អ្នកដែលលួច Crush គេ ទោះបីជាមិត្តភក្ដិ មិនប្រើ Facebook Dating ក៏អ្នកនៅតែអាចដាក់គេចូលក្នុងបញ្ជី Secret Crush បានដែរ។
កន្លងមកធ្លាប់មានកម្មវិធីរកគូមួយឈ្មោះ Bang With Friends តែមិនទទួលបានជោគជ័យកាលពីប៉ុន្មានឆ្នាំមុន ដូចនេះវានឹងត្រូវជំនួសដោយមុខងារSecret Crush នេះវិញ។
សម្រាប់ Facebook Dating បានដាក់ដំណើរការចាប់ពីថ្ងៃនេះនៅក្នុងប្រទេសហ្វីលីពីន ថៃ វៀតណាម សិង្ហបុរី ម៉ាឡេស៊ី ឡាវ ប្រេស៊ីល ប៉េរូ ឈីលី បូលីវី អេក្វាទ័រ ប៉ារ៉ាហ្គាយ អ៊ុយរុយហ្គាយ ហ្គូយ៉ាណា និងស៊ូរីណាម។
ប្រទេសដែលកំពុងស្ថិតក្នុងដំណាក់កាលសាកល្បងនៃមុខងារនេះមានដូចជាកូឡុំប៊ី មិកស៊ី អាហ្សង់ទីន និងកាណាដា ហើយសហរដ្ឋអាមេរិកនឹងមានប្រើនៅចុងឆ្នាំនេះ៕
Author: អេបិល
ក្រៅពី Facebook Dating នៅមានមុខងារ Secret Crush មួយទៀតនឹងមកដល់ខ្មែរឆាប់ៗនេះ
ការប្រកួតបាល់ទាត់ពានរង្វាន់ HUN SEN CUP 2019 មានអ្នកគាំទ្រច្រើនជាងឆ្នាំមុនៗ
តាមរយៈទិន្នន័យរបស់គណៈកម្មការរៀបចំការប្រកួតបាល់ទាត់ជាតិកម្ពុជា (CNCC) ចំនួនអ្នកចូលរួមទស្សនាការប្រកួតផ្ទាល់ក្នុងវគ្គ 16ក្រុមចុងក្រោយនៃក្របខ័ណ្ឌពានរង្វាន់សម្ដេចអគ្គមហាសេនាបតីតេជោ ហ៊ុន សែន លើកទី13 ថ្នាក់ខេត្ត គឺមានសរុបជិត 4ពាន់នាក់។
ការប្រកួតបានប្រព្រឹត្តទៅនៅលើទីលាន 8ខេត្តផ្សេងគ្នា ខណៈដែលខេត្តរតនគិរីជាប់លេខ1 ជាខេត្តដែលមានអ្នកគាំទ្រចូលទស្សនាច្រើនជាងគេបំផុតរហូតដល់ទៅ 1,042នាក់ ហើយលេខ2 បានទៅខេត្តត្បូងឃ្មុំដែលមានចំនួន 900នាក់។
ស្ថិតិអ្នកចូលរួមទស្សនាផ្ទាល់តាមបណ្ដាការប្រកួតនីមួយៗមានដូចតទៅ៖
ខេត្តរតនគិរី ប្រកួតជាមួយ ខេត្តតាកែវ 1,042នាក់
ខេត្តត្បូងឃ្មុំ ប្រកួតជាមួយ ខេត្តពោធិ៍សាត់ 900នាក់
ខេត្តកែប ប្រកួតជាមួយ ខេត្តបន្ទាយមានជ័យ 572នាក់
ខេត្តកោះកុង ប្រកួតជាមួយ ខេត្តស្វាយរៀង 530នាក់
ខេត្តសៀមរាប ប្រកួតជាមួយ ខេត្តកំពង់ស្ពឺ 300នាក់
ខេត្តព្រៃវែង ប្រកួតជាមួយ ខេត្តបាត់ដំបង 285នាក់
ខេត្តកំពត ប្រកួតជាមួយ ខេត្តមណ្ឌលគិរី 250នាក់
ខេត្តកំពង់ធំ ប្រកួតជាមួយ ខេត្តព្រះវិហារ 100នាក់៕
ខេត្តកំពត ក្លាយជាខេត្តទី2 ដែលមានភ្លើងបំភ្លឺកីឡដ្ឋាន
ចាប់ពីពេលនេះតទៅ អ្នកនិយមកីឡាបាល់ទាត់ និងការហាត់ប្រាណផ្សេងៗនៅខេត្តកំពតអាចធ្វើការលេងកីឡាបាននៅពេលរាត្រីហើយ ដោយសារតែមានអំពូលភ្លើងបំភ្លឺក្នុងកីឡដ្ឋាន។
កាលពីថ្ងៃទី26 ខែមេសា ឆ្នាំ2019 ក្រុមវិស្វករបានដំឡើងបង្គោលភ្លើងបំភ្លឺទីលានបាល់ទាត់នៃកីឡដ្ឋានខេត្តកំពត ដោយបានដាក់បង្គោលចំនួន4 ជុំវិញទីលាន។ ក្នុងនោះដែរនឹងធ្វើឱ្យខេត្តនេះអាចធ្វើការប្រកួតកីឡាបាល់ទាត់ និងកីឡាផ្សេងៗទៀតបានក្នុងពេលរាត្រីហើយ មិនត្រឹមតែប៉ុណ្ណោះវានឹងធ្វើឱ្យកីឡដ្ឋានខេត្តកំពតក្លាយជាកីឡដ្ឋានលំដាប់ថ្នាក់ខេត្តទី2 ដែលមានភ្លើងបំភ្លឺសម្រាប់ប្រកួតក្នុងពេលរាត្រីបន្ទាប់ពីខេត្តសៀមរាប៕
ភ្នំពេញក្រោន បាត់បង់កីឡាករបរទេសចំនួន 3រូប ដោយសារបញ្ហារបួសទាំងអស់
កាលពីពេលថ្មីៗនេះ ភ្នំពេញក្រោនបានបញ្ចប់កុងត្រារបស់កីឡាករខ្សែការពារសញ្ជាតិប្រេស៊ីល Jhonata Sant’anna Da Silva បន្ទាប់ពីកីឡាកររូបនេះរងរបួសជង្គង់ធ្ងន់ធ្ងរក្នុងជំនួបជាមួយក្រុមព្រះខ័នរាជស្វាយរៀង ដែលត្រូវការពេលវេលាយ៉ាងតិចណាស់ 6 ទៅ 8ខែ ទើបរូបគេអាចវិលមកកាន់ទីលានវិញបាន។
ដោយសារស្ថានការណ៍បែបនេះ បានធ្វើឱ្យកីឡាករ Sant’anna Da Silva ក្លាយជាកីឡាករបរទេសទី3 ដែលក្លិបបាល់ទាត់ភ្នំពេញក្រោនសម្រេចបញ្ចប់កុងត្រាដោយសារបញ្ហារបួស ទាំងដែលការប្រកួតទើបតែចាប់ផ្ដើមបានប៉ុន្មានប្រកួតតែប៉ុណ្ណោះ ក្រោយពីកីឡាករសញ្ជាតិកូរ៉េខាងត្បូង Tae Woong Kim និងកីឡាករ Darlan Martins ដែលសុទ្ធតែបញ្ចប់កិច្ចសន្យាដោយសារបញ្ហារបួសដូចគ្នា៕
លទ្ធផលសប្តាហ៏ទី1 ការប្រកួតកម្មវិធី Smart Youth League 2019
ការប្រកួតបាល់ទាត់ក្នុងពានរង្វាន់ Smart Youth League 2019 បានបញ្ចប់សប្តាហ៍ទី1 ហើយដោយមានការប្រកួតសរុបចំនួន 14ប្រកួត ហើយការប្រកួតចំនួន3 ត្រូវបានពន្យារពេលដោយសារតែបញ្ហាភ្លៀងធ្លាក់។ ចំពោះលទ្ធផលនៃការប្រកួតខាងលើមានដូចជា៖
ប្រកួតក្នុងកម្រិតអាយុក្រោម 12ឆ្នាំ៖
ក្រុមបាល់ទាត់នគររាជ លទ្ធផល 27 – 0 ក្រុម Elite Soccer Coaching
ក្រុមកីឡាករសហគមន៍ អាយុក្រោម 11ឆ្នាំ លទ្ធផល 1 – 6 ក្រុម Prak Football Academy
ប្រកួតក្នុងកម្រិតអាយុក្រោម 14ឆ្នាំ៖
ក្រុមក្រាំងពង្រ លទ្ធផល 3 – 1 ក្រុមអេលីត អាយុក្រោម 13ឆ្នាំ
ក្រុម PSE លទ្ធផល 0 – 8 ក្រុមយុវជនថ្នាល អាយុក្រោម 14ឆ្នាំ
ក្រុមកីឡាករសហគមន៍ អាយុក្រោម 13ឆ្នាំ លទ្ធផល 2 – 1 ក្រុមកីឡាករសហគមន៍ អាយុក្រោម 14ឆ្នាំ
ក្រុម Two Lion ៨ – ០ ក្រុមសាលាអន្តរជាតិ GFL
ប្រកួតក្នុងកម្រិតអាយុក្រោម 17ឆ្នាំ៖
ក្រុមអគ្គិសនីកម្ពុជា អាយុក្រោម 16ឆ្នាំ លទ្ធផល 1 – 0 ក្រុមអេលីត អាយុក្រោម 17ឆ្នាំ
ក្រុមយុវជនសម្ព័ន្ធ លទ្ធផល 2 – 1 សាលាព្រះខ័នរាជស្វាយរៀង
ក្រុមយុវជនកងទ័ពជើងទឹក លទ្ធផល 2 – 0 ក្រុមអេលីត អាយុក្រោម 15ឆ្នាំ
ក្រុម Transformer លទ្ធផល 0 – 2 ក្រុមយុវជនថ្នាល អាយុក្រោម 16ឆ្នាំ
ប្រកួតក្នុងកម្រិតអាយុក្រោម 20ឆ្នាំ៖
ក្រុមកីឡាករសហគមន៍ អាយុក្រោម 19ឆ្នាំ B លទ្ធផល 1 – 8 ក្រុម Bayon Empire FT
ក្រុមយុវជនថ្នាល អាយុក្រោម 18ឆ្នាំ លទ្ធផល 18 – 0 ក្រុមអាទិច្ចវង្ស
ក្រុម King of Eagle លទ្ធផល 0 – ក្រុមកីឡាករសហគមន៍ អាយុក្រោម 19ឆ្នាំ A
ក្រុមជើងព្រៃ លទ្ធផល 1 – 3 ក្រុម PSE
ចិន បញ្ឈរជើង Fabio Cannavaro ក្រោយដឹកនាំក្រុមជម្រើសជាតិចិន បាន 2ប្រកួត
អតីតកីឡាករជម្រើសជាតិអ៊ីតាលីដែលជួយឱ្យអ៊ីតាលីលើកពាន World Cup 2010 លោក Fabio Cannavaro ត្រូវបានសហព័ន្ធកីឡាបាល់ទាត់ចិន ប្រកាសដកពីតំណែង ក្រោយពីដឹកនាំក្រុមជម្រើសជាតិចិនបាន 2ប្រកួត ចាញ់ទាំង 2ប្រកួត។
កាលពីប្រមាណជាង 2ខែមុន លោក Fabio Cannavaro បានចូលដឹកនាំក្រុមជម្រើសជាតិចិន យ៉ាងតក់ក្រហល់ ក្រោយពីទទួលបានការតែងតាំងពីសំណាក់សហព័ន្ធកីឡាបាល់ទាត់ចិនតែប្រមាណជា 1សប្តាហ៍តែប៉ុណ្ណោះ។ រយៈពេលរៀបចំក្រុមតែជាង1សប្តាហ៍នេះ បានធ្វើឱ្យក្រុមជម្រើសជាតិចិន ចាញ់ក្រុមថៃ និង អ៊ូបេគីស្ថាន ទទួលបានចំណាត់ថ្នាក់លេខ4 ក្នុងចំណោម 4ប្រទេសដែលចូលរួមប្រកួតពានរង្វាន់ China Cup ដែលចិនធ្វើជាម្ចាស់ផ្ទះ៕
វីង និងវេស្ទើនយូនៀន បង្កើនកិច្ចសហការលើសេវាផ្ទេរប្រាក់អន្តរជាតិនៅលើកម្មវិធីទូរស័ព្ទ
សេវាផ្ទេរប្រាក់អន្តរជាតិតាមប្រព័ន្ធឌីជីថលនៅលើទូរស័ព្ទទូទៅកាន់ប្រទេសជាង២០០ប្រទេស ត្រូវបានដាក់ឲ្យប្រើ ប្រាស់ជាលើកដំបូងសម្រាប់អតិថិជនជាងមួយលាននាក់របស់ធនាគារឯកទេសវីង នៅក្នុងប្រទេសកម្ពុជា ដែលកំពុងប្រើប្រាស់កម្មវិធីស្មាតហ្វូនវីង តាមរយៈកិច្ចសហការរវាងក្រុមហ៊ុន វេស្ទើន យូនៀន ដែលជាអ្នកនាំមុខគេក្នុងការផ្ទេរប្រាក់ទូទាំងពិភពលោក និង ធនាគារឯកទេសវីង (ខេមបូឌា) លីមីតធីត ដែលជាក្រុមហ៊ុនឈានមុខគេផ្នែក សេវាកម្មធនាគារចល័តនៅកម្ពុជា។
ដោយគ្រាន់តែចុច ពីរឬបីដំណាក់កាល នៅលើកម្មវិធីស្មាតហ្វូនវីង អតិថិជនអាចធ្វើការផ្ទេរប្រាក់តាមរយៈ វេស្ទើន យូនៀន ទៅកាន់ក្រុមគ្រួសារនិងមនុស្សជាទីស្រលាញ់របស់ពួកគេបានភ្លាមៗ ២៤ ម៉ោងលើ ០៧ថ្ងៃ ទៅកាន់ជាង ២០០ប្រទេសជុំវិញពិភពលោក។
ភាពងាយស្រួលតាមរយៈការប្រើម្រាមដៃចុចនេះ គឺអាចធ្វើបានសម្រាប់គ្រប់អតិថិជនវីង ដែលមានកម្មវិធីស្មាតហ្វូន វីង នៅក្នុងទូរស័ព្ទដៃរបស់ពួកគេ មិនថាជាបុគ្គលិកបម្រើការងារជាតិ និងអន្តរជាតិ។ អតិថិជនមានជម្រើសក្នុងការផ្ទេរប្រាក់ដោយផ្ទាល់ពីគណនីរបស់ធនាគារ ឬតាមរយៈកាបូបឌីជីថលនៅក្នុងកម្មវិធីស្មាតហ្វូនវីង ដែលពួកគេអាច ដាក់ប្រាក់នៅភ្នាក់ងារវីងជាង ៦,000 កន្លែង ដើម្បីធ្វើការផ្ទេរប្រាក់។ លោកស្រី សូហ៊ីនី រ៉ាចូលី អនុប្រធានតំបន់អាស៊ីខាងត្បូង និងឥណ្ឌូចិន នៃ វេស្ទើន យូនៀន មានប្រសាសន៍ថា ”សេវាកម្មរបស់យើង ផ្តល់ជាដំណោះស្រាយសម្រាប់ការចលនាប្រាក់ឆ្លងកាត់ប្រទេសនៅទូទាំងពិភពលោក។ ដោយមមានជំនាញផ្នែកសេវាកម្មហិរញ្ញវត្ថុ និងបច្ចេកវិទ្យាដើម្បីភ្ជាប់ពិភពឌីជីថលនិងពិភពផ្ទាល់នៃការផ្ទេរប្រាក់ យើងមានជំហររឹងមាំក្នុងការផ្តល់អំណាចដល់អតិថិជនដោយផ្តល់នូវដំណោះស្រាយដែលឆ្លើយតបនឹងតម្រូវការហិរញ្ញវត្ថុរបស់អតិថិជន។”
លោកស្រី រ៉ាចូលី មានប្រសាសន៍បន្តថា ”ការផ្ទេរប្រាក់គឺជាប្រភពប្រាក់ចំណូលដ៏សំខាន់សម្រាប់គ្រួសារជាច្រើនដែលនេះគឺជាការពិតសម្រាប់គ្រួសារដែលរស់នៅប្រទេសកម្ពុជា និងសម្រាប់ជនអន្តោប្រវេសន៍ ក៏ដូចជាសាច់ញាតិ របស់ពួកគេដែលរស់នៅក្រៅប្រទេស។ ការផ្សាភ្ជាប់អតិថិជនជាមួយក្រុមគ្រួសាររបស់ពួកគេគឺជាគន្លឹះ ហើយវាជា ការចាំបាច់ក្នុងការផ្តល់ភាពងាយស្រួលបំផុតសម្រាប់ពួកគេ។ ជាមួយនឹងការកើនឡើងនូវប្រជាប្រិយភាពនៃទូរស័ព្ទចល័តនិងការប្រើប្រាស់អ៊ិនធឺណិត យើងមានការរំភើបរីករាយក្នុងការពង្រីកសេវាកម្មរបស់យើងជាមួយវីងដើម្បីផ្តល់ជូនអតិថិជននូវជម្រើសក្នុងការផ្ទេរប្រាក់តាមប្រព័ន្ធឌីជីថល ដើម្បីផ្តល់ភាពងាយស្រួលដល់ អតិថិជនក្នុងការ ផ្ទេរ ប្រាក់តាមមធ្យោបាយដែលពួកគេចង់បាននិងដើរតួយ៉ាងសំខាន់ក្នុងជីវិតរបស់ពួកគេ និងសេដ្ឋកិច្ចសកលលោក។”
លោក ចូចូ ម៉ាឡូឡូស អគ្គនាយកធនាគារឯកទេសវីង មានប្រសាសន៍ថា ”កាលពីឆ្នាំមុន យើងបានប្រកាសពីកិច្ចសហការរបស់យើងជាមួយ វេស្ទើន យូនៀន រួចមកហើយ ដែលបានអនុញ្ញាតឱ្យអតិថិជននៅក្នុងប្រទេសកម្ពុជាក្នុងការទទួលប្រាក់តាមរយៈភ្នាក់ងារវីង ដែលមានផ្តល់សេវាកម្មទទួលប្រាក់ដែលផ្ទេរតាម វេស្ទើន យូនៀន ដែលជាផ្នែកមួយនៃយុទ្ធនាការ វីងទៅកាន់ពិភពលោក របស់យើង។ សេវាកម្មទទួលប្រាក់ដែលផ្ទេរតាមរយៈ វេស្ទើន យូនៀន រហូតដល់ ១០០០ ភ្នាក់ងារវីងនៅទូទាំងប្រទេស។ នៅក្នុងថ្ងៃនេះ តាមរយៈសេវាកម្មវេស្ទើនយូនៀន នៅលើ កម្មវិធី ស្មាតហ្វូនវីងរបស់យើង យើងមានសេចក្តីរីករាយក្នុងការនាំយកកិច្ចសហការគ្នាទៅរកកម្រិតមួយទៀតដែលអាចឲ្យជនអន្តោប្រវេសន៍ អ្នកដែលមិនមានគណនីធនាគារ ឬមិនធ្លាប់ប្រើប្រាស់សេវាកម្មធនាគារ និងពលករបរទេសដើម្បីងាយស្រួលក្នុងការផ្ទេរប្រាក់ភ្លាមៗ ២៤ម៉ោងលើ០៧ ថ្ងៃ ទៅកាន់ក្រុមគ្រួសារ និងអ្នកនៅក្នុងបន្ទុកនៅផ្ទះនិងនៅទូទាំងពិភពលោក។ ”
លោក ម៉ាឡូឡូស មានប្រសាសន៍បន្តថា ”ការប្តេជ្ញាចិត្តរបស់យើងចំពោះអតិថិជនគឺមិនចេះរីងស្ងួតទេ ហើយយើងនឹងមិនឈប់ត្រឹមនេះទេ។ យើងមានផែនការបន្តពង្រីកនិងបង្កើនលទ្ធភាពបន្ថែមទៀតដើម្បីផ្តល់ជូននូវបទពិសោធន៍បន្ថែមដ៏ងាយស្រួលសម្រាប់អតិថិជន។”ក្រៅពីសេវាកម្មផ្ទេរប្រាក់ក្នុងស្រុកនិងអន្តរជាតិ អតិថិជនអាចធ្វើប្រតិបត្តិការផ្សេងៗទៀតនៅលើកម្មវិធីស្មាតហ្វូនវីងរួមមាន បញ្ចូលទឹកប្រាក់ទូរស័ព្ទ ទូទាត់វិក្កយបត្រ ទូទាត់តាមអ៊ិនធឺណេត និងដោយស្កេនកូដ QR និងផ្សេងៗទៀត។
គង់ ច័ន្ទស្រីមុំ គ្រងតំណែងអ្នកតំណាងផលិតផលថែរក្សាសម្រស់«Vianne’» ម៉ាកល្បីបំផុតពីប្រទេសថៃ
ប្រិយមិត្តបានជ្រាបរួចមកហើយថា តារាសម្ដែងទទួលបានជោគជ័យ ទាំងការងារជំនួញ និងការងារសិល្បៈ អ្នកនាង គង់ ច័ន្ទស្រីមុំ ដែលនេះជាលើកដំបូងហើយដែលអ្នកនាងព្រមទទួលឈ្មោះ ជាឯកអគ្គរាជទូតសុឆន្ទៈ ដែលតំណែងនេះ អ្នកនាងបានបដិសេធអស់រយៈពេលជាច្រើនឆ្នាំមកហើយ។ អ្នកនាងត្រូវបានមិត្តភក្តិរបស់ខ្លួនដែលបានរាប់អានគ្នា ជិត១០ឆ្នាំមកហើយនោះ បានបើកជំនួញថ្មី ជ្រើស រើសឲ្យធ្វើជាឯកអគ្គរាជទូតសុឆន្ទៈ តំណាងផលិតផលថែរក្សាសុខភាព និងសម្រស់ម៉ាកល្បីបំផុតមកពីប្រទេសថៃ មាន ឈ្មោះថា «Vianne’» ។
តារាសម្ដែង នៅតែរក្សាសម្រស់បានក្មេងជាងវ័យ អ្នកនាង គង់ ច័ន្ទស្រីមុំ បានលើកឡើងថា មូលហេតុដែលនាងព្រមទទួល ធ្វើជាអ្នកតំណាងផលិតផលមួយនេះ ក៏ព្រោះម្ចាស់ក្រុមហ៊ុន នាំចូលផលិតផល គឺជាមិត្តភក្តិរបស់នាង និងប្ដី គឺលោក គឹម សីហា ដោយបានរាប់អានគ្នាអស់រយៈពេលជិត ១០ឆ្នាំមកហើយ ពោលគឺដោយសារតែមិត្តភាព ដែលមិនអាចកាត់ផ្ដាច់បាននេះហើយ ទើបជំរុញឲ្យនាងព្រម ទទួលការងារនេះ ទាំងដែលនាងមិនធ្លាប់ទាល់តែសោះ។
គង់ ច័ន្ទស្រីមុំ បន្តថា ទោះបីជាខ្លួនបានទទួលជាអ្នកតំណាងផលិតផល នាំចូលមកពីបរទេសក្ដី ប៉ុន្តែមិនប៉ះពាល់ ដល់ផលិតផល «ម៉ូម៉ូ» របស់ខ្លួន នោះទេ ព្រោះតែផលិតផលដែលនាងធ្វើជា ឯកអគ្គរាជទូតសុឆន្ទៈនេះ គឺជា ប្រភេទឱសថរក្សាសម្រស់ និងទ្រទ្រង់សុខភាពអ្នកប្រើប្រាស់ ចំណែកឯផលិតផល ម៉ូម៉ូ របស់នាងផ្ទាល់ គឺសម្រាប់កែសម្ផស្ស និងលាបពីខាងក្រៅប៉ុណ្ណោះ។
គង់ ច័ន្ទស្រីមុំ បានសង្កត់ធ្ងន់ថា ទោះបីជាការងារជាឯកអគ្គរាជទូតសុឆន្ទៈ តំណាងផលិតផលមួយ ជាការងារ លើកដំបូងរបស់នាងក្ដី ប៉ុន្តែនាងមិនខ្លាចការប្រកួតប្រជែង ក្នុងទីផ្សារផលិតផលឡើយ ព្រោះតែនាងមានទំនុក ចិត្តខ្ពស់ចំពោះខ្លួនឯង និងការដាក់យុទ្ធសាស្រ្តទីផ្សារច្បាស់លាស់ នៅក្នុងជំនួញមួយនេះ ខណៈដែលនាងធ្លាប់ ទទួលបានជោគជ័យ ជាច្រើនមកហើយ ក្នុងពិភពជំនួញ។
សូមបញ្ជាក់ថា សម្រាប់តារាសម្ដែង គង់ ច័ន្ទស្រីមុំ ត្រូវបានមហាជនសង្កេតឃើញថា ចាប់តាំងពីនាងមានគ្រួសារ និងទទួលបានកូនស្រីម្នាក់ ជាចំណងដៃរួចមក នាងហាក់មានភាពឃ្លាតឆ្ងាយបន្តិច ពីការងារសិល្បៈ ព្រោះតែ នាងបានងាកទៅពង្រឹង លើការងាររកស៊ី និងយកចិត្តទុកដាក់លើសុភមង្គលគ្រួសារ ខណៈដែលក្នុងវិស័យ សិល្បៈ គឺនាងបង្ហាញខ្លួនតែក្នុងកម្មវិធីជួបជុំ អ្នកសិល្បៈដូចគ្នា ដែលត្រូវបានអញ្ជើញចូលរួមប៉ុណ្ណោះ៕
ស្រាបៀរ ABC Extra Stout ប្រកាសបើកកម្មវិធី ABC Lions of Fashion
រាជធានីភ្នំពេញ៖ ថ្ងៃទី 1 ខែឧសភា ឆ្នាំ 2019 – ABC Extra Stout បានប្រកាសបើកកម្មវិធី ABC Lions of Fashion នៅហាង The K’s Lounge Bar នៅថ្ងៃទី 30 ខែមេសា ឆ្នាំ 2019 ។ (more…)
សិល្បករខ្មែរជាច្រើនរូប រំលេចក្រមាខ្មែរក្នុងប្រកួតបុរសនារីឯកវាយនភណ្ឌ
ការប្រកួតបុរសនារីឯកវាយនភណ្ឌលើកទី៥ កាលពីថ្ងៃទី១ ឧសភា នៅស្ទីឌីយោទូរទស្សន៍បាយ័ន ក្រៅពីចាប់អារម្មណ៍លើកការប្រកួត របស់បេក្ខជន និងបេក្ខនារី ដែលសុទ្ធសឹងតែជាតំណាង ពីរោងចក្រកាត់ដេរនានា នៅក្នុងវេទិកានោះ ក៏មានការចាប់អារម្មណ៍លើសិល្បករមួយក្រុម ដែលពួតដៃគ្រងឈុតបែបខ្មែរ គឺហូលផាមួង និងអាវកត្រង់ជាដើម ហើយរំលេចក្រមាខ្មែរយ៉ាងស្រុះដៃ គ្នាផងដែរ។ (more…)