តើក្រុមហ៊ុនអចលនទ្រព្យ Penta Global Ltd. ជានរណា?
Penta Global Limited, “Penta” គឺជាក្រុមហ៊ុនអភិវឌ្ឍអន្តរជាតិ ដែលមានទីតាំងនៅទីក្រុងហុងកុង ដែលបានបើកដំណើរការដោយស្ថាបនិក6រូប ដែលមានបទពិសោធន៍ខ្ពស់ក្នុងវិស័យអចលនទ្រព្យនៅទីក្រុងហុងកុង សហរដ្ឋអាមេរិក ប្រទេសចិន ប្រទេសថៃ ប្រទេសម៉ាឡេស៊ី និងប្រទេសតៃវ៉ាន់។នៅក្នុងឆ្នាំថ្មីនេះ Penta នឹងផ្តោតទៅលើប្រទេស ដែលស្ថិតនៅក្នុងខ្សែក្រវ៉ាត់មួយផ្លូវមួយ ហើយប្រទេសកម្ពុជា គឺជាជំហានដំបូងនៅក្នុងគម្រោងរបស់ Penta។ Penta បានជ្រើសរើសប្រទេសកម្ពុជា ដើម្បីចាប់ផ្តើមអភិវឌ្ឍគោលនយោបាយ និងសេដ្ឋកិច្ច ដោយសារតែការបើកទូលាយខាងលំហូរូបិយប័ណ្ណបរទេស និងតម្រូវការគេហដ្ឋានខ្ពស់សម្រាប់មនុស្សជំនាន់ក្រោយ។
ក្រុមហ៊ុនអចលនទ្រព្យ Penta Global Ltd. បានអភិវឌ្ឍអចលនទ្រព្យដំបូងរបស់ខ្លួននៅក្នុងរាជធានីភ្នំពេញ ដែលមានឈ្មោះថា បុរី សូឡី 88 (Soleil 88) ដែលមានទីតាំងស្ថិតនៅជិតរោងចក្រផលិតសម្បកកំប៉ុង ក្រោន ផ្លូវវេងស្រេង។
ហេតុអ្វីបានជាជ្រើសរើសប្រទេសកម្ពុជា?
Penta ជ្រើសរើសប្រទេសកម្ពុជាជាប្រទេសដំបូង ដើម្បីចាប់ផ្តើមគម្រោងរបស់ខ្លួន ដោយសារ
មូលហេតុមួយចំនួនដូចជា ទី1 ដោយសារអត្រាប្តូរប្រាក់របស់កម្ពុជាមិនមានហានិភ័យចំពោះ Penta នោះទេ ព្រោះប្រាក់រៀលរបស់កម្ពុជា និងប្រាក់ដុល្លារសហរដ្ឋអាមេរិក គឺសុទ្ធតែអាចប្រើប្រាស់បានយ៉ាងទូលំទូលាយនៅក្នុងប្រទេសកម្ពុជា។ ទី2 ដោយសារប្រទេសនេះមានស្ថិរភាពខាងនយោបាយ និងមានសេដ្ឋកិច្ចរីកចម្រើនខ្លាំងនៅក្នុងរយៈពេល3-4ឆ្នាំនេះ ហើយនឹងរយៈពេល5ឆ្នាំទៅមុខទៀតផងដែរ។ ជាចុងក្រោយក្រុមហ៊ុនចាប់អារម្មណ៍ចំពោះឥរិយាបថរបស់ចំនួនអ្នកធ្វើការវ័យក្មេង ដែលមានអាយុជាមធ្យម24ឆ្នាំ។ម្យ៉ាងទៀតចំនួនប្រជាជនវ័យក្មេងទាំងនោះគឺមានតម្រូវការគេហដ្ឋានសម័យថ្មីជាខ្លាំងនៅក្នុងរយៈពេលប៉ុន្មានឆ្នាំខាងមុខនេះ ហើយពួកគេក៏បើកចិត្តទូលាយក្នុងការទទួលយកនូវការរចនាថ្មីប្រកបដោយការច្នៃប្រឌិតខ្ពស់របស់ Penta ផងដែរ ទាំងស្ថាបត្យកម្ម ទាំងការតុបតែងខាងក្នុងគេហដ្ឋាន ទាំងយុទ្ធសាស្រ្តទីផ្សារ ទាំងសំណង់អគារ និងទាំងការគ្រប់គ្រងអគារ។
សិល្បៈនៃការសាងសង់
Soleil 88 គឺបានអភិវឌ្ឍផ្ទះបែបទីក្រុងចំនួន88ផ្ទះ។ សួនច្បារគឺស្ថិតនៅក្នុងគម្រោងអភិវឌ្ឍ
របស់ Soleil 88 ដើម្បីបង្កើតបានជាគេហដ្ឋានល្អប្លែកពីគេ។ ជាមួយនឹងការបែងចែកច្រកចេញចូល ដែលមានភាពរឹងមាំ ដើម្បីការពារសុវត្ថិភាព។ Soleil 88 មានផ្ទះចំនួន2ប្រភេទ គឺផ្ទះដែលមានកម្ពស់3ជាន់ និងផ្ទះដែលមានកម្ពស់4ជាន់។ ប្លង់មូលដ្ឋានគឺធ្វើការកែប្រែជាន់ឡៅតឿឱ្យទៅជាជាន់ធំទូលាយពេញលក្ខណៈ ដើម្បីបែងចែកបន្ទប់ឱ្យមានភាពស្រឡះ និងខ្ពស់។ កាំជណ្តើរមួយកាំៗគឺមានភាពរលោងស្អាត និងមានភាពងាយស្រួលក្នុងការឡើង គឺធ្វើឡើង
ជាពិសេសសម្រាប់គ្រួសារដែលមានកូនតូច និងមនុស្សចាស់។ នៅខាងមុខផ្ទះត្រូវបានសាងសង់ឡើងយ៉ាងប្រុងប្រយ័ត្នបំផុត។ ដើម្បីធ្វើឱ្យមានភាពខុសប្លែកពីផ្ទះល្វែងធម្មតា ទីធ្លាយ៉រខាងមុខផ្ទះត្រូវបានរៀបចំយ៉ាងពិសេសសម្រាប់ផ្ទះនីមួយៗតែម្តង។
ពណ៌មាស ដែលជាពណ៌តំណាងឱ្យពណ៌ព្រះអាទិត្យ ត្រូវបានប្រើប្រាស់សម្រាប់ពណ៌ផ្ទះ ដើម្បីបំពេញទៅតាមចំណង់ចំណូលចិត្តរបស់ប្រជាជនខ្មែរ និងផ្តល់នូវភាពទាន់សម័យដល់ផ្ទះ។ ពណ៌ស្វាយត្រូវបានប្រើប្រាស់ជាមួយនឹងផ្ទះដែលមានកម្ពស់4ជាន់ ដើម្បីបង្ហាញពីភាពអស្ចារ្យនៃផ្ទះទាំងមូល។ផ្ទះដែលមានកម្ពស់3ជាន់ និងមាន4បន្ទប់គេង គឺទទួលបានការពេញនិយមជាខ្លាំងនៅក្នុងប្រទេសកម្ពុជា ចំណែកផ្ទះដែលមាន4ជាន់ គឺអាចបត់បែនក្នុងការប្រើប្រាស់ ដែលអាចប្រើប្រាស់ជាកន្លែងធ្វើពាណិជ្ជកម្មក៏បាន ធ្វើជាលំនៅដ្ឋានស្នាក់នៅក៏បាន។ អ្នកអាចធ្វើការនៅជាន់ទី1 និងជាន់ទី2 ហើយស្នាក់នៅនៅជាន់ទី3 និងជាន់ទី4យ៉ាងងាយស្រួល។ចំណែកសួនច្បារនៅជាន់ដំបូលវិញគឺជាការបន្ថែមទៅដល់ផ្ទះនីមួយៗ។ បន្ថែមពីនេះនៅមានបរិវេណខាងក្រៅផ្ទះ ដែលអ្នកអាចសម្រាក ឬក៏កម្សាន្តជាមួយនឹងសកម្មភាពមួយចំនួននៅបរិវេណខាងក្រៅផងដែរ។
សំណង់ ជាមួយនឹងការគ្រប់គ្រងគម្រោង
សម្រាប់គម្រោងផ្ទះល្វែងរបស់ Soleil 88 បន្ទាប់ពីកិច្ចប្រជុំជាមួយក្រុមការងារគ្រប់គ្រងគម្រោង Soleil 88 បានធ្វើការសម្រេចចិត្តបែងចែកការសាងសង់ទាំងមូលជា4ដំណាក់កាល ដើម្បីបង្កើនវឌ្ឍនភាពនៃការសាងសង់ ដោយផ្តោតលើគុណភាពជាចម្បង។
ដំណាក់កាលទី1 រួមបញ្ចូលទាំងការសាងសង់ផ្ទះគំរូចំនួន2 គឺ “ផ្ទះក្នុងក្តីស្រមៃ” និង “ផ្ទះដ៏ល្អបំផុត” ដែលបានសាងសង់រួចរាល់នៅមុនថ្ងៃបើកលក់ជាផ្លូវការរបស់ Soleil 88 នៅថ្ងៃទី11 ខែកុម្ភៈ ឆ្នាំ2019នេះ។ សម្រាប់ផ្ទះក្នុងក្តីស្រមៃ គម្រោងរបស់ស្ថាបត្យករយើង លោក Sunny Yung និងអ្នកតុបតែងផ្នែកខាងក្នុង Dorothy Chan បានរៀបចំបញ្ចូលគ្នារវាងស្ថាបត្យកម្ម និងការតុបតែងផ្ទៃខាងក្នុង ដើម្បីបង្កើន “ក្តីស្រមៃ” សម្រាប់ការគ្រប់គ្រងអចលនទ្រព្យរបស់
ពួកគេ។សម្រាប់ផ្ទះដ៏ល្អបំផុត គឺឆ្លុះបញ្ចាំងពីស្តង់ដារ ដែលផ្តល់នូវសេរីភាពសម្រាប់ម្ចាស់អចលនទ្រព្យ ដើម្បីផ្តល់នូវអារម្មណ៍ដ៏ល្អបំផុតសម្រាប់ពួកគេ។នៅសល់ផ្ទះល្វែងចំនួន86ទៀតនឹងត្រូវសាងសង់នៅក្នុងដំណាក់កាលទី2 ដល់ដំណាក់កាលទី4ដែលនឹងត្រូវប្រកាស បន្ទាប់ពីថ្ងៃបើកលក់ជាផ្លូវការរបស់ Soleil 88 ត្រូវបានបញ្ចប់។ ដំណាក់កាលទាំង3នេះនឹងត្រូវបញ្ចប់ជាបន្តបន្ទាប់។ ដំណាក់កាលចុងក្រោយនឹងបញ្ចប់នៅក្នុង
ខែកញ្ញា ឆ្នាំ2019ខាងមុខនេះ។ ជាមួយនឹងការតាមដាន និងគ្រប់គ្រងគម្រោងជាបន្តបន្ទាប់ ដោយក្រុមការងារគ្រប់គ្រងគម្រោង ដែលមានបទពិសោធន៍ខ្ពស់របស់ Soleil 88 ហើយ Soleil 88 នឹងត្រួតពិនិត្យការចំណាយលើការសាងសង់របស់ខ្លួនយ៉ាងល្អបំផុតនៅក្នុងដំណើរការគម្រោង។ ក្រោមគម្រោងដ៏ច្បាស់លាស់នេះគឺ Soleil 88 ទទួលបានផលប្រយោជន៍នៃគម្រោងរបស់ខ្លួនរហូតដល់170លានដុល្លារសហរដ្ឋអាមេរិក។
តើនឹងមានអ្វីជាបន្តទៀត?
Penta មានទំនុកចិត្តថា គម្រោងជាច្រើនទៀតនឹងត្រូវបានបង្កើតឡើងនៅក្នុងប្រទេសកម្ពុជា និងនៅក្នុងប្រទេសមួយចំនួនទៀតនៅក្នុងទ្វីបអាស៊ី៕
