Author: អេបិល

សាកលវិទ្យាល័យបៀលប្រាយ និងក្រុមហ៊ុនអាស៊ីវេរលុយ បានចុះអនុស្សរណៈនៃការយោគយល់គ្នាផ្តល់​អាហារូបករណ៍ និងឱកាសការងារ​ដល់និស្សិត200នាក់សម្រាប់ថ្នាក់បរិញ្ញាបត្រសិក្សានៅសាកលវិទ្យាល័យបៀលប្រាយរាជធានីភ្នំពេញ។

លោក ឌៀប សីហា សាកលវិទ្យាធិការនៃសាកលវិទ្យាល័យ បៀលប្រាយ បានលើកឡើងថា​សាកលវិទ្យាល័យ​បានសហការជាមួយស្ថាប័ន​ឯកជន​ រួមទាំង​ដៃគូនានាដើម្បីជំរុញឱ្យកាន់តែមានភាពប្រសើរឡើងសម្រាប់ការសិក្សារបស់និស្សិត និងធ្វើយ៉ាងណាឱ្យពួកគេ​កាន់តែ​មាន​លទ្ធភាព​ដើម្បីសិក្សាបន្ត។ ដោយសារតែសាកលវិទ្យាល័យ​បៀលប្រាយ ជាសមាជិកនៃសាកលវិទ្យាល័យអន្តរជាតិ ហេតុនេះសាកលវិទ្យាល័យ​បានបង្កើតកិច្ចសហប្រតិបត្តិការល្អជាមួយនឹងដៃគូនានា​ដើម្បី ជំរុញឱ្យ​មាន​ផ្លាស់ប្តូរការសិក្សា និងឱកាសជាច្រើនសម្រាប់និស្សិតកម្ពុជាទាំងក្នុងប្រទេស និងក្រៅប្រទេស។ ជាក់ស្តែងនៅថ្ងៃនេះ សាកលវិទ្យាល័យ​បានសហការជាមួយ​នឹង​ក្រុមហ៊ុន អាស៊ី វេរលុយ ផ្តល់អាហារូបករណ៍​សម្រាប់សិស្ស និស្សិត​រយៈពេល​ 4ឆ្នាំ​ពេញសម្រាប់​ថ្នាក់បរិញ្ញាបត្រ ដើម្បីឱ្យគាត់​ឱកាសដើម្បីបន្តការសិក្សាឈានទៅសម្រេចក្តីស្រមៃរបស់ខ្លួន។

លោក ឌៀប សីហា បានមានប្រសាសន៍ថា៖ «​អាហារូបករណ៍នេះគឺផ្តល់ឱកាសសម្រាប់សិស្សទាំងអស់គ្នា​ដែលត្រៀមចូលឆ្នាំទី1 សម្រាប់ប្រឡងដើម្បីទទួលបានការសិក្សានៅសាកលវិទ្យាល័យបៀលប្រាយ ហើយចំពោះការជ្រើសរើស​​យើងមានគណៈកម្ម​ការត្រួតពិនិត្យច្បាស់លាស់​ ដើម្បីធានាថាអ្នកមានសមត្ថភាព​ពិតប្រាកដនឹងទទួលបានឱកាសយ៉ាងសំខាន់នេះ»។

លោក ឈ គង់ផេង អគ្គនាយកក្រុមហ៊ុន​អាស៊ីវេរលុយ បានលើកឡើងថា ក្រុមហ៊ុនរបស់លោកសម្រេចចាប់ដៃគូជាមួយនឹងសាកលវិទ្យាល័យ​បៀលប្រាយ ដោយសារតែមើលឃើញសាកលវិទ្យាល័យនេះ​មានគុណភាព​ល្អ ហើយការបណ្តុះប​ណ្តាលធនធានមនុស្សគឺមានគុណភាព ដែលអាចឆ្លើយតបបានជាមួយនឹង​តម្រូវការការងារ។ នេះជាលើកទី1ហើយ ដែលក្រុមហ៊ុនរបស់លោក​បង្កើតកម្មវិធី​ដើម្បីផ្តល់អាហារូបករណ៍ និងឱកាស​ការងារបែបនេះ។ លោកថា​និស្សិតទាំងអស់ដែលប្រឡងជាប់អាហារូបករណ៍នេះ​នឹងទទួលបានឱកាសធ្វើការងារនៅក្រុមហ៊ុន​អាស៊ីវេរលុយ ដើម្បីទទួលបានទាំងបទពិសោធន៍ការងារ និង​ឱកាសសម្រាប់បន្តការសិក្សានៅ​សាកលវិទ្យាល័យ៕ ​​​​​​

បុណ្យភ្ចុំបិណ្ឌប្រពៃណីជាតិខ្មែរ កាន់តែខិតជិតមកដល់ហើយ ច្បាស់ណាស់បងប្អូនយើងមួយចំនួនកំពុងតែស្វែងរកជាវឧបករណ៍ប្រើប្រាស់ក្នុងផ្ទះគ្រឿងអេឡិចត្រូនិក និង ផលិតផលផ្សេងៗ ជាច្រើនទៀតសំរាប់ជូនដល់អ្នកមានគុណនៅស្រុកកំណើត។​

សូមគោរពអញ្ចើញបងប្អូនអតិថិជនទាំងអស់មកកាន់ LG Brandshop ដើម្បីធ្វើការជាវនិងទទួលបាននូវឧបករណ៍ប្រើប្រាស់ក្នុងផ្ទះដែលមានគុណភាពខ្ពស់ តម្លៃសមរម្យ ការធានាត្រឹមត្រូវ និងសេវកម្មល្អបំផុត ។

អ្វីដែលកាន់តែពិសេសអស្ចារ្យជាងនេះទៅទៀត ដើម្បីចូលរួមអបអរសាទរក្នុងឪកាសបុណ្យ   ភ្ចុំបិណ្ឌប្រពៃណីជាតិខ្មែរដ៏វិសេសវិសាល ដែលនិងមកដល់ឆាប់ៗខាងមុខនេះ LG Brandshop ផ្តល់ជូនការបញ្ចុះតម្លៃយ៉ាងពិសេសដល់អតិថិជនទាំងអស់ និងថែមជូនចានស្រាក់ដ៏ប្រណិតមួយភ្លាមៗក្នុងការជាវឧបករណ៍ប្រើប្រាស់ក្នុងផ្ទះដូចជា, ម៉ាស៊ីនបោក, ទូរទឹកកក, ម៉ាស៊ីនត្រជាក់, ទូរទស្សន៍ និងឧបករណ៍ប្រើប្រាស់ផ្សេងៗជាច្រើនទៀត ។ កម្មវិធីបញ្ចុះតម្លៃពិសេសនេះចាប់ផ្តើមចាប់ពី ថ្ងៃទី 21ខែកញ្ញា រហូតដល់ ថ្ងៃទី 6 ខែតុលា ឆ្នាំ 2018 នៅគ្រប់សាខា LG Brandshop ទាំងអស់ដែលមានទីតាំងនៅ ភ្នំពេញ បាត់ដំបង កំពង់ចាម  សៀមរាប និង ខេត្តព្រះសីហនុ។

រួសរាន់ឡើងកុំអោយឪកាសដ៏ពិសេសនេះកន្លងផុតហួសអោយសោះ ! LG Brandshop ទំនិញមានគុណភាព តម្លៃសមរម្យ សេវាកម្មល្អ។

សំរាប់ពត៏មានបន្ថែម

ទំនាក់ទំនងមកកាន់លេខ 023 222 699

វេបសាយ​ (website) https://ggear.com.kh/

ហ្វេសប៊ុក (Facebook page) https://www.facebook.com/LGBrandshopKH/?ref=bookmarks

LG Brandshop ទំនិញមានគុណភាព តម្លៃសមរម្យ សេវាកម្មល្អ។

ស៊ីអាយអិមប៊ី គ្រុប ហូលឌីង ប៊ឺហាត (CIMB Group) បានសម្ពោធកម្មវិធីប្រកួត 3D Conquest ដែលជាការប្រកួតប្រជែងមួយ មានគោលបំណងទាក់ទាញយុវជនឆ្នើមផ្នែកឌីជីថល និងមានភាពច្នៃប្រឌិតខ្ពស់ ជាមួយនឹងផ្នត់គំនិតជាសហគ្រិន ឈ្លាសវៃ។ កម្មវិធី ដែលយកលំនាំតាមបែប Hackathon នេះមានការប្រកួតប្រជែង ៣ ប្រភេទ រួមមានវិទ្យាសាស្រ្តទិន្នន័យ (Data Science) បច្ចេកវិទ្យាហិរញ្ញវត្ថុ (FinTech) និងការសរសេរកូដ (Coding)។​

ប្រភេទ Data Science តម្រូវឲ្យក្រុមប្រកួតប្រជែង បង្កើតគម្រូព្យាករណ៍ (Predictive Models) និងក្របខណ្ឌតាមផ្នែក (Segmentation Frameworks) ដើម្បីសម្រេចគោលដៅប្រាក់ចំណូល និងប្រាក់ចំណេញ។ ប្រភេទ FinTech អនុញ្ញាតឲ្យនិស្សិតចូលរួមគិតអ្វីដែលថ្មី ប្រកបដោយភាពច្នៃប្រឌិតខ្ពស់ ពីដំណោះស្រាយធនាគារ ហើយប្រភេទ Coding ផ្តោតសំខាន់លើការអភិវឌ្ឍផ្នែកទូទាត់ទឹកប្រាក់ចល័ត។ ដូច្នេះឈ្មោះនៃកម្មវិធីប្រកួត 3D Conquest គឺមកពីពាក្យ Data Digital និង Disruption។

ក្រៅពីរង្វាន់ទឹកប្រាក់សរុបចំនួន 12ម៉ឺនដុល្លារអាមេរិក សម្រាប់កម្មវិធីប្រកួតប្រជែងថ្នាក់តំបន់នេះ ម្ចាស់ជ័យលាភីថ្នាក់តំបន់នឹងទទួលបានបទពិសោធន៍ដ៏កម្ររ តាមរយៈទស្សនកិច្ចទៅកាន់តំបន់ដ៏ល្បីល្បាញដែលមាន ឈ្មោះថា Silicon Valley នៅសហរដ្ឋអាមេរិក រួមទាំងឱកាសការងារជាមួយនឹងធនាគារ CIMB បន្ទាប់ពីបញ្ចប់ការសិក្សាផងដែរ។

លោកស្រី Dato’ Hamidah Naziadin នាយិកាធនធានមនុស្សរបស់ CIMB Group បានឲ្យដឹងថា៖ «ក្នុងនាមជាធនាគារសាកលឈានមុខគេមួយ ក្នុងតំបន់អាស៊ាន យើងរប្តេជ្ញាចិត្តក្នុងការអភិវឌ្ឍធនធានមនុស្ស ក្នុងតំបន់។ ហើយកម្មវិធី 3D Conquest នេះគឺជាមធ្យោបាយមួយ ក្នុងចំណោមមធ្យោបាយជាច្រើនទៀត ដែល CIMB Group ជម្រុញឲ្យយុវជនក្នុងតំបន់អាស៊ាន ទទួលបានឱកាសល្អៗ នៅក្នុងបដិវត្តន៍ឧស្សាហកម្មជំនាន់ទី4 នាពេលបច្ចុប្បន្ននេះ»។

«ជារួម ទាំងអស់នេះ គឺដើម្បីអតិថិជនរបស់យើងទាំងអស់គ្នា។ យើងរៀបចំគម្រោងអនាគតមួយ ដែលអតិថិជនអាចជ្រើសរើសផលិតផល និងសេវាកម្ម ដែលបង្កើតឡើងរួមគ្នា ហើយសមស្របនឹងតម្រូវការរបស់ពួកគេ តាមរយៈឧបករណ៍ ដែលចេញពីការវិភាគទិន្នន័យ និងកម្មវិធីប្រាជ្ញាសិប្បនិមិត្ម AI។ នេះគឺជាហេតុផល​ ដែលគោលដៅរីកចម្រើនបន្ទាប់របស់ CIMB Group នឹងមានមូលដ្ឋានឌីជីថល ទៅលើសសរគ្រឹះទាំងបី ដូចជាការលើកកម្ពស់ធនធានមនុស្ស អតិថិជន និងនិរន្តរភាព។ យើងជឿជាក់យ៉ាងរឹងមាំថា តាមរយៈកម្មវិធីប្រកួតប្រជែងនេះ បូករួមនឹងគំនិតផ្តួចផ្តើមផ្សេងទៀត ដូចជាសាលាបណ្តុះបណ្តាល 3D និងកម្មវិធីអភិវឌ្ឍន៍ធនធានមនុស្សរបស់ CIMB Group ដែលមានកញ្ចប់ទឹកប្រាក់សរុបប្រមាណ 111លានរីងហ្គីត នឹងត្រូវចំណាយដើម្បីបំពាក់បំប៉នបុគ្គលិក ផ្នែកឌីជីថល CIMB Group នឹងស្ថិតក្នុងលក្ខខណ្ឌមួយល្អប្រសើរ ដើម្បីកែទម្រង់ DNA របស់ក្រុមហ៊ុន ដើម្បីក្លាយជាស្ថាប័នឌីជីថលមួយ»។

ក្រុមបេក្ខជនដាក់ពាក្យនឹងធ្វើការប្រកួតប្រជែង ក្នុងកម្រិតប្រទេស ក្នុងខែវិច្ឆិកា ឆ្នាំ2018 មុននឹងឈានដល់វគ្គផ្តាច់ព្រ័ត្រ នាទីក្រុងកូឡាឡាំពួរ ក្នុងខែមករា ឆ្នាំ2019។

ក្រុមហ៊ុនអាកាសចរណ៍ម៉ាឡេស៊ី បានចូលរួមសហការជាដៃគូផ្លូវការ សម្រាប់រយៈពេល4ឆ្នាំជាប់គ្នា សម្រាប់គាំទ្រគំនិតផ្តួចផ្តើមអភិវឌ្ឍន៍យុវជនរបស់ CIMB Group។ ដៃគូមកពីវិស័យបច្ចេកវិទ្យា រួមមានក្រុមហ៊ុន Amazon ក្រុមហ៊ុន Cloudera Fusionex ក្រុមហ៊ុន Oracle និង SAS ម៉ាឡេស៊ី ។ កម្មវិធីប្រកួត 3D Conquest របស់ស៊ីអាយអិមប៊ី ត្រូវបានគាំទ្រដោយក្រសួងអប់រំឧត្តមសិក្សានៃប្រទេសម៉ាឡេស៊ី កិច្ចសហប្រតិបត្តិការសេដ្ឋកិច្ចឌីជីថលម៉ាឡេស៊ី (MDEC) និង Big Community។

សម្រាប់ព័ត៌មានលម្អិត អំពីការចុះឈ្មោះ និងកម្មវិធីប្រកួត 3D Conquest របស់ធនាគារ ស៊ីអាយអិមប៊ី សូមចូលទៅកាន់គេហទំព័រ 3dconquest.cimb.com