• Model : YAMAHA XRide 125 cc (New)
• Color : Blue
• Year : 2020
• Price Around : 1,750$
• Tel: 077 610 111
• Code: AED145-38
Author: ចាន់ ពិសី
ម៉ូតូ YAMAHA XRide ថ្មីឆ្នាំ2020
ម៉ូតូ Suzuki Let’s ថ្មីឆ្នាំ2020
• Model : Suzuki Let’s (New)
• Color : Silver
• Year : 2020
• Price Around : 1,980$
• Tel: 077 610 111
• Code: AED145-32
ម៉ូតូ Honda PCX ថ្មីឆ្នាំ2020
• Model : Honda PCX (New)
• Color : Red
• Year : 2020
• Price Around : 4,250$
• Tel: 077 610 111
• Code: AED145-21
តើគួរធ្វើយ៉ាងណាដើម្បីកុំឱ្យកម្ចីឥណទានរបស់អ្នកត្រូវបានបដិសេធ?
បច្ចុប្បន្នគេសង្កេតឃើញថា ស្ថាប័នហិរញ្ញវត្ថុនៅកម្ពុជាកំពុងមានការរីកចម្រើនគួរកត់សម្គាល់ ខណៈដែលតម្រូវការប្រាក់កម្ចីសម្រាប់ប្រើប្រាស់ជាលក្ខណៈគ្រួសារ និងសម្រាប់ដំណើរការអាជីវកម្មមានការកើនឡើងជាលំដាប់។ តែទោះបីយ៉ាងណាការដាក់ពាក្យដើម្បីស្នើសុំកម្ចីមិនសុទ្ធតែទទួលបានការអនុម័តទាំងអស់នោះទេ ព្រោះសំណើមួយចំនួនខ្វះឯកសារ និងបញ្ហាមួយចំនួនទៀត។ ដើម្បីស្វែងយល់ពីមូលហេតុដែលនាំឱ្យសំណើឥណទានត្រូវបានបដិសេធ និងគន្លឹះដើម្បីឱ្យសំណើសុំឥណទានរបស់អ្នកត្រូវបានអនុម័តយល់ព្រមពីធនាគារ អ្នកយកព័ត៌មាននៃកាសែត ឡារ៉ែន ពាណិជ្ជ បានជួបសម្ភាសជាមួយលោក ហុង ជៀប នាយកគ្រប់គ្រងហានិភ័យនៃធនាគារ ស៊ីអាយអិមប៊ី ភីអិលស៊ី (ធនាគារ CIMB) ដើម្បីលម្អិតអំពីកិច្ចការនេះ។
តើអតិថិជនត្រូវបំពេញលក្ខខណ្ឌអ្វីខ្លះ ដើម្បីអាចស្នើសុំឥណទានពីធនាគារ CIMB? ទាំងសំណើឥណទានបុគ្គល និងឥណទានអាជីវកម្មគឺមានលក្ខខណ្ឌដូចគ្នា។ អតិថិជនដែលដាក់ពាក្យស្នើសុំឥណទានត្រូវតែជាជនជាតិខ្មែរដែលមានអាយុចាប់ពី18ឆ្នាំ ដល់ 65ឆ្នាំ ហើយពួកគេអាចស្នើសុំឥណទានជាលក្ខណៈបុគ្គលក៏បាន ឬជាលក្ខណៈរួមគ្នាក៏បាន។
មុននឹងសម្រេចអនុម័ត និងបដិសេធសំណើឥណទានរបស់អតិថិជន តើធនាគារសិក្សាលើកត្តាសំខាន់ៗអ្វីខ្លះ? សម្រាប់សំណើឥណទានបុគ្គល ឯកសារ និងលក្ខណៈមិនសូវច្រើនដូចឥណទានអាជីវកម្មឡើយប៉ុន្តែសម្រាប់ការសិក្សាគឺមិនជាខុសគ្នាប៉ុន្មានឡើយ។ ក្នុងនោះធនាគារនឹងសិក្សាលើចំណុចចម្បងៗរួមមាន ទី1 ប្រភពចំណូលរបស់អតិថិជន តើប្រភពចំណូលអាចទូទាត់សងទៅធនាគារវិញបានដែរ ឬទេ? ហើយវាមាននិរន្តរភាពដែរ ឬទេ? សម្រាប់ឥណទានជាលក្ខណៈបុគ្គលជាទូទៅធនាគារតម្រូវឱ្យមានទំហំចំណូលយ៉ាងតិច 2ដងនៃចំនួនទឹកប្រាក់ដែលអតិថិជនត្រូវសងទៅធនាគារវិញ។ ចំណែកឥណទានអាជីវកម្មវិញ អតិថិជនត្រូវមានចំណូលយ៉ាងតិច 1.3ដង ឬ1.5ដង។ មិនតែប៉ុណ្ណោះបើប្រភពចំណូលមានរយៈពេលខ្លី ហើយឥណទានមានរយៈវែង វាមិនទូទាត់គ្នាឡើយ ដូច្នេះធនាគារនឹងពិនិត្យថា ទំហំប្រភពចំណូល និងរយៈពេលនៃចំណូលមាននិរន្តន៍ភាព និងរីកចម្រើនទៅមុខដែរ ឬទេ នោះធនាគារអាចផ្ដល់ឥណទានជូនបាន។ ទី2. គឺគោលបំណងនៃឥណទានត្រូវស្របច្បាប់ដែលជួយដល់អតិថិជនខ្លួន និងមិនប៉ះពាល់ដល់អ្នកដទៃ។ មិនតែប៉ុណ្ណោះអតិថិជនត្រូវប្រើប្រាស់ឥណទាន ដែលធនាគារបានអនុម័តឱ្យស្របតាមគោលដៅ និងគោលបំណង ដែលបានស្នើសុំដំបូងព្រោះធនាគារអាចប្រាកដថា ឥណទានដែលផ្តល់ឱ្យអតិថិជននោះនឹងជួយឱ្យពួកគេរីកចម្រើនទៅលើអាជីវកម្ម និងជីវិត។ ទី3. គឺទ្រព្យធានាសម្រាប់ការស្នើសុំឥណទានដែលអាចចាត់ជាទ្រព្យធានាបានមានដូចជាគេហដ្ឋាន ដី គណនីមានកាលកំណត់ រួមទាំងអចលនទ្រព្យផ្សេងទៀត។ ជាគោលការសម្រាប់អចលនទ្រព្យ រួមមានគេហដ្ឋាន និងដីជាដើម ធនាគារ CIMB ទទួលតែប្លង់រឹងប៉ុណ្ណោះ។ ការកំណត់នេះគឺដើម្បីបញ្ចៀសហានិភ័យនានា
ហើយធនាគារអាចផ្តល់នូវអត្រាការប្រាក់ដ៏សមរម្យមួយសម្រាប់អតិថិជនផងដែរ។តើធនាគារ CIMB ចំណាយរយៈពេលប៉ុន្មានក្នុងការសិក្សា និងអនុម័តសំណើឥណទានរបស់អតិថិជន? តាមពិតទៅរយៈពេលនៃការសិក្សាទៅលើឥណទាននីមួយៗគឺវាអាស្រ័យទៅតាមតថភាពជាក់ស្តែង ព្រោះករណីខ្លះងាយស្រួលសិក្សា ហើយខ្លះទៀតត្រូវការពេលវេលាច្រើនដើម្បីសិក្សាលម្អិត។ ជាទូទៅបើសិនជាសំណើឥណទាន ដែលយកប្រាក់បៀវត្សការងារ ឬថ្លៃផ្ទះជួលមកសិក្សាវាអាចចំណាយពេលប្រមាណ 2សប្តាហ៍ ប៉ុន្តែបើសិនបើយកចំណូលពីអាជីវកម្មមកសិក្សា វាត្រូវចំណាយពេលវេលាសិក្សា និងស្វែងយល់យូរបន្តិចដែលលើសពី 2សប្តាហ៍។ យ៉ាងណាមិញពេលវេលាសិក្សានេះគឺដើម្បីប្រាកដថារាល់ឥណទានដែលធនាគារអនុម័តឱ្យអតិថិជន គឺសុទ្ធតែអាចជួយឱ្យអតិថិជនរីកចម្រើន និងមិនមានឥណទានមិនដំណើរការ ឬឥណទានខូច។
តើមានផលប្រយោជន៍អ្វីដែលធនាគារ CIMB ត្រូវគ្រប់គ្រងមិនឱ្យមានឥណទានមិនដំណើរការ ឬឥណទានខូច? នៅពេលឥណទានខូច វាមិនមែនប៉ះពាល់ដល់ធនាគារតែប៉ុណ្ណោះទេ តែអតិថិជនក៏នឹងជួបការលំបាក ហើយបរាជ័យក្នុងការស្វែងរកភាពរីកចម្រើនផងដែរ។ ជាក់ស្ដែងធនាគារបានការប្រាក់នៅពេលឥណទានអត់ខូច ប៉ុន្តែអ្វីដែលល្អជាងនោះទៀត គឺអតិថិជនបានក្រេឌីត ឬពិន្ទុល្អសម្រាប់ខ្លួនឯង ហើយពួកគេក៏មានការអភិវឌ្ឍទៅមុខផងដែរ។ ថ្ងៃក្រោយទៅ អតិថិជនត្រូវការឥណទានច្រើនជាងនេះ នឹងត្រូវបានគេស្គាល់ថាជាអតិថិជនល្អ ដូច្នេះពួកគេងាយនឹងត្រូវផ្តល់ឥណទានឱ្យបន្ថែមទៀត។ យើងមិនចង់បានភាពរីកចម្រើនតែខ្លួនឯងទេ គឺយើងចង់ឱ្យធនាគារចំណេញផង និងអតិថិជនជោគជ័យដូចគ្នា។ ធនាគារ CIMB មានឥណទានខូចក្នុងកម្រិតទាបបំផុត ដោយក្នុងឆ្នាំ2016 គឺមានប្រមាណជិត 0.2%ប៉ុណ្ណោះ។ ធនាគារអាចគ្រប់គ្រងមិនឱ្យមានកម្ចីខូចច្រើន ព្រោះយើងមានការប្រាស្រ័យទាក់ទងល្អ និងជាប់រហូតជាមួយអតិថិជនចាប់តាំងពីមុនអនុម័តលើសំណើសុំឥណទាន និងក្រោយអនុម័ត។
ក្នុងនាមលោកជាអ្នកនៅក្នុងវិស័យធនាគារ តើលោកមានជាមតិផ្តាំផ្ញើ ឬអនុសាសន៍អ្វីខ្លះដល់សាធារណជន? ជាការពិតណាស់ដើម្បីសម្រេចបានជោគជ័យយូរអង្វែងយើងតែងតែត្រូវការដៃគូសហការដែលអាចជឿជាក់បាន។ ដោយសារធនាគារនីមួយៗអាចមានសេវាកម្ម និងផលិតផលខុសគ្នា កេរ្តិ៍ឈ្មោះខុសគ្នា ចំនួនសាខាខុសគ្នា និងអត្រាការប្រាក់ខុសគ្នា អតិថិជនមិនគួរផ្ដោតតែទៅលើចំណុចណាមួយជាក់លាក់នោះទេ ដូចជាគិតតែលើអត្រាការប្រាក់ទាប និងដំណើរការឯកសារលឿនជាដើម។ ខ្ញុំគិតថា នេះជាចំណុចមួយសម្រាប់រយៈពេលខ្លីប៉ុណ្ណោះ។ អតិថិជនគួរតែស្វែងរកធនាគារដៃគូណាដែលអាចធ្វើការជាមួយគាត់ និងធ្វើឱ្យគាត់រីកចម្រើនយូរអង្វែងជាមួយនឹងការប្រាក់ល្អ រួមទាំងអត្ថប្រយោជន៍ដ៏សម្បូរបែបផងដែរ៕
បើចូលចិត្តបរិភោគបន្លែឆៅ គួរពិចារណាឡើងវិញ
មានមនុស្សជាច្រើននាក់ ដែលនិយមចូលចិត្តទទួលទានបន្លៃឆៅខ្លាំងណាស់ តែថ្ងៃនេះគេហទំព័រ La Reine បាននាំយកចំណេះដឹងទូទៅថ្មីៗ នាំមកចែកចាយជូនប្រិយមិត្តដែលមិនទាន់បានជ្រាបយល់អំពី ការទទួលទានបន្លែឆៅ ថាតើមានបន្លែប្រភេទណាខ្លះ ដែលយើងមិនគួរបរិភោគឆៅ ហើយមានមូលហេតុអ្វីខ្លះ ?
បន្លែដែលយើងបរិភោគរាល់ថ្ងៃនេះ មានបន្លែមួយចំនួនដែលយើងមិនគួរទទួលទានទាំងឆៅ ហើយស្រស់បាន ព្រមទាំងនៅក្នុងបរិមាណច្រើនទៀតផង ព្រោះវាអាចបណ្ដាលឲ្យយើង ចុកពោះ ហើមពោះបានយ៉ាងងាយ ហើយខ្លះទៀតមានផលប៉ះពាល់អាក្រក់ដល់រាងកាយយ៉ាងសាហាវទៀតផងដែរ ។
១.សណ្ដែកបណ្ដុះ
អ្នកដែលនិយមទទួលទានសណ្ដែកបណ្ដុះឆៅ គួរយល់ដឹងថា នៅក្នុងបន្លែប្រភេទនេះ មានផ្ទុកនូវជាតិពិសធម្មជាតិ ដែលគេឲ្យឈ្មោះថា Phytate វាបានបំផ្លាញសារធាតុចិញ្ចឹមក្នុងរាងកាយ ហើយរារាំងរាងកាយមិនឲ្យស្រូបសារធាតុចិញ្ចឹមបាន ។២.សណ្ដែកទ្រើង
សណ្ដែងទ្រើង ឬសណ្ដែកគួ ប្រសិនបរិភោគឆៅច្រើន វាអាចបណ្ដាលឱ្យហើមពោះ ព្រោះដោយសារតែវាមានសារធាតុកាបូនឌីអុកស៊ីតច្រើន។
៣.ស្ពៃក្ដោប ផ្កាខាត់ណា និងផ្កាខាត់ណាខៀវ
បន្លែ ៣ ប្រភេទនេះ មានផ្ទុកជាតិពិសដូចគ្នា គឺសារធាតុពុលដែលមានឈ្មោះថា Goibrogen វាជាសារធតុម៉្យាងដែលរារាំងរាងកាយ មិនឲ្យស្រូបយកសារធាតុ អ៊ីយ៉ូតទីរ៉ូអ៊ីត ហើយវាអាចបណ្ដាលឲ្យយើងកើតជំងឺ ពកក ដោយមិនដឹងខ្លួននាពេលអនាគត ។៤.ផ្ទី
មិនគួរទទួលទានបន្លែនេះឆៅមួយនេះឡើយ ព្រោះផ្ទីជាបន្លែមួយប្រភេទ ដែលបំផ្លាញនឹងមិនឲ្យរាងកាយស្រូបយកជាតិដែក ។៥.ទំពាំង និង ដំឡូងមី
អាហារឆៅប្រភេទនេះ មានសារធាតុពុលឈ្មោះ Cyanogenic glycosides ជាជាតិពុលដែលកើតឡើងពីធម្មជាតិឯកឯង ហើយវាអាចបំលែងខ្លួនជាសារធាតុពុលផ្សេងមួយទៀត ដែលគេឲ្យឈ្មោះថា Cyanide ជាសារធាតុពុលបំផ្លាញប្រព័ន្ធសរសៃប្រសាទ ។ ដូច្នោះហើយមុនទទួលទានបន្លែប្រភេទនេះ គប្បីគួរតែចម្អិនឲ្យឆ្អិនជាមុនសិន ៕
តោះ! នាំគ្នាបង្កើតទម្លាប់ឱ្យកូនស្រឡាញ់ការអាន…
ការបង្ហាត់កូនឱ្យមាននិស្ស័យស្រឡាញ់ការអានសៀវភៅ លោកឪពុកអ្នកម្តាយមួយចំនួនប្រហែលជាអាចនឹងគិតថា ជារឿងដែលពិបាកនឹងធ្វើបានណាស់ រឹតតែសម័យនេះមានវត្ថុជន្លចិត្ត បង្អួតភ្នែកផ្សេងៗសម្រាប់កូនតូចច្រើនមែនទែន ដូចជា ទូរទស្សន៍ ហ្គេមកុំព្យូទ័រ អៃភែដ ឬការចេញទៅលេងក្រៅផ្ទះទៀតផងនោះ ទើបការអានសៀវភៅក្លាយជារឿងមួយដែលមិនសូវគួរឱ្យចាប់អារម្មណ៍ប៉ុន្មានឡើយសម្រាប់ក្មេង។ អ្វីដែលរៀបរាប់មកខាងលើ មិនមែនជារឿងមិនល្អនោះទេ អាចរាប់បានថាជារឿងល្អម្នាក់មួយបែប តែយ៉ាងណាក៏ដោយលោកឪពុកអ្នកម្តាយគួរតែបង្ហាត់កូនតូចឱ្យស្រឡាញ់ចូលចិត្តការអានសៀវភៅ ព្រោះការអានសៀវភៅនឹងធ្វើឱ្យកូនមានសមាធិខ្ពស់ ព្រោះនៅពេលកូនអានហើយ កូននឹងត្រូវនាំយកមកហាត់រិះគិតទៀតផងថា អ្វីដែលអានហើយនោះមានន័យយ៉ាងណា សៀវភៅដែលកំពុងអានត្រូវការប្រាប់យើងពីអ្វី?
វិធីបង្ហាត់ឱ្យកូនចូលចិត្តអានសៀវភៅមានច្រើនវិធី ឡារ៉ែន នឹងលើកឧទាហរណ៍មកជម្រាបជូនដូចតទៅ៖
1,អានសៀវភៅឱ្យកូនឃើញញឹកញាប់ កូននឹងធ្វើតាម និងចង់ធ្វើការងារនោះរួមគ្នាជាមួយឪពុកម្តាយ។
2,សាកល្បងសង្កេតមើលថា តើកូនចូលចិត្តសៀវភៅបែបណា ចូររកសៀវភៅបែបដែលកូនចាប់អារម្មណ៍មកឱ្យអាន។
3,ឱ្យកូនអានសៀវភៅឱ្យបានច្រើនប្រភេទ ដូចជា សៀវភៅរឿងនិទាន កីឡា តន្ត្រី និងទស្សនាវដ្តី ឬសារព័ត៌មានជាដើម។
4,ឱ្យកូនអានសៀវភៅឱ្យស្តាប់ ហើយសឹមបង្រៀនពីវិធីគិតថា តើសៀវភៅដែលអាននោះ ផ្តល់ចំណេះដឹងពាក់ព័ន្ធនឹងអ្វី?
5,នាំកូនទៅបណ្ណាគារ ឬកន្លែងលក់សៀវភៅ ឱ្យកូនបានជ្រើសរើសសៀវភៅដែលចូលចិត្តដោយខ្លួនឯង។
6,ប្រើវិធីជន្លបញ្ឆោត បង្កើតលក្ខខណ្ឌជាមួយកូន ដូចជា បើកូនចង់មើលភាពយន្តតុក្កតា1ម៉ោង ប៉ា(ឬម៉ាក់)ឱ្យមើល តែត្រូវប្តូរគ្នាដោយកូនត្រូវអង្គុយអានសៀវភៅរយៈពេល1ម៉ោងវិញដូចគ្នាដែរ។
7,ឱ្យរង្វាន់ អាចជាវត្ថុអ្វីមួយដែលកូនចង់បាន និងដាក់លក្ខខណ្ឌជាមួយកូនថា ត្រូវតែអានសៀវភៅឱ្យបានប៉ុន្មានក្បាលជាដើម។
8,កុំបង្ខំឱ្យកូនអានសៀវភៅ ព្រោះនឹងធ្វើឱ្យកូនតតាំង និងក្លាយជារឿងដែលគេមិនចង់ធ្វើតែម្តង។
9,រកពពួកសៀវភៅរឿងនិទានដែលមានរូបភាពស្អាតៗឱ្យកូនបានមើលតាំងពីនៅតូចៗដើម្បីឱ្យកូនស៊ាំធ្លាប់ និងចូលចិត្តអានសៀវភៅដោយឯកឯង។
ឧទាហរណ៍ដែលរៀបរាប់មកខាងលើអាចនៅមិនទាន់អស់ទេចំពោះវិធីបង្ហាត់កូនឱ្យក្លាយជាអ្នកអាន ព្រោះនៅមានច្រើនទៀតក្នុងការបង្ហាត់ឱ្យកូនចង់អានសៀវភៅដោយខ្លួនឯងនោះ។ ឪពុកម្តាយត្រូវចេះតាមសង្កេតមើលកូនខ្លួនឯងផងថា តើគេចូលចិត្តអ្វី និងមិនចូលចិត្តអ្វីដោយសាកល្បងរិះរកវិធីណាដែលចូលគ្នាជាមួយកូន ហើយបើបានអានសៀវភៅរួមជាមួយគ្នា ទាំងប៉ា ទាំងម៉ាក់ផងនោះ ពិតជាកិច្ចការងារដែលសប្បាយរីករាយ និងមានសេចក្តីសុខខ្លាំងណាស់សម្រាប់កូន៕
