អេបិល - La Reine Media

អាចទេ?? ស៊ែរលើកទឹកចិត្តលោកគ្រូ អុល សំអាង តស៊ូអភិរក្សល្ខោនបាសាក់ទាំងត្រដាបត្រដួស

មកទល់ពេលនេះ គេកាន់តែកត់សម្គាល់ថា វង់ល្ខោនបាសាក់ ស្ទើរតែឈានដល់ដង្ហើមចង្រឹតទៅហើយ ដោយសារតែខ្វះការគាំទ្រ និងខ្វះការជ្រោមជ្រែងពីប្រព័ន្ធផ្សព្វផ្សាយនៅក្នុងកម្មវិធីទូរទស្សន៍។ យ៉ាងណាមិញ គេនៅតែឃើញមេក្រុមវង់ល្ខោនមួយចំនួន បន្តការតស៊ូក្នុងការអភិរក្សទម្រង់សិល្បៈនេះ បើទោះជាទីផ្សារល្ខោនបាសាក់កាន់តែចុះខ្សោយខ្លាំង។

លោកគ្រូ អុល សំអាង មេក្រុមល្ខោនបាសាក់វង់អុលសំអាង រាជធានីភ្នំពេញ បានរៀបរាប់ទាំងអារម្មណ៍ក្ដុកក្ដួលថា ទីផ្សារល្ខោនបាសាក់នាពេលបច្ចុប្បន្នស្ទើរតែត្រូវមហាជនបំភ្លេចជាបណ្ដើរទៅហើយ ខណៈដែលវង់ល្ខោនបាសាក់ដែលធ្លាប់តែរកកម្លាំងចេញសម្ដែងមិនបាន បែរជារកទីផ្សារដើម្បីចេញសម្ដែងលែងចង់ឃើញ។ នោះគឺដោយសារតែសិល្បៈបុរាណមួយនេះ កាន់តែត្រូវបានមហាជនមើលរំលង ស្របគ្នាដែលប្រពន្ធផ្សព្វផ្សាយនៅលើកញ្ចក់ទូរទស្សន៍ក៏គ្មានម៉ោងសម្រាប់ចាក់ផ្សាយល្ខោនបាសាក់ ដើម្បីផ្សព្វផ្សាយឱ្យក្មេងៗ និងយុវជនគាំទ្រ។ ធៀបនឹងអំឡុងទស្សន៍វត្សរ៍ឆ្នាំ80 លោកថាធ្លាក់ចុះស្ទើរតែដល់100 ដឺក្រេ តែលោកមិនបាក់ទឹកចិត្តហើយបោះបង់វង់ល្ខោនដែលខំបង្កើតឡើងនោះទេ គឺនៅតែបន្តតស៊ូ បើទោះជាអាជីពវង់ល្ខោននៅក្នុងពេលនេះ កាន់តែពិបាកប្រកួតប្រជែងនឹងសិល្បៈសម័យ។

លោកគ្រូ អុល សំអាង ក៏បន្តថា កាលពីឱ្យតែមានបុណ្យទានក្នុងវត្ត គេនិយមឱ្យតម្លៃលើល្ខោនបាសាក់ ប៉ុន្តែក្នុងមួយរយៈចុងក្រោយ គេងាកទៅដាក់ធុងបាស់ ឬ តន្ត្រីសម័យវិញ ដោយសារតែហេតុផលយុវវ័យដែលទៅលេងបុណ្យវត្តគាំទ្រតន្ត្រីសម័យខ្លាំងជាង ទើបទីផ្សារល្ខោនបាសាក់ចុះខ្សោយ។ លោកទទូចឱ្យតាមកញ្ចក់ទូរទស្សន៍ មានកម្មវិធីចាក់ផ្សាយពីល្ខោនបាសាក់ ដើម្បីបំផុសឱ្យក្រុមយុវវ័យងាកមកស្រលាញ់ និងគាំទ្រសិល្បៈបុរាណនេះ ទើបជំរុញឱ្យអ្នករៀបចំកម្មវិធីហ៊ានចំណាយជួលល្ខោនបាសាក់ច្រើនឡើងវិញ ដែលអាចឱ្យល្ខោនបាសាក់រស់ឡើងវិញ។ លោកថាល្ខោនបាសាក់មិនត្រឹមតែខ្សត់ទីផ្សារនោះទេ សូម្បីតែយុវជនដែលចាប់អារម្មណ៍មកស្នងសិល្បៈបុរាណនេះ ក៏ខ្សត់ណាស់ដែរ៕

May 27, 2019

ADB ផ្ដល់ឥណទានសម្បទានចំនួន7.64 លានដុល្លារ កសាងឧទ្យានថាមពលពន្លឺព្រះអាទិត្យ កម្លាំង100មេហ្គាវ៉ាត់

ធនាគារអភិវឌ្ឍន៍អាស៊ី ឬAsian Development bank(ADB) បានអនុម័តឥណទានសម្ប ទានចំនួន 7.64លានដុល្លារអាមេរិក ដើម្បីគាំទ្រដល់ការកសាងឧទ្យានថាមពលពន្លឺព្រះអាទិត្យ កម្លាំង100មេហ្គាវ៉ាត់នៅកម្ពុជាដែលគម្រោងនេះនឹងជួយកម្ពុជាអភិវឌ្ឍន៍ធនធានថាមពលកកើត ឡើងវិញ ធ្វើពិពិធកម្មប្រភពថាមពល និងពង្រឹងការប្រកួតប្រជែងនៃសេដ្ឋកិច្ចសង្គមរបស់ខ្លួន។ នេះ បើយោងតាមសេចក្ដីប្រកាសព័ត៌មានរបស់ធនាគារអភិវឌ្ឍន៍អាស៊ីចេញផ្សាយថ្ងៃទី24 ខែឧសភា ឆ្នាំ 2019។

សេចក្ដីប្រកាសព័ត៌មានបានឱ្យដឹងទៀតថា បន្ថែមពីលើឥណទានសម្បទានរបស់ ADB កញ្ចប់ហិរញ្ញប្បទានសម្រាប់គម្រោងឧទ្យានជាតិថាមពលពន្លឺព្រះអាទិត្យនេះ ក៏មានឥណទាន សម្បទានចំនួន 11លានដុល្លារ និង3លានដុល្លារជាហិរញ្ញប្បទានឥតសំណងផងដែរ។ ហិរញ្ញប្ប ទានឥតសំណងនេះទទួលបានពីមូលនិធិអាកាសធាតុយុទ្ធសាស្ត្រ តាមរយៈកម្មវិធីពង្រីកថាមពលកកើតឡើងវិញ។

បន្ថែមពីនេះទៀត ក៏មានហិរញ្ញប្បទានឥតសំណងសម្រាប់ជំនួយបច្ចេកទេសចំនួន 500, 000ដុល្លារដែលផ្ដល់ដោយមូលនិធិ e-Asia និងភាពជាដៃគូចំណេះដឹងនៃសាធារណរដ្ឋកូរ៉េ ដើម្បីគាំទ្រដល់ការអភិវឌ្ឍសមត្ថភាពរបស់អគ្គិសនីកម្ពុជា (EDC) និងអាជ្ញាធរអគ្គិសនីកម្ពុជា (EAC) ដែលជានិយតករអគ្គិសនីជាតិអំពីបច្ចេកវិទ្យាបំប្លែងពន្លឺទៅជាថាមពលអគ្គិសនី និងការរៀបចំផែនការឧទ្យានថាមពលពន្លឺព្រះអាទិត្យ។ ADB នឹងគ្រប់គ្រងធនធានទាំងអស់នេះ។

គម្រោងឧទ្យានជាតិថាមពលពន្លឺព្រះអាទិត្យនឹងជួយដល់ EDC ដែលជាសេវាផ្គត់ផ្គង់អគ្គិសនីជាតិរបស់កម្ពុជា អាចសាងសង់ឧទ្យានជាតិថាមពលពន្លឺព្រះអាទិត្យដែលមានកម្លាំង 100មេហ្គាវ៉ាត់ ព្រមទាំងហេដ្ឋារចនាសម្ព័ន្ធពាក់ព័ន្ធដទៃទៀត រួមមានជាអាទិ៍ ផ្លូវចេញចូល របង និងប្រព័ន្ធបង្ហូរទឹក ក្នុងខេត្តកំពង់ឆ្នាំង។ ADB បានជួយរៀបចំគម្រោងឧទ្យានជាតិថាមពលពន្លឺព្រះអាទិត្យនេះក្រោម ហិរញ្ញប្បទានឥតសំណងពីររដ្ឋាភិបាលកាណាដា និងសិង្ហបុរី។

គម្រោងនេះក៏នឹងកសាងប្រព័ន្ធបញ្ជូនអគ្គិសនីដែលតភ្ជាប់ទៅនឹងបណ្ដាញចែកចាយចម្បង នៅក្បែររាជធានីភ្នំពេញ ដែលនឹងអនុញ្ញាតឱ្យគម្រោងនេះអាចផ្គត់ផ្គង់ថាមពលទៅបណ្ដាញចែកចាយជាតិផងដែរ។

លោក Pradeep Tharakan ប្រធានក្រុមអ្នកឯកទេសខាងផ្នែកការប្រែប្រួលអាកាសធាតុរបស់ ADB មានប្រសាសន៍ឱ្យដឹងថា៖«ការមានប្រភពថាមពលដែលគួរឱ្យជឿជាក់បាន មាននិរន្តរភាព និងតម្លៃសមរម្យ មានសារៈសំខាន់ខ្លាំងណាស់ សម្រាប់ការអភិវឌ្ឍសេដ្ឋកិច្ច របស់ប្រទេសដែលកំពុងមានការរីកចម្រើនឆាប់រហ័សដូចកម្ពុជា។ ជំនួយរបស់ ADB នឹងមិនគ្រាន់តែជួយធ្វើពិពិធកម្មប្រភពថាមពលរបស់កម្ពុជាតាមរយៈការអភិវឌ្ឍថាមពលព្រះអាទិត្យប៉ុណ្ណោះទេ តែវាក៏នឹងជួយឱ្យកម្ពុជាសម្រេចបាននូវគោលដៅ កាត់បន្ថយឧស្ម័នផ្ទះកញ្ចក់របស់ខ្លួន យោងតាមកិច្ចព្រមព្រៀងស្ដីពីការប្រែប្រួលអាកាសធាតុនៅទីក្រុងប៉ារីសផងដែរ»។

ទោះបីជាមានវឌ្ឍនភាពគួរឱ្យកត់សម្គាល់ក្នុងការអភិវឌ្ឍបណ្ដាញថាមពលនៅកម្ពុជាក៏ដោយ ក៏ប្រជាពលរដ្ឋកម្ពុជាជិត 5លាននាក់នៅតែខ្វះលទ្ធភាពទទួលអគ្គិសនីប្រើប្រាស់ ព្រោះថាបើទោះបីកម្ពុជាមានពន្លឺព្រះអាទិត្យច្រើនក៏ដោយ ប៉ុន្តែសមត្ថភាពផលិតថាមពលអគ្គិសនីពីពន្លឺព្រះអាទិត្យ នាពេលបច្ចុប្បន្ន គឺបានត្រឹមតែ 10មេហ្គាវ៉ាត់ប៉ុណ្ណោះ។

ក្នុងឆ្នាំ2018 កម្ពុជាអាចផ្គត់ផ្គង់អគ្គិសនីតាមរយៈបណ្ដាញដែលបានដំឡើងរួចរាល់សរុបចំនួន 2175មេហ្គាវ៉ាត់ ដែលក្នុងនោះថាមពលពីវារីអគ្គិសនីមានចំនួន 1330មេហ្គាវ៉ាត់ ឬប្រមាណ62% និងការផលិតថាមពលអគ្គិសនីពីឥន្ធនៈហ្វូស៊ីលមានចំនួន 780មេហ្គាវ៉ាត់ ឬប្រមាណ36%។

តាមការសិក្សា ADBបានបង្ហាញឱ្យដឹងថា ប្រទេសកម្ពុជាអាចបន្ថែមថាមពលពន្លឺព្រះអាទិត្យ ប្រមាណ 200មេហ្គាវ៉ាត់ទៅក្នុងបណ្ដាញចែកចាយត្រឹមឆ្នាំ2021 ដោយប្រើប្រាស់បច្ចេកវិទ្យាដែល មានស្រាប់ និងដោយមិនប៉ះពាល់ដល់បណ្ដាញចែកចាយ៕

May 27, 2019

សាលារាជធានីភ្នំពេញ - អង្គការ JICA ចុះហត្ថលេខាលើគម្រោងអភិវឌ្ឍន៍ប្រព័ន្ធប្រឡាយលូទឹកកខ្វក់នៅបឹងជើងឯក

ឯកឧត្ដម ឃួង ស្រេង អភិបាលរាជធានីភ្នំពេញ និងលោកបណ្ឌិត អ៊ីតូ មិមប៉េអ៊ិ (Dr.lto Mimpei) ប្រធានដឹកនាំក្រុមការងារត្រៀមការសិក្សាស្រាវជ្រាវ នៃទីភ្នាក់ងារសហប្រតិបត្តិការ អន្តរជាតិជប៉ុន(JICA) របស់ប្រទេសជប៉ុន បានចុះហត្ថលេខាលើគម្រោងអភិវឌ្ឍន៍ប្រព័ន្ធប្រឡាយលូទឹកកខ្វក់នៅបឹងជើងឯកក្រោយពីការសិក្សាស្រាវជ្រាវអស់រយៈពេល12ខែ ត្រូវបានបញ្ចប់។

ឯកឧត្ដម ឃួង ស្រេង អភិបាលរាជធានីភ្នំពេញ បានបញ្ជាក់ថា៖ ឯកឧត្តមសូមអគុណចំពោះដៃគូអភិវឌ្ឍន៍ ទីភ្នាក់ងារសហប្រតិបត្តិការអន្តរជាតិជប៉ុនJICA ដែលតែងតែបន្ដជួយដល់កិច្ចដំណើរការអភិវឌ្ឍន៍សំខាន់ៗ និងបានថ្លែងអំណរគុណចំពោះរាជរដ្ឋាភិបាលជប៉ុន ដែលតែងតែលើកទឹកចិត្តបន្ដជួយឧបត្ថម្ភគាំទ្រដល់រដ្ឋបាលរាជធានីភ្នំពេញលើការអភិវឌ្ឍកសាងហេរដ្ឋារចនាសម្ព័ន្ធមួយចំនួន តាមរយៈកិច្ចសហប្រតិបត្តិការជំនួយហិរញ្ញប្បទាន កិច្ចសហប្រតិបត្តិការជំនួយបច្ចេកទេស និងកិច្ចសហប្រតិបត្តិការការទូតដែលជាការរួមចំណែកយ៉ាងសកម្មក្នុងការស្តារ និងអភិវឌ្ឍន៍រាជធានីភ្នំពេញកាន់តែរីកចម្រើនថែមទៀត។

ជាក់ស្តែងគម្រោងកែលម្អប្រព័ន្ធទឹកកខ្វក់ក្នុងរាជធានី ភ្នំពេញ ដែលគម្រោងនេះបានផ្តោតសំខាន់ទៅលើការធ្វើឱ្យប្រសើរឡើង និងការកែលម្អបរិស្ថានទីក្រុងប្រកបដោយប្រសិទ្ធភាព និរន្តរភាព ព្រមទាំងបានលើកកម្ពស់ដល់សោភណភាពរាជធានីភ្នំពេញក្នុងបរិស្ថានស្អាតប្រកបដោយផាសុកភាព និងសម្រួលដល់ការរស់នៅរបស់ប្រជាពលរដ្ឋ ជាពិសេសផ្តល់ភាពរីករាយដល់ប្រជាពលរដ្ឋទៀតផង។

ឯកឧត្ដម ឃួង ស្រេង បានបញ្ជាក់ថា រដ្ឋបាលរាជធានីភ្នំពេញ នៅតែបន្ដចាប់ដៃគូអភិវឌ្ឍន៍ដ៏ល្អជាមួយក្រុមការងារគម្រោងរបស់JICA រួមជាមួយមន្ទីរសាធារណការ និងដឹកជញ្ជូនរាជធានីភ្នំពេញ មន្ត្រីសាលារាជធានីភ្នំពេញ និងក្រុមហ៊ុនស៊ីធីអាយ(CTI) ដែលបានខិតខំប្រឹងប្រែងសិក្សាស្រាវជ្រាវអស់រយៈពេល 12ខែ រហូតបានបញ្ចប់ការសិក្សា និងដាក់ចេញជារបាយការណ៍បញ្ចប់សម្រាប់គម្រោងអភិវឌ្ឍន៍ប្រព័ន្ធប្រឡាយលូទឹកកខ្វក់នៅបឹងជើងឯកហើយឈានមកដល់ការចុះហត្ថលេខាលើព្រមព្រៀងរវាងភាគីទាំង2 នាពេលនេះ។

ឯកឧត្ដមបន្ដថា គម្រោងអភិវិឌ្ឍន៍ប្រព័ន្ធប្រឡាយលូទឹកកខ្វក់នៅបឹងជើងឯកនឹង ត្រូវក្លាយជាគម្រោងគំរូដំបូងបង្អស់ សម្រាប់រដ្ឋបាលរាជធានីភ្នំពេញ លើការកែច្នៃទឹកកខ្វក់ ក្នុងបរិមាណ 5000ម៉ែត្រគុបក្នុង 1ថ្ងៃ ដែលមានតួនាទីសំខាន់ក្នុងការកាត់បន្ថយការបំពុល បរិស្ថានមួយកម្រិតធំនៅភាគខាងជើងនៃរាជធានីភ្នំពេញ។ ឯកឧត្តមសង្ឃឹមថា គម្រោងនេះនឹងត្រូវបានអនុម័តជាផ្លូវការពីរាជរដ្ឋាភិបាលជប៉ុននាពេលឆាប់ៗខាងមុខនេះ។

លោកបណ្ឌិត អ៊ីតូ មិមប៉េអ៊ិ (Dr. lto Mimpei) បានមានប្រសាសន៍បន្ថែមថា ជាតិពុលដែលហូរចូលទៅក្នុងទន្លេបឹងបួ ធ្វើឱ្យប៉ះពាល់ដល់បរិស្ថាន និងសុខភាពប្រជាពលរដ្ឋ និងសត្វយ៉ាងខ្លាំងក្លា។ តាមលទ្ធផលនៃការស្រាវជ្រាវ ការស្តារបរិស្ថានឡើងវិញនេះ គឺត្រូវចំណាយថវិកាច្រើនលើសពីការវិនិយោគ។ បញ្ហានេះ ចំណុចសំខាន់យើងត្រូវធ្វើប្រព័ន្ធលូបង្ហូរទឹកនៅដំណាក់កាលបឋម ដើម្បីទប់ទល់នឹងការចំណាយច្រើននេះ។

លោកបានបន្តទៀតថា គម្រោងអភិវឌ្ឍន៍ប្រព័ន្ធប្រឡាយលូទឹកកខ្វក់នៅបឹងជើងឯកនេះអាចបន្សុទ្ធទឹកកខ្វក់បានក្នុង 1ថ្ងៃ 5,000ម៉ែត្រគុប។ ក្រៅពីការអភិវឌ្ឍផ្នែកខាងត្បូងហើយផ្នែកខាងជើងយើងក៏នឹងចូលរួមធ្វើការអភិវឌ្ឍផងដែរ។ លោកបានបញ្ជាក់ថា ក្រោយការចុះហត្ថលេខាលើ គម្រោងអភិវឌ្ឍន៍ប្រព័ន្ធប្រឡាយលូទឹកកខ្វក់នៅបឹងជើងឯកនេះរួច យើងនឹងបញ្ជូនទៅឱ្យរាជរដ្ឋាភិបាលជប៉ុនដើម្បីធ្វើការអនុម័តជាចុងក្រោយ៕

May 27, 2019

Sony Xperia 10 ដាក់លក់ក្នុងតម្លៃធូរថ្លៃ លើ Amazon និង Best Buy

Sony Xperia 10 បានដាក់លក់នៅលើវេបសាយលក់រាយ Amazon និង Best Buyក្នុងតម្លៃ 300 ទៅ 350ដុល្លារ ព្រមទាំងមានជម្រើស RAM 3GB មេម៉ូរី 64GBទៀតផង។ លោកអ្នកអាចកម្ម៉ង់ទិញតាម link ខាងក្រោមនេះបាន៖

https://www.amazon.com/gp/offer-listing/B07QJDCMPZ?SubscriptionId=AKIAJV7NECSNR3W5NIWA&tag=phone1e1d-20&linkCode=xm2&camp=2025&creative=386001&creativeASIN=B07QJDCMPZ

ស្មាតហ្វូនស៊េរី Xperia 10 នេះបានបង្ហាញខ្លួនកាលពីដើមឆ្នាំ2019 មានមុខងារពិសេសលើកាមេរ៉ា ជាពិសេសអេក្រង់។ កាមេរ៉ាក្រោយភ្លោះ 13MP+5MP អាចថតវីដេអូ 4K UHD ប្រើឈីប Snapdragon 630 លើសពីនេះបើលោកអ្នកកុម្ម៉ង់ទិញតាមអនឡាញ នឹងមានថែមមេម៉ូរីកាត 128GB មួយសន្លឹកទៀតផង៕

May 27, 2019

Asus Zenfone 6 កាមេរ៉ាបង្វិលមុខ-ក្រោយ ប្លែកពីគេ!

ថ្មីៗនេះក្រុមហ៊ុន Asus បានប្រកាសចេញ Zenfone 6 ដែលរចនារូបរាងឡើងប្លែក គឺ មានកាមេរ៉ាមុខបង្វិលមុខ-ក្រោយ។

ម៉ូដែលថ្មីនេះមានតម្លៃខ្ទង់ 560ដុល្លារ(លក់នៅបរទេស)មានជម្រើស RAM និងមេម៉ូរីផ្សេងគ្នា(RAM 6GB មេម៉ូរី 128GB និង RAM 8GB មេម៉ូរី 256GB) ប្រើបន្ទះឈីប Snapdragon 855។

Zenfone6 បំពាក់អេក្រង់ LCD អាចបង្ហាញកម្រិតរូបភាពបាន 1080 ភិកសែល។ វាមានថាមពលថ្ម 5000 mAh មានលោតភ្លើង LED ជុំវិញពេលមាន Notification មានរន្ធដោតកាស 3,5 mm ដើរដោយ Android 9.0 ឯកាមេរ៉ាក្រោយទំហំ 48MP ប្រើសេនស័រ SONY IMX586 មានដាក់ឡេនស៍ Ultra-Wide angle ថតបានធំទូលាយ មានមុខងារ OIS ទប់លំនឹងបានយ៉ាងល្អទៀតផង៕

May 27, 2019

Vivo Z5x តម្លៃត្រឹម 200ដុល្លារ តែច្នៃប្រឌិតកាមេរ៉ាមុខប្រភេទទម្លុះអេក្រង់

ក្រុមហ៊ុន Vivo បានងាកមកច្នៃប្រឌិតរចនាប័ទ្មកាមេរ៉ាមុខប្រភេទទម្លុះអេក្រង់លើម៉ូដែលថ្មី Z5x ដែលទើបនឹងចេញផ្សាយនៅប្រទេសចិនកាលពីពេលថ្មីៗនេះ។

Vivo Z5x ប្រើអេក្រង់ទំហំ 6,5 អ៊ីញប្រភេទ LCD កម្រិតមានកាមេរ៉ាមុខចោះក្នុងអេក្រង់ទំហំ 16MP មាន Apeture f/2.0 ស្របពេលកាមេរ៉ាក្រោយ 3 គ្រាប់មានឡេនស៍មេទំហំ 16MP (f/1.78) គ្រាប់ទី2 ទំហំ 8MP (f/2.2) និងគ្រាប់ទី3 2MP (f/2.4)។ វាប្រើប្រាស់បន្ទះឈីប Qualcomm Snapdragon 710 មានជម្រើស RAM 4/6/8GB និងអង្គផ្ទុកទំហំ 64/128GB ប្រភេទ UFS 2.1 ថាមពលថ្មធំ 5000mAh គាំទ្រមុខងារសាកថ្មរហ័សកម្លាំង 18វ៉ាត់។

Vivo Z5x ដំណើរការលើប្រព័ន្ធប្រតិបត្តិ Android 9 Pie ស្របផ្ទៃកម្មវិធី Funtouch 9 និងដាក់លក់នៅទីផ្សារចិនចាប់ពីថ្ងៃទី1 មិថុនាតទៅ។ ចំពោះតម្លៃមានចាប់ពី 202 ដុល្លារ ឡើងដល់ 289 ដុល្លារ ទៅតាមប្រភេទនៃ RAM និងមេម៉ូរី៕

May 27, 2019

ក្រុមហ៊ុន Google ខាតច្រើនគួរសម ពេលឈប់រកស៊ីជាមួយក្រុមហ៊ុន Huawei

តាមការស្រាវជ្រាវពីក្រុមហ៊ុន Normura Instinet របស់អាមេរិកបានប៉ាន់ប្រមាណថាពេលដែល Google ឈប់រកស៊ីជាមួយ Huawei Googleបានបាត់បង់ចំណូលប្រមាណពី 375 ទៅ 425លានដុល្លារដែលបាន Play Store។ ហើយចំនួននេះមិនគិតកម្រៃពីសេវាកម្មផ្សេងៗដូចជា Gmail, Photos និង YouTube ផង។

ក្រុមហ៊ុន Normura Instinet ក៏បានឱ្យដឹងដែរថា បច្ចុប្បន្ន Huawei មានអ្នកប្រើប្រាស់សរុបប្រមាណ 500 លាននាក់ នៅទូទាំងសកលលោក ហើយមាន 52% គឺអ្នកប្រើប្រាស់នៅក្នុងប្រទេសចិន ជាប្រទេសមួយដែលគ្មាន Google Play Store។

គួរបញ្ជាក់ដែរថា ក្នុងរយៈពេល 83ថ្ងៃខាងមុខទៀតនេះ Google នឹងកាត់ផ្ដាច់ទំនាក់ទំនងជាផ្លូវការជាមួយ Huawei ដែលធ្វើឱ្យស្មាតហ្វូន Huawei នាពេលអនាគតមិនអាចអាប់ដេតប្រព័ន្ធប្រតិបត្តិការ Android ជំនាន់ថ្មី ឬប្រើសេវាកម្ម Google បានតទៅទៀតឡើយ៕

May 27, 2019

ម្ចាស់មេដាយមាស ម៉ូតូទឺកកម្ពុជាមានប្រវត្តមិនធម្មតា សរុបមេដាយមាសទាំងអស់១៥

ប្រភេទកីឡាម៉ូតូទឹកក្នុងព្រឹត្តិការណ៍កីឡាទ្វីបអាស៊ីនៅប្រទេសឥណ្ឌូនេស៊ីបានបញ្ចប់ហើយ ដោយកីឡាករ សាលី អ៊ូមើត ដណ្ដើមបានមេដាយមាស1 និងមេដាយសំរឹទ្ធ1។

ម្ចាស់មេដាយមាសកម្ពុជា សាលី អ៊ូមើត អាយុ 26ឆ្នាំ មានដើមកំណើតមកពីខេត្តត្បូងឃ្មុំ មានកម្ពស់ 1ម៉ែត្រ 66សង់ទីម៉ែត្រ ទម្ងន់ 55គីឡូក្រាម។

ធ្លាប់ឈ្នះជើងឯក និងទទួលបានពានរង្វាន់ជាតិ និងអន្តរជាតិជាច្រើនដូចខាងក្រោម៖

Thailand Tour
2012៖ ជើងឯក EXPERT RUNABOUT LIMITED
2012៖ ជើងឯក RUNABOUT OPEN
2011៖ ជើងឯក AMATURE SKILIMITED
2011៖ ជើងឯក NOVICE RUNABOUT 4 STROKE STOCK
2010៖ ជើងឯក NOVIVE SKI2 STROCK
2010៖ ជើងឯក AMATURE SKILIMITED
2009៖ ជើងឯក BEGINNER SKI2 STROKE STOCK

Malaysia Jet Ski
2010៖ ជើងឯក NOVICE RUNABOUT 4 STROKE STOCK

World Championship Lake Havasu Arizona សហរដ្ឋអាមេរិក
2013៖ ជើងឯក PRO AM SKISTOCK
2013៖ ជើងឯក PRO AM SKI LIMITED
2013៖ ជើងឯក EXPERT SKI OPEN
2012៖ ជើងឯក AMATEUR RUNABOUT LIMITED
2011៖ ជើងឯក NOVICE RUNABOUT 4 STROKE STOCK
2011៖ ជើងឯក NOVICE EXPERT SKI OPEN
2011៖ លេខ៣ AMATEUR RUNABOUT LIMITED

May 27, 2019

ផលិតផលគ្រឿងសម្អាងធម្មជាតិ “Think Nature” បើកសម្ពោធហាងថ្មីនៅផ្សារទំនើប Midtown

Think Nature គឺជាម៉ាកផលិតផលធម្មជាតិ រួមមានផលិតផលថែរក្សាសក់ដែលជួយកាត់បន្ថយសក់ជ្រុះយ៉ាងមានប្រសិទ្ធភាព ព្រមទាំងផលិតផលថែរក្សាស្បែកដែលជួយឲ្យស្បែកសម៉ដ្ឋរលោងតាមបែបធម្មជាតិ និងកាត់បន្ថយស្នាមជជ្រីវជ្រួញ។ឥឡូវនេះផលិតផលគ្រឿងសម្អាងធម្មជាតិរបស់ប្រទេសកូរ៉េដែលល្បីល្បាញនៅប្រទេសកូរ៉េ ចិន និងតៃវ៉ាន់រួចមកហើយមួយនេះបានបើកដំណើរការហាងទី១ របស់ខ្លួននៅផ្សារទំនើប Midtown។

ជាពិសេសក្នុងដំណើរការនៃការបើកសម្ពោធហាងសាកល្បង Think Nature នឹងផ្តល់នូវកម្មវិធីពិសេសៗដូចជា ទិញ១ថែម១ ព្រមទាំងទទួលកាដូផ្សេងៗជាច្រើនរាល់ការចំណាយចាប់ពី ១០ដុល្លារ ដល់ ៥០ដុល្លារ។ កម្មវិធីនេះនឹងចាប់ផ្តើមពីថ្ងៃទី២៦ ខែឧសភា ឆ្នាំ ២០១៩ ដល់ ថ្ងៃទី០២ ខែមិថុនា ឆ្នាំ ២០១៩។

ផលិតផល Think Nature ជាផលិតផលថែរក្សាសក់ និងរាងកាយដែលមានសុវត្ថិភាពបំផុតសម្រាប់ទារក ស្រ្តីមានផ្ទៃពោះ និងអ្នកដែលគិតពីសម្រស់ផង និងសុខភាពផងនៅក្នុងប្រទេសកម្ពុជាព្រោះវាជាផលិតផលដែលគ្មានសារធាតុគីមីគ្រោះថ្នាក់ដល់សុខភាព គ្មានពណ៌ និងក្លិនសិប្បនិម្មិតឡើយ។

ការផ្តល់ជូនកម្មវិធីពិសេសនេះជាឱកាសដ៏ល្អបំផុតសម្រាប់អតិថិជនទាំងអស់ដែលចាប់អារម្មណ៍ចំពោះផលិតផលធម្មជាតិ Think Nature នេះ។

អាសយដ្ឋាន៖ ហាង G14 ក្នុងផ្សារទំនើប Midtown ផ្លូវ ២០០៤ កែងផ្លូវ១៣B សង្កាត់ទឹកថ្លា ខណ្ឌសែនសុខ រាជធានីភ្នំពេញ។

May 27, 2019

ជួយគាំទ្រ និងលើកទឹកចិត្តដល់បេក្ខតំណាងប្រទេសកម្ពុជា តាមរយៈការបោះឆ្នោត Mister United Worldឆ្នាំ2019

ស្របពេលដែលប្រុសស្អាតកម្ពុជា គឺលោក អុិត សុធា កំពុងប្រកួតប្រជែងតំណាងកម្ពុជា នៅក្នុងកម្មវិធី Mister United Worldឆ្នាំ2019ដែលប្រទេសថៃ ធ្វើជាម្ចាស់ផ្ទះ មានការរំពឹងយ៉ាងខ្លាំងថាលោកនឹងអាចលេចធ្លោរនៅក្នុងវិញ្ញាសារមួយ។ ស្របគ្នាដែលអ្នករៀបចំបញ្ជូនលោកទៅ បានទម្លាយឱ្យឃើញពីការគ្រងឈុតបុរាណ ដែលមើលទៅស្រស់ស្អាត និងហំហាន មិនអន់ជាងបេក្ខភាពមកពីប្រទេសផ្សេងផង គឺរឹតតែធ្វើឱ្យមានការជឿជាក់។

ក្នុងនោះ វិញ្ញាសាតម្រូវឱ្យអ្នកគាំទ្រ ចុច Share និង like ទៅលើរូបថតរបស់លោក ក៏កំពុងត្រូវបានអ្នកគាំទ្រចាប់អារម្មណ៍ខ្លាំងដែរ ដើម្បីជួយលោកឱ្យមានឱកាសគ្រងពានប្រជាប្រិយភាពតាមរយៈការ Like មួយ ទទួលបាន1ពិន្ទុ និងការ Share មួយ ទទួលបាន3ពិន្ទុ។

គួរបញ្ជាក់ថា កម្មវិធី Mister United Word ឆ្នាំ2019 នេះ ធ្វើឡើងនៅក្រុងប៉ាតាយ៉ា ប្រទេសថៃ ចាប់ពីថ្ងៃទី22 ដល់ថ្ងៃទី27ខែឧសភា ដោយកម្មវិធី កំពុងទទួលបានការចាប់អារម្មណ៍ យ៉ាងខ្លាំង ក្នុងក្រសែភ្នែកអ្នកតាមដាន។ បេក្ខជនមកពីប្រទេសជាច្រើនដែលចូលរួមនៅក្នុងព្រឹត្តិការណ៍នេះរួមមាន ថៃ ស្រីលង្កា វៀតណាម ហ្វីលីពីន ឡាវ រុស្ស៊ី អ៊ុយក្រែន ឥណ្ឌា លីបង់ មីយ៉ាន់ម៉ា ហ្សកដានី តៃវ៉ាន់ បែលហ្សិក អាមេរិក និងកម្ពុជា។ បេក្ខភាពតំណាងកម្ពុជា គឺលោក អុិត សុធា មានអាយុ 25ឆ្នាំ កម្ពស់ 1,74សង់ទីម៉ែត្រ និងទម្ងន់82គីឡូក្រាម។ លោកនឹងគ្រងឈុតបុរាណដ៍ល្អឯកមួយ ក្រោមការផលិត និងស្ពុនស័រ ដោយម្ចាស់បន្ទប់ពិគ្រោះព្យាបាលជំងឺមាត់ធ្មេញ វីលៀម ដែលមានឯកទេសក្នុងការដំឡើង និងកែច្នៃឈុតបុរសនៅក្នុងសម័យបុរាណ៕

#សូមចុចទីនេះ ៖ https://www.facebook.com/Mr.unitedworlds/photos/a.438874100009308/438874230009295?type=3&sfns=mo

May 26, 2019

Author: អេបិល