Author: អេបិល

លោកពូ កុយ សួរសុខទុក្ខ និងប្រាប់ពីស្ថានភាពជំងឺរលោកពូ សាន ម៉ៅ
មកទល់ពេលនេះស្ថានភាពជំងឺរបស់លោក ពូ សាន ម៉ៅ គឺនៅក្នុងការសង្គ្រោះបន្ទាន់ និងបំពាក់បំពង់អុកហ្ស៊ីសែនជាប់ដដែល ខណៈតារាកំប្លែងលោកពូ កុយ បានប្រាប់បញ្ជាក់ថា «ក្រុមគ្រួពេទ្យបានជួយអស់ពីរកម្លាំងចិត្តហើយ»។
លោក ពូកុយ បានបង្ហោះប្រាប់ថា «ថ្ងែនេះខ្ញុំបានមកសួរសុក្ខសម្លាញ់ សាន់ម៉ៅ នៅមន្ទីរពេទ្យសង្គ្រោះបន្ទាន់កាល់ម៉ែតនឹងយកថវិកាមួយចំនួនយកមកជួយគាត់ហើយ ខ្ញុំបានជួបលោកគ្រួពេទ្យប្រាប់ថាជំងឺរបស់គាត់ឈឺច្រើនមុខពេក ហើយក្រុមគ្រួពេទ្យបានជួយអស់ពីរកម្លាំងចិត្តហើយ ខ្ញុំសូមជូនពរសម្លាញ់សាន់ម៉ៅឱ្យឆាប់ជានឹងបានសម្តែងជាមួយគ្នាទៀត»។
គួររំឭកដែរថា តារាកំប្លែងជើងច្បាស់ល្បីឈ្មោះទាំងពីររូប គឺនាយកុយ និងនាយក្រឹម តែងតែធ្វើដំណើរទៅសួរសុខទុក្ខនាយសានម៉ៅ ដល់បន្ទប់សង្គ្រោះបន្ទាន់ភ្លាមៗដែរ ព្រមទាំងបានជូនពរឱ្យនាយសានម៉ៅ ឆាប់ជាសះស្បើយពីជំងឺ៕
January 4, 2019
មានអ្វីពិសេសនៅក្នុងពិធីបុណ្យ «ដារលាន ឬបុណ្យភូមិ»លើកទី12 ក្នុងក្រុងសៀមរាប
ទេសភាពវាលស្រែនាពេលរាត្រីនៅថ្ងៃទី31 ខែធ្នូ ម៉ោងប្រហែលជា 5ល្ងាចនៃពិធីបុណ្យដារលាន ឬបុណ្យភូមិ រួមជាមួយនឹងពិធីបុណ្យឆ្លងឆ្នាំសកលនៅក្នុងភូមិជ្រាវ សង្កាត់ជ្រាវ ក្នុងទីក្រុងសៀមរាបបានលេចជារូបរាងឡើងជាមួយនឹងការរៀបចំតុបតែងតាមបែបប្រជាជន ជនបទយ៉ាងស្រស់ស្អាតស័ក្តិសមនឹងឈ្មោះដែលក្រុមហ៊ុន Jaya Catering & Events Services បានដាក់ឱ្យពិតប្រាកដមែន ដែលមានការរៀបចំទីតាំងគួរឱ្យទាក់ទាញបំផុតដូចជា៖ ច្រកដើរចូលជាលក្ខណៈស្ពាន សង់ឡើងពីឈើដែលមិនសូវជាខ្ពស់ប៉ុន្មានពីដី អមសងខាងដោយដើមស្រូវពណ៌ខៀវខ្ចីកំពុងតែដុះលូតលាស់យ៉ាងស្រស់ស្អាត។
លើសពីនោះទៀតនៅសងខាងស្ពានមានរៀបចំជាភ្លើងទៀនដុតបំភ្លឺសម្រាប់ងាយស្រួលឱ្យភ្ញៀវដើរចូលទៅក្នុងកម្មវិធីបុណ្យ ចំណែកឯនៅខាងស្តាំដៃនៃច្រកចូលវិញ គេសង្គេតឃើញមានតួអក្សរជាភាសាអង់គ្លេសដែលសរសេរថា «Happy New Year» ដែលមានន័យជាភាសាខ្មែរថា «សួស្តីឆ្នាំថ្មីឆ្នាំសកល»។ នៅឯច្រកដើរចូលនៃកម្មវិធីបុណ្យ ក្រុមហ៊ុន Jaya Catering & Events Services បានរៀចំតុបតែងដោយយកមួកស្លឹកត្នោតជាច្រើនមកធ្វើជាខ្លោងទ្វារយ៉ាងធំ ដែលមានលាយឡំជាមួយនឹងភ្លើងអគ្គិសនី ក៏ដូចជាភ្លើងទៀនពណ៌មាសយ៉ាងស្រស់ស្អាត។ ជាពិសេសគឺនៅតាមតូបម្ហូបអាហារនីមួយៗ ក៏ដូចជានៅលើវេទិកាសម្ដែង គឺសុទ្ធសឹងតែរៀបចំតុបតែងពីស្លឹកត្នោតទាំងអស់ ជាពិសេសមុខម្ហូបដែលរៀបចំបម្រើភ្ញៀវនារាត្រីនោះ គឺភាគច្រើនជាមុខម្ហូបខ្មែរតែម្តង។ ភ្ញៀវដែលបានអញ្ជើញចូលរួមភាគច្រើន គឺពួកគាត់ស្លៀកពាក់ជាលក្ខណៈ ប្រជាជនជនបទ និងប្រពៃណីខ្មែរពីបុរាណដើម្បីឱ្យសមទៅនឹងពិធីបុណ្យដារលាន ឬ បុណ្យភូមិ។ ភ្ញៀវដែលបានអញ្ជើញចូលរួមក្នុងកម្មវិធីបុណ្យរីករាយជាមួយនឹងការទស្សនាការសម្ដែងរបាំជូនពរ ការប្រគំតន្ត្រីបុរាណដែលជាចង្វាក់កន្រ្ទឹម ជាពិសេសភ្ញៀវដែលបានសប្បាយរីករាយនឹងការចូលរួមរាំលេងកម្សាន្តផងដែរ។
លោក ច្រឹក គីមផូ ជាអគ្គនាយកក្រុមហ៊ុន Jaya Catering & Events Services បានលើកឡើងថា «នេះជាលើកទី12ហើយ ដែលក្រុមហ៊ុនបានរៀបចំពិធីបុណ្យដារលាន ឬបុណ្យភូមិ នេះឡើង ដោយលើកមុនៗ គឺពួកយើងបានរៀបចំសម្រាប់តែទទួលស្វាគមន៍ភ្ញៀវបរទេសតែប៉ុណ្ណោះ តែចំពោះលើកនេះ គឺរៀបចំជាលក្ខណៈពិសេសសម្រាប់ទទួលភ្ញៀវខ្មែរផងដែរ ទើបក្រុមការងារសម្រេចចិត្តរៀបចំធ្វើចំថ្ងៃឆ្លងឆ្នាំសកលតែម្តង»។ លោកបានលើកឡើងបន្ថែមទៀតថា «ពីដំបូងក្រុមការងារមានបំណងរៀបចំធ្វើកម្មវិធីនេះឡើងដើម្បីទទួលភ្ញៀវចំនួនប្រមាណជា 50នាក់តែប៉ុណ្ណោះ តែដោយសារតែមានការកក់សំបុត្រយ៉ាងច្រើនពីភ្ញៀវបរទេសក៏ដូចជាភ្ញៀវខ្មែរ ទើបកម្មវិធីរៀបចំទទួលភ្ញៀវសរុបបានទៅដល់ចំនួន 150នាក់ ហើយរូបលោកក៏ដូចជាក្រុមការងារសង្ឃឹមថា ភ្ញៀវទាំងអស់នឹងរីករាយជាមួយបុណ្យដារលាន ឬបុណ្យភូមិនេះ»៕
លោកបញ្ជាក់បន្ថែមថា «Jaya Catering & Events Services នឹងមានគម្រោងរៀបចំ ពិធីបុណ្យដារលាន ឬបុណ្យភូមិ សាជាថ្មីម្តងទៀតនៅអំឡុងពេលបុណ្យចូលឆ្នាំខ្មែរខាងមុខនេះ ហើយក្រុមការងាររបស់លោកនឹងសិក្សាទៅលើតម្លៃសាជាថ្មីម្តងទៀតឱ្យស័ក្តិសមចំពោះភ្ញៀវខ្មែរដែលមានបំណងចង់ចូលរួមនៅលើកក្រោយទៀត»៕
លោក ផាន់ ប៊ុនឈី ជានាយកប្រតិបត្តិរបស់ក្រុមហ៊ុន Jaya Catering & Events Services បានប្រាប់ឱ្យដឹងពីប្រវត្តិបុណ្យដារលាន ឬបុណ្យភូមិនេះថា «គឺជាបុណ្យប្រពៃណីខ្មែរមួយដែលត្រូវបានបណ្ដាប្រជាជនអ្នកស្រុកស្រែចម្ការតែងតែរៀបចំធ្វើឡើងជារៀងរាល់ឆ្នាំចន្លោះពីខែមករា ដល់ខែមេសាទៅតាមភូមិនីមួយៗដើម្បីរំឭកគុណដល់ទឹកដី និងអាកាសធាតុ សម្រាប់ការបង្កបង្កើនផលស្រូវពេញមួយឆ្នាំ ហើយគោលបំណងសំខាន់ដែលរៀបចំកម្មវិធីបុណ្យនេះ គឺចង់រំឭកសាឡើងវិញពីវប្បធម៌ និងប្រពៃណីរបស់ខ្មែរយើងដែលមានតាំងពីយូរលង់ណាស់មកហើយ ជាពិសេសគឺការផ្សព្វផ្សាយឱ្យក្មេងៗជំនាន់ក្រោយយល់ដឹងកាន់តែច្បាស់ពីពិធីបុណ្យរបស់ខ្មែរតែម្តង។ លោកសង្ឃឹមថា ភ្ញៀវដែលបានអញ្ជើញចូលរួមលើកនេះ នឹងចែករំលែកបទពិសោធននេះទៅដល់មិត្តភក្តិ សាច់ញតិ និងបងប្អូនរបស់ពួកគាត់ ជាពិសេសគឺ ចែករំលែកទៅភ្ញៀវជាតិ និងភ្ញៀវបរទេសឱ្យបានយល់ដឹងកាន់តែច្បាស់ពីពិធីបុណ្យដារលាន ឬបុណ្យភូមិនេះ»។ លោកបានបន្ថែមថា «លោកក៏ដូចជាក្រុមការងារ Jaya Catering & Events Services មានយុទ្ធសាស្រ្ត និងភាពជឿជាក់ថា តាមរយៈការរៀបចំតុបតែងបែបប្រពៃណីខ្មែរយ៉ាងទាក់ទាញ និងតាមរយៈការផ្សព្វផ្សាយទៅតាមបណ្តាសារព័ត៌មានពីមិត្តភក្តិ សាច់ញតិ បងប្អូន ជាពិសេសតាមរយៈប្រព័ន្ធផ្សព្វផ្សាយសង្គមផ្សេងៗទៀតនឹងធ្វើឱ្យប្រជាជនខ្មែរចូលរួមអភិរក្សពិធីបុណ្យប្រពៃណីខ្មែរមួយនេះជាក់ជាមិនខាន»។
លោក ឡុង បូរ៉ា ជាប្រធានចុងភៅរបស់ក្រុមហ៊ុន Jaya Catering & Events Services បានលើកឡើងថា «នៅក្នុងពិធីបុណ្យដារលាន ឬបុណ្យភូមិ សម្រាប់លោកផ្ទាល់ គឺបានរៀបចំធ្វើម្ហូបខ្មែរជាច្រើនមុខដើម្បីសម្រាប់ទទួលស្វាគមន៍ភ្ញៀវបរទេស និងភ្ញៀវខ្មែរដែលបានចំណាយពេលវេលាចូលរួមពិធីបុណ្យដារលាន ឬបុណ្យភូមិលើកទី12នេះ»។ លោកបានលើកឡើងបន្ថែមទៀតថា «គោលបំណងសំខាន់ និងក្នុងនាមលោកជាមេចុងភៅល្បីឈ្មោះប្រចាំនៅភោជនីយដ្ឋាន Asian Square Restaurant & Lounge ក៏ដូចជាក្រុមហ៊ុន Jaya Catering & Events Services លោកមានបំណងចង់ផ្សព្វផ្សាយពីមុខម្ហូបរបស់ខ្មែរឱ្យជនបរទេសបានស្គាល់ និងបានភ្លក្សរសជាតិ ជាពិសេសគឺជាម្ហូបជាលក្ខណៈស្រុកស្រែជនបទ»៕

January 4, 2019
Djokovic ត្រួសត្រាយផ្លូវទៅកាន់វគ្គពាក់កណ្តាលផ្តាច់ព្រ័ត្រ Qatar Open
កីឡាករវាយកូនបាល់ចំណាត់ថ្នាក់លេខ1 ក្នុងពិភពលោក Novak Djokovic បានឈ្នះការប្រកួតដ៏ស្វិតស្វាញមួយផ្សេងទៀតក្នុងទីក្រុងដូហា កាលពីថ្ងៃព្រហស្បតិ៍ ដើម្បីបន្តការមិនស្គាល់ចាញ់របស់ខ្លួននៅឆ្នាំនេះ និងឈានទៅវគ្គពាក់កណ្តាលផ្តាច់ព្រ័ត្រនៃព្រឹត្តិការណ៍ Qatar Open។
កីឡាករសញ្ជាតិស៊ែប៊ីរូបនេះ បានធ្វើការវាយបកពីការដេញតាមពីក្រោយ 1សិត ដូចកាលពីការប្រកួតលើកមុនរបស់គេដែរដើម្បីផ្តួលកីឡាករហ្ស៊កហ្ស៊ី NikolozBasilashvili ក្នុងលទ្ធផល 4-6 , 6-3 និង6-4 ក្នុងការប្រកួតមួយដែលចំណាយពេលស្ទើរតែ 2ម៉ោង។
Djokovic នឹងត្រូវប្រកួតជាមួយកីឡាករអេស្ប៉ាញ Roberto Bautista Agut ក្នុងវគ្គពាក់កណ្តាលផ្តាច់ព្រ័ត្រនៅថ្ងៃសុក្រនេះ ក្រោយពី Bautista Agut បានផ្តួលម្ចាស់ជើងឯក Grand Slam 3សម័យកាលគឺ Stan Wawrinka ក្នុងលទ្ធផល 6-4 និង6-4។
ទាក់ទងនឹងគូប្រកួតរបស់ខ្លួននេះ Djokovic បានបញ្ជាក់ថា រូបគេនៅតែមានចំណុចជាច្រើនដែលត្រូវកែសម្រួលឱ្យកាន់តែល្អប្រសើរឡើង។ កីឡាកររូបនេះបានឱ្យដឹងថា៖ «ខ្ញុំមានអារម្មណ៍ថា ខ្ញុំនៅតែត្រូវធ្វើការកែសម្រួល។ ក្រោមស្ថានភាពផ្សេងៗ ខ្ញុំបានស្វែងរកឃើញផ្លូវក្នុងការឈ្នះនៅពេលប្រកួតជាមួយនឹងកីឡាករម្នាក់ដែលកំពុងតែវាយកូនបាល់យ៉ាងលឿន និងវាយសម្រុកខ្លាំង ហើយវាពិតជាលំបាកណាស់ក្នុងការព្យាករថា កូនបាល់នឹងធ្លាក់ទៅកាន់ទីណានោះ»៕
ប្រភពព័ត៌មាន៖ Channel News Asia
January 4, 2019
វ៉ាន់ នីឡា បង្ហាញអារម្មណ៍សោកស្ដាយ និងខកចិត្តរងចាំទទួលយុត្តិធម៌
គេនៅចាំបានថា មុននឹងទទួលបាននូវពន្លឺយុត្តិធម៌ សម្រាប់តារាចម្រៀង វ៉ាន់ នីឡា កន្លងមកអតីតសង្សាររបស់នាង គឺលោក គុយ សិទ្ធិសក្តិ ដែលកំពុងតែស្ថិតនៅក្រៅសំណាញ់ច្បាប់ បើទោះបីជាទទួលបានការដាស់ទោស ទៅហើយក៏ដោយ និងធ្លាប់បានផ្ញើរសារគំរាមកំហែង ប្រើពាក្យសំដីអសុរោះ មើលងាយលើរូបនាងជាខ្លាំង អាងអំណាចជាកូនមន្រ្តីធំ ធ្វើឱ្យនាងគិតថា ហាក់បីដូចជាអស់សង្ឃឹម នៅក្នុងរឿងនេះម្ដងម្កាលផងដែរ។
គួររំឭកដែរថា សំណុំរឿងតារាចម្រៀងវ័យក្មេងរូបសម្រស់ស្រស់ប្រិមប្រិយ កញ្ញា សុខ ចិន្ដា ហៅ វ៉ាន់ នីឡា នឹងត្រូវសាលាឧទ្ធរណ៍ប្រកាសសាលដីកា នៅថ្ងៃទី31 ខែតុលា ឆ្នាំ2018 កន្លងទៅ ពាក់ព័ន្ធករណីប្រើប្រាស់អំពើហិង្សាដោយចេតនា និងចែកចាយរូបភាពអាសអាភាស ដែលបានប្រព្រឹត្តិដោយអតីតសង្សារជាមន្ដ្រីនគរបាលក្រសួងមហាផ្ទៃ ។ តុលាការបានសម្រេចចេញសាលដីកាផ្តន្ទាទោសលោក គុយ សិទ្ធិស័ក្ដិ ដែលជាអតីតគូដណ្ដឹងតារាចម្រៀង វ៉ាន់ នីឡា ឱ្យជាប់ពន្ធនាគាររយៈពេល 1ឆ្នាំ និងពិន័យជាប្រាក់ប្រមាណ 200លានរៀល ( ប្រហែល 5ម៉ឺនដុល្លារ) នៅក្នុងសំណុំរឿងទម្លាយរូបអាក្រាតកាយរបស់ វ៉ាន់ នីឡា កាលពីឆ្នាំ2015 កន្លងទៅ។ ប៉ុន្តែរហូតមកដល់ពេលនេះ ជនជាប់ចោទឈ្មោះ គុយ សិទ្ធិស័ក្ដិ នៅតែបន្តមានសេរីភាពដើរហើរធម្មតាយ៉ាងរំភើយ គ្មានខ្លាចនរណាបន្តិចសោះឡើយ និងមានដំណឹងចូលរោងការថែមទៀតផង។
គួរឱ្យចាប់អារម្មណ៍ផងដែរថា ខណៈបានឃើញកញ្ញា ទេព បូព្រឹក្ស ទទួលយុត្តិធម៌ពីរឿងរ៉ាជាមួយបុរសម្នាក់បានជះស្រារដាក់នាង នោះបានធ្វើឱ្យ កញ្ញា វ៉ាន់ នីឡា បានបង្ហោះសារមួយដែរបង្ហាញពីភាពសោកស្តាយយ៉ាងខ្លាំង ថា «ស្តាយដល់ហើយ បើសិនជាយប់ថ្ងៃកើតហេតុដែលវាប្រើអំពើហិង្សាដាក់ ខ្ញុំៗមានប្រតិកម្មខ្លាំង កុំទុកមុខឱ្យវា កុំខ្លាចខ្មាសគេ ម៉្លេះពេលនេះអាម្នាក់ហ្នឹងជាប់គុកបាត់ហើយ មិនមែនទុកឱ្យវាមានសេរីភាពដល់ពេលនេះ ហើយខ្ញុំប្រហែលជាមិនបាត់បង់អ្វីដែលខ្ញុំធ្លាប់មានពីរមុន។ ហត់ណាស់លោកអើយលោក តែថ្ងៃណាទៅទើបរឿងមួយនេះចប់ជាស្ថាពរ »៕
January 4, 2019
ភ្ញាក់ផ្អើល !! ទស្សនាវីដេអូពិធីការិនីភេទទី3ដ៏ល្បីនៅថៃ ធ្លាក់រថយន្ដស្លាប់ក្នុងទឹកលូ
តាមរយៈសារព័ត៌មាន kapook ចេញផ្សាយមុននេះបន្ដិចបានឱ្យថា ពិធីការិនីភេទទី3 នាង เซนติเมตร ( សេនទិ ម៉ែត្រ ) បានមរណភាព ដោយសារលង់ទឹកលូ ខណៈដែលត្រូវរថយន្ដមួយបុកជាមួយរថយន្ដនាង ធ្លាក់លូទឹកស្អុយបណ្ដាលឱ្យភ្ញាក់ផ្អើល។
ហេតុការណ៍គ្រោះថ្នាក់ចរាចរណ៍ដ៏រន្ធត់ខាងលើនៅថ្ងៃទី2 ខែមករាឆ្នាំ 2019 ក្នុងខេត្ត ឈៀងម៉ៃ វេលាម៉ោង3រសៀល ។ នាង សេនទិ ម៉ែត្រ ត្រូវបានក្រុមជួយសង្គ្រោះស្រង់ចេញពីទឹកលូ និង ត្រូវបានស្លាប់នៅមន្ទីពេទ្យ នាវេលាម៉ោងប្រហែលជា 5 និង30នាទី។ ចំណែកឯមិត្តរួមដំណើររបស់លោកម្នាក់ទៀត ដែលមានអាយុប្រហែល30ឆ្នាំ ក៏ត្រូវបានទទួលមរណភាពនៅឯមន្ទីរពេទ្យជាមួយរូបនាងដូចគ្នា។
ចង់ដឹងថា ហេតុការណ៍រន្ធត់នេះ យ៉ាងខ្លះសូមទស្សនាវីដេអូខាងក្រោមនេះ ៖

January 4, 2019
អីយ៉ា!! នីឡា ៖ «ពេលខ្ញុំមិនសប្បាយចិត្ត ធុញធប់នឹងរឿងអ្វីមួយ គឺម្នាក់នេះហើយដែលនៅក្បែរខ្ញុំគ្រប់ពេល»
រឿងរ៉ាវរូបភាពផ្អែមល្ហែមនិងកៀតកិតស្និតស្នាលរវាងតារាកំប្លែងស្រី នីឡា និងបុរសម្នាក់នៅលើបណ្ដាញសង្គមហ្វេសប៊ុក ដែលត្រូវបានមហាជនអ្នកគាំទ្រសង្ស័យថា ជាគូស្នេហ៍ថ្មីរបស់នាងនោះ ខណៈនេះតារាស្រីរូបនេះ ទម្លាយឈ្មោះ និងកាន់តែស្អិតរមួតជាងស្ករតាំងម៉ែហើយពេលនេះ។ យ៉ាងណាមិញ មានអ្នកគាំទ្រជាច្រើនសម្ដែងការត្រេកចំពោះនាង និងគូស្នេហ៍ថ្មី។
សូមរំឭកបន្ដិចដែរថា កន្លងមក នីឡា បានបង្ហោះរូបភាពស្និទ្ធស្នាលរបស់នាងជាគូស្នេហ៍ ភាគច្រើនក្នុង Instagram Story របស់ខ្លួន។ រូបទាំងនោះទៀតសោត មានទម្រង់ស្និទ្ធស្នាលខ្លាំង និងបានចាប់ច្របាច់ថ្ពាល់នាង យ៉ាងក្នក់ក្នាញ់ទៀតផង។ ហើយបើពីមួយរយៈពេលចុងក្រោយនេះ គូស្នេហ៍វ័យក្មេងមួយគូនេះ តែងតែបង្ហោះវីដេអូ ទៅណាមកណា ជាមួយគ្នា មើលហើយពិតជាមានសេចក្តីសុខណាស់។
ជាក់ស្តែង កាលពីម្សិលមិញនេះ កញ្ញា នីឡា ក៏បានទម្លាយនៅមូលហេតុដែលកញ្ញាជ្រើសយកគូស្នេហ៍របស់ខ្លួន ដោយកញ្ញាបានសរសេរថា « ពេលខ្ញុំមិនសប្បាយចិត្ត ធុញធប់នឹងរឿងអ្វីមួយ គឺម្នាក់នេះហើយដែលនៅក្បែរខ្ញុំគ្រប់ពេល Suth Sakareak ♥️»។ ខណៈនេះ នីឡា ហាក់បីដូចជាមានសេចក្ដីក្នុងជីវិត ទាំងរឿងស្នេហា និងការងាររបស់នាង ដែលកំពុងតែរលូនទៅមុខក្នុងឆ្នាំនេះ ៕

January 4, 2019
តារាសម្ដែង អ៊ឹម ជីវ៉ា សាងភ្នួសជាលើកទី2 ក្រោយជួបគ្រោះក្រឡាប់រថយន្ដ
ខុសពីតារាភាគច្រើនដែលមុនសម្រេចចិត្តសាងផ្នួស សុទ្ធតែបានកំណត់ពេលវេលាមួយច្បាស់លាស់ លោក អ៊ឺម ជីវ៉ា បានអះអាងថា លោកមិនទាន់ដឹងថានឹងលាព្រះផ្នួស ក្រោយពីបានសាងព្រះផ្នួសក្នុងរយៈពេលមួយសប្ដាហ៍ 10ថ្ងៃ ឬមួយខែនោះទេ ដោយលោកមានសង្ឃដីកាថា ខ្លួននឹងបួសឆាប់ ឬ លឿន អាស្រ័យលើទឹកចិត្តជ្រះថ្លារបស់ខ្លួន។ យ៉ាងណាមិញលោកថាពេលវេលាសឹកមកវិញ បើទោះជាលឿនបំផុត ក៏មានរយៈពេលមិនក្រោមមួយសប្ដាហ៍នោះដែរ។
សូមរំឭកដែរថា កាលពីឆ្នាំ2012 តារាសម្ដែងលោក អ៊ឹម ជីវ៉ា ធ្លាប់បានបួសម្ដងហើយ ដោយការសម្រេចចិត្តបួសលើកនោះ គឺលោកបានកំណត់ពេលវេលាច្បាស់លាស់ដើម្បីសឹកវិញ ដែលខុសប្លែកពីការបួសលើកនេះ ដែលលោកប្រកាសថាមិនទាន់ដឹងថាពេលណាទើបសឹកនោះទេ។ លោកថាខ្លួនចង់បួសយូរ គឺអាចបួសឱ្យបានដល់មួយខែ ដើម្បីបានយល់ដឹងព្រះធម៌ និងធ្វើឱ្យចិត្តស្ងប់សុខ ប៉ុន្តែបើអំឡុងពេលបួសអារម្មណ៍របស់លោកចង់សឹកក្នុងរយៈពេលមុនមួយខែ គឺលោកនឹងសឹកវិញនៅក្នុងពេលនោះ អ៊ីចឹងហើយទើបលោកមិនទាន់ហ៊ានកំណត់ថាបួសមួយសប្ដាហ៍ ឬបួសមួយខែ ដោយសារតែភាពជាក់ស្ដែងនៅមិនទាន់ដឹង។
ឮលោកថា ការបួសលើកនេះ គឺដើម្បីចម្លងគ្រោះ និងដើម្បីលាមាត់លាករ ដែលធ្លាប់ខុសឆ្គងដោយមិនដឹងខ្លួន និងដើម្បីបញ្ជូនកុសលជូនដល់អ្នកស្លាប់នៅក្នុងហេតុការណ៍អូសរថយន្តរបស់លោកយកទៅជួសជុល នៅពេលលោកធ្វើដំណើរទៅខេត្តកោះកុងកាលពីថ្ងៃបុណ្យសមុទ្រ។ ក្នុងនោះ លោកក៏ចង់បួសបំពេញភិក្ខុសង្ឃ ដើម្បីសងគុណដល់អ្នកមានគុណរបស់លោកផង ទើបលោកសម្រេចចិត្តបួសជាលើកទី2។
លោក អ៊ឺម ជីវ៉ា បានសម្រេចចិត្តបួសនៅវត្តនាគវ័ន្ដ ដែលជាទីអារ៉ាមលោកធ្លាប់ស្នាក់អាស្រ័យ ដោយក្នុងពិធីរបស់លោក គេឃើញមានភ្ញៀវកុះករ ខណៈដែលតារាសិល្បៈ ក៏មានវត្តមានច្រើននាក់ខុសពីកាលបួសលើកទី1។ លោកបញ្ជាក់ក្រោយសម្រេចចិត្តបួសថា បើតាមតែលោកកុំមានការងាររវល់ច្រើន លោកនឹងបួសឱ្យបានយូរសម្រាប់លើកទី2នេះ ប៉ុន្តែដោយសារតែលោកមិនអាចបួសយូរពេកបាន ទើបលោកសម្រេចចិត្តបើទោះជាបួសយូរបំផុតក៏មិនលើសពី1ខែដែរ៕

January 4, 2019
លោក Guardiola មានមោទនភាព ខណៈ Man City សង្គ្រោះការប្រជែងពាន
លោក Pep Guardiola បានកោតសរសើរចំពោះការមិនភ័យខ្លាចរបស់តារាឆ្នើមៗរបស់ក្រុម Manchester City ក្រោយពីក្រុមម្ចាស់ជើងឯកមួយនេះ បានរក្សាក្តីសង្ឃឹមនៃការប្រជែងពានក្របខ័ណ្ឌ Premier League តាមរយៈការកត់ត្រាជ័យជម្នះក្នុងលទ្ធផល 2-1 លើក្រុមកំពុងមានពិន្ទុនាំមុខ Liverpool កាលពីថ្ងៃព្រហស្បតិ៍។
ក្រុមរបស់លោក Guardiola មិនបានធ្វើឱ្យមានកំហុសឡើយ ខណៈដែលការរងបរាជ័យមួយ នឹងធ្វើឱ្យពួកគេដេញតាមពីក្រោយ Liverpool ដល់ទៅ 10ពិន្ទុ និងស្ថិតក្នុងតំបន់គ្រោះថ្នាក់នៃការបាត់បង់ពានដែលពួកគេបានឈ្នះជាមួយនឹងការរកបានពិន្ទុជាកំណត់ត្រាកាលពីរដូវកាលមុន។ ប៉ុន្តែ ពួកគេបានវិលទៅកាន់ការប្រជែងពានវិញ តាមរយៈការធ្វើឱ្យក្រុម Liverpool រងបរាជ័យជាលើកទី1 ក្នុងចំណោមការជួបគ្នា 5លើក តាមរយៈគ្រាប់បាល់បញ្ចូលទីយ៉ាងល្អរបស់ Leroy Sane នៅចុងតង់ទី2។
ខ្សែប្រយុទ្ធ Sergio Aguero បានជួយឱ្យក្រុម Man City មានគ្រាប់បាល់នាំមុខមុនក្នុងតង់ទី1 ហើយបើទោះបី Roberto Firmino បានរកគ្រាប់បាល់តាមស្មើវិញបន្ទាប់ពីចូលលេងក្នុងតង់ទី2 ក៏ដោយ ប៉ុន្តែ Man City បានគ្រប់គ្រងការភិតភ័យរបស់ពួកគេយ៉ាងល្អជាមួយនឹងការបង្ហាញពីទម្រង់លេងយ៉ាងល្អដែលនាំឱ្យលោក Guardiola អត់មិនសរសើរមិនបាន។
លោក Guardiola បានឱ្យដឹងថា៖ «ខ្ញុំពិតជាមានមោទនភាពចំពោះពួកគេ។ យើងបានដឹងថា វាបានក្លាយជាការប្រកួតវគ្គផ្តាច់ព្រ័ត្រនៅថ្ងៃនេះ ហើយប្រសិនបើយើងចាញ់ វាស្ទើរតែបញ្ចប់ទៅហើយ»។
គ្រូបង្វឹករូបនេះបានប្រាប់បន្ថែមទៀតថា៖ «ការកោតសរសើរផ្សេងៗគួរតែធ្លាក់ទៅលើកីឡាករដ៏ឆ្នើមទាំងនេះ។ យើងមានសម្ពាធជាច្រើន ប៉ុន្តែ យើងមិនមានការភ័យខ្លាច យើងមិនមានការបារម្ភអ្វីឡើយ»៕
ប្រភពពី៖ Channel News Asia
January 4, 2019
G-Devith និយាយរឿងក្រុមអ្នកធ្វើវីដេអូត្រាប់តាមហេតុការណ៍ ទេព បូព្រឹក្ស ត្រូវជះស្រាបៀ និងរងកំប៉ុងស្រាបៀ
កាលពីយប់មិញនេះ G-Devith ដែលជាគូស្នេហ៍របស់ កញ្ញា ទេព បូព្រឹក្ស ក៏បានបញ្ចេញវីដេអូនិយាយចំៗចំពោះអ្នកយករឿងរ៉ាវរបស់ កញ្ញា ទេព បូព្រឹក្ស ទៅធ្វើត្រាប់តាមដោយមិនខ្វល់ពីចិត្តរបស់អ្នករងគ្រោះ ហើយលោកពិតជាសោកស្តាយខ្លាំងណាស់ដែលបុគ្គលទាំងនោះបែបជាធ្វើបែបនេះកើតទៅវិញ។
ស្របពេលឃើញវីដេអូនោះ ទេព បូព្រឹក្ស ក៏បានបង្ហោះសារសោកសៅមួយថា «ខ្ញុំយល់ហើយ ហេតុអ្វីបានជាមនុស្សមួយចំនួនតូច នៅពេលដែលបាក់ទឹកចិត្តខ្លាំងរើសយកសេចក្តីស្លាប់ ហើយខ្ញុំក៏ស្គាល់ហើយ ដូចម្តេចដែលហៅថាជំងឺបាក់ទឹកចិត្ត និងស្រ្តេសនោះ ហើយខ្ញុំក៏រឹតតែយល់ច្បាស់នៅពាក្យថា មិនឲ្យតម្លៃមើលងាយប្រមាថយកទៅសើចលេងសប្បាយ»។
លោក G-Devith បានបញ្ជាក់ថា ការលេងសើចលើអារម្មណ៍របស់អ្នកដទៃ គឺមិនជាការចំណេញអ្វីនោះទេ ហើយតើពេលគេខម្មិន្តជេរយើងនោះ អាចសប្បាយចិត្តដែរឬអត់ ?។ លោកបន្ដ មតិអ្នកគាំទ្រ គឺជាការបំភ្លឺផ្លូវខ្លះសម្រាប់រកដំណោះស្រាយ តែបើមតិមិនល្អ គ្មានការលើកទឹកចិត្តនោះ ចំណេញអ្វីមកវិញ។
កាន់តែជាក់ច្បាស់ សូមទស្សនាវីដេអូខាងក្រោមនេះ ៖

January 3, 2019
សុគន្ធ នីសា និង សុគន្ធ ថេរ៉ាយុ ចេញមុខគាំទ្រនាយិកាកែសម្ផស្សឌែរម៉ូគ្លិនិក
ម្សិលមិញនេះដែរ កើតហេតុការណ៍មួយភ្ញាក់ផ្អើលពេញបណ្ដាញសង្គមហ្វេសប៊ុក ដែលលេចព័ត៌មានថា ដេរប្រដាប់ភេទឱ្យដូចក្រមុំ 700ដុល្លារ ដល់ចេញវិក័យបត្រមកតម្លៃ 28000 ដុល្លារអាម៉េរិក និងមានការលើកឡើងថា ម្ចាស់កែសម្ជស្សឌែរម៉ូគ្លីនិកត្រូវបានចាប់ខ្លួន ។
សុគន្ធ នីសា បានសរសេរនៅលើគណនីហ្វេសប៊ុកផ្ទាល់ខ្លួនរបស់កញ្ញាថា «ខ្ញុំស្គាល់គាត់យូរហើយ ហើយក៏តែងតែទទួលសាវ៉ាកម្មថែរក្សាសម្ផស្សនៅទីនោះជាប្រចាំ ខ្ញុំតែងតែទរទួលបាននៅភាពកក់ក្តៅពីក្រុមការងាររបស់គាត់ ដូច្នេះខ្ញុំមិនជឿថាបងស្រីដាណេ គាត់ធ្វើបែបនេះឡើយ ខ្ញុំជឿជាក់លើបងស្រី គាត់មិនរកស៊ីស្មោកគ្រោកចឹងទេ ខ្ញុំជឿជាក់លើបងស្រីដាណេ» ។
ចំណែកឯតារាចម្រៀង សុគន្ធ ថេរ៉ាយុ ក៏បានចេញសារគាំទ្រនាយិកាគ្លីនិកដែលថា « អ្នកស្គាល់គាត់ច្បាស់ទើបដឹងថាគាត់ជាមនុស្សយ៉ាងម៉េច គាត់មិនមែនជាមនុស្សរកស៊ីស្មោគគ្រោកដូចដែរអ្នកមួយចំនួនបានលាបពណ៌គាត់ទេ សូមអ្នកទាំងអស់គ្នាកុំទាន់វិនិច្ឆ័យទៅលើមនុស្សដែលអ្នកមិនទាន់បានស្គាល់គាត់ច្បាស់ ខ្ញុំស្គាល់គាត់ ខ្ញុំដឹងថាគាត់ជាមនុស្សល្អ បងDC Dermo » ។
សូមជម្រាបបញ្ជាក់ផងដែរថា បើតាមប្រភពច្បាស់ការ បានបញ្ជាក់ថា នាថ្ងៃដដែលនោះ ម្ចាស់កែសម្ជស្សខាងលើមិនត្រូវបានចាប់ខ្លួនអីនោះទេ គ្រាន់តែចូលខ្លួនសួរនាំ តែប៉ុណ្ណោះ នឹងឱ្យអ្នកស្រី ដាណេ វិលត្រលប់ទៅកាន់គេហដ្ឋានជាប្រក្រតី ។ ខាងប្រភពគ្លីនិកនោះ បានបង្ហើបថា ខាងសមត្ថកិច្ចបានអញ្ជើញគ្រូពេទ្យនៅឌែរម៉ូគ្លិនិក ហៅសាកសួរ ដើម្បីស្វែងរកចម្លើយពិត ហើយក៏គ្មានការចាប់ខ្លួន ឬវៃខ្នោះម្ចាស់ហាងកែសម្ជស្សឌែរម៉ូគ្លីនិក នោះទេ ៕

January 3, 2019