាអាក្រក់ ក្រោយពីមានគ្រោះទឹកជំនន់ដែលបានធ្វើឱ្យ 1/3 នៃផ្ទៃដីប្រទេសនេះស្ថិតក្នុងទឹកកាលពីឆ្នាំកន្លង។ ប្រទេសនេះក៏កំពុងតែប្រឈមនឹងអស្ថិរភាពនយោបាយ នៅពេលអតីតនាយករដ្ឋមន្ត្រី Inran Khan ត្រូវបានសភាបោះឆ្នោតទម្លាក់កាលពីខែមេសា 2022៕
ឧត្តមសេនីយ៍ Zaluzhny ប្រកាសថា កងទ័ពអ៊ុយក្រែន ដណ្ដើមបានទឹកដី 40% ក្នុងចំណោមទឹកដីដែលត្រូវបាន កងទ័ពរុស្ស៊ី រឹបអូស ក្រោយពីសង្គ្រាមបានផ្ទុះឡើងកាលពីខែកុម្ភៈ 2022។
«កងកម្លាំងប្រដាប់អាវុធអ៊ុយក្រែន រំដោះបាន 40% នៃទឹកដីដែល រុស្ស៊ី គ្រប់គ្រងក្នុងសង្គ្រោះ» មេបញ្ជាការកងទ័ពអ៊ុយក្រែន ឧត្តមសេនីយ៍ Valery Zaluzhny ប្រកាសកាលពីថ្ងៃទី 02 មករា 2023 និងបានឱ្យដឹងថា សមរភូមិមុខបច្ចុប្បន្នមានប្រវែង 1,500 គីឡូម៉ែត្រ។
យោងតាមលោក Zaluzhny ទាហានរបស់ អ៊ុយក្រែន បានឆ្លងកាត់ការហ្វឹកហាក់នៅលើទឹកដីរបស់ប្រទេសចំនួន 17 នៅ អឺរ៉ុប។ ក្នុងប្រកាស លោក Zaluzhny ក៏បានបន្ថែមថា «ក្នុងឆ្នាំ 2022 មនុស្សជាង 600,000 នាក់ ត្រូវបានឈ្លៀសចេញពីតំបន់មានសង្គ្រាម»។
ទាក់ទិននឹងការអះអាងរបស់មេបញ្ជាការកងទ័ពរបស់ អ៊ុយក្រែន ខាងលើ ភាគីខាងរុស្ស៊ី មិនទាន់មានប្រតិកម្មអ្វីនៅឡើយ។
សង្គ្រាមរវាង រុស្ស៊ី និង អ៊ុយក្រែន បានផ្ទុះឡើងកាលពីខែកុម្ភៈ 2022 ហើយមកដល់បច្ចុប្បន្នមិនទាន់មានសញ្ញាថមថយនៅឡើយ ក្រោយការប្រយុទ្ធគ្នាជាង 10 ខែកន្លង៕
គ្រូបង្វឹករបស់ក្រុមជម្រើសជាតិថៃ Mano Polking និយាយថា ថៃប្រឹងប្រែងកាន់កាប់ពូល A គឺដើម្បីបានឡើងទៅវគ្គពាក់កណ្ដាលផ្ដាច់ព្រ័ត្ររបស់ AFF Cup 2022 នៅលើទីលានរបស់ខ្លួន ពោលគឺមិនមែនដើម្បីគេចពីក្រុមដែលខ្លាំងនោះឡើយ។
ក្រុមថៃ បានយកឈ្នះលើកម្ពុជា 3-1 នៅជុំចុងក្រោយនៃវគ្គសន្សំពិន្ទុកាលពីព្រលប់ថ្ងៃទី 02 មករា 2023 ហើយបានឡើងទៅវគ្គពាក់កណ្ដាលផ្ដាច់ព្រ័ត្រ AFF Cup 2022 ក្នុងនាមជាអ្នកនាំមុខគេនៅពូល A។ គូប្រកួតបន្ទាប់របស់កូនសិស្ស និងគ្រូបង្វឹកថៃ នឹងជាក្រុមលេខ 2 នៅពូល B។
ការប្រកួតនានានៅជុំចុងក្រោយរបស់ពូល B នឹងធ្វើឡើងនៅវេលាម៉ោង 19 និង 30 នាទី ថ្ងៃទី 03 មករានេះ។ វៀតណាម ដែលកំពុងនាំមុខគេដោយមាន 7 ពិន្ទុ នឹងទទួលក្រុមរបស់ មីយ៉ាន់ម៉ា (ក្រុមដែលត្រូវបានជម្រុះរួចហើយ)។ សិង្ហបុរី ឈរលំដាប់ទីពីរក៏មាន 7 ពិន្ទុ នឹងត្រូវប៉ះ ម៉ាឡេស៊ី ដែលមាន 6 ពិន្ទុ។
នៅក្រោយការប្រកួតឈ្នះកម្ពុជា 3-1 គ្រូបង្វឹក Polking របស់ ថៃ បានច្រានចោលមតិដែលថា ថៃ ព្យាយាមដណ្ដើមយកតំណែងកំពូលតារាងគឺដើម្បីជៀសវាងគូប្រកួតដែលមានកម្លាំងខ្លាំងនៅវគ្គពាក់កណ្ដាលផ្ដាច់ព្រ័ត្រ។ លោក Polking អះអាងថា «គោលដៅរបស់យើងគឺបញ្ចប់វគ្គសន្សំពិន្ទុក្នុងនាមជាអ្នកនាំមុខដើម្បីបានលេងនៅវគ្គពាក់កណ្ដាលផ្ដាច់ព្រ័ត្រ នៅលើទឹកដីរបស់ខ្លួន។ ចំណែកការប៉ះនឹងក្រុមណានៅវគ្គផ្ដាច់ព្រ័ត្រ គឺដូចតែគ្នានោះដែរ»។
ថៃបច្ចុប្បន្នគឺជាអ្នកការពារតំណែងជើងឯក AFF Cup បន្ទាប់ពីដណ្ដើមបានកាលពីឆ្នាំ 2021 ពេលបានយកឈ្នះវៀតណាម 2-0 នៅវគ្គពាក់កណ្ដាលផ្ដាច់ព្រ័ត្រ និងផ្ដួលឥណ្ឌូណេស៊ី 6-2 នៅវគ្គផ្ដាច់ព្រ័ត្រ៕