អេបិល - La Reine Media

ឪពុកពែកមី មានជំងឺដាច់សរសៃឈាមក្នុងខួរក្បាល ហើយដង្ហើយហៅរកកូនពៅ

មិត្តអ្នកតាមដានព័ត៌មានសិល្បៈបានជ្រាបដឹងមកហើយថា ឪពុកតារាកំប្លែង ពែកមី កំពុងតែសង្គ្រោះបន្ទាន់នៅក្នុងមន្ទីពេទ្យ ដោយសារតែមានជំងឺដាច់សរសៃឈាមក្នុងខួរក្បាល ធ្វើឱ្យឪពុកលោកស្លាប់មួយចំហៀងខ្លួន។ ដំណឹងនេះធ្វើឱ្យមហាជនក្ដុកក្ដួលនៅក្នុងអារម្មណ៍ និងបារម្ភចំពោះស្ថានភាពគ្រួសារតារាកំប្លែងរូបនេះ។

នៅពេលថ្មីៗនេះ សារព័ត៌មាន ឡារ៉ែន ទទួលបានដំណឹងមកថា លោកពុករបស់តារាកំប្លែង នាយ ពែកមី ពោលចង់ជួបកូនពៅរបស់គាត់ រហូតដល់ថ្នាក់នាយ ពែកមី បង្ហោះសារក្នុងបណ្តាញសង្គមហ្វេសប៊ុក និងបង្ហាញពីអារម្មណ៍ឪពុកកំពុងដេកឈឺនៅមន្ទីពេទ្យថា «ឳពុកខ្ញុំយំនឹកកូនពៅដែលនៅស្រុកអាណិតណាស់»។ រហូតមកទល់ពេលនេះ លោក ពែកមី នៅមិនទាន់បានបញ្ជាក់អំពីស្ថានភាពធូរស្បើយរបស់ឪពុកលោកនៅឡើយទេ និងដោយសារសព្វថ្ងៃនេះ លោកមមារញឹកជាមួយការងារសិល្បៈជាច្រើន ហើយឆ្លៀតពេលមកមើលឪពុកកំពុងសម្រាកព្យាបាលទៀតផង។

ដើម្បីឱ្យកាន់តែជាក់ច្បាស់ សូមទស្សនារូបភាពខាងក្រោមនេះ ៖

February 21, 2019

សិល្បករវង់ភ្លេងបុរាណខ្មែរ លោក ស្រី នី ហៅចយ ដាច់សសៃឈាមក្នុងខួក្បាលកំពុងសង្រ្គោះបន្ទាន់នៅមន្ទីពេទ្យមិត្តភាពខ្មែរសូវៀត

ពិតជាមានកាលភ្ញាក់ផ្អើលខ្លាំងមែន ដែលខណៈប៉ុន្មានម៉ោងមុននេះបន្ដិច លោក អ៊ឺម ជីវ៉ា បានសរសេរបង្ហោះក្នុងហ្វេសប៊ុកឱ្យដឹងថា តន្ត្រីករបុរាណលោក ស្រី នី ហៅចយ មានជំងឺដាច់សសៃឈាមក្នុងខួក្បាលកំពុងសង្រ្គោះបន្ទាន់នៅមន្ទីពេទ្យមិត្តភាពខ្មែរសូវៀតហៅ ពេទ្យ រុស្ស៊ី។

តារាសម្ដែងប្រុស ដែលតែងតែមានវត្តមានជួយដល់សិល្បករទាំងទឹកចិត្តសប្បុរសធម៌រូបនេះ បានរៀបរាប់ថា « ទាល់តែថតស្រាតបានមានអ្នកស៊ែ !! បើបង្ហោះរូបសប្បុរសធម៌មិនងាយទេ ..! អាណិតណាស់ តន្ត្រីករបុរាណលោក ស្រី នី ហៅចយ មានជំងឺដាច់សសៃឈាមក្នុងខួក្បាលកំពុងសង្រ្គោះបន្ទាន់នៅមន្ទីពេទ្យមិត្តភាពខ្មែរសូវៀតហៅ ពេទ្យរុស្ស៊ី។ ល្ងាចនេះខ្ញុំបាទ អ៊ឹម ជីវ៉ា តំណាងឱ្យសមាគមសិល្បករខ្មែរដែលមានអ្នកបង ចន ច័ន្ទលក្ខិណា ជាប្រធាន បាននាំយកថវិការមូលនិធិចាស់ជរាចំនួន 1លានរៀល ទៅជួយដល់តន្រ្តីករ លោក នី នៅបន្ទប់លេខ 201 អាគារសម្តេចតេជោ មន្ទីពេទ្យរុស្ស៊ី »។

សូមជម្រាបឱ្យដឹងបន្ថែមថា ខណៈនេះស្ថានភាពរបស់តារាជើងចាស់ខាងលើ កំពុងតែពិបាក រីឯជីវភាពក៏ខ្វះខាតខ្លាំង ធ្វើឱ្យពិបាកនៅក្នុងការព្យាបាលជំងឺឱ្យជាសះស្បើយយ៉ាងខ្លាំងណាស់។ ក្រោយពីបានឃើញបែបនេះ មហាជនជាច្រើនពិតជាក្តុកក្តួល និងអាណិតដល់ សិល្បករខ្មែរ ដែលពោរពេញដោយសមត្ថភាពដូចលោកយ៉ាងខ្លាំង ដែលត្រូវមកធ្លាក់ខ្លួនឈឺ ទាំងលំបាកបែបនេះ។ សូមបញ្ជាក់ថា សិល្បករបុរាណផ្នែកតន្រ្តីករ លោក នី កំពុងសម្រាកព្យាបាលនៅបន្ទប់លេខ 201 អាគារសម្តេចតេជោ មន្ទីរពេទ្យរុស្ស៊ី ៕

February 21, 2019

ឡៅ បញ្ញា អ្នកសម្ដែងល្បុក្កតោទទូចឱ្យមហាជនជួយគាំទ្របោះឆ្នោតឱ្យក្នុងកម្មវិធី Mister Asian International

ក្នុងចំណោមបេក្ខជនដែលបានចេញទៅប្រកួតនៅក្នុងព្រឹត្តិការណ៍បុរសឯក Mister And Miss Asian 2019 គេចាត់ទុកថា បេក្ខភាព ឡៅ បញ្ញា មានកាយសម្បទា និងភាពរឹងមាំទាក់ទាញជាងបេក្ខជនមុនៗ ខណៈដែលលោកគឺក្រៅពីស្អាតសង្ហារ ក៏ជាអ្នកសម្ដែងល្បុក្កតោ និងការសម្ដែងពីអាណាចក្រខ្មែរនៅសៀមរាបដ៏ទាក់ទាញ។

អ៊ីចឹងហើយទើបលោកស័ក្ដសមនឹងការគ្រងឈុតតំណាងជាតិ ក្នុងសម័យអង្គរ ខណៈដែលឈុតដែលលោកបានគ្រងក៏ត្រូវបានគេអះអាងថាកែច្នៃអោយត្រូវទម្រង់អស់ប្រាក់មិនតិចពាន់ដុល្លារ។ ថ្វីដ្បិតថា មិនទាន់បានជាប់ពានអ្វីនៅឡើយ ប៉ុន្តែលោកបានជាប់ Best Talent ក្នុងចំណោម3នាក់ ដែលធ្វើអោយលោកកាន់តែទាក់ទាញក្នុងក្រសែភ្នែកអន្តរជាតិដែលរួមរួមក្នុងព្រឹត្តិការណ៍ជាមួយគ្នា។

បេក្ខភាពរូបនេះ ត្រូវបានគេសរសើរខុសពីបេក្ខភាពតំណាងកម្ពុជាក្នុងការប្រលងបុរសឯកមុនៗ ជាពិសេសនៅពេលលោកគ្រងឈុតតំណាងជាតិ ហើយមានដំណើរ និងកាយសម្បទាពេញតួជាក្ស័ត្រ។ យោងតាមការទម្លាយ លោក ឡៅ បញ្ញា ត្រូវបានបញ្ជូនឱ្យចេញប្រកួតតំណាងកម្ពុជាដោយក្រុមហ៊ុនមួយ ដែលជួយរចនាឈុតតំណាងជាតិដែលលោកស្លៀកយកទៅបង្អួត និងត្រូវគេកត់សម្គាល់ថាឥតខ្ចោះត្រូវតាមទម្រង់វប្បធម៌ និងសម័យកាល។

សូមជម្រាបដែរថា បេក្ខជន ឡៅ បញ្ញា ដែលគេស្គាល់ថាជាអ្នកសម្ដែងល្បុក្កតោ និងឈុតអច្ឆរិយអង្គរនៅសៀមរាប បានថ្លែងទទូចនៅលើហ្វេសប៊ុកដើម្បីអោយមានការបោះឆ្នោតជួយលោក ក្នុងនាមជាតំណាងកម្ពុជា។ លោកត្រូវគេឃើញបង្ហោះសារទទូចហើយទទូចទៀត ដើម្បីឱ្យមានការយកចិត្តទុកដាក់ដល់ខ្លួន ខណៈពេលដែលក្នុងចំណោមបេក្ខជនទាំងអស់ដែលកម្មវិធីតម្រូវឱ្យបោះឆ្នោតដើម្បីឈ្នះពានប្រជាប្រិយភា៕

February 21, 2019

មន្ត្រីពេទ្យយោធាម្នាក់នៅស្ទឹងមានជ័យ ឈ្នះរង្វាន់ ១០០លានរៀល ពីភេសជ្ជៈប៉ូវកម្លាំង ខារ៉ាបាវ

មន្ត្រីពេទ្យយោធាម្នាក់មានឈ្មោះ សុង រតនា ភេទប្រុស អាយុ២៨ឆ្នាំ បច្ចុប្បន្នមានទីលំនៅភូមិឬស្សី១ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ មានសំណាងបានឈ្នះរង្វាន់ធំពីភេសជ្ជៈប៉ូវកម្លាំង ខារ៉ាបាវ នូវចំនួនទឹកប្រាក់១០០លានរៀល ។

ថ្លែងប្រាប់ក្រុមការងារដែលចុះទៅប្រគល់រង្វាន់ធំនូវចំនួនទឹកប្រាក់ 100 លានរៀល ដល់លំនៅដ្ឋានផ្ទាល់ ដែលស្ថិតនៅភូមិសាស្ត្រខាងលើនេះថា លោក សុង រតនា បានប្រាប់ឱ្យដឹងថា កាលពីចុងសប្ដាហ៍កន្លងទៅនេះ បន្ទាប់ពីហាត់ប្រាណរួច លោកបានទិញភេសជ្ជៈប៉ូវកម្លាំងខារ៉ាបាវមួយកំប៉ុងទទួលទាន លុះពេលគាស់ក៏ស្រាប់តែឃើញមានរង្វាន់១០០លានរៀលនៅនឹងក្រវិលកំប៉ុងតែម្ដង។ ភ្លាមនោះ លោកស្ទើរតែមិនជឿភ្នែកខ្លួនឯង ហើយក៏ហៅប្រពន្ធ និងឪពុកដែលរស់នៅជាមួយគ្នាឱ្យជួយមើល ទើបមានការភ្ញាក់ផ្អើលដល់អ្នកជិតខាង ហើយក៏ទូរស័ព្ទជូនដំណឹងដល់ក្រុមហ៊ុនតាមរយៈលេខទូរស័ព្ទដែលមានស្រាប់នៅនឹងក្រវិលកំប៉ុង។ លោកបានបញ្ជាក់ទៀតថា វាពិតជាអស្ចារ្យខ្លាំងណាស់ ដែលរាល់ដងធ្លាប់តែឃើញគេឡើងទទួលរង្វាន់១០០លានរៀលនៅលើ់កញ្ចក់ទូរទស្សន៍ ហើយនឹកគិតថាថ្ងៃណាមួយលោកនឹកមានសំណាងបានឈ្នះដូចគេដែរ តែពេលនេះ ក្ដីស្រមៃរបស់លោកបានក្លាយជាការពិតហើយ។ បន្ទាប់ពីទទួឡបានប្រាក់រង្វាន់១០០លានរៀលនេះ លោកនឹងយកមួយចំនួនទៅសងបំណុលធនាគារខ្លះ ហើយទុកមួយចំនួនទៀតទៅបង្កើតមុខរបរសម្រាប់ប្រពន្ធលក់ដូរនៅផ្ទះ ដើម្បីជួយទ្រទ្រង់ជីវភាពគ្រួសារទៅថ្ងៃអនាគត់។ នៅក្នុងឱកាសនោះ លោកក៏បានថ្លែងអំណរគុណយ៉ាងជ្រាលជ្រៅចំពោះក្រុមហ៊ុនភេសជ្ជៈប៉ូវកម្លាំង ខារ៉ាបាវ ដែលបានជួយកែប្រែជីវិត និងជោគវាសនាគ្រួសារឱ្យមានភាពល្អប្រសើរ។

សូមបញ្ជាក់ផងដែរថា ជាការថ្លែងអំណរគុណដល់អតិថិជន ក្រុមហ៊ុន ភេសជ្ជៈប៉ូវកម្លាំង ខារ៉ាបាវ បានបង្កើនរង្វាន់យ៉ាងសន្ធឹកសន្ធាប់នូវចំនួនទឹកប្រាក់រហូតដល់ 100លានរៀល ចំនួន60រង្វាន់ ម៉ូតូ HONDA Dream 125 ចំនួន60 រង្វាន់ , ទូរស័ព្ទដៃ iPhone ចំនួន60រង្វាន់ រួមជាមួយការផ្តល់ជូនរង្វាន់1កប៉ុង រាប់លានកំប៉ុង និងគ្មានការកំណត់កាលបរិច្ឆេទនោះទេ។ អ្នកទទួលទានអាចមានសំណាងបានឈ្នះរង្វាន់100លានរៀល ដោយឡែកអ្នកលក់ដែលដាក់តាំងច្រើន ហើយស្អាត នៅពេលក្រុមការងារចុះទៅឃើញនឹងទទួលបានប្រាក់លើកទឹកចិត្តចំនួន1លានរៀល ភ្លាមៗចំនួន5នាក់។ សូមចំណាំ ៖ សម្រាប់រង្វាន់ពិតប្រាកដ គឺមានតែនៅសម្បកកំប៉ុង ដែលមានអក្សរខ្មែរជាសញ្ញាសម្គាល់តែប៉ុណ្ណោះ ៕

February 21, 2019

ព្រឹត្តិការណ៍កីឡាបាល់ទះឆ្នេរខ្សាច់អន្តរជាតិស្រាបៀរអាន់ឆ័រលើកទីពីរបានប្រកាសបើកជាផ្លូវការហើយ

ភ្នំពេញ៖ កាលពីថ្ងៃទី20ខែកុម្ភៈ ឆ្នាំ2019 ស្រាបៀរអាន់ឆ័របានរៀបចំសន្និសីទសារព័ត៌មានមួយក្នុងគោលបំណងប្រកាសបើកជាផ្លូវការនូវព្រឹត្តិការណ៍កីឡាបាល់ទះឆ្នេរខ្សាច់អន្តរជាតិស្រាបៀរអាន់ឆ័រលើកទីពីរ ដែលបានមកកាន់ព្រះរាជាណាចក្រកម្ពុជាជាថ្មីម្តងទៀត ដោយមានការចូលរួមពីក្រុមកីឡាករឆ្នើមក្នុងស្រុក និងក្រៅស្រុកជាច្រើនក្រុម។

ឯកឧត្តម ប៊ូ ជុំសេរី អនុរដ្ឋលេខាធិការនៃក្រសួងអប់រំ យុវជន និងកីឡា ឯកឧត្តម បណ្ឌិតសភាចារ្យ សំ សោភាន់ អនុប្រធានសហព័ន្ធកីឡាបាល់ទះកម្ពុជា លោក SAMSON WONG អគ្គនាយកគ្រប់គ្រងនៃក្រុមហ៊ុនស្រាបៀរអាន់ឆ័រ និងលោក CHRIS LIU ប្រធានគ្រប់គ្រងផ្នែកបច្ចេកទេសនៃសហព័ន្ធកីឡាបាល់ទះអន្តរជាតិ (FIVB) បានចូលរួមជាអធិបតីដ៏ខ្ពង់ខ្ពស់ក្នុងសន្និសីទសារព័ត៌មាននេះ និងស្វាគមន៍នូវការប្រកាសបើកជាផ្លូវការនូព្រឹត្តិការណ៍កីឡាបាល់ទះឆ្នេរខ្សាច់អន្តរជាតិស្រាបៀរអាន់ឆ័រលើកទីពីរនៅក្នុងព្រះរាជាណាចក្រកម្ពុជា។

នេះជាព្រឹត្តិការណ៍កីឡាបាល់ទះឆ្នេរខ្សាច់អន្ដរជាតិលើកទីពីរដែលប្រារព្ធឡើងនៅក្នុងព្រះរាជាណាចកម្ពុជា ដែលរៀបចំឡើងដោយស្រាបៀរអាន់ឆ័រក្រោមកិច្ចសហការជាមួយនឹងសហព័ន្ធកីឡាបាល់ទះអន្តរជាតិ (FIVB) ក្រសួងអប់រំយុវជន និងកីឡា និងសហព័ន្ធកីឡាបាល់ទះកម្ពុជា។ ការប្រកួតកីឡាបាល់ទះឆ្នេរខ្សាច់អន្តរជាតិនេះនឹងមានក្រុមកីឡាករឆ្នើមសញ្ជាតិកម្ពុជា និងក្រុមកីឡាករឆ្នើមអន្តរជាតិជាច្រើនក្រុមដូចជាមកពីប្រទេសជប៉ុន ឆេក ថៃ សហរដ្ឋអាមេរិក ទីក្រងតៃប៉ិ អូស្ត្រាលី ប៉ូឡូញ កាណាដា ស៊ីប អ៊ីស្រាអែល សិង្ហបុរី អាល្លឺម៉ង់ ក្រិក ស៊ុយអែដ និងបណ្តាប្រទេសជាច្រើនទៀត។

ការប្រកួតកីឡាបាល់ទះឆ្នេរខ្សាច់អន្តរជាតិនេះនឹងផ្តល់ភាពរំភើបរីករាយក្រៃលែងសម្រាប់ទស្សនិកជន ដោយសារកីឡាករមកពីបណ្តាប្រទេសជាច្រើននឹងចូលរួមប្រកួតប្រជែងគ្នានៅលើទឹកដីនៃព្រះរាជាណាចក្រកម្ពុជា ដើម្បីសន្សំពិន្ទុ ដែលអាចលេងសម្រាប់វគ្គផ្តាច់ព្រ័ត្រក្នុងក្របខ័ណ្ឌ FIVB World Tour ក្នុងព្រឹត្តិការណ៍កីឡាអូឡាំពិច 2020 ដើម្បីឈានរកទៅជើងឯកពិភពលោក។

កម្មវិធីនេះបានចាប់ផ្តើមចាប់ពីថ្ងៃទី21 កុម្ភៈ ដល់ថ្ងៃទី16 ខែមេសា នៅទូទាំងខេត្តក្រុងធំចំនួនប្រាំពីរដោយមានកាលវិភាគប្រកួតដូចខាងក្រោម៖ ១.រាជធានីភ្នំពេញ នៅថ្ងៃទី21 ដល់ថ្ងៃទី24 ខែកុម្ភៈ។ ២. ខេត្តព្រះសីហនុ នៅថ្ងៃទី 2ដល់ថ្ងៃទី3 ខែមីនា។ ៣. ខេត្តកំពង់ស្ពឺ នៅថ្ងៃទី7ដល់ថ្ងៃទី10 ខែមីនា។ ៤. ខេត្តសៀមរាប នៅថ្ងៃទី 21 ដល់ថ្ងៃទី24 ខែមីនា ។ ៥. ក្រុងប៉ោយប៉ែត នៅថ្ងៃទី30 ដល់ថ្ងៃទី31 ខែមីនា។ ៦. ខេត្តបាត់ដំបង នៅថ្ងៃទី4 ដល់ថ្ងៃទី7 ខែមេសា ។ ៧. ខេត្តកំពង់ចាម នៅថ្ងៃទី14 ដល់ថ្ងៃទី16 ខែមេសា។ កម្មវិធី 2-Star World Tour នឹងប្រារព្ធធ្វើឡើងនៅរាជធានីភ្នំពេញសម្រាប់កីឡាកិរិនី និងនៅខេត្តសៀមរាបសម្រាប់កីឡាករផ្នែកបុរស។ ទន្ទឹមនឹងនេះផងដែរ កម្មវិធី 1-Star World Tour នឹងប្រារព្ធធ្វើឡើងនៅខេត្តកំពង់ស្ពឺសម្រាប់កីឡាករផ្នែកបុរស និងខេត្តបាត់ដំបងសម្រាប់កីឡាកិរិនី។ រង្វាន់ទឹកប្រាក់សរុបគឺ 60,000 ដុល្លារអាមេរិក ដោយក្រុមជ័យលាភីនីមួយៗនៃក្របខ័ណ្ឌកម្មវិធី 1-Star World Tour នឹងទទួលបានរង្វាន់ទឹកប្រាក់ 5,000 ដុល្លារអាមេរិកចំណែកឯក្រុមជ័យលាភីនីមួយៗនៃក្របខ័ណ្ឌកម្មវិធី 2-Star World Tour នឹងទទួលបានរង្វាន់ទឹកប្រាក់ 25,000 ដុល្លារអាមេរិក។

ការប្រកួតបើកឆាកចាប់ផ្តើមពីម៉ោង9 ព្រឹកដល់5 ល្ងាចចាប់ពីថ្ងៃទី21 ដល់ថ្ងៃទី24 ខែកុម្ភៈ នៅបរិវេណកោះពេជ្រ រាជធានីភ្នំពេញ។ កម្មវិធីប្រកួតនេះនឹងធ្វើឡើងនៅខេត្តក្រុងចំនួនប្រាំពីរ។ បន្ទាប់ពីកម្មវិធីប្រកួតនៅពេលថ្ងៃ មានការប្រគុំតន្រ្តីរបស់ស្រាបៀរអាន់ឆ័រដោយមានការអញ្ជើញចូលរួមពីតារាល្បីល្បាញអន្តរជាតិ ព្រមទាំងតារាល្បីៗប្រចាំព្រះរាជាណាចកម្ពុជាជាច្រើនរូបដូចជា កញ្ញា ឱក សុគន្ធកញ្ញា លោក ណុប បញ្ញារិទ្ធ លោក ឆន សុវណ្ណរាជ លោកហ្សូណូ អ្នកនាង សុខ ស្រីនាង លោក នីរតនា កញ្ញា ទេព បូព្រឹក្ស កញ្ញា សួស វីហ្សា អ្នកនាង ពេជ្រ សោភា លោក នីកូ អ្នកនាង សុគន្ធ នីសា លោក ស្តិប ជីដេតូតូ (DJ Toto) និងតារាជាច្រើនរូបទៀត។

កាន់តែធំ កាន់តែអស្ចារ្យ កាន់តែកក្រើករីករាយ! សូមចូលរួមទស្សនាឲ្យបានច្រើនកុះករជាមួយស្រាបៀរអាន់ឆ័រ! សូមកុំរំលងព្រឹត្តិការណ៍ពិសេសប្រចាំឆ្នាំនេះឲ្យសោះ! ទទួលយកភាពសប្បាយរីករាយយ៉ាងពិតប្រាកដជាមួយរសជាតិដ៏ស្រទន់ពីស្រាបៀរអាន់ឆ័រ! រីករាយស្រស់ថ្លា ចាប់ផ្តើមជាមួយស្រាបៀរ អាន់ឆ័រ!

ចំពោះព័ត៌មានលម្អិតអំពីព្រឹត្តិការណ៍កីឡាបាល់ទះឆ្នេរខ្សាច់អន្តរជាតិនេះ សូមចូលមើលទំព័រហេ្វសបុករបស់ស្រាបៀរអាន់ឆ័រ៖ https://www.facebook.com/AnchorBeerKH/ ។

ពិសាស្រាបៀរអាន់ឆ័ដោយការទទួលខុសត្រូវ៕

February 21, 2019

សាលារៀនវេសឡាញន៍បូកសរុបការងារប្រចាំឆមាសទី ១ និងផ្ដោតសំខាន់លើការអប់រំសតវត្សទី 21

នៅថ្ងៃទី 16 ខែកុម្ភៈ ឆ្នាំ 2019 នេះ សាលារៀនវេសឡាញន៍ បានរៀបចំការប្រជុំរួមបូកសរុបការងារប្រចាំឆមាសទី ១ ឆ្នាំសិក្សា 2018-2019 និងលើកទិសដៅផែនការ សកម្មភាពការងារសម្រាប់ឆមាសទី 2 នៃឆ្នាំសិក្សា 2018-2019 ពោលគឺកម្មវិធីផ្ដោតសំខាន់លើការអប់រំបែបសតវត្សទី 21។ ដូចដែលយើងបានដឹង និងឭពី « ការអប់រំសតវត្សទី 21 » ហើយថា យើងទាំងអស់គ្នាចង់បណ្ដុះបណ្ដាលសិស្ស នៅសាលារៀនជាមួយ « ការបង្រៀន និងរៀនបែបសតវត្សទី 21 » ដើម្បីឱ្យពួកគាត់ក្លាយជាសិស្សជំនាញសតវត្សទី 21។ តើបច្ចុប្បន្នមនេះ គឺគ្រូបង្រៀនសតវត្សទី 21 ឬគ្រូបង្រៀនដែលមានជំនាញសតវត្សទី 21 ហើយនៅ ?

លោក គង់ សំនៀង នាយប្រតិបត្តការណ៍នៃក្រុមហ៊ុនវេសឡាញអេឌ្យូខេសិនគ្រុប បានមានប្រសាសន៍ថា ការអប់រំសតវត្សទី 21 ត្រូវបានផ្ដោតសំខាន់ទៅលើមុខវិជ្ជាសិក្សាដែលរួម វិទ្យាសាស្ដ្រ គណិតវទ្យា បច្ចេកវិទ្យា និងជំនាញអាជីព និងជាពិសេសគឺ ការដោះស្រាយបញ្ហា។ រយៈកាលកន្លងទៅ ប្រសិនបើយើងប្រៀបធៀបអំពីប្រទេសរបស់យើង ការអប់រំ និងការសិក្សា គឺយើងនៅមានកម្រិតក្រោយគេ បើយើងប្រៀបធៀបជាមួយបណ្ដាប្រទេអាស៊ាន។ ដូច្នោះហើយ សាលារៀនយើងគឺមានគោលបំណងឱ្យ លោកគ្រូ អ្នកគ្រូ បង្រៀនតាមបែបសតវត្សទី 21 ដែលអាចចែករំលែកចំណេះដឹងឱ្យសិស្សតាមរយៈប្រព័ន្ធផ្សព្វផ្សាយ និងបច្ចេកវិទ្យាទំនើប នោះសិស្សអាចរៀន និងដោះស្រាយបញ្ហាបានកាន់តែឆ្លាតវៃតាមតម្រូវការសតវត្សទី 21នេះ។

លោកបន្ដថា ជាការពិតណាស់ ដើម្បីទទួលបាននូវលទ្ធផលល្អ គុណភាពការអប់រំខ្ពស់ លុះត្រាតែមានការចូលរួមជាវិជ្ជមាន ទាំងកម្លាំងកាយ ចិត្ត និងស្មារតី ពីបុគ្គលិកគ្រប់ផ្នែកទាំងអស់រួមមាន លោកគ្រួ អ្នកគ្រូ បុគ្គលិករដ្ឋបាល រួមទាំងគណៈគ្រប់គ្រងគ្រប់លំដាប់ថ្នាក់ទាំងអស់។ លើសពីនេះទៅទៀត ការពង្រឹង សមត្ថភាព និងជំនាញវិជ្ជាជីវៈ និងអត្តចរឹតផ្ទាល់ខ្លួន សម្រាប់បុគ្គលិកម្នាក់ៗ ជាកត្តាសំខាន់បំផុត ក្នុងការប្រកួតប្រជែងទីផ្សារការងារនាសតវត្សទី ២១ នេះ ។ ដែលនៅក្នុងនោះ យើងត្រូវសិក្សភាសាមួយចំនួនឱ្យបានច្បាស់លាស់ និងប្រាកថា អាចប្រើប្រាស់បាន រួមមាន ភាសាកំណើត ភាសាជំនាញអាជីព ភាសាសាកល ភាសាបច្ចេកវិទ្យា និងភាសាកាទូត ព្រមទាំងត្រូវស្វែងយល់ព័ត៌មាននៅជុំវិញ និងធ្វើឱ្យបច្ចុប្បន្នភាពទាន់សភាពការណ៍។

លោកបានបញ្ជាក់បន្ថែមដែលថា នៅឆ្នាំសិក្សា 2019 នេះ សាលារៀនវេសឡាញន៍បានដាក់បញ្ចូលកម្មវិធីសិក្សាថ្មីមួយទៀត ដែលផ្ដោតលើការ ពិគ្រោះយោបល់ ដែលមាតាបិតាសិស្ស និងសិស្សនុសិស្ស អាចទទួលយកការពិគ្រោះយោបល់យ៉ាងយកចិត្តទុកដាក់សំពីណាក់សាលារៀនយើង និងដោះស្រាយបញ្ហាសុខភាពផ្លូវចិត្តផងដែរ៕

February 20, 2019

អីយ៉ា !! នាយក្តី បញ្ចប់ការសង្ស័យទំនាក់ទំនងស្នេហាជាមួយ នាយចឺម

ចាស់ផលិតកម្ម BKS លោក ឈុន សុវណ្ណភក្តី ហៅ នាយក្តី បានធ្វើឱ្យគ្រប់គ្នាចាប់អារម្មណ៍ជាខ្លាំង បន្ទាប់ពីឃើញលោកធ្លាប់ត្រូវបានគេសង្ស័យថា មានស្នេហាជាមួយ នាយចឺម ដែលស្រឡាញ់ភេទដូចគ្នា បានបង្ហាញខ្លួនជាមួយនឹងឈុតប្រពៃណីខ្មែរ កូនកម្លោះ ឈរថតញញឹមយ៉ាងប្រឹមប្រីយ ក្នុងពិធីភ្ជាប់ពាក្យ ជាមួយនឹងកញ្ញា សុវណ្ណ រ៉ាផា ដែលត្រូវបានគេស្គាល់ថា គឺជាតារាអ្នកសិល្បៈដូចគ្នា។

ពិធីភ្ជាប់ពាក្យរវាងតារាសម្ដែងលោក ឈុន សុវណ្ណភក្ដី ហៅនាយក្ដី ដែលត្រូវគេស្គាល់ថាជាម្ចាស់ផលិតកម្ម BKS និងតារាសម្ដែងកញ្ញា សុវណ្ណ រ៉ាផា ត្រូវបានធ្វើឡើងយ៉ាងអធឹកអធមក្រោមវត្តមានចាស់ទុំទាំងសងខាង និងតារាសិល្បៈដែលមានទំនាក់ទំនងជិតស្និទ្ធិ។ ពិធីនេះមិនត្រូវបានធ្វើឡើងក្រោមវត្តមានអ្នកសារព័ត៌មានកុះករនោះទេ ប៉ុន្តែត្រូវបានបើកចំហរនៅលើបណ្ដាញសង្គមហ្វេសប៊ុក ដោយទិដ្ឋភាពភ្ជាប់ពាក្យរបស់តារាទាំងពីរត្រូវបានបង្ហោះឡើងភ្លាមៗ។ ដំណឹងមង្គលរបស់អ្នកទាំងពីរបានធ្វើឱ្យម្នាក់ៗអបអរសាទរយ៉ាងខ្លាំង ប៉ុន្តែក៏ធ្វើឱ្យគេងឿងឆ្ងល់ផងដែរ ដោយសារតែនាយក្ដី ក្រោយពេលស្អិតរមួតជាមួយគូដណ្ដឹង គេកត់សម្គាល់ថាទំនាក់ទំនងជាមួយនាយចឺម មិនសូវស្អិតដូចមុន។

យ៉ាងណាមិញ លោកឈុន សុវណ្ណភក្ដី បានអះអាងថាហេតុផលដែលនាំឱ្យពួកលោកមិនសូវបានទៅណាមកណាជាមួយគ្នា គឺដោយសារតែហេតុផលរវល់រៀងខ្លួន ស្របគ្នាដែលលោកក៏មានគូស្នេហ៍ហើយចង់ចំណាយពេលឱ្យបានច្រើនជាមួយសុវណ្ណ រ៉ាផាប៉ុណ្ណោះ៕

February 20, 2019

តោះ!!! មកដឹងពីការទទួលទានស្រាទំពាំងបាយជូរថា តើត្រូវញ៉ាំជាមួយមុខម្ហូបប្រភេទណាទើបមានរសជាតិឆ្ងាញ់

កាលពីថ្ងៃទី17 ខែកុម្ភៈ ឆ្នាំ2019 នៅភោជនីយដ្ឋាន Red Wine House និងក្រុមហ៊ុនស្រា Winest បានសហការគ្នារៀបចំអាហារពេលល្ងាចដ៏សែនរ៉ូមែនទិក និងញ៉ាំស្រាទំពាំងបាយជូរជាមួយមុខម្ហូបជាប្រភេទសាច់គោស្ទេក (Steak) សាច់គោបន្ទះស្រស់ និងគ្រឿងសមុទ្រយ៉ាងឆ្ងាញ់ពិសាក្រោមពន្លឺនៃអំពូលភ្លើងពណ៌លឿងយ៉ាងស្រទន់។

គោលបំណងនៃការរៀបចំអាហារពេលល្ងាចនេះ គឺផ្តោតទៅលើការញ៉ាំស្រាទំពាំងបាយជូរឱ្យត្រូវនឹងមុខម្ហូបប្រភេទនៃពួកបស្ចិមប្រទេស ហើយអ្វីដែលកាន់តែឣស្ចារ្យជាងនេះទៀតនោះគឺ ការបង្ហាញប្រភេទស្រាទំពាំងបាយជូរពណ៌សដែលនាំចូលពីប្រទេស CHILI ហើយជាប្រភេទស្រាដែលអាចញ៉ាំជាមួយនឹងនំខេក និងបង្អែមបានផងដែរ។

ដោយក្នុងនោះផ្ទាល់ Winest បានជ្រើសរើសយកស្រា 4ប្រភេទមកទទួលភ្ញៀវកិត្តិយសនារាត្រីនោះ ដែលរួមមានស្រា 2ប្រភេទមកពីប្រទេសបារាំង។ 1ប្រភេទមកពីខេត្ដ Bordeaux នៃតំបន់ Saint –Emilion ដែលបងប្អូនខ្មែរយើងភាគច្រើនបានស្គាល់ និង1ទៀតមកពីតំបន់ភាគខាងត្បូងនៃប្រទេសបារាំង។ Winest បានជ្រើសរើសស្រាទំពាំងបាយជូរទាំង 2ប្រភេទនេះដើម្បីញ៉ាំជាមួយសាច់គោដោយគ្រាន់តែមួយញ៉ាំជាមួយសាច់គោស្ទេក (Steak) និងមួយទៀតញ៉ាំជាមួយនឹងសាច់គោបន្ទះស្រស់។

Winest បានជ្រើសរើសយកស្រាទំពាំងបាយជូរសមកពីប្រទេស CHILI ដែលមានឈ្មោះថា Sauvignon Blanc ដែលមានរសជាតិជូរ និងអាចញ៉ាំជាមួយមុខម្ហូបពពួកសាច់ស គ្រឿងសមុទ្រ និងត្រីធូណា ជាពិសេសគឺ Winest បានជ្រើសរើសយកស្រាមួយប្រភេទទៀតសម្រាប់ញ៉ាំជាមួយនឹងនំខេក ក៏ដូចជា បង្អែមផងដែរ។

ភ្ញៀវកិត្តិយសទាំងអស់នៅក្នុងកម្មវិធីខាងលើបានកោតសរសើរមិនដាច់ពីមាត់ពីប្រភេទស្រាទាំង 4មុខនេះ ហើយពួកគាត់បានលើកឡើងទៀតថា វាពិតជាប្លែកមែនទែនដែលមានប្រភេទស្រាទំពាំងបាយជូរដែលអាចញ៉ាំជាមួយនឹងនំខេក និងបង្អែមបានដូច្នេះ៕
ព័ត៌មានបន្ថែមសូមទំនាក់ទំនងតាមលេខទូរស័ព្ទ៖ 061 219 567
អ៊ីមែល៖ info@winest.com.kh
គេហទំព័រ Facebook ផ្លូវការ៖ Winest Cambodia

February 20, 2019

លោក Guardiola ជំរុញឱ្យ Man City ប្រើស្មារតីប្រយុទ្ធ លើទឹកដី Schalkeរាត្រីនេះ

លោក Pep Guardiola បានលើកទឹកចិត្តឱ្យក្រុម Manchester City ប្រើប្រាស់បទពិសោធពីការយកឈ្នះក្នុងការប្រកួតដណ្តើមពាន FA Cup នៅលើទឹកដីក្រុម Newport នៅពេលដែលពួកគេប្រកួតជាមួយនឹងក្រុមធ្លាក់ចុះទម្រង់លេង Schalke របស់ក្របខ័ណ្ឌ Bundesliga ក្នុងការប្រកួតក្របខ័ណ្ឌ Champions League នៅរាត្រីនេះ។

ក្រុម Man City របស់លោក Guardiola បានធ្វើដំណើរទៅដល់ប្រទេសអាល្លឺម៉ង់ហើយ ក្នុងនាមជាក្រុមមានក្តីសង្ឃឹមខ្ពស់ក្នុងការឈ្នះក្នុងការប្រកួតវគ្គ 16ក្រុមចុងក្រោយ ជើងទី1 នាកីឡដ្ឋាន Veltins Arena របស់ក្រុម Schalke នៅរាត្រីនេះ។

ស្របពេលក្រុម Man City កំពុងតែនាំមុខលើតារាង Premier League ដោយការមានគ្រាប់់បាល់ច្រើនជាងក្រុម Liverpool នោះ ក្រុម Schalke កំពុងតែជួបភាពត្រដាបត្រដួស ដោយការមិនដែលស្គាល់ឈ្នះសោះពីការប្រកួតក្របខ័ណ្ឌលីកចំនួន 4លើកចុងក្រោយ និងស្ថិតនៅមិនឆ្ងាយពីតំបន់កាត់ចោលនៃក្របខ័ណ្ឌ Bundesliga ប៉ុន្មានឡើយ។

Man City បានយកឈ្នះលើក្រុម Newport County ក្នុងលទ្ធផល 4-1 កាលពីថ្ងៃសៅរ៍មុន ក្រោយពីបានជម្នះលើផ្ទៃទីលានដែលមិនល្អនាកីឡដ្ឋាន Rodney Parade និងការបង្ហាញពីទម្រង់លេងដ៏រឹងមាំរបស់ក្រុមម្ចាស់ផ្ទះ ក្នុងវគ្គ 8ក្រុមចុងក្រោយនៃពាន FA Cup។
ពួកគេអាចនឹងត្រូវជួបការលំបាកទាក់ទងនឹងផ្ទៃនៃទីលានបន្ថែមទៀតក្នុងតំបន់ Gelsenkirchen ប៉ុន្តែលោក Guardiola ចង់ឱ្យក្រុមប្រជុំដោយតារាឆ្នើមៗរបស់លោក បង្ហាញពីកម្រិតលេងដូចនឹងការប្រកួតពាន FA Cup របស់ពួកគេដែរ។

ក្នុងសន្និសីទសារព័ត៌មានមួយ លោក Guardiola បានឱ្យដឹងថា៖ «យើងត្រូវតែបង្ហាញពីសមត្ថភាពរបស់យើង។ ខ្ញុំចង់ឃើញពីស្មារតីប្រកួតដូចគ្នាទៅនឹងការប្រកួតដែលយើងបានលេងនៅ Newport យើងត្រូវតែបង្ហាញពីភាពខ្លាំង និងឈ្នះក្នុងការប្រកួតធំៗបែបនេះ»។ ការប្រកួតនេះនឹងចាប់ផ្តើមនៅម៉ោង3 ទៀបភ្លឺ៕

February 20, 2019

ឥណ្ឌូនេស៊ី ដាក់សំណើដេញថ្លៃជាផ្លូវការ ដើម្បីធ្វើជាម្ចាស់ផ្ទះអូឡាំពិក 2032

មន្ត្រីពាក់ព័ន្ធរបស់ឥណ្ឌូនេស៊ី បានបញ្ជាក់កាលពីថ្ងៃអង្គារ ម្សិលមិញថា ប្រទេសរបស់ខ្លួនបានដាក់សំណើដេញថ្លៃជាផ្លូវការ ដើម្បីធ្វើជាម្ចាស់ផ្ទះព្រឹត្តិការណ៍កីឡាអូឡាំពិកឆ្នាំ2032 ក្រោយពីប្រទេសស្ថិតក្នុងតំបន់អាស៊ីអាគ្នេយ៍មួយនេះ បានទទួលការកោតសរសើរចំពោះការធ្វើជាម្ចាស់ព្រឹត្តិការណ៍កីឡាអាស៊ី (Asian Games) កាលពីរដូវក្តៅមុន។

ក្រសួងការបរទេសរបស់ប្រទេសឥណ្ឌូនេស៊ីបានបញ្ជាក់កាលពីថ្ងៃអង្គារថា លោក Muliaman Hadadឯកអគ្គរដ្ឋទូតរបស់ឥណ្ឌូនេស៊ី ប្រចាំប្រទេសស្វ៊ីស បានទទួលសំណើដេញថ្លៃជាផ្លូវការមួយពីលោកប្រធានាធិបតី Joko Widodo មុននឹងបញ្ជូនទៅកាន់គណៈកម្មាធិការអូឡាំពិកអន្តរជាតិហៅកាត់ថា IOC ក្នុងទីក្រុង Lausanne កាលពីសប្តាហ៍មុន។

លោក Hadad បាននិយាយក្នុងសេចក្តីថ្លែងការណ៍មួយដែលត្រូវបានចេញផ្សាយជាសាធារណៈនៅសប្តាហ៍នេះថា៖ «នេះគឺជាពេលវេលាដ៏ត្រឹមត្រូវក្នុងការបង្ហាញពីសមត្ថភាពរបស់ឥណ្ឌូនេស៊ី ក្នុងនាមជាប្រទេសដ៏ធំមួយ»។

លោក Widodo បានសម្តែងពីការចាប់អារម្មណ៍របស់ឥណ្ឌូនេស៊ី ជាសាធារណៈ ទៅលើការធ្វើជាម្ចាស់ផ្ទះព្រឹត្តិការណ៍កីឡាអូឡាំពិកក្នុងឆ្នាំ2032 នៅរដ្ឋធានីហ្សាការតា អំឡុងពេលប្រទេសរបស់លោកធ្វើជាម្ចាស់ផ្ទះរៀបចំការប្រកួតកីឡាអាស៊ី កាលពីឆ្នាំមុន ដែលជាយុទ្ធនាការកីឡាចម្រុះធំជាងគេបំផុតលំដាប់ទី2 បន្ទាប់ពីអូឡាំពិក។
ប្រទេសឥណ្ឌា ក៏បានសម្តែងនូវការចាប់អារម្មណ៍របស់ខ្លួនក្នុងការធ្វើជាម្ចាស់ផ្ទះរៀបចំព្រឹត្តិការណ៍កីឡាអូឡាំពិក ឆ្នាំ2032 ផងដែរ ស្របពេលដែលប្រទេសកូរ៉េខាងជើង និងខាងត្បូង បានបញ្ជាក់ថា ខ្លួនអាចនឹងចូលខ្លួនក្នុងការដាក់សំណើដេញថ្លៃរួមគ្នាមួយដែរ។ IOC នឹងប្រកាសប្រទេសម្ចាស់ផ្ទះសម្រាប់យុទ្ធនាការប្រកួតកីឡាអូឡាំពិកឆ្នាំ2032 នៅត្រឹមឆ្នាំ2025។

ប្រសិនបើការដេញថ្លៃរបស់ខ្លួនទទួលបានជោគជ័យ ឥណ្ឌូនេស៊ី នឹងក្លាយជាប្រទេសម្ចាស់ផ្ទះអូឡាំពិក និងកីឡាអាស៊ីទី4 បន្ទាប់ពីប្រទេសជប៉ុន កូរ៉េខាងត្បូង និងចិន៕

February 20, 2019

Author: អេបិល