Author: អេបិល

កាលពីម្សិលមិញនេះ មានការផ្សព្វផ្សាយព័ត៌មានថា ការប្រកួតពានរង្វាន់យុវជនអាយុក្រោម 16ឆ្នាំ និង 18ឆ្នាំ មានការលើកការប្រកួត ដើម្បីបង្ការការរាតត្បាតនៃវីរុស COVID-19 ដែលកំពុងឆ្លងរាលដាលនៅក្នុងប្រទេសកម្ពុជា។

ដោយសារតែមានការឆ្លងរាតត្បាតដ៏ខ្លាំងក្លា ក្នុងមួយរយៈពេលចុងក្រោយនេះ បានធ្វើឱ្យស្ថានភាពនៅក្នុងប្រទេសកម្ពុជា មានកាព្រួយបារម្ភខ្លាំង ដោយមកទល់នឹងពេលនេះ សហព័ន្ធកីឡាបាល់ទាត់កម្ពុជា បានប្រកាសផ្អាកការប្រកួតពានរង្វាន់ធំជាងគេបង្អស់ប្រចាំប្រទេសចំនួន2 គឺពានរង្វាន់លីកកំពូលកម្ពុជា និងពានរង្វាន់សម្តេច ប្រចាំឆ្នាំ2020 នេះ ដោយមិនទាន់កំណត់ពេលបន្តវិញនៅឡើយទេ។

គួររំឭកដែរថា វីរុស COVID-19 បានកំពុងតែរាតត្បាតខ្លាំងនៅពាសពេញពិភពលោក ក្នុងនោះដែរ កម្ពុជាក៏មានអ្នកឆ្លងកើនឡើងជាបន្តបន្ទាប់ ដែលមកទល់ពេលនេះ មានចំនួន 37នាក់ហើយ៕

សហព័ន្ធកីឡាបាល់ទាត់ចិន គ្រោងនឹងបើកឱ្យដំណើរការប្រកួតលីកកំពូលរបស់ពួកគេឡើងវិញ នាអំឡុងពេលពាក់កណ្តាលខែមេសាខាងមុខនេះ ក្រោយពីផ្អាកអស់ពេលជាយូរ ដោយហេតុផលនៃការវាយលុកដ៏សាហាវនៃមេរោគបង្កជំងឺផ្លូវដង្ហើម COVID-19 ឬ Coronavirus ប្រភេទថ្មី។

ការប្រកួតនានាដែលត្រូវចាប់ផ្តើមនៅអឡុងពាក់កណ្តាលខែមេសាខាងមុខនេះ ក្រុមនីមួយៗមានកាតព្វកិច្ចតាមដាន និងធ្វើតេស្តសុខភាពកីឡាករ ឱ្យបានយ៉ាងហោចណាស់ក៏ 2សប្តាហ៍មុនការប្រកួតដែរ។ 

គូរបញ្ជាក់ដែរថា លីកកំពូលចិន (Chinese Super League 2020) បានបើកឆាកដំណើរការប្រកួតកាលពីថ្ងៃទី22 ខែកុម្ភៈ មកម្ល៉េះ ប៉ុន្តែដោយសារតែមេរោគ COVID-19 បានធ្វើឱ្យមនុស្សម្នាឆ្លងនៅក្នុងប្រទេសចិនផ្ទាល់ លើសពី 8ម៉ឺននាក់ រួមទាំងអ្នកស្លាប់លើសពី 3ពាន់ថែមទៀត ទើបជាហេតុនាំឱ្យសមាគមបាល់ទាត់ចិន ប្រកាសឱ្យផ្អាកមួយរយៈសិន៕

កាលពីម្សិលមិញនេះ មានការបែកធ្លាយលិខិត ដែលត្រូវផ្ញើជូនទៅកាន់ក្លិបនានា ដែលចូលរួមក្នុងពានរង្វាន់យុវជនអាយុក្រោម16 និង 18ឆ្នាំ ដោយបានជូនដំណឺងពីការសម្រេចពន្យារពេលការប្រកួតដណ្ដើមពានរង្វាន់នេះ។

ក្នុងលិខិតនេះ បានបញ្ជាក់ថា សហព័ន្ធកីឡាបាល់ទាត់កម្ពុជា បានសម្រេចផ្អាកការប្រកួតនេះ ដោយសារតែមានការរាតត្បាតរបស់វីរុស COVID-19 នៅក្នុងប្រទេសកម្ពុជា និងលើពិភពលោក ក៏ដូចជាដើម្បីបង្ការការរាតត្បាតនេះផងដែរ។

ទោះជាមានលិខិតនេះជាអំណះអំណាងក្តី ក៏ប៉ុន្តែមកទល់នឹងពេលនេះ មិនទាន់មានការបញ្ជាក់ជាផ្លូវការពីសហព័ន្ធកីឡាបាល់ទាត់ជាតិកម្ពុជានៅឡើយ៕

ក្រោយកុងត្រាក្លាយជាតារាចម្រៀងរបស់ក្លាសុិក តារាសម្ដែងលោក រុន ណាកូ ចេញបាន៣បទភ្លាមៗ សម្រាប់ឱកាសមុនចូលឆ្នាំនេះ។ ក្នុងនោះបទចម្រៀង២បទ ដែលជាបទទោលរបស់លោកត្រូវបានគេកត់សម្គាល់ពីរោះ និងប្លែកត្រចៀក បើទោះជាបទនោះមិនមែនជា Original Song។ ផលិតកម្មក្លាស៊ិកហាក់រំពឹងខ្លាំងថាវត្តមានតារារះថ្មីរូបនេះ នឹងក្លាយជាគ្រាប់ពេជ្រថ្មី នៅក្នុងផលិតកម្មរបស់ខ្លួននោះផង។

ហក់ចូលសិល្បៈប្រមាណតែជាង១ឆ្នាំប៉ុណ្ណោះ តែតារាសម្ដែងវ័យ២២ឆ្នាំ លោក រុន ណាកូ ត្រូវគេកត់សម្គាល់ថាទទួលបានទីផ្សារច្រើននៅក្នុងវិស័យសម្ដែង និងដើរម៉ូដ។ លោកកាន់តែលេចមុខលេចមាត់ក្រោយមានឱកាសក្លាយជាក្រុមការងាររបស់ផ្ទះតារា និងជាពិធីករក្នុងវីដេអូផ្ទះតារា ដែលជាកម្មវិធីសម្ភាសន៍ដ៏ពេញនិយមរបស់គ្រួសារតារាកម្ពុជា។ នេះក៏អាចជាចលករមួយ ដែលរុញឱ្យលោកឡើងកូដផងដែរ ទើបត្រូវបានផលិតកម្មក្លាស៊ិក ផ្ដល់ឱកាសឱ្យសម្ដែងជាតួឯកក្នុងរឿង”ដំណក់ទឹកភ្នែក១លានដំណក់” និងផ្ដល់ឱកាសអោយក្លាយជាតារាចម្រៀងកុងត្រារយៈពេលមួយឆ្នាំ ក្រោយពីដឹងថាលោកមានសមត្ថភាពសំលេងល្អ។

លោក ហួរ សុផល ម្ចាស់ផលិតកម្មក្លាស៊ិក បញ្ជាក់ថា លោក រុន ណាកូ មិនត្រឹមតែជាតួឯកក្នុងរឿង”ទឹកភ្នែកមួយលានដំណក់” ដែលមានរូបរាងសង្ហារ និង សម្ដែងបានល្អប៉ុណ្ណោះទេ តែលោកក៏មានសំលេងល្អ មិនចាញ់តារាចម្រៀងអាជីពផងដែរ ទើបលោកសប្បាយចិត្តក្រោយពេលបញ្ចេញបទមេឱ្យច្រៀងចំនួន៣បទសម្រាប់ចូលឆ្នាំ។ លោកថាលោក រុន ណាកូ មានបទផ្ទាល់ខ្លួនចំនួន៣បទ គឺបទ”កណ្ដៀវម៉ែមួយ” បទ”ចាប់យាយ ចាប់តា” ដែលជាបទទោលម្នាក់ឯង និងបទ”ចាប់កណ្ដុរ” ដែលបទច្រៀងរួមគ្នា៣នាក់ លោក បញ្ញា សិទ្ធិ និង លោក ត្រា យ៉ាកូ។

លោក រុន ណាកូ និយាយថាលោកមានក្ដីស្រម៉ៃចង់ក្លាយជាតារាចម្រៀងជាយូរមកហើយ ប៉ុន្តែមកពីគ្មានកម្លាំងជំរុញ និង ខ្វះទំនុកចិត្ត ទើបលោកចេះតែមិនហ៊ាន។ លោកសម្ដែងអារម្មណ៍រំភើបដែល លោក ហួរ សុផល ផ្ដល់ឱកាសឱ្យខ្លួន និង អរគុណដល់គ្រួសារតារាកម្ពុជា ដែលធ្វើឱ្យលោកមានទីផ្សារក្រោយពេលក្លាយជាសមាជិក។ យ៉ាងណាមិញ លោកថាសមត្ថភាពខ្លួននៅមានកម្រិតនៅឡើយ ដែលតម្រូវឱ្យលោកត្រូវប្រឹងប្រែងហ្វឹកហាត់ច្រើនទៀត។ និស្សិតពេទ្យទើបបញ្ចប់ការសិក្សារូបនេះប្រកាសថា នឹងប្រឹងប្រែងអាជីពជាពិធីករ និង ចម្រៀងឱ្យជោគជ័យ ខណៈដែលការសម្ដែង និង ដើរម៉ូដ ក៏នឹងចាប់មិនឱ្យរបូត។

ក្រោយពីចេញចម្រៀងមួយបទ ចំណងជើងថា «នឹកម៉ែ» របស់តារាចម្រៀង យ៉ែម សំអូន បានធ្ឱ្យអ្នកស្តាប់កំសត់ស្រក់ទឹកភ្នែក និងអន្លង់អន្លោច តាមអត្ថន័យនៃបទចម្រៀង។

តារាចម្រៀងសំនៀងផ្អែមលោកយ៉ែម សំអូន បានឱ្យយដឹងថារាល់ បទចម្រៀង ដែល លោកច្រៀង គឺភាគច្រើនស្ដែងពីជីវិតពិត នៃសង្គមសព្វថ្ងៃតែម្ដង។ ដូចជាបទ ”នឹកម៉ែ” នេះផងដែរ វាចេញពីអារម្មណ៍ពិត កើតឡើងពេលដែលលោក កំពុងអង្គុយសរសេរបទ ចម្រៀងមួយនេះ ធ្វើឱ្យយលោកមានអារម្មណ៍នឹកអ្នកម្ដាយ ដែលបានឃ្លាតឆ្ងាយពីលោក ជាច្រើនឆ្នាំមកហើយ។

តាមរយៈ បទ ”នឹកម៉ែ” បានចេញជា Full Audio ហើយ ចំណែកការចេញថត MV វិញ លោកគ្រោងនឹងធ្វើឆាប់ៗនាពេលខាងមុខនេះ។ សូមបញ្ជាក់ថា បទ «នឹកម៉ែ»មានតារាសម្ដែងល្បីៗថតក្នុង MV នេះ ដូចជា អ្នកនាងស្វែង សុជាតា, សម ម៉ាណា , សុខ សុជាតា, អ៊ឹង និមល និងលោកឧត្តម ជាដើម៕

តោះចង់ដឹងពីរោះអន្លង់អន្លោចប៉ុណ្ណានោះ រីករាយស្តាប់កម្សាន្ដទាំងអស់គ្នា !

ខណៈដែលមហាជន មានអារម្មណ៍ច្របូកច្របល់ដោយសារភ័យនឹងជម្ងឺកូវីត19 តារាចម្រៀងស្រី តន់ ចន្ទសីម៉ា បានធ្វើការការអំពាវនាវ សុំកុំឱ្យបងប្អូនខ្មែរតក់ស្លុតនឹងជម្ងឺកូវីតខ្លាំងពេក។ យ៉ាងណាមិញ នាងបានទទូចអោយបង្កើនការប្រុងប្រយ័ត្នដោយជៀសវៀងការជួបជុំក្នុងកកម្មវិធីជុំៗ និង ត្រូវលាងដៃ ពាក់ម៉ាសឱ្យបានត្រឹមត្រួវ។ ថ្មីៗនេះនៅលើបណ្ដាញសង្គមហ្វេសប៊ុករបស់តារាចម្រៀងស្រីប្រចាំទ្រនំកាឡាក់ស៊ីណាវ៉ាត្រា រូបនេះបានបង្ហោះវីដេអូរៀបរាប់អំពីការទិញបន្លែតាមរយៈ Mobile App ដែលជាបន្លែធម្មជាតិរបស់ផ្សារកសិផល ឡេង ណាវ៉ាត្រា។

តារាស្រីរូបនេះ បានរៀបរាប់ថា៖ «ការគិតសុខភាព​ប្រចាំថ្ងៃ​ពិតជា​សំខាន់​ណាស់ លោក​អ្នក​ត្រូវ​តែ​ថែរក្សា​និង​ប្រុង​ប្រយ័ត្ន​ឲ្យ​បាន​មុតមាំ ម៉្យាង​ ជំងឺកូវីត១៩ កំពុង​តែ​វាយ​លុក​ស្ទើរ​ពេញ​ពិភព​លោក​ទៅ​ហើយ ដូច្នេះ​ត្រូវ​តែ​បំប៉ន​សុខភាព​ឱ្យ​រឹង​មាំ តាម​រយៈ​​ការ​បរិភោគ​បន្លែ ផ្លែ​ឈើ​ឲ្យ​បាន​ច្រើន។ ផ្សារ​ភ្ជាប់​ពី​តម្រូវ​ការ​របស់​អតិថិជន​បច្ចុប្បន្ន ផ្សារ​ទំនើប​កសិផល​ធម្មជាតិ​ឡេង ណាវ៉ាត្រា ​មាន​លក់​​បន្លែ ផ្លែ​ឈើ​ ធម្មជាតិ គ្មាន​ជាតិ​គីមី​ឱ្យប៉ះ​ពាល់​សុខភាព។ ដូច​នេះ​នេះ​សម្រាប់​លោក​អ្នក​ដែល​មិន​ចង់​​ចេញ​ក្រៅ​ផ្ទះ ធ្វើ​បាយ​ម្ហូប​ពិសា​ជុំ​គ្រួសារ គឺ​ពិត​ជា​ងាយ​ស្រួល​ណាស់ ដែល​មាន​សេវាកម្ម​ដឹក​​ជញ្ជូន​ដល់​ផ្ទះ​បែប​នេះ។

-សម្រាប់​​ទីតាំង​ផ្សារ ស្ថិត​នៅ​អាគារ #S៣-១៧ អគារអូឡាំព្យា ផ្លូវ ឧកញ៉ាទេពផន (១៨២) សង្កាត់វាលវង់ ខណ្ឌ ៧មករា​ រាជធានីភ្នំពេញ។

-Mobile App (Playstore) ៖ Navatra Market [សូមដោនឡូត]

-លេខ​ទូរស័ព្ទ​កុម្ម៉ង់​ទិញ ៖ ០១១ ៤៤៤ ៤៤៤ (សម្រាប់ Cellcard ឥតគិតថ្លៃ )។ លោក គ្រាន់​តែ​ចុច​កុម្ម៉ង់​ទិញ​តាម វិបសាយ ឬ Mobile app ក៏​បាន ក្រុម​ការងារ​នឹង​ដឹក​ជូន​ភ្លាមៗ ដោយ​ឥត​គិត​ថ្លៃ ក្នុង​រយៈ​ពេល តែ ២០​នាទីប៉ុណ្ណោះ»។

រីករាយទស្សនាវីដេអូខាងក្រោមនេះ ៖

នៅលើបណ្ដាញសង្គមហ្វេសប៊ុកគេមើលឃើញថា លោក សូ ស្រណោះបង្ហោះវីដេអូប្រគំតន្ត្រីព្យាណូ ដើម្បីផ្ញើជូនមហាជនស្ដាប់កម្សាន្ដ និងរំសាយអារម្មណ៍ភ័យខ្លាចចំពោះជំងឺ Covid19 ។ នៅលើវីដេអូរបស់លោក បានរៀបរាប់ថា «ហេតុផលដែលលោកលេងភ្លេងមួយបទក្នុងវីដេអូនេះ ហើយបង្ហោះជាសាធារណៈ គឺដើម្បីជាសារឱ្យបងប្អុនខ្មែរ ដើម្បីឱ្យបងប្អូនខ្មែរ ដែលកំពុងភ័យបារម្ភតក់ស្លុត ឱ្យមានអារម្មណ៍ស្ងប់ និងស្រស់ថ្លា»។

លោកថាក្នុងស្ថានភាពនេះ ក្រៅពីអំពាវនាវឱ្យបងប្អូនធ្វើអារម្មណ៍អោយស្រស់ថ្លា គឺមានតែភ្លេងព្យាណូមួយបទរបស់លោកប៉ុណ្ណោះ ដែលជួយឱ្យបងប្អូនទាំងអស់ ដែលតក់ស្លុតខ្លាំងកុំឱ្យតក់ស្លុតប៉ុណ្ណោះ។ លោកទទូឱ្យអ្នកដែលមានអារម្មណ៍តក់ប្រមាលើស្ដាប់ភ្លេងរបស់លោក ដោយលោកបញ្ជាក់ថា តន្ត្រីគឺជាឱសថដ៏មានប្រសិទ្ធភាព សម្រាប់អ្នកមានអារម្មណ៍ច្របូកប្របល់។

លោក សូ ស្រណោះ បញ្ជាក់បន្ថែមទៀតថា លោកភ្លេងមួយបទដែលលោកបានសម្ដែង បើស្ដាប់ដោយការយកចិត្តទុកដាក់ គឺមិនខុសពីធ្វើឱ្យអារម្មណ៍ស្រស់ថ្លា និងស្ងប់ជាងមុននោះទេ ទើបលោកតាំងចិត្តលេងមួយបទនេះ និងបង្ហោះវាឡើង។ ជាមួយគ្នានោះលោក ក៏ទទូចឱ្យបងប្អូនខ្មែរបង្កើននូវការការពារ ចំពោះជំងឺកូវីត១៩ ដែលកំពុងផ្ទុះឡើងផងដែរ។

សូមជម្រាបដែរថា បើទោះខណៈនេះមហាជនជាច្រើនមានអារម្មណ៍ច្របូកច្របល់ដោយសារភ័យនឹងជម្ងឺកូវីត១៩យ៉ាងណាក៏ដោយ ក៏យើងត្រូវតាំងស្មារតី សូមកុំឱ្យបងប្អូនខ្មែរតក់ស្លុតនឹងជម្ងឺកូវីតខ្លាំងពេក។ យ៉ាងណាមិញ ការបង្កើនការប្រុងប្រយ័ត្នដោយជៀសវៀងការជួបជុំក្នុងកកម្មវិធីជុំៗ និង ត្រូវលាងដៃ ពាក់ម៉ាស់ឱ្យបានត្រឹមត្រួវ។ សូមរីករាយទស្សនាវីដេអូ តន្ត្រីករព្យាណូល្បីល្បាញលោក សូ ស្រណោះ ខាងក្រោមនេះ៖​

https://youtu.be/EbtiPM90Cyw

កាលពីព្រឹកថ្ងៃទី19 មីនា ឆ្នាំ2020 តារាចម្រៀងល្បីល្បាញអ្នកនាង ខាត់ សុឃីម និងស្វាមី បានរួមគ្នាជាមួយអ្នកតវ៉ាប្រមាណ៣០០នាក់ផ្សេង រួមគ្នាលើកបដាទាមទាឱ្យតុលាការខេត្តសៀមរាប ដោះលែង លោក ឌឹម សួនណាត អគ្គនាយកក្រុមហ៊ុន Enarita បន្ទាប់ពីតុលាការខេត្តសៀមរាប បន្តឃុំខ្លួនលោក បណ្ដាលឱ្យលោក ឌឹម សួនណាត មិនអាចចេញមកសស្រាយបំណុលដល់ដៃគូវិនិយោគទាំងឡាយបាន។ អ្នកនាង ខាត់ សុឃីម និងអ្នកតវ៉ា បញ្ជាក់ថា បើគ្មានការដោះលែងអគ្គនាយកក្រុមហ៊ុន Enarita រូបនេះទេ ការបង់ខាតរបស់គ្រួសាររាប់ពាន់គ្រួសារក៏គ្មានដំណោះស្រាយនោះដែរ។

អ្នកនាង ខាត់ សុឃីម និយាយថា លោកឌឹម សួនណាត គឺជាមនុស្សល្អ តែលោកត្រូវបានចោទប្រកាន់ពីបទលក់ដីខ្យល់ និងឆបោក ហើយត្រូវឃុំក្នុងតុលាការខេត្តសៀមរាប ដែលបណ្ដាលឱ្យអ្នកវិនិយោគគម្រោងជាមួយលោក រាប់ពាន់គ្រួសារគ្មានការសងត្រលប់។ អ្នកនាងលំត្រាតែលោក ឌឹម សួនណាត ត្រូវបានដោះលែង ទើបក្រុមអ្នកបណ្ដាក់ទុនវិនិយោគទាំងអស់ ទទួលបានយុត្តិធម៌ ក្នុងការទទួលបានប្រាក់វិនិយោគជាមួយក្រុមហ៊ុនកន្លងមក។ អ៊ីចឹងហើយ ទើបអ្នកនាង និង គ្រួសារដែលជាដៃគូវិនិយោគជាមួយលោក ឌឹម សួនណាត សរុបប្រមាណ ៣០០នាក់ ត្រូវរួមគ្នាធ្វើញត្តិយាអន្តរាគមន៍ពីសម្ដេចនាយករដ្ឋមន្ត្រី និង នាំគ្នាមកតវ៉ានៅមុខតុលាការខេត្តសៀមរាបតែម្ដង ដើម្បីស្នើឱ្យតុលាការខេត្តសៀមរាប ដោះលែង លោក ឌឹម សួនណាត ដើម្បីកុំឱ្យលោកបន្តជាប់ឃុំ និងអាចឱ្យលោកមករកស៊ីដោះស្រាយបំណុលកូនក្រុមទាំងអស់ ដែលបានដាក់ហ៊ុនមុនពេលតុលាការធ្វើការចោទប្រកាន់។ អ្នកនាងថា បើលោក ឌឹម សួនណាត ជាមនុស្សឆបោកដូចការចោទប្រកាន់ ប្រហែលអ្នកនាង និង គ្រួសារដែលវិនិយោគផ្សេងទៀត មិនប្រឹងចំណាយពេលទេ ប៉ុន្តែមកពីអាណិតលោក និងចង់ឱ្យលោកបានចេញមកវិញ ដើម្បីដោះស្រាយប្រាក់ដើម ដែលគ្រួសារទាំងអស់បានបណ្ដាក់ទុនជាមួយ ទើបនាំគ្នាតវ៉ា។

ម្ចាស់ហ្វេសប៊ុក លោក ខេម ណារ៉ា ដែលត្រូវគេស្គាល់ថាជាផលិតករផង និងជាតួសម្ដែងផង បានអះអាងថាក្រោយការតវ៉ាមួយព្រឹក ខាងអយ្យការតុលាការខេត្តសៀមសៀម បានហៅតំណាង៣នាក់ឱ្យចូលចចារដោយខាងតុលាការសន្យារថានឹងជួយរកដំណោះស្រាយ។ យ៉ាងណាមិញលោកថា ក្រុមអ្នកតវ៉ា នឹងនៅតែបន្តតវ៉ា ប្រសិនបើខាងតុលាការនៅតែបន្តឃុំខ្លួនលោក ឌឹម សួនណាត បន្ទាប់ពីការឃុំខ្លួនអស់៨ខែមិនមានដំណោះស្រាយរាប់ខែហើយ៕