Author: អេបិល

  • គ្រួសាររបស់ Selena Gomez បដិសេធមិនទទួលយក JB ជាដាច់ខាត

    គ្រួសាររបស់ Selena Gomez បដិសេធមិនទទួលយក JB ជាដាច់ខាត

    តាមរយៈសារព័ត៌មាន dailymail បានចេញផ្សាយនៅថ្ងៃទី31 ខែតុលា ឆ្នាំ2017 បានឱ្យដឹងថា បន្ទាប់ពីតារាប្រុស  Justin Bieber (JB) បានណាត់ជួបជាមួយតារាចម្រៀងស្រីវ័យក្មេង Selena Gomez តែពីរនាក់តទល់នៅក្នុងភោជនីយដ្ឋានមួយកន្លែងនៅក្បែរផ្ទះរបស់នាងនាទីក្រុង  Los Angeles សហរដ្ឋអាមេរិកកាលពីពេលថ្មីៗនេះ ក៏ស្រាប់តែមានព័ត៌មានផ្ទុះឡើងថា អ្នកទាំងពីរកំពុងព្យាយាមបង្កាត់ភ្លើងស្នេហ៍ឱ្យមានឆេះឡើងវិញ។

    ក្រោយពីទទួលបានដំណឹងមួយនេះភ្លាម ខាងក្រុមគ្រួសាររបស់ Selena Gomez បានច្រានចោលរាល់ព័ត៌មានរបស់នាង និងបានអះអាងបញ្ជាក់ផងដែរថា ពួកគេបដិសេធមិនព្រមទទួលយក JB ចូលមកក្នុងក្រុមគ្រួសាររបស់ពួកគេឡើយ បើទោះបីជានាង  Selena Gomez មិនអាចបំភ្លេច JB បាន ឬមានទំនាក់ទំនងស្នេហ៍ជាមួយគ្នាក្នុងអំឡុងពេលណាមួយ ឬយ៉ាងណាក៏ដោយ។ ប្រភពមួយពីសមាជិកគ្រួសារ  Selena Gomez បានអះអាងប្រាប់បន្ថែមថា “Justin គឺជាមនុស្សអាក្រក់ និងមិនអាចទទួលយកបានឡើយ”។

    គួរបញ្ជាក់ផងដែរថា ក្រុមគ្រួសាររបស់តារាចម្រៀងស្រីស្អាតវ័យក្មេងរូបនេះនៅតែអះអាង និងជឿជាក់ថា ករណីដែល Selena Gomez  ទៅជួបជាមួយ JB គឺជាការជួបចរចារឿងការងារតែប៉ុណ្ណោះ នាងគ្មានអ្វីត្រូវបន្ដគិតជាមួយ Justin ទៀតទេ ព្រោះនាងមានមិត្តប្រុសរបស់នាងរួចហើយ៕

  • រមណីយដ្ឋានឋានសួគ៌បូកគោបានរៀបចំព្រឹត្តិការណ៍សប្បុរសធម៌ជាលើកទី៤

    រមណីយដ្ឋានឋានសួគ៌បូកគោបានរៀបចំព្រឹត្តិការណ៍សប្បុរសធម៌ជាលើកទី៤

    នៅព្រឹកថ្ងៃទី២៨-២៩ ខែតុលា ឆ្នាំ២០១៧, រមណីយដ្ឋានឋានសួគ៌បូកគោបានរៀបចំព្រឹត្តិការណ៍សប្បុរសធម៌ជាលើកទី៤ គឺការរត់ប្រណាំងអន្តរជាតិពាក់កណ្តាលម៉ារ៉ាតុង និងប្រណាំងកង់ឋានសួគ៌បូកគោ ដែលស្ថិតនៅលើភ្នំបូកគោក្នុងខេត្តកំពត។ ព្រឹត្តិការណ៍ការរត់ប្រណាំងអន្តរជាតិពាក់កណ្តាលម៉ារ៉ាតុង និងប្រណាំងកង់ឋានសួគ៌បូកគោ បើកទូលាយស្វាគមន៍សម្រាប់អ្នកចូលរួមទាំងជនជាតិខ្មែរ និងបរទេសដោយមិនកំណត់អាយុសម្រាប់អ្នកចូលរួមរត់ប្រណាំង  សប្បាយៗ សម្រាប់ការប្រណាំងកង់ មិនត្រូវបានអនុញ្ញាតអាយុចាប់ពី ៩ឆ្នាំឡើងទៅ។

    ព្រឹត្តិការណ៍សប្បុរសធម៌នៅលើភ្នំបូកគោនេះ ផ្តល់ឱកាសសម្រាប់អ្នកចូលរូមក្នុងការទទួលបាននូវបទពិសោធថ្មីមូយសម្រាប់ប្រទេសកម្ពុជា ដោយមិនត្រឹមតែជាការចូលរួមដើម្បីភាពសប្បាយរីករាយ និងសុខភាពតែប៉ុណ្ណោះទេ ប៉ុន្តែ វាជាការចូលរួមដើម្បីផ្តល់នូវតម្លៃជាមនុស្សធម៌ ព្រោះចំណូល​ដែលទទួលបានពីព្រឹត្តិការណ៍សប្បុរសធម៌នេះនឹងផ្តល់ការឧបត្ថម្ភជូនដល់​មន្ទីរពេទ្យ​គន្ធបុប្ផា។

    ចំពោះជ័យលាភីនៃការរត់ប្រណាំង និងប្រណាំងកង់នឹងទទួលបាននូវមេដាយ និងរង្វាន់ផ្សេងៗជាច្រើនទៀត ចំណែកអ្នកមិនទទួលបានជ័យលាភី ក៏អាចទទួលបានមេដាយអនុស្សាវរីយ៍ព្រះមុនីវង្សបូកគោម៉ារ៉ាតុងម្នាក់មួយផងដែរ។

    ក្នុងកំឡុងពេលនៃព្រឹត្តិការណ៍នេះ អ្នកចូលរួមនឹងទទួលបាននូវភាពរីករាយជាមួយការប្រគុំតន្រ្តីដែលរៀបចំឡើងដោយក្រុមហ៊ុនស្រាបៀរ Ganzberge និងស្ថានីយ៍ទូរទស្សន៍ហង្សមាស។ កម្មវិធីនៅក្នុងឆ្នាំនេះ គឺជាឱកាសមួយដ៏ពិសេស ដោយសារព្រឹត្តិការណ៍នេះបានរៀបចំនៅថ្ងៃឈប់សម្រាក លើសពីនេះ អ្នកចូលរួមអាចបន្ត⁣⁣ការស្នាក់នៅ ដើម្បីទទួលយកនូវបទពិសោធន៍ថ្មីជាមួយនឹងការបោះជំរុំខ្នាតធំនៅមុខសណ្ឋាគារ។

    រមណីយដ្ឋានឋានសួគ៌បូកគោមានទីតាំងស្ថិតនៅលើភ្នំបូកគោ ក្នុងស្រុកទឹកឈូ ខេត្តកំពត ដែលជាតំបន់ទេសចរណ៍ប្រវត្តិសាស្រ្តដ៏ល្បីល្បាញសម្រាប់ប្រទេសកម្ពុជា មានទេសភាពធម្មជាតិដ៏ស្រស់ត្រកាលគួរជាទីមនោ រម្យ និងសំបូរដោយកន្លែងកម្សាន្តនានា។

    សូមជម្រាបជូនផងដែរថាសព្វថ្ងៃនេះរមណីយដ្ឋានឋានសួគ៌បូកគោមានសេវាកម្មដឹកអ្នកដំណើរប្រចាំថ្ងៃ⁣ ដែលចេញដំណើរពីភ្នំពេញ-បូកគោ-ភ្នំពេញ ប្រកបដោយសុវត្ថិភាព និងផាសុកភាពខ្ពស់។

    ចេញដំណើរជារៀងរាល់ថ្ងៃ

    ភ្នំពេញ-បូកគោ វេលាម៉ោង⁣៧:០០⁣ព្រឹក

    បូកគោ-ភ្នំពេញ វេលាម៉ោង  ១:៤៥នាទីរសៀល

  • រកឃើញឈុតប្រចាំជាតិដែលជាប់ជយលាភីក្នុងកម្មវិធី Miss Earth 2017 ហើយ

    រកឃើញឈុតប្រចាំជាតិដែលជាប់ជយលាភីក្នុងកម្មវិធី Miss Earth 2017 ហើយ

    បើតាមគេហទំព័រ normannorman ដែលបានចេញផ្សាយនៅថ្ងៃទី31 ខែតុលា ឆ្នាំ2017នេះ បានឱ្យដឹងថា ការរៀបចំប្រកួតឈុតប្រចាំប្រទេសសម្រាប់ការប្រកួតបវរកញ្ញាផែនដី ឬ Miss Earth 2017 លំដាប់អន្ដរជាតិនៅក្នុងប្រទេស ហ្វីលីពីន កាលពីរាត្រីថ្ងៃទី30 ខែតុលាកន្លងទៅថ្មីនេះៗ គេបានរកឃើញនូវឈុតប្រចាំជាតិដែលស្អាត និងមានភាពច្នៃប្រឌិតល្អដាច់គេហើយ។ ឈុតដែលបានជាប់ជយលាភីប្រចាំទ្វីបអាស៊ី មេដាយមាសបានទៅលើប្រទេស ហ្វីលីពីន ហើយមេដាយប្រាក់បានទៅលើប្រទេស ថៃ និងមេដាយសំរិទ្ធបានទៅលើប្រទេស ជប៉ុន ផងដែរ។

    គួរបញ្ជាក់ផងដែរថា មេដាយទាំងបីប្រភេទ ត្រូវបានបែងចែកទៅតាមតំបន់ទ្វីបដែលមានដូចជា អាស៊ី អឺរ៉ុបខាងលិច អឺរ៉ុបខាងកើត អាមេរិកខាងជើង អាមេរិកខាងត្បូង និងទ្វីបអាហ្វ្រិក។ ដោយឡែកកម្មវីធីប្រកួតបវរកញ្ញា Miss Earth 2017 នេះក៏នៅមានពានរង្វាន់មេដាយទំនាក់ទំនងមិត្តភាពល្អក្នុងក្រុម ដែលគេឱ្យឈ្មោះថា Miss Friendship គឺបានបែងចែកមេដាយជាបីក្រុមដែលបានទៅលើបណ្ដាប្រទេសដូចជា ៖ ប្រទេស ស៊ុយអែត សៀរ៉ា កូរ៉េខាងត្បូង ប៉េរូ អេស្ប៉ាញ ជប៉ុន ឥណ្ឌា ស្វីស និងប្រទេស តុងហ្គាផងដែរ៕

    សូមទស្សនាវីដេអូខាងក្រោម៖

     

    https://youtu.be/SiOD37g4Ks4

     

  • តារាប្រុសនៅក្នុងរឿង Lovers in Prague ទទួលមរណភាពដ៏គួរឱ្យរន្ធត់

    តារាប្រុសនៅក្នុងរឿង Lovers in Prague ទទួលមរណភាពដ៏គួរឱ្យរន្ធត់

    នៅទីបំផុតតារាប្រុសល្បីឈ្មោះរបស់ប្រទេសកូរ៉េខាងត្បូងដែលធ្លាប់ទទួលបានពានរង្វាន់ជាច្រើន បានស្លាប់បាត់បង់ជីវិតភ្លាមៗនៅក្នុងគ្រោះថ្នាក់ចរាចរណ៍ដ៏គួរឱ្យរន្ធត់មួយ ដែលបានបណ្ដាលឱ្យពិភពសិល្បៈកូរ៉េទាំងមូលមានភាពភ្ញាក់ផ្អើលជាខ្លាំង។ តារាប្រុសខាងលើមានឈ្មោះថា  Kim Joo Hyuk មានវ័យ 45ឆ្នាំដែលមហាជនអ្នកគាំទ្របានស្គាល់លោកយ៉ាងច្បាស់នៅក្នុងរឿង  Lovers in Prague  បានជួបគ្រោះថ្នាក់ចរាចរណ៍យ៉ាងគួរឱ្យរន្ធត់នៅថ្ងៃទី30 ខែតុលា ឆ្នាំ2017 វេលាម៉ោង 18.30 នាទី ។ នេះបើតាមសារព័ត៌មាន Koreaboo ដែលបានចេញផ្សាយកាលពីល្ងាចថ្ងៃទី30 ខែតុលា ឆ្នាំ2017។

     

    បើតាមមន្ត្រីប៉ូលីសនៅក្នុងតំបន់ Gangnam បានប្រាប់ឱ្យដឹងថា “នៅល្ងាចថ្ងៃទី30 ខែតុលា លោក Kim JooHyukបានបើករថយន្តត្រឡប់ទៅកាន់គេហដ្ឋានរបស់លោក។ លោកបើករថយន្ដប្រភេទ Mercedes Benz SUV ខណៈដែលលោកបានបើកបុកជាមួយរថយន្ដម៉ាក Hyundai Grandeurនោះ។ បន្ទាប់ពីបានបុកគ្នាយ៉ាងខ្លាំងរួចមក រថយន្ដតារាប្រុសរូបនេះ បានជ្រុលទៅបុកទង្គិចជាមួយអគារចំណតរថយន្ដ Samseong-dong បណ្ដាលឱ្យរថយន្ដរបស់លោកក្រឡាប់ភា្លមៗនៅនឹងកន្លែងកើតហេតុ និងឆាបឆេះព្រឹបឡើងតែម្ដង។ ក្រោយកើតហេតុភ្លាមៗនេះ ក្រុមប៉ូលិសពន្លត់អគ្គីភ័យ បានជួយពន្លត់អណ្ដាតភ្លើងដែលកំពុងឆាបឆេះរថយន្ដរបស់លោក ព្រមទាំងប្រញាប់បញ្ជូនខ្លួនលោកទៅមន្ទីរពេទ្យដើម្បីសង្គ្រោះបន្ទាន់ភ្លាមៗដែរ។ ប៉ុន្តែយ៉ាងណាក៏ដោយ ខណៈទៅដល់មន្ទីពេទ្យ តារាប្រុសរូបនេះទើបតែទទួលបានការជួយសង្គ្រោះបឋម CPR ដំណាក់កាលទី 1 ប៉ុណ្ណោះ ប៉ុន្តែគ្រូពេទ្យក៏បានប្រកាសឱ្យដឹងថា លោកបានស្លាប់បាត់បង់ជីវិតទៅហើយ” ។

    ដើម្បីឱ្យកាន់តែជាក់ច្បាស់សូមទស្សនាវីដេអូខាងក្រោមនេះ៖

    https://youtu.be/kbpR5N2-K4c

    https://youtu.be/zSN-G47XPzY

     

  • ឱក​ សុគន្ធ​កញ្ញា​ បំផុសគំនិតយុវវ័យខ្មែរ​ឱ្យចាប់ផ្ដើមអាន និងស្រឡាញ់សៀវភៅ

    ឱក​ សុគន្ធ​កញ្ញា​ បំផុសគំនិតយុវវ័យខ្មែរ​ឱ្យចាប់ផ្ដើមអាន និងស្រឡាញ់សៀវភៅ

    នាពេលថ្មីៗនេះ នៅលើបណ្ដាញសង្គម​ Facebook កំពុងតែចាប់អារម្មណ៍ជាខ្លាំងចំពោះសៀវភៅ “មនោសញ្ចេតនា” ដែលជាស្នាដៃថ្មីរបស់កវីនិពន្ធទំនុកច្រៀងប្រចាំផលិតកម្មរស្មីហង្សមាស លោក សុខ ចាន់ផល ព្រមទាំងរចនាម៉ូដរូបលើក្របសៀវភៅគឺ កញ្ញា ឱក​ សុគន្ធ​កញ្ញា ដែលជាកំពូលតារាចម្រៀងល្បីនៅក្នុងព្រះរាជាណាចក្រកម្ពុជាទៀតផង។

    នៅលើ Fcaebook Page របស់ ឱក​ សុគន្ធ​កញ្ញា បានរៀបរាប់បំផុសគំនិតយុវវ័យខ្មែរ​ឱ្យចាប់ផ្ដើមអាន និងស្រឡាញ់សៀវភៅយ៉ាងដូច្នោះថា «បើយើងក្លាយជាអ្នកដទៃ ​អ្វីៗនឹងល្អមែនទេ? មនោសញ្ចេតនា ជាសៀវភៅទីពីរដែលខ្ញុំទទួលបានពីអ្នកនិពន្ធដែលពោពេញដោយ​មនោសញ្ចេតនា សុខ​ ចាន់​ផល​ អរគុណ​បងប្រុស​ដែលបានចងក្រងសៀវភៅនេះឡើង។ ចាប់ផ្តើម​អានជាមួយនាងខ្ញុំ ឱក​ សុគន្ធ​កញ្ញា​»។ យ៉ាងណាក្ដីពីប្រភពអ្នកនិពន្ធវេទមន្ដក៏បានលើកឡើងនូវសម្ដីរបស់ ឱក​ សុគន្ធ​កញ្ញា ថា «ការងាររបស់ខ្ញុំរាល់ថ្ងៃ គឺពឹងលើការអាន បើខ្ញុំមិនអាន គឺខ្ញុំមិនដឹងថា ពាក្យដែលខ្ញុំយកទៅនិយាយជាមួយនឹងទស្សនិកជន ឬកូនក្រុមរបស់ខ្ញុំ​​​​ ត្រូវនិយាយថាម៉េចនោះទេ តែគឺខ្ញុំតែងតែសិក្សាយកពីសៀវភៅ ទើបខ្ញុំអាចយល់ដឹងពីការរស់នៅ ការប្រើប្រាស់ភាសា សិល្បៈនៃការនិយាយ តើថាយ៉ាងណាខ្លះ… »។

    ឱក សុគន្ធកញ្ញា បានបន្ដលើកឡើងថា «ក្នុងមួយទំព័រៗគឺមានពាក្យពេចន៍ច្រើនណាស់ ដូច្នេះមនុស្សម្នាក់អានសៀវភៅចប់មួយក្បាល នឹងទទួលចំណេះដឹងរាប់ម៉ឺនរាប់សែនពាក្យ យកមកប្រើមិនអស់ផង។ សៀវភៅមួយក្បាលផ្ដល់ចំណេះដឹងឱ្យអ្នកអានច្រើនលើសលប់ លើសពីអ្វីដែលយើងគិតទុក។ ហើយក្នុងទស្សនៈខ្ញុំ អ្នកនិពន្ធគឺជាមនុស្សដែលរៀនបានច្រើនមែនទែន គឺច្រើនជាងអ្វីដែលយើងកំពុងតែអាននោះផង»។

    គួរបញ្ជាក់ផងដែរថា ពិតជាគួរឱ្យកោតសរសើរណាស់ ដែលមានតារាល្បីៗនៅក្នុងប្រទេសកម្ពុជាដូចជា ឱក​ សុគន្ធ​កញ្ញា បានចូលរួមជំរុញការអាន ការស្រឡាញ់សៀវភៅ និងលើកទឹកចិត្តក្នុងការបន្ដវប្បធម៌នៃការអានសៀវភៅនៅកម្ពុជា បែបនេះ។ ប្រសិនបើប្រិយមិត្តមានចំណាប់អារម្មណ៍  អាចរកជាវនៅថ្ងៃនេះបាននៅតាមហាង នស២រ និង បណ្ណាល័យបញ្ញវន្ត ឬក៏តាមរយៈទូរស័ព្ទលេខ 093 482 578 និង 077 765 063៕

     

  • Taylor Swift  បង្ហាញស្ទីលអាក្រាតកាយទាំងស្រុងនៅក្នុងបទទើបចេញថ្មី

    Taylor Swift  បង្ហាញស្ទីលអាក្រាតកាយទាំងស្រុងនៅក្នុងបទទើបចេញថ្មី

    នៅពេលថ្មីៗនេះ គ្រាន់តែចាប់ផ្ដើមបទចម្រៀងថ្មី Taylor Swift  បានធ្វើឱ្យមជ្ឈដ្ឋានមហាជនភ្ញាក់ផ្អើលយ៉ាងខ្លាំងតាមរយៈស្ទីលអាក្រាតកាយនៅក្នុងបទ “Ready For It?” ដែលត្រូវបានអ្នកគាំទ្ររិះគន់នាងនៅក្នុង Youtubeថា ពួកគេខកចិត្តដោយសារតែគំនិតនៃការបង្កើតថ្មីមួយនេះវាខ្លាំងពេក ហើយភាពច្របូកច្របល់ និងបង្ហាញភាពពិសពុលកាន់តែខ្លាំងឡើងទៀតផង។

    ជាក់ស្ដែងនៅក្នុងបទចម្រៀងមួយបទនេះនាង Taylor Swift បានលេងស្ទីលអាក្រាតកាយ អណ្ដែតនៅលើលម្ហ ទាំងរាងកាយនាងត្រូវបានគ្រប់គ្រងដោយថាមពលវិទ្យាសាស្ត្រ ត្រឹមវិនាទីខ្លីៗតែប៉ុណ្ណោះ  ក៏ប៉ុន្ដែរូបអាក្រាតបែបនេះ បែរមានរហូតដល់ទៅច្រើនប្លង់ទៅវិញ។ យ៉ាងណាមិញ គួរកត់សម្គាល់ដែលថា បទចម្រៀងនេះ គឺមិនមានប្លង់ថ្មី និងគំនិតថ្មីឡើយ ។ តារាស្រីរូបនេះក៏ត្រូវបានអ្នកគាំទ្ររិះគន់បន្ថែមថា ប្រើប្រាស់ប្លង់ដដែលៗ គឺ ប្លង់ដេកដួល ដែលមានសឹងតែគ្រប់បទ ប្រហែលនាងចង់បង្ហាញពីអត្តសញ្ញាណរបស់នាងក៏មិនដឹង?។

    គួរបញ្ជាក់ផងដែរថា បទ “Ready For It?”  ត្រូវបានបង្ហោះនៅលើ Youtube នៅថ្ងៃទី26 ខែតុលា ឆ្នាំ2017 ថ្មីៗនេះ រហូតមកទល់ពេលនេះ ម៉ោងនេះ មានអ្នកចូលទស្សនាកើនឡើងដល់ 16,485,053 ហើយ តែជាអកុសល​មានអ្នក​បោះ​ឆ្នោតមិនចូលចិត្តរហូតដល់ទៅ 74 ពាន់នាក់ឯណោះ៕

  • គយគន់សម្រស់បវរកញ្ញា ញាត សុភា ទៅចូលរួមប្រកួត Miss International 2017

    គយគន់សម្រស់បវរកញ្ញា ញាត សុភា ទៅចូលរួមប្រកួត Miss International 2017

    នៅថ្ងៃទី28 ខែតុលា ឆ្នាំ2017 នេះ បើតាមរយៈ Facebook Page របស់ Miss International Cambodia បានឱ្យដឹងថា បវរកញ្ញា ញាត សុភា គឺជាបេក្ខភាពតំណាងប្រទេសកម្ពុជា បានធ្វើដំណើរទៅចូលរួមប្រកួតនៅក្នុងកម្មវិធីបវរកញ្ញាអន្ដរជាតិ Miss International 2017 នៅទីក្រុង តូក្យូ ប្រទេសជប៉ុន។

    ដោយឡែករូបភាពជាច្រើនសន្លឹកបានបង្ហោះនៅលើបណ្ដាញទំនាក់ទំនងសង្គមមួយនេះ ក៏បានបញ្ជាក់ឱ្យដឹងផងដែរថា បវរកញ្ញាដែលមកពីបណ្ដាប្រទេសនានា ត្រូវចូលរួមស្លៀកឈុតទំនៀមទម្លាប់ប្រពៃណីបុរាណរបស់ប្រទេសជប៉ុន ក្នុងការលើកស្ទួយ និងជំរុញនូវវិស័យទេសចរណ៍នៅក្នុងប្រទេសជប៉ុន ផងដែរ។ យ៉ាងណាមិញ កញ្ញា ញាត សុភា ក៏បានបញ្ជាក់បន្ថែមអំពីការប្រកួតនេះថា « រីករាយនឹងមិត្តភាពថ្មីៗក្នុងកាតព្វកិច្ចក្នុងនាមបេក្ខភាពកម្ពុជាក្នុងកម្មវិធីប្រកួត Miss International 2017 ដើម្បីចូលរួមផ្សព្វផ្សាយពីវិស័យទេសចរណ៍ វប្បធម៌ ប្រពៃណីទំនៀមទម្លាប់នៅកម្ពុជា។ សូមប្រិយមិត្តទាំងអស់មេត្តាចូលរួមគាំទ្រនាងខ្ញុំដែលជា Miss International Cambodia 2017 ផង»។

    គួរបញ្ជាក់ផងដែរថា កញ្ញា ញាត សុភា មានអាយុ 19ឆ្នាំ កម្ពស់170 សង់ទីម៉ែត្រ ជានិស្សិតឆ្នាំទី1 នៅសាកលវិទ្យាល័យ អាស៊ីអឺរ៉ុប។ ហើយគួររំឭកផងថា បវរកញ្ញារូបនេះធ្លាប់បានឆ្លងកាត់ការប្រកួត Miss Grand Cambodia 2017 និងទទួល​បានជយលាភីលេខ 2 និងបានក្លាយជាបេក្ខភាពតំណាងឱ្យព្រះរាជាណាចក្រកម្ពុជា ទៅចូលរួមប្រកួតបវរកញ្ញាអន្តរជាតិ Miss International 2017 នៅប្រទេសជប៉ុន៕

    https://www.youtube.com/watch?v=oDY6WXiyJR4

  • តារាថៃនាំគ្នាចូលរួមថ្វាយផ្កាចន្ទន៍ដល់ព្រះអដ្ឋិធាតុអតីតស្តេចថៃ

    តារាថៃនាំគ្នាចូលរួមថ្វាយផ្កាចន្ទន៍ដល់ព្រះអដ្ឋិធាតុអតីតស្តេចថៃ

    តាមរយៈសារព័ត៌មាន MThai នៅថ្ងៃទី27 ខែតុលា ឆ្នាំ2017 នេះ បានចេញផ្សាយថា នៅរាត្រីថ្ងៃទី26 ខែតុលា ​ព្រះរាជពិធីថ្វាយព្រះភ្លើង និងប្រមូលព្រះអដ្ឋិធាតុនៃអតីតព្រះមហាក្សត្រថៃ ព្រះបាទភូមិផុនអាឌុលយ៉ាដេត បានធ្វើឱ្យរំជួលអារម្មណ៍ប្រជាជន និងតារាថៃជាច្រើននាក់ដែលបានចូលរួមថ្វាយផ្កាចន្ទន៍ដើម្បីរំលែកក្ដីអាឡោះអាល័យដល់អតីតព្រះមហាក្សត្រ។

    នៅក្នុងពិធីដ៏កក្រើកនៅប្រទេសថៃកាលពីថ្ងៃម្សិលមិញនេះ មានតារាៗជាច្រើនដួងបានបង្ហូរទឹកភ្នែក និងអត់ធ្មត់ស៊ូទ្រាំទាំងកណ្ដាលភ្លៀង និងក្រោមកម្ដៅព្រះអាទិត្យដោយទទួលយកនូវក្ដីសង្វេគនាំគ្នាប្រារព្ធពិធីថ្វាយផ្កាចន្ទន៍ដល់អតីតព្រះមហាក្សត្រថៃ នៅខាងមុខបរិវេណព្រះមេរុ និងព្រះបរមរាជវាំង នៅក្នុងនោះរួមមាន អ្នកនាង អ៊ែន ថងប្រាក់ស៊ុំ លោក សនរ៉ាម អ្នកនាង នីខូល តារាកំប្លែង ទុកគី កញ្ញា ផេនខេក និងតារាល្បីៗជាច្រើនដួងទៀត។ ដើម្បីឱ្យកាន់តែជាក់ច្បាស់ សូមទស្សនារូបភាព និងវីដេអូឃ្លីបខាងក្រោមនេះ៖

  • កញ្ញា ប៊ី សុធារី  ទទួលបានទិដ្ឋាការពីស្ថានទូតអាមេរិកហើយ

    កញ្ញា ប៊ី សុធារី  ទទួលបានទិដ្ឋាការពីស្ថានទូតអាមេរិកហើយ

    នៅថ្ងៃទី27 ខែតុលា ឆ្នាំ2017នេះ តាមរយៈ Facebook page MISS Cambodia Beauty Pageant បានបង្ហោះឱ្យដឹងថា សូមអបអរសាទរដល់កញ្ញា ប៊ី សុធារី ដែលទទួលបានទិដ្ឋាការពីស្ថានទូតអាមេរិក ដើម្បីទៅចូលរួមប្រកួតបវរកញ្ញាចក្រវាល Miss Universe ឆ្នាំ2017 ដែលប្រារព្ធឡើងនៅថ្ងៃទី27 ខែវិច្ឆិកា ឆ្នាំ2017 នាទីក្រុង ឡាសវេហ្កាស សហរដ្ឋអាមេរិក។

    គួរបញ្ជាក់ផងដែរថា បវរកញ្ញាចក្រវាលតំណាងប្រទេសកម្ពុជា​ កញ្ញា ប៊ី សុធារី គ្រោងនឹងចាកចេញពីប្រទេសកម្ពុជាទៅចូលរួមប្រកួតបវរកញ្ញាចក្រវាល នៅថ្ងៃទី9 ខែវិច្ឆិកា ខាងមុខ។ ដូច្នោះសូមបងប្អូនប្រជាពលរដ្ឋកម្ពុជាគ្រប់រូប កុំភ្លេចជួយផ្ដល់កម្លាំងចិត្ត និងការគាំទ្រចំពោះរូបកញ្ញាដែលតំណាងឱ្យជាតិខ្មែរយើងផង៕

  • អស្ចារ្យមែន!!  ឈុត “នាងឧសភី” ត្រៀមទៅបង្ហាញលើវេទិកា បវរកញ្ញា Miss Earth 2017

    អស្ចារ្យមែន!!  ឈុត “នាងឧសភី” ត្រៀមទៅបង្ហាញលើវេទិកា បវរកញ្ញា Miss Earth 2017

    នៅពេលថ្មីៗនេះ បើតាមរយៈបណ្ដាញទំនាក់ទំនងសង្គម Facebook របស់ Roat Nimul Menn  បានឱ្យដឹងថា ឈុត ” នាងឧសភី”  ជាឈុតតំណាងជាតិ (National Costume) ដែលសម្រាប់ស្លៀកចូលប្រកួតក្នុងកម្មវិធី Miss Earth 2017​នៅប្រទេសហ្វ៊ីលីពីន។ ឈុតនេះគឺ រចនា និងច្នៃម៉ូដដោយក្រុម La Chhouk Recycled & Creative Fashion ហើយមួយផ្នែកធំទៀតនៃរ៉ូបឈុតនេះត្រូវបានច្នៃចេញពីសំរាមស្ងួត ឬសម្ភារដែលគេប្រើប្រាស់រួច (Recycled Materials) មានដូចជាបន្ទះឌីស គម្របដប និងសម្បកបាវជាដើម។

    ជាការពិតណាស់ ឈុតនេះបានផ្សារភ្ជាប់នូវអត្តសញ្ញាណខ្មែរ ដោយយកលំនាំតាមសត្វគោព្រៃ ដែលជាសត្វតំណាងជាតិ ហើយយើងក៏បានបញ្ចូលផ្នែកខ្លះនៃសម្លៀកបំពាក់របាំខ្មែរ ដូចជាសុរងក ខ្សែឈៀង -ល-  រីឯឈ្មោះ “នាងឧសភី” បានសំដៅដល់ន័យជាស្ដេចគោញី ដោយយោងតាមពាក្យថា ឧសភ ឬ ឧសភរាជ ដែលប្រែន័យសេចក្ដីថា ស្ដេចគោ ហ្នឹងឯង។

    មិនត្រឹមតែប៉ុណ្ណោះ ឈុតនេះផងដែរនៅពេលបង្ហាញ វានឹងឮសំឡេងកណ្ដឹងដែលយោលទៅ​យោលមក ប្រៀបបាននឹងសំឡេងត្រដោកសត្វគោពេលធ្វើដំណើរ ហើយក៏ជាចំណុចមួយដែលបង្កើននូវភាពទាក់ទាញមួយកម្រិតទៀតដល់អ្នកទស្សនាផងដែរ ។

    ពិសេសជាងនេះទៅទៀត មូលហេតុបានជាយើងយកសត្វព្រៃ និងវត្ថុដែលប្រើប្រាស់រួចជាទស្សនទាន ឬ ជាConcept ក៏ហេតុតែចង់បង្ហាញអត្ថន័យពីការចូលរួមការពារសត្វព្រៃ និង​បរិស្ថានឱ្យសមស្របទៅតាមកម្មវិធី Miss Earth 2017 ដែលគោលដៅធំរបស់កម្មវិធីនេះគឺ ការអប់រំ និងការការពារបរិស្ថាន។

    គួរបញ្ជាក់ផងដែរថា ឈុត “នាងឧសភី” នេះនឹងត្រូវបានបង្ហាញម៉ូដដោយបវរកញ្ញាផែនដី តំណាងប្រទេសកម្ពុជាគឺ ​កញ្ញា អែម គន់ថង។ ជាចុងក្រោយ យើងសង្ឃឹមថា ឈុតមួយនេះនឹងបានចូលរួមចំណែកលើកមុខមាត់ប្រទេសជាតិ តាមរយៈការបង្ហាញរបស់ Miss Earth Cambodia ​ទៅដល់បណ្ដាទស្សនិកជននៃប្រទេសដទៃទៀត៕

    ប្រភពរូបភាព៖ Roat Nimul Menn