អេបិល - La Reine Media

ស្រាបៀរ ABC EXTRA STOUT និង TIGER ចាប់រង្វាន់លើកទី១ជូនគូស្វាមីភរិយាថ្មីក្នុងកម្មវិធីអាពាហ៍ពិពាហ៍ឆ្នាំ ២០១៨-២០១៩

រាជធានីភ្នំពេញ៖ កាលពីថ្ងៃអាទិត្យទី ៣១ ខែមីនា ឆ្នាំ២០១៩ ស្រាបៀរ ABC EXTRA STOUT និង TIGER បានរៀបចំកម្មវិធីចាប់រង្វាន់លើកទីមួយរបស់ស្រាបៀរ ABC EXTRA STOUT និង TIGER ដែលបានផ្សាយផ្ទាល់តាមកញ្ចក់ទូរទស្សន៍ MyTV ដោយបានរកឃើញអ្នកឈ្នះរង្វាន់ដំណើរកម្សាន្តទៅទីក្រុងឡុងដ៏ចំនួនពីរគូ និងអ្នកឈ្នះដំណើរកម្សាន្តទៅទីក្រុងស៊ីដនីចំនួនប្រាំគូ។

ចំពោះរង្វាន់របស់ស្រាបៀរ ABC EXTRA STOUT ដែលបានចាប់រង្វាន់លើកទីមួយនេះ គូស្វាមីភរិយាថ្មីចំនួនពីរ គូដែលមានសំណាងបានឈ្នះរង្វាន់ដំណើរកម្សាន្តក្រេបចន្ទទឹកឃ្មុំទៅទីក្រុងឡុងដ៏មានរាយឈ្មោះដូចខាងក្រោម៖

ល.រ

ឈ្មោះកូនកម្លោះ

ឈ្មោះកូនក្រមុំ

ថ្ងៃរៀបការ

លេខប័ណ្ណ

លេខទូរស័ព្ទ

រង្វាន់

១

សាន់ ស៊ីណា

អោក ស្រីនិច

២៦ វិច្ឆិកា ២០១៨

០១៧៧០៨

០៧៧ ៦៥២ ០០៣

ដំណើរកម្សាន្តក្រេប

ទឹកឃ្មុំទៅទីក្រុងឡុងដ៏

២

ឈិន សិទ្ធិ

ហ៊ុយ ស្រីនាថ

១៧ វិច្ឆិកា ២០១៨

០១៥៥៧៧

០១៧ ៤៨៩ ០៩៨

ដំណើរកម្សាន្តក្រេប

ទឹកឃ្មុំទៅទីក្រុងឡុងដ៏

ចំពោះរង្វាន់របស់ស្រាបៀរ TIGER ដែលបានចាប់រង្វាន់លើកទីមួយនេះ គូស្វាមីភរិយាថ្មីចំនួន ៥ ដែលមានសំណាងបានឈ្នះរង្វាន់ដំណើរកម្សាន្តទៅទីក្រុងស៊ីដនី មានរាយឈ្មោះដូចខាងក្រោម៖

ល.រ	ឈ្មោះកូនកម្លោះ	ឈ្មោះកូនក្រមុំ	ថ្ងៃរៀបការ	លេខប័ណ្ណ	លេខទូរស័ព្ទ	រង្វាន់
១	ធួន វ៉ាន់ធៀន	តាន់ សុគន្ធា	១៩ វិច្ឆិកា ២០១៨	០០៧៩៦៥	០៩៦ ៦៦៨ ៦១៦៦	ដំណើរកម្សាន្តទៅទីក្រុងស៊ីដនី
២	ទិត សុធារី	ហ៊ិន វណ្ណៈ	១៩ វិច្ឆិកា ២០១៨	០១៧៨៧៩	០៦៩ ៥៦០ ៧៧៧	ដំណើរកម្សាន្តទៅទីក្រុងស៊ីដនី
៣	ណូ ចាន់ម៉ារ៉ាឌី	ស៊ឹម ចាន់ថា	១០ វិច្ឆិកា ២០១៨	០១៧៧២៣	០១០ ៨៧៥ ៥៧៨	ដំណើរកម្សាន្តទៅទីក្រុងស៊ីដនី
៤	ញ៉ឹក សារី	ផេង និមល	២៨ តុលា ២០១៨	០១៧៩៦៣	០៩៦ ៦៣៩៧៥៥៤	ដំណើរកម្សាន្តទៅទីក្រុងស៊ីដនី
៥	យឿន សិរៈយុទ្ធ	លី ច័ន្ធកញ្ញា	១៨ វិច្ឆិកា ២០១៨	០០៧៦៤៥	០១៧ ៦៣៦ ៦៣៥ ០១០ ៧៧៣០៣៣	ដំណើរកម្សាន្តទៅទីក្រុងស៊ីដនី

អ្នកឈ្នះរង្វាន់ទាំងអស់អាចស្វែងរកឈ្មោះរបស់ខ្លួននៅលើទំព័រកាសែត ឬលើគេហទំព័រហ្វេសប៊ុកផ្លូវការរបស់ស្រាបៀរ ABC EXTRA STOUT និង TIGER។ ចំពោះគូស្វាមីទាំងអស់ដែលបានឈ្នះរង្វាន់ខាងលើ ក្រុមហ៊ុននឹងទាក់ទងទៅដោយផ្ទាល់។

អបអរពិធីអាពាហ៍ពិពាហ៍របស់លោកអ្នកជាមួយស្រាបៀរលំដាប់ពិភពលោក។

តើលោកអ្នកចង់ពិសាស្រាបៀរលំដាប់ពិភពលោកសម្រាប់ពិធីអាពាហ៍ពិពាហ៍របស់អ្នកទេ? លោកអ្នកអាចទូរស័ព្ទមកលេខ 011 222 400 ឬ 011 333 500 សម្រាប់ព័ត៌មានបន្ថែម។

ពិសាដោយការទទួលខុសត្រូវ៕

April 2, 2019

សណ្ឋាគារហ៊ីម៉ាវ៉ារី ប្រារព្ធពិធី “ទិវាមួយម៉ោងសម្រាប់ភពផែនដី”

សណ្ឋាគារហ៊ីម៉ាវ៉ារីគឺ “ភ្ជាប់ទំនាក់ទំនងនឹងភពផែនដី” នៅក្នុងព្រឹត្តិការណ៍ចលនាសកល “ទិវាមួយម៉ោងសម្រាប់ភពផែនដី” ដោយយើងបានធ្វើការបិទភ្លើងមួយចំនួនដែលមិនសំខាន់ រយៈពេល 2ម៉ោង ចាប់ពីម៉ោង 16:30នាទីយប់ ដល់ម៉ោង 10:30នាទីយប់ ដើម្បីជាការបង្ហាញនូវការប្តេជ្ញាចិត្តរបស់យើងក្នុងការជួយសង្រ្គោះភពផែនដី។

“ទិវាមួយម៉ោងសម្រាប់ភពផែនដី” ជាព្រឹត្តិការណ៍ដែលប្រារព្ធឡើងជុំវិញសកលលោក ដែលមានការផ្តួចផ្តើមពីអង្គការមូលនិធិសកលសម្រាប់អភិរក្សធនធានធម្មជាតិហៅកាត់ថា WWF (World Wide Fund for Nature) ក្នុងគោលបំណងបំផុសស្មារតីឱ្យស្រលាញ់ និងគាំពារធនធានធម្មជាតិ និងធនធានជាជីវៈចម្រុះ។

យើងប្រើប្រាស់ធនធានធម្មជាតិជាច្រើននៅក្នុងប្រតិបត្តិការប្រចាំថ្ងៃរបស់យើង ហេតុនេះហើយបានជាយើងសម្រេចចិត្តចូលរួមចលនាព្រឹត្តិការណ៍អន្តរជាតិនេះឡើងដើម្បី បិទភ្លើង រយៈពេល 2ម៉ោង ជាការបង្ហាញការប្តេជ្ញាចិត្តរបស់យើងក្នុងស្រឡាញ់នឹងគាំពារធនធានធម្មជាតិ។

សណ្ឋាគារ ហ៊ីម៉ាវ៉ារី បានចូលរួមនៅក្នុងព្រឹត្តិការណ៍ចលនាសកល ”ទិវាមួយម៉ោងសម្រាប់ភពផែនដី” ជាមួយអតិថិជន ភ្ញៀវ និងបុគ្គលិករបស់យើងជាលើកទី6 មកហើយ។

យើងបានរៀបចំការសម្ដែងតន្រ្តីព្យាណូ និងវីយ៉ូឡុងសម្រាប់ភ្ញៀវស្តាប់កម្សាន្តចាប់ពីម៉ោង19:00នាទី ដល់ម៉ោង 20:30នាទី នៅឯ Himawari Garden Terrace ដោយភ្ជាប់ជាមួយការផ្តល់ជូននូវប្រូម៉ូសិនពីផ្នែកF&;B និងការញ៉ាំអាហារក្រោមពន្លឺភ្លើងទៀន។

វាបានក្លាយជាបទពិសោធដ៏ល្អមួយ សម្រាប់យើងជារៀងរាល់ឆ្នំាក្នុងការបន្តផ្សារភ្ជាប់ទំនាក់ទំនងរបស់យើងជាមួយធម្មជាតិ ហើយយើងជឿជាក់ថា យើងទាំងអស់គ្នានឹងបន្តចូលរួមចំណែកជាសកម្មភាពផ្សេងៗក្នុងការការពារធនធានធម្មជាតិរបស់យើង៕

April 1, 2019

ដំណើរការ និងទីបញ្ចប់នៃខ្សែផ្លូវរថភ្លើង ត្រូវបានកែសម្រួលជាថ្មី

រដ្ឋាភិបាលកម្ពុជាបានបញ្ចប់កិច្ចសន្យាសម្បទាន សម្រាប់ការគ្រប់គ្រងផ្លូវដែក ជាមួយក្រុម ហ៊ុន Royal Railway (Cambodia) ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន Royal Group នៃ កម្ពុជាដោយបានលើកឡើង ពីប្រតិបត្តិការមិនល្អរបស់ខ្លួនក្នុងរយៈពេល 10ឆ្នាំមកនេះ។

ការសម្រេចចិត្តនេះ ត្រូវបានធ្វើឡើងដោយសម្ដេចនាយករដ្ឋមន្ត្រីនៅក្នុងវេទិកាសាធារណៈ និងឯកជន លើកទី18 នៅវិមានសន្តិភាព បន្ទាប់ពីមានការស្នើសុំពីវិស័យឯកជន ដើម្បីធ្វើឱ្យប្រសើរឡើងនូវការដឹកជញ្ជូន និងភ័ស្តុភារនៅក្នុងប្រទេស។

រដ្ឋាភិបាលបានចុះហត្ថលេខា លើកិច្ចព្រមព្រៀងសម្បទាន រយៈពេល 30ឆ្នាំក្នុងឆ្នាំ2009 ជាមួយក្រុមហ៊ុនថូល Toll កម្ពុជាដើម្បីគ្រប់គ្រងប្រតិបត្តិការផ្លូវដែក។ នៅក្នុងឆ្នាំ 2014 ក្រុមហ៊ុន Toll Holding លីមីតធីត ដែលជាក្រុមហ៊ុនមេ របស់ក្រុមហ៊ុនថូលកម្ពុជា បានសម្រេចចិត្តផ្ទេរភាគហ៊ុន របស់ខ្លួនទៅឱ្យក្រុមហ៊ុន Royal Railway (Cambodia)។

សម្ដេចនាយករដ្ឋមន្ត្រីបានប្រាប់សន្និសីទថា គាត់បានផ្អែកលើការសម្រេចចិត្តរបស់គាត់ដែលថានៅពេលរថភ្លើងត្រូវការការជួសជុល ឬថែទាំមិនមានលុយទេ គ្មានការវិនិយោគណាមួយត្រូវបានធ្វើឡើងដើម្បីកែលម្អស្ថានភាពនោះទេ ហើយការផ្តល់សេវាកម្មដល់អតិថិជន គឺមិនទៀងទាត់។

ដើម្បីទទួលបានជោគជ័យ ក្នុងការគ្រប់គ្រងផ្លូវដែក រាជរដ្ឋាភិបាលកម្ពុជា សម្រេចបញ្ចប់កិច្ច សន្យាជាមួយរាជរដ្ឋាភិបាលកម្ពុជាសម្រាប់ប្រតិបត្តិការផ្លូវដែក។ រាជរដ្ឋាភិបាលកម្ពុជាបានសម្រេច ប្រគល់កិច្ចការគ្រប់គ្រងផ្លូវដែកដល់ក្រសួងសាធារណការដឹកជញ្ជូនខ្សាច់ជាបណ្តោះអាសន្ន។

ការបញ្ចប់នេះនឹងអនុញ្ញាតឱ្យក្រសួងកែលម្អ នីតិវិធីគ្រប់គ្រងមុនពេលការដេញថ្លៃជាសាធារ ណៈត្រូវបានបង្កើតឡើងសម្រាប់ក្រុមហ៊ុនមានលក្ខណសម្បត្តិគ្រប់គ្រាន់ និងមានបទពិសោធដែលនឹងធ្វើឱ្យប្រព័ន្ធផ្លូវដែកកម្ពុជាគោរពតាមស្តង់ដារអន្តរជាតិ។

ប្រទេសកម្ពុជាបានចំណាយ 226.6 លានដុល្លារ ដើម្បីជួសជុលខ្សែផ្លូវដែកភាគខាងត្បូង និង ខាងលិច។ ទឹកប្រាក់ជិត 85លានដុល្លារអាមេរិកមកពីថវិកាជាតិ និង 141លានដុល្លារពីធនាគារអភិវឌ្ឍន៍អាស៊ី និងដៃគូអភិវឌ្ឍន៍ដទៃទៀត។

ជាមួយគ្នានេះដែរ សម្ដេចនាយករដ្ឋមន្រ្តីហ៊ុន សែនបានប្រកាសនៅវេទិការដ្ឋាភិបាល – ផ្នែកឯកជន (G-PSF)ឱ្យពលរដ្ឋជិះរថភ្លើង ដោយឥតគិតថ្លៃទៅកាន់តំបន់ខេត្តព្រះសីហនុ និងប៉ោយប៉ែតក្នុងឱកាសបុណ្យចូលឆ្នាំប្រពៃណីខ្មែរ(Khmer New Yesr KNY) ដែលត្រូវបានប្រារព្ធធ្វើឡើង រយៈពេល 3ថ្ងៃចាប់ពីថ្ងៃទី14 ដល់ថ្ងៃទី16 ខែមេសា ហើយក្នុងអំឡុងពេលនោះប្រជាជនកម្ពុជា ដែលធ្វើការ ឬរស់នៅឆ្ងាយពីផ្ទះ ជាទូទៅបានទៅលេងសាច់ញាតិនៅស្រុកកំណើតរបស់ពួកគេ។

សម្តេចបានមានប្រសាសន៍ថា៖«ប្រជាពលរដ្ឋទាំងអស់ នឹងអាចជិះរថភ្លើង ពីភ្នំពេញទៅខេត្តព្រះសីហនុ ឬប៉ោយប៉ែត និងត្រឡប់មកវិញដោយឥតគិតថ្លៃចាប់ពីថ្ងៃទី13 ;- 17 ខែមេសា ឆ្នាំ 2019 ក្នុងពិធីបុណ្យចូលឆ្នាំខ្មែរ។ ឆ្នាំថ្មីខ្មែរនឹងមកដល់ក្នុងពេលឆាប់ៗនេះ ហើយខ្ញុំបានស្នើសុំ ដោយសារខ្ញុំសន្យាថា យើងនឹងមិនយកលុយពីកម្មករ និងអ្នកដទៃសម្រាប់ការធ្វើដំណើររបស់ពួកគេទេ»។

សម្ដេចនាយករដ្ឋមន្ត្រីតែងតែយកចិត្តទុកដាក់ លើជីវភាពរស់នៅរបស់ប្រជាពលរដ្ឋ ជាពិសេសការលំបាកក្នុងការធ្វើដំណើរទៅផ្ទះ ក្នុងអំឡុងពេលពិធីបុណ្យធំៗ ដូចជាបុណ្យចូលឆ្នាំខ្មែរ និងបុណ្យភ្ជុំបិណ្ឌជាដើម។

កាលពីឆ្នាំថ្មី ឆ្នាំ2018 សម្ដេចនាយករដ្ឋមន្រ្តីបានផ្តល់ឡានក្រុងឥតគិតថ្លៃចំនួន 60 គ្រឿងដើម្បីដឹកជញ្ជូនប្រជាពលរដ្ឋធ្វើដំណើរ និងធ្វើដំណើរទៅ និងត្រឡប់មកកាន់រាជធានីភ្នំពេញវិញ ហើយនៅឆ្នាំថ្មី2019 នេះ សម្ដេចនឹងផ្តល់រថយន្តក្រុងឥតគិតថ្លៃចំនួន 200 គ្រឿងក្នុងថ្ងៃឈប់សម្រាកយូរថ្ងៃនាពេលខាងមុខនេះ៕

April 1, 2019

យុវជននៃឈុត U23 កម្ពុជាជាច្រើនរូបអាចជាប់ជម្រើសជាតិក្នុងវគ្គជម្រុះ World Cup

លោក Felix G.Dalmas គ្រូបង្វឹកក្រុមជម្រើសជាតិកម្ពុជាបានបង្ហើបឱ្យដឹងថា ការប្រកួតវគ្គជម្រុះបឋម នៃការប្រកួតពានរង្វាន់ World Cup ដែលនឹងធ្វើការប្រកួតក្នុងខែមិថុនាខាងមុខនេះ អាចនឹងមានសមាជិកនៃឈុតយុវជនអាយុក្រោម២៣ឆ្នាំរបស់កម្ពុជាចូលរួមជាមួយដែរ។

លោកបានបន្ថែមថា លោកនៅតែតាមដានរាល់ការប្រកួតនីមួយៗរបស់កីឡាករទាំងអស់នៃលីកកំពូលរបស់កម្ពុជា ប្រសិនបើពួកគេរីកចម្រើន និងមានកម្រិតអាចប្រកួតប្រជែងជាមួយនឹងរៀមច្បងបាននោះ ច្បាស់ណាស់លោកនឹងជ្រើសយកកីឡាករដែលជាយុវជនហើយ ដោយសារតែគេនៅមានកម្រិតអភិវឌ្ឍន៍ការលេងច្រើនជាងរៀមច្បងដែលមានអាយុច្រើនហើយ។

គួរបញ្ជាក់ផងដែរថា ក្នុងរយៈពេល 2ខែខាងមុខនេះ ក្រុមជម្រើសជាតិកម្ពុជានឹងត្រូវធ្វើការកោះហៅកីឡាករ និងប្រមូលផ្តុំ ដើម្បីត្រៀមខ្លួនក្នុងការប្រកួតវគ្គជម្រុះបឋមនៃការប្រកួតពានរង្វាន់ World Cup ឆ្នាំ2022 នៅប្រទេសកាតារ ដោយរើសយកតែកីឡាករល្អបំផុតសម្រាប់ជម្រើសជាតិកម្ពុជាប៉ុណ្ណោះ៕

April 1, 2019

ណាហ្គាវើលដ៏ ត្រៀមខ្លួនទទួលក្រុមខ្លាំងមកពីសិង្ហបុរី Tampines Rovers ក្នុងពានរង្វាន់ AFC CUP

ណាហ្គាវើលដ៏ ដែលជាជើងឯកលីកកំពូលកម្ពុជាប្រចាំឆ្នាំ2018 ត្រូវមានភារកិច្ចទទួលក្រុមក្តាន់ព្រៃសិង្ហបុរី Tampines Rovers ក្នុងពានរង្វាន់ AFC CUP ជើងទី3 នាថ្ងៃទី2 ខែមេសា ឆ្នាំ2019 នេះ នៅលើទីលានវាលស្មៅសិប្បនិម្មិតនៃពហុកីឡដ្ឋានជាតិ នៅវេលាម៉ោង 5ល្ងាច។

ក្នុងជំនួបនេះផងដែរ គឺជាឱកាសរបស់ក្រុមតំណាងឱ្យកម្ពុជាមួយនេះឡើងទៅឈរនៅលេខ2 ឬកំពូលតារាង ដ្បីតអីកំពុងមាន 3ពិន្ទុ ក្រោយឈ្នះ1 និងចាញ់1 ប្រដំប្រសងជាមួយនឹងក្រុមលេខ1 Hanoi FC (វៀតណាម) តែ 1ពិន្ទុប៉ុណ្ណោះ។ ចំណែកឯក្រុមជើងឯកលីកកំពូលសិង្ហបុរី Tampines Rovers វិញមាន 4ពិន្ទុឈរនៅលេខ2 ដោយប្រកួតឈ្នះ1 និងស្មើ1 (ចាញ់គ្រាប់ចំណេញក្រុមលេខ1)។

គួរបញ្ជាក់ផងដែរថា ក្រុមណាហ្គាវើលដ៍ ឆ្លងកាត់ 2ប្រកួតកន្លងមក ចាញ់ក្រុម Hanoi FC (វៀតណាម) នៅលើទឹកដីវៀតណាម ដោយលទ្ធផល10 ទល់នឹង0 និងឈ្នះក្រុម Yangon United នៅក្នុងទឹកដីខ្លូនឯង ក្នុងលទ្ធផល2 ទល់នឹង1៕

April 1, 2019

លីកកំពូលកម្ពុជាសប្តាហ៍ទី2 កម្រិតប្រកួតប្រជែងមានប្រហាក់ប្រហែលគ្នា

លីកកំពូលកម្ពុជាបានបិទបញ្ចប់ការប្រកួតប្រចាំសប្តាហ៍ទី2 របស់ខ្លួនហើយដែលជាលទ្ធផល មិនទាន់មានក្រុមណាមួយមានពិន្ទុដាច់គេនៅឡើយទេ មានតែក្រុមព្រះខ័នរាជស្វាយរៀងតែមួយគត់ដែលមាន 6ពិន្ទុ ខណៈក្រុមដទៃទៀតមានត្រឹម4ពិន្ទុប៉ុណ្ណោះ។

អ្វីដែលគួរឱ្យចាប់អារម្មណ៍សម្រាប់សប្តាហ៍ទី2 នេះគឺ ក្រុមខ្លាំងបឹងកេតដែលឈ្នះភ្នំពេញក្រោនដល់ផ្ទះកាលពីសប្តាហ៍មុន បែរជាភ្លាត់ស្នៀតចាញ់ក្រុមអគ្គិសនីកម្ពុជាក្នុងអំឡុងពេលចុងម៉ោងក្នុងលទ្ធផល1 ទល់នឹង0។ ចំណែកឯក្រុមជើងឯកលីកកំពូលកម្ពុជា ណាហ្គាវើលដ៍ បែរជាចាញ់ក្រុមក្រសួងការពារជាតិក្នុងលទ្ធផល4 ទល់នឹង2។ ហើយក្រុមអង្គរថាយហ្គឺរ លត់ក្រុមកំពង់ចាមក្នុងលទ្ធផល11 ទល់នឹង0។

ជាលទ្ធផលសម្រាប់សប្តាហ៍ទី២នេះ គេមើលឃើញថា ក្រុមទាំងអស់ហាក់មានកម្រិតប្រកួតប្រជែងគ្នាខ្ពស់ជាងឆ្នាំមុនៗ ដោយសារតែក្រុមទាំងអស់មានពិន្ទុប្រហាក់ប្រហែលគ្នា លើកលែងតែក្រុមសាលាបាល់ទាត់ជាតិបាទី និងក្រុមអាស៊ីអឺរ៉ុប ប៉ុណ្ណោះដែលមិនទាន់មានពិន្ទុរាប់នឹងគេ ឯក្រុមខេត្តកំពង់ចាម គឺជាក្រុមរបូតគ្រាប់បាល់ច្រើនជាងគេ គឺ 11គ្រាប់៕

April 1, 2019

ក្រុមហ៊ុន អ អិម អេ ខេមបូឌា ដឹកនាំបុគ្គលិកជាង៥០០នាក់ ចុះសម្អាតសំរាមនៅមាត់ទន្លេជ្រោយចង្វារ

កាលពីព្រឹកថ្ងៃសៅរ៍ ទី៣០ ខែមិនា ឆ្នាំ២០១៩ លោក ងន សាំង អគ្គនាយកក្រុមហ៊ុន អ អិម អេ ខេមបូឌា បានដឹកនាំបុគ្គលិកជាង៥០០នាក់រួមទាំងដៃគូរពាណិជ្ជករ សហការជាមួយនឹង លោក ម៉ៅ ប៊ុនថា ចៅសង្កាត់ជ្រោយចង្វារ ធ្វើការបោសសំអាត ប្រមូលសំរាមនៅតាមដងផ្លូវ និងច្រាំងទន្លេពីសាលាសង្កាត់ជ្រោយចង្វារ រហូតដល់ផ្លូវមុខសណ្ឋាគារសុខា។

លោក ងន សាំង បានលើកឡើងថា ការប្រារព្ធធ្វើនូវការសំអាតនេះគឺដើម្បីបំផុសដល់ប្រជាជនកម្ពុជាយើងទាំងអស់គ្នាអោយយល់ដឹងអំពីសំរាមនិងកាទទួលខុសត្រូវរបស់ប្រជាជនគ្រប់រូបសំរាប់ការការពារបរិស្ថាន និងទីក្រុងស្អាត។ ឆ្លៀតក្នុងឧកាសនោះផងដែរលោកអគ្គនាយក ក៏បានផ្ដល់ជូនធុងសំរាមចំនួន ២០ធុង ជូនដល់សាលាសង្កាត់ជ្រោយចង្វារសំរាប់ដាក់សំរាមតាមទីសាធារណះ។

គួរបញ្ជាក់ផងដែរថា ក្នុងការចូលរូមសំអាតរយៈពេល ៤ម៉ោងនេះ បានប្រមូលសំរាមជាច្រើនពីទិសដៅដែលបានកំណត់។ តាមរយៈសកម្មភាពនេះគឺចង់បង្ហាញជូនដល់មហាជនទាំងអស់ថាបញ្ហាបរិស្ថាន មិនមែនជាបញ្ហា របស់យើងតែម្នាក់ទេ គឺជារបស់យើងទាំងអស់គ្នា និងគ្រប់មជ្ឈដ្ឋានទាំងអស់ធ្វើយ៉ាងណាដើម្បីទីក្រុង របស់យើងស្រស់ស្អាត និងគ្មានសំរាម។

April 1, 2019

វីឡាដ៏ស្កឹមស្កៃរបស់នាយ ចឺម ជិតរួចរាល់ទាំងស្រុងហើយ

ប្រិយមិត្តស្គាល់ច្បាស់មកហើយនាយ ចឺម អតីតអ្នកកំប្លែងក្រុមនាយ ពែកមី និងជាតារាចម្រៀងប្រចាំផលិតកម្មសាន់ដេ ដែលមានមហាជនគាំទ្រច្រើន ហើយនាយបានផ្អាកពីកំប្លែងអស់រយៈកាលធំ ហើយងាកមកចាប់អាជីពតារាចម្រៀងជាប់ និងកើកលុយបានខ្លាំងជាងមុនគួរឱ្យកត់សម្គាល់។ ដោយឡែកថ្មីៗនេះស្រាប់តែនាយ ចឺម បានបង្ហោះរូបភាពជាច្រើនគណនីអ៊ីនស្តារក្រាម ផ្លូវការរបស់នាយ ស្ដែងឱ្យយប្រិយមិត្តមានការភ្ញាក់ផ្អើលខ្លាំងមែនទែន ជាមួយនឹងទិដ្ឋភាពផ្ទះវីឡាដ៏ធំស្ទើរតែមិនគួរឱ្យជឿ ខណៈលេចចេញរូបរាងបាន 95 ភាគរយហើយ។

សូមរំឭកដែរថា វីឡាថ្មីប្រណីតនេះមានទីតាំងស្ថិតនៅឃុំមហាឫស្ស៊ី ស្រុកគងពិសី ខេត្តកំពង់ស្ពឺ និងចំណាយទឹកប្រាក់បុកគ្រិះអស់ជាង 14 ម៉ឺនដុល្លារសហរដ្ឋអាមេរិក។ ថ្វីបើនៅមានវ័យក្មេងខ្ចីក៏ពិតមែន ប៉ុន្តែតារាចម្រៀងនាយ ចឺម ដែលជាអតីតតារាកំប្លែង ទទួលបានការគាំទ្រខ្លាំងពីសំណាក់ទស្សនិកជន ហើយសម្រាប់ការគាំទ្រដ៏លើសលប់នេះ បានធ្វើឱ្យនាយ ចឺម គេចចេញពីភាពក្រ រហូតក្លាយជាអ្នកមានទ្រព្យសម្បត្តិស្ដុកស្ដម ជួយទំនុកបម្រុងក្រុមគ្រួសារសព្វបែបយ៉ាង។

ចំពោះការងារសិល្បៈបច្ចុប្បន្ននេះ នាយ ចឺម បានចេញបទចម្រៀងប្រជាប្រិយ និងកន្ទ្រាក់អារម្មណ៍ត្រៀមសម្រាប់ចូលឆ្នាំថ្មីប្រពៃណីខ្មែរខាងមុននេះ ជាច្រើនបទផងដែរ ជាក់ស្ដែងដូចជាបទ « ទៅគេសុំទោស » កំពុងតែមានការផ្ទុះខ្លាំងនៅលើបណ្ដាញសង្គមហ្វេសប៊ុកផងដែរ។

ចង់ដឹងថា វីឡានាយចឺម ប្រណីត និងស្កឹមស្កៃប៉ុនណានោះ សូមទស្សនារូបភាពខាងក្រោមនេះ ៖

April 1, 2019

រកឃើញម្ចាស់មកុដ Miss Universe Cambodia 2019

ពីតជាកក្រើកខ្លាំងមែនទែន ខណៈដែលកម្មវិធី Miss Universe Cambodia 2019 បានរកឃើញម្ចាស់មកុដតំណាងប្រទេសកម្ពុជាកាលពីយប់មិញនេះ ។ ជារៀងរាល់ឆ្នាំ កម្មវិធីលំដាប់អន្ដរជាតិមួយនេះ តែងតែប្រកាស និងស្វែងរកបេក្ខភាពស្រីៗដែលមានរូបសម្បតិ្តស្រស់ស្អាត ផ្គួបផ្សំនឹងចំណេះដឹង សមត្ថភាពដ៏ល្អរបស់ពួកគេ ដើម្បីធ្វើការគ្រងមកុដ បន្តទៅប្រកួតនៅក្នុងកម្មវិធីមួយនេះ ដែលមានការចូលរួមពីបណ្តាប្រទេសជាច្រើន។

យប់មិញនេះ ក្រោយពីបានធ្វើការឆ្លងកាត់ការប្រលងជម្រុះនៅក្នុងប្រទេសរួចមក ពេលនេះក៏រកឃើញម្ចាស់មកុដហើយ ដែលបានទៅលើ កញ្ញាសំណាង អេលីណា ដែលនឹងត្រូវទៅចូលរួមប្រកួត នៅក្រៅប្រទេសក្នុងពេលឆាប់ៗខាងមុខនេះ។

ដោយមើលឃើញពីសមត្ថភាពដ៏ល្អឥតទាស់ បូករួមនឹងសម្រស់ស្រស់ស្អាតបែបធម្មជាតិ ធ្វើឱ្យមហាជនជាច្រើន ពិតជាពេញចិត្តយ៉ាងខ្លាំង ដែលនាងពិតជាសាកសមជាមួយនឹងម្ចាស់ម្កុជតែម្តង។ តាមរយៈដំណឹងដ៏ល្អមួយនេះ អ្នកគាំទ្រជាច្រើន ក៏បានធ្វើការចូលរួមអបអរសាទរដល់នាង ដែលទទួលបានជ័យលាភីបែបនេះ មិនត្រឹមតែប៉ុណ្ណោះ នៅក្នុងនោះក៏មានការជូនពរ ដល់បវរកញ្ញារូបនេះកាន់តែជោគជ័យនៅពេលឡើងឆាកអន្ដរជាតិថែមទៀតផងដែរ៕

សូមទស្សនារូបភាពខាងក្រោមនេះ៖

April 1, 2019

គ្រួសារតារាកម្ពុជាកាន់តែធ្វើឱ្យកក្រើកខណៈបង្ហាញឈុតបុរាណនិងឈុតធម្មជាតិយ៉ាងប្រណីត

នៅក្នុងពិធីខួបប្រចាំឆ្នាំរបស់ទូរទស្សន៍អប្សរាកាលពីយប់ថ្ងៃទី៣០ មីនា គ្មានអ្នកណាមិនចាប់អារម្មណ៍នោះទេ ជាមួយនឹងរូបសម្រស់ដ៍ស្រស់ផូរផង់របស់សមាជិកក្នុងពេលតារាទាំងនោះ គ្រងឈុតបុរាណ និង Fashion នៅលើវេទិកាដែលកុះករដោយភ្ញៀវកិត្តិយស និងតារាសិល្ប:។ ទាំងឈុតបុរាណ និងសម័យ សុទ្ធតែធ្វើឲ្យគ្រួសារតារាកម្ពុជា ដែលតំណាងដោយតារាទាំងនោះលេចធ្លោរ និងដក់ជាប់ក្នុងអារម្មណ៍អ្នកទស្សនាគ្រប់គ្នា។

វេទិកាជប់លៀង និងមានការប្រគំតន្ត្រីជាទ្រង់ទ្រាយធំនោះរួមមាន តារាល្បីៗយ៉ាងច្រើនកុះករចូលរួមទាំងការបង្ហាញវត្តមានជាភ្ញៀវកិត្តិយស និងច្រៀងរាំ។ យ៉ាងណាមិញ គេនៅតែកត់សម្គាល់ឃើញថា សកម្មភាពដើរម៉ូដដែលរៀបចំដោយគ្រួសារតារាកម្ពុជា នៅតែលេចធ្លោរខ្លាំងក្លារជាងគេ ក្នុងក្រសែភ្នែកអ្នកទស្សនា និងភ្ញៀវកិត្តិយសទាំងរាប់រយនាក់នារាត្រីនោះ។

តារាៗ មិនថាគ្រងឈុតសម័យ Fashion និង ឈុតក្នុងសម័យបុរាណ គឺសុទ្ធតែទទួលបានការចាប់អារម្មណ៍ទាំងលើឆាក និងក្រៅឆាក គួរឲ្យកត់សម្គាល់។ តារាដែលបានគ្រងឈុតចម្រុះសម័យកាលនៅក្នុងវេទិកានោះរួមមាន លោក រុន ណាកូ ម្ចាស់ពានឈុតបុរាណដៃគូរបស់កញ្ញា បេប៊ី កាលពីឆ្នាំមុន គ្រងឈុតព្រះបាទជ័យវរ្ម័នទី៧, អ្នកនាងចាន់ ផល្លារ អតីតពិធីការិនីប៉ុស្តិ៍លេខ៩ គ្រងឈុតព្រះនាងឥន្ទ្រទេវី, លោក ឆាលី និង តារាកូនកាត់លោក អេឡិក គ្រងឈុតសេនាក្នុងសម័យអង្គរ, លោក សន សុវណ្ណារ៉ា ពិធីករ គ្រងឈុតព្រះមហាក្សត្រក្នុងសម័យចតុមុខ, កញ្ញា កែ ច័ន្ទកេសី តារាបង្ហាញម៉ូដ គ្រងឈុតអគ្គមហេសីក្នុងសម័យចតុមុខ, លោក ឃីម រតន: តារាសម្ដែងដែលគេស្គាល់ភាគច្រើនជាតួបងធំ គ្រងឈុតសម័យឩដុង្គ, កញ្ញា ស្រីកា RA គ្រងឈុតសម័យឧដុង្គ, អ្នកនាង ឯក សុវណ្ណរ័ត្ន តារាសម្ដែង គ្រងឈុតអគ្គមហេសីសម័យឧដុង្គ, លោក សុវណ្ណ ដុល្លារ តារាចម្រៀង និងជាតារាសម្ដែង គ្រងឈុតមហាក្សត្រក្នុងសម័យឧដុង្គ។

ដោយឡែកសម្រាប់តារាដែលគ្រងឈុតFashion និងសម័យទំនើបវិញរួមមាន កញ្ញា ភី សម័យ តារាសម្ដែងភេទទី៣ដែលសម្រស់នារីពិតខ្លះមិនដូរ បានគ្រងដោយរ៉ូបរំលេចដោយវល្លិ៍បង្ហាញពីធម្មជាតិ, កញ្ញា វ៉ាន់ លីលី តារាសម្ដែង គ្រង់ឈុតរំលេចដោយរុក្ខជាតិ បង្ហាញពីការស្រលាញ់ព្រៃឈើ, កញ្ញា ណាតាហ្សា តួឯកស្រីរឿង”កំណត់ហេតុនាងនាថ” គ្រងឈុតបង្ហាញពីបរិស្ថានបៃតង និងការស្រលាញ់ធម្មជាតិដូចគ្នា ខណ:ដែលកញ្ញា ភីយ៉ា តារាសម្ដែងកំពុងឡើងកូដ គ្រងឈុតផ្កាចម្រុះ បង្ហាញពីភាពស្រស់ស្អាតនៃធម្មជាតិ ដែលឈុតFashion ទាំងនេះ កែច្នៃដោយបូរ៉ានិកកាត់ដេរ។ សម្រាប់បុរសសង្ហារ៤រូបដែលចូលរួមបង្ហាញឈុតសម័យលូយឆាយនារាត្រីនោះដែររួមមាន លោក ព្រហស្បតិ៍ថារ៉ូត តារាសម្ដែង, លោក ឯករាវ័ន្ត, លោក Peter Prince, និង ព័ន្ធរត្ននី។

ចង់ដឹងថា តារាៗដែលបានគ្រងឈុតបុរាណ និងសម័យបែបFashion ទាំងនោះមានសម្រស់ស្រស់ស្អាតយ៉ាងណាតោះទស្សនារូបភាព៖