Author: ចាន់ ពិសី

ក្នុងខែកញ្ញា CDC បានចុះបញ្ជីគម្រោងវិនិយោគចំនួន ២៨ ទំហំទុនសរុប ៤៤៣លានដុល្លារអាមេរិក
ភ្នំពេញ៖ ក្នុងឱកាសថ្លែងបាឋកថាទៅកាន់អភិបាលរងខេត្ត និងរាជធានី ស្តីពី “ការជំរុញការវិនិយោគ និងភាពជាដៃគូរវាងវិស័យរដ្ឋ និងឯកជន” ឯកឧត្តមបណ្ឌិត សរ សិនិរ៉ា អគ្គលេខាធិការរងគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា (CDC) បានលើកឡើងយ៉ាងច្បាស់អំពីកត្តាសំខាន់ៗដែលទាក់ទាញការវិនិយោគផ្ទាល់ពីបរទេសនៅកម្ពុជា។ ក្នុងនោះ ឯកឧត្តមក៏បានគូសបញ្ជាក់ដែរថា គ្រាន់តែក្នុងខែកញ្ញា CDC បានចុះបញ្ជីគម្រោងវិនិយោគចំនួន ២៨ គម្រោង ក្នុងទំហំទុនវិនិយោគសរុបប្រមាណ ៤៤៣ លានដុល្លារអាមេរិក អាចបង្កើតការងារប្រមាណ ២៥ ០០០កន្លែង។
ឯកឧត្តមបណ្ឌិត សរ សិនិរ៉ា បានឱ្យដឹងទៀតថា រំហូរនៃការវិនិយោគផ្ទាល់ពីបរទេស (FDI) មកកម្ពុជាក្រោយពីវិបត្តិ កូវីដ-១៩ មានការកើនឡើងជាបន្តបន្ទាប់។ ជាក់ស្តែង ឆមាសទី១ ឆ្នាំ២០២៤ CDC បានទទួលចុះបញ្ជីគម្រោងវិនិយោគសរុបចំនួន ១៩០ គម្រោង ក្នុងទំហំទុនវិនិយោគសរុបប្រមាណ ៣ ២៥៨ លាន ដុល្លារអាម៉េរិក ដែលអាចបង្កើតការងារបាន ប្រមាណ ១៦៩ ពាន់កន្លែង។ ដោយឡែក ក្នុងខែកញ្ញាកន្លងទៅថ្មីៗនេះ ក្រុមប្រឹក្សាអភិវឌ្ឍន៍កម្ពុជា (CDC) បានចុះបញ្ជីគម្រោងវិនិយោគចំនួន ២៨ គម្រោង ក្នុងទំហំទុនវិនិយោគសរុបប្រមាណ ៤៤៣ លាន ដុល្លារអាម៉េរិក ដែលអាចបង្កើតការងារបានប្រមាណ ២៥ ពាន់ កន្លែងបន្ថែមទៀត។
នៅក្នុងឱកាសជាមួយគ្នានេះ ឯកឧត្តមបណ្ឌិត ក៏បានរំលេចនូវកត្តាអំណោយផលរបស់កម្ពុជា ដែលជាភាពទាក់ទាញដល់ការវិនិយោគផ្ទាល់ពីបរទេស ក្នុងខណៈដែលសកលលោកកំពុងស្ថិតក្នុងស្ថានភាពតានតឹងផ្នែកភូមិសាស្រ្តនយោបាយ ទន្ទឹមនឹងការណ៍ដែលរាជរដ្ឋាភិបាលកម្ពុជា តែងតែ នឹងបន្តរ យកចិត្តទុកដាក់ខ្ពស់ចំពោះ សេវាថែទាំវិនិយោគ តាមរយៈយន្តការរាជរដ្ឋាភិបាល-ផ្នែកឯកជន និងយន្តការផ្សេងៗទៀត។ ដោយឡែក ក្រៅពីការវិនិយោគផ្ទាល់ ១០០ % វិនិយោគិនក៏បានពិចារណាការវិនិយោគក្រោមរូបភាពជាដៃគូជាមួយរដ្ឋ ទៅតាមច្បាប់បទប្បញ្ញត្តិជាធរមានផងដែរ៕
October 25, 2024
ទម្លាប់មួយចំនួនដែលសហគ្រិនជោគជ័យតែងតែធ្វើ មុនម៉ោង 7ពេលព្រឹក
ដើម្បីធ្វើខ្លួនឱ្យទទួលបានជោគជ័យនៅក្នុងការមុខជំនួញ យើងត្រូវតែសិក្សារៀនសូត្រ និងស្វែងយល់ពីគន្លឹះសំខាន់ៗមួយចំនួនក្នុងការជួយអភិវឌ្ឍន៍ខ្លួនទៅជាសហគ្រិនមួយរូបដែលជោគជ័យ។
ខាងក្រោមនេះគឺជាទម្លាប់មួយចំនួនដែលសហគ្រិនជោគជ័យតែងតែធ្វើមុនពេលម៉ោង 7ពេលព្រឹក៖
១) ក្រោកឱ្យបានពីព្រឹក
សហគ្រិនដែលជោគជ័យតែងតែក្រោកពីគេង ព្រោះពួកគេត្រូវហាត់ប្រាណដើម្បីជួយធ្វើឱ្យមានសុខភាពល្អ នៅពេលដែលមានសុខភាពល្អ នោះនឹងធ្វើឱ្យមានអារម្មណ៍ស្រស់ថ្លាចំពោះការបំពេញការងារ។
២) ជៀសវាងការប្រើប្រាស់ទូរស័ព្ទ
នេះស្ដាប់មើលទៅហាក់ដូចជាឆ្គួតបន្តិច ប៉ុន្តែវាជាមូលហេតុដ៏ល្អឥតខ្ចោះ។ ការចាប់កាន់ទូរស័ព្ទនៅពេលភ្ញាក់ពីគេង អាចធ្វើឱ្យប៉ះពាល់សុខភាព ជាពិសេសអាចធ្វើឱ្យលោកអ្នកភ្លេចភ្លាំងនូវផែនការដែលបានត្រៀមទុកពីយប់ និងរឿងមួយទៀតគឺអាចធ្វើឱ្យអ្នកប្រទះឃើញរឿងមិនល្អ បើសិនជាអ្នកបានឆែក Facebook។
៣) ចូរញាំអាហាពេលព្រឹកណាដែលជួយធ្វើឱ្យអ្នកមានសុខភាពល្អ
ឈប់លេងសើចជាមួយនឹងខ្លួនរបស់អ្នកទៀត ពីព្រោះអាហាពេលព្រឹកគឺជាអាហាដែលសំខាន់បំផុតក្នុងចំណោមអាហាទាំងអស់ក្នុងមួយថ្ងៃ ព្រោះវានឹងជួយធ្វើឱ្យខួរក្បាល និងរូបរាងកាយរបស់អ្នកមានថាមពលក្នុងការបំពេញភារកិច្ទបានល្អ។
៤) ចូរកំណត់អាទិភាពការងារមួយណាដែលអ្នកត្រូវតែធ្វើមុនគេក្នុងថ្ងៃនេះ
ជារៀងរាល់ព្រឹកមុនពេលដែលអ្នកបំពេញការងារអ្នកត្រូវតែកំណត់អាទិភាពការងារមួយណាដែលអ្នកត្រូវតែធ្វើមុនគេក្នុងថ្ងៃនេះ ពីព្រោះវានឹងមានភាពងាយស្រួលក្នុងការបំពេញការងាររបស់អ្នកឱ្យមានប្រសិទ្ធភាពការងារខ្ពស់៕
October 24, 2024
មនុស្សជិត ៧០០០នាក់អះអាងថា ខ្លួនបានបាត់បង់ទឹកប្រាក់ជាង ២ពាន់លានបាត តាមរយៈអាជីវកម្មពីរ៉ាមីតរបស់ក្រុមហ៊ុន ដឺ អាយខុន គ្រុប
មនុស្សសរុបចំនួន ៦,៩៧៩នាក់បានដាក់ពាក្យបណ្ដឹង និងប្រកាសពីទំហំទឹកប្រាក់ខាតបង់ចំនួនជាង២ពាន់លានបាត ទាក់ទងនឹងការចូលរួមរបស់ពួកគេនៅក្នុងអាជីវកម្មលក់ផ្ទាល់របស់ ដឺ អាយខុន គ្រុប ហើយនៅពេលនេះការិយាល័យស៊ើបអង្កេតកណ្តាលនៃប្រទេសថៃក៏គ្រោងនឹងចោទប្រកាន់បន្ថែមទៀតទៅលើជនសង្ស័យទាំង១៨រូបនៅក្នុងគម្រោង ដឺ អាយខុន គ្រុប ពីបទលាងលុយកខ្វក់ ការខ្ចីប្រាក់ក្លែងបន្លំ និងការប្រមូលផ្ដុំដោយខុសច្បាប់ ដោយមានមនុស្សជាច្រើននៅក្នុងប្រទេសថៃ និងនៅប្រទេសផ្សេងទៀតកំពុងប្រមូលភស្តុតាងបន្ថែម ដូច្នេះជនសង្ស័យនៅក្នុងគម្រោង ដឺ អាយខុន ទាំង១៨រូប គឺកំពុងប្រឈមជាមួយការចោទប្រកាន់បន្ថែម ដែលធ្វើឱ្យទម្ងន់ទោសទណ្ឌរបស់ពួកគេនឹងកាន់តែធ្ងន់ធ្ងរឡើងថែមទៀត។
អគ្គស្នងការនគរបាលជាតិ លោក Pol Gen Kitrat Phanphet បានប្រាប់ឱ្យដឹងកាលពីថ្ងៃអង្គារ ទី២២នេះថា រវាងថ្ងៃទី១០ ដល់ថ្ងៃទី២១ ខែតុលានេះ មនុស្សសរុបចំនួន៦,៩៧៩នាក់ បានដាក់ពាក្យបណ្តឹងទៅកាន់ការិយាល័យស៊ើបអង្កេតកណ្តាល CIB និងនៅស្ថានីយ៍ប៉ូលីសទូទាំងប្រទេសថៃ ដោយពាក្យបណ្តឹងទាំងអស់បានរាយការណ៍ពីការខូចខាតសរុបចំនួនទឹកប្រាក់រហូតដល់២,០៤៦លានបាត។
លោក Pol Gen Kitrat ក៏បានបន្តទៀតថា កាលពីថ្ងៃអង្គារកន្លងទៅប៉ុន្មានថ្ងៃនេះ ប៉ូលីសថៃបានស្វែងរកទីតាំងចំនួន១១ទីតាំងបន្ថែមទៀត ដែលពាក់ព័ន្ធនឹងក្រុមហ៊ុន ដឺ អាយខុន គ្រុប និងជនសង្ស័យទាំង១៨រូបខាងលើ ហើយក្រុមស៊ើបអង្កេតកំពុងប្រមូល និងចងក្រងភស្តុតាង ស្នើសុំដីកាចាប់ខ្លួនពីតុលាការ ដើម្បីចុះចាប់ខ្លួនក្រុមជនសង្ស័យក្រុមទីពីរដែលពាក់ព័ន្ធនឹងគម្រោងឆបោកខ្នាតធំមួយនេះបន្តទៀត ដោយលោកបានអះអាងចំពោះអ្នកសារព័ត៌មានថា ជនណាដែលប៉ូលីសរកឃើញថាពាក់ព័ន្ធនឹងគម្រោងឆបោកមួយនេះនឹងប្រឈមមុខការចាត់វិធានការតាមផ្លូវច្បាប់នៃប្រទេសថៃ មិនថាពួកគេជានរណានោះទេ។
ក្នុងនោះក៏មានអ្នកចោទសួរថា តើអ្នកនាង Iyada Kantathavorn ភរិយារបស់ពិធីករទូរទស្សន៍ដ៏មានប្រជាប្រិយភាព និងជាតារាសម្តែង លោក Kan Kantathavorn ស្ថិតនៅក្នុងចំណោមជនសង្ស័យក្រុមទី២នេះដែរឬទេ? នាយឧត្តមសេនីយ៍ Kitrat បានបញ្ជាក់ប្រាប់ថា លោកមិនបានឃើញឈ្មោះរបស់អ្នកនាងនៅក្នុងបញ្ជីជនសង្ស័យនោះទេ ហើយក៏មិនមានរបាយការណ៍ណាមួយបានបញ្ជាក់ថាអ្នកនាងកំពុងមានសកម្មភាពរត់គេចចេញពីប្រទេសថៃនោះដែរ។

នាយឧត្តមសេនីយ៍ Sophon Saraphat ស្នងការរង CIB បានប្រាប់ឱ្យដឹងថា ប៉ូលីសកំពុងពិនិត្យមើលរបាយការណ៍អំពីការផ្ទេរទ្រព្យសម្បត្តិរបស់ជនដែលពាក់ព័ន្ធនឹងករណីឆបោកនេះ ហើយមន្ត្រីជំនាញក៏កំពុងពិនិត្យមើលភស្តុតាង ជាពិសេសកាមេរ៉ាសុវត្ថិភាព ដើម្បីស្វែងរកតម្រុយ និងភស្តុតាងនៃការផ្ទេរទ្រព្យសម្បត្តិចេញចូលផងដែរ។
សរុបមកជនសង្ស័យនៅក្នុងរឿងឆបោកលំដាប់ប្រទេសមួយនេះនៅមិនទាន់ចប់ត្រឹមជនសង្ស័យទាំង១៨រូបដែលប៉ូលីសថៃបានចាប់ខ្លួនបញ្ជូនទៅមន្ទីរឃុំឃាំងកាលពីថ្ងៃពុធសប្តាហ៍មុននោះទេ គឺនៅមានជនសង្ស័យជាច្រើននាក់ទៀតដែលនឹងត្រូវចាប់ខ្លួនជាបន្តបន្ទាប់ ដូច្នេះសូមរង់ចាំតាមដានជាបន្តទៀត៕
October 24, 2024
បញ្ហាសំខាន់ទាំង3 ប្រឈមនឹងសុខភាពផ្លូវភេទរបស់បុរស
បើនិយាយចំពោះបុរសៗវិញ អ្នកណាៗក៏សុទ្ធតែប្រាថ្នានូវភាពអស្ចារ្យ និងកម្លាំងមាំមួននៃសមត្ថភាពផ្លូវភេទដែរ ប៉ុន្តែក្ដីប្រាថ្នាមួយនជមិនមែនសុទ្ធតែ អាចទទួលបានគ្រប់គ្នានោះឡើយ លើសពីនេះទៅទៀត មានអ្នកខ្លះបានបាត់បង់ភាពជាម្ចាស់ការរបស់ខ្លួននៅលើសមរភូមិក្ដៅសាច់មុនពេលកំណត់ក៏មាន។ តើចំណុចនេះបណ្តាលមកពីវ័យឱ្យប្រាកដ? ចម្លើយពិត លោកអ្នកអាចស្វែងយល់ជាមួយសំណេរខាងក្រោមនេះ ៖
1- មានការគិតថាអាការលិង្គមិនងើប មិនឡើងមិនអាចដំណើរការរួមសង្វាសបានតែងតែកើតមានចំពោះបុរសវ័យចំណាស់ដែលមានអាយុចាប់ពី ៥០ឆ្នាំឡើងទៅ តើការយល់ឃើញខាងលើនេះពិតដែរ ឬទេ? ចម្លើយឆ្លើយថា ការលើកយកមកនិយាយយ៉ាងដូច្នេះ គឺនៅមិនទាន់ត្រឹមត្រូវ100%នៅឡើយនោះទេ។ បញ្ហាអសមត្ថភាពនៃលិង្គនេះ តែងតែកើតមានឡើង មិនថាអសមត្ថភាពនៃលិង្គ ឬលិង្គលែងដំណើរការនៅពេលចង់រួមរ័ក ពោលគឺនិយាយរួមថា លិង្គ មិនងើបរឹងតម្រូវទៅតាមការចង់បានក្នុងជីវិតភេទសម្ពន្ធនោះ វាមិនមែនបណ្តាលមកពីតែកក្តាអាយុកើនឡើងច្តើននោះទេ។ អាការមិនដំណើរការ នៃលិង្គក៏អាស្រ័យដោយសារតែមានបញ្ហាពាក់ព័ន្ធជាមួយនឹងជំងឺខ្លះ ដែលប៉ះពាល់ដល់ជីវិតភេទសម្ពន្ធ ដូចជាលិង្គវៀចក្រងេវនៅពេលងើបរឹងឡើង ដែលប្រភេទនេះ ភាសាបច្ចេកទេសហៅថា ជំងឺ Payronie (ជំងឺលិង្គ) ដែលអូសបន្លាយពេលដ៏យូរមិនចង់រួមរ័ក ឬពេលរួមរ័កឆាប់ចេញទឹកកាមពេក។
2- ពេលដែលកម្រិតអ័រម៉ូន តេស្តូស្តេរ៉ូន (Testosterone) ធ្លាក់ចុះទាប តើអាចមានឥទ្ធិពលដល់សុខភាពផ្លូវភេទដែរ ឬទេ? ហើយការធ្លាក់ចុះនៃចំណង់តណ្ហាលិង្គ មិនអាចងើបរឹងបានដូចកាលពីមុន និងបណ្តាលឱ្យបុរសលែងរវីរវល់នឹងការរួមសង្វាសតទៅទៀត ឬយ៉ាងណា ? ការពិតគឺយ៉ាងដូច្នេះមែន។ អាការដូចដែលបានលើកយកមកធ្វើជាអំណះអំណាងនេះ ក៏អាស្រ័យដោយសារការស្រកថយចុះនូវអ័រម៉ូន តេស្តូស្តេរ៉ូន (Testosterone) នៅពេលអាយុឈានចូលដល់ល្បាក់៤០ឆ្នាំ រូបកាយរបស់បុរសក៏ចាប់ផ្តើមធ្លាក់ថយចុះក្នុងការផលិតចេញនូវអ័រម៉ូន តេស្តូស្តេរ៉ូន (Testosterone) នេះ ។ Testosterone ជាអ័រម៉ូនដ៏ពិសិដ្ឋក្នុងការបង្កើនកំលាំងសាច់ដុំ ក្នុងការជួយកំចាត់ជាតិខ្លាញ់ពីក្នុងរូបរាងកាយ ដើម្បីជួយផលិតទឹកកាមចេញមក។
បុរសភេទទាំងអស់សុទ្ធតែមានបញ្ហាដូចគ្នា ដោយសារតែកម្រិតអ័រម៉ូន Testosterone ត្រូវធ្លាក់ចុះទៅតាមធម្មជាតិ ប៉ុន្តែមិនមែនមានន័យថា អ័រម៉ូននេះ អស់រលីងនោះទេ ពោលគឺវាអាចរក្សាទុកបានមួយភាគណានោះក្នុងរូបកាយរបស់បុរសអស់មួយជីវិត ដោយមិនបានបណ្តាលឱ្យកើតមានបញ្ហាអ្វីដែល ធ្ងន់ធ្ងរនោះទេ ប៉ុន្តែទោះជាយ៉ាងណាក៏ដោយក៏មានបុរសប្រមាណ ១/៥ (ក្នុងចំណោម៥នាក់អាចមានម្នាក់) ដែលអាយុលើសពី៦០ឆ្នាំ ទៅមានកំរិតអ័រ ម៉ូន Testosterone ក្រោមកម្រិតមធ្យម ឬធម្មតា ដែលគេហៅថា អាការរងការបាត់បង់អ័រម៉ូនធ្ងន់ធ្ងរ ស្ថិតនៅក្នុងករណីយ៉ាង។ ដូច្នេះការព្យាបាល ដោយឱសថប្រភេទអ័រម៉ូន គឺអាចជាជម្រើសមួយដ៏ល្អដែលទទួលយកបាន ។
3- តើការបរិភោគអាហារសម្បូរទៅដោយជាតិខ្លាញ់ អាចបង្កផលប៉ះពាល់ដល់សមត្ថភាពផ្លូវភេទរបស់បុរសដែរ ឬទេ? វាជាការពិតណាស់ទៅហើយ ដែលរបបអាហារបរិភោគគ្មានតុល្យភាពត្រឹមត្រូវប្រចាំថ្ងៃ អាចជះឥទ្ធិពលយ៉ាងច្រើនដល់គុណភាព និងបរិមាណនៃជីវិតផ្លូវភេទរបស់បុរស។ ផ្អែកតាមការសិក្សាស្រាវជ្រាវជាច្រើនសុទ្ធតែបានបង្ហាញឱ្យឃើញច្បាស់ថា បុរសដែលចូលចិត្តបរិភោគខ្លាញ់ ឬកូឡេស្តេរ៉ូល ដូចជាឆាចៀនខ…៘ សុទ្ធតែងាយទទួលរងផលប៉ះពាល់ដល់សមត្ថភាពនៃលិង្គ ដោយមិនអាចទទួលបានក្តីពេញចិត្តក្នុងជីវិតភេទសម្ពន្ធនោះឡើយ ជាពិសេសខណៈដែលមិនបានបរិភោគអាហារមានតុល្យភាពរវាងត្រីសាច់បន្លែផ្លែឈើ ដែលជាសារជាតិបំប៉នយ៉ាងសំខាន់ ចំពោះសុខភាពផ្លូវភេទ។ ការកាត់បន្ថយ សុរា និងគ្រឿងស្រវឹងផ្សេងៗ (សារធាតុអាល់កុល) បារី ថ្នាំជក់ ក៏ទទួលបានលទ្ធផលដ៏ល្អ ព្រោះតែគ្រឿងទាំងអស់នេះអាចធ្វើឱ្យមានការធ្លាក់ថយចុះនូវចំណង់ផ្លូវភេទ ថែមទាំងធ្វើឱ្យបាត់បង់សារជាតិបំប៉នសំខាន់ ដែលមានប្រយោជន៍សម្រាប់សុខភាពផ្លូវភេទបុរស។
បន្ទាប់ពីបានស្វែងយល់តាមរយៈទំព័រសុខភាពផ្លូវភេទខាងលើនេះ លោកអ្នកពិតជាអាចមានវិធីសាស្រ្តក្នុងការបង្ការ និងបញ្ចៀសភាពអសមត្ថភាពនៃសម្ពន្ធមេត្រីដ៏ផ្អែមល្ហែមរបស់លោកអ្នកបានខ្លះហើយមែនទេ ? សូមធ្វើការពិចារណា ដើម្បីភាពយូរអង្វែងនៃសមត្ថភាពផ្លូវភេទរបស់អ្នកទាំងអស់គ្នា៕
October 23, 2024
អគ្គិសនីកម្ពុជា ដែលរដ្ឋាភិបាលកំពុងបន្តអភិវឌ្ឍបន្ថែមអាចកើនលើស ១ម៉ឺនមេហ្គាវ៉ាត់ នៅមុនឆ្នាំ២០៣០
ភ្នំពេញ៖ រដ្ឋមន្ត្រីក្រសួងរ៉ែ និងថាមពល បានអះអាងថា ប្រភពអគ្គិសនីនៅកម្ពុជាត្រូវបានអភិវឌ្ឍកើនឡើងពី ១៥០មេហ្គាវ៉ាត់ នៅឆ្នាំ១៩៩៨ រហូតដល់ ៤ ៨១៤មេហ្គាវ៉ាត់នៅឆ្នាំ២០២៤ ដែលស្មើនឹងកំណើន ៣២ដង ហើយនឹងអាចបន្តកើនឡើងលើស ១ម៉ឺនមេហ្គាវ៉ាត់នៅមុនឆ្នាំ២០៣០ បន្ទាប់ពីរាជរដ្ឋាភិបាលអនុម័តលើគម្រោងថាមពលចំនួន ២៣គម្រោង ដែលមានអានុភាពសរុប ៥ ៩៥០មេហ្គាវ៉ាត់។
នៅក្នុងពិធីបើកការដ្ឋានសាងសង់រោងចក្រផលិតអគ្គិសនីដើរដោយឧស្ម័នធម្មជាតិរបស់ក្រុមហ៊ុន រ៉ូយ៉ាល់ គ្រុប នៅខេត្តកោះកុងកាលពីពេលកន្លងទៅ ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល បានលើកឡើងថា ការចែកចាយអគ្គិសនីរបស់ប្រព័ន្ធបណ្តាញជាតិអាចគ្របដណ្តប់លើភូមិចំនួន ៩៩,១៥% និងបានភ្ជាប់ឱ្យលំនៅឋាន ៣,៥៩លានផ្ទះ ត្រូវជា ៩៦,៥១% នៃផ្ទះសរុបទូទាំងប្រទេស រួចហើយ ដោយគម្រោងវិនិយោគលើវិស័យថាមពលថ្មីៗមួយចំនួនទៀតអាចនឹងលេចចេញជារូបរាង និងចាប់ដំណើរការផលិតអគ្គិសនីនៅមុនឆ្នាំ២០៣០។
ឯកឧត្តម កែវ រតនៈ បានគូសបញ្ជាក់ថា ៖ «បច្ចុប្បន្ន យើងកំពុងបន្តអភិវឌ្ឍ ពង្រឹង និងពង្រីកសមត្ថភាពព្រមទាំងគុណភាពនៃការផ្គត់ផ្គង់ថាមពលអគ្គិសនីក្រោមការយកចិត្តទុកដាក់ក្នុងនាមជាប្រព័ន្ធបណ្តាញជាតិ ហើយយើងក៏បានយកចិត្តទុកដាក់ដោះស្រាយឱ្យមានការផ្គត់ផ្គង់អគ្គិសនីដល់ភូមិដាច់ស្រយាលជាបណ្តើរៗផងដែរ តាមរូបភាពធ្វើការអភិវឌ្ឍប្រព័ន្ធផ្គត់ផ្គង់អគ្គិសនីខ្នាតតូច ប្រើប្រាស់ថាមពលពន្លឺព្រះអាទិត្យផ្តុំជាមួយប្រព័ន្ធអាគុយស្តុកថាមពល»។
សូមបញ្ជាក់ថា រាជដ្ឋាភិបាលកម្ពុជា បានអនុម័តគម្រោងប្រភពផ្គត់ផ្គង់ថាមពលអគ្គិសនីចំនួន ២៣ ដែលមានតម្លៃវិនិយោគសរុបចំនួន ៥,៧៩ពាន់លានដុល្លារអាមេរិក ដោយក្នុងនោះមានគម្រោងថាមពលពន្លឺព្រះអាទិត្យ ចំនួន១២គម្រោង អានុភាពសរុបចំនួន ១ ៩៥០មេហ្គាវ៉ាត់ គម្រោងថាមពលខ្យល់ ចំនួន ៦គម្រោង អានុភាពសរុបចំនួន៩០០មេហ្គាវ៉ាត់ គម្រោងជីវម៉ាស (Biomass) ផ្តុំជាមួយថាមពលពន្លឺព្រះអាទិត្យ ចំនួន១គម្រោង អានុភាព ៥០+៤០មេហ្គាវ៉ាត់ ។
បន្ថែមលើនេះ គម្រោងវារីអគ្គិសនីព្រែកល្អាងចំនួន១គម្រោង អានុភាព១១០មេហ្គាវ៉ាត់ គម្រោងស្តុកថាមពលដោយប្រព័ន្ធអាគុយស្តុកថាមពល ទំហំ ១ ០០០មេហ្គាវ៉ាត់ គម្រោងស្តុកថាមពលវារីអគ្គិសនីបូមទឹកស្តុកទុកស្ទឹងតាតៃ លើទំហំ ១ ០០០មេហ្គាវ៉ាត់ និងគម្រោងផលិតអគ្គិសនីដើរដោយឧស្ម័នធម្មជាតិ (LNG) ចំនួន ១គម្រោង អានុភាព ៩០០មេហ្គាវ៉ាត់ របស់ក្រុមហ៊ុន រ៉ូយ៉ាល់ គ្រុប ដែលទើបតែបើកការដ្ឋានសាងសង់កាលពីសប្តាហ៍មុននេះ៕
October 23, 2024
កំណើននៃការផ្គត់ផ្គង់ខុនដូក្នុងរាជធានីភ្នំពេញ ត្រឹមដំណាច់ឆ្នាំ២០២៤ អាចកើនឡើងដល់ ៧ម៉ឺនយូនីត
ភ្នំពេញ ៖ បើទោះបីជាទីផ្សារអចលនទ្រព្យកម្ពុជារហូតមកដល់ពេលនេះនៅមិនទាន់បង្ហាញពីសញ្ញាវិជ្ជមាននៅឡើយក្ដី ប៉ុន្តែនិន្នាការ និងសកម្មភាពសាងសង់ខុនដូដើម្បីបញ្ចប់គម្រោងមួយចំនួននៅតែបន្តមាន ដែលរហូតដល់ដំណាច់ចុងឆ្នាំ២០២៤ខាងមុខនេះ កំណើននៃការផ្គត់ផ្គង់នៅក្នុងរាជធានីភ្នំពេញអាចរំពឹងកើនឡើងដល់ប្រមាណ ៧ម៉ឺនយូនីត។ នេះបើតាមរបាយការណ៍របស់ក្រុមហ៊ុនCBRE Cambodia ចេញផ្សាយកាលពីពេលថ្មីៗនេះ ។
យោងតាមរបាយការណ៍ដែលស្រាវជ្រាវដោយក្រុមហ៊ុនជំនាញអន្តរជាតិ CBRE Cambodia បានបង្ហាញថា ក្នុងឆ្នាំ២០១៩ ការផ្គត់ផ្គង់ខុនដូលើទីផ្សារក្នុងរាជធានីភ្នំពេញមានប្រមាណជាង២ម៉ឺនយូនីតប៉ុណ្ណោះ ហើយដល់ឆ្នាំ២០២០ បានកើនឡើងដល់ជិត៣ម៉ឺនយូនីត និងបានបន្តកើនឡើងជាបន្តបន្ទាប់រហូតដល់ជិត៦ម៉ឺនយូនីតក្នុងឆ្នាំ២០២៣ ។ ការផ្គត់ផ្គង់ខុនដូនៅលើទីផ្សារភាគច្រើន ជាប្រភេទខុនដូតម្លៃមធ្យម បន្ទាប់មកតម្លៃសមរម្យ ចំណែកខុនដូ ប្រភេទតម្លៃខ្ពស់មានតិចតួចប៉ុណ្ណោះ ។
ដោយឡែក សម្រាប់គម្រោងវិនិយោគថ្មីៗលើវិស័យខុនដូនៅក្នុងរាជធានីភ្នំពេញបានធ្លាក់ចុះជាបន្តបន្ទាប់ចាប់តាំងពីឆ្នាំ២០២០ ខណៈដែលក្នុងឆ្នាំ២០១៩ មានរហូតដល់ជាង៣០គម្រោង ប៉ុន្តែដល់ឆ្នាំ២០២០ បានធ្លាក់ចុះមកនៅត្រឹម១៥គម្រោង និងបន្តធា្លក់មកទៀតត្រឹម៣គម្រោងក្នុងឆ្នាំ២០២១ ។ ប៉ុន្តែ ទោះជាយ៉ាងណា គិតត្រឹមត្រីមាសទី៣ ឆ្នាំ២០២៤ គម្រោងវិនិយោគលើខុនដូថ្មីក្នុងរាជធានីភ្នំពេញ បានកើនឡើងដល់ចំនួន ៥គម្រោងវិញ។
ចំពោះតម្លៃខុនដូ ក្នុងត្រីមាសី៣ឆ្នាំ ២០២៤នេះ បានធ្លាក់ចុះនូវប្រភេទខុនដូសមរម្យ និងតម្លៃខ្ពស់ក្នុងនោះ ខុនដូតម្លៃសមរម្យបានថយចុះប្រមាណ៩,៩ភាគរយ ហើយខុនដូតម្លៃខ្ពស់បានធ្លាក់ចុះតែ០,៣ភាគរយប៉ុណ្ណោះ ខណៈខុនដូតម្លៃមធ្យមបានឡើងថ្លៃ ៥,៩ភាគរយ ។
លោក ឡាត់ ចន្ទដារា អ្នកគ្រប់គ្រងជាន់ខ្ពស់នៃក្រុមហ៊ុន CBRE Cambodia បានឱ្យដឹងថា បច្ចុប្បន្ននេះ ទីផ្សារខុនដូ និងអាផាតមិនកំពុងមានការប្រកួតប្រជែងគ្នាយ៉ាងខ្លាំង ដែលធ្វើឱ្យអតិថិជនឬភ្ញៀវទេសចរបរទេសមកដល់កម្ពុជាមានជម្រើសច្រើនក្នុងការជ្រើសរើស។
លោកបន្តថា តាមរយៈកំណើននៃការផ្គត់ផ្គង់ខុនដូនៅក្នុងរាជធានីភ្នំពេញ ធ្វើឱ្យតម្លៃនៃការជួលអាផាតមិននៅលើទីផ្សារបន្តរក្សាស្ថេរភាពនៅទ្រឹង មិនទាន់ងើបឡើងវិញបានទេទោះបីជាកំណើនភ្ញៀវទេសចបរទេសមានការកើនឡើងជាមុនក្ដី ។
សូមបញ្ជាក់ដែរថា យោងតាមតួលេខរបស់ក្រសួងទេសចរណ៍កាលពីពេលកន្លងទៅនេះបានបង្ហាញពីកំណើនភ្ញៀវទេសចរបរទេសចាប់ផ្ដើមមានការកើនឡើងវិញ ប៉ុន្តែបើពិនិត្យឱ្យមែនទែនទៅឃើញថា ភាគច្រើននៃភ្ញៀវទេសចរចូលមកកម្ពុជាគឺជាភ្ញៀវជនជាតិថៃ និងវៀតណាម ដែលជាភ្ញៀវមកលេងក្នុងរយៈពេលខ្លីប៉ុណ្ណោះ ខុសពីមុនឆ្នាំ២០២០ ដែលភាគច្រើននៃភ្ញៀវមកដល់កម្ពុជាគឺជាភ្ញៀវជនជាតិចិន និងត្រូវការស្នាក់នៅរយៈពេលយូរ ៕
October 22, 2024
អាស៊ាន នៅតែជាគោលដៅវិនិយោគដ៏ទាក់ទាញពីបរទេស បើទោះជាសេដ្ឋកិច្ចពិភពលោកនៅបន្តភាពមិនប្រាកដប្រជាក៏ដោយ
ផ្អែកតាមការចេញផ្សាយរបស់បណ្តាញសារព័ត៌មានអន្តរជាតិ UNCTAD បានបង្ហាញឱ្យឃើញថា បើទោះបីជាសេដ្ឋកិច្ចពិភពលោកនៅមិនទាន់អាចសន្មត់ពីភាពប្រាកដប្រជាយ៉ាងណាក្ដី ប៉ុន្តែសម្រាប់បណ្តាប្រទេសក្នុងតំបន់អាស៊ាននៅតែរក្សាបាននូវកំណើនសេដ្ឋកិច្ច និងភាពទាក់ទាញក្នុងការវិនិយោគពីបរទេស (FDI) គួរឱ្យកត់សម្គាល់ ជាពិសេសក្នុងរយៈពេល៣ឆ្នាំជាប់គ្នាចុងក្រោយនេះ។
តាមរយៈប្រភពព័ត៌មានដដែលបានបញ្ជាក់ថា ស្របពេលដែលសេដ្ឋកិច្ចពិភពលោកកំពុងជួបប្រទះនឹងភាពមិនច្បាស់លាស់ដោយសារបញ្ហាជាច្រើន ប៉ុន្តែសម្រាប់បណ្តាប្រទេសអាស៊ាននៅតែមានភាពធន់ និងភាពទាក់ទាញវិនិយោគពីបរទេស។ អាស៊ាន (ASEAN) គឺជាសមាគមប្រជាជាតិអាស៊ីអាគ្នេយ៍ ១០ ប្រទេសដែលមានប្រជាជនសរុបជាង ៦៧០ លាននាក់។ ក្នុងរយៈពេលមួយទសវត្សរ៍កន្លងមកនេះ អាស៊ានត្រូវបានមើលឃើញពីការកើនឡើងយ៉ាងខ្លាំងនៃលំហូរវិនិយោគផ្ទាល់ពីបរទេស (FDI) ។ ជាក់ស្ដែង នៅក្នុងឆ្នាំ ២០១៦ លំហូរចូលនៃ (FDI) ប្រចាំឆ្នាំជាមធ្យម ១៧០ ពាន់លានដុល្លារ ដែលកើនឡើងទ្វេរដងនៃតួលេខ ៩២ ពាន់លានដុល្លារចន្លោះឆ្នាំ ២០០៦ និង ២០១៥។ តួរលេខនេះបានកើនឡើងជាបន្តបន្ទាប់ដោយនៅចន្លោះឆ្នាំ ២០២១ និង ២០២៣ ការវិនិយោគបរទេសជាមធ្យមមានទឹកប្រាក់ចំនួន ២២០ ពាន់លានដុល្លារក្នុងមួយឆ្នាំ ដែលពង្រឹងសមត្ថភាពរបស់អាស៊ានក្នុងនាមជាអ្នកទទួលបានការវិនិយោគផ្ទាល់ពីបរទេសដ៏កំពូលក្នុងចំណោមប្រទេសកំពុងអភិវឌ្ឍន៍រយៈពេល ៣ ឆ្នាំជាប់ៗគ្នា។ នៅឆ្នាំ ២០២៣ លំហូរ FDI ទៅកាន់អាស៊ានបានឈានដល់កម្រិតខ្ពស់បំផុតក្នុងទំហំ ២៣០ ពាន់លានដុល្លារ។ មិនត្រឹមតែប៉ុណ្ណោះ ចំណែករបស់អាស៊ានសម្រាប់ FDI សកលបានកើនឡើងដល់ ១៧ ភាគរយនៅឆ្នាំ ២០២៣ ដែលកើនឡើងពី ៦ ភាគរយជាមធ្យមចន្លោះឆ្នាំ ២០០៦ និង ២០១៥។
យោងតាមរបាយការណ៍ទាំងនេះ គេសន្មត់ថា អាស៊ានមានការអនុវត្តដ៏រឹងមាំចំពោះសមាហរណកម្មក្នុងតំបន់កាន់តែស៊ីជម្រៅ បរិយាកាសវិនិយោគប្រសើរឡើង ការពង្រីកឱកាស និងទទួលបានអារម្មណ៍វិជ្ជមានកាន់តែច្រើនក្នុងចំណោមអ្នកវិនិយោគ និងសមាគមធុរកិច្ច។ ទន្ទឹមនឹងនេះ អាស៊ានបានរៀបចំផែនការសេដ្ឋកិច្ចអាស៊ានឆ្នាំ ២០២៥ ដែលនឹងដើរតួនាទីយ៉ាងសំខាន់ក្នុងការកែលម្អបរិយាកាសគោលនយោបាយវិនិយោគនៅទូទាំងតំបន់រួមមាន ការអនុវត្តកិច្ចព្រមព្រៀងថ្នាក់តំបន់ ក្របខ័ណ្ឌដែលមានគោលបំណងបង្កើនសមាហរណកម្មសេដ្ឋកិច្ច និងជំរុញកំណើនក្នុងវិស័យយុទ្ធសាស្ត្រ។
លើសពីនេះ អាស៊ានកំពុងដើរតាមនិន្នាការកំពុងរីកចម្រើនដូចជា ការបង្កើនលំហូរហិរញ្ញវត្ថុទៅក្នុងថាមពលកកើតឡើងវិញ ការផលិត និងកំណើនវិនិយោគដ៏រឹងមាំពីប្រទេសដែលមានសេដ្ឋកិច្ចធំៗដូចជា ចិន សហរដ្ឋអាមេរិក និងសហភាពអឺរ៉ុប។ បន្ថែមពីនេះ អាស៊ានបានបង្កើនបណ្តាញផលិតកម្ម និងសកម្មភាពខ្សែសង្វាក់ផ្គត់ផ្គង់ក្នុងចំណោមក្រុមហ៊ុននានាក៏បានជួយពង្រឹងប្រព័ន្ធអេកូឡូស៊ីឧស្សាហកម្ម ដែលជាលទ្ធផលជំរុញ FDI ផងដែរ។
ភ្ជាប់ទៅនឹងភាពល្អប្រសើររបស់អាស៊ានដែលអាចរក្សាបាននូវកំណើនសេដ្ឋកិច្ច ជាពិសេសភាពទាក់ទាញវិនិយោគពីបរទេស ក៏៏ព្រោះអាស៊ានមានលក្ខណៈសម្បត្តិពិសេសជាច្រើន ដែលក្នុងនោះក្រៅពីកត្តាភូមិសាស្ត្រនយោបាយ ភាពប្រទាក់ក្រឡាគ្នានៃការអនុវត្តគោលការណ៍អាស៊ាន ចំនួនប្រជាជនសរុបច្រើនជាង៦៧០លាននាក់ , ការទទួលបានកិច្ចព្រមព្រៀងពាណិជ្ជកម្មសេរីជាមួយបណ្តាប្រទេសមហាអំណាចសេដ្ឋកិច្ច ដូចជា ចិន ជប៉ុន ឥណ្ឌា និងកូរ៉េខាងត្បូង ជាពិសេស ការផ្តល់ឱកាសវិនិយោគយ៉ាងទូលំទូលាយនៅក្នុងវិស័យឧស្សាហកម្មដូចជា កសិកម្ម ផលិតកម្ម បច្ចេកវិទ្យា និងសេវាកម្ម៕
October 21, 2024
ទូរស័ព្ទ Galaxy A20 ថ្មី
• Model: Galaxy A20 (New)
• Color: Black
• Price Around : $179
• Accessories: Charger+Headphone
• Tel: 077 610 111
• Code: AED145-60
March 19, 2020
ទូរស័ព្ទ Galaxy A70 ថ្មី
Model: Galaxy A70 (New)
• Color: Orange
• Price Around : $399
• Accessories: Charger + Headphone
• Tel: 077 610 111
• Code: AED145-66
March 19, 2020
ទូរស័ព្ទ Galaxy S10 ថ្មី
• Model: Galaxy S10 (New)
• Color: Black
• Price Around: $899
• Accessories: Charger + Headphone
• Tel: 077 610 111
• Code: AED145-62
March 19, 2020