Author: អេបិល

​ក្រុម​ម្ចាស់​ជើងឯក​នៃ​លី​ក​កំពូល​របស់​ម៉ាកាវ​ ​MUST​ ​CPK​ ​បាន​ប្រកួត​ជាមួយ​ក្រុម​ម្ចាស់​ជើងឯក​លី​ក​កំពូល​កម្ពុជា​ ​ព្រះ​ខ័ន​រាជ​ស្វាយរៀង​ ​ជើង​ទី1​ ​នា​វេលា​ម៉ោង​ ​6ល្ងាច​ ​កាលពី​ថ្ងៃទី28​ ​ខែធ្នូ​ ​ឆ្នាំ2019​ ​នៅ​ទីលាន​ ​Urban​ ​ផ្លូវ​ ​60ម៉ែត្រ​ ​ដែល​ជា​លទ្ធផល​ក្រុមព្រះ​ខ័ន​រាជ​ស្វាយរៀង​ ​បាន​យកឈ្នះ​ដោយ​លទ្ធផល​ ​2ទល់នឹង1​។​ ​
​
​បន្ទាប់មក​នៅ​ថ្ងៃទី29​ ​ខែ​ដដែល​ ​វេលា​ម៉ោង​ ​6ល្ងាច​ ​នៅ​ទីលាន​ ​Urban​ ​ផ្លូវ​ ​60ម៉ែត្រ​ដដែល​ ​ក្រុមព្រះ​ខ័ន​រាជ​ស្វាយរៀង​បាន​បន្ត​ជ័យជម្នះ​ជា​លើក​ទី2​ ​ដោយ​លទ្ធផល​ ​3ទល់នឹង1​។​ ​សរុប​ទាំង​ ​2ជើង​ក្រុមព្រះ​ខ័ន​រាជ​ស្វាយរៀង​បាន​ឈ្នះ​ក្រុម​ ​MUST​ ​CPK​ ​ក្នុង​លទ្ធផល​ ​5ទល់នឹង2​។​
​
​គួរ​បញ្ជាក់​ដែរ​ថា​ ​ការប្រកួត​មិត្តភាព​អន្តរជាតិ​កម្ដៅ​សាច់ដុំ​ជាមួយ​ក្រុម​របស់​ម៉ាកាវ​ ​(​ ​Chao​ ​Pak​ ​Kei​ ​)​ ​នេះ​ ​គឺ​ដើម្បី​ជា​ការ​ត្រៀម​សម្រាប់​ពាន​ ​AFC​ ​Cup​ ​2020​ ​(​ ​វគ្គ​ជម្រុះ​ ​)​ ​ក៏ដូចជា​ត្រៀម​សម្រាប់​រដូវ​កាល​ថ្មី​របស់​ក្រុម​ទាំង2​ ​ផង​ដែរ​៕​

​
​
​
​
​
​
​
​
​
​

ដំបូងស្មានតែតារាចម្រៀងស្រីនៅផលិតកម្មថោនកញ្ញា ស៊ូ ស៊ីរីកា បង្ហើបពីរឿងរ៉ាវស្នេហារបស់នាង តែតាមពិតបទចម្រៀង « គ្មានអ្នកណាចាប់អារម្មណ៍ខ្ញុំទេ» នាងកំពុងច្រៀងតំអូញតម្អែដាក់អ្នកគាំទ្រយ៉ាងស៊ីអារម្មណ៍ ស្ដាប់ហើយចង់ហូរទឹកភ្នែកអ៊ីចឹងសោះ។

កញ្ញា ស៊ូ ស៊ីរីកា ជាតារាចម្រៀងដ៏ពេញនិយមនៅក្នុងដួងចិត្តមិត្តយុវវ៍័យ រាល់បទចម្រៀងរបស់នាង តែងតែធ្វើឱ្យអ្នកគាំទ្រស្ដាប់ហើយចូលតួតាម។ ជាក់ស្ដែងថ្មីៗនេះមួយបទដែលមានចំណងជើងចាក់ដោត « គ្មានអ្នកណាចាប់អារម្មណ៍ខ្ញុំទេ» កំពុងតែវាយឡុកអ្នក Single ជាច្រើននៅលើបណ្ដាញសង្គមហ្វេសប៊ុក។ ហេតុអ្វីបានគ្រប់គ្នាដ្រាម៉ានៅតែម្នាក់ឯងគ្មានអ្នកចាប់អារម្មណ៍អ៊ីចឹង? ពិតជាមានមូលហេតុ ទើបបានជាតារាចម្រៀងស្រីរូបនេះលើកយកមកបកស្រាយ។

ជិតបិទទំព័រឆ្នាំ២០១៩ហើយ បទចម្រៀង« គ្មានអ្នកណាចាប់អារម្មណ៍ខ្ញុំទេ» របស់កញ្ញា ស៊ូ ស៊ីរីកា ត្រូវគេឮចាក់បន្លឺនៅតាមហាង និងទីសារធារណៈនាប៉ុន្មានថ្ងៃនេះ ដោយអ្នកស្ដាប់ភាគច្រើនសុទ្ធតែយល់ថា មួយបទនេះទាំងពីរោះ និងមានអត្ថន័យចាក់ដោត ជាពិសេសគឺបទមួយនេះ ហាក់ធ្វើស៊ីអារម្មណ៍អ្នកឯកោនៅពេលមនុស្សគូភាគច្រើន សុទ្ធតែបង្អួតគម្រោងដើរលម្ហែកាយស្វីតៗមុនថ្ងៃឆ្លងឆ្នាំ និងឆ្លងឆ្នាំ។ ទឹកដមសំលេងរបស់នាងនៅក្នុងបទនេះ ក៏ស្ដាប់ទៅប្លែកត្រចៀកខុសពីបទមុនៗផងដែរ ទើបគ្រាន់តែចេញ MV មិនទាន់បានប៉ុន្មាន ក៏ទទួលបានការគាំទ្រតែម្ដង។ ជាក់ស្ដែងក្រឡេកទៅមើលសង្គមហ្វេសប៊ុក និងយូធូប ក៏មានការចែកចាយបទនេះ គួរអោយកត់សម្គាល់ផងដែរ បន្ថែមពីលើការចាក់បន្លឺ ដែលគេបានឮនៅតាមទីសាធារណៈ៕

នៅពេលថ្មីៗនេះមហាជនអ្នកគាំទ្រស្រាប់តែមានការភ្ញាក់ផ្អើលយ៉ាងខ្លាំង បន្ទាប់ពីបានឃើញតារាសម្ដែង គន់ រៀមរតនៈ ហៅចែរូហ្សា បង្ហោះរូបភាពជាច្រើនសន្លឹករបស់តារាសម្ដែងភេទទី៣ លោក វឌ្ឍនា ហៅMr Queen បានធ្លាក់ខ្លួនឈឺធ្ងន់ដុបដាបនៅលើគ្រែមន្ទីរពេទ្យ ព្រោះដោយមានជម្ងឺមហារីកនិងរបេង។

នាពេលនេះដែរ តារាភេទទី៣រូបនេះ កំពុងសម្រាកព្យាបាលនៅ មន្ទីរពេទ្យរុស្សី យ៉ាងឯកោ ក្នុងសភាពស្គមរីងរ៉ៃ ដេកព្យួរសេរ៉ូម មើលមិនចង់ស្គាល់។ ចែរ៉ូហ្សា បានបង្ហាញក្ដីអាណិតអាសូរយ៉ាងខ្លោចចិត្តចំពោះមិត្តរួមអាជីពសិល្បៈរូបនេះថា «ពេលវេលាកន្លងផុតដ៏មិនគួរឱ្យជឿ😰 កាលនេាះ ក្រៅពីគាត់ Mr Queen 👑 ក្នុងសង្គមសិល្បៈ នឹង ឆាកតន្ត្រីកម្មវិធីទូរទស្សន៍នានា គ្មានអ្នកណាគេមេីលមុខ អេីពេីជាមួយខ្ញុំទេ😰 បានគាត់ ជួយលេីកស្ទួយ បំពេញ បំណងខ្ញុំក្នុងសង្គមការងារលិស្បៈមួយចំនួន🌻 បាត់វត្តមានគាត់មួយរយៈយូ រហូតស្ទេីមិនជឿលភ្នែកខ្លួនឯង ថាគាត់ស្ថិតក្នុងតំណាក់កាលមួយនេះ😰 ប្អូនហ្នឹងទៅសួសុខទុកបង ទេាះមិនមានអីជួយច្រេីន ក៏បានជាកំលាំងចិត្តជូនបង💐 សូមបងរឹងមាំ នឹងមានសុខភាពល្អប្រសេីរឆាប់ៗ🙏💐❤️»។

សារក្ដុកក្ដួលនេះបានឱ្យដឹងថា ក្រោយបាត់មុខលោកពីសិល្បៈរយៈពេលយូរ បែរជាលេចរូបភាពស្គមខ្លាំងដេកឈឺរបស់ Mr Queen យ៉ាងគួរឱ្យអាណិត ទើបធ្វើឱ្យមហាជននឹកដល់សមត្ថភាពខ្លាំងលើឆាក។ Mr queenដែលជាតារាសិល្បៈមួយរូបពូកែសម្តែងមានទេពកោសល្យ ហើយពូកែធ្វើឱ្យអ្នកទស្សនាពេញចិត្តចំពោះរូបលោកផងដែរ ។ លោកជាទូទាំងគេចាំរូបរាងនិងស្តាយសម្តែងពូកែរបស់លោក ដោយតែងធ្វើជារូបពីរ ប្រុសម្ខាងស្រីម្ខាង ដែលជាទីចាប់អារម្មណ៏ខ្លាំងផងដែរ ។ ខណៈកំពុងធ្លាក់ខ្លួនកើតជំងឺមហារីកដំណាក់ការចុងក្រោយនេះ មិត្តអ្នកសិល្បៈបានអំពាវនាវឱ្យមានការជួយពីសប្បុរសជនចំពោះ Mr Queen និងសូមសមាគមន៍សិល្បៈជួយគាត់ផងដែរ ព្រោះតាមដឹងលោកគឺជាកូនកំព្រារទៀត៕

​Mario​ ​Mandzukic​ ​អ​តី​ត​កី​ទ្បា​ករ​របស់​ ​Bayern​ ​Munich​,​ ​Atletico​ ​Madrid​ ​និង​ ​Juevntus​ ​ពេលនេះ​បាន​ផ្ទេរ​ទៅកាន់​ក្លិប​ ​Al​-​Duhail​ ​ក្នុង​ក្របខ័ណ្ឌ​លី​ក​កំពូល​(​ ​The​ ​Qatar​ ​Stars​ ​League​ ​)​ ​របស់​ប្រទេស​ ​Qatar​ ​ជា​ផ្លូវការ​ហើយ​។​
​
​តាម​ប្រភព​ ​skysports​ ​បាន​បញ្ជាក់​ថា​ ​កី​ទ្បា​ករ​វ័យ​ ​33ឆ្នាំ​រូប​នេះ​មិន​សប្បាយចិត្ត​ជាមួយនឹង​ក្លិប​ ​Juventus​ ​ដែល​មិនសូវ​បាន​ដាក់​ឱ្យ​លោក​លេង​ជាច្រើន​ប្រកួត​ ​ចាប់ពី​លោក​ ​Maurizio​ ​Sarri​ ​ត្រូវ​បាន​តែងតាំង​ជា​គ្រូបង្វឹក​ថ្មី​តាំងពី​ខែមិថុនា​ ​ឆ្នាំ2019​ ​មក​។​
​
​សូម​បញ្ជាក់​ថា​ ​Mario​ ​Mandzukic​ ​បាន​បង្ហាញខ្លួន​ឱ្យ​ក្រុម​ ​Juventus​ ​បាន​ ​ ​117ប្រកួត​ ​និង​ស៊ុត​បញ្ចូល​ទី​បាន​ ​30គ្រាប់​ ​ចាប់តាំងពី​ឆ្នាំ2015​ ​ដល់2019​ ​នេះ​៕​

​

​ក្រុមកីឡា​ការិនី​មក​ពី​ខេត្តស្វាយរៀង​ ​ដែល​ទទួល​បាន​ជយលាភី​ជើងឯក​ក្នុង​ការប្រកួត​ជម្រើស​ជើងឯក​បាល់ទាត់​នារី​ឆ្នាំ2019​ ​ដែល​បាន​ទទួល​ប្រាក់​រង្វាន់​ ​4លាន​រៀល​ ​ខណៈ​ដែល​កីឡាការិនី​ដែល​ទាត់បាល់​បញ្ចូល​ទី​បាន​ច្រើនជាង​គេ​ ​និងកីឡា​ការិនី​អ្នកចាំទី​ល្អ​ជាងគេ​ ​ទទួល​បាន​ប្រាក់​លើកទឹកចិត្ត​ម្នាក់​ ​10ម៉ឺន​រៀល​។​
​
​ចំពោះ​មូលហេតុ​នៃ​ការកំណត់​ប្រាក់​រង្វាន់​ទាំងអស់​ក្នុង​ចំនួន​ដ៏​តិចតួច​បែបនេះ​ ​ត្រូវ​បាន​មន្ត្រី​សហព័ន្ធ​កីឡាបាល់ទាត់​កម្ពុជា​ ​ចេញ​មក​បញ្ជាក់​ថា​ ​យោង​តាម​ស្មារតី​កីឡាបាល់ទាត់​របស់​សហព័ន្ធ​កីឡាបាល់ទាត់​ពិភពលោក​ ​ការប្រកួត​កម្រិត​យុវជន​ ​គឺ​គេ​ផ្តោត​ទៅលើ​ការ​ពង្រឹង​សមត្ថភាព​ ​ក៏ដូចជា​បច្ចេកទេស​ដល់​កីឡាករ​ ​ដោយ​មិន​ចង់ឱ្យ​ក្រុម​នី​មួយ​ៗ​គិតតែ​ទៅលើ​ប្រាក់​រង្វាន់​តែមួយមុខ​នោះ​ឡើយ​។​
​
​លោក​បាន​បន្ថែម​ថា​ ​មិនមែន​តែ​ពាន​កម្រិត​យុវជន​នៅ​កម្ពុជា​ទេ​ ​សូម្បីតែ​ពាន​ ​AFF​ ​U16​,​ ​AFF​ ​19​,​ ​AFF​ ​U22​ ​ឬ​កីឡា​ស៊ី​ហ្គេម​ក៏ដោយ​ ​គឺ​សុទ្ធតែ​មិន​មាន​ប្រាក់​រង្វាន់​ឡើយ​ ​ដោយក្រុម​ដែល​ឈ្នះ​នឹង​ទទួល​បាន​ត្រឹម​ពាន​ ​និង​មេដាយ​តែប៉ុណ្ណោះ​៕​

​

​ក្លិប​បាល់ទាត់​ព្រះ​ខ័ន​រាជ​ស្វាយរៀង​នឹង​ចូលរួម​ប្រកួត​ក្នុង​វគ្គ​ជម្រុះ​ពានរង្វាន់​ ​AFF​ ​Club​ ​Championship​ ​2020​ ​នៅ​ចុងខែ​មេសា​ ​និង​ដើមខែ​ឧសភា​ ​ដើម្បី​ប្រជែង​យក​កៅអី​វគ្គ​ចុងក្រោយ​នៅ​ចុងឆ្នាំ2020​។​

​ការប្រកួត​នេះ​បែងចែក​ជា​ ​2ពូល​ ​ដោយ​ ​1ពូល​មាន​ ​6ក្រុម​ ​ប្រកួត​បែប​ប្ដូរ​ទឹកដី​គ្នា​ម្ដងម្នាក់​ ​(​Home​/​Away​)​ ​ហើយ​ចម្រាញ់​យក​ ​2ក្រុម​តាម​ពូល​នី​មួយ​ៗ​ទៅ​វគ្គ​ពាក់កណ្ដាល​ផ្ដាច់ព្រ័ត្រ​ ​និង​ឆ្លង​ដល់​វគ្គ​ផ្ដាច់ព្រ័ត្រ​តាមលំដាប់​ ​តែ​អ្វី​ដែល​សំខាន់​នោះ​ ​គឺ​ការប្រកួត​នឹង​មាន​លក្ខណៈ​ ​Home​/​Away​ ​គ្រប់​ដូច​ៗ​គ្នា​។​ ​កូតា​កីឡាករ​បរទេស​ ​គឺ​ ​3បូក1​ ​មានន័យថា​ ​ត្រូវតែ​មាន​អាស៊ី​ម្នាក់​ ​តែ​ក្នុងចំណោម​នោះ​កីឡាករ​អាស៊ាន​មិន​ត្រូវ​បាន​កំណត់​ចំនួន​ទេ​។​ ​ចំណែក​ការចុះបញ្ជី​កីឡាករ​ ​តិច​បំផុត​ ​25នាក់​ ​និង​ច្រើន​បំផុត​ ​30នាក់​។​
​
​ក្រុមហ៊ុន​ឧបត្ថម្ភ​ជា​អ្នករ៉ាប់រង​សំបុត្រ​យន្ដ​ហោះ​ទៅ​-​មក​ ​និង​ថ្លៃ​ស្នាក់នៅ​ ​ក្នុង​ពេល​ចូលរួម​ការប្រកួត​។​ ​ក្រុម​ជើងឯក​នឹង​ទទួល​បាន​ប្រាក់​រង្វាន់​ ​40ម៉ឺន​ដុល្លារ​អាមេរិក​,​ ​រងជើង​ឯក​ ​26ម៉ឺន​ដុល្លារ​អាមេរិក​,​ ​ក្រុម​ចាញ់​នៅ​វគ្គ​ពាក់កណ្ដាល​ផ្ដាច់ព្រ័ត្រ​នឹង​បាន​ ​13ម៉ឺន​ដុល្លារ​,​ ​ក្រុម​ធ្លាក់​វគ្គ​ចែក​ពូល​នឹង​បាន​ ​10ម៉ឺន​ដុល្លារ​ ​និង​ក្រុម​ចាញ់​វគ្គ​ជម្រុះ​ ​(​Play​-​Off​)​ ​នឹង​បាន​ ​3ម៉ឺន​ដុល្លារ​។​ ​

​បន្ថែម​៖​ ​ប្រាក់​រង្វាន់​នឹង​កើនឡើង​ថែមទៀត​នៅ​ឆ្នាំ2024​៕​

​

​តារា​សម្ដែង​ស្រី​រូប​ស្រស់​ ​កញ្ញា​ ​ម៉ាក​ ​សែន​ ​សូ​នី​តា​ ​ហៅ​តូ​តា​ ​បច្ចុប្បន្ន​តារា​ស្រី​រូប​នេះ​ ​កំពុង​ទទួល​បាន​ជោគជ័យ​ខ្លាំង​ទាំង​លើ​ការងារ​សិល្បៈ​ ​មុខ​ជំនួញ​ ​និង​រឿង​ស្នេហា​ ​ខណៈ​ដែល​នាង​គឺជា​គូស្នេហ៍​របស់​លោក​ ​ប៉ុល​ ​វិ​បូ​ ​ដែល​ជា​អតីត​អគ្គនាយករង​ ​ស្ថានីយ៍​ទូរទស្សន៍​ ​CTN​ ​និង​ជា​ចាងហ្វាង​ផលិតកម្ម​ ​Angkor​ ​Picture​ ​បាន​មាន​ទំនាក់ទំនង​ស្នេហា​ជាមួយគ្នា​ជាច្រើន​ឆ្នាំ​មក​ហើយ​។​
​
​ជាមួយគ្នា​នោះ​ដែរ​ ​អ្នក​ទាំងពីរ​បាន​យល់ចិត្ត​ថ្លើម​គ្នា​ជាច្រើន​ឆ្នាំ​និង​ឈាន​ដល់​ថ្ងៃ​ដឹកដៃ​គ្នា​ចូល​រោង​ការ​ឆាប់​ៗ​ហើយ​។​ ​ដោយឡែក​ថ្មីនេះ​ ​ស្រាប់តែ​ធ្លាយ​រូបភាព​ ​ដែល​កញ្ញា​ ​តូ​តា​ ​និង​គូស្នេហ៍​ ​កំពុងតែ​បណ្តើរ​គ្នា​ថតរូប​ ​Pre​ ​Wedding​ ​ត្រៀម​ចូល​រោងការ​យ៉ាង​ស្ងាត់​តែម្ដង​។​ ​រូបភាព​ជាច្រើន​សន្លឹក​នេះ​ ​បាន​ធ្វើ​ឱ្យ​ហ្វេ​នៗ​មួយចំនួន​ពិតជា​សរសើរ​ ​និង​អបអរ​ដល់​ពួកគេ​ទាំង២​ ​ក្រោយ​ស្រលាញ់​ចាប់ដៃ​គ្នា​អស់​ពេល​ជាច្រើន​ទីបំផុត​ ​ក៏​ត្រៀម​ចូល​រោង​ជ័យ​ទាំងពីរ​នាក់​យ៉ាង​គួរ​ឱ្យ​សរសើរ​។​
​
​សូម​ទស្សនា​រូបភាព​ខាងក្រោម​នេះ​៖​ ​

​
​
​
​

​ផ្អែកលើ​ការ​បង្ហោះ​របស់​តារាចម្រៀង​ ​អេ​ឡិច​ចាន់​ត្រា​ ​នៅ​លើ​ហ្វេ​សប៊ុ​ក​ផ្ទាល់ខ្លួន​គេ​មើលឃើញ​ថា​ ​ក្រុម​ចម្រៀង​របស់​លោក​ដែល​ប្រមូលផ្ដុំ​ដោយ​តារា​ចម្រៀង​ល្បី​ៗ​ក្នុង​ប្រទេស​កម្ពុជា​រួមមាន​ ​លោក​ ​ឆន​ ​សុវណ្ណ​រាជ​ ​អ្នកនាង​សុគន្ធ​ ​នី​សា​ ​កញ្ញា​រ៉ូ​លីន​ ​និង​តារាចម្រៀង​ពិធីករ​ពិធី​ការិនី​ល្បី​ ​បង្ហាញ​វត្តមាន​ក្នុង​ពិធី​រៀប​អាពាហ៍​ពិពាហ៍​របស់​កូន​អ្ន​ក​ធំៗ​មានមុខមាត់​ក្នុង​មន្ត្រី​រាជការ​។​
​
​នេះ​បេី​យោង​តាមរយៈ​គណនី​ហ្វេ​សប៊ុ​ក​របស់​លោក​ ​អេ​ឡិច​ ​ច័ន្ទ​ត្រា​ ​ជាតា​រា​ចម្រៀង​ ​និង​ជាតា​រា​សម្ដែង​ដ៏​ល្បី​ ​មានការ​រៀបរាប់​ឱ្យ​ដឹង​ថា​៖​«​WEDDING​ ​PARTY​ ​មហា​សិរី​សួស្តី​អាពាហ៍​ពិពាហ៍​ ​ចំនួន​ ​៦​ ​អគារ​ ​A​-​B​-​C​-​D​-​E​-​F​ ​នា​វិ​មា​នដឹព្រេ​មៀសេ​ន​ធ័រ​សែនសុខ​ ​ជួប​ជាមួយ​សិល្បករ​-​សិល្បការ​នី​ល្បី​ៗ​ ​ទាំង​តារា​ជើងចាស់​ ​និង​ជំនាន់​ថ្មី​ ​បាន​ត្រៀម​នូវ​បទចំរៀង​ជាច្រើន​បទ​ ​ច្រើន​ចង្វាក់​ ​ទាំង​ភាសាជាតិ​-​អន្តរ​ជា​តិ​ល្បី​ៗ​ ​អម​ជាមួយ​ក្រុម​ត​ន្ត្រី​ក្លា​សិ​ក​សំលេង​ស្រាល​ ​ជាពិសេស​ក៏​មានការ​ចូលរួម​ពី​ ​ពិធីករ​-​ពិធីការនី​ ​អា​ជី​ពល្បីៗ​ ​និង​ ​Dj​ ​ដ៏​ល្បី​ ​ក្នុង​កម្មវិធី​អ​វាហ៍​មង្គល​គូរ​ស្វាមីភរិយា​ថ្មី​ ​២០​ ​ធ្នូ​ ​២០១៩​»​។​ ​
​
​អេ​ឡិច​ ​ច័ន្ទ​ត្រា​ ​បាន​ប្រាប់​ឡា​រ៉ែ​ន​ថា​ ទិដ្ឋភាព​ដ៏អស្ចារ្យនាចុងឆ្នាំ២០១៩នេះ គឺជា​ថ្ងៃ​រៀប​អាពាហ៍​ពិពាហ៍​របស់​កូនប្រុស​ឯកឧត្តម​ ​លី​ ​ឆេង​ ​សមាជិករដ្ឋសភា​ ​និង​ ​ជា​អគ្គនាយក​សា​លា​ប៊ែល​ធី​អន្តរជាតិ​ ​ដែល​មាន​ការ​អញ្ចេីញ​ចូលរួម​ពីសំណាក់​ភ្ញៀវ​កិត្តិយស​ដែល​ភាគច្រើន​សុទ្ធសឹងតែ​ជាម​ន្ត្រី​ជាន់ខ្ពស់​ក្នុង​ជួរ​រដ្ឋាភិបាល​ ​សមាជិករដ្ឋសភា​ ​និង​ ​ព្រឹទ្ធសភា​ ​ជាច្រើន​។​ ​ក្នុង​កម្មវិធី​ជ័យមង្គល​របស់​កូនកំលោះ​និង​ក្រមុំ​មួយ​គូរ​នេះ​ ​បាន​រៀប​ចំ​ឡេី​ងយ៉ាង​អា​ធិ​ក​អាធ័ម​ ​អម​ជាមួយ​ក្បូរក្បាច់​ដ៏​ប្រណិត​ក្នុង​កម្ម​វី​ធី​ទាំងមូល​ ​រួម​ជាមួយនឹង​ការ​តុបតែង​ខ្លួន​ ​យ៉ាង​ស្រស់​ស្អាត​ ​ក៏ដូចជា​សម្អាងការ​ដ៏​គួរ​ឱ្យ​ទាក់ទាញ​ ​និង​ល្អឥតខ្ចោះ​ ​ដែល​ធ្វើឲ្យ​មានការ​ចាប់​អា​រម្ម​ណ៏​ពី​មហា​ជន​ជាច្​រេីន​ ​និង​មានការ​កោតសរសើរ​មិន​ដាច់​ពី​មាត់​ផង​ដែរ​៕​

​
​

​ការប្រកួត​ហែលទឹក​ជ្រើសរើស​ជើងឯក​ថ្នាក់​ជាតិ​ ​និង​ ​“​ពានរង្វាន់​តេជោ​សែន​”​ ​លើក​ទី5​ ​ឆ្នាំ2019​ ​មានការ​ចូលរួម​ប្រកួត​ពីសំណាក់​ក្លិប​ទូទាំង​ប្រទេស​ចំនួន​ ​8ក្លិប​ ​មាន​ដូចជា​ក្លិប​ក្រសួងសាធារណការ​ ​និង​ដឹកជញ្ជូន​,​ ​ក្លិប​ក្រសួងមហាផ្ទៃ​,​ ​ក្លិប​ក្រសួង​សេ​ដកិ​ច្ច​ ​និង​ហិរញ្ញវត្ថុ​,​ ​ក្លិប​ក្រសួងព័ត៌មាន​,​ ​ក្លិប​នាគរាជ​ ​កំពង់ចាម​,​ ​ក្លិប​ប៉ា​រ៉ា​ឡាំ​ពិ​ក​កម្ពុជា​,​ ​ក្លិប​ហែលទឹក​ខេត្ត​ត្បូងឃ្មុំ​ ​និង​ក្លិប​ហែលទឹក​ ​ប៊្លូ​ដូ​ហ្វ៊ី​ន​ ​ស្វី​មមី​ង​។​
​
​ជា​លទ្ធផល​ ​ក្លិប​កីឡាហែលទឹក​របស់ក្រ​សួង​សាធារណការ​ ​និង​ដឹកជញ្ជូន​ ​ដណ្តើម​បាន​ជើងឯក​នៃ​ព្រឹត្តិ​ការណ៍​ប្រកួត​នេះ​ ​2ឆ្នាំ​ជាប់​ៗ​គ្នា​។​ ​ខណៈ​ក្លិប​ក្រសួងមហាផ្ទៃ​ ​រក្សា​ជើងឯក​រង​ជា​លើក​ទី2​ ​ដូចគ្នា​នៅ​មណ្ឌលកីឡា​ហែលទឹក​តេជោ​សែន​ ​ខេត្ត​កំពង់ចាម​។​ ​គួរ​បញ្ជាក់​ដែរ​ថា​ ​ការប្រកួត​នេះ​ត្រូវ​បាន​រៀបចំ​ដោយ​សហព័ន្ធ​ខ្មែរ​កីឡាហែលទឹក​ ​ក្រោម​ថវិកា​ឧបត្ថម្ភ​ប្រចាំឆ្នាំ​របស់ក្រ​សួង​អប់រំ​ ​យុវជន​ ​និងកីឡា​។​
​
​ក្រសួងសាធារណការ​ ​និង​ដឹកជញ្ជូន​ដណ្តើម​បាន​មេដាយ​ចំនួន​ ​26គ្រឿង​ ​ក្នុង​នោះ​មេដាយមាស​ ​15គ្រឿង​ ​មេដាយ​ប្រាក់​ ​7គ្រឿង​ ​និង​មេដាយ​សំរឹទ្ធ​ ​4គ្រឿង​ ​រី​ឯ​ក្លិប​ហែលទឹក​ក្រសួងមហាផ្ទៃ​ ​ដណ្តើម​មេដាយ​ចំនួន​ ​16គ្រឿង​ ​រួមមាន​មេដាយមាស​ ​7គ្រឿង​ ​មេដាយ​ប្រាក់​ ​7គ្រឿង​ ​និង​មេដាយ​សំរឹទ្ធ​ ​2គ្រឿង​ ​ខណៈ​លេខ3​ ​បាន​ទៅលើ​ក្លិប​ហែលទឹក​ក្រសួងសេដ្ឋកិច្ច​ ​និង​ហិរញ្ញវត្ថុ​ ​ដែល​ដណ្តើម​បាន​មេដាយ​ចំនួន​ ​20គ្រឿង​ ​គឺ​មេដាយមាស​ ​1គ្រឿង​ ​មេដាយ​ប្រាក់​ ​7គ្រឿង​ ​និង​មេដាយ​សំរឹទ្ធ​ ​12គ្រឿង​៕​
​

​