Author: អេបិល

ជុំវិញរឿងរ៉ាវបណ្ដឹង ឡើងតុលាការ ពាក់ព័ន្ធនឹងករណីទម្លាយរូបអាក្រាត និងប្រើហិង្សា របស់អតីតគូដណ្ដឹងលោក គុយ សិទ្ធសក្ដិ ជាមួយនឹងតារាចម្រៀងស្រីវ័យក្មេង ប្រចាំផលិតកម្មភ្លេងរីខត កញ្ញា វ៉ាន់ នីឡា នៅតែមិនទាន់ទទួលបាន យុត្តិធម៌នៅឡើយ ខណៈដែលតុលាការបានចេញសាលដីកា ឲ្យចាប់ឃាត់ខ្លួន ជនចាប់ចោទទៅហើយ កាលពីពេលថ្មីៗកន្លងមក ប៉ុន្តែគេនៅតែឃើញជនចាប់ចោទ ដើរហើរមានសេរីភាព ដូចជាជនសមញ្ញធម្មតា ពោលគឺចំណាត់ការរបស់តុលាការ នៃសាលាដំបូងរាជធានីភ្នំពេញ គ្មានប្រសិទ្ធភាព ទាល់តែសោះ។

ស្រាប់តែនៅពេលថ្មីៗនេះ មានភាពភ្ញាក់ផ្អើលមែនទែន ខណៈដែលនៅលើបណ្ដាញទំនាក់ទំនងសង្គមហ្វេសប៊ុកបានទម្លាយរូប​ប​ថត Pre wedding ជាច្រើនសន្លឹក​ត្រូវ​បាន​លោក​គុយ សិទ្ធិ​សក្តិ ដែលស្ដែងឱ្យដឹងថា លោកគ្រោងនឹងចូលរោងការនាពេលខាងមុខឆាប់ៗនេះ បាននាំអនាគតភរិយាមកថត​ Pre wedding នៅបរិវេណនៃ​ប្រាសាទអង្គរវត្ត អមដោយសារនៅលើហ្វេសប៊ុកថា «ថ្ងៃនេះ ខ្ញុំរឹងមាំជាងម្សិលមិញ» នាពេល​ដែល​សាលដីកា​របស់​តុលាការ​មិនដឹង​អនុវត្ត​ដល់​កម្រិត​ណា​នោះ​ឡើយ ។

សូមរំឭកផងដែរថា កន្លងទៅ លោក សុខ ជំនោរ ធ្លាប់បានបង្ហាញពីការកើតទុក្ខមិនសុខចិត្ត នឹងចំណាត់ការរបស់តុលាការនេះ និងក្នុងនាមជាបងប្រុសបង្កើតរបស់ វ៉ាន់ នីឡា ធ្លាប់បានសរសេរ នៅលើគណនីហ្វេសប៊ុករបស់ខ្លួនថា «កុំនិយាយពីច្បាប់ និងតុលាការទៀតអី ខ្ញុំនិងគ្រួសារ ឆ្អែត និងយល់ច្បាស់ ពីអំណាច និងអ្នកមានលុយនៅស្រុកខ្មែរហើយ។ ពេលនេះ យើងចាញ់ ជនល្មើស!!!»។

ជាការពីតណាស់ ពាក់ព័ន្ធបញ្ហានេះ ក៏មានអ្នកលេងបណ្ដាញសង្គមម្នាក់បាន​បង្ហោះ​លិខិត ផ្សេង​ៗ​ពាក់ព័ន្ធ​ទៅ​នឹង​បណ្តឹង​របស់​វ៉ា​ន់ នី​ឡា ដោយ​ភ្ជាប់​រូបថត​លោក​ គុយ សិទ្ធ​សក្តិ ជាមួយ​សារ​ថា «​បើ​ជនល្មើស​ជា​មនុស្ស​ក្រក្រី គា្ម​ន​​បុណ្យ​​ស​កិ្ត ខ្ញុំ​ជឿ​100 % ចាប់ខ្លួន​មិន​បាន​10 ​នាទី​ទេ ប៉ុ​នែ្ត​បើ​ជនល្មើស​ជា​កូន​អ្នកមាន ឬ​បុណ្យ​ស​កិ្ត​10 ឆាំ្ន​ទៀត​ក៏​ចាប់​មិន​បាន​ដែរ ។ ជន​រង​គ្រោះរ​ស់ទាំង​ភ័យ​ខា្ល​ច តែ​បែរជា​ជនល្មើស​មាន​សេរីភាព​ទៅ​វិញ ថា​ខ្ញុំ​សាំ​ក៏​បាន ព្រោះ​ខ្ញុំ​សាំ​មែន តែ​មិនដឹង​អ្នក​ណា​សាំ​ជាង​ខ្ងុំ​ទៅ​ទៀត អង្គុយ​លើ​ច្បាប់ ស្រស់​ៗ »៕

តាមរយៈបណ្ដាញទំនាក់ទំនងហ្វេសប៊ុកនៅពេលថ្មីៗនេះ​គេមើលឃើញថា តារាចម្រៀងខ្មែរជាច្រើនដួងបានបំផុតគំនិតយុវជនយុវតីខ្មែរឱ្យស្រឡាញ់វប្បធម៌ ប្រពៃណីខ្មែរ ដែលជាដួងព្រលឹងអត្តសញ្ញាណជាតិ និងអភិរក្សអ្វីដែលខ្មែរមានពីបុរាណកាល។ ក៏ដូចគ្នានោះ តារាចម្រៀងស្រីល្បីឈ្មោះ អ្នកនាង សុគន្ធ នីសា ក៏បានចូលរួមជាមួយការជំរុញទឹកចិត្តឱ្យស្រឡាញ់ពីវប្បធម៌ខ្មែរផងដែរ។

មួយរយៈកាលចុងក្រោយនេះ គេសង្កេតឃើញប្អូនយុវវ័យជំនាន់ក្រោយពុំសូវជាអើពើចំពោះវិស័យសិល្បៈសម័យបុរាណខ្មែរ ដែលកំពុងតែវិវឌ្ឍន៍ទៅរកការបំភ្លេចម្ដងបន្ដិចៗ ខណៈទីផ្សារចម្រៀងនិងវប្បធម៌បរទេសមួយចំនួន កំពុងបញ្ជ្រៀតចូលវាយលុកលើសង្គមខ្មែរនាពេលបច្ចុប្បន្ន។ ជាហេតុមួយនាំឱ្យកូនខ្មែរ ជាអ្នកស្នេហាវប្បធម៌ ជាតិសាសន៍របស់ខ្លួន បង្ហាញក្តីព្រួយបារម្ភយ៉ាងខ្លាំង។

ជាការពិតណាស់ ថ្មីនេះមានការកំផុសស្មារតីតារាចម្រៀងហង្សមាស អ្នកនាង សុគន្ធ និសា នៅលើបណ្តាញសង្គមហ្វេសប៊ុក របស់នាង បានបង្ហោះភ្ជាបរូបភាពជាច្រើន សន្លឹក ព្រមជាមួយការសរសេរបង្ហាញ ពីគំនិតរបស់ខ្លួន ដែលតែងតែនៅជិត និងបារម្ភជានិច្ច ចំពោះតម្លៃវប្បធម៌ជាតិខ្មែរ។ ពិសេស នាងក៏បានអំពាវនាវ ឲ្យមានការចូលរួមគាំទ្រ និងអភិរក្សផងដែរ។

អ្នកនាង សុគន្ធ និសា បានបញ្ជាក់ថា «ដើម្បីវប្បធម៌ ក៏ដើម្បីខ្លួនខ្ញុំ វប្បធម៌នៅរស់ខ្ញុំក៏រស់ ព្រោះវប្បធម៌ គឺជាព្រលឹងខ្ញុំ និងជាព្រលឹងខ្មែរដូចគ្នា ខ្ញុំជួយថែខ្លួន ខ្ញុំដោយការសម្តែង អ្នកក៏ត្រូវថែខ្លួនអ្នកដោយការគាំទ្រផងដែរ។ សូមជួយគាំទ្រទាំងអស់គ្នា សិល្បៈវប្បធម៌ ល្ខោនបាសាក់ របស់ជាតិយើងគាំទ្រ ទាំងអស់គ្នាណា!»៕

កាន់តែប្លែកអារម្មណ៍ទៀតហើយ ជាមួយការសម្ដែងរបស់កំពូលតារាចម្រៀងប្រចាំផលិតកម្មរស្មីហង្សមាស លោក ព្រាប សុវត្ថិ ដែលបានបង្ហាញបទថ្មីស្ទាយប្លែកចង្វាក់កន្ទ្រាក់អារម្មណ៍មានចំណងជើងថា « មាន់ស្រែបន្លែស្រស់ » ព្រមទាំងបានរំលេចពាក្យពេចន៍ទាក់ទាញទន្ទេញជាប់មាត់នោះគឺ «ត្រៀមខ្លួនហើយនៅ? បាចស្រូវបាចអង្ក! »។ បទចម្រៀងថ្មីនេះ ក៏មានការតុងតែងខ្លួនបែបសម័យបារាំង ធ្វើឱ្យមហាជនលោកចាប់អារម្មណ៍ខ្លាំងបំផុត និងជាពិសេសមានការចូលរួមសម្ដែងដោយតារាល្បីៗដូចជា ស្រីស្អាត ប៉ាច គីមមួយ នាយក្រឹម ស្រីលាភ យាយអឿន និងតារាកិត្តិយសជាច្រើនដួងទៀត។

សូមជម្រាបជូនបន្ថែមថា កាលពីឆ្នាំកន្លងទៅកំពូលតារាចម្រៀងរូបនេះ មានទទួលបានប្រជាប្រិយភាពខ្លាំងចំពោះបទចម្រៀងសម្រាប់ពិធីបុណ្យចូលឆ្នាំប្រពៃណីខ្មែរយើង សង្កេតឃើញមានផ្ទុះខ្លាំងជាមួយបទ«រាំអីចេះ» ដែលនៅគ្រប់​ទីវត្តអារ៉ាម​ទាំង​អស់ត្រូវបានចាក់បន្លឺឡើងគ្រប់ទិសគ្រប់ទី និងបទមានសន្ទុះបន្ទាប់គឺបទ« រាំកូរណាស់ចែរ»។ តែដោយឡែកសម្រាប់​ឆ្នាំ2018 នេះគេនៅមិនទាន់អាចសន្និដ្ឋានបានទេថា បទចម្រៀងរបស់លោកព្រាប សុវត្ថិ អាចវ៉ាបទតារា​ចម្រៀង​ប្រុសៗទាំងឡាយបានទៀតឬយ៉ាងណា ប៉ុន្ដែគេចាប់អារម្មណ៏ថាបទ« មាន់ស្រែបន្លែស្រស់» នេះ នៅទើបចេញជា Audio នោះ ក៏មានការចាប់អារម្មណ៏ច្រើនបាត់ទៅហើយ។

ចង់ដឹងថា តើបទចម្រៀង « មាន់ស្រែបន្លែស្រស់ » ទាក់ទាញដល់កម្រិតណានោះ សូមទស្សនាវីដេអូខាងក្រោមនេះ៖

កក្រើកទៀតហើយ បទ «មាន់ស្រែ» របស់កញ្ញា រ៉ាប៊ី ត្រូវបានកីឡាករប្រដាល់ល្បីឈ្មោះនៅក្នុងប្រទេសថៃ យកមករាំ cover តាម បណ្ដាលឱ្យអ្នកគាំទ្រសប្បាយរីករាយ និងពុះកញ្ច្រោលជាមួយបទចម្រៀងនេះ។ រយៈពេលថ្មីនេះ បទ «មាន់ស្រែ» ទទួលបានភាពជោគជ័យចំពោះការគាំទ្រយ៉ាងខ្លាំង មិនថាតែនៅក្នុងស្រុក ឬ ក្រៅស្រុកទេ ហាក់បីដូចជាមានសន្ទុះខ្លាំងឡើងៗ។

ជាក់ស្ដែងកាលពីពេលថ្មីៗនៅនៅក្នុងព្រឹត្តិការណ៍ប្រកួតកីឡាប្រដាល់ល្បី Thai Fight របស់ស្ថានីយទូរទស្សន៍ប៉ុស្ដ៍លេខ 3 ថៃ បានយកបទមាន់ស្រែទៅចាក់ជា Intro ពេលកីឡាប្រដាល់ចេញឡើងមកលើសង្វៀន ដើម្បីប្រកួត ដែលវាជាមោទនភាពមួយរបស់ផលិតកម្មចម្រៀងខ្មែរយើងអាចឆក់យកភាពទាក់ទាញ និង ការនិយមចូលចិត្តយ៉ាងច្រើនពីសំណាក់ប្រទេសជិតខាង។ កីឡាករប្រដាល់ល្បីក្នុងប្រទេសថៃរូបនេះគឺលោក Por Tor Thor យកបទ «មាន់ស្រែ» មករាំបើកវគ្គក្នុងសង្វៀនខណៈបង្ហាញវត្តមានខ្លួន។ នៅក្នុងរាត្រីដ៏អស្ចារ្យនោះ យើងមើលឃើញប្រជាជនថៃពិតជាសប្បាយរីករាយ និងនាំគ្នារាំតាមទាំងសម្លេងហ៊ោកញ្ជ្រៀវតែម្ដង។

ចង់ដឹងថា ព្រឹត្តការណ៍ដ៏ធំសម្បើមនេះ មានភាពកក្រើកយ៉ាងណាជាមួយបទ «មាន់ស្រែ» សូមទស្សនាវីដេអូខាងក្រោមនេះ៖

ពិតជាមានភាពភ្ញាក់ផ្អើលពេញបណ្ដាញទំនាក់ទំនងសង្គមហ្វេសប៊ុកយ៉ាងកក្រើក ដោយសារតែ តារាសម្ដែងស្រីសិចស៊ី ដេននី ក្វាន់ ត្រូវនារីលេងហ្វេសប៊ុកម្នាក់ចូលមក Comment តិះដៀលឌឺដងដាក់នាង និងប្រើពាក្យអសុរោះជេរដល់ម្ដាយនាងយ៉ាងកប់ៗ ខណៈដែលតារាស្រីរូបនេះកំពុងតែ Live Video នៅលើហ្វេសប៊ុកខ្លួន។

ដេននី ក្វាន់ បានរៀបរាប់នៅលើហ្វេសប៊ុកថា « សុំមិត្តជួយរកឈ្មោះFb មីស្រីម្នាក់នេះឱ្យខ្ញុំផង ព្រោះវាជេរខ្ញុំហើយប្លុកខ្ញុំចោលទៀត តែខ្ញុំមិនថាទេ គ្រាន់តែប្តឹងមីនឹងមួយឱ្យរៀងដើម្បីថ្ងៃក្រោយកុំឱ្យមានមាត់ចេះតែដើរខមមិន ( Comment ) ជេរគេ ទាំងដែលមិនស្គាល់គេច្បាស់….។ មួយទៀតអ្នកណាស្គាល់វាច្បាស់ជួយប្រាប់ផងខ្ញុំជូនលុយ 200$ បើស្គាល់ទីកន្លែងនឹងផ្ទះសម្បែងវា ព្រោះខ្ញុំត្រូវរកមុខវាឱ្យឃើញ ខ្ញុំត្រូវការប្តឹងម្នាក់នឹងអោយរៀងម្តង។ ជួយShare ផង »។

កាន់តែក្ដៅស្លឹកត្រចៀកខ្លាំងឡើង អ្នកនាង ដេននី ក្វាន់ នៅតែប្រកាសរកនារីម្នាក់ខាងលើ ដែលមានឈ្មោះគណនីហ្វេសប៊ុក Oun Pich New ចេញមកធ្វើការសុំទោសចំពោះរូបនាង ។ នាងបន្ដថា « បើខ្លាំងប្លុកអាខោន ( BlocK Account ) ខ្លួនឯងចោលធ្វើអីស្រីល្អ? ឬគិតថាប្លុកហើយរួចខ្លួន យើងរកមុខនាងឯងមិនឃើញ? ជិតបានជួបគ្នាទល់មុខហើយស្រីល្អ…! ហួសចិត្តមិនដែលស្គាល់សោះមកជេរខ្ញុំលេង ដល់ពេលខ្ញុំ គេវិញរត់បាតជើងសព្រាតសូម្បីអាខោនខ្លួនឯងក៏ប្លុកចោល ខ្ញុំចង់សួរថាមិចមិនធ្វើឱ្យខ្លាំងដូចដែលជេរទៅ? ជួបគ្នាឆាប់ៗណាព្រោះអីលូវរកឈ្មោះរកទីកន្លែងឃើញហើយ ចង់រួចខ្លួនឆាប់អោនក្បាលមកសុំទោសខ្ញុំភ្លាមទាន់គេមិនទាន់កោះហៅ ចាំទុកផងមនុស្សមិនមែនចេះដើរឈ្លោះទេ បើគេមិនមករកខ្ញុំមុន.! ជួយShares ផងណា»៕

តាមរយៈបណ្ដាញទំនាក់ទំនងសង្គមហ្វេសប៊ុករបស់តារាចម្រៀងប្រុសប្រចាំផលិតកម្មរស្មីហង្សមាស ខាងផ្នែកចម្រៀងបុរាណប្រពៃណី និងមនោសញ្ចេតនាស្រុកស្រែ គឺលោក យក់ ដួងតារា នៅពេលថ្មីៗនេះ បានបង្ហើបប្រាប់ពីដំណឹងដ៏គួរឱ្យរំភើបមួយពោល លោកទទួលបានឱកាសទៅសម្ដែងនៅឯបទេស និងបានពាំនាំយកការសម្ដែងចាប៉ីដងវែង ដែលជាទេពកោសល្យពីធម្មជាតិរបស់លោក ទៅបង្ហាញឱ្យមហាជននៅសាកលលោកបានទស្សនា និងយល់ដឹងពីសិល្បៈបុរាណខ្មែរដែលមានអាយុកាលយូរលង់ណាស់មកហើ់យ។

លោក តារា បានបញ្ជាក់សារនៅលើហ្វេសប៊ុករបស់ខ្លួនថា « ចាបីុដងវែងជាទ្រព្យសម្បត្តិដ៏មហាសាលរបស់ដូនតាខ្ញុំ ថ្ងៃណាមួយ​ ខ្ញុំមានឱកាស​ ខ្ញុំនឹងយកទៅសម្តែងនៅលើឆាកអន្តរជាតិ​ ឱ្យពិភពលោកបានស្គាល់បន្ថែមទៀត​ ថាវាជារបស់ដូនតាខ្មែរ​ ។​ (សុំជាកំលាំងចិត្តម្នាក់មួយមកបងប្អូន) 41 »។ តែយ៉ាងណាមិញ លោកពុំបានរៀបរាប់ពីបណ្ដាប្រទេសដែលលោកគ្រោងទៅសម្ដែងឡើយ។

គួររំឭកផងដែរថា មួយរយៈកន្លងទៅថ្មីនេះ អតីតបេក្ខប្រឡងកម្មវិធីកំពូលតារាចម្រៀងកម្ពុជា ឬ I am a singer Cambodia រូបនេះ ធ្លាប់បានត្អូញត្អែពីការគ្មានទីផ្សារចំពោះអ្នកសិល្បៈបុរាណដោយលើកឡើងថា « ជីវិតពិតជាប្រែប្រួលទៅតាមពេលវេលាមែន​! ពេលនេះខ្ញុំធ្នាក់ខ្លួនដើរលេងល្ខោនមួយយប់ដប់ពីរម៉ឺនរៀល ព្រោះតែមិនសូវមានឱកាសដូចក្មេងៗដែលទើបនឹងឡើងមកក្រោយ​ៗ ម្យា៉ងឯងចាស់ហើយ​ ក្មេងៗគេឡើង​មកជាន់ឯងលិចបាត់ងើបលែងរួច ព្រោះក្មេងៗគេចេះច្រើនជំនាញ​ ដូចជាខាងយុវវ័យក៏គេចេះច្រៀង​ ខាងបុរាណក៏គេចេះច្រៀង​ ខាងកន្ទ្រឹមក៏គេចេះច្រៀង​ ដូច្នេះសេដ្ឋកិច្ចទីផ្សារផ្នែកវិស័យលើសិល្បះចំរៀងមួយនេះត្រូវបានក្មេងៗទាញស្រូបយកស្ទើរតែទាំងស្រុង​ »។

លោកបានបន្ដទាំងអារម្មណ៍ក្ដុកក្ដួលទៀតថា « រីឯអ្នកចំរៀងចាស់ៗវិញ​ ខ្លះនៅមានមុខ​ ខ្លះក៏បាត់មុខ​ ខ្លះក៏ទៅដាំជី​ ដាំស្លឹកគ្រៃ​ ចិញ្ចឹមមាន់ចិញ្ចឹមទា​ ព្រោះតែបាត់បង់ឱកាស​ ចំណេះដឹងនឹងទេពកោសល្យដែលមាន​ តិទៀតនឹងត្រូវស្លាប់ទៅតាមម្ចាស់ដែរហើយ​ ព្រោះតែមិនសូវមានអ្នកអើពើនិងផ្តល់តម្លៃអោយ។ (បើដើរទៅមុខ​ ក៏គួរតែងាកមើលក្រោយខ្លះផង) »៕

តាមរយៈបណ្ដាញទំនាក់ទំនងសង្គម ហ្វេសប៊ុក និងអ៊ីនស្ដាក្រាម នៅពេលថ្មីៗនេះ មហាជនអ្នកគាំទ្រតារាចម្រៀងសម្បុរស្រអែម និងជាកូនស្រីតារាចម្រៀងជើងចាស់ ហួរ ឡាវី បានបង្កភាពភ្ញាក់ផ្អើលនិង អូសទាញចំណាប់អារម្មណ៍ពីអ្នកគាំទ្រខ្លួនមែនទែន គឺកញ្ញា វី ឌីណែត ដែលបានចាប់ដៃគូចម្រៀងជាមួយលោក នី រតនា ។

តារាស្រីប្រចាំផលិតកម្មរស្មីហង្សមាស កញ្ញា វី ឌីណែត ទទួលបានការគាំទ្រគួរសមក្រោយចូលជ្រកក្រោមម្លប់ត្រឈឹងត្រឈៃនៃទ្រនំធំមួយនេះ ដែលកាលពីដំបូងឡើយនាងតែងបង្ហាញវត្តមានញឹកញាប់ជាមួយតារាចម្រៀងស្រីល្បីឈ្មោះកញ្ញា ឱក សុគន្ធកញ្ញា លុះក្រោយមកនាងបានចេញបទចម្រៀងផ្ទាល់ខ្លួន ក៏លែងឃើញនាងដើរតាម ឱក សុគន្ធកញ្ញា ទៀត។

តែមួយរយៈក្រោយមកនេះ វី ឌីណែត ឧស្សាហ៍លេចមុខជាមួយតារាចម្រៀងម្ចាស់ពាន Cambodian idol រដូវកាលទី1 លោក នី រតនា រហូតកើតមានជាការសង្ស័យថា អ្នកទាំងពីរមានទំនាក់ទំនងក្រៅឆាក តែដំណឹងនោះធ្លាប់ត្រូវបានលោក នី រតនា បដិសេធម្តងរួចមកហើយ។ កាន់តែពិសេសជាងនេះទៅទៀត មហាជនលោកចង់ឲ្យអ្នកទាំងពីរចាប់ដៃគ្នា ច្រៀង និងសម្តែងឲ្យបានច្រើនព្រោះថា នី រតនា និង វី ឌីណែត ជាដៃគូសាកសមបំផុត ទាំងការច្រៀង រាំ និងសម្តែង។

គួរបញ្ជាក់ផងដែរ រហូតមកទល់ពេលថ្មីនេះ វត្តមានអ្នកទាំងពីររមែងមានតាមបណ្ដាការប្រគំតន្ត្រីធំៗ ដែលជាហេតុឱ្យអ្នកទាំងពីរទីផ្សារសិល្បៈខ្ពស់៕

តាមរយៈបណ្ដាញទំនាក់ទំនងសង្គមហ្វេសប៊ុកនៅថ្ងៃទី 24 ខែមីនា ឆ្នាំ 2018 នេះ បានឱ្យដឹងថា មានតារាល្បីៗជាច្រើនដួង បានចូលរួមបង្កភាពភ្ញាក់ផ្អើលធ្វើខួបកំណើតជូនកំពូលពិធីការិនីល្បីឈ្មោះ អ្នកនាង យុគ ចិន្ដា យ៉ាងសប្បាយរីករាយអធឹកអធម។ ដោយឡែករូបភាពជាច្រើនសន្លឹកដែលបានអណ្ដែតនៅលើហ្វេសប៊ុក គេមើលឃើញថា អ្នកនាង យុគ ចិន្ដា ទទួលបានកាដូ និងបាច់ផ្កាធំៗ ដែលបង្ហាញពីក្ដីស្រឡាញ់យ៉ាងច្រើនចំពោះរូបអ្នកនាង។

ក្នុងនោះដែរ អ្នកនាង ចន​ ច័ន្ទលក្ខិណា ប្រធានសិល្បៈករខ្មែរក៏បានបង្ហោះសារ និងរូបភាពជូនពរ អ្នកនាង យុគ ចិន្ដា ថា « បងគឺជាស្រ្តីម្នាក់ដែលមានភាពអស្ចារ្យ បំផុតសម្រាប់ប្អូន បងជាបងស្រីដែលតែងផ្តល់ដំបូន្មានល្អៗដល់ប្អូន បងជាបងស្រីដែលជាថ្នាក់ដឹកនាំដ៏អស្ចារ្យ ជាស្ត្រីដែលមានដំណោះស្រាយប្រកបដោយព្រហ្មវិហារធម៌ អូនគោរពនឹងស្រលាញ់បងស្រីណាស់ អូនសូមជូនពរថ្ងៃកំណើតបងស្រីសូមអោយបងជួបតែសេចក្តីសុខ និង ជោគជ័យគ្រប់វិស័យជារៀងរហូត ជាពិសេសសូមអោយបងមានសម្រស់កាន់តែស្អាតក្មេងជាងវ័យ មុខជំនួញកាន់រីកដុះដាលជាលំដាប់ »។

សូមទស្សនាកម្រងរូបភាពថ្ងៃខួបកំណើតជូន អ្នកនាង យុគ ចិន្ដា ខាងក្រោមនេះ៖

តាមរយៈបណ្ដាញទំនាក់ទំនងសង្គមហ្វេសប៊ុកនៅពេលថ្មីនេះៗ​ បានឱ្យដឹងថា ទោះបីជាបទរបស់ លោក ឆាយ វិរៈយុទ្ធ «ដឹកឆ្កែទៅលេងស្រុក» ដែលចេញមកក្រោយ បទ របស់ កញ្ញា សុគន្ធកញ្ញា អាគីឆ្កែខ្ញុំ តែមជ្ឈដ្ឋានមហាជននៅតែជឿជាក់ថាបទនេះពេលចេញជាផ្លូវការនឹងមានការគាំទ្រខ្លាំងមែនទែនទូទាំងពិភពលោក មិនចាញ់គ្នានោះឡើយ ។

ដោយសង្កេតឃើញថា សម្រាប់បទចម្រៀងសម្រាប់រាំកម្សាន្ដឆ្នាំនេះ ភាគច្រើនមានចំណងជើងនិង អត្ថន័យទាក់ទងនឹងឆ្កែទាំងអស់ ហើយបទនីៗមួយរៀបរាប់ពីឆ្កែខុសៗគ្នា តាមពិតទៅបទទាំងនេះមានគោលដៅ ដើម្បីអបអរសាទរ ចូលឆ្នាំថ្មីប្រពៃណីជាតិ ដែលជាឆ្នាំ «ច » គឺតំណាងឱ្យសត្វឆ្កែ ទើបមានការចេញបទចម្រៀងទាក់ទងនឹងសត្វឆ្កែបែបនេះ។

ជាការពិតណាស់ ម្ដងនេះ លោក ឆាយ វីរៈយុទ្ធ លោកបានបង្ហាញឱ្យអ្នកគាំទ្រឃើញនិង រង់ចាំនៅភាពភ្ញាក់ផ្អើលថ្មីមួយ ដោយលោកបានបង្ហោះរូបសកម្មភាពសកម្មភាពថតបទថ្មី នៅក្នុងបណ្តាញសង្គមរបស់លោក ឆាយ វីរៈយុទ្ធ ផ្ទាល់តែម្តង ហើយឃើញលោកដឹកឆ្កែដើរលេង ហាក់បីដូចជាធ្វើមិនដឹងខ្លួន គ្រាន់តែឃើញរូបនេះផ្ទះសំណើចទៅហើយ អ្នកគាំទ្ររង់ចាំ និង ធានាថាអស្ចារ្យជាមួយបទថ្មីមួយរបស់លោក ឆាយ វីរៈយុទ្ធ ឆ្នាំនេះ៕